ಕಟ್ ಕಾಪಿ ಪೇಸ್ಟ್ ಕಂಡು ಹಿಡಿದ ಕಂಪ್ಯೂಟರ್ ವಿಜ್ಞಾನಿ ಲ್ಯಾರಿ ಟೆಸ್ಲರ್ ಇನ್ನಿಲ್ಲ
- ಕಟ್, ಕಾಪಿ, ಪೇಸ್ಟ್ ತಂತ್ರಜ್ಞಾನ ಕಂಡು ಹಿಡಿದಿದ್ದ ಕಂಪ್ಯೂಟರ್ ವಿಜ್ಞಾನಿ ಲ್ಯಾರಿ ಟೆಸ್ಲರ್
- ಟೈಪಿಂಗ್ನಲ್ಲಿ, ಫೈಲ್ ಮ್ಯಾನೇಜ್ಮೆಂಟ್ನಲ್ಲಿ ಬಳಕೆಯಾಗುವ ಕಟ್, ಕಾಪಿ & ಪೇಸ್ಟ್ ತಂತ್ರ
- 74ನೇ ವಯಸ್ಸಿನಲ್ಲಿ ಇಹಲೋಕ ತ್ಯಜಿಸಿದ ಅಪ್ರತಿಮ ಕಂಪ್ಯೂಟರ್ ವಿಜ್ಞಾನಿ
ನ್ಯೂಯಾರ್ಕ್ (ಫೆ.21): ಕಂಪ್ಯೂಟರ್ ಒಂದು ವಿಸ್ಮಯಲೋಕ. ಕಂಪ್ಯೂಟರ್ ಯುಗದ ಆರಂಭಿಕ ಹಂತದಲ್ಲಿ ನಡೆದ ಸಂಶೋಧನೆಗಳು ಈಗಲೂ ಮೂಲಭೂತ ಆಧಾರಸ್ತಂಭಗಳಾಗಿದ್ದು, ವ್ಯಾಪಕವಾಗಿ ಬಳಕೆಯಲ್ಲಿವೆ.
ಅವುಗಳ ಪೈಕಿ 'ಕಟ್, ಕಾಪಿ, ಪೇಸ್ಟ್' ಎಂಬ ಸೌಲಭ್ಯವೂ ಒಂದು. ಕಂಪ್ಯೂಟರ್ ಬಳಸುವವರಿಗೆ ಅದರ ಮಹತ್ವ ಚೆನ್ನಾಗಿ ಗೊತ್ತಿದೆ. ಈ ತಂತ್ರಗಾರಿಕೆಯನ್ನು ಕಂಡುಹಿಡಿದ ಕಂಪ್ಯೂಟರ್ ವಿಜ್ಞಾನಿ ಲ್ಯಾರಿ ಟೆಸ್ಲರ್ (74) ಗುರುವಾರ ನ್ಯೂಯಾರ್ಕ್ನಲ್ಲಿ ನಿಧನರಾಗಿದ್ದಾರೆ.
ಇದನ್ನೂ ಓದಿ | Appleನ ಬಜೆಟ್ ಫೋನ್ ಬಿಡುಗಡೆಗೆ ಡೇಟ್ ಫಿಕ್ಸ್? ಅಂದಾಜು ಬೆಲೆ ಮತ್ತು ಫೀಚರ್ಸ್...
ಸ್ಟ್ಯಾನ್ಫೋರ್ಡ್ ವಿವಿಯಲ್ಲಿ ಕಂಪ್ಯೂಟರ್ ವಿಜ್ಞಾನದಲ್ಲಿ ಪದವಿ ಪಡೆದ ಲ್ಯಾರಿ 1973ರಲ್ಲಿ ಜೆರಾಕ್ಸ್ ಕಂಪನಿಯಲ್ಲಿ ಕೆಲಸಕ್ಕೆ ಸೇರಿಕೊಂಡಿದ್ದರು. ಆ ಅವಧಿಯಲ್ಲಿ ಕಟ್, ಕಾಪಿ, ಪೇಸ್ಟ್ ಎಂಬ ತಂತ್ರವನ್ನು ಕಂಡುಹಿಡಿದಿದ್ದರು.
1983ರಲ್ಲಿ Apple ಕಂಪನಿಯು ಈ ತಂತ್ರಗಾರಿಕೆಯನ್ನುಸಾಫ್ಟ್ವೇರ್ಗಳಲ್ಲಿ ಅಳವಡಿಸುವ ಮೂಲಕ ಅದನ್ನು ಇನ್ನಷ್ಟು ವ್ಯಾಪಕಗೊಳಿಸಿತು.
ಇದನ್ನೂ ಓದಿ | ವಾಟ್ಸಪ್ನಲ್ಲಿ 3 ಹಿಡನ್ ಫೀಚರ್: ನೋಡಿ ನೀವೂ ಹೇಳ್ತೀರಾ ಏನ್ ಸೂಪರ್ ಗುರೂ!
ಆ ಬಳಿಕ ಟೈಪಿಂಗ್ನಲ್ಲಿ ಈ ಸೌಲಭ್ಯ ಬಹಳ ಸಹಕಾರಿಯಾಯಿತು. ಟೈಪಿಂಗ್ನಲ್ಲಿ ತಪ್ಪುಗಳು ಸಂಭವಿಸಿದಾಗ, ಅದನ್ನು ಸರಿಪಡಿಸುವುದು ಸುಲಭವಾಯಿತು. ಒಂದೇ ಪದ/ ವಾಕ್ಯ/ ಪ್ಯಾರಾಗಳನ್ನು ಹಲವಾರು ಕಡೆ ಬಳಸುವಾಗ ಪದೇ ಪದೇ ಟೈಪ್ ಮಾಡುವ ಪ್ರಮೇವೂ ತಪ್ಪಿತು.
ಸರ್ ಲ್ಯಾರಿ ಟೆಸ್ಲರ್, ಇದೋ ನಿಮಗೊಂದು ಕಂಪ್ಯೂಟರ್ ಬಳಕೆದಾರರ ಕಡೆಯಿಂದ ನಮ್ಮ ನಮನ...