Asianet Suvarna News

ಭಾರತದ ಗುಟ್ಟು ಚೀನಾಕ್ಕೆ ರವಾನೆ ಆರೋಪ: ಯೋಧನ ಪತ್ನಿ ವಿರುದ್ಧ ದೂರು ದಾಖಲು! ಯಾರೀಕೆ

Suchethana D — Wed, 21 Oct 2026 19:13:03 +0530

ಜಮ್ಮು: ಬೇಹುಗಾರಿಕೆಗೆ ಸಂಬಂಧಿಸಿದ ಚಟುವಟಿಕೆಗಳ ಆರೋಪದ ಮೇಲೆ ಸೇನಾ ಅಧಿಕಾರಿಯೊಬ್ಬರ ಪತ್ನಿಯ ವಿರುದ್ಧ ಪ್ರಕರಣ ದಾಖಲಾಗಿದೆ. ಚೀನಾದ ಗುಪ್ತಚರ ಏಜೆಂಟ್‌ಗಾಗಿ ಸೂಕ್ಷ್ಮ ರಾಷ್ಟ್ರೀಯ ಭದ್ರತಾ ವಿಷಯಗಳ ಕುರಿತು ವಿಶ್ಲೇಷಣಾತ್ಮಕ ದಾಖಲೆಗಳನ್ನು ತಯಾರಿಸಲು ಅವರು ChatGPT ಮತ್ತು Cloud ನಂತಹ AI ಪರಿಕರಗಳನ್ನು ಬಳಸಿದ್ದಾರೆ ಎಂದು ಆರೋಪಿಸಲಾಗಿದೆ.

ಅಧಿಕಾರಿಗಳ ಪ್ರಕಾರ, ಮಹಿಳೆಯು ತನ್ನ ಪತಿಯೊಂದಿಗೆ ಜಮ್ಮುವಿನಲ್ಲಿ ವಾಸಿಸುತ್ತಿದ್ದಾರೆ. 2023ರಲ್ಲಿ ವಿಶ್ವಸಂಸ್ಥೆಯಲ್ಲಿ (UN) ಐಟಿ ಇಂಟರ್ನ್‌ಶಿಪ್ ಪೂರ್ಣಗೊಳಿಸಿದ್ದ ಈ ಮಹಿಳೆ, ಪ್ರಸ್ತುತ ಸ್ವತಂತ್ರ ಸಂಶೋಧಕರಾಗಿ ಕೆಲಸ ಮಾಡುತ್ತಿದ್ದಾರೆ. ಸೂಕ್ಷ್ಮ ಭದ್ರತೆ, ರಕ್ಷಣೆ ಮತ್ತು ಭೌಗೋಳಿಕ ರಾಜಕೀಯ ವಿಷಯಗಳ ಕುರಿತು ವಿಶ್ಲೇಷಣಾತ್ಮಕ ಲೇಖನಗಳನ್ನು ಸಿದ್ಧಪಡಿಸುವ ಕಾರ್ಯವನ್ನು ಮಹಿಳೆಗೆ ವಹಿಸಲಾಗಿತ್ತು. ಈ ವಿಷಯಗಳಲ್ಲಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ನಿಯಂತ್ರಣ ರೇಖೆಯ (LoC) ಉದ್ದಕ್ಕೂ ಚಟುವಟಿಕೆಗಳು, ಅರುಣಾಚಲ ಪ್ರದೇಶದ ನಿರ್ಣಾಯಕ ಮೂಲಸೌಕರ್ಯ ಯೋಜನೆಗಳು ಮತ್ತು ಡ್ರೋನ್‌ಗಳ ನಿಯೋಜನೆ ಸೇರಿವೆ. ಈ ಸಂದರ್ಭದಲ್ಲಿ ಮಾಹಿತಿ ಸೋರಿಕೆ ಆಗಿದೆ ಎನ್ನಲಾಗಿದೆ. ಜಮ್ಮುವಿನ ಗಾಂಧಿನಗರ ಪೊಲೀಸ್ ಠಾಣೆಯಲ್ಲಿ ಶುಕ್ರವಾರ ಪ್ರಕರಣ ದಾಖಲಾದ ಬಳಿಕ, ಡಿಎಸ್‌ಪಿ ಶ್ರೇಣಿಯ ಅಧಿಕಾರಿಯೊಬ್ಬರು ಈ ಮಹಿಳೆಯನ್ನು ತೀವ್ರ ವಿಚಾರಣೆಗೆ ಒಳಪಡಿಸಿದ್ದಾರೆ. ಆದರೂ ಸದ್ಯಕ್ಕೆ ಯಾವುದೇ ಬಂಧನ ನಡೆದಿಲ್ಲ ಎಂದು ಪೊಲೀಸರು ತಿಳಿಸಿದ್ದು, ಅವರ ಸಂಶೋಧನಾ ಚಟುವಟಿಕೆಗಳ ಸ್ವರೂಪ ಮತ್ತು ರಹಸ್ಯ ದಾಖಲೆಗಳ ಕೈ ಬದಲಾವಣೆಯ ಬಗ್ಗೆ ತನಿಖೆ ಮುಂದುವರೆದಿದೆ.

ಸಿಕ್ಕಿಬಿದ್ದದ್ದು ಹೇಗೆ?

ಅಕ್ಟೋಬರ್ 14 ರಂದು ಪಠಾಣಕೋಟ್‌ಗೆ ತೆರಳಲು ಜಮ್ಮುವಿನ ತಾವಿ ರೈಲ್ವೆ ನಿಲ್ದಾಣಕ್ಕೆ ಆಗಮಿಸಿದ್ದ ಈ ಮಹಿಳೆಯನ್ನು ಪೊಲೀಸರು ಹಾಗೂ ಕೇಂದ್ರ ಗುಪ್ತಚರ ಸಂಸ್ಥೆಯ ಅಧಿಕಾರಿಗಳು ಜಂಟಿಯಾಗಿ ವಶಕ್ಕೆ ಪಡೆದಿದ್ದರು. ಬಳಿಕ ಆಕೆಯನ್ನು ಸಮೀಪದ ಸೇನಾ ನೆಲೆಗೆ ಕರೆದೊಯ್ದು ಸುದೀರ್ಘ ವಿಚಾರಣೆ ನಡೆಸಲಾಗಿದೆ. ತನಿಖೆಯ ಭಾಗವಾಗಿ ಆಕೆಯ ಮೊಬೈಲ್ ಫೋನ್ ಅನ್ನು ವಶಪಡಿಸಿಕೊಳ್ಳಲಾಗಿದ್ದು, ವೈಜ್ಞಾನಿಕ ಪರೀಕ್ಷೆಗಾಗಿ ಫೋರೆನ್ಸಿಕ್ ಲ್ಯಾಬ್‌ಗೆ ಕಳುಹಿಸಲಾಗಿದೆ. FIR ದಾಖಲಾದ ನಂತರ ಪ್ರಶ್ನಿಸಲಾಗುತ್ತಿದ್ದು, ಅವರು ತನಿಖಾ ಸಂಸ್ಥೆಗಳೊಂದಿಗೆ ಸಹಕರಿಸುತ್ತಿದ್ದಾರೆ ಎಂದು ತಿಳಿದುಬಂದಿದೆ.

ತೀವ್ರ ನಿಗಾ

ಅಧಿಕಾರಿಗಳ ಪ್ರಕಾರ, ಈ ವಿಷಯದಲ್ಲಿ ಕಳೆದ ಶುಕ್ರವಾರ ಜಮ್ಮುವಿನ ಗಾಂಧಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಮಹಿಳೆಯ ವಿರುದ್ಧ ಅಧಿಕೃತ ರಹಸ್ಯ ಕಾಯ್ದೆಯಡಿಯಲ್ಲಿ ಆರೋಪ ಹೊರಿಸಲಾಗಿದೆ, ಇದು ಬೇಹುಗಾರಿಕೆ ಮತ್ತು ಗೌಪ್ಯ ಸರ್ಕಾರಿ ಮಾಹಿತಿಗೆ ಅನಧಿಕೃತ ಪ್ರವೇಶಕ್ಕೆ ಸಂಬಂಧಿಸಿದೆ. ಕ್ರಿಮಿನಲ್ ಪಿತೂರಿ ಮತ್ತು ದೇಶದ ಸಾರ್ವಭೌಮತ್ವದ ವಿರುದ್ಧದ ಅಪರಾಧಗಳಿಗೆ ಸಂಬಂಧಿಸಿದ ಭಾರತೀಯ ದಂಡ ಸಂಹಿತೆಯ (ಐಪಿಸಿ) ವಿಭಾಗಗಳನ್ನು ಸಹ ಅನ್ವಯಿಸಲಾಗಿದೆ.

ಪ್ರಕರಣದ ತನಿಖೆಯನ್ನು ಉಪ ಪೊಲೀಸ್ ವರಿಷ್ಠಾಧಿಕಾರಿಗೆ ವಹಿಸಲಾಗಿದೆ. ಸುಳಿವು ದೊರೆತ ಮೇರೆಗೆ, ಕೇಂದ್ರ ಗುಪ್ತಚರ ಸಂಸ್ಥೆ ಮತ್ತು ಪೊಲೀಸರ ಜಂಟಿ ತಂಡವು ಅಕ್ಟೋಬರ್ 14 ರಂದು ಜಮ್ಮು ತಾವಿ ರೈಲು ನಿಲ್ದಾಣದಲ್ಲಿ ಪಠಾಣ್‌ಕೋಟ್‌ಗೆ ರೈಲು ಹತ್ತಲು ತಯಾರಿ ನಡೆಸುತ್ತಿದ್ದಾಗ ಮಹಿಳೆಯನ್ನು ತಡೆದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಪ್ರಾಥಮಿಕ ತನಿಖೆಯ ಹಂತದಲ್ಲಿ ಮಹಿಳೆಯು ಯಾವುದೇ ರಹಸ್ಯ ಅಥವಾ ಗೌಪ್ಯ ಮಾಹಿತಿಯನ್ನು ಅಧಿಕೃತವಾಗಿ ರವಾನಿಸಿದ್ದಾರೆ ಎಂಬುದು ಇನ್ನೂ ಸಂಪೂರ್ಣವಾಗಿ ದೃಢಪಟ್ಟಿಲ್ಲ. ಆದಾಗ್ಯೂ, ವಿದೇಶಿ ಸಂಸ್ಥೆಗಳು ಅಥವಾ ವ್ಯಕ್ತಿಗಳೊಂದಿಗೆ ಆಕೆಗೆ ಇರಬಹುದಾದ ನಂಟು ಹಾಗೂ ಸಂಪರ್ಕಗಳ ಕುರಿತು ಪೊಲೀಸರು ತಾಂತ್ರಿಕ ಸಾಕ್ಷ್ಯಗಳನ್ನು ಕಲೆಹಾಕುತ್ತಿದ್ದಾರೆ. ಆಕೆಯ ಹಿನ್ನೆಲೆ ಮತ್ತು ಚಲನವಲನಗಳ ಮೇಲೆ ತನಿಖಾ ಸಂಸ್ಥೆಗಳು ತೀವ್ರ ಕಣ್ಣಿಟ್ಟಿವೆ.

SAI PALLAVI-YASH: ಯಶ್ ವ್ಯಕ್ತಿತ್ವ & ರಾಮಾಯಣ ಸೆಟ್‌ನಲ್ಲಿ ಯಶ್ ಜೊತೆಗಿನ ಮಾತುಕತೆ ಬಗ್ಗೆ ಸಾಯಿ ಪಲ್ಲವಿ ಹೇಳಿದ್ದೇನು?

Shriram Bhat — Tue, 20 Oct 2026 14:40:49 +0530

ಅಕ್ಟೋಬರ್ 19ರಂದು ಹೈದರಾಬಾದ್‌ನಲ್ಲಿ ನಡೆದ ಅದ್ಧೂರಿ ಪ್ರೀ-ರಿಲೀಸ್ ಕಾರ್ಯಕ್ರಮದಲ್ಲಿ ಚಿತ್ರದ ಪ್ರಮುಖ ತಾರೆಯರು ಭಾಗವಹಿಸಿದ್ದರು. ಈ ವೇಳೆ ನಟಿ ಸಾಯಿ ಪಲ್ಲವಿ ಅವರು ರಾಕಿಂಗ್ ಸ್ಟಾರ್ ಯಶ್ ಬಗ್ಗೆ ಆಡಿದ ಮಾತುಗಳೇನು? ಇಲ್ಲಿದೆ ನೋಡಿ..

ಯಶ್ ದೂರದೃಷ್ಟಿಗೆ ಸಾಯಿ ಪಲ್ಲವಿ ಫಿದಾ! ರಾವಣನ ಪಾತ್ರದಲ್ಲಿ ರಾಕಿಂಗ್ ಸ್ಟಾರ್ ಹೇಗೆ ಬದಲಾಗುತ್ತಿದ್ದರು ಗೊತ್ತಾ?

ಬಹುನಿರೀಕ್ಷಿತ ‘ರಾಮಾಯಣ’ ಸಿನಿಮಾದ ಬಿಡುಗಡೆಗೆ ದಿನಗಣನೆ ಆರಂಭವಾಗಿದ್ದು, ಚಿತ್ರತಂಡ ಭರ್ಜರಿ ಪ್ರಚಾರದಲ್ಲಿ ತೊಡಗಿಸಿಕೊಂಡಿದೆ. ಅಕ್ಟೋಬರ್ 19ರಂದು ಹೈದರಾಬಾದ್‌ನಲ್ಲಿ ನಡೆದ ಅದ್ಧೂರಿ ಪ್ರೀ-ರಿಲೀಸ್ ಕಾರ್ಯಕ್ರಮದಲ್ಲಿ ಚಿತ್ರದ ಪ್ರಮುಖ ತಾರೆಯರು ಭಾಗವಹಿಸಿದ್ದರು. ಈ ವೇಳೆ ನಟಿ ಸಾಯಿ ಪಲ್ಲವಿ ಅವರು ರಾಕಿಂಗ್ ಸ್ಟಾರ್ ಯಶ್ ಬಗ್ಗೆ ಆಡಿದ ಮಾತುಗಳು ಅಭಿಮಾನಿಗಳ ಗಮನ ಸೆಳೆದಿವೆ.

ಯಶ್ ಹೆಸರು ಪ್ರಸ್ತಾಪಿಸುತ್ತಿದ್ದಂತೆ ಸಭಾಂಗಣದಲ್ಲಿ ಚಪ್ಪಾಳೆ, ಶಿಳ್ಳೆಗಳ ಸದ್ದು ಮೊಳಗಿತು. ಬಳಿಕ ಮಾತನಾಡಿದ ಸಾಯಿ ಪಲ್ಲವಿ, ಯಶ್ ಅವರ ದೂರದೃಷ್ಟಿ ಮತ್ತು ಸಿನಿಮಾ ಕ್ಷೇತ್ರದ ಬಗ್ಗೆ ಅವರಿಗಿರುವ ವಿಶಾಲ ದೃಷ್ಟಿಕೋನವನ್ನು ಮುಕ್ತಕಂಠದಿಂದ ಹೊಗಳಿದರು.

ಕನ್ನಡ ಚಿತ್ರರಂಗವನ್ನು ಜಾಗತಿಕ ಮಟ್ಟಕ್ಕೆ ಕೊಂಡೊಯ್ಯುವ ಕನಸು!

ಯಶ್ ಮತ್ತು ನಿರ್ಮಾಪಕ ನಮಿತ್ ಮಲ್ಹೋತ್ರಾ ಅವರ ಆಲೋಚನೆಗಳು ಒಂದೇ ರೀತಿಯಲ್ಲಿವೆ ಎಂದು ಸಾಯಿ ಪಲ್ಲವಿ ಹೇಳಿದರು. ಸೆಟ್‌ನಲ್ಲಿ ಯಶ್ ಅವರೊಂದಿಗೆ ಮಾತನಾಡುವಾಗ, ಅವರು ದೊಡ್ಡ ಸಿನಿಮಾಗಳನ್ನೇ ಆಯ್ಕೆ ಮಾಡುತ್ತಾರೆಯೇ ಎಂದು ಕೇಳಿದ್ದರಂತೆ. ಅದಕ್ಕೆ ಯಶ್, ತಮ್ಮ ಮುಂದೆ ದೊಡ್ಡ ಅವಕಾಶವಿದ್ದು, ಅದನ್ನು ಬಳಸಿಕೊಂಡು ಕನ್ನಡ, ದಕ್ಷಿಣ ಭಾರತೀಯ ಮತ್ತು ಭಾರತೀಯ ಚಿತ್ರರಂಗವನ್ನು ಜಾಗತಿಕ ಮಟ್ಟಕ್ಕೆ ಕೊಂಡೊಯ್ಯುವ ಗುರಿ ಹೊಂದಿರುವುದಾಗಿ ತಿಳಿಸಿದ್ದರು ಎಂದು ಸಾಯಿ ಪಲ್ಲವಿ ಹಂಚಿಕೊಂಡರು.

ತಾವು ಬೆಳೆದ ಸ್ಥಳಕ್ಕೆ ಮರಳಿ ಕೊಡುಗೆ ನೀಡಬೇಕು ಮತ್ತು ಆ ಪ್ರದೇಶಕ್ಕೆ ಹೆಸರು ತರಬೇಕು ಎಂಬ ಯಶ್ ಅವರ ಆಲೋಚನೆ ತನಗೆ ಬಹಳ ಇಷ್ಟವಾಯಿತು ಎಂದು ಅವರು ಮೆಚ್ಚುಗೆ ವ್ಯಕ್ತಪಡಿಸಿದರು.

ರಾವಣನಾಗಿ ಯಶ್ ಮಾಡಿದ ಬದಲಾವಣೆ ಕಂಡು ಅಚ್ಚರಿಗೊಂಡ ಸಾಯಿ ಪಲ್ಲವಿ!

‘ರಾಮಾಯಣ’ದಲ್ಲಿ ಯಶ್ ರಾವಣನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸಾಮಾನ್ಯವಾಗಿ ನಕಾರಾತ್ಮಕ ಪಾತ್ರಗಳನ್ನು ಪ್ರೇಕ್ಷಕರು ಇಷ್ಟಪಡುವುದು ಅಪರೂಪ. ಆದರೆ ಯಶ್ ತಮ್ಮ ಅಭಿನಯದ ಮೂಲಕ ರಾವಣನ ಪಾತ್ರವನ್ನೇ ಆಕರ್ಷಕವಾಗಿಸಿದ್ದಾರೆ ಎಂದು ಸಾಯಿ ಪಲ್ಲವಿ ಅಭಿಪ್ರಾಯಪಟ್ಟರು.

ಚಿತ್ರೀಕರಣದ ಸಮಯದಲ್ಲಿ ಯಶ್ ತಮ್ಮ ಪಾತ್ರಕ್ಕಾಗಿ ಮಾಡಿಕೊಳ್ಳುತ್ತಿದ್ದ ಸಿದ್ಧತೆಗಳನ್ನು ಕಂಡು ಅಚ್ಚರಿಗೊಂಡಿದ್ದಾಗಿಯೂ ಅವರು ಹೇಳಿದರು. ರಾವಣನಾಗಿ ನಟಿಸುವಾಗ ಯಶ್ ತಮ್ಮ ನಿಜವಾದ ವ್ಯಕ್ತಿತ್ವವನ್ನೇ ಮರೆತು ಸಂಪೂರ್ಣವಾಗಿ ಪಾತ್ರದಲ್ಲಿ ಲೀನವಾಗುತ್ತಿದ್ದರು ಎಂದು ಸಾಯಿ ಪಲ್ಲವಿ ವಿವರಿಸಿದರು.

ಇಂತಹ ಅದ್ಭುತ ನಟರೊಂದಿಗೆ ಕೆಲಸ ಮಾಡುವ ಅವಕಾಶ ಸಿಕ್ಕಿರುವುದು ತಮ್ಮ ಅದೃಷ್ಟ ಎಂದು ಹೇಳಿದ ಅವರು, ಯಶ್ ಅವರ ಕಲೆಯ ಬದ್ಧತೆ ಮತ್ತು ಸಿನಿಮಾ ಕ್ಷೇತ್ರದ ಕುರಿತ ದೃಷ್ಟಿಕೋನವನ್ನು ಮತ್ತೊಮ್ಮೆ ಶ್ಲಾಘಿಸಿದರು.

ನಿತೇಶ್ ತಿವಾರಿ ನಿರ್ದೇಶನದ ‘ರಾಮಾಯಣ’ ನವೆಂಬರ್ 5, 2026ರಂದು ಬಿಡುಗಡೆಯಾಗಲು ಸಿದ್ಧವಾಗಿದ್ದು, ರಣಬೀರ್ ಕಪೂರ್ ರಾಮನಾಗಿ, ಸಾಯಿ ಪಲ್ಲವಿ ಸೀತೆಯಾಗಿ ಮತ್ತು ಯಶ್ ರಾವಣನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಈ ತಾರಾಗಣದ ಅಭಿನಯವನ್ನು ದೊಡ್ಡ ಪರದೆಯಲ್ಲಿ ನೋಡಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.

ಕಿಮ್ ಜಾಂಗ್ ಉನ್ ಬ್ರೈನ್ ಹ್ಯಾಮ್ರೇಜ್‌ನಿಂದ ನಿಧನ ಸುದ್ದಿ ಬೆನ್ನಲ್ಲೇ ಫೋಟೋ ರಿಲೀಸ್, ನಡೆದಿದ್ದೇನು?

Chethan Kumar — Tue, 20 Oct 2026 12:29:10 +0530

ಕೊರಿಯಾ (ಅ.20) ಉತ್ತರ ಕೊರಿಯಾದ ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ಕುರಿತು ಹಲವು ಬಾರಿ ಸುಳ್ಳು ಸುದ್ದಿಗಳು ಹಬ್ಬಿದೆ. ಕಳೆದ ಕೆಲ ದಿನಗಳಿಂದ ಕಿಮ್ ಜಾಂಗ್ ಉನ್ ಸಾರ್ವಜನಿಕವಾಗಿ, ಉತ್ತರ ಕೊರಿಯಾದ ಸರ್ಕಾರದ ಅಧಿಕೃತ ಕಾರ್ಯಕ್ರಮಗಳಲ್ಲಿ ಬಹಿರಂಗವಾಗಿ ಕಾಣಿಸಿಕೊಂಡಿಲ್ಲ. ಇದರ ನಡುವೆ ಸೆರೆಬ್ರಲ್ ಹ್ಯಾಮ್ರೇಜ್‌ನಿಂದ ಕುಸಿದು ಬಿದ್ದ ಕಿಮ್ ಜಾಂಗ್ ಉನ್ ತಕ್ಷಣವೇ ಆಸ್ಪತ್ರೆ ದಾಖಲಿಸುವ ಪ್ರಯತ್ನ ನಡೆದಿದೆ. ಆದರೆ ಬುದುಕಿಳಿಯಲಿಲ್ಲ ಅನ್ನೋ ಸುದ್ದಿ ಎಲ್ಲೆಡೆ ಹರಡಿದೆ. ಸೋಶಿಯಲ್ ಮೀಡಿಯಾಗಳಲ್ಲಿ ರಿಪ್ ಕಿಮ್ ಜಾಂಗ್ ಎಂಬ ಸಂದೇಶಗಳು ಹರಿದಾಡಿದೆ. ಕಳೆದೆರಡು ದಿನಗಳಿಂದ ಈ ಸುದ್ದಿ ಹರಿದಾಡುತ್ತಿದ್ದಂತೆ ಇದೀಗ ಉತ್ತರ ಕೊರಿಯಾ ಕಿಮ್ ಜಾಂಗ್ ಉನ್ ಲೈಫ್ ಆಫ್ ಪ್ರೂಫ್ ಫೋಟೋಗಳನ್ನು ಬಿಡುಗಡೆ ಮಾಡಿ ಸ್ಪಷ್ಟನೆ ನೀಡಿದೆ.

ಉತ್ತರ ಕೊರಿಯಾದ ಅಧಿಕೃತ ಸೆಂಟ್ರಲ್ ನ್ಯೂಸ್ ಎಜೆನ್ಸಿ ಕಿಮ್ ಜಾಂಗ್ ಉನ್ ಫೋಟೋಗಳನ್ನು ಬಿಡುಗಡೆ ಮಾಡಿದೆ. ಸೋಮವಾರ (ಅ.19) ಉತ್ತರ ಕೊರಿಯಾದಲ್ಲಿ ಆಯೋಜಿಸಿದ್ದ ಬೃಹತ್ ವಸ್ತು ಪ್ರದರ್ಶನ ಹಾಗೂ ಮಾರಾಟ ಮಳಿಗೆಗೆ ಬೇಟಿ ನೀಡಿರುವ ಫೋಟೋಗಳನ್ನು ನ್ಯೂಸ್ ಎಜೆನ್ಸಿ ಬಿಡುಗಡೆ ಮಾಡಿದೆ. ಸೋಶಿಯಲ್ ಮೀಡಿಯಾದಲ್ಲಿ ಸಾವಿನ ಸುದ್ದಿ ತೀವ್ರವಾಗಿ ಹರಡುತ್ತಿದ್ದಂತೆ ಕಿಮ್ ಜಾಂಗ್ ಉನ್ ಫೋಟೋಗಳು ಬಿಡುಗಡೆ ಮಾಡಲಾಗಿದೆ. ಈ ಮೂಲಕ ಉತ್ತರ ಕೊರಿಯಾ ಕಿಮ್ ಜಾಂಗ್ ಉನ್ ಸಾವಿನ ಕುರಿತು ಹರಡುತ್ತಿರುವ ಸುದ್ದಿ ಸುಳ್ಳು ಎಂದು ಸ್ಪಷ್ಟನೆ ನೀಡಿದೆ.

