ಪಾಕಿಸ್ತಾನ: ಬಿಡುಗಡೆಯಾದ ಒತ್ತೆಯಾಳುಗಳ ಚಿತ್ರ ತೋರಿಸಿ, BLA ಸವಾಲು

ಜಾಫರ್ ಎಕ್ಸ್‌ಪ್ರೆಸ್ ರೈಲು ಪ್ರಕರಣದಲ್ಲಿ ಪಾಕಿಸ್ತಾನಕ್ಕೆ ತೀವ್ರ ಮುಖಭಂಗವಾಗಿದೆ. ಎಲ್ಲಾ ಒತ್ತೆಯಾಳುಗಳನ್ನು ರಕ್ಷಿಸಲಾಗಿದೆ ಎಂದು ಸೇನೆ ಹೇಳಿಕೊಂಡಿದೆ, ಆದರೆ BLA ಹೊಸ ಸವಾಲು ಹಾಕಿದೆ.

ಪಾಕ್ ಸೇನೆಯ ಹೇಳಿಕೆಯನ್ನು ಸುಳ್ಳು ಎಂದು ಹೇಳಿರುವ ಬಲೂಚ್ ಲಿಬರೇಶನ್ ಆರ್ಮಿ, ಎಲ್ಲಾ ಒತ್ತೆಯಾಳುಗಳನ್ನು ರಕ್ಷಿಸಿದ್ದರೆ ಅವರ ಚಿತ್ರಗಳನ್ನು ಬಿಡುಗಡೆ ಮಾಡಿ ಎಂದು ಹೇಳಿದೆ.

ಬಲೂಚ್ ಲಿಬರೇಶನ್ ಆರ್ಮಿಯ ಈ ಸವಾಲಿನ ನಂತರ ಪಾಕಿಸ್ತಾನಿ ಸೇನೆ ಸಂಪೂರ್ಣವಾಗಿ ಬಯಲಾಗಿದೆ. ಏಕೆಂದರೆ ಮಾರ್ಚ್ 12 ರ ರಾತ್ರಿಯೇ ಕಾರ್ಯಾಚರಣೆ ಮುಕ್ತಾಯಗೊಳಿಸಿರುವುದಾಗಿ ಹೇಳಿತ್ತು.

ಬೋಲನ್‌ನಲ್ಲಿ ಕಾರ್ಯಾಚರಣೆ ಮುಕ್ತಾಯಗೊಳಿಸಿರುವುದಾಗಿ ಪಾಕ್ ಸೇನೆ ಹೇಳಿರುವುದು ಸಂಪೂರ್ಣ ಆಧಾರರಹಿತ. ಈ ಹೋರಾಟ ಇನ್ನೂ ನಡೆಯುತ್ತಿದೆ. 100ಕ್ಕೂ ಹೆಚ್ಚು ಮಂದಿಯ ಹೆಸರನ್ನು ಸೇನೆ ಬಹಿರಂಗಪಡಿಸಿಲ್ಲ.

ನಮ್ಮ 33 ಹೋರಾಟಗಾರರನ್ನು ಹತ್ಯೆ ಮಾಡಲಾಗಿದೆ ಎಂಬ ಪಾಕಿಸ್ತಾನಿ ಸೇನೆಯ ಹೇಳಿಕೆಯೂ ಸುಳ್ಳು. ಹಾಗೇನಾದರೂ ಆಗಿದ್ದರೆ ಫೋಟೋಗಳನ್ನು ತೋರಿಸಲಿ ಎಂದು BLA ಹೇಳಿದೆ.

ನಮ್ಮ ವಶದಲ್ಲಿ ಇನ್ನೂ 154 ಒತ್ತೆಯಾಳುಗಳಿದ್ದಾರೆ ಎಂದು BLA ಹೇಳಿಕೊಂಡಿದೆ. ಕ್ವೆಟ್ಟಾದಿಂದ ಜಾಫರ್ ಎಕ್ಸ್‌ಪ್ರೆಸ್‌ನಲ್ಲಿ 450 ಪ್ರಯಾಣಿಕರ ಪೈಕಿ 200ಕ್ಕೂ ಹೆಚ್ಚು ಭದ್ರತಾ ಸಿಬ್ಬಂದಿ ಇದ್ದರು.

ಸುಳ್ಳು ಹೇಳುವುದು ಪಾಕಿಸ್ತಾನಿಯರ ಹುಟ್ಟು ಗುಣ ಎಂದು ಬಲೂಚ್ ಲಿಬರೇಶನ್ ಆರ್ಮಿ ಹೇಳಿದೆ. ಸೇನೆಯ ಒತ್ತೆಯಾಳು ರಕ್ಷಣೆ ಹೇಳಿಕೆ ನಿಜವಾಗಿದ್ದರೆ, ಪತ್ರಕರ್ತರಿಗೆ ಸ್ಥಳಕ್ಕೆ ಭೇಟಿ ನೀಡಲು ಅನುಮತಿ ನೀಡಲಿ.

ಮಾರ್ಚ್ 11 ರಂದು ಕ್ವೆಟ್ಟಾದಿಂದ ಪೇಶಾವರಕ್ಕೆ ತೆರಳುತ್ತಿದ್ದ ಜಾಫರ್ ಎಕ್ಸ್‌ಪ್ರೆಸ್ ಅನ್ನು ಬಲೂಚ್ ಲಿಬರೇಶನ್ ಆರ್ಮಿ ಬೋಲನ್ ಬಳಿಯ ಕಣಿವೆಗಳಲ್ಲಿ ಮಧ್ಯಾಹ್ನ 1 ಗಂಟೆಗೆ ಹೈಜಾಕ್ ಮಾಡಿತು.