https://kannada.asianetnews.com Suvarna News - No.1 News channel in Karnataka, which delivers Local and International news in Kannada language. https://static.asianetnews.com/v1/images/asianet_suvarna_news.png 143 100 https://kannada.asianetnews.com Sun, 21 Jul 2019 16:34:00 +0530 https://kannada.asianetnews.com/icc-cricket-world-cup-2019/world-cup-final-umpire-kumara-dharmasena-admits-error-on-overthrow-decision-puzo3u https://kannada.asianetnews.com/icc-cricket-world-cup-2019/world-cup-final-umpire-kumara-dharmasena-admits-error-on-overthrow-decision-puzo3u Sun, 21 Jul 2019 16:34:00 +0530 ಲಂಡನ್(ಜು.21): ವಿಶ್ವಕಪ್ ಟೂರ್ನಿ ಫೈನಲ್ ಪಂದ್ಯ ಅದೆಷ್ಟು ರೋಚಕವಾಗಿತ್ತೋ, ಅಷ್ಟೇ ವಿವಾದಕ್ಕೂ ಕಾರಣವಾಗಿದೆ. ಅಂಪೈರ್ ತೀರ್ಪು, ಐಸಿಸಿ ನಿಯಮದ ವಿರುದ್ದ ಆಕ್ರೋಶಗಳು ವ್ಯಕ್ತವಾಗಿತ್ತು. ಫೈನಲ್ ಪಂದ್ಯದಲ್ಲಿ ಓವರ್ ಥ್ರೋಗೆ ನಿಯಮ ಬಾಹಿರವಾಗಿ ಹೆಚ್ಚುವರಿ ರನ್ ನೀಡಿದ ಅಂಪೈರ್ ಕುಮಾರ್ ಧರ್ಮಸೇನಾ ವಿರುದ್ಧ ಟೀಕೆ ಕೇಳಿಬಂದಿತ್ತು. ಇದೀಗ ಓವರ್ ಥ್ರೋ ಕುರಿತು ಕುಮಾರ ಧರ್ಮಸೇನಾ ಮೌನ ಮುರಿದಿದ್ದಾರೆ. ಇದನ್ನೂ ಓದಿ: ವಿಶ್ವಕಪ್‌ ಓವರ್‌ ಥ್ರೋ ವಿವಾದ: ವಿಲಿಯಮ್ಸನ್‌ಗೆ ಗೊತ್ತಿರ್ಲಿಲ್ಲ ನಿಯಮ! ಫೈನಲ್ ಪಂದ್ಯದ ಅಂತಿಮ ಹಂತದಲ್ಲಿ ಬೆನ್ ಸ್ಟೋಕ್ಸ್ 2ನೇ ರನ್ ಪೂರೈಸೋ ಮೊದಲೇ ಓವರ್ ಥ್ರೋ ಬ್ಯಾಟ್‌ಗೆ ತಾಗಿ ಬೌಂಡರಿ ಗೆರೆ ದಾಟಿತ್ತು. ಹೀಗಾಗಿ ಅಂಪೈರ್ 2+4 ಓಟ್ಟು 6 ರನ್ ನೀಡಲಾಗಿತ್ತು. ಆದರೆ ನಿಯಮದ ಪ್ರಕಾರ ಸ್ಟೋಕ್ಸ್ 2 ರನ್ ಪೂರೈಸೋ ಮುನ್ನವೇ ಓವರ್ ಥ್ರೋ ಬ್ಯಾಟ್‌ಗೆ ತಾಗಿ ಬೌಂಡರಿ ಹೋಗಿತ್ತು. ಹೀಗಾಗಿ 1+4 ಓಟ್ಟು 5 ರನ್ ಮಾತ್ರ ನೀಡಬೇಕಿತ್ತು. ಈ ಕುರಿತು ಅಂಪೈರ್ ಕುಮಾರ ಧರ್ಮಸೇನಾ ತಪ್ಪೊಪ್ಪಿಕೊಂಡಿದ್ದಾರೆ. ಇದನ್ನೂ ಓದಿ: ಜೀವನದುದ್ದಕ್ಕೂ ವಿಲಿಯಮ್ಸನ್ ಬಳಿ ಕ್ಷಮೆ ಯಾಚಿಸುತ್ತೇನೆಂದ ಸ್ಟೋಕ್ಸ್! ಟಿವಿಯಲ್ಲಿ ರಿಪ್ಲೇ ನೋಡುವಾಗಿ ತಪ್ಪು ಸ್ಪಷ್ಟವಾಗಿದೆ. ತಪ್ಪು ತೀರ್ಪು ನೀಡಿರುವುದು ನೋವು ತಂದಿದೆ. ನಾನು ಲೆಗ್ ಅಂಪೈರ್ ಜೊತೆ ಚರ್ಚಿಸಿ 6 ರನ್ ನೀಡಿದ್ದೆ. ಇದು ತಪ್ಪಾಗಿದೆ ಎಂದು ಧರ್ಮಸೇನಾ ಹೇಳಿದ್ದಾರೆ. ಧರ್ಮಸೇನಾ ನೀಡಿದ ಹೆಚ್ಚುವರಿ ರನ್‌ನಿಂದ ಪಂದ್ಯ ಟೈನಲ್ಲಿ ಅಂತ್ಯಗೊಂಡಿತ್ತು. ಬಳಿಕ ಸೂಪರ್ ಓವರ್ ಕೂಡ ಟೈನಲ್ಲಿ ಅಂತ್ಯಗೊಂಡ ಕಾರಣ ಗರಿಷ್ಠ ಬೌಂಡರಿ ಆಧಾರದಲ್ಲಿ ಇಂಗ್ಲೆಂಡ್‌ಗೆ ಗೆಲುವು ಘೋಷಿಸಲಾಯಿತು.  https://kannada.asianetnews.com/icc-cricket-world-cup-2019/not-fair-to-win-world-cup-final-like-that-says-england-captain-eoin-morgan-puxvk3 https://kannada.asianetnews.com/icc-cricket-world-cup-2019/not-fair-to-win-world-cup-final-like-that-says-england-captain-eoin-morgan-puxvk3 Sat, 20 Jul 2019 17:20:00 +0530 ಲಂಡನ್(ಜು.20): ವಿಶ್ವಕಪ್ ಟೂರ್ನಿ ಫೈನಲ್ ಪಂದ್ಯ ಅತೀ ಹೆಚ್ಚು ಬಾರಿ ಚರ್ಚೆಯಾಗಿದೆ. ಸೂಪರ್ ಓವರ್‌ನಲ್ಲೂ ಪಂದ್ಯ ಟೈ ಆಗಿತ್ತು. ಹೀಗಾಗಿ ಗರಿಷ್ಠ ಬೌಂಡರಿ ಆಧಾರದಲ್ಲಿ ಇಂಗ್ಲೆಂಡ್‌ಗೆ ಗೆಲುವು ಘೋಷಿಸಲಾಗಿತ್ತು. ಇದು ಭಾರಿ ವಿವಾದಕ್ಕೂ ಕಾರಣವಾಗಿದೆ. ಐಸಿಸಿ ನಿಯಮದ ವಿರುದ್ದ ಆಕ್ರೋಶ ವ್ಯಕ್ತವಾಗಿತ್ತು. ಇಷ್ಟೇ ಅಲ್ಲ ಉಭಯ ತಂಡಕ್ಕೆ ಟ್ರೋಫಿ ಹಂಚಬೇಕಿತ್ತು ಅನ್ನೋ ವಾದವೂ ಎದ್ದಿತ್ತು. ಇದೀಗ ವಿಶ್ವಕಪ್ ಫೈನಲ್ ಪಂದ್ಯದ ಗೆಲುವಿನ ಕುರಿತು ಸ್ವತಃ ಇಂಗ್ಲೆಂಡ್ ನಾಯಕ ಇಯಾನ್ ಮಾರ್ಗನ್ ಮೌನ ಮುರಿದಿದ್ದಾರೆ. ಇದನ್ನೂ ಓದಿ: ಓವರ್‌ ಥ್ರೋನ 4 ರನ್‌ ಬೇಡ ಎಂದಿದ್ದ ಸ್ಟೋಕ್ಸ್‌! ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಉಭಯ ತಂಡಗಳು ಸಮಬಲದ ಪ್ರದರ್ಶನ ನೀಡಿದೆ. ಪ್ರತಿ ಹಂತದಲ್ಲೂ ಇಂಗ್ಲೆಂಡ್ ಹಾಗೂ ನ್ಯೂಜಿಲೆಂಡ್ ಸರಿಸಮಾನ ಹೋರಾಟ ನೀಡಿದೆ. ಹೀಗಾಗಿ ಫಲಿತಾಂಶ ನ್ಯಾಯಸಮ್ಮತವಲ್ಲ ಎಂದು ಮಾರ್ಗನ್ ಹೇಳಿದ್ದಾರೆ. ಇದು ವಿಶ್ವಕಪ್ ಇತಿಹಾಸದಲ್ಲೇ ಅತ್ಯಂತ ರೋಚಕ ಪಂದ್ಯ, ಗೆಲುವಿಗಾಗಿ ಉಭಯ ತಂಡಗಳು ಅತ್ಯುತ್ತಮ ಹೋರಾಟ ನಡೆಸಿದೆ. ಆದರೆ ರಿಲಸ್ಟ್ ತೃಪ್ತಿ ತಂದಿಲ್ಲ ಎಂದಿದ್ದಾರೆ. ಇದನ್ನೂ ಓದಿ: ಕ್ರಿಕೆಟ್‌ ಸ್ಫೂರ್ತಿ ಕಾಪಾಡಲು ಐಸಿಸಿ ಫೇಲ್‌? ಐಸಿಸಿಯ ಓವರ್ ಥ್ರೋ ಹಾಗೂ ಗರಿಷ್ಠ ಬೌಂಡರಿ ಆಧಾರದಲ್ಲಿ ಗೆಲುವು ನಿಯಮಗಳಿಗೆ ಟೀಕೆ ವ್ಯಕ್ತವಾಗಿದೆ. ಕ್ರಿಕೆಟಿಗರೇ ವಿರೋಧ ವ್ಯಕ್ತಪಡಿಸಿದ್ದರು. ಹೀಗಾಗಿ ಶೀಘ್ರದಲ್ಲಿ ಐಸಿಸಿ ಟೆಕ್ನಿಕಲ್ ಕಮಿಟಿ ಸಭೆ ಸೇರಲಿದೆ. ಐಸಿಸಿ ನಿಯಮಗಳ  ಕುರಿತು ಪರಾಮರ್ಶೆ ನಡೆಸಲಿದೆ.   https://kannada.asianetnews.com/icc-cricket-world-cup-2019/new-zealand-all-rounder-james-neesham-childhood-coach-died-during-world-cup-super-over-puuaag https://kannada.asianetnews.com/icc-cricket-world-cup-2019/new-zealand-all-rounder-james-neesham-childhood-coach-died-during-world-cup-super-over-puuaag Thu, 18 Jul 2019 18:48:00 +0530 ವೆಲ್ಲಿಂಗ್ಟನ್[ಜು.18]: ವಿಶ್ವಕಪ್ ಕ್ರಿಕೆಟ್ ಫೈನಲ್ ಇತಿಹಾಸದಲ್ಲೇ ಅತ್ಯಂತ ರೋಚಕ ಪಂದ್ಯಗಳಲ್ಲಿ ಒಂದು ಎನಿಸಿದ್ದ ಇಂಗ್ಲೆಂಡ್ ಹಾಗೂ ನ್ಯೂಜಿಲೆಂಡ್ ನಡುವಿನ ಪಂದ್ಯ ಕ್ರಿಕೆಟ್ ಅಭಿಮಾನಿಗಳನ್ನು ತುದಿಗಾಲಿನಲ್ಲಿ ನಿಲ್ಲುವಂತೆ ಮಾಡಿತ್ತು. ಸೂಪರ್ ಓವರ್ ಕೂಡಾ ಟೈ ಆಗಿದ್ದರಿಂದ ಇನ್ನಿಂಗ್ಸ್’ವೊಂದರಲ್ಲಿ ಅತಿ ಹೆಚ್ಚು ಬೌಂಡರಿ ಬಾರಿಸಿದ ಆಧಾರದಲ್ಲಿ ಇಂಗ್ಲೆಂಡ್ ತಂಡವನ್ನು ಚಾಂಪಿಯನ್ ಎಂದು ತೀರ್ಮಾನಿಸಲಾಯಿತು. ವಿಶ್ವಕಪ್ ಇತಿಹಾಸದಲ್ಲೇ ರೋಚಕ ಪಂದ್ಯ; ಸೂಪರ್ ಓವರ್‌ನಲ್ಲಿ ಇಂಗ್ಲೆಂಡ್ ಚಾಂಪಿಯನ್! ಇನ್ನು ಸೂಪರ್ ಓವರ್ ವೇಳೆ ನ್ಯೂಜಿಲೆಂಡ್ ಆಲ್ರೌಂಡರ್ ಜೇಮ್ಸ್ ನೀಶಮ್ ಸಿಕ್ಸರ್ ಸಿಡಿಸಿದ ಬೆನ್ನಲ್ಲೇ ಅವರ ಬಾಲ್ಯದ ಕೋಚ್ ಡೇವಿಡ್ ಜೇಮ್ಸ್ ಗೋರ್ಡನ್ ಹೃದಯಾಘಾತದಿಂದ ಕೊನೆಯುಸಿರೆಳೆದ ಆಘಾತಕಾರಿ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ. ಕ್ರಿಕೆಟ್ ಕಾಶಿ ಎನಿಸಿರುವ ಲಾರ್ಡ್ಸ್ ಮೈದಾನದಲ್ಲಿ ಜುಲೈ 14ರಂದು ನಡೆದ ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಆತಿಥೇಯ ಇಂಗ್ಲೆಂಡ್ ಹಾಗೂ ಹಾಲಿ ರನ್ನರ್ ಅಪ್ ನ್ಯೂಜಿಲೆಂಡ್ ತಂಡಗಳು ಮುಖಾಮುಖಿಯಾಗಿದ್ದವು. ಮೊದಲು ಬ್ಯಾಟ್ ಮಾಡಿದ್ದ ನ್ಯೂಜಿಲೆಂಡ್ 8 ವಿಕೆಟ್ ಕಳೆದುಕೊಂಡು 241 ರನ್ ಬಾರಿಸಿತ್ತು. ಇದಕ್ಕುತ್ತರವಾಗಿ ಇಂಗ್ಲೆಂಡ್ ಕೂಡಾ 241 ರನ್ ಬಾರಿಸಿ ಆಲೌಟ್ ಆಗುವುದರೊಂದಿಗೆ ಪಂದ್ಯ ಟೈ ಆಗಿತ್ತು.  ವಿಶ್ವಕಪ್ 2019: ಅಪರೂಪದ ವಿಶ್ವದಾಖಲೆ ಬರೆದ ಸಾಧಕರಿವರು..! ಥ್ರಿಲ್ ಹೆಚ್ಚಿಸಿದ ಆ ಸೂಪರ್ ಓವರ್:  ಸೂಪರ್ ಓವರ್’ನಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ಇಂಗ್ಲೆಂಡ್ 15 ರನ್ ಬಾರಿಸಿತ್ತು. ಗುರಿ ಬೆನ್ನತ್ತಿದ ಮಾರ್ಟಿನ್ ಗಪ್ಟಿಲ್ ಹಾಗೂ ಜೇಮ್ಸ್ ನೀಶಮ್ಸ್ ಭರ್ಜರಿ ಬ್ಯಾಟಿಂಗ್ ನಡೆಸಿದರು. ಜೋಪ್ರಾ ಆರ್ಚರ್ ಹಾಕಿದ ಎರಡನೇ ಎಸೆತವನ್ನು ಸಿಕ್ಸರ್’ಗಟ್ಟುವಲ್ಲಿ ನೀಶಮ್ ಯಶಸ್ವಿಯಾಗಿದ್ದರು. ಇದನ್ನು ನೋಡುತ್ತಿದ್ದಂತೆ ಕೊನೆಯುಸಿರೆಳೆದರು ಎಂದು ಕೋಚ್ ಮಗಳಾದ ಲಿಯೋನಿ ತಿಳಿಸಿದ್ದಾರೆ. ಕೋಚ್ ನಿಧನಕ್ಕೆ ಜೇಮ್ಸ್ ನೀಶಮ್ ಸಾಮಾಜಿಕ ಜಾಲತಾಣವಾದ ಟ್ವಿಟರ್’ನಲ್ಲಿ ನುಡಿನಮನ ಸಲ್ಲಿಸಿದ್ದಾರೆ.  Dave Gordon, my High School teacher, coach and friend. Your love of this game was infectious, especially for those of us lucky enough to play under you. How appropriate you held on until just after such a match. Hope you were proud. Thanks for everything. RIP — Jimmy Neesham (@JimmyNeesh) July 17, 2019 ಕೋಚ್ ಡೇವಿಡ್ ಜೇಮ್ಸ್ ಗೋರ್ಡನ್ ಆಲ್ರೌಂಡರ್ ಜೇಮ್ಸ್ ನೀಶಮ್ ಮಾತ್ರವಲ್ಲದೇ, ವೇಗಿ ಲೂಕಿ ಫರ್ಗ್ಯೂಸನ್’ಗೂ ಶಾಲಾ ಹಂತದಲ್ಲಿ ಕೋಚ್ ಆಗಿ ಮಾರ್ಗದರ್ಶನ ಮಾಡಿದ್ದರು.    https://kannada.asianetnews.com/icc-cricket-world-cup-2019/world-cup-2019-england-all-rounder-ben-stokes-asked-umpires-to-not-add-four-overthrows-in-final-puttnv https://kannada.asianetnews.com/icc-cricket-world-cup-2019/world-cup-2019-england-all-rounder-ben-stokes-asked-umpires-to-not-add-four-overthrows-in-final-puttnv Thu, 18 Jul 2019 12:49:00 +0530 ಲಂಡನ್‌(ಜು.18): ಏಕದಿನ ವಿಶ್ವಕಪ್‌ ಫೈನಲ್‌ ಹೀರೋ ಬೆನ್‌ ಸ್ಟೋಕ್ಸ್‌, ಓವರ್‌ ಥ್ರೋನಿಂದ ಸಿಕ್ಕ ಹೆಚ್ಚುವರಿ 4 ರನ್‌ಗಳನ್ನು ತಂಡದ ಮೊತ್ತದಿಂದ ತೆಗೆದುಹಾಕಿ, ನಮಗೆ ಆ ರನ್‌ಗಳ ಅವಶ್ಯಕತೆ ಇಲ್ಲ ಎಂದು ಅಂಪೈರ್‌ಗೆ ಕೂಡಲೇ ತಿಳಿಸಿದ್ದರು ಎಂದು ಇಂಗ್ಲೆಂಡ್‌ನ ಟೆಸ್ಟ್‌ ಬೌಲರ್‌ ಜೇಮ್ಸ್‌ ಆ್ಯಂಡರ್‌ಸನ್‌ ಹೇಳಿದ್ದಾರೆ.  ಬೆನ್ ಸ್ಟೋಕ್ಸ್‌ಗೆ ಬ್ರಿಟನ್ ಸರ್ಕಾರದಿಂದ ‘ಸರ್‌’ ಗೌರವ? ‘ಸ್ಟೋಕ್ಸ್‌ ಅಂಪೈರ್‌ಗಳನ್ನು ನಾಲ್ಕು ರನ್‌ ಸೇರಿಸದಂತೆ ಕೇಳಿಕೊಂಡರು. ಆದರೆ ನಿಯಮದ ಪ್ರಕಾರ ಹಾಗೆ ಮಾಡಲು ಸಾಧ್ಯವಿಲ್ಲ ಎಂದು ಅಂಪೈರ್‌ಗಳು ತಿಳಿಸಿದರು’ ಎಂದು ಆ್ಯಂಡರ್‌ಸನ್‌ ಹೇಳಿದ್ದಾರೆ. ಇತ್ತೀಚೆಗಷ್ಟೇ ಸ್ಟೋಕ್ಸ್‌, ತಮ್ಮ ಬ್ಯಾಟ್‌ಗೆ ಚೆಂಡು ಬಡಿದು 4 ಹೆಚ್ಚುವರಿ ರನ್‌ ಸಿಕ್ಕಿದ್ದಕ್ಕೆ ನ್ಯೂಜಿಲೆಂಡ್‌ ಆಟಗಾರರ ಬಳಿ ಜೀವನಪೂರ್ತಿ ಕ್ಷಮೆಯಾಚಿಸುತ್ತೇನೆ ಎಂದಿದ್ದರು. ಇಲ್ಲಿದೆ ನೋಡಿ ಆ ಕ್ಷಣ:  #WATCH : The Controversial Ben Stokes Over-throw Runs on 4th ball of the Final Over of England innings(0:38 in the video) in the ICC #CWC19Final | 6 runs were given instead of 5 by the 2 on-field Umpires | #ICCRules | #CWC19 | #NZvENG pic.twitter.com/U4m63vSg8n — 🇮🇳Gurkanwal Singh 🇮🇳 (@GuriOfficial) July 15, 2019 ಜೀವನದುದ್ದಕ್ಕೂ ವಿಲಿಯಮ್ಸನ್ ಬಳಿ ಕ್ಷಮೆ ಯಾಚಿಸುತ್ತೇನೆಂದ ಸ್ಟೋಕ್ಸ್! 