ಡೇಟ್ ಪ್ರಶ್ನಿಸಿ ಮತ್ತೆ ಸೋಶಿಯಲ್ ಮೀಡಿಯಾದಲ್ಲಿ ಹಂಗಾಮ

ಕಿಮ್ ಜಾಂಗ್ ಉನ್ ಕುರಿತು ಸಾವಿನ ಸುದ್ದಿಗಳಿಗೆ ಸ್ಪಷ್ಟನೆ ನೀಡಿ ಫೋಟೋ ರಿಲೀಸ್ ಮಾಡಿದ ಬೆನ್ನಲ್ಲೇ ಮತ್ತಷ್ಟು ಗೊಂದಲ ಸೃಷ್ಟಿಯಾಗಿದೆ. ಈ ಫೋಟೋಗಳು ತೆಗೆದ ದಿನಾಂಕ ಹಾಗೂ ಸ್ಥಳದ ಕುರಿತು ಯಾವುದೇ ಮಾಹಿತಿ ಇಲ್ಲ. ಇದು ಹಳೇ ಫೋಟೋಗಳು ಎಂಬ ವಾದವು ಜೋರಾಗುತ್ತಿದೆ. ಕಿಮ್ ಜಾಂಗ್ ಉನ್ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳಲಿ, ಬದಲಾಗಿ ಫೋಟೋ , ವಿಡಿಯೋ ಬಹಿರಂಗ ಮಾಡುವುದು ಸ್ಪಷ್ಟನೆಯಾಗಲ್ಲ ಎಂದು ಸೋಶಿಯಲ್ ಮೀಡಿಯಾದಲ್ಲಿ ಅಭಿಪ್ರಾಯಗಳು ವ್ಯಕ್ತವಾಗುತ್ತಿದೆ.

ಸಾವಿನ ಸುದ್ದಿ ಹರಡಿದ್ದು ಹೇಗೆ?

ಚೀನಾದ ಡೆಮಾಕ್ರಟಿಕ್ ಪಾರ್ಟಿ ಮುಖ್ಯಸ್ಥ ಕ್ಸಿ ವಂಜುನ್ ತಮ್ಮ ಭಾಷಣದ ವೇಳೆ ಉತ್ತರ ಕೊರಿಯಾ ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ಮೃತಪಟ್ಟಿರುವುದಾಗಿ ಹೇಳಿದ್ದರು. ಹೀಗಾಗಿ ಚೀನಾ 9000 ಸೈನಿಕರನ್ನು ಕಳುಹಿಸಿದೆ. ಅಧಿಕಾರ ಹಸ್ತಾಂತರ ವೇಳೆ ಎದುರಾಗಬಹುದಾದ ಅಪಾಯ, ದಂಗೆ ತಪ್ಪಿಸಲು ಚೀನಾ ಸೈನಿಕರನ್ನು ಕಳುಹಿಸಿದೆ ಎಂದು ಹೇಳಿದ್ದರು. ಬೀಜಿಂಗ್‌ನಿಂದ ನುರಿತ ವೈದ್ಯರ ತಂಡ ಉತ್ತರ ಕೊರಿಯಾಗೆ ತೆರಳಿ ಕಿಮ್ ಜಾಂಗ್ ಚಿಕಿತ್ಸೆ ನೀಡಿದ್ದರು. ಆದರೆ ತೀವ್ರ ಬ್ರೈನ್ ಹ್ಯಾಮರೇಜ್‌ನಿಂದ ನಿಧನರಾಗಿದ್ದಾರೆ ಎಂದಿದ್ದರು.

ಉತ್ತರ ಕೊರಿಯಾದಿಂದ ಹೆಚ್ಚಿನ ಚಿಕಿತ್ಸೆಗೆ ಚೀನಾದ ಬೀಜಿಂಗ್‌ನ ಆಸ್ಪತ್ರೆಗೆ ಕರೆತರೆಲಾಗಿತ್ತು. ಆದರೆ ಕಿಮ್ ಜಾಂಗ್ ಉನ್ ಬದುಕುಳಿಯಲಿಲ್ಲ. ಉತ್ತರ ಕೊರಿಯಾ ಸರ್ಕಾರದ ಆದೇಶದಂತೆ ಕಿಮ್ ಜಾಂಗ್ ಕುರಿತ ಯಾವುದೇ ಮಾಹಿತಿಯನ್ನು ಬಹಿರಂಗಪಡಿಸಿರಲಿಲ್ಲ. ರಹಸ್ಯವಾಗಿ ಕಿಮ್ ಜಾಂಗ್ ಉನ್ ಮೃತದೇಹವನ್ನು ಉತ್ತರ ಕೊರಿಯಾಗೆ ಕಳುಹಿಸಲಾಗಿದೆ ಎಂದು ಕ್ಸಿ ವುಂಜುನ್ ಹೇಳಿದ್ದಾರೆ. ಈ ಹೇಳಿಕೆಯಿಂದ ಕಿಮ್ ಜಾಂಗ್ ಉನ್ ಸಾವಿನ ಸುದ್ದಿ ಎಲ್ಲೆಡೆ ಹರಿದಾಡಿತ್ತು.

ಸರ್ವಾಧಿಕಾರಿ ಕಿಮ್ ಜಾಂಗ್-ಉನ್ ಕೋಮಾ, ನಿಧನವೆಂದು ಘೋಷಿಸಿದ ಚೀನಾ, ಉತ್ತರ ಕೊರಿಯಾದಲ್ಲಿ 9000 ಚೀನೀ ಸೈನಿಕರ ನಿಯೋಜನೆ!

Gowthami K — Tue, 20 Oct 2026 11:07:50 +0530

ಉತ್ತರ ಕೊರಿಯಾದ ಸರ್ವಾಧಿಕಾರಿ ಕಿಮ್ ಜಾಂಗ್-ಉನ್ ಅವರ ಆರೋಗ್ಯ ಮತ್ತು ಸಾವಿನ ಕುರಿತಾದ ವದಂತಿಗಳು ಜಾಗತಿಕ ಮಟ್ಟದಲ್ಲಿ ಮತ್ತೊಮ್ಮೆ ತೀವ್ರ ಚರ್ಚೆಗೆ ಗ್ರಾಸವಾಗಿವೆ. ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿರುವ ಸರಣಿ ಪೋಸ್ಟ್‌ಗಳು, ಪಯೋಂಗ್ಯಾಂಗ್‌ನಲ್ಲಿ ಬೃಹತ್ ಅಧಿಕಾರ ಬದಲಾವಣೆ ನಡೆದಿದೆ ಹಾಗೂ ಆಡಳಿತ ವ್ಯವಸ್ಥೆ ಕುಸಿಯುವ ಭೀತಿಯಲ್ಲಿ ಚೀನಾ ಮಿಲಿಟರಿ ಪ್ರವೇಶಿಸಿದೆ ಎಂದು ಪ್ರತಿಪಾದಿಸುತ್ತಿವೆ. ಆದರೆ ಈ ಆರೋಪಗಳ ಹಿಂದೆ ಇರುವ ಸತ್ಯಾಂಶವೇನು ಎಂಬ ಪ್ರಶ್ನೆ ಈಗ ಅಂತರರಾಷ್ಟ್ರೀಯ ರಾಜಕೀಯ ವಲಯದಲ್ಲಿ ದೊಡ್ಡ ಪ್ರಶ್ನೆ ಹುಟ್ಟು ಹಾಕಿದೆ.

ವಾಂಜುನ್ ಕ್ಸಿ ಮಾಡಿದ ಗಂಭೀರ ಆರೋಪಗಳೇನು?

ಚೀನಾ ಡೆಮಾಕ್ರಸಿ ಪಾರ್ಟಿಯ ಅಧ್ಯಕ್ಷ ವಾಂಜುನ್ ಕ್ಸಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಮಾಹಿತಿಯ ಪ್ರಕಾರ, ಕಿಮ್ ಜಾಂಗ್-ಉನ್ ತೀವ್ರ ಮೆದುಳಿನ ರಕ್ತಸ್ರಾವದಿಂದ ಕೋಮಾ ಸ್ಥಿತಿಗೆ ತಲುಪಿದ್ದರು. ಉತ್ತರ ಕೊರಿಯಾದಲ್ಲಿ ಸೂಕ್ತ ವೈದ್ಯಕೀಯ ಸೌಲಭ್ಯಗಳಿಲ್ಲದ ಕಾರಣ ಬೀಜಿಂಗ್‌ನ ಪೀಕಿಂಗ್ ಯೂನಿಯನ್ ಮೆಡಿಕಲ್ ಕಾಲೇಜು ಆಸ್ಪತ್ರೆಯಿಂದ ನಿಪುಣ ವೈದ್ಯರ ತಂಡವನ್ನು ಕರೆಯಿಸಲಾಗಿತ್ತು. ತದನಂತರ ಕಿಮ್ ಅವರನ್ನು ತುರ್ತು ಶಸ್ತ್ರಚಿಕಿತ್ಸೆಗೆ ಬೀಜಿಂಗ್‌ಗೆ ಕರೆದೊಯ್ಯಲಾಯಿತಾದರೂ, ನಿರ್ಣಾಯಕ ಚಿಕಿತ್ಸಾ ಸಮಯ ಮೀರಿದ್ದರಿಂದ ಅವರು ಚಿಕಿತ್ಸೆಗೆ ಸ್ಪಂದಿಸದೆ ಕೊನೆಯುಸಿರೆಳೆದಿದ್ದಾರೆ ಎಂದು ಕ್ಸಿ ಹೇಳಿದ್ದಾರೆ.

ಇದಷ್ಟೇ ಅಲ್ಲದೆ, ಕಿಮ್ ಅವರ ಮೃತದೇಹವನ್ನು ಈಗಾಗಲೇ ರಹಸ್ಯವಾಗಿ ಉತ್ತರ ಕೊರಿಯಾಕ್ಕೆ ತರಲಾಗಿದ್ದು, ದೇಶದಲ್ಲಿ ಉದ್ವಿಘ್ನ ಪರಿಸ್ಥಿತಿ ಏಳದಂತೆ ಅಧಿಕೃತ ಘೋಷಣೆಯನ್ನು ತಡೆಹಿಡಿಯಲಾಗಿದೆ ಎಂದು ಕ್ಸಿ ಹೇಳಿದ್ದಾರೆ.

ಉತ್ತರಾಧಿಕಾರ ಬಿಕ್ಕಟ್ಟು , ಕಿಮ್ ಯೋ-ಜಾಂಗ್ ಹಿಡಿತ

ಕಿಮ್ ಜಾಂಗ್-ಉನ್ ಸಾವಿನ ನಂತರ ಅವರ ಪುತ್ರಿ ಕಿಮ್ ಜು-ಎ ಬದಲಿಗೆ, ಅವರ ಸಹೋದರಿ ಕಿಮ್ ಯೋ-ಜಾಂಗ್ ಆಡಳಿತದ ಸಂಪೂರ್ಣ ನಿಯಂತ್ರಣವನ್ನು ತಮ್ಮ ಕೈಗೆ ತೆಗೆದುಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ. ದೇಶದ ಮಿಲಿಟರಿಯ ಮೇಲೆ ತಮ್ಮ ಹಿಡಿತವನ್ನು ಸಾಧಿಸಲು ಕಿಮ್ ಯೋ-ಜಾಂಗ್ ದಕ್ಷಿಣ ಕೊರಿಯಾದ ವಿರುದ್ಧ ಆಕ್ರಮಣಕಾರಿ ನಿಲುವನ್ನು ತಳೆದಿದ್ದಾರೆ ಎಂಬ ವರದಿಗಳು ಬಂದಿವೆ.

ದಕ್ಷಿಣ ಕೊರಿಯಾ ಗಡಿಯಲ್ಲಿ ಧ್ವನಿವರ್ಧಕಗಳ ಮೂಲಕ ಪ್ರಚಾರವನ್ನು ತೀವ್ರಗೊಳಿಸುವುದು, ಎಚ್ಚರಿಕೆಯ ಗುಂಡುಗಳನ್ನು ಹಾರಿಸುವುದು ಮತ್ತು ಯುದ್ಧತಂತ್ರದ ದಾಳಿ ವ್ಯವಸ್ಥೆಯನ್ನು ನವೀಕರಿಸುವ ಮೂಲಕ ತಮ್ಮ ಅಧಿಕಾರವನ್ನು ಬಲಪಡಿಸಲು ಯತ್ನಿಸಲಾಗುತ್ತಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.

9000 ಚೀನೀ ಸೈನಿಕರ ನಿಯೋಜನೆ ಹಾಗೂ ಸೈನ್ಯದ ಹೈ ಅಲರ್ಟ್

ಉತ್ತರ ಕೊರಿಯಾದಲ್ಲಿ ಅಂತರ್ಯುದ್ಧ ಅಥವಾ ಅಧಿಕಾರಕ್ಕಾಗಿ ಸಶಸ್ತ್ರ ಹೋರಾಟ ನಡೆಯುವ ಭೀತಿಯಿಂದ, ಪರಿಸ್ಥಿತಿಯನ್ನು ಹತೋಟಿಯಲ್ಲಿಡಲು ಚೀನಾ ಸುಮಾರು 9000 ಸೈನಿಕರನ್ನು ಪಯೋಂಗ್ಯಾಂಗ್‌ಗೆ ರವಾನಿಸಿದೆ ಎಂದು ವಾಂಜುನ್ ಕ್ಸಿ ಆರೋಪಿಸಿದ್ದಾರೆ. ಚೀನಾದ ಪೀಪಲ್ಸ್ ಲಿಬರೇಶನ್ ಆರ್ಮಿಯ ನಾರ್ದರ್ನ್ ಥಿಯೇಟರ್ ಕಮಾಂಡ್ ಪಡೆಯನ್ನು 'ಲೆವೆಲ್-III' ಹೈ ಅಲರ್ಟ್‌ನಲ್ಲಿ ಇರಿಸಲಾಗಿದ್ದು, ಮಿಲಿಟರಿ ನೆಲೆಗಳಿಂದ ಸಿಬ್ಬಂದಿಗಳ ಸಂಚಾರವನ್ನು ಕಟ್ಟುನಿಟ್ಟಾಗಿ ನಿರ್ಬಂಧಿಸಲಾಗಿದೆ ಎನ್ನಲಾಗಿದೆ.

ಕ್ಸಿ ಜಿನ್‌ಪಿಂಗ್ ಆರೋಗ್ಯದ ಕುರಿತೂ ಚರ್ಚೆ

ಉತ್ತರ ಕೊರಿಯಾದ ಬೆಳವಣಿಗೆಗಳ ಜೊತೆಗೆ ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಆರೋಗ್ಯದ ಬಗ್ಗೆಯೂ ವಾಂಜುನ್ ಕ್ಸಿ ಹೇಳಿಕೆ ನೀಡಿದ್ದಾರೆ. ಭಾರತದಲ್ಲಿ ನಡೆದ ಬ್ರಿಕ್ಸ್ ಶೃಂಗಸಭೆಯ ಸಮಯದಲ್ಲಿ ಜಿನ್‌ಪಿಂಗ್ ಪಾರ್ಶ್ವವಾಯುವಿಗೆ ಈಡಾಗಿದ್ದರು ಹಾಗೂ ಬೀಜಿಂಗ್‌ಗೆ ಮರಳಿದ ನಂತರ ಅವರಿಗೆ ಹೃದಯರಕ್ತನಾಳದ ಶಸ್ತ್ರಚಿಕಿತ್ಸೆ ಮಾಡಲಾಗಿತ್ತು ಎಂದು ಅವರು ಪ್ರತಿಪಾದಿಸಿದ್ದಾರೆ. ಕಿಮ್ ಜಾಂಗ್-ಉನ್ ಮತ್ತು ಕ್ಸಿ ಜಿನ್‌ಪಿಂಗ್ ಇಬ್ಬರೂ ಒಂದೇ ರೀತಿಯ ಆರೋಗ್ಯ ಸಮಸ್ಯೆಯಿಂದ ಬಳಲಿದ್ದರು ಎಂದು ಕ್ಸಿ ಹೇಳಿದ್ದಾರೆ.

ಅಧಿಕೃತ ದೃಢೀಕರಣದ ಕೊರತೆ

ಈ ಎಲ್ಲಾ ಆರೋಪಗಳು ಮತ್ತು ಊಹಾಪೋಹಗಳ ನಡುವೆಯೂ, ಕಿಮ್ ಜಾಂಗ್-ಉನ್ ಅವರ ನಿಧನ ಅಥವಾ ಚೀನಾ ಸೈನ್ಯ ನಿಯೋಜನೆಯ ಬಗ್ಗೆ ಯಾವುದೇ ಅಧಿಕೃತ ಆಧಾರಗಳು ಲಭ್ಯವಾಗಿಲ್ಲ. ಉತ್ತರ ಕೊರಿಯಾದ ಸರ್ಕಾರಿ ಮಾಧ್ಯಮಗಳು ಇತ್ತೀಚೆಗೆ ಕಿಮ್ ಜಾಂಗ್-ಉನ್ ಅವರು ತಮ್ಮ ಪತ್ನಿ ರಿ ಸೋಲ್-ಜು ಮತ್ತು ಪುತ್ರಿ ಕಿಮ್ ಜು-ಎ ಅವರೊಂದಿಗೆ ರಾಷ್ಟ್ರೀಯ ಉಡುಪು ಮತ್ತು ಪಾದರಕ್ಷೆಗಳ ಪ್ರದರ್ಶನದಲ್ಲಿ ಭಾಗವಹಿಸಿರುವ ಕಾರ್ಯಕ್ರಮಗಳ ಚಿತ್ರಗಳನ್ನು ಬಿಡುಗಡೆ ಮಾಡಿವೆ.

ದಕ್ಷಿಣ ಕೊರಿಯಾದ ಗುಪ್ತಚರ ಸಂಸ್ಥೆಗಳು ಸಹ ಕಿಮ್ ಸಕ್ರಿಯರಾಗಿದ್ದಾರೆ ಎಂದೇ ಹೇಳುತ್ತಿವೆ. ಪ್ರಪಂಚದ ಅತ್ಯಂತ ರಹಸ್ಯಮಯ ದೇಶಗಳಲ್ಲಿ ಒಂದಾದ ಉತ್ತರ ಕೊರಿಯಾದ ಸುತ್ತ ಇಂತಹ ವದಂತಿಗಳು ಹುಟ್ಟುವುದು ಹೊಸದೇನಲ್ಲವಾದರೂ, ಈ ಬಾರಿಯ ಬೆಳವಣಿಗೆಗಳನ್ನು ಜಾಗತಿಕ ಸಮುದಾಯ ಸೂಕ್ಷ್ಮವಾಗಿ ಗಮನಿಸುತ್ತಿದೆ.

ರಾಹುಲ್‌ ಗಾಂಧಿ ನನ್ನ ಫೋನ್‌, ಪರ್ಸ್ ಕದ್ದಿದ್ದಾರೆ: ಅಮೆರಿಕ ಲೇಖಕಿಯಿಂದ ಆರೋಪ! ಸುಳ್ಳಾದ್ರೆ ಸಾಬೀತಿಗೆ ಸವಾಲು

Suchethana D — Mon, 19 Oct 2026 19:30:41 +0530

ಅಮೆರಿಕದ ಲೇಖಕಿ ರೆನೆ ಲಿನ್ ಅವರು ಇತ್ತೀಚೆಗೆ ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಯಲ್ಲಿ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ಅವರು, "ರಾಹುಲ್ ಗಾಂಧಿ ಅಮೆರಿಕ ಪ್ರವಾಸದಲ್ಲಿದ್ದಾಗ ನನ್ನ ಫೋನ್ ಮತ್ತು ವ್ಯಾಲೆಟ್ ಅನ್ನು ಕದ್ದಿದ್ದಾರೆ" ಎಂದು ಆರೋಪಿಸಿದ್ದಾರೆ. ಒಂದು ವೇಳೆ ಅವರು ತಾವು ಕದ್ದಿಲ್ಲ ಎಂದು ಹೇಳುವುದೇ ಆದರೆ, ಅದನ್ನು ಸಾಕ್ಷ್ಯಾಧಾರ ಸಹಿತ ಪ್ರೂವ್‌ ಮಾಡಲಿ ಎಂದು ಲೇಖಕಿ ಸವಾಲು ಹಾಕಿದ್ದಾರೆ!

ಲೇಖಕಿ ಮಾತಿನ ಅರ್ಥವೇನು?

ಅಷ್ಟಕ್ಕೂ ರಾಹುಲ್‌ ಗಾಂಧಿ ಅವರು ನಿಜವಾಗಿಯೂ ತಮ್ಮ ಪರ್ಸ್, ಮೊಬೈಲ್‌ ಕದ್ದಿದ್ದಾರೆ ಎನ್ನುವುದು ಲೇಖಕಿಯ ಆರೋಪವಲ್ಲ. ಬದಲಿಗೆ ಈ ವಿಡಿಯೋ ಅನ್ನು ಅವರು ಹಾಸ್ಯದ ರೂಪದಲ್ಲಿ ಪೊಸ್ಟ್‌ ಮಾಡಿದ್ದಾರೆ. ಇದಕ್ಕೆ ಕಾರಣ, ಭಾರತದ ಚುನಾವಣೆಯಲ್ಲಿ "ಮತಗಳ ಕಳ್ಳತನ" (Vote Chori) ನಡೆದಿದೆ ಎಂದು ರಾಹುಲ್ ಗಾಂಧಿ ಮತ್ತು ಕಾಂಗ್ರೆಸ್ ಪಕ್ಷವು ಪುರಾವೆಗಳಿಲ್ಲದೆ ಪದೇ ಪದೇ ಆರೋಪ ಮಾಡುವುದನ್ನು ಅಣಕಿಸಲು ರೆನೆ ಲಿನ್ ಈ ರೀತಿ ವ್ಯಂಗ್ಯವಾಡಿದ್ದಾರೆ.

ದಿನಕ್ಕೊಂದು ಹೇಳಿಕೆಗೆ ವ್ಯಂಗ್ಯ

ಕೆಲ ತಿಂಗಳ ಹಿಂದೆ ರಾಹುಲ್‌ ಗಾಂಧಿ ಅವರು, ವೋಟ್‌ ಚೋರಿ ನಡೆದಿದೆ ಎನ್ನುವುದಕ್ಕೆ ನನ್ನ ಬಳಿ ಸಾಕ್ಷ್ಯಾಧಾರಗಳು ಇವೆ. ಬೇಕಿದ್ದರೆ ತೋರಿಸುತ್ತೇನೆ. ಅವುಗಳನ್ನು Gen Z ಮುಂದಿಡುತ್ತೇನೆ ಎಂದು ರಾಜಾರೋಷವಾಗಿ ಮಾಧ್ಯಮದವರ ಎದುರು ಹೇಳಿದ್ದರು. ಆದರೆ ಇದೀಗ ಬಿಜೆಪಿಯವರು ವೋಟ್‌ ಚೋರಿ ಮಾಡಿದ್ದರೆ ಸಾಬೀತು ಮಾಡುವಂತೆ ನನಗೇ ಹೇಳುತ್ತಿದ್ದಾರೆ. ಇದೊಳ್ಳೆ ತಮಾಷೆಯಾಗಿದೆ ಎಂದು ಮತ್ತೆ ಮಾಧ್ಯಮದವರ ಎದುರು ಹೇಳಿ ಟ್ರೋಲ್‌ ಆಗುತ್ತಿದ್ದಾರೆ. ಅಂದು ಹೇಳಿದ ವಿಡಿಯೋ ಮತ್ತು ಇಂದಿನ ವಿಡಿಯೋ ಎರಡೂ ಹಾಕಿ ಜಾಲತಾಣದಲ್ಲಿ ಸಕತ್‌ ಟ್ರೋಲ್‌ ಮಾಡಲಾಗುತ್ತಿದೆ. ವೋಟ್‌ ಚೋರಿ ಮಾಡಿಲ್ಲ ಎಂದು ಪ್ರಧಾನಿ ಸಾಬೀತು ಮಾಡಬೇಕು ಎನ್ನುವುದು ರಾಹುಲ್‌ ಗಾಂಧಿ ಸವಾಲು. ಅದಕ್ಕಾಗಿಯೇ ಈಗ ಅಮೆರಿಕದ ಲೇಖಕಿ, ಸುಳ್ಳು ಆರೋಪ ಮಾಡಿ, ಅದನ್ನು ಸಾಬೀತು ಮಾಡುವಂತೆ ಹೇಳಿದರೆ ಹೇಗಿರುತ್ತದೆ ಎನ್ನುವ ಸಣ್ಣ ಝಲಕ್‌ ತೋರಿಸಿದ್ದಾರೆ ಅಷ್ಟೇ.

ಯಾವುದೇ ಸೂಕ್ತ ಆಧಾರ ಅಥವಾ ಸಾಕ್ಷ್ಯಗಳಿಲ್ಲದೆ ಗಂಭೀರವಾದ ಆರೋಪಗಳನ್ನು ಮಾಡಿದಾಗ ಅದು ಎಷ್ಟು ಹಾಸ್ಯಾಸ್ಪದವಾಗಿ ಕೇಳಿಸುತ್ತದೆ ಎನ್ನುವುದಕ್ಕೆ ಇದು ಸಾಕ್ಷಿ ಎಂದು ಹೇಳಿದ್ದಾರೆ ಲೇಖಕಿ.

Important Message: When Rahul Gandhi was in the USA, he stole my wallet and phone. Please listen. @RahulGandhi @narendramodi @Cockroachisback @BJP4India @INCIndia https://t.co/oL5xDXKNwB

— Renee Lynn (@Voice_For_India) October 18, 2026

ಉಕ್ರೇನ್‌ ಸೇನಾ ಉಪಗ್ರಹ ಬೆನ್ನಟ್ಟಿದ್ದ ರಷ್ಯಾ ಉಪಗ್ರಹ! ಆತಂಕ ಮೂಡಿಸಿದ ಆಗಸದ ಬೆಳವಣಿಗೆ

Kannadaprabha News — Tue, 20 Oct 2026 08:48:15 +0530

ವಾಷಿಂಗ್ಟನ್‌: ರಷ್ಯಾದ ಸೇನಾ ಉಪಗ್ರಹವೊಂದು ಬಾಹ್ಯಾಕಾಶದಲ್ಲಿ ಉಕ್ರೇನ್‌ನ ಸೇನಾ ಕಾರ್ಯಾಚರಣೆಗೆ ನೆರವು ನೀಡುವ ಉಪಗ್ರಹವೊಂದನ್ನು ಹಿಂಬಾಲಿಸಿ ಅದರ ಸನಿಹಕ್ಕೆ ಬಂದ ಘಟನೆ ನಡೆದಿದೆ. ಇದು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ತೀವ್ರ ಆತಂಕ ಮೂಡಿಸಿದೆ. ರಷ್ಯಾದ ಕಾಸ್ಮೋಸ್‌-2612 ಉಪಗ್ರಹ ತನ್ನ ಕಕ್ಷೆಯನ್ನೇ ಬದಲಿಸಿ ಉಕ್ರೇನ್‌ ಸೇನೆಗೆ ನೆರವು ನೀಡುತ್ತಿರುವ ಫಿನ್ಲೆಂಡ್‌ ಮೂಲದ ಖಾಸಗಿ ಐಸಿಇವೈಇ ಉಪಗ್ರಹದ ಸಮೀಪ ತೆರಳಿದೆ. ಒಂದು ಹಂತದಲ್ಲಿ ಕಾಸ್ಮೋಸ್‌-2612 ಉಪಗ್ರಹವು ಫಿನ್ಲೆಂಡ್‌ ಉಪಗ್ರಹದಿಂದ ಕೇವಲ 26 ಮೀ. ಸಮೀಪಕ್ಕೆ ಬಂದಿತ್ತು. ಈ ಬಗ್ಗೆ ಉಪಗ್ರಹಗಳ ಮೇಲೆ ಕಣ್ಗಾವಲು ಇಡುವ ಸಂಸ್ಥೆಯೊಂದು ಈ ಕುರಿತು ವರದಿ ಮಾಡಿದೆ.

