ಓದಿದ್ದು ನೆನಪಿರಲ್ವಾ ?

ಇಂದಿನ ಸ್ಪರ್ಧಾತ್ಮಕ ಯುಗದಲ್ಲಿ ಮಕ್ಕಳಿಗೆ ಕೇವಲ ಅಧ್ಯಯನವಲ್ಲ, ಗಮನ ಕೇಂದ್ರೀಕರಿಸಿ ಕಲಿಯುವುದು ಅಷ್ಟೇ ಮುಖ್ಯ. ಆದರೆ, ಅನೇಕ ಪೋಷಕರ ದೂರು "ಮಕ್ಕಳು ಬೇಗ ಮರೆತುಬಿಡುತ್ತಾರೆ", "ಓದಿದ್ದು ನೆನಪಿರುವುದಿಲ್ಲ" ಎಂದು.

ಮಕ್ಕಳಿಗೆ ಪ್ರತಿದಿನ 8-10 ತಾಸು ನಿದ್ರೆ ಬಹಳ ಮುಖ್ಯ. ನಿದ್ರೆಯಿಂದ ಮೆದುಳಿಗೆ ವಿಶ್ರಾಂತಿ ಸಿಗುತ್ತದೆ ಮತ್ತು ಕಲಿತ ವಿಷಯ ಚೆನ್ನಾಗಿ ನೆನಪಿನಲ್ಲಿರುತ್ತದೆ. 

ಬಾದಾಮಿ, ವಾಲ್ನಟ್, ಹಣ್ಣುಗಳು, ಹಸಿರು ತರಕಾರಿಗಳು, ದ್ವಿದಳ ಧಾನ್ಯಗಳು ಮತ್ತು ಹಾಲು ಮೆದುಳಿನ ಬೆಳವಣಿಗೆಗೆ ಪೌಷ್ಟಿಕಾಂಶ ಒದಗಿಸುತ್ತವೆ. ಪ್ರತಿದಿನ ಈ ಆಹಾರ ನೀಡುವುದರಿಂದ ಗಮನ ಕೇಂದ್ರೀಕರಿಸಲು ಸಹಾಯವಾಗುತ್ತದೆ.

ಧ್ಯಾನ ಮತ್ತು ಉಸಿರಾಟದ ವ್ಯಾಯಾಮಗಳು ಮಕ್ಕಳಲ್ಲಿ ಏಕಾಗ್ರತೆಯನ್ನು ಹೆಚ್ಚಿಸುತ್ತವೆ. ದಿನಕ್ಕೆ 5-10 ನಿಮಿಷಗಳ ಧ್ಯಾನ ಕೂಡ ತುಂಬಾ ಪ್ರಯೋಜನಕಾರಿ.

ಶಾಲಾ ಪಾಠಗಳನ್ನು ಪ್ರತಿದಿನ ಸ್ವಲ್ಪ ಸ್ವಲ್ಪ ಪುನರಾವರ್ತನೆ ಮಾಡುವ ಅಭ್ಯಾಸ ಮಾಡಿಕೊಳ್ಳಿ. ಪದೇ ಪದೇ ಓದುವುದರಿಂದ ಮಾಹಿತಿ ಮೆದುಳಿನಲ್ಲಿ ದೀರ್ಘಕಾಲ ಉಳಿಯುತ್ತದೆ.

ಪದಬಂಧ, ಒಗಟುಗಳು, ಚದುರಂಗ, ಮೆಮೊರಿ ಆಟಗಳು - ಈ ಆಟಗಳು ಮಕ್ಕಳ ಚಿಂತನಾ ಶಕ್ತಿಯನ್ನು ಹೆಚ್ಚಿಸುತ್ತವೆ.