12ನೇ ಆವೃತ್ತಿಯ ಐಸಿಸಿ ಏಕದಿನ ವಿಶ್ವಕಪ್ ಟೂರ್ನಿಯ ಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ಹಾಗೂ ನ್ಯೂಜಿಲೆಂಡ್ ತಂಡಗಳು ಮುಖಾಮುಖಿಯಾಗಿದ್ದವು. ಮೊದಲು ಬ್ಯಾಟಿಂಗ್ ಮಾಡಿದ್ದ ನ್ಯೂಜಿಲೆಂಡ್ ತಂಡ 8 ವಿಕೆಟ್ ಕಳೆದುಕೊಂಡು 241 ರನ್ ಬಾರಿಸಿತ್ತು. ಗುರಿ ಬೆನ್ನತ್ತಿದ ಇಂಗ್ಲೆಂಡ್ ಕೂಡಾ 241 ರನ್ ಬಾರಿಸಿ ಟೈ ಮಾಡಿಕೊಂಡಿತ್ತು. ಗುರಿ ಬೆನ್ನತ್ತುವ ಮಾರ್ಟಿನ್ ಗಪ್ಟಿಲ್ ಎಸೆದ ಥ್ರೋ ಬೆನ್ ಸ್ಟೋಕ್ಸ್ ಬ್ಯಾಟ್ ಗೆ ತಾಗಿ ಚಂಡು ಬೌಂಡರಿ ಸೇರಿತ್ತು. ಆಗ ಅಂಪೈರ್ ಓವರ್ ಥ್ರೋ ರೂಪದಲ್ಲಿ  ರನ್ ನೀಡಿದ್ದರು. ಆ ಇತರೆ 4 ರನ್ ನೀಡದಿದ್ದರೆ, ನ್ಯೂಜಿಲೆಂಡ್ ಜಯಿಸುವ ಸಾಧ್ಯತೆಯಿತ್ತು.   ವಿಶ್ವಕಪ್ 2019: ಅಪರೂಪದ ವಿಶ್ವದಾಖಲೆ ಬರೆದ ಸಾಧಕರಿವರು..!   https://kannada.asianetnews.com/icc-cricket-world-cup-2019/inzamam-ul-haq-decided-to-steps-down-as-chief-selector-of-pakistan-cricket-team-puscgy https://kannada.asianetnews.com/icc-cricket-world-cup-2019/inzamam-ul-haq-decided-to-steps-down-as-chief-selector-of-pakistan-cricket-team-puscgy Wed, 17 Jul 2019 17:40:00 +0530 ಇಸ್ಲಾಮಾಬಾದ್(ಜು.17): ವಿಶ್ವಕಪ್ ಟೂರ್ನಿಯಲ್ಲಿ ಪಾಕಿಸ್ತಾನ ಲೀಗ್ ಹಂತದಿಂದ ಹೊರಬಿತ್ತು. ಲೀಗ್ ಟೂರ್ನಿಯ ಅಂತಿಮ ಹಂತದಲ್ಲಿ ಉತ್ತಮ ಪ್ರದರ್ಶನ ನೀಡಿದ ಪಾಕಿಸ್ತಾನ ರನ್ ರೇಟ್ ಕೊರತೆಯಿಂದ ಟೂರ್ನಿಯಿಂದ ಹೊರಬಿತ್ತು. ಬಳಿಕ ತಂಡದಲ್ಲಿ ಬದಲಾವಣೆ ಮಾಡಲು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಮುಂದಾಗಿತ್ತು. ಇದರ ಬೆನ್ನಲ್ಲೇ ಪಾಕಿಸ್ತಾನ ಆಯ್ಕೆ ಸಮಿತಿ ಮುಖ್ಯಸ್ಥ ಸ್ಥಾನದಿಂದ ಇನ್ಜಮಾಮ್ ಉಲ್ ಹಕ್ ಕೆಳಗಿಳಿದಿದ್ದಾರೆ. ಇದನ್ನೂ ಓದಿ: ಭಾರತ-ಪಾಕಿಸ್ತಾನ ಪಂದ್ಯದ ಚೆಂಡು ₹1.5 ಲಕ್ಷಕ್ಕೆ ಹರಾಜು! 2016ರಲ್ಲಿ ಪಾಕ್ ಆಯ್ಕೆ ಸಮಿತಿ ಮುಖ್ಯಸ್ಥನಾಗಿ ಜವಾಬ್ದಾರಿ ವಹಿಸಿಕೊಂಡ ಮಾಜಿ ನಾಯಕ ಇನ್ಜಮಾಮ್ ಉಲ್ ಹಕ್, ಪಾಕ್ ತಂಡದಲ್ಲಿ ಹಲವು ಬದಲಾವಣೆ ಮಾಡಿದ್ದರು. 2017ರ ಚಾಂಪಿಯನ್ಸ್ ಟ್ರೋಫಿ ಗೆಲುವಿನ ಬಳಿಕ ಇನ್ಜಮಾಮ್ ಆಯ್ಕೆಗೆ ಮೆಚ್ಚುಗೆ ವ್ಯಕ್ತವಾಗಿತ್ತು. ಆದರೆ ವಿಶ್ವಕಪ್ ಟೂರ್ನಿಯ ಆಯ್ಕೆಯಿಂದ ಇನ್ಜಮಾಮ್ ತೀವ್ರ ಟೀಕೆಗೆ ಗುರಿಯಾಗಿದ್ದರು. ಹೀಗಾಗಿ ಆಯ್ಕೆ ಸಮಿತಿಯ ಮುಖ್ಯಸ್ಥನ ಅವದಿ ವಿಸ್ತರಿಸಲು ಇನ್ಜಮಾಮ್ ಉಲ್ ಹಕ್ ನಿರಾಕರಿಸಿದ್ದಾರೆ. ಇದನ್ನೂ ಓದಿ: ಸೆಮೀಸ್ ಪ್ರವೇಶಿಸುವ ಹಾದಿಯಲ್ಲಿ ಪಾಕ್ ಎಡವಿದ್ದೆಲ್ಲಿ..? ಸುದ್ದಿಗೋಷ್ಠಿ ನಡೆಸಿದ ಇನ್ಜಮಾಮ್ ಉಲ್ ಹಕ್, ಆಯ್ಕೆ ಸಮಿತಿಯ ಮುಖ್ಯಸ್ಥನಾಗಿ ಮುಂದುವರಿಯಲು ಇಚ್ಚಿಸುವುದಿಲ್ಲ. ಜುಲೈ 30ಕ್ಕೆ ನನ್ನ ಅವದಿ ಮುಕ್ತಾಯಗೊಳ್ಳಲಿದೆ. ಅಲ್ಲೀವರೆಗೆ ಸೇವೆ ಸಲ್ಲಿಸುತ್ತೇನೆ ಎಂದು  ಇನ್ಜಮಾಮ್ ಹೇಳಿದ್ದಾರೆ. ವಿಶ್ವಕಪ್ ಟೂರ್ನಿಯಲ್ಲಿನ  ಸೋಲು ನೋವು ತಂದಿದೆ. ಆರಂಭಿಕ ಪಂದ್ಯದಲ್ಲಿನ ಹೀನಾಯ ಸೋಲು ರನ್ ರೇಟ್ ಮೇಲೆ ಹೊಡೆತ ನೀಡಿತು. ಹೀಗಾಗಿ ಅರ್ಹತೆ ಗಿಟ್ಟಿಸಿಕೊಳ್ಳಲು ಸಾಧ್ಯವಾಗಲಿಲ್ಲ ಎಂದಿದ್ದಾರೆ. https://kannada.asianetnews.com/icc-cricket-world-cup-2019/sachin-tendulkar-reveals-conversation-between-kane-williamson-after-world-cup-lose-pusb8x https://kannada.asianetnews.com/icc-cricket-world-cup-2019/sachin-tendulkar-reveals-conversation-between-kane-williamson-after-world-cup-lose-pusb8x Wed, 17 Jul 2019 17:13:00 +0530 ಲಂಡನ್(ಜು.17): ವಿಶ್ವಕಪ್ ಟೂರ್ನಿಯ ಫೈನಲ್ ಪಂದ್ಯದಲ್ಲಿ ಬೌಂಡರಿ ಆಧಾರಲ್ಲಿ ಸೋಲು ಕಂಡ ನ್ಯೂಜಿಲೆಂಡ್ ತೀವ್ರ ನಿರಾಸೆ ಅನುಭವಿಸಿತ್ತು. ಪ್ರಶಸ್ತಿಗಾಗಿ ಕಠಿಣ ಹೋರಾಟ ನೀಡಿದ್ದ ಕಿವೀಸ್‌ಗೆ ಅದೃಷ್ಠ ಕೈಹಿಡಿದಿರಲಿಲ್ಲ. ಸೋಲಿನಿಂದ ನ್ಯೂಜಿಲೆಂಡ್ ತಂಡ ಕುಗ್ಗಿ ಹೋಗಿತ್ತು. ಎಲ್ಲಿ ತಪ್ಪಾಯ್ತು ಅನ್ನೋ ಆಲೋಚನೆಯಲ್ಲಿ ನಾಯಕ ಕೇನ್ ವಿಲಿಯಮ್ಸನ್ ಮುಳಿಗಿದ್ದರು. ಪ್ರಶಸ್ತಿ ವಿತರಣಾ ಸಮಾರಂಭದಲ್ಲಿ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡುಲ್ಕರ್ ಹೇಳಿದ ಮಾತು ವಿಲಿಯಮ್ಸನ್‌ಗೆ ಹೊಸ ಚೈತನ್ಯ ನೀಡಿತು. ಇದನ್ನೂ ಓದಿ: ಧೋನಿ ಪೋಷಕರು ಬಿಚ್ಚಿಟ್ರು MSD ನಿವೃತ್ತಿ ಸೀಕ್ರೆಟ್! ಫೈನಲ್ ಪಂದ್ಯದಲ್ಲಿ ಕೊದಲೆಳೆಯುವ ಅಂತರದಲ್ಲಿ ಸೋತ ನ್ಯೂಜಿಲೆಂಡ್ ತಂಡದ ಪ್ರತಿಯೊಬ್ಬ ಆಟಗಾರನೂ ನೋವಿನಲ್ಲಿ ಮುಳಿಗಿದ್ದರು. ಪ್ರಶಸ್ತಿ ಸ್ವೀಕರಿಸಲು ಬಂದು ವಿಲಿಯಮ್ಸನ್, ಸಚಿನ್ ತೆಂಡುಲ್ಕರ್‌ರಿಂದ ಅವಾರ್ಡ್ ಪಡೆದರು. ಈ ವೇಳೆ ಸಚಿನ್, ನಿಮ್ಮ ಪ್ರದರ್ಶನಕ್ಕೆ ಎಲ್ಲರೂ ತಲೆ ಬಾಗಿದ್ದಾರೆ. ಫಲಿತಾಂಶ ಏನೇ ಆದರೂ ಅದ್ಬುತ ಹೋರಾಟ ನೀಡಿದ್ದೀರಿ ಎಂದು ಸಚಿನ್ ಹೇಳಿದ್ದಾರೆ.  ಇದನ್ನೂ ಓದಿ: ಕ್ರೀಡೆಗೆ ಬರಬೇಡಿ; ವಿಶ್ವಕಪ್ ಬಳಿಕ ಮಕ್ಕಳಲ್ಲಿ ನ್ಯೂಜಿಲೆಂಡ್ ಕ್ರಿಕೆಟಿಗನ ಮನವಿ! ಇಂಗ್ಲೆಂಡ್ ವಿರುದ್ದದ ವಿಶ್ವಕಪ್ ಫೈನಲ್ ಪಂದ್ಯ ಟೈನಲ್ಲಿ ಅಂತ್ಯಗೊಂಡಿತ್ತು. ಸೂಪರ್ ಓವರ್‌ನಲ್ಲೂ ಪಂದ್ಯ ಟೈ ಗೊಂಡಿತ್ತು. ಹೀಗಾಗಿ ಗರಿಷ್ಠ ಬೌಂಡರಿ ಸಿಡಿಸಿದ ಆಧಾರದಲ್ಲಿ ಇಂಗ್ಲೆಂಡ್‌ಗೆ ಗೆಲುವು ನೀಡಲಾಯಿತು. ಇಂಗ್ಲೆಂಡ್ ಹಾಗೂ ನ್ಯೂಜಿಲೆಂಡ್ ಎರಡೂ ತಂಡ ಪ್ರಶಸ್ತಿ ಗೆಲುವಿಗೆ ಅರ್ಹವಾಗಿತ್ತು.   https://kannada.asianetnews.com/video/cricket-world-cup-videos/world-cup-2019-bowlers-create-unique-records-pusacw https://kannada.asianetnews.com/video/cricket-world-cup-videos/world-cup-2019-bowlers-create-unique-records-pusacw Wed, 17 Jul 2019 16:54:00 +0530 ವಿಶ್ವಕಪ್ ಟೂರ್ನಿಯ ನಾಕೌಟ್ ಹಾಗೂ ಫೈನಲ್ ಪಂದ್ಯದಲ್ಲಿ ಬೌಲರ್‌ಗಳೇ ಮಿಂಚಿದ್ದಾರೆ. ಕಡಿಮೆ ಮೊತ್ತವನ್ನು ಡಿಫೆಂಡ್ ಮಾಡಿಕೊಂಡಿದ್ದರೆ,  ಅಲ್ಪ ಮೊತ್ತ ಟಾರ್ಗೆಟ್ ಚೇಸ್ ಮಾಡಲು ಪರದಾಡಿದ್ದಾರೆ. ಈ ಟೂರ್ನಿಯಲ್ಲಿ ಅದ್ಭುತ ಬೌಲಿಂಗ್ ದಾಳಿ ಮೂಲಕ ಹಲವು ದಾಖಲೆ ಬರೆದಿದ್ದಾರೆ. ಈ ವಿಶ್ವಕಪ್ ಟೂರ್ನಿಯಲ್ಲಿ ಬೌಲರ್‌ಗಳು ನಿರ್ಮಿಸಿದ ದಾಖಲೆ ವಿವರ ಇಲ್ಲಿದೆ.  https://kannada.asianetnews.com/video/cricket-world-cup-videos/world-cup-2019-unique-batting-records-in-this-tourney-pus6yk https://kannada.asianetnews.com/video/cricket-world-cup-videos/world-cup-2019-unique-batting-records-in-this-tourney-pus6yk Wed, 17 Jul 2019 15:41:00 +0530 2019ರ ವಿಶ್ವಕಪ್ ಟೂರ್ನಿಯಲ್ಲಿ ಹಲವು ದಾಖಲೆಗಳು ನಿರ್ಮಾಣವಾಗಿದೆ. ಅಷ್ಟೇ ದಾಖಲೆಗಳು ಪುಡಿ ಪುಡಿಯಾಗಿದೆ. 10 ತಂಡಗಳ ಸ್ಟಾರ್ ಬ್ಯಾಟ್ಸ್‌ಮನ್‌ಗಳು ಒಂದಲ್ಲಾ ಒಂದು ದಾಖಲೆ ಬರೆದಿದ್ದಾರೆ. ಹಾಗಾದರೆ ಈ ಬಾರಿ ಬ್ಯಾಟಿಂಗ್‌ನಲ್ಲಿ ನಿರ್ಮಾಣವಾದ ದಾಖಲೆ ಯಾವುದು? ಇಲ್ಲಿದೆ ವಿವರ. https://kannada.asianetnews.com/video/cricket-world-cup-videos/world-cup-2019-team-india-become-new-chokers-after-world-cup-exit-pus6j5 https://kannada.asianetnews.com/video/cricket-world-cup-videos/world-cup-2019-team-india-become-new-chokers-after-world-cup-exit-pus6j5 Wed, 17 Jul 2019 15:31:00 +0530 ಕ್ರಿಕೆಟ್ ಜಗತ್ತಿನಲ್ಲಿ ಸೌತ್ ಆಫ್ರಿಕಾ ಚೋಕರ್ಸ್ ಅನ್ನೋ ಹಣೆಪಟ್ಟಿ ಹೊತ್ತುಕೊಂಡಿದೆ. ಆದರೆ ಈ ಚೋಕರ್ಸ್ ಪಟ್ಟವನ್ನು ಇದೀಗ ಸೌತ್ ಆಫ್ರಿಕಾದಿಂದ ಭಾರತ ಕಸಿದುಕೊಂಡಿದೆ. 2019ರ ವಿಶ್ವಕಪ್ ಸೆಮಿಫೈನಲ್ ಸೋಲಿಗೆ ಭಾರತಕ್ಕೆ ಚೋಕರ್ಸ್ ಪಟ್ಟ ಬಂದಿಲ್ಲ. 2013ರ ಬಳಿಕ ಟೀಂ ಇಂಡಿಯಾ ಪ್ರದರ್ಶನವೇ ಇದಕ್ಕೆ ಕಾರಣ. 2013ರ ಚಾಂಪಿಯನ್ಸ್ ಟ್ರೋಫಿ ಬಳಿಕ ಭಾರತ ಚೋಕರ್ಸ್ ಹಣೆಪಟ್ಟಿಗೆ ಗುರಿಯಾಗಿದ್ದು ಹೇಗೆ ಅನ್ನೋದು ಇಲ್ಲಿದೆ. https://kannada.asianetnews.com/video/cricket-world-cup-videos/world-cup-2019-five-most-disappointment-moments-pus64q https://kannada.asianetnews.com/video/cricket-world-cup-videos/world-cup-2019-five-most-disappointment-moments-pus64q Wed, 17 Jul 2019 15:23:00 +0530 ಲಂಡನ್(ಜು.17): ವಿಶ್ವಕಪ್ ಫೈನಲ್ ಪಂದ್ಯದ ವಿವಾದ ಹೊರತು ಪಡಿಸಿದರೆ, ಕ್ರಿಕೆಟ್ ಇತಿಹಾಸದಲ್ಲೇ ಅತ್ಯಂತ ರೋಚಕ ಪಂದ್ಯ ಅನ್ನೋದರಲ್ಲಿ ಎರಡು ಮಾತಿಲ್ಲ. ಅಷ್ಟರ ಮಟ್ಟಿಗೆ ಅಭಿಮಾನಿಗಳನ್ನು ಹಿಡಿದಿಟ್ಟುಕೊಳ್ಳುವಲ್ಲಿ ಫೈನಲ್ ಪಂದ್ಯ  ಯಶಸ್ವಿಯಾಗಿತ್ತು. ಆದರೆ ಈ ಟೂರ್ನಿಯಲ್ಲಿ ಹಲವು ಕಹಿ ಘಟನೆಗಳು ನಡೆದಿದೆ. ಇದರಲ್ಲಿ 5 ಪ್ರಮುಖ ಘಟನೆಗಳ ವಿವರ ಇಲ್ಲಿದೆ. https://kannada.asianetnews.com/icc-cricket-world-cup-2019/ms-dhoni-parents-reveals-retirement-decision-pus1xj https://kannada.asianetnews.com/icc-cricket-world-cup-2019/ms-dhoni-parents-reveals-retirement-decision-pus1xj Wed, 17 Jul 2019 13:52:00 +0530 ರಾಂಚಿ(ಜು.17): ವಿಶ್ವಕಪ್ ಟೂರ್ನಿಯಲ್ಲಿ ಟೀಂ ಇಂಡಿಯಾ ನಿರಾಸೆ ಅನುಭವಿಸಿದ ಬೆನ್ನಲ್ಲೇ ಹಿರಿಯ ಕ್ರಿಕೆಟಿಗ ಎಂ.ಎಸ್.