Asianet Suvarna News

ಪತಿ ಶರತ್ ಬಗ್ಗೆ ಮನದಾಳದ ಮಾತು ಬಿಚ್ಚಿಟ್ಟ 'ಕಾಮಿಡಿ ಕಿಲಾಡಿಗಳು' ನಯನಾ: ಆ ಮಾತಿನ ಹಿಂದಿದೆ ಈ ಕಥೆ

Govindaraj S — Mon, 19 Oct 2026 16:31:29 +0530

ಕನ್ನಡ ಕಿರುತೆರೆಯ ಕಾಮಿಡಿ ಶೋಗಳ ಮೂಲಕ ಪ್ರೇಕ್ಷಕರ ಮನ ಗೆದ್ದಿರುವ ಕಾಮಿಡಿ ಕಿಲಾಡಿಗಳು ಖ್ಯಾತಿಯ ನಟಿ ನಯನಾ ಇದೀಗ ತಮ್ಮ ವೈಯಕ್ತಿಕ ಜೀವನದ ವಿಚಾರವಾಗಿ ಸುದ್ದಿಯಲ್ಲಿದ್ದಾರೆ. ಸದಾ ನಗಿಸುತ್ತಾ, ಪ್ರೇಕ್ಷಕರನ್ನು ರಂಜಿಸುವ ನಯನಾ, ತಮ್ಮ ದಾಂಪತ್ಯ ಜೀವನದ ಬಗ್ಗೆ ಮಾತನಾಡುತ್ತಾ ಮನದಾಳದ ನೋವನ್ನು ಹಂಚಿಕೊಂಡಿದ್ದಾರೆ. ಪತಿ ಶರತ್ ಅವರೊಂದಿಗಿನ ಸಂಬಂಧ, ವೃತ್ತಿಜೀವನದ ಒತ್ತಡ ಹಾಗೂ ಅವರಿಗೆ ಸಾಕಷ್ಟು ಸಮಯ ನೀಡಲು ಸಾಧ್ಯವಾಗದಿರುವ ಬಗ್ಗೆ ಅವರು ಹೇಳಿಕೊಂಡಿರುವ ಮಾತುಗಳು ಗಮನ ಸೆಳೆಯುತ್ತಿವೆ.

ಪತಿಗೆ ಸಮಯ ಕೊಡಲಾಗಲಿಲ್ಲ; ನಯನಾ ಮನದಾಳದ ಮಾತು

‘ಕಾಫಿ ವಿತ್ ಮೋನಿಕಾ’ ಸಂದರ್ಶನದಲ್ಲಿ ಮಾತನಾಡಿರುವ ನಯನಾ, ತಮ್ಮ ದಾಂಪತ್ಯ ಜೀವನದ ಹಲವು ವಿಚಾರಗಳನ್ನು ಮುಕ್ತವಾಗಿ ಹಂಚಿಕೊಂಡಿದ್ದಾರೆ. ಜೀವನ ಸಂಗಾತಿಯಾಗಿ ಶರತ್ ಅವರನ್ನು ಆಯ್ಕೆ ಮಾಡಿಕೊಂಡ ವಿಚಾರದ ಬಗ್ಗೆ ಮಾತನಾಡುತ್ತಾ, ತಮ್ಮಿಂದಾಗಿ ಅವರು ಸಾಕಷ್ಟು ನೋವು ಮತ್ತು ಕಷ್ಟಗಳನ್ನು ಅನುಭವಿಸಿದ್ದಾರೆ ಎಂಬ ಬೇಸರವನ್ನು ವ್ಯಕ್ತಪಡಿಸಿದ್ದಾರೆ.

ನಯನಾ ಜನಪ್ರಿಯ ನಟಿಯಾಗಿರುವುದರಿಂದ ಎಲ್ಲಿಗೆ ಹೋದರೂ ಜನರು ಗುರುತಿಸುತ್ತಾರೆ. ಹೀಗಾಗಿ ಪತಿ ಶರತ್ ಅವರೊಂದಿಗೆ ಎಲ್ಲೆಂದರಲ್ಲಿ ಮುಕ್ತವಾಗಿ ಓಡಾಡಲು, ಸಾಮಾನ್ಯ ದಂಪತಿಗಳಂತೆ ನೆಮ್ಮದಿಯಿಂದ ಸಮಯ ಕಳೆಯಲು ಸಾಧ್ಯವಾಗುತ್ತಿರಲಿಲ್ಲವಂತೆ. ಈ ಸಂಗತಿಯೇ ತಮ್ಮ ವೈಯಕ್ತಿಕ ಜೀವನದ ಮೇಲೆ ಪರಿಣಾಮ ಬೀರಿದೆ ಎಂಬ ನೋವನ್ನು ಅವರು ಹಂಚಿಕೊಂಡಿದ್ದಾರೆ.

ವೃತ್ತಿಜೀವನದ ನಡುವೆ ದಾಂಪತ್ಯಕ್ಕೆ ಸಮಯದ ಕೊರತೆ!

ನಟನೆಯ ಕೆಲಸ, ನಿರಂತರ ಶೂಟಿಂಗ್ ಹಾಗೂ ಬಿಡುವಿಲ್ಲದ ವೇಳಾಪಟ್ಟಿಯ ನಡುವೆ ಪತಿಗೆ ಬೇಕಾದಷ್ಟು ಸಮಯ ನೀಡಲು ಸಾಧ್ಯವಾಗಲಿಲ್ಲ ಎಂಬುದು ನಯನಾ ಅವರ ಪ್ರಮುಖ ಬೇಸರ. ಹೆಂಡತಿಯಾಗಿ ಪತಿಯನ್ನು ನೋಡಿಕೊಳ್ಳಬೇಕಾದ ರೀತಿಯಲ್ಲಿ ತಾವು ನಡೆದುಕೊಳ್ಳಲು ಸಾಧ್ಯವಾಗಲಿಲ್ಲ ಎಂಬ ಅಪರಾಧ ಪ್ರಜ್ಞೆ ತಮ್ಮನ್ನು ಕಾಡುತ್ತದೆ ಎಂದು ಅವರು ಹೇಳಿದ್ದಾರೆ.

ಶರತ್ ಒಳ್ಳೆಯ ವ್ಯಕ್ತಿಯಾಗಿದ್ದು, ಅವರಿಗೆ ತಮ್ಮನ್ನು ಮೀರಿದ ಕಾಳಜಿ ವಹಿಸುವ ಸಂಗಾತಿ ಸಿಗಬೇಕಿತ್ತು ಎಂಬ ಅಭಿಪ್ರಾಯವನ್ನೂ ನಯನಾ ವ್ಯಕ್ತಪಡಿಸಿದ್ದಾರೆ. ಅವರ ಈ ಮಾತುಗಳು ತಮ್ಮ ಪತಿಯ ಬಗ್ಗೆ ಅವರಿಗಿರುವ ಗೌರವ ಹಾಗೂ ತಾವು ಮಾಡಲಾಗದ ಕೆಲವು ಸಂಗತಿಗಳ ಕುರಿತಾದ ಪಶ್ಚಾತ್ತಾಪವನ್ನು ಪ್ರತಿಬಿಂಬಿಸುತ್ತವೆ.

ಆರ್ಥಿಕ ಬೆಂಬಲ ನೀಡಿದೆ, ಆದರೆ ಮಾನಸಿಕ ನೆಮ್ಮದಿ ಕೊಡಲಾಗಲಿಲ್ಲ!

ತಮ್ಮ ದಾಂಪತ್ಯ ಜೀವನದ ಬಗ್ಗೆ ಮಾತನಾಡುವಾಗ ನಯನಾ ಹಂಚಿಕೊಂಡ ಮತ್ತೊಂದು ವಿಚಾರ ಭಾವುಕವಾಗಿದೆ. ಪತಿಗೆ ಆರ್ಥಿಕವಾಗಿ ಬೆಂಬಲ ನೀಡಲು ಸಾಧ್ಯವಾಯಿತಾದರೂ, ಅವರಿಗೆ ಅಗತ್ಯವಿದ್ದ ಮಾನಸಿಕ ನೆಮ್ಮದಿ ಮತ್ತು ಸಮಯವನ್ನು ನೀಡಲು ಸಾಧ್ಯವಾಗಲಿಲ್ಲ ಎಂಬ ಬೇಸರವನ್ನು ಅವರು ವ್ಯಕ್ತಪಡಿಸಿದ್ದಾರೆ.

ದಂಪತಿಗಳ ಜೀವನದಲ್ಲಿ ಪ್ರೀತಿ ಮಾತ್ರವಲ್ಲದೆ, ಪರಸ್ಪರ ಸಮಯ ನೀಡುವುದು, ಒಬ್ಬರನ್ನೊಬ್ಬರು ಅರ್ಥಮಾಡಿಕೊಳ್ಳುವುದು ಹಾಗೂ ಜೊತೆಯಾಗಿ ಕ್ಷಣಗಳನ್ನು ಕಳೆಯುವುದೂ ಅಷ್ಟೇ ಮುಖ್ಯ. ಆದರೆ ವೃತ್ತಿಜೀವನದ ಒತ್ತಡದ ನಡುವೆ ಈ ಸಮತೋಲನವನ್ನು ಕಾಯ್ದುಕೊಳ್ಳಲು ಸಾಧ್ಯವಾಗಲಿಲ್ಲ ಎಂಬ ಭಾವನೆ ನಯನಾ ಅವರ ಮಾತುಗಳಲ್ಲಿ ವ್ಯಕ್ತವಾಗಿದೆ.

ಶರತ್ ಜೊತೆಗಿನ ದಾಂಪತ್ಯ ಜೀವನದ ಬಗ್ಗೆ ಚರ್ಚೆ

ನಯನಾ ಅವರು 2018ರ ಏಪ್ರಿಲ್ 19ರಂದು ಬೆಂಗಳೂರಿನ ಉದ್ಯಮಿ ಶರತ್ ಅವರೊಂದಿಗೆ ಧರ್ಮಸ್ಥಳದಲ್ಲಿ ವಿವಾಹವಾಗಿದ್ದರು. ಈ ದಂಪತಿಗೆ ಹೆಣ್ಣು ಮಗುವಿದ್ದು, ಮಗುವಿಗೆ ಅವಿನ್ಯಾ ಶ್ರೇಯಾ ಶೆಟ್ಟಿ ಎಂದು ಹೆಸರಿಡಲಾಗಿದೆ. ಕಿರುತೆರೆಯಲ್ಲಿ ತಮ್ಮ ಹಾಸ್ಯದಿಂದ ಜನರನ್ನು ನಗಿಸುವ ನಯನಾ, ವೈಯಕ್ತಿಕ ಜೀವನದ ಬಗ್ಗೆ ಇಷ್ಟು ಮುಕ್ತವಾಗಿ ಮಾತನಾಡಿರುವುದು ಇದೀಗ ಗಮನ ಸೆಳೆಯುತ್ತಿದೆ. ಅವರ ಹೇಳಿಕೆಗಳು ದಾಂಪತ್ಯದಲ್ಲಿ ಸಮಯ ಮತ್ತು ಪರಸ್ಪರ ಕಾಳಜಿಯ ಮಹತ್ವದ ಬಗ್ಗೆಯೂ ಚರ್ಚೆಗೆ ಕಾರಣವಾಗಿವೆ.

ಇನ್ನು ಪರದೆಯ ಮೇಲೆ ನಗುವಿನ ಅಲೆ ಎಬ್ಬಿಸುವ ನಟಿ ನಯನಾ ಅವರ ಮನದಾಳದ ಮಾತುಗಳು ಅವರ ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿವೆ. ತಮ್ಮ ದಾಂಪತ್ಯದ ಏಳುಬೀಳುಗಳ ಬಗ್ಗೆ ಅವರು ಹಂಚಿಕೊಂಡಿರುವ ಅನುಭವಗಳು ಈಗ ಸಾಮಾಜಿಕ ಜಾಲತಾಣಗಳಲ್ಲಿಯೂ ಚರ್ಚೆಯಾಗುತ್ತಿವೆ.

Bigg Boss ಕಾವ್ಯಾ ಗೌಡ ಮತ್ತೆ ಎಂಟ್ರಿ ಕೊಡ್ತಾರಾ? ನಟಿ ಪ್ರಕಾರ ಈ ಬಾರಿ ವಿನ್ನರ್ ಯಾರಾಗಬೇಕು

Suchethana D — Tue, 20 Oct 2026 12:30:08 +0530

‘ಬಿಗ್‌ ಬಾಸ್ ಕನ್ನಡ ಸೀಸನ್‌-13’ರ ಶೋನ 6ನೇ ವಾರದ ಎಲಿಮಿನೇಷನ್‌ನಲ್ಲಿ ಹಲವರ ಮೆಚ್ಚಿನ ಸ್ಪರ್ಧಿಯಾಗಿದ್ದ ಕಾವ್ಯಾ ಗೌಡ ಹೊರಕ್ಕೆ ಬಂದಿದ್ದಾರೆ. ಅವರು ಮತ್ತೊಮ್ಮೆ ಎಂಟ್ರಿ ಕೊಡ್ತಾರಾ? ಅವರ ಪ್ರಕಾರ ವಿನ್ನರ್ ಯಾರಾಗಬೇಕು? ಇವೆಲ್ಲವುಗಳ ಕುರಿತು ನಟಿ ಹೇಳಿದ್ದೇನು?

‘ಬಿಗ್‌ ಬಾಸ್ ಕನ್ನಡ ಸೀಸನ್‌-13’ರ ಶೋನ 6ನೇ ವಾರದ ಎಲಿಮಿನೇಷನ್‌ನಲ್ಲಿ ಹಲವರ ಮೆಚ್ಚಿನ ಸ್ಪರ್ಧಿಯಾಗಿದ್ದ ಕಾವ್ಯಾ ಗೌಡ ಹೊರಕ್ಕೆ ಬಂದಿದ್ದಾರೆ. ಭಾಗ್ಯಲಕ್ಷ್ಮಿ ಸೀರಿಯಲ್ನ ಶ್ರೇಷ್ಠ ಕ್ಯಾರೆಕ್ಟರ್ ಮೂಲಕ ಎಲ್ಲರ ಮನ ಗೆದ್ದಿದ್ದ ನಟಿ ಹೊರಕ್ಕೆ ಬಂದದ್ದು ಹಲವರಿಗೆ ತುಂಬಾ ನೋವಾಗಿದೆ.

ಇದೀಗ ಕಾವ್ಯಾ ಗೌಡ ಅವರು, ವಿವಿಧ ಮಾಧ್ಯಮಗಳ ಜೊತೆ ತಮ್ಮ ಅನಿಸಿಕೆಯನ್ನು ಹಂಚಿಕೊಳ್ಳುತ್ತಿದ್ದಾರೆ. ಕಾವ್ಯಾ ಗೌಡ ಇಷ್ಟು ಬೇಗ ಹೊರಕ್ಕೆ ಬರುತ್ತಾರೆ ಎಂದು ಅವರ ಅಭಿಮಾನಿಗಳು ಎಣಿಸಿರಲಿಲ್ಲ. ಆದ್ದರಿಂದ ಅವರು ಮತ್ತೊಮ್ಮೆ ಬಿಗ್ಬಾಸ್ ಮನೆಯೊಳಕ್ಕೆ ಹೋಗಬೇಕು ಎನ್ನುವುದು ಅವರ ಫ್ಯಾನ್ಸ್ ಆಸೆ.

ಮತ್ತೊಮ್ಮೆ ಹೋಗುವ ಅವಕಾಶ ಸಿಕ್ಕರೆ, ಏನು ಮಾಡುತ್ತೀರಿ ಎನ್ನುವ ಪ್ರಶ್ನೆಗೆ ನಟಿ ಕಾವ್ಯಾ ಗೌಡ (Kavya Gowda), ಹಾಗೊಮ್ಮೆ ಅವಕಾಶ ಸಿಕ್ಕರೆ, ನಾನು ಹಿಂದೆ ಮಾಡಿರುವ ತಪ್ಪುಗಳನ್ನೆಲ್ಲಾ ಮತ್ತೆ ಮಾಡದಂತೆ ನೋಡಿಕೊಳ್ಳುವುದಾಗಿ ಹೇಳಿದ್ದಾರೆ. ಈ ಮೂಲಕ ಮತ್ತೊಮ್ಮೆ ಮನೆಗೆ ಎಂಟ್ರಿ ಕೊಡುವ ಆಸೆಯನ್ನೂ ವ್ಯಕ್ತಪಡಿಸಿದ್ದಾರೆ.

ಇದೇ ವೇಳೆ ಅವರಿಗೆ ಈಗ ವಿನ್ನರ್ ಯಾರಾಗಬೇಕು ಎನ್ನುವ ಪ್ರಶ್ನೆಗೆ ಉತ್ತರಿಸಿದ ನಟಿ, ನಾನು ಇದ್ದುದು ಕೇವಲ ಆರು ವಾರವಷ್ಟೇ. ಈಗಷ್ಟೇ ಹೊರಕ್ಕೆ ಬಂದಿರುವ ಹಿನ್ನೆಲೆಯಲ್ಲಿ, ಯಾರು ಹೇಗೆ ಆಡಿದ್ದಾರೆ ಎಂದು ತಿಳಿದಿಲ್ಲ. ಆದ್ದರಿಂದ ಯಾರು ಗೆಲ್ಲಬೇಕು ಎಂದು ಈಗಲೇ ಹೇಳುವುದು ಕಷ್ಟ ಎಂದಿದ್ದಾರೆ.

ಯಾರು ಡಿಸರ್ವ್ ಇದ್ದಾರೋ, ಯಾರು ಚೆನ್ನಾಗಿ ಆಡುತ್ತಿದ್ದಾರೆಯೋ ಅವರು ಗೆಲ್ಲಲಿ ಎಂದು ಹಾರೈಸುತ್ತೇನೆ. ಸದ್ಯ ಯಾರು ಹೇಗೆ ಆಡುತ್ತಿದ್ದಾರೆ ಎನ್ನೋದು ನನಗೆ ಗೊತ್ತಿಲ್ಲ ಎಂದಿದ್ದಾರೆ.

ಅಷ್ಟಕ್ಕೂ ಅದು ವೀಕ್ಷಕರು ನೀಡುವ ವೋಟ್ ಮೇಲೆ ಹೋಗುತ್ತದೆ. ಯಾರನ್ನು ಇಲ್ಲಿಯವರೆಗೆ ವೀಕ್ಷಕರು ಇಷ್ಟಪಟ್ಟಿದ್ದಾರೆ ಎನ್ನುವುದು ನನಗೆ ತಿಳಿದಿಲ್ಲ. ಅರ್ಹರು ಬಿಗ್ಬಾಸ್ 13 ಗೆಲ್ಲಲಿ ಎನ್ನುವುದು ನನ್ನ ಆಶಯವಷ್ಟೇ ಎಂದಿದ್ದಾರೆ.

ಪಟಪಟ ಅಂತ ಮಾತಾಡ್ತಿದ್ದ ಕುಮಾರಿಗೆ ಚಮಕ್ ಕೊಟ್ಟ ಕಿಚ್ಚ ಸುದೀಪ್; ತಬ್ಬಿಬ್ಬಾದ ಸ್ಪರ್ಧಿ

Mahmad Rafik — Mon, 19 Oct 2026 08:58:57 +0530

ಬಿಗ್‌ಬಾಸ್ ಮನೆಗೆ ವೈಲ್ಡ್‌ಕಾರ್ಡ್ ಸ್ಪರ್ಧಿಯಾಗಿ ಬಂದಿರುವ ಕುಮಾರಿ ತಮ್ಮ ನೇರ ನುಡಿಗಳಿಂದ ಗಮನ ಸೆಳೆಯುತ್ತಿದ್ದಾರೆ. ಆದರೆ, ಭಾನುವಾರದ ಸಂಚಿಕೆಯಲ್ಲಿ ಶುಗರ್‌ಕೋಟಿಂಗ್ ಬಗ್ಗೆ ಮಾತನಾಡಿದ ಕುಮಾರಿಗೆ ಸುದೀಪ್ ಅವರು ತಕ್ಕ ತಿರುಗೇಟು ನೀಡಿದ್ದಾರೆ. ಇದರಿಂದ ಕುಮಾರಿ ತಬ್ಬಿಬ್ಬಾಗಿದ್ದಾರೆ.

ಈ ಬಾರಿ ಬಿಗ್‌ಬಾಸ್ ಮನೆಗೆ ವೈಲ್ಡ್‌ಕಾರ್ಡ್ ಸ್ಪರ್ಧಿಯಾಗಿ ಬಂದಿರುವ ಕುಮಾರಿ ಒಂದೇ ವಾರದಲ್ಲಿ ಎಲ್ಲರ ಗಮನವನ್ನು ಸೆಳೆಯುತ್ತಿದ್ದಾರೆ. ಕುಮಾರಿ ಫಿಲ್ಟರ್ ಇಲ್ಲದೇ ತಮ್ಮಾ ಅಭಿಪ್ರಾಯ ವ್ಯಕ್ತಪಡಿಸುತ್ತಾರೆ ಎಂದು ಕಿರಣ್ ಶಾಸ್ತ್ರಿ ಮತ್ತು ಗಾನವಿ ಗೌಡ ಹೇಳುತ್ತಾರೆ. ಭಾನುವಾರದ ಸಂಚಿಕೆಯಲ್ಲಿ ಪಟಪಟ ಅಂತ ಮಾತಾಡ್ತಿದ್ದ ಕುಮಾರಿಗೆ ಸುದೀಪ್ ಅವರು ಚಮಕ್ ಕೊಟ್ಟಿದ್ದಾರೆ.

