Asianet Suvarna News

ಬಾಹ್ಯಾಕಾಶದಿಂದ ಭೂಮಿಯ ಅದ್ಭುತ ದೃಶ್ಯ ಸೆರೆ ಹಿಡಿದ ನಾಸಾ, ಗಗನಯಾತ್ರಿಗಳತ್ತ ಇಣುಕಿ ನೋಡಿದ ಇಳೆ

Chethan Kumar — Sat, 04 Apr 2026 16:58:45 +0530

ಬಾಹ್ಯಾಕಾಶದಿಂದ ಭೂಮಿಯ ಅದ್ಭುತ ದೃಶ್ಯ ಸೆರೆ ಹಿಡಿದ ನಾಸಾ, ಗಗನಯಾತ್ರಿಗಳತ್ತ ಇಣುಕಿ ನೋಡಿದ ಇಳೆ, ವಿಜ್ಞಾನಿಗಳ ತಂಡ ಆರ್ಟಮೆಸ್ 2 ಮೂಲಕ ಮಹತ್ತರ ಸಂಶೋಧನೆಯಲ್ಲಿ ತೊಡಗಿದ್ದಾರೆ. ಇದರ ನಡುವೆ ಭೂಮಿ ದೃಶ್ಯ ಕುತೂಹಲಕ್ಕೆ ಕಾರಣವಾಗಿದೆ.

ಬಾಹ್ಯಾಕಾಶದಿಂದ ಈಗಾಗಲೇ ನಾಸಾ, ಇಸ್ರೋ ಭೂಮಿಯ ಹಲವು ದೃಶ್ಯಗಳನ್ನು ಸೆರೆ ಹಿಡಿದಿದೆ. ಇದೀಗ ನಾಸಾದ ಆರ್ಟೆಮಿಸ್ 2 ನೌಕೆ ಮಹತ್ತರ ಸಂಶೋಧನೆಯಲ್ಲಿ ತೊಡಗಿಸಿಕೊಂಡಿದೆ. ಚಂದಿರನ ಬಳಿಗೆ ತೆರಳಿರುವ ಈ ಗಗನಯಾತ್ರಿಗಳು ಬಾಹ್ಯಾಕಾಶದಿಂದ ಭೂಮಿ ದೃಶ್ಯ ಸೆರೆ ಹಿಡಿದು ಕಳುಹಿಸಿದ್ದಾರೆ. ಭೂಮಿಯ ಅದ್ಭುತ ಚಿತ್ರ ಕುತೂಹಲಕ್ಕೆ ಕಾರಣಾಗಿದೆ.

ಆರ್ಟೆಮಿಸ್ 2 ಮಿಷನ್ ಭಾಗವಾಗಿ ಗಗನಯಾತ್ರಿಗಳು ಒರಿಯನ್ ಕ್ಯಾಪ್ಸೂಲ್ ನೌಕೆಯಲ್ಲಿ ಪ್ರಯಾಣ ಬೆಳೆಸಿದ್ದಾರೆ. ಎರಡು ಫೋಟೋಗಳನ್ನು ಹಂಚಿಕೊಳ್ಳಲಾಗಿದೆ. ಮೊದಲ ಫೋಟೋದಲ್ಲಿ ಭೂಮಿಯ ಒಂದಷ್ಟು ಭಾಗ ಕಾಣಿಸುತ್ತಿರುವ ಫೋಟೋ ಇದಾಗಿದೆ. ಒರಿಯನ್ ನೌಕೆಯಿಂದ ಇಣುಕಿ ನೋಡಿದಾಗ ಭೂಮಿಯ ಒಂದು ಸಣ್ಣ ಭಾಗ ಕಾಣಿಸುವ ಫೋಟೋ ಇಧಾಗಿದೆ.

ಮತ್ತೊಂದು ಫೋಟೋದಲ್ಲಿ ಸಂಪೂರ್ಣ ಭೂಮಿಯ ಚಿತ್ರವಿದೆ. ನೀಲಿ ಬಣ್ಣದ ಭೂಮಿಯ ಮೇಲೆ ಬಿಳಿ ಮೋಡಗಳು ಆವೃತಗೊಂಡಿದೆ. ವಿಶಾಲದ ಪ್ರದೇಶವೂ ಗೋಚರಿಸುತ್ತಿದೆ. ಕೆಲೆವೆಡೆ ಹಸಿರು ಹಾಗೂ ಬಹುತೇಕ ಭಾಗ ನೀಲಿ ಬಣ್ಣದಿಂದ ಕೂಡಿದೆ. ಭೂಮಿಯ ಈ ದೃಶ್ಯ ಸಂಶೋಧಕರಿಗೂ ಅಧ್ಯಯನಕ್ಕೆ ಮಹತ್ವದ ದಾಖಲೆಯಾಗಿದೆ.

ಈ ಕುರಿತ ಅನುಭವವನ್ನು ನಾಸಾ ಗಗನಯಾತ್ರಿಗಳು ಹಂಚಿಕೊಂಡಿದ್ದಾರೆ. ಮಿಷನ್ ಕಮಾಂಡರ್ ರೀಡ್ ವೈಸ್‌ಮನ್ ಸಂತಸ ವ್ಯಕ್ತಪಡಿಸಿದ್ದಾರೆ. ನಮ್ಮ ಮನೆ ಭೂಮಿಯನ್ನು ಇಷ್ಟು ಎತ್ತರಿಂದ ನೋಡುತ್ತಿದ್ದೇವೆ. ಸೂರ್ಯನ ಬೆಳಕಿನಲ್ಲಿ ಭೂಮಿ ಮಿನುಗುತ್ತಿರುವುದು ಅತ್ಯಂತ ಸುಂದರವಾಗಿ ಕಾಣಿಸುತ್ತಿದೆ ಎಂದಿದ್ದಾರೆ.

ಆರ್ಟೆಮಿಸ್ 2 ಮಿಷನ್ ಗಗನಯಾನ ಸುಮಾರು 10 ದಿನಗಳ ಕಾಲ ನಡೆಯಲಿದೆ. ಏಪ್ರಿಲ್ 1 ರಂದು ನಾಲ್ಕು ಗಗನಯಾತ್ರಿಗಳ ನಾಸಾ ತಂಡ ಬಾಹ್ಯಾಕಾಶ ಪ್ರಯಾಣ ಬೆಳೆಸಿದೆ. ಚಂದ್ರನ ಹತ್ತಿರಕ್ಕೆ ತೆರಳಿ ಪ್ರದಕ್ಷಿಣೆ ಹಾಕಿ ಮರಳಲಿದ್ದಾರೆ. ಚಂದ್ರನ ಮೇಲೆ ಈ ತಂಡ ಇಳಿಯುತ್ತಿಲ್ಲ. ಶೀಘ್ರದಲ್ಲೇ ಚಂದ್ರನ ಹತ್ತಿರದ ಫೋಟೋಗಳನ್ನು ಈ ತಂಡ ಕಳುಹಿಸಲಿದೆ.

ಡೈನೋಸಾರ್ ಚರ್ಮದ ವಿಶ್ವದ ಮೊದಲ ಹ್ಯಾಂಡ್‌ಬ್ಯಾಗ್ ಬಿಡುಗಡೆ, ತಲ್ಲಣಗೊಂಡ ಫ್ಯಾಶನ್ ಕ್ಷೇತ್ರ

Chethan Kumar — Fri, 03 Apr 2026 17:11:55 +0530

ಫ್ರಾನ್ಸ್ (ಏ.03) ವಿಜ್ಞಾನ ಹಾಗೂ ತಂತ್ರಜ್ಞಾನ ಜೊತೆಯಾದರೆ ಏನು ಬೇಕಾದರು ಸೃಷ್ಟಿಸಲು ಸಾಧ್ಯ ಅನ್ನೋದಕ್ಕೆ ಇದೊಂದು ಉದಾಹರಣೆ. ಬರೋಬ್ಬರಿ 6.6 ಕೋಟಿ ವರ್ಷಗಳ ಹಿಂದೆ ಜೀವಿಸಿದ್ದ ಡೈನೋಸಾರ್ ಜೀವಿಗಳ ಅಸ್ಥಿಪಂಜರ, ಪಳೆಯುಳಿಕೆಗಳು ಮಾತ್ರ ಲಭ್ಯವಿದೆ. ಇವುಗಳ ಚರ್ಮ ಲಭ್ಯವಿಲ್ಲ. ಆದರೆ ವಿಜ್ಞಾನಿಗಳು,ಸಂಶೋಧಕರು ಹಾಗೂ ತಂತ್ರಜ್ಞರು ಒಂದಾಗಿ ಮಹತ್ತರ ಸಾಧನೆ ಮಾಡಿದ್ದಾರೆ. ಫ್ರೆಂಚ್ ಫ್ಯಾಶನ್ ಬ್ರ್ಯಾಂಡ್ ಡೈನೋಸಾರ್ ಚರ್ಮದಿಂದ ತಯಾರಿಸಿದ ಹ್ಯಾಂಡ್ ಬ್ಯಾಗ್ ಬಿಡುಗಡೆ ಮಾಡಿದೆ.

