ಪ್ರತಿದಿನ ಕೇವಲ ಒಂದು ಆಲ್ಕೊಹಾಲ್‌ಯುಕ್ತ ಪಾನೀಯವನ್ನು ಸೇವಿಸುವ ವ್ಯಕ್ತಿಗಳು ಆಲ್ಕೋಹಾಲ್ ಅನ್ನು ಸಂಪೂರ್ಣವಾಗಿ ತ್ಯಜಿಸಿದವರಿಗೆ ಹೋಲಿಸಿದರೆ ಹೆಚ್ಚಿದ ರಕ್ತದೊತ್ತಡ ಅನುಭವಿಸುವ ಹೆಚ್ಚಿನ ಸಾಧ್ಯತೆಯನ್ನು ಹೊಂದಿದ್ದಾರೆ ಎಂದು ಸಂಶೋಧನೆ ಕಂಡುಕೊಂಡಿದೆ.
ನವದೆಹಲಿ (ಆಗಸ್ಟ್‌ 4, 2023): ಸ್ವಲ್ಪ ಕುಡಿದ್ರೆ ಆರೋಗ್ಯಕ್ಕೆ ಒಳ್ಳೆಯದು. ಹೆಚ್ಚು ಕುಡಿದ್ರೆ ಮಾತ್ರ ಬೇಗ ಸಾಯ್ತಾರೆ ಅಂತ ಅನೇಕರು ಮಾತಾಡ್ತಾರೆ. ಕಡಿಮೆ ಕುಡಿಯೋದ್ರಿಂದ ನಮ್ಮ ಆರೋಗ್ಯ ಚೆನ್ನಾಗಿರುತ್ತದೆ ಎಂದು ಕೆಲ ವರದಿಗಳು ಹೇಳುತ್ತವೆ. ಆದರೆ, ಈ ಹೊಸ ಅಧ್ಯಯನದ ಪ್ರಕಾರ ವಾಡಿಕೆಯಂತೆ ದಿನಕ್ಕೆ ಒಂದು ಡ್ರಿಂಕ್‌ ಪಾನೀಯ ಕುಡಿದರೂ, ಅಧಿಕ ರಕ್ತದೊತ್ತಡ ಇಲ್ಲದ ವಯಸ್ಕರಲ್ಲಿಯೂ ಸಹ ರಕ್ತದೊತ್ತಡ ಹೆಚ್ಚಾಗುತ್ತದೆ ಎಂದು ಸಿಎನ್‌ಎನ್‌ನಲ್ಲಿನ ವರದಿ ಹೇಳುತ್ತದೆ.
ಈ ಸಂಶೋಧನೆಯು ಅಮೇರಿಕನ್ ಹಾರ್ಟ್ ಅಸೋಸಿಯೇಷನ್‌ನ ಜರ್ನಲ್ ಹೈಪರ್‌ಟೆನ್ಶನ್‌ನಲ್ಲಿ ಪ್ರಕಟವಾಗಿದೆ. ಇದು 1997 ಮತ್ತು 2021 ರ ನಡುವೆ ನಡೆಸಲಾದ 7 ಅಂತಾರಾಷ್ಟ್ರೀಯ ಅಧ್ಯಯನಗಳ ಡೇಟಾವನ್ನು ವಿಶ್ಲೇಷಿಸಿದೆ ಮತ್ತು ಪ್ರತಿದಿನ ಕೇವಲ ಒಂದು ಆಲ್ಕೊಹಾಲ್‌ಯುಕ್ತ ಪಾನೀಯವನ್ನು ಸೇವಿಸುವ ವ್ಯಕ್ತಿಗಳು ಆಲ್ಕೋಹಾಲ್ ಅನ್ನು ಸಂಪೂರ್ಣವಾಗಿ ತ್ಯಜಿಸಿದವರಿಗೆ ಹೋಲಿಸಿದರೆ ಹೆಚ್ಚಿದ ರಕ್ತದೊತ್ತಡ ಅನುಭವಿಸುವ ಹೆಚ್ಚಿನ ಸಾಧ್ಯತೆಯನ್ನು ಹೊಂದಿದ್ದಾರೆ ಎಂದು ಕಂಡುಕೊಂಡಿದೆ.
undefined
ಇದನ್ನು ಓದಿ: ದೇಸಿ ವಿಸ್ಕಿ ಮೇಲೆ ಪ್ರೇಮ ಮೆರೆದ ಭಾರತೀಯರು: ಹುಡ್ಗೀರ ಬ್ರ್ಯಾಂಡ್‌ ವೋಡ್ಕಾ ಸೇವನೆಯಲ್ಲೂ ಹೆಚ್ಚಳ!