ಹೌದು, ಯೆಸ್-ನೋ ಬೋರ್ಡ್ ಆಟದಲ್ಲಿ, ಕುಮಾರಿ ಮನೆಯಲ್ಲಿ ಸಿಂಪತಿ ಕಾರ್ಡ್ ಯೂಸ್ ಮಾಡ್ತಿದ್ದಾರೆ ಎಂಬ ಹೇಳಿಕೆಯನ್ನು ಸುದೀಪ್ ಹೇಳಿದರು. ಈ ಹೇಳಿಕೆಗೆ ಮತ್ತೋರ್ವ ಸ್ಪರ್ಧಿಯಾಗಿರೋ ಲಕ್ಷ್ಮೀ ಹೌದು ಎಂದು ಹೇಳುತ್ತಾರೆ. ನನಗೆ ಕುಮಾರಿ ಹಲವು ದಿನಗಳಿಂದ ಪರಿಚಯ. ಇಲ್ಲಿಯವರು ಕುಮಾರಿ ಚಿಕ್ಕವಳು ಎಂದು ಹೇಳುತ್ತಾ ದಡ್ಡರಾಗುತ್ತಿದ್ದಾರೆ ಎಂದರು.

ಇದೇ ವೇಳೆ ಸ್ಪರ್ಧಿಗಳು ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡರು. ಈ ಎಲ್ಲಾ ಅಭಿಪ್ರಾಯಗಳಿಗೆ ಪ್ರತಿಕ್ರಿಯಿಸಿದ ಕುಮಾರಿ, ನಾನು ಏನು ಇದೆಯೋ ಅದನ್ನು ಹೇಳುತ್ತೇನೆ. ಯಾರನ್ನು ಮೆಚ್ಚಿಸಲು ಅಭಿಪ್ರಾಯಗಳನ್ನು ಮರೆ ಮಾಡಲ್ಲ. ಶುಗರ್‌ಕೋಟಿಂಗ್ ಮಾಡಿ ಮಾತನಾಡಲ್ಲ ಎಂದು ತಮ್ಮದೇ ಶೈಲಿಯಲ್ಲಿ ಹೇಳಿದರು.

ಇಷ್ಟು ಹೇಳುತ್ತಿದ್ದಂತೆ ಮಾತಿನ ಮಧ್ಯೆ ಬಂದ ಸುದೀಪ್, ಹಾಗಾದ್ರೆ ಇಲ್ಲಿ ಯಾರು ಆ ರೀತಿ ಮಾತಾಡ್ತಾರೆ ಎಂದು ಪ್ರಶ್ನೆ ಮಾಡಿದರು. ಈ ಪ್ರಶ್ನೆ ಎದುರಾಗುತ್ತಿದ್ದಂತೆ ಕುಮಾರಿ, ಅಕ್ಕ-ಪಕ್ಕ ಕುಳಿತ ಸ್ಪರ್ಧಿಗಳನ್ನು ನೋಡಿ ಸಮಯ ತೆಗೆದುಕೊಂಡು ತಾಂಡವ್ ಹೆಸರು ಹೇಳಿದರು.

ಕುಮಾರಿ ಯೋಚಿಸಿ ಉತ್ತರ ನೀಡಿದ್ದಕ್ಕೆ ಸುದೀಪ್, ಇದು ಶುಗರ್‌ಕೋಟ್ ಅಲ್ಲವೇ? ಫಿಲ್ಟರ್ ಇಲ್ಲದೇ ಮಾತನಾಡೋಣ ಅಂದ್ರೆ ತತ್‌ಕ್ಷಣ ಉತ್ತರಿಸೋದು. ನೀವು ಹೇಳುವಂತೆ ಆಕ್ಚುಲಿ ಎಂಬ ಪದ ಬಳಸಿ ತಾಂಡವ್ ಮಾತನಾಡಲ್ಲ ಎಂದು ಕುಮಾರಿಗೆ ಚಮಕ್ ಕೊಟ್ಟರು. ಒಟ್ಟಿನಲ್ಲಿ ಒಂದು ವಾರದಲ್ಲಿಯೇ ಕುಮಾರಿ ಮನೆಯಲ್ಲಿ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡಿರೋದು ಕಾಣಿಸುತ್ತಿದೆ.

ದಿವ್ಯಾ ಜೊತೆ ಬ್ರೇಕಪ್ ವದಂತಿ ಬೆನ್ನಲ್ಲೇ… ದೇವರ ಉತ್ಸವ ಮೂರ್ತಿ ಹೊತ್ತು ಅರ್ಚಕರಾಗಿ ಕಾಣಿಸಿಕೊಂಡ ಅರವಿಂದ್ ಕೆಪಿ

Pavna Das — Sat, 17 Oct 2026 22:15:21 +0530

ಕಡಿಯಾಳಿ ಮಹಿಷಮರ್ದಿನಿ ದೇವಸ್ಥಾನಲ್ಲಿ ಅರ್ಚಕರಾಗಿ ಅರವಿಂದ್ ಕೆಪಿ

ಬಿಗ್ ಬಾಸ್ ಸೀಸನ್ 8ರ ಮೂಲಕ ಕನ್ನಡಿಗರಿಗೆ ಚಿರಪರಿಚಿತರಾದ ರಾಷ್ಟ್ರೀಯ ಮಟ್ಟದ ಬೈಕ್ ರೇಸರ್ ಅರವಿಂದ್ ಕೆಪಿ, ಬಿಗ್ ಬಳಿಕ ಜನಪ್ರಿಯತೆ ಪಡೆದಿದ್ದು, ನಟಿ ದಿವ್ಯಾ ಉರುಡುಗ ಜೊತೆಗಿನ ಪ್ರೀತಿಯ ವಿಷಯದಲ್ಲಿ. ಇಬ್ಬರು ಹಲವು ವರ್ಷಗಳಿಂದ ಜೊತೆಯಾಗಿಯೇ ಕಾಣಿಸಿಕೊಂಡಿದ್ದರು. ಇತ್ತೀಚೆಗೆ ಇಬ್ಬರು ಬ್ರೇಕಪ್ ಮಾಡಿಕೊಂಡಿದ್ದಾರೆ ಎಂಬ ಸುದ್ದಿ ಸದ್ದು ಮಾಡುತ್ತಿರುವ ಬೆನ್ನಲ್ಲೇ ಇದೀಗ ಅರವಿಂದ್ ಕೆಪಿ ತಮ್ಮ ಹುಟ್ಟೂರಾದ ಉಡುಪಿಯ ಕಡಿಯಾಳಿ ಮಹಿಷಮರ್ದಿನಿ ದೇವಸ್ಥಾನಲ್ಲಿ ಅರ್ಚಕರಾಗಿ ತೀರ್ಥ ಪ್ರಸಾದ ನೀಡುತ್ತಾ, ದೇವರ ಬಲಿ ಮೂರ್ತಿ ಹೊತ್ತು ಉತ್ಸವದಲ್ಲಿ ಭಾಗಿಯಾಗಿರುವ ವಿಡಿಯೋ ಹಾಗೂ ಫೋಟೊಗಳು ವೈರಲ್ ಆಗುತ್ತಿವೆ.

1200 ವರ್ಷಗಳ ಇತಿಹಾಸ ಹೊಂದಿರುವ ದೇವಸ್ಥಾನ

ಸುಮಾರು 1200 ವರ್ಷಗಳ ಇತಿಹಾಸ ಹೊಂದಿರುವ ಕಡಿಯಾಳಿ ಶ್ರೀ ಮಹಿಷಮರ್ದಿನಿ ದೇವಸ್ಥಾನ ಉಡುಪಿಯ ಪ್ರಸಿದ್ಧ ಶಕ್ತಿ ಆರಾಧನಾ ಕ್ಷೇತ್ರಗಳಲ್ಲಿ ಒಂದು. ಇಲ್ಲಿನ ದಸರಾ ಮಹೋತ್ಸವಕ್ಕೆ ತನ್ನದೇ ಆದ ಧಾರ್ಮಿಕ ಮಹತ್ವವಿದೆ. ಇಂತಹ ಐತಿಹಾಸಿಕ ಕ್ಷೇತ್ರದ ದಸರಾ ಸಂಭ್ರಮದಲ್ಲಿ ಅರವಿಂದ್ ಕೆ.ಪಿ. ಅವರು ದೇವಿಯ ಉತ್ಸವ ಮೂರ್ತಿಯನ್ನು ತಲೆಯ ಮೇಲೆ ಹೊತ್ತು ಸಾಗುತ್ತಿರುವ ದೃಶ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಅಷ್ಟೇ ಅಲ್ಲದೇ ಹೊರಗಡೆ ಸೆಲೆಬ್ರಿಟಿಯಾಗಿ ಸದ್ದು ಮಾಡುತ್ತಿದ್ದರೂ ದೇವಸ್ಥಾನದಲ್ಲಿ ತೀರ್ಥ ಪ್ರಸಾದ ನೀಡುತ್ತಾ, ತಮ್ಮ ಕುಲಕಸುಬನ್ನು ಮರಯದೇ ಮಾಡುತ್ತಾ, ತಾನು ಒಬ್ಬ ಭಕ್ತ ಅಷ್ಟೇ ಅನ್ನೋದನ್ನು ನಿರೂಪಿಸಿದ್ದಾರೆ ಅರವಿಂದ್.

ನಿಜವಾಗಿಯೂ ದಿವ್ಯಾ ಜೊತೆ ಬ್ರೇಕಪ್ ಆಯ್ತಾ?

2021ರಲ್ಲಿ ಬಿಗ್ ಬಾಸ್ ಸೀಸನ್ 8ರಲ್ಲಿ ಇವರಿಬ್ಬರ ಸ್ನೇಹ ಬೆಳೆದ ಬಳಿಕ, ಕಳೆದ 4 ವರ್ಷಗಳಿಂದ ಈ ಜೋಡಿ, ಎಲ್ಲಾ ಕಡೆಗಳಲ್ಲೂ ಜೊತೆಯಾಗಿ ಕಾಣಿಸಿಕೊಳ್ಳುತ್ತಿದ್ದರು. ಮದುವೆ ಬಗ್ಗೆ ಪ್ರಶ್ನೆ ಬಂದಾಗಲೆಲ್ಲಾ, ಅದನ್ನು ಅವಾಯ್ಡ್ ಮಾಡುತ್ತಿದ್ದರು. ಇಬ್ಬರು ಜೊತೆಯಾಗಿ ‘ಅರ್ಧಂಬರ್ಧ ಪ್ರೇಮಕತೆ’ ಎನ್ನುವ ಸಿನಿಮಾ ಕೂಡ ಮಾಡಿದ್ದರು. ಆದರೆ ಇತ್ತೀಚಿನ ದಿನಗಳಲ್ಲಿ ಇಬ್ಬರು ಎಲ್ಲೂ ಜೊತೆಯಾಗಿ ಕಾಣಿಸಿಕೊಂಡಿಲ್ಲ, ಅಷ್ಟೇ ಅಲ್ಲದೇ ಇಬ್ಬರು ಒಬ್ಬರನ್ನೊಬ್ಬರು ಅನ್ ಫಾಲೋ ಮಾಡಿದ್ದಾರೆ ಎನ್ನಲಾಗುತ್ತಿದ್ದು, ಹೀಗಾಗಿ ಬ್ರೇಕಪ್ ಆಗಿದೆ ಎಂಬ ಗಾಳಿ ಸುದ್ದಿ ಹರಡಿದೆ. ಆದರೆ ಈ ಬಗ್ಗೆ ಇಬ್ಬರೂ ಎಲ್ಲೂ ಮಾಹಿತಿ ನೀಡಿಲ್ಲ.

View this post on Instagram

A post shared by Ashwini❤️ (@ashu_bangera_official)

ಬಿಗ್ ಬಾಸ್ ಲಿಖಿತ್-ಅನನ್ಯಾ ಗೋಕರ್ಣ ಟ್ರಿಪ್: ವೈರಲ್ ಫೋಟೋಗಳಿಗೆ ನೆಟ್ಟಿಗರ ಕಣ್ಣು; ಶುರುವಾಯ್ತು ಚರ್ಚೆ!

Govindaraj S — Mon, 19 Oct 2026 16:07:45 +0530

ಬಿಗ್ ಬಾಸ್ ಅಗ್ನಿಪರೀಕ್ಷೆ ಮೂಲಕ ಪರಿಚಯವಾಗಿದ್ದ ಲಿಖಿತ್ ಗೊಂದಿ ಹಾಗೂ ಅನನ್ಯಾ ಇದೀಗ ಮತ್ತೆ ಸುದ್ದಿಯಲ್ಲಿದ್ದಾರೆ. ಇಬ್ಬರೂ ಗೋಕರ್ಣದ ಕಡಲತೀರದಲ್ಲಿ ಒಟ್ಟಿಗೆ ಸುತ್ತಾಡುತ್ತಿರುವ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದಂತೆ, ಇವರಿಬ್ಬರ ಸ್ನೇಹದ ಬಗ್ಗೆ ನೆಟ್ಟಿಗರ ವಲಯದಲ್ಲಿ ಚರ್ಚೆ ಜೋರಾಗಿದೆ.

ಬಿಗ್ ಬಾಸ್ ಅಗ್ನಿಪರೀಕ್ಷೆ ಕಾರ್ಯಕ್ರಮವೇ ಲಿಖಿತ್ ಹಾಗೂ ಅನನ್ಯಾ ಪರಿಚಯಕ್ಕೆ ಕಾರಣವಾಗಿತ್ತು. ಕಾರ್ಯಕ್ರಮದಲ್ಲಿ ಲಿಖಿತ್ ಬಿಗ್ ಬಾಸ್ ಮನೆಗೆ ಆಯ್ಕೆಯಾಗಿ ಸುಮಾರು ಒಂದು ತಿಂಗಳ ಕಾಲ ಮನೆಯೊಳಗೆ ಇದ್ದು ಆಟವಾಡಿ ಹೊರಬಂದಿದ್ದರು. ಮತ್ತೊಂದೆಡೆ, ಅನನ್ಯಾಗೆ ಬಿಗ್ ಬಾಸ್ ಮನೆಯೊಳಗೆ ಪ್ರವೇಶಿಸುವ ಅವಕಾಶ ಸಿಕ್ಕಿರಲಿಲ್ಲ. ಆದರೆ, ಶೋ ಮುಗಿದ ಮೇಲೂ ಇವರಿಬ್ಬರ ನಡುವಿನ ಒಡನಾಟ ಮುಂದುವರಿದಿರುವುದು ಇದೀಗ ಗಮನ ಸೆಳೆಯುತ್ತಿದೆ.

ಗೋಕರ್ಣದಲ್ಲಿ ಒಟ್ಟಿಗೆ ಸುತ್ತಾಟ

ಸದ್ಯ ಲಿಖಿತ್ ಗೊಂದಿ ಹಾಗೂ ಅನನ್ಯಾ ಗೋಕರ್ಣದಲ್ಲಿ ಸಮಯ ಕಳೆಯುತ್ತಿದ್ದಾರೆ. ಕಡಲತೀರದ ಸುಂದರ ವಾತಾವರಣದಲ್ಲಿ ಇಬ್ಬರೂ ಜೊತೆಯಾಗಿ ಕಾಣಿಸಿಕೊಂಡಿರುವ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಫೋಟೋಗಳಲ್ಲಿ ಇಬ್ಬರೂ ಸಾಕಷ್ಟು ಕಂಫರ್ಟ್ ಆಗಿ ಕಾಣಿಸಿಕೊಂಡಿರುವುದು ಅಭಿಮಾನಿಗಳ ಗಮನ ಸೆಳೆದಿದೆ. ಹೀಗಾಗಿ, ಇದು ಕೇವಲ ಸ್ನೇಹಿತರ ಪ್ರವಾಸವೇ? ಅಥವಾ ಇವರಿಬ್ಬರ ಬಾಂಧವ್ಯದಲ್ಲಿ ಮತ್ತೇನಾದರೂ ವಿಶೇಷವಿದೆಯೇ? ಎಂಬ ಚರ್ಚೆಗಳು ಸೋಷಿಯಲ್ ಮೀಡಿಯಾದಲ್ಲಿ ಶುರುವಾಗಿವೆ. ಆದರೆ, ಲಿಖಿತ್ ಹಾಗೂ ಅನನ್ಯಾ ತಮ್ಮ ಸಂಬಂಧದ ಬಗ್ಗೆ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ. ಹೀಗಾಗಿ ಸದ್ಯಕ್ಕೆ ವೈರಲ್ ಆಗಿರುವುದು ಅವರ ಒಟ್ಟಿನ ಫೋಟೋಗಳು ಮತ್ತು ಅದಕ್ಕೆ ನೆಟ್ಟಿಗರು ನೀಡುತ್ತಿರುವ ಪ್ರತಿಕ್ರಿಯೆಗಳು ಮಾತ್ರ.

‘ಬಿಗ್ ಬಾಸ್’ನಿಂದ ಗೋಕರ್ಣದವರೆಗೆ!

ಬಿಗ್ ಬಾಸ್ ಅಗ್ನಿಪರೀಕ್ಷೆ ವೇದಿಕೆಯಲ್ಲಿ ಆರಂಭವಾದ ಇವರ ಪರಿಚಯ, ಇದೀಗ ಕಾರ್ಯಕ್ರಮದ ಹೊರಗೂ ಮುಂದುವರಿದಿರುವುದು ಕುತೂಹಲ ಮೂಡಿಸಿದೆ. ಅಭಿಮಾನಿಗಳು ಇವರ ಫೋಟೋಗಳಿಗೆ ಲೈಕ್ಸ್, ಕಾಮೆಂಟ್‌ಗಳ ಸುರಿಮಳೆಗೈಯುತ್ತಿದ್ದು, ಕೆಲವರು ಈ ಜೋಡಿಯ ಬಗ್ಗೆ ತಮ್ಮದೇ ರೀತಿಯಲ್ಲಿ ಅಭಿಪ್ರಾಯ ಹಂಚಿಕೊಳ್ಳುತ್ತಿದ್ದಾರೆ. ಇನ್ನು ಈ ಪ್ರವಾಸದ ಫೋಟೋಗಳು ವೈರಲ್ ಆಗುತ್ತಿದ್ದಂತೆ, 'ಇಬ್ಬರ ನಡುವೆ ಇಷ್ಟೊಂದು ಕ್ಲೋಸ್ ಫ್ರೆಂಡ್‌ಶಿಪ್ ಯಾವಾಗ ಆಯ್ತು?', 'ಇದು ಬರೀ ಫ್ರೆಂಡ್‌ಶಿಪ್ ಅಷ್ಟೇನಾ?' ಎಂಬ ರೀತಿಯ ಪ್ರಶ್ನೆಗಳೂ ಕೇಳಿಬರುತ್ತಿವೆ.

ಬಿಗ್ ಬಾಸ್ ಮನೆಯಲ್ಲಿ ಲಿಖಿತ್ ಆಟ ಹೇಗಿತ್ತು?

ಇನ್ನು ಬಿಗ್ ಬಾಸ್ ಮನೆಯೊಳಗಿದ್ದ ಸಂದರ್ಭದಲ್ಲಿ ಲಿಖಿತ್ ಗೊಂದಿ ಅವರ ಆಟದ ಶೈಲಿಯೂ ಸಾಕಷ್ಟು ಗಮನ ಸೆಳೆದಿತ್ತು. ಕೆಲ ಸಂದರ್ಭಗಳಲ್ಲಿ ಅವರು ತೋರಿಸಿದ್ದ ಅಗ್ರೆಸ್ಸಿವ್ ನಡೆ ಚರ್ಚೆಗೆ ಕಾರಣವಾಗಿತ್ತು. ಇದೇ ಕಾರಣ ಅವರ ಆಟದ ಮೇಲೂ ಪರಿಣಾಮ ಬೀರಿತ್ತು ಎಂಬ ಅಭಿಪ್ರಾಯಗಳು ವ್ಯಕ್ತವಾಗಿದ್ದವು.

ಆದರೆ, ಬಿಗ್ ಬಾಸ್ ಆಟ ಮುಗಿದ ಬಳಿಕ ಇದೀಗ ಲಿಖಿತ್ ಗೊಂದಿ ಮತ್ತೊಂದು ಕಾರಣಕ್ಕೆ ಸುದ್ದಿಯಲ್ಲಿದ್ದಾರೆ. ಅನನ್ಯಾ ಜೊತೆಗಿನ ಗೋಕರ್ಣ ಪ್ರವಾಸದ ಫೋಟೋಗಳು ಅವರ ಅಭಿಮಾನಿಗಳ ಗಮನ ಸೆಳೆದಿವೆ. ಬಿಗ್ ಬಾಸ್ ಅಗ್ನಿಪರೀಕ್ಷೆಯಲ್ಲಿ ಶುರುವಾದ ಲಿಖಿತ್-ಅನನ್ಯಾ ಪರಿಚಯ ಈಗ ಗೋಕರ್ಣ ಟ್ರಿಪ್‌ವರೆಗೆ ಬಂದಿದೆ. ಇವರಿಬ್ಬರ ನಡುವಿನ ಬಾಂಧವ್ಯ ಮುಂದಿನ ದಿನಗಳಲ್ಲಿ ಯಾವ ರೂಪ ಪಡೆಯಲಿದೆ? ಅಥವಾ ಇದು ಕೇವಲ ಆಪ್ತ ಸ್ನೇಹವೇ? ಎನ್ನುವುದಕ್ಕೆ ಕಾಲವೇ ಉತ್ತರ ನೀಡಬೇಕಿದೆ.

ಕರೀನಾ ಕಪೂರ್ ಮಾಡೋ ಅದೊಂದು ಕೆಲಸ ಹೇಳಿ ಇಡೀ ಶೋಗೆ ಶಾಕ್ ಕೊಟ್ಟ ಸೈಫ್ ಅಲಿ ಖಾನ್!