ಡೈನೋಸಾರ್ ಚರ್ಮ ಈಗ ಲಭ್ಯವಿಲ್ಲ. ಡೋನೋಸಾರ್ ಪಳೆಯುಳಿಕೆ ಬಳಸಿ ಮಾಡಿಲ್ಲ. ಬದಲಾಗಿ, ವಿಜ್ಞಾನಿಗಳು ಕೊಲಾಜೆನ್ (Lab-grown collagen) ಬಳಸಿ ಈ ಚರ್ಮ ಅಭಿವೃದ್ಧಿಪಡಿಸಿದ್ದಾರೆ. ಡೈನೋಸಾರ್ ಡಿಎನ್ಎ ಮಾಹಿತಿ ಬಳಿಸಿ ಲ್ಯಾಬ್‌ನಲ್ಲಿ ಡೈನೋಸಾರ್ ಚರ್ಮ ಅಭಿವೃದ್ಧಿಪಡಿಸಲಾಗಿತ್ತು. ಇದಕ್ಕೆ ತಂತ್ರಜ್ಞಾನವನ್ನು ಬಳಕೆ ಮಾಡಲಾಗಿತ್ತು. ಅಳಿದು ಹೋದ ಪ್ರಾಣಿಯ ಡಿಎನ್ಎ ಸೀಕ್ವೆನ್ಸಿ ಬಳಸಿ ಅದೇ ಮಾದರಿಯ ಪ್ರೊಟಿನ್‌ನ್ನು ಲ್ಯಾಬ್‌ನಲ್ಲಿ ಬೆಳಸಲಾಗಿದೆ.

ಲ್ಯಾಬ್‌ನಲ್ಲಿ ಅಭಿವೃದ್ಧಿಪಡಿಸಿದ ಈ ಚರ್ಮ ನೋಡಲು ಹಾಗೂ ಮುಟ್ಟಲು ಚರ್ಮದಂತೆ ಇರುತ್ತದೆ. ಈ ಚರ್ಮವನ್ನು ಅಭಿವೃದ್ಧಿಪಡಿಸಿ ಇದೀಗ ಅದನ್ನು ಹ್ಯಾಂಡ್‌ಬ್ಯಾಗ್ ಆಗಿ ತಯಾರಿಸಲಾಗಿದೆ. ಫ್ರಾನ್ಸ್‌ನಲ್ಲಿ ಅತ್ಯಂತ ಜನಪ್ರಿಯ ಫ್ಯಾಶನ್ ಬ್ರ್ಯಾಂಡ್ ಕ್ಲೋಯ್ ಈ ಬ್ಯಾಗ್ ಸಿದ್ಧಪಡಿಸಿದೆ. ಸದ್ಯ ಪ್ರದರ್ಶನದ ಬ್ಯಾಗ್ ಸಿದ್ದಪಡಿಸಲಾಗಿದೆ. ಒಂದೇ ಬ್ಯಾಗ್ ತಯಾರಿಸಿ ಪ್ರದರ್ಶನಕ್ಕೆ ಇಡಲಾಗಿದೆ. ಆದರೆ ಭವಿಷ್ಯದಲ್ಲಿ ಈ ಪ್ರಯೋಗಕ್ಕೆ ನಾಂದಿ ಹಾಡಿದೆ.

ಡೈನೋಸಾರ್ ಚರ್ಮದ ಬ್ಯಾಗ್ ಉದ್ದೇಶವೇನು

ಚರ್ಮದ ಚೀಲ, ಪರ್ಸ್, ಬೆಲ್ಟ್ ಸೇರಿದಂತೆ ಉತ್ಪನ್ನಗಳಿಗೆ ಭಾರಿ ಬೇಡಿಕೆ ಇದೆ. ಇಷ್ಟೇ ಅಲ್ಲ ದುಬಾರಿ ಕೂಡ. ಚರ್ಮದ ಚೀಲ ಸೇರಿದಂತೆ ಉತ್ಪನ್ನಗಳಿಗಾಗಿ ಪ್ರಾಣಿಗಳನ್ನು ಕೊಲ್ಲಲಾಗುತ್ತದೆ. ಆದರೆ ಪ್ರಾಣಿಗಳಿಗೆ ಹಿಂಸೆ ನೀಡದೆ, ಪರಿಸರಕ್ಕೆ ಪೂರಕವಾದ ಚರ್ಮ ಅಭಿವೃದ್ಧಿಪಡಿಸಿ ಉತ್ಪನ್ನ ತಯಾರಿಸಲು ಸಾಧ್ಯವಿದೆ ಎಂದು ಕ್ಲೋಯ್ ಫ್ಯಾಶನ್ ಬ್ರ್ಯಾಂಡ್ ತೋರಿಸಿಕೊಟ್ಟಿದೆ. ಈ ತಂತ್ರಜ್ಞಾನ ಬಳಿಸಿ ಮುಂದಿನ ದಿನಗಳಲ್ಲಿ ಹೆಚ್ಚಿನ ಉತ್ಪನ್ನ ತಯಾರಿಸಲು ಸಾಧ್ಯ. ಇದು ಹಾನಿಕಾರಕವಲ್ಲದ ಹಾಗೂ ಸುಸ್ಥಿರ ಫ್ಯಾಶನ್ ಲೋಕದ ಹೊಸ ಅಧ್ಯಾಯವಾಗಲಿದೆ ಎಂದಿದೆ.

ಅಮೆರಿಕದ C-130 ಹೊಡೆದುರುಳಿಸಿದ ಇರಾನ್; ಇದರ ಬೆಲೆ ಎಷ್ಟು? ಭಾರತದಲ್ಲಿ ಇಂತಹ ಎಷ್ಟು ವಿಮಾನಗಳಿವೆ?

Ashwini HR — Sun, 05 Apr 2026 19:38:34 +0530

C-130 Super Hercules India: ಅಮೆರಿಕದ C-130 ವಿಮಾನವನ್ನು ಹೊಡೆದುರುಳಿಸಿದೆ ಎಂದು ಇರಾನ್ ಪ್ರತಿಪಾದಿಸಿದೆ. ಹಾಗಾದರೆ ಈ ವಿಮಾನದ ಬೆಲೆ ಎಷ್ಟು ಮತ್ತು ಭಾರತದಲ್ಲಿ ಇಂತಹ ಎಷ್ಟು ವಿಮಾನಗಳಿವೆ ಎಂಬ ವಿವರ ಇಲ್ಲಿದೆ ನೋಡಿ.

ಮಧ್ಯಪ್ರಾಚ್ಯದಲ್ಲಿ ಉದ್ವಿಗ್ನತೆ ಸತತವಾಗಿ ಹೆಚ್ಚುತ್ತಿದೆ. ಇದೇ ಸಂದರ್ಭದಲ್ಲಿ ಇರಾನ್, ಇಸ್ಫಹಾನ್ ಬಳಿ ಅಮೆರಿಕದ ಸೇನಾ ವಿಮಾನವೊಂದನ್ನು ಹೊಡೆದುರುಳಿಸಿರುವುದಾಗಿ ಹೇಳಿಕೊಂಡಿದೆ. ಇರಾನಿನ ಮಾಧ್ಯಮಗಳ ಪ್ರಕಾರ, ಗುರಿಯಾಗಿಸಲ್ಪಟ್ಟ ಆ ವಿಮಾನ 'C-130' ಆಗಿದೆ. ಈ ಬೆಳವಣಿಗೆಗಳ ನಡುವೆ, ಈ ವಿಮಾನದ ಬೆಲೆ ಮತ್ತು ಭಾರತದ ಸಾಮರ್ಥ್ಯದ ಬಗ್ಗೆ ತಿಳಿಯೋಣ.

C-130 ಒಂದು ಆಧುನಿಕ ಸೇನಾ ಸಾರಿಗೆ (Transport) ವಿಮಾನವಾಗಿದೆ. ಇದನ್ನು ವಿವಿಧ ರೀತಿಯ ಕಾರ್ಯಾಚರಣೆಗಳಿಗಾಗಿ ಬಳಸಲಾಗುತ್ತದೆ. ಸೈನಿಕರನ್ನು ಒಂದು ಕಡೆಯಿಂದ ಮತ್ತೊಂದು ಕಡೆಗೆ ಕರೆದೊಯ್ಯಲು ಮತ್ತು ವಿಪತ್ತು ಪರಿಹಾರ ಕಾರ್ಯಗಳಲ್ಲಿ ಇದು ಬಳಕೆಯಾಗುತ್ತದೆ. ಈ ವಿಮಾನದ ಅಂದಾಜು ಬೆಲೆ 70 ಮಿಲಿಯನ್ ಡಾಲರ್‌ನಿಂದ 90 ಮಿಲಿಯನ್ ಡಾಲರ್ ಇರುತ್ತದೆ. ಭಾರತೀಯ ರೂಪಾಯಿಗಳಲ್ಲಿ ಈ ಮೊತ್ತ ಸುಮಾರು ₹580 ಕೋಟಿಯಿಂದ ₹750 ಕೋಟಿ ಆಗಬಹುದು. ಹಳೆಯ ಮಾದರಿಗಳು ಅಗ್ಗವಾಗಿರಬಹುದು, ಆದರೆ ಹೊಸ ಮಾದರಿಗಳು ಅತ್ಯಾಧುನಿಕ ಏವಿಯಾನಿಕ್ಸ್ ಮತ್ತು ಮಿಷನ್ ಸಿಸ್ಟಮ್‌ಗಳನ್ನು ಹೊಂದಿರುತ್ತವೆ.

