ಹಳೆ ಕೇಸ್​ಗೆ ಮರುಜೀವ: ಬೇಲ್ ಸಿಕ್ಕರೂ ಮತ್ತೆ ದರ್ಶನ್ ಅಂದರ್ ಆಗೋ ಸಾಧ್ಯತೆ!

ರೇಣುಕಾಸ್ವಾಮಿ ಕೊಲೆ ಕೇಸ್​​ನಲ್ಲಿ ಬಳ್ಳಾರಿ ಜೈಲು ಸೇರಿರೋ ದರ್ಶನ್, ಬೇಲ್​ಗಾಗಿ  ಪರದಾಡ್ತಾ ಇದ್ದಾರೆ. ಹೈಕೋರ್ಟ್​​ನಲ್ಲಿ  ಅರ್ಜಿ ಸಲ್ಲಿಸಿ ಜಾಮೀನು ಸಿಗುವ ನಿರೀಕ್ಷೆಯಲ್ಲಿದ್ದಾರೆ. ಆದ್ರೆ ಈ ನಡುವೆ ದರ್ಶನ್ ಮೇಲೆ ದಾಖಲಾದ ಹಳೆಯ ಕೇಸ್​ವೊಂದಕ್ಕೆ ಜೀವ ಬಂದಿದ್ದು ದರ್ಶನ್​​ಗೆ ಹೊಸ ಕಂಟಕ ಎದುರಾಗಿದೆ. ಏನದು ಕಂಟಕ.. ಇದ್ರಿಂದ ದರ್ಶನ್​ಗೆ ಬೇಲ್ ಸಿಗುವ ಅವಕಾಶವೇ ತಪ್ಪಿ ಹೋಗುತ್ತಾ..? ಮರ್ಡರ್ ಕೇಸ್​​ನಲ್ಲಿ ಜೈಲು ಸೇರಿರೋ ದರ್ಶನ್​ಗೆ ಒಂದಾದ ಮೇಲೊಂದು ಸಂಕಷ್ಟಗಳು ಬಂದು ಬೆನ್ನುಬೀಳ್ತಾ ಇವೆ. 2022ರಲ್ಲಿ ನಿರ್ಮಾಪಕರೊಬ್ಬರಿಗೆ ಜೀವ ಬೆದರಿಕೆ ಒಡ್ಡಿದ ಕೇಸ್​ಗೆ ಮರುಜೀವ ಬಂದಿದ್ದು ದರ್ಶನ್​ಗೆ ಮತ್ತಷ್ಟು ತಲೆ ನೋವು ತಂದಿದೆ. ಯುವ ನಿರ್ಮಾಪಕ ಭರತ್, ‘ಭಗವಾನ್ ಶ್ರೀಕೃಷ್ಣ ಪರಮಾತ್ಮ’ ಹೆಸರಿನ ಸಿನಿಮಾ ಪ್ರಾರಂಭ ಮಾಡಿದ್ದರು. 