Shriram Bhat — Sun, 18 Oct 2026 12:23:18 +0530

ಬೆಡ್‌ರೂಮ್‌ನಲ್ಲಿ ಡಾಬಾದ ವಾಸನೆ! ಕರೀನಾ ಕಪೂರ್ ರಹಸ್ಯ ಬಿಚ್ಚಿಟ್ಟ ಸೈಫ್ ಅಲಿ ಖಾನ್

ಬಾಲಿವುಡ್‌ನ ಮುದ್ದಾದ ಜೋಡಿಗಳಲ್ಲಿ ಸೈಫ್ ಅಲಿ ಖಾನ್ ಮತ್ತು ಕರೀನಾ ಕಪೂರ್ ಖಾನ್ ಜೋಡಿಗೆ ವಿಶೇಷ ಸ್ಥಾನವಿದೆ. ವರ್ಷಗಳು ಕಳೆದರೂ ಈ ಜೋಡಿಯ ನಡುವಿನ ಪ್ರೀತಿ, ಆತ್ಮೀಯತೆ ಮಾತ್ರ ಕಡಿಮೆಯಾಗಿಲ್ಲ. ಪತಿ ಸೈಫ್ ಅಲಿ ಖಾನ್ ಹೆಸರು ಕೇಳಿದರೂ ಕರೀನಾ ಮುಖದಲ್ಲಿ ನಾಚಿಕೆಯ ನಗು ಮೂಡುತ್ತದೆ. ಇದೀಗ ಈ ತಾರಾ ಜೋಡಿ ತಮ್ಮ 14ನೇ ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿದ್ದು, ಅವರ ವೈಯಕ್ತಿಕ ಜೀವನದ ಸ್ವಾರಸ್ಯಕರ ಸಂಗತಿಯೊಂದು ಅಭಿಮಾನಿಗಳನ್ನು ನಗೆಗಡಲಲ್ಲಿ ತೇಲಿಸಿದೆ.

ದಾಂಪತ್ಯ ಜೀವನದ 14 ವರ್ಷಗಳನ್ನು ಪೂರೈಸಿದ ಸೈಫ್ ಮತ್ತು ಕರೀನಾ

ಅಕ್ಟೋಬರ್ 16ರಂದು ತಮ್ಮ ದಾಂಪತ್ಯ ಜೀವನದ 14 ವರ್ಷಗಳನ್ನು ಪೂರೈಸಿದ ಸೈಫ್ ಮತ್ತು ಕರೀನಾ, ಈ ವಿಶೇಷ ಸಂದರ್ಭದ ಸಂಭ್ರಮವನ್ನು ‘ದಿ ಗ್ರೇಟ್ ಇಂಡಿಯನ್ ಕಪಿಲ್ ಶೋ’ನಲ್ಲಿ ಹಂಚಿಕೊಂಡಿದ್ದಾರೆ. ಕಾರ್ಯಕ್ರಮದಲ್ಲಿ ನಿರೂಪಕ ಕಪಿಲ್ ಶರ್ಮಾ ಕೇಳಿದ ಪ್ರಶ್ನೆಗಳಿಗೆ ಉತ್ತರಿಸುತ್ತಾ, ತಮ್ಮ ಮನೆಯಲ್ಲಿನ ಒಂದು ತಮಾಷೆಯ ವಿಚಾರವನ್ನು ಸೈಫ್ ಬಹಿರಂಗಪಡಿಸಿದ್ದಾರೆ.

ಕರೀನಾ ಯಾವಾಗಲೂ ಇಷ್ಟು ಫ್ರೆಶ್ ಆಗಿ, ಉಲ್ಲಾಸದಿಂದ ಕಾಣಿಸಿಕೊಳ್ಳಲು ಏನು ತಿನ್ನುತ್ತಾರೆ ಎಂದು ಕಪಿಲ್ ಪ್ರಶ್ನಿಸಿದ್ದಾರೆ. ಇದಕ್ಕೆ ಉತ್ತರಿಸಿದ ಸೈಫ್, ಇತ್ತೀಚಿನ ದಿನಗಳಲ್ಲಿ ತಮ್ಮ ಮನೆಗೆ ಸಾಕಷ್ಟು ತುಪ್ಪ ಬರುತ್ತಿದೆ ಎಂದಿದ್ದಾರೆ. ತಕ್ಷಣವೇ ಕರೀನಾ, ‘ಗೋವರ್ಧನ್ ತುಪ್ಪ’ ಎಂದು ಸೇರಿಸಿದ್ದಾರೆ. ಇದಕ್ಕೆ ಕಾರಣವೂ ಇದೆ. ಸೈಫ್ ಅಲಿ ಖಾನ್ ಅವರು ‘ಕೌನ್ ಬನೇಗಾ ಕರೋಡ್‌ಪತಿ’ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದಾಗ ಎರಡು ವರ್ಷಗಳ ಕಾಲ ಉಚಿತ ತುಪ್ಪದ ಪೂರೈಕೆಯನ್ನು ಗೆದ್ದಿದ್ದರು.

ತಮ್ಮ ಮನೆಯಲ್ಲಿ ತುಪ್ಪದ ಬಳಕೆ ಹೆಚ್ಚಾಗಿದೆ ಎಂದು ಕರೀನಾ ಹೇಳಿದಾಗ ಕಪಿಲ್ ಆಶ್ಚರ್ಯಪಟ್ಟಿದ್ದಾರೆ. ಮನೆಯ ಮಕ್ಕಳು ಮಾತ್ರವಲ್ಲ, ತಾವೂ ತುಪ್ಪ ಸೇವಿಸುತ್ತೇವೆ ಎಂದು ನಟಿ ತಿಳಿಸಿದ್ದಾರೆ. ಆದರೆ ಸೈಫ್ ಹೇಳಿದ ಮುಂದಿನ ವಿಚಾರವೇ ಕಾರ್ಯಕ್ರಮದ ಹೈಲೈಟ್ ಆಗಿದೆ!

ಸೈಫ್ ತಮಾಷೆ

ಕರೀನಾ ತುಪ್ಪವನ್ನು ತಿನ್ನುವುದಕ್ಕಿಂತ ಹೆಚ್ಚಾಗಿ ಪ್ರತಿ ರಾತ್ರಿ ತಮ್ಮ ಪಾದಗಳಿಗೆ ಹಚ್ಚಿಕೊಳ್ಳುತ್ತಾರೆ ಎಂದು ಸೈಫ್ ತಮಾಷೆ ಮಾಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಕರೀನಾ, ತುಪ್ಪ ಹಚ್ಚುವುದರಿಂದ ನೆಮ್ಮದಿಯ ನಿದ್ರೆ ಬರುತ್ತದೆ ಎಂದಿದ್ದಾರೆ. ಅಷ್ಟಕ್ಕೇ ನಿಲ್ಲದ ಸೈಫ್, “ನಮ್ಮ ಬೆಡ್‌ರೂಮ್ ಪ್ರತಿ ರಾತ್ರಿ ಧಾಬಾದಂತೆ ಪರಿಮಳ ಬೀರುತ್ತದೆ” ಎಂದು ಹೇಳಿ ಎಲ್ಲರನ್ನೂ ನಗೆಗಡಲಲ್ಲಿ ಮುಳುಗಿಸಿದ್ದಾರೆ.

ಇನ್ನು ವಿವಾಹ ವಾರ್ಷಿಕೋತ್ಸವದ ಪ್ರಯುಕ್ತ ಕರೀನಾ ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಡೇಟಿಂಗ್ ದಿನಗಳು, ಮದುವೆ, ಪ್ರವಾಸಗಳು ಹಾಗೂ ಮಕ್ಕಳೊಂದಿಗಿನ ಸುಂದರ ಕ್ಷಣಗಳ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಕೆಂಪು ಹೃದಯ ಮತ್ತು ಕಾಮನಬಿಲ್ಲಿನ ಎಮೋಜಿಗಳೊಂದಿಗೆ ಪತಿ ಸೈಫ್ ಅವರನ್ನು ಟ್ಯಾಗ್ ಮಾಡಿದ್ದಾರೆ.

2012ರಲ್ಲಿ ವಿವಾಹವಾದ ಈ ಜೋಡಿಗೆ ತೈಮೂರ್ ಮತ್ತು ಜಹಾಂಗೀರ್ ಎಂಬ ಇಬ್ಬರು ಪುತ್ರರಿದ್ದಾರೆ. ಸೈಫ್‌ಗೆ ಮೊದಲ ಪತ್ನಿ ಅಮೃತಾ ಸಿಂಗ್ ಅವರಿಂದ ಸಾರಾ ಅಲಿ ಖಾನ್ ಮತ್ತು ಇಬ್ರಾಹಿಂ ಅಲಿ ಖಾನ್ ಎಂಬ ಇಬ್ಬರು ಮಕ್ಕಳೂ ಇದ್ದಾರೆ. ಪ್ರೀತಿ, ತುಂಟಾಟ ಮತ್ತು ಪರಸ್ಪರ ಆತ್ಮೀಯತೆಯ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಿರುವ ಸೈಫ್-ಕರೀನಾ ಜೋಡಿಯ ಈ ಹೊಸ ಸಂಗತಿ ಇದೀಗ ಗಮನ ಸೆಳೆಯುತ್ತಿದೆ.

9 ವರ್ಷಗಳ ಬಳಿಕ ಶಿಲ್ಪಾ ಅಯ್ಯರ್ ಕನಸು ಈಡೇರಿದ್ದೇಗೆ? ನಂದಗೋಕುಲಕ್ಕೆ ಬರ್ತಿದ್ದಂತೆ ನನಸು!

Mahmad Rafik — Wed, 21 Oct 2026 07:42:17 +0530

ಕಿರುತೆರೆ ನಟಿ ಶಿಲ್ಪಾ ಅಯ್ಯರ್ ಅವರು 'ನಂದಗೋಕುಲ' ಧಾರಾವಾಹಿ ಮೂಲಕ ಕಂಬ್ಯಾಕ್ ಮಾಡಿದ್ದು, 9 ವರ್ಷಗಳ ಬಳಿಕ ಅವರ ಕನಸು ನನಸಾಗಿದೆ. ನವರಾತ್ರಿ ಸಮಯದಲ್ಲಿ ರಾಯರ ಆಶೀರ್ವಾದದಿಂದ ಈ ಅವಕಾಶ ಸಿಕ್ಕಿದೆ ಎಂದು ಅವರು ಹರ್ಷ ವ್ಯಕ್ತಪಡಿಸಿದ್ದಾರೆ.

ಕಿರುತೆರೆ ನಟಿ ಶಿಲ್ಪಾ ಅಯ್ಯರ್ ಅವರ ಇನ್‌ಸ್ಟಾಗ್ರಾಂ ಪೋಸ್ಟ್‌ಗಳು ಸೋಶಿಯಲ್ ಮೀಡಿಯಾದಲ್ಲಿ ಗಮನ ಸೆಳೆಯುತ್ತಿರುತ್ತವೆ. ಒಂದು ಸಣ್ಣ ಬ್ರೇಕ್‌ ಬಳಿಕ ನಂದಗೋಕುಲ ಸೀರಿಯಲ್‌ ಮೂಲಕ ಕಿರುತೆರೆಗೆ ಕಂಬ್ಯಾಕ್ ಮಾಡಿದ್ದಾರೆ. ಇದೀಗ 9 ವರ್ಷಗಳ ಬಳಿಕ ನಂದಗೋಕುಲ ಸೀರಿಯಲ್‌ನಿಂದ ತಮ್ಮ ಆಸೆಯೊಂದು ನೆರವೇರಿದೆ ಎಂಬ ವಿಷಯವನ್ನು ಶಿಲ್ಪಾ ಅಯ್ಯರ್ ಶೇರ್ ಮಾಡಿಕೊಂಡಿದ್ದಾರೆ.

ಒಂಬತ್ತು ವರ್ಷಗಳ ನನ್ನ ಪಯಣದಲ್ಲಿ, ಎಷ್ಟೋ ಪಾತ್ರಗಳನ್ನು ಮಾಡಿದ್ದರೂ ನನ್ನ ಹೆಸರು ಟೈಟಲ್ ಕಾರ್ಡ್‌ನಲ್ಲಿ ನೋಡುವ ಕನಸು ಮಾತ್ರ ನನಸಾಗಿರಲಿಲ್ಲ. ಎಲ್ಲವೂ ಮುಗಿಯಿತು ಅಂದುಕೊಂಡ ಕ್ಷಣದಲ್ಲಿ, ಮತ್ತೆ ಒಂದು ಪುಟ್ಟ ಭರವಸೆ ಮೂಡಿತು ಅದರ ಜೊತೆಗೆ ನಾನು ಕನಸು ಕಂಡಿದ್ದ ಟೈಟಲ್ ಕಾರ್ಡ್ ಕೂಡ ಸಿಕ್ಕಿತು ಎಂದು ಹೇಳಿದ್ದಾರೆ.

ಈ ನವರಾತ್ರಿಯಲ್ಲಿ ನನ್ನ ರಾಯರು ಇಂಥದ್ದೊಂದು ಉಡುಗೊರೆ ಕೊಡುತ್ತಾರೆ ಎಂದು ಕನಸಿನಲ್ಲೂ ಊಹಿಸಿರಲಿಲ್ಲ. ಇದು ಹಲವರಿಗೆ ಸಣ್ಣ ಗೆಲುವಾಗಿರಬಹುದು. ಆದರೆ ನನಗೆ ಇದು ವರ್ಷಗಳ ಕಾಯುವಿಕೆಗೆ ಸಿಕ್ಕ ಪ್ರತಿಫಲ, ನನ್ನ ನಂಬಿಕೆಗೆ ಸಿಕ್ಕ ಆಶೀರ್ವಾದ. ಈ ಕ್ಷಣವನ್ನು ನನ್ನ ರಾಯರ ಪಾದಗಳಿಗೆ ಅರ್ಪಿಸುತ್ತೇನೆ ಎಂದು ಇನ್‌ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ.

ಸಾಮಾನ್ಯವಾಗಿ ಧಾರಾವಾಹಿಯ ಟೈಟಲ್‌ ಕಾರ್ಡ್‌ಗಳಲ್ಲಿ ನಾಯಕ ಮತ್ತು ನಾಯಕಿಯ ಚಿತ್ರವನ್ನು ತೋರಿಸಲಾಗುತ್ತದೆ. ಇತ್ತೀಚಿಗೆ ಟೈಟಲ್ ಕಾರ್ಡ್‌ಗಾಗಿ ವಿವಿಧ ಕಲ್ಪನೆಗಳಲ್ಲಿ ಶೂಟಿಂಗ್ ನಡೆಯುತ್ತದೆ. ಆದ್ರೆ ನಂದಗೋಕುಲ ಸೀರಿಯಲ್‌ಗೆ ಎಂಟ್ರಿ ಕೊಟ್ಟ ಹೊಸ ಪಾತ್ರಕ್ಕಾಗಿ ಟೈಟಲ್ ಕಾರ್ಡ್ ಪದೇ ಪದೇ ಚೇಂಜ್ ಆಗುತ್ತಿರುತ್ತವೆ.

ಈ ಹಿಂದೆ ಸೀರಿಯಲ್‌ನಲ್ಲಿ ಅಮೂಲ್ಯಾ ಮತ್ತು ಪ್ರಿಯಾ ನಂದಗೋಕುಲಕ್ಕೆ ಸೊಸೆಯಾಗಿ ಬಂದ ಸಂದರ್ಭದಲ್ಲಿ ಟೈಟಲ್ ಕಾರ್ಡ್‌ನಲ್ಲಿ ಇಬ್ಬರು ಕಲಾವಿದರನ್ನು ಸೇರಿಸಿಕೊಳ್ಳಲಾಗಿತ್ತು. ಇದೀಗ ಸುಂದರನ ಮಡದಿಯಾಗಿ ರಜನಿ ಆಗಮಿಸಿದ್ದು, ಟೈಟಲ್ ಕಾರ್ಡ್ ಬದಲಾಗಿದೆ. ಇತ್ತೀಚೆಗಷ್ಟೇ ಕೇಶವ ಪಾತ್ರದ ಕಲಾವಿದ ಬದಲಾಗಿದ್ದ ಸಂದರ್ಭದಲ್ಲಿ ಟೈಟಲ್ ಕಾರ್ಡ್ ಬದಲಿಸಲಾಗಿತ್ತು.

ವ್ಲಾಗಿಂಗ್‌ನಿಂದಲೇ ಕೋಟ್ಯಧಿಪತಿ! ₹5 ಕೋಟಿ ಕಾರು ಕಲೆಕ್ಷನ್, ತಿಂಗಳಿಗೆ ₹3 ಕೋಟಿ ಆದಾಯ? ಯಾರು ಈ Gen-Z ಯೂಟ್ಯೂಬರ್?

Pavna Das — Tue, 20 Oct 2026 21:28:38 +0530

ಸಾಮಾನ್ಯ ಮಧ್ಯಮ ವರ್ಗದ ಕುಟುಂಬದಲ್ಲಿ ಬೆಳೆದ ಸೌರವ್ ಜೋಶಿ ಇಂದು ಭಾರತದ ಜನಪ್ರಿಯ ವ್ಲಾಗರ್‌ಗಳಲ್ಲಿ ಒಬ್ಬರು. 365 ದಿನಗಳ ವ್ಲಾಗಿಂಗ್ ಚಾಲೆಂಜ್ ಅವರ ಜೀವನಕ್ಕೆ ದೊಡ್ಡ ತಿರುವು ನೀಡಿತು. ಈಗ ತಿಂಗಳಿಗೆ ₹2–3 ಕೋಟಿ ಗಳಿಸುತ್ತಿರುವ ಆ ಜನಪ್ರಿಯ ವ್ಲಾಗರ್ ಯಾರು?

ಇಂದಿನ Gen Z ಯುವಕರು ಕಾರ್ಪೊರೇಟ್ ಉದ್ಯೋಗ, ವೈದ್ಯಕೀಯ, ಎಂಜಿನಿಯರಿಂಗ್ ಅಥವಾ ಅಂಗಡಿಯಲ್ಲಿ ಕುಳಿತು ಕೆಲಸ ಮಾಡುವ ಮೂಲಕ ಮಾತ್ರ ಹಣ ಗಳಿಸಲು ಬಯಸುವುದಿಲ್ಲ. ಒಂದಕ್ಕಿಂತ ಹೆಚ್ಚು ಆದಾಯದ ಮೂಲಗಳನ್ನು ಹೊಂದಲು ಬಯಸುವ ಯುವಕರು ತಮಗೆ ಇಷ್ಟವಾದ ವಿವಿಧ ಕ್ಷೇತ್ರಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ರೀಲ್ಸ್ ಮಾಡುವುದರಿಂದ ಹಿಡಿದು ಯೂಟ್ಯೂಬ್‌ನಲ್ಲಿ ವ್ಲಾಗಿಂಗ್ ಮಾಡುವವರೆಗೆ ಹಣ ಗಳಿಸಲು ಹಲವು ಮಾರ್ಗಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. ಇಂತಹ ವ್ಲಾಗರ್‌ಗಳಲ್ಲಿ ಒಬ್ಬರು ಸೌರವ್ ಜೋಶಿ. ಅವರು ಭಾರತದ ನಂಬರ್ 1 ವ್ಲಾಗರ್‌ಗಳಲ್ಲಿ ಒಬ್ಬರಾಗಿದ್ದಾರೆ.

ಸೌರವ್ ಜೋಶಿ ಭಾರತದ ಪ್ರಸಿದ್ಧ ಕೋಟ್ಯಧಿಪತಿ ಯೂಟ್ಯೂಬರ್‌ಗಳಲ್ಲಿ ಒಬ್ಬರು. ಅವರು ಉತ್ತರಾಖಂಡದ ಬಾಗೇಶ್ವರದವರು. ಮಧ್ಯಮ ವರ್ಗದ ಕುಟುಂಬದಲ್ಲಿ ಬೆಳೆದ ಸೌರವ್ ಅವರ ಬಾಲ್ಯ ಕಷ್ಟವಾಗಿತ್ತು. ಕುಟುಂಬವನ್ನು ನಿರ್ವಹಿಸಲು ಅವರ ತಂದೆ ಹರೀಂದರ್ ಜೋಶಿ ದೆಹಲಿಯಲ್ಲಿ ಕಾರ್ಪೆಂಟರ್ ಆಗಿ ಕೆಲಸ ಮಾಡುತ್ತಿದ್ದರು. ಇದರಿಂದ ಕುಟುಂಬ ಆರ್ಥಿಕ ಸಂಕಷ್ಟವನ್ನು ಎದುರಿಸಬೇಕಾಗಿತ್ತು. ಚಿಕ್ಕ ವಯಸ್ಸಿನಿಂದಲೇ ಸೌರವ್ ತಮ್ಮ ತಂದೆಯ ಕೆಲಸದಲ್ಲಿ ಸಹಾಯ ಮಾಡುತ್ತಿದ್ದರು. ಬಳಿಕ ಸೌರವ್ ಮತ್ತು ಕುಟುಂಬ ಹರಿಯಾಣದ ಹಿಸಾರ್‌ಗೆ ಶಿಫ್ಟ್ ಆಗಿದ್ದರು. ಅಲ್ಲಿಯೇ ಅವರ ಬಾಲ್ಯ ಕಳೆಯಿತು.

ಸೌರವ್ ಜೋಶಿ 12ನೇ ತರಗತಿಯಲ್ಲಿ ಓದುತ್ತಿದ್ದಾಗಲೇ ‘ಸೌರವ್ ಜೋಶಿ ಆರ್ಟ್ಸ್’ ಎಂಬ ಹೆಸರಿನಲ್ಲಿ ಯೂಟ್ಯೂಬ್ ಚಾನೆಲ್ ಆರಂಭಿಸಿದರು. ಅದರಲ್ಲಿ ಕೋಚಿಂಗ್ ವಿಡಿಯೋಗಳನ್ನು ಅಪ್‌ಲೋಡ್ ಮಾಡುತ್ತಿದ್ದರು. ಲಾಕ್‌ಡೌನ್ ಸಮಯದಲ್ಲಿ ಅವರ ವೃತ್ತಿಜೀವನಕ್ಕೆ ದೊಡ್ಡ ತಿರುವು ಸಿಕ್ಕಿತು. ಸತತ 365 ದಿನಗಳ ಕಾಲ ಪ್ರತಿದಿನ ವ್ಲಾಗ್ ಮಾಡುವ ಚಾಲೆಂಜ್ ಅವರು ಸ್ವೀಕರಿಸಿದರು. ಈ ಒಂದು ನಿರ್ಧಾರ ಅವರ ಜೀವನವನ್ನಷ್ಟೇ ಅಲ್ಲದೆ, ಅವರ ಕುಟುಂಬದ ಜೀವನವನ್ನೂ ಬದಲಿಸಿತು. ಸೌರವ್ ಜನಪ್ರಿಯ ಸ್ಟಾರ್ ಆಗಿ ಹೊರಹೊಮ್ಮಿದರು. ಅವರ ವ್ಲಾಗ್‌ಗಳಿಗೆ ಪ್ರೇಕ್ಷಕರಿಂದ ಅಪಾರ ಪ್ರೀತಿ ಸಿಕ್ಕಿತು. ಅವರ ಚಿಕ್ಕಪ್ಪನ ಮಗ ಕುನಾಲಿ ಅವರ ಮುಗ್ಧತೆ ಮತ್ತು ತಾಯಿಯ ಮುದ್ದಾದ ಗದರಿಕೆಗಳು ವ್ಲಾಗ್‌ಗಳ ಪ್ರಮುಖ ಆಕರ್ಷಣೆಯಾದವು.