ಭಾರತೀಯ ವಾಯುಸೇನೆಯ ಬಳಿ ಪ್ರಸ್ತುತ 12 C-130 ವಿಮಾನಗಳಿವೆ. ಇವುಗಳನ್ನು ಅಮೆರಿಕದಿಂದ ಖರೀದಿಸಲಾಗಿದ್ದು, ಇವು ಭಾರತೀಯ ಸೇನೆಯ ಸರಕು ಮತ್ತು ಸೈನಿಕರ ಸಾಗಾಟದ ಶಕ್ತಿಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ.

C-130 ವಿಮಾನದ ಅತಿದೊಡ್ಡ ಶಕ್ತಿಯೆಂದರೆ, ಇದು ಸರಿಯಾದ ರನ್‌ವೇ ಇಲ್ಲದ ಅಥವಾ ಕಚ್ಚಾ ರಸ್ತೆಗಳ ಮೇಲೂ ಇಳಿಯುವ ಸಾಮರ್ಥ್ಯ ಹೊಂದಿದೆ. ಯುದ್ಧಭೂಮಿಯ ಕಚ್ಚಾ ಹಾದಿಯಾಗಿರಲಿ ಅಥವಾ ದೂರದ ಗುಡ್ಡಗಾಡು ಪ್ರದೇಶವಾಗಿರಲಿ, ಇತರ ವಿಮಾನಗಳು ತಲುಪಲಾಗದ ಕಡೆಗಳಲ್ಲಿಯೂ ಇದು ಕಾರ್ಯನಿರ್ವಹಿಸಬಲ್ಲದು. ಇದೇ ಕಾರಣಕ್ಕೆ ಇದು ಸೇನಾ ಮತ್ತು ರಕ್ಷಣಾ ಕಾರ್ಯಾಚರಣೆಗಳೆರಡಕ್ಕೂ ಬಹಳ ಅಮೂಲ್ಯವಾಗಿದೆ.

ಈ ವಿಮಾನವು ಸುಮಾರು 19 ರಿಂದ 20 ಟನ್ ಸರಕನ್ನು ಹೊತ್ತೊಯ್ಯಬಲ್ಲದು. ಇದರಲ್ಲಿ ಭಾರೀ ಸೇನಾ ಉಪಕರಣಗಳು ಕೂಡ ಸೇರಿವೆ. ಒಂದೇ ಬಾರಿಗೆ ಇದು 92 ಸೈನಿಕರು ಅಥವಾ 64 ಪ್ಯಾರಾಟ್ರೂಪರ್‌ಗಳನ್ನು ಕರೆದೊಯ್ಯಬಹುದು. ಈ ಕಾರಣಕ್ಕಾಗಿಯೇ ಇದು ಯುದ್ಧದ ನೆರವು ಮತ್ತು ಲಾಜಿಸ್ಟಿಕ್ಸ್ ಎರಡೂ ಪಾತ್ರಗಳನ್ನು ಸಮರ್ಥವಾಗಿ ನಿಭಾಯಿಸುತ್ತದೆ.

ನೈಟ್ ವಿಷನ್ ಸಿಸ್ಟಮ್ ಮತ್ತು ಇನ್ಫ್ರಾರೆಡ್ ತಂತ್ರಜ್ಞಾನವನ್ನು ಹೊಂದಿರುವ C-130 ವಿಮಾನವು ದಟ್ಟ ಕಾರ್ಗತ್ತಲಿನಲ್ಲಿ ಅಥವಾ ಕಡಿಮೆ ಬೆಳಕಿನಲ್ಲೂ ಕೆಲಸ ಮಾಡಬಲ್ಲದು. ಅಲ್ಲದೆ, ಇದು ಗಾಳಿಯಲ್ಲಿರುವಾಗಲೇ ಇಂಧನ ತುಂಬಿಸಿಕೊಳ್ಳುವ ಸೌಲಭ್ಯವನ್ನೂ ಹೊಂದಿದೆ. ಇದರಿಂದಾಗಿ ಸುದೀರ್ಘ ಕಾಲದ ಕಾರ್ಯಾಚರಣೆಗಳ ವೇಳೆ ಇದು ಹೆಚ್ಚು ಹೊತ್ತು ಗಾಳಿಯಲ್ಲೇ ಉಳಿಯಲು ಸಾಧ್ಯವಾಗುತ್ತದೆ.

ಮಿಮಿಕ್ರಿಯಿಂದ ಸತ್ತಂತೆ ನಟಿಸುವವರೆಗೆ... ಶತ್ರುವನ್ನ ಓಡಿಸಲು ಈ ಹಾವುಗಳ ಪ್ಲಾನ್ ಒಂದಾ, ಎರಡಾ?

Ashwini HR — Mon, 06 Apr 2026 16:39:07 +0530

Snake Mimicry Facts: ಹಾವು ಅಂದ ತಕ್ಷಣ ಮೊದಲು ನೆನಪಾಗೋದು ಅದರ ವಿಷ ಮತ್ತು ಭಯ. ಆದರೆ ಎಲ್ಲ ಹಾವುಗಳು ವಿಷದಿಂದಲೇ ಶತ್ರುಗಳನ್ನು ಎದುರಿಸುವುದಿಲ್ಲ! ನಟಿಸುವುದು, ವಿಷ ಉಗುಳುವುದು ಮತ್ತು ದೇಹದ ಬಣ್ಣ ಬದಲಾಯಿಸುವುದು ಸೇರಿದಂತೆ ಅಚ್ಚರಿಯ 'ಮಿಮಿಕ್ರಿ' ತಂತ್ರಗಳನ್ನು ಬಳಸುತ್ತವೆ.

ಇದು ಹಾವಿನ ಲೋಕದ "ಬೆಸ್ಟ್ ಆಕ್ಟರ್". ಯಾರಾದರೂ ದಾಳಿ ಮಾಡಲು ಬಂದರೆ, ಇದು ಮಕಾಡೆಯಾಗಿ ಮಲಗಿ ನಾಲಿಗೆ ಹೊರಹಾಕಿ "ನಾನು ಸತ್ತಿದ್ದೇನೆ" ಎಂದು ನಟಿಸುತ್ತದೆ. ಅತಿಯಾದ ಭಯವಾದರೆ ತನ್ನ ಬಾಯಿಯೊಳಗಿನ ರಕ್ತನಾಳಗಳನ್ನು ಒಡೆದುಕೊಂಡು ರಕ್ತ ಬರುವಂತೆ ಮಾಡುತ್ತದೆ. ಇದನ್ನು ನೋಡಿ ಶತ್ರು ಪ್ರಾಣಿ "ಇದು ಕೊಳೆತ ಶವ" ಎಂದು ತಿಳಿದು ಹೊರಟುಹೋಗುತ್ತದೆ.

ಈ ಹಾವಿನ ಕಣ್ಣುಗಳ ಹತ್ತಿರ 'ಲೋರಿಯಲ್ ಪಿಟ್' ಎಂಬ ವಿಶೇಷ ಅಂಗವಿರುತ್ತದೆ. ಇದು ಒಂದು ರೀತಿ 'ನೈಟ್ ವಿಷನ್ ಕ್ಯಾಮೆರಾ' ಇದ್ದಂತೆ. ಅಂದರೆ, ಕತ್ತಲಲ್ಲಿ ಕೂಡ ಶತ್ರುವಿನ ದೇಹದ ಶಾಖವನ್ನು (infrared) ಇದು ಪತ್ತೆಹಚ್ಚುತ್ತದೆ. ಕಣ್ಣಿಗೆ ಕಾಣುವ ಮೊದಲೇ ಶತ್ರು ಎಲ್ಲಿದ್ದಾನೆಂದು ಇದಕ್ಕೆ ಈ ಅಂಗದ ಸಹಾಯದಿಂದ ತಿಳಿಯುತ್ತದೆ.

ಈ ಹಾವಿಗೆ ವಿಷವೇ ಇರುವುದಿಲ್ಲ, ಆದರೆ ಇದು ನೋಡಲು ವಿಷಕಾರಿ 'ಕೋರಲ್ ಹಾವು' ತರಹವೇ ಇರುತ್ತದೆ. ಇತರ ಪ್ರಾಣಿಗಳು ಇದನ್ನು ನೋಡಿ "ಇದು ವಿಷಕಾರಿ ಹಾವು" ಎಂದು ಹೆದರಿ ದೂರ ಹೋಗುತ್ತವೆ. ತನ್ನ ರೂಪದ ಮೂಲಕವೇ ಶತ್ರುಗಳನ್ನು ಇದು ದಾರಿ ತಪ್ಪಿಸುತ್ತದೆ. ಇದು ಒಂದು ರೀತಿ ಮೋಸ ಮಾಡುವ ತಂತ್ರ.

