Asianet Suvarna News

AI ಬರುವ ಮೊದಲು ಡೇಟಾ ಸೆಂಟರ್‌ಗಳ ಉದ್ದೇಶ ಏನಾಗಿತ್ತು? ನಿಮಗೆ ಅಚ್ಚರಿ ಮೂಡಿಸುವ ಮಾಹಿತಿ ಇಲ್ಲಿದೆ!

Sumanth SN — Tue, 25 Aug 2026 18:17:14 +0530

ಕೃತಕ ಬುದ್ಧಿಮತ್ತೆ (ಎಐ), ಡೇಟಾ ಸೆಂಟರ್ ಎಂಬ ಪದಗಳು ಕೇಳಿದಾಗ ನಮ್ಮ ಮನಸ್ಸಿಗೆ ಬರುವ ಸಂಗತಿಗಳು ಚಾಟ್‌ಜಿಪಿಟಿ, ಮಷೀನ್ ಲರ್ನಿಂಗ್ ಮತ್ತು ದೊಡ್ಡ ಸರ್ವರ್‌ಗಳು ನೆನಪಾಗುತ್ತವೆ. ಕೃತಕ ಬುದ್ಧಿಮತ್ತೆಯ ವೇಗ ಡೇಟಾ ಕೇಂದ್ರಗಳ ಅಗತ್ಯವನ್ನು ಹೆಚ್ಚಿಸಿದೆ. ಅದರಲ್ಲೂ ಭಾರತದಲ್ಲಿ ನಿರ್ಮಾಣವಾಗುತ್ತಿರುವ ಡೇಟಾ ಸೆಂಟರ್‌ಗಳ ವಿವಾದಗಳ ಕುರಿತ ಮಾಹಿತಿ ನಿಮಗೆ ತಿಳಿದಿರುತ್ತದೆ. ಇದೇ ವೇಳೆ ಈ ಸೆಂಟರ್‌ಗಳು ವಿದ್ಯುತ್ ಹಾಗೂ ನೀರು ಬಳಸುವ ಬಗ್ಗೆ ಹಲವು ಪ್ರಶ್ನೆಗಳು ಉದ್ಭವಿಸಿದೆ. ಇದಕ್ಕೂ ಮುನ್ನ ಎಐ ಬರುವ ಮುನ್ನ ಡೇಟಾ ಸೆಂಟರ್‌ಗಳ ಉದ್ದೇಶ ಏನಾಗಿತ್ತು? ಅಂತ ನಾವು ಹೇಳ್ತೀವಿ ಕೇಳಿ.

ಎಐ ಬರುವ ಮುನ್ನ ಡೇಟಾ ಸೆಂಟರ್‌ಗಳ ರಹಸ್ಯವೇನು?

ವಾಸ್ತವವಾಗಿ ಎಐ ಡೇಟಾ ಸೆಂಟರ್‌ಗಳನ್ನು ಡೇಟಾ ನಿರ್ವಹಿಸಲು ಮಾತ್ರ ನಿರ್ಮಿಸುವುದಿಲ್ಲ. ಡೇಟಾ ಸೆಂಟರ್‌ಗಳು ದೊಡ್ಡ ಕಂಪ್ಯೂಟರ್‌ಗಳು, ಸರ್ವರ್‌ಗಳು ಮತ್ತು ಶೇಖರಣಾ ವ್ಯವಸ್ಥೆಗಳು ಇರುವ ಸ್ಥಳಗಳಾಗಿವೆ. ಈ ಡೇಟಾ ಸೆಂಟರ್‌ಗಳು ಕೆಲಸವೊಂದರೆ ಡೇಟಾವನ್ನು ಸುರಕ್ಷಿತವಾಗಿ ಸಂಗ್ರಹಿಸುವುದು ಮತ್ತು ಅಗತ್ಯವಿದ್ದಾಗ ಅದನ್ನು ಪ್ರಕ್ರಿಯಗೊಳಿಸುವುದು ಕಾರ್ಯನಿರ್ವಹಿಸುತ್ತದೆ. ಅದರಿಂದಲೇ, ಎಐ ಗಿಂತ ಮುನ್ನವೇ ಸರ್ಕಾರಿ ಡೇಟಾ ಮತ್ತು ದೊಡ್ಡ ಕಂಪ್ಯೂಟರ್ ಡೇಟಾವನ್ನು ಈ ಡೇಟಾ ಸೆಂಟರ್‌ಗಳಲ್ಲಿ ಸಂಗ್ರಹಿಸಲಾಗುತ್ತಿತ್ತು.

ನೀವು ಯಾವುದೇ ವೆಬ್‌ಸೈಟ್ ತೆರೆದಾಗ, ಆನ್‌ಲೈನ್ ವಿಡಿಯೋ ವೀಕ್ಷಿಸಿದಾಗ ಅಥವಾ ಅಪ್ಲಿಕೇಶನ್‌ಗೆ ಲಾಗಿನ್ ಮಾಡಿದಾಗಲೆಲ್ಲಾ, ನಿಮ್ಮ ಸಾಧನ ಮತ್ತು ಸರ್ವರ್ ನಡುವೆ ಡೇಟಾ ನಿರಂತರವಾಗಿ ವರ್ಗಾವಣೆಯಾಗುತ್ತದೆ ಎಂದು ಗಮನಿಸಬೇಕಿದೆ. ಈ ಪ್ರಕ್ರಿಯೆಯಲ್ಲಿ ಡೇಟಾ ಕೇಂದ್ರಗಳು ಪ್ರಮುಖ ಪಾತ್ರವಹಿಸುತ್ತವೆ.

ಡೇಟಾ ಸೆಂಟರ್‌ಗಳ ಕಾರ್ಯ ವಿಧಾನವನ್ನೇ ಬದಲಿಸಿದ ಎಐ ತಂತ್ರಜ್ಞಾನ

ವೆಬ್‌ಸೈಟ್ ಫೈಲ್‌ಗಳು, ಬಳೆಕೆದಾರ ಖಾತೆ ಮಾಹಿತಿ, ಫೋಟೋಗಳು ಮತ್ತು ವಿಡಿಯೋಗಳಂತಹ ಡೇಟಾವನ್ನು ಸರ್ವರ್‌ಗಳಲ್ಲಿ ಸಂಗ್ರಹಿಸಲಾಗುತ್ತದೆ. ಬಳಕೆದಾರರು ಸೇವೆಯನ್ನು ಬಳಸಿದಾಗ, ಡೇಟಾ ಸೆಂಟರ್‌ ವಿನಂತಿಯನ್ನು ಪ್ರಕ್ರಿಯರಗೊಳಿಸುತ್ತದೆ. ಬಳಿಕ ಅಗತ್ಯ ಮಾಹಿತಿಯನ್ನು ವಾಪಸ್ ಕಳುಹಿಸುತ್ತವೆ.

ಇನ್ನು, ಮೇಲ್, ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳು ಮತ್ತು ಆನ್ ಲೈನ್ ಸೇವೆಗಳಿಗೂ ಡೇಟಾ ಕೇಂದ್ರಗಳು ಬೇಕಾಗುತ್ತದೆ. ನಿಮ್ಮ ಇಮೇಲ್, ಫೋಟೋ, ವಿಡಿಯೋ ಮತ್ತು ಫೈಲ್‌ಗಳು ಎಲ್ಲವೂ ಸವರ್‌ಗಳಲ್ಲಿ ಸಂಗ್ರಹಿಸಲಾಗುತ್ತದೆ. ಪ್ರತಿ ದಿನ ಲಕ್ಷಾಂತರ ಮಂದಿ ಮಾಡುವ ಪೋಸ್ಟ್, ಫೋಟೋ, ವಿಡಿಯೋಗಳನ್ನು ಅಪ್‌ಲೋಡ್ ಮಾಡಲಾಗುತ್ತದೆ. ಇವುಗಳನ್ನು ಸಂಗ್ರಹಿಸಲು ಹಾಗೂ ಬಳಕೆದಾರರಿಗೆ ತಲುಪಿಸಲು ಡೇಟಾ ಕೇಂದ್ರಗಳ ಅಗತ್ಯವಿದೆ.

ಆದರೆ, ಕೃತಕ ಬುದ್ಧಿಮತ್ತೆ ಬಂದ ಬಳಿಕ ಡೇಟಾ ಕೇಂದ್ರಗಳ ಕೆಲಸ ಸಂಪೂರ್ಣ ಬದಲಾಗಿದೆ. ಎಐ ಈಗ ಡೇಟಾ ಕೇಂದ್ರಗಳ ಮೇಲಿನ ಹೊರೆಯನ್ನು ಹೆಚ್ಚಿಸಿದೆ. ಸಾಮಾನ್ಯ ಡೇಟಾ ಬೇಸ್‌ಗಳಿಗೆ ಹೋಲಿಕೆ ಮಾಡಿದರೆ, ಅಧುನಿಕ ಎಐ ಡೇಟಾ ಕೇಂದ್ರಗಳಿಗೆ ಹೆಚ್ಚಿನ ಮೆಮೊರಿ ಅಗತ್ಯವಿದೆ. ಇದಕ್ಕಾಗಿಯೇ ಅಡ್ವಾಸ್ಡ್‌ ಕಂಪ್ಯೂಟಿಂಗ್ ಹಾರ್ಡ್‌ವೇರ್‌ಗಳನ್ನು ಬಳಕೆ ಮಾಡಲಾಗುತ್ತಿದ್ದು, ಇದು ಡೇಟಾ ಕೇಂದ್ರಗಳ ವೇಗವನ್ನು ಹೆಚ್ಚಿಸುತ್ತದೆ.

Google Pixel Fold: ಭಾರತಕ್ಕೆ ಕಾಲಿಟ್ಟ ಗೂಗಲ್ ಫೋಲ್ಡಬಲ್ ಫೋನ್! ಹೊಸ ಫೀಚರ್ಸ್ ಏನು? ಬೆಲೆ ಎಷ್ಟು? ಇಲ್ಲಿದೆ ಫುಲ್ ಡಿಟೇಲ್ಸ್

Ravi Janekal — Thu, 13 Aug 2026 10:36:37 +0530

ಗೂಗಲ್ ತನ್ನ ಹೊಸ ಪಿಕ್ಸೆಲ್ 11 ಸೀರಿಸ್ ಅನ್ನು ಭಾರತದಲ್ಲಿ ಲಾಂಚ್ ಮಾಡಿದೆ. ಇದರಲ್ಲಿ ಎಲ್ಲರ ಗಮನ ಸೆಳೆಯುತ್ತಿರುವುದು ಪಿಕ್ಸೆಲ್ 11 ಪ್ರೊ ಫೋಲ್ಡ್. ಇದರ ಬೆಲೆ 1,86,999 ರೂ. ಆಗಿದ್ದು, ಟೆನ್ಸರ್ G6 ಚಿಪ್ ಮತ್ತು ಜೆಮಿನಿ AI ತಂತ್ರಜ್ಞಾನವನ್ನು ಹೊಂದಿದೆ. ಈಗಾಗಲೇ ಪ್ರೀ-ಆರ್ಡರ್ ಕೂಡ ಶುರುವಾಗಿದೆ.

ಬಹುನಿರೀಕ್ಷಿತ ಗೂಗಲ್ ಪಿಕ್ಸೆಲ್(Google Pixel Fold) ಸೀರಿಸ್‌ನ ಹೊಸ ಫೋನ್‌ಗಳು ಕೊನೆಗೂ ಮಾರುಕಟ್ಟೆ ಲಗ್ಗೆ ಇಟ್ಟಿವೆ. ಗೂಗಲ್ ತನ್ನ ಪಿಕ್ಸೆಲ್ ಸೀರಿಸ್‌ ಅನ್ನು ಭಾರತದಲ್ಲಿ ವಿಸ್ತರಿಸಿದ್ದು ಹೊಸ ಪಿಕ್ಸೆಲ್ 11 ಸೀರಿಸ್ ಅನ್ನು ಮಾರುಕಟ್ಟೆಗೆ ಬಿಟ್ಟಿದೆ. ಇದರಲ್ಲಿ ಪಿಕ್ಸೆಲ್ 11, ಪಿಕ್ಸೆಲ್ 11 ಪ್ರೊ, ಪಿಕ್ಸೆಲ್ 11 ಪ್ರೊ XL, ಮತ್ತು ಪಿಕ್ಸೆಲ್ 11 ಪ್ರೊ ಫೋಲ್ಡ್ ಜೊತೆಗೆ ಪಿಕ್ಸೆಲ್ ವಾಚ್ 5 ಕೂಡ ಲಾಂಚ್ ಆಗಿದೆ. ಗೂಗಲ್‌ನ ಈ ಹೊಸ ಫೋಲ್ಡಬಲ್ ಫೋನ್ ಬೆಲೆ 1,86,999 ರೂ. ಆಗಿದ್ದರೆ, ಪಿಕ್ಸೆಲ್ 11 ಆರಂಭಿಕ ಬೆಲೆ 89,999 ರೂ. ಇದೆ. ಈ ಫೋನ್, ಆಪಲ್‌ನ ಮುಂಬರುವ ಫೋಲ್ಡಬಲ್ ಐಫೋನ್ ಮತ್ತು ಸ್ಯಾಮ್‌ಸಂಗ್‌ನ ಗ್ಯಾಲಕ್ಸಿ Z ಫೋಲ್ಡ್ 8 ಅಲ್ಟ್ರಾಗೆ ನೇರ ಸ್ಪರ್ಧೆ ನೀಡಲಿದೆ. ಇದರ ಬಗ್ಗೆ ಪೂರ್ತಿ ಮಾಹಿತಿ ಇಲ್ಲಿದೆ.

ಭಾರತದಲ್ಲಿ ಗೂಗಲ್ ಪಿಕ್ಸೆಲ್ 11 ಪ್ರೊ ಫೋಲ್ಡ್(Google Pixel 11 Pro Fold) ಬೆಲೆ 1,86,999 ರೂ. ಇದೆ. ಇದರ ಜೊತೆಗೆ, ಕಂಪನಿಯು ತಿಂಗಳಿಗೆ 7,374.96 ರೂ.ಗಳಿಂದ ಶುರುವಾಗುವ EMI ಆಯ್ಕೆಯನ್ನೂ ನೀಡುತ್ತಿದೆ. ಗೂಗಲ್ ಸ್ಟೋರ್ ಪೇಜ್ ಪ್ರಕಾರ, ಈ ಫೋನ್ ಖರೀದಿಸುವಾಗ ಗ್ರಾಹಕರು 45,376 ರೂ. ತನಕ ರಿಯಾಯಿತಿ ಪಡೆಯಬಹುದು. ಇದರಲ್ಲಿ 9,000 ರೂ. ಎಕ್ಸ್‌ಚೇಂಜ್ ಬೋನಸ್, 10,000 ರೂ. ತನಕ ತಕ್ಷಣದ ರಿಯಾಯಿತಿ, ಮತ್ತು EMI ಮೇಲೆ 26,376 ರೂ. ತನಕ ಉಳಿತಾಯ ಸೇರಿದೆ. ಈ ಆಫರ್‌ಗಳಿಗೆ ನಿಬಂಧನೆಗಳು ಮತ್ತು ಷರತ್ತುಗಳು ಅನ್ವಯಿಸುತ್ತವೆ.

ಪಿಕ್ಸೆಲ್ 11 ಪ್ರೊ ಫೋಲ್ಡ್ ಫೋನ್‌ಗಾಗಿ ಭಾರತದ ಗೂಗಲ್ ಸ್ಟೋರ್‌ನಲ್ಲಿ ಪ್ರೀ-ಆರ್ಡರ್‌ಗಳು ಶುರುವಾಗಿವೆ. ಗ್ರಾಹಕರು ಅಧಿಕೃತ ಗೂಗಲ್ ಸ್ಟೋರ್‌ಗೆ ಭೇಟಿ ನೀಡಿ, ಪಿಕ್ಸೆಲ್ 11 ಪ್ರೊ ಫೋಲ್ಡ್ ಆಯ್ಕೆ ಮಾಡಬಹುದು. ವಿವಿಧ ಪೇಮೆಂಟ್ ಮತ್ತು ಎಕ್ಸ್‌ಚೇಂಜ್ ಆಫರ್‌ಗಳ ಮೂಲಕ ಬುಕ್ ಮಾಡಬಹುದುದಾಗಿದೆ. ಪಿಕ್ಸೆಲ್ 11, ಪಿಕ್ಸೆಲ್ 11 ಪ್ರೊ, ಮತ್ತು ಪಿಕ್ಸೆಲ್ 11 ಪ್ರೊ XL ಫೋನ್‌ಗಳು ಆಗಸ್ಟ್ 20 ರಂದು ಮಾರಾಟಕ್ಕೆ ಬರುವ ಸಾಧ್ಯತೆಯಿದೆ. ಆದರೆ, ಪ್ರೊ ಫೋಲ್ಡ್ ಬಿಡುಗಡೆ ದಿನಾಂಕ ಬೇರೆಯಾಗಿರಬಹುದು ಎಂದು ನಿರೀಕ್ಷಿಸಲಾಗಿದೆ.

ಪಿಕ್ಸೆಲ್ 11 ಪ್ರೊ ಫೋಲ್ಡ್, ಗೂಗಲ್‌ನ ಹೊಸ ಟೆನ್ಸರ್ G6 ಪ್ರೊಸೆಸರ್‌ನಿಂದ ಕಾರ್ಯನಿರ್ವಹಿಸುತ್ತದೆ. ಇದರಲ್ಲಿ ಅತ್ಯಾಧುನಿಕ ಕ್ಯಾಮೆರಾಗಳು ಮತ್ತು ಜೆಮಿನಿ AI ತಂತ್ರಜ್ಞಾನವನ್ನು ಇನ್ನಷ್ಟು ಉತ್ತಮ ಗುಣಮಟ್ಟ ಬಳಸಿಕೊಳ್ಳಲಾಗಿದೆ. ಈ ಹೊಸ ಫೋನ್‌ಗಳು ದಿನನಿತ್ಯದ ಬಳಕೆಯಲ್ಲಿ ಉತ್ತಮ ಕಾರ್ಯಕ್ಷಮತೆ ಮತ್ತು ಹೆಚ್ಚು ಸ್ಮಾರ್ಟ್ ಆದ AI ಪವರ್ಡ್ ಎಂದು ಗೂಗಲ್ ಹೇಳಿದೆ.

ಈ ಡಿವೈಸ್ 6.5-ಇಂಚಿನ OLED ಕವರ್ ಡಿಸ್‌ಪ್ಲೇ ಮತ್ತು 8-ಇಂಚಿನ OLED ಫೋಲ್ಡಿಂಗ್ ಡಿಸ್‌ಪ್ಲೇ ಹೊಂದಿದೆ. ಎರಡೂ ಸ್ಕ್ರೀನ್‌ಗಳು 1Hz ನಿಂದ 120Hz ವರೆಗಿನ ಅಡಾಪ್ಟಿವ್ ರಿಫ್ರೆಶ್ ರೇಟ್ ಅನ್ನು ಸಪೋರ್ಟ್ ಮಾಡುತ್ತವೆ ಮತ್ತು 3,600 ನಿಟ್ಸ್ ಗರಿಷ್ಠ ಬ್ರೈಟ್‌ನೆಸ್ ಹೊಂದಿವೆ. ಹೊರಗಿನ ಸ್ಕ್ರೀನ್ 1080 x 2342 ಪಿಕ್ಸೆಲ್ ರೆಸಲ್ಯೂಶನ್ ಹೊಂದಿದ್ದರೆ, ಒಳಗಿನ ಡಿಸ್‌ಪ್ಲೇ 2076 x 2152 ಪಿಕ್ಸೆಲ್ ರೆಸಲ್ಯೂಶನ್ ಹೊಂದಿದೆ.

ಪಿಕ್ಸೆಲ್ 11 ಪ್ರೊ ಫೋಲ್ಡ್, ಗೂಗಲ್‌ನ ಹೊಸ ಟೆನ್ಸರ್ G6 ಪ್ರೊಸೆಸರ್ ಮತ್ತು ಟೈಟಾನ್ M3 ಸೆಕ್ಯುರಿಟಿ ಚಿಪ್‌ನೊಂದಿಗೆ ಬರುತ್ತದೆ. ಈ ಫೋಲ್ಡಬಲ್ ಫೋನ್ 16GB RAM ಮತ್ತು 512GB ಇಂಟರ್ನಲ್ ಸ್ಟೋರೇಜ್ ಹೊಂದಿದೆ.

ಆಧಾರ್ ಬಯೋಮೆಟ್ರಿಕ್ ಶಿಲ್ಪಿ, ಬೆಂಗಳೂರಿನ ಸರ್ವಂ AI ಕಂಪನಿ ಕಟ್ಟಿದ ವಿವೇಕ್ ರಾಘವನ್ ಈಗ TIME100 AI 2026 ಪಟ್ಟಿಯಲ್ಲಿ ಪ್ರಭಾವಿ ವ್ಯಕ್ತಿ!

Gowthami K — Fri, 28 Aug 2026 15:41:04 +0530

ಒಂದು ದಶಕಕ್ಕೂ ಹೆಚ್ಚು ಕಾಲ, ಒಂದು ಶತಕೋಟಿಗೂ ಅಧಿಕ ಭಾರತೀಯರ ದೈನಂದಿನ ಜೀವನವನ್ನು ಧನಾತ್ಮಕವಾಗಿ ಸ್ಪರ್ಶಿಸಿದ ಐತಿಹಾಸಿಕ ತಂತ್ರಜ್ಞಾನ ಯೋಜನೆ ‘ಆಧಾರ್’ ನಿರ್ಮಾಣದಲ್ಲಿ ವಿವೇಕ್ ರಾಘವನ್ ಪ್ರಮುಖ ಪಾತ್ರವಹಿಸಿದ್ದರು. ಐಐಟಿ ದೆಹಲಿಯ ಈ ಅಪರೂಪದ ಪ್ರತಿಭಾನ್ವಿತ ತಂತ್ರಜ್ಞ, ಇದೀಗ ಭಾರತದ ಮತ್ತೊಂದು ಕ್ರಾಂತಿಕಾರಿ ತಾಂತ್ರಿಕ ಪರಿವರ್ತನೆಯ ಮುಂಚೂಣಿ ನಾಯಕರಾಗಿ ಹೊರಹೊಮ್ಮಿದ್ದಾರೆ.

ಬೆಂಗಳೂರು ಮೂಲದ ಕೃತಕ ಬುದ್ಧಿಮತ್ತೆ ನವೋದ್ಯಮ 'ಸರ್ವಂ AI' (Sarvam AI) ಯ ಸಹ-ಸಂಸ್ಥಾಪಕರಾಗಿರುವ ವಿವೇಕ್ ರಾಘವನ್ ಅವರನ್ನು ಜಾಗತಿಕ ಮಟ್ಟದ ಪ್ರಸಿದ್ಧ ‘ಟೈಮ್’ ನಿಯತಕಾಲಿಕೆಯು "TIME100 AI 2026" ಪ್ರಭಾವಿಗಳ ಪಟ್ಟಿಯಲ್ಲಿ ಸೇರಿಸಿದೆ. ಕೃತಕ ಬುದ್ಧಿಮತ್ತೆಯ ಭವಿಷ್ಯವನ್ನು ರೂಪಿಸುತ್ತಿರುವ ಜಾಗತಿಕ ಮಟ್ಟದ 100 ಅತ್ಯಂತ ಪ್ರಭಾವಿ ವ್ಯಕ್ತಿಗಳ ಸಾಲಿನಲ್ಲಿ ಇವರಿಗೆ ಈ ಗೌರವ ಲಭಿಸಿದೆ. ಆದರೆ, ಈ ಐತಿಹಾಸಿಕ ಮೈಲಿಗಲ್ಲಿನ ಹಿಂದಿರುವುದು ವರ್ಷಗಳ ಕಾಲ ದೇಶಕ್ಕಾಗಿ ಅಭೂತಪೂರ್ವ ಪ್ರಮಾಣದಲ್ಲಿ ಬೃಹತ್ ತಂತ್ರಜ್ಞಾನ ಮೂಲಸೌಕರ್ಯಗಳನ್ನು ನಿರ್ಮಿಸಿದ ಸುದೀರ್ಘ ಅನುಭವ.

ಐಐಟಿಯಿಂದ ಆಧಾರ್‌ ರಚನೆವರೆಗೆ

ಐಐಟಿ ದೆಹಲಿಯಿಂದ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್‌ನಲ್ಲಿ ಬಿ.ಟೆಕ್ ಪದವಿ ಪಡೆದ ರಾಘವನ್, ನಂತರ ಅಮೆರಿಕದ ಪ್ರಸಿದ್ಧ ಕಾರ್ನೆಗೀ ಮೆಲನ್ ವಿಶ್ವವಿದ್ಯಾಲಯದಿಂದ ಎಲೆಕ್ಟ್ರಿಕಲ್ ಮತ್ತು ಕಂಪ್ಯೂಟರ್ ಎಂಜಿನಿಯರಿಂಗ್‌ನಲ್ಲಿ ಎಂಎಸ್ ಹಾಗೂ ಪಿಎಚ್‌ಡಿ ಪದವಿಗಳನ್ನು ಪೂರೈಸಿದರು. ಆರಂಭದಲ್ಲಿ ಎಲೆಕ್ಟ್ರಾನಿಕ್ ವಿನ್ಯಾಸ ಯಾಂತ್ರೀಕರಣ (EDA) ವಲಯದಲ್ಲಿ ಹಲವು ವರ್ಷಗಳ ಕಾಲ ಶ್ರಮಿಸಿ, ಹಿರಿಯ ತಾಂತ್ರಿಕ ಹುದ್ದೆಗಳನ್ನು ಅಲಂಕರಿಸಿದ್ದಲ್ಲದೆ, ಸ್ವಂತ ಕಂಪನಿಗಳನ್ನು ಸ್ಥಾಪಿಸಿ ಯಶಸ್ವಿಯಾಗಿ ನಡೆಸಿದರು.

ತದನಂತರ ಭಾರತಕ್ಕೆ ಮರಳಿದ ಅವರು, ಜಗತ್ತಿನ ಅತಿದೊಡ್ಡ ಬಯೋಮೆಟ್ರಿಕ್ ಗುರುತಿನ ವ್ಯವಸ್ಥೆಯಾದ 'ಆಧಾರ್' ಯೋಜನೆಯ ಮುಖ್ಯ ಯೋಜನಾ ವ್ಯವಸ್ಥಾಪಕ ಹಾಗೂ ಬಯೋಮೆಟ್ರಿಕ್ ವಾಸ್ತುಶಿಲ್ಪಿ (Biometric Architect) ಯಾಗಿ ಕಾರ್ಯನಿರ್ವಹಿಸಿದರು. ಬಿಲಿಯನ್‌ಗೂ ಅಧಿಕ ಜನಸಂಖ್ಯೆಯ ದತ್ತಾಂಶವನ್ನು ನಿರ್ವಹಿಸುವ, ವಂಚನೆಗಳನ್ನು ಪತ್ತೆಹಚ್ಚುವ ಮತ್ತು ಸೇವಾ ಗುಣಮಟ್ಟ ಸುಧಾರಿಸಲು ಕೃತಕ ಬುದ್ಧಿಮತ್ತೆಯನ್ನು ಸೃಜನಶೀಲವಾಗಿ ಬಳಸುವ ಬೃಹತ್ ಸವಾಲನ್ನು ಅವರು ಯಶಸ್ವಿಯಾಗಿ ನಿಭಾಯಿಸಿದರು. ಭಾರತದ ವೈವಿಧ್ಯಮಯ ಜನಸಂಖ್ಯೆಗೆ ತಂತ್ರಜ್ಞಾನ ರೂಪಿಸಿದ ಈ ಅನುಭವವೇ ಮುಂದೆ AI ಕ್ಷೇತ್ರದಲ್ಲಿ ಅವರ ದೃಷ್ಟಿಕೋನವನ್ನು ರೂಪಿಸಿತು.

ಭಾರತಕ್ಕೆ ಸ್ವಂತ AI ಅಗತ್ಯವೇ?

ಆಧಾರ್ ಯೋಜನೆಯ ಯಶಸ್ಸಿನ ನಂತರ, ಪ್ರತ್ಯೂಷ್ ಕುಮಾರ್ ಅವರೊಂದಿಗೆ ಕೈಜೋಡಿಸಿದ ರಾಘವನ್, ಐಐಟಿ ಮದ್ರಾಸ್‌ನ 'AI4Bharat' ಉಪಕ್ರಮದಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡರು. ಭಾರತೀಯ ಭಾಷೆಗಳಿಗೆ ಓಪನ್ ಸೋರ್ಸ್ AI ತಂತ್ರಜ್ಞಾನಗಳನ್ನು ಅಭಿವೃದ್ಧಿಪಡಿಸುವುದು ಇದರ ಪ್ರಾಥಮಿಕ ಉದ್ದೇಶವಾಗಿತ್ತು.

