ನವ​ದೆ​ಹ​ಲಿ(ಜೂ.12): ಡೋಪಿಂಗ್‌ ಆರೋಪದಿಂದ ಮುಕ್ತರಾದ ಭಾರ​ತದ ವೇಟ್‌ಲಿಫ್ಟರ್‌ ಸಂಜಿತಾ ಚಾನು, ಈ ವರ್ಷ ಅರ್ಜುನಾ ಪ್ರಶಸ್ತ ದೊರೆಯ​ಬ​ಹುದು ಎನ್ನುವ ವಿಶ್ವಾಸವಿದೆ ಎಂದಿ​ದ್ದಾರೆ. 

ಎರಡೂವರೆ ವರ್ಷಗಳ ತನಿಖೆ ಬಳಿಕ, ಬುಧ​ವಾರ ಚಾನು ವಿರು​ದ್ಧದ ಪ್ರಕ​ರಣವನ್ನು ಅಂತಾ​ರಾ​ಷ್ಟ್ರೀಯ ವೇಟ್‌ಲಿಫ್ಟಿಂಗ್‌ ಫೆಡ​ರೇ​ಷನ್‌ ಕೈಬಿ​ಟ್ಟಿತ್ತು. 2016, 2017ರಲ್ಲಿ ಚಾನು ಅರ್ಜುನಾ ಪ್ರಶ​ಸ್ತಿಗೆ ಅರ್ಜಿ ಸಲ್ಲಿಸಿದ್ದರು. ಆದರೆ ಪ್ರಶ​ಸ್ತಿಗೆ ಅವ​ರನ್ನು ಪರಿ​ಗ​ಣಿ​ಸ​ಲಾ​ಗಿ​ರ​ಲಿಲ್ಲ. ಸಂಜಿತಾ ಚಾನು 2014 ಹಾಗೂ 2018ರ ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ಕ್ರಮವಾಗಿ 48 ಕೆಜಿ ಹಾಗೂ 53 ಕೆಜಿ ವಿಭಾಗದಲ್ಲಿ ಚಿನ್ನದ ಪದಕ ಜಯಿಸಿದ್ದಾರೆ.  

ಹೊಸ ಕ್ರೀಡಾ ನೀತಿ​: ಪಠ್ಯಕ್ರಮಕ್ಕೆ ಕ್ರೀಡೆ

ಮುಂಬೈ: ದೇಶದ ನೂತನ ಕ್ರೀಡಾ ನೀತಿ​ಯನ್ನು ಶೀಘ್ರ​ದಲ್ಲೇ ಅನು​ಷ್ಠಾನಗೊಳಿ​ಸ​ಲಿದ್ದು, ಅದ​ರಲ್ಲಿ ಕ್ರೀಡೆಯನ್ನು ಪಠ್ಯ ಕ್ರಮಕ್ಕೆ ಸೇರಿ​ಸ​ಲಾ​ಗು​ತ್ತದೆ ಎಂದು ಕೇಂದ್ರ ಕ್ರೀಡಾ ಸಚಿವ ಕಿರಣ್‌ ರಿಜಿಜು ಹೇಳಿ​ದ್ದಾರೆ. 

ಕ್ರಿಕೆಟ್‌ನಿಂದ ದೂರ ದೂರ, ರೈತನಾಗುವತ್ತ ಎಂ.ಎಸ್.ಧೋನಿ?

21ನೇ ಶತ​ಮಾ​ನ​ದಲ್ಲಿ ಒಲಿಂಪಿಕ್ಸ್‌ ಶಿಕ್ಷಣದ ಕುರಿತು ಆನ್‌ಲೈನ್‌ ಸಂವಾದದ ವೇಳೆ ರಿಜಿಜು ಈ ವಿಷಯ ತಿಳಿ​ಸಿ​ದರು. ‘ಕ್ರೀಡೆಯನ್ನು ಶಾಲಾ, ಕಾಲೇ​ಜು​ಗ​ಳಲ್ಲಿ ಶಿಕ್ಷಣವಾಗಿ ಕಲಿ​ಸು​ವುದು ಬಹಳ ಮುಖ್ಯ. ಕ್ರೀಡಾ ರಾಷ್ಟ್ರವಾಗಿ ಬೆಳೆ​ಯಲು ಈ ಬದ​ಲಾ​ವಣೆ ಅಗತ್ಯ’ ಎಂದು ಅವರು ಹೇಳಿ​ದ್ದಾರೆ.