ಇವು ಬೇಟೆಯಾಡುವಾಗ ತುಂಬಾ ಜಾಣತನ ಪ್ರದರ್ಶಿಸುತ್ತವೆ. ಶತ್ರು ಅಥವಾ ಬಲಿಯಾದ ಪ್ರಾಣಿಯನ್ನು ಸುತ್ತುವರೆದಾಗ ಆ ಪ್ರಾಣಿಯ ಹೃದಯ ಬಡಿತವನ್ನು ಗಮನಿಸುತ್ತವೆ. ಎಲ್ಲಿಯವರೆಗೆ ಹೃದಯ ಬಡಿಯುತ್ತಿರುತ್ತದೋ, ಅಲ್ಲಿಯವರೆಗೆ ಬಿಗಿಯಾಗಿ ಹಿಸುಕುತ್ತವೆ. ಹೃದಯ ಬಡಿತ ಸಂಪೂರ್ಣವಾಗಿ ನಿಂತ ಮೇಲೆ ಪ್ರಾಣಿ ಸತ್ತಿದೆ ಎಂದು ಖಚಿತಪಡಿಸಿಕೊಂಡೇ ಹಿಡಿತ ಬಿಡುತ್ತವೆ.

ಈ ಹಾವಿನ ಹಲ್ಲುಗಳಲ್ಲಿ ವಿಶೇಷ ರಂಧ್ರಗಳಿರುತ್ತವೆ. ಇವು ಪರಭಕ್ಷಕದ ಕಣ್ಣಿನ ಚಲನೆಯನ್ನು ಗಮನಿಸಿ ಸರಿಯಾಗಿ ಕಣ್ಣಿಗೇ ವಿಷವನ್ನು ಚಿಮ್ಮಿಸುತ್ತವೆ. ಇದರಿಂದ ಶತ್ರುವಿಗೆ ತೀವ್ರ ನೋವಾಗಿ ಸ್ವಲ್ಪ ಹೊತ್ತು ದೃಷ್ಟಿ ಮಂದವಾಗುತ್ತದೆ. ಆ ಸಮಯದಲ್ಲಿ ಹಾವು ಅಲ್ಲಿಂದ ಸುರಕ್ಷಿತವಾಗಿ ತಪ್ಪಿಸಿಕೊಳ್ಳುತ್ತದೆ.

ಇದು ಜಗತ್ತಿನ ಅತಿ ಉದ್ದದ ಹಾವು. ಇದರ ವಿಶೇಷತೆ ಏನೆಂದರೆ, ಇದು ಶತ್ರುವನ್ನು ಎದುರಿಸುವಾಗ ತನ್ನ ದೇಹದ ಮುಂಭಾಗವನ್ನು ಅಂದರೆ ಸುಮಾರು 5-6 ಅಡಿಯಷ್ಟು ಎತ್ತರಕ್ಕೆ ಗಾಳಿಯಲ್ಲಿ ನಿಲ್ಲಿಸಬಲ್ಲದು. ಇದು ಹೆಡೆ ಬಿಚ್ಚಿ ಬುಸುಗುಟ್ಟಿದರೆ ದೊಡ್ಡ ಪ್ರಾಣಿಗಳೂ ಬೆಚ್ಚಿಬೀಳುತ್ತವೆ. ಇದರ ವಿಷ ನೇರವಾಗಿ ನರಮಂಡಲದ ಮೇಲೆ ದಾಳಿ ಮಾಡುತ್ತದೆ.

ಗೂಗಲ್‌ನಿಂದ 5ಟಿಬಿ ಸ್ಟೋರೇಜ್ ಸಂಪೂರ್ಣ ಉಚಿತ, ಪಡೆಯುವುದು ಹೇಗೆ?

Chethan Kumar — Mon, 06 Apr 2026 16:05:40 +0530

ಗೂಗಲ್‌ನಿಂದ 5ಟಿಬಿ ಸ್ಟೋರೇಜ್ ಸಂಪೂರ್ಣ ಉಚಿತ, ಪಡೆಯುವುದು ಹೇಗೆ?, ಸ್ಮಾರ್ಟ್‌ಫೋನ್ ಬಳಕೆ ಹೆಚ್ಚಾಗತ್ತಿದ್ದಂತೆ ಸ್ಟೋರೇಜ್ ಎಷ್ಟಿದ್ದರೂ ಸಾಲುವುದಿಲ್ಲ. ಇದೀಗ ಗೂಗಲ್ ನೀಡಿದ ಈ ಆಫರ್ ಗಿಟ್ಟಿಸಿಕೊಳ್ಳುವುದು ಹೇಗೆ?

ಫೋನ್‌ನಲ್ಲಿನ ಫೋಟೋ, ವಿಡಿಯೋ,ಡಾಕ್ಯುಮೆಂಟ್ ಕ್ಲೌಡ್‌ನಲ್ಲಿ ಸ್ಟೋರ್ ಆಗುವ ಕಾರಣ ಬಹುಬೇಗ ಸ್ಟೋರೇಜ್ ಸಮಸ್ಯೆ ಎದುರಾಗುತ್ತದೆ. ಫೋನ್ ಸ್ಟೋರೇಜ್ ಫುಲ್, ಜಿಮೇಲ್ ಸ್ಟೋರೇಜ್ ಫುಲ್ ಸೇರಿದಂತೆ ಹಲವು ಸಮಸ್ಯೆಗಳು ಎದುರಾಗುತ್ತದೆ. ಈ ವೇಳೆ ವಾರ್ಷಿಕ ಅಥವಾ ತಿಂಗಳಿಗೆ ಕ್ಲೌಡ್ ಸ್ಟೋರೇಜ್ ಖರೀದಿ ಅನಿವಾರ್ಯವಾಗುತ್ತದೆ. ಇದೀಗ ಗೂಗಲ್ ಕೆಲ ವಿಶೇಷ ಆಫರ್ ನೀಡಿದೆ. ಈ ಮೂಲಕ ಬರೋಬ್ಬರಿ 5ಟಿಬಿ ಸ್ಟೋರೇಜ್ ಉಚಿತವಾಗಿ ಸಿಗಲಿದೆ.

ನೀವು ಗೂಗಲ್ ಎಐ ಪ್ರೋ ಪ್ಲಾನ್ ಸಬ್‌ಸ್ಕ್ರೈಬ್ ಮಾಡಿಕೊಂಡಿದ್ದರೆ, ಇದೀಗ ಅಟೋಮ್ಯಾಟಿಕ್ ಆಗಿ 5ಟಿಬಿ ಸ್ಟೋರೇಜ್ ಸಂಪೂರ್ಣ ಉಚಿತವಾಗಿ ಸಿಗಲಿದೆ. ಎಐ ಪ್ರೋ ಹಾಗೂ ಎಐ ಅಲ್ಟ್ರಾ ಚಂದಾದಾರಿಕೆ ಹೊಂದಿರುವ ಗ್ರಾಹಕರಿಗೆ 5ಟಿಬಿ ಕ್ಲೌಡ್ ಸ್ಟೋರೇಜ್ ಸಂಪೂರ್ಣ ಉಚಿತವಾಗಿ ಲಭ್ಯವಿದೆ. ಕಳೆದ ವಾರದಿಂದಲೇ ಗ್ರಾಹಕರ ಖಾತೆಗೆ 5ಟಿಬಿ ಸ್ಟೋರೇಜ್ ನೀಡಲಾಗಿದೆ.

ಗೂಗಲ್ ಎಐ ಪ್ರೊ ಪ್ಲಾನ್ ಹೊಂದಿದ್ದವರಿಗೆ 2ಟಿಬಿ ಸ್ಟೋರೇಜ್ ನೀಡುತ್ತಿತ್ತು. ಇದೀಗ 5ಟಿಬಿ ಅಪ್‌ಗ್ರೇಡ್ ಮಾಡಲಾಗಿದೆ. ಇದು ಸಂಪೂರ್ಣ ಉಚಿತವಾಗಿದೆ. ಗೂಗಲ್ ಡ್ರೈವ್, ಗೂಗಲ್ ಜಿಮೆಲ್, ಗೂಗಲ್ ಫೋಟೋಸ್ ಸೇರಿದಂತೆ ಕ್ಲೌಡ್ ಸ್ಟೋರೇಜ್ ಸ್ಪೇಸ್ ನೀಡುತ್ತದೆ. ಇದು ಆಟೋಮ್ಯಾಟಿಕ್ ಆಗಿ ನಿಮ್ಮ ಖಾತೆಗೆ ನೀಡಲಾಗಿರುತ್ತದೆ.

ಜಿಯೋ ಗ್ರಾಹಕರಿಗೆ ಇದರಲ್ಲಿ ಬಂಪರ್ ಆಫರ್ ಇದೆ. 349 ರೂಪಾಯಿ ಅಥವಾ ಅದಕ್ಕಿಂತ ಹೆಚ್ಚಿನ ರೀಚಾರ್ಜ್ ಮಾಡುವ ಗ್ರಾಹಕರಿಗೆ 18 ತಿಂಗಳ ವರೆಗೆ ಎಐ ಪ್ರೋ ಸಬ್‌ಸ್ಕ್ರಿಪ್ಶನ್ ಉಚಿತವಾಗಿ ಸಿಗಲಿದೆ. ಜಿಯೋ ಮೈ ಆ್ಯಪ್ ಮೂಲಕ ಕ್ಲೈಮ್ ಮಾಡಿ ಈ ಆಫರ್ ಪಡೆಯಲು ಸಾಧ್ಯವಿದೆ.

