ಖೇಲೋ ಇಂಡಿಯಾ ಕ್ರೀಡಾಕೂಟದಲ್ಲಿ ಕರ್ನಾಟಕದ ಪದಕ ಬೇಟೆ ಮುಂದುವರಿದಿದೆ. 5ನೇ ದಿನ 10 ಪಂದಕ ಗೆದ್ದ ರಾಜ್ಯದ ಈಜುಪಟುಗಳು ಹೊಸ ದಾಖಲೆ ಬರೆದಿದ್ದಾರೆ.
ಪುಣೆ(ಜ.15): ಇಲ್ಲಿ ನಡೆಯುತ್ತಿರುವ 2ನೇ ಆವೃತ್ತಿಯ ಖೇಲೋ ಇಂಡಿಯಾ ಕಿರಿಯರ ಕ್ರೀಡಾಕೂಟದಲ್ಲಿ ಕರ್ನಾಟಕದ ಸ್ಪರ್ಧಿಗಳು ಪದಕಗಳ ಕೊಳ್ಳೆ ಹೊಡೆಯುತ್ತಿದ್ದಾರೆ. ಕೂಟದ 5ನೇ ದಿನವಾದ ಸೋಮವಾರ ರಾಜ್ಯ ಈಜು ಸ್ಪರ್ಧಿಗಳು 6 ಚಿನ್ನ, 2 ಬೆಳ್ಳಿ ಹಾಗೂ 2 ಕಂಚಿನೊಂದಿಗೆ ಒಟ್ಟು 10 ಪದಕ ಜಯಿಸಿದರು. ಕರ್ನಾಟಕ ತಂಡ 25 ಚಿನ್ನ, 22 ಬೆಳ್ಳಿ, 13 ಕಂಚಿನೊಂದಿಗೆ 60 ಪದಕ ಗೆದ್ದು ಪದಕ ಪಟ್ಟಿಯಲ್ಲಿ 4ನೇ ಸ್ಥಾನ ಪಡೆದಿದೆ.
ಇದನ್ನೂ ಓದಿ: ಮೇರಿ ಕೋಮ್’ಗೆ ಒಲಿದ ಗೌರವ ಡಾಕ್ಟರೇಟ್
ಈಜು ಸ್ಪರ್ಧೆಯಲ್ಲಿ ರಾಜ್ಯದ ಈಜುಪಟುಗಳು ಒಟ್ಟಾರೆ 41 ಪದಕ ಗೆದ್ದಿದ್ದಾರೆ. ಇದರಲ್ಲಿ 18 ಚಿನ್ನ, 14 ಬೆಳ್ಳಿ ಹಾಗೂ 9 ಕಂಚು ಸೇರಿವೆ. ಮೊದಲ ಆವೃತ್ತಿಯಲ್ಲಿ ಸಮಗ್ರ ಪ್ರಶಸ್ತಿ ಗೆದ್ದಿದ್ದ ಕರ್ನಾಟಕ ತಂಡ, 2ನೇ ಆವೃತ್ತಿಯಲ್ಲೂ ಅದೇ ಹಾದಿಯಲ್ಲಿ ಸಾಗುತ್ತಿದೆ.
ಮುಂದುವರಿದ ಪ್ರಾಬಲ್ಯ: ರಾಜ್ಯದ ಈಜು ಪಟುಗಳಾದ ಸಂಜಯ್‌, ಲಿಖಿತ್‌, ದೀಕ್ಷಾ ಸೇರಿದಂತೆ ಇತರರು ಚಿನ್ನದ ಪದಕಕ್ಕೆ ಮುತ್ತಿಟ್ಟರು. ಅಂಡರ್‌ 17 ಬಾಲಕರ 200 ಮೀ. ಬಟರ್‌ಫ್ಲೈನಲ್ಲಿ ಕರ್ನಾಟಕದ ಸಂಜಯ್‌ ಸಿ.ಜೆ. ಚಿನ್ನ ಗೆದ್ದರು. 50 ಮೀ. ಬ್ರೆಸ್ಟ್‌ ಸ್ಟೊ್ರೕಕ್‌ನಲ್ಲಿ ಪಸುಮರ್ತೆ ಕುಶಾಲ್‌ ಕಂಚಿಗೆ ತೃಪ್ತಿಪಟ್ಟರು. 4/100 ಮೀ. ಫ್ರೀಸ್ಟೈಲ್‌ನಲ್ಲಿ ಕುಶಾಲ್‌, ಮೋಹಿತ್‌, ಸಂಭವ್‌ ಮತ್ತು ಸಂಜಯ್‌ ಅವರನ್ನೊಳಗೊಂಡ ತಂಡ ಕಂಚು ಗಳಿಸಿತು. ಅಂಡರ್‌-21 ವಿಭಾಗದ 200 ಮೀ. ಬಟರ್‌ಫ್ಲೈನಲ್ಲಿ ಅವಿನಾಶ್‌ ಮಣಿ ಬೆಳ್ಳಿ ಜಯಿಸಿದರು. 50 ಮೀ. ಬ್ರೆಸ್ಟ್‌ಸ್ಟೊ್ರೕಕ್‌ನಲ್ಲಿ ಹಾಗೂ 50 ಮೀ. ಫ್ರೀಸ್ಟೈಲ್‌ನಲ್ಲಿ ಲಿಖಿತ್‌ ಎಸ್‌.ಪಿ, ಚಿನ್ನಕ್ಕೆ ಮುತ್ತಿಟ್ಟರು. 4/100 ಮೀ. ಫ್ರೀಸ್ಟೆ್ರೖಲ್‌ನಲ್ಲಿ ಅವಿನಾಶ್‌, ಚಂದ್ರು, ಲಿಖಿತ್‌ ಮತ್ತು ಶ್ರೀಹರಿ ಅವರನ್ನೊಳಗೊಂಡ ತಂಡ ಚಿನ್ನ ಜಯಿಸಿತು.
ಇದನ್ನೂ ಓದಿ: ಖೇಲೋ ಇಂಡಿಯಾ: ಚಿನ್ನ ಗೆದ್ದ ರಾಜ್ಯದ ಸಂಜಯ್‌, ಪೂಜಾ
ಅಂಡರ್‌ 17 ಬಾಲಕಿಯರ 200 ಮೀ. ಬಟರ್‌ಫ್ಲೈನಲ್ಲಿ ಅನ್ವೇಶ್‌ ಗಿರೀಶ್‌ ಬೆಳ್ಳಿಗೆ ತೃಪ್ತಿಪಟ್ಟರೆ, 50 ಮೀ. ಬ್ರೆಸ್ಟ್‌ ಸ್ಟೊ್ರೕಕ್‌ನಲ್ಲಿ ರಚನಾ ರಾವ್‌ ಬೆಳ್ಳಿ ಜಯಿಸಿದರು. 50 ಮೀ. ಫ್ರೀಸ್ಟೈಲ್‌ನಲ್ಲಿ ದೀಕ್ಷಾ ರಮೇಶ್‌ ಸ್ವರ್ಣಕ್ಕೆ ಕೊರೊಳೊಡ್ಡಿದರು.