ಪ್ರೊ ಕಬಡ್ಡಿ ಲೀಗ್ ಟೂರ್ನಿಯಲ್ಲಿ ಫಾರ್ಮ್‌ಗೆ ಮರಳಿದ ಪ್ರದೀಪ್ ನರ್ವಾಲ್
ದಬಾಂಗ್ ಡೆಲ್ಲಿ ಎದುರು 22 ಅಂಕ ಗಳಿಸಿ ಬೀಗಿದ ನರ್ವಾಲ್
ದಬಾಂಗ್ ಡೆಲ್ಲಿ ಎದುರು ಯುಪಿ ಯೋಧಾಗೆ ಭರ್ಜರಿ ಜಯಭೇರಿ
ಪುಣೆ(ನ.17): ಪ್ರೊ ಕಬಡ್ಡಿಯಲ್ಲಿ ಸಾರ್ವಕಾಲಿಕ ಅಧಿಕ ರೈಡಿಂಗ್‌ ಅಂಕಗಳನ್ನು ಪಡೆದಿರುವ ಪ್ರದೀಪ್ ನರ್ವಾಲ್ 9ನೇ ಆವೃತ್ತಿಯಲ್ಲಿ ಮೊದಲ ಬಾರಿಗೆ ತಮ್ಮ ಅಸಲಿ ಆಟ ಪ್ರದರ್ಶಿಸಿದ್ದಾರೆ. ಪ್ರದೀಪ್‌ರ ಸಾಹಸಕ್ಕೆ ಬೆಚ್ಚಿ ಬಿದ್ದ ದಬಾಂಗ್ ಡೆಲ್ಲಿ ಬುಧವಾರ ನಡೆದ ಪಂದ್ಯದಲ್ಲಿ ಯು.ಪಿ.ಯೋಧಾಸ್‌ಗೆ 31-50ರ ಅಂತರದಲ್ಲಿ ಶರಣಾಯಿತು.
ಪ್ರದೀಪ್ ಬರೋಬ್ಬರಿ 22 ರೈಡ್‌ ಅಂಕ ಕೊಳ್ಳೆ ಹೊಡೆದರು. ಪಂದ್ಯದ 15 ನಿಮಿಷಗಳೊಳಗೆ ಸೂಪರ್‌-10 ಪೂರೈಸಿದ ಪ್ರದೀಪ್, ಡೆಲ್ಲಿ 2 ಬಾರಿ ಆಲೌಟ್‌ ಆಗಲೂ ಕಾರಣರಾದರು. ಮೊದಲಾರ್ಧದಲ್ಲೇ ದೊಡ್ಡ ಮುನ್ನಡೆ ಪಡೆದ ಡೆಲ್ಲಿ, ದ್ವಿತೀಯಾರ್ಧದಲ್ಲಿ ತನ್ನ ಆಟಕ್ಕೆ ಮತ್ತಷ್ಟುವೇಗ ತುಂಬಿ ಗೆಲುವು ಸಾಧಿಸಿತು. ಡೆಲ್ಲಿಯ ‘ನವೀನ್‌ ಎಕ್ಸ್‌ಪ್ರೆಸ್‌’ ಖ್ಯಾತಿಯ ನವೀನ್‌ ಕುಮಾರ್‌ ಕೇವಲ 8 ರನ್‌ ಅಂಕ ಗಳಿಸಿದರು. ಬುಧವಾರದ ಮೊದಲ ಪಂದ್ಯದಲ್ಲಿ ಪಾಟ್ನಾ ಪೈರೇಟ್ಸ್‌ ಹಾಗೂ ತಮಿಳ್‌ ತಲೈವಾಸ್‌ 33-33 ಅಂಕಗಳಲ್ಲಿ ಟೈಗೆ ತೃಪ್ತಿಪಟ್ಟವು.
1️⃣ A mouth-watering tie
2️⃣ Yoddhas' utter dominance
How's your team faring after the end of the Pune leg? pic.twitter.com/MIOikAvJMX
ಪುಣೆ ಚರಣ ಅಂತ್ಯ: ಬುಧವಾರ ಪುಣೆ ಚರಣ ಮುಕ್ತಾಯಗೊಂಡಿತು. ಶುಕ್ರವಾರದಿಂದ ಹೈದರಾಬಾದ್‌ ಚರಣ ಆರಂಭಗೊಳ್ಳಲಿದೆ.