ಗೂಗಲ್ ಪಿಕ್ಸೆಲ್ ಫೋನ್ ಬಳಕೆದಾರರು ಅಥಾವ ಗೂಗಲ್ ಎ ಪ್ರೋ ಪ್ಲಾನ್ ಹೊಂದಿರುವವರಿಗೆ ಈ 5ಟಿಬಿ ಸ್ಟೋರೇಜ್ ಆಟೋಮ್ಯಾಟಿಕ್ ಆಗಿ ಸಿಗಲಿದೆ. ಇನ್ನು ಜಿಯೋ ಗ್ರಾಹಕರು ಆ್ಯಪ್ ಮೂಲಕ ಕ್ಲೈಮ್ ಮಾಡಿಕೊಳ್ಳಬೇಕು. ಜಿಯೋ ಆಫರ್ ಇಲ್ಲದಿದ್ದರೆ ಈ ಯೋಜನೆ ಬೆಲೆ ತಿಂಗಳಿಗೆ 1950 ರೂಪಾಯಿಯಿಂದ ವಾರ್ಷಿಕ 19500 ರೂಪಾಯಿವರೆಗೆ ಆಗಲಿದೆ.

ದುಬಾರಿ ಯೋಜನೆ ಉಚಿತ

India news live: ಡೆಲ್ಲಿ ಕ್ಯಾಪಿಟಲ್ಸ್ ಎದುರು ಗುಜರಾತ್ ಟೈಟಾನ್ಸ್ ರೋಚಕವಾಗಿ ಗೆಲ್ಲಿಸಿದ ಕನ್ನಡಿಗ ಪ್ರಸಿದ್ದ್ ಕೃಷ್ಣ!

Asianet News — Wed, 08 Apr 2026 23:49:16 +0530

ನವದೆಹಲಿ: ತಮಿಳುನಾಡಿನ ಕಲ್ಪಾಕಂ ಅಣು ವಿದ್ಯುತ್ ಸ್ಥಾವರದಲ್ಲಿನ ಸಂಪೂರ್ಣ ಸ್ವದೇಶಿ ನಿರ್ಮಿತ ಪ್ರೋಟೋಟೈಪ್ ಫಾಸ್ಟ್ ಬೀಡರ್ ರಿಯಾಕ್ಟರ್ (ಪಿಎಫ್ ಬಿಆರ್) ಇದೀಗ ನಿರ್ಣಾಯಕ ಹಂತ ತಲುಪಿದ್ದು, ಪರಮಾಣು ವಿದಳನ ಪ್ರಕ್ರಿಯೆ ಆರಂಭಿಸಿದೆ. ಇದನ್ನು ಪರಮಾಣು ವಿದ್ಯುತ್ ಉತ್ಪಾದನೆಯ ದೊಡ್ಡ ಮೈಲುಗಲ್ಲು ಎಂದೇ ಪರಿಗಣಿಸಲಾಗಿದೆ. ರಷ್ಯಾ ಬಳಿಕ ಈ ಸಾಧನೆ ಮಾಡಿದ 2ನೇ ದೇಶ ಎಂಬ ಖ್ಯಾತಿಗೆ ಭಾರತ ಪಾತ್ರವಾಗಿದೆ. ಇಂಧನ ದಹಿಸುತ್ತಲೇ ಇಂಧನ ಸೃಷ್ಟಿಸುವ ಘಟಕ ಇದಾಗಿದ್ದು, ಫಾಸ್ಟ್ ಬೀಡರ್ ಘಟಕ ಹೊಂದಿದ ವಿಶ್ವದ 2ನೇ ದೇಶ ಎಂಬ ಹೆಗ್ಗಳಿಕೆಗೆ ಭಾರತ ಪಾತ್ರವಾಗಿದೆ.

ಯಾಕೆ ಮಹತ್ವ?

ತ.ನಾಡಿನ ಕಲ್ಪಾಕಂ ಘಟಕ ಸಂಪೂರ್ಣ ಸ್ವದೇಶಿ ವಿನ್ಯಾಸ, ಮತ್ತು ಸ್ವದೇಶಿ ನಿರ್ಮಿತವಾಗಿದೆ.

ಘಟಕದಲ್ಲಿ ಯುರೇನಿಯಂ ಬಳಕೆ ಬಳಿಕ ಲಭ್ಯವಾಗುವ ಪ್ಲುಟೋನಿಯಂ ಮರು ಬಳಕೆ ಮಾಡಲಾಗುತ್ತದೆ.

ವಿದ್ಯುತ್‌ ಉತ್ಪತ್ತಿಗೆ ಕಡಿಮೆ ಯುರೇನಿಯಂ ಸಾಕಾಗುವುದು ಹಾಗೂ ತ್ಯಾಜ್ಯವೂ ಕಡಿಮೆ

ಸದ್ಯ ರಿಯಾಕ್ಟರ್‌ನಲ್ಲಿ ಅಣು ವಿದಳನ ಕ್ರಿಯೆ ಸುಸ್ಥಿರ ಹಂತಕ್ಕೆ ತಲುಪಿದೆ. ಈ ಎಲ್ಲಾ ಕಾರಣಗಳಿಂದ ಇದು ಮಹತ್ವ ಪಡೆದಿದೆ.

ನಾಸಾದ ಚಂದ್ರಯಾನದಲ್ಲಿ ಗಗನಯಾತ್ರಿಗಳ ಜೊತೆ ಬಾಹ್ಯಾಕಾಶಕ್ಕೆ ಹಾರಿದ ಭಾರತದ ಡಲ್ಕೋಫ್ಲೆಕ್ಸ್!

Gowthami K — Fri, 10 Apr 2026 15:04:27 +0530

ಹೊಸದಿಲ್ಲಿ : ಮನುಷ್ಯನನ್ನು ಮತ್ತೆ ಚಂದ್ರನ ಕಕ್ಷೆಗೆ ಕಳುಹಿಸಿದ ನಾಸಾದ ಐತಿಹಾಸಿಕ 'ಆರ್ಟೆಮಿಸ್ 2' ಬಾಹ್ಯಾಕಾಶ ಯಾನ ಇದೀಗ ಅಂತಿಮ ಹಂತದಲ್ಲಿದೆ. ಈ 10 ದಿನಗಳ ರೋಚಕ ಪಯಣದಲ್ಲಿ ಗಗನಯಾತ್ರಿಗಳ ಆರೋಗ್ಯ ಕಾಪಾಡಲು ಅವರ ಪ್ರಥಮ ಚಿಕಿತ್ಸಾ ಪೆಟ್ಟಿಗೆಯಲ್ಲಿ ಜೀರ್ಣಕ್ರಿಯೆ ಹಾಗೂ ಮಲಬದ್ಧತೆ ನಿವಾರಕ ಔಷಧ 'ಡಲ್ಕೋಲಾಕ್ಸ್' ಕೂಡ ಸ್ಥಾನ ಪಡೆದಿದೆ. ಭಾರತದಲ್ಲಿ ಈ ಔಷಧಿಯನ್ನು 'ಡಲ್ಕೋಫ್ಲೆಕ್ಸ್' ಎಂಬ ಹೆಸರಿನಿಂದ ಕರೆಯಲಾಗುತ್ತದೆ.

ಬಾಹ್ಯಾಕಾಶದಲ್ಲಿ ಮಲಬದ್ಧತೆ ಸಮಸ್ಯೆ ಕಾಡುವುದೇಕೆ?

ಬಾಹ್ಯಾಕಾಶ ಪ್ರಯಾಣ ಎಷ್ಟೇ ಅದ್ಭುತವಾಗಿದ್ದರೂ, ಅಲ್ಲಿಯೂ ಮನುಷ್ಯನ ಹೊಟ್ಟೆ ಮತ್ತು ಜೀರ್ಣಕ್ರಿಯೆ ಭೂಮಿಯ ನಿಯಮಗಳನ್ನೇ ಪಾಲಿಸುತ್ತದೆ. ಬಾಹ್ಯಾಕಾಶದಲ್ಲಿ ಗುರುತ್ವಾಕರ್ಷಣೆ ಇರುವುದಿಲ್ಲ. ಇದರಿಂದಾಗಿ ಕರುಳಿನ ಚಲನೆ ತುಂಬಾ ನಿಧಾನವಾಗುತ್ತದೆ. ಜೊತೆಗೆ ಗಗನಯಾತ್ರಿಗಳಿಗೆ ಅಲ್ಲಿ ಓಡಾಡಲು ಜಾಗ ಕಡಿಮೆ. ಹೀಗಾಗಿ ಅವರು ವಿಶೇಷ ಆಹಾರವನ್ನು ಮಾತ್ರ ಸೇವಿಸಬೇಕಾಗುತ್ತದೆ. ಇವೆಲ್ಲಾ ಕಾರಣಗಳಿಂದ ಅವರಿಗೆ ಮಲಬದ್ಧತೆ ಸಮಸ್ಯೆ ಕಾಡುವುದು ಸಾಮಾನ್ಯ. ಹೀಗಾಗಿಯೇ ನಾಸಾ ಈ ನಂಬಿಕಾರ್ಹ ಔಷಧಿಯನ್ನು ಜೊತೆಗೆ ಕಳುಹಿಸಿದೆ.

