Asianet Suvarna News

ಚಿನ್ನ ಪ್ರಿಯರಿಗೆ ಭರ್ಜರಿ ಗುಡ್ನ್ಯೂಸ್: ಪ್ರಯೋಗಾಲಯದಲ್ಲೇ ಬಂಗಾರ ಉತ್ಪತ್ತಿ ಸಕ್ಸಸ್- ಅಗ್ಗದಲ್ಲಿ ಸಿಗತ್ತಾ ಲೋಹ

Suchethana D — Sun, 25 Oct 2026 18:04:37 +0530

ಸ್ಯಾನ್ ಫ್ರಾನ್ಸಿಸ್ಕೋ: ಚಿನ್ನವನ್ನು ಸೃಷ್ಟಿಸುವ ಪ್ರಯತ್ನಗಳು ಶತಮಾನಗಳಿಂದ ನಡೆಯುತ್ತಿವೆ. ಪ್ರಾಚೀನ ಕಾಲದಲ್ಲಿ, ಇದನ್ನು ರಸವಿದ್ಯೆ ಎಂದು ಕರೆಯಲಾಗುತ್ತಿತ್ತು. ಈಗ, ಅಮೆರಿಕದ ಒಂದು ನವೋದ್ಯಮ ಕಂಪೆನಿಯು ಪಾದರಸದಿಂದ (Mercury) ನಿಜವಾದ ಚಿನ್ನವನ್ನು ಸೃಷ್ಟಿಸುವಲ್ಲಿ ಗಮನಾರ್ಹ ಯಶಸ್ಸನ್ನು ಸಾಧಿಸಿದೆ ಎಂದು ವರದಿಯಾಗಿದೆ. ಬ್ಯುಸಿನೆಸ್ ಟುಡೇ ವರದಿಯ ಪ್ರಕಾರ, ಕಂಪೆನಿಯು ಫ್ಯೂಷನ್ನಿಂದ ನ್ಯೂಟ್ರಾನ್‌ಗಳನ್ನು ಬಳಸಿಕೊಂಡು ಪಾದರಸವನ್ನು ಚಿನ್ನವಾಗಿ ಪರಿವರ್ತಿಸುವ ಪ್ರಯೋಗವನ್ನು ಮಾಡಿದೆ ಎಂದು ಹೇಳಿದೆ. ಇದು 2025 ರಲ್ಲಿ ಸ್ಥಾಪಿಸಿದ ದಾಖಲೆಗಿಂತ 10 ಪಟ್ಟು ವೇಗವಾಗಿದೆ ಎಂದು ಅದು ಹೇಳುತ್ತದೆ.

ಇದು ವೈಜ್ಞಾನಿಕ ಸಿನಿಮಾ ರೀತಿ ಅನ್ನಿಸಬಹುದು. ಆದರೆ ಇದರ ಹಿಂದೆ ಪರಮಾಣು ವಿಜ್ಞಾನವಿದೆ. ಸ್ಯಾನ್ ಫ್ರಾನ್ಸಿಸ್ಕೋ ಮೂಲದ ಕಂಪೆನಿ ಮ್ಯಾರಥಾನ್ ಫ್ಯೂಷನ್‌ನ ಯೋಜನೆಗಳು ಚಿನ್ನವನ್ನು ಸೃಷ್ಟಿಸುವುದಕ್ಕೆ ಸೀಮಿತವಾಗಿಲ್ಲ. ಈ ತಂತ್ರಜ್ಞಾನವನ್ನು ಬಳಸಿಕೊಂಡು ಕ್ಯಾನ್ಸರ್ ರೋಗನಿರ್ಣಯ ಮತ್ತು ಚಿಕಿತ್ಸೆಯಲ್ಲಿ ಬಳಸುವ ವಿಕಿರಣಶೀಲ ಐಸೊಟೋಪ್‌ಗಳನ್ನು ರಚಿಸುವಲ್ಲಿಯೂ ಇದು ಕಾರ್ಯನಿರ್ವಹಿಸುತ್ತಿದೆ. ಆದಾಗ್ಯೂ, ಕಂಪೆನಿಯ ಹಕ್ಕುಗಳು ಮತ್ತು ದೊಡ್ಡ ಪ್ರಮಾಣದಲ್ಲಿ ಅಗ್ಗದ ಚಿನ್ನವನ್ನು ಉತ್ಪಾದಿಸುವ ಪ್ರಾಯೋಗಿಕ ವಾಸ್ತವದ ನಡುವೆ ಇನ್ನೂ ಬಹಳ ದೂರವಿದೆ.

ಪಾದರಸದಿಂದ ಚಿನ್ನವನ್ನು ಹೇಗೆ ರಚಿಸಬಹುದು?

ಪಾದರಸವು ಹೊಳೆಯುವ, ದ್ರವ ಲೋಹ ಎಂದು ನಮಗೆ ಸಾಮಾನ್ಯವಾಗಿ ತಿಳಿದಿದೆ, ಆದರೆ ಚಿನ್ನವು ಘನ ಮತ್ತು ಅಮೂಲ್ಯ ಲೋಹವಾಗಿದೆ. ಎರಡೂ ವಿಭಿನ್ನ ಗುಣಲಕ್ಷಣಗಳನ್ನು ಹೊಂದಿವೆ. ಇದು ಪ್ರಶ್ನೆಯನ್ನು ಹುಟ್ಟುಹಾಕುತ್ತದೆ: ಪಾದರಸವನ್ನು ಚಿನ್ನವಾಗಿ ಹೇಗೆ ಪರಿವರ್ತಿಸಬಹುದು? ಉತ್ತರವು ಪರಮಾಣು ವಿಜ್ಞಾನದಲ್ಲಿದೆ. ಮ್ಯಾರಥಾನ್ ಫ್ಯೂಷನ್ ಕಾರ್ಯನಿರ್ವಹಿಸುತ್ತಿರುವ ತಂತ್ರಜ್ಞಾನವನ್ನು ಪರಮಾಣು ಪರಿವರ್ತನೆ ಎಂದು ಕರೆಯಲಾಗುತ್ತದೆ. ಇದು ಪರಮಾಣುವಿನ ಕೇಂದ್ರವಾದ ನ್ಯೂಕ್ಲಿಯಸ್ ಅನ್ನು ಬದಲಾಯಿಸುವುದನ್ನು ಒಳಗೊಂಡಿರುತ್ತದೆ, ಇದು ಒಂದು ಅಂಶವನ್ನು ಮತ್ತೊಂದು ಅಂಶವಾಗಿ ಪರಿವರ್ತಿಸುತ್ತದೆ. ಸರಳವಾಗಿ ಹೇಳುವುದಾದರೆ, ಸಾಮಾನ್ಯ ರಾಸಾಯನಿಕ ಕ್ರಿಯೆಯಲ್ಲಿ, ಒಂದು ವಸ್ತುವಿನಲ್ಲಿರುವ ಅಣುಗಳು ಅಥವಾ ಎಲೆಕ್ಟ್ರಾನ್‌ಗಳ ಜೋಡಣೆ ಬದಲಾಗಬಹುದು, ಆದರೆ ಅಂಶವು ಬದಲಾಗದೆ ಉಳಿಯುತ್ತದೆ. ಇದಕ್ಕೆ ವಿರುದ್ಧವಾಗಿ, ನ್ಯೂಕ್ಲಿಯಸ್‌ನಲ್ಲಿನ ಬದಲಾವಣೆಯು ಒಂದು ಅಂಶವನ್ನು ಇನ್ನೊಂದಕ್ಕೆ ಪರಿವರ್ತಿಸಬಹುದು. ಪಾದರಸವನ್ನು ಚಿನ್ನವಾಗಿ ಪರಿವರ್ತಿಸುವ ಹಕ್ಕು ಈ ಸಿದ್ಧಾಂತವನ್ನು ಆಧರಿಸಿದೆ.

ಕಂಪೆನಿಯ ಪ್ರಸ್ತಾವಿತ ತಂತ್ರಜ್ಞಾನವು ಪಾದರಸದ ನಿರ್ದಿಷ್ಟ ಐಸೊಟೋಪ್, ಮರ್ಕ್ಯುರಿ-198 ಅನ್ನು ಬಳಸುತ್ತದೆ. ಐಸೊಟೋಪ್‌ಗಳು ಅವುಗಳ ಪರಮಾಣು ಕೇಂದ್ರಗಳಲ್ಲಿ ವಿಭಿನ್ನ ಸಂಖ್ಯೆಯ ನ್ಯೂಟ್ರಾನ್‌ಗಳನ್ನು ಹೊಂದಿರುವ ಒಂದೇ ಅಂಶದ ರೂಪಗಳಾಗಿವೆ. ಈ ಪ್ರಕ್ರಿಯೆಯನ್ನು ಮೂರು ಹಂತಗಳಲ್ಲಿ ಅರ್ಥಮಾಡಿಕೊಳ್ಳಬಹುದು.

ಮೊದಲ ಹಂತ: ಕಂಪೆನಿಯ ಯೋಜನೆಯ ಪ್ರಕಾರ, ಫ್ಯೂಷನ್ ರಿಯಾಕ್ಟರ್‌ನಲ್ಲಿ ಡ್ಯೂಟೇರಿಯಮ್ ಮತ್ತು ಟ್ರಿಟಿಯಂನ ಪ್ರತಿಕ್ರಿಯೆಯಿಂದ ಹೆಚ್ಚಿನ ವೇಗದ ನ್ಯೂಟ್ರಾನ್‌ಗಳನ್ನು ಉತ್ಪಾದಿಸಲಾಗುತ್ತದೆ.

ಎರಡನೇ ಹಂತ: ಈ ನ್ಯೂಟ್ರಾನ್‌ಗಳನ್ನು ಪಾದರಸ-198 ಗೆ ನಿರ್ದೇಶಿಸಲಾಗುತ್ತದೆ. ಪ್ರಸ್ತಾವಿತ ಪರಮಾಣು ಕ್ರಿಯೆಯಲ್ಲಿ, ಪಾದರಸ-198 ಅನ್ನು ವಿಕಿರಣಶೀಲ ಪಾದರಸ-197 ಆಗಿ ಪರಿವರ್ತಿಸಬಹುದು.

ಮೂರನೇ ಹಂತ: ಪಾದರಸ-197 ಅನ್ನು ಕೈಗಾರಿಕಾವಾಗಿ ಪಡೆದರೆ ಮತ್ತು ವಿಕಿರಣಶೀಲ ಉಪಉತ್ಪನ್ನಗಳನ್ನು ಸುರಕ್ಷಿತವಾಗಿ ನಿರ್ವಹಿಸಿದರೆ ಅದನ್ನು ಚಿನ್ನ-197 ಆಗಿ ವಿಭಜಿಸಬಹುದು.

ಚಿನ್ನ-197 ಚಿನ್ನದ ಸ್ಥಿರ ಐಸೊಟೋಪ್ ಎಂಬುದನ್ನು ಗಮನಿಸುವುದು ಮುಖ್ಯ. ಇದರರ್ಥ ಪರಮಾಣು ಮಟ್ಟದಲ್ಲಿ ಉತ್ಪತ್ತಿಯಾಗುವ ಚಿನ್ನವು ನಿಜವಾದ ಚಿನ್ನವಾಗಿರುತ್ತದೆ. ಆದರೆ ಇದು ಅಗ್ಗವಾಗಿರುತ್ತದೆ ಅಥವಾ ಉತ್ಪಾದಿಸಲು ಸುಲಭವಾಗುತ್ತದೆ ಎಂದು ಇದರ ಅರ್ಥವಲ್ಲ.

ಈ ಕಲ್ಪನೆ ಹೊಸತಲ್ಲ

ಪಾದರಸದಿಂದ ಚಿನ್ನವನ್ನು ಉತ್ಪಾದಿಸುವ ಕಲ್ಪನೆಯು ಸಂಪೂರ್ಣವಾಗಿ ಹೊಸದಲ್ಲ. ವಿಶ್ವಪ್ರಸಿದ್ಧ ವೈಜ್ಞಾನಿಕ ಪ್ರಯೋಗಾಲಯವಾದ CERN, ಪರಮಾಣು ಪ್ರಕ್ರಿಯೆಗಳ ಮೂಲಕ ಚಿನ್ನದ ಸೃಷ್ಟಿಯನ್ನು ಸಹ ದಾಖಲಿಸಿದೆ. CERN ನ ಲಾರ್ಜ್ ಹ್ಯಾಡ್ರಾನ್ ಕೊಲೈಡರ್‌ನಲ್ಲಿ ALICE ಪ್ರಯೋಗದ ಸಮಯದಲ್ಲಿ, ವಿಜ್ಞಾನಿಗಳು ನಾಲ್ಕು ವರ್ಷಗಳ ಕಠಿಣ ಪರಿಶ್ರಮದ ನಂತರ ಕೇವಲ 29 ಪಿಕೋಗ್ರಾಮ್ ಚಿನ್ನವನ್ನು ಉತ್ಪಾದಿಸಿದರು. ಒಂದು ಪಿಕೋಗ್ರಾಮ್ ಒಂದು ಗ್ರಾಂನ ಒಂದು ಟ್ರಿಲಿಯನ್ ಭಾಗವಾಗಿದೆ. ಇದರರ್ಥ ಇಷ್ಟು ಕಡಿಮೆ ಪ್ರಮಾಣದ ಚಿನ್ನವನ್ನು ಉತ್ಪಾದಿಸಲಾಗಿದ್ದು ಅದನ್ನು ವಾಣಿಜ್ಯಿಕವಾಗಿ ಬಳಸಲು ಅಸಾಧ್ಯವಾಗಿತ್ತು.

ಮ್ಯಾರಥಾನ್ ಫ್ಯೂಷನ್ ತನ್ನ ತಂತ್ರಜ್ಞಾನವು CERN ನ 2025 ರ ದಾಖಲೆಗಿಂತ 10 ಪಟ್ಟು ಹೆಚ್ಚಿನ ದರದಲ್ಲಿ ಚಿನ್ನವನ್ನು ಉತ್ಪಾದಿಸಿದೆ ಎಂದು ಹೇಳಿಕೊಂಡಿದೆ. X ನಲ್ಲಿನ ತನ್ನ ಪೋಸ್ಟ್‌ನಲ್ಲಿ, ಮ್ಯಾರಥಾನ್ ಫ್ಯೂಷನ್ ತನ್ನ ಹಿಂದಿನ ಸೈದ್ಧಾಂತಿಕ ಪ್ರಸ್ತಾಪವನ್ನು ಮೀರಿ ಮುಂದುವರೆದಿದೆ ಮತ್ತು ಫ್ಯೂಷನ್ ನ್ಯೂಟ್ರಾನ್‌ಗಳನ್ನು ಬಳಸಿಕೊಂಡು ಪಾದರಸವನ್ನು ಚಿನ್ನವಾಗಿ ಪರಿವರ್ತಿಸಬಹುದು ಎಂದು ಹೇಳುತ್ತದೆ. ಕಂಪೆನಿಯ ಹೇಳಿಕೆಯನ್ನು ಇನ್ನೂ ಸ್ವತಂತ್ರ ವೈಜ್ಞಾನಿಕ ದೃಢೀಕರಣ ಅಥವಾ ವಾಣಿಜ್ಯ ಉತ್ಪಾದನೆಯ ಪುರಾವೆಯಾಗಿ ನೋಡಬಾರದು.

ಮೈದಾ, ಸೋಡಾ ಬಳಸದೆ ಅಕ್ಕಿ-ಅವಲಕ್ಕಿಯಿಂದ ಮಾಡಿ ಬಾಯಲ್ಲಿಟ್ಟರೆ ಕರಗುವಂತಹ ಸ್ನಾಕ್ಸ್

Ashwini HR — Sun, 25 Oct 2026 19:37:00 +0530

ಬೆಳಗಿನ ಉಪಹಾರಕ್ಕೆ ಅಥವಾ ಸಂಜೆಯ ಚಹಾ ಸಮಯಕ್ಕೆ ಗರಿಗರಿಯಾದ, ರುಚಿಕರವಾದ ತಿಂಡಿ ಬೇಕೆನಿಸಿದರೆ, ಮನೆಯಲ್ಲಿರುವ ಅಕ್ಕಿ ಮತ್ತು ಅವಲಕ್ಕಿ ಬಳಸಿ ಸುಲಭವಾಗಿ ಸ್ನಾಕ್ಸ್ ತಯಾರಿಸಬಹುದು. ಈ ತಿಂಡಿಯ ಪ್ರಮುಖ ವಿಶೇಷವೆಂದರೆ ಇದಕ್ಕೆ ಕಡಲೆಹಿಟ್ಟು, ಮೈದಾ, ಮೊಸರು ಅಥವಾ ಅಡುಗೆ ಸೋಡಾ ಯಾವುದನ್ನೂ ಬಳಸುವ ಅವಶ್ಯಕತೆ ಇಲ್ಲ.

ಬೇಕಾಗುವ ಸಾಮಗ್ರಿಗಳು

ಅಕ್ಕಿ (ರೇಷನ್ ಅಕ್ಕಿ ಅಥವಾ ಮಾಮೂಲಿ ಅಕ್ಕಿ): 1 ಕಪ್ಅವಲಕ್ಕಿ: 1/2 ಕಪ್ಈರುಳ್ಳಿ: 1 (ದಪ್ಪ ಸೈಜ್, ಸಣ್ಣಗೆ ಹೆಚ್ಚಿದ್ದು)ಜೀರಿಗೆ: 1/2 ಚಮಚಹಸಿಮೆಣಸಿನಕಾಯಿ, ಕರಿಬೇವು, ಕೊತ್ತಂಬರಿ ಸೊಪ್ಪು: ರುಚಿಗೆ ತಕ್ಕಷ್ಟುಉಪ್ಪು ಹಾಗೂ ಎಣ್ಣೆ: ಅಗತ್ಯಕ್ಕೆ ತಕ್ಕಷ್ಟು

ತಯಾರಿಸುವ ವಿಧಾನ

ಹಿಟ್ಟಿನ ತಯಾರಿಒಂದು ಕಪ್ ಅಕ್ಕಿ ಮತ್ತು ಅರ್ಧ ಕಪ್ ಅವಲಕ್ಕಿಯನ್ನು ಸುಮಾರು 2 ಗಂಟೆಗಳ ಕಾಲ ಚೆನ್ನಾಗಿ ತೊಳೆದು ನೆನೆಸಿಡಬೇಕು. ನಂತರ ನೀರನ್ನು ಸಂಪೂರ್ಣವಾಗಿ ಬಸಿದು, ಮಿಕ್ಸಿ ಜಾರ್‌ಗೆ ಹಾಕಿ ಅತ್ಯಂತ ಕಡಿಮೆ ನೀರು ಸೇರಿಸಿ ಸ್ವಲ್ಪ ಗಟ್ಟಿಯಾಗಿ (ಮೀಡಿಯಂ ಆಗಿ) ರುಬ್ಬಿಕೊಳ್ಳಬೇಕು.

ಮಸಾಲೆ ಮಿಶ್ರಣರುಬ್ಬಿದ ಹಿಟ್ಟಿಗೆ ಹೆಚ್ಚಿದ ಈರುಳ್ಳಿ, ಜೀರಿಗೆ, ಹಸಿಮೆಣಸಿನಕಾಯಿ, ಕರಿಬೇವು, ಕೊತ್ತಂಬರಿ ಸೊಪ್ಪು ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಕಲಸಿಕೊಳ್ಳಬೇಕು. (ಹಿಟ್ಟು ತೆಳುವಾದರೆ 1-2 ಚಮಚ ಒಣ ಅಕ್ಕಿಹಿಟ್ಟು ಸೇರಿಸಿಕೊಳ್ಳಬಹುದು). ಇದನ್ನು 15 ರಿಂದ 20 ನಿಮಿಷಗಳ ಕಾಲ ನೆನೆಯಲು ಬಿಡಬೇಕು.

ಕರೆಯುವ ವಿಧಾನಬಾಣಲೆಯಲ್ಲಿ ಎಣ್ಣೆ ಕಾಯಿಸಿ, ಉರಿಯನ್ನು ಕಡಿಮೆ ಮಾಡಿಕೊಂಡು ಕೈಯನ್ನು ಸ್ವಲ್ಪ ನೀರಿನಿಂದ ತೇವ ಮಾಡಿಕೊಂಡು ಸಣ್ಣ ಸಣ್ಣ ಉಂಡೆಗಳ ರೂಪದಲ್ಲಿ ಹಿಟ್ಟನ್ನು ಎಣ್ಣೆಗೆ ಬಿಡಬೇಕು. ನಂತರ ಉರಿಯನ್ನು ಹದವಾಗಿಟ್ಟುಕೊಂಡು ಎರಡೂ ಬದಿ ಗೋಲ್ಡನ್ ಬಣ್ಣ ಬರುವವರೆಗೆ ಕರಿದರೆ ಗರಿಗರಿಯಾದ ಬೋಂಡಾ ಸಿದ್ಧವಾಗುತ್ತದೆ.

ಕಾಂಬಿನೇಷನ್ ಟೊಮೊಟೊ ಚಟ್ನಿಬಾಣಲೆಯಲ್ಲಿ ಎಣ್ಣೆ ಹಾಕಿ ಈರುಳ್ಳಿ, ಬೆಳ್ಳುಳ್ಳಿ, ಒಣಮೆಣಸಿನಕಾಯಿ ಹಾಗೂ 3 ಹಣ್ಣಾದ ಟೊಮೊಟೊ, ಕರಿಬೇವು ಹಾಕಿ ಚೆನ್ನಾಗಿ ಬಾಡಿಸಿಕೊಳ್ಳಬೇಕು.ಕೊನೆಯಲ್ಲಿ ಸ್ವಲ್ಪ ಜೀರಿಗೆ ಮತ್ತು ಕೊತ್ತಂಬರಿ ಸೊಪ್ಪು ಸೇರಿಸಿ, ಮಿಶ್ರಣ ತಣ್ಣಗಾದ ಮೇಲೆ ಉಪ್ಪು ಮತ್ತು ಸ್ವಲ್ಪ ನೀರು ಸೇರಿಸಿ ಮಿಕ್ಸಿಯಲ್ಲಿ ರುಬ್ಬಿಕೊಳ್ಳಬೇಕು.ಇದಕ್ಕೆ ಸಾಸಿವೆ ಮತ್ತು ಕರಿಬೇವಿನ ಒಗ್ಗರಣೆ ನೀಡಿದರೆ ರುಚಿಕರವಾದ ಟೊಮೊಟೊ ಚಟ್ನಿ ಸಿದ್ಧ.

ಸವಿಯುವ ಬಗೆಬಿಸಿಬಿಸಿಯಾದ ಈ ಅಕ್ಕಿ-ಅವಲಕ್ಕಿ ಬೋಂಡಾವನ್ನು ಹುಳಿ-ಖಾರವಾದ ಟೊಮೊಟೊ ಚಟ್ನಿ ಮತ್ತು ಈರುಳ್ಳಿಯೊಂದಿಗೆ ಸವಿಯಲು ಅತ್ಯಂತ ಅದ್ಭುತವಾಗಿರುತ್ತದೆ. ಕಡಿಮೆ ಸಮಯದಲ್ಲಿ ಆರೋಗ್ಯಕರವಾಗಿ ಮನೆಯಲ್ಲೇ ಮಾಡಬಹುದಾದ ಉತ್ತಮ ಸ್ನಾಕ್ಸ್ ಇದಾಗಿದೆ.

ಇದು ಗಮನದಲ್ಲಿರಲಿ

ಹಿಟ್ಟು ತೆಳುವಾದರೆರುಬ್ಬುವಾಗ ನೀರು ಹೆಚ್ಚಾಗಿ ಹಿಟ್ಟು ತೆಳುವಾದರೆ ಅಥವಾ ಬೋಂಡಾ ಎಣ್ಣೆ ಕುಡಿಯುತ್ತದೆ ಅನ್ನಿಸಿದರೆ, 1-2 ಚಮಚ ಅಕ್ಕಿಹಿಟ್ಟು ಅಥವಾ ಚಿರೋಟಿ ರವೆ ಸೇರಿಸಿ ಕಲಸಿ.

ಎಣ್ಣೆ ಹೀರಿಕೊಳ್ಳದಂತೆ ಕರೆಯಲುಎಣ್ಣೆ ಚೆನ್ನಾಗಿ ಕಾದ ನಂತರವೇ ಉರಿ ಮಧ್ಯಮ ಮಾಡಿಕೊಂಡು ಬೋಂಡಾ ಹಾಕಿ. ತಣ್ಣನೆಯ ಎಣ್ಣೆಗೆ ಹಾಕಿದರೆ ಬೋಂಡಾ ಎಣ್ಣೆ ಹೀರಿಕೊಳ್ಳುತ್ತದೆ.

