ಶೆಟ್ರ ಕಾಂತಾರ-2 ಅಡ್ಡಾದಲ್ಲಿ ಏನ್ ನಡೀತಿದೆ?: ಪ್ಲಾನ್ ಬದಲಾಯಿಸಿದ್ರಾ ರಿಷಬ್?

ಅಬ್ಬಬ್ಬ..! ಕಳೆದ 75 ದಿನದಲ್ಲಿ ಡಿವೈನ್ ಸ್ಟಾರ್ ರಿಷಬ್ ಶೆಟ್ಟಿ ಬಗ್ಗೆ ಮಾತನಾಡದೇ ಇರೋ ದಿನಗಳೇ ಇಲ್ಲವೇನೋ. ಒಂದೇ ಒಂದು ಕಾಂತಾರ ಇಂದು ರಿಷಬ್ ಬಗ್ಗೆ ಇಡೀ ದೇಶದ ಸಿನಿ ಭಕ್ತಗಣ ಮಾತಾಡುವಂತಾಗಿದೆ. ಆ ಮಟ್ಟದ ಗುಂಗು ಹಿಡಿಸಿದೆ ಕಾಂತಾರ. ಆದ್ರೆ ಕಾಂತಾರ ಸಿನಿಮಾ ನೋಡಿದವರಿಗೆಲ್ಲಾ ಇರೋದು ಒಂದೇ ಕುತೂಹಲ ರಿಷಬ್ ಶೆಟ್ಟಿ ಮುಂದಿನ ಸಿನಿಮಾ ಮಾಡಿದ್ರೆ ಅದು ಪಕ್ಕಾ ಕಾಂತಾರ ಪಾರ್ಟ್-2 ಆಗಿರುತ್ತೆ ಅನ್ನೋದು. ಆ ನಿರೀಕ್ಷೆಯನ್ನ ಮತ್ತಷ್ಟು ಜಾಸ್ತಿಯಾಗುವಂತೆ ಮಾಡಿದ್ದು ಅಣ್ಣಪ್ಪ ಪಂಜುರ್ಲಿ ದೈವ. ಹೌದು, ಎರಡ್ಮೂರು ದಿನಗಳ ಹಿಂದೆಯಷ್ಟೇ ಕಾಂತಾರ 2 ಸಿನಿಮಾ ಮಾಡೋ ಬಗ್ಗೆ ದೈವದ ಬಳಿ ಅಪ್ಪಣೆ ಕೇಳಿದ್ರು ರಿಷಬ್ ಶೆಟ್ಟಿ. ಅಣ್ಣಪ್ಪ ಮಂಜುರ್ಲಿ ದೈವ ಅಪ್ಪಣೆ ಕೊಟ್ಟಿದ್ದಲ್ಲದೇ ಧರ್ಮಸ್ಥಳದ ಧರ್ಮಾಧಿಕಾರಿಗಳ ಅನುಮತಿ ಪಡೆಯುವಂತೆ ತಿಳಿಸಿತ್ತು. 

ಅಲ್ಲದೇ, ಸರಿಯಾದ ಕ್ರಮದಲ್ಲಿ ಶ್ರದ್ಧೆಯಿಂದ ಸಿನಿಮಾ ಮಾಡುವಂತೆ ಸೂಚಿಸಿತ್ತು. ದೈವವೇ ಸಿನಿಮಾ ಮಾಡುವಂತೆ ಗ್ರೀನ್ ಸಿಗ್ನಲ್ ಕೊಟ್ಟ ನಂತರ ರಿಷಬ್ ಸ್ಕ್ರಿಪ್ಟ್ ಕೆಲಸದಲ್ಲಿ ತೊಡಗಿಕೊಳ್ಳಲಿದ್ದಾರೆ ಎಂದು ಹೇಳಲಾಗಿತ್ತು. ಆದರೆ ಈಗ ರಿಷಬ್ ಪ್ಲಾನ್ ಬದಲಾಗಿದೆಯಂತೆ. ಡಿವೈನ್ ಸ್ಟಾರ್ ರಿಷಬ್ ಶೆಟ್ಟಿ ಸದ್ಯಕ್ಕೆ ಕಾಂತಾರ 2  ಮಾಡೋ ಬಗ್ಗೆ ಯೋಚಿಸಿಲ್ಲವಂತೆ. ಹೀಗಂತ ಪತ್ರಿಕೆಯೊಂದಕ್ಕೆ ರಿಷಬ್ ಸಂದರ್ಶನ ಕೊಟ್ಟಿದ್ದಾರೆ. ಆದ್ರೆ ಹೊಂಬಾಳೆ ನಿರ್ಮಾಣ ಸಂಸ್ಥೆ ಮೂಲಗಳಿಂದ ಸಿಕ್ಕಿರೋ ಮಾಹಿತಿ ಅಂದ್ರೆ ಜನವರಿಯಲ್ಲಿ ಕಾಂತಾರ-2 ಮಹೂರ್ಥ ಮಾಡಿ ಆಗಸ್ಟ್ನಿಂದ ಸಿನಿಮಾ ಶೂಟಿಂಗ್ ಮಾಡಲಿದ್ದಾರಂತೆ. ಹಾಗಾದ್ರೆ ಜನವರಿಯಿಂದ ಆಗಸ್ಟ್‌ವರೆಗೆ ಅಂದ್ರೆ ಉಳಿದ ಎಂಟು ತಿಂಗಳ ಗ್ಯಾಪ್ನಲ್ಲಿ ರಿಷಬ್ ಏನ್ ಮಾಡ್ತಾರೆ.? ಅದಕ್ಕೆ ಉತ್ತರ ಬೆಲ್ಬಾಟಂ-2 ಸಿನಿಮಾ.  

