ಕುಸಿದ ಬಜಾಜ್ ಆಟೋ ಷೇರು ಬೆಲೆ

ಸದಾ ಏರುಗತಿಯಲ್ಲಿದ್ದ ಬಜಾಜ್ ಆಟೋ ಷೇರಿನ ಬೆಲೆ ಕುಸಿದಿದೆ. 

ದೇಶದ ದಿಗ್ಗಜ ಟೂ-ವೀಲರ್ ಕಂಪನಿಗಳಲ್ಲಿ ಒಂದಾದ ಬಜಾಜ್ ಆಟೋ ಅಕ್ಟೋಬರ್ 16 ರಂದು Q2 ಫಲಿತಾಂಶಗಳನ್ನು ಬಿಡುಗಡೆ ಮಾಡಿದೆ, ನಂತರ ಅಕ್ಟೋಬರ್ 17 ರಂದು ಈ ಷೇರಿನ ಬೆಲೆ ಕುಸಿದಿದೆ. 

ಗುರುವಾರ, ಅಕ್ಟೋಬರ್ 17 ರಂದು ಬಜಾಜ್ ಆಟೋದ ಷೇರು 10% ಕ್ಕಿಂತ ಹೆಚ್ಚು ಕುಸಿದು ಬೆಳಿಗ್ಗೆ 10:30 ರ ವೇಳೆಗೆ ₹10,420 ಕ್ಕೆ ವಹಿವಾಟು ನಡೆಸುತ್ತಿದೆ. ಹೀಗಾಗಿ ಇದರಲ್ಲಿ ಇನ್ವೆಸ್ಟ್ ಮಾಡೋರು ಯೋಚಿಸಬೇಕು.

ಬ್ರೋಕರೇಜ್ ಸಂಸ್ಥೆ ಸಿಟಿ ಬಜಾಜ್ ಆಟೋ ಷೇರಿನಲ್ಲಿ ಮಾರಾಟದ ಸಲಹೆ ನೀಡಿದೆ. ಇದರ ಗುರಿಯನ್ನು ₹7,900 ರಿಂದ ₹7,800 ಕ್ಕೆ ಇಳಿಸಿದೆ.

Q2 ಫಲಿತಾಂಶಗಳ ನಂತರ, ಬ್ರೋಕರೇಜ್ ಸಂಸ್ಥೆ ಜೆಫರೀಸ್ ಖರೀದಿ ರೇಟಿಂಗ್ ನೀಡಿ ₹13,400 ಗುರಿ, ಗೋಲ್ಡ್‌ಮನ್ ಸ್ಯಾಕ್ಸ್ ₹12,000, ಜೆಪಿ ಮೋರ್ಗಾನ್ ₹12,600, ಮೋರ್ಗಾನ್ ಸ್ಟಾನ್ಲಿ ₹11,072 ಗುರಿ ನೀಡಿದೆ.

ಬ್ರೋಕರೇಜ್ ಸಂಸ್ಥೆ ಸಿಟಿಯ ವರದಿ ಪ್ರಕಾರ, Q2 ರಲ್ಲಿ ಕಂಪನಿ ಕಾರ್ಯಕ್ಷಮತೆ ಕಡಿಮೆಯಾಗಿದೆ, ಆದಾಯ ಉತ್ತಮವಾಗಿದ್ದರೂ ಲಾಭದಲ್ಲಿ ಒತ್ತಡ ಉಂಟಾಗಿದೆ. ಒಟ್ಟು ಲಾಭದಲ್ಲಿನ ಕುಸಿತದಿಂದ EBITDA ಮೇಲೂ ಒತ್ತಡ ಉಂಟಾಗಿದೆ.

ಹೊಸ ಉತ್ಪನ್ನಗಳ ಕೊಡುಗೆ ಹೆಚ್ಚಾದ್ದರಿಂದ ಕಂಪನಿಯ ಲಾಭದ ಮೇಲೆ ಒತ್ತಡ ಕಂಡುಬರುತ್ತಿದೆ. 100cc ವಿಭಾಗದ ಬೇಡಿಕೆ ಕೈಗಾರಿಕಾ ಮಟ್ಟದಲ್ಲಿ ಕಡಿಮೆಯಾಗಿದೆ, 125cc+ ವಿಭಾಗದತ್ತ ಗ್ರಾಹಕರ ಆಸಕ್ತಿ ಹೆಚ್ಚಾಗಿದೆ.

ಕಂಪನಿಯು ಈ ವರ್ಷ ಟೂ-ವೀಲರ್ ಕೈಗಾರಿಕೆ 5% ಬೆಳವಣಿಗೆ ಹೊಂದಲಿದೆ ಎಂದು ಅಂದಾಜಿಸಿದೆ, ಆದರೆ ಮಾರುಕಟ್ಟೆಯ ಅಂದಾಜು 8-10% ಆಗಿತ್ತು. ಇದರ ಪರಿಣಾಮ ಷೇರಿನ ಮೇಲೂ ಕಂಡುಬರುತ್ತಿದೆ.