ಗೌರಿ ಗಣೇಶ ಹಬ್ಬದಂದು ಯುವಿ ಮನೆಗೆ ಬಂದ ಆ ಗೆಸ್ಟ್ ಯಾರು..?
ಟೀಂ ಇಂಡಿಯಾದ ಬ್ಯಾಟ್ಸ್ ಮನ್ ಯುವರಾಜ್ ಸಿಂಗ್ ಜರ್ಮನಿ ಮೂಲದ ದುಬಾರಿ ಮೌಲ್ಯದ ಹೊಸ ಬೈಕ್ ಅನ್ನ ಖರೀದಿಸಿದ್ದಾರೆ. ಹೊಸದಾಗಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿರುವ ಈ ಬಿಎಂಡಬ್ಲ್ಯೂ ಜಿ 310 ಆರ್ ಬೈಕ್ ಬೆಲೆ 2.99 ಲಕ್ಷ ರೂಪಾಯಿ.
ಚಂಡೀಗಢ (ಸೆ 12): ಗೌರಿ ಗಣೇಶ ಹಬ್ಬದಿನದಂದು ಟೀಂ ಇಂಡಿಯಾದ ಬ್ಯಾಟ್ಸ್ಮನ್ ಯುವರಾಜ್ ಸಿಂಗ್ ಮನೆಗೆ ಹೊಸ ಅತಿಥಿಯೊಬ್ಬರ ಆಗಮನವಾಗಿದೆ. ಯುವಿ ಮನೆಗೆ ಬಂದಿರುವ ಆ ಗೆಸ್ಟ್ ಬೇರೆ ಯಾರು ಅಲ್ಲ, ಅದುವೇ ಹೊಸ ಬಿಎಂಡಬ್ಲ್ಯೂ ಜಿ 310 ಆರ್ ಬೈಕ್.
ಹೌದು ಸಿಕ್ಕಾಪಟೆ ಬೈಕ್ ಕ್ರೇಜ್ ಹೊಂದಿರುವ ಯುವಿ, ಹೊಸದಾಗಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿರುವ ಜರ್ಮನಿ ಮೂಲದ ಬಿಎಂಡಬ್ಲ್ಯೂ ಜಿ 310 ಆರ್ ಎನ್ನುವ 313 ಸಿಸಿಯ ದುಬಾರಿ ಬೈಕ್ ಅನ್ನು ಖರೀದಿಸಿದ್ದಾರೆ. ಲೂಧಿಯಾನದ ಬಿಎಂಡಬ್ಲ್ಯೂ ಕೃಷ್ಣ ಆಟೋಮೊಬೈಲ್ಸ್ ಕಂಪೆನಿಯಿಂದ ಯುವಿ, ಈ ನೂತನ ಬೈಕ್ ಅನ್ನು ಖರೀದಿಸಿದ್ದು, ಇದರ ಬೆಲೆ ಬರೋಬ್ಬರಿ 2.99 ಲಕ್ಷ ರೂ. ಆಗಿದೆ.
ಈ ಬೈಕ್ ಖರೀದಿಸುವ ಮೂಲಕ ಇಂತಹ ದುಬಾರಿ ಮೌಲ್ಯದ ಬೈಕ್ ಖರೀದಿಸಿದ ಮೊದಲ ಭಾರತೀಯ ಕ್ರಿಕೆಟರ್ ಎಂಬ ಹೆಗ್ಗಳಿಕೆಗೂ ಯುವಿ ಪಾತ್ರರಾಗಿದ್ದಾರೆ.