ಈ ದೃಷ್ಟಿಕೋನವನ್ನು ಮತ್ತಷ್ಟು ವಿಸ್ತರಿಸಲು, ಇಬ್ಬರೂ ಸೇರಿ 2023 ರಲ್ಲಿ 'ಸರ್ವಂ AI' ಸಂಸ್ಥೆಯನ್ನು ಬೆಂಗಳೂರಿನಲ್ಲಿ ಸ್ಥಾಪಿಸಿದರು. ಕೇವಲ ವಿದೇಶಿ AI ವ್ಯವಸ್ಥೆಗಳ ಮೇಲೆ ಅವಲಂಬಿತರಾಗುವ ಬದಲು, ಭಾರತದ ಭಾಷಾ ವೈವಿಧ್ಯತೆಗೆ ಸೂಕ್ತವಾದ ಸ್ವದೇಶಿ AI ತಂತ್ರಜ್ಞಾನ ಸ್ಟ್ಯಾಕ್ (Technology Stack) ನಿರ್ಮಿಸುವುದು ಇವರ ಮುಖ್ಯ ಗುರಿಯಾಗಿದೆ. ಸರ್ವಂ ಈಗ 13,700 ಕೋಟಿ ಮೌಲ್ಯ ಹಿಂದಿರುವ ಕಂಪನಿಯಾಗಿದೆ

"ವಿದೇಶಿ AI ವೇದಿಕೆಗಳ ಮೇಲಿನ ಅತಿಯಾದ ಅವಲಂಬನೆಯು ನಮ್ಮ ದೇಶದ ಅಮೂಲ್ಯ ಡೇಟಾವನ್ನು ರಫ್ತು ಮಾಡಿ, ಕೇವಲ ಜ್ಞಾನ ಅಥವಾ ಬುದ್ಧಿಮತ್ತೆಯನ್ನು ಆಮದು ಮಾಡಿಕೊಳ್ಳುವಂತಹ ಅಪಾಯಕಾರಿ ಪರಿಸ್ಥಿತಿಯನ್ನು ತಂದೊಡ್ಡುತ್ತದೆ."

— ವಿವೇಕ್ ರಾಘವನ್ (TIME ಸಂದರ್ಶನದಲ್ಲಿ)

ಭಾಷಾ ವೈವಿಧ್ಯತೆಯ ಭಾರತಕ್ಕೆ ವಿಶೇಷ AI ಮಾದರಿಗಳು

ಇಂಗ್ಲಿಷ್ ಭಾಷೆಯ ಸಾಂಪ್ರದಾಯಿಕ ಚಾಟ್‌ಬಾಟ್ ನಿರ್ಮಿಸುವುದಕ್ಕಿಂತ ಭಾರತಕ್ಕಾಗಿ AI ನಿರ್ಮಿಸುವುದು ಸಂಪೂರ್ಣ ಭಿನ್ನವಾದ ಸವಾಲಾಗಿದೆ. 22 ಅಧಿಕೃತ ಭಾಷೆಗಳು ಹಾಗೂ ನೂರಾರು ಉಪಭಾಷೆಗಳನ್ನು ಹೊಂದಿರುವ ನಮ್ಮ ದೇಶದಲ್ಲಿ, ಸಂದರ್ಭಕ್ಕೆ ತಕ್ಕಂತೆ ಮಾಹಿತಿಯನ್ನು ಗ್ರಹಿಸುವ ವ್ಯವಸ್ಥೆ ಅತ್ಯಗತ್ಯ. ಸರ್ವಂ AI ಪ್ರಸ್ತುತ ಈ ಕೆಳಗಿನ ಪ್ರಮುಖ ತಾಂತ್ರಿಕ ವಲಯಗಳಲ್ಲಿ ಕಾರ್ಯನಿರ್ವಹಿಸುತ್ತಿದೆ.

ಬಹುಭಾಷಾ ಮಾದರಿಗಳು: ಭಾರತೀಯ ಭಾಷೆಗಳಲ್ಲಿ ತಾರ್ಕಿಕ ಚಿಂತನೆ, ಕೋಡಿಂಗ್ ಮತ್ತು ಗಣಿತೀಯ ಕಾರ್ಯಗಳನ್ನು ನಿರ್ವಹಿಸಬಲ್ಲ ಓಪನ್ ವೈಟ್ ವ್ಯವಸ್ಥೆಗಳು.

ದೃಷ್ಟಿ-ಭಾಷಾ ತಂತ್ರಜ್ಞಾನ (Vision-Language Tech): ಭಾರತೀಯ ಪ್ರಾದೇಶಿಕ ಭಾಷೆಗಳಲ್ಲಿರುವ ದಾಖಲೆಗಳನ್ನು ನಿಖರವಾಗಿ ಪ್ರಕ್ರಿಯೆಗೊಳಿಸುವ ಸುಧಾರಿತ ಮಾದರಿಗಳು.

ಈ ನವೀನ ದೃಷ್ಟಿಕೋನವು ಜಾಗತಿಕ ಹೂಡಿಕೆದಾರರ ಗಮನಸೆಳೆದಿದ್ದು, 2026 ರಲ್ಲಿ ಜಾಗತಿಕ ಟೆಕ್ ದೈತ್ಯ 'ಎನ್‌ವಿಡಿಯಾ' (Nvidia) ಸರ್ವಂ AI ಸಂಸ್ಥೆಯ ಸರಣಿ-B ಫಂಡಿಂಗ್‌ನಲ್ಲಿ ಪ್ರಮುಖ ಕಾರ್ಯತಾಂತ್ರಿಕ ಹೂಡಿಕೆದಾರರಾಗಿ ಪಾಲುದಾರಿಕೆ ಪಡೆದುಕೊಂಡಿದೆ.

ಯುವ ಎಂಜಿನಿಯರ್‌ಗಳಿಗೆ ಪ್ರೇರಣೆ

ವಿವೇಕ್ ರಾಘವನ್ ಅವರ ಈ ಯಶೋಗಾಥೆಯು ಉದಯೋನ್ಮುಖ ಎಂಜಿನಿಯರಿಂಗ್ ಮತ್ತು ತಂತ್ರಜ್ಞಾನ ವಿದ್ಯಾರ್ಥಿಗಳಿಗೆ ಉತ್ತಮ ದಿಕ್ಸೂಚಿಯಾಗಿದೆ. ಒಬ್ಬ ವ್ಯಕ್ತಿಯ ವೃತ್ತಿಜೀವನವನ್ನು ವ್ಯಾಖ್ಯಾನಿಸುವ ತಂತ್ರಜ್ಞಾನಗಳು, ಆ ವೃತ್ತಿಜೀವನ ಪ್ರಾರಂಭವಾದಾಗ ಅಸ್ತಿತ್ವದಲ್ಲೇ ಇರಬೇಕೆಂದಿಲ್ಲ ಎಂಬುದಕ್ಕೆ ಇವರೇ ಸಾಕ್ಷಿ.

ಅವರು ಐಐಟಿ ದೆಹಲಿಯಿಂದ ಪದವಿ ಪಡೆದಾಗ ದೇಶದಲ್ಲಿ 'ಆಧಾರ್' ಕಲ್ಪನೆಯಾಗಲಿ ಅಥವಾ ಇಂದಿನ 'ಜನರೇಟಿವ್ AI' ರೂಪವಾಗಲಿ ಅಸ್ತಿತ್ವದಲ್ಲಿರಲಿಲ್ಲ. ಆದಾಗ್ಯೂ, ಕಂಪ್ಯೂಟಿಂಗ್, ಎಂಜಿನಿಯರಿಂಗ್ ಹಾಗೂ ಸಾರ್ವಜನಿಕ ತಂತ್ರಜ್ಞಾನ ವಲಯದಲ್ಲಿ ದಶಕಗಳ ಕಾಲ ಅವರು ಸಾಧಿಸಿದ ಪರಿಣತಿ, ಇಂದು ಅವರನ್ನು ಭಾರತದ ಎರಡು ಬೃಹತ್ ತಾಂತ್ರಿಕ ಕ್ರಾಂತಿಗಳ ಸಂಗಮದಲ್ಲಿ ತಂದು ನಿಲ್ಲಿಸಿದೆ. 140 ಕೋಟಿಗೂ ಅಧಿಕ ಜನಸಂಖ್ಯೆಯ ಭಾರತಕ್ಕೆ ಸ್ವದೇಶಿ AI ತಂತ್ರಜ್ಞಾನದ ಭವಿಷ್ಯ ರೂಪಿಸುತ್ತಿರುವ ವಿವೇಕ್ ರಾಘವನ್ ಅವರಿಗೆ ಲಭಿಸಿರುವ 'TIME100 AI' ಗೌರವವು ಜಾಗತಿಕ ಮಟ್ಟದಲ್ಲಿ ಭಾರತದ ತಾಂತ್ರಿಕ ಶಕ್ತಿಯನ್ನು ಎತ್ತಿಹಿಡಿದಿದೆ.

17 ಬಾರಿ ಲೇಟ್ ಲಾಗಿನ್, ಇದೇ ಮೊದಲ ಬಾರಿ ಮಾನವ ಉದ್ಯೋಗಿಯನ್ನೇ ಕೆಲಸದಿಂದ ತೆಗೆದ ಎಐ ಬಾಸ್

Chethan Kumar — Sun, 16 Aug 2026 20:30:46 +0530

ಸ್ಯಾನ್ ಫ್ರಾನ್ಸಿಸ್ಕೋ (ಆ.16) ಹಲವು ಕಂಪನಿಗಳು ಎಐ ತಂತ್ರಜ್ಞಾವನ್ನು ಅಳವಡಿಸಿಕೊಳ್ಳುತ್ತಿದೆ. ಎಲ್ಲೆಡೆ ಎಐ ಟೆಕ್ ಆವರಿಸಿಕೊಳ್ಳುತ್ತಿರುವ ಕಾರಣ ಉದ್ಯೋಗ ಕಡಿತಗಳು ನಡೆಯುತ್ತಿದೆ. ಹಲವರ ಕೆಲಸಗಳನ್ನು ಆರ್ಟಿಫೀಶಿಯಲ್ ಇಂಟಲಿಜೆನ್ಸ್ ಸುಲಭವಾಗಿ ಮಾಡುತ್ತಿದೆ. ಇದೀಗ ಅಚ್ಚರಿ ಘಟನೆಯೊಂದು ನಡೆದಿದೆ. ಹೀಗೆ ಇಡೀ ವ್ಯವಹಾರ ನೋಡಿಕೊಳ್ಳಲು ಎಐ ಬಾಸ್ ಇನ್‌ಸ್ಟಾಲ್ ಮಾಡಲಾಗಿತ್ತು. ಓರ್ವ ಮಾನವ ಉದ್ಯೋಗಿ 17 ಬಾರಿ ತಡವಾಗಿ ಕೆಲಸಕ್ಕೆ ಹಾಜರಾದ ಕಾರಣ ಕೆಲದಿಂದ ಕಿತ್ತು ಹಾಕಿದ ಘಟನೆ ಅಮೆರಿಕ ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿ ನಡೆದಿದೆ.

ಸೂಪರ್ ಮಾರ್ಕೆಟ್‌ನಲ್ಲಿ ಎಐ ಟೆಕ್, ಅಚ್ಚರಿ ಫಲಿತಾಂಶ

ಸ್ಯಾನ್ ಫ್ರಾನ್ಸಿಸ್ಕೋದ ಆ್ಯಂಡನ್ ಲ್ಯಾಬ್ಸ್ ಸ್ಥಾಪಿಸಿದ ಆ್ಯಂಡನ್ ಸೂಪರ್ ಮಾರ್ಕೆಟ್ ಅತ್ಯಾಧುನಿಕ ತಂತ್ರಜ್ಞಾನ ಹೊಂದಿದೆ. ಕಾರಣ ಇಲ್ಲಿ ಜನರು ತಮಗೆ ಬೇಕಾದ ವಸ್ತುಗಳನ್ನು ಕಾರ್ಟ್ ಮೂಲಕ ತಂದು ಬಿಲ್ಲಿಂಗ್ ಕೌಂಟರ್ ಬಾಕ್ಸ್‌ನಲ್ಲಿ ಇಟ್ಟರೆ ಸಾಕು. ಎಐ ತಂತ್ರಜ್ಞಾನ ಎಲ್ಲಾ ವಸ್ತುಗಳ ಸ್ಕ್ಯಾನ್ ಮಾಡಿ ಬಿಲ್ ನೀಡಲಿದೆ. ನೀವು ಪಾವತಿಸಿದ ಬೆನ್ನಲ್ಲೇ ಕೆಲವೇ ಕ್ಷಣದಲ್ಲಿ ವಸ್ತುಗಳು ಪ್ಯಾಕ್ ಆಗಿ ಕೈಸೇರಲಿದೆ. ಸೂಪರ್ ಮಾರ್ಕೆಟ್ ಆಡಳಿತ, ಉತ್ಪನ್ನಗಳು, ಸ್ಟಾಕ್ಸ್, ಬೆಲೆ, ಸಿಬ್ಬಂದಿಗಳ ನೇಮಕಾತಿ, ವೇತನ, ಕಂಪನಿ ಲಾಭ ಸೇರಿದಂತೆ ಎಲ್ಲಾ ಲೆಕ್ಕಾಚಾರವನ್ನು ಲೂನಾ ಅನ್ನೋ ಎಐ ಎಜೆಂಟ್ ಮ್ಯಾನೇಜರ್‌ಗೆ ನೀಡಲಾಗಿತ್ತು. ಈ ಸೂಪರ್ ಮಾರ್ಕೆಟ್‌ಗಾಗಿ ಲೂನಾ ಎಐ ಎಜೆಂಟ್ ಕೋಡಿಂಗ್ ಮೂಲಕ ಅಭಿವೃದ್ಧಿಪಡಿಸಲಾಗಿತ್ತು. ಆ್ಯಂಥ್ರೋಪಿಕ್‌ನ ಕ್ಲಾಡ್ ಎಐ ಮಾದರಿ ಮೂಲಕ ಲೂನಾ ಎಐ ಅಭಿವೃದ್ಧಿಪಡಿಸಲಾಗಿತ್ತು.

ಎಐ ಮ್ಯಾನೇಜರ್‌ನಿಂದ ಕ್ರಮ

ಆ್ಯಂಡನ್ ಸೂಪರ್ ಮಾರ್ಕೆಟ್‌ನಲ್ಲಿ ಕೆಲಸ ಮಾಡುತ್ತಿದ್ದ ಮಾನವ ಉದ್ಯೋಗಿ ತನ್ನ ಶಿಫ್ಟ್‌ಗೆ ಹಲವು ಬಾರಿ ಲೇಟ್ ಆಗಿ ಆಗಮಿಸಿದ್ದಾನೆ. ಇದನ್ನು ಎಐ ಮ್ಯಾನೇಜರ್ ಲೂನಾಾ ಗಮನಿಸಿ ಇಮೇಲ್ ಮೂಲಕ ಸಂದೇಶ ನೀಡಿದೆ. 23 ದಿನಗಳ ಶಿಫ್ಟ್‌ನಲ್ಲಿ 17 ದಿನ ಲೇಟ್ ಆಗಿ ಆಗಮಿಸಿದ್ದಾನೆ. ಒಂದು ತಿಂಗಳು ನೋಡಿದ ಎಐ ಮ್ಯಾನೇಜರ್ ನೇರವಾಗಿ ಉದ್ಯೋಗಿಯನ್ನು ವಜಾ ಮಾಡಿದೆ. ಹಾಜರಾತಿ ಕುರಿತು ಮಾನವ ಆಡಳಿತ ಮೇಲ್ವಿಚಾರಕರು ಗಮನಹರಿಸುವಂತೆ ಲೂನಾ ಎಐ ಮ್ಯಾನೇಜರ್‌ಗೆ ಪ್ರಾಂಪ್ಟ್ ನೀಡಲಾಗಿತ್ತು. ಇದರ ಬೆನ್ನಲ್ಲೇ ಸುದೀರ್ಘ ವರದಿ ನೀಡಿ ಉದ್ಯೋಗಿಯನ್ನು ಎಐ ಲೂನಾ ಬಾಸ್ ವಜಾ ಮಾಡಿದೆ.

ಉದ್ಯೋಗಿಯ ಪಂಚಿಂಗ್ ಸೇರಿದಂತೆ ಎಲ್ಲಾ ಇತರ ಸೌಲಭ್ಯಗಳನ್ನು ಲೂನಾ ಎಐ ಮ್ಯಾನೇಜರ್ ನಿರ್ಬಂಧಿಸಿದೆ. ಇದೇ ಮೊದಲ ಬಾರಿಗೆ ಎಐ ಒಂದು ಮಾನವನ್ನೇ ಉದ್ಯೋಗಿಂದ ವಜಾ ಮಾಡಿದೆ. ಹೀಗೇ ಹೋದರೆ ಕಂಪನಿ ಸಂಸ್ಥಾಪಕನನ್ನೇ ಹೊರಗೆ ಹಾಕಬಹುದು ಎಂದು ಹಲವರು ಟ್ರೋಲ್ ಮಾಡಿದ್ದಾರೆ.

ಉಸೇನ್ ಬೋಲ್ಟ್ ಸ್ಪೀಡ್ ದಾಖಲೆ ಮುರಿದ ಚೀನಾ ರೋಬೋಟ್, ಇನ್ನು ಏನೆಲ್ಲಾ ಸಾಧ್ಯ ಪ್ರಶ್ನಿಸಿದ ನೆಟ್ಟಿಗರು

Chethan Kumar — Thu, 20 Aug 2026 14:39:21 +0530

ಬೀಜಿಂಗ್(ಆ.20) ವಿಶ್ವದ ಅತೀ ವೇಗದ ಓಟಾಗರ ಎಂದೇ ಖ್ಯಾತಿಗೊಂಡಿರುವ ಉಸೇನ್ ಬೋಲ್ಟ್ ನಿವೃತ್ತಿಯಾಗಿ ವರ್ಷಗಳೇ ಉರುಳಿದಿದೆ. ಆದರೆ ಉಸೇನ್ ಬೋಲ್ಟ್ ವೇಗ ದಾಖಲೆಯನ್ನು ಯಾರಿಗೂ ಮುರಿಯಲು ಸಾಧ್ಯವಾಗಿಲ್ಲ. 8 ಬಾರಿ ಒಲಿಂಪಿಕ್ ಚಿನ್ನದ ಪದಕ ಸಾಧನೆ ಮಾಡಿರುವ ಉಸೇನ್ ಬೋಲ್ಟ್ ದಾಖಲೆಯನ್ನು ಚೀನಾದ ಸೂಪರ್ ಮ್ಯಾನ್ ರೋಬೋಟ್ ಮುರಿದಿದೆ. ಕೇವಲ 3 ತಿಂಗಳಲ್ಲಿ ಅಭಿವೃದ್ಧಿ ಮಾಡಿದ ಈ ರೋಬೋಟೋ ಸೆಕೆಂಡ್‌ಗೆ 12.66 ಮೀಟರ್ ವೇಗದಲ್ಲಿ ಓಡಿ ದಾಖಲೆ ಬರೆದಿದೆ.

ಉಸೇನ್ ಬೋಲ್ಡ್ ದಾಖಲೆ ಉಡೀಸ್

2009ರಲ್ಲಿ 100 ಮೀಟರ್ ಓಟದಲ್ಲಿ ಉಸೇನ್ ಬೋಲ್ಡ್ ಹೊಸ ದಾಖಲೆ ನಿರ್ಮಿಸಿದ್ದರು. ಉಸೇನ್ ಬೋಲ್ಡ್ ಪ್ರತಿ ಸೆಕೆಂಡ್‌‍ಗೆ 12.42 ಮೀಟರ್ ವೇಗದಲ್ಲಿ ಓಡಿದ್ದರು. ಇದೀಗ ಸೂಪರ್‌ಮ್ಯಾನ್ ರೋಬೋಟ್ 12.66 ಮೀಟರ್ ವೇಗದಲ್ಲಿ ಓಡಿ ಹೊಸ ದಾಖಲೆ ಬರೆದಿದೆ. ಈ ಮೂಲಕ ರೋಬೋಟ್ ಇದೀಗ ಕ್ರೀಡಾ ಸಾಧಕರಿಗೆ ಸವಾಲು ಹಾಕಿದೆ.

ರೋಬೋಟೋ ಸಂಸ್ಥೆಯ ಮಾಹಿತಿ ಪ್ರಕಾರ ರೋಬೋಟ್ ಗರಿಷ್ಠ ವೇಗ 100 ಕಿಲೋಮೀಟರ್ ಪ್ರತಿ ಗಂಟೆಗೆ ಓಡುವ ಸಾಮರ್ಥ್ಯ ಹೊಂದಿದೆ. ಪರೀಕ್ಷಾರ್ಥವಾಗಿ ಓಡಿಸಿದಾಗಲೇ ಉಸೇನ್ ಬೋಲ್ಟ್ ದಾಖಲೆನ್ನು ಮುರಿಯಲಾಗಿದೆ. ಉಸೇನ್ ಬೋಲ್ಟ್ ಪ್ರತಿ ಗಂಟೆಗೆ 44.74 ಕಿಲೋಮೀಟರ್ ವೇಗದಲ್ಲಿ ಓಡಬಲ್ಲರು. ವಿಶೇಷ ಅಂದರೆ ಅದೆಷ್ಟ ವೇಗವಾಗಿ ಓಡಿದರೂ ರೋಬೋಟ್ ಲಯ, ಸಮತೋಲನ ತಪ್ಪದಂತೆ ರೋಬೋಟ್ ವಿನ್ಯಾಸ ಮಾಡಲಾಗಿದೆ. ಹಗರು ಹಾಗೂ ಬಲಿಷ್ಠ ಕಾರ್ಬನ್ ಫೈಬರ್ ಬಾಡಿಯನ್ನು ಎಲೆಕ್ಟ್ರಿಕ್ ಮೋಟಾರ್ ಜೊತೆ ಜೋಡಿಸಲಾಗಿದೆ. ರೋಬೋ ಚಿಪ್‌ಗಳು ಬಾಡಿ ಸಮತೋಲನ ಮಾಡಿಕೊಂಡು ಮೋಟಾರ್‌ಗೆ ಶಕ್ತಿ ನೀಡುತ್ತದೆ. ಈ ಮೂಲಕ ವೇಗದ ಸಾಮರ್ಥ್ಯ ಹೆಚ್ಚಿಸುತ್ತದೆ ಎಂದು ರೋಬೋಟ್ ಕಂಪನಿ ಹೇಳಿದೆ. ಇದು 3 ತಿಂಗಳಲ್ಲಿ ಪ್ರಾಯೋಗಿಕವಾಗಿ ತಯಾರಿಸಿದ ರೋಬೋಟ್. ಈ ರೋಬೋಟ್ ಮತ್ತಷ್ಟು ಅಭಿವೃದ್ಧಿಪಡಿಸಲಾಗುತ್ತದೆ ಎಂದು ಸಂಸ್ಥೆ ಹೇಳಿದೆ.

ಆರ್ಟಿಫೀಶಿಯಲ್ ಇಂಟಲಿಜೆನ್ಸ್ ತಂತ್ರಜ್ಞಾನ ಮೂಲಕ ಸ್ಮಾರ್ಟ್ ಬ್ಯಾಲೆನ್ಸಿಂಗ್ ಮಾಡಲಾಗಿದೆ. ಎಐ ಆಲ್ಗಾರಿದಂಗಳನ್ನು ಬಳಸಲಾಗಿದೆ. ಇನ್ನೂ ಭೂಮಿಯ ಮೇಲ್ಮೈ ಯಾವುದೇ ರೀತಿ ಇದ್ದರೂ ಬ್ಯಾಲೆನ್ಸ್ ತಪ್ಪದಂತೆ ಕಾಲಿನ ಚಲನೆ ಹೊಂದಿಸಿಕೊಳ್ಳುವ ಎಐ ತಂತ್ರಜ್ಞಾನ ಹೊಂದಿದೆ. ಈ ರೋಬೋಟ್ ದಾಖಲೆ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ಚರ್ಚೆಯಾಗುತ್ತಿದೆ. ಮಾನವನ ಮೀರಿಸಿದ ತಂತ್ರಜ್ಞಾನಗಳು ಅಪಾಯಕ್ಕೆ ಆಹ್ವಾನ ಎಂದು ಹಲವರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಮನುಷ್ಯನ ಗಡಿ ಮೀರಿ ತಂತ್ರಜ್ಞಾನಗಳು ಸಾಗುತ್ತಿದೆ. ಮುಂದಿನ ದಿನಗಳಲ್ಲಿ ಅಪಾಯದ ಸನ್ನಿವೇಶ ಸೃಷ್ಟಿಯಾಗಲಿದೆ ಎಂದು ಎಚ್ಚರಿಸಿದ್ದಾರೆ. ಇದೇ ವೇಳೆ ಹಲವರು ಭಾರಿ ಮೆಚ್ಚುಗೆ ಸೂಚಿಸಿದ್ದಾರೆ.

ಚೀನಾದಲ್ಲಿ ಎಐ ಹಾಗೂ ರೋಬೋಟಿಕ್ ಕ್ರಾಂತಿಯಾಗುತ್ತಿದೆ. ಅಮೆರಿಕ ಟೆಸ್ಲಾ, ಬೋಸ್ಟನ್ ಡೈನಾಮಿಕ್ ಸಂಸ್ಥೆಗಳಿಗೆ ಚೀನಾ ಪೈಪೋಟಿ ನೀಡುತ್ತಿದೆ. ಚೀನಾದಲ್ಲಿನ ರೋಬೋಟಿಕ್ ತಂತ್ರಜ್ಞಾನ ವಿಶ್ವಕ್ಕೆ ಸವಾಲು ಹಾಕುತ್ತಿದೆ. ತಂತ್ರಜ್ಞಾನವನ್ನು ಅತ್ಯಂತ ಪರಿಣಾಮಕಾರಿಯಾಗಿ ಚೀನಾ ಬಳಸಿಕೊಳ್ಳುತ್ತಿದೆ.

ChatGPT Regulation: ಚಾಟ್‌ಜಿಪಿಟಿ ಬಳಸೋರೇ ಗಮನಿಸಿ! EU ತಂದ ಹೊಸ ನಿಯಮದಿಂದ AI ಜಗತ್ತಿನಲ್ಲಿ ಸಂಚಲನ, ಇನ್ನು ಮನಬಂದಂತೆ ಉತ್ತರಿಸುವಂತಿಲ್ಲ!

Ravi Janekal — Mon, 31 Aug 2026 23:05:36 +0530

ChatGPT Regulation ಯುರೋಪಿಯನ್ ಯೂನಿಯನ್ ತನ್ನ ಡಿಜಿಟಲ್ ಸೇವೆಗಳ ಕಾಯ್ದೆಯಡಿ ChatGPT ಯನ್ನು 'ಅತಿ ದೊಡ್ಡ' ಆನ್‌ಲೈನ್ ಸೇವೆ ಎಂದು ಗುರುತಿಸಿದೆ. ಇದರಿಂದಾಗಿ, ಈ ಕಾಯ್ದೆಯ ಕಠಿಣ ನಿಯಮಗಳನ್ನು ಎದುರಿಸಲಿರುವ ಮೊದಲ AI ಚಾಟ್‌ಬಾಟ್ ಇದಾಗಿದೆ. ರೆಡ್ಡಿಟ್ ಮತ್ತು ರೋಬ್ಲಾಕ್ಸ್ ಕೂಡ ಈ ಪಟ್ಟಿಗೆ ಸೇರಿವೆ.

ಯುರೋಪಿಯನ್ ಯೂನಿಯನ್‌ನ ಅತ್ಯಂತ ಕಠಿಣ ಆನ್‌ಲೈನ್ ಪ್ಲಾಟ್‌ಫಾರ್ಮ್ ನಿಯಮಗಳ ಅಡಿಯಲ್ಲಿ ತರಲಾದ ಮೊದಲ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ಚಾಟ್‌ಬಾಟ್ ಚಾಟ್‌ಜಿಪಿಟಿ ಆಗಿದೆ. ಸೋಮವಾರ, ಯುರೋಪಿಯನ್ ಕಮಿಷನ್ ಚಾಟ್‌ಜಿಪಿಟಿಯನ್ನು ಡಿಜಿಟಲ್ ಸೇವೆಗಳ ಕಾಯ್ದೆ (DSA) ಅಡಿಯಲ್ಲಿ 'ಅತಿ ದೊಡ್ಡ' ಆನ್‌ಲೈನ್ ಸೇವೆ ಎಂದು ಘೋಷಿಸಿದೆ. AFP ಪ್ರಕಾರ, ಬ್ರಸೆಲ್ಸ್ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ರೆಡ್ಡಿಟ್ ಮತ್ತು ಗೇಮಿಂಗ್ ನೆಟ್‌ವರ್ಕ್ ರೋಬ್ಲಾಕ್ಸ್ ಅನ್ನು ಕೂಡ ಈ ಪಟ್ಟಿಗೆ ಸೇರಿಸಿದೆ. AI ಚಾಟ್‌ಬಾಟ್ ಒಂದನ್ನು ಕಠಿಣ DSA ನಿಯಮಗಳಡಿ ತಂದಿರುವುದು ಇದೇ ಮೊದಲು. 'ಚಾಟ್‌ಜಿಪಿಟಿ, ರೆಡ್ಡಿಟ್ ಮತ್ತು ರೋಬ್ಲಾಕ್ಸ್ ಈಗ ಯುರೋಪಿಯನ್ ಯೂನಿಯನ್‌ನಲ್ಲಿ ಹೆಚ್ಚಿನ ಪರಿಶೀಲನೆ ಮತ್ತು ಜವಾಬ್ದಾರಿಯನ್ನು ಎದುರಿಸಲಿವೆ' ಎಂದು EU ಟೆಕ್ ಮುಖ್ಯಸ್ಥೆ ಹೆನ್ನಾ ವಿರ್ಕುನೆನ್ ಹೇಳಿದ್ದಾರೆ.