ರಷ್ಯಾದ ಉಪಗ್ರಹದ ಈ ಕಕ್ಷೆ ಬದಲಾವಣೆಯ ಉದ್ದೇಶ ಖಚಿತವಾಗಿಲ್ಲದಿದ್ದರೂ ಬಾಹ್ಯಾಕಾಶ ಸುರಕ್ಷತಾ ವಿಶೇಷಜ್ಞರು ಮಾತ್ರ ತೀವ್ರ ಆತಂಕ ಹೊರಹಾಕಿದ್ದಾರೆ. ಆಧುನಿಕ ಯುದ್ಧಗಳಲ್ಲಿ ಉಪಗ್ರಹ ಮುಖ್ಯ ಪಾತ್ರವಹಿಸುವ ಹಿನ್ನೆಲೆಯಲ್ಲಿ ಈ ಬೆಳವಣಿಗೆ ಯುದ್ಧದ ವೇಳೆ ವಾಣಿಜ್ಯ ಸೇವೆ ಒದಗಿಸುವ ಉಪಗ್ರಹ ಸುರಕ್ಷತೆ ಪ್ರಶ್ನಿಸುವಂತೆ ಮಾಡಿದೆ.

ಯುದ್ಧ ಅಂತ್ಯಕ್ಕೆ ಉಕ್ರೇನ್‌ ಬಿಟ್ಟು ಟ್ರಂಪ್‌, ಕ್ಸಿ ಜತೆ ಪುಟಿನ್‌ ಚರ್ಚೆ!

ಮಾಸ್ಕೊ: ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್‌ ಅವರು ಉಕ್ರೇನ್‌ ಯುದ್ಧವನ್ನು ಮುಕ್ತಾಯಗೊಳಿಸುವ ಕುರಿತು ಚರ್ಚಿಸಲು ಮುಂದಿನ ತಿಂಗಳು ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಹಾಗೂ ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್‌ ಅವರೊಂದಿಗೆ ಸಭೆ ನಡೆಸುವ ಪ್ರಸ್ತಾಪವನ್ನು ಮುಂದಿಟ್ಟಿದ್ದಾರೆ ಎಂದು ವಾಲ್‌ ಸ್ಟ್ರೀಟ್‌ ಜರ್ನಲ್‌ ವರದಿ ಮಾಡಿದೆ. ಉಕ್ರೇನ್‌ ಹೊರಗಿಟ್ಟು ನಡೆವೆ ಈ ಮಾತುಕತೆ ರಷ್ಯಾಗೆ ಅನುಕೂಲಕರವಾಗಬಹುದೆಂಬ ವಿಷಯ ಉಕ್ರೇನ್‌ ಹಾಗೂ ಉರೋಪಿಯನ್‌ ರಾಷ್ಟ್ರಗಳಲ್ಲಿ ತೀವ್ರ ಕಳವಳವನ್ನು ಉಂಟುಮಾಡಿದೆ.

4 ವರ್ಷಗಳಿಂದ ನಡೆಯುತ್ತಿರುವ ಯುದ್ಧವನ್ನು ರಷ್ಯಾಗೆ ಲಾಭವಾಗುವ ಷರತ್ತುಗಳ ಆಧಾರದ ಮೇಲೆ ಕೊನೆಗೊಳಿಸುವುದು ಈ ಸಭೆಯ ಉದ್ದೇಶ. ಅ.9ರಂದು ಟ್ರಂಪ್ ಜತೆ ನಡೆದ ದೂರವಾಣಿ ಸಂಭಾಷಣೆಯಲ್ಲಿ ಪುಟಿನ್ ಈ ಕಲ್ಪನೆಯನ್ನು ಪ್ರಸ್ತಾಪಿಸಿದ್ದಾರೆ. ಇದೇ ವೇಳೆ ಅಮೆರಿಕವು ರಷ್ಯಾದಿಂದ ಡೀಸೆಲ್ ಖರೀದಿಸಲು ಮತ್ತು ಜಾಗತಿಕ ಮಾರುಕಟ್ಟೆಯಲ್ಲಿ ಅದರ ಮಾರಾಟಕ್ಕೆ ನೆರವಾಗಲು ಒಪ್ಪಂದ ಮಾಡಿಕೊಂಡಿದೆ. ನ.18 ಮತ್ತು 19ರಂದು ಚೀನಾದಲ್ಲಿ ನಡೆಯಲಿರುವ ಏಷ್ಯಾ-ಪೆಸಿಫಿಕ್ ಆರ್ಥಿಕ ಸಹಕಾರ ಶೃಂಗಸಭೆಯ ನಡುವೆ ಈ ತ್ರಿಪಕ್ಷೀಯ ಮಾತುಕತೆ ನಡೆಯುವ ಸಾಧ್ಯತೆಯಿದೆ ಎಂದು ವರದಿ ಹೇಳಿದೆ.

58 ಮಕ್ಕಳ ತಂದೆ! ಮಕ್ಕಳ ಹೆಸರೇ ನೆನಪಿಲ್ಲ, ಹೊಟ್ಟೆ ತುಂಬಿಸಲು ಪರದಾಟ.. ಆದರೂ ಮಕ್ಕಳನ್ನು ಹೆರುತ್ತಲೇ ಇದ್ದಾನೆ

Ganesh Mabla Gowda — Wed, 21 Oct 2026 18:01:19 +0530

ಇವತ್ತಿನ ಯುವಕರು ಮದುವೆ ಮಾಡಿಕೊಂಡರೂ ಮಕ್ಕಳೇ ಬೇಡ ಎಂದು ದೂರ ಸರಿಯುತ್ತಿದ್ದಾರೆ. ಅವರಿವರ ಒತ್ತಾಯಕ್ಕೆ ಮಾಡಿಕೊಂಡರೂ ಒಂದು ಅಥವಾ ಎರಡು ಮಕ್ಕಳಿಗೆ ಸುಸ್ತಾಗಿ ಹೋಗುತ್ತಾರೆ. ಆದರೆ ಇಲ್ಲೊಬ್ಬ ವ್ಯಕ್ತಿ ಇದ್ದಾನೆ. ಆತನಿಗೆ ಬರೋಬ್ಬರಿ 70ಕ್ಕೂ ಹೆಚ್ಚು ಮಕ್ಕಳು. ಅವರಲ್ಲಿ ಸದ್ಯ ಬದುಕಿರೊದು 58 ಮಕ್ಕಳು. ತನ್ನ ಮಕ್ಕಳ ಹೆಸರೇ ಗೊತ್ತಿರದ ಈತನಿಗೆ ಇನ್ನೂ ಮಕ್ಕಳನ್ನ ಮಾಡಿಕೊಳ್ಳುವ ಹೆಸರು. ಅಂದ್ಹಾಗೆ ಈತನ ಕಿರಿಯ ಮಗನಿಗೆ ಈಗಷ್ಟೇ ಮೂರು ತಿಂಗಳು.

ಅಂದ್ಹಾಗೆ ಆತನ ಹೆಸರು ಮುಹಮ್ಮದ್ ಸಾದಿಕ್. ಆಫ್ಘಾನಿಸ್ತಾನ ಮೂಲದ ಈತ, ತನ್ನ 58 ಮಕ್ಕಳ ಸಾಕಲು ಆಗದೇ ಪರದಾಟ ನಡೆಸ್ತಿದ್ದಾನೆ. ಈ ಬಗ್ಗೆ ಬಿಬಿಸಿ ಗ್ಲೋಬಲ್ ವುಮೆನ್ ವರದಿ ಮಾಡಿದೆ. ಆ ವರದಿಗಳ ಪ್ರಕಾರ.. ಸಾಧಿಕ್ ಅವರ ಕಿರಿಯ ಮಗುವಿಗೆ ಕೇವಲ ಮೂರು ತಿಂಗಳು. ಇಷ್ಟೊಂದು ಮಕ್ಕಳನ್ನ ಮಾಡಿಕೊಂಡಿರುವ ಸಾಧಿಕ್ ಅತ್ಯಂತ ಅಗರ್ಭ ಶ್ರೀಮಂತ ಅಲ್ಲವೇ ಅಲ್ಲ. ಆತ ಗಳಿಸೋದು ಅತ್ಯಲ್ಪ ಆದಾಯ. ಇದರಿಂದಾಗಿ ಆತ ತನ್ನ ಕುಟುಂಬದ ದೈನಂದಿನ ಅಗತ್ಯಗಳನ್ನು ಪೂರೈಸಲು ಕಷ್ಟಪಡುತ್ತಿದ್ದಾನೆ. ಅದೆಷ್ಟೋ ಮಕ್ಕಳು ಸಾಕಷ್ಟು ಆಹಾರ, ಪಾದರಕ್ಷೆಗಳು ಮತ್ತು ಇತರ ಅಗತ್ಯ ವಸ್ತುಗಳಿಲ್ಲದೇ ಪರದಾಟ ನಡೆಸ್ತಿದ್ದಾರೆ.

ये देखकर आप माथा पकड़ लेंगे. ये अफगानिस्तान के मो. सादिक हैं. 4 पत्नियों से 70 बच्चे पैदा किया है, इसमें 58 जीवित हैं. सबसे छोटा अभी 3 महीने का है.

अजीब यह कि इनके पास रहने को ढंग का मकान नहीं है. खाना बनाने की व्यवस्था नहीं है. कभी-कभी बच्चे भूखे रह जाते हैं.

अब कहते हैं, अगर मुझे पता होता कि एक दिन मैं ऐसी परिस्थिति में आ जाऊंगा तो मैं कभी इतने बच्चे पैदा नहीं करता.

— Shivani Sahu (@askshivanisahu) October 21, 2026

ಸಾಧಿಕ್ ಕಾರು ಮಾರಾಟದ ಮಳಿಗೆಯಲ್ಲಿ ಕೆಲಸ ಮಾಡುತ್ತಾನೆ. ಕಾರು ಮಾರಾಟದಿಂದ ಬಂದ ಆದಾಯಕ್ಕೆ ಅನುಗುಣವಾಗಿ ಹಣ ಸಂಪಾದನೆ ಮಾಡುತ್ತಾನೆ. ಕಾರುಗಳ ಮಾರಾಟದಿಂದ ಬರುವ ಆದಾಯವೇ ಈತನ ಏಕೈಕ ಆದಾಯದ ಮೂಲ. ಹೀಗಾಗಿ ಅವನ ಎಲ್ಲಾ ಮಕ್ಕಳಿಗೆ ಹೊಟ್ಟೆಗೆ, ಬಟ್ಟೆಗೆ ಮಾಡೋದೇ ಕಷ್ಟವಾಗಿದೆ.

ಹೇಗಿದೆ ಮನೆಯ ವಾತಾವರಣ?

ಅಷ್ಟೊಂದು ಮಕ್ಕಳನ್ನು ಮಾಡಿಕೊಂಡಿರುವ ಪುಣ್ಯಾತ್ಮನಿಗೆ ಉಳಿದುಕೊಳ್ಳಲು ಸರಿಯಾದ ಒಂದು ಮನೆ ಕೂಡ ಇಲ್ಲ. ಮನೆ ಬಾಗಿಲು ಇಲ್ಲ. ಕಿಟಕಿಗಳು ಇಲ್ಲ. ಮಳೆ ಬಂದರೆ ಅವರು ಮಾತ್ರವಲ್ಲ, ಮನೆಯಲ್ಲಿರುವ ವಸ್ತುಗಳೂ ಕೂಡ ಒದ್ದೆ ಆಗುತ್ತವೆ. ಗ್ಯಾಸ್ ವ್ಯವಸ್ಥೆಯೂ ಇಲ್ಲ. ಕಟ್ಟಿಗೆಯಿಂದಲೇ ಅಡುಗೆ ಮಾಡಬೇಕು. ಕಟ್ಟಿಗೆ ಪಡೆಯಲು ಇವರ ಬಳಿ ಅಷ್ಟೊಂದು ಹಣ ಇಲ್ಲ. ಹೀಗಾಗಿ ಆಗಾಗ ಪೇಪರ್‍‌ಗಳನ್ನು ಉರಿಸಲಾಗುತ್ತದೆ. ಹಂಗೋ, ಹಿಂಗೋ ಜೀವನ ನಡೆಯುತ್ತಿದೆ ಎಂದು ವರದಿಯಾಗಿದೆ.

ಸಾಧಿಕ್ ಹೇಳೋದೇನು?

ನನ್ನ ಮನೆಯಲ್ಲಿ ಮಕ್ಕಳೇ ತುಂಬಿ ಹೋಗಿದ್ದಾರೆ. ಹೀಗಾಗಿ ಅವರೆಲ್ಲರ ಹೆಸರು ನೆನಪಿಟ್ಟುಕೊಳ್ಳುವುದು ಕಷ್ಟವಾಗಿದೆ. ನನಗೆ ಅವರೆಲ್ಲರ ಹೆಸರುಗಳು ನೆನಪಿಲ್ಲ. ಹೆಚ್ಚಿನ ಸಮಯ, ನಾನು ಅವರನ್ನು ಮಗ ಅಥವಾ ಮಗು ಎಂದು ಕರೆಯುತ್ತೇನೆ. ಒಬ್ಬ ತಂದೆಯಾಗಿ ತನ್ನ ಜವಾಬ್ದಾರಿಗಳನ್ನು ಪೂರೈಸಲು ಸಾಧ್ಯವಾಗಿಲ್ಲ. ವಿಶೇಷವಾಗಿ ತಮ್ಮ ಮಕ್ಕಳ ಮೂಲಭೂತ ಅಗತ್ಯಗಳನ್ನು ಪೂರೈಸುವ ವಿಚಾರದಲ್ಲಿ ಎಂದು ಬಿಬಿಸಿ ನಡೆಸಿದ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾನೆ.

ನನ್ನ ಹೆಂಡತಿಯರು ಚಿಕ್ಕವರಿದ್ದಾಗ ಮದುವೆಯಾದೆ. ನನ್ನ ಅನೇಕ ಮಕ್ಕಳು ಸತ್ತರು ಏಕೆಂದರೆ ಅವರ ತಾಯಂದಿರು ತುಂಬಾ ಚಿಕ್ಕವರಾಗಿದ್ದರು. ಅವರಿಗೆ ಮಕ್ಕಳನ್ನು ಹೇಗೆ ನೋಡಿಕೊಳ್ಳಬೇಕು, ಅವರಿಗೆ ಹಾಲುಣಿಸುವುದು ಅಥವಾ ನೋಡಿಕೊಳ್ಳುವುದು ಹೇಗೆ ಎಂದು ತಿಳಿದಿರಲಿಲ್ಲ. ನನ್ನ ಕೆಲವು ಮಕ್ಕಳು ಕ್ಷಯ, ನಾಯಿಕೆಮ್ಮು ಮತ್ತು ದಡಾರದಿಂದ ಸತ್ತರು. ನಾವು ಆಹಾರವನ್ನು ಪಡೆಯಲು ಕಷ್ಟಪಡುತ್ತೇವೆ. ಇದು ನನಗೆ ಮೊದಲೇ ಗೊತ್ತಾಗಿದ್ದರೆ ಇಷ್ಟೊಂದು ಮಕ್ಕಳು ಆಗುತ್ತಿರಲಿಲ್ಲ ಎಂದಿದ್ದಾನೆ.ಆತ ಹೇಳಿಕೊಂಡಿರುವ ಪ್ರಕಾರ ಪ್ರಸ್ತುತ ನಾಲ್ಕು ಪತ್ನಿಯರನ್ನು ಹೊಂದಿದ್ದಾನೆ.

من أغرب عجائب أفغانستان !

رجل من ولاية أروزجان لديه 58 ابنًا وابنة من أربع زوجات، ويقول إنه ينسى أحيانا أسماء بعض أبنائه لكثرتهم.

و لکن هو یعاني من الفقر الشديد. https://t.co/N8EuVySfEX

— اسـتاذ یـاســر (@UstadYasir70860) October 20, 2026

ದುರಂಧರ್ ಸ್ಟೈಲ್‌ನಲ್ಲಿ ಪಾಕಿಸ್ತಾನದ ಕುಖ್ಯಾತ ಉಗ್ರ ಚೌಧರಿ ಮೊಹಮ್ಮದ್ ಸರ್ವಾರ್‌ ಮಟಾಶ್

Kannadaprabha News — Tue, 20 Oct 2026 07:59:13 +0530

ನವದೆಹಲಿ: ಭಾರತಕ್ಕೆ ಬೇಕಾಗಿದ್ದ 25ಕ್ಕೂ ಹೆಚ್ಚು ಉಗ್ರರು ಪಾಕಿಸ್ತಾನದಲ್ಲಿ ನಿಗೂಢವಾಗಿ ಸಾವನ್ನಪ್ಪಿದ ನಡುವೆಯೇ ಲಷ್ಕರ್‌ ಎ ತೊಯ್ಬಾದ ಕುಖ್ಯಾತ ಉಗ್ರ ಚೌಧರಿ ಮೊಹಮ್ಮದ್ ಸರ್ವಾರ್‌ ಕೂಡ ಲಾಹೋರ್‌ನಲ್ಲಿ ಕಟ್ಟಡದಿಂದ ಉರುಳಿಬಿದ್ದು ನಿಗೂಢವಾಗಿ ಸಾವು ಕಂಡಿದ್ದಾನೆ. ವಿಶೇಷವೆಂದರೆ, ಬಾಲಿವುಡ್‌ನ ‘ಧುರಂಧರ್‌’ ಚಿತ್ರದಲ್ಲಿ ಪಾಕ್‌ನ ಉಗ್ರ ಸಂಘಟನೆಗಳ ಹಣಕಾಸಿನ ವಹಿವಾಟು ಹೊತ್ತಿದ್ದ ಉಗ್ರ ಕೂಡ ಸರ್ವಾರ್‌ ರೀತಿಯಲ್ಲೇ ಕಟ್ಟಡದಿಂದ ಉರುಳಿಬಿದ್ದು ಸಾವನ್ನಪ್ಪಿರುತ್ತಾನೆ. ಹೀಗಾಗಿ ಚೌಧರಿ ಸಾವಿನಲ್ಲೂ ‘ಧುರಂಧರ್‌’ನ ಕೈವಾಡದ ಶಂಕೆ ವ್ಯಕ್ತವಾಗಿದೆ.

ನಿರ್ಮಾಣ ಹಂತದ ಕಟ್ಟಡದಿಂದ ಕೆಳಗೆ ಬಿದ್ದು ಸಾವು

ಅಮೆರಿಕದಿಂದ ಅಂತಾರಾಷ್ಟ್ರೀಯ ಭಯೋತ್ಪಾದಕನೆಂದು ಘೋಷಿಸಲ್ಪಟ್ಟಿರುವ, ಲಷ್ಕರ್‌ನ ಸ್ಥಾಪಕ ಸದಸ್ಯ ಚೌಧರಿ ಮೊಹಮ್ಮದ್‌ ಸರ್ವಾರ್‌ ಅಲಿಯಾಸ್‌ ಅಬು ಹಾಶಿಮ್‌ ಭಾನುವಾರ ಅನುಮಾನಾಸ್ಪದ ರೀತಿಯಲ್ಲಿ ಮೃತಪಟ್ಟ ಉಗ್ರನಾಗಿದ್ದಾನೆ. ‘ಧುರಂಧರ್‌’ ಸಿನಿಮಾದಲ್ಲಿ ಪಾಕಿಸ್ತಾನದ ನಕಲಿ ಕರೆನ್ಸಿ ಕಿಂಗ್‌ಪಿನ್‌ ಜಾವೇದ್‌ ಖನಾನಿ ಕೂಡಾ ನಿರ್ಮಾಣ ಹಂತದ ಕಟ್ಟಡದಿಂದ ಕೆಳಗೆ ಬಿದ್ದು ಮೃತಪಟ್ಟ ರೀತಿಯಲ್ಲಿ ತೋರಿಸಲಾಗಿತ್ತು. ಅದೇ ರೀತಿ ಸರ್ವಾರ್‌ ಕೂಡ ನಿರ್ಮಾಣ ಹಂತದ ಕಟ್ಟಡದಿಂದ ಬಿದ್ದು ಮೃತಪಟ್ಟಿದ್ದಾನೆ ಎನ್ನಲಾಗಿದ್ದು, ತೀವ್ರ ಅನುಮಾನಕ್ಕೆ ಕಾರಣವಾಗಿದೆ.

ಯಾರು ಈತ?

ಲಷ್ಕರ್‌ನ ರಾಜಕೀಯ ಘಟಕವಾದ ಪಾಕಿಸ್ತಾನ್‌ ಮರ್ಕಝಿ ಮುಸ್ಲಿಂ ಲೀಗ್‌ ಹೆಸರಿನಡಿ ಪಂಜಾಬ್‌ ಪ್ರಾಂತ್ಯದಲ್ಲಿ ಈತ ಉಗ್ರ ಸಂಘಟನೆಗೆ ನಿಧಿ ಸಂಗ್ರಹಿಸುವ ಕಾರ್ಯ ನಿರ್ವಹಿಸುತ್ತಿದ್ದ. ಉಗ್ರ ಹಫೀಜ್‌ ಸಯೀದ್‌ ಹಾಗೂ ಎಲ್‌ಇಟಿಯ ಉಪಮುಖ್ಯಸ್ಥ ಸೈಫುಲ್ಲಾ ಕಸೌರಿಯ ಆತ್ಮೀಯನಾಗಿದ್ದ ಈತನ ಪುತ್ರ ಕೂಡ ಕೆಲ ತಿಂಗಳ ಹಿಂದೆ ಅನುಮಾನಾಸ್ಪದ ರೀತಿಯಲ್ಲಿ ರಸ್ತೆ ಅಪಘಾತದಲ್ಲಿ ಮೃತಪಟ್ಟಿದ್ದ.

2000ದ ಆರಂಭದಿಂದಲೂ ಎಲ್‌ಇಟಿಯಲ್ಲಿ ವಿವಿಧ ಹುದ್ದೆಗಳನ್ನು ನಿಭಾಯಿಸಿದ್ದ ಸರ್ವಾರ್‌ನನ್ನು 2016ರಲ್ಲಿ ಅಮೆರಿಕದ ಕಾನೂನು ಇಲಾಖೆಯು ಅಂತಾರಾಷ್ಟ್ರೀಯ ಭಯೋತ್ಪಾದಕ ಎಂದು ಘೋಷಣೆ ಮಾಡಿತ್ತು. ಆಗ ಈತ ಎಲ್‌ಇಟಿಯ ಲಾಹೋರ್‌ನ ಮುಖ್ಯಸ್ಥನಾಗಿದ್ದ.

ಉಗ್ರ ಸಂಘಟನೆಗೆ ನಿಧಿ ಸಂಗ್ರಹದ ಆರೋಪ

ಸರ್ವಾರ್‌ ಎಲ್‌ಇಟಿಯ ನಿಧಿ ಸಂಗ್ರಹ ಕಾರ್ಯದಲ್ಲಿ ನೇರವಾಗಿ ಪಾತ್ರ ವಹಿಸಿದ್ದ. ದೇಶದ ಸಾಂಪ್ರದಾಯಿಕ ಹಣಕಾಸು ವ್ಯವಸ್ಥೆಯನ್ನು ಬಳಸಿಕೊಂಡೇ ಈತ ಉಗ್ರ ಸಂಘಟನೆಗೆ ನಿಧಿ ಸಂಗ್ರಹಿಸುತ್ತಿದ್ದ ಎಂಬ ಆರೋಪವಿದೆ.

ವಿದ್ಯಾರ್ಥಿ ಪ್ರೊಟೆಸ್ಟ್‌ನಲ್ಲಿ ಆಸ್ತಿ ಹಾನಿಯಾದ್ರೆ ಪೋಷಕರು ಪಾವಕಿಸಬೇಕು, ಹೊಸ ನೀತಿ ತಂದ PM ಮೆಲೋನಿ

Chethan Kumar — Wed, 21 Oct 2026 18:37:19 +0530

ಇಟಲಿ (ಅ.21) ಭಾರತದಲ್ಲಿ ವಿದ್ಯಾರ್ಥಿಗಳ ಹೋರಾಟಗಳು ನಡೆಯುತ್ತಿದೆ. ಇನ್ನು ಫ್ರಾನ್ಸ್, ಬೆಲ್ಜಿಯಂ ಸೇರಿದಂತೆ ಯೂರೋಪ್ ರಾಷ್ಟ್ರದಲ್ಲ ವಿದ್ಯಾರ್ಥಿಗಳ ಹೆಸರಿನಲ್ಲಿ ಪ್ರತಿಭಟನೆಗಳು ತೀವ್ರಗೊಳ್ಳುತ್ತಿದೆ. ಫ್ರಾನ್ಸ್ ಹೊತ್ತಿ ಉರಿಯುತ್ತಿದೆ. ಈ ಬೆಳವಣಿಗೆ ನಡುವೆ ಇಟಲಿಯಲ್ಲಿ ಪ್ರಧಾನಿ ಜಾರ್ಜಿಯಾ ಮೆಲೋನಿ ಕಟ್ಟು ನಿಟ್ಟಿನ ನಿಯಮ ಜಾರಿಗೆ ತಂದಿದ್ದಾರೆ. ಕಳೆದ ಹಲವು ವರ್ಷಗಳಿಂದ ಭಾರಿ ವಿವಾದಕ್ಕೆ ಕಾರಣಾಗಿದ್ದ ಈ ನೀತಿಯನ್ನು ಸದ್ಯದ ಪ್ರತಿಭಟನೆ ಬೆಳವಣಿಗೆ ನಡುವೆ ಜಾರಿಗೆ ತಂದಿದ್ದಾರೆ. ಈ ಮೂಲಕ ವಿದ್ಯಾರ್ಥಿಗಳು ಪ್ರತಿಭಟನೆ ಮಾಡಿದರೆ ಈ ಪೈಕಿ ಅಪ್ರಾಪ್ತರು ಸಾರ್ವಜನಿಕ ಆಸ್ತಿ ಪಾಸ್ತಿ ನಾಶ ಮಾಡುವುದು, ಅಂಗಡಿ ಮುಂಗಟ್ಟುಗಳು ಲೂಟಿ ಮಾಡಿದರೆ ಅಪ್ರಾಪ್ತರ ಪೋಷಕರು ನಾಶದ ಹಣ ಪಾವತಿಸಬೇಕು. ಹೊಸ ನೀತಿಯನ್ನು ಪ್ರಧಾನಿ ಮೆಲೋನಿ ಘೋಷಿಸಿದ್ದಾರೆ.

