IPL 2025: MI ತಂಡವು DC ವಿರುದ್ಧ 12 ರನ್​ಗಳ ಜಯ ಸಾಧಿಸಿದ್ದು ಹೇಗೆ?

ಮುಂಬೈ ಇಂಡಿಯನ್ಸ್ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರೋಚಕ 12 ರನ್​ಗಳ ಜಯದೊಂದಿಗೆ ಸತತ ಮೂರು ಸೋಲುಗಳ ನಂತರ ಭರ್ಜರಿ ಕಮ್​ಬ್ಯಾಕ್ ಮಾಡಿದೆ.

DC ಮೊದಲು ಬ್ಯಾಟಿಂಗ್ ಮಾಡಲು ಆಹ್ವಾನಿಸಿದ ನಂತರ, MI ಆರಂಭಿಕ ಆಟಗಾರರಾದ ರೋಹಿತ್ ಶರ್ಮಾ (18) ಮತ್ತು ರಿಯಾನ್ ರಿಕೆಲ್ಟನ್ (45) 4.5 ಓವರ್​ಗಳಲ್ಲಿ 47/0 ರನ್ ಗಳಿಸಿ ಉತ್ತಮ ಆರಂಭ ನೀಡಿದರು.

ಸೂರ್ಯಕುಮಾರ್ ಯಾದವ್ ಅದ್ಭುತ ಆರಂಭವನ್ನು ಪಡೆದರು, ಆದರೆ 28 ಎಸೆತಗಳಲ್ಲಿ 40 ರನ್ ಗಳಿಸಿ ಔಟಾದರು.

ತಿಲಕ್ ವರ್ಮಾ ಬ್ಯಾಟ್​ನಿಂದ ಮಿಂಚಿನ ಪ್ರದರ್ಶನ ನೀಡಿದರು. 33 ಎಸೆತಗಳಲ್ಲಿ 59 ರನ್ ಗಳಿಸುವ ಮೂಲಕ ಬೃಹತ್ ಮೊತ್ತ ಕಲೆಹಾಕಲು ನೆರವಾದರು.

ನಮನ್ ಧೀರ್ 17 ಎಸೆತಗಳಲ್ಲಿ ಅಜೇಯ 38 ರನ್ ಗಳಿಸಿ MI ತಂಡವು 205/5 ರನ್ ಗಳಿಸಲು ಸಹಾಯ ಮಾಡಿದರು.

DC 206 ರನ್​ಗಳ ಗುರಿಯನ್ನು ಬೆನ್ನಟ್ಟುತ್ತಿದ್ದಾಗ, ದೀಪಕ್ ಚಹರ್ ಜೇಕ್ ಫ್ರೇಸರ್-ಮೆಕ್​ಗುರ್ಕ್ ಅವರನ್ನು ಗೋಲ್ಡನ್ ಡಕ್​ಗೆ ಔಟ್ ಮಾಡುವ ಮೂಲಕ MI ಗೆ ಆರಂಭಿಕ ಯಶಸ್ಸು ತಂದುಕೊಟ್ಟರು.

ದೇಶೀಯ ಕ್ರಿಕೆಟ್​ನಲ್ಲಿ ತಮ್ಮ ಉತ್ತಮ ಫಾರ್ಮ್ ಅನ್ನು ಮುಂದುವರೆಸಿದ ಕರುಣ್ ನಾಯರ್ 40 ಎಸೆತಗಳಲ್ಲಿ 89 ರನ್ ಗಳಿಸಿ ಮುಂಬೈಗೆ ತಿರುಗೇಟು ನೀರುವಲ್ಲಿ ಯಶಸ್ವಿಯಾದರು. 

ಕರುಣ್ ನಾಯರ್ ಔಟಾದ ನಂತರ, ಡೆಲ್ಲಿ ಕ್ಯಾಪಿಟಲ್ಸ್​ನ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್​ಮನ್​ಗಳು ರನ್‌ ಗಳಿಸಲಿ ಪರದಾಡಿದರು. ಒಂದು ಹಂತದಲ್ಲಿ 135/3 ಗಳಿಸಿದ್ದ ಡೆಲ್ಲಿ 180/7 ಕ್ಕೆ ಕುಸಿಯಿತು.

DC ಯ 206 ರನ್​ಗಳ ಬೆನ್ನಟ್ಟುವಿಕೆ ಹಂತದಲ್ಲಿ 19ನೇ ಓವರ್​ನಲ್ಲಿ, ಡೆಲ್ಲಿ ಕ್ಯಾಪಿಟಲ್ಸ್‌ ಹ್ಯಾಟ್ರಿಕ್ ರನೌಟ್ ಆಗುವ ಮೂಲಕ ಮ್ಯಾಚ್ ಕೈಚೆಲ್ಲಿತು. 

ಕರ್ಣ್ ಶರ್ಮಾ ಮುಂಬೈ ಇಂಡಿಯನ್ಸ್​ಗೆ ಹೀರೋ ಆಗಿ ಹೊರಹೊಮ್ಮಿದರು. ಅಭಿಷೇಕ್ ಪೊರೆಲ್, ಕೆ.ಎಲ್. ರಾಹುಲ್ ಮತ್ತು ಟ್ರಿಸ್ಟಾನ್ ಸ್ಟಬ್ಸ್ ಅವರ ಪ್ರಮುಖ ವಿಕೆಟ್​ಗಳನ್ನು ಪಡೆದರು.

ಡೆಲ್ಲಿ ಕ್ಯಾಪಿಟಲ್ಸ್ ಈ ಸೀಸನ್​ನಲ್ಲಿ ಮೊದಲ ಸೋಲು ಅನುಭವಿಸಿತು. ಇದರೊಂದಿಗೆ ನಾಲ್ಕು ಪಂದ್ಯಗಳ ಗೆಲುವಿನ ನಾಗಾಲೋಟಕ್ಕೆ ಬ್ರೇಕ್ ಬಿತ್ತು.