ಯುರೋಪಿಯನ್ ಯೂನಿಯನ್‌ನಲ್ಲಿ 45 ದಶಲಕ್ಷಕ್ಕೂ ಹೆಚ್ಚು ಮಾಸಿಕ ಸಕ್ರಿಯ ಬಳಕೆದಾರರನ್ನು ಹೊಂದಿರುವ ಆನ್‌ಲೈನ್ ಪ್ಲಾಟ್‌ಫಾರ್ಮ್‌ಗಳು ಮತ್ತು ಸರ್ಚ್ ಇಂಜಿನ್‌ಗಳಿಗೆ EU ಅತಿ ದೊಡ್ಡ ಸೇವೆ ಪಟ್ಟಿ ನೀಡುತ್ತದೆ. ಚಾಟ್‌ಜಿಪಿಟಿ, ರೆಡ್ಡಿಟ್ ಮತ್ತು ರೋಬ್ಲಾಕ್ಸ್ ಈ ಮಿತಿಯನ್ನು ದಾಟಿವೆ. ಮಾರ್ಚ್ ಅಂತ್ಯದ ವೇಳೆಗೆ, ಚಾಟ್‌ಜಿಪಿಟಿ EU ನಲ್ಲಿ 159 ದಶಲಕ್ಷಕ್ಕೂ ಹೆಚ್ಚು ಬಳಕೆದಾರರನ್ನು ಹೊಂದಿತ್ತು. ಈ AI ಚಾಟ್‌ಬಾಟ್ ಅನ್ನು ಡಿಜಿಟಲ್ ಸೇವೆಗಳ ಕಾಯ್ದೆಯ ವ್ಯಾಪ್ತಿಗೆ ತರಲು, ಯುರೋಪಿಯನ್ ಕಮಿಷನ್ ಚಾಟ್‌ಜಿಪಿಟಿಯನ್ನು ಸರ್ಚ್ ಇಂಜಿನ್ ಎಂದು ವರ್ಗೀಕರಿಸಿದೆ. ಈ ಹೊಸ ನಿಯಮಗಳನ್ನು ಪಾಲಿಸಲು ಚಾಟ್‌ಜಿಪಿಟಿ, ರೆಡ್ಡಿಟ್ ಮತ್ತು ರೋಬ್ಲಾಕ್ಸ್‌ಗೆ ನಾಲ್ಕು ತಿಂಗಳ ಕಾಲಾವಕಾಶವಿದೆ. ಅಕ್ರಮ ವಿಷಯ, ಅಪ್ರಾಪ್ತರ ಮೇಲೆ ಸೇವೆಗಳ ಪರಿಣಾಮ, ಬಳಕೆದಾರರ ಮಾನಸಿಕ ಮತ್ತು ದೈಹಿಕ ಆರೋಗ್ಯ, ಮೂಲಭೂತ ಹಕ್ಕುಗಳು ಮತ್ತು ಚುನಾವಣಾ ಪ್ರಕ್ರಿಯೆಗಳಿಗೆ ಸಂಬಂಧಿಸಿದ ಅಪಾಯಗಳನ್ನು ಕಡಿಮೆ ಮಾಡುವುದು ಇವುಗಳ ಜವಾಬ್ದಾರಿಯಾಗಿದೆ.

ಯುಎಸ್ ಮೂಲದ OpenAI ಅಭಿವೃದ್ಧಿಪಡಿಸಿದ ಚಾಟ್‌ಜಿಪಿಟಿ, ಹೊಸ EU ನಿಯಮಗಳನ್ನು ಪಾಲಿಸಲು ಸಿದ್ಧತೆ ನಡೆಸುತ್ತಿರುವುದಾಗಿ ಹೇಳಿದೆ. ಜರ್ಮನ್ ಟೆಕ್ ಥಿಂಕ್ ಟ್ಯಾಂಕ್ ಇಂಟರ್‌ಫೇಸ್‌ನ ಲೆನಾ-ಮಾರಿಯಾ ಬೋಸ್ವಾಲ್ಡ್, 'OpenAI ಈಗಾಗಲೇ AI ಕಾಯ್ದೆಯಡಿ ರಿಸ್ಕ್-ಮ್ಯಾನೇಜ್‌ಮೆಂಟ್ ಜವಾಬ್ದಾರಿಗಳನ್ನು ಹೊಂದಿದೆ. ಆದರೆ DSA ಅದರ ವ್ಯಾಪ್ತಿಯನ್ನು ಇನ್ನಷ್ಟು ವಿಸ್ತರಿಸಬಹುದು ಎಂದು AFP ಗೆ ತಿಳಿಸಿದ್ದಾರೆ. 2024 ರಲ್ಲಿ ಜಾರಿಗೆ ಬಂದ EU ನ ಪ್ರತ್ಯೇಕ AI ಕಾಯ್ದೆಯ ನಿಯಮಗಳನ್ನು ಹಂತಹಂತವಾಗಿ ಪರಿಚಯಿಸಲಾಗುತ್ತಿದೆ. ಈಗ ಚಾಟ್‌ಜಿಪಿಟಿಯನ್ನು DSA ಯ ಕಠಿಣ ವರ್ಗಕ್ಕೆ ಸೇರಿಸಿರುವುದರಿಂದ, OpenAI ಎರಡು ಪ್ರಮುಖ EU ನಿಯಂತ್ರಕ ಚೌಕಟ್ಟುಗಳನ್ನು ನಿಭಾಯಿಸಬೇಕಾಗುತ್ತದೆ.

ರೋಬ್ಲಾಕ್ಸ್ ಮತ್ತು ರೆಡ್ಡಿಟ್ ಅನ್ನು ಕೂಡ DSA ಅಡಿಯಲ್ಲಿ ಅತಿ ದೊಡ್ಡ ಆನ್‌ಲೈನ್ ಪ್ಲಾಟ್‌ಫಾರ್ಮ್‌ಗಳೆಂದು ಗುರುತಿಸಲಾಗಿದೆ. ಮಕ್ಕಳು ಮತ್ತು ಹದಿಹರೆಯದವರಲ್ಲಿ ಹೆಚ್ಚು ಜನಪ್ರಿಯವಾಗಿರುವ ರೋಬ್ಲಾಕ್ಸ್, ಈ ಮಾನ್ಯತೆ ಪಡೆದ 'ಮೊದಲ ಗೇಮಿಂಗ್ ಪ್ಲಾಟ್‌ಫಾರ್ಮ್' ಎಂದು ಹೆಮ್ಮೆ ವ್ಯಕ್ತಪಡಿಸಿದೆ.

ಕಂಪನಿಯು ಯುರೋಪಿಯನ್ ಯೂನಿಯನ್‌ನಲ್ಲಿ 46.6 ದಶಲಕ್ಷ ಸಕ್ರಿಯ ಆಟಗಾರರನ್ನು ಹೊಂದಿದೆ ಎಂದು ಹೇಳಿದೆ. 'ಸುರಕ್ಷತೆಯೇ ನಮ್ಮ ಮೂಲಾಧಾರ ಮತ್ತು ಯುರೋಪಿಯನ್ ಕಮಿಷನ್ ಜೊತೆಗಿನ ನಮ್ಮ ರಚನಾತ್ಮಕ ಸಹಯೋಗವನ್ನು ಮುಂದುವರಿಸಲು ನಾವು ಎದುರು ನೋಡುತ್ತಿದ್ದೇವೆ' ಎಂದು ರೋಬ್ಲಾಕ್ಸ್‌ನ ಯುರೋಪ್ ಜನರಲ್ ಮ್ಯಾನೇಜರ್ ಜೂಸ್ಟ್ ಹಗೆಸ್ಟೀಜ್ನ್ ಹೇಳಿದ್ದಾರೆ. ರೆಡ್ಡಿಟ್ EU ನಲ್ಲಿ 57 ದಶಲಕ್ಷಕ್ಕೂ ಹೆಚ್ಚು ಬಳಕೆದಾರರನ್ನು ಹೊಂದಿದೆ ಎಂದು ವರದಿ ಮಾಡಿದೆ.

ಈ ಹೊಸ ಸೇರ್ಪಡೆಗಳೊಂದಿಗೆ, ಯುರೋಪಿಯನ್ ಯೂನಿಯನ್ ವಿಶ್ವದ ಅತಿದೊಡ್ಡ ಟೆಕ್ ಕಂಪನಿಗಳ ವಿರುದ್ಧ ತನ್ನ ಜಾರಿ ಕ್ರಮವನ್ನು ಬಿಗಿಗೊಳಿಸುತ್ತಿದೆ. ಸುಮಾರು 30 ಸೇವೆಗಳು ಈಗ ಡಿಜಿಟಲ್ ಸೇವೆಗಳ ಕಾಯ್ದೆಯಡಿ ಹೆಚ್ಚಿನ ಪರಿಶೀಲನೆಗೆ ಒಳಪಟ್ಟಿವೆ. ಈ ಪಟ್ಟಿಯಲ್ಲಿ ಗೂಗಲ್, ಆಪಲ್, ಮೈಕ್ರೋಸಾಫ್ಟ್, ಟಿಕ್‌ಟಾಕ್, ಎಕ್ಸ್, ಅಮೆಜಾನ್ ಮತ್ತು ಶೀನ್‌ನಂತಹ ಪ್ರಮುಖ ಟೆಕ್ ಕಂಪನಿಗಳ ಪ್ಲಾಟ್‌ಫಾರ್ಮ್‌ಗಳು ಸೇರಿವೆ. ವಿಕಿಪೀಡಿಯಾ ಮತ್ತು ಹಲವಾರು ವಯಸ್ಕರ ವೆಬ್‌ಸೈಟ್‌ಗಳು ಸಹ ಈ ಕಠಿಣ ಚೌಕಟ್ಟಿನ ವ್ಯಾಪ್ತಿಗೆ ಬರುತ್ತವೆ. ನಿಯಮಗಳನ್ನು ಉಲ್ಲಂಘಿಸಿದ ಕಂಪನಿಗಳಿಗೆ ತಮ್ಮ ವಾರ್ಷಿಕ ಜಾಗತಿಕ ವಹಿವಾಟಿನ ಶೇಕಡಾ ಆರರಷ್ಟು ದಂಡ ವಿಧಿಸಬಹುದು. ಗಂಭೀರ ಮತ್ತು ಪುನರಾವರ್ತಿತ ಉಲ್ಲಂಘನೆಗಳ ಸಂದರ್ಭದಲ್ಲಿ, ಕಂಪನಿಯು ಯುರೋಪ್‌ನಲ್ಲಿ ಕಾರ್ಯನಿರ್ವಹಿಸುವುದಕ್ಕೆ ನಿರ್ಬಂಧಗಳನ್ನು ಎದುರಿಸಬೇಕಾಗಬಹುದು.

ಚಾಟ್‌ಜಿಪಿಟಿಯ ಈ ಹೊಸ ನಿಯಂತ್ರಣವನ್ನು ಜಗತ್ತಿನಾದ್ಯಂತ ಸರ್ಕಾರಗಳು ಮತ್ತು ತಂತ್ರಜ್ಞಾನ ಕಂಪನಿಗಳು ಸೂಕ್ಷ್ಮವಾಗಿ ಗಮನಿಸುವ ಸಾಧ್ಯತೆಯಿದೆ. ಈ ನಿರ್ಧಾರವು ದೊಡ್ಡ AI ಸಿಸ್ಟಮ್‌ಗಳನ್ನು ಕೇವಲ ತಂತ್ರಜ್ಞಾನವಾಗಿ ನೋಡದೆ ಅವುಗಳನ್ನು ಪ್ರಬಲ ಡಿಜಿಟಲ್ ಸೇವೆಗಳೆಂದು ಪರಿಗಣಿಸಲಾಗುತ್ತಿದೆ ಎಂಬುದನ್ನು ಸೂಚಿಸುತ್ತದೆ.

ಯುರೋಪಿಯನ್ ಯೂನಿಯನ್‌ಗೆ ಇದು ಡಿಜಿಟಲ್ ಮತ್ತು AI ಪ್ಲಾಟ್‌ಫಾರ್ಮ್‌ಗಳ ಮೇಲೆ ಹೆಚ್ಚಿನ ಜವಾಬ್ದಾರಿ ಹೊರಿಸುವ ನಿಟ್ಟಿನಲ್ಲಿ ಒಂದು ಪ್ರಮುಖ ಹೆಜ್ಜೆಯಾಗಿದೆ. OpenAI ಮತ್ತು ಇತರ AI ಕಂಪನಿಗಳಿಗೆ, ಮುಂದಿನ ಕೆಲವು ತಿಂಗಳುಗಳು ನಿರ್ಣಾಯಕವಾಗಿರಲಿವೆ.

15 ಪ್ರೀಮಿಯಂ ಒಟಿಟಿ, 1000ಕ್ಕೂ ಹೆಚ್ಚು ಲೈವ್ ಟಿವಿಯ ಜಿಯೋ OTT ಪಾಸ್ ವಿಸ್ತರಣೆ ಆಫರ್

Chethan Kumar — Sat, 08 Aug 2026 16:03:23 +0530

ನವದೆಹಲಿ (ಆ.08) ವೆಬ್ ಸಿರೀಸ್, ಸಿನಿಮಾ, ಲೈವ್ ಸ್ಪೋರ್ಟ್ಸ್ ಸೇರಿದಂತೆ ಹತ್ತು ಹಲವು ಭಿನ್ನ ವೀಕ್ಷಕರಿಗೆ ಬೇರೇ ಬೇರೆಯಾಗಿ ರೀಚಾರ್ಜ್, ಪ್ರತಿ ಚಾನೆಲ್‌ಗೆ ರೀಚಾರ್ಜ್ ಮಾಡುವ ಪದ್ಥತಿ ಹೋಗಿದೆ. ಈಗ ಡೇಟಾ ಕನೆಕ್ಷನ್ ಜೊತೆ ಅತೀ ಕಡಿಮೆ ಬೆಲೆಯಲ್ಲಿ ಲೈವ್ ಟಿವಿ, ಒಟಿಟಿ, ಲೈವ್ ಸ್ಪೋರ್ಟ್ಸ್, ಹೈಸ್ಪೀಡ್ ಡೇಟಾ ಸೇರಿದಂತೆ ಎಲ್ಲಾ ಸೌಲಭ್ಯಗಳು ಸಿಗುತ್ತಿದೆ. ಈ ನಿಟ್ಟಿನಲ್ಲಿ ಮುಂಚೂಣಿಯಲ್ಲಿರುವ ಜಿಯೋ ಇದೀಗ ತನ್ನ ಒಟಿಟಿ ಪಾಸ್ ವ್ಯಾಪ್ತಿ ವಿಸ್ತರಣೆ ಮಾಡಿದೆ.

ಜಿಯೋ ಗ್ರಾಹಕರಿಗೆ ದೀರ್ಘಾವಧಿಯ ಒಟಿಟಿ-ಪಾಸ್‌ಗಳು ಈಗ ಲಭ್ಯವಿವೆ. ಮೂರು ತಿಂಗಳ ಮತ್ತು ಒಂದು ವರ್ಷದ ಹೊಸ ಪ್ಲಾನ್‌ಗಳನ್ನು ಪರಿಚಯಿಸಲಾಗಿದೆ. ಎಲ್ಲಾ ಮೂರು ಪಾಸ್‌ಗಳು ಜಿಯೋ ಟಿವಿಯಲ್ಲಿ ಹೈಸ್ಪೀಡ್ ಡೇಟಾ, ಅನಿಯಮಿತ 5 ಜಿ, 15 ಪ್ರೀಮಿಯಂ ಒಟಿಟಿ ಅಪ್ಲಿಕೇಶನ್ ಗಳು ಮತ್ತು 1,000 ಕ್ಕೂ ಹೆಚ್ಚು ಲೈವ್ ಟಿವಿ ಚಾನೆಲ್‌ಗಳಿಗೆ ಪ್ರವೇಶವನ್ನು ಪಡೆಯುತ್ತವೆ. ಹೊಸ ಒಟಿಟಿ-ಪಾಸ್ ಒಂದು ವರ್ಷದ ಸಕ್ರಿಯ ಬೇಸ್ ಪ್ಲಾನ್ ಹೊಂದಿರುವ ಗ್ರಾಹಕರಿಗಾಗಿ ಇರುತ್ತದೆ. ಇದರಲ್ಲಿ ವಾಯ್ಸ್ ಓನ್ಲಿ ಪ್ಲಾನ್ ಸೇರಿಸಲಾಗಿಲ್ಲ.

ಜಿಯೋ ಆಫರ್

ದೀರ್ಘಾವಧಿಯ ಪಾಸ್ ತೆಗೆದುಕೊಳ್ಳುವಾಗ ಗ್ರಾಹಕರಿಗೆ ವೆಚ್ಚವೂ ಕಡಿಮೆಯಾಗುತ್ತದೆ. ಗ್ರಾಹಕರು ಮೊದಲ 200 ರೂಪಾಯಿ, 28 ದಿನಗಳ ಪಾಸ್ ಮೂರು ಬಾರಿ ತೆಗೆದುಕೊಂಡಿದ್ದರೆ, ಅವರು 84 ದಿನಗಳಿಗೆ 600 ರೂ.ಗಳನ್ನು ಖರ್ಚು ಮಾಡಬೇಕಾಗಿತ್ತು, ಆದರೆ ಹೊಸ 84 ದಿನಗಳ ಪಾಸ್ 550 ರೂ. ಅಂದರೆ ನೇರ 50 ರೂಪಾಯಿ ಉಳಿತಾಯ. ಈಗ ವರ್ಷದ ಪಾಸ್‌ಗಾಗಿ 2400 ರೂ.ಗಳ ಬದಲು 2000 ರೂ.ಗಳನ್ನು ಮಾತ್ರ ಖರ್ಚು ಮಾಡಬೇಕಾಗುತ್ತದೆ. ಅಂದರೆ ಮೊದಲಿಗಿಂತ 400 ರೂಪಾಯಿ ಕಡಿಮೆ. ಈ ಅವಧಿಯಲ್ಲಿ ಡೇಟಾವು ಸಹ ಹೆಚ್ಚಾಗುತ್ತದೆ. 200 ರೂ.ಗಳ ಪಾಸ್‌ಗೆ 30 ಜಿಬಿ, 550 ರೂ.ಗಳ ವಾರ್ಷಿಕ ಪಾಸ್‌ಗೆ 90 ಜಿಬಿ ಮತ್ತು ವಾರ್ಷಿಕ 2,000 ರೂ.ಗಳ ಪಾಸ್‌ಗೆ 365 ಜಿಬಿ ಹೈಸ್ಪೀಡ್ ಡೇಟಾ ಸಿಗುತ್ತದೆ.

ಪ್ರೀಮಿಯಂ ಪ್ಯಾಕೇಜ್

ಒಟಿಟಿ ಪ್ಯಾಕೇಜ್‌ನಲ್ಲಿ ಯೂಟ್ಯೂಬ್ ಪ್ರೀಮಿಯಂ, ಜಿಯೋ ಹಾಟ್‌ಸ್ಟಾರ್ ಮೊಬೈಲ್ + ಹಾಲಿವುಡ್ ಮತ್ತು ಅಮೆಜಾನ್ ಪ್ರೈಮ್ ಸೇರಿವೆ. ಅಮೆಜಾನ್ ಪ್ರೈಮ್ ಲೈಟ್ ಸದಸ್ಯತ್ವವು 550 ಮತ್ತು 2,000 ರೂ.ಗೆ ಲಭ್ಯವಿದ್ದರೆ, ಅಮೆಜಾನ್ ಪ್ರೈಮ್ ವಿಡಿಯೋ ಮೊಬೈಲ್ ಆವೃತ್ತಿ 200 ರೂ.ಗೆ ಲಭ್ಯವಿರುತ್ತದೆ. ಇದಲ್ಲದೆ, ಗ್ರಾಹಕರು ಸೋನಿಲಿವ್, ಝೀ 5, ಲಯನ್ಸ್ ಗೇಟ್ ಪ್ಲೇ, ಡಿಸ್ಕವರಿ +, ಸನ್ ಎನ್‌ಎಕ್ಸ್‌ಟಿ, ಫ್ಯಾನ್ ಕೋಡ್, ಹೋಯ್ಚೋಯ್, ಚೌಪಾಲ್, ಪ್ಲಾನೆಟ್ ಮರಾಠಿ, ಕಾಂಚ ಲನ್ನಕಾ, ಟೈಮ್ಸ್ ಪ್ಲೇ ಮತ್ತು ತರಂಗ್ ಪ್ಲಸ್‌ ಸಹ ಬಳಸಬಹುದು.

1000ಕ್ಕೂ ಹೆಚ್ಚು ಲೈವ್ ಟಿವಿ

ಜಿಯೋ ಟಿವಿಯಲ್ಲಿ 1,000 ಕ್ಕೂ ಹೆಚ್ಚು ಲೈವ್ ಟಿವಿ ಚಾನೆಲ್‌ಗಳನ್ನು ವೀಕ್ಷಿಸಬಹುದು. ಇವುಗಳಲ್ಲಿ ಸ್ಟಾರ್ ಪ್ಲಸ್ ಎಚ್‌ಡಿ, ಕಲರ್ಸ್ ಎಚ್‌ಡಿ, ಸೆಟ್ ಎಚ್‌ಡಿ, ಸನ್ ಟಿವಿ ಎಚ್‌ಡಿ, ಡಿಸ್ಕವರಿ ಮತ್ತು ಕಾರ್ಟೂನ್ ನೆಟ್ ವರ್ಕ್ ನಂತಹ ಚಾನೆಲ್ ಗಳು ಸೇರಿವೆ. ಕಂಪನಿಯ ಪ್ರಕಾರ, ಈ ಪ್ಯಾಕೇಜ್ ಗ್ರಾಹಕರಿಗೆ ಪ್ರತಿ ತಿಂಗಳು 1,500 ರೂ.ಗಿಂತ ಹೆಚ್ಚಿನ ಮೌಲ್ಯದ ಮನರಂಜನಾ ಪ್ರಯೋಜನಗಳನ್ನು ನೀಡುತ್ತದೆ. ಹೊಸ 550 ಮತ್ತು 2,000 ರೂ.ಗಳ ಒಟಿಟಿ-ಪಾಸ್‌ಗಳು ಆಗಸ್ಟ್ 7 ರಿಂದ ಮೈಜಿಯೋ ಆ್ಯಪ್, ಜಿಯೋ ವೆಬ್‌ಸೈಟ್ ಮತ್ತು ಅಧಿಕೃತ ರಿಟೇಲ್ ಮಳಿಗೆಗಳಲ್ಲಿ ಲಭ್ಯವಿದೆ.

ಸೋಶಿಯಲ್ ಮೀಡಿಯಾ ಇನ್‌ಫ್ಲುಯೆನ್ಸರ್ ಆಗಬೇಕಾ? ವಿಶ್ವವಿದ್ಯಾಲಯದಲ್ಲಿ ಡಿಗ್ರಿ ಕೋರ್ಸ್ ಶುರು

Chethan Kumar — Fri, 14 Aug 2026 22:58:03 +0530

ಎಲ್ಲರೂ ಈಗ ಸೋಶಿಯಲ್ ಮೀಡಿಯಾ ಇನ್‌ಫ್ಲುಯೆನ್ಸರ್, ಎಲ್ಲರೂ ಈಗ ಯೂಟ್ಯೂಬರ್. ಈ ಮಾತನ್ನು ಹಲವು ಬಾರಿ ಕೇಳಿರುತ್ತಿರಿ. ಕಾರಣ ಎಲ್ಲರೂ ಇದೀಗ ಯೂಟ್ಯೂಬ್, ಫೇಸ್‌ಬುಕ್, ಇನ್‌ಸ್ಟಾಗ್ರಾಂ ಮೂಲಕ ಕಂಟೆಂಟ್ ಕ್ರಿಯೇಟ್ ಮಾಡುತ್ತಿದ್ದಾರೆ. ಕೆಲವರು ಆದಾಯಗಳಿಸುತ್ತಿದ್ದರೆ, ಮತ್ತೆ ಹಲವರು ಮಾನಿಟೈಸೇಶನ್‌ಗಾಗಿ ಸತತ ಪ್ರಯತ್ನ ಪಡುತ್ತಿದ್ದಾರೆ. ಸೋಶಿಯಲ್ ಮೀಡಿಯಾ ಮೂಲಕ ಲಕ್ಷಾಂತರ ರೂಪಾಯಿ ಗಳಿಸುತ್ತಿರುವ ಮಂದಿಯೂ ಇದ್ದಾರೆ. ತಮ್ಮಿಷ್ಟದಂತೆ ತಿರುಗಾಡುತ್ತಾ, ಆಹಾರ, ಖಾದ್ಯಗಳ ಮಾಡುತ್ತಾ ಹಲವು ರೀತಿಯಲ್ಲಿ ಸೋಶಿಯಲ್ ಮೀಡಿಯಾ ಮೂಲಕ ಹಣಗಳಿಸುತ್ತಿದ್ದಾರೆ. ಇದನ್ನು ನೋಡಿ ಕಂಟೆಂಟ್ ಕ್ರಿಯೇಶನ್, ಸೋಶಿಯಲ್ ಇನ್‌ಫ್ಲುಯೆನ್ಸರ್ ಆಗಲು ಬಯಸಿದ್ದರೆ, ಇದೀಗ ವಿಶ್ವವಿದ್ಯಾಲಯದಲ್ಲಿ ಪ್ರತ್ಯೇಕ ಡಿಗ್ರಿ ಕೋರ್ಸ್ ಆರಂಭಗೊಂಡಿದೆ.

ಜರ್ನಲಿಸಂ ಕೋರ್ಸ್ ಆರಂಭ

ವಾಲ್ಟರ್ ಕ್ರೊನ್‌ಕೈಟ್ ಸ್ಕೂಲ್ ಆಫ್ ಜರ್ನಲಿಸಂ ಆ್ಯಂಡ್ ಮಾಸ್ ಕಮ್ಯೂನಿಕೇಶನ್ ಕಾಲೇಜು ಸೋಶಿಯಲ್ ಮೀಡಿಯಾ ಇನ್‌ಫ್ಲುಯೆನ್ಸರ್ ಡಿಗ್ರಿ ಕೋರ್ಸ್ ಆರಂಭಿಸಿದೆ. ಹೌದು ಅಮೆರಿಕದ ಕ್ಯಾಲಿಫೋರ್ನಿಯಾದಲ್ಲಿರುವ ಈ ಕಾಲೇಜಿನಲ್ಲಿ ಸೋಶಿಯಲ್ ಮೀಡಿಯಾ ಇನ್‌ಫ್ಲುಯೆನ್ಸರ್ ಕೋರ್ಸ್ ಆರಂಭಗೊಂಡಿದೆ. ಇದು ಭಾರತಕ್ಕೆ ಬರಲು ಹೆಚ್ಚಿನ ದಿನ ಬೇಕಿಲ್ಲ. ಈಗಾಗಲೇ ಭಾರತದ ಹಲವೆಡೆ ಡಿಪ್ಲೋಮಾ ಕೋರ್ಸ್ ಲಭ್ಯವಿದೆ. ಅಧಿಕೃತವಾಗಿ ವಿಶ್ವವಿದ್ಯಾಲಯದ ಕೋರ್ಸ್ ಆಗಿ ಸೇರಿಕೊಳ್ಳಲು ಕೆಲ ದಿನ ಮಾತ್ರ ಸಾಕು.

ಸೋಶಿಯಲ್ ಮೀಡಿಯಾ ಆಲ್ಗಾರಿದಂ

ಪತ್ರಿಕೋದಮ್ಯ ಹಾಗೂ ಸಮೂಹ ಸಂವಹನ ಕೋರ್ಸ್‌ಗಳಲ್ಲಿ ಮುದ್ರಣ ಮಾಧ್ಯಮ, ಎಲೆಕ್ಟ್ರಾನಿಕ್ ಮಾಧ್ಯಮ, ಡಿಜಿಟಲ್, ಜಾಹೀರಾತು, ಪಿಆರ್, ಮಾರ್ಕೆಟಿಂಗ್ ಸೇರಿದಂತೆ ಕೆಲ ವಿಷಯಗಳ ಕುರಿತು ಅಧ್ಯಯನ ಮಾಡಲಾಗುತ್ತಿತ್ತು. ಆಧರೆ ಇದೀಗ ಡಿಜಿಟಲ್ ಕಂಟೆಂಟ್ ಕ್ರಿಯೇಶನ್ ಸೋಶಿಯಲ್ ಮೀಡಿಯಾ ಆಲ್ಗಾರಿದಂ ಮುಖ್ಯ ವಿಷವನ್ನಾಗಿ ಮಾಡಿಕೊಂಡು ಪಠ್ಯಕ್ರಮ ಸಿದ್ಧಪಡಿಸಲಾಗಿದೆ. ಈ ಮೂಲಕ ವಿದ್ಯಾರ್ಥಿಗಳಿಗೆ ಕಂಟೆಂಟ್ ಕ್ರಿಯೇಶಿನ್, ಬ್ರ್ಯಾಂಡಿಂಗ್, ಸೋಶಿಯಲ್ ಮೀಡಿಯಾಗಳನ್ನು ಸಮರ್ಥವಾಗಿ ಬಳಸಿಕೊಳ್ಳುವುದು, ಡಿಜಿಟಲ್ ಮಾರ್ಕೆಟಿಂಗ್ ಕುರಿತು ಹೇಳಿಕೊಡಲಾಗುತ್ತದೆ.

