ತಲೆ ಕತ್ತರಿಸಿದ್ರೆ ಬದುಕು ಸಾಧ್ಯವೇ?

ಅದು ಮನುಷ್ಯನಾಗಿರಲಿ, ಪ್ರಾಣಿಯಾಗಿರಲಿ, ಪಕ್ಷಿಯಾಗಿರಲಿ ಅಥವಾ ಕೀಟವಾಗಿರಲಿ, ತಲೆಯನ್ನು ಕತ್ತರಿಸಿದರೆ, ಅವುಗಳಲ್ಲಿ ಯಾವುದೂ ಬದುಕುಳಿಯಲು ಸಾಧ್ಯವಿಲ್ಲ.
 

ಆದರೆ ಒಂದು ಜೀವಿ ಇದೆ, ನೀವು ಅದರ ತಲೆಯನ್ನು ಕತ್ತರಿಸಿದ ನಂತರವೂ ಆ ಜೀವಿ ಒಂದು ವಾರದವರೆಗೆ ಬದುಕಬಲ್ಲದು.
 

ಯಾವುದಪ್ಪಾ ಆ ಜೀವಿ ಎಂದು ಯೋಚನೆ ಮಾಡಬೇಡಿ. ಅದು ಬೇರಾವುದೂ ಅಲ್ಲ, ಮನೆಗಳಲ್ಲಿ ಹೆಚ್ಚಾಗಿ ಕಂಡುಬರುವ ಜಿರಳೆ ತಲೆಯಿಲ್ಲದೆ ಒಂದು ವಾರ ಬದುಕಬಲ್ಲದು.

ಜಿರಳೆಗಳ ಬಗ್ಗೆ ತಿಳಿದುಕೊಳ್ಳಬೇಕಾದ ವಿಶೇಷತೆ ಅಂದ್ರೆ, ಅವು ತಮ್ಮ ದೇಹದ ಪ್ರತಿಯೊಂದು ಭಾಗದಲ್ಲಿರುವ ಸಣ್ಣ ರಂಧ್ರಗಳ ಮೂಲಕ ಉಸಿರಾಡುತ್ತವೆ. ಹಾಗಾಗಿಯೆ ತಲೆ ಕತ್ತರಿಸಿದ ನಂತ್ರ ವಾರಗಳ ಕಾಲ ಬದುಕುತ್ತೆ.
 

ಜಿರಳೆ ತನ್ನ ದೇಹದಿಂದ ಉಸಿರಾಟ ನಡೆಸೋದರಿಂದ, ಜಿರಳೆಗಳು ಉಸಿರಾಡಲು ಬಾಯಿ ಅಥವಾ ಮೂಗನ್ನು ಅವಲಂಬಿಸುವುದಿಲ್ಲ. ಹಾಗೂ ಕೆಲವು ದಿನಗಳವರೆಗೆ ಜೀವ ಉಳಿಸಿಕೊಳ್ಳುತ್ತೆ. 
 

ಜಿರಳೆ ತನ್ನ ತಲೆಯನ್ನು ಕತ್ತರಿಸಿದ ವಾರಗಳ ನಂತರ ಸಾಯುತ್ತದೆ ಏಕೆಂದರೆ ಅದು ಬಾಯಿಯಿಲ್ಲದೆ ನೀರು ಕುಡಿಯಲು ಸಾಧ್ಯವಿಲ್ಲ. ಹಾಗಾಗಿ ಅದು ಬಾಯಾರಿಕೆಯಿಂದ ಸಾಯುತ್ತದೆ.

ಜಿರಳೆ ಅರ್ಧ ಗಂಟೆ ನೀರಿನಲ್ಲಿ ಮುಳುಗಿದರೂ ಬದುಕಬಲ್ಲದು. ಜಿರಳೆ ತನ್ನ ಉಸಿರನ್ನು 40 ನಿಮಿಷಗಳ ಕಾಲ ಹಿಡಿದಿಟ್ಟುಕೊಳ್ಳಬಲ್ಲದು. ಹಾಗಾಗಿ ನೀರಿನಲ್ಲಿ ಮುಳುಗಿದ್ರೂ ಬದುಕುತ್ತೆ.