ಸೌರವ್ ಜೋಶಿ ಅವರಿಗೆ ಆಫ್-ರೋಡಿಂಗ್ ಮತ್ತು ಅಡ್ವೆಂಚರಸ್ ಚಟುವಟಿಕೆಗಳೆಂದರೆ ಬಹಳ ಇಷ್ಟ. ಕಾಡಿನಲ್ಲಿ ಟೆಂಟ್ ಹಾಕಿಕೊಂಡು ವಾಸಿಸುವುದು, ನದಿಯಲ್ಲಿ ರಾಫ್ಟಿಂಗ್ ಮಾಡುವುದು, ಮೊದಲಾದ ಸಾಹಸಗಳನ್ನು ಅವರು ತಮ್ಮ ವ್ಲಾಗ್‌ಗಳಲ್ಲಿ ತೋರಿಸಿದ್ದಾರೆ. ಇದರ ಜೊತೆಗೆ, 2021ರಲ್ಲಿ ಬಿಡುಗಡೆಯಾದ ‘ಭಾಯ್ ಮೇರೆ ಭಾಯ್’ ಮತ್ತು ‘ಮೌಜಾ’ ಮ್ಯೂಸಿಕ್ ವಿಡಿಯೋಗಳಲ್ಲಿಯೂ ಕಾಣಿಸಿಕೊಂಡು ತಮ್ಮ ಅದೃಷ್ಟ ಪರೀಕ್ಷಿಸಿದ್ದಾರೆ.

ಸೌರವ್ ಜೋಶಿ ಅವರಿಗೆ ಐಷಾರಾಮಿ ಕಾರುಗಳೆಂದರೆ ವಿಶೇಷ ಆಸಕ್ತಿ. ಮಾಧ್ಯಮ ವರದಿಗಳ ಪ್ರಕಾರ, ಅವರ ಕಾರು ಸಂಗ್ರಹದ ಒಟ್ಟು ಮೌಲ್ಯ ಸುಮಾರು ₹5 ಕೋಟಿ. ಅವರ ಕಾರು ಸಂಗ್ರಹದಲ್ಲಿ ಲ್ಯಾಂಡ್ ರೋವರ್ ಡಿಫೆಂಡರ್, ಮರ್ಸಿಡಿಸ್-ಬೆನ್ಜ್ ಜಿ-ವ್ಯಾಗನ್, ಮರ್ಸಿಡಿಸ್-ಬೆನ್ಜ್ GLC 300, ಟೊಯೋಟಾ ಫಾರ್ಚ್ಯೂನರ್ ಲೆಜೆಂಡರ್ ಮತ್ತು ಮಹೀಂದ್ರಾ ಥಾರ್‌ನಂತಹ ಕಾರುಗಳು ಸೇರಿವೆ. ಅವರ ಬಳಿ ಇರುವ ಅತ್ಯಂತ ದುಬಾರಿ ಕಾರು ಎಲೆಕ್ಟ್ರಿಕ್ ಮರ್ಸಿಡಿಸ್-ಬೆನ್ಜ್ ಜಿ-ವ್ಯಾಗನ್ ಆಗಿದ್ದು, ಇದರ ಬೆಲೆ ಸುಮಾರು ₹3.2 ಕೋಟಿ ಎಂದು ಹೇಳಲಾಗಿದೆ.

ಸೌರವ್ ಅವರ ಯೂಟ್ಯೂಬ್ ಚಾನೆಲ್‌ಗೆ 4 ಕೋಟಿ 22 ಲಕ್ಷಕ್ಕೂ ಹೆಚ್ಚು ಸಬ್‌ಸ್ಕ್ರೈಬರ್‌ಗಳಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಅವರಿಗೆ 1 ಕೋಟಿ 12 ಲಕ್ಷಕ್ಕೂ ಹೆಚ್ಚು ಫಾಲೋವರ್‌ಗಳಿದ್ದಾರೆ. ಅವರ ಮಾಸಿಕ ಆದಾಯ ಕೋಟ್ಯಂತರ ರೂಪಾಯಿಗಳಷ್ಟಿರಬಹುದು ಎಂದು ಅಂದಾಜಿಸಲಾಗಿದೆ. ತಜ್ಞರ ಪ್ರಕಾರ, ಸೌರವ್ ಅವರ ವಿಡಿಯೋಗಳಿಗೆ ಸುಮಾರು 400 ಮಿಲಿಯನ್ ವ್ಯೂವ್ಸ್ ಬರುತ್ತವೆ. ಶಾರ್ಟ್ ಫಾರ್ಮ್ ವಿಡಿಯೋಗಳಿಗೆ 51 ಮಿಲಿಯನ್‌ಗಿಂತಲೂ ಹೆಚ್ಚು ವ್ಯೂವ್ಸ್ ಇದೆ. ಈ ಲೆಕ್ಕಾಚಾರದ ಆಧಾರದ ಮೇಲೆ ಅವರ ಮಾಸಿಕ ಆದಾಯ ₹2 ಕೋಟಿಯಿಂದ ₹3 ಕೋಟಿ ಇರಬಹುದು ಎಂದು ಅಂದಾಜಿಸಲಾಗಿದೆ.

ಸೀರಿಯಲ್ಗಳಲ್ಲಿ ಮನರಂಜನೆಯ ಅಂಬಾರಿ: ನಟಿ ಸುಧಾರಾಣಿ ಎಂಟ್ರಿ- ಧಾರಾವಾಹಿಗಳ ಟ್ವಿಸ್ಟ್ ರಿವೀಲ್

Suchethana D — Tue, 20 Oct 2026 13:18:05 +0530

ದಸರಾ ಹಬ್ಬದ ಹಿನ್ನೆಲೆಯಲ್ಲಿ, ಮೈಸೂರಿನಲ್ಲಿ ಅಂಬಾರಿ ಕಳೆಗಟ್ಟಿದಂತೆ ಜೀ ಕನ್ನಡದ ಮೂರು ಸೀರಿಯಲ್ಗಳಲ್ಲಿಯೂ ಮನರಂಜನೆಯ ಅಂಬಾರಿ ಕಳೆಗಟ್ಟಿದೆ ಎಂದು ತಿಳಿಸಿದ್ದಾರೆ ನಟಿ ಸುಧಾರಾಣಿ. ಮೂರು ಸೀರಿಯಲ್ಗಳ ಕಥೆಗಳನ್ನು ಹೇಳಿರುವ ನಟಿ, ಭರಪೂರ ಮನರಂಜನೆ ಇರುವುದಾಗಿ ತಿಳಿಸಿದ್ದಾರೆ. ಅಮೃತಧಾರೆ, ಅಣ್ಣಯ್ಯ ಸೀರಿಯಲ್ ಮತ್ತು ನಾ ನಿನ್ನ ಬಿಡಲಾರೆ ಸೀರಿಯಲ್ಗಳಲ್ಲಿನ ರೋಚಕ ಟ್ವಿಸ್ಟ್ ಕುರಿತು ನಟಿ ರಿವೀಲ್ ಮಾಡಿದ್ದು, ಅದನ್ನು ಜೀ ವಾಹಿನಿ ಪ್ರೊಮೋದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

ಅಮೃತಧಾರೆ ಸೀರಿಯಲ್ ಕುರಿತು...

ಈಗ ಒಂದೊಂದೇ ಸೀರಿಯಲ್ ವಿಷಯಕ್ಕೆ ಬರುವುದಾರೆ, ಅಮೃತಧಾರೆ ಸೀರಿಯಲ್ (Amruthadhaare Serial)ನಲ್ಲಿ ಗೌತಮ್ ವಾಪಸ್ ಬಂದಾಗಿದೆ. ದೀಪಿಕಾಗೂ ಎಲ್ಲರ ಕುತಂತ್ರ ಅರಿವಾಗಿದೆ. ಭೂಮಿಕಾ- ದೀಪಿಕಾ ಒಂದಾಗಿದ್ದಾರೆ. ಇನ್ನು ಗೌತಮ್ಗೆ ಜೈದೇವನ ಬಗ್ಗೆ ಇದಾಗಲೇ ತಿಳಿದಿದ್ದು, ತಾಯಿ ಶಕುಂತಲಾ ಬದಲಾಗಿದ್ದಾಳೆ ಎಂದುಕೊಂಡಿದ್ದ. ಆದರೆ, ಭೂಮಿಕಾಳನ್ನು ಸಾಯಿಸಲು ಸ್ಕೆಚ್ ಹಾಕಿದ್ದು, ಅವಳ ಜಾಗದಲ್ಲಿ ನಕಲಿ ಭೂಮಿಕಾ ತಂದಿರುವುದು ತಿಳಿದರೆ, ಅಲ್ಲಿಗೆ ಶಕುಂತಲಾ ಮತ್ತು ಜೈದೇವ್ ಕಥೆ ಮುಗಿದಂತೆ. ಇನ್ನಾವ ಕಾರಣಕ್ಕೂ ಆತ ಅವರನ್ನು ಕ್ಷಮಿಸುವುದಿಲ್ಲ. ಅದರ ಕಥೆಯನ್ನು ಹೇಳಿರೋ ಸುಧಾರಾಣಿ, ದೀಪಿಕಾ ಗುಟ್ಟು ಬದಲಾಗುವ ಟೈಮ್ಬಂದಾಯ್ತು. ದೀಪಿಕಾ-ಭೂಮಿಕಾ ಅಸಲಿ ಮುಖಕ್ಕೆ ಖುದ್ದು ಗೌತಮ್ ಸಾಕ್ಷಿಯಾಗ್ತಾನೆ ಎಂದಿದ್ದಾರೆ.

ಅಣ್ಣಯ್ಯ ಸೀರಿಯಲ್ (Annaya Serial) ಏನಾಗಲಿದೆ?

ಇನ್ನೊಂದು ಸೀರಿಯಲ್ ಅಣ್ಣಯ್ಯ. ಇದರಲ್ಲಿ ಶಿವು ತನ್ನ ತಾಯಿಯ ಮೇಲೆ ಕೋಪ ಮಾಡಿಕೊಂಡಿದ್ದಾರೆ.ಮಾವನ ಮಾತನ್ನು ನಂಬಿ ಹೆತ್ತಮ್ಮನನ್ನು ಮನೆಯಿಂದ ಹೊರಕ್ಕೆ ಹಾಕಿದ್ದಾನೆ. ಈಗ ಆತನ ತಾಯಿ ಅಮಾಯಕಿ ಎನ್ನುವ ಮಹತ್ತರ ಸಾಕ್ಷಿಯೊಂದು ಪಾರು ಕೈ ಸೇರಿದೆ. ಅಮ್ಮ- ಮಗನನ್ನು ಒಂದು ಮಾಡಲು ಹರಸಾಹಸ ಪಡುತ್ತಿರುವ ಪಾರುವಿಗೆ ಈ ಸಾಕ್ಷಿ ಸಿಕ್ಕಿದ್ದರಿಂದ ವಿಲನ್ಗಳ ಮುಖವಾಡ ಬಯಲಾಗಲಿದೆ. ಅಮ್ಮ-ಮಗ ಒಂದಾಗಲಿದ್ದಾರೆ. ಈ ಕುರಿತು ಮಾಹಿತಿ ನೀಡಿರುವ ನಟಿ ಸುಧಾರಾಣಿ (Sudharani) ಅಮ್ಮ ಮತ್ತು ಮಗನ ಒಂದುಗೂಡಿಸಲು ಇದ್ದ ಒಂದೇ ಸಾಕ್ಷಿ ಪಾರು ಕೈಸೇರಾಯ್ತು ಎನ್ನುವ ಮೂಲಕ ಈ ಸೀರಿಯಲ್ ಬಗ್ಗೆ ರಿವೀಲ್ ಮಾಡಿದ್ದಾರೆ.

ನಾ ನಿನ್ನ ಬಿಡಲಾರೆ (Naa Ninna Bidalaare Serial) ಟ್ವಿಸ್ಟ್

ಅದೇ ರೀತಿ ನಾನಿನ್ನ ಬಿಡಲಾರೆ. ಈ ಸೀರಿಯಲ್ ಈಗ ಪಾರ್ಟ್-2 ರೀತಿಯಲ್ಲಿ ನಡೆಯುತ್ತಿದೆ. ಪತಿಯ ರಕ್ಷಣೆಗಾಗಿ, ಆತನಿಂದ ದೂರವಾಗಿದ್ದಾಳೆ ದುರ್ಗಾ. ಆ ಸಮಯದಲ್ಲಿ ಆಕೆ ಗರ್ಭಿಣಿಯಾಗಿದ್ದಳು. ಆದರೆ ಇದು ಶರತ್ಗೆ ತಿಳಿದಿಲ್ಲ. ಮಗಳೀಗ ದೊಡ್ಡವಳಾಗಿದ್ದಾಳೆ. ಅದೇ ಇನ್ನೊಂದೆಡೆ ಪುಟಾಣಿ ಹಿತಾ ಕೂಡ ದೊಡ್ಡವಳಾಗಿದ್ದು, ದೈವಾಂಶ ಸಂಭೂತೆಯಾಗಿದ್ದಾರೆ. ಹಿತಾ ಪುಟ್ಟಿಯಿಂದಲೇ ಅಪ್ಪ-ಅಮ್ಮ ಒಂದಾಗ್ತಾರೆ ಎನ್ನುವ ಸ್ಟೋರಿ ರಿವೀಲ್ ಮಾಡಿದ್ದಾರೆ ನಟಿ ಸುಧಾರಾಣಿ. ಶರತ್ನಿಂದ ದೂರವಾಗಿರುವ ದುರ್ಗಾಳ ಹೊಸ ಬದುಕು ಶುರುವಾಗಿದೆ. ದೈವಾಂಶ ಸಂಭೂತೆಯಾಗಿರುವ ಕಂದಮ್ಮ ಒಡೆದ ಗೂಡನ್ನು ಮತ್ತೆ ಒಂದಾಗಿಸುತ್ತಾಳೆ ಎನ್ನುವ ಮೂಲಕ ಸೀರಿಯಲ್ ಟ್ವಿಸ್ಟ್ ಹೇಳಿದ್ದಾರೆ.

ದಸರಾ ಗೊಂಬೆಗಳ ಜೊತೆ ಮುದ್ದು ಗೊಂಬೆಯಾದ ಭವ್ಯಾ ಗೌಡ! ಕೆಂಪು ಸೀರೆಯಲ್ಲಿ ನಟಿಯ ಕ್ಯೂಟ್ ಲುಕ್

Pavna Das — Tue, 20 Oct 2026 17:31:51 +0530

Bhavya Gowda: ಕನ್ನಡ ಕಿರುತೆರೆ ನಟಿ ಭವ್ಯಾ ಗೌಡ, ದಸರಾ ಹಬ್ಬದ ಸಂಭ್ರಮದಲ್ಲಿದ್ದು, ಗೊಂಬೆಗಳ ಜೊತೆ ತಾವು ಮುದ್ದು ಗೊಂಬೆಯಾಗಿ ಕಾಣಿಸಿಕೊಂಡಿದ್ದಾರೆ. ನಟಿಯ ಫೋಟೊಗಳನ್ನು ವೀಕ್ಷಕರು ಮೆಚ್ಚಿಕೊಂಡಿದ್ದಾರೆ.

"ತೋಳ ಬಂತು! ತೋಳ ಬಂತು!" ಗಾನವಿ ಮೋಸದ ಆಟಕ್ಕೆ ಸಿಲುಕಿ ಮನೆಮಂದಿ ಮುಂದೆ ಬಕ್ರಾ ಆದ ಆಸಿಯಾ!

Ashwini HR — Tue, 20 Oct 2026 13:29:34 +0530

Bigg Boss Kannada: ಒಂದ್ಸಲ ಮೋಸ ಹೋದ್ರೆ ತಪ್ಪು ಎದುರಿಗಿದ್ದವರದ್ದು, ಅದೇ ಪದೇ ಪದೇ ಮೋಸ ಹೋದ್ರೆ ತಪ್ಪು ನಮ್ಮದೇ! ಬಿಗ್‌ಬಾಸ್ ಮನೆಯಲ್ಲಿ ಆಸಿಯಾ ಸ್ಥಿತಿ ಈಗ ಹೀಗೇ ಆಗಿದೆ. ಗಾನವಿ ಈಗ ಎಷ್ಟೇ ಕಣ್ಣೀರು ಹಾಕಿದರೂ, ಅವರ ಬಣ್ಣ ಬಯಲಾಗಿದ್ದು, ಆಸಿಯಾ ಮಾತ್ರ ಮುಖಭಂಗ ಅನುಭವಿಸುವಂತಾಗಿದೆ.

ಮತ್ತೆ ಅದೇ ತಪ್ಪು ಮಾಡಿದ ಗಾನವಿಬಿಗ್ ಬಾಸ್ ಮನೆಯಲ್ಲಿ ಸ್ಪರ್ಧಿಗಳ ನಡುವಿನ ಪೈಪೋಟಿ ದಿನದಿಂದ ದಿನಕ್ಕೆ ರಂಗೇರುತ್ತಿದ್ದು, ಟಾಸ್ಕ್‌ಗಳ ವೇಳೆ ನಂಬಿಕೆ ದ್ರೋಹ, ಕಳ್ಳಾಟಗಳು ಮುಂದುವರಿದಿವೆ. ಕಳೆದ ಬಾರಿಯಷ್ಟೇ ಟಾಸ್ಕ್‌ನಲ್ಲಿ ಮೋಸ ಮಾಡಿ ಪವರ್ ಕಾಯಿನ್ ಗಿಟ್ಟಿಸಿಕೊಂಡಿದ್ದ ಗಾನವಿ, ಈ ಬಾರಿಯೂ ಅದೇ ತಪ್ಪನ್ನು ಪುನರಾವರ್ತಿಸಿ ಸಿಕ್ಕಿಬಿದ್ದಿದ್ದಾರೆ.

ಮೋಸದ ಆಟಕ್ಕೆ ಬಲಿಯಾಗಿರುವುದು ಸ್ಪರ್ಧಿ ಆಸಿಯಾಸದ್ಯ ಬಿಡುಗಡೆಯಾಗಿರುವ ಬಿಗ್ ಬಾಸ್‌ನ ಹೊಸ ಪ್ರೊಮೊದಲ್ಲಿ ಈ ವಿಚಾರ ರಿವೀಲ್ ಆಗಿದೆ. ವಿಶೇಷವೆಂದರೆ, ಈ ಬಾರಿ ಗಾನವಿ ಅವರ ಈ ಮೋಸದ ಆಟಕ್ಕೆ ಬಲಿಯಾಗಿರುವುದು ಸ್ಪರ್ಧಿ ಆಸಿಯಾ.

ಆಸಿಯಾಗೆ ಕುಹಕವಾಡಿದ ಮನೆಮಂದಿಗಾನವಿಯನ್ನು ಕಣ್ಣುಮುಚ್ಚಿ ನಂಬಿ ಮೋಸಹೋದ ಆಸಿಯಾ ಅವರ ಸ್ಥಿತಿ ನೋಡಿ ಮನೆಯ ಇತರ ಸ್ಪರ್ಧಿಗಳು ಆಡಿಕೊಳ್ಳುತ್ತಿದ್ದಾರೆ. "ಹೋಗಿ ಹೋಗಿ ಮತ್ತೆ ಆ ಗಾನವಿಯನ್ನೇ ನಂಬಿದೆಯಲ್ಲಾ... ನಿನಗೆ ಮೊದಲೇ ಗೊತ್ತಾಗಬೇಕಿತ್ತು" ಎಂದು ಮನೆಮಂದಿಯೆಲ್ಲಾ ಆಸಿಯಾಗೆ ಛೇಡಿಸುತ್ತಿದ್ದಾರೆ.

ಕಣ್ಣೀರಿಟ್ಟರೂ ಕರಗದ ಬಿಗ್ ಬಾಸ್ ಸ್ಪರ್ಧಿಗಳುತನ್ನ ಮೇಲಿನ ಆರೋಪಗಳಿಂದ ಪಾರಾಗಲು ಗಾನವಿ ಎಂದಿನಂತೆ ಕಣ್ಣೀರಿನ ಮೊರೆ ಹೋಗಿದ್ದಾರೆ. "ನಾನು ಬೇಕು ಅಂತ ಹೀಗೆ ಮಾಡಿದ್ದಲ್ಲ" ಎಂದು ಗಾನವಿ ಕಣ್ಣೀರಿಡುತ್ತಾ ಸಮರ್ಥಿಸಿಕೊಳ್ಳಲು ಪ್ರಯತ್ನ ಪಟ್ಟಿದ್ದಾರಾದರೂ, ಅವರ ಆಟವನ್ನು ಮೊದಲೇ ಬಲ್ಲ ಮನೆಯಲ್ಲಿ ಯಾರೊಬ್ಬರೂ ಅವರ ಮಾತನ್ನು ನಂಬುವ ಸ್ಥಿತಿಯಲ್ಲಿಲ್ಲ.