ಕ್ಯಾಮೆರಾ ಮುಂದೆ ಮಾತನಾಡುವುದು, ವಿಷಯವನ್ನು ಹೇಗೆ ಪ್ರಸ್ತಾಪಿಸಬೇಕು, ಕ್ಯಾಮೆರಾ ರೆಕಾರ್ಡಿಂಗ್, ವಿಡಿಯೋ ಎಡಿಟಿಂಗ್, ಬ್ರ್ಯಾಂಡ್ ಡೀಲ್, ಸೋಶಿಯಲ್ ಮೀಡಿಯಾಗಳಲ್ಲಿ ವೀಕ್ಷರ ಜೊತೆ ಕನೆಕ್ಟ್ ಆಗುವುದು, ಎಐ ಟೂಲ್ ಬಳಕೆ, ವಿಡಿಯೋ ವೈರಲ್ ಮಾಡುವುದು ಸೇರಿದಂತೆ ಹಲವು ಕಲೆಗಳನ್ನು ಕಲಿಸಿಕೊಡಲಾಗುತ್ತದೆ.

ಹಣ ಗಳಿಸುವುದು ಹೇಗೆ?

ಉಪನ್ಯಾಸ ನೀಡಲು ಯಶಸ್ವಿ ಕಂಟೆಂಟ್ ಕ್ರಿಯೇಟರ್ಸ್, ಮಾರ್ಕೆಟಿಂಗ್ ಎಕ್ಸ್‌ಪರ್ಟ್, ಸೋಶಿಯಲ್ ಮೀಡಿಯಾ ಎಕ್ಸ್‌ಪರ್ಟ್, ಜಾಗತಿಕ ಬ್ರ್ಯಾಂಡ್ ಪ್ರತಿನಿಧಿಗಳು ಸೇರಿದಂತೆ ಹಲವು ತಜ್ಞರು ಇರಲಿದ್ದಾರೆ. ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗುವ ಶಾರ್ಟ್ಸ್, ಲಾಂಗ್ ಕಂಟೆಂಟ್‌ಗಳ ಸ್ಕ್ರಿಪ್ಟ್, ವಿಡಿಯೋಸ ಎಡಿಟಿಂಗ್, ಆಡಿಯೋ ಸೇರಿದಂತೆ ಎಲ್ಲಾ ರೀತಿಯ ಅಧ್ಯಯನ ಇರಲಿದೆ. ಇದೇ ವೇಳೆ ಆದಾಯ ಗಳಿಕೆ(ಮಾನಿಟೈಸೇಶನ್) ಸ್ಪಾನ್ಸರ್‌ಶಿಪ್, ಅಫಿಲಿಯೇಟ್ ಮಾರ್ಕೆಟಿಂಗ್ ಹಾಗೂ ಸ್ವಂತ ಬ್ರ್ಯಾಂಡ್ ಮೂಲಕ ಹಣ ಗಳಿಕೆ ಮಾರ್ಗಗಳನ್ನು ಹೇಳಿಕೊಡಲಾಗುತ್ತದೆ.

ಆಪಲ್ ವಾಚ್‌ನಲ್ಲಿ SE ಎಂದರೇನು? ಇದರರ್ಥ ಗೊತ್ತಾದ್ರೆ ಇದೇ ಬೇಕೆನಿಸುತ್ತೆ!

Ravi Janekal — Tue, 01 Sep 2026 07:39:02 +0530

apple watch SE: ಪ್ರತಿಯೊಬ್ಬರಿಗೂ ಆಪಲ್ ಕಂಪನಿಯ ಮೊಬೈಲ್, ವಾಚ್ ಖರೀದಿಸಬೇಕು ಎಂಬ ಆಸೆ ಕನಸುಗಳಿರುತ್ತವೆ. ಆದರೆ ದುಬಾರಿ ಬೆಲೆಯಿಂದ ಕೈಗೆಟುಕದ ದ್ರಾಕ್ಷಿಯಾಗಿದೆ. ನೀವು ಆಪಲ್ ವಾಚ್ ಖರೀದಿಸಬೇಕೆಂದಿದ್ದರೆ ಈ ಎಡಿಷನ್ ಗಳನ್ನ ಖರೀದಿಸಿ ಬೆಲೆ ಕಮ್ಮಿ, ಫೀಚರ್ಸ್ ದುಬಾರಿ ಪ್ರಾಡಕ್ಟ್‌ಗಳಂತೆಯೇ ಇರಲಿವೆ.

ಇಂದಿನ ಯುವಕರು ಕನಸುಗಳು ಯಾವಾಗಲೂ ದೊಡ್ಡವು. ಇಂಜಿನಿಯರ್ ಆಗಬೇಕು, ವಿದೇಶದಲ್ಲಿ ನೆಲೆಸಬೇಕು, ಜೇಬು ತುಂಬಾ ಸಂಬಳ, ಐಫೋನ್, ಕೈಗೆ ದುಬಾರಿ ವಾಚ್ ಅದೂ ಆಪಲ್ ಕಂಪನಿಯದ್ದೇ ಆಗಬೇಕು ಅನ್ನೋದು. ಆದರೆ ಆಪಲ್ ವಾಚ್, ಮೊಬೈಲ್‌ಗಳು ಸಾಮಾನ್ಯರ ಕೈಗೆ ನಿಲುಕದ ದ್ರಾಕ್ಷಿ. ನೀವು ಎಲೆಕ್ಟ್ರಿಕ್ ಮಳಿಗೆಗಳಿಗೆ ಹೋದಾಗ ನಿಮಗೂ ಆಪಲ್ ವಾಚ್‌ ಖರೀದಿಸೋ ಆಸೆ ಆಗಿರುತ್ತಲ್ಲವೇ? ಖಂಡಿತ ಆಗಿರುತ್ತೆ. ಆದರೆ ಆಪಲ್ ವಾಚ್‌ಗಳೆಂದರೆ ಎಲ್ಲ ವಾಚ್‌ಗಳಂತಲ್ಲ. ಅವುಗಳ ಬೆಲೆಯೂ ದುಬಾರಿ, ಫೀಚರ್ಸ್ ಕೂಡ ವಿಶೇಷವಾಗಿರುತ್ತೆ.

ಆಪಲ್‌ನಲ್ಲಿ ಹಲವು ಮಾಡೆಲ್‌ಗಳಿವೆ. ಆಪಲ್ ವಾಚ್ SE ಬಗ್ಗೆ ನೀವು ಈಗಾಗಲೇ ಕೇಳಿರಬಹುದು. ಆದರೆ ಈ ಮಾಡೆಲ್ ವಾಚ್‌ಗಳಲ್ಲಿ SE ಎಂದರೇನು? ಏನನ್ನು ಸೂಚಿಸುತ್ತೆ? ಬಹಳಷ್ಟು ಜನರು ಇದೊಂದು ವಿಶೇಷ ತಂತ್ರಜ್ಞಾನದ ಹೆಸರಿರಬಹುದು ಎಂದುಕೊಳ್ತಾರೆ, ಅದಲ್ಲ.. ಇದರ ಹಿಂದಿದೆ ನೀವು ತಿಳಿಯಲಾರದ ಸತ್ಯ. ಅದೇನೆಂದು ನಾವಿಲ್ಲಿ ತಿಳಿಸುತ್ತೇವೆ.

ಆಪಲ್ ತನ್ನ ಪ್ರೀಮಿಯಂ ವಾಚ್‌ಗಳಿಗಿಂತ ಕಡಿಮೆ ಬೆಲೆಯಲ್ಲಿ ಹೆಚ್ಚಿನ ಫಿಚರ್ಸ್ ನೀಡುವ ವಾಚ್‌ಗಳಿಗೆ SE ಹೆಸರನ್ನು ಬಳಸುತ್ತದೆ. ಆದರೆ ಆಪಲ್ SE ಗಾಗಿ ಅಧಿಕೃತ ಪೂರ್ಣ ರೂಪವನ್ನು ಸ್ಪಷ್ಟವಾಗಿ ತಿಳಿಸಿಲ್ಲ. ಇದರರ್ಥ SE ಎಂಬುದು ಅಧಿಕೃತ ಪದವಲ್ಲ. ಇದು ಆಪಲ್ ವಾಚ್ ಕಡಿಮೆ ಬೆಲೆಯಲ್ಲಿ ನೀಡಲು ವಿನ್ಯಾಸಗೊಳಿಸಲಾದ ಒಂದು ರೇಂಜ್ ಮಾಡೆಲ್.

ಆಪಲ್ ವಾಚ್ SE ಅನ್ನು ಆಪಲ್ ವಾಚ್‌ನ ಸ್ಮಾರ್ಟ್ ಫೀಚರ್ಸ್ ಮೆಚ್ಚುವ ಆದರೆ ದುಬಾರಿಯಾಗಿರುವ ಅದನ್ನು ಪಡೆಯಲಾಗದ ಸಾಮಾನ್ಯ ಜನರನ್ನ ಉದ್ದೇಶದಲ್ಲಿಟ್ಟುಕೊಂಡು ವಿನ್ಯಾಸಗೊಳಿಸಲಾಗಿದೆ. ಆಪಲ್ ದುಬಾರಿ ವಾಚ್‌ಗಳಲ್ಲಿರುವಂತೆಯೇ ಇದರಲ್ಲೂ ನೋಟಿಫಿಕೇಷನ್, ಫಿಟ್‌ನೆಸ್ ಟ್ರ್ಯಾಕಿಂಗ್, ವರ್ಕೌಟ್ ರೆಕಾರ್ಡಿಂಗ್, ಹೃದಯ ಬಡಿತ ಚೆಕಿಂಗ್ ಎಲ್ಲವೂ ಇದರಲ್ಲಿದೆ. ಆದರೆ ಪ್ರೀಮಿಯಂ ಆಪಲ್ ವಾಚ್‌ಗೆ ಹೋಲಿಸಿದರೆ SE ಮಾದರಿಯು ಕೆಲವು ಹೆಚ್ಚು Advanced features ಮತ್ತು ಹಾರ್ಡ್‌ವೇರ್ ಮಿತಿಗಳನ್ನು ಹೊಂದಿರಬಹುದು, ಅದಕ್ಕಾಗಿಯೇ ಇದರ ಬೆಲೆ ಹೆಚ್ಚಾಗಿ ಕಡಿಮೆ ಇರುತ್ತದೆ.

ಆಪಲ್ ವಾಚ್ ಖರೀಸಲು ಹೋಗುವ, ಖರೀದಿಸುವ ಬಹಳಷ್ಟು ಜನರು ಆಪಲ್ ವಾಚ್ SE ಅನ್ನು ಸ್ಪೆಷಲ್ ಎಡಿಷನ್ ಎಂದೇ ಭಾವಿಸಿದ್ದಾರೆ. ಆದರೆ ಆಪಲ್ ಅಧಿಕೃತವಾಗಿ SE ಎಂದರೆ ಸ್ಪೆಷಲ್ ಎಡಿಷನ್ ಎಂದು ಹೇಳಿಲ್ಲ. ಇನ್ನೊಂದು ಅಚ್ಚರಿ ಎಂದರೆ SE ಹೆಸರು ಕೇವಲ ಆಪಲ್ ವಾಚ್‌ಗೆ ಸೀಮಿತವಾಗಿಲ್ಲ. ಆಪಲ್ ಐಫೋನ್‌ನಂತಹ ಇತರ ಪ್ರಾಡಕ್ಟ್‌ಗಳಿಗೂ SE ಬ್ರ್ಯಾಂಡಿಂಗ್ ಅನ್ನು ಬಳಸಿದೆ. ಅಂದರೆ ಕಡಿಮೆ ಬಜೆಟ್‌ನಲ್ಲಿ ಆಪಲ್ ಕಂಪನಿಯ ವಾಚ್, ಮೊಬೈಲ್ ಖರೀದಿಸಬೇಕೆನ್ನುವ ಸಾಮಾನ್ಯ ಜನರ ದೃಷ್ಟಿಯಲ್ಲಿಟ್ಟುಕೊಂಡು ತಯಾರಿಲಾದ ಪ್ರಾಡಕ್ಟ್‌ಗಳಿವು.

ನೀವು ಕಡಿಮೆ ಬಜೆಟ್‌ನಲ್ಲಿ ಫಿಟ್‌ನೆಸ್ ಟ್ರ್ಯಾಕಿಂಗ್, ನೋಟಿಫಿಕೇಶನ್ ಇರುವ ಆಪಲ್ ಖರೀದಿಸಬೇಕು ಎನ್ನುವವರಾಗಿದ್ರೆ ಇದು ನಿಮಗೆ ಉತ್ತಮ. ನೀವು ಅತ್ಯಾಧುನಿಕ ಹೆಲ್ತ್ ಫೀಚರ್ಸ್, ಪ್ರೀಮಿಯಂ ಡಿಸ್ಪ್ಲೇ ಅಥವಾ ಇತರ ಉನ್ನತ-ಮಟ್ಟದ ಫೀಚರ್ಸ್ ಬೇಕೆಂದರೆ ಆಪಲ್ ವಾಚ್‌ನ ಪ್ರೀಮಿಯಂ ಖರೀದಿಸುವುದು ಉತ್ತಮ.

ಯೂಟ್ಯೂಬ್ ಮಾನಿಟೈಸೇಶನ್ ನೀತಿಯಲ್ಲಿ ಭಾರಿ ಬದಲಾವಣೆ, ಇನ್ಮುಂದೆ ಹಣ ಗಳಿಕೆಗೆ ಎಷ್ಟು ವೀವ್ಸ್ ಬೇಕು?

Chethan Kumar — Tue, 11 Aug 2026 13:03:10 +0530

ನವದೆಹಲಿ (ಆ.11) ಯೂಟ್ಯೂಬ್ ಕಂಟೆಂಟ್ ಕ್ರಿಯೇಶನ್ ಮೂಲಕ ಬಹುತೇಕರು ಆದಾಯಗಳಿಸುತ್ತಿದ್ದಾರೆ. ಹಲವರು ಹೊಸ ಚಾನೆಲ್ ಆರಂಭಿಸಿ ಆದಾಯಗಳಿಯ ಪ್ರಕ್ರಿಯೆಯಲ್ಲಿದ್ದಾರೆ. ಆದರೆ ಇದೀಗ ಯೂಟ್ಯೂಬ್ ಹೊಸ ನೀತಿ ಜಾರಿಗೊಳಿಸಿದೆ. ಇನ್ಮುಂದೆ ಯೂಟ್ಯೂಬ್ ಮೂಲಕ ಆದಾಯಗಳಿಕೆಗೆ ಕಠಿಣ ನಿಯಮ ಜಾರಿಗೊಳಿಸಿದೆ. ಹೊಸ ನೀತಿ ಪ್ರಕಾರ ಯೂಟ್ಯೂಬ್ ಪಾರ್ಟನರ್ ಪ್ರೋಗ್ರಾಂ (YPP) ಮೂಲಕ ಜಾಹೀರಾತು ಹಾಗೂ ಯೂಟ್ಯೂಬ್ ಪ್ರೀಮಿಯಂ ಆದಾಯಕ್ಕೆ ಬೇಕಾಗದ ವೀವ್ಸ್ ಹಾಗೂ ವಾಚ್ ಹವರ್ (ವೀಕ್ಷಣೆ ಸಮಯ) ಎರಡನ್ನೂ ಹೆಚ್ಚಿಸಲಾಗಿದೆ.

ಹೊಸ ಕ್ರಿಯೇಟರ್ಸ್‌ಗೆ ಸಂಕಷ್ಟ

ಹೊಸ ಕಂಟೆಂಟ್ ಕ್ರಿಯೇಟರ್ಸ್ ಇದೀಗ ಯೂಟ್ಯೂಬ್ ಮೂಲಕ ಆದಾಯಕ್ಕೆ ಸರಿಸುಮಾರು ಹಾಲಿ ನೀತಿಗಿಂತ ಡಬಲ್ ವೀಕ್ಷಣೆ ಹಾಗೂ ವಾಚ್ ಹವರ್ ಪಡೆಯಬೇಕು. ಹೀಗಾಗಿ ಇನ್ಮುಂದೆ ಯೂಟ್ಯೂಬ್ ಮೂಲಕ ಆದಾಯ ಅತೀ ಸುಲಭವೂ ಅಲ್ಲ, ನಿಯಮತಿ ಅವಧಿಯಲ್ಲೂ ಸಾಧ್ಯವಿಲ್ಲ.

8000 ವಾಚ್ ಹವರ್: 1 ವರ್ಷದಲ್ಲಿ ಬರೋಬ್ಬರಿ 8000 ವಾಚ್ ಹವರ್ ಪೂರೈಸಬೇಕು. ಸದ್ಯ 4000 ವಾಚ್ ಹವರ್ ಕಡ್ಡಾಯವಾಗಿತ್ತು.
20 ಮಿಲಿಯನ್ ಶಾರ್ಟ್ ವೀವ್ಸ್ : 10 ಮಿಲಿಯನ್ (1 ಕೋಟಿ) ಯೂಟ್ಯೂಬ್ ಶಾರ್ಟ್ಸ್ ವೀವ್ಸ್ ನೀಯಮ ಇನ್ಮುಂದೆ 20 ಮಿಲಿಯನ್ (2 ಕೋಟಿ)ಗೆ ಏರಿಕೆ ಮಾಡಲಾಗಿದೆ.
1000 ಸಬ್‌ಸ್ಕ್ರೈಬರ್: ಮೂಲ ನಿಯಮದಲ್ಲಿ ಬದಲಾವಣೆ ಮಾಡಿಲ್ಲ. ಕನಿಷ್ಠ 1000 ಸಬ್‌ಸ್ಕ್ರೈಬರ್ ಹೊಂದಿರಬೇಕು ಅನ್ನೋ ಮೂಲ ನಿಯಮದಲ್ಲಿ ಬದಲಾವಣೆ ಮಾಡಿಲ್ಲ. ಕೇವಲ ವೀಕ್ಷಣೆ, ವಾಚ್ ಹವರ್‌ಗಳಲ್ಲಿ ಭಾರಿ ಏರಿಕೆ ಮಾಡಲಾಗಿದೆ.

ಆದಾಯಗಳಿಸುತ್ತಿರುವ ಕ್ರಿಯೆಟರ್ಸ್‌ಗೆ ಈ ನಿಯಮ ಅನ್ವಯಿಸುತ್ತಾ?

ಹೊಸ ಕ್ರಿಯೇಟರ್ಸ್ ಜೊತೆಗೆ ಹಳೇ ಕ್ರಿಯೇಟರ್ಸ್‌ಗೂ ನೀತಿಗಳು ಅನ್ವಯಿಸುತ್ತದೆ. ಶಾರ್ಟ್ಸ್ ವಿಡಿಯೋ ಮೂಲಕ ಜಾಹೀರಾತು, ಸಬ್‌ಸ್ಕ್ರಿಪ್ಶನ್ ಆದಾಯ ಪಡೆಯಲು ಪ್ರತಿ 90 ದಿನಗಳ ಅವಧಿಯಲ್ಲಿ ಕನಿಷ್ಠ 10 ಮಿಲಿಯನ್ (1 ಕೋಟಿ) ಶಾರ್ಟ್ಸ್ ವೀಕ್ಷಣೆ ಕಡ್ಡಾಯವಾಗಿದೆ. ಈ ಮಿತಿ ಪೂರೈಸದಿದ್ದರೆ, ಶಾರ್ಟ್ಸ್ ಮೂಲಕ ಆದಾಯಗಳಿಕೆ ಸಾಧ್ಯವಿಲ್ಲ. ಆದರೆ ಲಾಂಗ್ ವಿಡಿಯೋ ಮೂಲಕ ಹಣ ಗಳಿಕೆ ಸಾಧ್ಯವಿದೆ. ಶಾರ್ಟ್ಸ್ ವೀವ್ಸ್ 10 ಮಿಲಿಯನ್‌ಗಿಂತ ಅಧಿಕಗೊಳ್ಳುತ್ತಿದ್ದಂತೆ ಆಟೋಮ್ಯಾಟಿಕ್ ಆಗಿ ಆದಾಯ ಗಳಿಕೆ ಪುನರ್ ಆರಂಭಗೊಳ್ಳಲಿದೆ.

2018ರಲ್ಲಿ ಯೂಟ್ಯೂಬ್ ತನ್ನ ಮಾನಿಟೈಸೇಶನ್ ನೀತಿಯಲ್ಲಿ ಭಾರಿ ಬದಲಾವಣೆ ಮಾಡಿತ್ತು. ಬಳಿಕ ಸಣ್ಣ ಪುಟ್ಟ ಕಂಡೀಷನ್ ಹಾಕಿದ್ದರೂ ಭಾರಿ ಬದಲಾವಣೆ ಮಾಡಿರಲಿಲ್ಲ. ಸದ್ಯ 30 ಲಕ್ಷಕ್ಕೂ ಹೆಚ್ಚು ಕ್ರಿಯೇಟರ್ಸ್ ಯೂಟ್ಯೂಬ್ ಪಾರ್ಟನರ್ ಪ್ರೋಗ್ರಾಂ‌ನಲ್ಲಿ ಸಕ್ರೀಯರಾಗಿದ್ದಾರೆ. ಪ್ರತಿ ದಿನ ಯೂಟ್ಯೂಬ್‌ನಲ್ಲಿ 2000 ಕೋಟಿ ಶಾರ್ಟ್ಸ್ ವೀಕ್ಷಣೆ ಪಡೆಯುತ್ತಿದೆ. ಯೂಟ್ಯೂಬ್ ಹೊಸ ನೀತಿಯಲ್ಲಿ ಒರಿಜನಲ್ ಕೆಂಟೆಂಟ್‌ಗೆ ಹೆಚ್ಚಿನ ಒತ್ತು ನೀಡಿದೆ.

ಆಗಸ್ಟ್ 10ಕ್ಕೆ ಹೊಸ ನೀತಿ ಘೋಷಣೆ, ಮುಂದಿನ ತಿಂಗಳಿನಿಂದ ಪರದಾಟ

ಆಗಸ್ಟ್ 10 ರಂದು ಯೂಟ್ಯೂಬ್ ಹೊಸ ಮಾನಿಟೈಸೇಶನ್ ನೀತಿ ಘೋಷಿಸಿದೆ. ಇದರಿಂದ ಮುಂದಿನ ತಿಂಗಳಿನಿಂದ ಕಂಟೆಂಟ್ ಕ್ರಿಯೇಟರ್ಸ್ ಯೂಟ್ಯೂಬ್ ಆದಾಯಕ್ಕಾಗಿ ಪರದಾಡಬೇಕಾಗುವ ಸ್ಥಿತಿ ನಿರ್ಮಾಣವಾಗಲಿದೆ. ಇದೀಗ ಅತೀ ಹೆಚ್ಚಿನ ಮಂದಿ ಕಂಟೆಂಟ್ ಕ್ರಿಯೇಶನ್ ಮೂಲಕ ಆದಾಯ ನಿರೀಕ್ಷಿಸುತ್ತಿದ್ದಾರೆ. ಎಲ್ಲರೂ ಯೂಟ್ಯೂಬ್ ಕಂಟೆಂಟ್ ಕ್ರಿಯೇಟರ್ ಆಗುತ್ತಿದ್ದಾರೆ. ಇದರ ಬೆನ್ನಲ್ಲೇ ಯೂಟ್ಯೂಬ್ ರೂಲ್ಸ್ ಕಠಿಣಗೊಳಿಸಿದೆ.

ಕೇವಲ 1000 ರೂಗೆ ನಿಮ್ಮ ಹಳೇ ಲ್ಯಾಪ್‌ಟಾಪ್, ಡೆಸ್ಕ್‌ಟಾಪ್‌ಗೆ ಹೈ ಪರ್ಫಾಮೆನ್ಸ್ ಟಚ್, ಆ್ಯಕ್ಟಿವೇಟ್ ಹೇಗೆ?

Chethan Kumar — Thu, 03 Sep 2026 13:05:29 +0530

ನವದೆಹಲಿ (ಸೆ.03) ಹಳೇ ಲ್ಯಾಪ್‌ಟಾಪ್ ಹಾಗೂ ಡೆಸ್ಕ್‌ಟಾಪ್‌ಗಳು RAM ಸಮಸ್ಯೆಯಿಂದ ಪರ್ಫಾಮೆನ್ಸ್ ಸಮಸ್ಯೆಯಾಗುವುದು ಸಹಜ. 1 ಜಿಬಿ, 2 ಜಿಬಿ RAM ಹಾಗೂ ಕಡಿಮೆ ಸ್ಟೋರೇಜ್‌ಗಳಿಂದ ಪರ್ಫಾಮೆನ್ಸ್ ಸ್ಲೋ ಆಗಲಿದೆ. ಹೀಗಾಗಿ ಹಲವರು ತಮ್ಮ ಲ್ಯಾಪ್‌ಟಾಪ್, ಡೆಸ್ಕ್‌ಟಾಪ್ ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಾರೆ. ಇದೀಗ ಜಿಯೋ ಈ ಸಮಸ್ಯೆಗೆ ಪರಿಹಾರ ನೀಡಿದೆ. ಕೇವಲ 1000 ರೂಪಾಯಿಯಿಂದ ಆರಂಭಗೊಳ್ಳುವ ಈ ಪ್ಲಾನ್ ಮೂಲಕ ನಿಮ್ಮ ಲ್ಯಾಪ್‌ಟಾಪ್, ಡೆಸ್ಕ್‌ಟಾಪ್ ಹೈ ಪರ್ಫಾಮೆನ್ಸ್ ಮಾಡಲು ಸಾಧ್ಯವಿದೆ.

ಹಾರ್ಡ್‌ವೇರ್ ಅಪ್‌ಗ್ರೇಡ್ ಬೇಕಿಲ್ಲ

ಹಳೆಯ ಲ್ಯಾಪ್‌ಟಾಪ್ ಅಥವಾ ಡೆಸ್ಕ್‌ಟಾಪ್ ಸ್ಲೋ ಆಗಿದ್ದರೆ ಹೊಸದನ್ನು ಖರೀದಿಸುವ ಅಗತ್ಯವಿಲ್ಲ. ರಿಲಯನ್ಸ್ ಜಿಯೋಪಿಸಿ (JioPC) ನಿಮ್ಮ ಹಳೆಯ ಕಂಪ್ಯೂಟರ್ ಅನ್ನು ಕ್ಲೌಡ್‌ನ ಶಕ್ತಿಯೊಂದಿಗೆ ಹೈ ಪರ್ಫಾಮೆನ್ಸ್ ಪಿಸಿ ಮಾಡಲಿದೆ. ಬಳಕೆದಾರರು ತಮ್ಮ ಅಸ್ತಿತ್ವದಲ್ಲಿರುವ ಲ್ಯಾಪ್ ಟಾಪ್ ಅಥವಾ ಡೆಸ್ಕ್ ಟಾಪ್‌ನಲ್ಲಿ 16 ಜಿಬಿ RAM ಮತ್ತು 1TB ವರೆಗೆ ಸಂಗ್ರಹಣೆಯನ್ನು ಪ್ರವೇಶಿಸಲು ಸಾಧ್ಯವಾಗುತ್ತದೆ. ಯಾವುದೇ ಹಾರ್ಡ್‌ವೇರ್ ಅಪ್‌ಗ್ರೇಡ್ ಬೇಕಿಲ್ಲ.

ಯಾವುದೇ ಇಂಟರ್ನೆಟ್ ಸಂಪರ್ಕಕ್ಕೂ ಜಿಯೋ ಪಿಸಿ ಸಾಧ್ಯ

ಜಿಯೋಪಿಸಿಯ ಸೇವೆಯನ್ನು ಯಾವುದೇ ಇಂಟರ್ನೆಟ್ ಬಳಕೆದಾರರು ಸ್ವತಂತ್ರ ಸಬ್‌ಸ್ಕ್ರಿಪ್ಶನ್ ಆಗಿ ತೆಗೆದುಕೊಳ್ಳಬಹುದು. ಅಂದರೆ, ಇಂಟರ್ನೆಟ್ ಸಂಪರ್ಕವು ಯಾವುದೇ ಟೆಲಿಕಾಂ ಅಥವಾ ಬ್ರಾಡ್‌ಬ್ಯಾಂಡ್ ಕಂಪನಿಗೆ ಸೇರಿದ್ದರೂ ಜಿಯೋಪಿಸಿಯನ್ನು ಬಳಸಬಹುದು. ಇದನ್ನು ಐದು ನಿಮಿಷಗಳಿಗಿಂತ ಕಡಿಮೆ ಅವಧಿಯಲ್ಲಿ ಸಕ್ರಿಯಗೊಳಿಸಬಹುದು. ಡೇಟಾ ಮೈಗ್ರೇಷನ್ ಅಥವಾ ಹೊಸ ಹಾರ್ಡ್‌ವೇರ್ ಅಳವಡಿಸುವ ಅಗತ್ಯವಿಲ್ಲ. ಈ ಹಿಂದೆ ಜಿಯೋ ಹೋಮ್ ಬ್ರಾಡ್‌ಬ್ಯಾಂಡ್ ಗ್ರಾಹಕರಿಗೆ ಮಾತ್ರ ಜಿಯೋಪಿಸಿ ಸೀಮಿತವಾಗಿತ್ತು.