ಅಪ್ರಾಪ್ತರ ಪೋಷಕರಿಂದ ವಸೂಲಿ

ಇಟಲಿ ಸರ್ಕಾರ ಹೊಸ ನೀತಿಗೆ ಅನುಮೋದನೆ ನೀಡಿದೆ. ದಂಗೆ,ಹಿಂಸೆ ವೇಳೆ ಹಲವು ಬಾರಿ ಅಪ್ರಾಪ್ತರು ಅನ್ನೋ ಕಾರಣಕ್ಕೆ ಶಿಕ್ಷೆ ನೀಡಲು, ಸಾರ್ವಜನಿಕ ಆಸ್ತಿ ಪಾಸ್ತಿ ನಾಶದ ಹೊಣೆಯನ್ನು ಹೊರಿಸಲು ಸಾಧ್ಯವಾಗುವುದಿಲ್ಲ. ಇದು ಸರ್ಕಾರದ ಬೊಕ್ಕಸದ ಮೇಲೆ ಪರಿಣಾಮ ಬೀರುವುದು ಮಾತ್ರವಲ್ಲ, ಮತ್ತಷ್ಟು ಅಪ್ರಾಪ್ತರು ಅಪರಾಧ ಎಸಗಲು ಆಹ್ವಾನ ನೀಡಿದಂತೆ ಎಂಬ ಚರ್ಚೆ ನಡೆಯುತ್ತಲೇ ಇತ್ತು. ಸದ್ಯ ಯೂರೋಪ್ ಎಲ್ಲೆಡೆ ವಿದ್ಯಾರ್ಥಿ ಹೆಸರಿನಲ್ಲಿ ಪ್ರತಿಭಟನೆ ನಡೆಯುತ್ತಿದೆ. ಅಂಗಡಿಗಳನ್ನು ಲೂಟಿ ಮಾಡಲಾಗುತ್ತಿದೆ. ಪಾರಂಪರಿಕ ಕಟ್ಟಗಳು, ಐತಿಹಾಸಿಕ ಕಟ್ಟಡಗಳಿಗೆ ಬೆಂಕಿ ಹಚ್ಚಲಾಗುತ್ತಿದೆ. ಇದರಿಂದ ಎಚ್ಚೆತ್ತುಕೊಂಡಿರುವ ಇಟಲಿ ಸರ್ಕಾರ ಹೊಸ ನೀತಿಗೆ ಅನುಮೋದನೆ ನೀಡಿದೆ.

ಹೊತ್ತಿ ಉರಿಯುತ್ತಿದೆ ಉತ್ತರ ಇಟಲಿ

ಉತ್ತರ ಇಟಲಿಯಲ್ಲಿ ಹಿಂಸಾತ್ಮಕ ಪ್ರತಿಭಟನೆ ತೀವ್ರಗೊಂಡಿದೆ. ಭಾರಿ ಪ್ರಮಾಣದಲ್ಲಿ ಆಸ್ತಿಪಾಸ್ತಿಗಳು ನಾಶವಾಗಿದೆ. ಉತ್ತರ ಇಟಲಿಯ ಹಲವು ಭಾಗದಲ್ಲಿ ವಿದ್ಯಾರ್ಥಿಗಳು, ಅಪ್ರಾಪ್ತ ವಯಸ್ಕರು ಪ್ರತಿಭಟನೆ ಹೆಸರಿನಲ್ಲಿ ಬೀದಿಗಿಳಿದಿದ್ದಾರೆ. ಪೊಲೀಸರ ಮೇಲೂ ದಾಳಿ ಮಾಡಿದ್ದಾರೆ. ಅಂಗಡಿಗಳ ಗಾಜು, ಬಾಗಿಲು ಮುರಿದು ಇದ್ದ ವಸ್ತುಗಳನ್ನು ದೋಚಿದ್ದಾರೆ. ಹಲವು ಅಂಗಡಿಗಳಿಗೆ ಬೆಂಕಿ ಹಚ್ಚಿದ್ದಾರೆ. ಈ ಬೆಳವಣಿಗೆ ಬೆನ್ನಲ್ಲೇ ಮೆಲೋನಿ ಹೊಸ ನೀತಿ ಜಾರಿಗೆ ತಂದಿದ್ದಾರೆ.

ಹೊಸ ನೀತಿಗೆ ಅನುಮೋದನೆ ನೀಡಿದ ಬಳಿಕ ಈ ಕುರಿತು ಜಾರ್ಜಿಯಾ ಮೆಲೋನಿ ಪ್ರತಿಕ್ರಿಯಿಸಿದ್ದಾರೆ. ಪ್ರತಿಭಟಿಸಲು ಎಲ್ಲರಿಗೂ ಹಕ್ಕು ಇದೆ. ಪ್ರತಿಭಟನೆ ಹೆಸರಿನಲ್ಲಿ ಸಾರ್ವಜನಿಕ ಆಸ್ತಿ ನಾಶ ಮಾಡುವುದು, ಅಂಗಡಿಗಳ ಲೂಟಿ ಮಾಡುವುದು ಅಪರಾಧವಾಗಿದೆ. ಇದಕ್ಕೆ ಸರ್ಕಾರ ಅವಕಾಶ ಕೊಡುವುದಿಲ್ಲ. ಸಾರ್ವಜನಿಕ ಆಸ್ತಿ ನಾಶ ಮಾಡುವುದು, ಲೂಟಿ ಮಾಡುವುದು ಕ್ರಿಮಿನಲ್ ಪ್ರಕರಣಗಳಾಗಿದೆ. ಇದಕ್ಕೆ ತಕ್ಕೆ ಶಿಕ್ಷೆ ನೀಡಲಾಗುತ್ತದೆ. ಅಪ್ರಾಪ್ತ ಮಕ್ಕಳನ್ನೇ ಈ ಪ್ರತಿಭಟನೆಯಲ್ಲಿ ಬಳಸಿಕೊಳ್ಳಲಾಗುತ್ತದೆ. ಹೀಗಾಗಿ ಪೋಷಕರು ದುಬಾರಿ ದಂಡ ಪಾವತಿಸಬೇಕಾಗುತ್ತದೆ ಎಂದು ಮೆಲೋನಿ ಎಚ್ಚರಿಸಿದ್ದಾರೆ.

ಪ್ರತಿಭಟನೆ ವೇಳೆ ಆಸ್ತಿ ಪಾಸ್ತಿ ನಷ್ಟವಾದರೆ ಪ್ರತಿಭಟನಕಾರರು ಹೊಣೆಯಾಗುತ್ತಾರೆ. ಪ್ರತಿಭಟನೆಯಲ್ಲಿ ಯಾರು ಪಾಲ್ಗೊಳ್ಳುತ್ತಾರೆ, ಪ್ರತಿಭಟನೆ ಯಾವುದೇ ಕ್ಷಣದಲ್ಲೂ ಆಯೋಜಕರ ಕೈಯಿಂದ ಹೈಜಾಕ್ ಆಗದಂತೆ ನೋಡಿಕೊಳ್ಳುವ ಜವಾಬ್ದಾರಿ ಸಂಘಟಕರ ಮೇಲಿರುತ್ತದೆ. ಆಸ್ತಿ ಪಾಸ್ತಿ ನಾಶವಾದರೆ ಅವರೇ ಹೊಣೆಗಾರರು, ಅಪ್ರಾಪ್ತರಾಗಿದ್ದರೆ, ಪೋಷಕರು ಹೊಣೆಗಾರರು ಎಂದು ಮೆಲೋನಿ ಹೇಳಿದ್ದಾರೆ.

ಮೆಕ್ಕಾ ಮಸೀದಿಯಲ್ಲಿ ಕಿಸ್‌ ಆರೋಪ: ಇಬ್ಬರು ಬಾಂಗ್ಲಾದೇಶಿಯರನ್ನು ರಹಸ್ಯವಾಗಿ ಗಲ್ಲಿಗೇರಿಸಿದ ಸೌದಿ ಅರೇಬಿಯಾ

Santosh Naik — Tue, 20 Oct 2026 22:16:38 +0530

ಢಾಕಾ/ರಿಯಾದ್ (ಅ.20): ಇಸ್ಲಾಂ ಧರ್ಮದ ಪವಿತ್ರ ನಗರವಾದ ಮೆಕ್ಕಾದ ಮಸೀದಿಯೊಂದರಲ್ಲಿ "ಅನೈತಿಕ ಕೃತ್ಯ" ಎಸಗಿದ್ದಾರೆಂಬ ಆರೋಪದ ಮೇಲೆ ಇಬ್ಬರು ಬಾಂಗ್ಲಾದೇಶಿ ವಲಸೆ ಕಾರ್ಮಿಕರನ್ನು ಸೌದಿ ಅರೇಬಿಯಾ ಸರ್ಕಾರ ರಹಸ್ಯವಾಗಿ ಗಲ್ಲಿಗೇರಿಸಿದೆ. ಈ ಘಟನೆಯು ಬಾಂಗ್ಲಾದೇಶ ಮಾತ್ರವಲ್ಲದೆ ಜಾಗತಿಕ ಮಟ್ಟದಲ್ಲಿ ಭಾರಿ ಆಕ್ರೋಶಕ್ಕೆ ಕಾರಣವಾಗಿದೆ. ಖಾಸಗಿ ವಿಚಾರಣೆ, ಯಾವುದೇ ಪಾರದರ್ಶಕತೆ ಇಲ್ಲದಿರುವುದು, ಅಪರಾಧದ ನಿಖರ ಸ್ವರೂಪವನ್ನು ಬಹಿರಂಗಪಡಿಸದಿರುವುದು ಹಾಗೂ ಇಬ್ಬರು ಪ್ರಜೆಗಳನ್ನು ಗಲ್ಲಿಗೇರಿಸಿದ ನಂತರವಷ್ಟೇ ಢಾಕಾಗೆ (ಬಾಂಗ್ಲಾದೇಶ ಸರ್ಕಾರಕ್ಕೆ) ಮಾಹಿತಿ ನೀಡಿರುವುದು ಈ ಭಾರಿ ರಾಜತಾಂತ್ರಿಕ ಹಾಗೂ ಮಾನವ ಹಕ್ಕುಗಳ ಆಕ್ರೋಶಕ್ಕೆ ಮುಖ್ಯ ಕಾರಣವಾಗಿದೆ.

ಸೌದಿ ಮಾಧ್ಯಮಗಳ ಪ್ರಕಾರ, ಅಕ್ಟೋಬರ್ 14 ರಂದು ಮೆಕ್ಕಾದ ಮಸೀದಿಯೊಂದರಲ್ಲಿ ಎಸಗಲಾದ "ಅನೈತಿಕ ಕೃತ್ಯಗಳಿಗಾಗಿ" ಈ ಇಬ್ಬರು ಬಾಂಗ್ಲಾದೇಶಿ ಪ್ರಜೆಗಳಿಗೆ ಮರಣದಂಡನೆ ವಿಧಿಸಲಾಯಿತು. ಆದರೆ, ಈ ಕೃತ್ಯ ಏನೆಂಬುದರ ಬಗ್ಗೆ ಸೌದಿ ಅರೇಬಿಯಾ ಸರ್ಕಾರ ಯಾವುದೇ ಅಧಿಕೃತ ವಿವರಗಳನ್ನು ನೀಡಿಲ್ಲ.

ಏನಿದು ಅಪರಾಧ? ಹಣೆಗೆ ಕೊಟ್ಟ ಮುತ್ತು ಮರಣದಂಡನೆಗೆ ಕಾರಣವಾಯಿತೇ?

ಮೃತರನ್ನು ನಜ್ರುಲ್ ಇಸ್ಲಾಂ ಅಬ್ದುಲ್ ಬಸೀರ್ (Nazrul Islam Abdul Basir) ಮತ್ತು ಸಿಟಿ ಅಖ್ತರ್ (Siti Akhtar) ಎಂದು ಸೌದಿ ಆಂತರಿಕ ಸಚಿವಾಲಯವನ್ನು ಉಲ್ಲೇಖಿಸಿ ಮಾಧ್ಯಮಗಳು ಗುರುತಿಸಿವೆ. ಆದರೆ, ಸೌದಿ ಆಡಳಿತ ಮಂಡಳಿ ಇವರು ಯಾವಾಗ ಬಂಧನಕ್ಕೊಳಗಾದರು, ವಿಚಾರಣೆ ಹೇಗೆ ನಡೆಯಿತು ಅಥವಾ ಇವರು ಎಸಗಿದ ನಿಖರ ಅಪರಾಧವೇನು ಎಂಬುದನ್ನು ಎಲ್ಲಿಯೂ ಬಹಿರಂಗಪಡಿಸಿಲ್ಲ.

ಸೋಶಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿರುವ ವರದಿಗಳ ಪ್ರಕಾರ, ಈ ಇಬ್ಬರೂ ಪ್ರೇಮಿಗಳು ಅಥವಾ ದಂಪತಿಯಾಗಿದ್ದು, ಮಸೀದಿಯ ಆವರಣದಲ್ಲಿ ನಜ್ರುಲ್ ತನ್ನ ಜೊತೆಗಾರ್ತಿಯ ಹಣೆಗೆ ಮುತ್ತು ನೀಡಿದ್ದ. ಇದೇ ಕಾರಣಕ್ಕೆ ಮರಣದಂಡನೆ ವಿಧಿಸಲಾಗಿದೆ ಎಂಬ ವದಂತಿಗಳು ಹರಡಿವೆ. ಆದರೆ ಸೌದಿ ಸರ್ಕಾರ ಯಾವುದೇ ವಿವರ ನೀಡದಿರುವುದರಿಂದ ಈ ಸತ್ಯಾಸತ್ಯತೆ ಸ್ಪಷ್ಟವಾಗಿಲ್ಲ.

ಸೌದಿ ಅರೇಬಿಯಾವು ಮರಣದಂಡನೆ ಜಾರಿಗೊಳಿಸುವಲ್ಲಿ ವಿಶ್ವದಲ್ಲೇ ಮುಂಚೂಣಿಯಲ್ಲಿದೆ. ಹ್ಯೂಮನ್ ರೈಟ್ಸ್ ವಾಚ್ (Human Rights Watch) ವರದಿಯ ಪ್ರಕಾರ, 2025 ರಲ್ಲಿ ಕನಿಷ್ಠ 356 ಜನರನ್ನು ಸೌದಿಯಲ್ಲಿ ಗಲ್ಲಿಗೇರಿಸಲಾಗಿದೆ. ಸೌದಿಯ 'ತಅಝೀರ್' (Ta'zir - ನ್ಯಾಯಾಧೀಶರ ವಿವೇಚನಾಧಿಕಾರಕ್ಕೊಳಪಟ್ಟ ಶಿಕ್ಷೆ) ಕಾನೂನಿನಡಿ ಈ ಇಬ್ಬರು ಬಾಂಗ್ಲಾದೇಶಿಯರಿಗೆ ಮರಣದಂಡನೆ ವಿಧಿಸಲಾಗಿದ್ದು, ರಾಜ ಮನೆತನದ ಆದೇಶದ ಮೇರೆಗೆ ಗಲ್ಲಿಗೇರಿಸಲಾಗಿದೆ.

ಸೌದಿಯಲ್ಲಿ ಸಫಾಯಿ ಕಾರ್ಮಿಕನಾಗಿದ್ದ ನಜ್ರುಲ್ - ಗಲ್ಲಿಗೇರಿಸಿದ ಸುದ್ದಿ ಕೇಳಿ ಅತ್ತೆ ಸಾವು!

ಬಾಂಗ್ಲಾದೇಶದ ಚಟ್ಟೋಗ್ರಾಮ್ ವಿಭಾಗದ ಬ್ರಾಹ್ಮಣಬಾರಿಯಾ ಮೂಲದ ನಜ್ರುಲ್ ಇಸ್ಲಾಂ, 2022 ರ ನವೆಂಬರ್‌ನಲ್ಲಿ ಸೌದಿಗೆ ತೆರಳಿದ್ದ. ಆತ ಮೆಕ್ಕಾದ 'ಮಸೀದ ಅಲ್-ಹರಾಮ್'ನಲ್ಲಿ ಸಫಾಯಿ ಕಾರ್ಮಿಕನಾಗಿ ಕೆಲಸ ಮಾಡುತ್ತಿದ್ದ. ಕೆಲಸಕ್ಕೆ ಸೇರಿದ ಎಂಟು ತಿಂಗಳ ನಂತರ ಅಂದರೆ 2023 ರಲ್ಲಿ ಸೌದಿ ಪೊಲೀಸರು ಆತನನ್ನು ಬಂಧಿಸಿ ಜೈಲಿಗೆ ತಳ್ಳಿದ್ದರು. ನಜ್ರುಲ್ ಕುಟುಂಬಸ್ಥರು ಅಕ್ಟೋಬರ್ 11 ರಂದು ಕೊನೆಯ ಬಾರಿಗೆ ಆತನೊಂದಿಗೆ ಫೋನ್‌ನಲ್ಲಿ ಮಾತನಾಡಿದ್ದರು. ಆದರೆ ಅಕ್ಟೋಬರ್ 14 ರಂದು ಆತನನ್ನು ಗಲ್ಲಿಗೇರಿಸಲಾಗಿದೆ ಎಂಬ ಆಘಾತಕಾರಿ ಸುದ್ದಿ ಬಂದಿದೆ. ಈ ಸುದ್ದಿ ಕೇಳಿ ಆತನ 65 ವರ್ಷದ ಅತ್ತೆ ಆಬೇದಾ ಬೇಗಂ ಸ್ಥಳದಲ್ಲೇ ಪ್ರಜ್ಞೆ ತಪ್ಪಿ ಬಿದ್ದು ಮೃತಪಟ್ಟಿದ್ದಾರೆ!

ನಜ್ರುಲ್ ತಂದೆ ಅಬ್ದುಲ್ ಬಸೀರ್ ಮಾತನಾಡಿ, "ನನ್ನ ಮಗನಿಗೆ ಸೌದಿಯಲ್ಲಿ ನ್ಯಾಯಸಮ್ಮತ ವಿಚಾರಣೆಯೇ ಸಿಗಲಿಲ್ಲ. ಆತ ಅತ್ಯಂತ ಸಜ್ಜನನಾಗಿದ್ದ. ಸೌದಿಯ ಪಾಕಿಸ್ತಾನಿ ಸಹೋದ್ಯೋಗಿಯೊಬ್ಬನ ಜೊತೆ ಆತನಿಗೆ ಗಲಾಟೆಯಾಗಿತ್ತು, ಆತನೇ ಸಂಚು ರೂಪಿಸಿ ನನ್ನ ಮಗನನ್ನು ಸಿಲುಕಿಸಿದ್ದಾನೆ" ಎಂದು ಆರೋಪಿಸಿದ್ದಾರೆ. ಇನ್ನು ಕೊಲೆಯಾದ ಮಹಿಳೆ ಸಿಟಿ ಅಖ್ತರ್ ನಜ್ರುಲ್‌ನ ಹೆಂಡತಿಯಲ್ಲ, ಅವರು ಜೊತೆಗೆ ಕೆಲಸ ಮಾಡುತ್ತಿದ್ದರು ಎಂದು ನಜ್ರುಲ್ ತಂದೆ ತಿಳಿಸಿದ್ದರೆ, ಇಬ್ಬರ ನಡುವೆ 'ಅಫೇರ್' ಇತ್ತು ಎಂದು ಸಂಬಂಧಿಕರೊಬ್ಬರು ಹೇಳಿದ್ದಾರೆ.

ಬಾಂಗ್ಲಾದೇಶ ಸರ್ಕಾರಕ್ಕೆ ಸಿಗದ ಸುಳಿವು - ವಿಯೆನ್ನಾ ಒಪ್ಪಂದ ಉಲ್ಲಂಘನೆ?

ಈ ರಹಸ್ಯ ಗಲ್ಲಿಗೇರಿಸುವಿಕೆ ಬಾಂಗ್ಲಾದೇಶ ಸರ್ಕಾರ ಹಾಗೂ ರಾಜತಾಂತ್ರಿಕರನ್ನು ತೀವ್ರ ಕೆರಳಿಸಿದೆ. ವಿಯೆನ್ನಾ ಒಪ್ಪಂದದ (Vienna Convention on Consular Relations) ಆರ್ಟಿಕಲ್ 36 ಮತ್ತು 37 ರ ಪ್ರಕಾರ, ವಿದೇಶಿ ಪ್ರಜೆಯನ್ನು ಬಂಧಿಸಿದಾಗ ಅಥವಾ ಮರಣದಂಡನೆ ವಿಧಿಸಿದಾಗ ಆಯಾ ದೇಶದ ರಾಯಭಾರಿ ಕಚೇರಿಗೆ ತಕ್ಷಣ ಮಾಹಿತಿ ನೀಡುವುದು ಕಡ್ಡಾಯ.

ಆದರೆ, ಬಾಂಗ್ಲಾದೇಶದ ವಿದೇಶಾಂಗ ನಿಯೋಗಕ್ಕೆ ಸೌದಿ ಅರೇಬಿಯಾ ಯಾವುದೇ ಮುನ್ಸೂಚನೆ ನೀಡಿರಲಿಲ್ಲ. ಜೆಡ್ಡಾದಲ್ಲಿರುವ ಬಾಂಗ್ಲಾ ಕಾನ್ಸುಲೇಟ್‌ಗೆ ಸೆಪ್ಟೆಂಬರ್‌ನಲ್ಲಿ ಜೈಲಿನಲ್ಲಿರುವ ಬಾಂಗ್ಲಾ ಪ್ರಜೆಗಳ ಪಟ್ಟಿ ಸಿಕ್ಕಿತ್ತಾದರೂ, ಅದರಲ್ಲಿ ಇವರಿಬ್ಬರ ಹೆಸರುಗಳ ಮುಂದೆ 'ವ್ಯಭಿಚಾರ' ಮತ್ತು 'ಐಸಿಟಿ ಅಪರಾಧ' ಎಂದು ಮಾತ್ರ ಬರೆಯಲಾಗಿತ್ತು. ಆದರೆ ಅವರಿಗೆ ಮರಣದಂಡನೆ ಕಾಯ್ದಿರಿಸಲಾಗಿರುವ ವಿಷಯವನ್ನು ಮುಚ್ಚಿಡಲಾಗಿತ್ತು.

ಈ ಕುರಿತು ಪ್ರತಿಕ್ರಿಯಿಸಿರುವ ಬಾಂಗ್ಲಾದೇಶದ ವಿದೇಶಾಂಗ ರಾಜ್ಯ ಸಚಿವೆ ಶಮಾ ಓಬೇದ್ ಇಸ್ಲಾಂ ಹಾಗೂ ಸಚಿವ ಹುಮಾಯೂನ್ ಕಬೀರ್, "ಸೌದಿ ಸರ್ಕಾರದ ಈ ನಡೆಯು ತೀವ್ರ ನಿರಾಶಾದಾಯಕವಾಗಿದೆ. ವಿಯೆನ್ನಾ ಒಪ್ಪಂದದ ಸದಸ್ಯ ದೇಶವಾಗಿದ್ದರೂ ಸೌದಿ ಸರ್ಕಾರ ನಮಗೆ ಯಾವುದೇ ಮಾಹಿತಿ ನೀಡಿಲ್ಲ. ಈ ಕುರಿತು ಢಾಕಾದಲ್ಲಿರುವ ಸೌದಿ ರಾಯಭಾರಿಗೆ ಸಮನ್ಸ್ ನೀಡಿ ಅಧಿಕೃತ ಸ್ಪಷ್ಟನೆ ಕೋರಲಾಗಿದೆ" ಎಂದು ತಿಳಿಸಿದ್ದಾರೆ.

ಜಾಗತಿಕ ಮಟ್ಟದಲ್ಲಿ ವ್ಯಕ್ತವಾದ ತೀವ್ರ ಆಕ್ರೋಶ

ಯಾವುದೇ ಸಾರ್ವಜನಿಕ ಸಾಕ್ಷ್ಯಾಧಾರಗಳಿಲ್ಲದೆ, ರಹಸ್ಯ ನ್ಯಾಯಾಲಯದ ಮೂಲಕ ಇಬ್ಬರು ಬಡ ವಲಸೆ ಕಾರ್ಮಿಕರನ್ನು ಕೊಂದು ಮುಗಿಸಿರುವ ಸೌದಿ ಅರೇಬಿಯಾದ ನೀತಿಯ ವಿರುದ್ಧ ಮಾನವ ಹಕ್ಕುಗಳ ಹೋರಾಟಗಾರರು ವ್ಯಾಪಕವಾಗಿ ಆಕ್ರೋಶ ಹೊರಹಾಕಿದ್ದಾರೆ. "ತಮ್ಮ ವಿರುದ್ಧ ಹೊರಿಸಲಾದ ಆರೋಪಗಳಿಗೆ ಉತ್ತರಿಸಲು ಅಥವಾ ವಕೀಲರನ್ನು ಪಡೆಯಲು ಅವಕಾಶ ನೀಡದೆ, ತಮ್ಮ ದೇಶದ ಸರ್ಕಾರಕ್ಕೂ ತಿಳಿಸದೆ ಎರಡು ಜೀವಗಳನ್ನು ತೆಗೆದಿರುವುದು ಕ್ರೂರ ಹಾಗೂ ನ್ಯಾಯಸಮ್ಮತತೆಯ ಭಾರಿ ಉಲ್ಲಂಘನೆ" ಎಂದು ಆಕ್ಸ್‌ಫರ್ಡ್ ಮೂಲದ ವಕೀಲ ರೇಹಾನ್ ರಶೀದ್ ಕಟುವಾಗಿ ಟೀಕಿಸಿದ್ದಾರೆ. ಪ್ರಸ್ತುತ ಬಾಂಗ್ಲಾದೇಶ ಮತ್ತು ಸೌದಿ ಅರೇಬಿಯಾ ನಡುವಿನ ವಿಮಾನ ಸಂಚಾರ ತಾತ್ಕಾಲಿಕವಾಗಿ ಸ್ಥಗಿತಗೊಂಡಿರುವುದರಿಂದ, ಗಲ್ಲಿಗೇರಿಸಿರುವ ಇಬ್ಬರ ಮೃತದೇಹಗಳನ್ನು ಸ್ವದೇಶಕ್ಕೆ ತರುವುದು ಕೂಡ ವಿಳಂಬವಾಗಿದೆ.