ಧೋನಿ ಮೇಲೆ ನಿವೃತ್ತಿ ಮಾತುಗಳು ಕೇಳಿ ಬರುತ್ತಿದೆ. ವೆಸ್ಟ್ ಇಂಡೀಸ್ ಪ್ರವಾಸಕ್ಕೂ ಧೋನಿ ಬದಲು ರಿಷಬ್ ಪಂತ್ ಅಥವಾ ದಿನೇಶ್ ಕಾರ್ತಿಕ್‌ಗೆ ಸ್ಥಾನ ನೀಡಲು ಆಯ್ಕೆ ಸಮಿತಿ ಚಿಂತಿಸಿದೆ. ಇದೀಗ ಧೋನಿ ನಿವೃತ್ತಿ ಕುರಿತು ಸ್ವತಃ ಧೋನಿ ಪೋಷಕರು ಕೆಲ ಮಾಹಿತಿ ಬಹಿರಂಗ ಪಡಿಸಿದ್ದಾರೆ. ಇದನ್ನೂ ಓದಿ:ವಿದಾಯದ ಬಳಿಕ ಭಾರತೀಯ ಸೇನೆಗೆ ಧೋನಿ ಖಾಸಗಿ ಮಾಧ್ಯಮದ ಜೊತೆ ಮಾತನಾಡಿರುವ ಧೋನಿ ಬಾಲ್ಯದ ಕೋಚ್ ಕೇಶವ್ ಬ್ಯಾನರ್ಜಿ, ಧೋನಿ ಮೇಲೆ ನಿವೃತ್ತಿ ಒತ್ತಡವಿರೋದನ್ನು ಒಪ್ಪಿಕೊಂಡಿದ್ದಾರೆ. ಇಷ್ಟೇ ಅಲ್ಲ ಧೋನಿಯನ್ನು ಮತ್ತೆ ಬ್ಲೂ ಜರ್ಸಿಯಲ್ಲಿ ನೋಡಲು ಬಯಸುತ್ತಿಲ್ಲ.  ಧೋನಿ ನಿವೃತ್ತಿಗೆ ಸಮಯವಾಗಿದೆ ಎಂದು ಧೋನಿ ಪೋಷಕರು ತಮ್ಮಲ್ಲಿ ಹೇಳಿದ್ದರು ಎಂದು ಕೇಶವ್ ಬ್ಯಾನರ್ಜಿ ಹೇಳಿದ್ದಾರೆ. ಇದನ್ನೂ ಓದಿ: ವಿಂಡೀಸ್‌ ಪ್ರವಾಸಕ್ಕೆ ಧೋನಿಗಿಲ್ಲ ಸ್ಥಾನ? ಧೋನಿ ಪೋಷಕರ ಪ್ರಕಾರ 2020ರ ಟಿ20 ವಿಶ್ವಕಪ್ ಬಳಿಕ ಧೋನಿ ನಿವೃತ್ತಿ ಹೇಳಲಿ ಎಂದಿದ್ದಾರೆ. ಆದರೆ ಈ ಕುರಿತು ನಾವು ಯಾವುದೇ ರೀತಿಯ ಒತ್ತಡ ಹೇರುವುದಿಲ್ಲ ಎಂದು ಧೋನಿ ಪೋಷಕರು ಬ್ಯಾನರ್ಜಿ ಬಳಿ ಹೇಳಿಕೊಂಡಿದ್ದಾರೆ. ನ್ಯೂಜಿಲೆಂಡ್ ವಿರುದ್ಧದ ವಿಶ್ವಕಪ್ ಸೆಮಿಫೈನಲ್ ಪಂದದ್ಯ ಸೋಲಿನ ಬಳಿಕ ಧೋನಿ ನಿವೃತ್ತಿ ಒತ್ತಡ  ಹೆಚ್ಚಾಗಿದೆ.   https://kannada.asianetnews.com/icc-cricket-world-cup-2019/twittarati-applies-icc-highest-boundary-rule-to-karnataka-politics-purveo https://kannada.asianetnews.com/icc-cricket-world-cup-2019/twittarati-applies-icc-highest-boundary-rule-to-karnataka-politics-purveo Wed, 17 Jul 2019 11:31:00 +0530 ಬೆಂಗಳೂರು(ಜು.17): ವಿಶ್ವಕಪ್ ಟೂರ್ನಿ ಮುಗಿದರೂ ಟೂರ್ನಿಯ ವಿವಾದ ತಣ್ಣಗಾಗುವ ಲಕ್ಷಣಗಳು ಕಾಣುತ್ತಿಲ್ಲ. ಫೈನಲ್ ಪಂದ್ಯ ಎರಡು ಬಾರಿ ಟೈ ಆದಾಗ ಗರಿಷ್ಠ ಬೌಂಡರಿ ಸಿಡಿಸಿದ ಆಧಾರದಲ್ಲಿ ಇಂಗ್ಲೆಂಡ್ ತಂಡಕ್ಕೆ ಗೆಲುವು ಘೋಷಿಸಲಾಗಿದೆ. ಇದು ವಿವಾದಕ್ಕೂ ಕಾರಣವಾಗಿದೆ. ಇಷ್ಟೇ ಅಲ್ಲ ಈ ನಿಯಮ ಇದೀಗ ಟ್ರೋಲ್ ಆಗುತ್ತಿದೆ. ಕರ್ನಾಟಕ ರಾಜ್ಯ ರಾಜಕಾರಣಕ್ಕೂ ICC ನಿಯಮ ಅನ್ವಯಿಸಿ ಟ್ರೋಲ್ ಮಾಡಲಾಗುತ್ತಿದೆ. ಇದನ್ನೂ ಓದಿ: ವಿಶ್ವಕಪ್ 2019: ಅಂಪೈರ್‌ ಗಳ ಭಾರೀ ಎಡವಟ್ಟು ಸುಪ್ರೀಂ ಕೋರ್ಟ್ ಆದೇಶದಂತೆ ವಿಶ್ವಾಸ ಮತ ಯಾಚನೆಗೆ(ಜು.18) ಸಿಎಂ ಕುಮಾರ ಸ್ವಾಮಿ ಸಜ್ಜಾಗಿದ್ದಾರೆ. ಇದೀಗ ಕುಮಾರಸ್ವಾಮಿ ಹಾಗೂ ವಿಪಕ್ಷದಲ್ಲಿರುವ ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್.ಯಡಿಯೂರಪ್ಪ ಸಮಾನ ಮತ ಪಡೆದರೆ ಐಸಿಸಿ ನಿಯಮ ಏನು ಹೇಳುತ್ತೆ ಅನ್ನೋದು ಟ್ರೋಲ್ ಆಗುತ್ತಿದೆ.  ನಾಳೆ ವಿಶ್ವಾಸಮತ ಯಾಚನೆಯಲ್ಲಿ ಕುಮಾರಸ್ವಾಮಿ ಹಾಗೂ ಯಡಿಯೂರಪ್ಪ ಇಬ್ಬರೂ ಸಮಾನ ಮತ ಪಡೆದಲ್ಲಿ  ಹೆಚ್ಚು ಹೆಂಡತಿ ಇರುವ ಆಧಾರದಲ್ಲಿ ಕುಮಾರಸ್ವಾಮಿ ಮುಖ್ಯಮಂತ್ರಿಯಾಗಿ ಆಯ್ಕೆಯಾಗಲಿದ್ದಾರೆ.  #ICC#WorldCup19 ನಿಯಮ ನಿಮ್ಮ ಬಳಿ .2 ಸಾವಿರವಿದೆ. ನನ್ನ ಬಳಿಯೂ .2 ಸಾವಿರವಿದೆ. ನಿಮ್ಮ ಬಳಿ .2000ದ ಒಂದು ನೋಟಿದೆ. ನನ್ನ ಬಳಿ .500ರ 4 ನೋಟುಗಳಿವೆ. ನಮ್ಮಿಬ್ಬರಲ್ಲಿ ಯಾರು ಶ್ರೀಮಂತರು ಎಂದು ಐಸಿಸಿಯನ್ನು ಕೇಳಿದರೆ, ಯಾರ ಬಳಿ 500ರ 4 ನೋಟುಗಳಿವೆಯೋ ಅವರೇ ಶ್ರೀಮಂತರು ಎನ್ನಲಿದೆ. - ಅಮಿತಾಭ್‌ ಬಚ್ಚನ್‌ T 3227 - आपके पास 2000 रूपये, मेरे पास भी 2000 रुपये, आपके पास 2000 का एक नोट, मेरे पास 500 के 4 ... कौन ज्यादा अमीर??? ICC - जिसके पास 500 के 4 नोट वो ज्यादा रईस.. #Iccrules😂😂🤣🤣 प्रणाम गुरुदेव Ef~NS — Amitabh Bachchan (@SrBachchan) July 15, 2019 ಎರಡೂ ತಂಡಗಳು ಬಾರಿಸಿದ ಒಟ್ಟು ಬೌಂಡರಿಗಳ ಸಂಖ್ಯೆಯೂ ಸಮಗೊಂಡರೆ, ಆಗ ಉಭಯ ತಂಡಗಳ ನಾಯಕ 10ನೇ ಇಲ್ಲವೇ 12ನೇ ತರಗತಿಯ ಅಂಕಪಟ್ಟಿಯಲ್ಲಿನ ಅಂಕಗಳನ್ನು ಪರಿಗಣಿಸಲಾಗುತ್ತದೆ. #ICCRules ಮುಂದಿನ ದಿನಗಳಲ್ಲಿ ಪಂದ್ಯ ಸೂಪರ್‌ ಓವರ್‌ ಟೈ ಆದರೆ ಎರಡೂ ತಂಡಗಳ ಆಟಗಾರರ ಜೆರ್ಸಿ ಸಂಖ್ಯೆಗಳನ್ನು ಕೂಡಿಸಿದಾಗ ಯಾರು ಹೆಚ್ಚು ಗಳಿಸುತ್ತಾರೋ ಅವರೇ ವಿಜೇತರು ಎಂದು ಐಸಿಸಿ ಘೋಷಿಸಬಹುದು. #ICCRules ಗುಂಡ ಮತ್ತು ಪುಂಡ ಲಡ್ಡು ತಿನ್ನುವ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. ಮೊದಲಿಗೆ ಇಬ್ಬರೂ ಕೊಟ್ಟ ಸಮಯದಲ್ಲಿ ಹತ್ತು ಹತ್ತು ಲಡ್ಡು ತಿಂದರು.  ಟೈ-ಬ್ರೇಕ್ ಮಾಡಲು ಮತ್ತೆ ನಾಲ್ಕು ಲಡ್ಡುಗಳನ್ನು ಕೊಡಲಾಯಿತು. ಅದನ್ನೂ ಇಬ್ಬರು ಒಂದೇ ಸಮಯಕ್ಕೆ ತಿಂದು ಮುಗಿಸಿದರು.  ಕೊನೆಗೆ ಗುಂಡ ತಿಂದ ಲಡ್ಡುಗಳಲ್ಲಿ ಒಣದ್ರಾಕ್ಷಿ ಜಾಸ್ತಿ ಇತ್ತು ಎಂಬ ಲೆಕ್ಕಾಚಾರದಲ್ಲಿ ಗುಂಡನನ್ನು ವಿಜಯಿ ಎಂದು ಘೋಷಿಸಲಾಯಿತು. #ICCRules ಶಿಕ್ಷಕ: ಇಂಗ್ಲೆಂಡ್‌ಗೆ ಮೊದಲ ರ್ಯಾಂಕ್ ನ್ಯೂಜಿಲೆಂಡ್‌: ನನಗೂ ಇಂಗ್ಲೆಂಡ್‌ನಷ್ಟೇ ಅಂಕಗಳು ಬಂದಿವೆ. ಶಿಕ್ಷಕ: ನೋಡು, ಇಂಗ್ಲೆಂಡ್‌ 4 ಅಂಕಗಳ ಪ್ರಶ್ನೆಗೆ ಉತ್ತರಿಸಿದೆ. ನೀನು 2 ಅಂಕಗಳ ಪ್ರಶ್ನೆಗಳಿಗೆ ಉತ್ತರಿಸಿದ್ದೀಯ. ಹೀಗಾಗಿ ಇಂಗ್ಲೆಂಡ್‌ ವಿಜೇತ ತಂಡ. - ಚೇತನ್‌ ಭಗತ್‌, ಖ್ಯಾತ ಲೇಖಕ Teacher: England is first NZ: but I had the same marks. Teacher: But see he answered a 4-mark question, and u answered two 2-mark questions. So, he's the winner. NZ: What the... #ICCRules — Chetan Bhagat (@chetan_bhagat) July 15, 2019 ಇತ್ತೀಚೆಗೆ ಜೋಕ್‌ಗಳಿಗಿಂತ ಐಸಿಸಿ ನಿಯಮಗಳೇ ಹೆಚ್ಚು ನಗು ತರಿಸುತ್ತಿವೆ. According to ICC MBBS is superior to MD or MS because it has more letters.#ICCRules #humour — Sai Aditya Nayudu (@ImTheSkylord) July 17, 2019 It's good they didn't say never a captain with beard has won a world cup . No more Williamson #Iccrules pic.twitter.com/X3EBgzag6V — mayank khurana (@m11cky) July 17, 2019 Makes sense #ICCRules pic.twitter.com/QB33iVPdCf — sid (@sridhar101) July 15, 2019 https://kannada.asianetnews.com/icc-cricket-world-cup-2019/sachin-tendulkar-announces-world-cup-dream-team-pursmj https://kannada.asianetnews.com/icc-cricket-world-cup-2019/sachin-tendulkar-announces-world-cup-dream-team-pursmj Wed, 17 Jul 2019 10:31:00 +0530 ನವದೆಹಲಿ(ಜು.17): ಬ್ಯಾಟಿಂಗ್‌ ದಿಗ್ಗಜ ಸಚಿನ್‌ ತೆಂಡುಲ್ಕರ್‌ ಐಸಿಸಿ ಏಕದಿನ ವಿಶ್ವಕಪ್‌ನ ಕನಸಿನ ತಂಡವನ್ನು ಆಯ್ಕೆ ಮಾಡಿದ್ದು ಭಾರತದ ಐವರು ಆಟಗಾರರಿಗೆ ಸ್ಥಾನ ನೀಡಿದ್ದಾರೆ. ಸಚಿನ್‌ರ ತಂಡದಲ್ಲಿ ಧೋನಿಗೆ ಸ್ಥಾನ ಸಿಕ್ಕಿಲ್ಲ. ವಿಕೆಟ್‌ ಕೀಪರ್‌ ಸ್ಥಾನಕ್ಕೆ ಇಂಗ್ಲೆಂಡ್‌ನ ಜಾನಿ ಬೇರ್‌ಸ್ಟೋವ್‌ರನ್ನು ಆಯ್ಕೆ ಮಾಡಿದ್ದಾರೆ. ನ್ಯೂಜಿಲೆಂಡ್‌ನ ಕೇನ್‌ ವಿಲಿಯಮ್ಸನ್‌ರನ್ನು ತೆಂಡುಲ್ಕರ್‌ ತಮ್ಮ ಕನಸಿನ ತಂಡದ ನಾಯಕರನ್ನಾಗಿ ಹೆಸರಿಸಿದ್ದಾರೆ. ಇದನ್ನೂ ಓದಿ: ವಿಶ್ವಕಪ್ 2019: ಅಂಪೈರ್‌ ಗಳ ಭಾರೀ ಎಡವಟ್ಟು ಸಚಿನ್‌ರ ವಿಶ್ವಕಪ್‌ ತಂಡ: ರೋಹಿತ್‌ ಶರ್ಮಾ, ಜಾನಿ ಬೇರ್‌ಸ್ಟೋವ್‌(ವಿಕೆಟ್‌ ಕೀಪರ್‌), ಕೇನ್‌ ವಿಲಿಯಮ್ಸನ್‌(ನಾಯಕ), ವಿರಾಟ್‌ ಕೊಹ್ಲಿ, ಶಕೀಬ್‌ ಅಲ್‌ ಹಸನ್‌, ಬೆನ್‌ ಸ್ಟೋಕ್ಸ್‌, ಹಾರ್ದಿಕ್‌ ಪಾಂಡ್ಯ, ರವೀಂದ್ರ ಜಡೇಜಾ, ಮಿಚೆಲ್‌ ಸ್ಟಾರ್ಕ್, ಜಸ್‌ಪ್ರೀತ್‌ ಬೂಮ್ರಾ, ಜೋಫ್ರಾ ಆರ್ಚರ್‌. https://kannada.asianetnews.com/icc-cricket-world-cup-2019/britain-government-awarded-sir-honours-to-world-cup-hero-ben-stokes-pursar https://kannada.asianetnews.com/icc-cricket-world-cup-2019/britain-government-awarded-sir-honours-to-world-cup-hero-ben-stokes-pursar Wed, 17 Jul 2019 10:24:00 +0530 ಲಂಡನ್‌(ಜು.17): ಇಂಗ್ಲೆಂಡ್‌ನ ವಿಶ್ವಕಪ್‌ ಹೀರೋ ಬೆನ್‌ ಸ್ಟೋಕ್ಸ್‌ಗೆ ಬ್ರಿಟನ್‌ನ ಅತ್ಯುನ್ನತ ನೈಟ್‌ಹುಡ್‌ ಗೌರವ ಸಿಗುವ ಸಾಧ್ಯತೆ ಇದೆ. ಮುಂದಿನ ದಿನಗಳಲ್ಲಿ ಅವರು ‘ಸರ್‌’ ಬೆನ್‌ ಸ್ಟೋಕ್ಸ್‌ ಎಂದು ಕರೆಸಿಕೊಳ್ಳುವ ನಿರೀಕ್ಷೆ ಇದೆ. ಏಕದಿನ ವಿಶ್ವಕಪ್‌ ಫೈನಲ್‌ನಲ್ಲಿ ಸ್ಟೋಕ್ಸ್‌ ಅಜೇಯ 84 ರನ್‌ ಗಳಿಸಿ, ಇಂಗ್ಲೆಂಡ್‌ ಪಂದ್ಯವನ್ನು ಟೈ ಮಾಡಿಕೊಳ್ಳುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.  ಇದನ್ನೂ ಓದಿ: 2016ರಲ್ಲಿ ವಿಲನ್ ಆಗಿದ್ದ ಸ್ಟೋಕ್ಸ್, 2019ರಲ್ಲಿ ಹೀರೋ! ಬಳಿಕ ಸೂಪರ್‌ ಓವರ್‌ನಲ್ಲೂ ಅವರು 8 ರನ್‌ ಗಳಿಸಿದರು. ಸ್ಟೋಕ್ಸ್‌ ಪ್ರದರ್ಶನ ಬ್ರಿಟನ್‌ನ ಪ್ರಧಾನಿ ಅಭ್ಯರ್ಥಿಗಳಾದ ಬೋರಿಸ್‌ ಜಾನ್ಸನ್‌ ಹಾಗೂ ಜೆರೆಮಿ ಹಂಟ್‌ ಇಬ್ಬರ ಮನ ಸೆಳೆದಿದೆ. ಈ ತಿಂಗಳ ಅಂತ್ಯಕ್ಕೆ ಹಾಲಿ ಪ್ರಧಾನಿ ಥೆರೇಸಾ ಮೇ ಅವಧಿ ಮುಕ್ತಾಯಗೊಳ್ಳಲಿದ್ದು, ಬೋರಿಸ್‌ ಇಲ್ಲವೇ ಜೆರೆಮಿ ಇಬ್ಬರಲ್ಲಿ ಒಬ್ಬರು ನೂತನ ಪ್ರಧಾನಿಯಾಗಲಿದ್ದಾರೆ. ಇಬ್ಬರೂ ಸ್ಟೋಕ್ಸ್‌ಗೆ ನೈಟ್‌ಹುಡ್‌ ಗೌರವ ನೀಡುವ ಭರವಸೆ ನೀಡಿದ್ದಾರೆ. ಇದನ್ನೂ ಓದಿ: ಇಂಗ್ಲೆಂಡ್ ವಿಶ್ವಕಪ್ ಗೆಲುವಿಗೆ ಕಾರಣವಾದ ಆ 5 ಅಂಶಗಳಿವು..! ಈ ವರೆಗೂ 11 ಕ್ರಿಕೆಟಿಗರು ನೈಟ್‌ಹುಡ್‌ ಗೌರವಕ್ಕೆ ಪಾತ್ರರಾಗಿದ್ದಾರೆ. ಇಂಗ್ಲೆಂಡ್‌ನ ಮಾಜಿ ನಾಯಕ ಅಲಿಸ್ಟರ್‌ ಕುಕ್‌ ಇತ್ತೀಚೆಗಷ್ಟೇ ಈ ಗೌರವ ಪಡೆದಿದ್ದರು.   https://kannada.asianetnews.com/icc-cricket-world-cup-2019/we-were-not-aware-of-over-throw-rules-says-new-zealand-captain-kane-williamson-purqsd https://kannada.asianetnews.com/icc-cricket-world-cup-2019/we-were-not-aware-of-over-throw-rules-says-new-zealand-captain-kane-williamson-purqsd Wed, 17 Jul 2019 09:51:00 +0530 ಆಕ್ಲೆಂಡ್‌(ಜು.17): ವಿಶ್ವಕಪ್‌ ಫೈನಲ್‌ ಪಂದ್ಯದಲ್ಲಿ ಅಂಪೈರ್‌ಗಳ ಭಾರೀ ಎಡವಟ್ಟಿನಿಂದಾಗಿ ಇಂಗ್ಲೆಂಡ್‌ಗೆ ಓವರ್‌ ಥ್ರೋ ವೇಳೆ 5 ರನ್‌ ಬದಲು 6 ರನ್‌ ದೊರೆತಿತ್ತು. ಪಂದ್ಯ ಟೈ ಆಗಲು ಇದೂ ಕೂಡ ಪ್ರಮುಖ ಕಾರಣ. ಆದರೆ ಓವರ್‌ ಥ್ರೋ ನಿಯಮದ ಬಗ್ಗೆ ನ್ಯೂಜಿಲೆಂಡ್‌ ಆಟಗಾರರಿಗಾಲಿ, ಕೋಚ್‌ಗಳಿಗಾಗಿ ಮಾಹಿತಿಯೇ ಇರಲಿಲ್ಲ ಎನ್ನುವ ಆಘಾತಕಾರಿ ಅಂಶ ಬೆಳಕಿಗೆ ಬಂದಿದೆ.  