ಇವನೆಂತಾ ಆಟಗಾರ?: ಏನ್ಮಾಡ್ದಾ ಅಂತಾ ನೀವೇ ನೋಡಿ!
ಕ್ರೀಡಾಸ್ಪೂರ್ತಿ ಮರೆತ ಮೋಟೋ ಜಿಪಿ ಆಟಗಾರ! ಆಟದ ಮಧ್ಯೆ ಪ್ರತಿಸ್ಪರ್ಧಿಯ ಬೈಕ್ ಬ್ರೇಕ್ ಒತ್ತಿದ್ ಭೂಪ! 220 ಕಿ.ಮೀ ವೇಗದಲ್ಲಿದ್ದ ಸ್ಟೆಫೆನಾ ಮಾಂಜಿಯ ಬೈಕ್! ಆಟದಿಂದ ನಿಷೇದಕ್ಕೊಳಗಾದ ರೊಮಾನೋ ಫೆನಾಟಿ
ಸ್ಯಾನ್ ಮೆರಿನೋ(ಸೆ.11): ಆಟದಲ್ಲಿ ಗೆಲವು ಸೋಲಲ್ಲ ಮುಖ್ಯ. ನೈತಿಕತೆ ಮತ್ತು ಕ್ರೀಡಾಸ್ಪೂರ್ತಿ ಮುಖ್ಯ. ಆದರೆ ಇತ್ತೀಚಿನ ದಿನಗಳಲ್ಲಿ ಈ ಕ್ರೀಡಾಸ್ಪೂರ್ತಿಯೇ ಮಾಯವಾಗುತ್ತಿರುವುದು ಆತಂಕಕ್ಕೆ ಕಾರಣವಾಗಿದೆ.
ಸ್ಯಾನ್ ಮೆರೆನೋದಲ್ಲಿ ನಡೆದ ಮೋಟೋ ಜಿಪಿ ಸ್ಪರ್ಧೆಯಲ್ಲಿ ಬೈಕ್ ರೇಸರ್ ಒಬ್ಬ ಆಟದ ಮಧ್ಯೆ ತನ್ನ ಪ್ರತಿಸ್ಪರ್ಧಿಯ ಬೈಕ್ ನ ಬ್ರೇಕ್ ಹಾಕಿ ಎರಡು ವರ್ಷದ ಅವಧಿಗೆ ಆಟದಿಂದ ನಿಷೇಧಕ್ಕೊಳಗಾಗಿದ್ದಾನೆ.
ರೊಮಾನೋ ಫೆನಾಟಿ ಎಂಬ ರೇಸರ್ ಆಟದ ಮಧ್ಯೆ ತನಗಿಂತ ಮುಂದಿದ್ದ ಸ್ಟೆಫೆನಾ ಮಾಂಜಿಯ ಬೈಕ್ ಬ್ರೇಕ್ ಒತ್ತಿದ್ದಾನೆ. ಈ ವೇಳೆ ಮಾಂಜಿ ಗಂಟೆಗೆ ಸುಮಾರು 220 ಕಿ.ಮೀ ವೇಗದಲ್ಲಿ ಬೈಕ್ ಚಲಾಯಿಸುತ್ತಿದ್ದ ಎನ್ನಲಾಗಿದೆ.
FIM MotoGP Stewards 📋
— MotoGP™🇸🇲🏁 (@MotoGP) September 9, 2018
Black flag Romano Fenati for irresponsible riding 🏴#Moto2 #SanMarinoGP pic.twitter.com/sTqv6nhZer
ರೊಮಾನೋ ಕೀಳು ಕೃತ್ಯ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಕ್ರೀಡಾಸ್ಪೂರ್ತಿಗೆ ಧಕ್ಕೆ ತಂದ ಆರೋಪದ ಮೇಲೆ ಆತನನ್ನು ಎರಡು ವರ್ಷಗಳ ಕಾಲ ಆಟದಿಂದ ನಿಷೇಧ ಹೇರಲಾಗಿದೆ.
ಈ ಕುರಿತು ಪ್ರತಿಕ್ರಿಯೆ ನೀಡಿರುವ ರೊಮಾನೋ, ಪ್ರತಿಸ್ಪರ್ಧಿಯನ್ನು ಗೌರವಿಸದ್ದಕ್ಕೆ, ಕ್ರೀಡಾಸ್ಪೂರ್ತಿಗೆ ಧಕ್ಕೆ ತಂದಿದ್ದಕ್ಕೆ ಕ್ರೀಡಾ ಜಗತ್ತಿನ ಮುಂದೆ ಕ್ಷಮೆಯಾಚಿಸುವುದಾಗಿ ತಿಳಿಸಿದ್ದಾನೆ.