8 ವರ್ಷ ಹಳೇ ಕಂಪ್ಯೂಟರ್‌ಗೂ ಸಾಧ್ಯ

ಜಿಯೋಪಿಸಿ, ಹಳೆಯ ಕಂಪ್ಯೂಟರ್‌ಗಳನ್ನು ಎಷ್ಟು ಶಕ್ತಿಯುತವಾಗಿಸಬಲ್ಲದು ಎಂದರೆ ಎಐಗೆ ಸಂಬಂಧಿಸಿದ ಭಾರಿ ಸಂಸ್ಕರಣೆ ಮತ್ತು ಶೇಖರಣಾ ಅಗತ್ಯಗಳನ್ನು ಸಹ ಸುಲಭವಾಗಿ ಪೂರೈಸಬಹುದು. ಇದಕ್ಕಾಗಿ, ಕಂಪ್ಯೂಟಿಂಗ್‌ನ ಹೆಚ್ಚಿನ ಭಾಗವು ಜಿಯೋಪಿಸಿಯ ಕ್ಲೌಡ್‌ನಲ್ಲಿ ಇರುತ್ತದೆ. 8 ವರ್ಷ ಹಳೆಯ ಕಂಪ್ಯೂಟರ್ ಸಹ ಇಂದಿನ ಎಐ-ಚಾಲಿತ ಅಪ್ಲಿಕೇಶನ್‌ಗಳಿಗೆ ಅಗತ್ಯವಾದ ಕಾರ್ಯಕ್ಷಮತೆ, ಸಂಗ್ರಹಣೆ ಮತ್ತು ಸಾಮರ್ಥ್ಯಗಳನ್ನು ಸಾಧಿಸಬಹುದು.

ಜಿಯೋ ಪಿಸಿ ಪ್ಲಾನ್ ಬೆಲೆ

ಜಿಯೋಪಿಸಿಯ ಯೋಜನೆಗಳು 1,000 ರೂ.ಗಳಿಂದ ಪ್ರಾರಂಭವಾಗಲಿವೆ. 8 ಜಿಬಿ RAM ಮತ್ತು 500 ಜಿಬಿ ಸ್ಟೋರೇಜ್ ಹೊಂದಿರುವ ಎರಡು ತಿಂಗಳ ಯೋಜನೆಯು 1,000 ರೂ.ಗೆ ಲಭ್ಯವಿದೆ. ಆದರೆ 16 ಜಿಬಿ RAM ಮತ್ತು 1 ಟಿಬಿ ಸ್ಟೋರೇಜ್ ಹೊಂದಿರುವ ಜಿಯೋಪಿಸಿ ಅಲ್ಟ್ರಾ ಎರಡು ತಿಂಗಳವರೆಗೆ 1,200 ರೂ, ಐದು ತಿಂಗಳ ಯೋಜನೆಗಳು ಕ್ರಮವಾಗಿ 2,000 ಮತ್ತು 2,500 ರೂಪಾಯಿಗೆ ಲಭ್ಯವಿರುತ್ತವೆ. ಅಲ್ಲದೆ, 12 ತಿಂಗಳ ಅಂದರೆ 10+2 ತಿಂಗಳ ಯೋಜನೆಯ ಬೆಲೆ 4,000 ರೂಪಾಯಿ ಮತ್ತು 5,000 ರೂಪಾ.ಿ ಆಗಿದೆ. ಎಲ್ಲಾ ಬೆಲೆಗಳು ಜಿಎಸ್‌ಟಿಯನ್ನು ಒಳಗೊಂಡಿವೆ.

ಭಾರತಕ್ಕೆ ಹೆಮ್ಮೆಯ ಕ್ಷಣ: ವಾಯ್ಸ್-ಎನೇಬಲ್ಡ್ ಬ್ರೈಲ್ ಪ್ರಿಂಟರ್ ಕಂಡುಹಿಡಿದ ಹಿಮಜಾಗೆ ಒಲಿದ ಜೇಮ್ಸ್ ಡೈಸನ್ ಪ್ರಶಸ್ತಿ!

Gowthami K — Wed, 16 Sep 2026 14:54:17 +0530

ದೃಷ್ಟಿಹೀನ ವಿದ್ಯಾರ್ಥಿಗಳ ಶೈಕ್ಷಣಿಕ ಸವಾಲುಗಳಿಗೆ ತಾಂತ್ರಿಕ ಪರಿಹಾರ ಕಂಡುಕೊಳ್ಳುವ ನಿಟ್ಟಿನಲ್ಲಿ ಶ್ರೀ ವಿಷ್ಣು ಎಂಜಿನಿಯರಿಂಗ್ ಕಾಲೇಜಿನ ಬಿ.ಟೆಕ್ (ಇಇಇ) ವಿದ್ಯಾರ್ಥಿನಿ ಹಿಮಜಾ ಲಿಂಗಂಪಲ್ಲಿ ಅದ್ಭುತ ಮೈಲಿಗಲ್ಲು ಸಾಧಿಸಿದ್ದಾರೆ. ಮಾತನಾಡುವ ಪದಗಳನ್ನೇ ನೇರವಾಗಿ ಉಬ್ಬು ಬ್ರೈಲ್ ಲಿಪಿಯಾಗಿ ಪರಿವರ್ತಿಸುವ 'ರುಧ್ರ' ಎಂಬ ಧ್ವನಿ ಚಾಲಿತ ಬ್ರೈಲ್ ಮುದ್ರಣ ಯಂತ್ರವನ್ನು ಆವಿಷ್ಕರಿಸುವ ಮೂಲಕ ಅವರು ಜಾಗತಿಕ ಗಮನ ಸೆಳೆದಿದ್ದಾರೆ.

ಆವಿಷ್ಕಾರದ ಹಿಂದಿನ ಪ್ರೇರಣೆ

ಕಾಲೇಜು ವತಿಯಿಂದ ದೃಷ್ಟಿಹೀನ ವಿದ್ಯಾರ್ಥಿಗಳ ಶಾಲೆಗೆ ಭೇಟಿ ನೀಡಿದ್ದಾಗ, ಬ್ರೈಲ್ ಬರೆಯಲು ವಿದ್ಯಾರ್ಥಿಗಳು ಸಾಂಪ್ರದಾಯಿಕ ಸ್ಲೇಟ್ ಮತ್ತು ಸ್ಟೈಲಸ್ ಬಳಸಿ ಪೇಪರ್‌ಗೆ ದೈಹಿಕ ಶ್ರಮದಿಂದ ಕುಟ್ಟುವುದನ್ನು ಹಿಮಜಾ ಗಮನಿಸಿದರು. ಸತತವಾಗಿ ಒತ್ತುವುದರಿಂದ ಅವರ ಬೆರಳ ತುದಿಗಳು ಗಟ್ಟಿಯಾಗುತ್ತಿದ್ದವು ಹಾಗೂ ಕಾಗದವನ್ನು ತಿರುಗಿಸಿ ಓದಲು ಅಕ್ಷರಗಳನ್ನು ಹಿಮ್ಮುಖವಾಗಿ ಯೋಚಿಸಿ ಬರೆಯಬೇಕಾದ ಕಷ್ಟ ಅವರಿಗಿತ್ತು.

ಆರಂಭದಲ್ಲಿ ಆರು ಪುಶ್-ಬಟನ್‌ಗಳ ಪ್ರಿಂಟರ್ ಮೂಲಮಾದರಿಯನ್ನು ತಯಾರಿಸಿದ್ದ ಹಿಮಜಾಗೆ, ವಿದ್ಯಾರ್ಥಿನಿಯೊಬ್ಬಳು "ಅಕ್ಕ, ಗುಂಡಿಗಳನ್ನು ಒತ್ತುವ ಬದಲಿಗೆ ಮಾತನಾಡುವ ಮೂಲಕವೇ ಬರೆಯಲು ಸಾಧ್ಯವಿಲ್ಲವೇ?" ಎಂದು ಕೇಳಿದ ಸರಳ ಪ್ರಶ್ನೆ ಇಡೀ ಯೋಜನೆಯ ಚಿತ್ರಣವನ್ನೇ ಬದಲಿಸಿತು.

'ರುಧ್ರ' ಪ್ರಿಂಟರ್ ಹೇಗೆ ಕೆಲಸ ಮಾಡುತ್ತದೆ?

ಯಂತ್ರವನ್ನು ಬಳಸಲು ಚಾಲನೆ ನೀಡಲು ಹಾಗೂ ಮಾತನಾಡುವ ಧ್ವನಿ ಆಜ್ಞೆಯನ್ನು ಸ್ವೀಕರಿಸಲು ಅಲೆಕ್ಸಾ ತಂತ್ರಜ್ಞಾನವನ್ನು ಬಳಸಲಾಗಿದೆ. ಬಳಕೆದಾರರು ಮಾತನಾಡುವ ಪದಗಳನ್ನು ಅಲೆಕ್ಸಾ ಪಠ್ಯವಾಗಿ ಮಾರ್ಪಡಿಸುತ್ತದೆ. ರಾಸ್ಪ್ಬೆರಿ ಪೈ ಮೈಕ್ರೋಪ್ರೊಸೆಸರ್ ಆ ಪಠ್ಯವನ್ನು ನಿಖರವಾದ ಬ್ರೈಲ್ ಚುಕ್ಕೆಗಳ ಮಾದರಿಯಾಗಿ ವಿನ್ಯಾಸಗೊಳಿಸುತ್ತದೆ. ಸೊಲೆನಾಯ್ಡ್ ವ್ಯವಸ್ಥೆಯ ಮೂಲಕ ಕಾಗದದ ಹಿಂಭಾಗದಲ್ಲಿ ಚುಕ್ಕೆಗಳನ್ನು ಪಂಚ್ ಮಾಡಲಾಗುತ್ತದೆ. ಕಾಗದವನ್ನು ಮುಂಭಾಗಕ್ಕೆ ತಿರುಗಿಸಿದಾಗ ನಿಖರವಾದ ಅಂತರದಲ್ಲಿ ಓದಲು ಸುಲಭವಾದ ಬ್ರೈಲ್ ಲಿಪಿ ಸಿದ್ಧವಾಗಿರುತ್ತದೆ.

ರಾಷ್ಟ್ರೀಯ ಮಟ್ಟದ ಜೇಮ್ಸ್ ಡೈಸನ್ ಪ್ರಶಸ್ತಿ 2026

ಹಿಮಜಾ ಅವರ ಈ ಮಾನವೀಯ ಹಾಗೂ ತಾಂತ್ರಿಕ ಕೊಡುಗೆಯನ್ನು ಗುರುತಿಸಿ, ಅಂತರರಾಷ್ಟ್ರೀಯ ಮಟ್ಟದ ವಿನ್ಯಾಸ ಸ್ಪರ್ಧೆಯಾದ 'ಜೇಮ್ಸ್ ಡೈಸನ್ ಫೌಂಡೇಶನ್' ನೀಡುವ 'ಜೇಮ್ಸ್ ಡೈಸನ್ ಪ್ರಶಸ್ತಿ 2026' ನೀಡಿ ಗೌರವಿಸಲಾಗಿದೆ. ಈ ಗೌರವದೊಂದಿಗೆ ಹಿಮಜಾಗೆ ₹6 ಲಕ್ಷ ಬಹುಮಾನ ದೊರೆತಿದೆ. ಅವರು ಸರ್ ಜೇಮ್ಸ್ ಡೈಸನ್ ಅವರ ನೇತೃತ್ವದಲ್ಲಿ ನಡೆಯುವ ಅಂತಿಮ ಜಾಗತಿಕ ಸುತ್ತಿನಲ್ಲಿ ಭಾರತವನ್ನು ಪ್ರತಿನಿಧಿಸಲಿದ್ದಾರೆ.

ಪ್ರಸ್ತುತ 'ರುಧ್ರ' ಮೂಲಮಾದರಿಯ ವೆಚ್ಚ ಸುಮಾರು ₹1.5 ಲಕ್ಷವಾಗಿದ್ದು, ಶ್ರಮ ಮತ್ತು ವಿನ್ಯಾಸವನ್ನು ಇನ್ನಷ್ಟು ಸಣ್ಣದಾಗಿಸಿ ಅದರ ವೆಚ್ಚವನ್ನು ₹50,000 ದಿಂದ ₹60,000ಕ್ಕೆ ಇಳಿಸುವ ಯೋಜನೆ ಹಿಮಜಾ ಅವರಿಗಿದೆ.

ಪ್ರತಿಯೊಂದು ಶಾಲಾ ತರಗತಿ ಹಾಗೂ ಮನೆಗಳಲ್ಲಿ ದೃಷ್ಟಿಹೀನ ವಿದ್ಯಾರ್ಥಿಗಳು ಇತರರ ಸಹಾಯವಿಲ್ಲದೆ ತಮ್ಮದೇ ಆದ ಟಿಪ್ಪಣಿಗಳು, ಪುಸ್ತಕಗಳು ಹಾಗೂ ಪರೀಕ್ಷಾ ಪ್ರಬಂಧಗಳನ್ನು ಮುದ್ರಿಸಿಕೊಳ್ಳಲು 'ರುಧ್ರ' ಕಾಂಪ್ಯಾಕ್ಟ್ ವೈಯಕ್ತಿಕ ಪ್ರಿಂಟರ್ ಆಗಿ ನೆರವಾಗಬೇಕು ಎಂಬುದು ಅವರ ಪ್ರಮುಖ ಕನಸಾಗಿದೆ.

ಇನ್ಮುಂದೆ ವಾಟ್ಸಾಪ್ ಫೇಸ್‌ಬುಕ್ ಇನ್‌ಸ್ಟಾಗೆ 'ಮೆಟಾ ಒನ್' ಪ್ರೀಮಿಯಂ ಸೇವೆ, ಭಾರತದಲ್ಲಿ ಚಂದಾದಾರಿಕೆ ದರ ಎಷ್ಟು?

Gowthami K — Wed, 16 Sep 2026 12:28:56 +0530

ಸಾಮಾಜಿಕ ಜಾಲತಾಣ ದೈತ್ಯ 'ಮೆಟಾ' ತನ್ನ ಪ್ರಮುಖ ಅಪ್ಲಿಕೇಶನ್‌ಗಳಾದ ಇನ್‌ಸ್ಟಾಗ್ರಾಮ್, ಫೇಸ್‌ಬುಕ್, ವಾಟ್ಸಾಪ್ ಮತ್ತು ಮೆಟಾ AI ಗಾಗಿ 'ಮೆಟಾ ಒನ್' (Meta One) ಎಂಬ ನೂತನ ಚಂದಾದಾರಿಕೆ ಸೇವೆಯನ್ನು ಭಾರತ ಸೇರಿದಂತೆ ಜಾಗತಿಕ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ಈ ಸೇವೆಯಡಿಯಲ್ಲಿ ಬಳಕೆದಾರರಿಗೆ 50ಕ್ಕೂ ಹೆಚ್ಚು ಸುಧಾರಿತ ಸೇವೆಯನ್ನು ಒದಗಿಸಲಾಗುತ್ತಿದೆ.

ಮೆಟಾ ಒನ್ ಪರಿಚಯಿಸಿರುವುದರಿಂದ ಅಸ್ತಿತ್ವದಲ್ಲಿರುವ ಉಚಿತ ಸೇವೆಗಳು ಸ್ಥಗಿತಗೊಳ್ಳುವುದಿಲ್ಲ. ಸಾಮಾನ್ಯ ಬಳಕೆದಾರರಿಗೆ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ವಾಟ್ಸಾಪ್ ಮತ್ತು ಮೆಟಾ AI ನ ಮೂಲ ಆವೃತ್ತಿಗಳು ಎಂದಿನಂತೆ ಉಚಿತವಾಗಿ ಲಭ್ಯವಿರುತ್ತವೆ. ಆದರೆ, ಹೆಚ್ಚಿನ ಗ್ರಾಹಕೀಕರಣ, ವೃತ್ತಿಪರ ಪರಿಕರಗಳು ಹಾಗೂ ಸುಧಾರಿತ ಕೃತಕ ಬುದ್ಧಿಮತ್ತೆ ತಂತ್ರಜ್ಞಾನದ ಬಳಕೆಯನ್ನು ಬಯಸುವವರಿಗಾಗಿ ಈ ಪಾವತಿಸಿದ ಯೋಜನೆಯನ್ನು ವಿನ್ಯಾಸಗೊಳಿಸಲಾಗಿದೆ.

ಚಂದಾದಾರಿಕೆ ಯೋಜನೆಗಳು ಮತ್ತು ಬೆಲೆ ವಿವರ

ಮೆಟಾ ಒನ್ ಸೇವೆಯನ್ನು ಮುಖ್ಯವಾಗಿ ವೈಯಕ್ತಿಕ/AI ಪವರ್ ಬಳಕೆದಾರರು ಹಾಗೂ ಕ್ರಿಯೇಟರ್ಸ್‌ ಮತ್ತು ಉದ್ಯಮಿಗಳು ಎಂಬ ಎರಡು ವಿಭಾಗಗಳಾಗಿ ವರ್ಗೀಕರಿಸಲಾಗಿದೆ.

ಇನ್‌ಸ್ಟಾಗ್ರಾಮ್ ಪ್ಲಸ್ ಗೆ ತಿಂಗಳಿಗೆ 3.99 ಡಾಲರ್, ಕಸ್ಟಮ್ ಡಿಎಂ ಹಾಗೂ ಸ್ಟೋರಿ ಫಾಂಟ್‌ಗಳು, ಸ್ಟೋರಿ ವೀಕ್ಷಣೆ ಅಧಿಸೂಚನೆಗಳು ಮತ್ತು ಡಿಎಂ ಪ್ರೀ ವ್ಯೂವ್ ಒಳಗೊಂಡಿದೆ.

ವಾಟ್ಸಾಪ್ ಪ್ಲಸ್ ತಿಂಗಳಿಗೆ 2.99 ಡಾಲರ್, ವಿಶೇಷ ಥೀಮ್‌ಗಳು, ಐಕಾನ್‌ಗಳು, ಎಫೆಕ್ಟ್ ಸ್ಟಿಕ್ಕರ್‌ಗಳು ಹಾಗೂ ಹೆಚ್ಚಿನ ಚಾಟ್‌ಗಳನ್ನು ಪಿನ್ ಮಾಡುವ ಸೌಲಭ್ಯ. ಶೀಘ್ರದಲ್ಲೇ ಚಾಟ್ ಬ್ಯಾಕಪ್ ಮತ್ತು ಫೋಕಸ್ ಶೆಡ್ಯೂಲಿಂಗ್ ವೈಶಿಷ್ಟ್ಯಗಳು ಲಭ್ಯವಾಗಲಿವೆ.

ಫೇಸ್‌ಬುಕ್ ಪ್ಲಸ್ 3.99 ತಿಂಗಳಿಗೆ ಡಾಲರ್, ಕಸ್ಟಮ್ ಆಪ್ ಐಕಾನ್‌ಗಳು, ಸೂಪರ್ ಹಾರ್ಟ್ಸ್, ಮೆಸೆಂಜರ್ ಗ್ರಾಹಕೀಕರಣ ಮತ್ತು ರೀಲ್ಸ್ ಕುರಿತು ಹೆಚ್ಚಿನ ವಿಶ್ಲೇಷಣಾತ್ಮಕ ಮಾಹಿತಿ.

ಕೋರ್ ಮತ್ತು ಪ್ರೀಮಿಯಂ ಯೋಜನೆಗಳು :

ಮೆಟಾ ಒನ್ ಕೋರ್ : ತಿಂಗಳಿಗೆ ₹549. ಇದು ಎಲ್ಲಾ ಅಪ್ಲಿಕೇಶನ್‌ಗಳ ಸಂಯೋಜಿತ ವೈಶಿಷ್ಟ್ಯಗಳೊಂದಿಗೆ ಮೂಲಭೂತ AI ಬಳಕೆಗೆ ಅವಕಾಶ ನೀಡುತ್ತದೆ.

ಮೆಟಾ ಒನ್ ಪ್ರೀಮಿಯಂ : ತಿಂಗಳಿಗೆ ₹1,960. ಇದು ಸಂಯೋಜಿತ ಅಪ್ಲಿಕೇಶನ್ ವೈಶಿಷ್ಟ್ಯಗಳ ಜೊತೆಗೆ ಹೆಚ್ಚಿನ ಕಂಪ್ಯೂಟಿಂಗ್ ಸಾಮರ್ಥ್ಯದ ಉನ್ನತ ಮಟ್ಟದ AI ಪರಿಕರಗಳನ್ನು ಒದಗಿಸುತ್ತದೆ.

ಸೃಷ್ಟಿಕರ್ತರು ಮತ್ತು ಉದ್ಯಮಿಗಳ ಯೋಜನೆಗಳು:

ವ್ಯಾಪಾರ ವೃದ್ಧಿ ಮತ್ತು ಸುಧಾರಿತ ಪಬ್ಲಿಷಿಂಗ್ ಪರಿಕರಗಳನ್ನು ಬಯಸುವವರಿಗಾಗಿ ಮೆಟಾ ಒನ್ ಎಸೆನ್ಷಿಯಲ್, ಅಡ್ವಾನ್ಸ್ಡ್, ಎಕ್ಸ್‌ಪರ್ಟ್ ಮತ್ತು ಮ್ಯಾಕ್ಸ್ ಎಂಬ ವಿಭಾಗಗಳನ್ನು ಪರಿಚಯಿಸಲಾಗಿದೆ.

ಎಸೆನ್ಷಿಯಲ್ ಪ್ಲಾನ್: ತಿಂಗಳಿಗೆ ₹639 ರಿಂದ ಪ್ರಾರಂಭ.

ಅಡ್ವಾನ್ಸ್ಡ್ ಪ್ಲಾನ್: ತಿಂಗಳಿಗೆ ₹2,099.

ಈ ಯೋಜನೆಗಳು ಮೆಟಾ ಬಿಸಿನೆಸ್ ಏಜೆಂಟ್ ಹಾಗೂ ಸುಧಾರಿತ ವಿಷಯ ಪ್ರಕಟಣೆಯ ಸಾಮರ್ಥ್ಯಗಳನ್ನು ಒಳಗೊಂಡಿರುತ್ತವೆ.

ಮೆಟಾ AI ಮತ್ತು ಭವಿಷ್ಯದ ಯೋಜನೆಗಳು

ಮೆಟಾ AI ಬಳಕೆಯ ಸೌಲಭ್ಯ: ಮೆಟಾ AI ನ ದಿನನಿತ್ಯದ ಸಾಮಾನ್ಯ ಬಳಕೆಯು ಸಂಪೂರ್ಣ ಉಚಿತವಾಗಿರುತ್ತದೆ. ಆದರೆ 'ಮ್ಯೂಸ್' ಮಾದರಿ ಆಧಾರಿತ ಇಮೇಜ್ ಕ್ರಿಯೇಷನ್, ಇಮೇಜ್ ಎಡಿಟಿಂಗ್, ವೀಡಿಯೊ ಜನರೇಷನ್ ಮತ್ತು ಇನ್‌ಸ್ಟಾಗ್ರಾಮ್‌ ನ 'ರೆಸ್ಟೈಲ್' ನಂತಹ ಸಂಕೀರ್ಣ ಕಾರ್ಯಗಳಿಗೆ ಮೆಟಾ ಒನ್ ಚಂದಾದಾರಿಕೆ ಅಗತ್ಯವಿರುತ್ತದೆ.

ಮುಂದಿನ ಹಂತದ ವಿಸ್ತರಣೆ: ಮುಂಬರುವ ದಿನಗಳಲ್ಲಿ ಈ ಚಂದಾದಾರಿಕೆ ಸೇವೆಯನ್ನು ಮೆಟಾದ ವೀಡಿಯೊ ಎಡಿಟಿಂಗ್ ಅಪ್ಲಿಕೇಶನ್ 'ಎಡಿಟ್ಸ್', AI ಗ್ಲಾಸ್‌ಗಳು ಹಾಗೂ ಇತರ ಸಾಧನಗಳಿಗೆ ವಿಸ್ತರಿಸಲು ಕಂಪನಿ ಯೋಜಿಸಿದೆ. ಶೀಘ್ರದಲ್ಲೇ 'ಎಡಿಟ್ಸ್ ಪ್ಲಸ್' ಹೆಸರಿನಲ್ಲಿ ಹೆಚ್ಚಿನ ಕ್ಲೌಡ್ ಸ್ಟೋರೇಜ್ ಮತ್ತು AI ಅಸಿಸ್ಟೆಂಟ್ ಸೌಲಭ್ಯವನ್ನು ಬಿಡುಗಡೆ ಮಾಡುವುದಾಗಿ ಮೆಟಾ ತಿಳಿಸಿದೆ.

ಜಾಗತಿಕ AI ಕ್ರಾಂತಿಯಲ್ಲಿ ಸಾಧನೆ : ಟೈಮ್ ನಿಯತಕಾಲಿಕೆಯ 100 ಪ್ರಭಾವಿಗಳ ಪಟ್ಟಿಯಲ್ಲಿ 9 ಭಾರತೀಯ ಮೂಲದ ದಿಗ್ಗಜರು!

Gowthami K — Fri, 28 Aug 2026 14:41:03 +0530

ಕೃತಕ ಬುದ್ಧಿಮತ್ತೆ (AI) ತಂತ್ರಜ್ಞಾನವು ಕೇವಲ ಸಂಶೋಧನಾ ವಲಯಗಳಿಗೆ ಸೀಮಿತವಾಗುಳಿಯದೆ ಕಾರ್ಪೊರೇಟ್ ಕೊಠಡಿಗಳು, ಆಸ್ಪತ್ರೆಗಳು, ನ್ಯಾಯಾಲಯಗಳು ಹಾಗೂ ಸರ್ಕಾರಿ ಕಚೇರಿಗಳಲ್ಲಿ ಕ್ರಾಂತಿಕಾರಿ ಬದಲಾವಣೆ ತರುತ್ತಿದೆ. ತಂತ್ರಜ್ಞಾನ ಮತ್ತು ಸಮಾಜದಲ್ಲಿ ಧನಾತ್ಮಕ ಪರಿಣಾಮ ಬೀರುತ್ತಿರುವ ಗಣ್ಯರನ್ನು ಗುರುತಿಸಿ ‘ಟೈಮ್’ (TIME) ನಿಯತಕಾಲಿಕೆಯು ಪ್ರಕಟಿಸಿರುವ 2026 ರ AI ಕ್ಷೇತ್ರದಲ್ಲಿ 100 ಅತ್ಯಂತ ಪ್ರಭಾವಶಾಲಿ ವ್ಯಕ್ತಿಗಳ ಪಟ್ಟಿಯಲ್ಲಿ ಭಾರತೀಯ ಮೂಲದ 9 ಸಾಧಕರು ಸ್ಥಾನ ಪಡೆದುಕೊಂಡಿದ್ದಾರೆ.

ಈ ಪ್ರಭಾವಿ ಪಟ್ಟಿಯನ್ನು ಲೀಡರ್ಸ್, ಇನೋವೇಟರ್ಸ್, ಶೇಪರ್ಸ್, ಮತ್ತು ಚಿಂತಕರು ಎಂಬ ನಾಲ್ಕು ಪ್ರಮುಖ ವಿಭಾಗಗಳಾಗಿ ವರ್ಗೀಕರಿಸಲಾಗಿದೆ. ಓಪನ್‌ಎಐನ ಸ್ಯಾಮ್ ಆಲ್ಟ್‌ಮನ್, ಎಲಾನ್ ಮಸ್ಕ್ ಹಾಗೂ ಆಂಥ್ರೊಪಿಕ್‌ನ ಅಮೋಡೆ ಸಹೋದರರಂತಹ ಬಿಗ್ ಟೆಕ್ ದಿಗ್ಗಜರ ಹೊರತಾಗಿಯೂ, ನೈಜ ಜಗತ್ತಿನಲ್ಲಿ AI ಅನ್ನು ಸಮಾಜಮುಖಿಯಾಗಿ ಬಳಸುತ್ತಿರುವವರನ್ನು ಟೈಮ್ಸ್ ವಿಶೇಷವಾಗಿ ಗುರುತಿಸಿದೆ.