ಇದನ್ನೂ ಓದಿ: ಸಾವಿನ ನೋವಿನಲ್ಲೂ ಇಂಗ್ಲೆಂಡ್‌ಗೆ ಟ್ರೋಫಿ ಗೆಲ್ಲಿಸಿದ ಆರ್ಚರ್! ಸೋಮವಾರ ಮಾಜಿ ಅಂಪೈರ್‌ ಸೈಮನ್‌ ಟಾಫೆಲ್‌, ಐಸಿಸಿ ನಿಯಮದ ಪ್ರಕಾರ ಇಂಗ್ಲೆಂಡ್‌ಗೆ 5 ರನ್‌ಗಳಷ್ಟೇ ಸಿಗಬೇಕು ಎಂದು ಖಚಿತಪಡಿಸಿದ್ದರು. ಮಂಗಳವಾರ ನ್ಯೂಜಿಲೆಂಡ್‌ನ ಮಾಧ್ಯಮಗಳೊಂದಿಗೆ ಮಾತನಾಡಿದ ನಾಯಕ ಕೇನ್‌ ವಿಲಿಯಮ್ಸನ್‌ ಹಾಗೂ ಬ್ಯಾಟಿಂಗ್‌ ಕೋಚ್‌ ಕ್ರೇಗ್‌ ಮೆಕ್‌ಮಿಲನ್‌, ಓವರ್‌ ಥ್ರೋ ನಿಯಮದ ಬಗ್ಗೆ ಮಾಹಿತಿ ಇರಲಿಲ್ಲ ಎಂದಿದ್ದಾರೆ.  ಇದನ್ನೂ ಓದಿ: ವಿದಾಯದ ಬಳಿಕ ಭಾರತೀಯ ಸೇನೆಗೆ ಧೋನಿ; ಮ್ಯಾನೇಜರ್ ಬಿಚ್ಚಿಟ್ಟ ಸೀಕ್ರೆಟ್! ‘ನನಗೆ ನಿಯಮದ ಬಗ್ಗೆ ಅರಿವಿರಲಿಲ್ಲ. ಸಹಜವಾಗಿಯೇ ಅಂಪೈರ್‌ಗಳು ಹಾಗೂ ಅವರು ನೀಡುವ ತೀರ್ಪಿನ ಮೇಲೆ ನಾವು ವಿಶ್ವಾಸವಿಟ್ಟಿರುತ್ತೇವೆ. ಪಂದ್ಯದ ತಿರುವುಗಳಲ್ಲಿ ಓವರ್‌ ಥ್ರೋ ಸನ್ನಿವೇಶ ಒಂದಾಗದಿದ್ದರೆ ಈ ಬಗ್ಗೆ ಯಾರಿಗೂ ಗೊತ್ತಾಗುತ್ತಲೇ ಇರಲಿಲ್ಲ’ ಎಂದು ವಿಲಿಯಮ್ಸನ್‌ ಹೇಳಿದ್ದಾರೆ. ‘ಖಂಡಿತವಾಗಿಯೂ ನನಗೆ ಆ ನಿಯಮದ ಬಗ್ಗೆ ಗೊತ್ತಿರಲಿಲ್ಲ. ನಾನು ಸಾಕಷ್ಟುಕ್ರಿಕೆಟ್‌ ಆಡಿದ್ದೇನೆ, ನೋಡಿದ್ದೇನೆ. ಓವರ್‌ ಥ್ರೋನಲ್ಲಿ ವೇಳೆ ಓಡಿದ ರನ್‌ಗಳನ್ನು ಒಟ್ಟು ರನ್‌ಗೆ ಸೇರಿಸಲಾಗುತ್ತದೆ. ಆದರೆ ಚೆಂಡು ಯಾವಾಗ ಎಸೆಯಲಾಯಿತು ಎನ್ನುವುದನ್ನೂ ಪರಿಗಣಿಸಲಾಗುತ್ತದೆ ಎಂದು ತಿಳಿದಿರಲಿಲ್ಲ’ ಎಂದು ಮೆಕ್‌ಮಿಲನ್‌ ಹೇಳಿದ್ದಾರೆ. https://kannada.asianetnews.com/icc-cricket-world-cup-2019/jofra-archer-overcomes-from-cousin-death-to-help-england-team-for-world-cup-trophy-puqud8 https://kannada.asianetnews.com/icc-cricket-world-cup-2019/jofra-archer-overcomes-from-cousin-death-to-help-england-team-for-world-cup-trophy-puqud8 Tue, 16 Jul 2019 22:11:00 +0530 ಲಂಡನ್(ಜು.16): ವಿಶ್ವಕಪ್ ಟೂರ್ನಿ ಫೈನಲ್ ಪಂದ್ಯದ ಸೂಪರ್ ಓವರ್‌ನಲ್ಲಿ ಜೋಫ್ರಾ ಆರ್ಚರ್ ಮತ್ತೊಮ್ಮೆ ತಾನೊರ್ವ ಬೆಸ್ಟ್ ಬೌಲರ್ ಅನ್ನೋದನ್ನು ಸಾಬೀತುಪಡಿಸಿದರು. ಜೋಫ್ರಾ ಆರ್ಚರ್ ಸಂಪೂರ್ಣ ವಿಶ್ವಕಪ್ ಟೂರ್ನಿಯಲ್ಲಿ ಮಾರಕ ಬೌಲಿಂಗ್ ದಾಳಿಯಿಂದ ಇಂಗ್ಲೆಂಡ್ ಆತಂಕವಿಲ್ಲದೆ ಫೈನಲ್ ತಲುಪಿತ್ತು.  ಫೈನಲ್ ಪಂದ್ಯ ಹಾಗೂ ಸೂಪರ್ ಓವರ್‌ನಲ್ಲೂ ಆರ್ಚರ್ ಪ್ರದರ್ಶನದಿಂದ ಇಂಗ್ಲೆಂಡ್ ಗೆಲುವಿನ ನಗೆ ಬೀರಿತು. ಆದರೆ ಆರ್ಚರ್ ಯಶಸ್ವಿ ಪ್ರದರ್ಶನದ ಹಿಂದೆ ನೋವಿನ ಕತೆಯಿದೆ. ಇದನ್ನೂ ಓದಿ: ವಿಶ್ವಕಪ್ ಗೆದ್ದ ಇಂಗ್ಲೆಂಡ್ ತಂಡದ ರೋಡ್ ಶೋಗೆ ಬ್ರೇಕ್! ವಿಶ್ವಕಪ್ ಟೂರ್ನಿಯಲ್ಲಿ ಇಂಗ್ಲೆಂಡ್ ಉದ್ಘಾಟನಾ ಪಂದ್ಯದಲ್ಲಿ ಸೌತ್ ಆಫ್ರಿಕಾ ತಂಡವನ್ನು ಮಣಿಸಿ ಶುಭಾರಂಭ ಮಾಡಿತು. ತಂಡ ಸಂಭ್ರಮದ ಅಲೆಯಲ್ಲಿತ್ತು. ಆದರೆ ಜೋಫ್ರಾ ಆರ್ಚರ್‌ ಮಾತ್ರ ನೋವಿನಲ್ಲಿ ನರಳಾಡಿದರು. ಕಾರಣ ಬಾರ್ಬಡೋಸ್‌ನ ಸೈಂಟ್ ಫಿಲಿಪ್‌ನಲ್ಲಿರುವ ತಮ್ಮ ಮನೆಯ ಹೊರಗಡೆ ಸಹೋದರ ಸಂಬಂಧಿಯ ಹತ್ಯೆಯಾಗಿತ್ತು. ಆರ್ಚರ್ ಸಂಬಂಧಿಯನ್ನು ಗುಂಡಿಕ್ಕಿ ಕೊಲ್ಲಲಾಗಿತ್ತು. ಇದು ಜೋಫ್ರಾ ಆರ್ಚರ್‌ಗೆ ತೀವ್ರ ಆಘಾತ ನೀಡಿತ್ತು. ಇದನ್ನೂ ಓದಿ: ಜೀವನದುದ್ದಕ್ಕೂ ವಿಲಿಯಮ್ಸನ್ ಬಳಿ ಕ್ಷಮೆ ಯಾಚಿಸುತ್ತೇನೆಂದ ಸ್ಟೋಕ್ಸ್! ಜೋಫ್ರಾ ಆರ್ಚರ್ ಹಾಗೂ ಸಹೋದರ ಸಂಬಂಧಿ ಜೊತೆ ಜೊತೆಯಲ್ಲೇ ಬೆಳೆದವರು. ಜೊತೆಯಾಗಿ ಕ್ರಿಕೆಟ್ ಆಡಿದವರು. ಒಂದೇ ವಯಸ್ಸು ಕೂಡ. ಹೆಚ್ಚು ಆತ್ಮೀಯವಾಗಿದ್ದ ಸಬಂಧಿ ಕೊಲೆಯಾಗಿದ್ದಾನೆ ಅನ್ನೋ ಮಾಹಿತಿ ಆರ್ಚರ್‌ಗೆ ಇನ್ನಿಲ್ಲದಂತೆ ಕಾಡಿತ್ತು. ತಕ್ಷಣವೇ ಮನಗೆ ವಾಪಾಸ್ಸಾಗಲು ಆರ್ಚರ್ ಮನಸ್ಸು ಮಾಡಿದ್ದರು. ಆದರೆ ವಿಶ್ವಕಪ್ ಟೂರ್ನಿಯಲ್ಲಿ ತನ್ನ ಅವಶ್ಯಕತೆ ಇಂಗ್ಲೆಂಡ್ ತಂಡಕ್ಕಿದೆ ಅನ್ನೋದು ಆರ್ಚರ್‌ಗೆ ತಿಳಿದಿತ್ತು. ಹೀಗಾಗಿ ಸಂಪೂರ್ಣ ಟೂರ್ನಿಯನ್ನು ಆರ್ಚರ್ ನೋವಿನಲ್ಲೇ ಆಡಿದರು.  https://kannada.asianetnews.com/video/icc-cricket-world-cup-2019/world-cup-2019-final-umpires-decision-discuss-all-over-the-world-puqhpx https://kannada.asianetnews.com/video/icc-cricket-world-cup-2019/world-cup-2019-final-umpires-decision-discuss-all-over-the-world-puqhpx Tue, 16 Jul 2019 17:38:00 +0530 ವಿಶ್ವಕಪ್ ಟೂರ್ನಿ ಮುಗಿದು ಎರಡು ದಿನಗಳೇ ಕಳೆದರೂ ಫೈನಲ್ ಪಂದ್ಯದಲ್ಲಿ ಅಂಪೈರ್ ಮಾಡಿದ ಎಡವಟ್ಟು ಇದೀಗ ಕ್ರಿಕೆಟ್ ಅಭಿಮಾನಿಗಳಲ್ಲಿ ಸಾಕಷ್ಟು ಚರ್ಚೆಗೆ ಗುರಿಯಾಗಿದೆ. ವಿಶ್ವಕಪ್ ಫೈನಲ್ ಪಂದ್ಯದ ಕೊನೆಯ ಅರ್ಧಗಂಟೆಯಲ್ಲಾದ ಎಡವಟ್ಟಿಗೆ ಐಸಿಸಿ ತಲೆ ತಗ್ಗಿಸುವಂತೆ ಮಾಡಿತು. ಕೆಲ ಘಟನೆ ಗಮನಿಸಿದರೆ, ಇಂಗ್ಲೆಂಡ್’ಗೆ ಚಾಂಪಿಯನ್ಸ್ ಪಟ್ಟ ಮೊದಲೇ ಫಿಕ್ಸ್ ಆಗಿತ್ತಾ ಎನ್ನುವ ಅನುಮಾನ ಮೂಡಿದರು ಅಚ್ಚರಿಪಡಬೇಕಿಲ್ಲ.    https://kannada.asianetnews.com/icc-cricket-world-cup-2019/icc-announces-the-odi-rankings-after-the-world-cup-2019-puqgl8 https://kannada.asianetnews.com/icc-cricket-world-cup-2019/icc-announces-the-odi-rankings-after-the-world-cup-2019-puqgl8 Tue, 16 Jul 2019 17:13:00 +0530 ದುಬೈ[ಜು.16]: ಐಸಿಸಿ ಏಕದಿನ ಕ್ರಿಕೆಟ್ ವಿಶ್ವಕಪ್ ಮುಕ್ತಾಯವಾದ ಬೆನ್ನಲ್ಲೇ, ಐಸಿಸಿ ಆಟಗಾರರ ಶ್ರೇಯಾಂಕ ಪ್ರಕಟಗೊಂಡಿದ್ದು, ಟೀಂ ಇಂಡಿಯಾ ವಿರಾಟ್ ಕೊಹ್ಲಿ ಹಾಗೂ ಡೆತ್ ಓವರ್ ಸ್ಪೆಷಲಿಸ್ಟ್ ಜಸ್ಪ್ರೀತ್ ಬುಮ್ರಾ ಕ್ರಮವಾಗಿ ಬ್ಯಾಟಿಂಗ್ ಮತ್ತು ಬೌಲಿಂಗ್ ವಿಭಾಗದಲ್ಲಿ ಅಗ್ರಸ್ಥಾನದಲ್ಲೇ ಮುಂದುವರೆದಿದ್ದಾರೆ. ಐಸಿಸಿ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಟೀಂ ಇಂಡಿಯಾವು ಸೆಮಿಫೈನಲ್’ನಲ್ಲಿ ನ್ಯೂಜಿಲೆಂಡ್ ಎದುರು ಮುಗ್ಗರಿಸಿತ್ತು. ಇನ್ನು ಲಾರ್ಡ್ಸ್’ನಲ್ಲಿ ಜುಲೈ 14ರಂದು ನಡೆದ ಫೈನಲ್’ನಲ್ಲಿ ಇಂಗ್ಲೆಂಡ್ ತಂಡವು ನ್ಯೂಜಿಲೆಂಡ್ ಮಣಿಸಿ ಚೊಚ್ಚಲ ಬಾರಿಗೆ ವಿಶ್ವಕಪ್ ಜಯಿಸಿತ್ತು. ಜೀವನದುದ್ದಕ್ಕೂ ವಿಲಿಯಮ್ಸನ್ ಬಳಿ ಕ್ಷಮೆ ಯಾಚಿಸುತ್ತೇನೆಂದ ಸ್ಟೋಕ್ಸ್! ಬ್ಯಾಟಿಂಗ್ ವಿಭಾಗದಲ್ಲಿ ಟೀಂ ಇಂಡಿಯಾ ನಾಯಕ ಹಾಗೂ ಉಪನಾಯಕರಾದ ವಿರಾಟ್ ಹಾಗೂ ರೋಹಿತ್ ಮೊದಲೆರಡು ಸ್ಥಾನದಲ್ಲೇ ಮುಂದುವರೆದಿದ್ದಾರೆ. ಪಾಕಿಸ್ತಾನದ ಬಾಬರ್ ಅಜಂ ಮೂರನೇ ಸ್ಥಾನ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ವಿಶ್ವಕಪ್ ಟೂರ್ನಿಯಲ್ಲಿ ಗಮನಾರ್ಹ ಪ್ರದರ್ಶನ ತೋರಿದ, ಫಾಫ್ ಡುಪ್ಲೆಸಿಸ್, ಡೇವಿಡ್ ವಾರ್ನರ್, ಕ್ವಿಂಟನ್ ಡಿಕಾಕ್ ಶ್ರೇಯಾಂಕ ಪಟ್ಟಿಯಲ್ಲಿ ಭಡ್ತಿ ಪಡೆದಿದ್ದು, ಟಾಪ್ 10 ಪಟ್ಟಿಯೊಳಗೆ ಸ್ಥಾನ ಪಡೆದಿದ್ದಾರೆ. ಇನ್ನು ಬೌಲರ್’ಗಳ ವಿಭಾಗದಲ್ಲಿ ಜಸ್ಪ್ರೀತ್ ಬುಮ್ರಾ ಮೊದಲ ಸ್ಥಾನದಲ್ಲೇ ಭದ್ರವಾಗಿದ್ದಾರೆ. ಇನ್ನು ಟ್ರೆಂಟ್ ಬೌಲ್ಟ್, ಕಗಿಸೋ ರಬಾಡ ಮೊದಲ ಮೂರು ಸ್ಥಾನಗಳನ್ನು ಹಂಚಿಕೊಂಡಿದ್ದಾರೆ. ಇನ್ನುಳಿದಂತೆ ಟಾಪ್ 9 ಬೌಲರ್’ಗಳ ಪಟ್ಟಿಯಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ. ಆದರೆ 10ನೇ ಸ್ಥಾನದಲ್ಲಿದ್ದ ಕುಲ್ದೀಪ್ ಯಾದವ್ ಹಿಂದಿಕ್ಕಿರುವ ಕಿವೀಸ್ ವೇಗಿ ಮ್ಯಾಟ್ ಹೆನ್ರಿ ಟಾಪ್ 10 ಪಟ್ಟಿಯೊಳಗೆ ಸ್ಥಾನ ಪಡೆಯಲು ಯಶಸ್ವಿಯಾಗಿದ್ದಾರೆ.  ಆಲ್ರೌಂಡರ್ ವಿಭಾಗದಲ್ಲಿ ಬಾಂಗ್ಲಾದೇಶದ ಆಲ್ರೌಂಡರ್ ಶಕೀಬ್ ಅಲ್ ಹಸನ್ ಮೊದಲ ಸ್ಥಾನದಲ್ಲಿದ್ದರೆ, ಬೆನ್ ಸ್ಟೋಕ್ಸ್ ಎರಡನೇ ಸ್ಥಾನದಲ್ಲಿದ್ದಾರೆ. ಟಾಪ್ 10 ಪಟ್ಟಿಯಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ.  ICC ಟಾಪ್ 10 ಶ್ರೇಯಾಂಕಿತ ಬ್ಯಾಟ್ಸ್‌ಮನ್ ಗಳಿವರು ಶ್ರೇಯಾಂಕ    ಬ್ಯಾಟ್ಸ್‌ಮನ್ 01        ವಿರಾಟ್ ಕೊಹ್ಲಿ 02        ರೋಹಿತ್ ಶರ್ಮಾ 03        ಬಾಬರ್ ಅಜಂ 04        ಫಾಫ್ ಡುಪ್ಲೆಸಿಸ್ 05        ರಾಸ್ ಟೇಲರ್ 06        ಕೇನ್ ವಿಲಿಯಮ್ಸನ್ 07        ಡೇವಿಡ್ ವಾರ್ನರ್ 08        ಜೋ ರೂಟ್ 09        ಕ್ವಿಂಟನ್ ಡಿಕಾಕ್ 10        ಜೇಸನ್ ರಾಯ್ ICC ಟಾಪ್ 10 ಶ್ರೇಯಾಂಕಿತ ಬೌಲರ್‌ಗಳಿವರು ಶ್ರೇಯಾಂಕ    ಬೌಲರ್‌ಗಳು 01        ಜಸ್ಪ್ರೀತ್ ಬುಮ್ರಾ 02        ಟ್ರೆಂಟ್ ಬೌಲ್ಟ್ 03        ಕಗಿಸೋ ರಬಾಡ 04        ಪ್ಯಾಟ್ ಕಮ್ಮಿನ್ಸ್ 05        ಇಮ್ರಾನ್ ತಾಹಿರ್ 06        ಮುಜೀಬ್ ಉರ್ ರೆಹಮಾನ್ 07        ಕ್ರಿಸ್ ವೋಕ್ಸ್ 08        ಮಿಚೆಲ್ ಸ್ಟಾರ್ಕ್ 09        ರಶೀದ್ ಖಾನ್ 10        ಮ್ಯಾಟ್ ಹೆನ್ರಿ ICC ಟಾಪ್ 10 ಶ್ರೇಯಾಂಕಿತ ಆಲ್ರೌಂಡರ್ ಗಳಿವರು ಶ್ರೇಯಾಂಕ    ಆಲ್ರೌಂಡರ್ 01        ಶಕೀಬ್ ಅಲ್ ಹಸನ್ 02        ಬೆನ್ ಸ್ಟೋಕ್ಸ್ 03        ಮೊಹಮ್ಮದ್ ನಬೀ 04        ಇಮಾದ್ ವಾಸೀಂ 05        ರಶೀದ್ ಖಾನ್ 06        ಕ್ರಿಸ್ ವೋಕ್ಸ್ 07        ಜೇಸನ್ ಹೋಲ್ಡರ್ 08        ಮಿಚೆಲ್ ಸ್ಯಾಂಟ್ನರ್ 09        ಆ್ಯಂಡಿಲೆ ಫೆಲುಕ್ವಾಯೋ 10        ಹಾರ್ದಿಕ್ ಪಾಂಡ್ಯ https://kannada.asianetnews.com/icc-cricket-world-cup-2019/ecb-cancelled-team-road-show-after-maiden-cricket-world-cup-2019-puqdbo https://kannada.asianetnews.com/icc-cricket-world-cup-2019/ecb-cancelled-team-road-show-after-maiden-cricket-world-cup-2019-puqdbo Tue, 16 Jul 2019 16:03:00 +0530 ಲಂಡನ್(ಜು.16): ನ್ಯೂಜಿಲೆಂಡ್ ವಿರುದ್ಧದ ಫೈನಲ್ ಪಂದ್ಯದಲ್ಲಿ ಆತಿಥೇಯ ಇಂಗ್ಲೆಂಡ್ ಗೆಲುವು ಸಾಧಿಸಿ ವಿಶ್ವಕಪ್ ಟ್ರೋಫಿ ಗೆದ್ದುಕೊಂಡಿದೆ. ಸೂಪರ್ ಓವರ್‌ನಲ್ಲೂ ಪಂದ್ಯ ಟೈ ಗೊಂಡು ಗರಿಷ್ಠ ಬೌಂಡರಿ ಆಧಾರದಲ್ಲಿ ಇಂಗ್ಲೆಂಡ್ ಟ್ರೋಫಿ ಗೆದ್ದುಕೊಂಡಿತು.  