ಹಣ, ಕೀರ್ತಿ ಬೇಕಿಲ್ಲ,ಆಸೆಗಳೇ ಇಲ್ಲ, ಸುದೀಪ್ ವೈರಾಗ್ಯ! ಸ್ವಾತಿಮುತ್ತು ಹೀಗಾಗೋದಕ್ಕೆ ಅಸಲಿ ಕಾರಣ ಏನು?
ಕಿಚ್ಚ ಸುದೀಪ್ ತಮಗೆ ಬಂದ ಅತ್ಯುತ್ತಮ ನಟ ರಾಜ್ಯಪ್ರಶಸ್ತಿಯನ್ನ ನಿರಾಕರಿಸಿದ್ದಾರೆ. ಇನ್ಮುಂದೆ ನನಗೆ ಪ್ರಶಸ್ತಿಗಳೇ ಬೇಡ ಅಂದಿದ್ದಾರೆ. ಕೆಲ ದಿನಗಳ ಹಿಂದೆ ತುಮಕೂರು ಯುನಿವರ್ಸಿಟಿ ಕೊಟ್ಟಿದ್ದ ಡಾಕ್ಟರೇಟ್ ಅನ್ನೂ ಸುದೀಪ್ ನಿರಾಕರಿಸಿದ್ರು. ಬಿಗ್ ಬಾಸ್ ಶೋನಿಂದಾನೂ ಹೊರಬಂದಿದ್ದಾರೆ. ಹಾಗಾದ್ರೆ ಕಿಚ್ಚನಿಗೆ ಏನಾಗಿದೆ? ಹಣ, ಕೀರ್ತಿಗಳ ಆಸೆಯೇ ಹೊರಟು ಹೋಗಿದೆಯಾ? ವೈರಾಗ್ಯ ಬಂದಿದೆಯಾ? ಸುದೀಪ್ ಹೀಗಾಗೋದಕ್ಕೆ ಅಸಲಿ ಕಾರಣ ಏನು? ಇಲ್ಲಿದೆ ನೋಡಿ ಆ ಕುರಿತ ಎಕ್ಸ್ಕ್ಲೂಸಿವ್ ಸ್ಟೋರಿ.
ಸುದೀಪ್ ಕಳೆದ 28 ವರ್ಷಗಳಿಂದ ಚಿತ್ರರಂಗದಲ್ಲಿದ್ದಾರೆ. ನಟ, ನಿರ್ದೇಶಕ, ನಿರ್ಮಾಪಕನಾಗಿ ಹಲವು ಅದ್ಭುತ ಚಿತ್ರಗಳನ್ನ ಕೊಟ್ಟಿದ್ದಾರೆ. ಇಡೀ ಭಾರತೀಯ ಸಿನಿರಂಗದಲ್ಲಿ ಅಭಿನಯ ಚಕ್ರವರ್ತಿ ಅಂತ ಗುರುತಿಸಿಕೊಂಡು ಕನ್ನಡಕ್ಕೆ ಹೆಮ್ಮೆ ತಂದಿದ್ದಾರೆ. ಸೋ ಸುದೀಪ್ಗೆ ಡಾಕ್ಟರೇಟ್ ಕೊಟ್ಟಿದ್ದು ಕೂಡ ಸೂಕ್ತವಾಗೇ ಇತ್ತು. ಆದ್ರೆ ಇದನ್ನೂ ಸುದೀಪ್ ನಿರಾಕರಿಸಿದ್ರು. ನನಗಿಂತ ಹೆಚ್ಚು ಅರ್ಹರಾಗಿರೋರು ಹಲವರು ನಮ್ಮ ನಡುವೆ ಇದ್ದಾರೆ ಅವರಿಗೆ ಈ ಡಾಕ್ಟರೇಟ್ ಕೊಡಿ ಅಂದುಬಿಟ್ಟಿದ್ರು.