ಪಟ್ಟಿಯಲ್ಲಿರುವ ಭಾರತೀಯ ಮೂಲದ 9 ಪ್ರಮುಖ ವ್ಯಕ್ತಿಗಳು ಮತ್ತು ಕೊಡುಗೆ

1. ಅರವಿಂದ್ ಕೃಷ್ಣ (ಅಧ್ಯಕ್ಷರು ಮತ್ತು ಸಿಇಒ, IBM)

ತಂತ್ರಜ್ಞಾನ ಕ್ಷೇತ್ರದ ಮಹತ್ವದ ಬದಲಾವಣೆಯ ಅವಧಿಯಲ್ಲಿ ಐಬಿಎಂ (IBM) ಸಂಸ್ಥೆಯ ಚುಕ್ಕಾಣಿ ಹಿಡಿದಿರುವ ಅರವಿಂದ್ ಕೃಷ್ಣ, ಇತರ ಬೃಹತ್ AI ಕಂಪನಿಗಳೊಂದಿಗೆ ನೇರ ಸ್ಪರ್ಧೆಗೆ ಇಳಿಯದೆ 'ಉದ್ಯಮಗಳ ಅಳವಡಿಕೆ' (Enterprise Adoption) ಮೇಲೆ ಗಮನ ಹರಿಸಿದ್ದಾರೆ. ಐಬಿಎಂ ಸಣ್ಣ ಮತ್ತು ಪರಿಣಾಮಕಾರಿ ಮಾದರಿಗಳನ್ನು ಅಭಿವೃದ್ಧಿಪಡಿಸುವುದರ ಜೊತೆಗೆ, ಅಗತ್ಯವಿದ್ದಾಗ ಗೂಗಲ್, ಓಪನ್‌ಎಐ ಮತ್ತು ಆಂಥ್ರೊಪಿಕ್ ಮಾದರಿಗಳನ್ನು ಬಳಸಿಕೊಳ್ಳಲು ಗ್ರಾಹಕರಿಗೆ ಅವಕಾಶ ನೀಡಿದೆ. AI ಅಪ್ಲಿಕೇಶನ್‌ಗಳು ಮತ್ತು ಡೇಟಾ ಸುರಕ್ಷತೆಗೆ ಐಬಿಎಂ ನೀಡುತ್ತಿರುವ ಆದ್ಯತೆಯು ಕಂಪನಿಗೆ ಹೊಸ ಶಕ್ತಿ ತಂದಿದೆ.

2. ಮೀರಾ ಮುರಾಟಿ (ಸಹ-ಸ್ಥಾಪಕಿ, ಥಿಂಕಿಂಗ್ ಮೆಷಿನ್ಸ್ ಲ್ಯಾಬ್)

ಮಾಜಿ ಓಪನ್‌ಎಐ ಕಾರ್ಯನಿರ್ವಾಹಕಿಯಾದ ಮೀರಾ ಮುರಾಟಿ, 2025 ರಲ್ಲಿ 'ಥಿಂಕಿಂಗ್ ಮೆಷಿನ್ಸ್ ಲ್ಯಾಬ್' ನವೋದ್ಯಮವನ್ನು ಪ್ರಾರಂಭಿಸಿದರು. ಕೇವಲ ಪ್ರಮಾಣೀಕೃತ AI ಮಾದರಿಗಳನ್ನು ನೆಚ್ಚಿಕೊಳ್ಳದೆ, ಗ್ರಾಹಕರ ಅಗತ್ಯ ಮತ್ತು ಡೇಟಾಗೆ ತಕ್ಕಂತೆ ಕಸ್ಟಮೈಸ್ ಮಾಡಬಹುದಾದ AI ವ್ಯವಸ್ಥೆಯನ್ನು ಇವರು ರೂಪಿಸುತ್ತಿದ್ದಾರೆ. ಪ್ರಾರಂಬಿಕ ಹಂತದಲ್ಲೇ $2 ಬಿಲಿಯನ್ ನಷ್ಟು ಬೃಹತ್ ಬಂಡವಾಳ ಸಂಗ್ರಹಿಸಿರುವ ಈ ಸಂಸ್ಥೆಯು, ಎನ್‌ವಿಡಿಯಾ (Nvidia) ಜೊತೆ ಪಾಲುದಾರಿಕೆ ಹೊಂದಿದ್ದು, 'ಟಿಂಕರ್' (Tinker) ಮತ್ತು 'ಇಂಕ್ಲಿಂಗ್' (Inkling) ನಂತಹ ಸುಧಾರಿತ ಮಾದರಿಗಳನ್ನು ಅಭಿವೃದ್ಧಿಪಡಿಸುತ್ತಿದೆ.

3. ರವಿ ಕುಮಾರ್ ಎಸ್ (ಸಿಇಒ, ಕಾಗ್ನಿಜೆಂಟ್)

ಸುಮಾರು 3.56 ಲಕ್ಷ ಉದ್ಯೋಗಿಗಳನ್ನು ಹೊಂದಿರುವ ಕಾಗ್ನಿಜೆಂಟ್‌ನ ಮುಖ್ಯಸ್ಥರಾದ ರವಿ ಕುಮಾರ್ ಎಸ್, AI ನಿಂದ ಮಾನವ ಉದ್ಯೋಗಗಳಿಗೆ ಎದುರಾಗುವ ಸವಾಲುಗಳು ಎಂಬ ಪ್ರಮುಖ ಆರ್ಥಿಕ ಪ್ರಶ್ನೆಗೆ ಪರಿಹಾರ ಕಂಡುಕೊಳ್ಳುತ್ತಿದ್ದಾರೆ. ಮಾಜಿ ಪರಮಾಣು ವಿಜ್ಞಾನಿಯಾಗಿರುವ ಇವರು, ಕಂಪನಿಗಳು ಯಾಂತ್ರೀಕರಣದ ಜೊತೆಗೆ ಮಾನವ ಸಂಪನ್ಮೂಲವನ್ನು ಬೆಂಬಲಿಸುವಂತೆ ತೆರಿಗೆ ನೀತಿಗಳಲ್ಲಿ ಸೂಕ್ತ ಪ್ರೋತ್ಸಾಹಕಗಳನ್ನು ನೀಡಬೇಕೆಂದು ವಾದಿಸುತ್ತಾರೆ. AI ತಂತ್ರಜ್ಞಾನದಿಂದ ಉದ್ಯೋಗಗಳು ನಶಿಸುವುದಿಲ್ಲ, ಬದಲಾಗಿ ಕೆಲಸದ ಸ್ವರೂಪ ಬದಲಾಗಲಿದೆ ಎಂಬುದು ಇವರ ನಿಲುವು.

4. ವಿವೇಕ್ ರಾಘವನ್ (ಸಹ-ಸ್ಥಾಪಕರು, ಸರ್ವಂ AI)

ಆಧಾರ್ ಯೋಜನೆ ಹಾಗೂ ಐಐಟಿ ಮದ್ರಾಸ್‌ನ 'AI4Bhārat' ನಲ್ಲಿ ದಶಕಗಳ ಕಾಲ ಸೇವೆ ಸಲ್ಲಿಸಿದ ವಿವೇಕ್ ರಾಘವನ್, ಭಾರತದ ಪ್ರಾದೇಶಿಕ ಭಾಷೆಗಳಿಗೆ ಸೂಕ್ತವಾದ AI ಮೂಲಸೌಕರ್ಯವನ್ನು 'ಸರ್ವಂ AI' (Sarvam AI) ಮೂಲಕ ನಿರ್ಮಿಸುತ್ತಿದ್ದಾರೆ. 22 ಭಾರತೀಯ ಭಾಷೆಗಳು ಮತ್ತು ಇಂಗ್ಲಿಷ್‌ನಲ್ಲಿ ದಾಖಲೆಗಳನ್ನು ಸಂಸ್ಕರಿಸಬಲ್ಲ 'ಸರ್ವಂ 30B' ಮತ್ತು '105B' ನಂತಹ ಬಹುಭಾಷಾ ಮಾದರಿಗಳನ್ನು ಇವರು ರೂಪಿಸಿದ್ದಾರೆ. ವಿದೇಶಿ AI ತಂತ್ರಜ್ಞಾನದ ಮೇಲಿನ ಅವಲಂಬನೆ ತಗ್ಗಿಸಿ 'AI ಸಾರ್ವಭೌಮತ್ವ' ಸಾಧಿಸುವುದು ಇವರ ಮುಖ್ಯ ಗುರಿಯಾಗಿದೆ.

5. ಉತ್ಕರ್ಷ್ ಸಕ್ಸೇನಾ (ಸ್ಥಾಪಕರು, ಅದಾಲತ್ AI)

ಭಾರತದ ಸುಪ್ರೀಂ ಕೋರ್ಟ್‌ನಲ್ಲಿ ಮಾಜಿ ಗುಮಾಸ್ತರಾಗಿದ್ದ ಉತ್ಕರ್ಷ್ ಸಕ್ಸೇನಾ, ಭಾರತೀಯ ನ್ಯಾಯಾಂಗ ವ್ಯವಸ್ಥೆಯಲ್ಲಿನ ಲಕ್ಷಾಂತರ ಬಾಕಿ ಪ್ರಕರಣಗಳನ್ನು ಶೀಘ್ರ ವಿಲೇವಾರಿ ಮಾಡಲು 2023 ರಲ್ಲಿ 'ಅದಾಲತ್ AI' (Adalat AI) ಸ್ಥಾಪಿಸಿದರು. ಇವರ ಧ್ವನಿ-ಗುರುತಿಸುವಿಕೆ (Speech-recognition) ತಂತ್ರಜ್ಞಾನವು ಪ್ರಸ್ತುತ 11 ರಾಜ್ಯಗಳ 5,500 ಕ್ಕೂ ಹೆಚ್ಚು ನ್ಯಾಯಾಲಯ ಕೊಠಡಿಗಳಲ್ಲಿ ಬಳಕೆಯಾಗುತ್ತಿದೆ. ಕೇರಳ, ಸಿಕ್ಕಿಂ ಮತ್ತು ಆಂಧ್ರಪ್ರದೇಶ ರಾಜ್ಯಗಳು ಕಾಗದರಹಿತ ನ್ಯಾಯಾಲಯ ಪ್ರಕ್ರಿಯೆಗೆ ಈ ತಂತ್ರಜ್ಞಾನವನ್ನು ಬಳಸಿಕೊಳ್ಳುತ್ತಿವೆ.

6. ಸುಚಿ ಸರಿಯಾ (ಸ್ಥಾಪಕಿ ಮತ್ತು ಸಿಇಒ, ಬೇಸಿಯನ್ ಹೆಲ್ತ್)

ಆರೋಗ್ಯ ರಕ್ಷಣೆಯಲ್ಲಿ AI ನ ಪಾತ್ರವನ್ನು ವಿಸ್ತರಿಸಿರುವ ಸುಚಿ ಸರಿಯಾ, ಸೆಪ್ಸಿಸ್ (Sepsis) ನಂತಹ ವೈದ್ಯಕೀಯ ತುರ್ತು ಪರಿಸ್ಥಿತಿಗಳನ್ನು ಮುಂಚಿತವಾಗಿಯೇ ಪತ್ತೆಹಚ್ಚುವ AI ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಿದ್ದಾರೆ. ಇವರ ತಂತ್ರಜ್ಞಾನಕ್ಕೆ ಅಮೆರಿಕದ FDA ಅನುಮೋದನೆ ದೊರೆತಿದ್ದು, ಕ್ಲೀವ್‌ಲ್ಯಾಂಡ್ ಕ್ಲಿನಿಕ್ ಸೇರಿದಂತೆ ಪ್ರಮುಖ ಆಸ್ಪತ್ರೆಗಳಲ್ಲಿ ರೋಗಿಗಳ ಜೀವ ಉಳಿಸಲು ಇದು ನೆರವಾಗುತ್ತಿದೆ.

7. ಮೀತಾಲಿ ಜೈನ್ (ಕಾರ್ಯನಿರ್ವಾಹಕ ನಿರ್ದೇಶಕಿ, ಟೆಕ್ ಜಸ್ಟೀಸ್ ಲಾ)

AI ತಂತ್ರಜ್ಞಾನದಿಂದ ಸಮಾಜ ಮತ್ತು ವ್ಯಕ್ತಿಗಳ ಮೇಲಾಗುವ ಹಾನಿಗಳನ್ನು ತಡೆಯಲು ಮೀತಾಲಿ ಜೈನ್ ಶ್ರಮಿಸುತ್ತಿದ್ದಾರೆ. AI ಚಾಟ್‌ಬಾಟ್‌ಗಳಿಂದ ಉಂಟಾದ ಮಾನಸಿಕ ತೊಂದರೆ ಹಾಗೂ ಅನಾಹುತಗಳ ವಿರುದ್ಧ ಐತಿಹಾಸಿಕ ಕಾನೂನು ಹೋರಾಟಗಳನ್ನು ಇವರ 'ಟೆಕ್ ಜಸ್ಟೀಸ್ ಲಾ' ಸಂಸ್ಥೆಯು ನಡೆಸುತ್ತಿದ್ದು, AI ಕಂಪನಿಗಳು ನೈತಿಕ ಹೊಣೆಗಾರಿಕೆ ಹೊರಬೇಕೆಂದು ಪ್ರತಿಪಾದಿಸುತ್ತಿದೆ.

8. ಅರವಿಂದ್ ರಾಮನ್ (ಹಂಗಾಮಿ ಮುಖ್ಯಸ್ಥರು, US NIST)

ಅಮೆರಿಕದ AI ಮಾನದಂಡಗಳು ಮತ್ತು ನಾವೀನ್ಯತಾ ಕೇಂದ್ರದ (NIST) ಹಂಗಾಮಿ ಮುಖ್ಯಸ್ಥರಾಗಿರುವ ಅರವಿಂದ್ ರಾಮನ್, ಸುಧಾರಿತ AI ವ್ಯವಸ್ಥೆಗಳ ಸಾಮರ್ಥ್ಯ ಮತ್ತು ಸಂಭಾವ್ಯ ಅಪಾಯಗಳನ್ನು ಮೌಲ್ಯಮಾಪನ ಮಾಡುವ ಪರೀಕ್ಷಾ ವಿಧಾನಗಳನ್ನು ರೂಪಿಸುತ್ತಿದ್ದಾರೆ.

9. ಸನ್ನಿ ಗಾಂಧಿ (ಸಹ-ಕಾರ್ಯನಿರ್ವಾಹಕ ನಿರ್ದೇಶಕರು, ENCODE)

'ಎನ್‌ಕೋಡ್' ಸಂಸ್ಥೆಯ ಮೂಲಕ ಸನ್ನಿ ಗಾಂಧಿ AI ಸುರಕ್ಷತಾ ನಿಯಮಗಳು ಮತ್ತು ಪಾರದರ್ಶಕತೆಗಾಗಿ ಶ್ರಮಿಸುತ್ತಿದ್ದಾರೆ. ವಿಶೇಷವಾಗಿ ಪರಮಾಣು ಶಸ್ತ್ರಾಸ್ತ್ರಗಳಂತಹ ಸೂಕ್ಷ್ಮ ಕ್ಷೇತ್ರಗಳಿಗೆ ಬೆಸೆದುಕೊಂಡಿರುವ AI ವ್ಯವಸ್ಥೆಗಳ ಮೇಲೆ ಕಡ್ಡಾಯವಾಗಿ 'ಮಾನವ ಮೇಲ್ವಿಚಾರಣೆ' (Human Oversight) ಇರಬೇಕೆಂದು ಇವರು ಜಾಗತಿಕ ಮಟ್ಟದಲ್ಲಿ ಜಾಗೃತಿ ಮೂಡಿಸುತ್ತಿದ್ದಾರೆ.

'ಟೈಮ್' ನಿಯತಕಾಲಿಕೆಯ ಈ ಪಟ್ಟಿಯು, AI ಸ್ಪರ್ಧೆಯು ಕೇವಲ ತಂತ್ರಜ್ಞಾನ ಮಾದರಿಗಳನ್ನು ನಿರ್ಮಿಸುವವರ ನಡುವಷ್ಟೇ ಅಲ್ಲ, ಅದನ್ನು ಸಮಾಜಕ್ಕೆ ಉಪಯುಕ್ತವಾಗುವಂತೆ ನಿಯೋಜಿಸುವ, ನಿಯಂತ್ರಿಸುವ ಮತ್ತು ಸುರಕ್ಷಿತವಾಗಿರಿಸುವ ಪರಿಸರ ವ್ಯವಸ್ಥೆಯನ್ನೊಳಗೊಂಡಿದೆ ಎಂಬುದನ್ನು ಸ್ಪಷ್ಟಪಡಿಸಿದೆ. ಈ ಜಾಗತಿಕ AI ಕ್ರಾಂತಿಯಲ್ಲಿ ಭಾರತೀಯ ಮೂಲದ ಈ 9 ಸಾಧಕರ ಕೊಡುಗೆ ಅತ್ಯಂತ ಪ್ರಮುಖವಾಗಿದೆ.

ಕೇವಲ 3000 ರೂ ಮಾತ್ರ, ಪಾತ್ರೆ ಸೇರಿ ನಿಮ್ಮ ಮನೆ ಸಂಪೂರ್ಣ ಕ್ಲೀನ್ ಮಾಡುತ್ತೆ ಎಐ ರೊಬೋಟಿಕ್

Chethan Kumar — Wed, 26 Aug 2026 15:49:17 +0530

ಪಾತ್ರೆ ತೊಳೆಯೋದು, ಮನೆ ಕ್ಲೀನ್ ಮಾಡೋದು, ಬಾತ್ ರೂಂ ಶುಚಿಗೊಳಿಸುವುದು ಸೇರಿದಂತೆ ಇಡೀ ಮನೆಯನ್ನು ಗುಡಿಸಿ, ಒರೆಸಿ ಶುಚಿಯಾಗಿಡುವುದು ಅತೀ ದೊಡ್ಡ ಸವಾಲು. ವಾರದ ಒಂದು ದಿನ ಇದಕ್ಕೆ ಮೀಸಲಿಡಬೇಕು. ಇನ್ನು ಪ್ರತಿ ದಿನದ ಕೆಲಸ ಬೇರೆ. ಇದೀಗ ಮನೆ ಕ್ಲೀನ್ ಮಾಡಲು ಚಿಂತೆ ಮಾಬೇಕಿಲ್ಲ. ಪಾತ್ರೆ ಸೇರಿದಂತೆ ಇಡೀ ಮನೆಯನ್ನು ಎಐ ರೋಬೋಟಿಕ್ ಶುಚಿ ಮಾಡಿಕೊಡುತ್ತೆ. ಕೇವಲ 3000 ರೂಪಾಯಿಗೆ ಇಡೀ ಮನೆಯನ್ನು ಕ್ಲೀನ್ ಮಾಡಲಿದೆ. ಜಸ್ಟ್ ಬುಕ್ ಮಾಡಿದರೆ ಸಾಕು, ಎಐ ರೋಬೋಟ್ ಮನೆಗೆ ಬಂದು ಕ್ಲೀನ್ ಮಾಡಲಿದೆ.

ಮನೆಯ ಕೆಲಸಗಳು ಹಾಗೂ ಸ್ವಚ್ಚತೆ ಇದೀಗ ರೋಬೋಟ್ ಮಾಡಲಿದೆ. ಅಮೆರಿಕದ ಸ್ಟಾರ್ಟ್ಅಪ್ ಟೌ ರೊಬೋಟಿಕ್ ಸಂಸ್ಥೆ ಈ ರೋಬೋಟ್ ಅಭಿವೃದ್ಧಿ ಮಾಡಿದೆ. ಟೌ ರೋಬೋಟಿಕ್ ನೇರವಾಗಿ ಮನೆಗೆ ಆಗಿಸಿ ಶುಚಿಗೊಳಿಸಲಿದೆ. ಮಾನವಾಕೃತಿಯ ರೋಬೋಟಿಕ್ ಮನೆಗೆ ಬಂದು ಸ್ಕಾನ್ ಮಾಡಿ ಎಲ್ಲಾ ಕೆಲಸ ಮಾಡಲಿದೆ. ಈಗಾಗಲೇ ಅಮೆರಿಕದಲ್ಲಿ ಟೌ ರೋಬೋಟಿಕ್ ಈ ರೋಬೋಟಿಕ್ ಸೇವೆ ಆರಂಭಿಸಿದೆ.

ಬುಕ್ ಮಾಡಿದ ಮನೆಗೆ ಬರಲಿದೆ ರೋಬೋ

ಟೌ ರೋಬೋಟಿಕ್ ಸಿಇಒ ಅಲೆಕ್ಸಾಂಡರ್ ಈ ಕುರಿತು ಸಂಚಸ ಹಂಚಿಕೊಂಡಿದ್ದಾರೆ. ಇತ್ತೀಚೆಗೆ ಈ ಕುರಿತ ವಿಡಿಯೋ ಒಂದನ್ನು ಹಂಚಿಕೊಂಡಿದ್ದರು. ಅಮೆರಿಕದಲ್ಲಿ ಡ್ರೈವರ್ ಲೆಸ್ ಕಾರಿನ ಮೂಲಕ ಈ ರೋಬೋಟ್ ಬುಕ್ ಮಾಡಿದ ಮನೆಗೆ ಆಗಮಿಸಲಿದೆ. ಕಾರಿನಿಂದ ಇಳಿದು ನೇರವಾಗಿ ಮನೆಗೆ ಬಂದು ಕೆಲಸ ಆರಂಭಿಸಲಿದೆ. ಮನೆಯ ಕೆಲಸಗಳ ಕುರಿತು ಬುಕಿಂಗ್ ಮಾಡುವಾಗ ಮೊದಲೇ ಸೂಚನೆ ನೀಡಬೇಕು. ಪಟ್ಟಿ ಕಳುಹಿಸಬೇಕು. ಈ ಪಟ್ಟಿಗೆ ಅನುಗುಣವಾಗಿ ರೋಬೋಟ್ ಕೆಲಸ ಆರಂಭಿಸಲಿದೆ. ಕೆಲಸದ ಪಟ್ಟಿ ಹಾಗೂ ಇಡೀ ಮನೆಯನ್ನು ರೋಬೋಟಿಕ್ ಸ್ಕ್ಯಾನ್ ಮಾಡಿ ಕೆಲಸ ಮಾಡಲಿದೆ.

ಅಲೆಕ್ಸಾಂಡರ್ ಹಂಚಿಕೊಂಡ ವಿಡಿಯೋದಲ್ಲಿ ರೋಬೋ ಕಾರಿನಿಂದ ಇಳಿದು ತನ್ನ ಸಾಮಾಗ್ರಿಗಳನ್ನು ಹಿಡಿದು ಮನೆಗೆ ತೆರಳುತ್ತಿದೆ. ಬಳಿಕ ಮನೆ ಸ್ಕ್ಯಾನ್ ಮಾಡಲಿದೆ. ಬಳಿಕ ಕೆಲಸ ಆರಂಭಿಸಲಿದೆ. ಪಟ್ಟಿ ನೀಡಿದಂತೆ ಒಂದೊಂದೆ ಕೆಲಸಗಳನ್ನು ಆರಂಭಿಸುವ ವಿಡಿಯೋವನ್ನು ಕಂಪನಿ ಸಿಇಒ ಹಂಚಿಕೊಂಡಿದ್ದಾರೆ.

ಕೇವಲ 3000 ರೂಪಾಯಿ

ಟೌ ರೋಬೋಟಿಕ್ ಲಾಂಚ್ ಮಾಡಿರುವ ರೋಬೋ ಮನೆಗೆ ಬಂದು ಶುಚಿಗೊಳಿಸುವ ಚಾರ್ಜ್ ಕಡಿಮೆ. ಪ್ರತಿ ಗಂಟೆಗೆ 3000 ರೂಪಾಯಿ ಚಾರ್ಜ್ ಮಾಡಲಾಗುತ್ತದೆ. ವಿಶೇಷ ಅಂದರೆ ಒಂದರಿಂದ 2 ಗಂಟೆಯಲ್ಲಿ ಇಡೀ ಮನೆಯ ಕೆಲಸಗಳನ್ನು ಈ ರೋಬೋ ಪೂರ್ಣಗೊಳಿಸಲಿದೆ. ಒಂದು ಸೆಕೆಂಡ್ ವಿಶ್ರಾಂತಿ ಪಡೆಯದೇ ಕೆಲಸ ಮಾಡಲಿದೆ.

ಮೂರು ವಿಧದ ರೋಬೋ

ಅಡುಗೆ ಮನೆ ಹಾಗೂ ಬಾತ್ ರೂಂ ಸ್ವಚ್ಚಕೆಗೆ ಚೆಲ್ಸಿಯಾ ರೋಬೋ
ಮನೆಯ ವಸ್ತುಗಳನ್ನು ಎಲ್ಲಿಡಬೇಕು, ಎಲ್ಲಿತ್ತು, ಎಲ್ಲವನ್ನು ಎಲಾನ್ ರೋಬೋ ನೋಡಿಕೊಳ್ಳಲಿದೆ
ಕಿಟಕಿ, ಟ್ರ್ಯಾಕ್, ಟೇಬಲ್ ಹಾಗೂ ಮಂಚದ ಕೆಲಗೆ ಮಹಡಿಗಳ ಶುಚಿಗಾಗಿ ಟೋನಿ ರೋಬೋ

7 ಸೀಟರ್‌ ಫ್ಯಾಮಿಲಿ ಕಾರ್ ಖರೀದಿಸುವ ಪ್ಲಾನ್ ಇದೆಯಾ? ಅವಸರ ಬೇಡ, ಜಪಾನ್‌ನಿಂದ ಬರ್ತಿದೆ ಹೊಸ ಕಾರು!

Ravi Janekal — Tue, 01 Sep 2026 15:32:50 +0530

ಜಪಾನ್ ಮೂಲದ ಹೆಸರಾಂತ ಕಂಪನಿಯೊಂದು ಹೊಚ್ಚಹೊಸ 7 ಸೀಟರ್ ಕಾರನ್ನು ಭಾರತದಲ್ಲಿ ಬಿಡುಗಡೆ ಮಾಡಲು ಮುಂದಾಗಿರುವುದು ದೇಶದ ಆಟೋಮೊಬೈಲ್ ಮಾರುಕಟ್ಟೆಯಲ್ಲಿ ಹೊಸ ಸಂಚಲನ ಸೃಷ್ಟಿಸಿದೆ.. ಈ ಕಾರಿನ ನಿರೀಕ್ಷಿತ ಬೆಲೆ ಸುಮಾರು ₹17 ಲಕ್ಷ ಇರಲಿದೆ ಎಂಬ ಸುದ್ದಿ ಸೆವೆಲ್ ಸೀಟ್ ಕಾರು ಖರೀದಿಸುವ ಪ್ಲಾನ್ ಮಾಡಿರುವವರಿಗೆ ಸಾಕಷ್ಟು ಕುತೂಹಲ ಕೆರಳಿಸಿದೆ.

7 ಸೀಟು ಹೊಂದಿರುವ ಜಪಾನೀಸ್ ಕಾರು ವಿಶೇಷತೆ

ದೊಡ್ಡ ಕುಟುಂಬಗಳನ್ನು ಹೊಂದಿರುವ ಭಾರತೀಯರಿಗೆ 7 ಸೀಟರ್ ಕಾರುಗಳು ಯಾವಾಗಲೂ ಮೊದಲ ಆಯ್ಕೆಯಾಗಿರುತ್ತೆ. ಭಾರತೀಯರನ್ನ ಆದ್ಯತೆಯಾಗಿಟ್ಟುಕೊಂಡು ಜಪಾನೀಸ್ ಕಾರು ಕಂಪನಿ ಈ ಕಾರನ್ನ ಮಾರುಕಟ್ಟೆಗೆ ಪರಿಚಯಿಸಿದೆ. ಅಲ್ಲದೆ ಜಪಾನಿನ ಈ ಹೊಸ ಕಾರಿನ ಬಿಡುಗಡೆಯಿಂದಾಗಿ ಕಡಿಮೆ ಬಜೆಟ್‌ನ ಸೆವೆನ್ ಸೀಟೆಡ್ ಕಾರುಗಳ ಮಧ್ಯೆ ತೀವ್ರ ಸ್ಪರ್ಧೆ ಹೆಚ್ಚಿಸಿದೆ. ಜಪಾನೀಸ್ ಕಾರುಗಳು ಸಾಮಾನ್ಯವಾಗಿ ತಂತ್ರಜ್ಞಾನ, ವಿಶ್ವಾಸಾರ್ಹತೆ, ಗುಣಮಟ್ಟಕ್ಕೆ ಹೆಸರುವಾಸಿಯಾಗಿರುವುದರಿಂದ ಈ ಹೊಸ ಮಾದರಿಯ ಮೇಲೆ ನಿರೀಕ್ಷೆಗಳು ಹೆಚ್ಚಾಗಿವೆ.

₹17 ಲಕ್ಷದ ಬೆಲೆಯ ಈ ಕಾರನ್ನು ಮಧ್ಯಮ ವರ್ಗದ ಪ್ರೀಮಿಯಂ ಎಸ್‌ಯುವಿ ಸೆಗ್ಮೆಂಟ್‌ನಲ್ಲಿ ಇರಿಸುತ್ತದೆ. ಈ ಬೆಲೆಯಲ್ಲಿ ಅತ್ಯುತ್ತಮ ಫೀಚರ್‌ಗಳು, ಸುರಕ್ಷತೆ, ಆರಾಮದಾಯಕ ಪ್ರಯಾಣವನ್ನು ಗ್ರಾಹಕರು ನಿರೀಕ್ಷಿಸುವುದು ಸಹಜ. ಆದರೆ, ಕಂಪನಿಯು ಕಾರಿನ ಹೆಸರು, ವಿನ್ಯಾಸ ಅಥವಾ ಎಂಜಿನ್ ಕುರಿತು ಯಾವುದೇ ಅಧಿಕೃತ ಮಾಹಿತಿ ಇನ್ನೂ ಬಿಟ್ಟುಕೊಟ್ಟಿಲ್ಲ, ಇದು ಇನ್ನಷ್ಟು ಕುತೂಹಲ ಹೆಚ್ಚಿಸಿದೆ.

