ಪ್ರೊ ಕಬಡ್ಡಿ 2018: ಪುಣೇರಿ ಪಲ್ಟಾನ್ಗೆ ಶಾಕ್ ನೀಡಿದ ಗುಜರಾತ್
ಪ್ರೊ ಕಬಡ್ಡಿ ಟೂರ್ನಿಯ 39ನೇ ಲೀಗ್ ಪಂದ್ಯದಲ್ಲಿ ಪುಣೇರಿ ಪಲ್ಟಾನ್ ಹಾಗೂ ಗುಜರಾತ್ ತಂಡದ ಹೋರಾಟ ಅಭಿಮಾನಿಗಳಿಗೆ ರಸದೌತಣ ನೀಡಿತು. ರೋಚಕ ಹೋರಾಟದಲ್ಲಿ ಗುಜರಾತ್ ಗೆಲುವು ಸಾಧಿಸಿದೆ. ಪಂದ್ಯದ ಹೈಲೈಟ್ಸ್ ಇಲ್ಲಿದೆ.
ಬಿಹಾರ್(ಅ.30): ಸಚಿನ್ ಅದ್ಬುತ ರೈಡ್ ಹಾಗೂ ರುತುರಾಜ್ ಕೊರವಿ ಟ್ಯಾಕಲ್ನಿಂದ ಬಲಿಷ್ಠ ಪುಣೇರಿ ಪಲ್ಟಾನ್ ವಿರುದ್ಧ ಗುಜರಾತ್ ಫಾರ್ಚುನ್ಜೈಂಟ್ಸ್ 37-27 ಅಂಕಗಳ ಅಂತರದಲ್ಲಿ ಗೆಲುವಿನ ನಗೆ ಬೀರಿದೆ.
Garja Gujarat! 💪@Fortunegiants maintain their unbeaten run against @PuneriPaltan, who couldn't cross the finish line despite Nitin Tomar's record-breaking moment! 👏👏 pic.twitter.com/yeadQPFlIV
— ProKabaddi (@ProKabaddi) October 30, 2018
ಮೊದಲಾರ್ಧದ ಆರಂಭದಲ್ಲಿ ಉಭಯ ತಂಡಗಳು ಎಚ್ಚರಿಕೆ ಆಟ ಪ್ರದರ್ಶಿಸಿತು. ಆರಂಭದಲ್ಲಿ 4-2 ಅಂತರದ ಮುನ್ನಡೆ ಸಾಧಿಸಿದ್ದ ಪುಣೇರಿ ಹಾಫ್ ಟೈಮ್ ಆಟದಲ್ಲಿ 12-16 ಅಂಕಗಳ ಹಿನ್ನಡೆ ಅನುಭವಿಸಿತು.
ರೈಡಿಂಗ್ನಲ್ಲಿ ಗುಜರಾತ್ ತಂಡದ ಸಚಿನ್ 10 ಅಂಕ ಪಡೆದರೆ, ಟ್ಯಾಕಲ್ನಲ್ಲಿ ರುತುರಾಜ್ 4 ಅಂಕಗಳಿಸಿದರು. ಹೀಗಾಗಿ ದ್ವಿತೀಯಾರ್ಧದಲ್ಲೂ ಗುಜರಾತ್ ಮೇಲುಗೈ ಸಾಧಿಸಿತು. ಅಂತಿಮ ಹಂತದಲ್ಲಿ 37-27 ಅಂಕಗಳ ಅಂತರದಲ್ಲಿ ಗುಜರಾತ್ ಗೆಲುವು ಸಾಧಿಸಿತು.