ಐಟಿಟಿಎಫ್‌ ಅಥ್ಲೀಟ್ಸ್‌ ಸಂಸ್ಥೆಗೆ ಶರತ್‌ ಆಯ್ಕೆ
ನವದೆಹಲಿ: ಅಂತಾರಾಷ್ಟ್ರೀಯ ಟೇಬಲ್‌ ಟೆನಿಸ್‌ ಫೆಡರೇಷನ್‌(ಐಟಿಟಿಎಫ್‌)ನ ಅಥ್ಲೀಟ್‌ಗಳ ಸಮಿತಿಗೆ ಅಚಂತಾ ಶರತ್‌ ಕಮಲ್‌ ಆಯ್ಕೆಯಾಗಿದ್ದಾರೆ. ಈ ಸಮಿತಿಯಲ್ಲಿ ಸ್ಥಾನ ಪಡೆದ ಮೊದಲ ಭಾರತೀಯ ಎನ್ನುವ ಹಿರಿಮೆಗೆ ಪಾತ್ರರಾಗಿದ್ದಾರೆ. ಅಥ್ಲೀಟ್‌ಗಳ ಕ್ಷೇಮಾಭಿವೃದ್ಧಿ, ಕ್ರೀಡೆ ಹಾಗೂ ಕ್ರೀಡೆಯೇತರ ವೃತ್ತಿಬದುಕಿಗೆ ನೆರವು ನೀಡುವಿಕೆ ಸೇರಿ ಇತ್ಯಾದಿ ಕಾರ್ಯಗಳಲ್ಲಿ ಸಮಿತಿಯು ತೊಡಗಿಸಿಕೊಳ್ಳಲಿದೆ. 2022ರಿಂದ 2026ರ ವರೆಗೂ ಶರತ್‌ ಈ ಸಮತಿಯಲ್ಲಿ ಕಾರ‍್ಯನಿರ್ವಹಿಸಲಿದ್ದಾರೆ.
ಕನ್ನಡತಿ, ತಾರಾ ಕ್ರಿಕೆಟರ್ ರಾಜೇಶ್ವರಿ ಗಾಯಕ್ವಾಡ್‌ಗೆ ಒಲಿದ ಗೌರವ ಡಾಕ್ಟರೇಟ್
ವಿಶ್ವಕಪ್‌: ಬೆಲ್ಜಿಯಂ ತಂಡಕ್ಕೆ ಭಾರತೀಯ ಫಿಟ್ನೆಸ್‌ ಕೋಚ್‌!
ನವದೆಹಲಿ: ಫಿಫಾ ಫುಟ್ಬಾಲ್‌ ವಿಶ್ವಕಪ್‌ನಲ್ಲಿ ಆಡಲಿರುವ ವಿಶ್ವ ನಂ.2 ಬೆಲ್ಜಿಯಂ ತಂಡದ ಫಿಟ್ನೆಸ್‌ ಕೋಚ್‌ ಆಗಿ ಭಾರತದ ವಿನಯ್‌ ಮೆನನ್‌ ಕಾರ‍್ಯನಿರ್ವಹಿಸಲಿದ್ದಾರೆ. ಕೇರಳದ ಎರ್ನಾಕುಲಂ ಮೂಲದವರಾದ ವಿನಯ್‌, ಪುಣೆಯಲ್ಲಿ ಯೋಗಾ ತರಬೇತುದಾರರಾಗಿದ್ದರು. ಬಳಿಕ ದುಬೈಗೆ ಸ್ಥಳಾಂತರಗೊಂಡು ಫೈವ್‌ ಸ್ಟಾರ್‌ ರೆಸಾರ್ಟ್‌ವೊಂದರಲ್ಲಿ ಕೆಲಸ ಮಾಡಿದ್ದರು. ಆ ನಂತರ ಇಂಗ್ಲೆಂಡನ ಚೆಲ್ಸಿ ಫುಟ್ಬಾಲ್‌ ಕ್ಲಬ್‌ಗೆ ಸೇರ್ಪಡೆಗೊಂಡು ಹಲವು ವರ್ಷಗಳ ಕಾಲ ಕಾರ‍್ಯನಿರ್ವಹಿಸಿದ್ದರು. 48 ವರ್ಷದ ವಿನಯ್‌ ಬೆಲ್ಜಿಯಂ ತಂಡಕ್ಕೆ ಯೋಗಾ ಸೇರಿದಂತೆ ಹಲವು ಫಿಟ್ನೆಸ್‌ ತರಬೇತಿಗಳನ್ನು ನೀಡುತ್ತಿದ್ದಾರೆ.