ಎಣ್ಣೆಗೆ ಬಿಡುವಾಗ ಕೈಗೆ ಹಿಟ್ಟು ಅಂಟಿಕೊಳ್ಳದಂತೆಪ್ರತಿ ಬಾರಿ ಹಿಟ್ಟನ್ನು ಕೈಗೆ ತೆಗೆದುಕೊಳ್ಳುವ ಮುನ್ನ ನಿಮ್ಮ ಕೈಯನ್ನು ಸ್ವಲ್ಪ ನೀರಿನಲ್ಲಿ ಅದ್ದಿ (ತೇವ ಮಾಡಿಕೊಂಡು) ನಂತರ ಹಿಟ್ಟು ತೆಗೆದುಕೊಂಡು ಎಣ್ಣೆಗೆ ಬಿಡಿ. ಇದರಿಂದ ಹಿಟ್ಟು ಕೈಗೆ ಅಂಟದೆ ಗುಂಡಗೆ, ಸುಲಭವಾಗಿ ಎಣ್ಣೆಗೆ ಬೀಳುತ್ತದೆ.

ಅಕ್ಕಿ-ಬೇಳೆ ನೆನೆಸೋ ಕೆಲಸವೇ ಇಲ್ಲ.. ಹತ್ತೇ ನಿಮಿಷದಲ್ಲಿ ಮಾಡಿ ಹೊರಗೆ ಕ್ರಿಸ್ಪಿ, ಒಳಗೆ ಸಾಫ್ಟ್ ಆದ ಪಡ್ಡು

Ashwini HR — Thu, 29 Oct 2026 15:10:39 +0530

ಬೆಳಗಿನ ಉಪಾಹಾರಕ್ಕೆ ಅಥವಾ ಸಂಜೆಯ ಸ್ನ್ಯಾಕ್ಸ್‌ಗೆ ದಿಢೀರನೆ ಏನಾದರೂ ರುಚಿಕರವಾಗಿ ಮಾಡಬೇಕು ಎಂದರೆ ಈ ಇನ್‌ಸ್ಟಂಟ್ ಪಡ್ಡು’ ಅತ್ಯುತ್ತಮ ಆಯ್ಕೆ. ಇದಕ್ಕೆ ಅಕ್ಕಿ ನೆನೆಸಿ, ಹಿಟ್ಟು ರುಬ್ಬಿ ರಾತ್ರಿಯಿಡೀ ಹುದುಗಿಸುವ (Fermentation) ಅಗತ್ಯವಿಲ್ಲ. ಕೇವಲ 10 ನಿಮಿಷದಲ್ಲಿ ಹೊರಗಡೆ ಗರಿಗರಿಯಾಗಿ, ಒಳಗಡೆ ಮೃದುವಾಗಿರುವ ಪಡ್ಡನ್ನು ಸುಲಭವಾಗಿ ತಯಾರಿಸಬಹುದು.

ಬೇಕಾಗುವ ಸಾಮಗ್ರಿಗಳು

ಇಡ್ಲಿ ರವೆ (ಅಕ್ಕಿ ತರಿ): 1 ಕಪ್ಅವಲಕ್ಕಿ (ಮೀಡಿಯಂ): 1/4 ಕಪ್ಅಕ್ಕಿ ಹಿಟ್ಟು: 1/4 ಕಪ್ಮೊಸರು: 1/4 ಕಪ್ಈರುಳ್ಳಿ: 1 (ಸಣ್ಣದಾಗಿ ಹೆಚ್ಚಿದ್ದು)ಹಸಿಮೆಣಸಿನಕಾಯಿ: 2-3 (ಖಾರಕ್ಕೆ ತಕ್ಕಂತೆ)ಶುಂಠಿ: ಸ್ವಲ್ಪ (ತುರಿದದ್ದು ಅಥವಾ ಸಣ್ಣಗೆ ಹೆಚ್ಚಿದ್ದು)ತೆಂಗಿನತುರಿ: 2-3 ಚಮಚಕೊತ್ತಂಬರಿ ಸೊಪ್ಪು: ಸ್ವಲ್ಪ (ಸಣ್ಣಗೆ ಹೆಚ್ಚಿದ್ದು)ಉಪ್ಪು: ರುಚಿಗೆ ತಕ್ಕಷ್ಟುಕುದಿಯುವ ಬಿಸಿ ನೀರು: ರವೆ ನೆನೆಸಲು ಅಗತ್ಯವಿರುವಷ್ಟುಇನೋ (Eno) ಅಥವಾ ಅಡುಗೆ ಸೋಡಾ: 1/4 ಚಮಚ (ಆಪ್ಷನಲ್ / ಕಡ್ಡಾಯವಲ್ಲ)ಎಣ್ಣೆ: ಪಡ್ಡು ಬೇಯಿಸಲು

ಮಾಡುವ ವಿಧಾನ

ನೆನೆಯಲು ಬಿಡಿಒಂದು ಕಪ್ ಇಡ್ಲಿ ರವೆಯನ್ನು ನೀರಿನಲ್ಲಿ ಒಂದು ಬಾರಿ ತೊಳೆದು ನೀರು ಬಸಿದುಕೊಳ್ಳಿ. ನಂತರ ಅದಕ್ಕೆ ಕುದಿಯುವ ಬಿಸಿ ನೀರನ್ನು ಹಾಕಿ 10 ನಿಮಿಷ ನೆನೆಯಲು ಬಿಡಿ.ಮತ್ತೊಂದು ಬಟ್ಟಲಿನಲ್ಲಿ 1/4 ಕಪ್ ಅವಲಕ್ಕಿಯನ್ನು ಮಾಮೂಲಿ ನೀರಿನಲ್ಲಿ ತೊಳೆದು 10 ನಿಮಿಷ ನೆನೆಸಿಡಿ.

ರುಬ್ಬಿಕೊಳ್ಳಿ10 ನಿಮಿಷಗಳ ನಂತರ ರವೆ ಮತ್ತು ಅವಲಕ್ಕಿಯಲ್ಲಿರುವ ಹೆಚ್ಚುವರಿ ನೀರನ್ನು ಬಸಿದು ತೆಗೆಯಿರಿ.ಮೊದಲು ನೆನೆಸಿದ ಇಡ್ಲಿ ರವೆಯನ್ನು ಮಿಕ್ಸಿ ಜಾರಿಗೆ ಹಾಕಿ, ನೀರು ಹಾಕದೆ ತರಿತರಿಯಾಗಿ ರುಬ್ಬಿಕೊಳ್ಳಿ.ನಂತರ ಅದಕ್ಕೆ ನೆನೆಸಿದ ಅವಲಕ್ಕಿ, 1/4 ಕಪ್ ಅಕ್ಕಿ ಹಿಟ್ಟು ಮತ್ತು 1/4 ಕಪ್ ಮೊಸರು ಸೇರಿಸಿ ಮತ್ತೊಮ್ಮೆ ನುಣ್ಣಗೆ ರುಬ್ಬಿಕೊಳ್ಳಿ (ಹಿಟ್ಟು ಬಿಸಿಯಾಗದಂತೆ ನೋಡಿಕೊಳ್ಳಿ).

ಹಿಟ್ಟು ಸಿದ್ಧಪಡಿಸಿಕೊಳ್ಳಿರುಬ್ಬಿದ ಹಿಟ್ಟನ್ನು ಪಾತ್ರೆಗೆ ಹಾಕಿ, ಅಗತ್ಯವಿದ್ದರೆ ಸ್ವಲ್ಪ ನೀರು ಸೇರಿಸಿ ಪಡ್ಡು ಅಥವಾ ದೋಸೆ ಹಿಟ್ಟಿನ ಹದಕ್ಕೆ ಕಲಸಿಕೊಳ್ಳಿ.ಈಗ ಇದಕ್ಕೆ ಹೆಚ್ಚಿದ ಈರುಳ್ಳಿ, ಹಸಿಮೆಣಸು, ಶುಂಠಿ, ತೆಂಗಿನತುರಿ, ಕೊತ್ತಂಬರಿ ಸೊಪ್ಪು ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. (ಹೆಚ್ಚು ಮೃದುವಾಗಿ ಬೇಕಿದ್ದರೆ ಮಾತ್ರ 1/4 ಚಮಚ ಇನೋ ಅಥವಾ ಸೋಡಾ ಸೇರಿಸಿ, ಇಲ್ಲದಿದ್ದರೂ ಚೆನ್ನಾಗಿ ಬರುತ್ತದೆ).

ಪಡ್ಡು ಬೇಯಿಸಿಪಡ್ಡು ತವಾವನ್ನು (ಗುಳಿಯಪ್ಪದ ಹಂಚು) ಬಿಸಿ ಮಾಡಿ, ಪ್ರತಿಯೊಂದು ಗುಳಿಗೆ ಸ್ವಲ್ಪ ಎಣ್ಣೆ ಹಾಕಿ.ಸಿದ್ಧಪಡಿಸಿದ ಹಿಟ್ಟನ್ನು ಗುಳಿಗಳಿಗೆ ತುಂಬಿಸಿ, ಮಧ್ಯಮ ಉರಿಯಲ್ಲಿ ಮುಚ್ಚಳ ಮುಚ್ಚಿ ಬೇಯಿಸಿ.ಒಂದು ಬದಿ ಗೋಲ್ಡನ್ ಬ್ರೌನ್ (ಹೊಂಬಣ್ಣ) ಬಂದ ನಂತರ ಮೇಲಿಂದ ಸ್ವಲ್ಪ ಎಣ್ಣೆ ಹಾಕಿ, ಮಗುಚಿ ಹಾಕಿ ಎರಡೂ ಬದಿ ಗರಿಗರಿಯಾಗುವಂತೆ ಬೇಯಿಸಿ.ಈಗ ಬಿಸಿಬಿಸಿಯಾದ ರುಚಿಕರ ಇನ್‌ಸ್ಟಂಟ್ ಪಡ್ಡು ಸವಿಯಲು ಸಿದ್ಧ! ಇದನ್ನು ತೆಂಗಿನಕಾಯಿ ಚಟ್ನಿ, ಸಾಂಬಾರ್ ಅಥವಾ ಚಟ್ನಿ ಪುಡಿ-ತುಪ್ಪದ ಜೊತೆ ಸವಿಯಲು ಅದ್ಭುತವಾಗಿರುತ್ತದೆ.

ಇದು ಗಮನದಲ್ಲಿರಲಿ

ಕುದಿಯುವ ನೀರೇ ಮುಖ್ಯ (Hot Water Trick)ಇಡ್ಲಿ ರವೆ ಬೇಗ ಮೆತ್ತಗಾಗಲು ಮತ್ತು ಪಡ್ಡು ಒಳಗಡೆ ಮೃದುವಾಗಿ ಬರಲು ಚೆನ್ನಾಗಿ ಕುದಿಯುವ ನೀರನ್ನೇ ಬಳಸಬೇಕು. ತಣ್ಣೀರು ಅಥವಾ ಉಗುರುಬೆಚ್ಚಗಿನ ನೀರು ಹಾಕಿದರೆ ರವೆ ಬೇಗ ನೆನೆಯುವುದಿಲ್ಲ.

ಹಿಟ್ಟಿನ ಹದ (Batter Consistency)ಹಿಟ್ಟು ತುಂಬಾ ತೆಳುವಾಗಬಾರದು (ದೋಸೆ ಹಿಟ್ಟಿಗಿಂತ ಸ್ವಲ್ಪ ಗಟ್ಟಿಯಾಗಿ, ಇಡ್ಲಿ ಹಿಟ್ಟಿನ ಹದದಲ್ಲಿರಬೇಕು). ನೀರು ಜಾಸ್ತಿಯಾದರೆ ಪಡ್ಡು ತವಾಕ್ಕೆ ಅಂಟಿಕೊಳ್ಳುತ್ತದೆ ಅಥವಾ ಎಣ್ಣೆ ಜಾಸ್ತಿ ಹೀರಿಕೊಳ್ಳುತ್ತದೆ.

ಹೊರಗೆ ಕ್ರಿಸ್ಪಿ, ಒಳಗೆ ಸಾಫ್ಟ್ ಆಗಲು (Crispy Secret)ನಾವು ಸೇರಿಸುವ ಅಕ್ಕಿ ಹಿಟ್ಟು ಪಡ್ಡಿಗೆ ಹೊರಗಡೆ ಗರಿಗರಿ (ಕ್ರಿಸ್ಪಿ) ತನ ಕೊಡುತ್ತದೆ, ಮತ್ತು ಅವಲಕ್ಕಿ ಹಾಗೂ ಮೊಸರು ಒಳಗಡೆ ಮೃದುವಾಗಿರಲು (ಸಾಫ್ಟ್) ಸಹಾಯ ಮಾಡುತ್ತದೆ. ಹಾಗಾಗಿ ಈ ಅಳತೆಯನ್ನು ಮಿಸ್ ಮಾಡಬೇಡಿ.

ಹಂಚು ಸರಿಯಾಗಿ ಕಾದಿರಬೇಕು (Pan Temperature)ಪಡ್ಡು ತವಾವನ್ನು (ಹಂಚು) ಮೊದಲು ಚೆನ್ನಾಗಿ ಬಿಸಿ ಮಾಡಿ, ನಂತರ ಉರಿಯನ್ನು ಮಧ್ಯಮ (Medium Flame) ಮಟ್ಟಕ್ಕೆ ಇಟ್ಟು ಬೇಯಿಸಬೇಕು. ತವಾ ಸರಿಯಾಗಿ ಕಾಯದಿದ್ದರೆ ಪಡ್ಡು ಎದ್ದೇಳುವುದಿಲ್ಲ, ಹಂಚಿಗೆ ಅಂಟಿಕೊಳ್ಳುತ್ತದೆ.

ಪತ್ನಿ ಹಸಿವಿನಿಂದ ಬಳಲುತ್ತಿದ್ದರೂ ಸುಮ್ಮನಿರುವ ಗಂಡಂದಿರೇ, ನಿಮಗೆ ನಾಚಿಕೆಯಾಗಬೇಕು! ಮನೋವಿಜ್ಞಾನಿ ಆಕ್ರೋಶ

Chandrashekar GS — Thu, 29 Oct 2026 17:02:52 +0530

ಕರ್ವಾ ಚೌತ್‌ನಲ್ಲಿ ಪತ್ನಿಯರೇ ಏಕೆ ಉಪವಾಸ ಮಾಡಬೇಕು? ಮನಶ್ಶಾಸ್ತ್ರಜ್ಞೆ ದಿವಿಜಾ ಭಾಸಿನ್ ಪ್ರಶ್ನೆ

ಕರ್ವಾ ಚೌತ್ ಹಬ್ಬದ ಸಂದರ್ಭದಲ್ಲಿ ಪತ್ನಿಯರು ತಮ್ಮ ಪತಿಯ ದೀರ್ಘಾಯುಷ್ಯ ಮತ್ತು ಆರೋಗ್ಯಕ್ಕಾಗಿ ಉಪವಾಸ ಮಾಡುವುದು ಸಂಪ್ರದಾಯ. ಆದರೆ ಈ ಆಚರಣೆಯಲ್ಲಿ ಮಹಿಳೆಯರಿಗೇ ಹೆಚ್ಚು ತ್ಯಾಗದ ಹೊಣೆ ಏಕೆ ಎಂಬ ಪ್ರಶ್ನೆ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಕಾರಣವಾಗಿದೆ. ಮನಶ್ಶಾಸ್ತ್ರಜ್ಞೆ ದಿವಿಜಾ ಭಾಸಿನ್ ಅವರು ಹಂಚಿಕೊಂಡಿರುವ ವಿಡಿಯೊ ಈ ಚರ್ಚೆಗೆ ಮತ್ತಷ್ಟು ಕಾವು ನೀಡಿದೆ.

ಪತ್ನಿ ಹಸಿವಿನಿಂದ ಬಳಲುವುದನ್ನು ನೋಡುತ್ತಾ ಸುಮ್ಮನಿರಬೇಕಾ?

ದಿವಿಜಾ ಭಾಸಿನ್ ತಮ್ಮ ವಿಡಿಯೊದಲ್ಲಿ, ಪತ್ನಿ ತನ್ನ ಪತಿಗಾಗಿ ಆಹಾರ ಮತ್ತು ನೀರನ್ನು ತ್ಯಜಿಸಿ ಉಪವಾಸ ಮಾಡುವಾಗ ಪತಿ ಸುಮ್ಮನೆ ನೋಡುವುದು ಸರಿಯೇ ಎಂದು ಪ್ರಶ್ನಿಸಿದ್ದಾರೆ. ಪ್ರೀತಿ ಸಾಬೀತುಪಡಿಸಲು ಮಹಿಳೆಯರೇ ಹಸಿವು ಮತ್ತು ಬಾಯಾರಿಕೆಯನ್ನು ಸಹಿಸಬೇಕೇ ಎಂಬುದು ಅವರ ಪ್ರಮುಖ ಆಕ್ಷೇಪವಾಗಿದೆ.

ಪತ್ನಿ ಪತಿಗಾಗಿ ಉಪವಾಸ ಮಾಡುವುದು ಪ್ರೀತಿಯ ಸಂಕೇತವೆಂದು ಪರಿಗಣಿಸಿದರೆ, ಪತಿಯೂ ಪತ್ನಿಗಾಗಿ ಅದೇ ರೀತಿಯ ವ್ರತ ಆಚರಿಸಬಹುದಲ್ಲವೇ ಎಂದು ಅವರು ಪ್ರಶ್ನಿಸಿದ್ದಾರೆ. ಮದುವೆ ಸಂಬಂಧದಲ್ಲಿ ಪ್ರೀತಿ, ಕಾಳಜಿ ಮತ್ತು ತ್ಯಾಗ ಎರಡೂ ಕಡೆಯಿಂದ ಇರಬೇಕು ಎಂಬುದು ಅವರ ಅಭಿಪ್ರಾಯ.

ಪತಿಯ ಪಾದ ಮುಟ್ಟುವ ಸಂಪ್ರದಾಯದ ಬಗ್ಗೆಯೂ ಆಕ್ಷೇಪ

ಕರ್ವಾ ಚೌತ್ ಆಚರಣೆಯ ಸಂದರ್ಭದಲ್ಲಿ ಕೆಲವು ಕುಟುಂಬಗಳಲ್ಲಿ ಪತಿಯ ಪಾದ ಮುಟ್ಟುವ ಪದ್ಧತಿಯೂ ಇದೆ. ಈ ಆಚರಣೆಯ ಬಗ್ಗೆಯೂ ದಿವಿಜಾ ಭಾಸಿನ್ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಪತ್ನಿ ಉಪವಾಸ ಮಾಡಿ ತನ್ನ ಪ್ರೀತಿಯನ್ನು ತೋರಿಸಿದ ಬಳಿಕವೂ ಪತಿಯನ್ನೇ ಪೂಜಿಸುವ ರೀತಿಯ ಆಚರಣೆಗಳು ಸಮಾನತೆಯ ದೃಷ್ಟಿಯಿಂದ ಪ್ರಶ್ನಾರ್ಹ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಆದರೆ ಈ ಸಂಪ್ರದಾಯಗಳು ಎಲ್ಲ ಕುಟುಂಬಗಳಲ್ಲೂ ಒಂದೇ ರೀತಿಯಲ್ಲಿಲ್ಲ. ಪ್ರಾದೇಶಿಕ ಮತ್ತು ಕೌಟುಂಬಿಕ ಆಚರಣೆಗಳಿಗೆ ಅನುಗುಣವಾಗಿ ಪದ್ಧತಿಗಳು ಬದಲಾಗುತ್ತವೆ.

ಸಾಮಾಜಿಕ ಜಾಲತಾಣದಲ್ಲಿ ಪರ-ವಿರೋಧ ಚರ್ಚೆ

ದಿವಿಜಾ ಅವರ ಹೇಳಿಕೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ವಿಭಿನ್ನ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ. ಕೆಲವರು ಮಹಿಳೆಯರ ಮೇಲಿನ ಏಕಪಕ್ಷೀಯ ನಿರೀಕ್ಷೆಗಳನ್ನು ಪ್ರಶ್ನಿಸಿರುವ ಅವರ ನಿಲುವನ್ನು ಬೆಂಬಲಿಸಿದ್ದಾರೆ. ಮತ್ತೊಂದೆಡೆ, ಕೆಲವು ಮಹಿಳೆಯರು ಕರ್ವಾ ಚೌತ್ ವ್ರತವನ್ನು ತಾವು ಸ್ವಇಚ್ಛೆಯಿಂದ, ಭಕ್ತಿ ಮತ್ತು ಪ್ರೀತಿಯಿಂದ ಆಚರಿಸುತ್ತೇವೆ ಎಂದು ಹೇಳಿದ್ದಾರೆ.

ಸಂಪ್ರದಾಯಕ್ಕಿಂತ ಮುಖ್ಯವೇ ಪರಸ್ಪರ ಗೌರವ?

ಕರ್ವಾ ಚೌತ್ ಅನೇಕ ಕುಟುಂಬಗಳಿಗೆ ಧಾರ್ಮಿಕ ನಂಬಿಕೆ ಮತ್ತು ಪ್ರೀತಿಯ ಸಂಕೇತವಾಗಿದೆ. ಅದೇ ಸಮಯದಲ್ಲಿ, ಯಾವುದೇ ಆಚರಣೆ ಒತ್ತಡದಿಂದ ನಡೆಯಬಾರದು ಎಂಬ ಅಭಿಪ್ರಾಯವೂ ಚರ್ಚೆಯಲ್ಲಿದೆ. ದಂಪತಿಗಳು ತಮ್ಮ ನಂಬಿಕೆ ಮತ್ತು ಅನುಕೂಲಕ್ಕೆ ತಕ್ಕಂತೆ ಒಟ್ಟಿಗೆ ಉಪವಾಸ ಮಾಡಬಹುದು ಅಥವಾ ಬೇರೆ ರೀತಿಯಲ್ಲಿ ಹಬ್ಬ ಆಚರಿಸಬಹುದು.

ಅಂತಿಮವಾಗಿ, ಉಪವಾಸ ಮಾಡಬೇಕೇ ಬೇಡವೇ ಎಂಬುದು ವೈಯಕ್ತಿಕ ಆಯ್ಕೆಯಾಗಿರಬೇಕು. ಸಂಪ್ರದಾಯವನ್ನು ಗೌರವಿಸುವುದರ ಜೊತೆಗೆ ಪರಸ್ಪರ ಕಾಳಜಿ, ಸಮಾನತೆ ಮತ್ತು ಆರೋಗ್ಯಕ್ಕೂ ಆದ್ಯತೆ ನೀಡುವುದು ಮುಖ್ಯ.

View this post on Instagram

A post shared by Divija Bhasin | Mental Health (@awkwardgoat3)

ಮನೆಯಲ್ಲೇ ತಯಾರಿಸಿ ರಾಸಾಯನಿಕ ಮುಕ್ತ ಕೆಂಪು-ಹಳದಿ ಸಿಂಧೂರ: ಹಂತ ಹಂತದ ಮಾಹಿತಿ ಇಲ್ಲಿದೆ

Suchethana D — Sun, 25 Oct 2026 17:19:34 +0530

ಭಾರತೀಯ ಸಂಪ್ರದಾಯದಲ್ಲಿ ಕುಂಕುಮಕ್ಕೆ ಅತ್ಯಂತ ಹೆಚ್ಚಿನ ಮಹತ್ವ ಇದೆ. ಅದರಲ್ಲಿಯೂ ಹೆಣ್ಣುಮಕ್ಕಳು ಇಡುವ ಸಿಂಧೂರ ಅದರದ್ದೇ ಆದ ಪ್ರಾಮುಖ್ಯತೆಯನ್ನು ಪಡೆದುಕೊಳ್ಳುತ್ತದೆ. ಫ್ಯಾಷನ್ ಹೆಸರಿನಲ್ಲಿ ಹೆಣ್ಣುಮಕ್ಕಳು ಸಿಂಧೂರ ಇಟ್ಟುಕೊಳ್ಳುವುದಿಲ್ಲ. ಮದುವೆಯಾದರೂ ಬೋಳು ಹಣೆಯಲ್ಲಿ ತಿರುಗುತ್ತಾರೆ, ಸಂಪ್ರದಾಯವೆಲ್ಲಾ ಓಲ್ಡ್ ಫ್ಯಾಷನ್ ಎನ್ನುವ ಮಾತು ಕೇಳಿಬರುತ್ತಿದ್ದರೂ, ಈ ಸಂಪ್ರದಾಯವನ್ನು ಪಾಲಿಸುವ ದೊಡ್ಡ ವರ್ಗವೇ ಇದೆ. ಅಷ್ಟಕ್ಕೂ ಕುಂಕುಮ, ದೇವರ ಪೂಜೆಯಲ್ಲಿಯೂ ವಿಶೇಷ ಸ್ಥಾನಮಾನವನ್ನು ಹೊಂದಿದೆ. ಆದರೆ ಇಂದು ರಾಸಾಯನಿಕದಿಂದ ಕೂಡಿದ ಕುಂಕುಮವೇ ಮಾರುಕಟ್ಟೆಯಲ್ಲಿ ಸಿಗುವ ಕಾರಣದಿಂದ ಅದನ್ನು ಹಣೆಯ ಮೇಲೆ, ನೆತ್ತಿಯ ಮೇಲೆ ಪ್ರತಿದಿನ ಇರಿಸಿದರೆ, ಚರ್ಮದ ಸಮಸ್ಯೆ ಕಟ್ಟಿಟ್ಟದ್ದೇ. ಸೂಕ್ಷ್ಮ ಚರ್ಮ ಇರುವವರಿಗೆ ಇದು ಅಲರ್ಜಿಯಾಗುವುದೂ ಉಂಟು.