ಸ್ಯಾಂಡಲ್‌ವುಡ್‌ನ ಈ ಹೀರೋ ಕಾಂತಾರ 2 ಶೂಟಿಂಗ್ ಹೋಗೋಕೆ ಎಂಟು ತಿಂಗಳು ಟೈಂ ಇದೆ ಅಂತ ಸುಮ್ಮನೆ ಕೂಡ ಸ್ಟಾರ್ ಅಲ್ಲವೇ ಅಲ್ಲ. ಹೀಗಾಗೆ ರಿಷಬ್  ಆ ಗ್ಯಾಪ್‌ನಲ್ಲಿ ಬೆಲ್‌ಬಾಟಂ -2 ಸಿನಿಮಾ ಮಾಡೋ ಎಲ್ಲಾ ಯೋಜನೆ ರೂಪಿಸಿದ್ದಾರಂತೆ. ಅಂದುಕೊಂಡಂತೆ ಆಗಿದ್ರೆ ರಿಷಬ್ ಇಷ್ಟೊತ್ತಿಗಾಗ್ಲೆ ಬೆಲ್ ಬಾಟಮ್ 2 ಸಿನಿಮಾ ಬಿಡುಗಡೆ ಆಗಬೇಕಿತ್ತು. ವರ್ಷದ ಹಿಂದೆಯೇ ಬೆಲ್ಬಾಟಂ ಮಹೂರ್ಥ ಆಗಿದೆ. ಹೀಗಾಗಿ ಮುಂದಿನ ವರ್ಷ ಆಗಸ್ಟ್ ಅವರೆಗೂ ಕಾಂತಾರ -2 ಶೂಟಿಂಗ್ ಇಲ್ಲದೇ ಇರೋದಕ್ಕೆ ರಿಷಬ್ ಶೆಟ್ಟಿ ಪೆಂಡಿಂಗ್ ಇರೋ ಬೆಲ್ಬಾಟಂ-2 ಸೆಟ್ ಎಂಟ್ರಿ ಕೊಡ್ತಾರೆ ಅಂತ ಹೇಳಲಾಗ್ತಿದೆ. ಹೀಗಾಗೆ ಸಧ್ಯಕ್ಕೆ ಕಾಂತಾರ-2 ಮಾಡೋ ಬಗ್ಗೆ ಯೋಚನೆ ಇಲ್ಲಾ ಎಂದಿದ್ದಾರೆ ರಿಷಬ್ ಅನ್ನೋ ಮಾತು ಗಾಂಧಿನಗರದಲ್ಲಿದೆ. ಆದ್ರೆ ಬೆಲ್ಬಾಟಂ-2 ಶೂಟಿಂಗ್ ಶುರುವಾಗೋ ಬಗ್ಗೆ ಚಿತ್ರತಂಡ ಯಾವ್ದೇ ಮಾಹಿತಿ ಹಂಚಿಕೊಂಡಿಲ್ಲ. 

ಹೆಚ್ಚಿನ ಸಿನಿಮಾ ವಿಡಿಯೋ ನೋಡಲು ಕ್ಲಿಕ್ಕಿಸಿ: Asianet Suvarna Entertainment