ಕಠಿಣ ಹೋರಾಟದ ಜೊತೆಗೆ ಇಂಗ್ಲೆಂಡ್‌ಗೆ ಲಕ್ ಕೂಡ ಕೈ ಹಿಡಿದಿತ್ತು. ಹೀಗಾಗಿ ಗೆಲುವಿನ ನಗೆ ಬೀರಿತು. ತವರಿನಲ್ಲಿ ಪ್ರಶಸ್ತಿ ಗೆದ್ದು ಇತಿಹಾಸ ನಿರ್ಮಿಸಿದ ಇಂಗ್ಲೆಂಡ್ ತಂಡದ ಸಂಭ್ರಮಾಚರಣೆಯನ್ನು ರದ್ದು ಮಾಡಲಾಗಿದೆ.  ಇದನ್ನೂ ಓದಿ: ವಿಶ್ವಕಪ್ 2019: ಇಂಗ್ಲೆಂಡ್ ಸೇರಿದಂತೆ 10 ತಂಡ ಪಡೆದ ಪ್ರಶಸ್ತಿ ಮೊತ್ತ ಇಲ್ಲಿದೆ! ಗೆಲುವಿನ ಬಳಿಕ ಲಂಡನ್ ಆಥಾರಿಟಿ ತಂಡದ ರೋಡ್ ಶೋಗೆ ಎಲ್ಲಾ ತಯಾರಿ ನಡೆಸಿತ್ತು. ತೆರೆದ ಬಸ್ ಸೇರಿದಂತೆ ಸಕಲ ಸಿದ್ಧತೆ ಮಾಡಿಕೊಂಡಿತ್ತು. ಜುಲೈ 15ಕ್ಕೆ ರೋಡ್ ಶೋ ಮಾಡಲು ದಿನಾಂಕ ನಿಗದಿ ಪಡಿಸಲಾಗಿತ್ತು. ಆದರೆ ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ ತಂಡದ ರೋಡ್ ಶೋ ರದ್ದು ಮಾಡಿತು. ತಂಡದ ರೋಡ್ ಶೋ ಕ್ಯಾನ್ಸಲ್ ಮಾಡುವಂತೆ ಲಂಡನ್ ಅಥಾರಿಟಿಗೆ ಸೂಚಿಸಿತು. ಇದನ್ನೂ ಓದಿ: ವಿಶ್ವಕಪ್ ಟೂರ್ನಿಯಲ್ಲಿ ಅಳಿಸಿಹೋದ ಹಾಗೂ ನಿರ್ಮಾಣವಾದ ಅಪರೂಪದ ದಾಖಲೆಗಳಿವು..! ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ ರೋಡ್ ಶೋ ಕ್ಯಾನ್ಸಲ್ ಮಾಡಲು ಕಾರಣ ಆಶ್ಯಸ್ ಸರಣಿ. ಜುಲೈ 24 ರಿಂದ ಇಂಗ್ಲೆಂಡ್ ತಂಡ ಅಭ್ಯಾಸ ಪಂದ್ಯ ಆಡಲಿದೆ. ಬಳಿಕ ಆಗಸ್ಟ್ 3 ರಿಂದ ಪ್ರತಿಷ್ಠಿತ ಆಶ್ಯಸ್ ಸರಣಿ ಆರಂಭಗೊಳ್ಳಲಿದೆ. ಈಗಾಗಲೇ ಆಟಗಾರರು ಸತತ ಪಂದ್ಯದಿಂದ ಬಳಲಿದ್ದಾರೆ. ಇನ್ನೆರಡು ದಿನದಲ್ಲಿ ಆಶ್ಯಸ್ ಸರಣಿಗೆ ಸಜ್ಜಾಗಬೇಕಿದೆ. ಹೀಗಾಗಿ ಆಟಗಾರರ ವಿಶ್ರಾಂತಿ ಹಾಗೂ ಆಶ್ಯಸ್ ಸರಣಿ ದೃಷ್ಟಿಯಿಂದ ರೋಡ್ ಶೋ ರದ್ದು ಮಾಡಲಾಗಿದೆ ಎಂದು ಇಂಗ್ಲೆಂಡ್ ಹಾಗೂ ವೇಲ್ಸ್ ಕ್ರಿಕೆಟ್ ಮಂಡಳಿ ಸ್ಪಷ್ಟಪಡಿಸಿದೆ. https://kannada.asianetnews.com/icc-cricket-world-cup-2019/all-unique-records-creates-and-broken-in-this-world-cup-2019-puqb1r https://kannada.asianetnews.com/icc-cricket-world-cup-2019/all-unique-records-creates-and-broken-in-this-world-cup-2019-puqb1r Tue, 16 Jul 2019 15:14:00 +0530 ವಿಶ್ವಕಪ್ ಟೂರ್ನಿಯ ಸಂಪೂರ್ಣ ಮಾಹಿತಿಗಾಗಿ ಈ ಲಿಂಕ್ ಕ್ಲಿಕ್ ಮಾಡಿ... ಬೆಂಗಳೂರು: ಬರೋಬ್ಬರಿ 45 ಲೀಗ್ ಮ್ಯಾಚ್, ಎರಡು ಸೆಮಿಫೈನಲ್ ಹಾಗೂ ಕ್ರಿಕೆಟ್ ಕಾಶಿ ಲಾರ್ಡ್ಸ್ನಲ್ಲಿ ನಡೆದ ಒಂದು ರೋಚಕ ಫೈನಲ್ನಲ್ಲಿ ಕ್ರಿಕೆಟ್ ಜನಕರಾದ ಇಂಗ್ಲೆಂಡ್ ಕಡೆಗೂ ವಿಶ್ವಕಪ್ ಜಯಿಸಿ ಸಂಭ್ರಮಿಸಿದೆ.  ಜುಲೈ 14ರಂದು ನಡೆದ ರೋಚಕ ಕಾದಾಟದಲ್ಲಿ ಎರಡು ಇನಿಂಗ್ಸ್ಗಳು ಟೈ ಆದ ಹಿನ್ನಲೆಯಲ್ಲಿ ಗರಿಷ್ಠ ಬೌಂಡರಿ ಬಾರಿಸಿದ ತಂಡವನ್ನು ವಿಜೇತ ತಂಡವೆಂದು ನಿರ್ಧರಿಸಲಾಯಿತು. ಈ ಟೂರ್ನಿಯುದ್ಧಕ್ಕೂ ಹಲವು ರೋಚಕ ಹಾಗೂ ಅಪರೂಪದ ದಾಖಲೆಗಳು ಬ್ರೇಕ್ ಆದರೆ, ಇನ್ನೂ ಹತ್ತು ಹಲವು ಹೊಸ ವಿಶ್ವದಾಖಲೆಗಳು ನಿರ್ಮಾಣವಾದವು. ಈ ಸಂದರ್ಭದಲ್ಲಿ ಸುವರ್ಣನ್ಯೂಸ್. ಕಾಂ ಈ ದಾಖಲೆಗಳನ್ನು ನಿಮ್ಮ ಮುಂದಿಡುತ್ತಿದೆ. 1. ಟೀಂ ಇಂಡಿಯಾ ಆರಂಭಿಕರ ಎರಡು ಶತಕದ ಜತೆಯಾಟ ಪ್ರಸಕ್ತ ವಿಶ್ವಕಪ್ ಟೂರ್ನಿಯ ಕಡೆಯ ಎರಡು ಲೀಗ್ ಪಂದ್ಯಗಳಲ್ಲಿ ರೋಹಿತ್ ಶರ್ಮಾ-ಕೆ.ಎಲ್ ರಾಹುಲ್ ಜೋಡಿ ಭಾರತ ಪರ 2 ಶತಕದ ಜತೆಯಾಟವಾಡುವ ಮೂಲಕ ಮೊದಲ ವಿಕೆಟ್ ಗೆ ಗರಿಷ್ಠ ರನ್ ಜತೆಯಾಟವಾಡಿದ ದಾಖಲೆ ಬರೆದಿದ್ದಾರೆ. ಈ ಮೂಲಕ ರೋಹಿತ್-ಧವನ್ ಹೆಸರಿನಲ್ಲಿದ್ದ ದಾಖಲೆ ಬ್ರೇಕ್ ಆಗಿದೆ.   2. ಜೋಫ್ರಾ ಆರ್ಚರ್: ಇಂಗ್ಲೆಂಡ್ ಪರ ಗರಿಷ್ಠ ವಿಕೆಟ್ ಸರದಾರ ಬಾರ್ಬೋಡಸ್ ಮೂಲದ ಇಂಗ್ಲೆಂಡ್ ವೇಗಿ ಜೋಫ್ರಾ ಆರ್ಚರ್ 20 ವಿಕೆಟ್ ಕಬಳಿಸುವುದರೊಂದಿಗೆ, ವಿಶ್ವಕಪ್ ಟೂರ್ನಿಯಲ್ಲಿ ಇಂಗ್ಲೆಂಡ್ ಪರ ಗರಿಷ್ಠ ವಿಕೆಟ್ ಪಡೆದ ವೇಗಿ ಎನ್ನುವ ದಾಖಲೆ ಬರೆದಿದ್ದಾರೆ. 3. ಏಕದಿನ ಕ್ರಿಕೆಟ್ ನಲ್ಲಿ ಬಾಂಗ್ಲಾ ಗರಿಷ್ಠ ರನ್ ವಿಶ್ವಕಪ್ ಟೂರ್ನಿಯಲ್ಲಿ ಬಾಂಗ್ಲಾದೇಶ 333/8 ರನ್ ಬಾರಿಸುವುದರೊಂದಿಗೆ ಏಕದಿನ ಕ್ರಿಕೆಟ್ ನಲ್ಲಿ ಗರಿಷ್ಠ ರನ್ ಬಾರಿಸಿದ ಸಾಧನೆ ಮಾಡಿದೆ. 4. ರೋಹಿತ್ ಶರ್ಮಾ 5 ಶತಕಗಳ ಸರದಾರ ಟೀಂ ಇಂಡಿಯಾ ಆರಂಭಿಕ ಬ್ಯಾಟ್ಸ್ ಮನ್ ರೋಹಿತ್ ಶರ್ಮಾ 5 ಶತಕ ಬಾರಿಸುವ ಮೂಲಕ ಏಕದಿನ ವಿಶ್ವಕಪ್ ಆವೃತ್ತಿಯೊಂದರಲ್ಲಿ ಗರಿಷ್ಠ ಶತಕ ಸಿಡಿಸಿದ ಆಟಗಾರ ಎನ್ನುವ ವಿಶ್ವದಾಖಲೆ ಬರೆದಿದ್ದಾರೆ. ಈ ಮೂಲಕ 2015ರಲ್ಲಿ ಸಂಗಕ್ಕರ(04) ಹೆಸರಿನಲ್ಲಿದ್ದ ದಾಖಲೆ ಅಳಿಸಿ ಹಾಕಿದ್ದಾರೆ. 5. ಕೇನ್ ವಿಲಿಯಮ್ಸನ್: ಗರಿಷ್ಠ ರನ್ ಬಾರಿಸಿದ ನಾಯಕ ನ್ಯೂಜಿಲೆಂಡ್ ನಾಯಕ ಕೇನ್ ವಿಲಿಯಮ್ಸನ್ 578 ರನ್ ಬಾರಿಸುವುದರೊಂದಿಗೆ ವಿಶ್ವಕಪ್ ಟೂರ್ನಿಯಲ್ಲಿ ಗರಿಷ್ಠ ರನ್ ಬಾರಿಸಿದ ನಾಯಕ ಎನ್ನುವ ವಿಶ್ವದಾಖಲೆ ಬರೆದಿದ್ದಾರೆ. ಈ ಮೂಲಕ 2007ರಲ್ಲಿ ಲಂಕಾ ನಾಯಕರಾಗಿದ್ದ ಮಹೇಲಾ ಜಯವರ್ಧನೆ ದಾಖಲೆ(548) ಅಳಿಸಿ ಹಾಕಿದ್ದಾರೆ. 6. ಇಂಗ್ಲೆಂಡ್ ವಿಶ್ವಕಪ್ ಟೂರ್ನಿಯಲ್ಲಿ ಗರಿಷ್ಠ ಸ್ಕೋರ್ ಆಫ್ಘಾನಿಸ್ತಾನ ವಿರುದ್ಧ ಇಂಗ್ಲೆಂಡ್ 397/6 ರನ್ ಬಾರಿಸುವುದರೊಂದಿಗೆ ವಿಶ್ವಕಪ್ ಟೂರ್ನಿಯಲ್ಲಿ ಗರಿಷ್ಠ ರನ್ ಬಾರಿಸಿದ ಸಾಧನೆ ಮಾಡಿದೆ. ಇದರ ಜತೆಗೆ 2019ರ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ದಾಖಲಾದ ಗರಿಷ್ಠ ಮೊತ್ತ ಕೂಡಾ ಹೌದು. 7. ವಿಶ್ವಕಪ್ ಟೂರ್ನಿಯಲ್ಲಿ ಗರಿಷ್ಠ ಸಿಕ್ಸರ್ ಸರದಾರ: ಇಯಾನ್ ಮಾರ್ಗನ್ ವಿಶ್ವಕಪ್ ಟೂರ್ನಿಯ ಇನ್ನಿಂಗ್ಸ್ ವೊಂದರಲ್ಲಿ ಗರಿಷ್ಠ ಸಿಕ್ಸರ್ ಸಿಡಿಸಿದ ಸಾಧನೆ ಇದೀಗ ಇಂಗ್ಲೆಂಡ್ ನಾಯಕ ಇಯಾನ್ ಮಾರ್ಗನ್ ಪಾಲಾಗಿದೆ. ಆಫ್ಘಾನಿಸ್ತಾನ ವಿರುದ್ಧ 17 ಸಿಕ್ಸರ್ ಬಾರಿಸುವುದರ ಮೂಲಕ, ಕ್ರಿಸ್ ಗೇಲ್ ದಾಖಲೆ ಅಳಿಸಿಹಾಕಿದ್ದಾರೆ. ಗೇಲ್ 2015ರ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ 16 ಸಿಕ್ಸರ್ ಬಾರಿಸಿದ್ದರು. 8 ಸ್ಟಾರ್ಕ್ ಪಾಲಾದ ಮೆಗ್ರಾತ್ ದಾಖಲೆ..! ವಿಶ್ವಕಪ್ ಟೂರ್ನಿಯೊಂದರಲ್ಲಿ ಗರಿಷ್ಠ ವಿಕೆಟ್ ಪಡೆದ ಬೌಲರ್ ಎನ್ನುವ ದಾಖಲೆ ಇದೀಗ ಆಸೀಸ್ ಎಡಗೈ ವೇಗಿ ಮಿಚೆಲ್ ಸ್ಟಾರ್ಕ್ ಪಾಲಾಗಿದೆ. 2019ರ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಸ್ಟಾರ್ಕ್ 27 ವಿಕೆಟ್ ಕಬಳಿಸುವ ಮೂಲಕ ತಮ್ಮದೇ ದೇಶದವರಾದ ಗ್ಲೇನ್ ಮೆಗ್ರಾತ್ ದಾಖಲೆ ಅಳಿಸಿಹಾಕಿದ್ದಾರೆ.   9 ಚೊಚ್ಚಲ ವಿಶ್ವಕಪ್ ಟೂರ್ನಿಯಲ್ಲಿ ಗರಿಷ್ಠ ರನ್ ಬಾರಿಸಿದವರು ಪ್ರತಿಯೊಬ್ಬ ಕ್ರಿಕೆಟಿಗ ಕೂಡಾ ತಾವಾಡಿದ ಚೊಚ್ವಲ ವಿಶ್ವಕಪ್ ಟೂರ್ನಿಯನ್ನು ಸ್ಮರಣೀಯವಾಗಿಸಿಕೊಳ್ಳಲು ಬಯಸುತ್ತಾನೆ. ಈ ನಿಟ್ಟಿನಲ್ಲಿ ಇಂಗ್ಲೆಂಡ್ ಆರಂಭಿಕ ಬ್ಯಾಟ್ಸ್’ಮನ್ ಜಾನಿ ಬೇರ್ ಸ್ಟೋ 532 ರನ್ ಬಾರಿಸುವ ಮೂಲಕ ಚೊಚ್ಚಲ ವಿಶ್ವಕಪ್ ಟೂರ್ನಿಯಲ್ಲೇ 500+ ರನ್ ಬಾರಿಸಿದ ಮೊದಲ ಬ್ಯಾಟ್ಸ್ ಮನ್ ಎನ್ನುವ ವಿಶ್ವದಾಖಲೆ ಬರೆದಿದ್ದಾರೆ.  10. ದಕ್ಷಿಣ ಆಫ್ರಿಕಾ ಪರ ವಿಶ್ವಕಪ್ ಟೂರ್ನಿಯಲ್ಲಿ ಗರಿಷ್ಠ ವಿಕೆಟ್ ಸಾಧಕರು ದಕ್ಷಿಣ ಆಫ್ರಿಕಾ ಪರ ಒಟ್ಟಾರೆ ವಿಶ್ವಕಪ್ ಟೂರ್ನಿಯಲ್ಲಿ ಗರಿಷ್ಠ ವಿಕೆಟ್ ಪಡೆದ ಬೌಲರ್ ಎನ್ನುವ ಶ್ರೇಯಕ್ಕೆ ಲೆಗ್ ಸ್ಪಿನ್ನರ್ ಇಮ್ರಾನ್ ತಾಹಿರ್ ಪಾತ್ರರಾಗಿದ್ದಾರೆ. ತಾಹಿರ್ ಒಟ್ಟು 40 ವಿಕೆಟ್ ಕಬಳಿಸುವ ಮೂಲಕ ಅಲನ್ ಡೊನಾಲ್ಡ್[38] ಹೆಸರಿನಲ್ಲಿದ್ದ ದಾಖಲೆ ಇದೀಗ ತಾಹಿರ್ ಪಾಲಾಗಿದೆ.  11. ವಿಶ್ವಕಪ್ ಟೂರ್ನಿಯೊಂದರಲ್ಲಿ ಗರಿಷ್ಠ ಕ್ಯಾಚ್ ಪಡೆದವರು ವಿಶ್ವಕಪ್ ಕ್ರಿಕೆಟ್ ನಲ್ಲಿ ಬ್ಯಾಟಿಂಗ್ ಹಾಗೂ ಬೌಲಿಂಗ್ ಮಾತ್ರವಲ್ಲದೇ ಫೀಲ್ಡಿಂಗ್ ಕೂಡಾ ಪ್ರಮುಖ ಪಾತ್ರವಹಿಸುತ್ತದೆ. ವಿಶ್ವಕಪ್ ಟೂರ್ನಿಯೊಂದರಲ್ಲಿ ಗರಿಷ್ಠ ಕ್ಯಾಚ್ ಹಿಡಿದ ಕ್ಷೇತ್ರ ರಕ್ಷಕ ಎನ್ನುವ ದಾಖಲೆಗೆ ಇಂಗ್ಲೆಂಡ್ ನ ಜೋ ರೂಟ್ ಪಾತ್ರರಾಗಿದ್ದಾರೆ.  2019ರ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ 13 ಕ್ಯಾಚ್ ಹಿಡಿಯುವ ಮೂಲಕ ರೂಟ್, 2003ರಲ್ಲಿ ರಿಕಿ ಪಾಂಟಿಂಗ್[11] ಹೆಸರಿನಲ್ಲಿದ್ದ ದಾಖಲೆ ಅಳಿಸಿ ಹಾಕಿದ್ದಾರೆ.  ಅಂಕಿ-ಅಂಶ ಮಾಹಿತಿ ಕೃಪೆ: ICC Stats courtesy: ICC https://kannada.asianetnews.com/icc-cricket-world-cup-2019/world-cup-2019-england-to-afghanistan-each-team-prize-money-list-puqal3 https://kannada.asianetnews.com/icc-cricket-world-cup-2019/world-cup-2019-england-to-afghanistan-each-team-prize-money-list-puqal3 Tue, 16 Jul 2019 15:04:00 +0530 ಲಾರ್ಡ್ಸ್(ಜು.16): ವಿಶ್ವಕಪ್ ಟೂರ್ನಿ ಮುಗಿದರೂ ರೋಚಕ ಫೈನಲ್ ಪಂದ್ಯ ಇನ್ನೂ ಕ್ರಿಕೆಟ್ ಅಭಿಮಾನಿಗಳಿಗೆ ಮತ್ತೆ ಮತ್ತೆ ನೆನಪಾಗುತ್ತಿದೆ. ಸೂಪರ್ ಓವರ್ ಮೂಲಕ ಇಂಗ್ಲೆಂಡ್ ಚಾಂಪಿಯನ್ ಪಟ್ಟ ಅಲಂಕರಿಸಿದರೆ, ನ್ಯೂಜಿಲೆಂಡ್ ರನ್ನರ್ ಅಪ್ ಪ್ರಶಸ್ತಿಗೆ ತೃಪ್ತಿ ಪಟ್ಟುಕೊಂಡಿದೆ. ಟ್ರೋಫಿ ಗೆದ್ದ ಇಂಗ್ಲೆಂಡ್ ತಂಡ ಬರೋಬ್ಬರಿ 29 ಕೋಟಿ ರೂಪಾಯಿ ಪ್ರಶಸ್ತಿ ಮೊತ್ತ ಪಡೆದಿದೆ. ಇದನ್ನೂ ಓದಿ:ವಿಶ್ವಕಪ್ 2019: ಅಂಪೈರ್‌ ಗಳ ಭಾರೀ ಎಡವಟ್ಟು ರನ್ನರ್ ಅಪ್ ಪ್ರಶಸ್ತಿ ಗೆದ್ದ ನ್ಯೂಜಿಲೆಂಡ್ ತಂಡ 15 ಕೋಟಿ ರೂಪಾಯಿ ಮೊತ್ತವನ್ನು ಬಹುಮಾನ ರೂಪದಲ್ಲಿ ಪಡೆದಿದೆ. ಇನ್ನು ಸೆಮಿಫೈನಲ್ ಪಂದ್ಯದಲ್ಲಿ ಮುಗ್ಗರಿಸಿ ಟೂರ್ನಿಯಿಂದ ಹೊರಬಿದ್ದ ಟೀಂ ಇಂಡಿಯಾ ಹಾಗೂ ಆಸ್ಟ್ರೇಲಿಯಾ ತಲಾ 7 ಕೋಟಿ ರೂಪಾಯಿ ಬಹುಮಾನ ಮೊತ್ತ ಪಡೆದಿದೆ. ಇದನ್ನೂ ಓದಿ: ಏಕದಿನ ವಿಶ್ವಕಪ್‌ಗೆ ಅದ್ಧೂರಿ ತೆರೆ: 2019ರ ವಿಶ್ವಕಪ್ ಪ್ರಮುಖಾಂಶಗಳಿವು ಐಸಿಸಿ ವಿಶ್ವಕಪ್ ಟೂರ್ನಿಯಲ್ಲಿ ಪಾಲ್ಗೊಂಡ 10 ತಂಡಗಳ ಪ್ರಶಸ್ತಿ ಮೊತ್ತ: ಚಾಂಪಿಯನ್- ಇಂಗ್ಲೆಂಡ್: 29,05,82,040 ರೂ ರನ್ನರ್ ಅಪ್-ನ್ಯೂಜಿಲೆಂಡ್: 7,40,16,180 ರೂ ಸೆಮಿಫೈನಲ್- ಟೀಂ ಇಂಡಿಯಾ:7,40,16,180 ರೂ ಸೆಮಿಫೈನಲ್- ಆಸ್ಟ್ರೇಲಿಯಾ: 7,40,16,180 ರೂ 5ನೇ ಸ್ಥಾನ- ಪಾಕಿಸ್ತಾನ: 2,05,60,050 ರೂ 6ನೇ ಸ್ಥಾನ- ಶ್ರೀಲಂಕಾ: 1,50,77,370 ರೂ 7ನೇ ಸ್ಥಾನ- ಸೌತ್ ಆಫ್ರಿಕಾ: 1,50,77,370 ರೂ 8ನೇ ಸ್ಥಾನ - ಬಾಂಗ್ಲಾದೇಶ: 1,50,77,370 ರೂ 9ನೇ ಸ್ಥಾನ- ವೆಸ್ಟ್ ಇಂಡೀಸ್: 1,23,36,030 ರೂ 10ನೇ ಸ್ಥಾನ- ಆಫ್ಘಾನಿಸ್ತಾನ: 68,53,350 ರೂ https://kannada.asianetnews.com/icc-cricket-world-cup-2019/world-cup-2019-final-umpires-made-mistake-in-awarding-england-six-runs-puq3kk