ಪಾಕಿಸ್ತಾನ ಅಣೆಕಟ್ಟು ನಿಧಿಗೆ ಅಂಪೈರ್ ದರ್ ₹7 ಲಕ್ಷ ದೇಣಿಗೆ
ದೇಶದಲ್ಲಿ ಎದುರಾಗುವ ಬರದ ಸಮಸ್ಯೆ ಎದುರಿಸಲು ಪಾಕಿಸ್ತಾನ ಸರ್ಕಾರ ಮುಂದಿನ 7 ವರ್ಷಗಳಲ್ಲಿ ಅಣೆಕಟ್ಟುಗಳನ್ನು ನಿರ್ಮಿಸಲು ಮುಂದಾಗಿದೆ. ನೀರಿನ ಸಮಸ್ಯೆಯನ್ನು ನೀಗಿಸಲು ದೇಶದ ಪ್ರತಿಯೊಬ್ಬರು ಅಣೆಕಟ್ಟು ನಿರ್ಮಿಸಲು ತಮ್ಮ ಕೈಲಾದ ಸಹಾಯ ಮಾಡಬೇಕು ಎಂದು ಪಾಕಿಸ್ತಾನದ ನೂತನ ಪ್ರಧಾನಿ ಇಮ್ರಾನ್ ಖಾನ್ ಕರೆ ನೀಡಿದ್ದಾರೆ.
ನವದೆಹಲಿ[ಸೆ.11]: ಐಸಿಸಿ ಗಣ್ಯರ ಸಮಿತಿ ಸದಸ್ಯ ಮತ್ತು ಅಂಪೈರ್ ಅಲೀಮ್ದರ್, ಪಾಕಿಸ್ತಾನದಲ್ಲಿ ಅಣೆಕಟ್ಟು ನಿರ್ಮಾಣಕ್ಕೆ ₹7.24 ಲಕ್ಷ ದೇಣಿಗೆ ನೀಡಿದ್ದಾರೆ.
ಈ ಕುರಿತು ವೆಬ್ಸೈಟ್'ವೊಂದರಲ್ಲಿ ಓಡಾಡುತ್ತಿದ್ದ ವೀಡಿಯೋ ಕುರಿತು ಸ್ಪಷ್ಟನೆ ನೀಡಿರುವ ಅಲೀಮ್ ದರ್, ‘ಪಾಕಿಸ್ತಾನ ಅಣೆಕಟ್ಟು ನಿಧಿಗೆ ₹7.24 ಲಕ್ಷ ನೀಡಲು ನಿರ್ಧರಿಸಿದ್ದೇನೆ. ಪಾಕಿಸ್ತಾನ ಮುಖ್ಯ ನ್ಯಾಯಮೂರ್ತಿ ಮತ್ತು ಸರ್ಕಾರ, ಅಣೆಕಟ್ಟು ನಿರ್ಮಾಣಕ್ಕೆ ಮುಂದಾಗಿರುವುದನ್ನು ಶ್ಲಾಘಿಸುತ್ತೇನೆ’ ಎಂದಿದ್ದಾರೆ.
Aleem Dar has announced that he is going to contribute $10,000 to the Pakistan dams fund project pic.twitter.com/cmlrg7Lvx2
— Saj Sadiq (@Saj_PakPassion) September 9, 2018
ದೇಶದಲ್ಲಿ ಎದುರಾಗುವ ಬರದ ಸಮಸ್ಯೆ ಎದುರಿಸಲು ಪಾಕಿಸ್ತಾನ ಸರ್ಕಾರ ಮುಂದಿನ 7 ವರ್ಷಗಳಲ್ಲಿ ಅಣೆಕಟ್ಟುಗಳನ್ನು ನಿರ್ಮಿಸಲು ಮುಂದಾಗಿದೆ. ನೀರಿನ ಸಮಸ್ಯೆಯನ್ನು ನೀಗಿಸಲು ದೇಶದ ಪ್ರತಿಯೊಬ್ಬರು ಅಣೆಕಟ್ಟು ನಿರ್ಮಿಸಲು ತಮ್ಮ ಕೈಲಾದ ಸಹಾಯ ಮಾಡಬೇಕು ಎಂದು ಪಾಕಿಸ್ತಾನದ ನೂತನ ಪ್ರಧಾನಿ ಇಮ್ರಾನ್ ಖಾನ್ ಕರೆ ನೀಡಿದ್ದಾರೆ.