ಹಲ್ಲಿಗಳ ಕಾಟ

ಎಷ್ಟೇ ಸ್ವಚ್ಛಗೊಳಿಸಿದರೂ ಹಲ್ಲಿಗಳು ಬರುವುದನ್ನು ತಡೆಯಲು ಸಾಧ್ಯವಿಲ್ಲ. ಅವು ಹಾನಿಕಾರಕವಲ್ಲದಿದ್ದರೂ, ಹಲ್ಲಿಗಳನ್ನು ನೋಡುವುದು ಯಾರಿಗೂ ಇಷ್ಟವಿಲ್ಲ. 
 

ಕರಿಮೆಣಸನ್ನು ಬಳಸಿ ಮನೆಯೊಳಗಿನ ಹಲ್ಲಿಗಳ ಕಾಟವನ್ನು ನಿಯಂತ್ರಿಸಬಹುದು. ಹಲ್ಲಿಗಳು ಬರುವ ಜಾಗಗಳಲ್ಲಿ ಕರಿಮೆಣಸಿನ ಸ್ಪ್ರೇ   ಹೊಡೆಯಬಹುದು. 
 

ಮನೆಯೊಳಗೆ ಈರುಳ್ಳಿ ಇಟ್ಟರೆ ಹಲ್ಲಿಗಳು ಬರುವುದನ್ನು ತಡೆಯಬಹುದು. ಅಥವಾ ಈರುಳ್ಳಿ ಅರೆದು ನೀರಿನಲ್ಲಿ ಬೆರೆಸಿ ಸ್ಪ್ರೇ ಮಾಡಬಹುದು. 

ಹಲ್ಲಿಗಳು ಬರುವ ಜಾಗಗಳಲ್ಲಿ ವಿನೆಗರ್ ಮತ್ತು ನೀರು ಬೆರೆಸಿ ಸ್ಪ್ರೇ ಮಾಡಬಹುದು. ವಿನೆಗರ್‌ನ ಘಾಟಿನಿಂದ ಹಲ್ಲಿಗಳು ಆ ಪ್ರದೇಶಕ್ಕೆ ಬರುವುದಿಲ್ಲ. 

ಮೊಟ್ಟೆಯ ಚಿಪ್ಪನ್ನು ಬಳಸಿ ಮನೆಯೊಳಗಿನ ಹಲ್ಲಿಗಳನ್ನು ಓಡಿಸಬಹುದು. ಮೊಟ್ಟೆಯ ಚಿಪ್ಪಿನ ವಾಸನೆ ಹಲ್ಲಿಗಳಿಗೆ ತೊಂದರೆ ಕೊಡುತ್ತದೆ.

ಮನೆಯಲ್ಲಿ ಕಾಫಿ ಪುಡಿಯಿದ್ದರೆ ಹಲ್ಲಿಗಳನ್ನು ಓಡಿಸುವುದು ಸುಲಭ. ಕಾಫಿ ಪುಡಿಯ ಘಾಟು ಮತ್ತು ಒರಟುತನ ಹಲ್ಲಿಗಳಿಗೆ ಇಷ್ಟವಿಲ್ಲ. 

ಬೆಳ್ಳುಳ್ಳಿಯ ವಾಸನೆ ಹಲ್ಲಿಗಳಿಗೆ ಇಷ್ಟವಿಲ್ಲ. ಆದ್ದರಿಂದ ಅದನ್ನು ಅರೆದು ಪೇಸ್ಟ್ ಮಾಡಿ ಅಥವಾ ಬೆಳ್ಳುಳ್ಳಿ ಹಾಕಿದ ನೀರನ್ನು ಸ್ಪ್ರೇ ಮಾಡಬಹುದು.

ಕರ್ಪೂರ ತುಳಸಿಯ ವಾಸನೆಯೂ ಹಲ್ಲಿಗಳಿಗೆ ಇಷ್ಟವಿಲ್ಲ. ಇದರ ಎಣ್ಣೆಯನ್ನು ಅಥವಾ ಸ್ಪ್ರೇ ಮಾಡಿ ಬಳಸಬಹುದು.