ದಾವಣಗೆರೆ: ಅಲ್ಲಾ ಸ್ವಾಮಿ ಢೋಂಗಿ ಬಾಬಾನ ಬಣ್ಣ ಬಯಲು ಮಾಡಿದ ಕವರ್‌ ಸ್ಟೋರಿ

ದೆವ್ವ-ಭೂತ ಅಂದ್ರೆ ಸಾಮಾನ್ಯವಾಗಿ ಭಯಪಡುತ್ತೇವೆ. ಪೂಜೆ, ಪುನಸ್ಕಾರಗಳನ್ನು ಮಾಡುತ್ತೇವೆ. ಜನರ ಈ ಭಯ, ನಂಬಿಕೆಯನ್ನೇ ಬಂಡವಾಳ ಮಾಡಿಕೊಂಡು ನಕಲಿ ಬಾಬಾಗಳು (Fake Babas) ಹುಟ್ಟಿಕೊಂಡಿದ್ದಾರೆ. ದೆವ್ವ, ಭೂತ ಬಿಡಿಸುತ್ತೇವೆ ಎಂದು ಜನರನ್ನು ಮೋಸ ಮಾಡುತ್ತಿದ್ದ ಖತರ್ನಾಕ್ ಗ್ಯಾಂಗ್‌ನ್ನು ಕವರ್ ಸ್ಟೋರಿ ತಂಡ ಬಯಲಿಗೆಳೆದಿದೆ. 

ದೆವ್ವ-ಭೂತ ಬಿಡಿಸ್ತೀವಿ ಅಂತ ಜನರಿಗೆ ಮೋಸ, ನಕಲಿ ಬಾಬಾಗಳ ಬಂಡವಾಳ ಬಯಲಿಗೆಳೆದ ಕವರ್ ಸ್ಟೋರಿ!

ದಾವಣಗೆರೆಯ ಹರಿಹರ ತಾ ದೇವರಬೆಳಕೆರೆಯಲ್ಲಿ ನಕಲಿ ಬಾಬಾಗಳು ತಮ್ಮನ್ನು ತಾವೇ ದೇವಮಾನವರು ಎಂದು ಘೋಷಿಸಿಕೊಂಡಿದ್ದರು. 6 ತಿಂಗಳ ಗರ್ಭಿಣಿ ಸುಸ್ತು ಅಂತ ಬಂದಾಗ ಎರಡೆರಡು ದೆವ್ವಗಳು ಬಂದಿವೆ ಎಂದು ಭಯಬೀಳಿಸಿದ್ದರು. ದೆವ್ವ ಬಿಡಿಸುತ್ತೇನೆ ಎಂದು ಹೇಳಿ ನವಿಲಿನ ದಂಡದಲ್ಲಿ ಗರ್ಭಿಣಿಗೆ ಮನಸೋ ಇಚ್ಚೆ ದಂಡಿಸುತ್ತಾನೆ. ಈ ದೃಶ್ಯ ಕವರ್ ಸ್ಟೋರಿ ರಹಸ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಕಷ್ಟ ಅಂತ ಯಾರೇ ಬರಲಿ ಅವರಿಗೆ ದೆವ್ವ ಹಿಡಿದಿದೆ ಎಂದು ಹೆದರಿಸಿ, ಹಿಂಸಿಸುತ್ತಾರೆ. ಇವರ ಅಸಲಿ ಮುಖ ಬಯಲಿಗೆಳೆಯಲು ಕವರ್ ಸ್ಟೋರಿ ತಂಡ ಟೀಂ ನ ಸದಸ್ಯರೊಬ್ಬರನ್ನು ಅವರ ಬಳಿ ಕಳುಹಿಸುತ್ತದೆ. ಇವರಿಗೆ ದೆವ್ವ ಹಿಡಿದಿದೆ, ಸರ ಮಾಡಿ ಎಂದು ಕೇಳುತ್ತೇವೆ. ಆಗ ನಕಲಿ ಬಾಬಾಗಳ ಹೇಗೆ ಬಾರಿಸುತ್ತಾರೆ..? ಏನೆಲ್ಲಾ ನಾಟಕ ಮಾಡುತ್ತಾರೆ ಎಂದು ರಹಸ್ಯ ಕ್ಯಾಮೆರಾದಲ್ಲಿ ಸೆರೆ ಹಿಡಿಯಲಾಗಿದೆ.