'ತೋಳ ಬಂತು ತೋಳ' ಕಥೆಯಂತಾದ ಗಾನವಿ ಸ್ಥಿತಿಹಿಂದೊಮ್ಮೆ ಕಳ್ಳಾಟವಾಡಿ ಸಿಕ್ಕಿಬಿದ್ದಿದ್ದ ಗಾನವಿ, ಈಗ ಮತ್ತೆ ಮೋಸ ಮಾಡಿರುವುದು ಅವರ ಮೇಲಿನ ವಿಶ್ವಾಸಾರ್ಹತೆಯನ್ನು ಸಂಪೂರ್ಣವಾಗಿ ಕುಗ್ಗಿಸಿದೆ. ಅವರ ಇಂದಿನ ನಡೆ ಬಾಲ್ಯದ 'ತೋಳ ಬಂತು ತೋಳ' ಕಥೆಯಂತಾಗಿದೆ. ನಿಜವಾಗಿಯೇ ಅವರು ಅಚಾತುರ್ಯದಿಂದ ಮಾಡಿದ್ದರೂ ಸಹ, ಗಾನವಿ ಮತ್ತೆ ಕಣ್ಣೀರು ಹಾಕುತ್ತಿರುವುದು ಮನೆಯವರ ದೃಷ್ಟಿಯಲ್ಲಿ ಮತ್ತೊಂದು 'ನಾಟಕ'ದಂತೆ ಕಾಣಿಸುತ್ತಿದೆ.

ಮುಂದಿನ ದಿನಗಳಲ್ಲಿ ಗಾನವಿ ತಮ್ಮ ಮೇಲಿನ ಈ ಅಪವಾದದಿಂದ ಹೇಗೆ ಹೊರಬರುತ್ತಾರೆ? ಆಸಿಯಾ ಮತ್ತು ಗಾನವಿ ನಡುವಿನ ಸಂಬಂಧ ಯಾವ ಹಂತ ತಲುಪಲಿದೆ ಎಂಬುದನ್ನು ಕಾದುನೋಡಬೇಕಿದೆ.

ಕಾಂಗ್ರೆಸ್, ಬಿಜೆಪಿಯವ್ರು ಆಫರ್ ಕೊಟ್ರೂ JDSಗೆ ಹೋಗಿದ್ಯಾಕೆ Bigg Boss ಜಾಹ್ನವಿ? ಏನ್ ಹೇಳಿದ್ರು ಕೇಳಿ

Suchethana D — Tue, 20 Oct 2026 19:54:18 +0530

ಮಾಧ್ಯಮ ಕ್ಷೇತ್ರದಲ್ಲಿ ನಿರೂಪಕಿಯಾಗಿ, ರಿಯಾಲಿಟಿ ಶೋ ಹಾಗೂ ಸಿನಿಮಾಗಳ ಮೂಲಕ ಕನ್ನಡಿಗರಿಗೆ ಪರಿಚಿತರಾಗಿದ್ದ ಬಿಗ್‌ಬಾಸ್ ಜಾಹ್ನವಿ (Bigg Boss Jahnavi) ಅವರಿಗೆ ಜಾತ್ಯತೀತ ಜನತಾದಳ (ಜೆಡಿಎಸ್) ಪಕ್ಷದಲ್ಲಿ ಮಹತ್ವದ ಜವಾಬ್ದಾರಿ ಸಿಕ್ಕಿದೆ. ಜಾಹ್ನವಿ ಅವರನ್ನು ಜೆಡಿಎಸ್ ಪಕ್ಷದ 'ರಾಜ್ಯ ಪ್ರಧಾನ ಕಾರ್ಯದರ್ಶಿ'ಯಾಗಿ ನೇಮಕ ಮಾಡಿ, ಪಕ್ಷದ ರಾಜ್ಯಾಧ್ಯಕ್ಷ ಹಾಗೂ ಕೇಂದ್ರ ಸಚಿವ ಎಚ್.ಡಿ. ಕುಮಾರಸ್ವಾಮಿ ಅವರು ಈಚೆಗಷ್ಟೇ ಆದೇಶ ಹೊರಡಿಸಿದ್ದಾರೆ. ತಮಿಳುನಾಡಿನ ಮುಖ್ಯಮಂತ್ರಿಯಾಗಿದ್ದ ಜಯಲಲಿತಾ ಅವರನ್ನೇ ಮಾದರಿಯಾಗಿಟ್ಟುಕೊಂಡು, ಮುಂದೊಂದು ದಿನ ಅವರಂತೆಯೇ ಬೆಳೆಯಬೇಕು ಎಂದು ಕನಸು ಕಂಡಿದ್ದ ಜಾಹ್ನವಿ ಅವರಿಗೆ, ತಾನಾಗಿಯೇ ರಾಜಕೀಯ ಒಲಿದು ಬಂದಿದಂತೆ. ಮ್ಯಾನಿಫೆಸ್ಟೇಷನ್ ಮಾಡಿದ್ದು ನನಸಾಗುವಂತೆ ಒಂದೇ ಸಲಕ್ಕೆ ಕಾಂಗ್ರೆಸ್, ಬಿಜೆಪಿ ಮತ್ತು ಜೆಡಿಎಸ್ ಎಲ್ಲೆಡೆಯಿಂದಲೂ ಆಫರ್ ಬಂದಿರುವುದಾಗಿ ಸಂದರ್ಶನವೊಂದರಲ್ಲಿ ತಿಳಿಸಿದ್ದಾರೆ.

ಹಾಗಿದ್ದರೆ ಜಾಹ್ನವಿ ಬಿಜೆಪಿ, ಕಾಂಗ್ರೆಸ್ ಬಿಟ್ಟು ಜೆಡಿಎಸ್ ಸೇರಿದ್ಯಾಕೆ? ಈ ಪ್ರಶ್ನೆಗೆ ಅವರು ಸಂದರ್ಶನವೊಂದರಲ್ಲಿ ಉತ್ತರಿಸಿದ್ದಾರೆ. sabhewithsaba ಎನ್ನುವ ಚಾನೆಲ್ಗೆ ನೀಡಿರುವ ಸಂದರ್ಶನದಲ್ಲಿ ಜಾಹ್ನವಿ ಇದನ್ನು ರಿವೀಲ್ ಮಾಡಿದ್ದಾರೆ. ಬಿಗ್ಬಾಸ್ನಿಂದ ಬಂದ ಮೇಲೆ ಒಮ್ಮೆ ಕಾರ್ಯಕ್ರಮಕ್ಕೆ ಹೋದಾಗ, ಅಲ್ಲಿ ಬಿಜೆಪಿಯವರೊಬ್ಬರು, ನೀವು ನಮ್ಮ ಪಕ್ಷಕ್ಕೆ ಬನ್ನಿ. ಮೋಹನ್ ಭಾಗವತ್ ಅವರನ್ನು ಭೇಟಿ ಮಾಡಿಸುತ್ತೇನೆ ಎಂದರು. ಆಗ ನನಗೆ ಭಯ ಆಗಿ ಹೋಯ್ತು. ಏಕೆಂದರೆ, ಆ್ಯಂಕರಿಂಗ್ ಮಾಡುವ ಸಮಯದಲ್ಲಿ ನಟನೆಗೆ ಹೋದಾಗ, ಆ್ಯಂಕರಿಂಗ್ ಮಾಡಲ್ವೇನೋ ಎಂದು ನನಗೆ ಆಫರ್ ಬಂದಿರಲಿಲ್ಲ. ಈಗ ಏಕಾಏಕಿ ರಾಜಕೀಯಕ್ಕೆ ಹೋದರೆ ನಟನೆಗೂ ಕರೆಯದಿದ್ದರೆ ಏನು ಮಾಡೋದು, ದುಡ್ಡು ಬೇಕಲ್ವಾ, ಅದಕ್ಕೇ ಬಿಜೆಪಿ ಸೇರೋ ಆಸೆಯಾದ್ರೂ ನೋಡ್ತೇನೆ ನೋಡ್ತೇನೆ ಎಂದು ಕಾಲ ತಳ್ಳಿದೆ ಎಂದು ಜಾಹ್ನವಿ ಹೇಳಿದ್ದಾರೆ.

ಜಾಹ್ನವಿ ಹೇಳಿದ್ದೇನು?

ಕೊನೆಗೆ ಅದೇ ಸ್ವಲ್ಪ ದಿನದ ಬಳಿಕ ಜೆಡಿಎಸ್ ಪಕ್ಷದವರು ಒಬ್ಬರು ಕರೆದರು. ಟಿಕೆಟ್ ಕೊಡಿಸುವುದಾಗಿಯೂ ಹೇಳಿದರು. ನನ್ನ ಸಮಾಜಸೇವೆ ಕಾರ್ಯವನ್ನೆಲ್ಲಾ ನೋಡಿ ಅವರು ಖುಷಿಪಟ್ಟಿದ್ದರು. ಆರಂಭದಲ್ಲಿ ನನಗೆ ಕಸಿವಿಸಿ ಆಯ್ತು. ಎಲೆಕ್ಷನ್ ಎಲ್ಲಾ ಎಂದರೆ ತುಂಬಾ ದುಡ್ಡು ಬೇಕಾಗುತ್ತದೆ. ಅದೆಲ್ಲಾ ನನಗೆ ಕಷ್ಟವಾಗಬಹುದು ಎಂದು ಅದನ್ನೂ ಮುಂದೆ ಹಾಕಲು ನೋಡಿದೆ. ಕೊನೆಗೆ ಅವರು ಪದೇಪದೇ ಕರೆದಾಗ ಒಪ್ಪಿಕೊಳ್ಳುವಂತಾಯಿತು ಎಂದು ಜಾಹ್ನವಿ ರಿವೀಲ್ ಮಾಡಿದ್ದಾರೆ. ದೇವರೇ ಹಾದಿ ಮಾಡಿಕೊಟ್ಟಿದ್ದಾರೆ ಎಂದು ಹೋದೆ. ಸೇರ್ಪಡೆಯಾಗಿಯೇ ಹೋಯ್ತು ಎಂದು ತಿಳಿಸಿದ್ದಾರೆ.

ಎಲ್ಲೆಡೆಯಿಂದ ಕಾಲ್ ಬಂದಿತ್ತು

ನನಗೆ ಇಂಥದ್ದೇ ಪಕ್ಷ ಅಂತೇನೂ ಇರಲಿಲ್ಲ. ರಾಜಕೀಯ ಎಂದರೆ ಅದಲ್ಲಿ ಜಾತಿ ಲೆಕ್ಕಾಚಾರವೂ ನಡೆಯುತ್ತಿದೆ. ನಾನು ವೀರಶೈವ ಲಿಂಗಾಯತ. ಜಾತಿವಾದವನ್ನು ನೋಡುವುದಿದ್ದರೆ ಬಿಜೆಪಿಗೆ ಸೇರುತ್ತಿದ್ದೆ. ಸಡನ್ ಆಗಿ ದುಡ್ಡು ಬೇಕು ಎಂದರೆ ಆಡಳಿತ ಪಕ್ಷ (ಕಾಂಗ್ರೆಸ್) ಸೇರುತ್ತಿದ್ದೆ. ನಾನು ಜರ್ನಲಿಸ್ಟ್ ಆಗಿರುವುದರಿಂದ ಎಲ್ಲಾ ಪರಿಚಯ ಇದೆ. ಕಾಂಗ್ರೆಸ್ನವರೂ ನನ್ನನ್ನು ಕರೆದಿದ್ದರು. ಜಾತಿ, ಅಧಿಕಾರ, ದುಡ್ಡು ಎಲ್ಲಕ್ಕಿಂತಲೂ ಮುಖ್ಯವಾಗಿ ನನ್ನ ಯೋಚನೆ ಬೇರೆಯಾಯ್ತು. 20 ತಿಂಗಳು ಅಧಿಕಾರಾವಧಿಯಲ್ಲಿ ಒಬ್ಬ ನಾಯಕನನ್ನು ನೆನಪಿಸಿಕೊಳ್ತೇವೆ ಎಂದರೆ ಅದು ಕುಮಾರಣ್ಣ. ಯೋಜನೆಯನ್ನು ತಂದಾಗ ಮೊದಲಿಗೆ ನೆನಪಿಸಿಕೊಳ್ಳೋದು ಇವರೇ. ಕುಮಾರಣ್ಣ ಅವರನ್ನೇ ಎಲ್ಲರೂ ನೆನಪಿಸಿಕೊಳ್ತಾರೆ. ರೈತರ ಸಾಲಮನ್ನಾ, ಗ್ರಾಮ ವಾಸ್ತವ್ಯ ಎಲ್ಲವೂ ಈಗಲೂ ನೆನಪಿಸಿಕೊಳ್ತಾರೆ. ಸೋ ನಾನು ಅದನ್ನು ಆಯ್ಕೆ ಮಾಡಿಕೊಂಡೆ ಎಂದಿದ್ದಾರೆ.

Actors Life: ಚಿನ್ನದ ಪಂಜರ ಬಿಟ್ಟು ಒಲವಿನ ಗೂಡು ಸೇರಿದ ತಾರೆ; ಸ್ಟಾರ್‌ಗಿರಿ ಬದಿಗಿಟ್ಟು ಪತಿಯ ಹೃದಯ ಗೆದ್ದ ಮಾಧುರಿ!

Bhimasi M Koleppanavar — Sun, 18 Oct 2026 19:38:42 +0530

ಮಾಧುರಿ ದೀಕ್ಷಿತ್ ದೊಡ್ಡ ಪರದೆ ಮೇಲೆ ತಮ್ಮ ಅಟ್ಯ್ರಾಕ್ಟಿವ್ ಆಕ್ಟಿಂಗ್‌, ಡ್ಯಾನ್ಸ್ ಸ್ಕಿಲ್ಸ್, ಸೇರಿ ಆ ಬ್ಯೂಟಿಗೆ ಮನಸೋಲದವರೇ ಇಲ್ಲ, ಅದಕ್ಕೆ ಸಾಜನ್‌, ಹಮ್‌ ಆಪ್‌ ಕೇ ಹೈ ಕೋನ್, ದಿಲ್, ರಾಮ ಲಕನ್‌, ಹೀಗೆ ಸಾಲು-ಸಾಲು ಚಿತ್ರಗಗಳೇ ಸಾಕ್ಷಿ. ತಮ್ಮ ವೃತ್ತಿಜೀವನ ಉತ್ತುಂಗ ಸ್ಥಿತಿಯಲ್ಲಿದ್ದಾಗ ಮದುವೆಯಾಗುವ ಅವರ ನಿರ್ಧಾರ ಎಲ್ಲರನ್ನು ಅಚ್ಚರಿಗೊಳಿಸಿತು. ಮದುವೆಯ ನಂತರ, ಅವರು ತಮ್ಮ ಪತಿ ಡಾ. ಶ್ರೀರಾಮ್ ನೆನೆ ಅವರೊಂದಿಗೆ ಅಮೆರಿಕದಲ್ಲಿ ನೆಲೆಸಿದರು. ಅಲ್ಲದೇ ಜನಮನದಿಂದ ದೂರವಾಗಿ ಸಾಮಾನ್ಯ ಜೀವನ ನಡೆಸಲು ಪ್ರಾರಂಭಿಸಿದರು. ಅವರು ಪ್ರತಿದಿನ ಬೆಳಿಗ್ಗೆ ಅಡುಗೆಮನೆಯಲ್ಲಿ ತಮ್ಮ ಪತಿಗಾಗಿ ಉಪಾಹಾರ ಸಹ ಸಿದ್ಧಪಡಿಸಿತ್ತಿದ್ದರಂತೆ ನೋಡಿ. ಆದರೆ ಮಾದುರಿ ದೀಕ್ಷಿತ್‌ ಅವರ ಕುರಿತು ಕೆಲ ವಿಷಯಗಳನ್ನು ಮಾತ್ರ ಮತ್ತೆ ಮೆಲುಕು ಹಾಕಲೇ ಬೇಕು. ಆ ಕುರಿತು ಕಂಪ್ಲೀಟ್‌ ಸ್ಟೋರಿ ಇಲ್ಲಿದೆ.

ಗೃಹಸ್ಥಿಯಾದ ಮಾಧುರಿ!

ಮದುವೆಯ ನಂತರದ ಅವಧಿಯಲ್ಲಿ, ಮಾಧುರಿ ದೀಕ್ಷಿತ್ ಮನೆ ಜವಾಬ್ದಾರಿಗಳನ್ನು ಸಂಪೂರ್ಣವಾಗಿ ವಹಿಸಿಕೊಂಡರು. ಬೆಳಗ್ಗೆ ಬೇಗನೆ ಎದ್ದಂದಿನಿಂದ ಹಿಡಿದು ತನ್ನ ಪತಿಗೆ ಉಪಾಹಾರ ತಯಾರಿಸುವವರೆಗೆ, ಪ್ರತಿ ಮನೆಕೆಲಸವನ್ನು ಅವರೇ ಮಾಡುತ್ತಿದ್ದರು. ಸಿಮಿ ಗ್ರೆವಾಲ್ ಅವರ ಚಾಟ್ ಶೋನಲ್ಲಿ ಮಾಧುರಿ ದೀಕ್ಷಿತ್ ಈ ವಿಷಯ ಬಹಿರಂಗಪಡಿಸಿದ್ದಾರೆ. ನಟಿ ತಮ್ಮ ವೈವಾಹಿಕ ಜೀವನದಲ್ಲಿ ಮತ್ತು ಅವರ ಕುಟುಂಬದ ಅನುಭವದಲ್ಲಿನ ಈ ಮಹತ್ವದ ಬದಲಾವಣೆಯ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದು ಇದೇ ಮೊದಲ ಬಾರಿ.

5;30ಕ್ಕೆ ಎಚ್ಚರಗೊಳ್ಳುತ್ತಿದ್ದ ಮಾಧುರಿ!

ಮಾಧುರಿ ದೀಕ್ಷಿತ್ ಅವರು ತಮ್ಮ ಪತಿ ಶ್ರೀರಾಮ್ ನೆನೆ ಅವರಿಗೆ ಉಪಾಹಾರ ತಯಾರಿಸಲು ಬೆಳಿಗ್ಗೆ 5:30 ಕ್ಕೆ ಎಚ್ಚರಗೊಳ್ಳುತ್ತಿದ್ದರು ಎಂದು ಬಹಿರಂಗಪಡಿಸಿದ್ದಾರೆ. ಆ ಸಮಯದಲ್ಲಿ, ಅವರ ಪತಿ ಹೃದಯರಕ್ತನಾಳದ ಶಸ್ತ್ರಚಿಕಿತ್ಸೆ ಸರ್ಜನ್‌ ಆಗಿದ್ದರು. ಅವರು ಆಸ್ಪತ್ರೆಗೆ ಬೇಗನೆ ಹೊರಡಬೇಕಾಯಿತು. ಆದ್ದರಿಂದ, ಅವರು ಬೇಗನೆ ಎಚ್ಚರಗೊಂಡು, ಅವರಿಗಾಗಿ ಉಪಾಹಾರ ಸಿದ್ಧಪಡಿಸಿ, ನಂತರ ಸ್ವಲ್ಪ ಸಮಯ ವಿಶ್ರಾಂತಿ ಪಡೆಯಲು ನಿದ್ರೆಗೆ ಜಾರುತ್ತಿದ್ದರು ಎನ್ನುವುದನ್ನು ಹೇಳಿದ್ದಾರೆ. ಅಮೆರಿಕದಲ್ಲಿ ತಮ್ಮ ಜೀವನದ ಬಗ್ಗೆ ಮಾತನಾಡುತ್ತಾ ಮಾಧುರಿ, ನನ್ನ ಪತಿ ಶಸ್ತ್ರಚಿಕಿತ್ಸೆ ಮಾಡುತ್ತಿದ್ದಾಗ, ನಾನು ಅವರಿಗೆ ಉಪಾಹಾರ ತಯಾರಿಸುತ್ತಿದ್ದೆ. ನಾನು ಬೆಳಿಗ್ಗೆ 5:30 ಕ್ಕೆ ಎದ್ದು ಅವರಿಗೆ ಉಪಾಹಾರ ತಯಾರಿಸುತ್ತಿದ್ದೆ. ನಂತರ ಅವರು ಕೆಲಸಕ್ಕೆ ಹೋಗುತ್ತಿದ್ದರು ಮತ್ತು ನಾನು ಸ್ವಲ್ಪ ಹೊತ್ತು ಮತ್ತೆ ಮಲಗುತ್ತಿದ್ದೆ. ಆ ಜೀವನದ ಪ್ರತಿ ಕ್ಷಣವನ್ನೂ ನಾನು ಆನಂದಿಸಿದೆ" ಎಂದು ಹೇಳಿದ್ದರು.

ಮಾಧುರಿ ಕುರಿತು ಒಂದಿಷ್ಟು!