Meat Dishes: ಚೀನಾದಲ್ಲಿ ಹಾವು, ಭಾರತದಲ್ಲಿ ಚಿಕನ್; ಯಾವ ದೇಶದ ಜನರು ಏನೆಲ್ಲಾ ಮಾಂಸ ತಿನ್ನುತ್ತಾರೆ ಗೊತ್ತಾ?

Sushma Hegde — Tue, 20 Oct 2026 15:15:27 +0530

ಪ್ರತಿಯೊಂದು ದೇಶದ ಆಹಾರ ಪದ್ಧತಿಯೂ ವಿಭಿನ್ನ. ಕೆಲವು ದೇಶಗಳಲ್ಲಿ ಚಿಕನ್, ಮಟನ್ ಹೆಚ್ಚು ಜನಪ್ರಿಯವಾಗಿದ್ದರೆ, ಇನ್ನು ಕೆಲವು ಕಡೆ ಸಮುದ್ರಾಹಾರ, ಹಂದಿಮಾಂಸ ಸೇರಿದಂತೆ ಹಲವು ಬಗೆಯ ಮಾಂಸಾಹಾರಗಳನ್ನು ಸೇವಿಸುತ್ತಾರೆ. ಹಾಗಾದರೆ ಚೀನಾ, ಜಪಾನ್, ಬ್ರೆಜಿಲ್, ಥೈಲ್ಯಾಂಡ್ ಸೇರಿದಂತೆ ವಿವಿಧ ದೇಶಗಳಲ್ಲಿ ಯಾವ ಮಾಂಸಾಹಾರ ಪ್ರಸಿದ್ಧ? ಇಲ್ಲಿದೆ ಮಾಹಿತಿ.

ಆಹಾರವೆಂದರೆ ಕೇವಲ ಹಸಿವು ನೀಗಿಸುವ ಸಾಧನವಲ್ಲ; ಅದು ಒಂದು ದೇಶದ ಸಂಸ್ಕೃತಿ, ಹವಾಮಾನ, ಕೃಷಿ ಮತ್ತು ಸ್ಥಳೀಯ ಸಂಪ್ರದಾಯಗಳ ಪ್ರತಿಬಿಂಬವೂ ಹೌದು. ಭಾರತದಲ್ಲಿ ಚಿಕನ್ ಮತ್ತು ಮಟನ್ ಖಾದ್ಯಗಳು ಜನಪ್ರಿಯವಾಗಿದ್ದರೆ, ಜಪಾನ್‌ನಲ್ಲಿ ಮೀನು ಹಾಗೂ ಸಮುದ್ರಾಹಾರಕ್ಕೆ ವಿಶೇಷ ಸ್ಥಾನವಿದೆ. ಬ್ರೆಜಿಲ್‌ನಲ್ಲಿ ಬಾರ್ಬೆಕ್ಯೂ ಮಾಂಸಾಹಾರ ಪ್ರಸಿದ್ಧ. ಹೀಗೆ ದೇಶದಿಂದ ದೇಶಕ್ಕೆ ಮಾಂಸಾಹಾರದ ಆಯ್ಕೆಗಳು ಬದಲಾಗುತ್ತವೆ.

ವಿವಿಧ ದೇಶಗಳಲ್ಲಿ ಜನಪ್ರಿಯ ಮಾಂಸಾಹಾರ ಯಾವುದು?

1. ಚೀನಾ

ಚೀನಾದ ಆಹಾರ ಪದ್ಧತಿಯಲ್ಲಿ ಹಂದಿಮಾಂಸ, ಚಿಕನ್, ಬಾತುಕೋಳಿ, ಮೀನು ಮತ್ತು ಸಮುದ್ರಾಹಾರ ಪ್ರಮುಖವಾಗಿವೆ. ಪ್ರಾದೇಶಿಕ ಆಹಾರ ಪದ್ಧತಿಗಳಲ್ಲಿ ಸಾಕಷ್ಟು ವ್ಯತ್ಯಾಸವಿದೆ. ಕೆಲವು ಪ್ರದೇಶಗಳಲ್ಲಿ ಹಾವು ಸೇರಿದಂತೆ ವಿಶೇಷ ಮಾಂಸಾಹಾರಗಳೂ ಕಂಡುಬರುತ್ತವೆ. ಆದರೆ ಇವು ಎಲ್ಲರ ಸಾಮಾನ್ಯ ಆಹಾರವಲ್ಲ.

2. ಭಾರತ

ಭಾರತದಲ್ಲಿ ಚಿಕನ್ ಮತ್ತು ಮಟನ್‌ನಿಂದ ತಯಾರಿಸುವ ಬಿರಿಯಾನಿ, ಕಬಾಬ್, ಕರಿಗಳು ಹಾಗೂ ವಿವಿಧ ಸ್ಥಳೀಯ ಖಾದ್ಯಗಳು ಜನಪ್ರಿಯವಾಗಿವೆ. ಕರಾವಳಿ ಪ್ರದೇಶಗಳಲ್ಲಿ ಮೀನು, ಸೀಗಡಿ ಮತ್ತು ಏಡಿಯಂತಹ ಸಮುದ್ರಾಹಾರ ಹೆಚ್ಚು ಬಳಕೆಯಲ್ಲಿದೆ. ಆಹಾರ ಪದ್ಧತಿ ರಾಜ್ಯ, ಧರ್ಮ, ಸಮುದಾಯ ಮತ್ತು ವೈಯಕ್ತಿಕ ಆಯ್ಕೆಯ ಮೇಲೆ ಅವಲಂಬಿತವಾಗಿರುತ್ತದೆ.

3. ಬ್ರೆಜಿಲ್

ಬ್ರೆಜಿಲ್‌ನಲ್ಲಿ ಗೋಮಾಂಸ, ಚಿಕನ್ ಮತ್ತು ಹಂದಿಮಾಂಸದಿಂದ ತಯಾರಿಸುವ ಖಾದ್ಯಗಳು ಜನಪ್ರಿಯ. ವಿಶೇಷವಾಗಿ 'ಚುರಾಸ್ಕೊ' ಎಂಬ ಬಾರ್ಬೆಕ್ಯೂ ಶೈಲಿಯಲ್ಲಿ ಮಾಂಸವನ್ನು ಬೇಯಿಸಿ ಬಡಿಸುವ ಪದ್ಧತಿ ಪ್ರಸಿದ್ಧವಾಗಿದೆ. ವಿವಿಧ ರೀತಿಯ ಮಾಂಸವನ್ನು ಬೆಂಕಿಯಲ್ಲಿ ಸುಟ್ಟು ಬೇಯಿಸುವುದು ಈ ಆಹಾರ ಸಂಸ್ಕೃತಿಯ ವಿಶೇಷತೆ.

4. ಜಪಾನ್

ಜಪಾನಿನ ಆಹಾರ ಪದ್ಧತಿ ಎಂದಾಕ್ಷಣ ಸುಶಿ ಮತ್ತು ಸಶಿಮಿಯಂತಹ ಮೀನು ಹಾಗೂ ಸಮುದ್ರಾಹಾರ ಖಾದ್ಯಗಳು ನೆನಪಾಗುತ್ತವೆ. ಇದರ ಜೊತೆಗೆ ಗೋಮಾಂಸ, ಚಿಕನ್ ಮತ್ತು ಹಂದಿಮಾಂಸದಿಂದ ತಯಾರಿಸುವ ರಮೆನ್, ಯಾಕಿಟೋರಿ ಹಾಗೂ ಇತರ ಖಾದ್ಯಗಳೂ ಜನಪ್ರಿಯವಾಗಿವೆ.

5. ಥೈಲ್ಯಾಂಡ್

ಥೈಲ್ಯಾಂಡ್‌ನಲ್ಲಿ ಚಿಕನ್, ಹಂದಿಮಾಂಸ, ಮೀನು ಮತ್ತು ಸೀಗಡಿಯಿಂದ ತಯಾರಿಸುವ ಖಾದ್ಯಗಳು ಪ್ರಸಿದ್ಧ. ಟಾಮ್ ಯಮ್ ಸೂಪ್, ಪ್ಯಾಡ್ ಥಾಯ್ ಮತ್ತು ವಿವಿಧ ಕರಿಗಳಲ್ಲಿ ಸಮುದ್ರಾಹಾರವನ್ನು ಬಳಸಲಾಗುತ್ತದೆ. ಕೆಲವು ಸ್ಥಳೀಯ ಅಥವಾ ವಿಶೇಷ ಆಹಾರಗಳಲ್ಲಿ ಹಾವು ಸೇರಿದಂತೆ ಅಪರೂಪದ ಪದಾರ್ಥಗಳೂ ಕಂಡುಬರಬಹುದು; ಆದರೆ ಅವು ದೇಶದ ಎಲ್ಲ ಜನರ ಸಾಮಾನ್ಯ ಆಹಾರವಲ್ಲ.

6. ಅಮೆರಿಕ

ಅಮೆರಿಕದಲ್ಲಿ ಗೋಮಾಂಸ, ಚಿಕನ್ ಮತ್ತು ಹಂದಿಮಾಂಸ ಪ್ರಮುಖ ಮಾಂಸಾಹಾರಗಳಾಗಿವೆ. ಬರ್ಗರ್, ಸ್ಟೇಕ್, ಬಾರ್ಬೆಕ್ಯೂ ರಿಬ್ಸ್ ಮತ್ತು ಫ್ರೈಡ್ ಚಿಕನ್ ಜನಪ್ರಿಯ ಖಾದ್ಯಗಳು. ಅಲ್ಲಿನ ಆಹಾರ ಪದ್ಧತಿ ಪ್ರದೇಶ ಮತ್ತು ಸಮುದಾಯಕ್ಕೆ ಅನುಗುಣವಾಗಿ ಬದಲಾಗುತ್ತದೆ.

7. ವಿಯೆಟ್ನಾಂ

ವಿಯೆಟ್ನಾಂನಲ್ಲಿ ಹಂದಿಮಾಂಸ, ಚಿಕನ್, ಮೀನು ಮತ್ತು ಸಮುದ್ರಾಹಾರವನ್ನು ವ್ಯಾಪಕವಾಗಿ ಬಳಸಲಾಗುತ್ತದೆ. 'ಫೋ' ಎಂಬ ನೂಡಲ್ ಸೂಪ್‌ನ ಮಾಂಸದ ರೂಪಗಳು ಹಾಗೂ ವಿವಿಧ ಅಕ್ಕಿ ಮತ್ತು ನೂಡಲ್ ಖಾದ್ಯಗಳು ಪ್ರಸಿದ್ಧ. ಕೆಲವು ಪ್ರದೇಶಗಳಲ್ಲಿ ನಾಯಿ ಅಥವಾ ಹಾವಿನ ಮಾಂಸವೂ ಸೇವಿಸಲ್ಪಡುತ್ತದೆ ಎಂಬ ವರದಿಗಳಿದ್ದರೂ, ಅವು ಎಲ್ಲರ ಆಹಾರ ಪದ್ಧತಿಯನ್ನು ಪ್ರತಿನಿಧಿಸುವುದಿಲ್ಲ.

8. ಪಾಕಿಸ್ತಾನ

ಪಾಕಿಸ್ತಾನದ ಆಹಾರ ಸಂಸ್ಕೃತಿಯಲ್ಲಿ ಗೋಮಾಂಸ, ಮಟನ್ ಮತ್ತು ಚಿಕನ್‌ನಿಂದ ತಯಾರಿಸುವ ಬಿರಿಯಾನಿ, ಕರಾಹಿ, ಕಬಾಬ್ ಹಾಗೂ ವಿವಿಧ ಮಾಂಸದ ಕರಿಗಳು ಜನಪ್ರಿಯವಾಗಿವೆ. ಇಸ್ಲಾಮಿಕ್ ಆಹಾರ ನಿಯಮಗಳ ಪ್ರಕಾರ ಹಂದಿಮಾಂಸವನ್ನು ಸೇವಿಸಲಾಗುವುದಿಲ್ಲ. ಪ್ರದೇಶದಿಂದ ಪ್ರದೇಶಕ್ಕೆ ಅಡುಗೆ ವಿಧಾನ ಮತ್ತು ಖಾದ್ಯಗಳಲ್ಲಿಯೂ ವ್ಯತ್ಯಾಸವಿದೆ.

ಕೃಷಿಯಲ್ಲಿ ಚೀನಾ ಸಂಚಲನ, ಭೂಮಿಯಿಂದ 400 ಕಿಲೋ ಮೀಟರ್ ಎತ್ತರದಲ್ಲಿ ಭತ್ತ ಬಿತ್ತನೆ

Ganesh Mabla Gowda — Mon, 19 Oct 2026 19:23:56 +0530

ಚೀನಾ ಹೊಸ ಸಾಹಸಕ್ಕೆ ಕೈಹಾಕಿದೆ. ಭೂಮಿಯಿಂದ ನೂರಾರು ಕಿಲೋ ಮೀಟರ್ ಎತ್ತರದಲ್ಲಿ ಭತ್ತ ಬೆಳೆಯಲು ಮುಂದಾಗಿದೆ. ಈ ಪ್ರಯೋಗದಲ್ಲಿ ಸಕ್ಸಸ್ ಕೂಡ ಆಗಿದ್ದು, ಹೊಸ ಮೈಲಿಗಲ್ಲು ಊರಿದೆ.

ಹೌದು, ಚೀನಾದ ಟಿಯಾಂಗಾಂಗ್ ಬಾಹ್ಯಾಕಾಶ ನಿಲ್ದಾಣದಲ್ಲಿ ಗಗನಯಾತ್ರಿಗಳು ಭತ್ತ ಬೆಳೆಯುವ ಪ್ರಯೋಗದಲ್ಲಿ ಮಹತ್ವದ ಮೈಲಿಗಲ್ಲುನ್ನು ಪೂರ್ಣಗೊಳಿಸಿದ್ದಾರೆ. ಚೀನಾ ವಿಜ್ಞಾನಿಗಳು ನೀಡಿರುವ ಮಾಹಿತಿ ಪ್ರಕಾರ.. ಗಗನಯಾತ್ರಿಗಳು ಹೊಸ ಭತ್ತದ ಬೆಳೆಯನ್ನು ಕೊಯ್ಲು ಮಾಡಿದರು. ಬೀಜಗಳನ್ನ ಬಿತ್ತಿ ಸಂರಕ್ಷಿಸಿದ್ದಾರೆ ಎಂದು ವರದಿಯಾಗಿದೆ.

ಮುಂದಿನ ದಿನಗಳಲ್ಲಿ ಬಾಹ್ಯಾಕಾಶದಲ್ಲಿ ಭತ್ತ ಬೆಳೆಯಲು ಆಗುತ್ತಾ ಅನ್ನೋ ಉದ್ದೇಶದಿಂದ ಚೀನಾ ಸಾಹಸಕ್ಕೆ ಕೈಹಾಕಿತ್ತು. ಇನ್ನು, ಯಾತ್ರೆಗಳಿಗೆ ಈ ಪ್ರಯೋಗ ಪ್ರಮುಖವಾಗಲಿದೆ. ಒಂದು ವೇಳೆ ಭತ್ತ ಬೆಳೆಯಲು ಸಾಧ್ಯವಾದರೆ ಮುಂದಿನ ಪೀಳಿಗೆಗೆ ಆಹಾರವನ್ನು ಒದಗಿಸುವುದು ಸಾಧ್ಯವಾಗಲಿದೆ ಅನ್ನೋದು ಚೀನಾದ ಲೆಕ್ಕಾಚಾರ. ಅಂದರೆ ಪ್ರಸ್ತುತ ಬಾಹ್ಯಾಕಾಶಕ್ಕೆ ಹೋಗುವ ಗಗನಯಾತ್ರಿಗಳು ಆಹಾರವನ್ನು ಭೂಮಿಯಿಂದ ಕೊಂಡೊಯ್ಯುತ್ತಾರೆ. ಆಧುನಿಕ ತಂತ್ರಜ್ಞಾನದ ಮೂಲಕ ಇದು ಸಾಧ್ಯವಾದರೆ.. ಭೂಮಿಯ ಸರಬರಾಜಿನ ಮೇಲಿನ ಅವಲಂಬನೆ ಕಡಿಮೆ ಮಾಡಬಹುದು ಎಂಬುವುದು ಚೀನಾದ ಯೋಜನೆ.

ಪ್ರಯೋಗವು ಭೂಮಿಯಿಂದ ತಂದ ಭತ್ತದ ಬೀಜಗಳಿಂದ ಪ್ರಾರಂಭವಾಯಿತು. ಸೂಕ್ಷ್ಮ ಗುರುತ್ವಾಕರ್ಷಣೆಯಲ್ಲಿ ಬೀಜ ಮೊಳಕೆಯೊಡೆಯುವಿಕೆ, ಸಸ್ಯಗಳ ಬೆಳವಣಿಗೆ, ಹೂಬಿಡುವಿಕೆ ಮತ್ತು ಬೀಜ ರಚನೆಯ ಪ್ರಕ್ರಿಯೆ ಬಗ್ಗೆ ವಿಜ್ಞಾನಿಗಳು ಅಧ್ಯಯನ ಮಾಡಿದರು. ಇನ್ಮುಂದೆ ಅಲ್ಲಿ ಬೆಳೆದ ಬೀಜಗಳಿಂದ ಸಸ್ಯಗಳನ್ನ ಅಭಿವೃದ್ಧಿಪಡಿಸಿ ಭೂಮಿಯಂತೆ ಬಾಹ್ಯಾಕಾಶದಲ್ಲಿ ಭತ್ತ ಬೆಳೆಯುವ ಪ್ರಕ್ರಿಯೆ ಮುಂದುವರಿಸಬಹುದೇ ಅನ್ನೋದಕ್ಕೆ ಈ ಅಧ್ಯಯನ ಸಹಾಯ ಆಗಲಿದೆ.

ಚೈನೀಸ್ ಅಕಾಡೆಮಿ ಆಫ್ ಸೈನ್ಸಸ್ ಪ್ರಕಾರ.. ಈ ಪ್ರಯೋಗವು 2026 ರಲ್ಲಿ ಪ್ರಾರಂಭವಾಯಿತು. ಬೀಜದಿಂದ ಬೀಜಕ್ಕೆ ಎರಡು ಸಂಪೂರ್ಣ ಚಕ್ರಗಳನ್ನು ಪೂರ್ಣಗೊಳಿಸುವುದು ಇದರ ಗುರಿಯಾಗಿದೆ. ವಿಜ್ಞಾನಿಗಳು ಬಾಹ್ಯಾಕಾಶದಲ್ಲಿ ಸಸ್ಯಗಳು ಬೆಳೆಯಬಹುದೇ ಎಂದು ನೋಡಲು ಮಾತ್ರವಲ್ಲ, ಅಲ್ಲಿ ಉತ್ಪತ್ತಿಯಾಗುವ ಬೀಜಗಳು ನಂತರದ ಪೀಳಿಗೆಗೆ ಹೇಗೆ ಬೆಳೆಯುತ್ತವೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಪ್ರಯೋಗ ಸಹಕಾರಿಯಾಗಲಿದೆ ಎಂದು ತಿಳಿಸಿದ್ದಾರೆ.

ಜೀನ್‌ಗಳು ಬದಲಾಗುತ್ತಾ?

ಭೂಮಿಯಲ್ಲಿ ಗುರುತ್ವಾಕರ್ಷಣೆ ಮೂಲಕ ಬೆಳೆಯುವ ಪ್ರಕ್ರಿಯೆ ತುಂಬಾನೇ ವಿಕಸನಗೊಂಡಿದೆ. ಆದರೆ ಬಾಹ್ಯಾಕಾಶದಲ್ಲಿನ ಪರಿಸ್ಥಿತಿ ವಿಭಿನ್ನ. ಅಲ್ಲಿನ ಸಸ್ಯಗಳು ಭೂಮಿಯ ಮೇಲೆ ಅನುಭವಿಸುವ ಗುರುತ್ವಾಕರ್ಷಣೆ ಸಿಗೋದಿಲ್ಲ. ಇದು ಅವುಗಳ ಅಭಿವೃದ್ಧಿ, ಬೆಳವಣಿಗೆ ಮತ್ತು ಸಂತಾನೋತ್ಪತ್ತಿಯ ಮೇಲೆ ಯಾವ ಪರಿಣಾಮ ಬೀರುತ್ತದೆ ಎಂಬುದು ಪ್ರಶ್ನೆಯಾಗಿದೆ.

ಈ ಅಕ್ಕಿ ಪ್ರಯೋಗವು ಸಸ್ಯಗಳ ಆನುವಂಶಿಕ ಸ್ಥಿರತೆಯನ್ನು ಅಧ್ಯಯನ ಮಾಡುತ್ತಿದೆ. ಬಾಹ್ಯಾಕಾಶದಲ್ಲಿ ಬಹು ತಲೆಮಾರುಗಳ ಬೆಳವಣಿಗೆಯ ಸಮಯದಲ್ಲಿ ಸಸ್ಯಗಳ ಜೀನ್‌ಗಳಲ್ಲಿ ಯಾವುದೇ ಬದಲಾವಣೆಗಳು ಸಂಭವಿಸುತ್ತವೆಯೇ ಎಂದು ವಿಜ್ಞಾನಿಗಳು ನಿರ್ಧರಿಸುತ್ತಾರೆ. ಎಪಿಜೆನೆಟಿಕ್ಸ್‌ನತ್ತಲೂ ಗಮನ ಹರಿಸಲಾಗುತ್ತಿದೆ. ಸರಳವಾಗಿ ಹೇಳುವುದಾದರೆ, ಇದು ಜೀನ್ ಚಟುವಟಿಕೆ ಹೇಗೆ ಬದಲಾಗುತ್ತದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಪ್ರಯತ್ನಿಸುತ್ತದೆ. ಇದರರ್ಥ ಬಾಹ್ಯಾಕಾಶದಲ್ಲಿ ಬೆಳೆದ ಬೀಜಗಳಿಂದ ಸಸ್ಯಗಳನ್ನು ಪುನರುತ್ಪಾದಿಸಲು ಸಾಧ್ಯವಿದೆ. ಆದರೆ ಅವುಗಳ ಕಾರ್ಯವನ್ನು ಬದಲಾಯಿಸಬಹುದು.

Space Autumn Harvest

China’s Shenzhou‑23 crew harvested rice samples on Tiangong,China Space Station.

For the first time, two generations of rice have been cultivated in space.

This breakthrough paves the way for future in-situ food production off Earth!

#Tiangong #Shenzhou23 #SpaceRice #ChinaSpaceStation

Есенска жетва во вселената

Екипажот на кинеската мисија „Шенџоу-23“ собра примероци од ориз одгледан на кинеската вселенска станица „Тјангонг“.

За првпат, во вселената се одгледани две генерации ориз.

Овој пробив го отвора патот за идно производство на храна надвор од Земјата!

— Ambassador Jiang Xiaoyan (@ChinaEmbinMKD) October 19, 2026

'ಇನ್ನು ಕೆಲವೇ ಗಂಟೆ ಬದುಕಬಹುದು' ಎಂದ ವೈದ್ಯರು; AI ಬಳಸಿ ತಾಯಿಯ ಜೀವ ಉಳಿಸಲು ನೆರವಾದ ಮಗ!

Chandrashekar GS — Tue, 20 Oct 2026 16:33:53 +0530

ತಾಯಿಯ ಜೀವಕ್ಕೆ ಅಪಾಯ; ಎಐ ನೆರವಿನಿಂದ ಕಾಯಿಲೆಯ ಸುಳಿವು ಕಂಡುಕೊಂಡ ವೈದ್ಯ ಮಗ!

ವೈದ್ಯಕೀಯ ಜಗತ್ತಿನಲ್ಲಿ ಕೃತಕ ಬುದ್ಧಿಮತ್ತೆ (AI) ಹೊಸ ಸಾಧ್ಯತೆಗಳನ್ನು ತೆರೆದಿಡುತ್ತಿದೆ. ಇದಕ್ಕೆ ಉದಾಹರಣೆಯಾಗಿ ಇಂಗ್ಲೆಂಡ್‌ನಲ್ಲಿ ನಡೆದ ಘಟನೆಯೊಂದು ಗಮನ ಸೆಳೆದಿದೆ. ತಾಯಿಯ ಆರೋಗ್ಯ ಸ್ಥಿತಿ ಗಂಭೀರವಾಗಿ, ವೈದ್ಯರು ಬದುಕುಳಿಯುವ ಸಾಧ್ಯತೆ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದ ಸಂದರ್ಭದಲ್ಲಿ, ಅವರ ಮಗ ಎಐ ತಂತ್ರಜ್ಞಾನದ ನೆರವಿನಿಂದ ಕಾಯಿಲೆಯ ಸಂಭವನೀಯ ಕಾರಣವೊಂದನ್ನು ಗುರುತಿಸಲು ಸಹಾಯ ಪಡೆದಿದ್ದಾರೆ. ಬಳಿಕ ನೀಡಲಾದ ಚಿಕಿತ್ಸೆಯಿಂದ ತಾಯಿಯ ಸೆಳೆತ ನಿಂತಿದ್ದು, ಅವರು ಚೇತರಿಸಿಕೊಂಡಿದ್ದಾರೆ.