ಈ ಕಾರು ಪೆಟ್ರೋಲ್ ಅಥವಾ ಡೀಸೆಲ್?

ಈ ಕಾರು ಪೆಟ್ರೋಲ್, ಡೀಸೆಲ್ ಅಥವಾ ಹೈಬ್ರಿಡ್ ಎಂಜಿನ್ ಆಯ್ಕೆಗಳಲ್ಲಿ ಲಭ್ಯವಾಗಲಿದೆಯೇ ಎಂಬುದು ಸದ್ಯದ ಪ್ರಶ್ನೆ. ಬೆಲೆಗೆ ತಕ್ಕ ಮೌಲ್ಯವನ್ನು ನೀಡುವಲ್ಲಿ ಯಶಸ್ವಿಯಾದರೆ, ಮಾರುಕಟ್ಟೆಯಲ್ಲಿರುವ ಇತರ 7 ಸೀಟರ್ ಕಾರುಗಳಿಗೆ ಇದು ಪ್ರಬಲ ಪೈಪೋಟಿ ನೀಡುವುದರಲ್ಲಿ ಅನುಮಾನವಿಲ್ಲ. ಅಸಲಿ ಕಥೆ ಇರುವುದೇ ಇಲ್ಲಿ, ಈ ಬೆಲೆಗೆ ಕಂಪನಿ ಏನೆಲ್ಲಾ ನೀಡಲಿದೆ ಎಂಬುದರಲ್ಲಿ.

ಭಾರತೀಯರು ಕಾರು ಖರೀದಿಸುವಾಗ ಮೈಲೇಜು ನೋಡುತ್ತಾರೆ. ಮೈಲೇಜ್ ಕೊಡದೆ ಕಾರು ಎಷ್ಟೇ ಕಡಿಮೆ ಇದ್ದರೂ ಖರೀದಿಸಲು ಹಿಂದೇಟು ಹಾಕುತ್ತಾರೆ. ಹೀಗಾಗಿ ಈ ಹೊಸ 7 ಸೀಟರ್ ಕಾರು ಉತ್ತಮ ಮೈಲೇಜ್ ನೀಡಲಿದೆಯೇ ಎಂಬ ಪ್ರಶ್ನೆ ಎಲ್ಲರನ್ನೂ ಕಾಡುತ್ತಿದೆ.

ಕೇವಲ ಮೈಲೇಜ್ ಮಾತ್ರವಲ್ಲ, ಕಾರಿನೊಳಗಿನ ಸ್ಥಳಾವಕಾಶ, ಮೂರನೇ ಸಾಲಿನ ಆಸನಗಳ ಸೌಕರ್ಯ ಮತ್ತು ಬೂಟ್ ಸ್ಪೇಸ್ ಕೂಡ ಮುಖ್ಯವಾಗುತ್ತದೆ. ಕುಟುಂಬದ ಎಲ್ಲ ಸದಸ್ಯರು ಆರಾಮವಾಗಿ ಪ್ರಯಾಣಿಸಲು ಈ ಕಾರು ಎಷ್ಟು ಅನುಕೂಲಕರವಾಗಿದೆ ಎಂಬುದರ ಮೇಲೆ ಇದರ ಯಶಸ್ಸು ನಿಂತಿದೆ. ಈ ಎಲ್ಲ ಪ್ರಶ್ನೆಗಳಿಗೆ ಉತ್ತರ ಸಿಕ್ಕ ನಂತರವೇ ಈ ಕಾರು ಫ್ಯಾಮಿಲಿಗಳಿಗೆ ಎಷ್ಟು 'ಸೆಟ್' ಆಗಲಿದೆ ಎಂಬುದು ತಿಳಿಯಲಿದೆ.

ಡೆಲ್ ಟೆಕ್ನಾಲಜೀಸ್ ಫೋರಮ್ 2026: ಉದ್ಯೋಗಿಗಳ ಕೈಗೆ ಶಕ್ತಿಯುತ AI ಕಂಪ್ಯೂಟಿಂಗ್ ತಂದ ಡೆಲ್!

Gowthami K — Thu, 03 Sep 2026 17:41:06 +0530

ಆಧುನಿಕ ವ್ಯವಹಾರ ಸಂಸ್ಥೆಗಳು ತಮ್ಮ ದೈನಂದಿನ ಕಂಪ್ಯೂಟಿಂಗ್ ಹಾರ್ಡ್‌ವೇರ್‌ಗಳಿಂದ ಏನನ್ನು ನಿರೀಕ್ಷಿಸುತ್ತವೆ ಎಂಬುದನ್ನು ಕೃತಕ ಬುದ್ಧಿಮತ್ತೆ ಅಥವಾ AI ತಂತ್ರಜ್ಞಾನವು ಸಂಪೂರ್ಣವಾಗಿ ಮರುರೂಪಿಸುತ್ತಿದೆ. ಈ ಹೊಸ ಬದಲಾವಣೆಗೆ ಸೂಕ್ತವಾಗಿ ಸ್ಪಂದಿಸಿರುವ ಡೆಲ್ ತಂತ್ರಜ್ಞಾನ ಸಂಸ್ಥೆಯು, ತನ್ನ ವಾಣಿಜ್ಯ ಸಾಧನಗಳ ವ್ಯಾಪ್ತಿಯನ್ನು ವ್ಯಾಪಕವಾಗಿ ವಿಸ್ತರಿಸುವ ಮೂಲಕ ಮಾರುಕಟ್ಟೆಗೆ ಧುಮುಕಿದೆ. ಉದ್ಯೋಗಿಗಳಿಗೆ ಹಾಗೂ ಅವರು ನಿರ್ವಹಿಸುವ ಡೇಟಾಗೆ AI ಸಾಮರ್ಥ್ಯಗಳನ್ನು ಅತ್ಯಂತ ಹತ್ತಿರ ತರುವ ಉದ್ದೇಶದಿಂದ, ಕಂಪನಿಯು ನೂತನ ಶ್ರೇಣಿಯ ಲ್ಯಾಪ್‌ಟಾಪ್‌ಗಳು, ಅತ್ಯುನ್ನತ ಸಾಮರ್ಥ್ಯದ ವರ್ಕ್‌ಸ್ಟೇಷನ್‌ಗಳು, ಮಾನಿಟರ್‌ಗಳು ಮತ್ತು ಇತರೆ ಪೆರಿಫೆರಲ್ ಸಾಧನಗಳನ್ನು ಅಧಿಕೃತವಾಗಿ ಮಾರುಕಟ್ಟೆಗೆ ಪರಿಚಯಿಸಿದೆ.

ಮುಂಬೈನಲ್ಲಿ ಇತ್ತೀಚೆಗೆ ನಡೆದ ಡೆಲ್ ಟೆಕ್ನಾಲಜೀಸ್ ಫೋರಮ್ 2026 ಕಾರ್ಯಕ್ರಮದಲ್ಲಿ ಈ ಹೊಸ ಉತ್ಪನ್ನಗಳ ಪೋರ್ಟ್‌ಫೋಲಿಯೊವನ್ನು ಅನಾವರಣಗೊಳಿಸಲಾಯಿತು. ಈ ಸರಣಿಯಲ್ಲಿ ಪ್ರಮುಖವಾಗಿ ಡೆಲ್ ಪ್ರೊ 3, ಪ್ರೊ 5 ಮತ್ತು ಪ್ರೊ 7 ಲ್ಯಾಪ್‌ಟಾಪ್‌ಗಳು, ಹೊಸ ಶ್ರೇಣಿಯ ಪ್ರಿಸಿಶನ್ ವರ್ಕ್‌ಸ್ಟೇಷನ್‌ಗಳು, 4K ಕಾನ್ಫರೆನ್ಸಿಂಗ್ ಮಾನಿಟರ್, QD-OLED ಡಿಸ್ಪ್ಲೇ ಹಾಗೂ 4K ವೆಬ್‌ಕ್ಯಾಮ್‌ಗಳು ಸೇರಿವೆ. ಭಾರತೀಯ ಉದ್ಯಮ ವಲಯದ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು ಡೆಲ್ ಈ ಎಲ್ಲಾ ಆಧುನಿಕ ಹಾರ್ಡ್‌ವೇರ್ ಪರಿಹಾರಗಳನ್ನು ಭಾರತೀಯ ಮಾರುಕಟ್ಟೆಗೆ ತಂದಿದೆ.

ಹೊಸ ಪೋರ್ಟ್‌ಫೋಲಿಯೊವನ್ನು ಮುನ್ನಡೆಸುತ್ತಿರುವ ಡೆಲ್ ಪ್ರೊ ಲ್ಯಾಪ್‌ಟಾಪ್ ಶ್ರೇಣಿ

ಡೆಲ್ ಸಂಸ್ಥೆಯ ಈ ನೂತನ ಉತ್ಪನ್ನ ಶ್ರೇಣಿಯ ಕೇಂದ್ರಬಿಂದುವಾಗಿ 'ಡೆಲ್ ಪ್ರೊ' ಸರಣಿಯು ಹೊರಹೊಮ್ಮಿದೆ. ವಿವಿಧ ಉದ್ಯಮಗಳ ವಿಭಿನ್ನ ಹಂತದ ಅವಶ್ಯಕತೆಗಳನ್ನು ಪೂರೈಸಲು ಪ್ರೊ 3, ಪ್ರೊ 5 ಮತ್ತು ಪ್ರೊ 7 ಎಂಬ ಮೂರು ಪ್ರಮುಖ ವಿಭಾಗಗಳಲ್ಲಿ ಲ್ಯಾಪ್‌ಟಾಪ್‌ಗಳನ್ನು ವಿನ್ಯಾಸಗೊಳಿಸಲಾಗಿದೆ. ಈ ಮೂರೂ ಸರಣಿಯ ಸಾಧನಗಳು ಇಂಟೆಲ್ ಕೋರ್ ಅಲ್ಟ್ರಾ ಸರಣಿ 3 ಅಥವಾ AMD ರೈಜೆನ್ AI 400 ಪ್ರೊಸೆಸರ್‌ಗಳ ಸಾಮರ್ಥ್ಯದೊಂದಿಗೆ ಲಭ್ಯವಿದ್ದು, ಸಾಧನದಲ್ಲೇ ನೇರವಾಗಿ ಕಾರ್ಯನಿರ್ವಹಿಸುವ ಆನ್-ಡಿವೈಸ್ AI ವೈಶಿಷ್ಟ್ಯಗಳನ್ನು ಬೆಂಬಲಿಸುತ್ತವೆ.

ಪ್ರೀಮಿಯಂ ವಿಭಾಗಕ್ಕೆ ಸೇರಿರುವ ಡೆಲ್ ಪ್ರೊ 7 ಮಾದರಿಯು 13 ಹಾಗೂ 14-ಇಂಚಿನ ಸಾಮಾನ್ಯ ಲ್ಯಾಪ್‌ಟಾಪ್ ಮತ್ತು 2-ಇನ್-1 ವಿನ್ಯಾಸಗಳಲ್ಲಿ ಲಭ್ಯವಿದೆ. ಇದು 500 ನಿಟ್ಸ್ ಪ್ರಕಾಶಮಾನತೆಯ OLED ಡಿಸ್ಪ್ಲೇ ಆಯ್ಕೆಗಳು, 8MP ಕ್ಯಾಮೆರಾ, ಹಗುರವಾದ ಅಲ್ಯೂಮಿನಿಯಂ ಚಾಸಿಸ್ ಮತ್ತು ಆಯ್ದ ಮಾದರಿಗಳಲ್ಲಿ ಮಿನಿ-ಎಲ್ಇಡಿ ಬ್ಯಾಕ್‌ಲಿಟ್ ಕೀಬೋರ್ಡ್‌ಗಳನ್ನು ಹೊಂದಿದೆ. ಜೊತೆಗೆ 23 ಗಂಟೆಗಳ ಸುದೀರ್ಘ ಬ್ಯಾಟರಿ ಬಾಳಿಕೆಯನ್ನು ಇದು ನೀಡುತ್ತದೆ. ವಿಶೇಷವೆಂದರೆ ಡೆಲ್ ಪ್ರೊ 7 13 ಮಾದರಿಯು ತನ್ನ ಹಿಂದಿನ ಪೀಳಿಗೆಯ ಲ್ಯಾಪ್‌ಟಾಪ್‌ಗಿಂತ ಶೇಕಡಾ 18 ರಷ್ಟು ತೆಳ್ಳಗಿದ್ದು, ಇದರ 2-ಇನ್-1 ಮಾದರಿಗಳು ಗಟ್ಟಿಮುಟ್ಟಾದ ಗೊರಿಲ್ಲಾ ಗ್ಲಾಸ್ ಟಚ್‌ಸ್ಕ್ರೀನ್ ಹೊಂದಿವೆ.

ಮಧ್ಯಮ ಮತ್ತು ವ್ಯಾಪಕ ಬಳಕೆಗಾಗಿ ಡೆಲ್ ಪ್ರೊ 5 ಮಾದರಿಯನ್ನು 14 ಹಾಗೂ 16-ಇಂಚಿನ ಆಕಾರಗಳಲ್ಲಿ ತರಲಾಗಿದೆ. ಇದು 400 ಮತ್ತು 500-ನಿಟ್ಸ್ OLED ಡಿಸ್ಪ್ಲೇ ಆಯ್ಕೆಗಳು, ಇಂಟೆಲ್ ಅಥವಾ ಎಎಮ್‌ಡಿ ಪ್ರೊಸೆಸರ್‌ಗಳು, 8MP HDR ಮತ್ತು IR ಕ್ಯಾಮೆರಾ, 70Wh ಸಾಮರ್ಥ್ಯದ ಬ್ಯಾಟರಿ ಹಾಗೂ ಅಗತ್ಯಕ್ಕೆ ತಕ್ಕಂತೆ ವಿಸ್ತರಿಸಬಹುದಾದ ಮೆಮೊರಿ ಮತ್ತು ಸ್ಟೋರೇಜ್ ಸಂರಚನೆಗಳನ್ನು ಬೆಂಬಲಿಸುತ್ತದೆ. ಇನ್ನೊಂದೆಡೆ, ಆರಂಭಿಕ ಶ್ರೇಣಿಯ ಡೆಲ್ ಪ್ರೊ 3 ಮಾದರಿಯು 14 ಮತ್ತು 16-ಇಂಚಿನ ಆಯ್ಕೆಗಳಲ್ಲಿ, 1.31 ಕೆಜಿ ತೂಕದಿಂದ ಪ್ರಾರಂಭವಾಗಲಿದ್ದು, ವೈ-ಫೈ 7 ಕನೆಕ್ಟಿವಿಟಿಯನ್ನು ಹೊಂದಿದೆ. ಈ ಇಡೀ ಪ್ರೊ ಸರಣಿಯು ಆಡಿಯೋ, ಥರ್ಮಲ್ ನಿಯಂತ್ರಣ ಮತ್ತು ಶಬ್ದ ರದ್ದತಿಯಲ್ಲಿ ಗಣನೀಯ ಸುಧಾರಣೆಗಳನ್ನು ತಂದಿದ್ದು, ಆಗಾಗ್ಗೆ ಪ್ರಯಾಣಿಸುವ ವೃತ್ತಿಪರರಿಗೆ ಅತ್ಯಂತ ಸೂಕ್ತವಾಗಿದೆ.

ಸಂಕಿರ್ಣ ಕೆಲಸಗಳಿಗಾಗಿ ಪ್ರೊ ಪ್ರಿಸಿಶನ್ ವರ್ಕ್‌ಸ್ಟೇಷನ್‌ಗಳು

ತೀವ್ರವಾದ ಕಂಪ್ಯೂಟಿಂಗ್ ಅಗತ್ಯವಿರುವ ಕಾರ್ಯಗಳಿಗಾಗಿ ಡೆಲ್ ಸಂಸ್ಥೆಯು T2, T4 ಮತ್ತು T6 ಟವರ್ ಆಧಾರಿತ 'ಪ್ರೊ ಪ್ರಿಸಿಶನ್ 9' ಸರಣಿಯ ವರ್ಕ್‌ಸ್ಟೇಷನ್‌ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಈ ಬಲಿಷ್ಠ ಸಿಸ್ಟಮ್‌ಗಳನ್ನು 86 ಕೋರ್‌ಗಳವರೆಗಿನ ಇಂಟೆಲ್ ಕ್ಸಿಯಾನ್ 600 ಸರಣಿಯ ಪ್ರೊಸೆಸರ್‌ಗಳು ಹಾಗೂ ಎನ್‌ವಿಡಿಯಾ ಆರ್‌ಟಿಎಕ್ಸ್ ಪ್ರೊ ಬ್ಲ್ಯಾಕ್‌ವೆಲ್ ಗ್ರಾಫಿಕ್ಸ್ ಕಾರ್ಡ್‌ಗಳೊಂದಿಗೆ ಕಸ್ಟಮೈಸ್ ಮಾಡಿಕೊಳ್ಳಬಹುದು. ಈ ಸರಣಿಯಲ್ಲಿ ಪ್ರೊ ಪ್ರಿಸಿಶನ್ 9 T6 ಮಾದರಿಯು ಅತ್ಯಂತ ವಿಸ್ತರಿಸಬಹುದಾದ ಸಾಮರ್ಥ್ಯವನ್ನು ಹೊಂದಿದ್ದು, 15 PCIe ಸ್ಲಾಟ್‌ಗಳು, ಬಹು ಎನ್‌ವಿಡಿಯಾ ಆರ್‌ಟಿಎಕ್ಸ್ ಪ್ರೊ ಜಿಪಿಯುಗಳು ಮತ್ತು 316 TB ವರೆಗಿನ ಬೃಹತ್ ಸಂಗ್ರಹಣಾ ಸಾಮರ್ಥ್ಯವನ್ನು ಬೆಂಬಲಿಸುತ್ತದೆ.

ಇದರೊಂದಿಗೆ ಡೆಲ್ ಸಂಸ್ಥೆಯು ಪ್ರೊ ಪ್ರಿಸಿಶನ್ 7 R1 ಎಂಬ 1U ರ್ಯಾಕ್ వర్ಕ್‌ಸ್ಟೇಷನ್ ಅನ್ನು ಸಹ ಪರಿಚಯಿಸಿದೆ. ಇದು 128 GB ವರೆಗೆ DDR5 ECC ಮೆಮೊರಿ, 64 TB ಸಂಯೋಜಿತ ಸ್ಟೋರೇಜ್ ಮತ್ತು ಎನ್‌ವಿಡಿಯಾ ಆರ್‌ಟಿಎಕ್ಸ್ ಪ್ರೊ 6000 ಬ್ಲ್ಯಾಕ್‌ವೆಲ್ ಗ್ರಾಫಿಕ್ಸ್ ಅನ್ನು ಬೆಂಬಲಿಸುತ್ತದೆ. ಮುಖ್ಯವಾಗಿ AI ತಂತ್ರಜ್ಞಾನದ ಅಭಿವೃದ್ಧಿ, ಎಂಜಿನಿಯರಿಂಗ್ ವಿನ್ಯಾಸ, ಸಂಕೀರ್ಣ ಸಿಮ್ಯುಲೇಶನ್ ಹಾಗೂ 3D ರೆಂಡರಿಂಗ್‌ನಂತಹ ಬೃಹತ್ ಕೆಲಸದ ಒತ್ತಡಗಳನ್ನು ಹ್ಯಾಂಡಲ್ ಮಾಡಲು ಈ ವರ್ಕ್‌ಸ್ಟೇಷನ್‌ಗಳನ್ನು ಸಿದ್ಧಪಡಿಸಲಾಗಿದೆ. ಸ್ಥಳೀಯವಾಗಿಯೇ AI ಕಾರ್ಯಗಳನ್ನು ಚಲಾಯಿಸಲು ಮತ್ತು ಪರಿಷ್ಕರಿಸಲು ಡೆಲ್ ಸಂಸ್ಥೆಯು 'ಡೆಸ್ಕ್‌ಸೈಡ್ ಏಜೆಂಟ್ AI' ಬೆಂಬಲವನ್ನು ಸಹ ಇದರಲ್ಲಿ ಒದಗಿಸುತ್ತಿದೆ.

ಸಹಯೋಗ ಮತ್ತು ಕಚೇರಿ ಕಾರ್ಯಗಳಿಗಾಗಿ ಹೊಸ ಮಾನಿಟರ್ ಹಾಗೂ ವೆಬ್‌ಕ್ಯಾಮ್

ಕಚೇರಿಯ ಕೆಲಸದ ಸ್ಥಳದಲ್ಲಿ ತಡೆರಹಿತ ಸಹಯೋಗ ಮತ್ತು ವೃತ್ತಿಪರ ವಿಷಯ ರಚನೆಗಾಗಿ ಡೆಲ್ ಎರಡು ಉನ್ನತ ಮಟ್ಟದ ಮಾನಿಟರ್‌ಗಳನ್ನು ಮಾರುಕಟ್ಟೆಗೆ ತಂದಿದೆ. ಮೊದಲನೆಯದಾಗಿ, ಡೆಲ್ ಪ್ರೊ 43 ಪ್ಲಸ್ 4K ಹಡಲ್ ಕಾನ್ಫರೆನ್ಸಿಂಗ್ ಮಾನಿಟರ್ 43-ಇಂಚಿನ 4K IPS ಪರದೆಯನ್ನು ಹೊಂದಿದ್ದು, 120-ಡಿಗ್ರಿ ವೈಡ್ ಫೀಲ್ಡ್ ಆಫ್ ವ್ಯೂ ಹೊಂದಿರುವ 8MP 4K HDR ಸೋನಿ STARVIS ಕ್ಯಾಮೆರಾವನ್ನು ಒಳಗೊಂಡಿದೆ. ಇದು 4 ಮೈಕ್ರೊಫೋನ್‌ಗಳು, 2x8W ಸ್ಪೀಕರ್‌ಗಳು, 100W USB-C, HDMI 2.1 ಮತ್ತು RJ45 ಪೋರ್ಟ್‌ಗಳ ಜೊತೆಗೆ AI ಗ್ರೂಪ್ ಫ್ರೇಮಿಂಗ್ ಹಾಗೂ AI ಆಧಾರಿತ ಶಬ್ದ ರದ್ದತಿ ವೈಶಿಷ್ಟ್ಯಗಳನ್ನು ಹೊಂದಿದ್ದು ಜೂಮ್ ರೂಮ್ಸ್ ಪ್ರಮಾಣೀಕರಣ ಪಡೆದಿದೆ.

ಎರಡನೆಯದಾಗಿ, ವೃತ್ತಿಪರ ಕ್ರಿಯೇಟರ್‌ಗಳಿಗಾಗಿ ಡೆಲ್ ಅಲ್ಟ್ರಾಶಾರ್ಪ್ 32 4K QD-OLED ಮಾನಿಟರ್ ಅನ್ನು ವಿನ್ಯಾಸಗೊಳಿಸಲಾಗಿದ್ದು, ಇದು 31.5-ಇಂಚಿನ 4K UHD ಡಿಸ್ಪ್ಲೇ, 120Hz ರಿಫ್ರೆಶ್ ರೇಟ್ ಹಾಗೂ ಡಿಸ್ಪ್ಲೇHDR ಟ್ರೂ ಬ್ಲಾಕ್ 500 ತಂತ್ರಜ್ಞಾನವನ್ನು ಬೆಂಬಲಿಸುತ್ತದೆ. ಇದರ ಜೊತೆಗೆ, ರಿಮೋಟ್ ವೀಡಿಯೊ ಕರೆಗಳನ್ನು ಗಮನದಲ್ಲಿಟ್ಟುಕೊಂಡು ಡೆಲ್ ಪ್ರೊ 7 ವೆಬ್‌ಕ್ಯಾಮ್ 4K ಅನ್ನು ಪರಿಚಯಿಸಲಾಗಿದೆ. ಇದು ಸೆಕೆಂಡಿಗೆ 60 ಫ್ರೇಮ್‌ಗಳಲ್ಲಿ 4K ವೀಡಿಯೊ ರೆಕಾರ್ಡ್ ಮಾಡಲಿದ್ದು, AI-ಚಾಲಿತ ಆಟೋ-ಫ್ರೇಮಿಂಗ್, ಫೇಸ್ ಟ್ರ್ಯಾಕಿಂಗ್, ಸ್ಮಾರ್ಟ್ HDR, ಆಟೋಫೋಕಸ್ ಮತ್ತು 90-ಡಿಗ್ರಿ ಫೀಲ್ಡ್ ಆಫ್ ವ್ಯೂ ವೈಶಿಷ್ಟ್ಯಗಳನ್ನು ಹೊಂದಿದೆ.

ಭಾರತೀಯ ಎಂಟರ್‌ಪ್ರೈಸ್ ವಲಯದಲ್ಲಿ ವೇಗವಾಗಿ ಬೆಳೆಯುತ್ತಿರುವ AI ಕಂಪ್ಯೂಟಿಂಗ್

ಭಾರತೀಯ ಉದ್ಯಮಗಳು ತಮ್ಮ ನೌಕರರು ಮತ್ತು ಅವರು ನಿರ್ವಹಿಸುವ ಡೇಟಾಗೆ ಅತ್ಯಂತ ಹತ್ತಿರದಲ್ಲೇ AI ಕೆಲಸಗಳನ್ನು ಚಲಾಯಿಸಲು ಹೆಚ್ಚು ಆಸಕ್ತಿ ತೋರಿಸುತ್ತಿರುವುದರಿಂದ ಡೆಲ್ ಸಂಸ್ಥೆಯ ಈ ಹೊಸ ಪೋರ್ಟ್‌ಫೋಲಿಯೊ ಸರಿಯಾದ ಸಮಯಕ್ಕೆ ಬಂದಿದೆ. ಭಾರತದಲ್ಲಿ ಕಾರ್ಪೊರೇಟ್ AI ಅಳವಡಿಕೆ ವೇಗವಾಗಿ ಹೆಚ್ಚಾಗುತ್ತಿದ್ದು, AI ಸಾಮರ್ಥ್ಯವುಳ್ಳ ಪಿಸಿಗಳು ಮತ್ತು ವರ್ಕ್‌ಸ್ಟೇಷನ್‌ಗಳು ಈ ತಾಂತ್ರಿಕ ಬದಲಾವಣೆಯ ಮುಖ್ಯ ಭಾಗವಾಗುತ್ತಿವೆ ಎಂದು ಡೆಲ್ ಟೆಕ್ನಾಲಜೀಸ್‌ನ ಏಷ್ಯಾ ಪೆಸಿಫಿಕ್ ಮತ್ತು ಜಪಾನ್ ವಲಯದ ಉಪಾಧ್ಯಕ್ಷೆ ಜಸಿಂತಾ ಕ್ವಾಹ್ ಸ್ಪಷ್ಟಪಡಿಸಿದ್ದಾರೆ.

ಅದೇ ರೀತಿ, ಡೆಲ್ ಟೆಕ್ನಾಲಜೀಸ್ ಇಂಡಿಯಾದ ಹಿರಿಯ ನಿರ್ದೇಶಕ ಇಂದ್ರಜಿತ್ ಬೆಲ್ಗುಂಡಿ ಅವರು ಮಾತನಾಡಿ, ಡೇಟಾ ಭದ್ರತೆ ಮತ್ತು ಆಡಳಿತದ ಮೇಲೆ ಸಂಪೂರ್ಣ ನಿಯಂತ್ರಣವನ್ನು ಉಳಿಸಿಕೊಂಡು AI ಕೆಲಸಗಳನ್ನು ಎಲ್ಲಿ ನಿರ್ವಹಿಸಬೇಕು ಎಂಬುದನ್ನು ನಿರ್ಧರಿಸುವುದು ವ್ಯವಹಾರಗಳಿಗೆ ಅತ್ಯಂತ ನಿರ್ಣಾಯಕವಾಗಿದೆ ಎಂದಿದ್ದಾರೆ. ಇದನ್ನು ಮನಗಂಡೇ ಡೆಲ್ ತನ್ನ ಇತ್ತೀಚಿನ ವಾಣಿಜ್ಯ ಸಾಧನಗಳಲ್ಲಿ ಸಾಧನದಲ್ಲೇ ಕಾರ್ಯಾಚರಿಸುವ 'ಆನ್-ಡಿವೈಸ್ AI' ವಿಧಾನಕ್ಕೆ ಹೆಚ್ಚಿನ ಆದ್ಯತೆ ನೀಡಿದೆ.