ಮಾಧುರಿಯ ಬಗ್ಗೆ ಹೇಳುವುದಾದರೆ, ಅವರು ಅಕ್ಟೋಬರ್ 17, 1999 ರಂದು ದಕ್ಷಿಣ ಕ್ಯಾಲಿಫೋರ್ನಿಯಾದಲ್ಲಿ ಸಾಂಪ್ರದಾಯಿಕ ವಿಧಿವಿಧಾನಗಳನ್ನು ಅನುಸರಿಸಿ ಡಾ. ಶ್ರೀರಾಮ್ ನೆನೆ ಅವರನ್ನು ವಿವಾಹವಾದರು. ಮದುವೆಯ ನಂತರ, ನಟಿ ತನ್ನ ಪತಿಯೊಂದಿಗೆ ಯುನೈಟೆಡ್ ಸ್ಟೇಟ್ಸ್‌ಗೆ ತೆರಳಿದರು. ದಂಪತಿಗಳಿಗೆ 2003ರಲ್ಲಿ ಮಗ ಅರಿನ್‌ ಜನಿಸಿದ್ದಾರೆ. ಎರಡು ವರ್ಷಗಳ ನಂತರ, 2005 ರಲ್ಲಿ, ಅವರ ಎರಡನೇ ಮಗ ರಯಾನ್ ಜನಿಸಿದರು. ಮದುವೆಯ ನಂತರ, ಮಾಧುರಿ ಸ್ವಲ್ಪ ಸಮಯದವರೆಗೆ ಚಲನಚಿತ್ರಗಳಿಂದ ದೂರ ಉಳಿದಿದ್ದರು. ಅಲ್ಲದೇ 2007ರಲ್ಲಿ, ಅವರು "ಆಜಾ ನಾಚ್ಲೆ" ಎಂಬ ಸಂಗೀತ ಮನರಂಜನೆಯ ಮೂಲಕ ಬಾಲಿವುಡ್‌ಗೆ ಮರಳಿದರು. ಇದರ ನಂತರ, ನಟಿ ಚಲನಚಿತ್ರಗಳು ಮತ್ತು ದೂರದರ್ಶನ ಜಗತ್ತಿನಲ್ಲಿ ತಮ್ಮ ಗುರುತನ್ನು ಪುನಃ ಸ್ಥಾಪಿಸಿಕೊಂಡರು. ಅವರು ಇತ್ತೀಚೆಗೆ OTT-ಬಿಡುಗಡೆಯಾದ "ಮಾ ಬೆಹನ್" ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಪ್ರೋಗ್ರಾಂನಲ್ಲಿ ಮುಕ್ತವಾಗಿ ಮಾತನಾಡಿದ ಮಾಧುರಿ!

ಸಿಮಿ ಗ್ರೆವಾಲ್ ಅವರ ಕಾರ್ಯಕ್ರಮದಲ್ಲಿ, ಮಾಧುರಿ ಡಾ. ಶ್ರೀರಾಮ್ ನೇನೆ ಅವರ ಬಗ್ಗೆ ತನಗೆ ನಿಜವಾಗಿಯೂ ಇಷ್ಟವಾದದ್ದನ್ನು ಕೆಲ ಸಂಗತಿಗಳನ್ನು ಮುಕ್ತವಾಗಿ ಬಿಚ್ಚಿಟ್ಟಿದ್ದಾರೆ. ಕುತೂಹಲಕಾರಿಯಾಗಿ, ಇಬ್ಬರೂ ಮೊದಲು ಭೇಟಿಯಾದಾಗ, ಶ್ರೀರಾಮ್ ನೇನೆಗೆ ಮಾಧುರಿಯ ತಾರಾಪಟ್ಟದ ಬಗ್ಗೆ ತಿಳಿದಿರಲಿಲ್ಲ. ಅವರು ಅವರ ಯಾವುದೇ ಚಲನಚಿತ್ರಗಳನ್ನು ಸಹ ನೋಡಿರಲಿಲ್ಲ. ಒಬ್ಬ ಸಂಗಾತಿ ಭೇಟಿಯಾದಾಗ, ಖಂಡಿತವಾಗಿಯೂ ಕೆಲವು ಹೋಲಿಕೆಗಳನ್ನು ಕಂಡುಕೊಳ್ಳುವುದು ಸಾಮಾನ್ಯದ ವಿಷಯ. ಅವರು ನನ್ನ ಬಗ್ಗೆ ಇಷ್ಟಪಟ್ಟದ್ದು ನಾನು ಇತರರಿಗೆ ಸಹಾಯ ಮಾಡಲು ನನ್ನ ದಾರಿಯಿಂದ ಹೊರಡುತ್ತೇನೆ ಎನ್ನುವುದನ್ನು ಮಾಧುರಿ ದೀಕ್ಷಿತ್ ಒಮ್ಮೆ ಹೇಳಿದ್ದಾರೆ. ಮಾಧುರಿ ದೀಕ್ಷಿತ್ ಇನ್ನೂ ಮನರಂಜನಾ ಉದ್ಯಮದಲ್ಲಿ ಸಕ್ರಿಯರಾಗಿದ್ದಾರೆ, ದೊಡ್ಡ ಪರದೆಯಿಂದ OTT ಪ್ಲಾಟ್‌ಫಾರ್ಮ್‌ಗಳವರೆಗೆ ತಮ್ಮ ಪ್ರತಿಭೆ ಪ್ರದರ್ಶಿಸುತ್ತಿದ್ದಾರೆ.

ಗುರುವಾಯೂರಪ್ಪನ ಸನ್ನಿಧಿಯಲ್ಲಿ ‘ಅಮೃತಧಾರೆ’ ಶಕುಂತಲಾ: ಜೊತೆಗಿದ್ದವರು ಯಾರು ಗೊತ್ತಾ?

Govindaraj S — Mon, 19 Oct 2026 16:59:46 +0530

ಕಿರುತೆರೆಯಲ್ಲಿ ಶಕುಂತಲಾ ಆಗಿ ವೀಕ್ಷಕರ ಗಮನ ಸೆಳೆಯುತ್ತಿರುವ ನಟಿ ವನಿತಾ ವಾಸು ಇದೀಗ ಭಕ್ತಿಯ ಹಾದಿಯಲ್ಲಿ ಸಾಗಿದ್ದಾರೆ. ಬಿಡುವಿಲ್ಲದ ಶೂಟಿಂಗ್ ನಡುವೆಯೇ ಕೊಂಚ ವಿರಾಮ ಪಡೆದುಕೊಂಡಿರುವ ಅವರು, ತಮ್ಮ ಶಾಲಾ ದಿನಗಳ ಗೆಳತಿಯರೊಂದಿಗೆ ಕೇರಳದ ಪ್ರಸಿದ್ಧ ಗುರುವಾಯೂರು ದೇವಸ್ಥಾನಕ್ಕೆ ಭೇಟಿ ನೀಡಿದ್ದಾರೆ. ಗುರುವಾಯೂರಪ್ಪನ ದರ್ಶನ ಪಡೆದು ಸಂತಸಗೊಂಡಿರುವ ನಟಿಯ ಧಾರ್ಮಿಕ ಪ್ರವಾಸದ ವಿಚಾರ ಇದೀಗ ಗಮನ ಸೆಳೆಯುತ್ತಿದೆ.

ಸ್ಕೂಲ್ ಫ್ರೆಂಡ್ಸ್ ಜೊತೆ ಗುರುವಾಯೂರಿಗೆ ಪಯಣ!

ಸ್ಯಾಂಡಲ್‌ವುಡ್‌ನಲ್ಲಿ ಹಲವು ಸಿನಿಮಾಗಳ ಮೂಲಕ ಗುರುತಿಸಿಕೊಂಡಿರುವ ವನಿತಾ ವಾಸು, ಸದ್ಯ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ಧಾರಾವಾಹಿ ‘ಅಮೃತಧಾರೆ’ಯಲ್ಲಿ ಶಕುಂತಲಾ ಪಾತ್ರದ ಮೂಲಕ ಕಿರುತೆರೆ ಪ್ರೇಕ್ಷಕರನ್ನು ರಂಜಿಸುತ್ತಿದ್ದಾರೆ. ಧಾರಾವಾಹಿಯ ಚಿತ್ರೀಕರಣ ಸೇರಿದಂತೆ ವೃತ್ತಿಜೀವನದ ಕೆಲಸಗಳ ನಡುವೆಯೂ ಸಮಯ ಮಾಡಿಕೊಂಡು ಅವರು ಸ್ನೇಹಿತರೊಂದಿಗೆ ಧಾರ್ಮಿಕ ಪ್ರವಾಸ ಕೈಗೊಂಡಿದ್ದಾರೆ. ಈ ಬಾರಿ ವನಿತಾ ವಾಸು ಅವರ ಪ್ರವಾಸಕ್ಕೆ ಜೊತೆಯಾಗಿದ್ದು, ಅವರ ಶಾಲಾ ದಿನಗಳ ಸ್ನೇಹಿತೆಯರು. ಎಲ್ಲರೂ ಒಟ್ಟಾಗಿ ಕೇರಳದ ತ್ರಿಶೂರ್ ಜಿಲ್ಲೆಯಲ್ಲಿರುವ ಪ್ರಸಿದ್ಧ ಗುರುವಾಯೂರು ಶ್ರೀಕೃಷ್ಣ ದೇವಸ್ಥಾನಕ್ಕೆ ಭೇಟಿ ನೀಡಿದ್ದಾರೆ.

ಬೆಳಗ್ಗೆ, ಸಂಜೆ ಗುರುವಾಯೂರಪ್ಪನ ದರ್ಶನ!

‘ಭೂಲೋಕದ ವೈಕುಂಠ’ ಎಂದೇ ಪ್ರಸಿದ್ಧವಾಗಿರುವ ಗುರುವಾಯೂರು ದೇವಸ್ಥಾನದಲ್ಲಿ ಬಾಲಕೃಷ್ಣನ ರೂಪದಲ್ಲಿರುವ ಗುರುವಾಯೂರಪ್ಪನ ದರ್ಶನ ಪಡೆದು ವನಿತಾ ವಾಸು ಭಕ್ತಿಭಾವದಲ್ಲಿ ಮಿಂದೆದ್ದಿದ್ದಾರೆ. ಬೆಳಗ್ಗೆ ಹಾಗೂ ಸಂಜೆ ದೇವರ ದರ್ಶನ ಪಡೆದು ಕೃತಾರ್ಥರಾಗಿದ್ದಾರೆ. ಸ್ನೇಹಿತರೊಂದಿಗೆ ಧಾರ್ಮಿಕ ಕ್ಷೇತ್ರಗಳಿಗೆ ಭೇಟಿ ನೀಡುವುದು ವನಿತಾ ವಾಸು ಅವರಿಗೆ ಹೊಸದೇನಲ್ಲ. ಆಗಾಗ ತಮ್ಮ ಶಾಲಾ ಸ್ನೇಹಿತರೊಂದಿಗೆ ಪ್ರವಾಸ ಕೈಗೊಳ್ಳುವ ಅವರು, ಈ ಬಾರಿಯೂ ಗೆಳತಿಯರ ಜೊತೆಗೂಡಿ ದೇವರ ಸನ್ನಿಧಿಯಲ್ಲಿ ಸಮಯ ಕಳೆದಿದ್ದಾರೆ.

ಶಕುಂತಲಾ ಪಾತ್ರದ ನಡುವೆ ಆಧ್ಯಾತ್ಮಿಕ ವಿರಾಮ!

‘ಅಮೃತಧಾರೆ’ ಧಾರಾವಾಹಿಯಲ್ಲಿ ತಮ್ಮ ವಿಭಿನ್ನ ಅಭಿನಯದ ಮೂಲಕ ಗಮನ ಸೆಳೆಯುತ್ತಿರುವ ವನಿತಾ ವಾಸು, ಕೆಲಸದ ಒತ್ತಡದ ನಡುವೆಯೂ ವೈಯಕ್ತಿಕ ಜೀವನಕ್ಕೆ ಸಮಯ ಮೀಸಲಿಡುತ್ತಿದ್ದಾರೆ. ಅದರಲ್ಲೂ ಶಾಲಾ ದಿನಗಳ ಸ್ನೇಹಿತರೊಂದಿಗೆ ಪ್ರವಾಸ ಕೈಗೊಳ್ಳುವುದು ಹಳೆಯ ನೆನಪುಗಳನ್ನು ಮೆಲುಕು ಹಾಕುವ ಜೊತೆಗೆ ಮನಸ್ಸಿಗೆ ನೆಮ್ಮದಿ ನೀಡುವ ಕ್ಷಣವಾಗಿದೆ. ಇನ್ನು ಕಿರುತೆರೆಯಲ್ಲಿ ತಮ್ಮ ಅಭಿನಯದ ಮೂಲಕ ಗುರುತಿಸಿಕೊಂಡಿರುವ ವನಿತಾ ವಾಸು, ಇದೀಗ ಗೆಳತಿಯರೊಂದಿಗೆ ಗುರುವಾಯೂರಪ್ಪನ ದರ್ಶನ ಪಡೆದು ಧಾರ್ಮಿಕ ಪ್ರವಾಸದ ಸವಿಯನ್ನು ಸವಿದಿದ್ದಾರೆ.

View this post on Instagram

A post shared by Vanitha Vasu (@vanithavasuofficial)

ಬಿಗ್‌ಬಾಸ್ ಮನೆಯಲ್ಲಿ ಜಗದೀಶ್ ಹೇಳಿದ್ದು ಸುಳ್ಳಾ ? ಅಣ್ಣ ರಾಜು ಬಿಚ್ಚಿಟ್ಟ ರಹಸ್ಯ!

Mahmad Rafik — Wed, 21 Oct 2026 08:25:46 +0530

ಬೆಂಗಳೂರು: ಬಿಗ್‌ಬಾಸ್ ಮನೆಯಲ್ಲಿರುವ ಜಗ್ಗ ಮಮ್ಮಿ ಉರ್ಫ್ ಜಗದೀಶ್ ಅವರು ತಮ್ಮ ಆಟದ ಮೂಲಕ ಎಲ್ಲರ ಗಮನ ಸೆಳೆಯುತ್ತಿದ್ದಾರೆ. ಸೋನಿಕಾ ಮುಂದೆ ನನಗೆ ಹೆಂಡ್ತಿ ಇಲ್ಲ, ಮಗಳಿಗೆ ತಾಯಿ ಇಲ್ಲ ಎಂದು ಹೇಳಿಕೊಂಡಿದ್ದರು. ಇದೀಗ ಜಗದೀಶ್ ಅವರ ಅಣ್ಣ ರಾಜು, ಯುಟ್ಯೂಬ್ ವಾಹಿನಿ ಜೊತೆ ಮಾತನಾಡಿದ್ದಾರೆ. ಈ ಸಂದರ್ಶನದಲ್ಲಿ ಹಲವು ವಿಷಯಗಳನ್ನು ರಾಜು ಹಂಚಿಕೊಂಡಿದ್ದಾರೆ. ಕೆಲಸಕ್ಕೆ ಹೋಗುತ್ತಿದ್ದೀನಿ, ಬರೋದು ಲೇಟ್ ಆಗುತ್ತೆ ಎಂದು ಹೇಳಿ ಹೋಗಿದ್ದರು. ಎರಡು ದಿನ ಮುಂಚೆಯಷ್ಟೇ ನಮಗೆ ಜಗದೀಶ್ ಬಿಗ್‌ಬಾಸ್‌ಗೆ ಹೋಗುತ್ತಿರುವ ವಿಷಯ ಹೇಳಿದನು ಎಂದು ಹೇಳಿದರು.

ಅಕ್ಕನ ಮಗಳು ಸಂಜನಾಳನ್ನೇ ಜಗದೀಶ್ ಮದುವೆಯಾಗಿದ್ದಾರೆ. ನನಗೆ ತಂಗಿ ಮಗಳು. ಸದ್ಯ ಅಜ್ಜಿ ಮನೆಯಲ್ಲಿದ್ದು, ಬಿಗ್‌ಬಾಸ್ ನೋಡುತ್ತಾರೆ. ಮನೆ ಅಂದ್ಮೇಲೆ ಸಣ್ಣಪುಟ್ಟ ಗಲಾಟೆ ಇದ್ದೇ ಇರುತ್ತೆ ಅಲ್ಲವಾ? ಹಾಗೆ ಇಲ್ಲಿಯೋ ಅದೇ ಇರೋದು. ಹೆಂಡ್ತಿ, ಮಗಳು ತನ್ವಿ ಎಲ್ಲರೂ ಜಗದೀಶ್‌ಗೆ ಇದ್ದಾರೆ ಎಂದು ಸೋದರ ರಾಜು ಹೇಳುತ್ತಾರೆ.

ಹಣ ಕೊಟ್ಟು ವೋಟ್ ಮಾಡುವಂತೆ ಹೇಳಲ್ಲ!

ಕಾರ್ಯಕ್ರಮ ಆರಂಭಕ್ಕೂ ಮುನ್ನ ಅಂದ್ರೆ ಎರಡು ದಿನ ಮುಂದೆ ಬರಬೇಕೆಂದು ಕಾಲ್ ಮಾಡಿದ್ದರು. ನಾವು ಸಹ ಹೋಗಿದ್ದೀವಿ. ಮತ್ತೆ ಕಾಲ್ ಬಂದಿಲ್ಲ. ಸೋದರ ಜಗದೀಶ್ ಬಿಗ್‌ಬಾಸ್ ಮನೆಯಲ್ಲಿರೋದು ನೋಡಿದ್ರೆ ಖುಷಿಯಾಗುತ್ತೆ. ಕೊನೆಯವರೆಗೂ ಬಿಗ್‌ಬಾಸ್ ಮನೆಯಲ್ಲಿರಲಿ ಎಂಬುದಷ್ಟೇ ನಮ್ಮಾಸೆ. ಸಿಕ್ಕವರಿಗೆ ವೋಟ್ ಮಾಡಿ ಅಂತ ಹೇಳ್ತೀವಿ. ವೋಟ್ ಮಾಡೋದಕ್ಕೆ ಹಣ ಕೊಡೋದೆಲ್ಲಾ ನಮಗೆ ಗೊತ್ತಿಲ್ಲ ಎಂದರು.

ಜಗದೀಶ್ ತಾಯಿ ಆರೋಗ್ಯ ಹೇಗಿದೆ?

ಕೆಲ ದಿನಗಳ ಹಿಂದೆ ಅಮ್ಮನ ಆರೋಗ್ಯದಲ್ಲಿ ಕೊಂಚ ವ್ಯತ್ಯಾಸ ಆಗಿತ್ತು. BPಯಲ್ಲಿ ಏರುಪೇರು ಆಗಿ ಸ್ಟ್ರೋಕ್ ರೀತಿಯಾಗಿತ್ತು. ಚಿಕಿತ್ಸೆ ಬಳಿಕ ಚೇತರಿಸಿಕೊಂಡಿದ್ದಾರೆ ಎಂದು ರಾಜು ಮಾಹಿತಿ ನೀಡಿದರು.

ಇಲ್ಲಿಂದ ಹೋಗುವಾಗಲೇ ತನಗೆ ಬೇಕಾದ ಬಟ್ಟೆಯನ್ನು ತೆಗೆದುಕೊಂಡು ಹೋಗಿದ್ದಾನೆ. ಅತನ ಸ್ನೇಹಿತರೇ ಬಟ್ಟೆ ಕೊಡುವ ಕೆಲಸ ಮಾಡ್ತಾರೆ. ಸ್ನೇಹಿತರ ಬಳಿಯಲ್ಲಿಯೇ ಮೊಬೈಲ್ ಕೊಟ್ಟು ಹೋಗಿದ್ದಾನೆ. ಇಲ್ಲಿಂದ ನಾವು ಯಾವುದೇ ಬಟ್ಟೆ ಕಳುಹಿಸಲ್ಲ. ಬಹುಶಃ ಮೊದಲ ವಾರ ಎಲ್ಲರಿಗೂ ಬಟ್ಟೆ ಬಂದಿರೋದನ್ನು ನೋಡಿ ನನಗೆ ಡ್ರೆಸ್ ಬಂದಿಲ್ಲ ಅಂತ ಹೇಳಿರಬೇಕು ಎಂದರು.

ವಿನ್ ಆಗ್ತಾನೆ!

ಬಿಗ್‌ಬಾಸ್ ರಿಯಾಲಿಟಿ ಶೋಗೆ ಇದೇ ಮೊದಲ ಬಾರಿಗೆ ಹೋಗಿದ್ದಾನೆ. ಅವನೇ ಬಿಗ್‌ಬಾಸ್ ಟ್ರೋಫಿ ತೆಗೆದುಕೊಂಡು ಬರಲಿ. ಮೊದಲ ದಿನವೇ ಸುದೀಪ್ ಅವರೇ ನಾನೇ ವಿನ್ನರ್ ಅಂತ ಹೇಳಬೇಕು ಅಂದ್ರು. ಅವರಿಂದಲೇ ಆ ಮಾತು ಬಂದಿರೋದರಿಂದ ಗೆಲ್ಲುತ್ತಾನೆ ಎಂದು ರಾಜು ವಿಶ್ವಾಸ ವ್ಯಕ್ತಪಡಿಸಿದರು.

Amruthadhaare Gowtam is Back: ಸುಸ್ತಾದ ದೀಪಿಕಾ- ಬೆಚ್ಚಿಬಿದ್ದ ಶಕುಂತಲಾ; ಮುಂದೇನು

Suchethana D — Sun, 18 Oct 2026 19:47:46 +0530

ಅಮೃತಧಾರೆ ಧಾರಾವಾಹಿಯಲ್ಲಿ ಗೌತಮ್ ವಿದೇಶದಿಂದ ಹಿಂದಿರುಗಿದ್ದು, ದೀಪಿಕಾಳ ವಿಚಿತ್ರ ವರ್ತನೆಯಿಂದ ಶಕುಂತಲಾಗೆ ರಹಸ್ಯ ಬಯಲಾಗುವ ಆತಂಕ ಶುರುವಾಗಿದೆ. ಭೂಮಿಕಾ ಸತ್ಯ ತಿಳಿಸಿದರೆ ಶಕುಂತಲಾ ಮತ್ತು ಜೈದೇವ್ ಅವರ ಅಸಲಿ ಮುಖ ಗೌತಮ್‌ಗೆ ತಿಳಿಯಲಿದ್ದು, ಧಾರಾವಾಹಿ ಮುಕ್ತಾಯದ ಹಂತ ತಲುಪಿದೆ.

ಅಮೃತಧಾರೆ ಸೀರಿಯಲ್ (Amruthadhaare Serial)ನಲ್ಲಿ ಗೌತಮ್ ಫಾರಿನ್ನಿಂದ ವಾಪಸ್ ಬಂದಾಗಿದೆ. ಮೊದಲಿಗೆ ಮುಖವಾಡ ಧರಿಸಿ ಬಂದ ಗೌತಮ್ನನ್ನು ಕಂಡು ದೀಪಿಕಾ ಬೆಚ್ಚಿಬಿದ್ದಿದ್ದಳು.

