ನಿಮ್ಮ ಯುಪಿಐ ಮಿತಿಯನ್ನು ಹೇಗೆ ಹೆಚ್ಚಿಸುವುದು?

ಇತ್ತೀಚಿನ ದಿನಗಳಲ್ಲಿ ಡಿಜಿಟಲ್ ವಹಿವಾಟುಗಳು ಹೆಚ್ಚಾಗಿವೆ. 10 ರೂಪಾಯಿ ವಹಿವಾಟಿಗೂ ಸಹ ಯುಪಿಐ ಬಳಸಲಾಗುತ್ತಿದೆ. ಆದರೆ, ಈ ರೀತಿ ಯುಪಿಐ ಪಾವತಿಸಿದರೆ ತಿಳಿಯದೆಯೇ ಖರ್ಚು ಹೆಚ್ಚಾಗುತ್ತದೆ.

ಪ್ರಮುಖ ಸಾರ್ವಜನಿಕ ವಲಯದ ಬ್ಯಾಂಕ್ ಎಸ್‌ಬಿಐ ತನ್ನ ಬಳಕೆದಾರರಿಗಾಗಿ ಯುಪಿಐ ವಹಿವಾಟುಗಳಿಗೆ ಒಂದು ಮಿತಿಯನ್ನು ನಿಗದಿಪಡಿಸಿದೆ. ಅದನ್ನು ನಿಮ್ಮ ಅಗತ್ಯಕ್ಕೆ ತಕ್ಕಂತೆ ಬದಲಾಯಿಸಿಕೊಳ್ಳಬಹುದು.

ಅನಗತ್ಯ ಖರ್ಚುಗಳನ್ನು ತಪ್ಪಿಸಲು ಎಸ್‌ಬಿಐ ಯುಪಿಐ ವಹಿವಾಟುಗಳಿಗೆ ಕೆಲವು ನಿರ್ಬಂಧಗಳಿವೆ. ಇದರ ಮೂಲಕ ನಿಮಗೆ ಬೇಕಾದಂತೆ ಯುಪಿಐ ಪಾವತಿ ವಹಿವಾಟುಗಳನ್ನು ಹೊಂದಿಸಿಕೊಳ್ಳಬಹುದು.

ಯುಪಿಐ ಮೂಲಕ ಒಬ್ಬ ವ್ಯಕ್ತಿ ಗರಿಷ್ಠ ಒಂದು ದಿನಕ್ಕೆ ರೂ. 1,00,000 ವರೆಗೆ ವಹಿವಾಟು ನಡೆಸಬಹುದು. ಕೆಲವು ಬ್ಯಾಂಕುಗಳು ಇದಕ್ಕಿಂತ ಕಡಿಮೆ ವಹಿವಾಟಿಗೆ ಮಾತ್ರ ಅವಕಾಶ ನೀಡುತ್ತವೆ.

ಎಸ್‌ಬಿಐ ಯುಪಿಐ ಮಿತಿಯನ್ನು ಕಡಿಮೆ ಮಾಡಲು ಅಥವಾ ಹೆಚ್ಚಿಸಲು ಯೋನೋ ಆ್ಯಪ್ ಅಥವಾ ನೆಟ್ ಬ್ಯಾಂಕಿಂಗ್ ಅನ್ನು ಬಳಸಬೇಕು. ಇದಕ್ಕಾಗಿ ಈ ವಿಧಾನಗಳನ್ನು ಅನುಸರಿಸಿದರೆ ಸಾಕು.

ಮೊದಲು ಯೋನೋ ನೆಟ್ ಬ್ಯಾಂಕಿಂಗ್‌ನಲ್ಲಿ ಲಾಗಿನ್ ಆಗಬೇಕು. ಯುಪಿಐ ವರ್ಗಾವಣೆಯನ್ನು ಕ್ಲಿಕ್ ಮಾಡಿ ವಹಿವಾಟು ಮಿತಿ ಸೆಟ್ಟಿಂಗ್ ಅನ್ನು ಆಯ್ಕೆ ಮಾಡಿ, ಪಾಸ್‌ವರ್ಡ್ ನಮೂದಿಸಿ ಪರಿಶೀಲಿಸಿ ಹೊಸ ಮಿತಿಯನ್ನು ಬದಲಾಯಿಸಬಹುದು.

ಉದಾಹರಣೆಗೆ ಪ್ರಸ್ತುತ ನಿಮ್ಮ ಮಿತಿ ರೂ.50,000 ಆಗಿದ್ದರೆ ಎಷ್ಟು ಬೇಕೋ ಅಷ್ಟನ್ನು ನಮೂದಿಸಿ ಸಲ್ಲಿಸು ಎಂಬುದನ್ನು ಕ್ಲಿಕ್ ಮಾಡಬೇಕು. ಒಟಿಪಿ ಪರಿಶೀಲನೆ ಮಾಡಿ ಹೊಸ ಯುಪಿಐ ಮಿತಿ ಜಾರಿಗೆ ಬರುತ್ತದೆ.

ಯುಪಿಐ ಮಿತಿಯನ್ನು ಹೊಂದಿಸಿಕೊಳ್ಳುವ ಮೂಲಕ ನೀವು ಮಾಡುವ ವಹಿವಾಟುಗಳ ಮೇಲೆ ನಿಮಗೆ ಒಂದು ನಿಯಂತ್ರಣ ಇರುತ್ತದೆ. ಅನಗತ್ಯ ಖರ್ಚು ನಿಯಂತ್ರಣದಲ್ಲಿರುತ್ತದೆ.