ತಾಯಿಯ ಆರೋಗ್ಯ ಹದಗೆಟ್ಟಿದ್ದೇಕೆ?

ಆಕ್ಸ್‌ಫರ್ಡ್‌ಶೈರ್‌ನಲ್ಲಿ ರಾಷ್ಟ್ರೀಯ ಆರೋಗ್ಯ ಸೇವೆ (NHS) ಅಡಿಯಲ್ಲಿ ಅರಿವಳಿಕೆ ತಜ್ಞರಾಗಿ ಕೆಲಸ ಮಾಡುವ ಎಡ್ವರ್ಡ್ ಪ್ಯಾಟ್ರಿಕ್ ಅವರ ತಾಯಿ ಆನ್ ಪ್ಯಾಟ್ರಿಕ್ ಅವರಿಗೆ ಪಾರ್ಕಿನ್ಸನ್ ಕಾಯಿಲೆ ಇತ್ತು. ಮೇ ತಿಂಗಳಲ್ಲಿ ಅವರನ್ನು ನಾಟಿಂಗ್‌ಹ್ಯಾಮ್‌ನ ಕ್ವೀನ್ಸ್ ಮೆಡಿಕಲ್ ಸೆಂಟರ್‌ಗೆ ದಾಖಲಿಸಲಾಗಿತ್ತು. ಅವರಿಗೆ ನಿರಂತರವಾಗಿ ಸೆಳೆತ ಕಾಣಿಸಿಕೊಂಡಿತ್ತು. ಅದರ ಹಿಂದಿನ ನಿಖರ ಕಾರಣವನ್ನು ಪತ್ತೆಹಚ್ಚಲು ಚಿಕಿತ್ಸೆ ನೀಡುತ್ತಿದ್ದ ವೈದ್ಯರು ಪ್ರಯತ್ನಿಸುತ್ತಿದ್ದರು.

ಒಂದು ಹಂತದಲ್ಲಿ ತಾಯಿಯ ಸ್ಥಿತಿ ಅತ್ಯಂತ ಗಂಭೀರವಾಗಿದೆ, ತಕ್ಷಣ ಆಸ್ಪತ್ರೆಗೆ ಬರುವಂತೆ ಎಡ್ವರ್ಡ್‌ಗೆ ಬೆಳಗಿನ ಜಾವ ಕರೆ ಬಂದಿತ್ತು. ಈ ಸಂದರ್ಭದಲ್ಲಿ ಅವರ ಸಹೋದರ ವಿಟಮಿನ್ ಕೊರತೆಯೂ ಸೆಳೆತಕ್ಕೆ ಕಾರಣವಾಗಿರಬಹುದೆಂದು ಸಂದೇಶ ಕಳುಹಿಸಿದ್ದರು.

ಎಐ ನೀಡಿದ ಸುಳಿವು ಏನು?

ತಾಯಿಯ ಲಕ್ಷಣಗಳು, ವೈದ್ಯಕೀಯ ಪರೀಕ್ಷೆಗಳ ಫಲಿತಾಂಶಗಳು ಮತ್ತು ಸ್ಕ್ಯಾನ್‌ಗಳ ಮಾಹಿತಿಯನ್ನು ಎಡ್ವರ್ಡ್ ಎಐ ಉಪಕರಣದಲ್ಲಿ ಪರಿಶೀಲಿಸಿದರು. ಆಗ ಪಾರ್ಕಿನ್ಸನ್ ಕಾಯಿಲೆಗೆ ಬಳಸುವ ಔಷಧಿಯೊಂದಿಗೆ ಸಂಬಂಧ ಹೊಂದಿರಬಹುದಾದ ವಿಟಮಿನ್ ಬಿ6 ಕೊರತೆ ಸೆಳೆತಕ್ಕೆ ಕಾರಣವಾಗಿರಬಹುದು ಎಂಬ ಸುಳಿವು ದೊರೆಯಿತು.

ಎಡ್ವರ್ಡ್ ಈ ಮಾಹಿತಿಯನ್ನು ತಾಯಿಗೆ ಚಿಕಿತ್ಸೆ ನೀಡುತ್ತಿದ್ದ ವೈದ್ಯರೊಂದಿಗೆ ಹಂಚಿಕೊಂಡರು. ವೈದ್ಯರು ವಿಟಮಿನ್ ಬಿ6 ಅನ್ನು ರಕ್ತನಾಳದ ಮೂಲಕ ನೀಡಿದರು. ವರದಿಯ ಪ್ರಕಾರ, ಚಿಕಿತ್ಸೆ ನೀಡಿದ ತಕ್ಷಣವೇ ಸೆಳೆತ ನಿಂತಿತು. ನಿರಂತರ ಸೆಳೆತದಿಂದಾಗಿ ಸ್ನಾಯುಗಳಿಗೆ ಹಾನಿಯಾಗುವ ಗಂಭೀರ ಸಮಸ್ಯೆಯೂ ಆನ್ ಅವರಿಗೆ ಉಂಟಾಗಿತ್ತು.

ಈಗ ಆನ್ ಅವರ ಆರೋಗ್ಯ ಹೇಗಿದೆ?

ಎಪ್ಪತ್ತರ ವಯಸ್ಸಿನ ಕೊನೆಯ ಹಂತದಲ್ಲಿರುವ ಆನ್ ಪ್ಯಾಟ್ರಿಕ್, ಈ ಘಟನೆಯ ನಂತರ ಗಮನಾರ್ಹವಾಗಿ ಚೇತರಿಸಿಕೊಂಡಿದ್ದಾರೆ. ಮಗನ ಪ್ರಕಾರ, ಚಿಕಿತ್ಸೆಯ ಬಳಿಕ ಅವರು ಮತ್ತೆ ಆಸ್ಪತ್ರೆಗೆ ದಾಖಲಾಗುವ ಅಗತ್ಯ ಎದುರಿಸಿಲ್ಲ.

ಈ ಘಟನೆ ಎಐ ವೈದ್ಯಕೀಯ ಮಾಹಿತಿಯನ್ನು ವಿಶ್ಲೇಷಿಸಲು ಹೇಗೆ ನೆರವಾಗಬಹುದು ಎಂಬುದನ್ನು ತೋರಿಸುತ್ತದೆ. ಆದರೆ ಎಐ ನೀಡುವ ಮಾಹಿತಿ ಅಂತಿಮ ವೈದ್ಯಕೀಯ ನಿರ್ಣಯವಲ್ಲ. ಅದು ಸಂಭವನೀಯ ಕಾರಣದ ಸುಳಿವು ನೀಡಬಹುದು; ರೋಗಿಯ ಸ್ಥಿತಿಯನ್ನು ಪರಿಶೀಲಿಸಿ ಸೂಕ್ತ ಚಿಕಿತ್ಸೆ ನೀಡುವುದು ವೈದ್ಯರ ಕೆಲಸ.

ವಿಟಮಿನ್ ಬಿ6 ಪೂರಕಗಳನ್ನು ಸ್ವತಃ ತೆಗೆದುಕೊಳ್ಳುವುದು ಅಥವಾ ಪಾರ್ಕಿನ್ಸನ್ ಔಷಧಿಯನ್ನು ವೈದ್ಯರ ಸಲಹೆಯಿಲ್ಲದೆ ಬದಲಿಸುವುದು ಅಪಾಯಕಾರಿ. ಯಾವುದೇ ಚಿಕಿತ್ಸೆ ಬದಲಾವಣೆಗೆ ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಅತ್ಯಗತ್ಯ.

ಮೆಕ್ಕಾದಲ್ಲಿ ಮುತ್ತು ಕೊಟ್ಟಿದ್ದಕ್ಕೆ ಪತಿ-ಪತ್ನಿಯ ಶಿರಚ್ಛೇದನ: ಕಂದಮ್ಮ ಅನಾಥ- ಅಸಲಿಗೆ ಅಲ್ಲಿ ಆಗಿದ್ದೇ ಬೇರೆ

Suchethana D — Wed, 21 Oct 2026 14:36:04 +0530

ಅವರು ಲವರ್ಸ್ ಅಲ್ಲ, ಬದಲಿಗೆ ಎಂಟು ವರ್ಷದ ಹೆಣ್ಣು ಮಗುವಿನ ಅಪ್ಪ-ಅಮ್ಮ. ಬಾಂಗ್ಲಾದೇಶದ ಈ ದಂಪತಿಗೆ ಮೆಕ್ಕಾಕ್ಕೆ ಹೋಗುವುದು ಹಲವು ವರ್ಷಗಳ ಕನಸಾಗಿತ್ತು. ಅದರಂತೆಯೇ ಅವರು ಮೆಕ್ಕಾಕ್ಕೆ ಹೋಗಿದ್ದರು. ಕೊನೆಗೂ ತಮ್ಮ ಆಸೆ ನೆರವೇರಿದೆ ಎಂದು ಇಬ್ಬರೂ ಭಾವುಕರಾಗಿದ್ದಾರೆ. ಕಣ್ಣಿನಲ್ಲಿ ನೀರು ತುಂಬಿದೆ. ಇದೇ ಖುಷಿಯಲ್ಲಿ ಪತಿ, ತನ್ನದೇ ಪತ್ನಿಯ ಹಣೆಗೆ ಮುತ್ತಿಕ್ಕಿದ್ದಾನೆ. ಆ ಖುಷಿಯಲ್ಲಿ, ಭಾವುಕರಾದ ಅವರು, ಕೊನೆಗೂ ತಮ್ಮ ಆಸೆ ಈಡೇರಿದ್ದಕ್ಕೆ ಅಪ್ಪಿಕೊಂಡಿದ್ದಾರೆ. ಅಲ್ಲಿ ಅಶ್ಲೀಲತೆ ಇರಲಿಲ್ಲ. ಭಾವುಕರಾದಾಗ, ಅದೆಷ್ಟೋ ವರ್ಷಗಳ ಕನಸು ನನಸಾದಾಗ ಪತಿ-ಪತ್ನಿಯೋ ಅಥವಾ ಇನ್ನಾರೋ ಪ್ರೀತಿಯಿಂದ ಮಾಡುವ ಆಲಂಗನ ಅದಾಗಿತ್ತು... ಅಷ್ಟೇ...

ಅಲ್ಲಿಗೆ ಬಂದಿದ್ದ ಹೀನ ಮನಸ್ಥಿತಿಯ ಪಾಕಿಸ್ತಾನಿಯೊಬ್ಬನಿಗೆ ಇದು ಅಶ್ಲೀಲವಾಗಿ ಕಂಡಿತು! ಪತಿ-ಪತ್ನಿ ಸಾರ್ವಜನಿಕವಾಗಿ ಅಸಭ್ಯವಾಗಿ ವರ್ತಿಸಿದಂತೆ ಕಂಡಿತೋ ಅಥವಾ ಇನ್ನೇನು ಹೀನಾಯ ಮನಸ್ಥಿತಿ ಅವನಲ್ಲಿ ಇತ್ತೋ ಗೊತ್ತಿಲ್ಲ. ಅಪವಿತ್ರ ಮತ್ತು ಅಸಭ್ಯ ವರ್ತನೆ' ಇದು ಎಂದು ಹೇಳಿ ವಿಡಿಯೋ ಮಾಡಿಕೊಂಡು ವೈರಲ್ ಮಾಡಿದ. ಆದರೆ ಅಲ್ಲಿ ನಡೆದದ್ದು ಏನು ಎಂದು ಯಾರೂ ನೋಡಲೇ ಇಲ್ಲ. ಅಲ್ಲಿಯ ಮನಸ್ಥಿತಿಗಳಿಗೆ ಕಂಡಿದ್ದು, ಅವರು ಕಿಸ್ ಮಾಡಿದ್ದಾರೆ ಎನ್ನುವುದು. ಸರಿ, ಹೀಗೆ ಸಾರ್ವಜನಿಕವಾಗಿ ಅಶ್ಲೀಲ ವರ್ತನೆ ಮಾಡಿದರೆ, ಅಲ್ಲಿ ಸಿಗುವುದು ಕಠಿಣ ಶಿಕ್ಷೆ ಮರಣದಂಡನೆ. ಈ ಘಟನೆ ಬೇರೆ ಬೇರೆ ರೂಪ ಪಡೆಯಿತು, ಹನಿಮೂನ್ಗೆ ಹೋದಾಗ ಅಶ್ಲೀಲವಾಗಿ ನಡೆದುಕೊಂಡರು, ಎಲ್ಲರ ಎದುರೇ ಏನೇನೋ ಮಾಡಿದರು ಎಂದೆಲ್ಲಾ ಸುದ್ದಿಯಾಯಿತು. ಆದರೆ ಅಸಲಿ ವಿಡಿಯೋ ಈಗ ವೈರಲ್ ಆಗಿದ್ದು, ಅಲ್ಲಿ ನಡೆದದ್ದು ಮೇಲೆ ತಿಳಿಸಿದ ವಿಷಯವಷ್ಟೇ.

ಶಿರಚ್ಛೇದನ ಶಿಕ್ಷೆ

ಆದರೆ, ಅದು ಭಾರತ ಅಲ್ಲವಲ್ಲ! ಸೌದಿ. ಇಸ್ಲಾಮಿಕ್ ಕಾನೂನಿನಡಿ 'ತಜೀರ್' (ನ್ಯಾಯಾಧೀಶರ ವಿವೇಚನೆಗೆ ಬಿಟ್ಟ ಕಠಿಣ ಶಿಕ್ಷೆ) ಅಡಿಯಲ್ಲಿ ಈ ಮರಣದಂಡನೆ ಜಾರಿಗೊಳಿಸಲಾಯಿತು. ಅದು ಶಿರಚ್ಛೇದನದ ಆದೇಶ! ಇಬ್ಬರಿಗೂ ಶಿರಚ್ಛೇದನ ಮಾಡಲಾಯಿತು. ಆದರೆ, ಅಲ್ಲಿ ನಡೆದ ಇನ್ನೊಂದು ಘಟನೆ ಮಾತ್ರ ಎಂಥವರ ಕಣ್ಣಿನಲ್ಲಿಯೂ ನೀರು ತರಿಸುವಂಥದ್ದು. ಅಪ್ಪ-ಅಮ್ಮನ ಶವಕ್ಕೆ 8 ವರ್ಷದ ಮಗಳಿಗೆ ಮಣ್ಣು ಹಾಕಿಸಲಾಯಿತು. ಒಮ್ಮೆ ಊಹಿಸಿಕೊಳ್ಳಿ. ಅಲ್ಲಿ ಅಪ್ಪ ಅಮ್ಮ ಇಬ್ಬರೂ ಶವವಾಗಿ ಬಿದ್ದಿದ್ದಾರೆ. ಆ ಕಂದಮ್ಮನ ಮನಸ್ಥಿತಿ ಅದ್ಹೇಗೆ ಇರಬಹುದು ಎಂದು. ಜೋರಾಗಿ ಅಳುತ್ತಾ ಆ ಕಂದ ಮಣ್ಣು ಹಾಕಿದ್ದಾಳೆ.

ಬಾಂಗ್ಲಾದ ಪ್ರತಿಕ್ರಿಯೆ

ಬಳಿಕ ಶವವನ್ನು ಬಾಂಗ್ಲಾದೇಶಕ್ಕೆ ಕಳುಹಿಸಲಾಗಿದೆ. ತಮ್ಮ ದೇಶದ ಪ್ರಜೆಗಳಿಗೆ ಮರಣದಂಡನೆ ಜಾರಿಗೊಳಿಸುವ ಮುನ್ನ ಸೌದಿ ಸರ್ಕಾರವು ತಮಗೆ ಯಾವುದೇ ಮುನ್ಸೂಚನೆ ಅಥವಾ ಮಾಹಿತಿ ನೀಡಿಲ್ಲ ಎಂದು ಬಾಂಗ್ಲಾದೇಶ ಸರ್ಕಾರ ಅಸಮಾಧಾನ ವ್ಯಕ್ತಪಡಿಸಿದೆ. ಮಸೀದಿಯೊಳಗೆ ದಂಪತಿ ನಡೆಸಿಕೊಂಡ ರೀತಿ ಅಥವಾ ಅಪರಾಧದ ನಿಖರ ಸ್ವರೂಪದ ಬಗ್ಗೆ ಸೌದಿ ಆಡಳಿತವು ಯಾವುದೇ ಅಧಿಕೃತ ಸ್ಪಷ್ಟ ವಿವರಗಳನ್ನು ಬಹಿರಂಗಪಡಿಸಿಲ್ಲ ಎನ್ನಲಾಗಿದ್ದು, ಸದ್ಯ ವೈರಲ್ ಆಗಿರುವ ವಿಡಿಯೋದಲ್ಲಿ ಅಲ್ಲಿ ನಡೆದಿರುವುದು ಯಾವುದೇ ಅಸಭ್ಯ ವರ್ತನೆ ಅಲ್ಲ ಎನ್ನುವುದು ತಿಳಿದುಬಂದಿದೆ. ಆದರೆ ಎಲ್ಲವೂ ಮುಗಿದು ಹೋಗಿದೆ!

Ramayana: ಶ್ರೀರಾಮನಿಗೇ 'ಜಯವಾಗಲಿ' ಎಂದು ರಾವಣನೇ ಕಂಕಣ ಕಟ್ಟಿದ್ದ.. ಅದ್ಯಾಕೆ 'ಶತ್ರು'ವಿಗೇ ಮಿತ್ರನಾಗಿದ್ದು ಅಸುರ? ಏನೋ ಇದೆ ಇಲ್ಲಿ!

Shriram Bhat — Wed, 21 Oct 2026 18:43:35 +0530

ಈ ಇಬ್ಬರು ಬದ್ಧವೈರಿಗಳ ನಡುವೆಯೂ ಧರ್ಮ ಮತ್ತು ಪಾಂಡಿತ್ಯಕ್ಕೆ ವಿಶೇಷ ಸ್ಥಾನವಿತ್ತು ಎನ್ನುವ ಕುತೂಹಲಕಾರಿ ಕಥೆಯೊಂದು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆಯುತ್ತಿದೆ. ಅದುವೇ ಶ್ರೀರಾಮನಿಗೆ ಶಿವಪೂಜೆ ಮಾಡಿಸಿ, ಕೊನೆಗೆ ‘ವಿಜಯೀಭವ’ ಎಂದು ಆಶೀರ್ವದಿಸಿದ ರಾವಣನ ಕಥೆ! ಏನಿದು ಅಚ್ಚರಿ ನೋಡಿ!

ಶ್ರೀರಾಮನಿಗೆ ‘ವಿಜಯೀಭವ’ ಎಂದು ಹರಸಿದ್ಯಾಕೆ ರಾವಣ!? ರಾಮಾಯಣದ ಈ ರೋಚಕ ಕಥೆ ನಿಮಗೆ ಗೊತ್ತೇ?

ಶ್ರೀರಾಮ ಮತ್ತು ರಾವಣ ಎಂದಾಕ್ಷಣ ನೆನಪಾಗುವುದು ಮಹಾಯುದ್ಧ, ಸೀತಾಪಹರಣ ಮತ್ತು ಅಧರ್ಮದ ವಿರುದ್ಧ ಧರ್ಮದ ವಿಜಯ. ಆದರೆ ಈ ಇಬ್ಬರು ಬದ್ಧವೈರಿಗಳ ನಡುವೆಯೂ ಧರ್ಮ ಮತ್ತು ಪಾಂಡಿತ್ಯಕ್ಕೆ ವಿಶೇಷ ಸ್ಥಾನವಿತ್ತು ಎನ್ನುವ ಕುತೂಹಲಕಾರಿ ಕಥೆಯೊಂದು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆಯುತ್ತಿದೆ. ಅದುವೇ ಶ್ರೀರಾಮನಿಗೆ ಶಿವಪೂಜೆ ಮಾಡಿಸಿ, ಕೊನೆಗೆ ‘ವಿಜಯೀಭವ’ ಎಂದು ಆಶೀರ್ವದಿಸಿದ ರಾವಣನ ಕಥೆ!

ನಿತೇಶ್ ತಿವಾರಿ ನಿರ್ದೇಶನದ, ರಣಬೀರ್ ಕಪೂರ್, ಸಾಯಿ ಪಲ್ಲವಿ ಮತ್ತು ಯಶ್ ಅಭಿನಯದ ‘ರಾಮಾಯಣ’ ಸಿನಿಮಾದ ಕುರಿತು ಚರ್ಚೆಗಳು ಜೋರಾಗಿರುವ ಬೆನ್ನಲ್ಲೇ, ಮಹಾಕಾವ್ಯಕ್ಕೆ ಸಂಬಂಧಿಸಿದ ಇಂತಹ ಅಪರೂಪದ ಕಥೆಗಳು ಮತ್ತೊಮ್ಮೆ ಮುನ್ನೆಲೆಗೆ ಬರುತ್ತಿವೆ.

ಶಿವಪೂಜೆಗೆ ಶತ್ರುವನ್ನೇ ಆಹ್ವಾನಿಸಿದ ರಾಮ!

ಜನಪ್ರಚಲಿತ ಕಥೆಯ ಪ್ರಕಾರ, ಲಂಕೆಯ ಮೇಲೆ ಯುದ್ಧ ಸಾರುವ ಮೊದಲು ಶ್ರೀರಾಮನು ರಾಮೇಶ್ವರದಲ್ಲಿ ಶಿವಲಿಂಗವನ್ನು ಪ್ರತಿಷ್ಠಾಪಿಸಿ ಪೂಜೆ ಸಲ್ಲಿಸಲು ನಿರ್ಧರಿಸಿದನು. ಯುದ್ಧದಲ್ಲಿ ಜಯಗಳಿಸಲು ಪರಮಶಿವನ ಅನುಗ್ರಹ ಪಡೆಯುವುದು ಆತನ ಉದ್ದೇಶವಾಗಿತ್ತು. ಪೂಜೆಯನ್ನು ಶಾಸ್ತ್ರೋಕ್ತವಾಗಿ ನೆರವೇರಿಸಲು ಶ್ರೇಷ್ಠ ವೇದಪಂಡಿತನ ಅಗತ್ಯವಿದ್ದಾಗ, ಮಹಾನ್ ಶಿವಭಕ್ತನೂ ಪಾಂಡಿತ್ಯಶಾಲಿಯೂ ಆಗಿದ್ದ ರಾವಣನನ್ನೇ ಪುರೋಹಿತನಾಗಿ ಆಹ್ವಾನಿಸಿದನೆಂದು ಹೇಳಲಾಗುತ್ತದೆ.

ಸೀತೆಯನ್ನು ಕರೆತಂದ ಲಂಕಾಧಿಪತಿ!

ಶತ್ರುವಿನ ಆಹ್ವಾನವಾಗಿದ್ದರೂ, ಬ್ರಾಹ್ಮಣನಾಗಿ ಧಾರ್ಮಿಕ ವಿಧಿವಿಧಾನಗಳನ್ನು ನೆರವೇರಿಸುವುದು ತನ್ನ ಕರ್ತವ್ಯವೆಂದು ರಾವಣ ಒಪ್ಪಿಕೊಂಡನೆಂಬುದು ಈ ಕಥೆಯ ಮತ್ತೊಂದು ವಿಶೇಷ. ಆ ಸಮಯದಲ್ಲಿ ಸೀತೆ ಲಂಕೆಯಲ್ಲಿ ಬಂಧಿಯಾಗಿದ್ದಳು. ಪೂಜೆಗೆ ಪತ್ನಿ ಸಮೇತರಾಗಿ ಕುಳಿತುಕೊಳ್ಳಬೇಕೆಂಬ ಸಂಪ್ರದಾಯದ ಹಿನ್ನೆಲೆಯಲ್ಲಿ, ರಾವಣನು ಸೀತೆಯನ್ನು ಪುಷ್ಪಕ ವಿಮಾನದಲ್ಲಿ ಕರೆತಂದು ಶ್ರೀರಾಮನ ಪಕ್ಕದಲ್ಲಿ ಕೂರಿಸಿದನೆಂದು ಜನಪದ ಕಥೆಗಳು ವಿವರಿಸುತ್ತವೆ.

ತನ್ನ ಶತ್ರುವಿಗೇ ವಿಜಯದ ಆಶೀರ್ವಾದ!

ಪೂಜೆ ಮುಗಿದ ಬಳಿಕ ಶ್ರೀರಾಮನು ಪುರೋಹಿತನಾಗಿದ್ದ ರಾವಣನ ಆಶೀರ್ವಾದ ಪಡೆದನೆಂದೂ, ರಾವಣನು ಆತನಿಗೆ ‘ವಿಜಯೀಭವ’ ಎಂದು ಹರಸಿದನೆಂದೂ ಈ ಕಥೆಯಲ್ಲಿ ಹೇಳಲಾಗುತ್ತದೆ. ಬಳಿಕ ಸೀತೆಯನ್ನು ಮತ್ತೆ ಲಂಕೆಗೆ ಕರೆದೊಯ್ದನೆಂಬ ವಿವರಣೆಯೂ ಇದೆ.

ಆದರೆ, ಈ ಪ್ರಸಂಗವು ಮೂಲ ವಾಲ್ಮೀಕಿ ರಾಮಾಯಣದಲ್ಲಿ ಕಂಡುಬರುವುದಿಲ್ಲ. ಇದು ಅಧ್ಯಾತ್ಮ ರಾಮಾಯಣ ಮತ್ತು ವಿವಿಧ ಪ್ರಾದೇಶಿಕ ಜನಪದ ಪರಂಪರೆಗಳಿಗೆ ಸಂಬಂಧಿಸಿದ ಕಥೆಯಾಗಿ ಜನಪ್ರಿಯವಾಗಿದೆ. ರಾವಣನ ಪಾಂಡಿತ್ಯ, ಶಿವಭಕ್ತಿ ಮತ್ತು ಧಾರ್ಮಿಕ ಕರ್ತವ್ಯನಿಷ್ಠೆಯನ್ನು ನೆನಪಿಸುವ ಈ ಪ್ರಸಂಗ, ಶತ್ರುತ್ವದ ನಡುವೆಯೂ ಧರ್ಮಕ್ಕೆ ಮಹತ್ವ ನೀಡುವ ಸಂದೇಶವನ್ನು ಸಾರುತ್ತದೆ.

