ಮುಂಬೈ(ಜ.28): ಕೋವಿಡ್ ಹೊಸ ರೂಪಾಂತರಿ ಒಮಿಕ್ರಾನ್ ಜೊತೆ ಮೂರನೇ ಕೋವಿಡ್ ಅಲೆ ದೇಶವನ್ನು ಭಾದಿಸುತ್ತಿದ್ದು, ಈ ನಡುವೆ ಮುಂಬೈನಲ್ಲಿ ಈ ವರ್ಷದ ಮೊದಲ ಬ್ಲಾಕ್ ಫಂಗಸ್ ಪ್ರಕರಣ ಪತ್ತೆಯಾಗಿದೆ. ಜನವರಿ 5 ರಂದು ಕೋವಿಡ್ ಪಾಸಿಟಿವ್‌ ಆಗಿದ್ದ 70 ವರ್ಷದ ವ್ಯಕ್ತಿಗೆ ಜನವರಿ 12 ರಿಂದ ಮ್ಯೂಕೋರ್ಮೈಕೋಸಿಸ್ (ಕಪ್ಪು ಶಿಲೀಂಧ್ರ) ಬ್ಲಾಕ್ ಫಂಗಸ್ ರೋಗಲಕ್ಷಣ ಕಾಣಿಸಿಕೊಳ್ಳಲು ಶುರುವಾಗಿದೆ. ಅವರನ್ನು ಮುಂಬೈ ಸೆಂಟ್ರಲ್‌ನ ವೊಕಾರ್ಡ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅಲ್ಲಿ ಅವರು ಪ್ರಸ್ತುತ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಕಳೆದ ವರ್ಷ ದೇಶದಲ್ಲಿ ಎರಡನೇ ತರಂಗವು ಉಲ್ಬಣಗೊಂಡಾಗ ಹಲವು ಕೋವಿಡ್ ರೋಗಿಗಳಿಗೆ ಈ ಬ್ಲಾಕ್ ಫಂಗಸ್(ಕಪ್ಪು ಶಿಲೀಂಧ್ರ) ಸೋಂಕು ಕಾಣಿಸಿಕೊಂಡಿತ್ತು. ಮ್ಯೂಕೋರ್ಮೈಕೋಸಿಸ್ ಎಂದೂ ಕರೆಯಲ್ಪಡುವ ಈ 'ಕಪ್ಪು ಶಿಲೀಂಧ್ರ' ರೋಗ ಬಹಳ ಅಪರೂಪದ ಸೋಂಕು. ಮಣ್ಣು, ಸಸ್ಯಗಳು, ಗೊಬ್ಬರ ಮತ್ತು ಕೊಳೆಯುತ್ತಿರುವ ಹಣ್ಣುಗಳು ಮತ್ತು ತರಕಾರಿಗಳಲ್ಲಿ ಸಾಮಾನ್ಯವಾಗಿ ಕಂಡುಬರುವ ಮ್ಯೂಕರ್ ಮೊಲ್ಡ್ ಆಗಿದ್ದು, ಇದು ಸೈನಸ್‌, ಮೆದುಳು ಮತ್ತು ಶ್ವಾಸಕೋಶದ ಮೇಲೆ ಪರಿಣಾಮ ಬೀರುತ್ತದೆ. ಮಧುಮೇಹ ರೋಗಿಗಳು, ಕ್ಯಾನ್ಸರ್ ರೋಗಿಗಳು ಅಥವಾ HIV/AIDS ಇರುವ ಜನರಿಗೆ ಇದು ಜೀವಕ್ಕೆ ಅಪಾಯವನ್ನುಂಟುಮಾಡುತ್ತದೆ.
ಮಾರಣಾಂತಿಕ ಕಾಯಿಲೆಯಿಂದ ಮುಖ ವಿಕಾರ: Black Fungus ಸೋಂಕಿತರಿಗೆ ಕೃತಕ ಮೂಗು..!