ಇನ್ನೇನು ಕರ್ವಾ ಚೌತ್ ಸಮೀಪಿಸುತ್ತಿದೆ. ದಕ್ಷಿಣದ ಭಾಗದಲ್ಲಿ ಹೆಚ್ಚಿನವರು ಇದನ್ನು ಆಚರಿಸುವುದಿಲ್ಲ. ಆದರೆ ಉತ್ತರ ಭಾರತದಲ್ಲಿ ಹುಣ್ಣಿಮೆಯ ದಿನ ಕರ್ವಾ ಚೌತ್ ಆಚರಿಸುವುದು ಇದೆ. ಈ ಸಂದರ್ಭದಲ್ಲಿಯೂ ಸಿಂಧೂರಕ್ಕೆ ಬಹಳ ಮತ್ವ ಇದೆ. ರಾಸಾಯನಿಕ ಸಿಂಧೂರವು ಅತ್ಯಂತ ಹಾನಿಕಾರಕವಾಗಿದೆ. ಇದನ್ನು ಪ್ರತಿದಿನ ಅನ್ವಯಿಸುವುದರಿಂದ ನಿಮ್ಮ ಚರ್ಮವು ಒರಟಾಗಬಹುದು, ಬೂದುಬಣ್ಣದ ಅಪಾಯವನ್ನು ಹೆಚ್ಚಿಸಬಹುದು ಮತ್ತು ಅಲರ್ಜಿಯನ್ನು ಉಂಟುಮಾಡಬಹುದು. ಇದಲ್ಲದೆ, ಆ ಪ್ರದೇಶದಲ್ಲಿನ ಕೂದಲು ಕ್ರಮೇಣ ತೆಳುವಾಗಲು ಪ್ರಾರಂಭಿಸುತ್ತದೆ. ಈ ಬಾರಿ, ಮಾರುಕಟ್ಟೆಯಿಂದ ರಾಸಾಯನಿಕ ಸಿಂಧೂರವನ್ನು ಬಿಟ್ಟು ಮನೆಯಲ್ಲಿಯೇ ಕುಂಕುಮವನ್ನು ತಯಾರಿಸಿ. ಇದು ತುಂಬಾ ಸುಲಭ ಕೂಡ. ಬಹುತೇಕ ಮಂದಿಗೆ ತಿಳಿದಿರಲಿಕ್ಕಿಲ್ಲ. ಕುಂಕುಮವನ್ನು ತಯಾರಿಸುವುದು ಅರಿಶಿಣದಿಂದ ಎನ್ನುವುದು.

ಹಾಗೆಯೇ ಅರಿಶಿಣದ ಪುಡಿ ಕೂಡ ರಾಸಾಯನಿಕ ಮುಕ್ತ ಎನ್ನುವುದನ್ನು ಒಮ್ಮೆ ಕನ್ಫರ್ಮ್ ಮಾಡಿಕೊಳ್ಳಿ. ಶುದ್ಧ ಅರಿಶಿಣದ ಪುಡಿ ಇದ್ದರೆ ಮನೆಯಲ್ಲಿಯೇ ಹೀಗೆ ಕುಂಕುಮ ತಯಾರಿಸಿ.

ಶುದ್ಧ ಕುಂಕುಮ ಅಥವಾ ಸಿಂಧೂರ ತಯಾರಿಸಲು ಬೇಕಾಗುವ ಸಾಮಗ್ರಿಗಳು

-ಎರಡು ಟೀ ಸ್ಪೂನ್ ಶುದ್ಧ ಅರಿಶಿನ

-ಅರ್ಧ ಟೀ ಚಮಚ ತಿನ್ನಲು ಉಪಯೋಗಿಸುವ ಸುಣ್ಣ (ಕ್ಯಾಲ್ಸಿಯಂ ಪುಡಿ)

-5 ರಿಂದ 7 ಹನಿ ನಿಂಬೆ ರಸ

-2-3 ಹನಿ ಬಾದಾಮಿ ಎಣ್ಣೆ ಅಥವಾ ಶುದ್ಧ ತುಪ್ಪ

ತಯಾರಿಸುವ ವಿಧಾನ

-ಮೊದಲು, ಶುದ್ಧವಾದ, ಒಣಗಿದ ಬಟ್ಟಲಿನಲ್ಲಿ ಅರಿಶಿನ ಪುಡಿಯನ್ನು ತೆಗೆದುಕೊಳ್ಳಿ. ಅದಕ್ಕೆ ಖಾದ್ಯ ಸುಣ್ಣವನ್ನು ಸೇರಿಸಿ. ನಂತರ, ಕೆಲವು ಹನಿ ನಿಂಬೆ ರಸವನ್ನು ಸೇರಿಸಿ. ನೀವು ನಿಂಬೆ ರಸವನ್ನು ಸೇರಿಸುತ್ತಿದ್ದಂತೆ, ಅರಿಶಿನದ ಹಳದಿ ಬಣ್ಣವು ಕ್ರಮೇಣ ಗಾಢ ಕೆಂಪು ಅಥವಾ ಕಿತ್ತಳೆ ಬಣ್ಣಕ್ಕೆ ಬದಲಾಗುತ್ತದೆ. ಇದು ರಾಸಾಯನಿಕ ಕ್ರಿಯೆಯಾಗಿದೆ. ಪೇಸ್ಟ್ ಅನ್ನು ಚೆನ್ನಾಗಿ ಬೆರೆಸಿದ ನಂತರ, ಅದು ಒಣಗದಂತೆ ಕೆಲವು ಹನಿ ಬಾದಾಮಿ ಎಣ್ಣೆ ಅಥವಾ ತುಪ್ಪವನ್ನು ಸೇರಿಸಿ. ಇದರ ನಂತರ, ಈ ಪೇಸ್ಟ್ ಅನ್ನು ಬಿಸಿಲಿನಲ್ಲಿ ಒಣಗಿಸಿ. ನಂತರ, ಮಿಕ್ಸರ್‌ನಲ್ಲಿ ಎಲ್ಲವನ್ನೂ ಒಟ್ಟಿಗೆ ಪುಡಿಮಾಡಿ ನುಣ್ಣಗೆ ಪುಡಿ ಮಾಡಿ. ನಿಮ್ಮ ಮನೆಯಲ್ಲಿ ತಯಾರಿಸಿದ ಗಿಡಮೂಲಿಕೆ ಸಿಂಧೂರ ಸಿದ್ಧವಾಗಿದೆ.

-ಹಳದಿ ಸಿಂಧೂರವನ್ನು ಹೇಗೆ ತಯಾರಿಸುವುದು?

-ಅನೇಕ ಮಹಿಳೆಯರು ಹಳದಿ ಸಿಂದೂರವನ್ನು ಸಹ ಬಳಸುತ್ತಾರೆ. ಹಳದಿ ಸಿಂಧೂರವು ಅವರ ನಂಬಿಕೆ ಮತ್ತು ಸಂಪ್ರದಾಯದೊಂದಿಗೆ ಸಂಬಂಧಿಸಿದೆ. ನೀವು ಹಳದಿ ಸಿಂಧೂರವನ್ನು ಮಾಡಲು ಬಯಸಿದರೆ, ಅದು ಕೆಂಪು ಸಿಂಧೂರಕ್ಕಿಂತ ಸುಲಭವಾಗಿದೆ.

-ಗಿಡಮೂಲಿಕೆ ಹಳದಿ ಸಿಂದೂರವನ್ನು ಮಾಡಲು, ನಿಮಗೆ ಈ ಕೆಳಗಿನವುಗಳು ಬೇಕಾಗುತ್ತವೆ:

-3 ಟೀ ಚಮಚ ಶುದ್ಧ ಅರಿಶಿನ ಪುಡಿ

-1 ಟೀ ಚಮಚ ಶುದ್ಧ ಅರಿಶಿನ ಪುಡಿ (ವಿನ್ಯಾಸ ಮತ್ತು ಪರಿಮಾಣಕ್ಕಾಗಿ)

-ಅರ್ಧ ಟೀಚಮಚ ಶ್ರೀಗಂಧದ ಪುಡಿ (ಸುವಾಸನೆ ಮತ್ತು ಹೊಳಪಿಗಾಗಿ)

ತಯಾರಿಸುವ ವಿಧಾನ:

-ಒಂದು ಬಟ್ಟಲಿನಲ್ಲಿ ಅರಿಶಿನ ಪುಡಿ ಮತ್ತು ಶ್ರೀಗಂಧದ ಪುಡಿಯನ್ನು ಚೆನ್ನಾಗಿ ಮಿಶ್ರಣ ಮಾಡಿ. ಇದು ಹೆಚ್ಚು ಕಾಲ ಬಾಳಿಕೆ ಬರುವಂತೆ ಮಾಡಲು ಮತ್ತು ನಿಮ್ಮ ಚರ್ಮವನ್ನು ರಕ್ಷಿಸಲು ಮುಲ್ತಾನಿ ಮಿಟ್ಟಿ ಅಥವಾ ಅಕ್ಕಿ ಹಿಟ್ಟನ್ನು ಸೇರಿಸಿ. ನೀವು ಅದನ್ನು ಒಣಗಿಸಲು ಬಯಸಿದರೆ, ಎಲ್ಲಾ ಒಣ ಪದಾರ್ಥಗಳನ್ನು ಶೋಧಿಸಿ ಗಾಳಿಯಾಡದ ಪಾತ್ರೆಯಲ್ಲಿ ಸಂಗ್ರಹಿಸಿ. ನೀವು ಅದನ್ನು ಒದ್ದೆಯಾಗಿ ಅಥವಾ ಪೇಸ್ಟ್ ರೂಪದಲ್ಲಿ ಮಾಡಲು ಬಯಸಿದರೆ, ನಂತರ ಅದಕ್ಕೆ ಕೆಲವು ಹನಿ ಗುಲಾಬಿ ನೀರನ್ನು ಸೇರಿಸುವ ಮೂಲಕ ದಪ್ಪ ಪೇಸ್ಟ್ ತಯಾರಿಸಿ.

ಮುಟ್ಟಿನ ದಿನಗಳಲ್ಲಿ ಗಂಡ ವಿಜಯ್ ಹೇಗೆ ನಡೆದುಕೊಳ್ತಾರೆ? ಎಲ್ಲವನ್ನೂ ಓಪನ್ನಾಗಿ ಹೇಳಿದ Rashmika Mandanna

Suchethana D — Mon, 26 Oct 2026 15:44:31 +0530

ಮುಂಬೈ: ನ್ಯಾಷನಲ್ ಕ್ರಷ್ ರಶ್ಮಿಕಾ ಮಂದಣ್ಣ ಮತ್ತು ವಿಜಯ ದೇವರಕೊಂಡ ಅವರು ಸದ್ಯ ಹಾಟ್ ಟಾಪಿಕ್ನಲ್ಲಿ ಇದ್ದಾರೆ. ಕ್ಯೂಟ್ ತಾರಾ ದಂಪತಿಯೆಂದೇ ಫೇಮಸ್ ಆಗಿರೋ ಈ ಜೋಡಿ, ಹಲವು ಸಂದರ್ಶನಗಳಲ್ಲಿ ತಮ್ಮ ವೈಯಕ್ತಿಕ ಬದುಕನ್ನು ಶೇರ್ ಮಾಡಿಕೊಳ್ಳುತ್ತಿವೆ. ರಶ್ಮಿಕಾ ಮಂದಣ್ಣ ಅವರು, ತಮ್ಮ ವೈಯಕ್ತಿಕ ಜೀವನದ ಕಥೆಯನ್ನು ಹಂಚಿಕೊಂಡಿದ್ದಾರೆ. ಹಲವು ಮಹಿಳೆಯರು ಮುಟ್ಟಿನ ದಿನಗಳಲ್ಲಿ ಅನುಭವಿಸುವ ನೋವು ಆ ದೇವರಿಗೇ ಪ್ರೀತಿ ಎನ್ನುವಂತೆ ಇರುತ್ತದೆ. ಈ ನೋವು, ಸಾಮಾನ್ಯ ಮಹಿಳೆ, ಪ್ರಭಾವಿ ಮಹಿಳೆ, ಸೆಲೆಬ್ರಿಟಿ ಮಹಿಳೆ ಎಂದೆಲ್ಲಾ ನೋಡುವುದಿಲ್ಲ. ಅವರವರ ದೇಹದ ಪ್ರಕೃತಿಗೆ ಅನುಗುಣವಾಗಿ ಬಹುತೇಕ ಮಹಿಳೆಯರು ಈ ದಿನಗಳಲ್ಲಿ ಹೊಟ್ಟೆ ನೋವು, ತಲೆನೋವು, ಜೀವ ಹಿಂಡುವಂಥ ನರಗಳ ನೋವು ಎಲ್ಲವನ್ನೂ ಅನುಭವಿಸುವುದು ಇದೆ. ಇಂಥ ಸಂದರ್ಭದಲ್ಲಿ ವಿವಾಹಿತೆಗೆ ಆಕೆಯ ಪತಿಯ ನೆರವೂ ಅಷ್ಟೇ ಮುಖ್ಯವಾಗಿ ಬೇಕಾಗುತ್ತದೆ. ಅಮ್ಮನ ಮನೆಯಲ್ಲಿ ಅಮ್ಮ ಹೇಳದೇ ಎಲ್ಲಾ ಸಹಾಯ ಮಾಡಿಬಿಡುತ್ತಾಳೆ. ಆದರೆ ಬಹುತೇಕ ಮಹಿಳೆಯರಿಗೆ ಪತಿಯ ಮನೆಯಲ್ಲಿ ಈ ಸೌಲಭ್ಯ ಇರುವುದಿಲ್ಲ. ಅದರ ಬಗ್ಗೆ ರಶ್ಮಿಕಾ ಮಂದಣ್ಣ (Rashmika Mandanna) ವಿವರಿಸಿದ್ದು, ತಮ್ಮ ಮುಟ್ಟಿನ ನೋವಿನ ಸಂದರ್ಭದಲ್ಲಿ ಪತಿ ವಿಜಯ್ ದೇವರಕೊಂಡ ಹೇಗೆ ನಡೆದುಕೊಳ್ತಾರೆ ಎನ್ನುವುದನ್ನು ರಿವೀಲ್ ಮಾಡಿದ್ದಾರೆ.

ರಶ್ಮಿಕಾ ಅವರ ಈ ಮಾತು, ಗಂಡ-ಹೆಂಡತಿಯ ಸಂಬಂಧದಲ್ಲಿ ತಿಳಿವಳಿಕೆ ಮತ್ತು ಒಡನಾಟದ ಮಹತ್ವವನ್ನು ಎತ್ತಿ ತೋರಿಸುತ್ತದೆ. ವಿಜಯ್ ದೇವರಕೊಂಡ ಅವರು ತಮ್ಮ ಋತುಚಕ್ರದ ಸಮಯದಲ್ಲಿ, ನೋವು ಮತ್ತು ಭಾವನಾತ್ಮಕ ಏರಿಳಿತಗಳನ್ನು ಅನುಭವಿಸಿದಾಗ ತಮ್ಮನ್ನು ಅವರು ಹೇಗೆ ಬೆಂಬಲಿಸುತ್ತಾರೆ ಎಂಬುದನ್ನು ನಟಿ ವಿವರಿಸಿದ್ದಾರೆ. ಮಾಧ್ಯಮಗಳಿಗೆ ನೀಡಿರುವ ಸಂದರ್ಶನದಲ್ಲಿ, ರಶ್ಮಿಕಾ ಮಂದಣ್ಣ ಅವರು ತಮ್ಮ ಮುಟ್ಟಿನ ನೋವಿನ ಕಷ್ಟದ ದಿನಗಳಲ್ಲಿ ವಿಜಯ್ ದೇವರಕೊಂಡ ಅವರ ಬಗ್ಗೆ ವಿಶೇಷ ಕಾಳಜಿ ವಹಿಸುತ್ತಾರೆ ಎಂದು ಬಹಿರಂಗಪಡಿಸಿದ್ದಾರೆ. 'ವಿಜಯ್ ನನ್ನ ಹೊಟ್ಟೆಯನ್ನು ನಿಧಾನವಾಗಿ ಮಸಾಜ್ ಮಾಡುತ್ತಾರೆ ಮತ್ತು ಕೈ ಮತ್ತು ಕಾಲುಗಳನ್ನು ಒತ್ತುವ ಮೂಲಕ ನೋವನ್ನು ಸಾಕಷ್ಟು ಉಪಶಮನ ಮಾಡಲು ಪ್ರಯತ್ನಿಸುತ್ತಾರೆ. ವಿಜಯ್ ನನ್ನ ನೋವನ್ನು ಅರ್ಥಮಾಡಿಕೊಳ್ಳುತ್ತಾರೆ ಮತ್ತು ನಾನು ಖಿನ್ನತೆಗೆ ಒಳಗಾದಾಗ ಅದನ್ನೂ ಅರ್ಥ ಮಾಡಿಕೊಳ್ಳುತ್ತಾರೆ ಎಂದು ರಶ್ಮಿಕಾ ಹೇಳಿದ್ದಾರೆ.

ಎಲ್ಲವನ್ನೂ ಅರ್ಥ ಮಾಡಿಕೊಳ್ಳುವ ಪತಿ

ತಮ್ಮ ಮನೆಯಲ್ಲಿ ಮೊದಲು ಋತುಚಕ್ರದ ಬಗ್ಗೆ ಬಹಿರಂಗವಾಗಿ ಚರ್ಚಿಸಲಾಗುತ್ತಿರಲಿಲ್ಲ, ಆದರೆ ಈಗ ವಿಜಯ್ ನನ್ನನ್ನು ಅರ್ಥಮಾಡಿಕೊಳ್ಳಲು ಮತ್ತು ಸಹಾಯ ಮಾಡಲು ಪ್ರಯತ್ನಿಸುತ್ತಿರುವುದು ನನಗೆ ಸಂತೋಷವನ್ನುಂಟುಮಾಡುತ್ತದೆ ಎಂದು ಅವರು ಹಂಚಿಕೊಂಡಿದ್ದಾರೆ. ನಾನು ಏನನ್ನು ಅನುಭವಿಸುತ್ತಿದ್ದೇನೆ ಮತ್ತು ನಾನು ಏನನ್ನಾದರೂ ಹೇಗೆ ಅನುಭವಿಸುತ್ತೇನೆ ಎಂದು ಅವನಿಗೆ ಅರ್ಥವಾಗುತ್ತದೆ. ನಾನು ಮುಕ್ತವಾಗಿ ಮಾತನಾಡುತ್ತೇನೆ. ಯಾವುದೇ ನಿರ್ದಿಷ್ಟ ಕಾರಣವಿಲ್ಲದೆ ನಾನು ದುಃಖಿತನಾಗಿದ್ದರೆ, ನಾನು ಅವನಿಗೆ, "ಇನ್ನು ಕೆಲವೇ ದಿನಗಳಲ್ಲಿ ಪೀರಿಯಡ್ ಪ್ರಾರಂಭವಾಗಲಿದೆ, ಮತ್ತು ನೀನು ನನ್ನೊಂದಿಗೆ ಇದ್ದರೆ ಸಾಕು" ಎಂದು ಹೇಳುತ್ತೇನೆ. ನಾನು ಅವನಿಗೆ ಮೊದಲೇ ತಿಳಿಸುತ್ತೇನೆಎಂದಿದ್ದಾರೆ.

ಒಬ್ಬ ಪುರುಷನಿಂದ ಮಹಿಳೆಯಾದವಳು ನೀವು ಇನ್ನೇನು ನಿರೀಕ್ಷಿಸಬಹುದು ಹೇಳಿ. ಪತಿಯಾದವ ಪತ್ನಿಯ ಗರ್ಭಾಶಯವನ್ನು ತೆಗೆದುಹಾಕಿ ಅದನ್ನು ಪಕ್ಕಕ್ಕೆ ಇಡಲು ಸಾಧ್ಯವಿಲ್ಲ. ಆದರೆ ಆತ ನನಗಾಗಿ ಇದ್ದಾನೆ ಎಂದು ಸಮಾಧಾನವಾದರೆ ಅದೇ ಎಷ್ಟೋ ಸಹಾಯಕ್ಕೆ ಬರಲಿದೆ. ವಿಜಯ್ ಕೂಡ ಅಂಥವರೇ. ಅವನು ನನ್ನ ಹೊಟ್ಟೆಯನ್ನು ಮುದ್ದಿಸುತ್ತಾನೆ ಮತ್ತು ನನ್ನ ಕೈ ಮತ್ತು ಕಾಲುಗಳನ್ನು ಮಸಾಜ್ ಮಾಡುತ್ತಾನೆ, ಏಕೆಂದರೆ ಅವನು "ನಾನು ಮಾಡಲು ಸಾಧ್ಯವಾದದ್ದು ಅಷ್ಟೆ" ಎಂದು ಹೇಳುವ ಮೂಲಕ ಪತಿಯಾದವ ಇಂಥ ದಿನಗಳಲ್ಲಿ ಹೇಗೆ ನಡೆದುಕೊಳ್ಳಬೇಕು ಎನ್ನೋದನ್ನು ರಶ್ಮಿಕಾ ಮನಮುಟ್ಟುವಂತೆ ಮಾತನಾಡಿದ್ದಾರೆ.

ಮೊದಲ ಮುಟ್ಟಿನ ಅನುಭವ

ಇದೇ ವೇಳೆತಮ್ಮ ಮೊದಲ ಮುಟ್ಟಿನ ಬಗ್ಗೆ ವಿವರಿಸಿರುವ ನಟಿ, ಆ ಸಮಯದಲ್ಲಿ, ತಮಗೆ ಏನಾಗುತ್ತಿದೆ ಎಂದು ಅರ್ಥವಾಗಿರಲಿಲ್ಲ ಎಂದು ವಿವರಿಸಿದರು. ನಾನು ಆಘಾತಕ್ಕೊಳಗಾಗಿದ್ದೆ ಮತ್ತು ಅದರ ಬಗ್ಗೆ ಯಾರೊಂದಿಗೂ ಮಾತನಾಡಲು ಹೆದರುತ್ತಿದ್ದೆ. ಸ್ಯಾನಿಟರಿ ಪ್ಯಾಡ್‌ಗಳಂತಹ ವಿಷಯವಿದೆ ಎಂದು ನನಗೆ ತಿಳಿದಿರಲಿಲ್ಲವಾದ್ದರಿಂದ ನಾನು ಟವೆಲ್‌ಗಳನ್ನು ಮಡಚಿ ಪ್ಯಾಡ್‌ಗಳಾಗಿ ಬಳಸುವುದನ್ನು ನೆನಪಿಸಿಕೊಳ್ಳುತ್ತೇನೆ ಎಂದಿದ್ದಾರೆ. ಮಹಿಳೆಯರ ಅಗತ್ಯಗಳನ್ನು ಅರ್ಥಮಾಡಿಕೊಳ್ಳುವ ಮತ್ತು ಋತುಚಕ್ರ ರಜೆಯಂತಹ ಸೌಲಭ್ಯಗಳನ್ನು ಒದಗಿಸುವ ಅಗತ್ಯವನ್ನು ಅವರು ಒತ್ತಿ ಹೇಳಿದರು, ವಿಶೇಷವಾಗಿ ಚಲನಚಿತ್ರ ಸೆಟ್‌ಗಳಂತಹ ಕಾರ್ಯನಿರತ ಕೆಲಸದ ಸ್ಥಳಗಳಲ್ಲಿ ಇದು ಅಗತ್ಯ ಎನ್ನುತ್ತಾರೆ.

