ಹೊಸ ದಾಖಲೆ ಬರೆದ 6 ಲಕ್ಷ ರೂಪಾಯಿ ಬೆಲೆಯ ಟಾಟಾ ಪಂಚ್ ಕಾರು

2024 ರಲ್ಲಿ ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾದ ಕಾರು ಎಂಬ ಹೆಗ್ಗಳಿಕೆಯನ್ನು ಮಾರುತಿ ಸುಜುಕಿಯಿಂದ ಕಸಿದುಕೊಂಡ ನಂತರ ಟಾಟಾ ಪಂಚ್ ಇದೀಗ ಮತ್ತೊಂದು ದಾಖಲೆ ಬರೆದಿದೆ. ಇದೀಗ ಟಾಟಾ ಪಂಚ್ ಕಾರು ಐದು ಲಕ್ಷ ಕಾರುಗಳ ಉತ್ಪಾದನೆ ಎಂಬ ಹೊಸ ಮೈಲಿಗಲ್ಲು ಸಾಧಿಸಿದೆ. ಪೆಟ್ರೋಲ್, ಸಿಎನ್‌ಜಿ ಮತ್ತು ಎಲೆಕ್ಟ್ರಿಕ್ ವರ್ಗಗಳ ಒಟ್ಟು ಉತ್ಪಾದನೆಯು ಈ ಮೈಲಿಗಲ್ಲಿನಲ್ಲಿದೆ.

ಮೂರು ಪವರ್‌ಟ್ರೇನ್ ಆಯ್ಕೆಗಳಲ್ಲಿ ಟಾಟಾ ಪಂಚ್ ಲಭ್ಯವಿದೆ. ಇದರಲ್ಲಿ ಪೆಟ್ರೋಲ್, ಸಿಎನ್‌ಜಿ ಮತ್ತು ಎಲೆಕ್ಟ್ರಿಕ್ (EV) ಮಾದರಿಗಳು ಸೇರಿವೆ. ಆರ್ಥಿಕ ಮತ್ತು ಪ್ರಾಯೋಗಿಕ ವಿನ್ಯಾಸ, ಪವರ್‌ಟ್ರೇನ್ ಎಂಜಿನ್ ಮತ್ತು ಉತ್ತಮ ಚಾಲನಾ ಅನುಭವ ಇದರ ಜನಪ್ರಿಯತೆಗೆ ಕಾರಣ.

ಇದಲ್ಲದೆ, ಕೈಗೆಟುಕುವ ಬೆಲೆ, ಪ್ರಾಯೋಗಿಕತೆ ಮತ್ತು ಸುರಕ್ಷತೆಯ ಸಂಯೋಜನೆಯು ಪಂಚ್‌ನ ಯಶಸ್ಸಿಗೆ ಕಾರಣವಾಗಿದೆ. ಇದು ಹೆಚ್ಚಿನ ಗ್ರೌಂಡ್ ಕ್ಲಿಯರೆನ್ಸ್ ಮತ್ತು ಕಮಾಂಡ್ ಡ್ರೈವಿಂಗ್ ಸ್ಥಾನವನ್ನು ಹೊಂದಿದೆ. ಮೂಲತಃ ಸಣ್ಣ ಮತ್ತು ನಗರಕ್ಕೆ ಸೂಕ್ತವಾದ ಪ್ಯಾಕೇಜ್‌ನಲ್ಲಿ SUV ರೀತಿಯ ಅನುಭವವನ್ನು ನೀಡುತ್ತದೆ.

