ಭಾರತೀಯ ರೈಲ್ವೆಯೂ(Indian Railway) ದೇಶದ ಮೂಲೆ ಮೂಲೆಗೂ ರೈಲು ಸೇವೆ ತಲುಪುವ ಸಲುವಾಗಿ ಅತ್ಯಂತ ಕಠಿಣ ಸ್ಥಳಗಳಲ್ಲೂ ರೈಲ್ವೆ ಬ್ರಿಜ್‌ ನಿರ್ಮಿಸಿದ ಖ್ಯಾತಿ ಹೊಂದಿದೆ. ಬೆಟ್ಟ ಗುಡ್ಡಗಳ ಮಧ್ಯೆ ಸುರಂಗದ ಒಳಗೆ ರೈಲ್ವೆ ಇಲಾಖೆ ಬ್ರಿಜ್‌ಗಳನ್ನು ನಿರ್ಮಿಸಿದ್ದು, ಕೆಲವೆಡೆ ಈ ಸೇತುವೆ ನಿರ್ಮಿತವಾದ ಸ್ಥಳಗಳು ಪ್ರವಾಸಿ ತಾಣಗಳು ಕೂಡ ಆಗಿವೆ. ಜೊತೆಗೆ ರೈಲು ಪ್ರಯಾಣಿಕರಿಗೆ ಮನೋಹರವಾದ ದೃಶ್ಯಗಳ ವೀಕ್ಷಣೆಯ ಅವಕಾಶ ಸಿಕ್ಕಿದೆ.
ಇಂಪಾಲ(n.29): ಭಾರತೀಯ ರೈಲ್ವೆ ಇಲಾಖೆಯೂ ಜಗತ್ತಿನ ಅತ್ಯಂತ ದೊಡ್ಡ ರೈಲ್ವೆ ಸೇತುವೆಯ ಕಂಬವನ್ನು ಮಣಿಪುರ(Manipur)ದಲ್ಲಿ ನಿರ್ಮಿಸಲು ಯೋಜನೆ ರೂಪಿಸಿದೆ. ಇದು 111 ಕಿ.ಮೀ. ಉದ್ದದ ಜಿರಿಬಮ್‌(Jiribam)-ಇಂಪಾಲ(Imphal) ರೈಲ್ವೆ ಪ್ರಾಜೆಕ್ಟ್‌ ಆಗಿದ್ದು, ಈ ಮಹತ್ವಾಕಾಂಕ್ಷಿ ಯೋಜನೆಯೂ ಮಣಿಪುರದ ರಾಜಧಾನಿಯನ್ನು ದೇಶದ ರೈಲ್ವೆಯ ಬ್ರಾಡ್‌ಗೇಜ್‌ ಜಾಲದೊಂದಿಗೆ ಸೇರಿಸುತ್ತದೆ. ಈ ಸೇತುವೆಗಾಗಿ 141 ಮೀಟರ್‌ ಎತ್ತರದ ಪಿಲ್ಲರ್‌ ನಿರ್ಮಾಣವಾಗಲಿದೆ. ಇದರಿಂದ ಇದು ಜಗತ್ತಿನ ಅತ್ಯಂತ ಎತ್ತರದ ರೈಲ್ವೆ ಸೇತುವೆಯಾಗಲಿದೆ. ಯುರೋಪ್‌(Europe)ನ ಮಪಂಟೆನಿಗ್ರೋದಲ್ಲಿ ಇರುವ ಮಾಲಾ-ರಿಜೆಕಾ(Mala - Rijeka)ರೈಲು ಮಾರ್ಗವೂ 139 ಮೀಟರ್‌ ಉದ್ದವನ್ನು ಹೊಂದಿದ್ದು, ಇದುವರೆಗೂ ಜಗತ್ತಿನ ಅತ್ಯಂತ ಎತ್ತರದ ಸೇತುವೆ ಎಂದು ಅದು ಖ್ಯಾತಿ ಗಳಿಸಿತ್ತು. ಆದರೆ ಈಗ ಭಾರತದ ಮಣಿಪುರದಲ್ಲಿ ನಿರ್ಮಾಣವಾಗುತ್ತಿರುವ ಸೇತುವೆ 141 ಮೀಟರ್‌ ಎತ್ತರದ್ದಾಗಿದ್ದು, ಯುರೋಪ್‌ನ ಮಾಲಾ-ರಿಜೆಕಾ ರೈಲು ಮಾರ್ಗದ ದಾಖಲೆಯನ್ನು ಇದು ಬದಿಗೆ ಸರಿಸಲಿದೆ.