ನೀವು ಮೂಳೆ ಮುರಿಯದ ಹೊರತು, ಮೂಳೆ ಮುರಿದ ನೋವು ನಿಮಗೆ ಅರ್ಥವಾಗುವುದಿಲ್ಲ. ಇಂದು, ನಮ್ಮಲ್ಲಿ ಮಹಿಳೆಯರು ಉನ್ನತ ಹುದ್ದೆಗಳನ್ನು ಅಲಂಕರಿಸುತ್ತಾರೆ ಮತ್ತು ವ್ಯವಹಾರಗಳನ್ನು ನಿರ್ವಹಿಸುತ್ತಾರೆ, ಆದರೆ ದುಃಖಕರವೆಂದರೆ, ಅವರು ಈ ಸೌಲಭ್ಯಗಳಿಲ್ಲದೆ ಕೆಲಸ ಮಾಡಬೇಕಾಗಿದೆ. ಇದರಿಂದಾಗಿ, ಅವರಿಗೆ ಇದು ಸಾಮಾನ್ಯವಾಗಿದೆ ಎಂದಿದ್ದಾರೆ.

ಮುಖದ ಸುಕ್ಕು ನಿವಾರಿಸಿ, ತ್ವಚೆಯ ಅಂದ ಹೆಚ್ಚಿಸಿ 'ದಂತದ ಬೊಂಬೆ'ಯಂತೆ ಕಾಣಲು ದಿನಾಲೂ ಈ ಹಣ್ಣುಗಳನ್ನು ಸೇವಿಸಿ!

Shriram Bhat — Wed, 28 Oct 2026 16:19:54 +0530

Skin Care Tips: ಮುಖದ ಸುಕ್ಕು ನಿವಾರಿಸಿ, ತ್ವಚೆಯ ಅಂದ ಹೆಚ್ಚಿಸಿ 'ದಂತದ ಬೊಂಬೆ'ಯಂತೆ ಕಾಣಲು ದಿನಾಲೂ ಈ ಹಣ್ಣುಗಳನ್ನು ಸೇವಿಸಿ! ಈ ಹಣ್ಣುಗಳಲ್ಲಿರುವ ಹಲವು ಪೋಷಕ ಸತ್ವಗಳು ನಿಮ್ಮ ಚರ್ಮವು ರೇಷ್ಮೆಯಂತೆ ಹೊಳೆಯುವಂತೆ ಮಾಡುತ್ತವೆ.

ಬಾಯಲ್ಲಿ ನೀರೂರಿಸುವ ಅಪ್ಪಟ ಬಿಡದಿ ಶೈಲಿಯ ತಟ್ಟೆ ಇಡ್ಲಿ, ಸ್ಪೆಷಲ್ ಚಟ್ನಿ ಪುಡಿ ಮಾಡುವ ವಿಧಾನ

Ashwini HR — Tue, 27 Oct 2026 15:21:52 +0530

ಬೆಂಗಳೂರು ಸಮೀಪದ ಬಿಡದಿಯ ಹೂವಿನಂತಹ, ಮೃದುವಾದ ಬಿಸಿಬಿಸಿ ತಟ್ಟೆ ಇಡ್ಲಿ, ಅದರ ಮೇಲೆ ತುಪ್ಪ ಹಾಗೂ ಚಟ್ನಿ ಪುಡಿ ಉದುರಿಸಿ ತಿಂದರೆ ಆ ರುಚಿಯೇ ಸ್ವರ್ಗ! ಹೋಟೆಲ್‌ಗೆ ಹೋಗದೇ ಮನೆಯಲ್ಲೇ ಅಷ್ಟೇ ಸಾಫ್ಟ್ ಆಗಿ ತಟ್ಟೆ ಇಡ್ಲಿ ಹಾಗೂ ಸ್ಪೆಷಲ್ ಚಟ್ನಿ ಪುಡಿ ಮಾಡುವುದು ಹೇಗೆ? ಇಲ್ಲಿದೆ ನೋಡಿ ಕಂಪ್ಲೀಟ್ ರೆಸಿಪಿ..."

ಬೇಕಾಗುವ ಸಾಮಗ್ರಿಗಳು

ಇಡ್ಲಿ ಹಿಟ್ಟಿಗೆಕುಚುಲಕ್ಕಿ (Parboiled Rice / ಇಡ್ಲಿ ಅಕ್ಕಿ) – 3 ಕಪ್ಉದ್ದಿನಬೇಳೆ (ಗೋಟಾ ಉದ್ದು) – 1 ಕಪ್ಸಬ್ಬಕ್ಕಿ (Sabudana) – 2 ದೊಡ್ಡ ಚಮಚ (ಇಡ್ಲಿ ಮುರಿದುಹೋಗದಂತೆ ಹಿಡಿದಿಡಲು)ಅವಲಕ್ಕಿ (Poha) – 1/3 ಕಪ್ (ಇಡ್ಲಿ ಮೃದುವಾಗಲು)ಮೆಂತ್ಯ ಕಾಳು – 2 ಚಮಚ (ಹುದುಗು ಬರಲು)ಉಪ್ಪು – ರುಚಿಗೆ ತಕ್ಕಷ್ಟುನೀರು – ರುಬ್ಬಲು ಅಗತ್ಯವಿರುವಷ್ಟು

ಸ್ಪೆಷಲ್ ಚಟ್ನಿ ಪುಡಿ ಮಾಡಲುಕಡಲೆಬೇಳೆ – 1/4 ಕಪ್ಉದ್ದಿನಬೇಳೆ – 1/2 ಕಪ್ಬಿಳಿ ಎಳ್ಳು – 1/4 ಕಪ್ಬ್ಯಾಡಗಿ ಒಣಮೆಣಸಿನಕಾಯಿ – 10 ರಿಂದ 12 (ಉತ್ತಮ ಬಣ್ಣಕ್ಕಾಗಿ)ಖಾರದ ಒಣಮೆಣಸಿನಕಾಯಿ – 3 (ಖಾರಕ್ಕೆ ಬೇಕಿದ್ದರೆ ಮಾತ್ರ)ಇಂಗು (Hing) – 1 ಚಮಚಉಪ್ಪು – ರುಚಿಗೆ ತಕ್ಕಷ್ಟು

ತಟ್ಟೆ ಇಡ್ಲಿ ಮಾಡುವ ಹಂತ-ಹಂತದ ವಿಧಾನ

ನೆನೆಸಿ, ರುಬ್ಬಿಅಕ್ಕಿ ಮತ್ತು ಉದ್ದಿನಬೇಳೆಯನ್ನು ಪ್ರತ್ಯೇಕ ಪಾತ್ರೆಗಳಲ್ಲಿ ಹಾಕಿ, ನೀರು ಸ್ವಚ್ಛವಾಗುವವರೆಗೆ ಚೆನ್ನಾಗಿ ತೊಳೆಯಿರಿ.ಉದ್ದಿನಬೇಳೆ ಇರುವ ಪಾತ್ರೆಗೆ ಸಬ್ಬಕ್ಕಿ, ಅವಲಕ್ಕಿ ಮತ್ತು ಮೆಂತ್ಯ ಕಾಳುಗಳನ್ನು ಸೇರಿಸಿ.ಎರಡೂ ಪಾತ್ರೆಗಳಿಗೆ ಸಾಕಷ್ಟು ನೀರು ಹಾಕಿ 7 ರಿಂದ 8 ಗಂಟೆಗಳ ಕಾಲ ಪ್ರತ್ಯೇಕವಾಗಿ ನೆನೆಯಲು ಬಿಡಿ.ನೆನೆದ ನಂತರ, ನೀರನ್ನು ಬಸಿದು ಮೊದಲು ಅಕ್ಕಿಯನ್ನು ಮಿಕ್ಸಿಗೆ ಹಾಕಿ, ಸುಮಾರು 3 ಕಪ್ ನೀರನ್ನು ಸ್ವಲ್ಪ ಸ್ವಲ್ಪವೇ ಸೇರಿಸುತ್ತಾ ರವೆ ರವೆಯಾಗಿ (ತರಿತರಿಯಾಗಿ) ರುಬ್ಬಿ ದೊಡ್ಡ ಪಾತ್ರೆಗೆ ಹಾಕಿ.ನಂತರ ಉದ್ದಿನಬೇಳೆ ಮತ್ತು ಸಬ್ಬಕ್ಕಿ ಮಿಶ್ರಣಕ್ಕೆ 1 ಕಪ್ ನೀರು ಸೇರಿಸಿ ಬಹಳ ನುಣ್ಣಗೆ (Soft & Fine) ರುಬ್ಬಿಕೊಂಡು, ಅಕ್ಕಿ ಹಿಟ್ಟಿರುವ ಪಾತ್ರೆಗೆ ಸೇರಿಸಿ.ವಿಸ್ಕರ್ ಅಥವಾ ಕೈಯಿಂದ ಎರಡೂ ಹಿಟ್ಟನ್ನು ಚೆನ್ನಾಗಿ ಒಂದಕ್ಕೊಂದು ಬೆರೆಸಿ, ಮುಚ್ಚಳ ಮುಚ್ಚಿ ಹುದುಗು ಬರಲು (Fermentation) 8 ರಿಂದ 10 ಗಂಟೆ ಬೆಚ್ಚಗಿನ ಜಾಗದಲ್ಲಿ ಇಡಿ (ಚಳಿಗಾಲದಲ್ಲಾದರೆ ದಪ್ಪ ಬಟ್ಟೆ ಸುತ್ತಿಡಬೇಕು).

ಈಗ ಇಡ್ಲಿ ಬೇಯಿಸಿಚೆನ್ನಾಗಿ ಉಬ್ಬಿ ಬಂದ ಹಿಟ್ಟಿಗೆ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ, ನಿಧಾನವಾಗಿ ಕದಡಿ (ವೇಗವಾಗಿ ತಿರುಗಿಸಿದರೆ ಒಳಗಿರುವ ಏರ್ ಬಬಲ್ಸ್ ಹೋಗಿಬಿಡುತ್ತವೆ).ತಟ್ಟೆ ಇಡ್ಲಿ ಮೌಲ್ಡ್, ಸಣ್ಣ ತಟ್ಟೆ ಅಥವಾ ಸ್ಟೀಲ್ ಡಬ್ಬದ ಮುಚ್ಚಳಕ್ಕೆ ಬಾಳೆಎಲೆ ಅಥವಾ ಬಟರ್ ಪೇಪರ್ ಇಟ್ಟು, ಎಣ್ಣೆ ಸವರಿ.ಈ ತಟ್ಟೆಗಳಿಗೆ ಅರ್ಧದಷ್ಟು ಮಾತ್ರ ಹಿಟ್ಟು ಹಾಕಿ (ಇಡ್ಲಿ ಬೆಂದ ಮೇಲೆ ಉಬ್ಬುವುದರಿಂದ ಪೂರ್ತಿ ತುಂಬಿಸಬೇಡಿ).ಮುಂಚಿತವಾಗಿ ಕಾಯಿಸಿದ ಸ್ಟೀಮರ್‌ನಲ್ಲಿಟ್ಟು 15 ರಿಂದ 20 ನಿಮಿಷಗಳ ಕಾಲ ಹಬೆಯಲ್ಲಿ ಬೇಯಿಸಿ.ಬೆಂದ ನಂತರ ಹೊರತೆಗೆದು 2-3 ನಿಮಿಷ ತಣ್ಣಗಾಗಲು ಬಿಟ್ಟು, ಚಮಚದ ಹಿಂಭಾಗದಿಂದ ಅಂಚುಗಳನ್ನು ಸಡಿಲಗೊಳಿಸಿ ಇಡ್ಲಿಯನ್ನು ತೆಗೆಯಿರಿ.

ಚಟ್ನಿ ಪುಡಿ ಮಾಡುವ ವಿಧಾನ

ಬಾಣಲೆಯನ್ನು ಬಿಸಿ ಮಾಡಿ, ಸಣ್ಣ ಉರಿಯಲ್ಲಿ ಕಡಲೆಬೇಳೆ ಮತ್ತು ಉದ್ದಿನಬೇಳೆಯನ್ನು ಕೆಂಪಾಗುವವರೆಗೆ ಹಾಗೂ ಪರಿಮಳ ಬರುವವರೆಗೆ ತಾಳ್ಮೆಯಿಂದ ಹುರಿದು ತೆಗೆದಿಡಿ.ಅದೇ ಬಾಣಲೆಯಲ್ಲಿ ಬಿಳಿ ಎಳ್ಳನ್ನು ಚಿಟಪಟ ಎನ್ನುವವರೆಗೆ ಲಘುವಾಗಿ ಹುರಿದುಕೊಳ್ಳಿ.ನಂತರ ಒಣಮೆಣಸಿನಕಾಯಿಗಳನ್ನು ಗರಿಗರಿಯಾಗುವಂತೆ ಹುರಿದು ತಣ್ಣಗಾಗಲು ಬಿಡಿ.ಮೊದಲು ಒಣಮೆಣಸಿನಕಾಯಿಯನ್ನು ಮಾತ್ರ ಮಿಕ್ಸಿಗೆ ಹಾಕಿ ನುಣ್ಣಗೆ ಪುಡಿ ಮಾಡಿ.ನಂತರ ಅದಕ್ಕೆ ಹುರಿದ ಬೇಳೆಗಳು, ಎಳ್ಳು, ಇಂಗು ಮತ್ತು ಉಪ್ಪು ಸೇರಿಸಿ ತರಿತರಿಯಾಗಿ (Coarse) ರುಬ್ಬಿಕೊಳ್ಳಿ (ಬೇಳೆಯ ಕ್ರಂಚ್ ಬಾಯಿಗೆ ಸಿಗುವಂತಿರಬೇಕು).ಈ ಪುಡಿಯನ್ನು ಗಾಜಿನ ಬಾಟಲಿಯಲ್ಲಿ 1 ರಿಂದ 2 ತಿಂಗಳು ಸಂಗ್ರಹಿಸಿಡಬಹುದು.

ಬಡಿಸುವ ವಿಧಾನ

ಬಿಸಿಬಿಸಿ ತಟ್ಟೆ ಇಡ್ಲಿ ಮೇಲೆ ತುಪ್ಪವನ್ನು ಧಾರಾಳವಾಗಿ ಸವರಿ, ಅದರ ಮೇಲೆ ತಯಾರಿಸಿದ ಚಟ್ನಿ ಪುಡಿ ಉದುರಿಸಿ, ಕಾಯಿ ಚಟ್ನಿಯೊಂದಿಗೆ ಬಡಿಸಿದರೆ ಬಾಯಲ್ಲಿ ನೀರೂರಿಸುವ ಅಪ್ಪಟ ಬಿದದಿ ಶೈಲಿಯ ತಟ್ಟೆ ಇಡ್ಲಿ ಸವಿಯಲು ರೆಡಿ!

Gold Earrings: ಸಿಂಪಲ್ ಲುಕ್‌ಗೆ ಚಿನ್ನದ ಟಚ್; ಡೈಲಿ ವೇರ್‌ಗೆ ಟ್ರೆಂಡಿ ಗೋಲ್ಡ್ ಓಲೆಗಳು

Govindaraj S — Wed, 28 Oct 2026 22:35:54 +0530

ಡೈಲಿ ವೇರ್‌ಗೆ ಲೈಟ್ ವೆಯಿಟ್ ಚಿನ್ನದ ಓಲೆಗಳನ್ನು ಖರೀದಿಸುವ ಪ್ಲಾನ್‌ನಲ್ಲಿದ್ದೀರಾ? ಹಾಗಾದರೆ ಈ ಡಿಸೈನ್‌ಗಳು ನಿಮಗಾಗಿಯೇ ಇವೆ. ಹುಡುಗಿಯರು ಇಷ್ಟಪಡುವ ಸುಂದರವಾದ ಕಿವಿಯೋಲೆಗಳ ಕಲೆಕ್ಷನ್ ಇಲ್ಲಿದೆ, ನೋಡಿ.

ಕುಂಡಗಳಲ್ಲಿ ಹೆಚ್ಚೆಚ್ಚು ಹೂವು ಅರಳಬೇಕಾ? ತಜ್ಞರ ಈ 5 ಟಿಪ್ಸ್ ಫಾಲೋ ಮಾಡಿ, ಮ್ಯಾಜಿಕ್ ನೋಡಿ

Suchethana D — Tue, 27 Oct 2026 19:23:24 +0530

ನಿಮ್ಮ ಬಾಲ್ಕನಿ, ಟೆರೇಸ್ ಅಥವಾ ಅಂಗಳದಲ್ಲಿರುವ ಹೂಬಿಡುವ ಸಸ್ಯಗಳು ನಿಮ್ಮ ಮನೆಯ ಸೌಂದರ್ಯವನ್ನು ಹೆಚ್ಚಿಸುತ್ತವೆ. ಆದಾಗ್ಯೂ, ಕೆಲವೊಮ್ಮೆ, ಗಿಡಗಳಲ್ಲಿ ಹೂವುಗಳಿಗಿಂತ ಹೆಚ್ಚಾಗಿ ಎಲೆಗಳೇ ಕಾಣಿಸುತ್ತವೆ. ಎಷ್ಟೇ ಕೇರ್ ತೆಗೆದುಕೊಂಡರೂ ಹೂವು ಹೆಚ್ಚು ಬಿಡುವುದಿಲ್ಲ, ಬಿಟ್ಟರೂ ಪೀಚು ಪೀಚಲಾಗಿ ಇರುತ್ತವೆ. ಇದು ಸೂರ್ಯನ ಬೆಳಕಿನ ಕೊರತೆ, ಮಣ್ಣಿನಲ್ಲಿ ಸಾಕಷ್ಟು ಪೋಷಕಾಂಶಗಳು ಅಥವಾ ಅನುಚಿತ ನೀರುಹಾಕುವುದರಿಂದಾಗಿರಬಹುದು. ನೀವು ಸಾಕಷ್ಟು ಹೂವಿನ ಕುಂಡವನ್ನು ಹೊಂದಲು ಬಯಸಿದರೆ, ತಜ್ಞರು ಹೇಳುವ ಈ 5 ಸರಳ ಸಲಹೆಗಳನ್ನು ಪ್ರಯತ್ನಿಸಿ.

ಸರಿಯಾದ ಪ್ರಮಾಣದ ಸೂರ್ಯನ ಬೆಳಕು

ಹೂವಿನ ಸರಿಯಾದ ಬೆಳವಣಿಗೆಗೆ ಸೂರ್ಯನ ಬೆಳಕು ಅತ್ಯಗತ್ಯ. ಗುಲಾಬಿಗಳು, ದಾಸವಾಳ ಮತ್ತು ಚೆಂಡುಮಲ್ಲಿಗೆಗಳಂತಹ ಅನೇಕ ಹೂಬಿಡುವ ಸಸ್ಯಗಳಿಗೆ ಪ್ರತಿದಿನ ಸುಮಾರು 4-6 ಗಂಟೆಗಳ ಸೂರ್ಯನ ಬೆಳಕು ಬೇಕಾಗಬಹುದು. ಆದಾಗ್ಯೂ, ಇದು ಸಸ್ಯದ ವೈವಿಧ್ಯತೆ ಮತ್ತು ಹವಾಮಾನವನ್ನು ಅವಲಂಬಿಸಿರುತ್ತದೆ. ಸಸ್ಯವು ಸಾಕಷ್ಟು ಸೂರ್ಯನ ಬೆಳಕು ಪಡೆಯುವಂತೆ ಕುಂಡಗಳನ್ನು ಇಡಿ.

ಮಣ್ಣಿನಲ್ಲಿ ಸಾವಯವ ಗೊಬ್ಬರ ಸೇರಿಸಿ

ಆರೋಗ್ಯಕರ ಸಸ್ಯಗಳು ಮತ್ತು ಹೂವಿನ ಬೆಳವಣಿಗೆಗೆ ಪೋಷಕಾಂಶಗಳು ಅವಶ್ಯಕ. ಈ ಉದ್ದೇಶಕ್ಕಾಗಿ ವರ್ಮಿಕಾಂಪೋಸ್ಟ್ ಅಥವಾ ಚೆನ್ನಾಗಿ ಕೊಳೆತ ಸಾವಯವ ಗೊಬ್ಬರವನ್ನು ಬಳಸಿ. ಸಸ್ಯ ಮತ್ತು ಕುಂಡದ ಗಾತ್ರವನ್ನು ಆಧರಿಸಿ ಗೊಬ್ಬರದ ಪ್ರಮಾಣವನ್ನು ಹೊಂದಿಸಿ. ಅದನ್ನು ಅತಿಯಾಗಿ ಮಾಡುವುದರಿಂದ ಸಸ್ಯಕ್ಕೆ ಹಾನಿಯಾಗಬಹುದು.

ಸರಿಯಾದ ನೀರುಹಾಕುವ ವಿಧಾನ ಅನುಸರಿಸಿ

ಸಸ್ಯಗಳಿಗೆ ಅತಿಯಾಗಿ ನೀರುಹಾಕುವುದು ಅವುಗಳ ಬೇರುಗಳಿಗೆ ಹಾನಿಯಾಗಬಹುದು. ಆದ್ದರಿಂದ, ಪ್ರತಿದಿನ ನಿಗದಿತ ಪ್ರಮಾಣದಲ್ಲಿ ನೀರು ಹಾಕುವ ಬದಲು, ಮಣ್ಣಿನ ತೇವಾಂಶವನ್ನು ಪರಿಶೀಲಿಸಿ. ಮಣ್ಣಿನ ಮೇಲ್ಭಾಗ ಒಣಗಿದಾಗ ಅಗತ್ಯವಿರುವಷ್ಟು ನೀರು ಹಾಕಿ. ಕುಂಡದ ಕೆಳಭಾಗದಲ್ಲಿ ಒಳಚರಂಡಿ ರಂಧ್ರವನ್ನು ಹೊಂದಿರುವುದು ಸಹ ಮುಖ್ಯವಾಗಿದೆ.

ಸತ್ತ ಹೂವುಗಳನ್ನು ತಕ್ಷಣ ತೆಗೆದುಹಾಕಿ

ಸಸ್ಯಗಳ ಮೇಲಿನ ಒಣಗಿದ ಹೂವುಗಳು ಅವುಗಳ ಸೌಂದರ್ಯವನ್ನು ಕುಗ್ಗಿಸುತ್ತವೆ. ಈ ಹೂವುಗಳನ್ನು ಶುದ್ಧ ಕತ್ತರಿಗಳಿಂದ ತೆಗೆದುಹಾಕಿ. ಈ ಪ್ರಕ್ರಿಯೆಯನ್ನು ಡೆಡ್‌ಹೆಡಿಂಗ್ ಎಂದು ಕರೆಯಲಾಗುತ್ತದೆ. ಇದು ಅನೇಕ ಹೂಬಿಡುವ ಸಸ್ಯಗಳು ಮತ್ತೆ ಅರಳಲು ಸಹಾಯ ಮಾಡುತ್ತದೆ. ಆದಾಗ್ಯೂ, ಈ ವಿಧಾನವು ಪ್ರತಿ ಸಸ್ಯಕ್ಕೂ ಸಮಾನವಾಗಿ ಕಾರ್ಯನಿರ್ವಹಿಸುವುದಿಲ್ಲ.

ಸಸ್ಯದ ಅಗತ್ಯಗಳಿಗೆ ಅನುಗುಣವಾಗಿ ಕತ್ತರಿಸಿ

ಕೆಲವು ಹೂಬಿಡುವ ಸಸ್ಯಗಳನ್ನು ಲಘುವಾಗಿ ಕತ್ತರಿಸುವುದು ಹೊಸ ಕೊಂಬೆಗಳ ಬೆಳವಣಿಗೆಯನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ. ಇದು ಸಸ್ಯವನ್ನು ದಟ್ಟವಾಗಿಸುತ್ತದೆ ಮತ್ತು ಅನುಕೂಲಕರ ಹವಾಮಾನದಲ್ಲಿ ಹೆಚ್ಚಿನ ಹೂವುಗಳನ್ನು ಉತ್ಪಾದಿಸುತ್ತದೆ. ಆದಾಗ್ಯೂ, ಕತ್ತರಿಸುವ ಮೊದಲು, ಸಸ್ಯ ವೈವಿಧ್ಯತೆ ಮತ್ತು ಸರಿಯಾದ ಸಮಯವನ್ನು ತಿಳಿದುಕೊಳ್ಳಿ, ಏಕೆಂದರೆ ತಪ್ಪಾದ ಸಮಯದಲ್ಲಿ ಕತ್ತರಿಸುವುದು ಹೂಬಿಡುವುದನ್ನು ವಿಳಂಬಗೊಳಿಸುತ್ತದೆ.

