1947 - 48 ರ ಪಾಕ್ ನೊಂದಿಗಿನ ಕದನದಲ್ಲಿ ಮಹತ್ವದ ಪಾತ್ರ ವಹಿಸಿದ್ದ ಡಕೋಟಾ 3 ಯುದ್ಧ ವಿಮಾನ ಇಂದು ನಡೆಯುವ ವಾಯುಪಡೆ ಹಾರಾಟದಲ್ಲಿ ಮಿಂಚು ಹರಿಸಲಿದೆ. ಹಾರಾಟಕ್ಕೆ ಅಸರ್ಥವಾಗಿ ಗುಜರಿ ಸೇರಿದ್ದ ಈ ವಿಮಾನ ಬ್ರಿಟನ್ ನಲ್ಲಿ ಇರೋದನ್ನ 2011 ರಲ್ಲಿ ಪತ್ತೆ ಹಚ್ಚಿದ ರಾಜ್ಯಸಭಾ ಸಂಸದ ರಾಜೀವ್ ಚಂದ್ರಶೇಖರ್ ಅದನ್ನು ದುರಸ್ತಿ ಮಾಡಿಸಿ ಭಾರತಕ್ಕೆ ತಂದಿದ್ದರು. ಇಂದು ಡಕೋಟಾ 3 ವಾಯುಪಡೆಯಲ್ಲಿ ಮಿಂಚು ಹರಿಸಲಿದೆ. 

ವಾಯುಪಡೆಯ ಉಪ ಮುಖ್ಯಸ್ಥ ಶಿರಿಶ್ ಬಾಬನ್ ಡಿಯೋ ತಮ್ಮ ಪಿಸ್ತೂಲ್ ಸ್ವಚ್ಛಗೊಳಿಸುವ ವೇಳೆ ಆಕಸ್ಮಿಕವಾಗಿ ಗುಂಡು ಹಾರಿ ಗಾಯಗೊಂಡಿದ್ದಾರೆ. ತೊಡೆಯ ಭಾಗಕ್ಕೆ ಗಂಭೀರ ಗಾಯವಾದ ಕಾರಣ ಡಿಯೋ ಅವರನ್ನುನವದೆಹಲಿಯ ಸೇನಾ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಕೆಲ ದಿನಗಳ ಹಿಂದಷ್ಟೇ ರಫೆಲ್ ಡೀಲ್ ಕುರಿತು ಸಕಾರಾತ್ಮಕ ಅಭಿಪ್ರಾಯ ವ್ಯಕ್ತಪಡಿಸಿದ್ದ ವಾಯುಪಡೆ ಮುಖ್ಯಸ್ಥ . ಏರ್‌ಚೀಫ್‌ ಮಾರ್ಷಲ್ ಬಿ.ಎಸ್‌ ಧನೋವಾ, ಇದೀಗ ಮತ್ತೊಮ್ಮೆ ಕೇಂದ್ರ ಸರ್ಕಾರದ ನಿರ್ಧಾರಕ್ಕೆ ಬೆಂಬಲ ಸೂಚಿಸಿದ್ದಾರೆ. ರಫೆಲ್ ಯುದ್ಧ ವಿಮಾನ ಖರೀದಿಯಿಂದ ವಾಯುಪಡೆಯ ಕೊರತೆ ನೀಗಲು ಸಾಧ್ಯ ಎಂದು ಧನೋವಾ ಹೇಳಿದ್ದಾರೆ.

ರಫೆಲ್ ಯುದ್ಧ ವಿಮಾನ ಖರೀದಿಯಲ್ಲಿ ಹಗರಣ ನಡೆದಿದೆ ಎಂಬುದು ವಿಪಕ್ಷಗಳ ಆರೋಪ. ಈ ಹಗರಣದಲ್ಲಿ ಖುದ್ದು ಪ್ರಧಾನಿ ನರೇಂದ್ರ ಮೋದಿ ಅವರ ಪಾತ್ರವಿದೆ ಎಂದು ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಲೋಕಸಭೆಯಲ್ಲಿ ಗಂಭೀರ ಆರೋಪ ಮಾಡಿದ್ದರು. ಆದರೆ ರಕ್ಷಣಾ ಇಲಾಖೆ ಮತ್ತು ಭಾರತೀಯ ವಾಯುಪಡೆಯ ವರದಿಗಳು ಇದಕ್ಕೆ ತದ್ವಿರುದ್ದವಾದ ಕತೆಯನ್ನು ಹೇಳುತ್ತಿವೆ.

ಒಂದು ಕಡೆ ಭಾರತದ ಅಬೇಧ್ಯ ರಕ್ಷಣಾ ಕೋಟೆ ಹಿಮಾಲಯವನ್ನು ಕಾಯುವ ಯೋಧ. ಮತ್ತೊಂದೆಡೆ ತನ್ನ ರಕ್ಷಣೆಯಲ್ಲಿ ಪ್ರಾಣತೆತ್ತ ಯೋಧನನ್ನು ಸಂರಕ್ಷಿಸುವ ಅದೇ ಹಿಮಾಲಯ. ಹೌದು 50 ವರ್ಷಗಳ ಹಿಂದೆ  ಭಾರತೀಯ ವಾಯುಪಡೆ ವಿಮಾನ ಅಪಘಾತದಲ್ಲಿ ಮೃತಪಟ್ಟಿದ್ದ ಯೋಧನ ಮೃತದೇಹ ಹೆಪ್ಪುಗಟ್ಟಿದ ಸ್ಥಿತಿಯಲ್ಲಿ ಪತ್ತೆಯಾಗಿದೆ.

