ಆ ಒಂದು ನಾಯಿಗಾಗಿ ಇಡೀ ನಗರದಲ್ಲಿ ಹುಡುಕಾಟ, ಧ್ವನಿವರ್ಧಕಗಳಲ್ಲಿ ಎಚ್ಚರಿಕೆ!
* ಪಾಕಿಸ್ತಾನದ ಗುಂಜ್ರಾನ್ವಾಲಾ ಆಯುಕ್ತ ಜುಲ್ಫಿಕರ್ ಅಹ್ಮದ್ ಘುಮಾನ್ರ ಸಾಕು ನಾಯಿ
* ಅಹ್ಮದ್ ಘುಮಾನ್ರ ಸಾಕು ನಾಯಿ ಮಂಗಳವಾರ ನಾಪತ್ತೆ
* ರಿಕ್ಷಾದಲ್ಲಿ ಧ್ವನಿವರ್ಧಕ ಅಳವಡಿಸಿ ಹುಡುಕಾಟ
ಇಸ್ಲಮಾಬಾದ್(ಜು.28): ಪಾಕಿಸ್ತಾನದ ಗುಂಜ್ರಾನ್ವಾಲಾ ಆಯುಕ್ತ ಜುಲ್ಫಿಕರ್ ಅಹ್ಮದ್ ಘುಮಾನ್ರ ಸಾಕು ನಾಯಿ ಮಂಗಳವಾರ ನಾಪತ್ತೆಯಾಗಿದೆ. ಇದಾದ ಬಳಿಕ ನಂತರ ರಾಜ್ಯದ ಅಧಿಕಾರಿಗಳು ನಾಯಿಯನ್ನು ಹುಡುಕುವಲ್ಲಿ ತಲ್ಲೀನರಾಗಿದ್ದಾರೆ. ಮಾಧ್ಯಮ ವರದಿಗಳ ಪ್ರಕಾರ, ಜುಲ್ಫಿಕರ್ ಅಹ್ಮದ್ ಅವರ ಮನೆಯ ಮುಖ್ಯ ಗೇಟ್ ಸ್ವಲ್ಪ ಸಮಯದವರೆಗೆ ತೆರೆದಿತ್ತು, ಈ ವೇಳೆ ನಾಯಿ ಹೊರಗೆ ಓಡಿಹೋಗಿದೆ ಎನ್ನಲಾಗಿದೆ.
ರಿಕ್ಷಾದಲ್ಲಿ ಧ್ವನಿವರ್ಧಕ ಅಳವಡಿಸಿ ಹುಡುಕಾಟ
ಪೊಲೀಸರು ಮತ್ತು ಪುರಸಭೆ ಅಧಿಕಾರಿಗಳು ಸ್ಥಳೀಯ ಆಟೋ ರಿಕ್ಷಾದಲ್ಲಿ ಧ್ವನಿವರ್ಧಕಗಳನ್ನು ಅಳವಡಿಸಿ ನಾಯಿಯನ್ನು ಹುಡುಕುವ ಯತ್ನ ನಡೆಸಿದ್ದಾರೆ. ಅಷ್ಟೇ ಅಲ್ಲದೇ, ಯಾರ ಮನೆಯಲ್ಲಾದರೂ ನಾಯಿ ಕಂಡುಬಂದಲ್ಲಿ ಆತನ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಸ್ಥಳೀಯ ಜನರಿಗೆ ಎಚ್ಚರಿಕೆಯನ್ನೂ ನೀಡಿದ್ದಾರೆ.
ಮನೆ ಮನೆಯನ್ನೂ ಪರಿಶೀಲಿಸಿ ಎಂದ ಕಮಿಷನರ್
ನಾಯಿಯನ್ನು ಹುಡುಕಲು, ಆಯುಕ್ತರು ಮನೆ ಮನೆಗೆ ತೆರಳಿ ಶೋಧ ನಡೆಸಬೇಕು ಎಂದು ಘೋಷಿಸಿದ್ದಾರೆ. ಇದಾಧ ಬಳಿಕ ಅಧಿಕಾರಿಗಳು ನಗರದ ಬೀದಿ ಬೀದಿಗಳಲ್ಲಿ ಮನೆ ಮನೆಗೆ ತೆರಳಿ ಹುಡುಕಾಟ ನಡೆಸಿದ್ದಾರೆ. ಅದೆಷ್ಟೇ ಶ್ರಮ ಹಾಕಿಯಾದರೂ ನಾಯಿಯನ್ನು ಹುಡುಕಲು ಅಧಿಕಾರಿಗಳಿಗೆ ಆದೇಶಿಸಲಾಗಿದೆ.
ಆಡಳಿತ ಅಧಿಕಾರಿಗಳು ಎಲ್ಲಾ ಕೆಲಸ ಬಿಟ್ಟು ನಾಯಿ ಹುಡುಕುತ್ತಿದೆ
ಕಳೆದುಹೋದ ನಾಯಿಯನ್ನು ಹುಡುಕಲು ಸ್ಥಳೀಯ ಪೊಲೀಸರು ಮತ್ತು ಆಡಳಿತ ಸಿಬ್ಬಂದಿ ತಮ್ಮ ಕೆಲಸದಿಂದ ಬಿಡುಗಡೆ ಮಾಡಲಾಗಿದೆ. ಎಲ್ಲಾ ಕೆಲಸಗಳನ್ನು ಬಿಟ್ಟು, ಮೊದಲು ನಾಯಿಯನ್ನು ಕಂಡುಹಿಡಿಯಬೇಕು ಎಂದು ಆದೇಶಿಸಲಾಗಿದೆ.
4 ಲಕ್ಷ ರೂಪಾಯಿ ಮೊತ್ತದ ನಾಯಿ
ಮಾಧ್ಯಮ ವರದಿಗಳ ಪ್ರಕಾರ, ನಾಯಿಯ ಬೆಲೆ 4,00,000 ರೂ. ನಾಯಿ ಮನೆಯಿಂದ ಹೇಗೆ ಹೊರಬಂದಿದೆ ಎಂದು ಆಯುಕ್ತರ ಮನೆಯ ಸಿಬ್ಬಂದಿಯನ್ನು ಬೈದಿದ್ದಾರೆ. ಮತ್ತೊಂದೆಡೆ, ಆಯುಕ್ತರು ಇಂತಹ ನಡವಳಿಕೆಯನ್ನು ಸಾಮಾಜಿಕ ಮಾಧ್ಯಮದಲ್ಲಿ ಟೀಕಿಸಲಾಗುತ್ತಿದೆ. ರಾಜ್ಯ ಯಂತ್ರೋಪಕರಣಗಳನ್ನು ದುರುಪಯೋಗಪಡಿಸಿಕೊಳ್ಳಲಾಗುತ್ತಿದೆ ಎಂದು ಜನರು ಆರೋಪಿಸುತ್ತಿದ್ದಾರೆ