ನಾಸಾದ ಏಕೈಕ ಆಯ್ಕೆ ಡಲ್ಕೋಲಾಕ್ಸ್

ಹೊಟ್ಟೆಯುಬ್ಬರ, ಮಲಬದ್ಧತೆಯಂತಹ ಸಮಸ್ಯೆಗಳಿಂದ ಪರಿಹಾರ ನೀಡಲು ನಾಸಾದ ಪ್ರಥಮ ಚಿಕಿತ್ಸಾ ಕಿಟ್‌ನಲ್ಲಿರುವ ಏಕೈಕ ಬ್ರ್ಯಾಂಡ್ 'ಡಲ್ಕೋಲಾಕ್ಸ್' (ಭಾರತದಲ್ಲಿ ಡಲ್ಕೋಫ್ಲೆಕ್ಸ್). ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ (ಐಎಸ್‌ಎಸ್‌) ಹಲವು ದಶಕಗಳಿಂದ ಗಗನಯಾತ್ರಿಗಳು ಇದನ್ನು ಬಳಸುತ್ತಿದ್ದಾರೆ. ಇದರಲ್ಲಿರುವ 'ಬಿಸಾಕೋಡಿಲ್' ಎಂಬ ಅಂಶವು ಕರುಳಿನ ಸಹಜ ಚಲನೆಯನ್ನು ಉತ್ತೇಜಿಸಿ, ಕೇವಲ 6 ಗಂಟೆಗಳಲ್ಲಿ ನಿರಾಳತೆ ನೀಡುತ್ತದೆ. ಇದು ಚಟವಾಗುವ ಔಷಧಿ ಅಲ್ಲದೇ ಇರುವುದರಿಂದ ಇದು ಬಳಕೆಗೆ ಅತ್ಯಂತ ಸುರಕ್ಷಿತವಾಗಿದೆ.

ಈ ಬಗ್ಗೆ ಮಾತನಾಡಿರುವ ಒಪೆಲ್ಲಾ ಇಂಡಿಯಾ ಕಂಪನಿಯ ನಿರ್ದೇಶಕಿ ನೂಪುರ್ ಗುರ್ಬಕ್ಸಾನಿ, "ನಾಸಾದ ಈ ಮಹತ್ವದ ಯೋಜನೆಯಲ್ಲಿ ನಮ್ಮ ಬ್ರ್ಯಾಂಡ್ ಸೇರ್ಪಡೆಯಾಗಿರುವುದು ವೈದ್ಯರು ಮತ್ತು ಗ್ರಾಹಕರು ನಮ್ಮ ಮೇಲಿಟ್ಟಿರುವ ನಂಬಿಕೆಗೆ ಸಾಕ್ಷ, ಮನೆಯಿಂದ ಹಿಡಿದು ಬಾಹ್ಯಾಕಾಶದವರೆಗೂ, ಎಲ್ಲೆಡೆಯೂ ಪರಿಣಾಮಕಾರಿಯಾಗಿ ಕೆಲಸ ಮಾಡುವ ವಿಶ್ವಾಸಾರ್ಹ ಪರಿಹಾರಗಳನ್ನು ಒದಗಿಸುವ ನಮ್ಮ ಬದ್ಧತೆಯನ್ನು ಇದು ಎತ್ತಿ ತೋರಿಸುತ್ತದೆ,” ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ.

ಭೂಮಿಯ ಮೇಲಿರುವಾಗಲೂ ಒತ್ತಡ, ದೀರ್ಘಕಾಲದ ಪ್ರಯಾಣ ಅಥವಾ ದಿನಚರಿಯಲ್ಲಿ ಬದಲಾವಣೆಯಾದಾಗ ಜನರಿಗೆ ಮಲಬದ್ಧತೆ ಕಾಡುತ್ತದೆ. ಇಂತಹ ಸಮಯದಲ್ಲಿಯೂ ಇದು ಅತ್ಯುತ್ತಮ ಪರಿಹಾರವಾಗಿದೆ.

ಭಾರತದಲ್ಲಿಯೂ ಲಭ್ಯ 'ಡಲ್ಕೋಫ್ಲೆಕ್ಸ್'

ಭಾರತದಲ್ಲಿ 2017ರಲ್ಲಿ 'ಡಲ್ಕೋಲಾಕ್ಸ್' ಹೆಸರನ್ನು 'ಡಲ್ಕೋಫ್ಲೆಕ್ಸ್' ಎಂದು ಬದಲಾಯಿಸಲಾಯಿತು. ಪ್ರತಿಯೊಬ್ಬರ ಅಗತ್ಯಕ್ಕೆ ತಕ್ಕಂತೆ ಇದು ವಿವಿಧ ರೂಪಗಳಲ್ಲಿ ಲಭ್ಯವಿದೆ:

* 5 mg ಮಾತ್ರೆ: ರಾತ್ರಿ ಸೇವಿಸಿದರೆ 6-8 ಗಂಟೆಗಳಲ್ಲಿ ಅಂದರೆ ಬೆಳಗಾಗುವಷ್ಟರಲ್ಲಿ ಸುಗಮ ಪರಿಹಾರ ನೀಡುತ್ತದೆ.

* 5 mg ಸಪೊಸಿಟರಿ: 0 ದಿಂದ 10 ವರ್ಷದೊಳಗಿನ ಮಕ್ಕಳಿಗೆ ಇದು ಶೀಘ್ರ ಪರಿಹಾರ ನೀಡುತ್ತದೆ.

* 10 mg ಸಪೊಸಿಟರಿ : 10 ವರ್ಷ ಮೇಲ್ಪಟ್ಟವರಿಗೆ ಹಾಗೂ ವಯಸ್ಕರಿಗೆ ತಕ್ಷಣದ ಪರಿಹಾರ ನೀಡಲು ಇದು ಉಪಯುಕ್ತವಾಗಿದೆ.

ಭೂಮಿಗೆ ಸಿಗಲಿದೆ 'ಅಂತ್ಯವಿಲ್ಲದ' ವಿದ್ಯುತ್; ಜಪಾನ್‌ನಿಂದ ಚಂದ್ರನಿಗೆ ಸೌರ ಬೆಲ್ಟ್‌ ಹಾಕಲು ಪ್ಲ್ಯಾನ್

Santosh Naik — Mon, 06 Apr 2026 13:17:41 +0530

ಬೆಂಗಳೂರು (ಏ.6): ಹತ್ತು ವರ್ಷಗಳ ಹಿಂದೆ, ಜಪಾನ್‌ನ ಪ್ರಸಿದ್ಧ ನಿರ್ಮಾಣ ಸಂಸ್ಥೆಯಾದ 'ಶಿಮಿಜು ಕಾರ್ಪೊರೇಷನ್' (Shimizu Corporation) ಚಂದ್ರನ ಸಮಭಾಜಕ ವೃತ್ತದ ಸುತ್ತಲೂ ಬೃಹತ್ ಸೌರ ಫಲಕಗಳ ಪಟ್ಟಿಯನ್ನು ನಿರ್ಮಿಸುವ ಯೋಜನೆಯನ್ನು ಅನಾವರಣಗೊಳಿಸಿತ್ತು. 'ಲೂನಾ ರಿಂಗ್' (Luna Ring) ಎಂದು ಕರೆಯಲ್ಪಡುವ ಈ ಪರಿಕಲ್ಪನೆಯು ಸುಮಾರು 6,800 ಮೈಲಿ ಉದ್ದದವರೆಗೆ ಹರಡಲಿದ್ದು, ಭೂಮಿಯ ಮೇಲಿನ ಸೌರ ವಿದ್ಯುತ್ ಸ್ಥಾವರಗಳಿಗೆ ಎದುರಾಗುವ ಹವಾಮಾನ ವೈಪರೀತ್ಯ ಅಥವಾ ರಾತ್ರಿಯ ಕತ್ತಲೆಯ ಸಮಸ್ಯೆಗಳಿಲ್ಲದೆ ನಿರಂತರವಾಗಿ ವಿದ್ಯುತ್ ಉತ್ಪಾದಿಸುವ ಗುರಿ ಹೊಂದಿದೆ. 2011ರ ಫುಕುಶಿಮಾ ಪರಮಾಣು ದುರಂತದ ನಂತರ ಜಪಾನ್ ಪರ್ಯಾಯ ಇಂಧನ ಮೂಲಗಳ ಬಗ್ಗೆ ತೀವ್ರ ಆಸಕ್ತಿ ತೋರಿಸತೊಡಗಿದಾಗ ಈ ಯೋಜನೆ ಹೆಚ್ಚು ಚರ್ಚೆಗೆ ಬಂದಿತು.

ಶಿಮಿಜು ಕಾರ್ಪೊರೇಷನ್ ಪ್ರಕಾರ, ಭೂಮಿಯ ಮೇಲೆ ಉತ್ಪಾದಿಸುವ ಸೌರಶಕ್ತಿಗಿಂತ ಬಾಹ್ಯಾಕಾಶದಲ್ಲಿ ಅಳವಡಿಸಲಾದ ಸಮಾನ ಪ್ರಮಾಣದ ಸೌರ ಫಲಕಗಳು 20 ಪಟ್ಟು ಹೆಚ್ಚು ಶಕ್ತಿಯನ್ನು ಉತ್ಪಾದಿಸಬಲ್ಲವು. ಚಂದ್ರನ ಸಮಭಾಜಕದಲ್ಲಿ ಸೌರ ಕಿರಣಗಳನ್ನು ತಡೆಯಲು ವಾತಾವರಣವಿಲ್ಲ, ಮೋಡಗಳಿಲ್ಲ ಮತ್ತು ಸೂರ್ಯನ ಬೆಳಕು ಬೀಳುವ ಭಾಗದಲ್ಲಿ ರಾತ್ರಿಯೇ ಇರುವುದಿಲ್ಲ. ಅಂದರೆ ಈ ವ್ಯವಸ್ಥೆಯು ದಿನದ 24 ಗಂಟೆಯೂ ನಿರಂತರವಾಗಿ ಕೆಲಸ ಮಾಡಬಲ್ಲದು.

