ಎ.ಆರ್. ರೆಹಮಾನ್ ವಿಚ್ಛೇದನ ವದಂತಿ: ಸೈರಾ ಹೇಳಿದ್ದೇನು?

ಎ.ಆರ್. ರೆಹಮಾನ್ ಅವರ ಪತ್ನಿ ಸೈರಾಬಾನು ಕಳೆದ ವರ್ಷ ಆಸ್ಕರ್ ವಿಜೇತ ಸಂಗೀತಗಾರನಿಂದ ಬೇರೆಯಾಗುವುದಾಗಿ ಹೇಳಿ ಸಂಚಲನ ಮೂಡಿಸಿದ್ದರು.

ಎ.ಆರ್. ರೆಹಮಾನ್ ಅವರಿಂದ ಬೇರೆಯಾಗಿರುವುದಾಗಿ ಹೇಳಿಕೊಂಡಿದ್ದ ಪತ್ನಿ ಸೈರಾ ಬಾನು, ತಾವು ಬೇರೆಯಾಗಿರಲು ಕಾರಣವೇನೆಂದು ಬಹಿರಂಗಪಡಿಸಿದ್ದಾರೆ.

ಆಸ್ಕರ್ ಮತ್ತು ಗ್ರ್ಯಾಮಿ ವಿಜೇತ ಸಂಗೀತಗಾರ ಎ.ಆರ್. ರೆಹಮಾನ್ ಅವರು ಆತಂಕದ ದೂರಿನ ನಂತರ ಚೇತರಿಸಿಕೊಳ್ಳುತ್ತಿದ್ದಾರೆ, ಅವರ ಪತ್ನಿ ಸೈರಾ ರೆಹಮಾನ್ ಗೌಪ್ಯತೆ ಕಾಪಾಡಿಕೊಳ್ಳಲು ವಿನಂತಿಸಿದ್ದಾರೆ.

ತಮ್ಮನ್ನು ಮಾಜಿ ಪತ್ನಿ ಎಂದು ಕರೆಯಬೇಡಿ ಎಂದು ಸೈರಾಬಾನು ಮಾಧ್ಯಮಕ್ಕೆ ತಿಳಿಸಿದ್ದಾರೆ. ಭಾನುವಾರ ಸೈರಾ ಧ್ವನಿ-ಟಿಪ್ಪಣಿಯ ಮೂಲಕ ತಮ್ಮ ಭಾವನೆಗಳನ್ನು ಹಂಚಿಕೊಂಡಿದ್ದಾರೆ.

ರಂಜಾನ್ ಪವಿತ್ರ ಮಾಸದಲ್ಲಿ 'ಸಲಾಮ್' ಮಾತಿನೊಂದಿಗೆ ಪ್ರಾರಂಭಿಸಿ ಸೈರಾಬಾನು, "ಅಸ್ಸಲಾಮು ಅಲೈಕುಮ್.. ಅವರು ಶೀಘ್ರವಾಗಿ ಗುಣಮುಖರಾಗಲಿ ಎಂದು ನಾನು ಹಾರೈಸುತ್ತೇನೆ.

 ಎದೆ ನೋವು ಇದೆ ಎಂದು ಸುದ್ದಿ ಬಂದಿದೆ ಮತ್ತು ಅವರಿಗೆ ಆಂಜಿಯೋಗ್ರಫಿ ಮಾಡಲಾಗಿದೆ, ಅಲ್ಲಾಹನ ಕರುಣೆಯಿಂದ ಅವರು ಈಗ ಚೆನ್ನಾಗಿದ್ದಾರೆ, ಅವರಿಗೆ ಯಾವುದೇ ತೊಂದರೆ ಇಲ್ಲ" ಎಂದು ಹೇಳಿದರು.

"ನಾವಿಬ್ಬರೂ ಅಧಿಕೃತವಾಗಿ ವಿಚ್ಛೇದನ ಪಡೆದಿಲ್ಲ ಎಂದು ನಾನು ನಿಮ್ಮೆಲ್ಲರಿಗೂ ಹೇಳಲು ಬಯಸುತ್ತೇನೆ, ನಾವು ಇನ್ನೂ ಗಂಡ ಮತ್ತು ಹೆಂಡತಿಯರಾಗಿದ್ದೇವೆ ಎಂದು ತಿಳಿಸಿದ್ದಾರೆ.

ಕಳೆದ ಎರಡು ವರ್ಷಗಳಿಂದ ನನ್ನ ಆರೋಗ್ಯ ಸರಿಯಿಲ್ಲದ ಕಾರಣ ನಾನು ಅವರಿಂದ ಪ್ರತ್ಯೇಕವಾಗಿ ವಾಸಿಸುತ್ತಿದ್ದೇನೆ. ಆದರೆ ದಯವಿಟ್ಟು 'ಮಾಜಿ ಹೆಂಡತಿ' ಎಂದು ಕರೆಯಬೇಡಿ ಎಂದು ಸೈರಾ ಹೇಳಿದರು.

ನನ್ನ ಪ್ರಾರ್ಥನೆ ಯಾವಾಗಲೂ ರೆಹಮಾನ್ ಒಳಿತಿಗಾಗಿ ಇರುತ್ತವೆ. ಅವರ ಕುಟುಂಬಕ್ಕೆ ಒಂದು ವಿಷಯ ಹೇಳಲು ಬಯಸುತ್ತೇನೆ, ದಯವಿಟ್ಟು ಅವರಿಗೆ ಹೆಚ್ಚು ಒತ್ತಡ ನೀಡಬೇಡಿ ಮತ್ತು ಅವರನ್ನು ನೋಡಿಕೊಳ್ಳಿ...