https://kannada.asianetnews.com/icc-cricket-world-cup-2019/world-cup-2019-final-umpires-made-mistake-in-awarding-england-six-runs-puq3kk Tue, 16 Jul 2019 12:32:00 +0530 ಲಂಡನ್‌[ಜು.16]: ಐಸಿಸಿ ಏಕದಿನ ವಿಶ್ವಕಪ್‌ನ ಫೈನಲ್‌ ಪಂದ್ಯದ ಟರ್ನಿಂಗ್‌ ಪಾಯಿಂಟ್‌ಗಳಲ್ಲಿ ಓವರ್‌ ಥ್ರೋ ಸಹ ಒಂದು. ಇಂಗ್ಲೆಂಡ್‌ ಇನ್ನಿಂಗ್ಸ್‌ನ ಕೊನೆ ಓವರ್‌ನ 4ನೇ ಎಸೆತದಲ್ಲಿ ಬೆನ್‌ ಸ್ಟೋಕ್ಸ್‌ 2 ರನ್‌ ಓಡುವ ಯತ್ನ ನಡೆಸಿದರು. ಮಿಡ್‌ ವಿಕೆಟ್‌ನಲ್ಲಿದ್ದ ಕ್ಷೇತ್ರರಕ್ಷಕ ಮಾರ್ಟಿನ್‌ ಗಪ್ಟಿಲ್‌ ಸ್ಟಂಫ್ಸ್‌ನತ್ತ ಎಸೆದ ಚೆಂಡು, ಸ್ಟೋಕ್ಸ್‌ ಬ್ಯಾಟ್‌ಗೆ ಬಡಿದು ಬೌಂಡರಿ ಸೇರಿತು. ಓವರ್‌ ಥ್ರೋನಿಂದ ಹೆಚ್ಚುವರಿ 4 ರನ್‌ ದೊರೆಯಿತು. ಅಂಪೈರ್‌ಗಳಾದ ಕುಮಾರ ಧರ್ಮಸೇನ ಹಾಗೂ ಮಾರಾಯಸ್‌ ಎರಾಸ್ಮಸ್‌ ಎಡವಟ್ಟು ಮಾಡಿದ್ದು  Simon Taufel says there was "an error of judgment" in awarding England six runs, instead of five, for the overthrow that hit Ben Stokes’ bat and ran to the boundary#CWC19Final pic.twitter.com/15xWeukZIu — ESPNcricinfo (@ESPNcricinfo) July 15, 2019 ಐಸಿಸಿಯ ನಿಯಮದ ಪ್ರಕಾರ, ಓವರ್‌ ಥ್ರೋನಲ್ಲಿ ತಂಡಗಳಿಗೆ ಸಿಗುವ ರನ್‌ ಪೆನಾಲ್ಟಿಎಂದು ಪರಿಗಣಿಸಲಾಗುತ್ತದೆ. ಕ್ಷೇತ್ರರಕ್ಷಕ ಚೆಂಡನ್ನು ಎಸೆಯುವ ವೇಳೆ ಬ್ಯಾಟ್ಸ್‌ಮನ್‌ಗಳು ಪಿಚ್‌ನ ಮಧ್ಯದಲ್ಲಿ ಒಬ್ಬರನ್ನೊಬ್ಬರು ದಾಟಿರಬೇಕು. ಆಗ ಮಾತ್ರ ರನ್‌ ಲೆಕ್ಕಕ್ಕೆ ಸಿಗಲಿದೆ. ಗಪ್ಟಿಲ್‌ ಚೆಂಡನ್ನು ಎಸೆಯುವ ವೇಳೆ ಸ್ಟೋಕ್ಸ್‌ ಹಾಗೂ ಆದಿಲ್‌ ರಶೀದ್‌ ಒಬ್ಬರನ್ನೊಬ್ಬರು ದಾಟಿರಲಿಲ್ಲ. ಹೀಗಾಗಿ ಎರಡು ರನ್‌ ಓಡಿದರು, ಇಂಗ್ಲೆಂಡ್‌ ಖಾತೆಗೆ ಅಧಿಕೃತವಾಗಿ 1 ರನ್‌ ಮಾತ್ರ ಸೇರ್ಪಡೆಗೊಳ್ಳಬೇಕಿತ್ತು. ಎಂದರೆ 6 ರನ್‌ ಬದಲು ಇಂಗ್ಲೆಂಡ್‌ಗೆ 5 ರನ್‌ ಸಿಗಬೇಕಿತ್ತು. ಜತೆಗೆ ಮುಂದಿನ ಎಸೆತವನ್ನು ರಶೀದ್‌ ಎದುರಿಸಬೇಕಿತ್ತು. ಹೀಗಾಗಿದ್ದರೆ ಕೊನೆ 2 ಎಸೆತಗಳಲ್ಲಿ ಇಂಗ್ಲೆಂಡ್‌ಗೆ 4 ರನ್‌ ಅಗತ್ಯವಿರುತ್ತಿತ್ತು. ನ್ಯೂಜಿಲೆಂಡ್‌ ಗೆಲ್ಲುವ ಅವಕಾಶ ಹೆಚ್ಚಾಗುತ್ತಿತ್ತು. ಏಕದಿನ ವಿಶ್ವಕಪ್‌ಗೆ ಅದ್ಧೂರಿ ತೆರೆ: 2019ರ ವಿಶ್ವಕಪ್ ಪ್ರಮುಖಾಂಶಗಳಿವು ಮಾಜಿ ಐಸಿಸಿ ಅಂಪೈರ್‌ಗಳಾದ ಆಸ್ಪ್ರೇಲಿಯಾದ ಸೈಮನ್‌ ಟಾಫಲ್‌, ಭಾರತದ ಕೆ.ಹರಿಹರನ್‌, ಇಂಗ್ಲೆಂಡ್‌ಗೆ 5 ರನ್‌ ಮಾತ್ರ ಸಿಗಬೇಕಿತ್ತು ಎನ್ನುವುದನ್ನು ಖಚಿತಪಡಿಸಿದ್ದಾರೆ. ಆದರೆ ಐಸಿಸಿ ಮಾತ್ರ ಅಂಪೈರ್‌ಗಳ ಎಡವಟ್ಟಿನ ಬಗ್ಗೆ ಪ್ರತಿಕ್ರಿಯಿಸಲು ನಿರಾಕರಿಸಿದೆ.   https://kannada.asianetnews.com/icc-cricket-world-cup-2019/world-cup-2019-here-some-world-cup-specialties-puq246 https://kannada.asianetnews.com/icc-cricket-world-cup-2019/world-cup-2019-here-some-world-cup-specialties-puq246 Tue, 16 Jul 2019 12:01:00 +0530 ಲಂಡನ್‌[ಜು.16]: 2019ರ ಐಸಿಸಿ ಏಕದಿನ ವಿಶ್ವಕಪ್‌ ಪಂದ್ಯಾವಳಿಗೆ ಅದ್ಧೂರಿ ತೆರೆ ಬಿದ್ದಿದೆ. ಮೇ 30ರಂದು ಆರಂಭಗೊಂಡಿದ್ದ 12ನೇ ಆವೃತ್ತಿಯ ವಿಶ್ವಕಪ್‌, ಭಾನುವಾರ ಇಂಗ್ಲೆಂಡ್‌ ಹಾಗೂ ನ್ಯೂಜಿಲೆಂಡ್‌ ನಡುವಿನ ಫೈನಲ್‌ ಪಂದ್ಯದೊಂದಿಗೆ ಮುಕ್ತಾಯಗೊಂಡಿತು.  ದಾಖಲೆಯ 5ನೇ ಬಾರಿಗೆ ಏಕದಿನ ವಿಶ್ವಕಪ್‌ಗೆ ಆತಿಥ್ಯ ವಹಿಸಿದ ಇಂಗ್ಲೆಂಡ್‌, ಯಶಸ್ವಿಯಾಗಿ ಟೂರ್ನಿಯನ್ನು ನಡೆಸಿಕೊಟ್ಟಿತು. ಈ ವಿಶ್ವಕಪ್‌ ಹಲವು ನಿರೀಕ್ಷೆಗಳನ್ನು ಹುಟ್ಟಿಸಿತ್ತು. ಕೆಲ ಬೆಳವಣಿಗೆಗಳು ನಿರೀಕ್ಷೆಯಂತೆ ನಡೆದರೂ, ಹಲವು ಅನಿರೀಕ್ಷಿತ ಫಲಿತಾಂಶಗಳು, ದಾಖಲೆಗಳು, ಘಟನೆಗಳು ನಡೆದವು. ಕ್ರಿಕೆಟ್‌ ಸ್ಫೂರ್ತಿ ಕಾಪಾಡಲು ಐಸಿಸಿ ಫೇಲ್‌? ದಾಖಲಾಗಲಿಲ್ಲ 500 ರನ್‌!: ಈ ಬಾರಿ ವಿಶ್ವಕಪ್‌ನಲ್ಲಿ ಏಕದಿನ ಕ್ರಿಕೆಟ್‌ ಮೊದಲ ಬಾರಿಗೆ 500 ರನ್‌ಗೆ ಸಾಕ್ಷಿಯಾಗಲಿದೆ ಎಂದು ನಿರೀಕ್ಷಿಸಲಾಗಿತ್ತು. ಇಂಗ್ಲೆಂಡ್‌ ಕ್ರಿಕೆಟ್‌ ಮಂಡಳಿ ಅಭಿಮಾನಿಗಳಿಗೆ ಮಾರಾಟ ಮಾಡುವ ಪಂದ್ಯದ ಸ್ಕೋರ್‌ ಶೀಟ್‌ನಲ್ಲಿ 500 ರನ್‌ ಸಾಲು ಸೇರ್ಪಡೆಗೊಳಿಸಿತ್ತು. ಆದರೆ ಯಾವ ತಂಡವೂ 400 ರನ್‌ ಸಹ ದಾಖಲಿಸಲಿಲ್ಲ. ಆಫ್ಘಾನಿಸ್ತಾನ ವಿರುದ್ಧ ಇಂಗ್ಲೆಂಡ್‌ 6 ವಿಕೆಟ್‌ಗೆ 397 ರನ್‌ ಗಳಿಸಿದ್ದೇ ಈ ಟೂರ್ನಿಯ ಗರಿಷ್ಠ ಮೊತ್ತ. ವೆಸ್ಟ್‌ಇಂಡೀಸ್‌ ವಿರುದ್ಧ ಪಾಕಿಸ್ತಾನ 105 ರನ್‌ಗೆ ಆಲೌಟ್‌ ಆಗಿದ್ದು ಈ ವಿಶ್ವಕಪ್‌ನಲ್ಲಿ ತಂಡವೊಂದು ದಾಖಲಿಸಿದ ಕನಿಷ್ಠ ಮೊತ್ತ ಎನಿಸಿಕೊಂಡಿತು. ರೋಹಿತ್‌ 5 ಶತಕ!: ಈ ವಿಶ್ವಕಪ್‌ ಹಲವು ವಿಶೇಷ ದಾಖಲೆಗಳಿಗೆ ಸಾಕ್ಷಿಯಾಯಿತು. ಈ ಪೈಕಿ ಭಾರತದ ರೋಹಿತ್‌ ಶರ್ಮಾ ಬರೆದ ದಾಖಲೆ ಎಲ್ಲಕ್ಕಿಂತ ವಿಶೇಷ ಎನಿಸಿಕೊಂಡಿತು. ವಿಶ್ವಕಪ್‌ ಆವೃತ್ತಿಯೊಂದರಲ್ಲಿ 5 ಶತಕ ಬಾರಿಸಿದ ವಿಶ್ವದ ಮೊದಲ ಬ್ಯಾಟ್ಸ್‌ಮನ್‌ ಎನ್ನುವ ಹಿರಿಮೆಗೆ ರೋಹಿತ್‌ ಪಾತ್ರರಾದರು. ಬಲಿಷ್ಠ ICC ವಿಶ್ವಕಪ್ ತಂಡ ಪ್ರಕಟ: ಇಬ್ಬರು ಭಾರತೀಯರಿಗೆ ಸ್ಥಾನ..! ಮಾರ್ಗನ್‌ ಸಿಕ್ಸರ್‌ ದಾಖಲೆ: ಇಂಗ್ಲೆಂಡ್‌ ನಾಯಕ ಇಯಾನ್‌ ಮಾರ್ಗನ್‌, ಆಫ್ಘಾನಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಬರೋಬ್ಬರಿ 17 ಸಿಕ್ಸರ್‌ ಸಿಡಿಸಿ ಏಕದಿನ ಇನ್ನಿಂಗ್ಸ್‌ವೊಂದರಲ್ಲಿ ಗರಿಷ್ಠ ಸಿಕ್ಸರ್‌ ಸಿಡಿಸಿದ ವಿಶ್ವ ದಾಖಲೆ ಬರೆದರು. ರೋಹಿತ್‌, ಎಬಿ ಡಿವಿಲಿಯ​ರ್ಸ್ ಹೆಸರಲ್ಲಿದ್ದ ದಾಖಲೆಯನ್ನು ಮಾರ್ಗನ್‌ ಮುರಿದರು. ಶಕೀಬ್‌ ಆಲ್ರೌಂಡ್‌ ಶೋ: ಈ ವಿಶ್ವಕಪ್‌ನಲ್ಲಿ ಹಲವು ಬ್ಯಾಟ್ಸ್‌ಮನ್‌ಗಳು ಅಬ್ಬರಿಸಿದರು. ಎಲ್ಲಾ ತಂಡಗಳ ಅಗ್ರ ಬೌಲರ್‌ಗಳಿಂದಲೂ ಭರ್ಜರಿ ಪ್ರದರ್ಶನ ಮೂಡಿಬಂತು. ಆದರೆ ಆಲ್ರೌಂಡ್‌ ಪ್ರದರ್ಶನದ ಮೂಲಕ ಎಲ್ಲರು ಹುಬ್ಬೇರಿಸುವಂತೆ ಮಾಡಿದ್ದು ಬಾಂಗ್ಲಾದೇಶದ ಶಕೀಬ್‌ ಅಲ್‌ ಹಸನ್‌. 8 ಇನ್ನಿಂಗ್ಸ್‌ಗಳಿಂದ 86.57ರ ಸರಾಸರಿಯೊಂದಿಗೆ 606 ರನ್‌ ಗಳಿಸಿದ ಶಕೀಬ್‌, 11 ವಿಕೆಟ್‌ ಸಹ ಕಬಳಿಸಿದರು. ಗೆಲುವನ್ನೇ ಕಾಣದ ಆಫ್ಘನ್‌: ಆಫ್ಘಾನಿಸ್ತಾನ ವಿಶ್ವಕಪ್‌ನಲ್ಲಿ ಆಕರ್ಷಕ ಪ್ರದರ್ಶನ ನೀಡಿದರೂ, ಒಂದೇ ಒಂದು ಗೆಲುವನ್ನೂ ಕಾಣದೆ ನಿರ್ಗಮಿಸಿತು. ರೌಂಡ್‌ ರಾಬಿನ್‌ ಹಂತದಲ್ಲಿ ಆಡಿದ ಎಲ್ಲಾ 9 ಪಂದ್ಯಗಳಲ್ಲಿ ಸೋತ ಆಫ್ಘಾನಿಸ್ತಾನ, ಅಂಕ ಖಾತೆಯನ್ನೇ ತೆರೆಯಲಿಲ್ಲ. 2015ರ ವಿಶ್ವಕಪ್‌ನಲ್ಲಿ 1 ಗೆಲುವು ಕಂಡಿದ್ದ ಆಫ್ಘನ್‌, ಈ ಬಾರಿ ಕೆಲ ಅಚ್ಚರಿಯ ಫಲಿತಾಂಶಗಳನ್ನು ನೀಡುವ ವಿಶ್ವಾಸದಲ್ಲಿತ್ತು. ಆದರೆ ತಂಡಕ್ಕೆ ಗೆಲುವು ಒಲಿಯಲಿಲ್ಲ. ನಿರಾಸೆ ಮೂಡಿಸಿದ ದ.ಆಫ್ರಿಕಾ, ವಿಂಡೀಸ್‌: ದಕ್ಷಿಣ ಆಫ್ರಿಕಾ ಹಾಗೂ ವೆಸ್ಟ್‌ಇಂಡೀಸ್‌ ತಂಡಗಳು ನಿರಾಸೆ ಮೂಡಿಸಿದವು. ಆಫ್ರಿಕಾ ಆರಂಭದಲ್ಲೇ ಹ್ಯಾಟ್ರಿಕ್‌ ಸೋಲು ಕಂಡು, ಎಲ್ಲರಿಗಿಂತ ಮೊದಲೇ ಸೆಮಿಫೈನಲ್‌ ರೇಸ್‌ನಿಂದ ಹೊರಬಿತ್ತು. ಭರ್ಜರಿ ಆರಂಭದ ಬಳಿಕ ವಿಂಡೀಸ್‌ ಮಂಕಾಯಿತು. ತಾರಾ ಆಟಗಾರ ಕ್ರಿಸ್‌ ಗೇಲ್‌ ದೊಡ್ಡ ಇನ್ನಿಂಗ್ಸ್‌ ಆಡದೆ ಇದ್ದಿದ್ದು ಅಭಿಮಾನಿಗಳಲ್ಲಿ ಭಾರಿ ಬೇಸರ ಮೂಡಿಸಿತು. ಗಾಯಾಳುಗಳ ವಿಶ್ವಕಪ್‌: ಈ ವಿಶ್ವಕಪ್‌ ಅತಿಹೆಚ್ಚು ಆಟಗಾರರು ಗಾಯಗೊಂಡು ಹೊರಬಿದ್ದಿದ್ದಕ್ಕೆ ಸಾಕ್ಷಿಯಾಯಿತು. ಭಾರತದ ಶಿಖರ್‌ ಧವನ್‌, ವಿಜಯ್‌ ಶಂಕರ್‌ ಗಾಯಗೊಂಡು ಆಚೆ ಬಿದ್ದರು. ಡೇಲ್‌ ಸ್ಟೇನ್‌, ಮೊಹಮದ್‌ ಶಹಜಾದ್‌, ಸ್ಯಾಮ್‌ ಬಿಲ್ಲಿಂಗ್ಸ್‌, ನುವಾನ್‌ ಪ್ರದೀಪ್‌, ಜಾಯಿ ರಿಚರ್ಡ್‌ಸನ್‌ ಗಾಯದ ಸಮಸ್ಯೆಯಿಂದ ಟೂರ್ನಿಯಲ್ಲಿ ಮುಂದುವರಿಯಲು ಸಾಧ್ಯವಾಗಲಿಲ್ಲ. ವಿವಾದಗಳಿಂದ ದೂರ ಉಳಿಯಲಿಲ್ಲ ಟೂರ್ನಿ! ವಿಶ್ವಕಪ್‌ ಹಲವು ವಿವಾದಗಳಿಗೂ ಕಾರಣವಾಯಿತು. ಕೆಟ್ಟ ಅಂಪೈರಿಂಗ್‌, ಚೆಂಡು ಬಡಿದರೂ ಬೀಳದ ಬೇಲ್ಸ್‌, ಎಂ.ಎಸ್‌.ಧೋನಿಯ ಗ್ಲೌಸ್ ವಿವಾದ, ಕ್ರೀಡಾಂಗಣಗಳ ಮೇಲೆ ರಾಜಕೀಯ ಪ್ರೇರಿತ ಸಂದೇಶಗಳನ್ನು ಪ್ರದರ್ಶಿಸುವ ವಿಮಾನ ಹಾರಾಟ ಹೀಗೆ ಹಲವು ವಿವಾದಗಳಿಗೆ ಟೂರ್ನಿ ಸಾಕ್ಷಿಯಾಯಿತು.   https://kannada.asianetnews.com/icc-cricket-world-cup-2019/world-cup-2019-australian-bookmaker-returns-money-to-punters-who-bet-on-new-zealand-puq07x https://kannada.asianetnews.com/icc-cricket-world-cup-2019/world-cup-2019-australian-bookmaker-returns-money-to-punters-who-bet-on-new-zealand-puq07x Tue, 16 Jul 2019 11:20:00 +0530 ಆಕ್ಲೆಂಡ್‌(ಜು.16): ವಿಶ್ವಕಪ್‌ ಫೈನಲ್‌ನಲ್ಲಿ ನ್ಯೂಜಿಲೆಂಡ್‌ ಸೋಲಲಿಲ್ಲ. ಐಸಿಸಿ ನಿಯಮದಿಂದಾಗಿ ಇಂಗ್ಲೆಂಡ್‌ ವಿಶ್ವಕಪ್‌ ಗೆದ್ದಿತು ಎನ್ನುವುದು ಕ್ರಿಕೆಟ್‌ ಅಭಿಮಾನಿಗಳ ನಂಬಿಕೆಯಾಗಿದೆ. ಇದೇ ನಂಬಿಕೆಯಿಂದ ಆಸ್ಪ್ರೇಲಿಯಾದ ಆನ್‌ಲೈನ್‌ ಬೆಟ್ಟಿಂಗ್‌ ಸಂಸ್ಥೆ ‘ಸ್ಪೋರ್ಟ್ಸ್ ಬೆಟ್‌’, ನ್ಯೂಜಿಲೆಂಡ್‌ ಪಂದ್ಯ ಗೆಲ್ಲಲಿದೆ ಎಂದು ಬೆಟ್‌ ಕಟ್ಟಿದ್ದವರ ಹಣವನ್ನು ಹಿಂದಿರುಗಿಸಿದೆ. ಕ್ರಿಕೆಟ್‌ ಸ್ಫೂರ್ತಿ ಕಾಪಾಡಲು ಐಸಿಸಿ ಫೇಲ್‌? ಕಿವೀಸ್‌ ಪರ ಹಣ ಹೂಡಿದ್ದ ಒಟ್ಟು 11,458 ಮಂದಿಗೆ ಒಟ್ಟು 2 ಕೋಟಿ ರುಪಾಯಿಗೂ ಹೆಚ್ಚು (4.26 ಲಕ್ಷ ಆಸ್ಪ್ರೇಲಿಯನ್‌ ಡಾಲರ್‌) ಮೊತ್ತವನ್ನು ಹಿಂದಿರುಗಿಸಿದ್ದಾಗಿ ಸಂಸ್ಥೆ ಹೇಳಿಕೊಂಡಿದೆ. ಸಂಸ್ಥೆಯ ವಕ್ತಾರ ರಿಚ್‌ ಹಮ್ಮರ್‌ಸ್ಟನ್‌, ನ್ಯೂಜಿಲೆಂಡ್‌ ಅಭಿಮಾನಿಗಳಿಂದ ಹಣ ಪಡೆಯುವುದು ಸರಿಯಲ್ಲ. ತಂಡ ತಾಂತ್ರಿಕವಾಗಿ ಸೋಲನ್ನೇ ಕಾಣಲಿಲ್ಲ ಎಂದಿದ್ದಾರೆ. ‘ವಿಶ್ವಕಪ್‌ ವಿಜೇತ ತಂಡವನ್ನು ಆ ರೀತಿ ನಿರ್ಧರಿಸಿದ್ದು ನಾಚಿಕೆಗೇಡು. ಐಸಿಸಿಯ ಅಸಮರ್ಥತೆಯಿಂದಾಗಿ ಪಂಟರ್‌ಗಳು ಹಣ ಕಳೆದುಕೊಳ್ಳುವುದು ಸರಿಯಲ್ಲ’ ಎಂದದು ಹಮ್ಮರ್‌ಸ್ಟನ್‌ ಹೇಳಿದ್ದಾರೆ. ಸಂಸ್ಥೆ ತನ್ನ ಅಧಿಕೃತ ಟ್ವೀಟರ್‌ ಖಾತೆಯಲ್ಲಿ ಹಣ ಹಿಂದಿರುಗಿಸಿರುವ ವಿಷಯವನ್ನು ಸ್ಪಷ್ಟಪಡಿಸಿದೆ. ಸ್ಪೋರ್ಟ್ಸ್ ಬೆಟ್‌ ಸಂಸ್ಥೆಯ ಕ್ರೀಡಾಸ್ಫೂರ್ತಿಗೆ ಸಾಮಾಜಿಕ ತಾಣಗಳಲ್ಲಿ ಕ್ರಿಕೆಟ್‌ ಅಭಿಮಾನಿಗಳಿಂದ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ. https://kannada.asianetnews.com/icc-cricket-world-cup-2019/icc-failed-to-maintain-sportsmanship-in-announcing-victory-in-world-cup-2019-final-pupzfa