ಕೊನೆಗೆ ಗೌತಮ್ ಮುಖವಾಡ ತೆಗೆದು ನಾನ್ರೀ, ಇದೇನಿದು ಇಷ್ಟು ಹೆದರಿದ್ರಿ ಎಂದು ಕೇಳಿ ದೀಪಿಕಾಳನ್ನು ಪತ್ನಿ ಎಂದು ತಿಳಿದು ಹತ್ತಿರ ಬರಲು ಹೋದಾಗ, ಅವಳು ಹೆದರಿ ತನ್ನದೇ ಆದ ಭಾಷೆ ಮಾತನಾಡಿದ್ದಾಳೆ.

ಇದನ್ನು ಕೇಳಿ ಗೌತಮ್ಗೆ ಶಾಕ್ ಆಗಿದೆ. ಏನ್ರೀ ಇದೆಲ್ಲಾ, ಇದೆಂಥ ಭಾಷೆ ಎಂದಾಗ ಶಕುಂತಲಾಗೆ ಶಾಕ್ ಆಗಿ ಹೋಗಿದೆ. ಎಲ್ಲಿ ರಹಸ್ಯ ಬಯಲಾಗುವುದೋ ಎನ್ನುವ ಆತಂಕ ಕಾಡಿದೆ.

ಇನ್ನೇನಿದ್ದರೂ ದೀಪಿಕಾ ಎಲ್ಲವನ್ನೂ ಸಂಭಾಳಿಸಬೇಕು. ಭೂಮಿಕಾ ಗೌತಮ್ಗೆ ಕರೆ ಮಾಡಿ ಇರುವ ವಿಷಯವನ್ನು ಹೇಳಬೇಕಿದೆ.

ಇಷ್ಟಾದರೆ ಶಕುಂತಲಾಳ ಮೋಸ, ಜೈದೇವನ ವಂಚನೆ ಎಲ್ಲವೂ ಗೌತಮ್ಗೆ ತಿಳಿಯಲಿದೆ. ಜೈದೇವ್ ಬಗ್ಗೆ ಇದಾಗಲೇ ಗೌತಮ್ಗೆ ಗೊತ್ತು. ಆದರೆ ಶಕುಂತಲಾ ಬದಲಾಗಿದ್ದಾಳೆ ಎಂದುಕೊಂಡಿರುವ ಗೌತಮ್ಗೆ ಅಸಲಿ ವಿಷಯ ತಿಳಿಯಬೇಕಿದೆ.

ಅಲ್ಲಿಗೆ ಅಮೃತಧಾರೆ ಸೀರಿಯಲ್ ಮುಗಿಯುವ ಹಂತಕ್ಕೆ ಬಂದಿದ್ದು, ಇನ್ನೇನು ಟ್ವಿಸ್ಟ್ ಕೊಡುತ್ತಾರೆಯೋ ನೋಡಬೇಕಿದೆ.

Bigg Boss 13ನಿಂದ ಎಲಿಮಿನೇಟ್ ಆದ ನಟಿ ಕಾವ್ಯಾ ಗೌಡಗೆ ಸಿಕ್ಕ ಸಂಭಾವನೆ ಎಷ್ಟು

Suchethana D — Tue, 20 Oct 2026 12:46:54 +0530

ಭಾಗ್ಯಲಕ್ಷ್ಮಿ ಸೀರಿಯಲ್ ಶ್ರೇಷ್ಠಾ ಮೂಲಕ, ಎಲ್ಲರ ಮನಸ್ಸಿನಲ್ಲಿ ಅಚ್ಚಳಿಯದೇ ಇದ್ದವರು ನಟಿ ಕಾವ್ಯಾ ಗೌಡ (Bigg Boss 13 Kavya Gowda). ಬಿಗ್ಬಾಸ್ನಲ್ಲಿ ಅವರು ಫೈನಲಿಸ್ಟ್ ಆಗುತ್ತಾರೆ ಎಂದುಕೊಂಡವರೇ ಹೆಚ್ಚು. ಆದರೆ ಅವರು ಹೊರಕ್ಕೆ ಬಂದಿರುವುದು ಹಲವರಿಗೆ ತುಂಬಾ ನೋವಾಗಿದೆ. ಸಹಜವಾಗಿ ಬಿಗ್ಬಾಸ್ನಿಂದ ಹೊರಕ್ಕೆ ಬಂದ ಮೇಲೆ ಒಂದಷ್ಟು ದಿನ ಅವರ ಕ್ರೇಜ್ ಎಲ್ಲೆಡೆ ಇರುತ್ತದೆ. ಅವರಿಗೆ ಸಿಕ್ಕಾಪಟ್ಟೆ ಡಿಮಾಂಡ್ ಕೂಡ ಇರುತ್ತದೆ. ಅವರ ಸಂದರ್ಶನ ಪಡೆಯಲು ಹಾಗೂ ಅವರ ಬಿಗ್ಬಾಸ್ ಪಯಣದ ಕುರಿತು ತಿಳಿದುಕೊಳ್ಳಲು ಹಲವರು ಕಾತರದಿಂದ ಕಾಯುತ್ತಿರುತ್ತಾರೆ. ಅದೇ ರೀತಿ ಸದ್ಯ ಕಾವ್ಯಾ ಗೌಡ ಅವರು ಕೂಡ ಸಂದರ್ಶನ ನೀಡುವಲ್ಲಿ ಬಿಜಿಯಾಗಿದ್ದಾರೆ.

ಸಾಮಾನ್ಯವಾಗಿ ಬಿಗ್ಬಾಸ್ ಮನೆಯಿಂದ ಬಂದ ತಕ್ಷಣ ಕೇಳಿಬರುವ ಪ್ರಶ್ನೆ ಎಷ್ಟು ಸಂಭಾವನೆ ಸಿಕ್ಕಿದೆ ಎನ್ನುವುದು. ಆದರೆ ಬಿಗ್ಬಾಸ್ ಮನೆಗೆ ಸೆಲೆಕ್ಟ್ ಆದ ತಕ್ಷಣವೇ ಸ್ಪರ್ಧಿಗಳಿಗೆ ಕೆಲವೊಂದು ಕಂಡೀಷನ್ ಹಾಕಿರಲಾಗುತ್ತದೆ. ಅವರು ಸೆಲೆಕ್ಟ್ ಆಗಿರುವ ವಿಷ್ಯ ಮೊದಲೇ ರಿವೀಲ್ ಮಾಡಬಾರದು ಎನ್ನುವುದರಿಂದ ಹಿಡಿದು ಹೊರಕ್ಕೆ ಬಂದ ಮೇಲೆ ಅವರಿಗೆ ಸಿಕ್ಕಿರುವ ಸಂಭಾವನೆ ಎಷ್ಟು ಎನ್ನುವ ಗುಟ್ಟು ಎಲ್ಲಿಯೂ ಬಾಯಿ ಬಿಡಬಾರದು ಎನ್ನುವವರಿಗೆ ಷರತ್ತುಗಳು ಇರುತ್ತವೆ. ಅದೇ ರೀತಿ ಕಾವ್ಯಾ ಗೌಡ ಕೂಡ ಅವರ ಸಂಭಾವನೆಯ ಗುಟ್ಟು ರಿವೀಲ್ ಮಾಡಲು ಸಾಧ್ಯವಿಲ್ಲ. ಹಾಗೆಂದು ಬಿಗ್ಬಾಸ್ ಪ್ರೇಮಿಗಳು ಸುಮ್ಮನೇ ಕುಳಿತುಕೊಳ್ಳುವುದಿಲ್ಲವಲ್ಲ. ಒಂದಿಷ್ಟು ಲೆಕ್ಕಾಚಾರವಂತೂ ಹಾಕಿಯೇ ಹಾಕುತ್ತಾರೆ.

ಸಂಭಾವನೆಯ ಲೆಕ್ಕಾಚಾರ ಹೀಗಿದೆ

ಅಷ್ಟಕ್ಕೂ ಬಿಗ್ಬಾಸ್ನ ಎಲ್ಲಾ ಸ್ಪರ್ಧಿಗಳಿಗೂ ಒಂದೇ ರೀತಿಯ ಸಂಭಾವನೆ ಇರುವುದಿಲ್ಲ. ಅವರ ಕೀರ್ತಿ, ಅವರ ದುಡಿಮೆ, ಬಿಗ್ಬಾಸ್ಗೆ ಬರದೇ ಹೋಗಿದ್ದರೆ, ಅವರು ಹೊರಗಡೆ ಎಷ್ಟು ಹಣ ಸಂಪಾದಿಸುತ್ತಿದ್ದರು, ಅವರಿಗೆ ಇರುವ ಇನ್ಕಮ್... ಇತ್ಯಾದಿ ಇತ್ಯಾದಿಗಳ ಮೇಲೆ ಒಬ್ಬೊಬ್ಬರಿಗೆ ಒಂದೊಂದು ರೀತಿಯ ಸಂಭಾವನೆ ಫಿಕ್ಸ್ಮಾಡಲಾಗುತ್ತದೆ. ಕೆಲವರಿಗೆ ಅತ್ಯಂತ ಕಡಿಮೆ ಸಂಭಾವನೆ ಇದ್ದರೆ, ಮತ್ತೆ ಕೆಲವರಿಗೆ ಅತ್ಯಧಿಕ ಇರಬಹುದು. ಅಂದಾಜಿನ ಪ್ರಕಾರ, ಕಾವ್ಯಾ ಗೌಡ ವಾರಕ್ಕೆ ₹1 ಲಕ್ಷದವರೆಗೆ ಸಂಭಾವನೆ ಪಡೆದಿರಬಹುದಾಗಿದೆ. ಈ ಲೆಕ್ಕಾಚಾರದಂತೆ ಆರು ವಾರಗಳ ಕಾಲ ಮನೆಯಲ್ಲಿ ಉಳಿದರೆ ₹6 ಲಕ್ಷದವರೆಗೆ ಗಳಿಸುವ ಸಾಧ್ಯತೆಯಿದೆ. ಇದರ ಜೊತೆಗೆ ಪ್ರಾಯೋಜಕರಿಂದ ದೊರೆಯುವ 3 ಲಕ್ಷ ರೂಪಾಯಿ ನಗದು ಬಹುಮಾನವನ್ನು ಸೇರಿಸಿದರೆ, ಕಾವ್ಯಾ ಗೌಡ ಅವರಿಗೆ ಬಿಗ್‌ಬಾಸ್ ಮನೆಯಿಂದ ಒಟ್ಟು 9 ಲಕ್ಷ ರೂಪಾಯಿ ಹಣ ಸಿಗಬಹುದು ಎಂದು ಅಂದಾಜಿಸಲಾಗಿದೆ. ಆದರೆ ಇವೆಲ್ಲವೂ ಅಂದಾಜು ಮಾತ್ರವೇ ವಿನಾ, ಅಸಲಿ ಸಂಭಾವನೆ ರಿವೀಲ್ ಆಗುವುದಿಲ್ಲ.

ನಟಿಯ ಕುರಿತು

ಇನ್ನು ನಟಿ ಕಾವ್ಯಾ ಗೌಡ ಕುರಿತು ಹೇಳುವುದಾದರೆ, ಬೆಂಗಳೂರಿನವರೇ ಆದ ಕಾವ್ಯಾ, ಭಾಗ್ಯಲಕ್ಷ್ಮಿ ಸೀರಿಯಲ್ ನಲ್ಲಿ ಇರುವಂತೆ ನಿಜ ಜೀವನದಲ್ಲೂ ಸಖತ್ ಸ್ಟೈಲಿಶ್ ಆಗಿದ್ದಾರೆ. ಅದನ್ನು ಅವರ ಸೋಷಿಯಲ್ ಮೀಡಿಯಾ ನೋಡಿದ್ರೇನೆ ತಿಳಿಯುತ್ತೆ. ಆದರೆ ಶ್ರೇಷ್ಠಾ ಅಂತ ವ್ಯಕ್ತಿತ್ವ ಮಾತ್ರ ನನ್ನದಲ್ಲ, ನಾನು ತುಂಬಾನೆ ಸಾಫ್ಟ್ ಹುಡುಗಿ ಎನ್ನುತ್ತಾರೆ ನಟಿ. ಕಾವ್ಯಾ ಗೌಡಾಗೆ ಇದು ಮೊದಲ ಸೀರಿಯಲ್ ಅಲ್ಲ, ಹಲವು ವರ್ಷಗಳ ಹಿಂದೆ ಮಿಸ್ಟರ್ ಆಂಡ್ ಮಿಸಸ್ ರಂಗೇಗೌಡ ಸೀರಿಯಲ್ ನಲ್ಲಿ ನಾಯಕಿ ಪಾತ್ರಕ್ಕೆ ಬಣ್ಣ ಹಚ್ಚಿದ್ದರು. ಆದರೆ ಕೆಲವೇ ದಿನಗಳಲ್ಲಿ ಸೀರಿಯಲ್ ಬಿಡಬೇಕಾಗಿ ಬಂತು. ಬಳಿಕ ಐದು ವರ್ಷಗಳ ಕಾಲ ತೆಲುಗು ಕಿರುತೆರೆಯಲ್ಲಿ ಮಿಂಚಿದ ನಟಿ ಇವರು. ಇನ್ನು ಕಾವ್ಯಾ ಗೌಡ ಸಿನಿಮಾದಲ್ಲೂ ನಟಿಸಿದ್ದಾರೆ. ವಿಜಯ್ ರಾಘವೇಂದ್ರ ಜೊತೆ ರಿಂಗ ರಿಂಗ ರೋಸಸ್ ಸಿನಿಮಾದಲ್ಲಿ ನಟಿಸಿದ್ದಾರೆ. ಅಷ್ಟೇ ಅಲ್ಲ ಶೋಧ ಎನ್ನುವ ಚಿತ್ರದಲ್ಲೂ ನಟಿಸಿದ್ದಾರೆ. ಇದಾದ ಬಳಿಕ ಭಾಗ್ಯಲಕ್ಷ್ಮಿ ಸೀರಿಯಲ್ ನಲ್ಲಿ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ.

ಭಾಗ್ಯಲಕ್ಷ್ಮಿ ಸೀರಿಯಲ್‌ನಲ್ಲಿ ಮೊದಲು ಗೌತಮಿ ಗೌಡ ಶ್ರೇಷ್ಠಾ ಪಾತ್ರ ನಿರ್ವಹಿಸುತ್ತಿದ್ದರು. ಆ ಪಾತ್ರಕ್ಕೆ ಕಾವ್ಯಾ ಬಂದಾಗ, ಮೊದಲಿಗೆ ಈ ಪಾತ್ರ ಮಾಡಲು ಸಾಧ್ಯವೇ ಎನ್ನುವ ಭಯ ಇತ್ತಂತೆ ಇವರಿಗೆ. ಅಳುಮುಂಜಿ ಪಾತ್ರಗಳನ್ನೆ ಮಾಡುತ್ತಾ ಬಂದಿದ್ದ ಕಾವ್ಯಾಗೆ ಈ ಪಾತ್ರ ಚಾಲೆಂಜಿಗ್ ಆಗಿತ್ತಂತೆ. ಸದ್ಯಕ್ಕಂತೂ ಶ್ರೇಷ್ಠಾ ಪಾತ್ರಕ್ಕೆ ಜೀವ ತುಂಬಿರೋ ನಟಿಯನ್ನು ಜನರು ಗುರುತು ಹಿಡಿಯುತ್ತಿರುವುದು ಸಂತೋಷ ತಂದಿದೆ ಅಂತೆ. ತುಂಬಾ ಜನ ಬೈದಿದ್ದು ಇದೆಯಂತೆ. ಒಬ್ಬರು ಬಂದು, ಬಿಟ್ಟು ಬಿಡಿ ತಾಂಡವನ್ನು ನಿಮಗೆ ಬೇರೊಬ್ಬ ಹುಡುಗ ಸಿಗ್ತಾನೆ ಅಂತಾನೂ ಹೇಳಿದ್ರಂತೆ.

Rashmika: 1 ವರ್ಷ ಬೆನ್ನುಬಿದ್ದೆ, 100 ಬಾರಿ ಪ್ರಪೋಸ್ ಮಾಡಿದೆ; ದೇವರಕೊಂಡ ಬಗ್ಗೆ ಕೆಲ ಸೀಕ್ರೇಟ್‌ ರೀವಿಲ್‌ ಮಾಡಿದ ರಶ್ಮಿಕಾ!

Bhimasi M Koleppanavar — Sun, 18 Oct 2026 16:17:58 +0530

ವಿಜಯ್‌ ದೇವರಕೊಂಡ ಹಾಗೂ ರಶ್ಮಿಕಾ ಮಂದನಾ ಇತ್ತೀಚೆಗೆ ನೀಡಿದ ಸಂದರ್ಶನವೊಂದರಲ್ಲಿ ತಮ್ಮ ಮದುವೆ ಸೇರಿ ನೈಜ ಬದುಕಿನ ಕೆಲ ವಿಷಯಗಳನ್ನು ಮುಕ್ತವಾಗಿ ಹಂಚಿಕೊಂಡಿದ್ದಾರೆ. ಅಲ್ಲದೇ ಇವರಿಬ್ಬರ ನಡುವಿನ ಪ್ರೀತಿ ಸೇರಿ, ಮದುವೆ ಹಂತದ ವರೆಗೂ ಇದ್ದ ಬೇಲಿಯನ್ನು ತೊರೆದು ಹಾಕಿದ್ದೇಗೆ? ಎನ್ನವುದು ಸೇರಿ ವಿವಿಧ ಸಿಕ್ರೇಟ್‌ಗಳನ್ನು ರಿವೀಲ್‌ ಮಾಡಿದ್ದಾರೆ. ಈ ಕುರಿತು ಸಂಪೂರ್ಣ ವಿವರ ಇಲ್ಲಿದೆ.

ರಶ್ಮಿಕಾ ಹೇಳಿದ್ದೇನು?

ರಣಬಲಿಯಲ್ಲಿ ಕಾಣಿಸಿಕೊಳ್ಳುತ್ತಿರುವ ರಶ್ಮಿಕಾ, ಮದುವೆ ನಂತರ ಮೊದಲ ಬಾರಿಗೆ ತೆರೆಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ವಿಜಯ್ ದೇವರಕೊಂಡ, ರಶ್ಮಿಕಾ ಮಂದಣ್ಣ ಈ ವರ್ಷದ ಆರಂಭದಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಈ ಜೋಡಿ ಫೆಬ್ರವರಿ 26 ರಂದು ಅದ್ಧೂರಿಯಾಗಿ ವಿವಾಹವಾಯಿತು. ಇತ್ತೀಚೆಗೆ ರಣಬಲಿ ಚಿತ್ರದಲ್ಲಿ ಅವರು ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ ಅವರ ಮದುವೆ ನಂತರ ಮೊದಲ ಬಾರಿಗೆ ರಣಬಲಿ ಚಿತ್ರ ಒಟ್ಟಿಗೆ ಕಾಣಿಸಿಕೊಂಡಿದೆ. ಈ ಬಾಲಿವುಡ್ ಪವರ್ ಜೋಡಿ ಶೀಘ್ರದಲ್ಲೇ "ಕಾಫಿ ವಿತ್ ಕರಣ್" ಸೋಫಾದಲ್ಲಿ ಒಟ್ಟಿಗೆ ಕಾಣಿಸಿಕೊಳ್ಳಲಿದೆ. ಕರಣ್ ಜೋಹರ್ ಅವರ ಜನಪ್ರಿಯ ಟಾಕ್ ಶೋನ ಅಂತಿಮ ಸೀಸನ್‌ನ ಮುಂದಿನ ಕಂತಿನಲ್ಲಿ ಅವರು ಕಾಣಿಸಿಕೊಳ್ಳಲಿದ್ದಾರೆ.

ಕಾಫಿ ವಿಥ್‌ ಕರಣ್‌ಲ್ಲಿ ಕಾಣಿಸಿಕೊಳ್ಳಲಿದೆ ನವ ಜೋಡಿ!

ಕಾಫಿ ವಿತ್ ಕರಣ್ 9 ರ ಮುಂದಿನ ಸಂಚಿಕೆಯಲ್ಲಿ ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ ಒಟ್ಟಿಗೆ ಕಾಣಿಸಿಕೊಳ್ಳಲಿದ್ದಾರೆ. ನಿರ್ಮಾಪಕರು ಸಂಚಿಕೆ ಪ್ರೋಮೋ ಬಿಡುಗಡೆ ಮಾಡಿದ್ದಾರೆ. ಕಾಫಿ ವಿತ್ ಕರಣ್ ಸಂಪ್ರದಾಯ ಅನುಸರಿಸಿ, ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಹಲವಾರು ಆಸಕ್ತಿದಾಯಕ ವಿಷಯವನ್ನನು ರಿವೀಲ್‌ ಮಾಡಿದ್ದಾರೆ.

ವಿಜಯ್‌ಗೆ ಪ್ರಪೋಸ್ ಮಾಡಿದ್ದ ರಶ್ಮಿಕಾ!

ಕಾಫಿ ವಿತ್ ಕರಣ್ ಕಾರ್ಯಕ್ರಮದ ಮುಂಬರುವ ಸಂಚಿಕೆಯ ಪ್ರೋಮೋದಲ್ಲಿ, ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ವಿವಾಹವಾಗುವ ನಿರ್ಧಾರದ ಬಗ್ಗೆ ಚರ್ಚಿಸಿದರು. ತಮ್ಮ ನಡುವೆ ಯಾವುದೇ ಅಧಿಕೃತ ಪ್ರಸ್ತಾಪವಿಲ್ಲ ಎಂದು ನಟಿ ಬಹಿರಂಗಪಡಿಸಿದರು. ರಶ್ಮಿಕಾ ಮದುವೆಯಾಗಲು ಬಯಸಿದ್ದರು ಎಂದು ವಿಜಯ್ ಕೂಡ ಹೇಳುತ್ತಾರೆ. ನಟಿ ವಿಜಯ್ ಅವರನ್ನು ಸುಮಾರು 100 ಬಾರಿ ಮದುವೆಯಾಗುವಂತೆ ಕೇಳಿಕೊಂಡಿದ್ದಾಗಿ ಹೇಳಿಕೊಂಡಿದ್ದಾರೆ. ಒಂದು ವರ್ಷದಿಂದ ಅವರು ಅವರ ಮದುವೆಗೆ ಕೇಳುತ್ತಿದ್ದರು.

