ಪ್ರೊ ಕಬಡ್ಡಿ 2018: ದಬಾಂಗ್ ದಿಲ್ಲಿ ವಿರುದ್ದ ಪುಣೇರಿ ಪಲ್ಟಾನ್‌ಗೆ ಗೆಲುವು!
ಪ್ರೊ ಕಬಡ್ಡಿ ಲೀಗ್ ಟೂರ್ನಿಯ ದಬಾಂಗ್ ದಿಲ್ಲಿ ಹಾಗೂ ಪುಣೇರಿ ಪಲ್ಟಾನ್ ನಡುವಿನ ಹೋರಾಟ ನಿಧಾನಗತಿಯಲ್ಲಿ ಸಾಗಿದರೂ ಅಂತಿಮ ಹಂತದಲ್ಲಿ ರೋಚಕತೆ ಪಡೆದುಕೊಂಡಿತು. 41ನೇ ಲೀಗ್ ಪಂದ್ಯದ ಹೈಲೈಟ್ಸ್ ಇಲ್ಲಿದೆ.
ಬಿಹಾರ(ಅ.31): ಆರನೇ ಆವೃತ್ತಿ ಪ್ರೊ ಕಬಡ್ಡಿ ಲೀಗ್ ಟೂರ್ನಿಯಲ್ಲಿ ಪುಣೇರಿ ಪಲ್ಟಾನ್ 6ನೇ ಗೆಲುವು ಸಾಧಿಸಿದೆ. ಸಂದೀಪ್ ನರ್ವಾಲ್ ಹಾಗೂ ರಿಂಕೂ ನರ್ವಾಲ್ ಅದ್ಬುತ ಪ್ರದರ್ಶನದ ಮೂಲಕ ಪುಣೇರಿ ಪಲ್ಟಾನ್ ಗೆಲುವಿನ ನಗೆ ಬೀರಿದೆ.
.@PuneriPaltan are back to winning ways on the back of a 💪 all-round show, winning #DELvPUN comfortably in the end! #VivoProKabaddi pic.twitter.com/GlOLZFmqgr
— ProKabaddi (@ProKabaddi) October 31, 2018
ದೆಹಲಿ ಪರ ನವೀನ್ ಕುಮಾರ್ ಹೋರಾಟ ನೀಡಿದರೂ ಗೆಲುವು ಸಾಧ್ಯವಾಗಲಿಲ್ಲ. ನವೀನ್ ಕುಮಾರ್ 6 ರೈಡ್ ಅಂಕ ಗಳಿಸಿದರು. ಆದರೆ ನವೀನ್‌ಗೆ ಇತರರಿಂದ ಉತ್ತಮ ಸಾಥ್ ಸಿಗಲಿಲ್ಲ. ಹೀಗಾಗಿ ಮೊದಲಾರ್ಧದ ಅಂತ್ಯದಲ್ಲಿ ಪುಣೇರಿ ಪಲ್ಟಾನ್ 22-15 ಅಂಕಗಳ ಮುನ್ನಡೆ ಪಡೆದುಕೊಂಡಿತು.
ನಿಧಾನಗತಿಯಲ್ಲಿ ಸಾಗಿದ ಪಂದ್ಯದಲ್ಲಿ ಉಭಯ ತಂಡಗಳು ಡು ಆರ್ ಡೈ ರೈಡ್ ಸಂಕಷ್ಟಕ್ಕೆ ಸಿಲುಕಿತು. ಹೀಗಾಗಿ ಫಲಿತಾಂಶದಲ್ಲಿ ಹೆಚ್ಚಿನ ಬದಲಾವಣಗಳಾಗಲಿಲ್ಲ. ಸೆಕಂಡ್ ಹಾಫ್ ಅಂತ್ಯದ ವೇಳೆ ಪುಣೇರಿ ಪಲ್ಟಾನ್ 31-27 ಅಂಕಗಳ ಅಂತರದಲ್ಲಿ ಗೆಲುವು ಸಾಧಿಸಿತು.