ಶ್ರೀರಾಮ-ರಾವಣ ಯುದ್ಧಕ್ಕೂ ಮುನ್ನ ನಡೆದ ಅಚ್ಚರಿಯ ಸಂಗತಿಯೊಂದು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. 'ಶತ್ರುವಾಗಿದ್ದರೂ, 'ರಾಘವನಿಗೆ ಜಯವಾಗಲಿ' ಎಂದು ರಾವಣನೇ ಹರಸಿದ್ದನಂತೆ' ಎಂಬ ಸುದ್ದಿ ಇದೀಗ ಜಗತ್ತಿನ ತುಂಬೆಲ್ಲಾ ಹರಡಿದ್ದು, ತ್ರೇತಾಯುಗದಲ್ಲಿ ಧರ್ಮಕ್ಕೆ ಅದೆಷ್ಟು ಮಹತ್ವದ ಸ್ಥಾನ ಇತ್ತು, ಹಾಗೂ ಮಾನವ-ದಾನವ ಎಲ್ಲರಲ್ಲಿಯೂ ಧರ್ಮ ಮನೆಮಾಡಿತ್ತು ಎನ್ನಲಾಗುತ್ತಿದೆ.

ಉಲ್ಟಾ ಆಗುತ್ತಾ ಭೂಮಿ? ಪೃಥ್ವಿಯ ನಾರ್ತ್ ಹಾಗೂ ಸೌತ್ ಪೋಲ್ ಸ್ಥಾನ ಬದಲು ಪತ್ತೆ ಹಚ್ಚಿದ ಅಧ್ಯಯನ

Chethan Kumar — Wed, 21 Oct 2026 11:23:58 +0530

ಭೂಮಿ ತಿರುಗುತ್ತದೆ ಅನ್ನೋದು ಎಲ್ಲರಿಗೂ ತಿಳಿದಿದೆ. ಆದರೆ ಭೂಮಿ ತನ್ನ ಸ್ಥಾನ ಬದಲಿಸುತ್ತಾ? ಭೂಮಿಯ ನಾರ್ತ್ ಫೋಲ್ ಹಾಗೂ ಸೌತ್ ಪೋಲ್ ಸ್ಥಾನ ಬದಲಿಸುತ್ತಾ? ಈ ಕುರಿತು ಹಲವು ಕುತೂಹಲಕ್ಕೆ ವಿಜ್ಞಾನಿಗಳ ಅಧ್ಯಯನ ತಂಡ ಖಚಿತ ಮಾಹಿತಿ ನೀಡಿದೆ. ಟ್ರು ಪೋಲಾರ್ ವ್ಯಾಂಡರ್ ಎಂದು ವಿಜ್ಞಾನಿಗಳು ಈ ಚಲನೆಯನ್ನು ಕರೆದಿದ್ದಾರೆ. ಬರೋಬ್ಬರಿ ನಾಲ್ಕು ಬಾರಿ ಭೂಮಿಯ ಉತ್ತರ ಧ್ರುವ ಹಾಗೂ ದಕ್ಷಿಣ ಧ್ರುವ ಸ್ಥಾನ ಬದಲಿಸಿದೆ. ಈ ಮೂಲಕ ಭೂಮಿ ಕುರಿತು ಮಹತ್ವದ ಮಾಹಿತಿಯೊಂದನ್ನು ವಿಜ್ಞಾನಿಗಳು ನೀಡಿದ್ದಾರೆ. ಭೂಮಿಯಲ್ಲಿ ಆಗುತ್ತಿರುವ ಪ್ರಾಕೃತಿಕ ಬದಲಾವಣೆಗೂ ಧ್ರುವ ಚಲನೆಗೂ ಸಂಬಂಧ ಇದೆ.

320 ದಶಲಕ್ಷ ವರ್ಷಗಳ ಭೂಮಿ ಚಲನೆ ಅಧ್ಯಯನ

ಕಳೆದ 320 ದಶಲಕ್ಷ ವರ್ಷಗಳಲ್ಲಿ ಭೂಮಿಯ ಚಲನೆಯನ್ನು ಅಧ್ಯಯನ ಮಾಡಲಾಗಿದೆ. ವಿಶೇಷ ಅಂದರೆ 320 ದಶಲಕ್ಷ ವರ್ಷಗಳಲ್ಲಿ ಭೂಮಿ ನಾಲ್ಕು ಬಾರಿ ಸೌತ್ ಪೋಲ್ ಹಾಗೂ ನಾರ್ತ್ ಪೋಲ್ ಸ್ಥಾನ ಬದಲಿಸಿದೆ. ಈ ಕುರಿತು ಅಕ್ಟೋಬರ್ 19 ರಂದು ಸ್ಮಿತ್‌ಸೋನಿಯನ್ ಮ್ಯಾಗಜಿನ್‌ನಲ್ಲಿ ಅಧ್ಯಯನ ವರದಿ ಪ್ರಕಟಿಸಲಾಗಿದೆ. ಜರ್ನಲ್ ಸೈನ್ಸ್ ನಡೆಸಿದ ಈ ಅಧ್ಯಯನ ವರದಿ ಹಲವು ಅಚ್ಚರಿಗೆ ಕಾರಣವಾಗಿದೆ.

10 ಸೆಂಟಿಮೀಟರ್ ವೇಗದಲ್ಲಿ ಚಲನೆ

ಸೌತ್ ಹಾಗೂ ನಾರ್ತ್ ಪೋಲ್ ಸ್ಥಾನ ಬದಲಾವಣೆ ಪತ್ತೆ ಹಚ್ಚುವುದು ಅತ್ಯಂತ ಸವಾಲಿನ ಕೆಲಸವಾಗಿತ್ತು. ಸಮುದ್ರ ಮಟ್ಟದ ಬದಲಾವಣೆಯನ್ನು ಪ್ರಮುಖ ಆಧಾರವಾಗಿಟ್ಟುಕೊಂಡು ಭೂಮಿಯ ಅಧ್ಯಯನ ನಡೆಸಲಾಗಿದೆ. ಭೂಮಿಯ ಧ್ರುವಗಳು ವರ್ಷಕ್ಕೆ 10 ಸೆಂಟಿಮೀಟರ್ ವೇಗದಲ್ಲಿ ಚಲಿಸುತ್ತದೆ. ಹೀಗಾಗಿ ಧ್ರುವಗಳ ಸ್ಥಾನ ಬದಲಾವಣೆ ವೇಗ ಅತೀ ಕಡಿಮೆಯಾದರೂ ಬದಲಾವಣೆ ಖಚಿತ. ಕೊನೆಯ ಬಾರಿಗೆ ಭೂಮಿಯ ಪೋಲಾರ್ ವ್ಯಾಂಡರ್ ಬದಲಾವಣೆ 48 ರಿಂದ 56 ದಶಲಕ್ಷ ವರ್ಷಗಳ ಹಿಂದೆ ಸಂಭವಿಸಿದೆ. ಮುಂದೆಯೂ ಸಂಭವಿಸಲಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

ಧ್ರುವ ಸ್ಥಾನ ಬದಲಾವಣೆಯಿಂದ ಆಗೋ ಪರಿಣಾಮವೇನು?

ಭೂಮಿಯ ಸ್ಥಾನ ಅತ್ಯಂತ ಪ್ರಮುಖವಾಗಿದೆ. ಸೌರಮಂಡಲದಲ್ಲಿನ ಪ್ರತಿಯೊಂದು ಗ್ರಹಗಳ ಸ್ಥಾನ ಪಲ್ಲಟ ಭಾರಿ ಪರಿಣಾಮ ಬೀರಲಿದೆ. ತನ್ನ ಅಕ್ಷೆಯಲ್ಲಿ ಗ್ರಹಗಳು ಸುತ್ತುತ್ತವೆ. ಆದರೆ ಸ್ಥಾನ ಪಲ್ಲಟವಾದಾಗ ಇತರ ಗ್ರಹಗಳ ಮೇಲೂ ಪರಿಣಾಮ ಬೀರಲಿದೆ. ಭೂಮಿಯ ದಕ್ಷಿಣ ಧ್ರುವ ಹಾಗೂ ಉತ್ತರ ಧ್ರುವಗಳ ಸ್ಥಾನ ಬದಲಾವಣೆಯಿಂದ ಭೂಮಿಯ ಸಮುದ್ರ ಮಟ್ಟದಲ್ಲಿ ಭಾರಿ ಏರಿಳಿತಗಳಾಗುತ್ತದೆ. ಈ ಏರಿಳಿತಗಳು ಅಪಾಯಕ್ಕೂ ಕಾರಣವಾಗಲಿದೆ.

ಸಮುದ್ರ ಮಟ್ಟದಲ್ಲಿ ಆದ ಏರಿಳಿತಗಳಿಂದ ಪ್ರಾಕೃತಿಕ ವಿಕೋಪಗಳು ಸಂಭವಿಸಿದೆ. ಇವೆಲ್ಲವೂ ಭೂಮಿಯ ಸ್ಥಾನ ಪಲ್ಲಟನೆಯಿಂದ ಆಗಿರುವ ಅನಾಹುತಗಳು ಎಂದು ಹೇಳಲು ಸಾಧ್ಯವಿಲ್ಲ. ಆದರೆ ನಾರ್ತ್ ಫೋಲ್ ಹಾಗೂ ಸೌತ್ ಪೋಲ್ ಸ್ಥಾನ ಬದಲಾವಣೆಗಳಿಂದ ಸಮುದ್ರ ಮಟ್ಟದಲ್ಲಿ ಏರಿಳಿತ ಉಂಟಾಗಲಿದೆ ಅನ್ನೋದು ಖಚಿತ.

ನ್ಯೂಜಿಲೆಂಡ್ನಿಂದ ಭಾರತದಲ್ಲಿ 20 ಲಕ್ಷ ಕೋಟಿ ಹೂಡಿಕೆ: ಭರಪೂರ ಉದ್ಯೋಗಾವಕಾಶ, ರೈತರಿಗೂ ಬಂಪರ್

Suchethana D — Mon, 19 Oct 2026 22:26:12 +0530

ದೆಹಲಿ: ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಮುಕ್ತ ವ್ಯಾಪಾರ ಒಪ್ಪಂದವು ನಾಳೆಯಿಂದ ಜಾರಿಗೆ ಬರಲಿದ್ದು, ಈ ಒಪ್ಪಂದದ ಜಾರಿ ಸಭೆ ಇಂದು ದೆಹಲಿಯಲ್ಲಿ ನಡೆಯಿತು. ಈ ಸಭೆಯಲ್ಲಿ ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪಿಯೂಷ್ ಗೋಯಲ್, ಈ ಒಪ್ಪಂದವು 'ವಿಕಸಿತ ಭಾರತ 2047'ಕ್ಕಾಗಿ ಪ್ರಧಾನಿ ನರೇಂದ್ರ ಮೋದಿ ಅವರು ಹೊಂದಿರುವ ದೂರದೃಷ್ಟಿಗೆ ಪೂರಕವಾಗಿದೆ ಎಂದು ಹೇಳಿದ್ದಾರೆ.

ಈ ಒಪ್ಪಂದವು ಭಾರತದ ರಫ್ತುದಾರರಿಗೆ, ವಿಶೇಷವಾಗಿ ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ಯಮಗಳಿಗೆ , ಕುಶಲಕರ್ಮಿಗಳಿಗೆ, ರೈತರಿಗೆ ಮತ್ತು ಔಷಧೀಯ ವಲಯಕ್ಕೆ ಹೊಸ ಅವಕಾಶಗಳನ್ನು ಕಲ್ಪಿಸಿಕೊಡುತ್ತದೆ. 2030ರ ವೇಳೆಗೆ ನ್ಯೂಜಿಲೆಂಡ್‌ನೊಂದಿಗಿನ ಸರಕು ಮತ್ತು ಸೇವೆಗಳ ದ್ವಿಪಕ್ಷೀಯ ವ್ಯಾಪಾರವನ್ನು ಸುಮಾರು 35 ಸಾವಿರ ಕೋಟಿ ರೂಪಾಯಿಗಳಿಗೆ, ಅಂದರೆ ಪ್ರಸ್ತುತ ಮಟ್ಟಕ್ಕಿಂತ ದುಪ್ಪಟ್ಟುಗೊಳಿಸುವ ಗುರಿಯೊಂದಿಗೆ ಕೆಲಸ ಮಾಡಲು ಎರಡೂ ದೇಶಗಳು ಒಪ್ಪಿಕೊಂಡಿವೆ ಎಂದು ಸಚಿವರು ಹೇಳಿದರು.

ಕಳೆದ ಏಪ್ರಿಲ್ನಲ್ಲಿ ಸಹಿ

ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಈ ಮುಕ್ತ ವ್ಯಾಪಾರ ಒಪ್ಪಂದ- FTA ಗೆ ಕಳೆದ ಏಪ್ರಿಲ್‌ನಲ್ಲಿ ದೆಹಲಿಯ 'ಭಾರತ ಮಂಟಪಂ'ನಲ್ಲಿ ಸಹಿ ಹಾಕಲಾಗಿತ್ತು. ಈ ಒಪ್ಪಂದವು ಸೇವೆಗಳು, ಹೂಡಿಕೆ ಹಾಗೂ ವೃತ್ತಿಪರರು, ವಿದ್ಯಾರ್ಥಿಗಳು ಮತ್ತು ಯುವಜನರ ಓಡಾಟಕ್ಕೆ ಹೊಸ ಅವಕಾಶಗಳನ್ನು ಸೃಷ್ಟಿಸಲಿದೆ; ಇದರಲ್ಲಿ ಭಾರತೀಯ ವೃತ್ತಿಪರರು ಮತ್ತು ವಿದ್ಯಾರ್ಥಿಗಳಿಗೆ ಹೆಚ್ಚಿನ ಅವಕಾಶಗಳು ಲಭ್ಯವಾಗಲಿವೆ.

ಭಾರತದ ರೈತರಿಗೆ ಹಣ್ಣುಗಳು, ತರಕಾರಿಗಳು, ಸಾಂಬಾರ ಪದಾರ್ಥಗಳು ಮತ್ತು ಇತರ ಕೃಷಿ ಉತ್ಪನ್ನಗಳಿಗೆ ವಿಶಾಲವಾದ ಮಾರುಕಟ್ಟೆ ಪ್ರವೇಶಾವಕಾಶ ಈ ಒಪ್ಪಂದದಿಂದ ಲಭಿಸಲಿದೆ ಎಂದ ಸಚಿವರು, ಈ ಒಪ್ಪಂದವು ಉತ್ಪಾದಕತೆಯನ್ನು ಹೆಚ್ಚಿಸಲು, ಹೆಚ್ಚಿನ ಆದಾಯವನ್ನು ಬೆಂಬಲಿಸಲು ಮತ್ತು ಜೀವನೋಪಾಯವನ್ನು ಬಲಪಡಿಸಲು ಸಹಾಯ ಮಾಡುತ್ತದೆ ಎಂದು ತಿಳಿಸಿದರು. ಸರ್ಕಾರದ ಕಾರ್ಯತಂತ್ರದಲ್ಲಿ ರೈತರ ಕಲ್ಯಾಣಕ್ಕೆ ಅಗ್ರಗಣ್ಯ ಆದ್ಯತೆ ನೀಡಲಾಗಿದ್ದು, ಹೈನುಗಾರಿಕೆಯಂತಹ ಸೂಕ್ಷ್ಮ ವಲಯಗಳಿಗೆ ಸೂಕ್ತ ರಕ್ಷಣೆ ಕಲ್ಪಿಸಲಾಗಿದೆ ಎಂದರು.

20 ಶತಕೋಟಿ ಡಾಲರ್ ಹೂಡಿಕೆ

ಭಾರತದಲ್ಲಿ 20 ಶತಕೋಟಿ ಡಾಲರ್‌ಗಳ ಹೂಡಿಕೆಗೆ ಅನುಕೂಲ ಕಲ್ಪಿಸುವ ನ್ಯೂಜಿಲೆಂಡ್‌ನ ಬದ್ಧತೆಯು, ಉತ್ಪಾದನಾ ವಲಯ, ಮೂಲಸೌಕರ್ಯ, ಸೇವೆಗಳು ಮತ್ತು ನಾವೀನ್ಯತೆಯನ್ನು ಬಲಪಡಿಸಲು ಅಪಾರ ಸಾಮರ್ಥ್ಯವನ್ನು ಹೊಂದಿದೆ. ಜೊತೆಗೆ ಈ ಒಪ್ಪಂದವು ಉದ್ಯೋಗಾವಕಾಶಗಳನ್ನು ಸೃಷ್ಟಿಸಲಿದೆ ಎಂದು ಸಚಿವ ಪಿಯೂಷ್‌ ಗೋಯಲ್‌ ಹೇಳಿದರು. ಉಭಯ ರಾಷ್ಟ್ರಗಳ ನಡುವಿನ ಬೆಳವಣಿಗೆ ಮತ್ತು ಪರಸ್ಪರ ಸಮೃದ್ಧಿಯ ಹಂಚಿಕೆಯ ದೃಷ್ಟಿಕೋನದೊಂದಿಗೆ, ಈ ಪರಸ್ಪರ ಲಾಭದಾಯಕ ಪಾಲುದಾರಿಕೆಯು ಭವಿಷ್ಯದಲ್ಲಿ ಇನ್ನೂ ಅನೇಕ ಮೈಲಿಗಲ್ಲುಗಳನ್ನು ತಲುಪಲಿದೆ ಎಂದರು.

ಭಾರತ ಮತ್ತು ನ್ಯೂಜಿಲೆಂಡ್ ದೀರ್ಘಕಾಲದ ಮತ್ತು ನಿಕಟ ಸಂಬಂಧಗಳನ್ನು ಹೊಂದಿವೆ. ಈ ಸಂಬಂಧವು ಜನರ ನಡುವಿನ ಬಲವಾದ ಬಾಂಧವ್ಯವನ್ನು ಆಧರಿಸಿದ್ದು, ವ್ಯಾಪಾರ ಮತ್ತು ಹೂಡಿಕೆ, ಕೃಷಿ, ಶಿಕ್ಷಣ, ಕ್ರೀಡೆ, ತಂತ್ರಜ್ಞಾನ ಹಾಗೂ ಇತರ ಕ್ಷೇತ್ರಗಳಲ್ಲಿ ಸಹಕಾರವನ್ನು ವಿಸ್ತರಿಸುತ್ತಿದೆ.

ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ದ್ವಿಪಕ್ಷೀಯ ಸರಕು ವ್ಯಾಪಾರವು 2025-26ರಲ್ಲಿ ಸುಮಾರು 1.1 ಬಿಲಿಯನ್ ಅಮೆರಿಕನ್ ಡಾಲರ್‌ಗಳಷ್ಟಿತ್ತು. ಈ ಮುಕ್ತ ವ್ಯಾಪಾರ ಒಪ್ಪಂದವು, ಉಭಯ ದೇಶಗಳ ನಡುವಿನ ಬಾಂಧವ್ಯವನ್ನು ಇನ್ನಷ್ಟು ಬಲಪಡಿಸುವಲ್ಲಿ ಮತ್ತು ಎರಡೂ ದೇಶಗಳ ಉದ್ಯಮಗಳು ಹಾಗೂ ಸಮುದಾಯಗಳಿಗೆ ಹೊಸ ಅವಕಾಶಗಳನ್ನು ಸೃಷ್ಟಿಸುವಲ್ಲಿ ಒಂದು ಮಹತ್ವದ ಹೆಜ್ಜೆಯಾಗಿದೆ. ಈ ಒಪ್ಪಂದದ ಅಡಿಯಲ್ಲಿ, ಭಾರತದಿಂದ ನ್ಯೂಜಿಲೆಂಡ್‌ಗೆ ರಫ್ತಾಗುವ ಎಲ್ಲಾ ಸರಕುಗಳಿಗೆ ಶೇಕಡಾ 100 ರಷ್ಟು ಸುಂಕ ರಹಿತ ಪ್ರವೇಶಾವಕಾಶ ಸಿಗಲಿದೆ.

ದುಬೈನಲ್ಲಿ ಒಂದೇ ಒಂದು ನದಿಯಿಲ್ಲ, ಆದರೂ ಕೊರತೆಯಿಲ್ಲ ನೀರು: ಕೋಟಿ ಕೋಟಿ ಲೀಟರ್ ಕುಡಿಯುವ ನೀರು ಬರುವುದಾದರೂ ಎಲ್ಲಿಂದ?

Santosh Naik — Tue, 20 Oct 2026 20:59:30 +0530

ಬೆಂಗಳೂರು (ಅ.20): ಅರಬ್ ಸಂಯುಕ್ತ ಸಂಸ್ಥಾನದ (UAE) ಪ್ರಸಿದ್ಧ ನಗರವಾದ 'ದುಬೈ' ಎಂದರೆ ತಕ್ಷಣ ನೆನಪಾಗುವುದು ಬೃಹತ್ ಗಗನಚುಂಬಿ ಕಟ್ಟಡಗಳು, ಐಷಾರಾಮಿ ಜೀವನ ಶೈಲಿ ಹಾಗೂ ಆಧುನಿಕ ತಂತ್ರಜ್ಞಾನ. ಆದರೆ, ಈ ಮರುಭೂಮಿಯ ನಗರದಲ್ಲಿ ಹರಿಯಲು ಒಂದೇ ಒಂದು ಬೃಹತ್ ನದಿಯಾಗಲಿ ಅಥವಾ ಸಿಹಿ ನೀರಿನ ಯಾವುದೇ ನೈಸರ್ಗಿಕ ಮೂಲಗಳಾಗಲಿ ಇಲ್ಲ ಎಂಬುದು ಹಲವರಿಗೆ ತಿಳಿದಿಲ್ಲ. ಹೀಗಿದ್ದರೂ, ಪ್ರತಿದಿನ ಲಕ್ಷಾಂತರ ಮನೆಗಳಿಗೆ, ಪಂಚತಾರಾ ಹೋಟೆಲ್‌ಗಳಿಗೆ ಹಾಗೂ ಬೃಹತ್ ವಾಣಿಜ್ಯ ಸಂಕೀರ್ಣಗಳಿಗೆ ಯಾವುದೇ ಅಡೆತಡೆಯಿಲ್ಲದೆ ಕುಡಿಯುವ ನೀರು ಸರಬರಾಜಾಗುತ್ತಿದೆ.

ಹಾಗಾದರೆ, ಯಾವುದೇ ನದಿ-ತೊರೆಗಳಿಲ್ಲದ ದುಬೈಗೆ ಇಷ್ಟೊಂದು ಭಾರಿ ಪ್ರಮಾಣದ ನೀರು ಎಲ್ಲಿಂದ ಬರುತ್ತದೆ? ಎಂಬ ಪ್ರಶ್ನೆಗೆ ಸಿಗುವ ಉತ್ತರ: 'ಅರೇಬಿಯನ್ ಸಮುದ್ರ' (Arabian Sea).

ಉಪ್ಪು ನೀರನ್ನು ಸಿಹಿ ನೀರಾಗಿ ಪರಿವರ್ತಿಸುವ ತಂತ್ರಜ್ಞಾನ (Desalination)

ದುಬೈ ನಗರದ ಶೇಕಡಾ 90 ಕ್ಕೂ ಹೆಚ್ಚಿನ ನೀರಿನ ಅಗತ್ಯವನ್ನು ಸಮುದ್ರದ ಉಪ್ಪು ನೀರನ್ನು ಶುದ್ಧೀಕರಿಸುವ ಮೂಲಕವೇ ಪೂರೈಸಲಾಗುತ್ತದೆ. 'ದುಬೈ ಎಲೆಕ್ಟ್ರಿಸಿಟಿ ಅಂಡ್ ವಾಟರ್ ಅಥಾರಿಟಿ' (DEWA) ನೀಡಿರುವ ಮಾಹಿತಿಯಂತೆ, ಸಮುದ್ರದ ನೀರನ್ನು 'ಡಿಸಲೈನೇಷನ್ ಪ್ಲಾಂಟ್'ಗೆ (Desalination Plant) ಕೊಂಡೊಯ್ದು, 'ಸೀ ವಾಟರ್ ರಿವರ್ಸ್ ಆಸ್ಮೋಸಿಸ್' (SWRO) ಎಂಬ ಅತ್ಯಾಧುನಿಕ ತಂತ್ರಜ್ಞಾನದ ಮೂಲಕ ಕುಡಿಯಲು ಯೋಗ್ಯವಾದ ನೀರನ್ನಾಗಿ ಪರಿವರ್ತಿಸಲಾಗುತ್ತದೆ.

ಈ ಪ್ರಕ್ರಿಯೆಯಲ್ಲಿ ಸಮುದ್ರದ ಉಪ್ಪು ನೀರನ್ನು ತೀರಾ ಸೂಕ್ಷ್ಮವಾದ ವಿಶೇಷ ಮೆಂಬ್ರೇನ್‌ಗಳ (Membranes) ಮೂಲಕ ಭಾರಿ ಒತ್ತಡದೊಂದಿಗೆ ಹಾಯಿಸಲಾಗುತ್ತದೆ. ಈ ಮೆಂಬ್ರೇನ್‌ಗಳು ನೀರಿನಲ್ಲಿರುವ ಉಪ್ಪು, ಖನಿಜಗಳು ಹಾಗೂ ಇತರ ಅಶುದ್ಧತೆಗಳನ್ನು ತಡೆಹಿಡಿದು, ಸಂಪೂರ್ಣ ಶುದ್ಧ ನೀರನ್ನು ಮಾತ್ರ ಮುಂದೆ ಕಳುಹಿಸುತ್ತವೆ.

