ಹರಾಜಿನಲ್ಲಿ ಗದ್ದುಗೆ ತೆಂಗಿನಕಾಯಿಯನ್ನು 6.5 ಲಕ್ಷ ರೂಗೆ ಕೊಂಡುಕೊಂಡ ಮಹಾಭಕ್ತ..!

ಬೆಂಗಳೂರು (ಸೆ. 10): ಭಕ್ತರೊಬ್ಬರು ಮಾಳಿಂಗರಾಯನ ಗದ್ದುಗೆ ಮೇಲಿದ್ದ ತೆಂಗಿನ ಕಾಯಿಯನ್ನು ಬರೋಬ್ಬರಿ 6.5 ಲಕ್ಷ ರೂ ಕೊಟ್ಟು ಕೊಂಡುಕೊಂಡಿದ್ದಾರೆ. 

ಬಾಗಲಕೋಟೆ ಜಮಖಂಡಿ ತಾಲೂಕಿನ ಚಿಕ್ಕನೆಕಿ ಗ್ರಾಮದಲ್ಲಿ ಮಾಳಿಂಗರಾಯನ ಗದ್ದುಗೆ ಮೇಲಿದ್ದ ತೆಂಗಿನ ಕಾಯಿಯನ್ನು ಹರಾಜು ಮಾಡಲಾಗಿತ್ತು. ಈ ವೇಳೆ ಮಹಾವೀರ ಹರಕೆ ಎಂಬುವವರು 6.5 ಲಕ್ಷ ರೂ ಹರಾಜು ಕೂಗಿ ತೆಂಗಿನ ಕಾಯಿ ಪಡೆದಿದ್ದಾರೆ.  ಮಾಳಿಂಗರಾಯನ ಹರಾಜು ಇತಿಹಾಸದಲ್ಲಿ ಇದೇ ಮೊದಲ ಬಾರಿ ಇಷ್ಟೊಂದು ದುಬಾರಿ ಮೊತ್ತಕ್ಕೆ ಹರಾಜಾಗಿದೆ.