ಯುದ್ಧದಿಂದ ಬೇಸತ್ತ ಪ್ಯಾಲೆಸ್ತೀನಿಯನ್ನರು ಹಮಾಸ್‌ಗೆ ತಕ್ಕ ಪಾಠ ಕಲಿಸಿದರು

ದೀರ್ಘಕಾಲದಿಂದ ಯುದ್ಧದಲ್ಲಿ ಸಿಲುಕಿರುವ ಗಾಜಾದ ಜನರು ಈಗ ಇದರಿಂದ ಬೇಸತ್ತಿದ್ದಾರೆ. ಗಾಜಾದ ಜನರು ಈಗ ಹಮಾಸ್ ವಿರುದ್ಧವೇ ತಿರುಗಿಬಿದ್ದಿದ್ದಾರೆ.

ಮಂಗಳವಾರ ಗಾಜಾದ ವಿವಿಧೆಡೆ ಜನರು ಹಮಾಸ್ ವಿರುದ್ಧ ಪ್ರತಿಭಟನೆ ನಡೆಸಿದರು. ಈಗಾಗಲೇ ಸಾಕಷ್ಟು ಸಾವು ನೋವು ಅನುಭವಿಸಿದ್ದೇವೆ. ಮೊದಲು ಭಯೋತ್ಪಾದನೆ ನಿಲ್ಲಿಸಿ ಎಂದು ಆಗ್ರಹಿಸಿದ್ದಾರೆ.

ಪ್ಯಾಲೆಸ್ತೀನಿಯನ್ನರು ಹಮಾಸ್ ಅನ್ನು ಭಯೋತ್ಪಾದಕ ಸಂಘಟನೆ ಎಂದು ಕರೆದು ಅಧಿಕಾರ ತ್ಯಜಿಸುವಂತೆ ಒತ್ತಾಯಿಸಿದ್ದಾರೆ. ಜನರು ಗಾಜಾದಲ್ಲಿ ಹಮಾಸ್ ಗಾಜಾ ಬಿಟ್ಟು ತೊಲಗಿ' ಘೋಷಣೆಗಳನ್ನು ಕೂಗಿ ಪ್ರತಿಭಟನೆ ನಡೆಸಿದ್ದಾರೆ..

ಗಾಜಾದಲ್ಲಿ ಜನರು ಈಗ ಹೇಳುತ್ತಿದ್ದಾರೆ - 'ಯುದ್ಧವನ್ನು ನಿಲ್ಲಿಸಿ, ಹಮಾಸ್ ಅನ್ನು ಕಿತ್ತೊಗೆಯಿರಿ. ಪ್ಯಾಲೆಸ್ತೀನ್‌ನಲ್ಲಿ ಮಕ್ಕಳು ಬದುಕಲು ಬಯಸುತ್ತಾರೆ, ಅವರನ್ನು ಬಿಟ್ಟುಬಿಡಿ ಎಂದು ಮನವಿ ಮಾಡಿದ್ದಾರೆ.

ಗಾಜಾದಲ್ಲಿ ಹಮಾಸ್ ವಿರುದ್ಧ ನಡೆಯುತ್ತಿರುವ ಈ ಪ್ರತಿಭಟನೆಯನ್ನು ಹತ್ತಿಕ್ಕಲು, ಅದರ ಹೋರಾಟಗಾರರು ಜನರ ಮೇಲೆ ಹಲ್ಲೆ ನಡೆಸಿದ್ದಾರೆ, ಇದರ ವಿಡಿಯೋಗಳು ವೈರಲ್ ಆಗುತ್ತಿವೆ.

ಗಾಜಾದಲ್ಲಿ ಇಲ್ಲಿಯವರೆಗೆ 1.75 ಲಕ್ಷ ಕಟ್ಟಡಗಳು ನಾಶವಾಗಿವೆ ಎಂದು ಹೇಳೋಣ. ಅಂದರೆ, ಅಲ್ಲಿನ 72% ಕಟ್ಟಡಗಳು ಸಂಪೂರ್ಣವಾಗಿ ಅವಶೇಷಗಳಾಗಿವೆ. ಕಟ್ಟಡ ರಾಶಿ ತೆಗೆಯಲು ಹಲವು ವರ್ಷಗಳೇ ಬೇಕಾಗಬಹುದು ಅಷ್ಟೊಂದು ಹಾನಿಯಾಗಿದೆ

ಗಾಜಾದಲ್ಲಿ ಕಳೆದ 17 ತಿಂಗಳಲ್ಲಿ 48000 ಜನರು ಸಾವನ್ನಪ್ಪಿದ್ದಾರೆ, ಆದರೆ 1.10 ಲಕ್ಷ ಜನರು ಗಾಯಗೊಂಡಿದ್ದಾರೆ.

ಗಾಜಾದ 20 ಲಕ್ಷ ಜನಸಂಖ್ಯೆಯು ಆಹಾರ ಮತ್ತು ಪಾನೀಯಗಳ ಜೊತೆಗೆ ಅನೇಕ ಮೂಲಭೂತ ಸೌಕರ್ಯಗಳಿಗಾಗಿ ಹಂಬಲಿಸುತ್ತಿದೆ. ಜನರು ವಲಸೆ ಹೋಗುವಂತೆ ಒತ್ತಾಯಿಸಲಾಗುತ್ತಿದೆ.

ಇಸ್ರೇಲ್-ಹಮಾಸ್ ನಡುವೆ ಡಿಸೆಂಬರ್‌ನಲ್ಲಿ ಕದನ ವಿರಾಮ ಏರ್ಪಟ್ಟಿತ್ತು, ಅದು ಜನವರಿಯಲ್ಲಿ ಕೊನೆಗೊಂಡಿತು. ಇದರ ನಂತರ, ಇಸ್ರೇಲ್ ಮತ್ತೆ ಗಾಜಾದ ಮೇಲೆ ದಾಳಿ ಮಾಡಲು ಪ್ರಾರಂಭಿಸಿತು.