Cine World
ದಕ್ಷಿಣ ಭಾರತದ ಅತ್ಯಂತ ಜನಪ್ರಿಯ ನಟಿ ಆಗಿರುವ ಸಾಯಿ ಪಲ್ಲವಿ ಅವರು ಪಿಆರ್‌ ಏಜೆನ್ಸಿಗಳನ್ನು ತಮ್ಮಿಂದ ದೂರ ಇಟ್ಟಿರುವ ನಟಿ. ಅದಕ್ಕೆ ಕಾರಣವನ್ನು ಈಗ ನೀಡಿದ್ದಾರೆ.
ನಿತೇಶ್ ತಿವಾರಿ ನಿರ್ದೇಶನದ 'ರಾಮಾಯಣ' ಚಿತ್ರದಲ್ಲಿ ದಕ್ಷಿಣ ಭಾರತದ ನಟಿ ಸಾಯಿ ಪಲ್ಲವಿ ಸೀತೆಯಾಗಿ ನಟಿಸುತ್ತಿದ್ದಾರೆ.
ಪ್ರಸಿದ್ಧಿಯಿಂದ ದೂರ ಉಳಿಯಲು ಬಯಸುವ ಅವರು ನಿರಂತರವಾಗಿ ಲೈಮ್‌ಲೈಟ್‌ನಲ್ಲಿರುವ ಒತ್ತಡವನ್ನು ತಡೆಯಲಾಗದು, ನನ್ನ ವೈದ್ಯಕೀಯ ಪದವಿ ನನಗೆ ಸರಳವಾಗಿರಲು ಸಹಾಯ ಮಾಡಿದೆ ಎಂದು ಹೇಳಿದ್ದಾರೆ.
ತಮ್ಮ ಚೊಚ್ಚಲ ಪ್ರೇಮಂ ಮಲಯಾಳಂ ಚಿತ್ರದ ನಂತರ ತಕ್ಷಣ ಹೊಸ ಚಿತ್ರಕ್ಕೆ ಸಹಿ ಹಾಕಲು ಹೇಳಿದರು, ಆದರೆ ಯಾವುದೇ ಒತ್ತಡವಿಲ್ಲದೆ ಕಾಲೇಜು ಮುಗಿಸಲು ಬಯಸಿದ್ದೆ ಎಂದಿದ್ದಾರೆ ಸಾಯಿ ಪಲ್ಲವಿ.
ಬಾಲಿವುಡ್‌ನಲ್ಲಿ ನನಗೆ ತಿಳಿದಿರುವ ಓರ್ವ ಮಹಿಳೆ ನನಗಾಗಿ ಪಿಆರ್‌ ಸಂಸ್ಥೆಯನ್ನು ನೇಮಿಸಿಕೊಳ್ಳಲು ಹೇಳಿದರು. ಆದರೆ ನನಗೆ ಅದು ಅಗತ್ಯವಿಲ್ಲ ಎಂದು ಅನಿಸಿತು ಎನ್ನುತ್ತಾರೆ ಸಾಯಿ.
ನಾನು ಚಿತ್ರಗಳಲ್ಲಿ ನಟಿಸುವಾಗ ಸಂದರ್ಶನಗಳನ್ನು ನೀಡುತ್ತೇನೆ. ಹಾಗಿದ್ದಾಗ ನನಗೆ ಏಕೆ ವಿಶೇಷವಾಗಿ PR ಸಂಸ್ಥೆ ಬೇಕು ಎಂದು ಕೇಳಿದೆ.ಅದಕ್ಕೆ ಅವರ ಬಳಿಯೂ ಸ್ಪಷ್ಟ ಉತ್ತರವಿರಲಿಲ್ಲ ಎಂದರು ಸಾಯಿ.
ನಾನು ಚಿತ್ರಗಳಲ್ಲಿ ನಟಿಸದಿದ್ದಾಗಲೂ ನನ್ನ ಬಗ್ಗೆ ಮಾತನಾಡುವುದು ಅಗತ್ಯ ಎಂದು ಅವರು ಹೇಳಿದರು ಏಕೆ ಎಂದು ಕೇಳಿದೆ. ಎಲ್ಲರೂ ನನ್ನ ಬಗ್ಗೆ ಮಾತನಾಡಿದರೆ ಅದು ನನಗೆ ಬೇಸರವಾಗುವುದಿಲ್ಲವೇ? ಎಂದಿದ್ದಾರೆ ಸಾಯಿ.
ಸಾಯಿ ಪಲ್ಲವಿ ಅವರ ಮುಂದಿನ ಚಿತ್ರ 'ರಾಮಾಯಣ' ಸುಮಾರು 835 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣವಾಗುತ್ತಿದೆ. ಇದರಲ್ಲಿ ರಣಬೀರ್ ಕಪೂರ್, ಯಶ್, ಸನ್ನಿ ಡಿಯೋಲ್, ಅರುಣ್ ಗೋವಿಲ್ ಮುಂತಾದ ನಟರು ನಟಿಸುತ್ತಿದ್ದಾರೆ.
ಇದರ ಜೊತೆ ದೀಪಾವಳಿಗೆ ಮುನ್ನ ಬಿಡುಗಡೆಯಾಗಲಿರುವ 'ಅಮರನ್' ಚಿತ್ರದಲ್ಲಿ ಶಿವಕಾರ್ತಿಕೇಯನ್ ಜೊತೆ ನಟಿಸಿದ್ದಾರೆ ಸಾಯಿ ಪಲ್ಲವಿ.