ಡೆಲ್ ಮತ್ತು ಇಂಟೆಲ್ ಸಂಸ್ಥೆಗಳು ನಡೆಸಿದ ಐಡಿಸಿ ಅಧ್ಯಯನದ ಪ್ರಕಾರ, ಹೊಸ AI PC ಗಳನ್ನು ಆಯ್ಕೆಮಾಡುವಾಗ ಶೇಕಡಾ 76 ರಷ್ಟು ಭಾರತೀಯ ಸಂಸ್ಥೆಗಳು ಸುಧಾರಿತ NPU ಅಂದರೆ ನ್ಯೂರಾಲ್ ಪ್ರೊಸೆಸಿಂಗ್ ಯುನಿಟ್‌ಗಳಿಂದ ಚಾಲನೆಗೊಳ್ಳುವ AI ಕಾರ್ಯಕ್ಷಮತೆಗೆ ಮೊದಲ ಆದ್ಯತೆ ನೀಡುತ್ತವೆ ಎಂಬುದು ತಿಳಿದುಬಂದಿದೆ. ಈ ಎಲ್ಲಾ ಅಂಶಗಳನ್ನು ಪರಿಗಣಿಸಿ, ಡೆಲ್ ತನ್ನ ಹೊಸ ಸಾಧನಗಳಲ್ಲಿ BIOS, ಫರ್ಮ್‌ವೇರ್ ಮತ್ತು ಆಪರೇಟಿಂಗ್ ಸಿಸ್ಟಮ್‌ಗಿಂತಲೂ ಕೆಳಗಿನ ಹಂತದ ರಕ್ಷಣೆ ನೀಡುವ ಸುಧಾರಿತ ಹಾರ್ಡ್‌ವೇರ್ ಭದ್ರತಾ ವೈಶಿಷ್ಟ್ಯಗಳನ್ನು ಒಳಗೊಂಡಂತೆ ಸಮಗ್ರ AI ಪರಿಹಾರವನ್ನು ಒದಗಿಸುತ್ತಿದೆ.

AI ಕಡೆಗೆ Apple ಬಿಗ್ ಶಿಫ್ಟ್; 200ಕ್ಕೂ ಹೆಚ್ಚು ಉದ್ಯೋಗಿಗಳಿಗೆ ಗೇಟ್‌ಪಾಸ್!

Ravi Janekal — Sat, 22 Aug 2026 06:30:34 +0530

ಆ್ಯಪಲ್ ಕಂಪನಿಯು ವಿಷನ್ ಪ್ರೊ ಮತ್ತು ಸಾಫ್ಟ್‌ವೇರ್ ಇಂಜಿನಿಯರಿಂಗ್ ವಿಭಾಗಗಳಿಂದ ಸುಮಾರು 200 ಉದ್ಯೋಗಿಗಳನ್ನು ತೆಗೆದುಹಾಕಿದೆ. ಇದರಲ್ಲಿ ಸಿರಿ ಮತ್ತು ಇಂಟೆಲಿಜೆಂಟ್ ಸಿಸ್ಟಮ್ಸ್ ಎಕ್ಸ್‌ಪೀರಿಯನ್ಸ್ ತಂಡದವರೂ ಸೇರಿದ್ದಾರೆ.

ಕಂಪನಿಯು ತನ್ನ ವಿಷನ್ ಪ್ರೊ ಗೇಮಿಂಗ್ ತಂಡ ಮತ್ತು ಇಮ್ಮರ್ಸಿವ್ ವಿಡಿಯೋ ನಿರ್ಮಾಣ ವಿಭಾಗವನ್ನು ದೊಡ್ಡ ಮಟ್ಟದಲ್ಲಿ ಕಡಿಮೆ ಮಾಡುತ್ತಿದೆ.

ಸಿರಿ ತಂತ್ರಜ್ಞಾನವನ್ನು ಸುಧಾರಿಸಲು ಮತ್ತು AI ಆಧಾರಿತ ಸಾಫ್ಟ್‌ವೇರ್‌ಗಳತ್ತ ಗಮನಹರಿಸಲು ಈ ಬದಲಾವಣೆಗಳನ್ನು ಮಾಡಲಾಗುತ್ತಿದೆ.

ಟೆಕ್ ದೈತ್ಯ ಆ್ಯಪಲ್ (AAPL), ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ಮತ್ತು ಭವಿಷ್ಯದ ಹಾರ್ಡ್‌ವೇರ್‌ಗಳ ಮೇಲೆ ಗಮನ ಕೇಂದ್ರೀಕರಿಸಲು ಮುಂದಾಗಿದೆ. ಇದಕ್ಕಾಗಿ ತನ್ನ ಪ್ರಮುಖ ವಿಭಾಗಗಳಿಂದ 200ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ಕೆಲಸದಿಂದ ತೆಗೆದುಹಾಕಿದೆ. ಸಿರಿ ಡಿಜಿಟಲ್ ಅಸಿಸ್ಟೆಂಟ್, ಸಾಫ್ಟ್‌ವೇರ್ ಇಂಜಿನಿಯರಿಂಗ್ ಮತ್ತು ವಿಷನ್ ಪ್ರೊ ತಂಡಗಳಲ್ಲಿ ಈ ಉದ್ಯೋಗ ಕಡಿತ ಮಾಡಲಾಗಿದೆ.

ಬ್ಲೂಮ್‌ಬರ್ಗ್ ವರದಿಯ ಪ್ರಕಾರ, ವಿಷನ್ ಪ್ರೊ ವಿಭಾಗದಲ್ಲಿ ಸುಮಾರು 100 ಹುದ್ದೆಗಳನ್ನು ಕಡಿತಗೊಳಿಸಲಾಗಿದೆ. ಹಾಗೆಯೇ, ಸಿರಿ ವಾಯ್ಸ್ ಅಸಿಸ್ಟೆಂಟ್ ತಂಡ ಮತ್ತು AI-ಚಾಲಿತ ಸಾಫ್ಟ್‌ವೇರ್ ಅಭಿವೃದ್ಧಿಪಡಿಸುವ ಇಂಟೆಲಿಜೆಂಟ್ ಸಿಸ್ಟಮ್ಸ್ ಎಕ್ಸ್‌ಪೀರಿಯನ್ಸ್ ಗ್ರೂಪ್‌ನಿಂದಲೂ ಸುಮಾರು 100 ಉದ್ಯೋಗಿಗಳನ್ನು ತೆಗೆದುಹಾಕಲಾಗಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಆ್ಯಪಲ್, ತನ್ನ ವ್ಯವಹಾರವನ್ನು ಇನ್ನಷ್ಟು ಸುಧಾರಿಸಲು ತಂಡಗಳಲ್ಲಿ ಈ ಬದಲಾವಣೆಗಳನ್ನು ಮಾಡಲಾಗುತ್ತಿದೆ ಎಂದು ಹೇಳಿದೆ. ಕೆಲವು ಹುದ್ದೆಗಳಿಗೆ ಕತ್ತರಿ ಬಿದ್ದರೂ, ಹೊಸ ಹುದ್ದೆಗಳನ್ನು ಸೃಷ್ಟಿಸಲಾಗುವುದು. ಕೆಲಸ ಕಳೆದುಕೊಂಡ ಉದ್ಯೋಗಿಗಳಿಗೆ ಬೇರೆ ಆಂತರಿಕ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಅವಕಾಶ ಮತ್ತು ಬೆಂಬಲ ನೀಡಲಾಗುವುದು ಎಂದು ಟೆಕ್ ದೈತ್ಯ ಭರವಸೆ ನೀಡಿದೆ.

ಶುಕ್ರವಾರದ ವಹಿವಾಟಿನಲ್ಲಿ AAPL ಷೇರುಗಳು 0.6%ನಷ್ಟು ಇಳಿಕೆ ಕಂಡವು. ಆದರೆ, ವಾರದ ಒಟ್ಟಾರೆ ವಹಿವಾಟಿನಲ್ಲಿ 1.2% ಏರಿಕೆ ದಾಖಲಿಸಿವೆ.

ಸಿರಿ ಮತ್ತು AI ಫೀಚರ್ಸ್ ಮರು ವಿನ್ಯಾಸ

AI-ಚಾಲಿತ ಹೊಸ ಆವೃತ್ತಿಯ ಸಿರಿ ವರ್ಚುವಲ್ ಅಸಿಸ್ಟೆಂಟ್ ಅನ್ನು ಆ್ಯಪಲ್ ಅಭಿವೃದ್ಧಿಪಡಿಸುತ್ತಿದೆ. ಈ ಹಿನ್ನೆಲೆಯಲ್ಲಿ ಸಿರಿ ಮತ್ತು ಇಂಟೆಲಿಜೆಂಟ್ ಸಿಸ್ಟಮ್ಸ್ ಎಕ್ಸ್‌ಪೀರಿಯನ್ಸ್ ವಿಭಾಗಗಳಲ್ಲಿ ಪುನಾರಚನೆ ಮಾಡಲಾಗುತ್ತಿದೆ. ಬ್ಲೂಮ್‌ಬರ್ಗ್ ವರದಿ ಪ್ರಕಾರ ಈ ಹೊಸ ತಲೆಮಾರಿನ ಅಸಿಸ್ಟೆಂಟ್‌ಗೆ ಸಂಪೂರ್ಣವಾಗಿ ಪರಿಷ್ಕರಿಸಿದ ತಾಂತ್ರಿಕ ವಿನ್ಯಾಸದ ಅಗತ್ಯವಿದೆ. ಇದಕ್ಕೆ ಸ್ಪೆಷಲ್ ಸ್ಕಿಲ್ ಬೇಕಾಗಿದ್ದು, ಅಭಿವೃದ್ಧಿಯನ್ನು ವೇಗಗೊಳಿಸಲು ಸಾಫ್ಟ್‌ವೇರ್ ತಂಡಗಳನ್ನು ಮರುಹೊಂದಿಸಲಾಗುತ್ತಿದೆ.

ವಿಷನ್ ಪ್ರೊ ಗೇಮಿಂಗ್, ವಿಡಿಯೋ ಕಂಟೆಂಟ್‌ಗೆ ಕತ್ತರಿ

ಈ ಉದ್ಯೋಗ ಕಡಿತವು $3,699 ಬೆಲೆಯ ವಿಷನ್ ಪ್ರೊ ಸ್ಪೇಷಿಯಲ್ ಕಂಪ್ಯೂಟರ್‌ನ ಕಾರ್ಯತಂತ್ರದಲ್ಲಿನ ಬದಲಾವಣೆಯನ್ನು ಸೂಚಿಸುತ್ತದೆ. ದುಬಾರಿ ಬೆಲೆ ಮತ್ತು ತೂಕದ ಕಾರಣದಿಂದ ಈ ಸಾಧನವು ಗ್ರಾಹಕರನ್ನು ವ್ಯಾಪಕವಾಗಿ ತಲುಪಲು ವಿಫಲವಾಗಿತ್ತು. ಇದೀಗ ಆ್ಯಪಲ್, ತನ್ನ ಆಂತರಿಕ ವಿಷನ್ ಪ್ರೊ ಗೇಮಿಂಗ್ ತಂಡವನ್ನು ಬಹುತೇಕ ವಿಸರ್ಜಿಸುತ್ತಿದೆ ಮತ್ತು ಇಮ್ಮರ್ಸಿವ್ ವಿಡಿಯೋ ನಿರ್ಮಾಣ ವಿಭಾಗದ ಗಾತ್ರವನ್ನು ಕಡಿಮೆ ಮಾಡುತ್ತಿದೆ.

3D ಇಮ್ಮರ್ಸಿವ್ ವಿಡಿಯೋ ಕಂಟೆಂಟ್ ನಿರ್ಮಾಣವು ಆರ್ಥಿಕವಾಗಿ ಬಹಳ ಸವಾಲಿನದ್ದಾಗಿದೆ. ಒಂದೇ ಎಪಿಸೋಡ್‌ಗೆ ಲಕ್ಷಾಂತರ ಡಾಲರ್ ವೆಚ್ಚವಾಗುತ್ತದೆ ಮತ್ತು ಅನೇಕ ನಿರ್ಮಾಣ ತಂಡಗಳು ಬೇಕಾಗುತ್ತವೆ. ಆ್ಯಪಲ್ ತನ್ನದೇ ಆದ ಕೆಲವು ಇಮ್ಮರ್ಸಿವ್ ವಿಡಿಯೋಗಳನ್ನು ಬಿಡುಗಡೆ ಮಾಡುವುದನ್ನು ಮುಂದುವರಿಸಲಿದೆ. ಆದರೆ, ಈ ವ್ಯವಸ್ಥೆಯನ್ನು ಬೆಳೆಸಲು ಹೆಚ್ಚಾಗಿ ಥರ್ಡ್-ಪಾರ್ಟಿ ಕ್ರಿಯೇಟರ್‌ಗಳ ಮೇಲೆ ಅವಲಂಬಿತವಾಗಲು ಯೋಜಿಸಿದೆ.

ಈ ಕಡಿತಗಳ ಹೊರತಾಗಿಯೂ ವಿಷನ್ ಪ್ರೊ ಹಾರ್ಡ್‌ವೇರ್ ಮತ್ತು visionOS ಆಪರೇಟಿಂಗ್ ಸಿಸ್ಟಮ್ ಯೋಜನೆಗಳು ಸಕ್ರಿಯವಾಗಿವೆ ಎಂದು ಆ್ಯಪಲ್ ತನ್ನ ಉದ್ಯೋಗಿಗಳಿಗೆ ಭರವಸೆ ನೀಡಿದೆ. ಆದರೆ, ಸದ್ಯದ ಮಟ್ಟಿಗೆ ಕಂಪನಿಯು ಸ್ಮಾರ್ಟ್ ಗ್ಲಾಸ್‌ಗಳ ಅಭಿವೃದ್ಧಿಗೆ ಹೆಚ್ಚಿನ ಆದ್ಯತೆ ನೀಡಿದೆ. ಇವುಗಳಿಗೆ ಸಂಕೀರ್ಣ 3D ಗೇಮಿಂಗ್ ಅಥವಾ ಇಮ್ಮರ್ಸಿವ್ ಮೀಡಿಯಾ ಸಾಮರ್ಥ್ಯಗಳ ಅಗತ್ಯವಿರುವುದಿಲ್ಲ. ಬ್ಲೂಮ್‌ಬರ್ಗ್ ಪ್ರಕಾರ, ಸುಧಾರಿತ ವಿಷನ್ ಪ್ರೊ ಮಾದರಿಯನ್ನು 2028ರ ಅಂತ್ಯದ ವೇಳೆಗೆ ಬಿಡುಗಡೆ ಮಾಡುವ ಸಾಧ್ಯತೆಯಿದೆ.

AAPL ಷೇರು: ಹೂಡಿಕೆದಾರರ ಅಭಿಪ್ರಾಯವೇನು?

ಸ್ಟಾಕ್‌ಟ್ವಿಟ್ಸ್‌ನಲ್ಲಿ (Stocktwits) ಚಿಲ್ಲರೆ ಹೂಡಿಕೆದಾರರ ಅಭಿಪ್ರಾಯವು 'ಬೇರಿಶ್' (bearish) ಆಗಿತ್ತು ಮತ್ತು ಸಂದೇಶಗಳ ಪ್ರಮಾಣ 'ಕಡಿಮೆ' (low) ಇತ್ತು.

ಈ ವರ್ಷದಲ್ಲಿ ಇಲ್ಲಿಯವರೆಗೆ AAPL ಷೇರು 13.5% ಗಳಿಕೆ ಕಂಡಿದೆ.

ChatGPT ಬಳಸಿ ₹75,000 ನಕಲಿ ಡೊನೇಶನ್‌ ರಸೀದಿ ಸೃಷ್ಟಿ! ಕಳುಹಿಸಿದ್ದು ಸ್ವಂತ QR ಕೋಡ್, ಕತರ್ನಾಕ್ ಅರೆಸ್ಟ್!

Gowthami K — Wed, 02 Sep 2026 16:39:46 +0530

ಕಠ್ಮಂಡು: ನೇಪಾಳದಲ್ಲಿ ಸಂಭವಿಸಿದ ಭೀಕರ ಪ್ರವಾಹದ ಪರಿಸ್ಥಿತಿಯನ್ನೇ ಬಂಡವಾಳ ಮಾಡಿಕೊಂಡು, ಎಐ ತಂತ್ರಜ್ಞಾನದ ನೆರವಿನಿಂದ ಸಾರ್ವಜನಿಕರನ್ನು ವಂಚಿಸಲು ಯತ್ನಿಸಿದ 32 ವರ್ಷದ ವ್ಯಕ್ತಿಯೊಬ್ಬನನ್ನು ನೇಪಾಳ ಪೊಲೀಸರು ಬಂಧಿಸಿದ್ದಾರೆ.

ChatGPT ಬಳಸಿ ನಕಲಿ ರಸೀದಿ ಸೃಷ್ಟಿ!

ರಾಮೆಚಾಪ್ ಜಿಲ್ಲೆಯ ಗೋಕುಲಗಂಗಾ ಗ್ರಾಮೀಣ ಪುರಸಭೆಯ ಭಗವಾನ್ ಕರ್ಕಿ ಎಂಬಾತ ಈ ಕೃತ್ಯ ಎಸಗಿದ ಆರೋಪಿ. ಈತ ನೇಪಾಳ ಪ್ರಧಾನ ಮಂತ್ರಿಗಳ ವಿಪತ್ತು ಪರಿಹಾರ ನಿಧಿಗೆ 1,20,000 ನೇಪಾಳಿ ರೂಪಾಯಿ (ಸುಮಾರು ₹75,000) ದೇಣಿಗೆ ನೀಡಿರುವುದಾಗಿ ಹೇಳಿಕೊಳ್ಳುವ ನಕಲಿ ಸ್ವೀಕೃತಿ ಪತ್ರವನ್ನು ChatGPT ತಂತ್ರಜ್ಞಾನ ಬಳಸಿ ಸಿದ್ಧಪಡಿಸಿದ್ದ.

ನಂತರ, ಈ ನಕಲಿ ರಸೀದಿಯ ಜೊತೆಗೆ ತನ್ನ ವೈಯಕ್ತಿಕ QR ಕೋಡ್ ಅನ್ನು ಸೇರಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದ. ಇದನ್ನು ಕಂಡ ಸಾರ್ವಜನಿಕರು ಹಾಗೂ ದಾನಿಗಳು ಇದು ಸರ್ಕಾರಿ ಅಧಿಕೃತ ಖಾತೆಯೆಂದೇ ಭಾವಿಸಿ ಆತನ ಖಾತೆಗೆ ಹಣ ವರ್ಗಾಯಿಸಿದ್ದರು. ಆರೋಪಿಯ ಈ ಆನ್‌ಲೈನ್ ವಂಚನೆ ಜಾಲವನ್ನು ಪತ್ತೆಹಚ್ಚಿದ ಪೊಲೀಸರು ಆತನನ್ನು ಬಂಧಿಸಿ, ತನಿಖೆ ಚುರುಕುಗೊಳಿಸಿದ್ದಾರೆ.

ವ್ಯಾಪಕವಾಗುತ್ತಿದೆ ಸೋಶಿಯಲ್ ಮೀಡಿಯಾ ವಂಚನೆ ಜಾಲ

ಇತ್ತೀಚೆಗೆ ನೇಪಾಳದ ರಸುವಾ ಪ್ರದೇಶದಲ್ಲಿ ಸಂಭವಿಸಿದ ಭೀಕರ ಪ್ರವಾಹದ ನಂತರ ಜಾಗತಿಕ ಮಟ್ಟದಲ್ಲಿ ನಿಧಿ ಸಂಗ್ರಹಣೆ ನಡೆಯುತ್ತಿದೆ. ಇದನ್ನೇ ಹಾದಿ ತಪ್ಪಿಸಲು ಹಲವು ನಕಲಿ ಸಾಮಾಜಿಕ ಜಾಲತಾಣ ಖಾತೆಗಳು ಸೃಷ್ಟಿಯಾಗಿವೆ.

ಇಂಡಿಯಾ ಟುಡೇ ನಡೆಸಿದ ತನಿಖೆಯಲ್ಲಿ, ಪ್ರವಾಹ ಸಂತ್ರಸ್ತರ ನೆರವಿನ ಹೆಸರಿನಲ್ಲಿ ಹೊಸದಾಗಿ ರಚಿಸಲಾದ ಅಥವಾ ಮರುನಾಮಕರಣಗೊಂಡ ಹಲವು ಖಾತೆಗಳು ತಮ್ಮ ವೈಯಕ್ತಿಕ ಕ್ಯೂಆರ್ ಕೋಡ್‌ಗಳನ್ನು ಪ್ರಚಾರ ಮಾಡುತ್ತಿರುವುದು ಪತ್ತೆಯಾಗಿದೆ.

ನೇಪಾಳ ಸರ್ಕಾರದ ಎಚ್ಚರಿಕೆ ಮತ್ತು ಮಾರ್ಗದರ್ಶಿ:

ಆಗಸ್ಟ್ 30 ರ ವೇಳೆಗೆ ಪ್ರಧಾನ ಮಂತ್ರಿಗಳ ವಿಪತ್ತು ಪರಿಹಾರ ನಿಧಿಗೆ 5 ಬಿಲಿಯನ್ NPR (ನೇಪಾಳಿ ರೂಪಾಯಿ) ಗೂ ಹೆಚ್ಚು ಹಣ ಸಂಗ್ರಹವಾಗಿದೆ ಎಂದು ರೇಡಿಯೋ ನೇಪಾಳ ವರದಿ ಮಾಡಿದೆ. ಅನಧಿಕೃತ ವೈಯಕ್ತಿಕ ಬ್ಯಾಂಕ್ ಖಾತೆಗಳು, ಇ-ವ್ಯಾಲೆಟ್‌ಗಳು, ನಕಲಿ ಸರ್ಕಾರಿ ಲೋಗೋಗಳು ಮತ್ತು ಪರಿಚಯವಿಲ್ಲದ QR ಕೋಡ್‌ಗಳನ್ನು ನಂಬಿ ಹಣ ವರ್ಗಾಯಿಸದಂತೆ ಪೊಲೀಸರು ಜಾಗೃತಿ ಮೂಡಿಸಿದ್ದಾರೆ. ದೇಣಿಗೆ ನೀಡುವ ಮುನ್ನ ಪ್ರಧಾನ ಮಂತ್ರಿಗಳ ಕಚೇರಿ ಅಥವಾ ಅಧಿಕೃತ ಸರ್ಕಾರಿ ವೆಬ್‌ಸೈಟ್‌ಗಳಲ್ಲಿ ಪ್ರಕಟಿಸಲಾದ ಬ್ಯಾಂಕ್ ವಿವರಗಳನ್ನು ಮಾತ್ರ ಬಳಸುವಂತೆ ನೇಪಾಳ ಸರ್ಕಾರ ಮನವಿ ಮಾಡಿದೆ.

ಗೂಗಲ್‌ನಿಂದ ಜೆಮಿನಿ ಪ್ಲಸ್ ಎಐ ಟೂಲ್ ಒಂದು ವರ್ಷ ಸಂಪೂರ್ಣ ಉಚಿತ, ಪಡೆಯುವುದು ಹೇಗೆ?

Chethan Kumar — Thu, 20 Aug 2026 12:46:46 +0530

ನವದೆಹಲಿ (ಆ.20) ಗೂಗಲ್‌ನ ಜೆಮಿನಿ ಆರ್ಟಿಫೀಶಿಯಲ್ ಇಂಟಲಿಜೆನ್ಸ್ ಟೂಲ್ ಎಲ್ಲರಿಗೂ ಉಚಿತವಿದೆ. ಆದರೆ ಇದರಲ್ಲಿ ಹಲವು ಫೀಚರ್‌ಗಳು ಜೆಮಿನಿ ಪ್ಲಸ್ ಸಬ್‌ಸ್ಕ್ರಿಪ್ಶನ್ ಮಾಡಿಕೊಳ್ಳಲು ಪಾವತಿ ಮಾಡಬೇಕು. ಇದೀಗ ಗೂಗಲ್ ಹೊಸ ಘೋಷಣೆ ಮಾಡಿದೆ ಜೆಮಿನಿ ಪ್ಲಸ್ ಎಐ ಟೂಲ್ ಸಂಪೂರ್ಣವಾಗಿ ಉಚಿತವಾಗಿ ನೀಡುತ್ತಿದೆ. ಒಂದು ವರ್ಷಗಳ ಕಾಲ ಉಚಿತ ಜೆಮಿನಿ ಪ್ಲಸ್ ಟೂಲ್ ಬಳಕೆ ಮಾಡಬಹುದು. ಇದಕ್ಕೆ ಒಂದು ಕಂಡೀಷನ್ ಹಾಕಲಾಗಿದೆ. ಈ ಸಂಪೂರ್ಣ ಉಚಿತ ಜೆಮಿನಿ ಪ್ಲಸ್ ಟೂಲ್ ಪಡೆಯಲು ವಿದ್ಯಾರ್ಥಿಯಾಗಿರಬೇಕು. ಹೌದು, ವಿದ್ಯಾರ್ಥಿಗಳಿಗೆ ಗೂಗಲ್ ಜೆಮಿನಿ ಪ್ಲಸ್ ಉಚಿತವಾಗಿ ನೀಡಲಾಗುತ್ತಿದೆ.

ಜೆಮಿನಿ ಎಐನ ಎರಡು ಟೂಲ್ ಸಂಪೂರ್ಣ ಉಚಿತ

ವಿದ್ಯಾರ್ಥಿಗಳ ಶೈಕ್ಷಣಿಕ ಹಾಗೂ ಕಲಿಕೆಗೆ ನೆರವಾಗಲು ಗೂಗಲ್ ಮಹತ್ವದ ಘೋಷಣೆ ಮಾಡಿದೆ. ಗೂಗಲ್ ಜೆಮಿನಿ ಪ್ಲಸ್, ಜೆಮಿನಿ ಸ್ಟಡಿ ಟೂಲ್ಸ್ ಸಂಪೂರ್ಣವಾಗಿ ಒಂದು ವರ್ಷ ಕಾಲ ಉಚಿತವಾಗಿ ನೀಡಲಾಗುತ್ತಿದೆ. ಇದರಿಂದ ವಿದ್ಯಾರ್ಥಿಗಳು ಹೈಟೆಕ್ ಎಐ ತಂತ್ರಜ್ಞಾನವನ್ನು ಉಚಿತವಾಗಿ ಬಳಸಿಕೊಳ್ಳಲು ಸಾಧ್ಯವಿದೆ.

ವಿದ್ಯಾರ್ಥಿಗಳು ಗಣಿತ, ವಿಜ್ಞಾನ, ಕೋಡಿಂಗ್ ಸೇರಿದಂತೆ ಶೈಕ್ಷಣಿಕ ಜಟಿಲ ಪಾಠಗಳನ್ನು ಸುಲಭವಾಗಿ ಕಲಿತುಕೊಳ್ಳಲು ಸಾಧ್ಯವಿದೆ. ಪರೀಕ್ಷೆ ಬೇಕಾಗ ಸಿದ್ಧತೆ ಮಾಡಿಕೊಳ್ಳಲು, ಪ್ರಾಜೆಕ್ಟ್, ಸಂಶೋಧನೆ, ಟ್ಯೂಶನ್ ಸೇರಿದಂತೆ ಎಲ್ಲಾ ರೀತಿಯಲ್ಲೂ ವಿದ್ಯಾರ್ಥಿಗಳಿಗೆ ನರೆವಾಗಲಿದೆ. ಸಬ್‌ಸ್ಕ್ರಿಪ್ಶನ್ ಪಡೆಯಲು ಪಾವತಿ ಮಾಡಬೇಕಿದ್ದ ಈ ಪ್ರಮುಖ ಎರಡು ಟೂಲ್ ಇದೀಗ ವಿದ್ಯಾರ್ಥಿಗಳಿಗೆ ಉಚಿತವಾಗಿ ಸಿಗಲಿದೆ. ಇಡೀ ಪಠ್ಯ ಪುಸ್ತಕವನ್ನು ಸರಳವಾಗಿ ಸಾರಂಶ ನೀಡುವ ಸಾಮರ್ಥ್ಯ ಈ ಎಐ ಟೂಲ್‌ಗಳಿಗಿದೆ. ಪರೀಕ್ಷೆ ತಯಾರಿ ವೇಳೆ ಪ್ರಶ್ನೋತ್ತರ, ಉತ್ತರ ಸೇರಿದಂತ ಎಲ್ಲಾ ಮಾಹಿತಿಗಳನ್ನು ವಿಷಯಗಳಿಗೆ ತಕ್ಕಂತೆ ನೀಡಲಿದೆ.

ವಿದ್ಯಾರ್ಥಿಗಳು ಈ ಸೌಲಭ್ಯ ಪಡಯುವುದು ಹೇಗೆ?

ವಿದ್ಯಾರ್ಥಿಗಳು ಈ ಉಚಿತ ಗೂಗಲ್ ಟೂಲ್ ಪಡೆಯುವುದು ಸುಲಭ. ವಿದ್ಯಾರ್ಥಿಗಳು ತಮ್ಮ ಅಧಿಕೃತ ಶಾಲಾ ಅಥವಾ ಕಾಲೇಜಿನ ಇಮೇಲ್ ಐಡಿ ಮೂಲಕ ಲಾಗಿನ ಆಗಬೇಕು. ಬಳಿಕ ವಿದ್ಯಾರ್ಥಿ ಕೋಟಾದಡಿ ಗೂಗಲ್ ಎಐ ಪ್ಲಸ್ ಟೂಲ್ ಸಕ್ರೀಯಗೊಳಿಸಬಹುದು. ಇದರಿಂದ ಗ್ರಾಮೀಣ ವಿದ್ಯಾರ್ಥಿಗಳಿಗೆ ಎಐ ತಂತ್ರಜ್ಞಾನ ಸಂಪೂರ್ಣ ಬಳಕೆ ಮಾಡಲು ಸಾಧ್ಯವಾಗಲಿದೆ.