ಹಾಕಿ ವಿಶ್ವಕಪ್: ಕ್ವಾರ್ಟರ್ಗೆ ಇಂಗ್ಲೆಂಡ್, ಫ್ರಾನ್ಸ್
ಪುರುಷರ ಹಾಕಿ ವಿಶ್ವಕಪ್ ಟೂರ್ನಿಯಲ್ಲಿ ಇಂಗ್ಲೆಂಡ್ ಮತ್ತು ಫ್ರಾನ್ಸ್ ತಂಡಗಳು ಕ್ವಾರ್ಟರ್ ಫೈನಲ್ ಪ್ರವೇಶಿಸಿವೆ.
ಭುವನೇಶ್ವರ[ಡಿ.11]: ಪುರುಷರ ಹಾಕಿ ವಿಶ್ವಕಪ್ ಟೂರ್ನಿಯಲ್ಲಿ ಇಂಗ್ಲೆಂಡ್ ಮತ್ತು ಫ್ರಾನ್ಸ್ ತಂಡಗಳು ಕ್ವಾರ್ಟರ್ ಫೈನಲ್ ಪ್ರವೇಶಿಸಿವೆ. ಸೋಮವಾರ ಇಲ್ಲಿ ನಡೆದ ಮೊದಲ ಕ್ರಾಸ್ ಓವರ್
ಪಂದ್ಯದಲ್ಲಿ ಇಂಗ್ಲೆಂಡ್, ನ್ಯೂಜಿಲೆಂಡ್ ವಿರುದ್ಧ 2-0 ಗೋಲುಗಳಿಂದ ಗೆಲುವು ಸಾಧಿಸಿ, ಅಂತಿಮ 8ರ ಘಟ್ಟಕ್ಕೆ ಲಗ್ಗೆ ಇಟ್ಟಿತು.
Well done @EnglandHockey first team to get through the crossovers to take a place in the 1/4 Finals!
— International Hockey Federation (@FIH_Hockey) December 10, 2018
Odisha #HWC2018 Bhubaneswar
📸FIH @GettySport pic.twitter.com/4yfOwvEQqJ
ಸೋಲುಂಡ ನ್ಯೂಜಿಲೆಂಡ್, ಟೂರ್ನಿಯಿಂದ ಹೊರಬಿತ್ತು. ಇಂಗ್ಲೆಂಡ್ ಪರ ವಿಲ್ ಕಲ್ನನ್ಸ್(25ನೇ ನಿ.) ಮತ್ತು ಲೂಕ್ ಟೇಲರ್(44ನೇ ನಿ.) ಗೋಲು ಗಳಿಸಿ ತಂಡದ ಗೆಲುವಿಗೆ ನೆರವಾದರು. ಬುಧವಾರ ನಡೆಯಲಿರುವ ಕ್ವಾರ್ಟರ್ನಲ್ಲಿ ವಿಶ್ವ ನಂ.7 ಇಂಗ್ಲೆಂಡ್, ಒಲಿಂಪಿಕ್ಸ್ ಚಾಂಪಿಯನ್ ಅರ್ಜೆಂಟೀನಾವನ್ನು ಎದುರಿಸಲಿದೆ.
Can @FF_Hockey hold on to this small lead??
— International Hockey Federation (@FIH_Hockey) December 10, 2018
Odisha #HWC2018 Bhubaneswar
FRA 1 - 0 CHN
Where to watch the final few minutes 👉 https://t.co/XF0WNUXGPF pic.twitter.com/VpffKmQ1WZ
ಮತ್ತೊಂದು ಕ್ರಾಸ್ ಓವರ್ ಪಂದ್ಯದಲ್ಲಿ ಫ್ರಾನ್ಸ್, ಚೀನಾ ತಂಡವನ್ನು 1-0 ಗೋಲಿನಿಂದ ಪರಾಭವಗೊಳಿಸಿ ಕ್ವಾರ್ಟರ್’ಗೇರಿತು. ಫ್ರಾನ್ಸ್ ಪರ ಟಿಮೋತಿ ಕ್ಲೆಮೆಂಟ್ 36ನೇ ನಿಮಿಷದಲ್ಲಿ
ಗೋಲುಗಳಿಸಿದರು. ಏಕಪಕ್ಷೀಯವಾಗಿ ಸಾಗಿದ ಪಂದ್ಯದಲ್ಲಿ ಚೀನಾದ ಯಾವೊಬ್ಬ ಆಟಗಾರನು ಗೋಲುಗಳಿಸುವಲ್ಲಿ ಸಫಲರಾಗಲಿಲ್ಲ. ಸೋಲಿನೊಂದಿಗೆ ಚೀನಾ ಟೂರ್ನಿಯಿಂದ ಹೊರಬಿತ್ತು.