ಐಪಿಎಲ್ ಕಪ್ ಗೆದ್ದ ಬಿಗ್ 3 ತಂಡಗಳು ಪ್ಲೇ ಆಫ್ನಿಂದ ಔಟ್..!
* ನೀರಸ ಪ್ರದರ್ಶನದ ಮೂಲಕ ಐಪಿಎಲ್ ಪ್ಲೇ ಆಫ್ ರೇಸ್ನಿಂದ ಹೊರಬಿದ್ದ 3 ತಂಡಗಳು
* ಮುಂಬೈ ಇಂಡಿಯನ್ಸ್, ಕೆಕೆಆರ್ ಹಾಗೂ ಸಿಎಸ್ಕೆ ತಂಡಗಳು ಪ್ಲೇ ಆಫ್ ರೇಸ್ನಿಂದ ಔಟ್
* ಈ ಮೂರು ತಂಡಗಳು 11 ಬಾರಿ ಐಪಿಎಲ್ ಟ್ರೋಫಿ ಜಯಿಸಿವೆ
ಮುಂಬೈ(ಮೇ.20): ಮುಂಬೈ ಇಂಡಿಯನ್ಸ್ (Mumbai Indians), ಚೆನ್ನೈ ಸೂಪ್ ಕಿಂಗ್ಸ್ (Chennai Super Kings) ಹಾಗೂ ಕೋಲ್ಕತಾ ನೈಟ್ ರೈಡರ್ಸ್ (Kolkata Knight Riders). ಮೂರು ಐಪಿಎಲ್ನ ಮೋಸ್ಟ್ ಸಕ್ಸಸ್ಫುಲ್ ಫ್ರಾಂಚೈಸಿಗಳು. ಇಡೀ ಐಪಿಎಲ್ ಲೋಕವನ್ನ ಆಳಿದ್ದು ಈ ಬಿಗ್ ತ್ರಿ ಟೀಮ್ಸ್. 14 ಆವೃತ್ತಿಗಳ ಪೈಕಿ 11 ಬಾರಿ ಪ್ರಶಸ್ತಿಯನ್ನ ಈ ಮೂರು ತಂಡಗಳೇ ಬಾಚಿ ಕೊಂಡಿವೆ. ಮುಂಬೈ ಅತ್ಯಧಿಕ 5 ಬಾರಿ ಟ್ರೋಫಿ ಗೆದ್ರೆ, ಚೆನ್ನೈ 4 ಹಾಗೂ ಕೆಕೆಆರ್ ತಂಡ 2 ಬಾರಿ ಚಾಂಪಿಯನ್ ಪಟ್ಟಕ್ಕೇರಿವೆ. ಇಂತಹ ಬಿಗ್ 3 ಟೀಮ್ಸ್ ಈ ಸಲ ಎಂದೂ ಕಾಣದಷ್ಟು ಘನ ಘೋರ ವೈಫಲ್ಯ ಅನುಭವಿಸಿವೆ.
ಹೌದು, ಯಾವ ದಿಗ್ಗಜ ಟೀಮ್ಸ್ ಐಪಿಎಲ್ ಪಾಯಿಂಟ್ಸ್ ಟೇಬಲ್ನಲ್ಲಿ ಟಾಪ್ ತ್ರಿನಲ್ಲಿ ಸ್ಥಾನ ಪಡೆಯುತಿದ್ವೋ, ಇಂದು ಅದೇ ತಂಡಗಳಿಗೆ ಹೀನಾಯ ಸ್ಥಿತಿ ಬಂದೊಂದಗಿದೆ. ಐಪಿಎಲ್ ಹಿಸ್ಟರಿಯಲ್ಲಿ 11 ಬಾರಿ ಕಪ್ ಗೆದ್ದ ಬಿಗ್ ತ್ರಿ ಟೀಮ್ಸ್ ಪ್ರಸಕ್ತ ಐಪಿಎಲ್ನಲ್ಲಿ ಪ್ಲೇ ಆಫ್ನಿಂದಲೇ ಹೊರಬಿದ್ದು ತೀವ್ರ ಮುಖಭಂಗಕ್ಕೆ ತುತ್ತಾಗಿವೆ. ಅಷ್ಟೇ ಏಕೆ ಮುಂಬೈ, ಚೆನ್ನೈ ಹಾಗೂ ಕೆಕೆಆರ್ ತಂಡಗಳಿಲ್ಲದೇ ಮೊದಲ ಬಾರಿ ಪ್ಲೇ ಆಫ್ಸ್ ನೋಡಬೇಕಾದ ಸ್ಥಿತಿ ಕ್ರಿಕೆಟ್ ಪ್ರಿಯರಿಗೆ ಬಂದೊದಗಿದೆ.