"ಆಲ್ಕೋಹಾಲ್ ಸೇವಿಸದವರಿಗೆ ಹೋಲಿಸಿದರೆ ಕಡಿಮೆ ಮಟ್ಟದ ಆಲ್ಕೋಹಾಲ್ ಸೇವಿಸಿದ ವಯಸ್ಕರಲ್ಲಿ ನಾವು ಯಾವುದೇ ಪ್ರಯೋಜನಕಾರಿ ಪರಿಣಾಮಗಳನ್ನು ಕಂಡುಕೊಂಡಿಲ್ಲ" ಎಂದು ಅಧ್ಯಯನದ ಹಿರಿಯ ಲೇಖಕ ಡಾ. ಮಾರ್ಕೋ ವಿನ್ಸೆಟಿ ತಿಳಿಸಿದ್ದಾರೆ. "ಈಗಾಗಲೇ ಕಡಿಮೆ ಮಟ್ಟದ ಆಲ್ಕೋಹಾಲ್ ಸೇವನೆಯು ಯಾವುದೇ ಸೇವನೆ ಮಾಡದವರಿಗೆ ಹೋಲಿಸಿದರೆ ಕಾಲಾನಂತರದಲ್ಲಿ ಹೆಚ್ಚಿನ ರಕ್ತದೊತ್ತಡದ ಬದಲಾವಣೆಗಳಿಗೆ ಸಂಬಂಧಿಸಿರುವುದನ್ನು ನೋಡಿ ನಮಗೆ ಸ್ವಲ್ಪ ಆಶ್ಚರ್ಯವಾಯಿತು. ಆದರೂ ಅತಿಯಾಗಿ ಕುಡಿಯುವವರಲ್ಲಿ ಕಂಡುಬರುವ ರಕ್ತದೊತ್ತಡದ ಹೆಚ್ಚಳಕ್ಕಿಂತ ಈ ಪ್ರಮಾಣ ಕಡಿಮೆ’’ ಎಂದು ವಿವರಿಸಿದ್ದಾರೆ.
ಈ ವಿಶ್ಲೇಷಣೆಯು ಯುನೈಟೆಡ್ ಸ್ಟೇಟ್ಸ್, ಕೊರಿಯಾ ಮತ್ತು ಜಪಾನ್‌ನಲ್ಲಿ 19,000 ಕ್ಕೂ ಹೆಚ್ಚು ವಯಸ್ಕರ ಡೇಟಾವನ್ನು ಒಳಗೊಂಡಿದೆ ಎಂದು ಸಿಎನ್‌ಎನ್ ವರದಿ ಹೇಳಿದೆ. ವಿವಿಧ ರೀತಿಯ ಮತ್ತು ಪಾನೀಯಗಳ ಗಾತ್ರಗಳನ್ನು ಹೊಂದಿರುವ ದೇಶಗಳಾದ್ಯಂತ ಸ್ಥಿರತೆಯನ್ನು ಖಚಿತಪಡಿಸಿಕೊಳ್ಳಲು, ಆಲ್ಕೋಹಾಲ್ ಸೇವನೆಯನ್ನು "ಪ್ರಮಾಣಿತ ಪಾನೀಯ" ವನ್ನು ಅಳೆಯಲು ಪಾನೀಯಗಳ ಸಂಖ್ಯೆಗಿಂತ ಗ್ರಾಂನಲ್ಲಿ ಅಳೆಯಲಾಗುತ್ತದೆ. ವಿಶ್ವ ಆರೋಗ್ಯ ಸಂಸ್ಥೆ (WHO), ಉದಾಹರಣೆಗೆ, ಪ್ರತಿ ಪಾನೀಯಕ್ಕೆ 10 ಗ್ರಾಂ ಆಲ್ಕೋಹಾಲ್ ಎಂದು ಮಾನದಂಡ ವಿಧಿಸಿದೆ. ಆದರೆ ಅಮೆರಿಕ ಅದನ್ನು 14 ಗ್ರಾಂ ಎಂದು ವ್ಯಾಖ್ಯಾನಿಸುತ್ತದೆ.
