ಶಿಂಧೆ ಆರೋಗ್ಯದಲ್ಲಿ ಏರುಪೇರು, ಫೋನ್ ಸ್ವಿಚ್ ಆಫ್

ಮಹಾರಾಷ್ಟ್ರದ ಮುಂದಿನ ಸಿಎಂ ಬಗ್ಗೆ ಏಕನಾಥ್ ಶಿಂಧೆ ಅವರು ಸತಾರಾದಲ್ಲಿನ ತಮ್ಮ ಸ್ಥಳೀಯ ಗ್ರಾಮವನ್ನು ತಲುಪುತ್ತಿದ್ದಂತೆ ಅನಾರೋಗ್ಯಕ್ಕೆ ಒಳಗಾಗಿದ್ದಾರೆ

ಮಹಾರಾಷ್ಟ್ರದಲ್ಲಿ ಇನ್ನೂ ಸಿಎಂ ಹೆಸರು ಅಂತಿಮವಾಗಿಲ್ಲ. ಈ ಮಧ್ಯೆ ಏಕನಾಥ್ ಶಿಂಧೆ ಅವರ ಆರೋಗ್ಯದಲ್ಲಿ ಏರುಪೇರು ಕಂಡುಬಂದಿದೆ. ಅವರ ಫೋನ್ ಸ್ವಿಚ್ ಆಫ್ ಆಗಿದೆ.

ಶಿಂಧೆ ನವೆಂಬರ್ 29 ರಂದು ದೆಹಲಿಯಲ್ಲಿ ಗೃಹ ಸಚಿವ ಅಮಿತ್ ಶಾ ಅವರನ್ನು ಭೇಟಿ ಮಾಡಿದ ನಂತರ ಮುಂಬೈಗೆ ಮರಳಿ ತಮ್ಮ ಎಲ್ಲಾ ಕಾರ್ಯಕ್ರಮಗಳನ್ನು ರದ್ದುಗೊಳಿಸಿ ತಮ್ಮ ಹಳ್ಳಿ ಸಾತಾರಾಗೆ ತೆರಳಿದ್ದರು..

ಶಿಂಧೆ ಅವರ ಆರೋಗ್ಯದ ಸುದ್ದಿ ತಿಳಿದ ತಕ್ಷಣ ಸಾತಾರಾದಿಂದ ವೈದ್ಯರ ವಿಶೇಷ ತಂಡವು ಅವರ ಹಳ್ಳಿಯ ಮನೆಗೆ ಆಗಮಿಸಿದೆ. ಅಲ್ಲಿ ಅವರ ಚಿಕಿತ್ಸೆ ಮುಂದುವರಿದಿದೆ.

ಶಿಂಧೆ ಅವರಿಗೆ ಚಿಕಿತ್ಸೆ ನೀಡುತ್ತಿರುವ ವೈದ್ಯ ಆರ್ ಎಂ ಪಾರ್ಟೆ ಅವರು ಶಿಂಧೆಗೆ ಜ್ವರ, ಶೀತ ಮತ್ತು ಗಂಟಲು ಸೋಂಕು ಇದೆ, ಅವರಿಗೆ ಸಲೈನ್ ಹಾಕಲಾಗಿದೆ. ಅವರು ಒಂದೆರಡು ದಿನಗಳಲ್ಲಿ ಚೇತರಿಸಿಕೊಳ್ಳುತ್ತಾರೆ ಎಂದಿದ್ದಾರೆ.

ಶಿಂಧೆ ಒಂದು ತಿಂಗಳಿನಿಂದ ರಾಜ್ಯದ ಚುನಾವಣಾ ಪ್ರವಾಸದಲ್ಲಿದ್ದರು, ಅವರು ವಿಶ್ರಾಂತಿ ಪಡೆಯಲಿಲ್ಲ, ಆದ್ದರಿಂದ ಅವರಿಗೆ ಜ್ವರ ಮತ್ತು ಶೀತದಂತಹ ವೈರಲ್ ಸೋಂಕು ಉಂಟಾಗಿದೆ. ಚಿಂತೆ ಮಾಡುವ ಅಗತ್ಯವಿಲ್ಲ ಎಂದಿದ್ದಾರೆ.

ಶಿಂಧೆ ಅವರು ಹಠಾತ್ ಹಳ್ಳಿಗೆ ಹೋದ ಬಗ್ಗೆ ಅವರ ಶಾಸಕರೊಬ್ಬರು ಹೇಳಿದ್ದಾರೆ - ಅವರು ಏನಾದರೂ ದೊಡ್ಡ ಯೋಜನೆ ರೂಪಿಸಿದರೆ ಹಳ್ಳಿಗೆ ಹೋಗುತ್ತಾರೆ. ಅವರು ಯಾರೊಂದಿಗೂ ಮಾತನಾಡುವುದಿಲ್ಲ, ಫೋನ್ ಸ್ವಿಚ್ ಆಫ್ ಮಾಡುತ್ತಾರೆ.