ಕಾಫಿ ವಿತ್ ಕರಣ್‌ನಲ್ಲಿ ರಶ್ಮಿಕಾ, ವಿಜಯ್!

ಮದುವೆಯಾದ ನಂತರ ವಿಜಯ್ ಮತ್ತು ರಶ್ಮಿಕಾ ಮೊದಲ ಬಾರಿಗೆ ಚಾಟ್ ಶೋನಲ್ಲಿ ಒಟ್ಟಿಗೆ ಕಾಣಿಸಿಕೊಳ್ಳಲಿದ್ದಾರೆ. "ಕಾಫಿ ವಿತ್ ಕರಣ್" ಕಾರ್ಯಕ್ರಮದ ಪ್ರೋಮೋ ಮುಂಬರುವ ಸಂಚಿಕೆ ಬಿಡುಗಡೆಗಾಗಿ ಅಭಿಮಾನಿಗಳಲ್ಲಿ ಕಾತು ಹುಟ್ಟಿಸಿದೆ. ಮದುವೆ ನಂತರ ತಮ್ಮ ಸಂಬಂಧದಲ್ಲಿನ ಬದಲಾವಣೆಗಳ ಬಗ್ಗೆ ಇಬ್ಬರೂ ಸ್ಪಷ್ಟವಾಗಿ ಮಾತನಾಡಿದ್ದಾರೆ.

ಎಲ್ಲಿಂದ ಪ್ರಾರಂಭ?

ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಅವರ ಪ್ರೇಮಕಥೆ ಒಂದು ಚಿತ್ರದ ಸೆಟ್‌ನಲ್ಲಿ ಪ್ರಾರಂಭವಾಯಿತು. ಅವರು ಮೊದಲು ಭೇಟಿಯಾದದ್ದು 2018ರ ತೆಲುಗು ಚಿತ್ರ ಗೀತ ಗೋವಿಂದಂ ಸಮಯದಲ್ಲಿ. ಈ ಚಿತ್ರದಲ್ಲಿ ವಿಜಯ್ ಮತ್ತು ರಶ್ಮಿಕಾ ಜೋಡಿಯನ್ನು ಪ್ರೇಕ್ಷಕರು ಇಷ್ಟಪಟ್ಟರು. ಅವರ ಆನ್ ಸ್ಕ್ರೀನ್ ಕೆಮಿಸ್ಟ್ರಿ ಎಷ್ಟು ಪ್ರಬಲವಾಗಿತ್ತೆಂದರೆ ಅವರ ಸಂಬಂಧದ ಬಗ್ಗೆ ವದಂತಿ ಹರಡಲು ಪ್ರಾರಂಭಿಸಿದವು. ಮುಂದೆ ಏನಾಯ್ತು ಅಂಥ ನಿಮಗೆ ಗೊತ್ತಿದ್ದದ್ದೇ ಇದೆ.

ಸಂಬಂಧ ರಹಸ್ಯವಾಗಿಟ್ಟ ದಂಪತಿ!

ಈ ವರ್ಷ ವಿವಾಹವಾಗುವ ಮೊದಲು, ರಶ್ಮಿಕಾ ಮತ್ತು ವಿಜಯ್ ಸುಮಾರು ಎಂಟು ವರ್ಷಗಳ ಕಾಲ ಡೇಟಿಂಗ್ ಮಾಡುತ್ತಿದ್ದರು. ದೀರ್ಘಕಾಲದವರೆಗೆ, ಅವರು ತಮ್ಮ ಸಂಬಂಧವನ್ನು ರಹಸ್ಯವಾಗಿಟ್ಟಿದ್ದರು. ಮದುವೆಗೆ ಸ್ವಲ್ಪ ಮೊದಲು, ಅವರು ಅಭಿಮಾನಿಗಳಿಗೆ ತಮ್ಮ ಸಂಬಂಧ ದೃಢೀಕರಿಸುವ ಟಿಪ್ಪಣಿ ಮೂಲಕ ತಿಳಿಸಿದ್ದಾರೆ. ಹೀಗೆ ಈ ಜೋಡಿಯಲ್ಲಿ ಪ್ರೀತಿ ಹಾಗೂ ವೈಯಕ್ತಿ ಸಂಬಂಧ ಸಿನೆಮಾ, ಇನ್ನಿತರ ವಿಷಯವನ್ನು ಕಾಫಿ ವಿಥ್‌ ಕರಣ್‌ನಲ್ಲಿ ಹಂಚಿಕೊಂಡಿದ್ದಾರೆ.

ಲೈವ್ನಲ್ಲಿ ಬಂದು ಫ್ಯಾನ್ಸ್ಗೆ ಗುಡ್ನ್ಯೂಸ್ ಕೊಟ್ಟ ನಟಿ ರಾಧಾ ಭಗವತಿ: ಫ್ಯಾನ್ಸ್ ಆಸೆ ಈಡೇರಿತು

Suchethana D — Mon, 19 Oct 2026 21:15:34 +0530

ನಟಿ ರಾಧಾ ಭಗವತಿ ಎಂದರೆ ಕೆಲವರಿಗೆ ತಿಳಿಯಲ್ಲಿಕ್ಕಿಲ್ಲ. ಅದೇ ಜೀ ಕನ್ನಡದಲ್ಲಿ ಹಳೆಯ ಮಲ್ಲಿಯಾಗಿ ಮಿಂಚಿದ್ದ, ಕೊನೆಗೆ ಕಲರ್ಸ್ ಕನ್ನಡ ಸೀರಿಯಲ್ನಲ್ಲಿ ಭಾರ್ಗವಿ ಎಲ್ಎಲ್ಬಿಯಲ್ಲಿ ಭಾರ್ಗವಿಯಾಗಿ ಲಾಯರ್ ಪಾತ್ರ ಮಾಡುವ ಮೂಲಕ ಮಿಂಚಿದ್ದ ನಟಿ ಭಾರ್ಗವಿ ಅವರು ಸೀರಿಯಲ್ನಿಂದ ದೂರ ಆಗಿ ಎರಡು ತಿಂಗಳಾಗಿದೆ. ಈ ಸೀರಿಯಲ್ ಮುಗಿದ ಬಳಿಕ ಅವರು ಮತ್ತೆ ಕಾಣಿಸಿಕೊಂಡಿರಲಿಲ್ಲ. ಅಷ್ಟಕ್ಕೂ ಅವರ ಮದುವೆ ಶೀಘ್ರದಲ್ಲಿ ಅಮೃತಧಾರೆ ಜೈದೇವ್ ಅರ್ಥಾತ್ ರಾಣವ್ ಗೌಡ ಅವರ ಜೊತೆ ನಡೆಯಲಿದೆ. ಡೇಟ್ ಇನ್ನೂ ಅವರು ಅನೌನ್ಸ್ ಮಾಡಲಿಲ್ಲ. ಅಮೃತಧಾರೆ ಇನ್ನೇನು ಮುಗಿಯುವಂತೆ ಕಾಣುತ್ತಿದ್ದು ಸೀರಿಯಲ್ ಮುಗಿದ ಮೇಲೆ ಮದುವೆಯಾಗುತ್ತಾರೆ ಎನ್ನಲಾಗಿದೆ.

ಇದರ ನಡುವೆಯೇ, ಇದೀಗ ನಟಿ ರಾಧಾ ಭಗವತಿ ಅವರು ಲೈವ್ಗೆ ಬಂದು ಅಭಿಮಾನಿಗಳಿಗೆ ಗುಡ್ನ್ಯೂಸ್ ಕೊಟ್ಟಿದ್ದಾರೆ. ಅದೇನೆಂದರೆ, ನಿಮ್ಮನ್ನು ಮತ್ತೆ ಸೀರಿಯಲ್ನಲ್ಲಿ ನೋಡಬೇಕು ಎಂದು ಒಂದೇ ಸಮನೆ ಗೋಗರೆಯುತ್ತಿದ್ದ ವೀಕ್ಷಕರಿಗೆ ಗುಡ್ನ್ಯೂಸ್ ಕೊಟ್ಟಿರುವ ರಾಧಾ ಅವರು, ಕಲರ್ಸ್ ಕನ್ನಡದ ಮುದ್ದುಸೊಸೆ (Muddu Sose) ಸೀರಿಯಲ್ನಲ್ಲಿ ಗೆಸ್ಟ್ ಅಪಿಯರೆನ್ಸ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಇದರ ಬಗ್ಗೆ ಹೇಳಲು ಅವರು ಲೈವ್ನಲ್ಲಿ ಬಂದಿದ್ದಾರೆ. ಭಾರ್ಗವಿ ಎಲ್ಎಲ್ಬಿ ಮುಗಿದ ಮೇಲೆ ತುಂಬಾ ಬೇಜಾರು ಆಗಿತ್ತು. ಎರಡು ತಿಂಗಳಿನಿಂದ ಸೀರಿಯಲ್ ಇರದೇ ಬೇಜಾರು ಆಯ್ತು. ಆದರೆ ಕಲರ್ಸ್ ಕನ್ನಡ ಇನ್ನೊಂದು ಅವಕಾಶ ಕೊಡತ್ತೆ ಅಂತ ಅಂದುಕೊಂಡಿರಲಿಲ್ಲ. ಮುದ್ದು ಸೊಸೆ ಸೀರಿಯಲ್ನಲ್ಲಿ ಈಗ ಅವಕಾಶ ಸಿಕ್ಕಿರುವುದು ತುಂಬಾ ಖುಷಿ ಕೊಟ್ಟಿದೆ ಎಂದಿದ್ದಾರೆ ನಟಿ.

ಲಾಯರ್ ಆಗಿ ಎಂಟ್ರಿ

ಮುದ್ದು ಸೊಸೆಯಲ್ಲಿ ಗೆಸ್ಟ್ ಅಪೀರಿಯೆನ್ಸ್ ಮಾಡುತ್ತಿದ್ದೇನೆ. ಅದರಲ್ಲಿಯೂ ಲಾಯರ್ ಆಗಿ ಮಿಂಚುತ್ತಿದ್ದೇನೆ. ಈ ಸೀರಿಯಲ್ನನಲ್ಲಿ ಶಿವರಾಮೇಗೌಡರ ವಿರುದ್ಧ ಕೇಸ್ ನಡೆಯುತ್ತಿದೆ. ಮುದ್ದುಸೊಸೆ ಮತ್ತು ಗೌಡ್ರು ದೂರ ಆಗಿದ್ದಾರೆ. ಈ ಕೇಸ್ ಸಾಲ್ವ್ ಮಾಡಲು ನಾನು ಬರ್ತಾ ಇದ್ದೇನೆ. ವೀಕ್ಷಕರು ಭಾರ್ಗವಿ ಭಾರ್ಗವಿ ಎಂದು ಹೇಳುತ್ತಿರುವುದನ್ನು ಕೇಳಿ ಖುಷಿ ಆಗ್ತಿದೆ. ಆದ್ದರಿಂದ ನನ್ನ ಪಾತ್ರವನ್ನು ನೋಡುವಂತೆ ನಟಿ ಕೇಳಿಕೊಂಡಿದ್ದಾರೆ. ಇದೇ ವೇಳೆ, ಸರ್ಪ್ರೈಸ್ ಕೂಡ ಇದೆ. ಆದರೆ ಅದನ್ನು ಹೇಳುವುದಿಲ್ಲ. ನೀವೆಲ್ಲಾ ಸೀರಿಯಲ್ ನೋಡಬೇಕು ಎಂದು ಅದನ್ನು ಹೇಳ್ತಾ ಇಲ್ಲ ಎಂದು ಕೂಡ ರಾಧಾ ಹೇಳಿದ್ದಾರೆ.

ನೀವೆಲ್ಲಾ ಮಿಸ್ ಮಾಡಿಕೊಂಡಿದ್ದೀರಿ

ನೀವೆಲ್ಲಾ ಇಷ್ಟು ದಿನ ತುಂಬಾ ಮಿಸ್ ಮಾಡಿಕೊಂಡಿದ್ದೀರಿ ಎಂದು ರಿ ಎಂದು ಭಾವಿಸಿದ್ದೇನೆ. ಮುದ್ದುಸೊಸೆ ಎಂಟ್ರಿ ಕೊಟ್ಟಿದ್ದಕ್ಕೆ ಖುಷಿಯಾಗಿದೆ ಅಂದುಕೊಂಡಿದ್ದೇನೆ. ಮತ್ತೆ ನನ್ನ ಲಾಯರ್ ಆಗಿ ನೋಡುವ ಸನ್ನಿವೇಶ ಬಂದಿದೆ. ತುಂಬಾ ಖುಷಿಯಾಗ್ತಿದೆ. ಆ ಸೀನ್ ಶೂಟ್ ಮಾಡುವಾಗ ಭಾರ್ಗವಿ ಕೋರ್ಟ್ ಸೀನ್ ನೆನಪಾಯ್ತು. ಗೆಸ್ಟ್ ಆಗಿ ಬರ್ತಾ ಇದ್ದೇನೆ. ಇಷ್ಟಪಟ್ಟು ಒಪ್ಪಿಕೊಂಡಿದ್ದೇನೆ. ನೀವೂ ಹಾರೈಸಿ ಎಂದು ನಟಿ ಹೇಳಿದ್ದಾರೆ.

Kannada movie: ಅಂದು ಚಿತ್ರರಂಗದಲ್ಲಿ ನಡೆದಿದ್ದ ವಿವಾದವೇ ‘ಚಂದ್ರ ಚಕೋರಿ’ ಪಾಲಿಗೆ ವರವಾಯ್ತಾ? ಬಾಕ್ಸ್ ಆಫೀಸ್ ಸೀಕ್ರೆಟ್ ರಿವೀಲ್‌?

Bhimasi M Koleppanavar — Mon, 19 Oct 2026 11:26:26 +0530

ಅಂದು ಚಿಂತ್ರರಂಗದಲ್ಲಿ ಭುಗಿಲೆದ್ದಿದ್ದ ಆ ವಿವಾದವೇ ಶ್ರೀ ಮುರುಳಿ ಚಂದ್ರ ಚಕೋರಿ ಸಿನೆಮಾಗೆ ಹೇಗೆ ವರವಾಯ್ತು ಎನ್ನುವುದಕ್ಕೆ ನಿರ್ದೇಶಕ ಎಸ್‌.ನಾರಾಯಣ ಹಂಚಿಕೊಂಡ ಮಾತು ಇತ್ತೀಚೆಗೆ ಸೋಶಿಯಲ್‌ ಮೀಡಿಯಾದಲ್ಲಿ ಹರಿದಾಡಿತ್ತು. ಅಷ್ಟೇ ಅಲ್ಲ ಆ ವಿವಾದವೇ ಚಿತ್ರಕ್ಕೆ ಹೇಗೆ ವರವಾಯ್ತು? ಎನ್ನುವುದರ ಸಂಪೂರ್ಣ ವಿವರ ಇಲ್ಲಿದೆ.

ಆಗ ನಡೆದ ವಿವಾದವೇನು?

ಸಿನಿಮಾ ಬಿಡುಗಡೆಯಾದ ಸಮಯದಲ್ಲಿ ಪ್ರದರ್ಶಕರು ಹಾಗೂ ನಿರ್ಮಾಪಕರ ನಡುವೆ 'ಸರ್ವೀಸ್ ಟ್ಯಾಕ್ಸ್' ಕುರಿತು ದೊಡ್ಡ ಮಟ್ಟದ ವಿವಾದ ನಡೆದಿತ್ತು. ಈ ಗೊಂದಲದಿಂದಾಗಿ ಚಿತ್ರಕ್ಕೆ ಯಾವುದೇ ಆರಂಭಿಕ ಪ್ರಚಾರ ಅಥವಾ ಪಬ್ಲಿಸಿಟಿ ಸಿಗಲಿಲ್ಲ. ನಿರ್ಮಾಪಕ ಹೆಚ್.ಡಿ. ಕುಮಾರಸ್ವಾಮಿ ಅವರೂ ಕೂಡ ಪ್ರಚಾರಕ್ಕಾಗಿ ಹಣ ಅಥವಾ ಸಮಯ ವ್ಯಯಿಸಲು ಸಾಧ್ಯವಾಗಲಿಲ್ಲ. ಆದರೆ ಮುಂದೆ ಆಗಿದ್ದೇ ಬೇರೆ.

ಪ್ರಚಾರದ ಯುಗಕ್ಕೆ ಕಪಾಳಮೋಕ್ಷ!

ಸಿನಿಮಾ ಗೆಲ್ಲಲು ಕೋಟಿ ಕೋಟಿ ಸುರಿದು ಹೈಪ್ ಕ್ರಿಯೇಟ್ ಮಾಡಬೇಕಾಗಿಲ್ಲ, ಕೇವಲ ಕಂಟೆಂಟ್ ಚೆನ್ನಾಗಿದ್ದರೆ ಸಾಕು ಎಂಬುದನ್ನು 'ಚಂದ್ರ ಚಕೋರಿ' ಸಾಬೀತುಪಡಿಸಿತು . ಯಾವುದೇ ಜಾಹೀರಾತು ಇಲ್ಲದಿದ್ದರೂ ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ಹೊಸ ಮೈಲಿಗಲ್ಲು ಸ್ಥಾಪಿಸಿತು. ಆ ಕಥೆ, ಹಾಡುಗಳು ಬೇಗನೇ ಪ್ರಕ್ಷಕನನ್ನು ಕನೆಕ್ಟ್‌ ಆದವು ಎಂದು ಎಸ್‌.ನಾರಾಯಣ್‌ ಹೇಳಿದ್ದಾರೆ.

ವರವಾದ 'ಮೌತ್ ಟಾಕ್' ಸುನಾಮಿ!

ಪ್ರಚಾರದ ಕೊರತೆಯನ್ನು ಪ್ರೇಕ್ಷಕರೇ ನೀಗಿಸಿದರು. ಸಿನಿಮಾ ನೋಡಿದವರು ಒಬ್ಬರಿಂದ ಒಬ್ಬರಿಗೆ ಹಂಚಿಕೊಂಡ ಅದ್ಭುತ ವಿಮರ್ಶೆಗಳಿಂದಾಗಿ, ಚಿತ್ರಮಂದಿರಗಳತ್ತ ಜನಸಾಗರವೇ ಹರಿದುಬರಲು ಪ್ರಾರಂಭಿಸಿತು. ಅಲ್ಲದೇ ಚಿಂತ್ರರಂಗದಲ್ಲಿ ಬಂಗಾರದ ಮನುಷ್ಯ ಚಿತ್ರದ ನಂತರ ಲಾಂಗ್‌ ರನ್‌ ಆದ ಕನ್ನಡದ ಚಿತ್ರ ಎಂಬ ಹೆಗ್ಗಳಿಕೆಗೂ ಪಾತ್ರವಾಯಿತು.

ಬೆಳಗಾವಿಯಲ್ಲಿ ಸೃಷ್ಟಿಯಾದ ಇತಿಹಾಸ!

ಈ ವಿವಾದ ಹಾಗೂ ಶೂನ್ಯ ಪಬ್ಲಿಸಿಟಿ ನಡುವೆಯೂ ಬೆಳಗಾವಿಯ 'ಪ್ರಕಾಶ್' ಥಿಯೇಟರ್‌ನಲ್ಲಿ ಸಿನಿಮಾ ದಿನಕ್ಕೆ 4 ಪ್ರದರ್ಶನಗಳಂತೆ ಬರೋಬ್ಬರಿ 500 ದಿನಗಳ ಕಾಲ ಹೌಸ್‌ಫುಲ್ ಆಗಿ ಓಡಿ ಐತಿಹಾಸಿಕ ದಾಖಲೆ ಬರೆಯಿತು. ಡಾ.ರಾಜ್‌ಕುಮಾರ್ ಅವರ 'ಬಂಗಾರದ ಮನುಷ್ಯ' ಚಿತ್ರದ ನಂತರ ಈ ಮಟ್ಟದ ಲಾಂಗ್ ರನ್ ಕಂಡ ಅಪರೂಪದ ಹೆಗ್ಗಳಿಕೆ ಇದಕ್ಕೆ ಸಿಕ್ಕಿತು.

43 ವಾರಗಳಿಗೂ ಹೆಚ್ಚು ಕಾಲ ಓಟ!

ಚಿತ್ರರಂಗದಲ್ಲಿ ವಿವಾದಗಳು ಎದ್ದಾಗ ಸಿನಿಮಾಗಳು ನೆಲಕಚ್ಚುವುದು ಸಾಮಾನ್ಯ. ಆದರೆ 'ಚಂದ್ರ ಚಕೋರಿ' ವಿವಾದದ ನಡುವೆಯೂ ಕರ್ನಾಟಕದಾದ್ಯಂತ 43 ವಾರಗಳಿಗೂ ಹೆಚ್ಚು ಕಾಲ ಸತತವಾಗಿ ಪ್ರದರ್ಶನ ಕಂಡು, ರಜತ ಮಹೋತ್ಸವ (Silver Jubilee) ಆಚರಿಸಿ ಇಡೀ ಗಾಂಧಿನಗರವೇ ಬೆರಗಾಗುವಂತೆ ಮಾಡಿತು. ಯಾವುದೇ ಪ್ರಚಾರದ ಬ್ಯಾಕಪ್ ಇಲ್ಲದೆ ಪ್ರೇಕ್ಷಕರು ಚಿತ್ರವನ್ನು ಅಷ್ಟೊಂದು ಎತ್ತರಕ್ಕೆ ಬೆಳೆಸಿದ್ದನ್ನು ನೋಡಿ ಸ್ವತಃ ನಿರ್ದೇಶಕ ಎಸ್. ನಾರಾಯಣ್ ಅವರು ರೋಮಾಂಚನಗೊಂಡಿದ್ದರು.