"ಚಂದ್ರನ ಫಲಕಗಳಿಂದ ಬರುವ ಎಲ್ಲಾ ಶಕ್ತಿಯು ಭೂಮಿಯನ್ನು ತಲುಪಿದರೆ, ನಮಗೆ ಕಲ್ಲಿದ್ದಲು, ತೈಲ ಅಥವಾ ಜೈವಿಕ ಇಂಧನಗಳನ್ನು ಸುಡುವ ಅಗತ್ಯವೇ ಇರುವುದಿಲ್ಲ," ಎಂದು ಶಿಮಿಜು ಸಂಸ್ಥೆಯ ಬಾಹ್ಯಾಕಾಶ ಸಲಹಾ ಗುಂಪಿನ ಅಧ್ಯಕ್ಷ ಟೆಟ್ಸುಜಿ ಯೋಶಿದಾ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಚಂದ್ರನಿಂದ ನಿಮ್ಮ ಮನೆಗೆ ವಿದ್ಯುತ್ ತಲುಪುವುದು ಹೇಗೆ?

ಲೂನಾ ರಿಂಗ್ ಭೂಮಿಯ ಮೇಲಿನ ಸೌರಶಕ್ತಿಯ ದೊಡ್ಡ ಸಮಸ್ಯೆಯಾದ 'ಅಸ್ಥಿರತೆ'ಯನ್ನು (Intermittency) ಹೋಗಲಾಡಿಸುತ್ತದೆ. ಚಂದ್ರನಲ್ಲಿ ವಾತಾವರಣವಿಲ್ಲದ ಕಾರಣ ಸೂರ್ಯನ ಕಿರಣಗಳಿಗೆ ಯಾವುದೇ ಅಡೆತಡೆಯಿಲ್ಲ. ಚಂದ್ರನ ಸಮಭಾಜಕದ ಒಂದು ಭಾಗವು ಯಾವಾಗಲೂ ಸೂರ್ಯನ ಬೆಳಕಿನಲ್ಲಿರುತ್ತದೆ, ಇದು 24 ಗಂಟೆಗಳ ವಿದ್ಯುತ್ ಉತ್ಪಾದನೆಗೆ ಅನುವು ಮಾಡಿಕೊಡುತ್ತದೆ.

ಚಂದ್ರನ ಸಮಭಾಜಕದಲ್ಲಿರುವ ಸೌರ ಕೋಶಗಳು ಸೂರ್ಯನ ಬೆಳಕನ್ನು ವಿದ್ಯುತ್ ಆಗಿ ಪರಿವರ್ತಿಸುತ್ತವೆ. ಕೇಬಲ್‌ಗಳ ಮೂಲಕ ಈ ವಿದ್ಯುತ್ ಅನ್ನು ಚಂದ್ರನ 'ಹತ್ತಿರದ ಭಾಗಕ್ಕೆ' (Near side - ಭೂಮಿಗೆ ಯಾವಾಗಲೂ ಕಾಣಿಸುವ ಭಾಗ) ತರಲಾಗುತ್ತದೆ. ಅಲ್ಲಿರುವ ಟ್ರಾನ್ಸ್‌ಮಿಷನ್ ಸೌಲಭ್ಯಗಳು ವಿದ್ಯುತ್ ಅನ್ನು ಮೈಕ್ರೋವೇವ್ ಕಿರಣಗಳು ಮತ್ತು ಹೆಚ್ಚಿನ ಶಕ್ತಿಯ ಲೇಸರ್ ಆಗಿ ಪರಿವರ್ತಿಸಿ ಭೂಮಿಯತ್ತ ಹಾಯಿಸುತ್ತವೆ. ಭೂಮಿಯ ಮೇಲೆ 'ರೆಕ್ಟೆನ್ನಾಸ್' (Rectennas) ಎಂಬ ವಿಶೇಷ ಆಂಟೆನಾಗಳು ಈ ಕಿರಣಗಳನ್ನು ಸೆರೆಹಿಡಿದು ಮತ್ತೆ ವಿದ್ಯುತ್ ಆಗಿ ಪರಿವರ್ತಿಸಿ ಗ್ರಿಡ್‌ಗೆ ಪೂರೈಸುತ್ತವೆ. ಈ ವ್ಯವಸ್ಥೆಯನ್ನು ಬಳಸಿ ಹೈಡ್ರೋಜನ್ ಇಂಧನವನ್ನು ತಯಾರಿಸುವ ಮತ್ತು ಪಳೆಯುಳಿಕೆ ಇಂಧನ ಮುಕ್ತ ಸಮಾಜವನ್ನು ನಿರ್ಮಿಸುವ ಗುರಿಯನ್ನು ಶಿಮಿಜು ಹೊಂದಿದೆ.

ರೋಬೋಟ್‌ಗಳು ಮತ್ತು ಚಂದ್ರನ ಮಣ್ಣು: ವಿಶಿಷ್ಟ ನಿರ್ಮಾಣ ಯೋಜನೆ

ಚಂದ್ರನ ಮೇಲೆ ಏನನ್ನಾದರೂ ನಿರ್ಮಿಸುವುದು ಅತ್ಯಂತ ಕಷ್ಟಕರ. ಆದ್ದರಿಂದ ಶಿಮಿಜು ಸಂಪೂರ್ಣವಾಗಿ ರೋಬೋಟ್‌ಗಳ ಮೇಲೆ ಅವಲಂಬಿತವಾಗಲು ಯೋಜಿಸಿದೆ. ಈ ರೋಬೋಟ್‌ಗಳನ್ನು ಭೂಮಿಯಿಂದಲೇ 24 ಗಂಟೆಗಳ ಕಾಲ ನಿಯಂತ್ರಿಸಲಾಗುತ್ತದೆ. ಭೂಮಿಯನ್ನು ಸಮತಟ್ಟು ಮಾಡುವುದು, ಉತ್ಖನನ ಮತ್ತು ಉಪಕರಣಗಳ ಜೋಡಣೆಯನ್ನು ಇವೇ ಮಾಡುತ್ತವೆ. ಗಗನಯಾತ್ರಿಗಳ ಸಣ್ಣ ತಂಡವು ಇವುಗಳಿಗೆ ಪೂರಕವಾಗಿ ಕೆಲಸ ಮಾಡುತ್ತದೆ.

ನಿರ್ಮಾಣಕ್ಕೆ ಬೇಕಾದ ಹೆಚ್ಚಿನ ವಸ್ತುಗಳನ್ನು ಚಂದ್ರನ ಮೇಲೆಯೇ ಪಡೆಯಲಾಗುತ್ತದೆ. ಚಂದ್ರನ ಮಣ್ಣನ್ನು ಬಳಸಿ ನೀರು, ಆಮ್ಲಜನಕ, ಕಾಂಕ್ರೀಟ್, ಸೆರಾಮಿಕ್ಸ್ ಮತ್ತು ಸೌರ ಕೋಶಗಳನ್ನು ಸಹ ತಯಾರಿಸಬಹುದು. ಸ್ವಯಂ ಚಾಲಿತ ಉತ್ಪಾದನಾ ಘಟಕಗಳು ಚಂದ್ರನ ಸಮಭಾಜಕದ ಉದ್ದಕ್ಕೂ ಚಲಿಸುತ್ತಾ ಸೌರ ಕೋಶಗಳನ್ನು ತಯಾರಿಸಿ ಅಳವಡಿಸುತ್ತಾ ಹೋಗುತ್ತವೆ. ಈ ಸೌರ ಪಟ್ಟಿಯು ಕೆಲವು ಕಿಲೋಮೀಟರ್‌ನಿಂದ ಹಿಡಿದು 400 ಕಿಲೋಮೀಟರ್‌ವರೆಗೂ ಅಗಲವಾಗಿರಬಹುದು.