ಹೊಸ ಪಾತ್ರೆಯ ಮೇಲಿನ ಸ್ಟಿಕ್ಕರ್ ಒಂದೇ ಸೆಕೆಂಡಿನಲ್ಲಿ ತೆಗೆಯಲು ಸಿಂಪಲ್ ಟ್ರಿಕ್

Ashwini HR — Sun, 25 Oct 2026 23:45:30 +0530

Home Hacks Kannada: ಹೊಸದಾಗಿ ಕುಕ್ಕರ್ , ಯಾವುದೇ ಪಾತ್ರೆಗಳನ್ನು ಖರೀದಿಸಿದಾಗ, ಅದರ ಮೇಲಿರುವ ಬೆಲೆಪಟ್ಟಿ ಅಥವಾ ಬ್ರ್ಯಾಂಡ್ ಸ್ಟಿಕ್ಕರ್ ಅನ್ನು ಕೈಯಿಂದ ಎಳೆದರೆ ಹರಿದು ಅಸಹ್ಯವಾಗಿ ಅಂಟಿಕೊಳ್ಳುತ್ತದೆ. ಈ ಸರಳ ಉಪಾಯ ಅನುಸರಿಸಿದರೆ ಯಾವುದೇ ಶ್ರಮವಿಲ್ಲದೆ ಸ್ಟಿಕ್ಕರ್ ಕ್ಲೀನ್ ಆಗಿ ಕಿತ್ತು ಬರುತ್ತದೆ!

Jhumka With Chain: ಸೀರೆ-ಲೆಹೆಂಗಾ ಬ್ಯೂಟಿಯನ್ನು ಹೆಚ್ಚಿಸುವ ಜುಮುಕಿ ಚೈನ್‌ಗಳು; ಒಮ್ಮೆ ನೋಡಿ ಈ ಡಿಸೈನ್ಸ್

Govindaraj S — Wed, 28 Oct 2026 18:23:15 +0530

ಸೀರೆ ಹಾಗೂ ಲೆಹೆಂಗಾಗಳ ಮೇಲೆ ಜುಮುಕಿ ಧರಿಸಿದರೆ ಸಿಗುವ ಅಂದದ ಬಗ್ಗೆ ಬಿಡಿಸಿ ಹೇಳಬೇಕಿಲ್ಲ. ಆದರೆ, ಕೇವಲ ಪ್ಲೇನ್ ಜುಮುಕಿ ಬದಲು ಈ ಬಾರಿ ಇಯರ್ ಚೈನ್ ಕಾಂಬಿನೇಷನ್ ಟ್ರೈ ಮಾಡಿ. ಸದ್ಯ ಈ ಜುಮುಕಿ ಚೈನ್‌ಗಳು ಸಖತ್ ಟ್ರೆಂಡ್ ಆಗುತ್ತಿದ್ದು, ನಿಮಗೆ ಪಕ್ಕಾ ರಾಯಲ್ ಲುಕ್ ನೀಡುತ್ತವೆ.

ಬೆಳ್ಳುಳ್ಳಿ ಒಣಗಿ ಜೊಳ್ಳಾಗುತ್ತಿದೆಯೇ? 2-3 ವರ್ಷವಾದ್ರೂ ಹಾಳಾಗಲ್ಲ, ಫ್ಲೇವರ್ ಹೋಗಲ್ಲ.. ಇಲ್ಲಿದೆ ಸ್ಟೋರ್ ಮಾಡುವ ಟಿಪ್ಸ್

Ashwini HR — Thu, 29 Oct 2026 20:33:50 +0530

ಮಾರುಕಟ್ಟೆಯಲ್ಲಿ ಬೆಳ್ಳುಳ್ಳಿ ಸೀಸನ್‌ನಲ್ಲಿ ಕಡಿಮೆ ಬೆಲೆಗೆ ಮತ್ತು ಉತ್ತಮ ಗುಣಮಟ್ಟದಲ್ಲಿ ಸಿಗುತ್ತದೆ. ಆದರೆ, ಅದನ್ನು ತಂದು ಮನೆಯಲ್ಲಿಟ್ಟರೆ ಕೆಲವೇ ದಿನಗಳಲ್ಲಿ ಒಣಗಿ ಹೋಗುವುದು, ಜೊಳ್ಳಾಗುವುದು ಅಥವಾ ಮೊಳಕೆ ಬಂದು ಕೊಳೆಯುವುದು ಸಾಮಾನ್ಯ. ಹಾಗಾಗಿ, ಸೀಸನ್‌ನಲ್ಲಿ ಕಡಿಮೆ ಬೆಲೆಗೆ ಸಿಗುವಾಗ ಬೆಳ್ಳುಳ್ಳಿಯನ್ನು ಬಲ್ಕ್ ಆಗಿ ತಂದು, 1 ರಿಂದ 3 ವರ್ಷಗಳ ಕಾಲ ಹಾಳಾಗದಂತೆ ಸುರಕ್ಷಿತವಾಗಿ ಶೇಖರಿಸಿಡುವ (Store) ಸರಳ ವಿಧಾನಗಳು ಇಲ್ಲಿವೆ.

1. ಪ್ಲಾಸ್ಟಿಕ್ ಕವರ್ ಬಳಸಬೇಡಿ

ಬೆಳ್ಳುಳ್ಳಿಯನ್ನು ಎಂದಿಗೂ ಗಾಳಿಯಾಡದ ಪ್ಲಾಸ್ಟಿಕ್ ಕವರ್‌ಗಳಲ್ಲಿ ಇಡಬಾರದು. ಅದರಿಂದ ತೇವಾಂಶ ಉಂಟಾಗಿ ಬೆಳ್ಳುಳ್ಳಿ ಬೇಗ ಕೊಳೆಯುತ್ತದೆ. ಬದಲಿಗೆ, ಗಾಳಿಯಾಡುವ ನೆಟ್ ಬ್ಯಾಗ್ (Mesh bag), ಸೆಣಬಿನ ಚೀಲ (Jute bag) ಅಥವಾ ಪೇಪರ್ ಕವರ್‌ಗಳಲ್ಲಿ ಹಾಕಿ ಗಾಳಿಯಾಡುವ, ಒಣಗಿದ ಜಾಗದಲ್ಲಿ ಇಟ್ಟರೆ ತಿಂಗಳುಗಟ್ಟಲೆ ಹಾಳಾಗುವುದಿಲ್ಲ.

2. ಸಿಪ್ಪೆ ಸುಲಿದ ಬೆಳ್ಳುಳ್ಳಿ ಶೇಖರಣೆ (ದೈನಂದಿನ ಬಳಕೆಗೆ)

ಪ್ರತಿದಿನ ಅಡುಗೆಗೆ ಸಿಪ್ಪೆ ಸುಲಿಯಲು ಸಮಯವಿಲ್ಲದಿದ್ದರೆಬೆಳ್ಳುಳ್ಳಿ ಎಸಳುಗಳ ಸಿಪ್ಪೆ ಸುಲಿದು, ಚೆನ್ನಾಗಿ ಒರೆಸಿ ತೇವಾಂಶವಿಲ್ಲದಂತೆ ನೋಡಿಕೊಳ್ಳಿ.ಗಾಜಿನ ಬಾಟಲಿ (Glass Jar) ಅಥವಾ ಏರ್‌ಟೈಟ್ ಬಾಕ್ಸ್‌ನ ತಳದಲ್ಲಿ ಟಿಶ್ಯೂ ಪೇಪರ್ ಹಾಕಿ, ಅದರಲ್ಲಿ ಸುಲಿದ ಬೆಳ್ಳುಳ್ಳಿ ಹಾಕಿ ಫ್ರಿಡ್ಜ್‌ನಲ್ಲಿಟ್ಟರೆ 2-3 ತಿಂಗಳು ಫ್ರೆಶ್ ಆಗಿರುತ್ತದೆ.

3. ಬೆಳ್ಳುಳ್ಳಿ ಪೇಸ್ಟ್ ಮಾಡಿ ಫ್ರೀಜರ್‌ನಲ್ಲಿಡುವುದು

ಬೆಳ್ಳುಳ್ಳಿಯನ್ನು ನೀರು ಹಾಕದೆ ಸ್ವಲ್ಪ ಉಪ್ಪು ಮತ್ತು ಒಂದೆರಡು ಚಮಚ ಅಡುಗೆ ಎಣ್ಣೆ ಸೇರಿಸಿ ತರಿತರಿಯಾಗಿ ರುಬ್ಬಿಕೊಳ್ಳಿ.ಇದನ್ನು ಐಸ್ ಕ್ಯೂಬ್ ಟ್ರೇನಲ್ಲಿ (Ice Tray) ಹಾಕಿ ಫ್ರೀಜ್ ಮಾಡಿ, ನಂತರ ಆ ಕ್ಯೂಬ್‌ಗಳನ್ನು ಜಿಪ್‌ಲಾಕ್ ಕವರ್‌ನಲ್ಲಿ ಹಾಕಿ ಫ್ರೀಜರ್‌ನಲ್ಲಿಟ್ಟರೆ 6 ತಿಂಗಳಿಗೂ ಹೆಚ್ಚು ಕಾಲ ಬಣ್ಣ ಮತ್ತು ಫ್ಲೇವರ್ ಬದಲಾಗದೆ ಉಳಿಯುತ್ತದೆ.

4. ಬೆಳ್ಳುಳ್ಳಿ ಪುಡಿ (Garlic Powder) ಮಾಡಿ 2-3 ವರ್ಷ ಇಡಿ

ಬೆಳ್ಳುಳ್ಳಿ ಎಸಳುಗಳನ್ನು ಸಣ್ಣದಾಗಿ ಹೆಚ್ಚಿ ಅಥವಾ ಜಜ್ಜಿ, ಬಿಸಿಲಿನಲ್ಲಿ ಚೆನ್ನಾಗಿ ಒಣಗಿಸಿ (Dehydrate).ಚೆನ್ನಾಗಿ ಗರಿಗರಿಯಾಗಿ ಒಣಗಿದ ನಂತರ ಮಿಕ್ಸಿಯಲ್ಲಿ ನುಣ್ಣಗೆ ಪುಡಿ ಮಾಡಿ, ಗಾಜಿನ ಬಾಟಲಿಯಲ್ಲಿ ಹಾಕಿ ಫ್ರೀಜರ್‌ನಲ್ಲಿಡಿ.ಈ ಹೋಮ್‌ಮೇಡ್ ಬೆಳ್ಳುಳ್ಳಿ ಪುಡಿಯನ್ನು (Garlic Powder) ಸಾರು, ಸಾಂಬಾರ್, ಪಲ್ಯ ಅಥವಾ ಗ್ರೇವಿಗಳಿಗೆ ಬಳಸಬಹುದು. ಇದು 2 ರಿಂದ 3 ವರ್ಷಗಳ ಕಾಲ ಯಾವುದೇ ಫ್ಲೇವರ್ ಮತ್ತು ರುಚಿ ಕಳೆದುಕೊಳ್ಳದೆ ಹೊಸದರಂತೆಯೇ ಇರುತ್ತದೆ!

ಮಾರುಕಟ್ಟೆಯಲ್ಲಿ ಬೆಳ್ಳುಳ್ಳಿ ಖರೀದಿಸುವಾಗ ಈ ತಪ್ಪು ಮಾಡಬೇಡಿ (Buying Guide)

ಬೆಳ್ಳುಳ್ಳಿಯನ್ನು ದೀರ್ಘಕಾಲ ಶೇಖರಿಸಿಡಬೇಕೆಂದರೆ ಖರೀದಿಸುವಾಗಲೇ ಸರಿಯಾದದ್ದನ್ನು ಆರಿಸಬೇಕು. ಗಡ್ಡೆಯನ್ನು ಕೈಯಲ್ಲಿ ಹಿಡಿದು ನೋಡಿದಾಗ ಅದು ಗಟ್ಟಿಯಾಗಿ ಮತ್ತು ತೂಕವಾಗಿರಬೇಕು (ಹಗುರವಾಗಿದ್ದರೆ ಒಳಗೆ ಜೊಳ್ಳಾಗಿರುತ್ತದೆ). ಗಡ್ಡೆಯ ಮೇಲೆ ಹಸಿರು ಮೊಳಕೆ ಬಂದಿರಬಾರದು ಅಥವಾ ಕಪ್ಪು ಬಣ್ಣದ ಬೂಸ್ಟ್ (Fungus) ಇರಬಾರದು. ಸಾಧ್ಯವಾದರೆ ನಾಟಿ ಬೆಳ್ಳುಳ್ಳಿ (ಗಾತ್ರ ಸಣ್ಣದಿದ್ದರೂ ಹೆಚ್ಚು ಘಾಟು ಮತ್ತು ಬಾಳಿಕೆ ಜಾಸ್ತಿ) ಖರೀದಿಸಿ.

ಆಲೂಗಡ್ಡೆಯ ಜೊತೆ ಬೆಳ್ಳುಳ್ಳಿ ಎಂದಿಗೂ ಇಡಬೇಡಿ! (Common Mistake)

ಹಲವರು ಬೆಳ್ಳುಳ್ಳಿ ಮತ್ತು ಆಲೂಗಡ್ಡೆಯನ್ನು ಒಂದೇ ಬುಟ್ಟಿಯಲ್ಲಿ ಒಟ್ಟಿಗೆ ಇಡುತ್ತಾರೆ. ಇದು ತಪ್ಪು! ಆಲೂಗಡ್ಡೆಯಿಂದ ಬಿಡುಗಡೆಯಾಗುವ ತೇವಾಂಶ ಮತ್ತು ಗ್ಯಾಸ್‌ನಿಂದಾಗಿ ಬೆಳ್ಳುಳ್ಳಿ ಬೇಗನೆ ಮೊಳಕೆ ಬರುತ್ತದೆ ಅಥವಾ ಕೊಳೆಯಲು ಶುರುವಾಗುತ್ತದೆ. ಇವೆರಡನ್ನೂ ಯಾವಾಗಲೂ ಪ್ರತ್ಯೇಕ ಬುಟ್ಟಿಯಲ್ಲಿಡಬೇಕು.

ಕುಂಡದಲ್ಲೇ ಬೆಳೆಯಿರಿ ಗೊಂಚಲು ಗೊಂಚಲು ನಿಂಬೆಕಾಯಿ.. ಗಿಡದ ತುಂಬಾ ಕಾಯಿ ಬಿಡಲು ಇಲ್ಲಿದೆ ಸೂಪರ್ ಟಿಪ್ಸ್

Ashwini HR — Thu, 29 Oct 2026 18:30:38 +0530

ಟೆರೇಸ್ ಗಾರ್ಡನ್ ಅಥವಾ ಬಾಲ್ಕನಿಯಲ್ಲಿ ಕುಂಡಗಳಲ್ಲಿ ನಿಂಬೆ, ಮೂಸಂಬಿ ಅಥವಾ ಕಿತ್ತಳೆ ಹಣ್ಣಿನ ಗಿಡಗಳನ್ನು ಬೆಳೆಸುವುದು ಹಲವರ ಕನಸು. ಆದರೆ ಹೆಚ್ಚಿನವರಿಗೆ ಎದುರಾಗುವ ಸಮಸ್ಯೆ ಎಂದರೆ—ಗಿಡ ಚೆನ್ನಾಗಿ ಬೆಳೆದರೂ ಹೂವು ಬಿಡುವುದಿಲ್ಲ, ಹೂವು ಬಿಟ್ಟರೂ ಕಾಯಿ ಕಚ್ಚದೆ ಉದುರಿಹೋಗುತ್ತದೆ. ಮನೆಯಲ್ಲೇ ಕುಂಡಗಳಲ್ಲಿ ಯಶಸ್ವಿಯಾಗಿ ನಿಂಬೆ ಗಿಡ ಬೆಳೆಸಿ, ಬಂಪರ್ ಇಳುವರಿ ಪಡೆಯಲು ಅನುಸರಿಸಬೇಕಾದ 10 ಪ್ರಮುಖ ಟಿಪ್ಸ್ ಇಲ್ಲಿದೆ.

1. ಸರಿಯಾದ ತಳಿಯ ಆಯ್ಕೆ (ಕಸಿ ಗಿಡವೇ ಬೆಸ್ಟ್)

ಬೀಜಗಳಿಂದ ನಿಂಬೆ ಗಿಡ ಬೆಳೆಸಿದರೆ ಕಾಯಿ ಬಿಡಲು 5 ರಿಂದ 8 ವರ್ಷಗಳು ಬೇಕಾಗಬಹುದು ಹಾಗೂ ಹಣ್ಣು ಬಿಡದೆಯೂ ಇರಬಹುದು. ಆದ್ದರಿಂದ ಯಾವಾಗಲೂ ನರ್ಸರಿಯಿಂದ ಉತ್ತಮ ತಳಿಯ ಕಸಿ ಮಾಡಿದ (Grafted) ಗಿಡವನ್ನೇ ಖರೀದಿಸಿ. ಇವು ಅದೇ ವರ್ಷದಲ್ಲೇ ಹೂವು-ಕಾಯಿ ಬಿಡಲು ಪ್ರಾರಂಭಿಸುತ್ತವೆ.

2. ಸೂಕ್ತ ಗಾತ್ರದ ಕುಂಡ (Container Size)

ನಿಂಬೆ ಗಿಡಗಳಿಗೆ ಕನಿಷ್ಠ 14 ಇಂಚು ಅಗಲ ಮತ್ತು 14 ಇಂಚು ಆಳವಿರುವ ಕುಂಡವನ್ನು ಆಯ್ಕೆ ಮಾಡಿ. ಸಿಮೆಂಟ್, ಮಣ್ಣಿನ ಮಡಕೆ ಅಥವಾ ಪ್ಲಾಸ್ಟಿಕ್ ಡ್ರಮ್ ಬಳಸಬಹುದು. ಪಾಟ್‌ನ ತಳಭಾಗದಲ್ಲಿ ನೀರು ಸರಾಗವಾಗಿ ಹರಿದುಹೋಗಲು ಸಾಕಷ್ಟು ರಂಧ್ರಗಳಿರಬೇಕು (Drainage Holes).

3. ಮಣ್ಣಿನ ಸರಿಯಾದ ಮಿಶ್ರಣ (Potting Mix)

ಬೇರುಗಳು ಗಟ್ಟಿಯಾಗಿ ಬೆಳೆಯಲು ಹಗುರವಾದ ಮಣ್ಣು ಬೇಕು40% ತೋಟದ ಮಣ್ಣು40% ಕೋಕೋಪೀಟ್20% ಎರೆಹುಳು ಗೊಬ್ಬರ (ವರ್ಮಿಕಾಂಪೋಸ್ಟ್) ಅಥವಾ ಕೊಟ್ಟಿಗೆ ಗೊಬ್ಬರಇದರೊಂದಿಗೆ ಒಂದು ಹಿಡಿ ಬೋನ್ ಮೀಲ್ (Bone meal) ಅಥವಾ ರಾಕ್ ಫಾಸ್ಫೇಟ್ ಪುಡಿ ಬೆರೆಸಿದರೆ ಬೇರುಗಳು ಬಲಗೊಂಡು ಹೂವು ಚೆನ್ನಾಗಿ ಬಿಡುತ್ತದೆ.

4. ಸೂರ್ಯನ ಬೆಳಕು ಮತ್ತು ರಿಪಾಟಿಂಗ್ ಕೇರ್

ನಿಂಬೆ ಗಿಡಕ್ಕೆ ದಿನಕ್ಕೆ ಕನಿಷ್ಠ 6 ಗಂಟೆಗಳ ನೇರ ಬಿಸಿಲು ಅತ್ಯಗತ್ಯ.ಟಿಪ್: ನರ್ಸರಿಯಿಂದ ತಂದ ತಕ್ಷಣ ಗಿಡವನ್ನು ಬೇರೆ ಕುಂಡಕ್ಕೆ ಬದಲಾಯಿಸಬೇಡಿ. 3-4 ದಿನ ನೆರಳಿನಲ್ಲಿಟ್ಟು ನಂತರ ಹೊಸ ಕುಂಡಕ್ಕೆ ಹಾಕಿ. ಕುಂಡ ಬದಲಾಯಿಸಿದ ನಂತರ 1 ಲೀಟರ್ ನೀರಿಗೆ 1 ಚಮಚ ಎಪ್ಸಮ್ ಸಾಲ್ಟ್ (Epsom Salt) ಬೆರೆಸಿ ಬುಡಕ್ಕೆ ಹಾಕಿದರೆ ಗಿಡ ಹೊಸ ಮಣ್ಣಿಗೆ ಸುಲಭವಾಗಿ ಹೊಂದಿಕೊಳ್ಳುತ್ತದೆ.

5. ನೀರುಣಿಸುವ ಸರಿಯಾದ ನಿಯಮ

ಹೆಚ್ಚು ನೀರು ಹಾಕಿದರೆ ಬೇರು ಕೊಳೆತು ಗಿಡ ಸಾಯುತ್ತದೆ. ಆದ್ದರಿಂದ ಕುಂಡದ ಮಣ್ಣಿನಲ್ಲಿ 1 ಇಂಚು ಬೆರಳು ಇಟ್ಟು ನೋಡಿ. ಮಣ್ಣು ಒಣಗಿದ್ದರೆ ಮಾತ್ರ ನೀರು ಹಾಕಿ. ನೀರು ಹಾಕುವಾಗ ಬುಡದ ರಂಧ್ರದಿಂದ ನೀರು ಹೊರಬರುವಂತೆ ಪೂರ್ಣವಾಗಿ ನೆನೆಯಿಸಿ.

6. ಅಗತ್ಯ ಪೋಷಕಾಂಶಗಳು ಮತ್ತು ಗೊಬ್ಬರ (ಅತ್ಯಂತ ಮುಖ್ಯ)

ಹೂವು ಬಿಡುವ ಸಮಯದಲ್ಲಿ ಗಿಡಕ್ಕೆ ಅಧಿಕ ಪೋಷಕಾಂಶ ಬೇಕುತಿಂಗಳಿಗೊಮ್ಮೆ ಒಂದು ಹಿಡಿ ಎರೆಹುಳು ಗೊಬ್ಬರ ನೀಡಿ.15 ದಿನಗಳಿಗೊಮ್ಮೆ 1 ಚಮಚ ಎಪ್ಸಮ್ ಸಾಲ್ಟ್ ಅನ್ನು 1 ಲೀಟರ್ ನೀರಿನಲ್ಲಿ ಕರಗಿಸಿ ಎಲೆಗಳ ಕೆಳಭಾಗಕ್ಕೆ ಸ್ಪ್ರೇ ಮಾಡಿ (ಇದರಿಂದ ಎಲೆಗಳು ಹಳದಿಯಾಗುವುದು ತಪ್ಪುತ್ತದೆ).ಪೊಟ್ಯಾಶಿಯಂ ಹೆಚ್ಚಿಸಲು 15 ದಿನಕ್ಕೊಮ್ಮೆ ಬಾಳೆಹಣ್ಣಿನ ಸಿಪ್ಪೆಯ ದ್ರವ ಗೊಬ್ಬರ (Banana peel fertilizer) ನೀಡಿ.

7. ಕೀಟ ಬಾಧೆ ನಿಯಂತ್ರಣ

ಹಿಟ್ಟು ತಿಗಣೆ (Mealybugs), ಗಿಡಹೇನು (Aphids) ಬಾರದಂತೆ ತಡೆಯಲು 15 ದಿನಕ್ಕೊಮ್ಮೆ ಬೇವು ಎಣ್ಣೆ (Neem Oil 5-10 ml) ಯನ್ನು 1 ಲೀಟರ್ ನೀರಿನಲ್ಲಿ ಬೆರೆಸಿ ಸಂಜೆ ವೇಳೆ ಸಿಂಪಡಿಸಿ.

8. ಮಣ್ಣಿನ ಪಿ.ಹೆಚ್ (Soil pH)

ನಿಂಬೆ ಹುಳಿಯಾಗಿರುವುದರಿಂದ ಮಣ್ಣು ಅತಿಯಾದ ಆಮ್ಲೀಯವಾಗಿರಬೇಕು ಎಂದೇನಿಲ್ಲ. ಸಾಮಾನ್ಯ ಗಿಡಗಳಂತೆ 6.0 ರಿಂದ 6.5 pH ಮಟ್ಟದ ಮಣ್ಣು ಇದಕ್ಕೆ ಹೇಳಿಮಾಡಿಸಿದ್ದು.