ನೋಟು ನಿಷೇಧದ ಬಳಿಕ ತುರ್ತಾಗಿ ದೇಶಾದ್ಯಂತ ಹೊಸ ನಗದು ರವಾನೆ ಮಾಡಲು ಭಾರತೀಯ ವಾಯುಪಡೆಯ ಹೆಲಿಕಾಪ್ಟರ್‌ಗಳನ್ನು ಬಳಸಿಕೊಳ್ಳಲಾಗಿತ್ತು. ಇದೀಗ ಭಾರತೀಯ ವಾಯುಪಡೆ ತನ್ನ ಸೇವೆಗೆ ಬರೊಬ್ಬರಿ 29.41 ಕೋಟಿ ರೂಪಾಯಿ ಬಿಲ್ ನೀಡಿದೆ. 

ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ಅಂಗವಾಗಿ ಭಾರತೀಯ ವಾಯುಪಡೆ ಯೋಧರು ಆಗಸದಲ್ಲೇ ಯೋಗಾಭ್ಯಾಸ ಮಾಡುವ ಮೂಲಕ ಗಮನ ಸೆಳೆದಿದ್ದಾರೆ. ಭಾರತೀಯ ವಾಯುಪಡೆಯ ಪ್ಯಾರಾಟ್ರೂಪರ್ಸ್ ಟ್ರೈನಿಂಗ್ ಸ್ಕೂಲ್ ತರಬೇತುದಾರಿಂದ ಈ ಪ್ರದರ್ಶನ ನಡೆದಿದೆ.

ಅಂತರಿಕ್ಷ ಕ್ಷೇತ್ರದಲ್ಲಿ ಪೈಪೋಟಿ ಹೆಚ್ಚಾಗುತ್ತಿರುವ ಸಂದರ್ಭದಲ್ಲೇ ಅಮೆರಿಕ ಸೇನೆಯಲ್ಲಿ ಪ್ರತ್ಯೇಕ ‘ಬಾಹ್ಯಾಕಾಶ ಪಡೆ’ಯೊಂದನ್ನು ಸ್ಥಾಪಿಸುವಂತೆ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಆದೇಶಿಸಿದ್ದಾರೆ.

ಭೂಸೇನೆ, ವಾಯುಸೇನೆ, ನೌಕಾಸೇನೆ ಸಾಮಾನ್ಯವಾಗಿರುವ ವಿಶ್ವದಲ್ಲಿ ‘ಬಾಹ್ಯಾಕಾಶ ಸೇನೆ’ ಎಂಬ ಪರಿಕಲ್ಪನೆಯೇ ಹೊಸತು. ಈ ಪಡೆ ಹೇಗೆ ಇರಲಿದೆ, ಯಾವ ಕೆಲಸಗಳನ್ನು ಮಾಡಲಿದೆ ಎಂಬ ಬಗ್ಗೆ ತಕ್ಷಣಕ್ಕೆ ಯಾವುದೇ ಮಾಹಿತಿಯನ್ನು ಟ್ರಂಪ್‌ ಅವರು ನೀಡಿಲ್ಲ. ವಾಯುಪಡೆಗೆ ಸರಿಸಮಾನವಾಗಿರಲಿರುವ ಈ ಪಡೆ, ಪ್ರತ್ಯೇಕ ಅಸ್ತಿತ್ವ ಹೊಂದಿರುತ್ತದೆ ಎಂದಷ್ಟೇ ಹೇಳಿದ್ದಾರೆ.

ಉಕ್ರೇನ್‌ನಿಂದ ವಾಯುಪಡೆ ವಿಮಾನದ ಬಿಡಿ ಭಾಗಗಳನ್ನು ಖರೀದಿಸಲು ಭಾರತದ ರಕ್ಷಣಾ ಇಲಾಖೆಯ ಅಧಿಕಾರಿಗಳು 17.5 ಕೋಟಿ ರು. ಕಿಕ್‌ಬ್ಯಾಕ್‌ ಪಡೆದಿದ್ದಾರೆ ಎಂಬ ಗಂಭೀರ ಆರೋಪ ಕೇಳಿಬಂದಿದೆ. ಈ ಬಗ್ಗೆ ಉಕ್ರೇನ್‌ನ ಭ್ರಷ್ಟಾಚಾರ ನಿಗ್ರಹ ದಳ ತನಿಖೆ ಆರಂಭಿಸಿದ್ದು, ಕೇಂದ್ರ ಗೃಹ ಇಲಾಖೆಯ ಸಹಕಾರ ಕೇಳಿದೆ ಎಂದು ರಾಷ್ಟ್ರೀಯ ಆಂಗ್ಲ ಪತ್ರಿಕೆಯೊಂದು ವರದಿ ಮಾಡಿದೆ.