ಮ್ಯೂಕೋರ್ಮೈಕೋಸಿಸ್ ಒಟ್ಟಾರೆ 50% ಮರಣ ಪ್ರಮಾಣವನ್ನು ಹೊಂದಿದೆ. ಸ್ಟೀರಾಯ್ಡ್‌ಗಳ ಬಳಕೆಯಿಂದ ಇವು ಹೆಚ್ಚಾಗಬಹುದು ಎಂದು ವೈದ್ಯರು ನಂಬಿದ್ದಾರೆ.
ಮತ್ತೆ ಬಂತೇ ಬ್ಲಾಕ್ ಫಂಗಸ್
ಕಪ್ಪು ಶಿಲೀಂಧ್ರ ಪ್ರಕರಣಗಳು ಸದ್ಯಕ್ಕೆ ವ್ಯಾಪಕವಾಗಿ ವರದಿಯಾಗಿಲ್ಲವಾದರೂ, ಮುಂಬೈನಲ್ಲಿ ವರದಿಯಾದ ಈ ಪ್ರಕರಣವು ಈ ಅಪರೂಪದ ಸೋಂಕು ಮತ್ತೆ ಬಂತೇ ಎಂದು ಜನರು ಚಿಂತಿಸುವಂತೆ ಮಾಡುತ್ತಿದೆ. ಮಾರಣಾಂತಿಕ ರೋಗವು ಈ ವರ್ಷ ಭಾರತದಲ್ಲಿ ಪುನರಾವರ್ತನೆಯಾಗುತ್ತದೆಯೇ? ಈ ಬಗ್ಗೆ ತಜ್ಞರು ಏನು ಹೇಳುತ್ತಾರೆ ಎಂಬುದು ಇಲ್ಲಿದೆ.
ಒಂದು ಮಾಧ್ಯಮದ ವರದಿಯ ಪ್ರಕಾರ, ಮುಂಬೈನ ಮಸಿನಾ ಆಸ್ಪತ್ರೆಯ (Masina Hospital) ಸಾಂಕ್ರಾಮಿಕ ರೋಗ ತಜ್ಞೆ ಡಾ.ತೃಪ್ತಿ ಗಿಲಾಡಾ ( Dr Trupti Gilada)ಈ ಬಗ್ಗೆ ಮಾತನಾಡಿದ್ದು, ಬ್ಲಾಕ್ ಫಂಗಸ್‌ನಿಂದ ದೀರ್ಘಕಾಲ ಚಿಕಿತ್ಸೆ ಪಡೆಯಬೇಕಾಗಬಹುದು, ಮಧ್ಯಮದಿಂದ ತೀವ್ರತರವಾದ ಕೋವಿಡ್ ಹೊಂದಿರುವವರಿಗೆ, ದೀರ್ಘಕಾಲದ ಕಾರ್ಟಿಕೊಸ್ಟೆರಾಯ್ಡ್‌ಗಳ ಅಗತ್ಯವಿದೆ ಎಂದು ನಮಗೆ ಎರಡನೇ ತರಂಗದಿಂದ ತಿಳಿದಿದೆ ಎಂದು ಹೇಳಿದರು.