ಆ ಸಿನಿಮಾಕ್ಕೆ ದರ್ಶನ್ ಆಪ್ತ ಧ್ರುವನ್ ನಾಯಕ ನಟನಾಗಿದ್ದರು. ಆದರೆ ಕೋವಿಡ್ ಬಂದ ಕಾರಣಕ್ಕೆ ಸಿನಿಮಾದ ಚಿತ್ರೀಕರಣ ನಿಂತು ಹೋಯ್ತು. ಬಳಿಕ ಧ್ರುವನ್, ದರ್ಶನ್ ಬಳಿ ಹೋಗಿ ಅವರ ಕೈಯಿಂದ ಭರತ್​ಗೆ ಕರೆ ಮಾಡಿಸಿದ್ದರು. ಸಿನಿಮಾ ನಿಲ್ಲಿಸಿದ್ರೆ ನಿನ್ನನ್ನ ಮುಗಿಸಿಬಿಡ್ತಿನಿ ಅಂತ ದರ್ಶನ್ ಅಬ್ಬರಿಸಿದ್ರು. ಈ ಬಗ್ಗೆ ಬೆಂಗಳೂರಿನ ಕೆಂಗೇರಿ ಠಾಣೆಯಲ್ಲಿ ಭರತ್ ದೂರು ದಾಖಲಿಸಿದ್ರು. ಆಗ ಈ ಕೇಸ್​​ ಅಷ್ಟೇನೂ ಮಹತ್ವ ಪಡೆದಿರಲಿಲ್ಲ. ಆದ್ರೆ ಯಾವಾಗ ದರ್ಶನ್ ರೇಣುಕಾಸ್ವಾಮಿ ಮರ್ಡರ್ ಮಾಡಿ ಜೈಲಿಗೆ ಹೋದ್ರೋ , ನಿರ್ಮಾಪಕ ಭರತ್ ಬೆಚ್ಚಿಬಿದ್ದಿದ್ರು. ಈತ ಕೊಲೆ ಮಾಡೋದಕ್ಕೂ ಹೇಸುವ ವ್ಯಕ್ತಿ ಅಲ್ಲ ಅಂದುಕೊಂಡು ತಮ್ಮ ಕೇಸ್​​ನ ಇತ್ಯರ್ಥ ಪಡಿಸಿ ಅಂತ ಪೊಲೀಸರಿಗೆ ದುಂಬಾಲು ಬಿದ್ದಿದ್ರು. ಇದೀಗ ಈ ಕೇಸ್​ನಲ್ಲಿ ಪೊಲೀಸರು NCR ದಾಖಲು ಮಾಡಿದ್ದಾರೆ. 

ಅಸಲಿಗೆ ನಿರ್ಮಾಪಕ ಭರತ್​ಗೆ ಜೀವ ಬೆದರಿಕೆ ಹಾಕಿದ್ದು ದರ್ಶನ್ನೇ ಅನ್ನೋದು ಪ್ರೂವ್ ಅದ್ರೆ, ಅವರಿಗೆ ಸಂಕಷ್ಟ ಎದುರಾಗಲಿದೆ. ನಿರ್ಮಾಪಕ ಭರತ್ ಈ ವಿಚಾರದಲ್ಲಿ ಕಾನೂನು ಹೋರಾಟಕ್ಕೆ ಮುಂದಾಗಿದ್ದು, ದರ್ಶನ್ ಮೇಲೆ ಮತ್ತೆ ಬಂಧನ ವಾರೆಂಟ್ ಇಶ್ಯೂ ಆಗೋ ಸಾಧ್ಯತೆ ಇದೆ. ಈಗಾಗ್ಲೇ ರೇಣುಕಾಸ್ವಾಮಿ ಕೇಸ್​​ನಲ್ಲಿ   ಅಪಹರಣ, ಮಾರಣಾಂತಿಕ ಹಲ್ಲೆ ಮತ್ತು ಸಾಕ್ಷಿ ನಾಶ ಕೇಸ್​​ಗಳು ದರ್ಶನ್ ಮೇಲೆ ದಾಖಲಾಗಿದ್ದು ಬೇಲ್ ಸಿಕ್ತಾ ಇಲ್ಲ. ಈ ನಡುವೆ ಈ ಜೀವಬೆದರಿಕೆ ಕೇಸ್ ಬೇರೆ ರೀ ಓಪನ್ ಆದ್ರೆ ದರ್ಶನ್​  ಮತ್ತಷ್ಟು ಸಂಕಷ್ಟಕ್ಕೆ ಸಿಲುಕೋದು ಫಿಕ್ಸ್. ಒಂದು ವೇಳೆ ರೇಣುಕಾಸ್ವಾಮಿ ಮರ್ಡರ್​ ಕೇಸ್​​ನಲ್ಲಿ ಬೇಲ್ ಸಿಕ್ಕರೂ, ಈ ಬೆದರಿಕೆ ಕೇಸ್​​ನಲ್ಲಿ ದರ್ಶನ್ ಮತ್ತೆ ಅಂದರ್ ಆಗೋ ಸಾದ್ಯತೆ ಇದೆ. ಅಲ್ಲಿಗೆ ದರ್ಶನ್​ಗೆ ಅದ್ಯಾಕೋ ಕೃಷ್ಣ ಜನ್ಮಸ್ಥಾನದಿಂದ ಮುಕ್ತಿ ಸಿಗುವ ಲಕ್ಷಣಗಳು ಕಾಣ್ತಾನೇ ಇಲ್ಲ.