ಈ ರೈಲ್ವೆ ಸೇತುವೆ ನಿರ್ಮಾಣವಾದರೆ 111 ಕಿ.ಮೀ ದೂರವನ್ನು 2 ರಿಂದ ಎರಡೂವರೆ ಗಂಟೆ ಅಂತರದಲ್ಲಿ ಕ್ರಮಿಸಬಹುದಾಗಿದೆ. ಪ್ರಸ್ತುತ ರಾಷ್ಟ್ರೀಯ ಹೆದ್ದಾರಿ 37(NH 37)ರಲ್ಲಿ ಬರುವ ಜಿರಿಬಮ್‌ ಹಾಗೂ ಇಂಪಾಲ್ ನಡುವಿನ ಅಂತರ 220 ಕಿ.ಮೀ. ಆಗಿದ್ದು, ಇಲ್ಲಿನ ರಸ್ತೆಗಳು ಸಂಪೂರ್ಣ ತಿರುವುಗಳನ್ನೇ ಹೊಂದಿರುವುದರಿಂದ ಈ ದೂರವನ್ನು ಪ್ರಯಾಣಿಸಲು ಬರೋಬರಿ10ರಿಂದ 12 ಗಂಟೆಗಳ ಅವಧಿ ಬೇಕು. ಆದರೆ ಈಗ ರೈಲ್ವೆ ಸೇತುವೆ ನಿರ್ಮಾಣವಾದಲಿ ಕನಿಷ್ಠ 2 ಗಂಟೆಯಲ್ಲಿ ಈ ದೂರವನ್ನು ಕ್ರಮಿಸಬಹುದಾಗಿದೆ. ಈ ಸೇತುವೆಯ ನಿರ್ಮಾಣ ಕಾರ್ಯ 2023ರ ಡಿಸೆಂಬರ್‌ ವೇಳೆಗೆ ಪೂರ್ಣಗೊಳ್ಳಲಿದೆ. 111 ಕಿ.ಮೀ. ಉದ್ದದ ಈ ಯೋಜನೆಯ ಶೇ.60ರಷ್ಟು ಸುರಂಗಗಳೇ ಇವೆ. ಈ ಯೋಜನೆಯ ಮುಖ್ಯ ಇಂಜಿನಿಯರ್ ಪ್ರಕಾರ ಈ ಸೇತುವೆಗಾಗುವ ನಿರೀಕ್ಷಿತ ವೆಚ್ಚ 374 ಕೋಟಿ ಎಂದು ಅಂದಾಜಿಸಲಾಗಿದೆ.
Rampath Yatra Express... ಪುಣೆಯಿಂದ ರಾಮ ಜನ್ಮಸ್ಥಾನ ಆಯೋಧ್ಯೆಗೆ ವಿಶೇಷ ರೈಲು....
ಈ ಸೇತುವೆಯ ನಿರ್ಮಾಣ ಕಾರ್ಯ ಪೂರ್ಣಗೊಂಡ ನಂತರ ನೋನಿ ಕಣಿವೆಯನ್ನು ದಾಟುವ ಈ ಸೇತುವೆಯು ವಿಶ್ವದ ಅತಿ ಎತ್ತರದ ಕಂಬವಿರುವ ಸೇತುವೆಯಾಗಲಿದೆ ಎಂದು ಯೋಜನೆಯ ಮುಖ್ಯ ಇಂಜಿನಿಯರ್ ಸಂದೀಪ್ ಶರ್ಮಾ ತಿಳಿಸಿದರು.
Super Special: ರೈಲಿನಿಂದ ಬಿದ್ದಾಕೆಯನ್ನು ರಕ್ಷಿಸಿದ RPF ಲೇಡಿ ಸಿಂಗಂ..!