ವೈದ್ಯರಾಗಲು ಬಯಸುವಿರಾ?

 ₹1 ಕೋಟಿ ಖರ್ಚು ಮಾಡಲು ಸಿದ್ಧರಾಗಿರಿ. ಖಾಸಗಿ ಕಾಲೇಜುಗಳ ಶುಲ್ಕ ವರ್ಷಕ್ಕೆ ₹25–30 ಲಕ್ಷ ತಲುಪುತ್ತಿರುವುದರಿಂದ , ಎಂಬಿಬಿಎಸ್ ಪದವಿಗಳು ಶ್ರೀಮಂತರಿಗೆ ಐಷಾರಾಮಿ ಉತ್ಪನ್ನಗಳಾಗಿ ಬದಲಾಗುತ್ತಿವೆ. 

ಭಾರತದಲ್ಲಿ ವೈದ್ಯರಾಗಲು ತಗಲುವ ವೆಚ್ಚವು ಕಾಲೇಜು ಮತ್ತು ನೀವು ಆಯ್ಕೆ ಮಾಡುವ ಕೋರ್ಸ್ ಅನ್ನು ಅವಲಂಬಿಸಿರುತ್ತದೆ. ಸರ್ಕಾರಿ ವೈದ್ಯಕೀಯ ಕಾಲೇಜುಗಳಲ್ಲಿ ಶಿಕ್ಷಣದ ವೆಚ್ಚವು ಖಾಸಗಿ ಕಾಲೇಜುಗಳಿಗಿಂತ ಕಡಿಮೆ ಇರುತ್ತದೆ. 

ಸರ್ಕಾರಿ ಕಾಲೇಜುಗಳಲ್ಲಿ ಎಂಬಿಬಿಎಸ್ ಕೋರ್ಸ್‌ಗೆ ಸುಮಾರು 2 ರಿಂದ 7 ಲಕ್ಷ ರೂಪಾಯಿಗಳು ತಗಲಬಹುದು, ಆದರೆ ಖಾಸಗಿ ಕಾಲೇಜುಗಳಲ್ಲಿ ಇದು 15 ಲಕ್ಷದಿಂದ 50 ಲಕ್ಷ ಅಥವಾ ಅದಕ್ಕಿಂತ ಹೆಚ್ಚು ಇರಬಹುದು. ಇತರ ಖರ್ಚು ಬೇರೆಯೇ.

ಆದರೆ ಕೆಲವು ಹೆಚ್ಚುವರಿ ಶುಲ್ಕಗಳು ಇರಬಹುದು. ವಸತಿ, ಊಟ, ಪುಸ್ತಕಗಳು ಮತ್ತು ಇತರ ಅಗತ್ಯ ವಸ್ತುಗಳಿಗಾಗಿ ಪ್ರತಿ ತಿಂಗಳು ಸುಮಾರು 12,000 ದಿಂದ 15,000 ರೂಪಾಯಿಗಳವರೆಗೆ ಖರ್ಚು ಮಾಡಬೇಕಾಗಬಹುದು

ವೈದ್ಯಕೀಯ ಪ್ರವೇಶ ಪರೀಕ್ಷೆಗಳಿಗೆ ತಯಾರಿ ಮತ್ತು ಇತರ ಖರ್ಚುಗಳು ಸಹ ಇವೆ. ನೀಟ್ ಸಮಯದಲ್ಲಿ ಕೋಚಿಂಗ್ ಸೆಂಟರ್‌ಗಳು ತುಂಬಿರುತ್ತವೆ. ಆದ್ರೆ ಅನೇಕರಿಗೆ ತಮ್ಮ ಕನಸು ನನಸು ಮಾಡಿಕೊಳ್ಳಲು ಆಗುವುದಿಲ್ಲ.

ಮೂರು ಮಿಲಿಯನ್‌ ವಿದ್ಯಾರ್ಥಿಗಳು ವೈದ್ಯರಾಗುವ ಕನಸು ಕಟ್ಟಿಕೊಂಡಿದ್ದರೆ. ಅದರಲ್ಲಿ ನೀಟ್ ಮೂಲಕ ಆಯ್ಕೆಯಾಗಿ ಸರ್ಕಾರಿ ಸೀಟು ಗಿಟ್ಟಿಸಿಕೊಳ್ಳುವುದು ಕೇವಲ 50 ಸಾವಿರ ಮಂದಿ. ಉಳಿದವರು ಖಾಸಗಿಯಾಗಿ ಕಲಿಯಬೇಕಾಗುತ್ತದೆ.

ವಿದೇಶದಲ್ಲಿ ಎಂಬಿಬಿಎಸ್ ಮಾಡಲು ಭಾರತಕ್ಕಿಂತ ಹೆಚ್ಚಿನ ವೆಚ್ಚವಾಗುತ್ತದೆ, ಮತ್ತು ಬೋಧನಾ ಶುಲ್ಕಗಳು ಪ್ರತಿ ವರ್ಷ 3,000 ದಿಂದ 15,000 ಡಾಲರ್ ವರೆಗೆ ಇರಬಹುದು