ರಾಜ್ಯದಲ್ಲಿ ‘20% ಸರ್ಕಾರ’ ಆರೋಪ ಸಾಬೀತಾಗಿದೆ: ಸಂಸದ ರಾಜೀವ್ ಚಂದ್ರಶೇಖರ್

ರಾಜ್ಯದ ಪ್ರಸಕ್ತ ರಾಜಕೀಯ ಬೆಳವಣಿಗೆಗಳ ಹಿನ್ನೆಲೆಯಲ್ಲಿ, ಮಾಧ್ಯಮಗಳೊಂದಿಗೆ ಮಾತನಾಡಿದ ಸಂಸದ ರಾಜೀವ್ ಚಂದ್ರಶೇಖರ್, ಕಾಂಗ್ರೆಸ್- ಜೆಡಿಎಸ್ ಮೈತ್ರಿ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಕೋಲಾರ ಸಂಸದ ಕೆ.ಎಚ್. ಮುನಿಯಪ್ಪ ವಿರುದ್ಧ ಕೇಳಿ ಬಂದಿರುವ ಬೇನಾಮಿ ಆಸ್ತಿ ಆರೋಪ ಹಾಗೂ ಸರ್ಕಾರಿ ಅಧಿಕಾರಿ ಬಳಿ ಸಿಕ್ಕ 2 ಕೋಟಿ ರೂ. ಇವೆಲ್ಲವೂ ಕರ್ನಾಟಕದಲ್ಲಿ 20%  ಕಮಿಷನ್ ಸರ್ಕಾರವಿರುವುದಕ್ಕೆ ಸಿಕ್ಕ ಪುರಾವೆಯಾಗಿದೆ, ಎಂದು ಸಂಸದ ರಾಜೀವ್ ಹೇಳಿದ್ದಾರೆ. ಇದೇ ವೇಳೆ, ನೈತಿಕ ಹೊಣೆ ಹೊತ್ತು ಸಚಿವ ಕೃಷ್ಣ ಬೈರೇಗೌಡ ರಾಜೀನಾಮೆ ನೀಡಬೇಕೆಂದು ರಾಜೀವ್ ಚಂದ್ರಶೇಖರ್ ಆಗ್ರಹಿಸಿದ್ದಾರೆ.