5 ಬಾರಿ ಚಾಂಪಿಯನ್ ಮುಂಬೈ ಮೊದಲ ತಂಡವಾಗಿ ಔಟ್:
ಯೆಸ್, ಈ ಸಲ ಮುಂಬೈ ಇಂಡಿಯನ್ಸ್ ಪರ್ಫಾಮೆನ್ಸ್ ಅಭಿಮಾನಿಗಳಿಗೆ ಸಾಕಷ್ಟು ಬೇಸರ ತರಿಸಿದೆ. ಕಪ್ ಗೆಲ್ಲುವ ಫೇವರಿಟ್ ತಂಡವೆನಿಸಿದ್ದ ರೋಹಿತ್ ಪಡೆ ಮೊದಲ 8 ಪಂದ್ಯಗಳಲ್ಲೇ ಸತತವಾಗಿ ಸೋಲನುಭವಿಸಿತು. ಆಗಲೇ ಮುಂಬೈ ಮೊದಲ ತಂಡವಾಗಿ ಗ್ರೂಪ್ ಸ್ಟೇಜ್ನಲ್ಲಿ ಹೊರಬಿದ್ದಿತು. ಈವರೆಗೆ ಆಡಿದ 13ರಲ್ಲಿ ಜಸ್ಟ್ 3 ಗೆದ್ದಿದೆ. 10 ರಲ್ಲಿ ಮುಗ್ಗರಿಸಿ ಅಂಕಪಟ್ಟಿಯಲ್ಲಿ ಕೊನೆ ಸ್ಥಾನದಲ್ಲಿದೆ. ಈ ಕಳಪೆ ಆಟ ರೋಹಿತ್ ಪಡೆಗೆ ದೊಡ್ಡ ಲೆಸೆನ್.
2ನೇ ಬಾರಿ ಗ್ರೂಪ್ ಸ್ಟೇಜ್ನಲ್ಲೇ ಹೊರಬಿದ್ದ ಸಿಎಸ್ಕೆ:
ಇನ್ನು ಸಿಎಸ್ಕೆ ಕಥೆ ಮುಂಬೈಗಿಂತ ಏನೂ ಭಿನ್ನವಾಗಿಲ್ಲ. ಐಪಿಎಲ್ ಹಿಸ್ಟರಿಯಲ್ಲಿ 4 ಬಾರಿ ಟ್ರೋಫಿ, 9 ಬಾರಿ ಫೈನಲ್ಗೆ ಲಗ್ಗೆಯಿಟ್ಟಿದ್ದ ಚೆನ್ನೈ ಈ ಸಲ ಕರಾಬ್ ಆಟವಾಡಿದೆ. 13 ಪಂದ್ಯಗಳ ಪೈಕಿ 4 ಜಯಿಸಿದ್ರೆ, 9 ರಲ್ಲಿ ಸೋತು ಪಾಯಿಂಟ್ಸ್ ಟೇಬಲ್ನಲ್ಲಿ ಬಾಟಮ್ನಿಂದ 2ನೇ ಸ್ಥಾನದಲ್ಲಿದೆ. ಪ್ಲೇ ಆಫ್ ಕನಸು ಕಮರಿದೆ. ಟೂರ್ನಿ ಇತಿಹಾಸದಲ್ಲಿ 2ನೇ ಸಲ ಧೋನಿ ಸೈನ್ಯ ಗುಂಪು ಹಂತದಲ್ಲಿ ಹೊರಬಿದ್ದ ಅಪಖ್ಯಾತಿಗೆ ಭಾಜನವಾಗಿದೆ.
ಪ್ಲೇ ಆಫ್ ಪ್ರವೇಶಿಸಿರುವ ರಾಜಸ್ಥಾನ ರಾಯಲ್ಸ್ ಗೆಲ್ಲೋ ಒತ್ತಡದಲ್ಲಿರೋದ್ಯಾಕೆ..?
2 ಸಲ ಕಪ್ ಗೆದ್ದ ಕೆಕೆಆರ್ಗೆ ದೊಡ್ಡ ಮುಖಭಂಗ:
ಕೆಕೆಆರ್ 2012 ಮತ್ತು 2014ರಲ್ಲಿ ಕಪ್ ಗೆದ್ದ ಚಾಂಪಿಯನ್ ತಂಡ. ಕಳೆದ ಸಲ ರನ್ನರ್ ಅಪ್ ಆಗಿ ಹೊರಹೊಮ್ಮಿತ್ತು. ಇಂತಹ ತಂಡಕ್ಕೆ ಈ ಬಾರಿ ಪ್ಲೇ ಆಫ್ ಭಾಗ್ಯವಿಲ್ಲ. ಉತ್ತಮ ಆರಂಭದ ಹೊರತಾಗಿಯೂ ಸೋಲಿನತ್ತ ಮುಖಮಾಡಿದ ಕೆಕೆಆರ್ ಆಗಲೇ 8 ರಲ್ಲಿ ಸೋತು ಪ್ಲೇ ಆಫ್ ರೇಸ್ನಿಂದ ಔಟ್ ಆಗಿದೆ. ಹೊಸ ಕ್ಯಾಪ್ಟನ್ ಶ್ರೇಯಸ್ ಅಯ್ಯರ್ ಮೊದಲ ಪ್ರಯತ್ನದಲ್ಲಿ ಎಡವಿ, ಟೀಕಾಕಾರರಿಗೆ ಆಹಾರವಾಗಿದ್ದಾರೆ. ಒಟ್ಟಿನಲ್ಲಿ ಐಪಿಎಲ್ನ ಬಿಗ್ ತ್ರಿ ಟೀಮ್ಸ್ ಫ್ಯಾನ್ಸ್ಗೆ ನಿರಾಸೆ ಮೂಡಿಸಿವೆ. ಮುಂದಿನ ಸಲವಾದ್ರು ಗ್ರ್ಯಾಂಡ್ ಕಮ್ಬ್ಯಾಕ್ ಮಾಡ್ತಾವ ಅನ್ನೋದನ್ನ ಕಾದು ನೋಡಬೇಕು.