ಅನ್ನ ಮಾಡೋದು ತುಂಬಾ ಈಝಿನಪ್ಪಾ. ಕುಕ್ಕರ್‌ನಲ್ಲಿ ಅಕ್ಕಿ, ನೀರು ಇಟ್ಟು ಕೂಗಿಸಿದ್ರಾಯ್ತು ಅಂತ ಎಲ್ರೂ ಹೇಳ್ತಾರೆ. ಆದ್ರೆ ಸರಿಯಾದ ರೀತಿಯಲ್ಲಿ ಅನ್ನ ತಯಾರಿಸುವುದು ಅಂದುಕೊಂಡಷ್ಟು ಸುಲಭವೇನಲ್ಲ.

ಕೆಲವೊಮ್ಮೆ ಅನ್ನ ಬೇಯದೇ ಇರುವುದು, ಕೆಲವೊಮ್ಮೆ ಬೆಂದು ಮುದ್ದೆಯಾಗೋದು ಇದೆ. ಹೀಗಾಗದಂತೆ ಏನ್ಮಾಡ್ಬೇಕು. ಇಲ್ಲಿದೆ ಮಾಹಿತಿ.

ಅಕ್ಕಿಯನ್ನು ಸಂಪೂರ್ಣವಾಗಿ ಬೇಯಿಸುವುದು ಒಂದು ಕಲೆಗಿಂತ ಕಡಿಮೆಯಿಲ್ಲ. ಕೆಲವೊಮ್ಮೆ ಅನ್ನ ಉದುರುದುರಾಗಿ ಆಗುವ ಬದಲು ಹೇಗೇಗೋ ಆಗಿ ಮತ್ತೆ ಬೇಯಿಸಿಕೊಳ್ಳಬೇಕಾಗುತ್ತದೆ. ಪರ್ಫೆಕ್ಟ್ ರೈಸ್ ತಯಾರಿಸಿಲು ಇಲ್ಲಿದೆ ಟಿಪ್ಸ್‌.

ಅಡುಗೆ ಮಾಡುವ ಕೆಲವು ನಿಮಿಷಗಳ ಮೊದಲು ಅಕ್ಕಿಯನ್ನು ತೊಳೆದು ನೆನೆಸುವುದು ಹೆಚ್ಚುವರಿ ಪಿಷ್ಟವನ್ನು ತ್ಯಜಿಸಲು ಮತ್ತು ಅಕ್ಕಿ ಧಾನ್ಯಗಳಿಂದ ಕೀಟನಾಶಕಗಳು ಅಥವಾ ಸೂಕ್ಷ್ಮಜೀವಿಗಳನ್ನು ತೆಗೆದುಹಾಕಲು ಉತ್ತಮ ಮಾರ್ಗ.

ಅಕ್ಕಿಯನ್ನು ಬೇಯಿಸುವಾಗ ಪಾತ್ರೆಗೆ ಹೆಚ್ಚುವರಿ ನೀರನ್ನು ಸೇರಿಸುವುದು ಅಕ್ಕಿ ಮುದ್ದೆಯಾಗಲು ಕಾರಣವಾಗುತ್ತದೆ. ಆದ್ದರಿಂದ ಅಕ್ಕಿ ಬೇಯಲು ಎಷ್ಟು ನೀರಿನ ಅಗತ್ಯವಿದೆಯೋ ಅಷ್ಟನ್ನು ಮಾತ್ರ ಸೇರಿಸಿ.

ಅನ್ನ ಸಿದ್ಧವಾದ ನಂತರ ಹೆಚ್ಚು ಬೆಂದು ಹೋಗಿದ್ದರೆ, ಅದನ್ನು ಸರಿಪಡಿಸಲು ಸರಳವಾದ ಮಾರ್ಗ ಹೆಚ್ಚುವರಿ ನೀರನ್ನು ಸೇರಿಸುವುದು, ಇದು ಪಿಷ್ಟದ ಭಾಗವನ್ನು ದುರ್ಬಲಗೊಳಿಸುತ್ತದೆ