ಪುಟ್ಟ ವಯಸ್ಸಲ್ಲೇ ದಿಟ್ಟ ಹೆಜ್ಜೆಯಿಟ್ಟ ಪುನೀತ್ ಪುತ್ರಿ!

ಸ್ಯಾಂಡಲ್‌ವುಡ್ ಪವರ್ ಮ್ಯಾನ್ ಪುನೀತ್ ರಾಜ್ ಕುಮಾರ್ ಹಿರಿಯ ಪುತ್ರಿ ದೃತಿ ಪುನೀತ್ ರಾಜ್‌ಕುಮಾರ್ ಚಿಕ್ಕ ವಯಸ್ಸಿನಲ್ಲೇ ಮಹತ್ತರವಾದ ನಿರ್ಧಾರ ತೆಗೆದುಕೊಂಡಿದ್ದಾರೆ. ಅಪ್ಪನಂತೆ ಸಿನಿಮಾ ರಂಗಕ್ಕೆ, ಅಮ್ಮನಂತೆ ನಿರ್ಮಾಪಕಿಯಾಗಲು ಹೊರಟಿಲ್ಲ. ಬದಲಾಗಿ ಸಮಾಜ ಸೇವೆಗೆ ಮುಂದಾಗಿದ್ದಾರೆ. ರಾಜ್ ಕುಮಾರ್ ನೇತ್ರದಾನ ಮಹಾದಾನ ಎನ್ನುತ್ತಿದ್ದರು. ಆ ಮಹಾಕಾರ್ಯಕ್ಕೆ ಮೊಮ್ಮಗಳು ಮುಂದಾಗಿದ್ದಾಳೆ. ಕಣ್ಣಿನ ಸಮಸ್ಯೆ ಎದುರಾದ ವಯಸ್ಸಾದವರಿಗೆ ನೆರವು ನೀಡಲು ಅಭಿಯಾನವನ್ನು ಶುರು ಮಾಡಿದ್ದಾರೆ. ಇಲ್ಲಿ ಯಾರು ಬೇಕಾದರೂ ಹಣ ಸಹಾಯ ಮಾಡಬಹುದು. ಅದನ್ನು ಕಣ್ಣಿನ ಚಿಕಿತ್ಸೆಗೆ ಬಳಸಿಕೊಳ್ಳಲಾಗುತ್ತದೆ. ಚಿಕಿತ್ಸೆಯ ಸಂಪೂರ್ಣ ವೆಚ್ಚವನ್ನು ದೃತಿ ಭರಿಸಲಿದ್ದಾರೆ.