ಮಕ್ಕಳೊಂದಿಗೆ ಮಕ್ಕಳಂತೆ ಆಟವಾಡಿದ ಮೋದಿ !

ಕಲಬುರಗಿ : ಚುನಾವಣೆ ನಿಮಿತ್ತ ಕರ್ನಾಟಕಕ್ಕೆ ಭೇಟಿ ನೀಡಿರುವ ಪ್ರಧಾನಿ ನರೇಂದ್ರ ಮೋದಿ ಅವರು ಕಲಬುರಗಿಯಲ್ಲಿ ಮಕ್ಕಳೊಂದಿಗೆ ಸಂವಾದ ನಡೆಸಿದರು. ಈ ವೇಳೆ ನಡೆದ ಭವ್ಯ ರೋಡ್‌ಶೋನ ಭಾಗವಾಗಿ ಉತ್ಸಾಹಿ ಮಕ್ಕಳ ಗುಂಪು ಅವರನ್ನು ಹುರಿದುಂಬಿಸುವುದನ್ನು ಪ್ರಧಾನಿ ಗಮನಿಸಿ ಅವರ ಬಳಿ ಹೋಗಿ ಮಾತನಾಡಿದ್ದಾರೆ. ಅಷ್ಟೇ ಅಲ್ಲದೆ ಮಕ್ಕಳೊಂದಿಗೆ ಮೋದಿ ಆಟ ಸಹ ಆಡಿದ್ದಾರೆ. ಈ ನಡುವೆ ಮಕ್ಕಳಿಗೆ ಅವರ ಭವಿಷ್ಯದಲ್ಲಿ ಏನಾಗುತ್ತೀರಾ ಎಂದು ಕೇಳಿದ್ದಾರೆ. ಇದಕ್ಕೆ ಓರ್ವ ಬಾಲಕ ವೈದ್ಯನಾಗುವ ಆಸೆಯನ್ನು ವ್ಯಕ್ತಪಡಿಸಿದರೆ, ಇನ್ನೊಬ್ಬ ಪೊಲೀಸ್ ಅಧಿಕಾರಿಯಾಗುತ್ತೇನೆ ಎಂದು ತಿಳಿಸಿದ್ದಾನೆ. ಮಗದೊಬ್ಬ ಬಾಲಕ ನಿಮ್ಮ ಸೆಕ್ಯೂರಿಟಿಯಾಗಿ ಕೆಲಸ ಮಾಡುತ್ತೇವೆ ಎಂದಿದ್ದಾನೆ. ಇದಕ್ಕೆ ಮೋದಿ ಅಚ್ಚಾ.. ಎಂದಿದ್ದಾರೆ.