9. ಪರಾಗಸ್ಪರ್ಶಕಗಳನ್ನು ಆಕರ್ಷಿಸಿ (Pollination)

ಹೂವುಗಳು ಕಾಯಿಯಾಗಲು ದುಂಬಿ ಮತ್ತು ಜೇನುನೊಣಗಳು ಅಗತ್ಯ. ಹಾಗಾಗಿ ರಾಸಾಯನಿಕ ಕೀಟನಾಶಕಗಳನ್ನು ಸಿಂಪಡಿಸಬೇಡಿ. ಇವುಗಳ ಬದಲು ಜೇನುನೊಣಗಳನ್ನು ಆಕರ್ಷಿಸಲು ಹೂವಿನ ಗಿಡಗಳನ್ನು ನಿಂಬೆ ಗಿಡದ ಪಕ್ಕದಲ್ಲಿ ಇಡಿ. ಇದರಿಂದ ಹೂವು ಉದುರುವುದು ನಿಲ್ಲುತ್ತದೆ.

10. ಗಿಡ ಕತ್ತರಿಸಿ (Pruning)

ಒಣಗಿದ, ರೋಗಪೀಡಿತ ಕೊಂಬೆಗಳನ್ನು ಕಾಲಕಾಲಕ್ಕೆ ಕತ್ತರಿಸುತ್ತಿರಿ. ಹಣ್ಣು ಬಿಡುವುದು ಮುಗಿದ ನಂತರ ಗಿಡವನ್ನು ಪ್ರೂನ್ (Prune) ಮಾಡಿದರೆ ಹೊಸ ಚಿಗುರು ಬಂದು ಹೆಚ್ಚಿನ ಹೂವುಗಳು ಮೂಡುತ್ತವೆ.

ಈ ಮೂರು ಪದಾರ್ಥ ಇದ್ರೆ ಸಾಕು, ಕೆಮಿಕಲ್ ಹೇರ್ಡೈಗೆ ಹೇಳಿ ಗುಡ್ಬೈ : ಖ್ಯಾತ ವೈದ್ಯರು ಕೊಟ್ಟ ಟಿಪ್ಸ್ ನೋಡಿ

Suchethana D — Thu, 29 Oct 2026 19:34:57 +0530

ವಯಸ್ಸಾದಂತೆ ಕೂದಲು ಬಿಳಿ ಬಣ್ಣಕ್ಕೆ ತಿರುಗುವುದು ಸಾಮಾನ್ಯ. ಆದಾಗ್ಯೂ, ಅನೇಕ ಜನರು ಚಿಕ್ಕ ವಯಸ್ಸಿನಲ್ಲಿಯೂ ಈ ಸಮಸ್ಯೆ ಎದುರಿಸುತ್ತಿದ್ದಾರೆ. ಇದಕ್ಕೆ ಕಾರಣ ಹಲವಾರು ಇರಬಹುದು. ಇಂದಿನ ವಾತಾವರಣ, ಆಹಾರ ಪದ್ಧತಿ, ಆನುವಂಶಿಕತೆ, ಅನಾರೋಗ್ಯ ಸಮಸ್ಯೆ... ಹೀಗೆ ಕೂದಲು ಬೇಗ ಹಣ್ಣಾಗಲು ಹಲವಾರು ಕಾರಣಗಳು ಇರುತ್ತವೆ. ಆದರೆ ಕೂದಲನ್ನು ಕಪ್ಪು ಮಾಡಿಕೊಳ್ಳಲು ಜನರು ಕೂದಲಿನ ಬಣ್ಣಗಳು ಮತ್ತು ಕೆಮಿಕಲ್ಸ್ ಇರುವ ಹೇರ್ ಡೈ ಬಳಸುವುದು ಮಾಮೂಲು. ಈ ಎಲ್ಲವೂ ಬಣ್ಣಗಳು ಕೂದಲನ್ನು ಕಪ್ಪಾಗಿಸಬಹುದು, ಆದರೆ ಕಾಲಾನಂತರದಲ್ಲಿ ಅವು ಒಣಗುತ್ತವೆ. ಕೂದಲಿನ ಬಣ್ಣವು ಅದನ್ನು ಒರಟು, ನಿರ್ಜೀವ ಮತ್ತು ಜಟಿಲವಾಗಿ ಕಾಣುವಂತೆ ಮಾಡುತ್ತದೆ. ಅಷ್ಟೇ ಅಲ್ಲದೇ ಇದರಲ್ಲಿ ಇರುವ ರಾಸಾಯನಿಕ ಅಂಶದಿಂದ ಮಹಿಳೆಯರಲ್ಲಿ ಬ್ರೆಸ್ಟ್ ಕ್ಯಾನ್ಸರ್ ಸೇರಿದಂತೆ ಪುರುಷರಲ್ಲಿಯೂ ಹಲವು ಮಾರಣಾಂತಿಕ ರೋಗಗಳು ಬರುತ್ತವೆ ಎಂದು ಇದಾಗಲೇ ಅಧ್ಯಯನದಲ್ಲಿ ಸಾಬೀತಾಗಿದೆ.

ನೀವು ಬಯಸಿದರೆ, ನಿಮ್ಮ ಬಿಳಿ ಕೂದಲನ್ನು ಕಪ್ಪಾಗಿಸಲು ನೈಸರ್ಗಿಕ ಪದಾರ್ಥಗಳನ್ನು ಬಳಸಲು ಸಹ ನೀವು ಪ್ರಯತ್ನಿಸಬಹುದು. ಪ್ರಸಿದ್ಧ ಆಯುರ್ವೇದ ವೈದ್ಯ ಸಲೀಮ್ ಜೈದಿ ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ವಿಡಿಯೊವನ್ನು ಹಂಚಿಕೊಂಡಿದ್ದಾರೆ, ಬಿಳಿಯ ಕೂದಲನ್ನು ಕಪ್ಪಾಗಿಸಲು ಇದೇ ರೀತಿಯ ವಿಧಾನವನ್ನು ತಾವು ಅನುಸರಿಸುತ್ತಿರುವುದಾಗಿ ಅವರು ಹೇಳಿದ್ದಾರೆ. ಈ ವಿಧಾನವು ಸಂಪೂರ್ಣವಾಗಿ ನೈಸರ್ಗಿಕವಾಗಿದೆ ಮತ್ತು ನಿಮ್ಮ ಕೂದಲನ್ನು ಒಣಗಿಸುವುದಿಲ್ಲ; ಬದಲಾಗಿ, ಅದು ಅದನ್ನು ಆಳವಾಗಿ ಪೋಷಿಸುತ್ತದೆ ಎಂದು ಹೇಳುತ್ತಾರೆ.

ವೈದ್ಯರು ಕೊಟ್ಟ ಸಲಹೆ

ನಿಮ್ಮ ಕೂದಲನ್ನು ನೈಸರ್ಗಿಕವಾಗಿ ಕಪ್ಪಾಗಿಸಲು, ನೀವು ಎರಡು ಹಂತಗಳನ್ನು ಅನುಸರಿಸಬೇಕು ಎಂದು ಆಯುರ್ವೇದ ವೈದ್ಯರು ವಿವರಿಸುತ್ತಾರೆ. ಮೊದಲ ಹಂತಕ್ಕೆ, ನಿಮಗೆ ಗೋರಂಟಿ ಪುಡಿ ಮತ್ತು ಭೃಂಗರಾಜ್ ಪುಡಿ ಬೇಕಾಗುತ್ತದೆ. ಎರಡನೇ ಹಂತಕ್ಕೆ, ನಿಮಗೆ ಇಂಡಿಗೊ ಪುಡಿ ಬೇಕಾಗುತ್ತದೆ.

ಮೊದಲ ಹಂತದಲ್ಲಿ ಹೆನ್ನಾ ಮತ್ತು ಭೃಂಗರಾಜ್ ಹಚ್ಚಿ

ಡಾ. ಸಲೀಂ ಜೈದಿ ಅವರ ಪ್ರಕಾರ, ಮೊದಲ ಹಂತಕ್ಕಾಗಿ, ಮೂರು ಭಾಗಗಳ ಹೆನ್ನಾ ಪುಡಿಯನ್ನು ಒಂದು ಭಾಗ ಭೃಂಗರಾಜ್ ಪುಡಿಯೊಂದಿಗೆ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

ಈಗ, ನಯವಾದ ಪೇಸ್ಟ್ ರೂಪಿಸಲು ನೀರನ್ನು ಸ್ವಲ್ಪ ಸ್ವಲ್ಪವಾಗಿ ಸೇರಿಸಿ. ಪೇಸ್ಟ್‌ನಲ್ಲಿ ಯಾವುದೇ ಉಂಡೆಗಳಿಲ್ಲ ಎಂದು ಖಚಿತಪಡಿಸಿಕೊಳ್ಳಿ.

ಈ ಪೇಸ್ಟ್ ಅನ್ನು ಕಬ್ಬಿಣದ ಪ್ಯಾನ್‌ನಲ್ಲಿ ಇರಿಸಿ, ಮುಚ್ಚಿ, ಎರಡರಿಂದ ಮೂರು ಗಂಟೆಗಳ ಕಾಲ ಅಥವಾ ರಾತ್ರಿಯಿಡೀ ಬಿಡಿ.

ಮರುದಿನ, ನಿಮ್ಮ ಕೂದಲನ್ನು ಶಾಂಪೂ ಬಳಸಿ ಚೆನ್ನಾಗಿ ತೊಳೆಯಿರಿ ಮತ್ತು ಒಣಗಿಸಿ.

ನಂತರ ತಯಾರಾದ ಪೇಸ್ಟ್ ಅನ್ನು ನಿಮ್ಮ ಕೂದಲಿಗೆ ಚೆನ್ನಾಗಿ ಹಚ್ಚಿ ಮತ್ತು ಎರಡು ಮೂರು ಗಂಟೆಗಳ ನಂತರ ಸರಳ ನೀರಿನಿಂದ ತೊಳೆಯಿರಿ.

ಇದು ನಿಮ್ಮ ಕೂದಲಿಗೆ ತಿಳಿ ಕೆಂಪು ಅಥವಾ ಕಂದು ಬಣ್ಣವನ್ನು ನೀಡುತ್ತದೆ.

ಎರಡನೇ ಹಂತದಲ್ಲಿ ಇಂಡಿಗೋ ಪುಡಿಯನ್ನು ಹಚ್ಚಿ

ಎರಡನೇ ಹಂತದಲ್ಲಿ ನಿಮ್ಮ ಕೂದಲಿಗೆ ಕಪ್ಪು ಬಣ್ಣವನ್ನು ನೀಡಲು ಇಂಡಿಗೋ ಪುಡಿಯನ್ನು ಬಳಸಲಾಗುತ್ತದೆ. ಇದನ್ನು ಮಾಡಲು, ಪೇಸ್ಟ್ ಮಾಡಲು ಇಂಡಿಗೋ ಪುಡಿಯನ್ನು ನೀರಿನೊಂದಿಗೆ ಬೆರೆಸಿ. ಸುಮಾರು ಐದು ನಿಮಿಷಗಳ ಕಾಲ ಕುಳಿತುಕೊಳ್ಳಿ, ನಂತರ ಅದನ್ನು ನಿಮ್ಮ ಕೂದಲಿಗೆ ಹಚ್ಚಿ. ನಿಮ್ಮ ಕೂದಲಿನ ಮೇಲೆ ಇಂಡಿಗೋ ಪೌಡರ್ ಅನ್ನು ಸುಮಾರು 45 ನಿಮಿಷಗಳ ಕಾಲ ಬಿಟ್ಟು ಗಾಢ ಕಂದು ಬಣ್ಣವನ್ನು ಪಡೆಯಬಹುದು ಮತ್ತು ಸುಮಾರು 90 ನಿಮಿಷಗಳ ಕಾಲ ಕಪ್ಪು ಬಣ್ಣವನ್ನು ಪಡೆಯಬಹುದು. ನಂತರ, ನಿಮ್ಮ ಕೂದಲನ್ನು ಸರಳ ನೀರಿನಿಂದ ತೊಳೆಯಿರಿ. ಇಂಡಿಗೋವನ್ನು ಹಚ್ಚಿದ ನಂತರ ಕನಿಷ್ಠ 24 ರಿಂದ 36 ಗಂಟೆಗಳ ಕಾಲ ಶಾಂಪೂ ಅಥವಾ ಯಾವುದೇ ಇತರ ಉತ್ಪನ್ನವನ್ನು ಬಳಸುವುದನ್ನು ತಪ್ಪಿಸಿ.

ಈ ರೀತಿಯಾಗಿ, ನೀವು ನೈಸರ್ಗಿಕವಾಗಿ ನಿಮ್ಮ ಕೂದಲಿಗೆ ರಾಸಾಯನಿಕ ಬಣ್ಣಗಳಿಲ್ಲದೆ ಆಳವಾದ ಕಪ್ಪು ಬಣ್ಣವನ್ನು ಬಣ್ಣ ಮಾಡಬಹುದು ಮತ್ತು ಬೂದು ಕೂದಲನ್ನು ಮರೆಮಾಡಬಹುದು.

ಮಟನ್ ರಬ್ಬರ್‌ನಂತೆ ಗಟ್ಟಿಯಾಗುತ್ತಾ? ಪಾತ್ರೆಗೆ ತೆಂಗಿನ ಚಿಪ್ಪಿನ ಚೂರು ಹಾಕಿ ನೋಡಿ.. ಬೆಣ್ಣೆಯಂತೆ ಬೇಯುತ್ತೆ ಮಾಂಸ

Ashwini HR — Sun, 25 Oct 2026 17:32:58 +0530

ಭಾನುವಾರ ಬಂತೆಂದರೆ ಸಾಕು, ಮಾಂಸಾಹಾರಿಗಳ ಮನೆಯಲ್ಲಿ ಮಟನ್ ಸಾಂಬಾರ್, ಸುಕ್ಕಾ ಅಥವಾ ಬಿರಿಯಾನಿಯ ಘಮಲು ಹರಡುತ್ತದೆ. ಆದರೆ ಮಟನ್ ಅಡುಗೆ ಮಾಡುವಾಗ ಗೃಹಿಣಿಯರಿಗೆ ಅಥವಾ ಅಡುಗೆ ಪ್ರಿಯರಿಗೆ ಎದುರಾಗುವ ಸಾಮಾನ್ಯ ಸಮಸ್ಯೆಯೆಂದರೆ ಎಷ್ಟೇ ವಿಷಲ್ ಕೂಗಿಸಿದರೂ ಕೆಲವೊಮ್ಮೆ ಮಾಂಸ ಸರಿಯಾಗಿ ಬೇಯದೆ ರಬ್ಬರ್‌ನಂತೆ ಗಟ್ಟಿಯಾಗಿರುವುದು. ಊಟ ಮಾಡುವಾಗ ಮಟನ್ ಜಗಿಯಲು ಕಷ್ಟವಾದರೆ ಊಟದ ಮಜವೇ ಹಾಳಾಗುತ್ತದೆ.

ಆದರೆ, ಇನ್ನು ಮುಂದೆ ಗಟ್ಟಿ ಮಟನ್ ಬಗ್ಗೆ ತಲೆಕೆಡಿಸಿಕೊಳ್ಳಬೇಕಿಲ್ಲ. ನಿಮ್ಮ ಮನೆಯ ಅಡುಗೆಮನೆಯಲ್ಲೇ ಇರುವ ಒಂದು ಪುಟ್ಟ ವಸ್ತು ಮಟನ್ ಅನ್ನು ಬೆಣ್ಣೆಯಂತೆ ಮೃದುವಾಗಿ ಬೇಯಿಸುತ್ತದೆ!

ತೆಂಗಿನ ಚಿಪ್ಪಿನ ಮ್ಯಾಜಿಕ್

ಮಟನ್ ಬೇಯಿಸುವಾಗ ಅದಕ್ಕೆ ಒಂದು ಸ್ವಚ್ಛವಾದ ತೆಂಗಿನ ಚಿಪ್ಪನ್ನು (Coconut Shell) ಹಾಕಿದರೆ ಮಾಂಸ ಕ್ಷಣಾರ್ಧದಲ್ಲಿ ಬೆಣ್ಣೆಯಂತೆ ಹಗುರವಾಗಿ ಬೇಯುತ್ತದೆ ಎಂಬ ಸಿಂಪಲ್ ಟ್ರಿಕ್ ಇದೀಗ ಆಹಾರ ಪ್ರಿಯರ ಗಮನ ಸೆಳೆಯುತ್ತಿದೆ.

ಹೇಗೆ ಬಳಸಬೇಕು?

ತೆಂಗಿನ ಚಿಪ್ಪಿನ ಒಂದು ಸಣ್ಣ ತುಂಡನ್ನು ತೆಗೆದುಕೊಂಡು ಅದನ್ನು ನೀರಿನಲ್ಲಿ ಚೆನ್ನಾಗಿ ತೊಳೆದು ಸ್ವಚ್ಛಗೊಳಿಸಿ.ಮಟನ್ ಕುದಿಯುವಾಗ ಅಥವಾ ಕುಕ್ಕರ್‌ನಲ್ಲಿ ಬೇಯಿಸಲು ಇಡುವಾಗ ಈ ತೆಂಗಿನ ಚಿಪ್ಪನ್ನು ಮಾಂಸದ ಜೊತೆಯಲ್ಲೇ ಹಾಕಿ.ಮಟನ್ ಚೆನ್ನಾಗಿ ಬೆಂದ ನಂತರ, ಬಡಿಸುವ ಮುನ್ನ ಆ ತೆಂಗಿನ ಚಿಪ್ಪನ್ನು ಪಾತ್ರೆಯಿಂದ ಹೊರತೆಗೆಯಲು ಮರೆಯಬೇಡಿ!

ಇದು ಹೇಗೆ ಕೆಲಸ ಮಾಡುತ್ತದೆ?

ತೆಂಗಿನ ಚಿಪ್ಪಿನಲ್ಲಿರುವ ನೈಸರ್ಗಿಕ ಅಂಶಗಳು ಮತ್ತು ತಾಪಮಾನವನ್ನು ಹಿಡಿದಿಟ್ಟುಕೊಳ್ಳುವ ಗುಣವು ಮಾಂಸದಲ್ಲಿರುವ ಬಿಗಿಯಾದ ನಾರುಗಳನ್ನು (Meat Fibers) ಬೇಗನೆ ಸಡಿಲಗೊಳಿಸಿ, ಮಾಂಸವನ್ನು ಮೃದುವಾಗಿಸಲು (Tenderize) ನೈಸರ್ಗಿಕವಾಗಿ ಸಹಾಯ ಮಾಡುತ್ತದೆ. ಕರಾವಳಿ ಭಾಗದ ಹಳ್ಳಿಗಳಲ್ಲಿ ಇಂದಿಗೂ ಈ ಸಾಂಪ್ರದಾಯಿಕ ವಿಧಾನವನ್ನು ಬಳಸಲಾಗುತ್ತದೆ.

ರುಚಿಕರವಾದ ಹಾಗೂ ಮೃದುವಾದ ಮಟನ್ ಅಡುಗೆ ಸವಿಯಲು ಆನ್‌ಲೈನ್ ಮಾಂಸ ಮಾರಾಟ ಸಂಸ್ಥೆಯಾದ ಓಎಫ್‌ಸಿ (OFC) ಸೇರಿದಂತೆ ಹಲವು ಬಾಣಸಿಗರು ಈ ದೇಸಿ ಟಿಪ್ಸ್ ಅನ್ನು ಹಂಚಿಕೊಂಡಿದ್ದು, ಮಾಂಸಾಹಾರ ಪ್ರಿಯರು ತಮ್ಮ ಮುಂದಿನ ಅಡುಗೆಯಲ್ಲಿ ಹೀಗೆ ಮಾಡಬಹುದು.

ತೆಂಗಿನ ಚಿಪ್ಪಿನಿಂದ ಸಾರಿನ ರುಚಿ ಬದಲಾಗುತ್ತಾ?

ಹಲವರಿಗೆ "ತೆಂಗಿನ ಚಿಪ್ಪು ಹಾಕಿದರೆ ಸಾರಿನ ರುಚಿ ಅಥವಾ ವಾಸನೆ ಬದಲಾಗುತ್ತಾ?" ಎಂಬ ಅನುಮಾನ ಬರಬಹುದು. ತೆಂಗಿನ ಚಿಪ್ಪನ್ನು ಬಳಸುವುದರಿಂದ ಮಟನ್ ಸಾರಿನ ಮೂಲ ರುಚಿಯಾಗಲಿ ಅಥವಾ ಬಣ್ಣವಾಗಲಿ ಕಿಂಚಿತ್ತೂ ಬದಲಾಗುವುದಿಲ್ಲ. ಆದರೆ, ಚಿಪ್ಪಿನ ಹೊರಗಿನ ನಾರನ್ನು ಸಂಪೂರ್ಣವಾಗಿ ಕೆತ್ತಿ ತೆಗೆದು, ಬಿಸಿನೀರಿನಲ್ಲಿ ಚೆನ್ನಾಗಿ ತೊಳೆದ ಮೇಲಷ್ಟೇ ಪಾತ್ರೆಗೆ ಹಾಕಬೇಕು.

ಮಟನ್‌ಗೆ ಯಾವತ್ತೂ ತಣ್ಣೀರು ಹಾಕಬೇಡಿ

ಮಟನ್ ಗಟ್ಟಿಯಾಗಲು ಮಾಡುವ ಅತಿ ದೊಡ್ಡ ತಪ್ಪೆಂದರೆ ಕುದಿಯುವ ಮಾಂಸಕ್ಕೆ ತಣ್ಣೀರು ಸುರಿಯುವುದು. ಆದರೆ ಮಟನ್ ಬೇಯಿಸುವಾಗ ಗ್ರೇವಿಗೆ ಅಥವಾ ಸಾರಿಗೆ ನೀರು ಬೇಕೆನಿಸಿದರೆ, ಯಾವಾಗಲೂ ಬಿಸಿ ನೀರನ್ನು (Hot Water) ಮಾತ್ರ ಸೇರಿಸಬೇಕು. ತಣ್ಣೀರು ಹಾಕಿದರೆ ಮಾಂಸದ ತಾಪಮಾನ ದಿಢೀರ್ ಕುಸಿದು, ಅದು ರಬ್ಬರ್‌ನಂತೆ ಗಟ್ಟಿಯಾಗುತ್ತದೆ.

ಫ್ರಿಡ್ಜ್‌ನಿಂದ ತೆಗೆದ ತಕ್ಷಣ ಒಲೆ ಮೇಲೆ ಇಡಬೇಡಿ

ಫ್ರೀಜರ್‌ನಲ್ಲಿ ಇಟ್ಟಿದ್ದ ಮಟನ್ ಅನ್ನು ತಕ್ಷಣವೇ ಕುಕ್ಕರ್‌ಗೆ ಹಾಕಿ ಬೇಯಿಸಿದರೆ ಅದು ಎಂದಿಗೂ ಸಾಫ್ಟ್ ಆಗುವುದಿಲ್ಲ. ಅಡುಗೆ ಮಾಡುವ ಕನಿಷ್ಠ 30–40 ನಿಮಿಷಗಳ ಮುಂಚೆಯೇ ಮಾಂಸವನ್ನು ಫ್ರಿಡ್ಜ್‌ನಿಂದ ಹೊರತೆಗೆದು ಸಾಮಾನ್ಯ ತಾಪಮಾನಕ್ಕೆ (Room Temperature) ಬರಲು ಬಿಡಬೇಕು.

ಫ್ಲಿಪ್ಕಾರ್ಟ್ನಲ್ಲಿ 674 ರೂ. ಸೀರೆ ಖರೀದಿಸಿ ಮದುವೆಗೆಂದು ಇಟ್ಟಿದ್ದ ಲಕ್ಷ ರೂ. ಕಳಕೊಂಡ ಮಹಿಳೆ- ಆಗಿದ್ದೇನು

Suchethana D — Tue, 27 Oct 2026 18:52:41 +0530

ಇಟಾವಾ (ಉತ್ತರ ಪ್ರದೇಶ): ಉತ್ತರ ಪ್ರದೇಶದ ಇಟಾವಾದ ಯುವತಿಯೊಬ್ಬರು ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್‌ನಿಂದ ಖರೀದಿಸಿದ ಸೀರೆಯನ್ನು ಹಿಂದಿರುಗಿಸಲು ಪ್ರಯತ್ನಿಸುವಾಗ 99,518 ರೂಪಾಯಿ ಕಳೆದುಕೊಂಡಿರುವ ಘಟನೆ ನಡೆದಿದೆ. ಇಟಾವಾ ಜಿಲ್ಲೆಯ ಬಸೈಯಹಾರ್ ಗ್ರಾಮದ ನಿವಾಸಿ ಆಕಾಂಕ್ಷಾ, ಫ್ಲಿಪ್‌ಕಾರ್ಟ್‌ನಿಂದ 674 ರೂ.ಕೊಟ್ಟು ಸೀರೆಯನ್ನು ಖರೀದಿಸಿದ್ದರು. ಆನ್ಲೈನ್ನಲ್ಲಿ ನೋಡಿದಾಗ ಸುಂದರವಾಗಿ ಕಂಡಿದ್ದ ಸೀರೆ, ಮನೆಗೆ ಬಂದಾಗ ಇಷ್ಟವಾಗಲಿಲ್ಲ ಮತ್ತು ಅದನ್ನು ಹಿಂದಿರುಗಿಸಲು ನಿರ್ಧರಿಸಿದರು. ಆದ್ದರಿಂದ ಅವರು ಅದನ್ನು ರಿಟರ್ನ್ ಮಾಡಿ, ಹಣವನ್ನು ವಾಪಸ್ ಪಡೆಯಲು ಇಚ್ಛಿಸಿದರು. ಸೀರೆ ವಾಪಸ್ ಮಾಡಿದ ಬಳಿಕ ಹಣ ಹಿಂದಿರುಗಿಸಲು ಏಳು ದಿನಗಳ ಕಾಲಾವಕಾಶವನ್ನು ಕೇಳಲಾಯಿತು.