https://kannada.asianetnews.com/icc-cricket-world-cup-2019/icc-failed-to-maintain-sportsmanship-in-announcing-victory-in-world-cup-2019-final-pupzfa Tue, 16 Jul 2019 11:03:00 +0530 ಬೆಂಗಳೂರು(ಜು.16): ಕ್ರಿಕೆಟ್‌ ಲೋಕ ಹಿಂದೆಂದೂ ಕಂಡಿರದ ರೀತಿಯಲ್ಲಿ ಐಸಿಸಿ ಏಕದಿನ ವಿಶ್ವಕಪ್‌ನ ಫೈನಲ್‌ ಪಂದ್ಯ ನಡೆಯಿತು. ಪಂದ್ಯ ಯಾವುದೇ ಥ್ರಿಲ್ಲರ್‌ ಸಿನಿಮಾಕ್ಕಿಂತ ಏನೂ ಕಡಿಮೆಯಿರಲಿಲ್ಲ. ಪಂದ್ಯ, ಸೂಪರ್‌ ಓವರ್‌ ಎರಡೂ ಟೈ ಆದಾಗ ಐಸಿಸಿ ನಿಯಮದ ಪ್ರಕಾರ ಹೆಚ್ಚು ಬೌಂಡರಿ ಬಾರಿಸಿದ ತಂಡವನ್ನು ವಿಜಯಿ ಎಂದು ನಿರ್ಧರಿಸಲಾಯಿತು. ಐಸಿಸಿ ನಿಯಮಗಳಲ್ಲಿ ಇರುವ ಲೋಪದೋಷಗಳು ಬಹಿರಂಗವಾಗಲು ವಿಶ್ವಕಪ್‌ ಫೈನಲ್‌ ವೇದಿಕೆಯೇ ಬೇಕಾಯಿತು. ಮಳೆ ನಿಯಮವೇನು? ಈ ವಿಶ್ವಕಪ್‌ನ ನಾಕೌಟ್‌ ಪಂದ್ಯಗಳಿಗೆ ಮೀಸಲು ದಿನ ಆಯೋಜಿಸಲಾಗಿತ್ತು. ಫೈನಲ್‌ ನಿಗದಿಯಾಗಿದ್ದ ದಿನ ಮಳೆ ಬಂದು ಆಟ ಸ್ಥಗಿತಗೊಂಡಿದ್ದರೆ, ಮೀಸಲು ದಿನದಂದು ಮುಂದುವರಿಯುತ್ತಿತ್ತು. ಮೀಸಲು ದಿನವೂ ಮಳೆಗೆ ಬಲಿಯಾಗಿದ್ದರೆ ಟ್ರೋಫಿಯನ್ನು ಎರಡೂ ತಂಡಗಳಿಗೆ ಹಂಚಲಾಗುತ್ತಿತ್ತು. ಹೀಗಿರುವಾಗ ಪಂದ್ಯ 2 ಬಾರಿ ಟೈ ಆದರೆ ಟ್ರೋಫಿ ಹಂಚುವ ನಿಯಮವನ್ನೇಕೆ ಪಾಲಿಸಲಿಲ್ಲ ಎನ್ನುವ ಪ್ರಶ್ನೆ ಉದ್ಭವವಾಗಿದೆ. ಬೌಲರ್‌ಗಳ ಶ್ರಮಕ್ಕಿಲ್ಲ ಬೆಲೆ? ಕ್ರಿಕೆಟ್‌ ಬ್ಯಾಟ್ಸ್‌ಮನ್‌ ಆಟ ಎನ್ನುವುದು ಮತ್ತೊಮ್ಮೆ ಸಾಬೀತಾಗಿದೆ. ಸೂಪರ್‌ ಓವರ್‌ ಕೂಡ ಟೈ ಆದಾಗ ಪಂದ್ಯದಲ್ಲಿ ಯಾವ ತಂಡ ಎಷ್ಟು ಬೌಂಡರಿ ಬಾರಿಸಿದೆ ಎನ್ನುವುದನ್ನು ಪರಿಗಣಿಸಲಾಗುತ್ತದೆಯೇ ಹೊರತು, ಯಾವ ತಂಡ ಎಷ್ಟು ವಿಕೆಟ್‌ ಕಬಳಿಸಿದೆ ಎನ್ನುವುದು ಲೆಕ್ಕಕ್ಕೇ ಬರುವುದಿಲ್ಲ. ಪಂದ್ಯದಲ್ಲಿ ನ್ಯೂಜಿಲೆಂಡ್‌ ಕಳೆದುಕೊಂಡಿದ್ದಿದ್ದು 8 ವಿಕೆಟ್‌. ಆದರೆ ಇಂಗ್ಲೆಂಡ್‌ ಆಲೌಟ್‌ ಆಗಿತ್ತು. ಜೀವನದುದ್ದಕ್ಕೂ ವಿಲಿಯಮ್ಸನ್ ಬಳಿ ಕ್ಷಮೆ ಯಾಚಿಸುತ್ತೇನೆಂದ ಸ್ಟೋಕ್ಸ್! ಇದಷ್ಟೇ ಅಲ್ಲ, ನ್ಯೂಜಿಲೆಂಡ್‌ ಸೆಮಿಫೈನಲ್‌ ಪ್ರವೇಶಿಸಲು ನಿರ್ಣಾಯಕವಾದ ನೆಟ್‌ ರನ್‌ರೇಟ್‌ ಲೆಕ್ಕಾಚಾರದಲ್ಲೂ ವಿಕೆಟ್‌ ಪತನವನ್ನು ಪರಿಗಣಿಸಲಾಗುವುದಿಲ್ಲ. ತಂಡ ಎಷ್ಟು ಓವರ್‌ಗಳಲ್ಲಿ ಎಷ್ಟು ರನ್‌ ಗಳಿಸಿದೆ, ಎಷ್ಟುಓವರ್‌ಗಳಲ್ಲಿ ಎಷ್ಟು ರನ್‌ ಬಿಟ್ಟುಕೊಟ್ಟಿದೆ ಎನ್ನುವುದಷ್ಟೇ ಪರಿಗಣನೆಗೆ ಬರುತ್ತದೆ. ಕ್ರಿಕೆಟ್‌ನಲ್ಲಿ ಬೌಲರ್‌ಗಳಿಗೆ ಬೆಲೆ ಕಡಿಮೆಯಾಗುತ್ತಿದೆ ಎನ್ನುವ ಆಪಾದನೆ ಇದೆ. ಐಸಿಸಿ ನಿಯಮ ಆ ಆಪಾದನೆಗೆ ಮತ್ತಷ್ಟು ಪುಷ್ಠಿ ನೀಡುತ್ತಿದೆ. ಎಚ್ಚೆತ್ತುಕೊಳ್ಳದ ಐಸಿಸಿ ಸಿಇಒ! ಏಕದಿನ ವಿಶ್ವಕಪ್‌ನಲ್ಲಿ ಸೂಪರ್‌ ಓವರ್‌ ಸಹ ಟೈ ಆದರೆ ಬೌಂಡರಿ ಲೆಕ್ಕಾಚಾರದಲ್ಲಿ ವಿಜೇತ ತಂಡವನ್ನು ನಿರ್ಧರಿಸಬೇಕು ಎನ್ನುವ ನಿಯಮವನ್ನು ಐಸಿಸಿ ಜಾರಿ ತಂದಾಗ, ದಕ್ಷಿಣ ಆಫ್ರಿಕಾದ ಮಾಜಿ ಕ್ರಿಕೆಟಿಗ ಡೇವ್‌ ರಿಚರ್ಡ್‌ಸನ್‌ ಐಸಿಸಿ ಸಿಇಒ ಆಗಿದ್ದರು. ಸ್ವತಃ ರಿಚರ್ಡ್‌ಸನ್‌ ಐಸಿಸಿಯ ಹಾಸ್ಯಸ್ಪದ ನಿಯಮಕ್ಕೆ ಬಲಿಯಾಗಿದ್ದರು. 1992ರ ವಿಶ್ವಕಪ್‌ನ ಸೆಮಿಫೈನಲ್‌ ಪಂದ್ಯದಲ್ಲಿ ರಿಚರ್ಡ್‌ಸನ್‌ ಹಾಗೂ ಬ್ರಿಯಾನ್‌ ಮೆಕ್‌ಮಿಲನ್‌ ಉತ್ತಮ ಬ್ಯಾಟಿಂಗ್‌ ನಡೆಸುತ್ತಿದ್ದರು. 18 ಎಸೆತಗಳಲ್ಲಿ 25 ರನ್‌ ಗಳಿಸಿದ್ದ ಇವರಿಬ್ಬರು ತಮ್ಮ ತಂಡವನ್ನು ಗೆಲ್ಲಿಸಲು 13 ಎಸೆತಗಳಲ್ಲಿ 22 ರನ್‌ ಗಳಿಸಬೇಕಿತ್ತು. ಮಳೆ ಬಿದ್ದ ಕಾರಣ, ಅಂಪೈರ್‌ಗಳು ಎರಡೂ ತಂಡಗಳಿಗೆ ಮೈದಾನ ತೊರೆಯಬಹುದು ಎನ್ನುವ ಆಯ್ಕೆ ನೀಡಿದರು. ಇಂಗ್ಲೆಂಡ್‌ ತಂಡ ಫೀಲ್ಡಿಂಗ್‌ ಮಾಡಲು ಆಗುತ್ತಿಲ್ಲ ಎನ್ನುವ ಕಾರಣ ನೀಡಿ ಹೊರನಡೆಯಿತು. ಆದರೆ ದ.ಆಫ್ರಿಕಾ ಬ್ಯಾಟ್ಸ್‌ಮನ್‌ಗಳು ಆಟ ಮುಂದುವರಿಸಲು ಸಿದ್ಧರಿದ್ದರು. ಮಳೆ ನಿಯಮದನ್ವಯ ದ.ಆಫ್ರಿಕಾಕ್ಕೆ 1 ಎಸೆತದಲ್ಲಿ 21 ರನ್‌ ಗುರಿ ನೀಡಲಾಯಿತು. ಇಂಗ್ಲೆಂಡ್‌ 19 ರನ್‌ಗಳಿಂದ ಗೆದ್ದು ಫೈನಲ್‌ಗೇರಿತು. ಮಳೆ ನಿಯಮ ವಿವಾದಕ್ಕೆ ಕಾರಣವಾದ ಬಳಿಕ ಡಕ್ವತ್‌ರ್‍ ಲೂಯಿಸ್‌ ನಿಯಮವನ್ನು ಜಾರಿಗೆ ತರಲಾಯಿತು. ಬಲಿಷ್ಠ ICC ವಿಶ್ವಕಪ್ ತಂಡ ಪ್ರಕಟ: ಇಬ್ಬರು ಭಾರತೀಯರಿಗೆ ಸ್ಥಾನ..! ರದ್ದಾಗಿದ್ದ ಬೌಲ್‌ ಔಟ್‌ ಸೂಪರ್‌ ಓವರ್‌ಗೂ ಮೊದಲು ಟಿ20 ಪಂದ್ಯ ರದ್ದಾದರೆ ವಿಜೇತ ತಂಡವನ್ನು ಬೌಲ್‌ ಔಟ್‌ ಮೂಲಕ ನಿರ್ಧರಿಸಲಾಗುತ್ತಿತ್ತು. 2007ರ ಟಿ20 ವಿಶ್ವಕಪ್‌ನಲ್ಲಿ ಭಾರತ-ಪಾಕಿಸ್ತಾನ ಪಂದ್ಯ ಟೈ ಆದಾಗಲೂ ಇದೇ ಮಾದರಿ ಅನುಸರಿಸಲಾಗಿತ್ತು. ಆದರೆ ಭಾರಿ ಟೀಕೆ ವ್ಯಕ್ತವಾದ ಬಳಿಕ ಆ ನಿಯಮವನ್ನು ರದ್ದುಗೊಳಿಸಿ, ಸೂಪರ್‌ ಓವರ್‌ ಜಾರಿಗೆ ತರಲಾಗಿತ್ತು. ಕ್ರಿಕೆಟ್‌ ಸಮಿತಿಯಲ್ಲಿದ್ದರು ಅನಿಲ್‌ ಕುಂಬ್ಳೆ, ದ್ರಾವಿಡ್‌! ವಿಶ್ವಕಪ್‌ ಪಂದ್ಯದ ಸೂಪರ್‌ ಓವರ್‌ ಟೈ ಆದರೆ ಬೌಂಡರಿ ಆಧಾರದಲ್ಲಿ ವಿಜೇತ ತಂಡವನ್ನು ನಿರ್ಧರಿಸಬೇಕು ಎನ್ನುವ ನಿಯಮವನ್ನು ಪ್ರಸ್ತಾಪಿಸಿದ್ದು ಐಸಿಸಿ ಕ್ರಿಕೆಟ್‌ ಸಮಿತಿ. ಈ ಸಮಿತಿಯಲ್ಲಿ ದಿಗ್ಗಜ ಕ್ರಿಕೆಟಿಗರಾದ ಅನಿಲ್‌ ಕುಂಬ್ಳೆ, ರಾಹುಲ್‌ ದ್ರಾವಿಡ್‌, ಶಾನ್‌ ಪೊಲ್ಲಾಕ್‌, ರಂಜನ್‌ ಮದುಗಲೆ, ಮಹೇಲಾ ಜಯವರ್ಧನೆ, ರಿಚರ್ಡ್‌ ಇಲ್ಲಿಂಗ್‌ವರ್ಥ್ ಸೇರಿದಂತೆ ಇನ್ನೂ ಅನೇಕರಿದ್ದರು. ಕ್ರಿಕೆಟ್‌ ಒಂದು ಸರಳ ಕ್ರೀಡೆ. ಇಲ್ಲಿ ವಿಕೆಟ್ಸ್‌ ಇಲ್ಲವೇ ರನ್‌ಗಳ ಆಧಾರದಲ್ಲಿ ಫಲಿತಾಂಶಗಳು ನಿರ್ಧಾರವಾಗಲಿವೆ. ಎರಡೂ ತಂಡಗಳು ಸಮನಾದ ರನ್‌ ಕಲೆಹಾಕಿದಾಗ, ಎಷ್ಟು ವಿಕೆಟ್‌ಗಳು ಕಳೆದುಕೊಂಡಿವೆ ಎನ್ನುವುದನ್ನು ಪರಿಗಣಿಸಬೇಕೇ ಹೊರತು, ಯಾವ ತಂಡ ಹೆಚ್ಚು ಎಲ್‌ಬಿಡಬ್ಲ್ಯು ಇಲ್ಲವೇ ರನೌಟ್‌ ಆಗಿದೆ ಎನ್ನುವುದನ್ನು ಪರಿಗಣಿಸುವುದರಲ್ಲಿ ಅರ್ಥವಿಲ್ಲ. ನಿಯಮಗಳು ಪ್ರೇಕ್ಷಕನಿಗೆ ಅರ್ಥವಾಗುವಂತೆ, ಪ್ರೇಕ್ಷಕನಿಗೆ ವಿಜೇತರು ಯಾರು ಎನ್ನುವುದನ್ನು ತಿಳಿದುಕೊಳ್ಳುವಂತೆ ಇರಬೇಕು.   https://kannada.asianetnews.com/icc-cricket-world-cup-2019/bcci-to-invite-fresh-application-for-team-india-coach-and-support-staff-puoxcz https://kannada.asianetnews.com/icc-cricket-world-cup-2019/bcci-to-invite-fresh-application-for-team-india-coach-and-support-staff-puoxcz Mon, 15 Jul 2019 21:21:00 +0530 ಮುಂಬೈ(ಜು.15): ವಿಶ್ವಕಪ್ ಟೂರ್ನಿಯಲ್ಲಿ ಸೆಮಿಫೈನಲ್ ಪಂದ್ಯದಲ್ಲಿ ಸೋತು ಟೂರ್ನಿಯಿಂದ ಹೊರಬಿದ್ದ ಟೀಂ ಇಂಡಿಯಾ ಇದೀಗ ವೆಸ್ಟ್ ಇಂಡೀಸ್ ಪ್ರವಾಸಕ್ಕೆ ಸಿದ್ದತೆ ನಡೆಸುತ್ತಿದೆ. ಇದರ ಬೆನ್ನಲ್ಲೇ ಬಿಸಿಸಿಐ ಕೆಲ ಬದಲಾವಣೆ ಮಾಡಲು ಮುಂದಾಗಿದೆ. ಟೀಂ ಇಂಡಿಯಾ ಕೋಚ್ ರವಿ ಶಾಸ್ತ್ರಿ ಅವಧಿಯನ್ನು 45 ದಿನಗಳ ಕಾಲ ವಿಸ್ತರಿಸಲಾಗಿದೆ. ಇದೀಗ ನೂತನ ಕೋಚ್ ಆಯ್ಕೆ ಕುರಿತು ಬಿಸಿಸಿಐ ಶೀಘ್ರದಲ್ಲೇ ಅರ್ಜಿ ಅಹ್ವಾನಿಸಲು ಮುಂದಾಗಿದೆ. ಇದನ್ನೂ ಓದಿ: ಜೀವನದುದ್ದಕ್ಕೂ ವಿಲಿಯಮ್ಸನ್ ಬಳಿ ಕ್ಷಮೆ ಯಾಚಿಸುತ್ತೇನೆಂದ ಸ್ಟೋಕ್ಸ್! ವೆಸ್ಟ್ ಇಂಡೀಸ್ ಪ್ರವಾಸಕ್ಕೆ ರವಿ ಶಾಸ್ತ್ರಿ ಕೋಚ್ ಆಗಿ ಮುಂದುವರಿಯಲಿದ್ದಾರೆ. ಶಾಸ್ತ್ರಿ ಜೊತೆ ತಂಡದ ಸಹಾಯಕ ಸಿಬ್ಬಂಧಿ ಕೂಡ ಮುಂದುವರಿಯಲಿದ್ದಾರೆ. ಆದರೆ ವಿಂಡೀಸ್ ಪ್ರವಾಸದ ಬಳಿಕ ಟೀಂ ಇಂಡಿಯಾಗೆ ಹೊಸ ಕೋಚ್ ಆಯ್ಕೆಯಾಗಲಿದ್ದಾರೆ. ಇದಕ್ಕಾಗಿ ಬಿಸಿಸಿಐ ಅರ್ಜಿ ಆಹ್ವಾನಿಸಲು ನಿರ್ಧರಿಸಿದೆ. ರವಿ ಶಾಸ್ತ್ರಿ ಮತ್ತೆ 2 ವರ್ಷದ ಅವದಿಗೆ ಕೋಚ್ ಆಗಲು ಅರ್ಜಿ ಭರ್ತಿ ಮಾಡಿ ಬಿಸಿಸಿಐಗೆ ಸಲ್ಲಿಸಬೇಕಿದೆ. ಇದನ್ನೂ ಓದಿ: ವಿಶ್ವಕಪ್ 2019: ಗರಿಷ್ಠ ರನ್ ಸಿಡಿಸಿದ ಟಾಪ್ 5 ಬ್ಯಾಟ್ಸಮನ್ ಲಿಸ್ಟ್!  ಸೆಮಿಫೈನಲ್ ಸೋಲಿನ  ಬಳಿಕ ರವಿ ಶಾಸ್ತ್ರಿ ಹಾಗೂ ಬ್ಯಾಟಿಂಗ್ ಕೋಚ್ ಸಂಜಯ್ ಬಂಗಾರ್ ಬಿಸಿಸಿಐ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ಹೀಗಾಗಿ ಶಾಸ್ತ್ರಿ ಮರು ಆಯ್ಕೆ ಕಷ್ಟ ಸಾಧ್ಯ. ಸದ್ಯ ನೂತನ ಕೋಚ್ ಹಾಗೂ ಸಹಾಯ ಸಿಬ್ಬಂಧಿ ಹುಡುಕಾಟದಲ್ಲಿ ಬಿಸಿಸಿಐ ತಲ್ಲೀನವಾಗಿದ್ದು, ಅಧೀಕೃತ ಪ್ರಕಟಣೆ ಹೊರಡಿಸಲಿದೆ. https://kannada.asianetnews.com/icc-cricket-world-cup-2019/ben-stokes-apologize-new-zealand-captain-kane-williamson-after-winning-world-cup-puovlr https://kannada.asianetnews.com/icc-cricket-world-cup-2019/ben-stokes-apologize-new-zealand-captain-kane-williamson-after-winning-world-cup-puovlr Mon, 15 Jul 2019 20:43:00 +0530 ಲಾರ್ಡ್ಸ್(ಜು.15): ವಿಶ್ವಕಪ್ ಫೈನಲ್ ಪಂದ್ಯ ಹಲವು ರೋಚಕ ತಿರುವು, ಎರಡೆರಡು ಟೈ ಬಳಿಕ ಇಂಗ್ಲೆಂಡ್ ಗೆಲುವು ಸಾಧಿಸಿದೆ. ಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್‌ಗೆ ಕಠಿಣ ಪ್ರಯತ್ನದ ಜೊತೆ ಅದೃಷ್ಠ ಕೂಡ ಕೈ ಹಿಡಿದಿತ್ತು. ಬೆನ್ ಸ್ಟೋಕ್ಸ್  2 ರನ್‌ಗಾಗಿ ಪ್ರಯತ್ನಿಸಿದ ವೇಳೆ ರನೌಟ್ ತಪ್ಪಿಸಲು ಡೈವ್ ಮಾಡಿದ್ದರು. ಆದರೆ ಥ್ರೋ ನೇರವಾಗಿ ಸ್ಟೋಕ್ಸ್ ಬ್ಯಾಟ್‌ಗೆ ತಾಗಿ ಬೌಂಡರಿ ಗೆರೆ ದಾಟಿತ್ತು. ಹೀಗಾಗಿ 2 + 4 ಒಟ್ಟು 6 ರನ್ ನಿಡಲಾಗಿತ್ತು. ಇದು ಪಂದ್ಯದ ಗತಿಯನ್ನೇ ಬದಲಿಸಿತು.  ಇದನ್ನೂ  ಓದಿ: ಬಲಿಷ್ಠ ICC ವಿಶ್ವಕಪ್ ತಂಡ ಪ್ರಕಟ: ಇಬ್ಬರು ಭಾರತೀಯರಿಗೆ ಸ್ಥಾನ..! ಇಂಗ್ಲೆಂಡ್ ರೋಚಕ ಗೆಲುವಿನ ಬಳಿಕ  ಸ್ಟೋಕ್ಸ್, ತನಗೆ ಅರಿವಿಲ್ಲದಂತೆ ಈ ರೀತಿಯಾಗಿದೆ. ಉದ್ದೇಶ ಪೂರ್ವಕವಾಗಿ ಮಾಡಿಲ್ಲ. ಅದರೂ  ಜೀವನದುದ್ದಕ್ಕೂ ನ್ಯೂಜಿಲೆಂಡ್ ನಾಯಕ ಕೇನ್ ವಿಲಿಯಮ್ಸನ್ ಬಳಿ ಕ್ಷಮೆ ಕೇಳುತ್ತೇನೆ ಎಂದು ಸ್ಟೋಕ್ಸ್ ಹೇಳಿದ್ದಾರೆ. ಇದನ್ನೂ  ಓದಿ: ಸೂಪರ್ ಓವರ್ ಕೂಡಾ ಟೈ: ಐಸಿಸಿ ಬೌಂಡರಿ ನಿಯಮಕ್ಕೆ ಕಿಡಿಕಾರಿದ ಕ್ರಿಕೆಟಿಗರು..! ಫೈನಲ್ ಪಂದ್ಯದಲ್ಲಿ ನ್ಯೂಜಿಲೆಂಡ್ 241 ರನ್ ಸಿಡಿಸಿತ್ತು. 