Asianet Suvarna News Asianet Suvarna News

ಹುಚ್ಚೆಬ್ಬಿಸಿದೆ 64MP ಕ್ಯಾಮೆರಾದ ಹೊಸ ಪೋನ್; ಒಂದೇ ದಿನದಲ್ಲಿ ಒಂದು ಮಿಲಿಯನ್ ಬುಕಿಂಗ್!

ಕೈಗೆಟಕುವ, ಉತ್ತಮ ಕ್ಯಾಮೆರಾ ಕ್ವಾಲಿಟಿ ಹೊಂದಿರುವ ಮೊಬೈಲ್ ಫೋನ್‌ಗಳಿಗೆ ಶ್ಯೋಮಿ ಹೆಸರುವಾಸಿ. ಹಾಗಾಗಿ ಅದು ಬಿಡುಗಡೆ ಮಾಡುವ ಮೊಬೈಲ್‌ಗಳಿಗೆ ಭಾರೀ ಪ್ರತಿಕ್ರಿಯೆ ಸಿಗುತ್ತದೆ. ಶ್ಯೋಮಿಯ 2 ಹೊಸ ಫೋನ್‌ ಬಿಡುಗಡೆಗೆ ಸಿದ್ಧವಾಗಿದ್ದು, ಆಗಾಗಲೇ ಮೊಬೈಲ್ ಪ್ರಿಯರ ನಿದ್ದೆಗೆಡಿಸಿದೆ.

Xiaomi Redmi Note 8 Series Crosses 1 Million Registrations Mark in a Day
Author
Bengaluru, First Published Aug 24, 2019, 7:44 PM IST

ಶ್ಯೋಮಿ ಮೊಬೈಲ್ ಫೋನ್‌ಗಳೇ ಹಾಗೇ... ಉತ್ತಮ ಕ್ವಾಲಿಟಿ ಜೊತೆ ಕೈಗೆಟಕುವ ಬೆಲೆಗೆ ಶ್ರೀಸಾಮಾನ್ಯ ಸುಲಭವಾಗಿ ಮಾರು ಹೋಗುತ್ತಾನೆ. ತನ್ನ ಹೊಸ ಮೊಬೈಲ್ ಬಗ್ಗೆ ಶ್ಯೋಮಿ ಪ್ರಕಟಿಸಿದ್ದೇ ತಡ, ಜನ ಪ್ರೀ ರಿಜಿಸ್ಟ್ರೇಶನ್‌ಗಾಗಿ ಮುಗಿ ಬಿದ್ದಿದ್ದಾರೆ.

Redmi Note 8 ಸೀರಿಸ್ ಗಾಗಿ ಚೀನಾದಲ್ಲಿ ಪ್ರೀ ರಿಜಿಸ್ಟ್ರೇಶನ್ ಆರಂಭವಾಗಿದೆ. ಒಂದೇ ದಿನದಲ್ಲಿ ಸುಮಾರು 10 ಲಕ್ಷ ಮಂದಿ ನೋಂದಾಯಿಸಿಕೊಂಡಿದ್ದಾರೆ ಎಂದು ಶ್ಯೋಮಿ ಹೇಳಿದೆ.

ಶ್ಯೋಮಿ ವೆಬ್‌ಸೈಟ್‌ನಲ್ಲಿ ನೋಂದಣಿಗೆ ಅವಕಾಶ ಕಲ್ಪಿಸಲಾಗಿದ್ದು, ಒಟ್ಟು 1.51 ಮಿಲಿಯನ್ ಮಂದಿ ಫೋನ್‌ಗೆ ಬೇಡಿಕೆ ಇಟ್ಟಿದ್ದಾರೆ.

ಇದನ್ನೂ ಓದಿ | ಇದು ಬಡವರ ಬಾದಾಮಿ ‘ಸ್ಮಾರ್ಟ್‌ಫೋನ್‌’! ಕಡಿಮೆ ಕಾಸಿಗೆ ಲಕ್ಷುರಿ ಫೋನು

Redmi Note 8 ಮತ್ತು Redmi Note 8 Pro ಎಂಬ ಎರಡು ನಮೂನೆಯ ಫೋನ್‌ಗಳು ಬಿಡುಗಡೆಗೆ ಸಿದ್ಧವಾಗಿದ್ದು, ಇದೇ ಆ. 29ರಂದು ಮಾರುಕಟ್ಟೆಗೆ ಬರಲಿವೆ.

Redmi Note 8 ಫೋನ್ Redmi Note 7ರ  ಅಡ್ವಾನ್ಸ್ಡ್ ವರ್ಶನ್ ಆಗಿದ್ದರೆ,  Redmi Note 8 Pro 4 ಕ್ಯಾಮೆರಾಗಳನ್ನು ಹೊಂದಿದೆ. 64 ಮೆಗಾ ಪಿಕ್ಸೆಲ್ ಕ್ಯಾಮೆರಾ ಇದರ ಪ್ರಮುಖ ವಿಶೇಷತೆ. 4500 mAh ಸಾಮರ್ಥ್ಯದ ಬ್ಯಾಟರಿ, 18W ಫಾಸ್ಟ್ ಚಾರ್ಜಿಂಗ್ ಸೌಲಭ್ಯ ಇನ್ನಿತರ ಪ್ರಮುಖ ಫೀಚರ್‌ಗಳು.

ಶ್ಯೋಮಿ ಫೋನ್‌ಗಳಿಗೆ ಇಂತಹ ಅಭೂತಪೂರ್ವ ಪ್ರತಿಕ್ರಿಯೆ ಸಿಕ್ಕಿರುವುದು ಇದೇ ಮೊದಲೇನಲ್ಲ. ರೆಡ್‌ಮಿ 7 ಫೋನ್‌ಗಳು ವಿಶ್ವದಾದ್ಯಂತ 20 ಮಿಲಿಯನ್ ಯೂನಿಟ್‌ಗಳು ಮಾರಾಟವಾಗುವ ಮೂಲಕ ದಾಖಲೆ ಸೃಷ್ಟಿಸಿತ್ತು.

ಚೀನಾದಲ್ಲಿ ಬಿಡುಗಡೆಯಾದ ಬಳಿಕ ಭಾರತಕ್ಕೆ ಈ ಫೋನ್‌ಗಳು ಕಾಲಿಡಲಿವೆ. ಆದರೆ ದಿನಾಂಕ ಇನ್ನೂ ನಿಗದಿಯಾಗಿಲ್ಲ.

Follow Us:
Download App:
  • android
  • ios