ಇದನ್ನೂ ಓದಿ: ಇವ್ರು ಏನು ಕುಡಿದಿದ್ರೋ ಏನೋ! ಸ್ಮಶಾನಕ್ಕೆ ಹೋಗಿ ಮೃತ ಯುವತಿಯ ಮಾಂಸವನ್ನೇ ತಿಂದ ಕುಡುಕರು
ಈ ಮಧ್ಯೆ, ಸಿಸ್ಟೋಲಿಕ್‌ ರಕ್ತದೊತ್ತಡದ ಮೇಲೆ ಆಲ್ಕೋಹಾಲ್‌ನ ಋಣಾತ್ಮಕ ಪರಿಣಾಮವು ವರ್ಷಗಳಲ್ಲಿ ಹೆಚ್ಚುತ್ತಲೇ ಇದೆ. ಪ್ರತಿ ದಿನವೂ ಕಡಿಮೆ ಕುಡಿಯುವ ಪುರುಷರು ಮತ್ತು ಮಹಿಳೆಯರಲ್ಲಿ ಸಹ ಹೆಚ್ಚಿದೆ ಎಂದು ಅಧ್ಯಯನವು ಪತ್ತೆಹಚ್ಚಿದೆ. "ಸಿಸ್ಟೋಲಿಕ್‌ ಮತ್ತು ಡಯಾಸ್ಟೋಲಿಕ್‌ ರೀಡಿಂಗ್‌ಗಳು (ಹೃದಯರಕ್ತನಾಳದ) ಅಪಾಯಕ್ಕೆ ಕೊಡುಗೆ ನೀಡುತ್ತವೆ ಮತ್ತು ಇವೆರಡರಲ್ಲಿ, ಸಿಸ್ಟೋಲಿಕ್‌ ರಕ್ತದೊತ್ತಡವು ವಯಸ್ಕರಲ್ಲಿ ಖಂಡಿತವಾಗಿಯೂ ಪ್ರಮುಖ ಅಪಾಯಕಾರಿ ಅಂಶವಾಗಿದೆ" ಎಂದು ಅಧ್ಯಯನದ ಸಹ-ಲೇಖಕ ಡಾ. ಪಾಲ್ ವೆಲ್ಟನ್ ಹೇಳಿದ್ದಾರೆ.
ಅಮೇರಿಕನ್ ಹಾರ್ಟ್ ಅಸೋಸಿಯೇಷನ್ ಪ್ರಕಾರ, ಸಿಸ್ಟೋಲಿಕ್‌ ರೀಡಿಂಗ್ "50 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ ಹೃದಯರಕ್ತನಾಳದ ಕಾಯಿಲೆಗೆ ಪ್ರಮುಖ ಅಪಾಯಕಾರಿ ಅಂಶವಾಗಿದೆ''. ಸಿಸ್ಟೋಲಿಕ್‌ ರೀಡಿಂಗ್ ಸಾಮಾನ್ಯವಾಗಿ 120 mm Hg ಅಥವಾ ಅದಕ್ಕಿಂತ ಕಡಿಮೆಯಿರುತ್ತದೆ. ಆದರೆ ರಕ್ತನಾಳಗಳು ವಯಸ್ಸಾದಂತೆ ದುರ್ಬಲಗೊಳ್ಳುವುದರಿಂದ ಮತ್ತು ಕಿರಿದಾಗುವಂತೆ ಹೆಚ್ಚಾಗುತ್ತದೆ. ಸಾಮಾನ್ಯ ಡಯಾಸ್ಟೋಲಿಕ್‌ ರೀಡಿಂಗ್ 80 mm Hg ಗಿಂತ ಕಡಿಮೆಯಿರುತ್ತದೆ. ಆದರೆ ಆರ್ಟರಿ ತಮ್ಮ ಸ್ಥಿತಿಸ್ಥಾಪಕತ್ವವನ್ನು ಕಳೆದುಕೊಂಡು ಗಟ್ಟಿಯಾಗುವುದರಿಂದ ವಯಸ್ಸಾದಂತೆ ಕಡಿಮೆಯಾಗಲು ಪ್ರಾರಂಭಿಸುತ್ತದೆ.
ಇದನ್ನೂ ಓದಿ: ಕುಡಿದ ಮತ್ತಿನಲ್ಲಿ ಹೆತ್ತ ತಾಯಿಯನ್ನೇ ಕೊಂದ ಪಾಪಿ ಮಗ
ಅಧಿಕ ರಕ್ತದೊತ್ತಡವನ್ನು "ಸೈಲೆಂಟ್‌ ಕಿಲ್ಲರ್‌" ಎಂದು ಕರೆಯಲಾಗುತ್ತದೆ ಮತ್ತು ಹೃದಯಾಘಾತ, ಪಾರ್ಶ್ವವಾಯು, ದೀರ್ಘಕಾಲದ ಮೂತ್ರಪಿಂಡ ಕಾಯಿಲೆ ಹಾಗೂ ಇತರ ಗಂಭೀರ ಪರಿಸ್ಥಿತಿಗಳ ವ್ಯಕ್ತಿಯ ಅಪಾಯವನ್ನು ಹೆಚ್ಚಿಸಬಹುದು.