ರಿಟರ್ನ್ ಮಾಡಲು ಹೋಗಿದ್ದರು

ಆದರೆ, ಏಳು ದಿನ ಕಳೆದರೂ ಹಣ ವಾಪಸ್ ಆಗಲಿಲ್ಲ. ಬ್ಯಾಂಕ್ ಖಾತೆಯಲ್ಲಿ ಮೊತ್ತವನ್ನು ಸ್ವೀಕರಿಸದಿದ್ದಾಗ, ಅವರು ಗೂಗಲ್ನಲ್ಲಿ ನೋಡಿ, ಅಲ್ಲಿ ಸಿಕ್ಕ ನಂಬರ್ಗೆ ಆರ್ಡರ್‌ಗೆ ಸಂಬಂಧಿಸಿದ ಸಂಖ್ಯೆಗೆ ಕರೆ ಮಾಡಿದರು. ಆದರೆ ಅವರ ಗ್ರಹಚಾರ ಕೆಟ್ಟಿತ್ತು. ಏಕೆಂದರೆ ಅಲ್ಲಿ ಕಸ್ಟಮರ್ ಕೇರ್ ಹೆಸರಿನಲ್ಲಿ ಇದ್ದುದು ಸೈಬರ್ ವಂಚಕರ ಫೋನ್ ನಂಬರ್. ಆಕಾಂಕ್ಷಾ ಅವರು ಕಾಲ್ ಮಾಡಿದ ತಕ್ಷಣ ಆ್ಯಕ್ಟೀವ್ ಆದ ವಂಚಕರು, ಆಕಾಂಕ್ಷಾ ಅವರ ಮೊಬೈಲ್‌ನ ಸ್ಕ್ರೀನ್ ಶೇರ್ ಮಾಡಲು ಹೇಳಿದ್ದಾರೆ ಮತ್ತು ಮೊಬೈಲ್ನಲ್ಲಿ ಸ್ವೀಕರಿಸಿದ ಉಡುಗೊರೆ ಕಾರ್ಡ್ ಅನ್ನು ತೆರೆಯಲು ಕೇಳಿದ್ದಾರೆ. ತಮ್ಮ ಹಣ ತಮಗೆ ವಾಪಸ್ ಬರುತ್ತದೆ ಎಂದು ನಂಬಿದ ಯುವತಿ, ತಾವು ಮೋಸ ಹೋಗ್ತಿರೋದು ತಿಳಿಯಲೇ ಇಲ್ಲ. ಆರಂಭದಲ್ಲಿ, ಏನೋ ಡೌಟ್ ಬಂದರೂ ವಂಚಕರು ಅವರ ಮನವೊಲಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಮೋಸ ಹೋದದ್ದು ಹೇಗೆ?

ಯುವತಿ, ಆ ವಂಚಕರಿಗೆ ತಮ್ಮ ಮೊಬೈಲ್ ಸ್ಕ್ರೀನ್ ಶೇರ್ ಮಾಡಿದ್ದಾರೆ. ವಂಚಕರಿಗೆ ಸುಲಭದಲ್ಲಿ ಮೊಬೈಲ್ ಫೋನ್ ಆ್ಯಕ್ಸೀಸ್ ಸಿಕ್ಕಿದೆ. ಅಲ್ಲಿ ಅವರು ಹಣ ವಾಪಸ್ ಮಾಡುವುದಾಗಿ ಹೇಳಿ, ಅವರದ್ದೇಮೊಬೈಲ್ನಿಂದ ಕಂತು ಕಂತಿನಲ್ಲಿ ಹಣ ತೆಗೆಯುತ್ತಾ ಹೋಗಿದ್ದಾರೆ. ತಮ್ಮ ಹಣ ವಾವಸ್ ಬರುವ ಆಸೆಯಲ್ಲಿದ್ದ ಆಕಾಂಕ್ಷಾ ಅವರಿಗೆ ಅಲ್ಲಿ ಏನಾಗ್ತಿದೆ ಎನ್ನೋದೇ ತಿಳಿಯಲಿಲ್ಲ.

ಮೊದಲ ಎರಡು ವಹಿವಾಟುಗಳು ತಲಾ ₹10,000 ವಿತ್ಡ್ರಾ ಮಾಡಿದರು. ಮೂರನೇ ವಹಿವಾಟಿನಲ್ಲಿ, ಯುವತಿಯ ಬ್ಯಾಂಕ್ ಖಾತೆಯಿಂದ ₹19,999 ಹಣವನ್ನು ತೆಗೆದುಕೊಂಡರು. ನಂತರ ವಂಚಕ ₹55,000 ಹಣವನ್ನು ಕದ್ದಿದ್ದಾನೆ. ಅಂತಿಮ ವಹಿವಾಟಿನಲ್ಲಿ, ಯುವತಿಯ ಖಾತೆಯಿಂದ ₹4,495 ಹಣವನ್ನು ಕಿತ್ತುಕೊಳ್ಳಲಾಗಿದೆ.

ಆಕಾಂಕ್ಷಾ ಬೆಳಿಗ್ಗೆ 11 ರಿಂದ ಮಧ್ಯಾಹ್ನ 2 ರ ನಡುವೆ ವಂಚಕನೊಂದಿಗೆ ಮಾತನಾಡಿದ್ದರು. ಸಂಜೆ, ಅವರು ಬ್ಯಾಂಕ್ ಬ್ಯಾಲೆನ್ಸ್ ಪರಿಶೀಲಿಸಿದಾಗ, ಅವಳ ಖಾತೆಯಲ್ಲಿ ಹಣವಿಲ್ಲ ಎಂದು ಅರಿತುಕೊಂಡರು. ಯುವತಿ ತಕ್ಷಣ ತಂದೆಗೆ ಈ ವಿಷಯದ ಬಗ್ಗೆ ತಿಳಿಸಿದಳು. ಅವರು ಬ್ಯಾಂಕಿಗೆ ಹೋದಾಗ ಬ್ಯಾಂಕ್ ಮುಚ್ಚಲ್ಪಟ್ಟಿತ್ತು. ಖಾತೆಯಲ್ಲಿರುವ ಹಣವು ಆಕಾಂಕ್ಷಾ ತಮ್ಮ ಮದುವೆಗೆ ಮತ್ತು ಅವರ ಮನೆಯಲ್ಲಿ ಪಂಪ್ ಅಳವಡಿಸಲು ಕುಟುಂಬದ ಉಳಿತಾಯವಾಗಿತ್ತು.

ತಾಯಿಗೆ ಜ್ವರ ಬಂದಾಗ ಮಗುವಿಗೆ ಎದೆಹಾಲು ಕುಡಿಸಬಹುದಾ? ಮಗುವಿಗೂ ಜ್ವರ ಬರುತ್ತಾ? ವೈದ್ಯರು ಹೇಳಿದ್ದೇನು?

Pavna Das — Wed, 28 Oct 2026 11:55:44 +0530

ತಾಯಿಗೆ ಜ್ವರ ಬಂದಾಗ ಮಗುವಿಗೆ ಎದೆಹಾಲು ಕುಡಿಸಬಹುದಾ?

ಹೊಸದಾಗಿ ತಾಯಿಯಾದ ಮಹಿಳೆಯರಿಗೆ ಎದೆಹಾಲುಣಿಸುವ ವಿಚಾರದಲ್ಲಿ ಅನೇಕ ಸಲಹೆಗಳು ಸಿಗುತ್ತವೆ. ಅವುಗಳಲ್ಲಿ ಸಾಮಾನ್ಯವಾದ ತಪ್ಪು ಕಲ್ಪನೆಯೆಂದರೆ, ತಾಯಿಗೆ ಶೀತ, ಕೆಮ್ಮು ಅಥವಾ ಜ್ವರ ಇದ್ದರೆ ಮಗುವಿಗೆ ಹಾಲುಣಿಸಬಾರದು ಎಂಬುದು. ಹೀಗೆ ಮಾಡಿದರೆ ಮಗುವಿಗೂ ಅನಾರೋಗ್ಯ ಉಂಟಾಗಬಹುದು ಎಂದು ಹಲವರು ಭಾವಿಸುತ್ತಾರೆ. ಇದೇ ಕಾರಣಕ್ಕೆ ಜ್ವರ ಬಂದಿದ್ದ ತಾಯಿಯೊಬ್ಬರು ತಮ್ಮ ಮಗುವಿಗೆ ಎದೆಹಾಲುಣಿಸಲು ನಿರಾಕರಿಸಿದ್ದರು. ಈ ಪ್ರಕರಣದ ಬಗ್ಗೆ ತಿಳಿದ ಸ್ತ್ರೀರೋಗ ತಜ್ಞೆ ಡಾ. ಸೋನಿಯಾ ಗುಪ್ತಾ ಅವರು ಮಹಿಳೆಗೆ ಎದೆಹಾಲುಣಿಸುವುದಕ್ಕೆ ಸಂಬಂಧಿಸಿದ ತಪ್ಪು ಕಲ್ಪನೆಯನ್ನು ವಿವರಿಸಿ, ಅದರ ಹಿಂದಿನ ಸತ್ಯವನ್ನು ತಿಳಿಸಿಕೊಟ್ಟಿದ್ದಾರೆ. ಪ್ರತಿಯೊಬ್ಬ ಹೊಸ ತಾಯಿಯೂ ಈ ವಿಚಾರವನ್ನು ತಿಳಿದುಕೊಳ್ಳುವುದು ಏಕೆ ಮುಖ್ಯ ಎಂಬುದನ್ನು ನೋಡೋಣ.

'ಎದೆಹಾಲು ಕುಡಿಸಿದರೆ ಮಗುವಿಗೂ ಜ್ವರ ಬರುತ್ತಾ?'

ಸ್ತ್ರೀರೋಗ ತಜ್ಞೆ ಡಾ. ಸೋನಿಯಾ ಗುಪ್ತಾ ಅವರು ತಮ್ಮ ವಿಡಿಯೋವೊಂದರಲ್ಲಿ ಹೊಸ ತಾಯಿಯೊಬ್ಬರನ್ನು, ಮಗುವಿಗೆ ಎದೆಹಾಲು ನೀಡುವ ಬದಲು ಬೇರೆ ಹಾಲು ಏಕೆ ನೀಡುತ್ತಿದ್ದೀರಿ ಎಂದು ಪ್ರಶ್ನಿಸುತ್ತಾರೆ. ಅದಕ್ಕೆ ಮಹಿಳೆ, ತನಗೆ ಹಿಂದಿನ ದಿನದಿಂದ ತೀವ್ರ ಜ್ವರ ಬಂದಿದ್ದು, ಮಗುವಿಗೆ ಎದೆಹಾಲು ಕುಡಿಸಿದರೆ ಅದಕ್ಕೂ ಜ್ವರ ಬರಬಹುದು ಎಂಬ ಭಯವಿದೆ ಎಂದು ಉತ್ತರಿಸುತ್ತಾರೆ.

ಇದು ದೊಡ್ಡ ತಪ್ಪು ಕಲ್ಪನೆ!

ಮಹಿಳೆಯ ಮಾತನ್ನು ಕೇಳಿದ ವೈದ್ಯರು, ಇದು ದೊಡ್ಡ ತಪ್ಪು ಕಲ್ಪನೆ. ತಾಯಿಗೆ ಶೀತ, ಕೆಮ್ಮು ಅಥವಾ ಜ್ವರ ಬಂದಿದೆ ಎಂಬ ಕಾರಣಕ್ಕೆ ಎದೆಹಾಲುಣಿಸುವುದನ್ನು ಸಾಮಾನ್ಯವಾಗಿ ನಿಲ್ಲಿಸುವ ಅಗತ್ಯವಿಲ್ಲ. ತಾಯಿಯ ದೇಹವು ಸೋಂಕಿನ ವಿರುದ್ಧ ಹೋರಾಡಲು ಪ್ರತಿಕಾಯಗಳನ್ನು (ಆ್ಯಂಟಿಬಾಡೀಸ್) ಉತ್ಪಾದಿಸುತ್ತದೆ. ಆದರೆ, ಯಾವ ಸೋಂಕು ಉಂಟಾಗಿದೆ ಎಂಬುದರ ಆಧಾರದ ಮೇಲೆ ಸೋಂಕು ಹರಡುವ ವಿಧಾನ ಬದಲಾಗಬಹುದು. ಆದ್ದರಿಂದ ವೈದ್ಯರ ಸಲಹೆ ಪಡೆಯುವುದು ಮುಖ್ಯ.

ಎದೆಹಾಲಿನ ಮೂಲಕ ಮಗುವಿಗೆ ಪ್ರತಿಕಾಯಗಳು ಸಿಗುತ್ತವೆ

ತಾಯಿ ಮಗುವಿಗೆ ಎದೆಹಾಲುಣಿಸಿದಾಗ, ಹಾಲಿನಲ್ಲಿರುವ ಕೆಲವು ಪ್ರತಿಕಾಯಗಳು ಮಗುವಿಗೆ ತಲುಪಿ ಸೋಂಕುಗಳ ವಿರುದ್ಧ ರಕ್ಷಣೆ ಪಡೆಯಲು ಸಹಾಯ ಮಾಡುತ್ತವೆ. ಹೀಗಾಗಿ ಎದೆಹಾಲು ಮಗುವಿನ ಪೌಷ್ಟಿಕತೆ ಹಾಗೂ ರೋಗನಿರೋಧಕ ವ್ಯವಸ್ಥೆಯ ಬೆಳವಣಿಗೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಆದರೆ ಎದೆಹಾಲು ಎಲ್ಲ ಸೋಂಕುಗಳಿಂದಲೂ ಸಂಪೂರ್ಣ ರಕ್ಷಣೆ ನೀಡುತ್ತದೆ ಎಂದರ್ಥವಲ್ಲ. ಮಗುವಿನ ಆರೋಗ್ಯದ ಬಗ್ಗೆ ಯಾವುದೇ ಅನುಮಾನವಿದ್ದರೆ ವೈದ್ಯರನ್ನು ಸಂಪರ್ಕಿಸಬೇಕು.

ಎದೆಹಾಲುಣಿಸುವುದನ್ನು ನಿಲ್ಲಿಸಿದರೆ ತಾಯಿಗೆ ಸಮಸ್ಯೆಯಾಗಬಹುದು

ಜ್ವರ ಬಂದಿದೆ ಎಂಬ ಕಾರಣಕ್ಕೆ ಹಲವು ದಿನಗಳವರೆಗೆ ಎದೆಹಾಲುಣಿಸುವುದನ್ನು ನಿಲ್ಲಿಸಿದರೆ, ಸ್ತನಗಳಲ್ಲಿ ಹಾಲು ತುಂಬಿಕೊಂಡು ನೋವು, ಊತ ಅಥವಾ ಗಟ್ಟಿಯಾದ ಗಂಟುಗಳಂತಹ ಸಮಸ್ಯೆಗಳು ಉಂಟಾಗಬಹುದು. ಹೀಗಾಗಿ ತಾಯಿಗೆ ಸಾಮಾನ್ಯ ಶೀತ, ಕೆಮ್ಮು ಅಥವಾ ಜ್ವರ ಇದ್ದಾಗಲೂ, ವೈದ್ಯರು ಬೇರೆ ಸೂಚನೆ ನೀಡದಿದ್ದರೆ, ಎದೆಹಾಲುಣಿಸುವುದನ್ನು ಮುಂದುವರಿಸುವುದು ಸೂಕ್ತವಾಗಿದೆ.

ಗಮನಿಸಿ: ತಾಯಿಗೆ ತೀವ್ರ ಅನಾರೋಗ್ಯವಿದ್ದರೆ, ನಿರ್ದಿಷ್ಟ ಸೋಂಕು ಪತ್ತೆಯಾಗಿದ್ದರೆ ಅಥವಾ ಕೆಲವು ಔಷಧಿಗಳನ್ನು ಸೇವಿಸುತ್ತಿದ್ದರೆ ವೈದ್ಯರ ಸಲಹೆ ಪಡೆಯಿರಿ. ಮಗುವಿಗೆ ಜ್ವರ, ಉಸಿರಾಟದ ತೊಂದರೆ ಅಥವಾ ಹಾಲು ಕುಡಿಯಲು ನಿರಾಕರಿಸುವ ಲಕ್ಷಣಗಳಿದ್ದರೆ ತಕ್ಷಣ ವೈದ್ಯಕೀಯ ನೆರವು ಪಡೆಯಿರಿ. ಮೂರು ತಿಂಗಳಿಗಿಂತ ಕಡಿಮೆ ವಯಸ್ಸಿನ ಮಗುವಿಗೆ 38°C ಅಥವಾ ಅದಕ್ಕಿಂತ ಹೆಚ್ಚಿನ ಜ್ವರ ಬಂದರೆ ತುರ್ತಾಗಿ ವೈದ್ಯರನ್ನು ಸಂಪರ್ಕಿಸಬೇಕು.

Blouse Back Designs: ಸೀರೆಯ ಅಂದವನ್ನು ದುಪ್ಪಟ್ಟು ಮಾಡುವ ಟ್ರೆಂಡಿ ಬ್ಲೌಸ್ ಡಿಸೈನ್‌ಗಳಿವು!

Govindaraj S — Wed, 28 Oct 2026 19:52:24 +0530

ಸೀರೆಯಲ್ಲಿ ಸುಂದರವಾಗಿ ಕಾಣಬೇಕೆಂದರೆ ಅದಕ್ಕೆ ತಕ್ಕಂತಹ ಬ್ಲೌಸ್ ಇರಲೇಬೇಕು. ಯಾವಾಗಲೂ ಅದೇ ರೌಂಡ್, ಸ್ಕ್ವೇರ್ ನೆಕ್ ಡಿಸೈನ್ ಹಾಕಿ ಬೋರ್ ಆಗಿದ್ಯಾ? ಹಾಗಾದರೆ ಈ ಟ್ರೆಂಡಿ ಬ್ಲೌಸ್ ಬ್ಯಾಕ್ ಡಿಸೈನ್‌ಗಳನ್ನು ಒಮ್ಮೆ ಟ್ರೈ ಮಾಡಿ. ನಿಮ್ಮ ಲುಕ್ ಕಂಪ್ಲೀಟ್ ಆಗಿ ಬದಲಾಗುತ್ತೆ.

ಪೀರಿಯಡ್ಸ್‌ನಲ್ಲಿ ಅತಿಯಾದ ರಕ್ತಸ್ರಾವ, ಕ್ಲಾಟ್‌ಗಳು: ಈ 5 ಆರೋಗ್ಯ ಸಮಸ್ಯೆಗಳು ಕಾರಣವಾಗಿರಬಹುದು

Pavna Das — Wed, 28 Oct 2026 21:09:26 +0530

ಮುಟ್ಟಿನ ಸಮಯದಲ್ಲಿ ಬ್ಲಡ್ ಕ್ಲಾಟ್

ಮುಟ್ಟಿನ ದಿನಗಳಲ್ಲಿ ಮಹಿಳೆಯರ ದೇಹದಲ್ಲಿ ಹಲವು ಬದಲಾವಣೆಗಳು ಸಂಭವಿಸುತ್ತವೆ. ಇವುಗಳಲ್ಲಿ ಕೆಲವು ಸಹಜವಾಗಿದ್ದರೆ, ಇನ್ನು ಕೆಲವು ಗಂಭೀರ ಆರೋಗ್ಯ ಸಮಸ್ಯೆಗಳ ಸೂಚನೆಯಾಗಿರಬಹುದು. ಹೊಟ್ಟೆ ನೋವು, ಬೆನ್ನುನೋವು, ಸೆಳೆತ, ಆಯಾಸ ಮತ್ತು ಮೂಡ್ ಸ್ವಿಂಗ್ ಸಾಮಾನ್ಯ. ಈ ಸಮಯದಲ್ಲಿ ಕೆಲವು ಮಹಿಳೆಯರಿಗೆ ಮುಟ್ಟಿನ ರಕ್ತದಲ್ಲಿ ಸಣ್ಣಸಣ್ಣ ಕ್ಲಾಟ್ಸ್ ಕಾಣಿಸಿಕೊಳ್ಳುತ್ತವೆ. ಸಾಮಾನ್ಯವಾಗಿ ಮುಟ್ಟಿನ ವೇಳೆ ಸಣ್ಣ ಬ್ಲಡ್ ಕ್ಲಾಟ್ ಹೊರಬರುವುದು ಸಹಜವಾಗಿರಬಹುದು. ಆದರೆ ಪದೇಪದೇ ದೊಡ್ಡ ಗಾತ್ರದ ಬ್ಲಡ್ ಕ್ಲಾಟ್ ಕಾಣಿಸಿಕೊಂಡರೆ ಅಥವಾ ಅದರ ಜೊತೆಗೆ ಅತಿಯಾದ ರಕ್ತಸ್ರಾವವಾಗುತ್ತಿದ್ದರೆ ನಿರ್ಲಕ್ಷಿಸಬಾರದು.

ಮುಟ್ಟಿನ ಸಮಯದಲ್ಲಿ ಬ್ಲಡ್ ಕ್ಲಾಟ್ ಏಕೆ ಉಂಟಾಗುತ್ತವೆ?

ಮುಟ್ಟಿನ ಸಮಯದಲ್ಲಿ ಗರ್ಭಾಶಯದ ಒಳಪದರವು ಕಳಚಿಕೊಂಡು ರಕ್ತದೊಂದಿಗೆ ದೇಹದಿಂದ ಹೊರಬರುತ್ತದೆ. ರಕ್ತಸ್ರಾವ ಹೆಚ್ಚಾದಾಗ ರಕ್ತವು ಸ್ವಲ್ಪ ಸಮಯದವರೆಗೆ ಗರ್ಭಾಶಯದಲ್ಲಿ ಅಥವಾ ಯೋನಿಯಲ್ಲಿ ಸಂಗ್ರಹವಾಗಿ ಕ್ಲಾಟ್ ಉಂಟುಮಾಡಬಹುದು. ಸಾಮಾನ್ಯವಾಗಿ ರಕ್ತ ಹೆಪ್ಪುಗಟ್ಟುವುದನ್ನು ತಡೆಯುವ ದೇಹದ ಅಂಶಗಳು ಈ ಹೆಪ್ಪುಗಟ್ಟುವಿಕೆಗಳನ್ನು ಸಣ್ಣದಾಗಿಡಲು ಸಹಾಯ ಮಾಡುತ್ತವೆ. ಆದರೆ ಅತಿಯಾದ ರಕ್ತಸ್ರಾವದ ಸಂದರ್ಭದಲ್ಲಿ ದೊಡ್ಡ ಕ್ಲಾಟ್ ಕಾಣಿಸಿಕೊಳ್ಳಬಹುದು. ಮುಟ್ಟಿನ ಆರಂಭದ ದಿನಗಳಲ್ಲಿ ಸಣ್ಣ ರಕ್ತದ ಹೆಪ್ಪುಗಟ್ಟುವಿಕೆಗಳು ಹೊರಬರುವುದು ಸಹಜವಾಗಿರಬಹುದು. ಆದರೆ ಪ್ರತೀ ತಿಂಗಳು ದೊಡ್ಡ ಕ್ಲಾಟ್ಸ್ ಕಾಣಿಸಿಕೊಳ್ಳುತ್ತಿದ್ದರೆ ಅಥವಾ ಮುಟ್ಟಿನ ಕ್ರಮದಲ್ಲಿ ಹಠಾತ್ ಬದಲಾವಣೆಗಳಾಗುತ್ತಿದ್ದರೆ, ಅದರ ಕಾರಣವನ್ನು ತಿಳಿದುಕೊಳ್ಳುವುದು ಅಗತ್ಯ.