ಪೆಟ್ರೋಲ್ ವೇರಿಯಂಟ್: ಟಾಟಾ ಪಂಚ್ 87 bhp ಪವರ್ ಮತ್ತು 115 Nm ಟಾರ್ಕ್ ಉತ್ಪಾದಿಸುವ ೧.೨ ಲೀಟರ್ ಪೆಟ್ರೋಲ್ ಎಂಜಿನ್ ಹೊಂದಿದೆ. ೫ ಸ್ಪೀಡ್ ಮ್ಯಾನುವಲ್ ಮತ್ತು AMT ಟ್ರಾನ್ಸ್‌ಮಿಷನ್ ಆಯ್ಕೆಗಳಲ್ಲಿ ಈ ಎಂಜಿನ್ ಬರುತ್ತದೆ. ಹೆಚ್ಚಿನ ಮೈಲೇಜ್ ನೀಡಲು, ಗ್ರಾಹಕರಿಗೆ CNG ವರ್ಗವು ಮಾರುಕಟ್ಟೆಯಲ್ಲಿದೆ. ಪೆಟ್ರೋಲ್ ಎಂಜಿನ್‌ಗೆ ಹೋಲಿಸಿದರೆ, ಈ ವರ್ಗವು 72 bhp ಪವರ್ ಮತ್ತು 103 Nm ಟಾರ್ಕ್ ಉತ್ಪಾದಿಸಬಲ್ಲದು.

ಇದು ಮ್ಯಾನುವಲ್ ಟ್ರಾನ್ಸ್‌ಮಿಷನ್‌ನಲ್ಲಿ ಮಾತ್ರ ಬರುತ್ತದೆ. ಟಾಟಾ ಪಂಚ್ ಈಗ EV ರೂಪದಲ್ಲಿಯೂ ಲಭ್ಯವಿದೆ. 25kWh ಮತ್ತು 35kWh ಎಂಬ ಎರಡು ಬ್ಯಾಟರಿ ಪ್ಯಾಕ್ ಆಯ್ಕೆಗಳನ್ನು ಈ ವರ್ಗದಲ್ಲಿ ನೀಡಲಾಗಿದೆ. ಈ ಬ್ಯಾಟರಿ ಪ್ಯಾಕ್‌ಗಳು ಕ್ರಮವಾಗಿ 315 ಕಿಮೀ ಮತ್ತು421 ಕಿಮೀ ವ್ಯಾಪ್ತಿಯನ್ನು ನೀಡುತ್ತವೆ.

ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಹೊಂದಿರುವ ಪೆಟ್ರೋಲ್ ವರ್ಗದ ARAI ಮೈಲೇಜ್ ಲೀಟರ್‌ಗೆ 20.09ಕಿಮೀ. ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಹೊಂದಿರುವ ಈ ಕಾರು ಲೀಟರ್‌ಗೆ 18.8 ಕಿಮೀ ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳುತ್ತದೆ. CNG ವರ್ಗದಲ್ಲಿಯೂ ಈ ಕಾರು ಮಾರುಕಟ್ಟೆಯಲ್ಲಿದೆ. ಟಾಟಾ ಪಂಚ್ CNG ಯ ಮೈಲೇಜ್ 26.99 km/kg ಎಂದು ವರದಿಯಾಗಿದೆ.

ಕಳೆದ ವರ್ಷ ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾದ ಕಾರು ಎಂಬ ಹೆಗ್ಗಳಿಕೆಯನ್ನು ಟಾಟಾ ಪಂಚ್ ಪಡೆದುಕೊಂಡಿದೆ. ಸಣ್ಣ ವಿನ್ಯಾಸ, ವೈಶಿಷ್ಟ್ಯಗಳು, ಕೈಗೆಟುಕುವ ಬೆಲೆ ಮತ್ತು ಉತ್ತಮ ಚಾಲನಾ ಅನುಭವದಿಂದಾಗಿ ಈ ಕಾರು ಭಾರತೀಯ ಗ್ರಾಹಕರಲ್ಲಿ ಬಹಳ ಜನಪ್ರಿಯವಾಗಿದೆ. ಟಾಟಾ ಪಂಚ್ ಕೇವಲ ಯಶಸ್ಸಿನ ಕಥೆಯಲ್ಲ. ಇದರ ಪೆಟ್ರೋಲ್, CNG ಮತ್ತು EV ವರ್ಗಗಳು ವ್ಯಾಪಕ ಶ್ರೇಣಿಯ ಗ್ರಾಹಕರಿಗೆ ಉತ್ತಮ ಆಯ್ಕೆಯಾಗಿದೆ.