ಚನ್ನಪಟ್ಟಣ ಟಿಕೆಟ್ ಬೇಕೆಂದು ಪಟ್ಟು ಹಿಡಿದ ಸಿಪಿ ಯೋಗೇಶ್ವರ್
ಮೈತ್ರಿ ಪಾಳಯದಲ್ಲಿ ಚನ್ನಪಟ್ಟಣ ಟಿಕೆಟ್ ಮೇಲಾಟ ಶುರುವಾಗಿದೆ. ದೆಹಲಿ ಬರಲು ಯೋಗೇಶ್ವರ್ಗೆ ಹೈಕಮಾಂಡ್ ಬುಲಾವ್ ನೀಡಿದೆ. ಕುಮಾರಸ್ವಾಮಿ ಮನವೊಲಿಸ್ತಾರಾ ಮೋದಿ, ಅಮಿತ್ ಶಾ ಎನ್ನುವ ಕುತೂಹಲ ಎಲ್ಲರಲ್ಲಿದೆ.
Followಬೆಂಗಳೂರು (ಆ.16): ದಿನದಿಂದ ದಿನಕ್ಕೆ ಚನ್ನಪಟ್ಟಣ ಮೈತ್ರಿ ಟಿಕೆಟ್ ಫೈಟ್ ರಂಗೇರುತ್ತಿದೆ. ಚನ್ನಪಟ್ಟಣ ಟಿಕೆಟ್ ಬೇಕೆಂದು ಸಿಪಿ ಯೋಗೇಶ್ವರ್ ಪಟ್ಟು ಹಿಡಿದಿದ್ದಾರೆ. ಇನ್ನೊಂದೆಡೆ ತಾವು ಗೆದ್ದ ಕ್ಷೇತ್ರ ಉಳಿಸಿಕೊಳ್ಳಲೂ ಕುಮಾರಸ್ವಾಮಿ ರಣತಂತ್ರ ರೂಪಿಸಿದ್ದಾರೆ.
ನಿನ್ನೆ ಡಿಕೆಶಿ ಜತೆ ವೇದಿಕೆ ಹಂಚಿಕೊಂಡು ಸಿಪಿವೈ ಖಡಕ್ ಸಂದೇಶ ನೀಡಿದ್ದು, ಈ ಬೆನ್ನಲ್ಲೇ ಸೋಮವಾರ ದೆಹಲಿಗೆ ಬರಲು ಸಿಪಿವೈಗೆ ಬುಲಾವ್ ಸಿಕ್ಕಿದೆ. ಸೋಮವಾರ ಅಮಿತ್ ಶಾ ಭೇಟಿಯಾಗಿ ಸಿಪಿ ಯೋಗೇಶ್ವರ್ ಮಾತನಾಡಲಿದ್ದಾರೆ.
ದಶಕಗಳ ದ್ವೇಷ ಚರಿತ್ರೆ ಮರೆತುಬಿಟ್ಟರೇ ಚನ್ನಪಟ್ಟಣದ ಚತುರ ಸಿಪಿವೈ, ಕನಕಪುರದ ಸರದಾರ ಡಿಕೆಶಿ!
ಅಮಿತ್ ಶಾ ಎದುರೇ ಚನ್ನಪಟ್ಟಣ ಟಿಕೆಟ್ ಫೈನಲ್ ಆಗಲಿದ್ಯಾ ಎನ್ನುವ ಅನುಮಾನವೂ ಇದೆ. ಟಿಕೆಟ್ ಸಿಗದಿದ್ದರೆ, ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧೆ ಮಾಡುವ ಸುಳಿವನ್ನೂ ಸಿಪಿ ಯೋಗೇಶ್ವರ್ ನೀಡಿದ್ದಾರೆ. ಸ್ಪರ್ಧೆಯಿಂದ ಹಿಂದೆ ಸರಿಯುವ ಮಾತೇ ಇಲ್ಲ ಎಂದು ಸಿಪಿವೈ ಹೇಳುತ್ತಿದ್ದಾರೆ.