ಡಿಇಡಬ್ಲ್ಯೂಎ (DEWA) ಬಿಡುಗಡೆ ಮಾಡಿರುವ 2025 ರ ಸುಸ್ಥಿರತೆ ವರದಿಯ (Sustainability Report) ಪ್ರಕಾರ, ಆ ವರ್ಷದ ಅಂತ್ಯದ ವೇಳೆಗೆ ದುಬೈನಲ್ಲಿ ಪ್ರತಿದಿನ ಬರೋಬ್ಬರಿ 495 ಮಿಲಿಯನ್ ಇಂಪೀರಿಯಲ್ ಗ್ಯಾಲನ್ (MIGD) ನಷ್ಟು ಉಪ್ಪು ನೀರನ್ನು ಸಿಹಿ ನೀರನ್ನಾಗಿ ಪರಿವರ್ತಿಸುವ ಸಾಮರ್ಥ್ಯವಿತ್ತು. 2025 ರ ಒಂದೇ ವರ್ಷದಲ್ಲಿ ಡಿಇಡಬ್ಲ್ಯೂಎ ಒಟ್ಟು 1,58,359 ಮಿಲಿಯನ್ ಇಂಪೀರಿಯಲ್ ಗ್ಯಾಲನ್ ಸಂಸ್ಕರಿಸಿದ ನೀರನ್ನು ಉತ್ಪಾದಿಸಿತ್ತು. ಅದೇ ವರ್ಷದ ಆಗಸ್ಟ್ 25 ರಂದು ನಗರದ ದಿನನಿತ್ಯದ ನೀರಿನ ಬೇಡಿಕೆಯು 487 ಮಿಲಿಯನ್ ಇಂಪೀರಿಯಲ್ ಗ್ಯಾಲನ್‌ಗೆ ತಲುಪಿ ದಾಖಲೆ ಬರೆದಿತ್ತು.

ವಿಶ್ವ ಆರೋಗ್ಯ ಸಂಸ್ಥೆಯ (WHO) ಜಾಗತಿಕ ಮಾನದಂಡ

ಸಮುದ್ರದ ನೀರನ್ನು ಶುದ್ಧೀಕರಿಸಿದ ನಂತರ, ಅದನ್ನು ನೇರವಾಗಿ ವಿತರಿಸುವುದಿಲ್ಲ. ಪ್ರಯೋಗಾಲಯಗಳಲ್ಲಿ ನೀರಿನ ಗುಣಮಟ್ಟವನ್ನು ಕೂಲಂಕಷವಾಗಿ ಪರೀಕ್ಷಿಸಲಾಗುತ್ತದೆ. ಡಿಇಡಬ್ಲ್ಯೂಎ ಸರಬರಾಜು ಮಾಡುವ ಈ ಶುದ್ಧ ಕುಡಿಯುವ ನೀರು 'ವಿಶ್ವ ಆರೋಗ್ಯ ಸಂಸ್ಥೆ' (WHO) ನಿಗದಿಪಡಿಸಿರುವ ಇತ್ತೀಚಿನ ಕಟ್ಟುನಿಟ್ಟಿನ ಕುಡಿಯುವ ನೀರಿನ ಗುಣಮಟ್ಟದ ಮಾರ್ಗದರ್ಶಿಸೂಚಿಗಳಿಗೆ ಸಂಪೂರ್ಣವಾಗಿ ಬದ್ಧವಾಗಿದೆ.

ದುಬೈನಲ್ಲಿ ಅಂತರ್ಜಲ (Groundwater) ಇಲ್ಲವೇ?

ದುಬೈನಲ್ಲಿ ಅಂತರ್ಜಲದ ಬಾವಿಗಳೇ ಇಲ್ಲವೇ ಎಂದರೆ, ಖಂಡಿತ ಇವೆ. ಆದರೆ ಅವುಗಳನ್ನು ಮುಖ್ಯವಾಗಿ ತುರ್ತು ಪರಿಸ್ಥಿತಿಗಳಲ್ಲಿ ಹಾಗೂ ತೀರಾ ಅಗತ್ಯವಿದ್ದಾಗ ಮಾತ್ರ ಬಳಸಲಾಗುತ್ತದೆ. ಡಿಇಡಬ್ಲ್ಯೂಎ ಅಂಕಿಅಂಶಗಳ ಪ್ರಕಾರ, 2025 ರಲ್ಲಿ ಈ ಅಂತರ್ಜಲ ಬಾವಿಗಳಿಂದ ತೆಗೆಯಲಾದ ನೀರಿನ ಸರಾಸರಿ ಪ್ರಮಾಣ ಪ್ರತಿದಿನ ಕೇವಲ 1.155 ಮಿಲಿಯನ್ ಇಂಪೀರಿಯಲ್ ಗ್ಯಾಲನ್ ಮಾತ್ರ. ಅಂದರೆ ಸಂಸ್ಕರಿಸಿದ ಸಮುದ್ರದ ನೀರಿಗೆ ಹೋಲಿಸಿದರೆ ಅಂತರ್ಜಲದ ಬಳಕೆ ಶೇಕಡಾ 1 ಕ್ಕಿಂತಲೂ ಕಡಿಮೆಯಾಗಿದೆ.

ವಿಶ್ವ ದಾಖಲೆ ಬರೆದ ಜಲ ಸಂಸ್ಕರಣಾ ಘಟಕ!

ವಿಶ್ವದ ಅತಿ ದೊಡ್ಡ ನೀರು ಸಂಸ್ಕರಣಾ ಘಟಕಗಳಲ್ಲಿ ಒಂದಾದ ದುಬೈನ 'ಜೆಬೆಲ್ ಅಲಿ ಪವರ್ ಅಂಡ್ ಡಿಸಲೈನೇಷನ್ ಕಾಂಪ್ಲೆಕ್ಸ್' (Jebel Ali Power & Desalination Complex) ಅನ್ನು ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ (Guinness World Records) ಸಂಸ್ಥೆಯು 'ವಿಶ್ವದ ಅತಿ ದೊಡ್ಡ ಸಿಂಗಲ್-ಸೈಟ್ ವಾಟರ್ ಡಿವೇಸಲೈನೇಷನ್ ಫೆಸಿಲಿಟಿ' ಎಂದು ಅಧಿಕೃತವಾಗಿ ಗುರುತಿಸಿದೆ. ಇದರ ದಿನನಿತ್ಯದ ನೀರು ಉತ್ಪಾದನಾ ಸಾಮರ್ಥ್ಯ ಬರೋಬ್ಬರಿ 490 ಮಿಲಿಯನ್ ಇಂಪೀರಿಯಲ್ ಗ್ಯಾಲನ್ ಆಗಿದೆ.

ಇದರ ಜೊತೆಗೆ, ಹಸ್ಯಾನ್ (Hassyan) ಎಂಬಲ್ಲಿ ಪ್ರತಿದಿನ 180 ಮಿಲಿಯನ್ ಇಂಪೀರಿಯಲ್ ಗ್ಯಾಲನ್ ಸಾಮರ್ಥ್ಯದ ಮತ್ತೊಂದು ಬೃಹತ್ 'ಸೀ ವಾಟರ್ ರಿವರ್ಸ್ ಆಸ್ಮೋಸಿಸ್' ಯೋಜನೆಯನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ. ಒಟ್ಟಾರೆಯಾಗಿ ಹೇಳುವುದಾದರೆ, ದುಬೈ ನಗರದ ನೀರಿನ ಮೂಲವು ಯಾವುದೇ ರಹಸ್ಯ ನದಿ ಅಥವಾ ಸರೋವರದಲ್ಲಿ ಅಡಗಿಲ್ಲ; ಬದಲಿಗೆ ಆಧುನಿಕ ವಿಜ್ಞಾನ ಹಾಗೂ ಉಪ್ಪು ನೀರನ್ನು ಸಿಹಿ ನೀರನ್ನಾಗಿ ಬದಲಾಯಿಸುವ ಮಾನವನ ತಾಂತ್ರಿಕ ಕೌಶಲ್ಯದಲ್ಲಿದೆ!

Gen-Z ಅರಾಜಕತೆ; ಹಿಂಸೆ, ದರೋಡೆ ಹತ್ತಿಕ್ಕಲು ಫ್ರಾನ್ಸ್‌ನಲ್ಲಿ ಕರ್ಫ್ಯೂ; ಲೂಟಿ ತಡೆಗೆ ಸರ್ಕಸ್‌

Kannadaprabha News — Tue, 20 Oct 2026 08:59:40 +0530

ಪ್ಯಾರಿಸ್‌: ಅಕ್ರಮ ವಲಸಿಗರಿಂದ ಭಾರೀ ಹಿಂಸಾಚಾರ, ಲೂಟಿಗೆ ತುತ್ತಾದ ಯುರೋಪ್‌ನ ದೇಶವಾದ ಫ್ರಾನ್ಸ್‌ನಲ್ಲಿ ಇದೀಗ ದರೋಡೆ, ಹಿಂಸೆ ತಡೆಗೆ ಕರ್ಫ್ಯೂ ಜಾರಿಗೆ ಸರ್ಕಾರ ಆದೇಶಿಸಿದೆ. ಈ ನಡುವೆ ವಾರಾಂತ್ಯದಲ್ಲಿ ನಡೆದ ಘಟನೆ ನಿಯಂತ್ರಣ ವೈಫಲ್ಯದ ಹೊಣೆ ಹೊತ್ತು ಆಂತರಿಕ ಸಚಿವ ಲಾರೆಂಟ್ ನುನೆಜ್ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ. ಮತ್ತೊಂದೆಡೆ ದುಷ್ಕರ್ಮಿಗಳ ವಿರುದ್ಧ ಪೊಲೀಸರು ಕೈಗೊಂಡ ಕ್ರಮವನ್ನು ಸರ್ಕಾರ ಬಲವಾಗಿ ಸಮರ್ಥಿಸಿಕೊಂಡಿದೆ.

ಸರ್ಕಾರದಿಂದ ತುರ್ತು ಸಭೆ

ಭಾನುವಾರ 8 ಲಕ್ಷಕ್ಕೂ ಹೆಚ್ಚು ಜನರು ಬೀದಿಗಿಳಿದು ಸರ್ಕಾರದ ವಿರುದ್ಧ ನಡೆಸಿದ ಹೋರಾಟದಲ್ಲಿ ನೂರಾರು ಕಟ್ಟಡ, ವಾಹನಗಳಿಗೆ ಬೆಂಕಿ, 3000ಕ್ಕೂ ಹೆಚ್ಚು ವಾಣಿಜ್ಯ ಸ್ಥಳಗಳ ಮೇಲೆ ದಾಳಿ ಮತ್ತು ಲೂಟಿಯ ಬೆನ್ನಲ್ಲೇ ಅಧ್ಯಕ್ಷ ಇಮ್ಯಾನುವೆಲ್‌ ಮ್ಯಾಕ್ರಾನ್ ಸರ್ಕಾರ ಸೋಮವಾರ ತುರ್ತು ಸಭೆ ನಡೆಸಿದೆ. ಈ ಸಭೆಯಲ್ಲಿ ಹಿಂಸಾಚಾರ, ಲೂಟಿ ತಡೆಗೆ ಸೀಮಿತ ಮತ್ತು ಸ್ಥಳೀಯವಾಗಿ ಕರ್ಫ್ಯೂ ಜಾರಿಗೊಳಿಸುವಂತೆ ಪ್ರಧಾನಿ ಸೆಬಾಸ್ಟಿಯನ್ ಲೆಕಾರ್ನು ಆದೇಶಿಸಿದ್ದಾರೆ.

ಉನ್ನತ ಅಧಿಕಾರಿಗಳೊಂದಿಗೆ ತುರ್ತು ಸಭೆಯ ನಂತರ ಮಾತನಾಡಿದ ಅವರು, ‘ಶನಿವಾರ- ಭಾನುವಾರದಂದು ತೀವ್ರ ಸ್ವರೂಪದ ಹಿಂಸಾಚಾರ ಮತ್ತು ವ್ಯಾಪಕ ಆಸ್ತಿಪಾಸ್ತಿ ಹಾನಿ ಸಂಭವಿಸಿದರೂ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ಇದು ಒಂದು ರೀತಿಯ ಪವಾಡವೇ ಸರಿ’ ಎಂದರು. ಹಿಂಸಾತ್ಮಕ ಗುಂಪುಗಳನ್ನು ಎದುರಿಸಿದ ಪೊಲೀಸ್ ಅಧಿಕಾರಿಗಳ ಕಾರ್ಯವೈಖರಿಯನ್ನು ಸಮರ್ಥಿಸಿಕೊಂಡ ಅವರು, ಸ್ಥಳೀಯವಾಗಿ ನಿಷೇಧಾಜ್ಞೆ ಜಾರಿಗೆ ತಂದು ಗಲಭೆಗಳನ್ನು ನಿಯಂತ್ರಿಸುವಂತೆ ಕರೆ ನೀಡಿದರು.

ರಾಜೀನಾಮೆಗೆ ಮುಂದಾದ ಸಚಿವ

ಗಲಭೆ ಮತ್ತು ಲೂಟಿಗಳ ಹಿನ್ನೆಲೆಯಲ್ಲಿ ನೈತಿಕ ಹೊಣೆ ಹೊತ್ತು ಫ್ರಾನ್ಸ್‌ನ ಆಂತರಿಕ ಸಚಿವ ಲಾರೆಂಟ್ ನುನೆಜ್ ತಮ್ಮ ರಾಜೀನಾಮೆ ನೀಡಿದ್ದಾರೆ. ಆದರೆ ತುರ್ತು ಪರಿಸ್ಥಿತಿಯಲ್ಲಿ ಪೊಲೀಸರ ಅಗತ್ಯಗಳಿಗೆ ಸ್ಪಂದಿಸುವ ಸಲುವಾಗಿ ಅವರು ತಮ್ಮ ಹುದ್ದೆಯಲ್ಲಿಯೇ ಮುಂದುವರಿಯಬೇಕೆಂದು ಅಧ್ಯಕ್ಷ ಇಮ್ಯಾನುಯೆಲ್ ಮ್ಯಾಕ್ರಾನ್ ಕೋರಿದ್ದಾರೆ.

ವಾರಾಂತ್ಯದ ದಿನವಾದ ಶನಿವಾರ- ಭಾನುವಾರ ಫ್ರಾನ್ಸ್‌ನ ಹಲವು ಭಾಗಗಳಲ್ಲಿ ಭಾರಿ ಪ್ರಮಾಣದ ಹಿಂಸೆ

- 8 ಲಕ್ಷಕ್ಕೂ ಹೆಚ್ಚು ಜನರು ಬೀದಿಗೆ ಇಳಿದು ಸರ್ಕಾರದ ವಿರುದ್ಧ ಹೋರಾಟಕ್ಕಿಳಿದಿದ್ದರಿಂದ ದೊಡ್ಡ ಅವಾಂತರ

- ಜೆನ್‌ಝೀ, ಜೆನ್‌ ಆಲ್ಫಾ ಹೋರಾಟವನ್ನು ಹೈಜಾಕ್‌ ಮಾಡಿ ಲೂಟಿ, ಹಿಂಸೆಗೆ ಇಳಿದ ಅಕ್ರಮ ವಲಸಿಗರು

- ನೂರಾರು ಕಟ್ಟಡ, ವಾಹನಗಳಿಗೆ ಬೆಂಕಿ, 300ಕ್ಕೂ ಹೆಚ್ಚು ವಾಣಿಜ್ಯ ಸ್ಥಳಗಳಲ್ಲಿ ವಲಸಿಗರಿಂದ ದರೋಡೆ

- ಹೀಗಾಗಿ ಫ್ರಾನ್ಸ್‌ ಸರ್ಕಾರದಿಂದ ಕರ್ಫ್ಯೂ ಜಾರಿ. ಪ್ರತಿಭಟನಾಕಾರರ ಮೇಲಿನ ಪೊಲೀಸರ ಕ್ರಮಕ್ಕೆ ಸಮರ್ಥ

ತಂದೆಯ ಮಡಿಲಲ್ಲಿ ಆಡಬೇಕಿದ್ದ ಕಂದಮ್ಮ ಇನ್ನಿಲ್ಲ; 5 ವರ್ಷದ ಮಗಳ ಅಂತ್ಯಕ್ರಿಯೆಗಾಗಿ ತಂದೆಯ ಭಾವುಕ ಮನವಿ

Chandrashekar GS — Wed, 21 Oct 2026 18:53:21 +0530

ನ್ಯೂಯಾರ್ಕ್‌ನಲ್ಲಿ ಐದು ವರ್ಷದ ಮಗಳ ದುರಂತ ಸಾವು; ಅಂತ್ಯಕ್ರಿಯೆಗೆ ನೆರವು ಕೋರುತ್ತಿರುವ ತಂದೆ

ಮಗಳ ಅಗಲಿಕೆಯಿಂದ ಕಂಗಾಲಾದ ತಂದೆ

ಅಮೆರಿಕದ ನ್ಯೂಯಾರ್ಕ್‌ನಲ್ಲಿ ಐದು ವರ್ಷದ ಬಾಲಕಿಯೊಬ್ಬಳ ದುರಂತ ಸಾವು ಕುಟುಂಬವನ್ನು ಶೋಕಸಾಗರದಲ್ಲಿ ಮುಳುಗಿಸಿದೆ. ಮಗಳ ಅಗಲಿಕೆಯ ನೋವಿನ ನಡುವೆಯೇ ಆಕೆಯ ಅಂತ್ಯಕ್ರಿಯೆ ಮತ್ತು ಸಮಾಧಿ ವ್ಯವಸ್ಥೆಗಳ ವೆಚ್ಚ ಭರಿಸಲು ಸಾಧ್ಯವಾಗದೆ, ಭಾರತೀಯ ಮೂಲದ ತಂದೆ ಕುಲದೀಪ್ ಸಿಂಗ್ ಆರ್ಥಿಕ ನೆರವು ಕೋರುತ್ತಿದ್ದಾರೆ. ಈ ಘಟನೆ ನ್ಯೂಯಾರ್ಕ್‌ನ ಕ್ವೀನ್ಸ್ ಪ್ರದೇಶದ ರಿಚ್ಮಂಡ್ ಹಿಲ್‌ ನಿವಾಸದಲ್ಲಿ ನಡೆದಿದೆ ಎಂದು ವರದಿಗಳು ತಿಳಿಸಿವೆ.

ಫಬಿಯಾನಾ ಕಾಬೆಲ್ಲೊ ಮೃತಪಟ್ಟ ಐದು ವರ್ಷದ ಬಾಲಕಿ. ಅಕ್ಟೋಬರ್ 14ರಂದು ಆಕೆಯ ತಾಯಿ ಫ್ರಾನ್ಸಿಸ್ ಕಾಬೆಲ್ಲೊ ತುರ್ತು ಪೊಲೀಸ್ ಸಹಾಯವಾಣಿ 911ಕ್ಕೆ ಕರೆ ಮಾಡಿ, ಮಗಳಿಗೆ ಹಾನಿ ಮಾಡಿರುವುದಾಗಿ ತಿಳಿಸಿದ್ದಾಳೆ ಎಂದು ಮಾಧ್ಯಮ ವರದಿಗಳು ಹೇಳಿವೆ. ಸ್ಥಳಕ್ಕೆ ಬಂದ ಪೊಲೀಸರು ಬಾಲಕಿಯನ್ನು ಪ್ರಜ್ಞಾಹೀನ ಸ್ಥಿತಿಯಲ್ಲಿ ಕಂಡು ಆಸ್ಪತ್ರೆಗೆ ಕರೆದೊಯ್ದರು. ಆದರೆ, ಆಕೆಯನ್ನು ಉಳಿಸಲು ಸಾಧ್ಯವಾಗಲಿಲ್ಲ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ತಾಯಿಯನ್ನು ಬಂಧಿಸಿ ಕೊ*ಲೆ ಆರೋಪ ಹೊರಿಸಲಾಗಿದೆ.

ಅಂತ್ಯಕ್ರಿಯೆ ವೆಚ್ಚಕ್ಕಾಗಿ ಆನ್‌ಲೈನ್ ನಿಧಿ ಸಂಗ್ರಹ

ಮಗಳ ಸಾವಿನಿಂದ ತೀವ್ರ ದುಃಖದಲ್ಲಿರುವ ಕುಲದೀಪ್ ಸಿಂಗ್, ಅಂತ್ಯಕ್ರಿಯೆ ಮತ್ತು ಸಮಾಧಿ ವೆಚ್ಚಗಳನ್ನು ಭರಿಸಲು GoFundMe ಮೂಲಕ ಆನ್‌ಲೈನ್ ನಿಧಿ ಸಂಗ್ರಹ ಆರಂಭಿಸಿದ್ದಾರೆ. ಈ ಕಾರ್ಯಕ್ಕೆ ಸುಮಾರು 18,000 ಅಮೆರಿಕನ್ ಡಾಲರ್ ಸಂಗ್ರಹಿಸುವ ಗುರಿ ಇಟ್ಟಿದ್ದಾರೆ. ಅಂತ್ಯಕ್ರಿಯೆ ಸಂಸ್ಥೆ ಮತ್ತು ಸಮಾಧಿ ಸ್ಥಳದ ವೆಚ್ಚಕ್ಕಾಗಿ ಮುಂಗಡ ಹಣ ಪಾವತಿಸಬೇಕಿದ್ದು, ಅದನ್ನು ಒಬ್ಬರೇ ಭರಿಸುವುದು ಕಷ್ಟವಾಗಿದೆ ಎಂದು ಅವರು ಮನವಿ ಮಾಡಿದ್ದಾರೆ.

ಉಬರ್ ಚಾಲಕರಾಗಿ ಕೆಲಸ ಮಾಡುತ್ತಿರುವ ಸಿಂಗ್, ಮಗಳ ಸಾವಿನ ದುಃಖದ ನಡುವೆಯೂ ಕೆಲಸ ಮುಂದುವರಿಸಬೇಕಾದ ಅನಿವಾರ್ಯತೆ ಎದುರಿಸುತ್ತಿದ್ದಾರೆ. ಬಾಡಿಗೆ ಕಾರನ್ನು ಬಳಸಿ ದುಡಿಯುತ್ತಿರುವ ಅವರು, ಒಂದು ಕಡೆ ಕುಟುಂಬದ ನೋವನ್ನು ನಿಭಾಯಿಸುತ್ತಾ ಮತ್ತೊಂದು ಕಡೆ ಅಂತ್ಯಕ್ರಿಯೆಯ ವ್ಯವಸ್ಥೆಗಳನ್ನು ಮಾಡಬೇಕಾಗಿದೆ. ಮಗಳಿಗೆ ಗೌರವಯುತ ಅಂತಿಮ ವಿದಾಯ ನೀಡಲು ಜನರು ಸಾಧ್ಯವಾದಷ್ಟು ನೆರವು ನೀಡಬೇಕು ಅಥವಾ ನಿಧಿ ಸಂಗ್ರಹದ ಮಾಹಿತಿಯನ್ನು ಇತರರೊಂದಿಗೆ ಹಂಚಿಕೊಳ್ಳಬೇಕು ಎಂದು ಅವರು ಮನವಿ ಮಾಡಿದ್ದಾರೆ.

ಎಲ್ಲರಿಗೂ ಪ್ರೀತಿಪಾತ್ರಳಾಗಿದ್ದ ಫಬಿಯಾನಾ

ಕುಟುಂಬದವರ ನೆನಪಿನಲ್ಲಿ ಫಬಿಯಾನಾ ಸದಾ ನಗುವಿನೊಂದಿಗೆ ಎಲ್ಲರನ್ನೂ ಆತ್ಮೀಯವಾಗಿ ಮಾತನಾಡಿಸುತ್ತಿದ್ದ ಮಗು. ಆಕೆಯ ಸಂಬಂಧಿಕರು ಆಕೆಯನ್ನು ಪ್ರೀತಿಯಿಂದ ನೆನಪಿಸಿಕೊಂಡಿದ್ದಾರೆ. ಹಿರಿಯರ ಬಗ್ಗೆ ಕಾಳಜಿ ವಹಿಸುತ್ತಿದ್ದ ಆಕೆ, ತನ್ನ ಮುತ್ತಜ್ಜಿಗೆ ನಡೆಯಲು ತೊಂದರೆಯಾದಾಗ ಕೈಹಿಡಿದು ಸಹಾಯ ಮಾಡುತ್ತಿದ್ದಳು ಎಂದು ವರದಿಯಾಗಿದೆ. ಆಕೆಯ ಸ್ನೇಹಪರ ಸ್ವಭಾವ ಕುಟುಂಬದವರಿಗೆ ವಿಶೇಷವಾಗಿ ನೆನಪಾಗಿದೆ.

ಪ್ರಕರಣದ ತನಿಖೆ ಮುಂದುವರಿಕೆ

ಮಗುವಿನ ಸಾವಿಗೆ ನಿಖರವಾದ ಕಾರಣವೇನು ಎಂಬುದನ್ನು ಅಧಿಕಾರಿಗಳು ಪರಿಶೀಲಿಸುತ್ತಿದ್ದಾರೆ. ಮರಣೋತ್ತರ ಪರೀಕ್ಷೆಯಲ್ಲಿ ಕೆಲವು ಗಾಯದ ಗುರುತುಗಳು ಕಂಡುಬಂದಿವೆ ಎಂದು ವರದಿಗಳು ತಿಳಿಸಿವೆ. ಆದರೆ ಸಾವಿನ ಅಧಿಕೃತ ಕಾರಣವನ್ನು ವೈದ್ಯಕೀಯ ಪರೀಕ್ಷಾಧಿಕಾರಿಗಳು ನಿರ್ಧರಿಸಬೇಕಿದೆ. ತಾಯಿಯ ವಿರುದ್ಧ ಕೊ*ಲೆ ಆರೋಪ ದಾಖಲಾಗಿದ್ದು, ಪ್ರಕರಣದ ತನಿಖೆ ಮುಂದುವರಿದಿದೆ. ಘಟನೆಗೆ ಕಾರಣವೇನು ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.

ಮಗಳ ಅಂತಿಮ ವಿಧಿವಿಧಾನಗಳನ್ನು ಗೌರವಯುತವಾಗಿ ನೆರವೇರಿಸುವುದೇ ಈಗ ಕುಲದೀಪ್ ಸಿಂಗ್ ಅವರ ಪ್ರಮುಖ ಉದ್ದೇಶವಾಗಿದೆ. ಮಗುವಿನ ಸಾವಿನಿಂದ ಉಂಟಾದ ದುಃಖದ ಜೊತೆಗೆ ಆರ್ಥಿಕ ಸಂಕಷ್ಟವನ್ನೂ ಎದುರಿಸುತ್ತಿರುವ ಅವರ ಪರಿಸ್ಥಿತಿ, ವಿದೇಶದಲ್ಲಿ ಕುಟುಂಬದ ಬೆಂಬಲವಿಲ್ಲದೆ ಕಷ್ಟಗಳನ್ನು ಎದುರಿಸುವವರ ಸವಾಲುಗಳನ್ನೂ ನೆನಪಿಸುತ್ತದೆ.