242 ರನ್ ಗುರಿ ಬೆನ್ನಟ್ಟಿದ್ದ ಇಂಗ್ಲೆಂಡ್ 241 ರನ್‌ಗೆ ಆಲೌಟ್ ಆಗೋ ಮೂಲಕ ಪಂದ್ಯ ಟೈನಲ್ಲಿ ಅಂತ್ಯಗೊಂಡಿತ್ತು. ಹೀಗಾಗಿ ಸೂಪರ್ ಓವರ್ ಆಡಿಸಲಾಯಿತು. ಸೂಪರ್ ಓವರ್‌ನಲ್ಲಿ ಇಂಗ್ಲೆಂಡ್ 15 ರನ್ ಸಿಡಿಸಿದರೆ, ನ್ಯೂಜಿಲೆಂಡ್ ಕೂಡ 15 ರನ್ ಸಿಡಿಸಿ ಟೈ ಮಾಡಿಕೊಂಡಿತು. ಎರಡು ಬಾರಿ ಟೈ ಆದ ಕಾರಣ ಗರಿಷ್ಠ  ಬೌಂಡರಿ ಸಿಡಿಸಿದ ಆಧಾರದಲ್ಲಿ ಇಂಗ್ಲೆಂಡ್‌ಗೆ ಗೆಲುವು ದಾಖಲಿಸಿತು. https://kannada.asianetnews.com/icc-cricket-world-cup-2019/highest-wicket-taker-in-world-cup-2019-puotm2 https://kannada.asianetnews.com/icc-cricket-world-cup-2019/highest-wicket-taker-in-world-cup-2019-puotm2 Mon, 15 Jul 2019 20:00:00 +0530 ಲಾರ್ಡ್ಸ್(ಜು.15): 2019ರ ವಿಶ್ವಕಪ್ ಟೂರ್ನಿಯ ಲೀಗ್ ಪಂದ್ಯಗಳಲ್ಲಿ ಬ್ಯಾಟ್ಸ್‌ಮನ್ ಅಬ್ಬರಿಸಿದರೆ, ಸೆಮಿಫೈನಲ್ ಹಾಗೂ ಫೈನಲ್ ಪಂದ್ಯದಲ್ಲಿ ಬೌಲರ್‌ಗಳೇ ಹೀರೋಗಳಾದರು. ಲೋ ಸ್ಕೋರ್ ಗೇಮ್‌ನಲ್ಲೂ ರೋಚಕತೆ ತಂದುಕೊಟ್ಟ ಕೀರ್ತಿ ಬೌಲರ್‌ಗಳಿಗೆ ಸಲ್ಲಲಿದೆ. ಈ ವಿಶ್ವಕಪ್ ಟೂರ್ನಿಯಲ್ಲಿ ತಮ್ಮ ಮಾರಕ ಬೌಲಿಂಗ್ ಮೂಲಕ ವಿಕೆಟ್ ಕಬಳಿಸಿ ಎದುರಾಳಿಗೆ ಮಾತ್ರವಲ್ಲ ಅಭಿಮಾನಿಗಳಿಗೂ ಶಾಕ್ ನೀಡಿದ್ದಾರೆ. ಈ ವಿಶ್ವಕಪ್ ಟೂರ್ನಿಯಲ್ಲಿ ಆಸ್ಟ್ರೇಲಿಯಾ ವೇಗಿ ಮಿಚೆಲ್ ಸ್ಟಾರ್ಕ್ 10 ಪಂದ್ಯಗಳಲ್ಲಿ 27 ವಿಕೆಟ್ ಕಬಳಿಸಿ ಮೊದಲ ಸ್ಥಾನ ಅಲಂಕರಿಸಿದ್ದಾರೆ. ನ್ಯೂಜಿಲೆಂಡ್ ವೇಗಿ ಲೂಕಿ ಫರ್ಗ್ಯುಸನ್   9 ಪಂದ್ಯಗಳಿಂದ 21, ಇಂಗ್ಲೆಂಡ್ ವೇಗಿ ಜೋಫ್ರಾ ಆರ್ಚರ್ 11 ಪಂದ್ಯಗಳಲ್ಲಿ 20 ವಿಕೆಟ್, ಬಾಂಗ್ಲಾದೇಶದ ಮುಸ್ತಾಫಿಝುರ್ ರಹೆಮಾನ್ 8 ಪಂದ್ಯಿಂದ 20 ಹಾಗೂ ಟೀಂ ಇಂಡಿಯಾ ವೇಗಿ ಜಸ್ಪ್ರೀತ್ ಬುಮ್ರಾ 9 ಪಂದ್ಯಗಳಿಂದ 18 ವಿಕೆಟ್ ಉರುಳಿಸಿ ಟಾಪ್ 5 ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ. https://kannada.asianetnews.com/icc-cricket-world-cup-2019/highest-run-scorer-in-world-cup-2019-puosyl https://kannada.asianetnews.com/icc-cricket-world-cup-2019/highest-run-scorer-in-world-cup-2019-puosyl Mon, 15 Jul 2019 19:45:00 +0530 ಲಾರ್ಡ್ಸ್(ಜು.15): ಕ್ರಿಕೆಟ್ ಜಗತ್ತಿನ ಬಹುದೊಡ್ಡ ಹಬ್ಬ ವಿಶ್ವಕಪ್ ಟೂರ್ನಿಗೆ ತೆರೆ ಬಿದ್ದಿದೆ. ಇಂಗ್ಲೆಂಡ್ ಚಾಂಪಿಯನ್ ಪಟ್ಟ ಅಲಂಕರಿಸಿದರೆ, ನ್ಯೂಜಿಲೆಂಡ್ ರನ್ನರ್ ಅಪ್ ಪ್ರಶಸ್ತಿಗೆ ತೃಪ್ತಿಪಟ್ಟುಕೊಳ್ಳಬೇಕಾಯಿತು. ಇತ್ತ ಭಾರತ ಹಾಗೂ ಆಸ್ಟ್ರೇಲಿಯಾ ಸೆಮಿಫೈನಲ್ ಪಂದ್ಯದಿಂದಲೇ ಹೊರಬಿತ್ತು. ಈ ಟೂರ್ನಿಯಲ್ಲಿ 10 ತಂಡಗಳು ಸ್ಟಾರ್ ಬ್ಯಾಟ್ಸ್‌ಮನ್‌ಗಳು ಸ್ಫೋಟಕ ಬ್ಯಾಟಿಂಗ್ ಮೂಲಕ ಅಭಿಮಾನಿಗಳಿಗೆ ಮನರಂಜನೆ ನೀಡಿದ್ದಾರೆ. ಈ ವಿಶ್ವಕಪ್ ಟೂರ್ನಿಯಲ್ಲಿ ಗರಿಷ್ಠ ರನ್ ಸಿಡಿದ ಟಾಪ್ ಬ್ಯಾಟ್ಸ್‌ಮನ್ ವಿವರ ಇಲ್ಲಿದೆ. ಟೀಂ ಇಂಡಿಯಾ ಬ್ಯಾಟ್ಸ್‌ಮನ್ ರೋಹಿತ್ ಶರ್ಮಾ 9 ಇನ್ನಿಂಗ್ಸ್‌‌ಗಳಲ್ಲಿ 648 ರನ್ ಸಿಡಿಸೋ ಮೂಲಕ ಮೊದಲ ಸ್ಥಾನದಲ್ಲಿದ್ದಾರೆ. ಇನ್ನು ಆಸ್ಟ್ರೇಲಿಯಾದ ಡೇವಿಡ್ ವಾರ್ನರ್  10 ಇನ್ನಿಂಗ್ಸ್‌ಗಳಲ್ಲಿ 647 ರನ್ ಸಿಡಿಸಿದ್ದಾರೆ. ಬಾಂಗ್ಲಾದೇಶದ ಶಕೀಬ್ ಅಲ್ ಹಸನ್ 8 ಇನ್ನಿಂಗ್ಸ್‌ಗಳಿಂದ 606 ರನ್ ಹಾಗೂ 11 ವಿಕೆಟ್ ಕಬಳಿಸಿದ್ದಾರೆ. ನ್ಯೂಜಿಲೆಂಡ್ ನಾಯಕ ಕೇನ್ ವಿಲಿಯಮ್ಸನ್ 11 ಇನ್ನಿಂಗ್ಸ್‌ಗಳಲ್ಲಿ 556 ರನ್ ಸಿಡಿಸಿದ್ದಾರೆ. https://kannada.asianetnews.com/icc-cricket-world-cup-2019/icc-cricket-world-cup-2019-team-of-the-tournament-puor8e https://kannada.asianetnews.com/icc-cricket-world-cup-2019/icc-cricket-world-cup-2019-team-of-the-tournament-puor8e Mon, 15 Jul 2019 19:08:00 +0530 ಬೆಂಗಳೂರು[ಜು..15]: ನ್ಯೂಜಿಲೆಂಡ್ ಎದುರು ಸೂಪರ್ ಓವರ್ ನಲ್ಲಿ ಇಂಗ್ಲೆಂಡ್ ತಂಡ ರೋಚಕ ಜಯ ಸಾಧಿಸುವುದರೊಂದಿಗೆ 2019ರ ಏಕದಿನ ವಿಶ್ವಕಪ್ ಟೂರ್ನಿ ಅಧಿಕೃತವಾಗಿ ಮುಕ್ತಾಯವಾಗಿದೆ. ಸರಿ ಸುಮಾರು ಒಂದೂವರೆ ತಿಂಗಳುಗಳ ಕಾಲ ನಡೆದ ಕ್ರಿಕೆಟ್ ಮಹಾಸಂಗ್ರಾಮದಲ್ಲಿ ಹಲವಾರು ಸ್ಮರಣೀಯ ಹಾಗೂ ರೋಚಕ ಪಂದ್ಯಗಳಿಗೆ ಅಭಿಮಾನಿಗಳು ಸಾಕ್ಷಿಯಾಗಿದ್ದಾರೆ. 12ನೇ ಆವೃತ್ತಿಯ ಐಸಿಸಿ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಹಲವು ಕ್ರಿಕೆಟಿಗರು ಸ್ಥಿರ ಪ್ರದರ್ಶನ ತೋರುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಈ ಸಂದರ್ಭದಲ್ಲಿ ಐಸಿಸಿ, 2019ರ ಐಸಿಸಿ ಏಕದಿನ ವಿಶ್ವಕಪ್ ತಂಡವನ್ನು ಪ್ರಕಟಿಸಲಾಗಿದ್ದು, ಕೇನ್ ವಿಲಿಯಮ್ಸನ್ ಗೆ ನಾಯಕತ್ವ ಪಟ್ಟ ಕಟ್ಟಲಾಗಿದೆ. ಐಸಿಸಿ ವಿಶ್ವಕಪ್ ತಂಡದಲ್ಲಿ ಭಾರತದ ಇಬ್ಬರು ಆಟಗಾರರು ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. 1. ರೋಹಿತ್ ಶರ್ಮಾ: 5 ಶತಕಗಳ ಸರದಾರ ಐಸಿಸಿ ಏಕದಿನ ಶ್ರೇಯಾಂಕದಲ್ಲಿ ಎರಡನೇ ಸ್ಥಾನದಲ್ಲಿರುವ ರೋಹಿತ್ ಶರ್ಮಾ ಐಸಿಸಿ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ  5 ಶತಕ ಸಿಡಿಸಿ ವಿಶ್ವದಾಖಲೆ ನಿರ್ಮಿಸಿದ್ದರು. ಅಲ್ಲದೇ 648 ರನ್ ಬಾರಿಸುವುದರೊಂದಿಗೆ ಟೂರ್ನಿಯಲ್ಲಿ ಗರಿಷ್ಠ ರನ್ ಬಾರಿಸಿದ ಆಟಗಾರ ಎನ್ನುವ ಕೀರ್ತಿಗೆ ಭಾಜನರಾಗಿದ್ದಾರೆ. 2. ಜೇಸನ್ ರಾಯ್: ಸ್ಫೋಟಕ ಆರಂಭಿಕ ಪ್ರಸಕ್ತ ವಿಶ್ವಕಪ್ ಟೂರ್ನಿಯಲ್ಲಿ ಇಂಗ್ಲೆಂಡ್ ಚಾಂಪಿಯನ್ ಆಗಲು ಆರಂಭಿಕರ ಪಾತ್ರ ಮರೆಯುವಂತಿಲ್ಲ. ಭಾರತ, ನ್ಯೂಜಿಲೆಂಡ್ ವಿರುದ್ಧ ಗೆಲ್ಲಲೇಬೇಕಾದ ಪಂದ್ಯದಲ್ಲಿ ಹಾಗೂ ಆಸ್ಟ್ರೇಲಿಯಾ ವಿರುದ್ಧದ ಸೆಮಿಫೈನಲ್ ಪಂದ್ಯದಲ್ಲಿ ಜಾನಿ ಬೇರ್’ಸ್ಟೋ ಜತೆ ಜೇಸನ್ ರಾಯ್ ಶತಕದ ಜತೆಯಾಟವಾಡಿದ್ದರು. ಆಡಿದ 7 ಇನ್ನಿಂಗ್ಸ್’ಗಳಲ್ಲಿ 443 ರನ್ ಬಾರಿಸಿರುವ ಜೇಸನ್ ರಾಯ್, ರೋಹಿತ್ ಜತೆ ಆರಂಭಿಕನಾಗಿ ಸ್ಥಾನ ಪಡೆದಿದ್ದಾರೆ. 3. ಕೇನ್ ವಿಲಿಯಮ್ಸನ್[ನಾಯಕ] 2019ರ ವಿಶ್ವಕಪ್ ಸಾರ್ವಕಾಲಿಕ ತಂಡದಲ್ಲಿ ನ್ಯೂಜಿಲೆಂಡ್’ನ ಕೇನ್ ವಿಲಿಯಮ್ಸನ್’ಗೆ ನಾಯಕತ್ವ ಪಟ್ಟ ಕಟ್ಟಲಾಗಿದೆ. ನಾಯಕನಾಗಿ ತಂಡವನ್ನು ಫೈನಲ್’ಗೆ ಏರಿಸಿದ್ದು ಮಾತ್ರವಲ್ಲದೆ, ಬ್ಯಾಟಿಂಗ್’ನಲ್ಲೂ 82.57ರ ಸರಾಸರಿಯಲ್ಲಿ 578 ರನ್ ಬಾರಿಸುವ ಮೂಲಕ ತಂಡಕ್ಕೆ ನೆರವಾಗಿದ್ದರು.  4. ಜೋ ರೂಟ್:  ಇಂಗ್ಲೆಂಡ್ ತಂಡದ ರನ್ ಮಶೀನ್ ಜೋ ರೂಟ್ ವಿಶ್ವಕಪ್ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಆಡಿದ 11 ಇನ್ನಿಂಗ್ಸ್ ಗಳಲ್ಲಿ 556 ರನ್ ಬಾರಿಸುವ ಮೂಲಕ ಟೂರ್ನಿಯಲ್ಲಿ ಗರಿಷ್ಠ ರನ್ ಬಾರಿಸಿದ ಆಟಗಾರರ ಪಟ್ಟಿಯಲ್ಲಿ 5ನೇ ಸ್ಥಾನ ಪಡೆದಿದ್ದಾರೆ. ವಿಶ್ವಕಪ್ ತಂಡದಲ್ಲಿ ನಾಲ್ಕನೇ ಕ್ರಮಾಂಕದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. 5. ಶಕೀಬ್ ಅಲ್ ಹಸನ್:  ತಮ್ಮ ಸ್ಥಿರ ಬ್ಯಾಟಿಂಗ್ ಹಾಗೂ ಉಪಯುಕ್ತ ಬೌಲಿಂಗ್ ನೆರವಿನಿಂದ ವಿಶ್ವಕಪ್ ಟೂರ್ನಿಯಲ್ಲಿ ಮಿಂಚಿನ ಪ್ರದರ್ಶನ ತೋರಿದ ಬಾಂಗ್ಲಾದೇಶದ ಆಲ್ರೌಂಡರ್ ಸಹಜವಾಗಿಯೇ ವಿಶ್ವಕಪ್ ತಂಡದಲ್ಲಿ ಸ್ಥಾನ ಗಿಟ್ಟಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ವಿಶ್ವಕಪ್ ಟೂರ್ನಿಯಲ್ಲಿ 600ಕ್ಕೂ ಅಧಿಕ ರನ್ ಹಾಗೂ 10ಕ್ಕೂ ಹೆಚ್ಚು ವಿಕೆಟ್ ಪಡೆದ ಮೊದಲ ಆಲ್ರೌಂಡರ್ ಎನ್ನುವ ದಾಖಲೆ ಶಕೀಬ್ ಪಾಲಾಗಿದೆ. 6. ಬೆನ್ ಸ್ಟೋಕ್ಸ್:  ಇಂಗ್ಲೆಂಡ್ ತಂಡದ ಸ್ಟಾರ್ ಆಲ್ರೌಂಡರ್, ಫೈನಲ್ ಮ್ಯಾಚ್’ನ ಪಂದ್ಯಶ್ರೇಷ್ಠ ಪ್ರಶಸ್ತಿ ವಿಜೇತ ಬೆನ್ ಸ್ಟೋಕ್ಸ್ ವಿಶ್ವಕಪ್ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಬ್ಯಾಟಿಂಗ್, ಬೌಲಿಂಗ್ ಹಾಗೂ ಫೀಲ್ಡಿಂಗ್’ನಲ್ಲಿ ಗಮನಾರ್ಹ ಪ್ರದರ್ಶನ ತೋರಿದ ಬೆನ್ ಸ್ಟೋಕ್ಸ್ ಆರನೇ ಕ್ರಮಾಂಕದಲ್ಲಿ ಸ್ಥಾನ ಪಡೆದಿದ್ದಾರೆ. 7. ಅಲೆಕ್ಸ್ ಕ್ಯಾರಿ:  ವಿಕೆಟ್ ಕೀಪರ್ ಪ್ರಸಕ್ತ ವಿಶ್ವಕಪ್ ಟೂರ್ನಿಯಲ್ಲಿ ಉಪಯುಕ್ತ ಇನಿಂಗ್ಸ್ ಕಟ್ಟಿದ ಅಲೆಕ್ಸ್ ಕ್ಯಾರಿ ವಿಶ್ವಕಪ್ ತಂಡದಲ್ಲಿ ವಿಕೆಟ್ ಕೀಪರ್ ರೂಪದಲ್ಲಿ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಕ್ಯಾರಿ 375 ರನ್ ಬಾರಿಸುವ ಮೂಲಕ ಆಸ್ಟ್ರೇಲಿಯಾ ತಂಡಕ್ಕೆ ನೆರವಾಗಿದ್ದರು. 8. ಮಿಚೆಲ್ ಸ್ಟಾರ್ಕ್: ಕಳೆದ ವಿಶ್ವಕಪ್ ಆವೃತ್ತಿಯ ಸರಣಿಶ್ರೇಷ್ಠ ವಿಜೇತ ಮಿಚೆಲ್ ಸ್ಟಾರ್ಕ್ ಈ ಬಾರಿಯೂ ಬೌಲಿಂಗ್’ನಲ್ಲಿ ಕಮಾಲ್ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ಆಡಿದ 10 ಪಂದ್ಯಗಳಲ್ಲಿ 27 ವಿಕೆಟ್ ಕಬಳಿಸುವ ಮೂಲಕ ಟೂರ್ನಿಯಲ್ಲಿ ಗರಿಷ್ಠ ವಿಕೆಟ್ ಪಡೆದ ಬೌಲರ್ ಆಗಿ ಹೊರಹೊಮ್ಮಿದರು. ಇದರ ಜತೆಗೆ ಗ್ಲೇನ್ ಮೆಗ್ರಾತ್[26] ಹೆಸರಿನಲ್ಲಿದ್ದ ದಾಖಲೆಯೂ ಇದೀಗ ಸ್ಟಾರ್ಕ್ ಪಾಲಾಗಿದೆ. 9. ಜೋಫ್ರಾ ಆರ್ಚರ್: ಬಾರ್ಬಡೋಸ್ ಮೂಲದ ಜೋಫ್ರಾ ಆರ್ಚರ್ ತಮ್ಮ ಲೈನ್ ಅಂಡ್ ಲೆಂಥ್ ಬೌಲಿಂಗ್ ಮೂಲಕ ಎದುರಾಳಿ ಬ್ಯಾಟ್ಸ್’ಮನ್’ಗೆ ಶಾಕ್ ನೀಡುವಲ್ಲಿ ಇಂಗ್ಲೆಂಡ್ ವೇಗಿ ಯಶಸ್ವಿಯಾಗಿದ್ದಾರೆ. ಇಂಗ್ಲೆಂಡ್ ಪರ ಗರಿಷ್ಠ 20 ವಿಕೆಟ್ ಪಡೆದ ಆರ್ಚರ್ ವಿಶ್ವಕಪ್ ತಂಡದಲ್ಲೂ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. 10. ಲೂಕಿ ಫರ್ಗ್ಯೂಸನ್: ನ್ಯೂಜಿಲೆಂಡ್ ತಂಡದ ಪ್ರಮುಖ ವೇಗಿ ಲೂಕಿ ಫರ್ಗ್ಯೂಸನ್ ಮಿಂಚಿನ ಪ್ರದರ್ಶನದ ಮೂಲಕ ಗಮನ ಸೆಳೆದಿದ್ದಾರೆ. ಬಲಿಷ್ಠ ಬ್ಯಾಟ್ಸ್’ಮನ್’ಗಳಾದ ಡೇವಿಡ್ ವಾರ್ನರ್, ಸ್ಟೀವ್ ಸ್ಮಿತ್, ಫಾಫ್ ಡುಪ್ಲೆಸಿಸ್ ಅವರಂತ ಬ್ಯಾಟ್ಸ್’ಮನ್’ಗಳನ್ನು ಬಲಿಪಡೆಯುವಲ್ಲಿ ಫರ್ಗ್ಯೂಸನ್ ಯಶಸ್ವಿಯಾಗಿದ್ದಾರೆ. ಒಟ್ಟಾರೆ 21 ವಿಕೆಟ್ ಕಬಳಿಸುವ ಮೂಲಕ ಟೂರ್ನಿಯಲ್ಲಿ ಗರಿಷ್ಠ ವಿಕೆಟ್ ಪಡೆದವರ ಪಟ್ಟಿಯಲ್ಲಿ ಎರಡನೇ ಸ್ಥಾನ ಪಡೆದಿದ್ದಾರೆ. 11. ಜಸ್ಪ್ರೀತ್ ಬುಮ್ರಾ: ಟೀಂ ಇಂಡಿಯಾದ ಮಾರಕ ವೇಗಿ, ಡೆತ್ ಸ್ಪೆಷಲಿಸ್ಟ್ ಜಸ್ಪ್ರೀತ್ ಬುಮ್ರಾ ತಮ್ಮ ಕರಾರುವಕ್ಕಾದ ಯಾರ್ಕರ್ ಮೂಲಕ ಎದುರಾಳಿ ಬ್ಯಾಟ್ಸ್’ಮನ್’ಗಳ ನಿದ್ದೆಗೆಡಿಸಿದ್ದರು. ಟೂರ್ನಿಯಲ್ಲಿ 18 ವಿಕೆಟ್ ಪಡೆಯುವುದರೊಂದಿಗೆ ವಿಶ್ವಕಪ್ ತಂಡದಲ್ಲೂ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. 12ನೇ ಆಟಗಾರನಾಗಿ ಬೌಲ್ಟ್: ನ್ಯೂಜಿಲೆಂಡ್ ಎಡಗೈ ವೇಗಿ 11 ಆಟಗಾರರನ್ನೊಳಗೊಂಡ ತಂಡದಲ್ಲಿ ಸ್ಥಾನ ಪಡೆಯಲು ವಿಫಲವಾಗಿದ್ದರೂ, ತಮ್ಮ ಕರಾರುವಕ್ ಸ್ವಿಂಗ್ ಹಾಗೂ ಯಾರ್ಕರ್ ಮೂಲಕ ಗಮನ ಸೆಳೆದ ಹಿನ್ನಲೆಯಲ್ಲಿ 12ನೇ ಆಟಗಾರನಾಗಿ ಸ್ಥಾನ ಪಡೆದಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧ ಹ್ಯಾಟ್ರಿಕ್ ವಿಕೆಟ್ ಕಬಳಿಸಿ ಮಿಂಚಿದ್ದ ಬೌಲ್ಟ್, ವಿಶ್ವಕಪ್ ಟೂರ್ನಿಯಲ್ಲಿ 17 ವಿಕೆಟ್ ಪಡೆದಿದ್ದರು.