ಸತ್ಯಪ್ರೇಮ್ ಕಿ ಕಥಾ

ಕಾರ್ತಿಕ್ ಆರ್ಯನ್ ಮತ್ತು ಕಿಯಾರಾ ಅಡ್ವಾಣಿ ಅವರ ಮುಂಬರುವ ಚಿತ್ರ 'ಸತ್ಯಪ್ರೇಮ್ ಕಿ ಕಥಾ' ಚಿತ್ರ ಜನರಲ್ಲಿ ಕುತೂಹಲ ಸೃಷ್ಟಿಸಿದೆ.
 

ಸಮೀರ್ ವಿದ್ವಾನ್ ನಿರ್ದೇಶನದ ಈ ಚಿತ್ರ ಜೂನ್ 29 ರಂದು ಬಿಡುಗಡೆಯಾಗಲು ಸಿದ್ಧವಾಗಿದ್ದು, ಈ ನಡುವೆ ಪಾಕಿಸ್ತಾನದಿಂದ ಭಾರಿ ಟೀಕೆಗಳು ಕೇಳಿ ಬರುತ್ತಿದೆ. 
 

ಈ ಚಿತ್ರದಲ್ಲಿ ಜನಪ್ರಿಯ ಪಾಕಿಸ್ತಾನಿ ಹಾಡು 'ಪಸೂರಿ' ರಿಮೇಕ್ ಮಾಡಲಾಗಿದೆ ಎಂಬ ಸುದ್ದಿ ಬಂದ ಕೂಡಲೇ, ಪಾಕಿಸ್ತಾನದ ಸಾಮಾಜಿಕ ಮಾಧ್ಯಮ ಬಳಕೆದಾರರು ಬಾಲಿವುಡ್ ಅನ್ನು ಟೀಕಿಸುತ್ತಿದ್ದಾರೆ. 
 

ಮೂಲತಃ ಅಲಿ ಸೇಥಿ ಮತ್ತು ಶೇ ಗಿಲ್ ಹಾಡಿದ 'ಪಸೂರಿ’ ಹಾಡು ರೀಮೇಕ್ ಆಗಿರುವುದು ಪಾಕಿಸ್ತಾನಿ ಅಭಿಮಾನಿಗಳಿಗೆ ಇಷ್ಟವಾಗಲಿಲ್ಲ.
 

ಪಸೂರಿ ಹಾಡನ್ನು ಹೀಗೆ ರಿಮೇಕ್ ಮಾಡಲು ಹೇಗೆ ಸಾಧ್ಯ? ಸಂಗೀತ ನಿರ್ದೇಶಕರಿಂದ ಅದಕ್ಕಾಗಿ ಅನುಮತಿ ಕೇಳಿದ್ರಾ? ಅಥವಾ  ಅವರು ನಾಚಿಕೆಯಿಲ್ಲದೆ ಬೈಪಾಸ್ ಮಾಡಲು ಹೊರಟಿದ್ದಾರೆಯೇ? ಎಂದ ಟ್ವಿಟರ್ ಬಳಕೆದಾರ.
 

ಪಸೂರಿಯನ್ನು ರಿಮೇಕ್ ಮಾಡಬೇಕಾದರೆ, ಅದು ಪಾಕಿಸ್ತಾನಿ ಚಿತ್ರಕ್ಕಾಗಿ ಇರಬೇಕು, ಥರ್ಡ್ ಕ್ಲಾಸ್ ಬಾಲಿವುಡ್ ಚಿತ್ರಕ್ಕಾಗಿ ಅಲ್ಲ! ಎಂದು ಇನ್ನೊಬ್ಬರು ಹೇಳಿದ್ದಾರೆ.
 

ಬಾಲಿವುಡ್ ತಮ್ಮ ಚಲನಚಿತ್ರಗಳಲ್ಲಿ ನಮ್ಮ ಕಲಾವಿದರಿಗೆ, ನಮ್ಮ ದೇಶಕ್ಕೆ ಅಗೌರವ ತೋರಿಸುತ್ತಾರೆ ನಂತರ ನಾಚಿಕೆಯಿಲ್ಲದೆ ನಮ್ಮ ಹಾಡುಗಳನ್ನು ನಕಲು ಮಾಡುತ್ತಾರೆ ಎಂದು ಟೀಕಿಸಿದ ನೆಟ್ಟಿಗ.
 

ಬಾಲಿವುಡ್ ಜನ ಮೂರ್ಖರು. ಹಣದ ಹೆಚ್ಚಾದ್ರೆ ನಿಜವಾಗಿಯೂ ಮನುಷ್ಯ ಸೋಮಾರಿಯಾಗ್ತಾನೆ, ಕ್ರಿಯೇಟಿವಿಯೇ ಇರೋದಿಲ್ಲ. ಅಲ್ಲಿನ ನಟರು ನಮ್ಮ ಹಾಡಿಗೆ ಡ್ಯಾನ್ಸ್ ಮಾಡೋದು ಬೇಡ ಎಂದ ಮತ್ತೊಬ್ಬ ಅಭಿಮಾನಿ.
 

ನಾಚ್ ಪಂಜಾಬ್‌ಗೆ ಮಾಡಿದಂತೆ, ಈ ಸಲ ಪಸೂರಿ ಹಾಡು ನಮ್ಮದು ಎಂದು ನಾಚಿಕೆಯಿಲ್ಲದೇ ಹೇಳುವಿರಿ, ನೀವು ಅಲಿ ಸೇಥಿ ಮತ್ತು ಶೇ ಗಿಲ್ ಗೆ ಯಾವುದೇ ಕ್ರೆಡಿಟ್ ಸಹ ನೀಡೋದಿಲ್ಲ ಎಂದು ದೂರಿದ ಅಭಿಮಾನಿ.