ಕೊರೋನಾ ಕಮ್ಮಿ ಆದ್ರೂ ಹೆಚ್ಚುತ್ತಿದೆ ಬ್ಲಾಕ್ ಫಂಗಸ್
ಕೋವಿಡ್ ಮೂರನೇ ತರಂಗದಲ್ಲಿ ಇನ್ನೂ ಹೆಚ್ಚಿನ ಸಂಖ್ಯೆಯ ಮ್ಯೂಕೋರ್ಮೈಕೋಸಿಸ್ (ಬ್ಲಾಕ್ ಫಂಗಸ್) ರೋಗಿಗಳನ್ನು ನೋಡುತ್ತೇವೆಯೇ ಎಂದು ಈಗಲೇ ತಿಳಿಯಲಾಗದು. ಅಲ್ಲದೇ ಒಮಿಕ್ರಾನ್‌ನಲ್ಲಿ ಅಪಾಯಕಾರಿ ಅಂಶಗಳು ತುಂಬಾ ಕಡಿಮೆ ಇರುವುದರಿಂದ, ಬ್ಲಾಕ್ ಫಂಗಸ್ ರೋಗ ಪ್ರಕರಣವೂ ತುಂಬಾ ಕಡಿಮೆ ಎಂದು ನಾವು ನಿರೀಕ್ಷಿಸುತ್ತೇವೆ ಎಂದು ಡಾ. ತೃಪ್ತಿ ಹೇಳಿದರು. ಸ್ಟೀರಾಯ್ಡ್‌ಗಳ ಜವಾಬ್ದಾರಿಯುತ ಬಳಕೆ, antibiotics ಹಾಗೂ ಮಧುಮೇಹಿಗಳಲ್ಲಿ ಉತ್ತಮವಾಗಿ ದೇಹದ ಸಕ್ಕರೆ ನಿಯಂತ್ರಣದಿಂದ ಈ ಮಾರಣಾಂತಿಕ ರೋಗವನ್ನು ತಡೆಯಬಹುದು ಎಂದು ಅವರು ಹೇಳಿದರು.
ಓಮಿಕ್ರಾನ್ ರೋಗಿಗಳು ಕಪ್ಪು ಶಿಲೀಂಧ್ರದಿಂದ ಸೋಂಕಿಗೆ ಒಳಗಾಗುತ್ತಿದ್ದಾರೆಯೇ?
ಓಮಿಕ್ರಾನ್ ರೋಗಿಗಳು ಕಪ್ಪು ಶಿಲೀಂಧ್ರದಿಂದ ಸೋಂಕಿಗೆ ಒಳಗಾಗುತ್ತಿದ್ದಾರೆಯೇ ಇಲ್ಲ ಎನ್ನುತ್ತಾರೆ ಫರಿದಾಬಾದ್‌ನ ಅಮೇರಿ ಹೆಲ್ತ್, ಏಷ್ಯನ್ ಆಸ್ಪತ್ರೆಯ ಕನ್ಸಲ್ಟೆಂಟ್ ವೈದ್ಯ ಮತ್ತು ಸಾಂಕ್ರಾಮಿಕ ರೋಗ ತಜ್ಞ ಡಾ ಚಾರು ದತ್ ಅರೋರಾ (Dr Charu Dutt Arora) ಓಮಿಕ್ರಾನ್ ನಿಂದ ಬಳಲುತ್ತಿರುವ ರೋಗಿಗಳಲ್ಲಿ ಮ್ಯೂಕಾರ್ಮೈಕೋಸಿಸ್ ಪ್ರಕರಣ ಕಂಡುಬಂದಿಲ್ಲ ಎಂದು ಅವರು ಹೇಳಿದ್ದಾರೆ.
ಹೆಚ್ಚಿನ ಓಮಿಕ್ರಾನ್ ರೋಗಿಗಳು ಸೌಮ್ಯದಿಂದ ಮಧ್ಯಮ ರೋಗಲಕ್ಷಣಗಳನ್ನು ಹೊಂದಿರುವುದರಿಂದ ಮತ್ತು ಅವರ ಚಿಕಿತ್ಸೆಯ ಸಮಯದಲ್ಲಿ ಸ್ಟೀರಾಯ್ಡ್‌ಗಳು ಅಥವಾ ಹೆಚ್ಚಿನ ಹರಿವಿನ ಆಮ್ಲಜನಕದ ಬೆಂಬಲದಂತಹ ಇಮ್ಯುನೊ ಮಾಡ್ಯುಲೇಟರ್‌ಗಳ ಅಗತ್ಯವಿಲ್ಲದ ಕಾರಣ, ಈ ಸಂಭವವು ಕಡಿಮೆಯಾಗಿದೆ ಅವರು ಹೇಳಿದ್ದಾರೆ.