ಮುಟ್ಟಿನ ಸಮಯದಲ್ಲಿ ರಕ್ತದ ಹೆಪ್ಪುಗಟ್ಟುವಿಕೆಯ ಲಕ್ಷಣಗಳು

ಮುಟ್ಟಿನ ಸಮಯದಲ್ಲಿ ಸಣ್ಣ ಬ್ಲಡ್ ಕ್ಲಾಟ್ ಹೊರಬರುವುದು.
ಪದೇಪದೇ ದೊಡ್ಡ ಗಾತ್ರದ ಬ್ಲಡ್ ಕ್ಲಾಟ್ ಕಾಣಿಸಿಕೊಳ್ಳುವುದು.
ಏಳು ದಿನಗಳಿಗಿಂತ ಹೆಚ್ಚು ಕಾಲ ಮುಟ್ಟು ಮುಂದುವರಿಯುವುದು.
ಹೊಟ್ಟೆ ಅಥವಾ ಸೊಂಟದ ಭಾಗದಲ್ಲಿ ತೀವ್ರ ನೋವು ಕಾಣಿಸಿಕೊಳ್ಳುವುದು.
ಆಯಾಸ, ದೌರ್ಬಲ್ಯ ಅಥವಾ ತಲೆತಿರುಗುವಿಕೆ ಉಂಟಾಗುವುದು.
ಎರಡು ಮುಟ್ಟಿನ ಅವಧಿಗಳ ನಡುವೆ ರಕ್ತಸ್ರಾವವಾಗುವುದು.
ಅತಿಯಾದ ರಕ್ತಸ್ರಾವವಾಗುವುದು.
ಪದೇಪದೇ ಸ್ಯಾನಿಟರಿ ಪ್ಯಾಡ್ ಅಥವಾ ಟ್ಯಾಂಪನ್ ಬದಲಾಯಿಸಬೇಕಾಗುವುದು.
ಈ ಲಕ್ಷಣ ಕಂಡು ಬಂದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ.

ಮುಟ್ಟಿನ ಬ್ಲಡ್ ಕ್ಲಾಟ್ ಕಾರಣವಾಗಬಹುದಾದ ಆರೋಗ್ಯ ಸಮಸ್ಯೆಗಳು

ಹಾರ್ಮೋನ್‌ಗಳ ಅಸಮತೋಲನ: ಈಸ್ಟ್ರೊಜೆನ್ ಮತ್ತು ಪ್ರೊಜೆಸ್ಟೆರೋನ್ ಹಾರ್ಮೋನ್‌ಗಳ ಸಮತೋಲನದಲ್ಲಿ ಬದಲಾವಣೆ ಉಂಟಾದರೆ ಗರ್ಭಾಶಯದ ಒಳಪದರ ದಪ್ಪವಾಗಬಹುದು. ಇದರಿಂದ ಅತಿಯಾದ ರಕ್ತಸ್ರಾವ ಮತ್ತು ಬ್ಲಡ್ ಕ್ಲಾಟ್ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ.

ಫೈಬ್ರಾಯ್ಡ್‌ಗಳು: ಗರ್ಭಾಶಯದಲ್ಲಿ ಉಂಟಾಗುವ ಗಡ್ಡೆಗಳನ್ನು ಫೈಬ್ರಾಯ್ಡ್‌ಗಳು ಎಂದು ಕರೆಯಲಾಗುತ್ತದೆ. ಕೆಲವು ಮಹಿಳೆಯರಲ್ಲಿ ಇವುಗಳ ಕಾರಣದಿಂದ ಮುಟ್ಟು ಹೆಚ್ಚು ದಿನಗಳವರೆಗೆ ಮುಂದುವರಿಯಬಹುದು, ರಕ್ತಸ್ರಾವ ಹೆಚ್ಚಾಗಬಹುದು ಮತ್ತು ದೊಡ್ಡ ಬ್ಲಡ್ ಕ್ಲಾಟ್ ಹೊರಬರಬಹುದು.

ಎಂಡೊಮೆಟ್ರಿಯೊಸಿಸ್ ಅಥವಾ ಅಡೆನೊಮಯೋಸಿಸ್: ಎಂಡೊಮೆಟ್ರಿಯೊಸಿಸ್‌ನಲ್ಲಿ ಗರ್ಭಾಶಯದ ಒಳಪದರವನ್ನು ಹೋಲುವ ಅಂಗಾಂಶವು ಗರ್ಭಾಶಯದ ಹೊರಭಾಗದಲ್ಲಿ ಬೆಳೆಯುತ್ತದೆ. ಅಡೆನೊಮಯೋಸಿಸ್‌ನಲ್ಲಿ ಇದೇ ರೀತಿಯ ಅಂಗಾಂಶವು ಗರ್ಭಾಶಯದ ಸ್ನಾಯುಪದರದೊಳಗೆ ಬೆಳೆಯುತ್ತದೆ. ಈ ಸಮಸ್ಯೆಗಳು ನೋವು ಮತ್ತು ಅತಿಯಾದ ರಕ್ತಸ್ರಾವಕ್ಕೆ ಕಾರಣವಾಗಬಹುದು.

ಥೈರಾಯ್ಡ್ ಸಮಸ್ಯೆಗಳು: ಥೈರಾಯ್ಡ್ ಹಾರ್ಮೋನ್‌ಗಳಲ್ಲಿನ ಅಸಮತೋಲನವು ಮುಟ್ಟಿನ ಚಕ್ರ ಮತ್ತು ರಕ್ತಸ್ರಾವದ ಮೇಲೆ ಪರಿಣಾಮ ಬೀರಬಹುದು. ಇದರಿಂದಲೂ ಈ ಸಮಸ್ಯೆ ಕಾಣಿಸಿಕೊಳ್ಳಬಹುದು.

ರಕ್ತಕ್ಕೆ ಸಂಬಂಧಿಸಿದ ಸಮಸ್ಯೆಗಳು: ಕೆಲವು ಮಹಿಳೆಯರಲ್ಲಿ ರಕ್ತವು ಸಾಮಾನ್ಯ ರೀತಿಯಲ್ಲಿ ಹೆಪ್ಪುಗಟ್ಟುವ ಪ್ರಕ್ರಿಯೆಯಲ್ಲಿ ತೊಂದರೆ ಉಂಟಾಗಬಹುದು. ಇಂತಹ ಸಂದರ್ಭಗಳಲ್ಲಿ ಮುಟ್ಟಿನ ಸಮಯದಲ್ಲಿ ಅತಿಯಾದ ರಕ್ತಸ್ರಾವವಾಗುವ ಸಾಧ್ಯತೆ ಇದೆ.

Asianet Suvarna News

ಚಿನ್ನ ಪ್ರಿಯರಿಗೆ ಭರ್ಜರಿ ಗುಡ್​ನ್ಯೂಸ್​: ಪ್ರಯೋಗಾಲಯದಲ್ಲೇ ಬಂಗಾರ ಉತ್ಪತ್ತಿ ಸಕ್ಸಸ್​- ಅಗ್ಗದಲ್ಲಿ ಸಿಗತ್ತಾ ಲೋಹ

ಪಾದರಸದಿಂದ ಚಿನ್ನವನ್ನು ಹೇಗೆ ರಚಿಸಬಹುದು?

ಈ ಕಲ್ಪನೆ ಹೊಸತಲ್ಲ

ಮೈದಾ, ಸೋಡಾ ಬಳಸದೆ ಅಕ್ಕಿ-ಅವಲಕ್ಕಿಯಿಂದ ಮಾಡಿ ಬಾಯಲ್ಲಿಟ್ಟರೆ ಕರಗುವಂತಹ ಸ್ನಾಕ್ಸ್

ಬೇಕಾಗುವ ಸಾಮಗ್ರಿಗಳು

ತಯಾರಿಸುವ ವಿಧಾನ

ಇದು ಗಮನದಲ್ಲಿರಲಿ

ಅಕ್ಕಿ-ಬೇಳೆ ನೆನೆಸೋ ಕೆಲಸವೇ ಇಲ್ಲ.. ಹತ್ತೇ ನಿಮಿಷದಲ್ಲಿ ಮಾಡಿ ಹೊರಗೆ ಕ್ರಿಸ್ಪಿ, ಒಳಗೆ ಸಾಫ್ಟ್ ಆದ ಪಡ್ಡು

ಬೇಕಾಗುವ ಸಾಮಗ್ರಿಗಳು

ಮಾಡುವ ವಿಧಾನ

ಇದು ಗಮನದಲ್ಲಿರಲಿ

ಪತ್ನಿ ಹಸಿವಿನಿಂದ ಬಳಲುತ್ತಿದ್ದರೂ ಸುಮ್ಮನಿರುವ ಗಂಡಂದಿರೇ, ನಿಮಗೆ ನಾಚಿಕೆಯಾಗಬೇಕು! ಮನೋವಿಜ್ಞಾನಿ ಆಕ್ರೋಶ

ಕರ್ವಾ ಚೌತ್‌ನಲ್ಲಿ ಪತ್ನಿಯರೇ ಏಕೆ ಉಪವಾಸ ಮಾಡಬೇಕು? ಮನಶ್ಶಾಸ್ತ್ರಜ್ಞೆ ದಿವಿಜಾ ಭಾಸಿನ್ ಪ್ರಶ್ನೆ

ಪತ್ನಿ ಹಸಿವಿನಿಂದ ಬಳಲುವುದನ್ನು ನೋಡುತ್ತಾ ಸುಮ್ಮನಿರಬೇಕಾ?

ಪತಿಯ ಪಾದ ಮುಟ್ಟುವ ಸಂಪ್ರದಾಯದ ಬಗ್ಗೆಯೂ ಆಕ್ಷೇಪ

ಸಾಮಾಜಿಕ ಜಾಲತಾಣದಲ್ಲಿ ಪರ-ವಿರೋಧ ಚರ್ಚೆ

ಸಂಪ್ರದಾಯಕ್ಕಿಂತ ಮುಖ್ಯವೇ ಪರಸ್ಪರ ಗೌರವ?

ಮನೆಯಲ್ಲೇ ತಯಾರಿಸಿ ರಾಸಾಯನಿಕ ಮುಕ್ತ ಕೆಂಪು-ಹಳದಿ ಸಿಂಧೂರ: ಹಂತ ಹಂತದ ಮಾಹಿತಿ ಇಲ್ಲಿದೆ

ಶುದ್ಧ ಕುಂಕುಮ ಅಥವಾ ಸಿಂಧೂರ ತಯಾರಿಸಲು ಬೇಕಾಗುವ ಸಾಮಗ್ರಿಗಳು

ತಯಾರಿಸುವ ವಿಧಾನ

-ಹಳದಿ ಸಿಂಧೂರವನ್ನು ಹೇಗೆ ತಯಾರಿಸುವುದು?

ತಯಾರಿಸುವ ವಿಧಾನ:

ಮುಟ್ಟಿನ ದಿನಗಳಲ್ಲಿ ಗಂಡ ವಿಜಯ್​ ಹೇಗೆ ನಡೆದುಕೊಳ್ತಾರೆ? ಎಲ್ಲವನ್ನೂ ಓಪನ್ನಾಗಿ ಹೇಳಿದ Rashmika Mandanna

ಎಲ್ಲವನ್ನೂ ಅರ್ಥ ಮಾಡಿಕೊಳ್ಳುವ ಪತಿ

ಮೊದಲ ಮುಟ್ಟಿನ ಅನುಭವ

ಮುಖದ ಸುಕ್ಕು ನಿವಾರಿಸಿ, ತ್ವಚೆಯ ಅಂದ ಹೆಚ್ಚಿಸಿ 'ದಂತದ ಬೊಂಬೆ'ಯಂತೆ ಕಾಣಲು ದಿನಾಲೂ ಈ ಹಣ್ಣುಗಳನ್ನು ಸೇವಿಸಿ!

ಬಾಯಲ್ಲಿ ನೀರೂರಿಸುವ ಅಪ್ಪಟ ಬಿಡದಿ ಶೈಲಿಯ ತಟ್ಟೆ ಇಡ್ಲಿ, ಸ್ಪೆಷಲ್ ಚಟ್ನಿ ಪುಡಿ ಮಾಡುವ ವಿಧಾನ

ಬೇಕಾಗುವ ಸಾಮಗ್ರಿಗಳು

ತಟ್ಟೆ ಇಡ್ಲಿ ಮಾಡುವ ಹಂತ-ಹಂತದ ವಿಧಾನ

ಚಟ್ನಿ ಪುಡಿ ಮಾಡುವ ವಿಧಾನ

ಬಡಿಸುವ ವಿಧಾನ

Gold Earrings: ಸಿಂಪಲ್ ಲುಕ್‌ಗೆ ಚಿನ್ನದ ಟಚ್; ಡೈಲಿ ವೇರ್‌ಗೆ ಟ್ರೆಂಡಿ ಗೋಲ್ಡ್ ಓಲೆಗಳು

ಕುಂಡಗಳಲ್ಲಿ ಹೆಚ್ಚೆಚ್ಚು ಹೂವು ಅರಳಬೇಕಾ? ತಜ್ಞರ ಈ 5 ಟಿಪ್ಸ್​ ಫಾಲೋ ಮಾಡಿ, ಮ್ಯಾಜಿಕ್​ ನೋಡಿ

ಸರಿಯಾದ ಪ್ರಮಾಣದ ಸೂರ್ಯನ ಬೆಳಕು

ಮಣ್ಣಿನಲ್ಲಿ ಸಾವಯವ ಗೊಬ್ಬರ ಸೇರಿಸಿ

ಸರಿಯಾದ ನೀರುಹಾಕುವ ವಿಧಾನ ಅನುಸರಿಸಿ

ಸತ್ತ ಹೂವುಗಳನ್ನು ತಕ್ಷಣ ತೆಗೆದುಹಾಕಿ

ಸಸ್ಯದ ಅಗತ್ಯಗಳಿಗೆ ಅನುಗುಣವಾಗಿ ಕತ್ತರಿಸಿ

ಹೊಸ ಪಾತ್ರೆಯ ಮೇಲಿನ ಸ್ಟಿಕ್ಕರ್ ಒಂದೇ ಸೆಕೆಂಡಿನಲ್ಲಿ ತೆಗೆಯಲು ಸಿಂಪಲ್ ಟ್ರಿಕ್

Jhumka With Chain: ಸೀರೆ-ಲೆಹೆಂಗಾ ಬ್ಯೂಟಿಯನ್ನು ಹೆಚ್ಚಿಸುವ ಜುಮುಕಿ ಚೈನ್‌ಗಳು; ಒಮ್ಮೆ ನೋಡಿ ಈ ಡಿಸೈನ್ಸ್

ಬೆಳ್ಳುಳ್ಳಿ ಒಣಗಿ ಜೊಳ್ಳಾಗುತ್ತಿದೆಯೇ? 2-3 ವರ್ಷವಾದ್ರೂ ಹಾಳಾಗಲ್ಲ, ಫ್ಲೇವರ್ ಹೋಗಲ್ಲ.. ಇಲ್ಲಿದೆ ಸ್ಟೋರ್ ಮಾಡುವ ಟಿಪ್ಸ್

1. ಪ್ಲಾಸ್ಟಿಕ್ ಕವರ್ ಬಳಸಬೇಡಿ

2. ಸಿಪ್ಪೆ ಸುಲಿದ ಬೆಳ್ಳುಳ್ಳಿ ಶೇಖರಣೆ (ದೈನಂದಿನ ಬಳಕೆಗೆ)

3. ಬೆಳ್ಳುಳ್ಳಿ ಪೇಸ್ಟ್ ಮಾಡಿ ಫ್ರೀಜರ್‌ನಲ್ಲಿಡುವುದು

4. ಬೆಳ್ಳುಳ್ಳಿ ಪುಡಿ (Garlic Powder) ಮಾಡಿ 2-3 ವರ್ಷ ಇಡಿ

ಮಾರುಕಟ್ಟೆಯಲ್ಲಿ ಬೆಳ್ಳುಳ್ಳಿ ಖರೀದಿಸುವಾಗ ಈ ತಪ್ಪು ಮಾಡಬೇಡಿ (Buying Guide)

ಆಲೂಗಡ್ಡೆಯ ಜೊತೆ ಬೆಳ್ಳುಳ್ಳಿ ಎಂದಿಗೂ ಇಡಬೇಡಿ! (Common Mistake)

ಕುಂಡದಲ್ಲೇ ಬೆಳೆಯಿರಿ ಗೊಂಚಲು ಗೊಂಚಲು ನಿಂಬೆಕಾಯಿ.. ಗಿಡದ ತುಂಬಾ ಕಾಯಿ ಬಿಡಲು ಇಲ್ಲಿದೆ ಸೂಪರ್ ಟಿಪ್ಸ್

1. ಸರಿಯಾದ ತಳಿಯ ಆಯ್ಕೆ (ಕಸಿ ಗಿಡವೇ ಬೆಸ್ಟ್)

2. ಸೂಕ್ತ ಗಾತ್ರದ ಕುಂಡ (Container Size)

3. ಮಣ್ಣಿನ ಸರಿಯಾದ ಮಿಶ್ರಣ (Potting Mix)

4. ಸೂರ್ಯನ ಬೆಳಕು ಮತ್ತು ರಿಪಾಟಿಂಗ್ ಕೇರ್

5. ನೀರುಣಿಸುವ ಸರಿಯಾದ ನಿಯಮ

6. ಅಗತ್ಯ ಪೋಷಕಾಂಶಗಳು ಮತ್ತು ಗೊಬ್ಬರ (ಅತ್ಯಂತ ಮುಖ್ಯ)

7. ಕೀಟ ಬಾಧೆ ನಿಯಂತ್ರಣ

8. ಮಣ್ಣಿನ ಪಿ.ಹೆಚ್ (Soil pH)

9. ಪರಾಗಸ್ಪರ್ಶಕಗಳನ್ನು ಆಕರ್ಷಿಸಿ (Pollination)

10. ಗಿಡ ಕತ್ತರಿಸಿ (Pruning)

ಈ ಮೂರು ಪದಾರ್ಥ ಇದ್ರೆ ಸಾಕು, ಕೆಮಿಕಲ್​ ಹೇರ್​ಡೈಗೆ ಹೇಳಿ ಗುಡ್​ಬೈ : ಖ್ಯಾತ ವೈದ್ಯರು ಕೊಟ್ಟ ಟಿಪ್ಸ್​ ನೋಡಿ

ವೈದ್ಯರು ಕೊಟ್ಟ ಸಲಹೆ

ಮೊದಲ ಹಂತದಲ್ಲಿ ಹೆನ್ನಾ ಮತ್ತು ಭೃಂಗರಾಜ್ ಹಚ್ಚಿ

ಎರಡನೇ ಹಂತದಲ್ಲಿ ಇಂಡಿಗೋ ಪುಡಿಯನ್ನು ಹಚ್ಚಿ

ಮಟನ್ ರಬ್ಬರ್‌ನಂತೆ ಗಟ್ಟಿಯಾಗುತ್ತಾ? ಪಾತ್ರೆಗೆ ತೆಂಗಿನ ಚಿಪ್ಪಿನ ಚೂರು ಹಾಕಿ ನೋಡಿ.. ಬೆಣ್ಣೆಯಂತೆ ಬೇಯುತ್ತೆ ಮಾಂಸ

ತೆಂಗಿನ ಚಿಪ್ಪಿನ ಮ್ಯಾಜಿಕ್

ಹೇಗೆ ಬಳಸಬೇಕು?

ಇದು ಹೇಗೆ ಕೆಲಸ ಮಾಡುತ್ತದೆ?

ತೆಂಗಿನ ಚಿಪ್ಪಿನಿಂದ ಸಾರಿನ ರುಚಿ ಬದಲಾಗುತ್ತಾ?

ಮಟನ್‌ಗೆ ಯಾವತ್ತೂ ತಣ್ಣೀರು ಹಾಕಬೇಡಿ

ಫ್ರಿಡ್ಜ್‌ನಿಂದ ತೆಗೆದ ತಕ್ಷಣ ಒಲೆ ಮೇಲೆ ಇಡಬೇಡಿ

ಫ್ಲಿಪ್​ಕಾರ್ಟ್​ನಲ್ಲಿ 674 ರೂ. ಸೀರೆ ಖರೀದಿಸಿ ಮದುವೆಗೆಂದು ಇಟ್ಟಿದ್ದ ಲಕ್ಷ ರೂ. ಕಳಕೊಂಡ ಮಹಿಳೆ- ಆಗಿದ್ದೇನು

ರಿಟರ್ನ್​ ಮಾಡಲು ಹೋಗಿದ್ದರು

ಮೋಸ ಹೋದದ್ದು ಹೇಗೆ?

ತಾಯಿಗೆ ಜ್ವರ ಬಂದಾಗ ಮಗುವಿಗೆ ಎದೆಹಾಲು ಕುಡಿಸಬಹುದಾ? ಮಗುವಿಗೂ ಜ್ವರ ಬರುತ್ತಾ? ವೈದ್ಯರು ಹೇಳಿದ್ದೇನು?

ತಾಯಿಗೆ ಜ್ವರ ಬಂದಾಗ ಮಗುವಿಗೆ ಎದೆಹಾಲು ಕುಡಿಸಬಹುದಾ?

'ಎದೆಹಾಲು ಕುಡಿಸಿದರೆ ಮಗುವಿಗೂ ಜ್ವರ ಬರುತ್ತಾ?'

Blouse Back Designs: ಸೀರೆಯ ಅಂದವನ್ನು ದುಪ್ಪಟ್ಟು ಮಾಡುವ ಟ್ರೆಂಡಿ ಬ್ಲೌಸ್ ಡಿಸೈನ್‌ಗಳಿವು!

ಪೀರಿಯಡ್ಸ್‌ನಲ್ಲಿ ಅತಿಯಾದ ರಕ್ತಸ್ರಾವ, ಕ್ಲಾಟ್‌ಗಳು: ಈ 5 ಆರೋಗ್ಯ ಸಮಸ್ಯೆಗಳು ಕಾರಣವಾಗಿರಬಹುದು

ಮುಟ್ಟಿನ ಸಮಯದಲ್ಲಿ ಬ್ಲಡ್ ಕ್ಲಾಟ್

ಮುಟ್ಟಿನ ಸಮಯದಲ್ಲಿ ಬ್ಲಡ್ ಕ್ಲಾಟ್ ಏಕೆ ಉಂಟಾಗುತ್ತವೆ?

ಚಿನ್ನ ಪ್ರಿಯರಿಗೆ ಭರ್ಜರಿ ಗುಡ್ನ್ಯೂಸ್: ಪ್ರಯೋಗಾಲಯದಲ್ಲೇ ಬಂಗಾರ ಉತ್ಪತ್ತಿ ಸಕ್ಸಸ್- ಅಗ್ಗದಲ್ಲಿ ಸಿಗತ್ತಾ ಲೋಹ

ಮುಟ್ಟಿನ ದಿನಗಳಲ್ಲಿ ಗಂಡ ವಿಜಯ್ ಹೇಗೆ ನಡೆದುಕೊಳ್ತಾರೆ? ಎಲ್ಲವನ್ನೂ ಓಪನ್ನಾಗಿ ಹೇಳಿದ Rashmika Mandanna

ಕುಂಡಗಳಲ್ಲಿ ಹೆಚ್ಚೆಚ್ಚು ಹೂವು ಅರಳಬೇಕಾ? ತಜ್ಞರ ಈ 5 ಟಿಪ್ಸ್ ಫಾಲೋ ಮಾಡಿ, ಮ್ಯಾಜಿಕ್ ನೋಡಿ

ಈ ಮೂರು ಪದಾರ್ಥ ಇದ್ರೆ ಸಾಕು, ಕೆಮಿಕಲ್ ಹೇರ್ಡೈಗೆ ಹೇಳಿ ಗುಡ್ಬೈ : ಖ್ಯಾತ ವೈದ್ಯರು ಕೊಟ್ಟ ಟಿಪ್ಸ್ ನೋಡಿ

ಫ್ಲಿಪ್ಕಾರ್ಟ್ನಲ್ಲಿ 674 ರೂ. ಸೀರೆ ಖರೀದಿಸಿ ಮದುವೆಗೆಂದು ಇಟ್ಟಿದ್ದ ಲಕ್ಷ ರೂ. ಕಳಕೊಂಡ ಮಹಿಳೆ- ಆಗಿದ್ದೇನು

ರಿಟರ್ನ್ ಮಾಡಲು ಹೋಗಿದ್ದರು