Karnataka Hijab Row: ಅಂದು ಉಡುಪಿ ಇಂದು ಮಂಗಳೂರು: ಮತ್ತೆ ಶುರುವಾಯ್ತು ಹಿಜಾಬ್ ಫೈಟ್
*ಹಿಜಾಬ್ ವಿವಾದಕ್ಕೆ ಮಂಗಳೂರು ವಿವಿಯಲ್ಲಿ ಹೆಚ್ಚಿದ ಬಿಸಿ
*ಹಿಜಾಬ್ ವಿರೋಧಿಸಿ ಪ್ರತಿಭಟನೆಗಿಳಿದ ವಿದ್ಯಾರ್ಥಿಗಳು
*ಹಿಜಾಬ್ ಗದ್ದಲಕ್ಕೆ ಸಿದ್ಧವಾಗಿದೆಯಾ ಮತ್ತೊಂದು ತಂಡ..?
Followಮಂಗಳೂರು (ಮೇ 28): ಕರಾಳಿಯಲ್ಲಿ ಮತ್ತೆ ಹಿಜಾಬ್ ವಿವಾದ (Hijab Row) ಭುಗಿಲೆದ್ದಿದೆ. ಶಾಲಾ-ಕಾಲೇಜುಗಳ ಜೊತೆ ಜೊತೆಗೆ ಹಿಜಾಬ್ ವಿವಾದ ಕೂಡ ಮತ್ತೊಮ್ಮೆ ಶುರುವಾಗಿದೆ. ಈ ಹಿಂದೆ ಉಡುಪಿಯಲ್ಲಿ (Udupi) ಆರಂಭವಾಗಿ, ಹೈಕೋರ್ಟ್ ತೀರ್ಪಿನ ನಂತರ ತಣ್ಣಗಾಗಿದ್ದ ವಿವಾದ ಈಗ ಮಂಗಳೂರಿನ (Mangaluru) ಡಿಗ್ರಿ ಕಾಲೇಜ್ವೊಂದಲ್ಲಿಹುಟ್ಟಿಕೊಂಡಿದೆ. ಈ ಹಿಜಾಬ್ ಗಲಾಟೆ ಮೊದಕಲು ಆರಂಭವಾಗಿದ್ದು ಉಡಪಿಯ ಸರ್ಕಾರಿ ಪಿಯು ಕಾಲೇಜಿನಲ್ಲಿ. ಇಲ್ಲಿ ಆರಂಭವಾಗಿ, ರಾಜ್ಯ-ದೇಶ ಅಷ್ಟೆ ಅಲ್ಲದೆ, ಈ ವಿವಾದ ವಿಶ್ವ ಮಟ್ಟದಲ್ಲೂ ಸದ್ದು ಮಾಡಿತ್ತು.
ಇದನ್ನೂ ಓದಿ: Hijab ban; ಹೈಕೋರ್ಟ್ ಆದೇಶದ ವಿರುದ್ಧದ ಮೇಲ್ಮನವಿ ಪರಿಶೀಲನೆಗೆ ಸುಪ್ರೀಂ ಒಪ್ಪಿಗೆ
ಉಡುಪಿಯಲ್ಲಿ ಚಿಕ್ಕದಾಗಿ ಶುರುವಾದ ಗಲಾಟೆ, ಕಣ್ಮುಚ್ಚಿ ತೆಗೆಯೋದ್ರಲ್ಲಿ ದೇಶಾದ್ಯಂತ ವ್ಯಾಪಿಸಿತ್ತು. ಇದರ ಹಿಂದೆ ಕಾಣದ ಬಲಾಢ್ಯ ಕೈಗಳಿವೆ ಎಂದು ಹೇಳಲಾಗ್ತಿತ್ತು. ಒಟ್ಟಿನಲ್ಲಿ ಈ ಗಲಾಟೆ ಶುರುವಾಗಿ ಕೋರ್ಟ್ ತೀರ್ಪು ಬರುವವರೆಗೂ, ಹಿಜಾಬ್ ಗಲಾಟೆ ಇಡೀ ದೇಶವನ್ನೇ ಹೊತ್ತಿ ಉರಿಸಿತ್ತು. ಉಡುಪಿಯಲ್ಲಿ ಶುರುವಾಗಿದ್ದ ಹಿಜಾಬ್ ಗಲಾಟೆ, ಹೈಕೋರ್ಟ್ ತೀರ್ಪಿನ ನಂತರ ತಣ್ಣಗಾಗಿತ್ತು. ಆದರೆ ಅಂದು ಉಡುಪಿಯಲ್ಲಿ ಆರಂಭವಾಗಿದ್ದ ಹಿಜಾಬ್ ವಿವಾದ, ಒಂದಿಷ್ಟು ದಿನಗಳ ನಂತರ ಮತ್ತೆ ಮಂಗಳೂರಿನಲ್ಲಿ ಶುರುವಾಗಿದೆ. ವಿವಾದ ಕುರಿತ ಒಂದು ಕಂಪ್ಲೀಟ್ ರಿಪೋರ್ಟ್ ಈ ಸ್ಪೆಷಲ್ ಎಪಿಸೋಡ್ನಲ್ಲಿ