ಹಣಕಾಸಿನ ಸವಾಲು ಮತ್ತು ತಾಂತ್ರಿಕ ಅಡೆತಡೆಗಳು

ಎಲ್ಲವೂ ಆಕರ್ಷಕವಾಗಿದ್ದರೂ, ಈ ಯೋಜನೆಗೆ ಇರುವ ದೊಡ್ಡ ಅಡೆತಡೆ ಎಂದರೆ 'ಹಣ'. ಜಪಾನ್‌ನ ಎನರ್ಜಿ ಎಕನಾಮಿಕ್ಸ್ ಸಂಸ್ಥೆಯ ಅರ್ಥಶಾಸ್ತ್ರಜ್ಞ ಮಸಾನೋರಿ ಕೊಮೊರಿ ಪ್ರಕಾರ, ಈ ಯೋಜನೆ ಸಿದ್ಧಾಂತದಲ್ಲಿ ಚೆನ್ನಾಗಿದ್ದರೂ ಪ್ರಾಯೋಗಿಕವಾಗಿ ಅತೀ ಹೆಚ್ಚು ವೆಚ್ಚದಾಯಕ. ಇದರ ಬದಲು ಭೂಮಿಯಲ್ಲೇ ಲಭ್ಯವಿರುವ ಭೂಶಾಖದ (Geothermal) ಇಂಧನಕ್ಕೆ ಆದ್ಯತೆ ನೀಡುವುದು ಉತ್ತಮ ಎಂಬುದು ಅವರ ವಾದ. ಖುದ್ದು ಯೋಶಿದಾ ಅವರ ಬಳಿಯೂ ಈ ಯೋಜನೆಗೆ ತಗಲುವ ನಿಖರ ವೆಚ್ಚದ ಅಂದಾಜಿಲ್ಲ. 2,38,855 ಮೈಲಿಗಳಷ್ಟು ದೂರಕ್ಕೆ ಗಿಗಾವಾಟ್ ಪ್ರಮಾಣದ ವಿದ್ಯುತ್ ಅನ್ನು ಕರಾರುವಾಕ್ಕಾಗಿ ರವಾನಿಸುವ ತಂತ್ರಜ್ಞಾನ ಇನ್ನೂ ಸಂಶೋಧನಾ ಹಂತದಲ್ಲಿದೆ.

ಪ್ರಸ್ತುತ ಸ್ಥಿತಿ ಏನು?

2011ರ ದಾಖಲೆಗಳ ಪ್ರಕಾರ, ಲೂನಾ ರಿಂಗ್ ಶಿಮಿಜು ವೆಬ್‌ಸೈಟ್‌ನಲ್ಲಿ ಕೇವಲ ಒಂದು ಕಾಲ್ಪನಿಕ ಯೋಜನೆಯಾಗಿ ಉಳಿದಿದೆ. ಇದಕ್ಕೆ ಯಾವುದೇ ಅಧಿಕೃತ ಧನಸಹಾಯವಾಗಲಿ ಅಥವಾ ಜಪಾನ್‌ನ ಜಕ್ಸಾ (JAXA) ಅಥವಾ ಅಮೆರಿಕದ ನಾಸಾ (NASA) ಸಂಸ್ಥೆಗಳಿಂದ ಅಧಿಕೃತ ಅನುಮೋದನೆಯಾಗಲಿ ಸಿಕ್ಕಿಲ್ಲ. ಆದರೆ, ಫುಕುಶಿಮಾ ದುರಂತದ ನಂತರ ಇಂತಹ ಅಸಾಮಾನ್ಯ ಪರ್ಯಾಯಗಳ ಬಗ್ಗೆ ಚರ್ಚೆಗಳು ನಡೆಯುತ್ತಲೇ ಇವೆ. ಯೋಶಿದಾ ಅವರು ಮಾತ್ರ ವಿಶ್ವಾಸ ಕಳೆದುಕೊಂಡಿಲ್ಲ. "ನಾವು ಸಂಶೋಧನೆಯನ್ನು ಮುಂದುವರಿಸಿದರೆ, ಇದು ವಾಸ್ತವವಾಗುವ ದೊಡ್ಡ ಅವಕಾಶವಿದೆ," ಎನ್ನುತ್ತಾರೆ ಅವರು. ಬಾಹ್ಯಾಕಾಶದ ಅನಂತ ಸೂರ್ಯನ ಬೆಳಕನ್ನು ಬಳಸಿಕೊಳ್ಳುವ ಈ ಕನಸು ನನಸಾದರೆ, ಭೂಮಿಯ ಇಂಧನ ಬಿಕ್ಕಟ್ಟು ಶಾಶ್ವತವಾಗಿ ಪರಿಹಾರವಾಗುವುದರಲ್ಲಿ ಸಂಶಯವಿಲ್ಲ.

ನಾಸಾ Artemis 2 ಕಂಡ ಅಪರೂಪದ ಸೂರ್ಯಗ್ರಹಣ; ಮಾನವ ಇತಿಹಾಸದಲ್ಲೇ ಮೊದಲು ಇಂತಹ ದೃಶ್ಯ!

Santosh Naik — Tue, 07 Apr 2026 19:35:32 +0530

ವಾಷಿಂಗ್ಟನ್‌ (ಏ.7): ನಾಸಾದ 'ಆರ್ಟೆಮಿಸ್ II' ಚಂದ್ರಯಾನ ಮಿಷನ್‌ನಲ್ಲಿರುವ ನಾಲ್ವರು ಗಗನಯಾತ್ರಿಗಳು ಮಾನವ ಇತಿಹಾಸದಲ್ಲೇ ಹಿಂದೆಂದೂ ಕಾಣದ ಅದ್ಭುತ ದೃಶ್ಯವೊಂದಕ್ಕೆ ಸಾಕ್ಷಿಯಾಗಿದ್ದಾರೆ. ಚಂದ್ರನ ಮೇಲ್ಮೈಯಿಂದ ಕೆಲವೇ ಸಾವಿರಾರು ಮೈಲುಗಳ ಎತ್ತರದಲ್ಲಿರುವ 'ಓರಿಯನ್' ಕ್ಯಾಪ್ಸುಲ್‌ನಿಂದ ಅವರು 'ಪೂರ್ಣ ಸೂರ್ಯಗ್ರಹಣ'ವನ್ನು ವೀಕ್ಷಿಸಿದ್ದಾರೆ. ಭೂಮಿಯ ಮೇಲಿಂದ ನಾವು ನೋಡುವ ಸೂರ್ಯಗ್ರಹಣಕ್ಕೂ, ಬಾಹ್ಯಾಕಾಶದಿಂದ ಕಂಡ ಈ ಗ್ರಹಣಕ್ಕೂ ಬಹಳ ವ್ಯತ್ಯಾಸವಿದೆ. ಭೂಮಿಯ ಮೇಲೆ ಸೂರ್ಯಗ್ರಹಣವು ಕೇವಲ ಕೆಲವೇ ನಿಮಿಷಗಳ ಕಾಲ ನಡೆಯುತ್ತದೆ. ಆದರೆ, ಓರಿಯನ್ ನೌಕೆಯಲ್ಲಿದ್ದ ಗಗನಯಾತ್ರಿಗಳಿಗೆ ಈ ಗ್ರಹಣವು ಬರೋಬ್ಬರಿ 57 ನಿಮಿಷಗಳ ಕಾಲ (ರಾತ್ರಿ 8:35 ರಿಂದ 9:32 ರವರೆಗೆ EDT) ಸಂಭವಿಸಿದೆ.

ಈ ದೃಶ್ಯವನ್ನು ವರ್ಣಿಸಲು ಪದಗಳೇ ಸಾಲದು ಎಂದು ಗಗನಯಾತ್ರಿ ವಿಕ್ಟರ್ ಗ್ಲೋವರ್ ಮಿಷನ್ ಕಂಟ್ರೋಲ್ ಕೇಂದ್ರಕ್ಕೆ ತಿಳಿಸಿದ್ದಾರೆ. "ಸೂರ್ಯನು ಚಂದ್ರನ ಹಿಂದೆ ಮರೆಯಾದಾಗ, ಚಂದ್ರನು ಕಪ್ಪು ಗೋಳದಂತೆ ಕಾಣುತ್ತಿದ್ದ. ಈ ದೃಶ್ಯವನ್ನು ನೋಡಲು ಮಾನವನ ಮೆದುಳು ಇನ್ನೂ ಹೊಂದಿಕೊಂಡಿಲ್ಲವೇನೋ ಎನಿಸುತ್ತದೆ. ಇದು ಹೇಳಲು ಅಸಾಧ್ಯವಾದ ಅದ್ಭುತ ಅನುಭವ," ಎಂದು ಮತ್ತೊಬ್ಬ ಗಗನಯಾತ್ರಿ ರೀಡ್ ವೈಸ್‌ಮನ್ ಬಣ್ಣಿಸಿದ್ದಾರೆ.

ಈ ಕೇವಲ ವೀಕ್ಷಣೆ ಮಾತ್ರವಲ್ಲದೆ, ವಿಜ್ಞಾನದ ದೃಷ್ಟಿಯಿಂದಲೂ ಇದು ಬಹಳ ಮುಖ್ಯವಾಗಿತ್ತು. ಸೂರ್ಯನ ಸುತ್ತಲಿರುವ ಬೆಂಕಿಯಂತಹ ವಾತಾವರಣದ (ಕರೋನಾ) ಕಿರೀಟದಂತಹ ರಚನೆಗಳನ್ನು ಸ್ಪಷ್ಟವಾಗಿ ವೀಕ್ಷಿಸಲು ಸಾಧ್ಯವಾಯಿತು. ಇದು ಸೂರ್ಯನ ಕಾಂತೀಯ ಕ್ಷೇತ್ರದ ಚಟುವಟಿಕೆಗಳನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಚಂದ್ರನ ಮೇಲ್ಮೈಯಿಂದ ವಿದ್ಯುದಾವೇಶದ ಮೂಲಕ ಧೂಳಿನ ಕಣಗಳು ಮೇಲಕ್ಕೆ ಏಳುವುದನ್ನು (levitation) ಗಮನಿಸಲು ಗಗನಯಾತ್ರಿಗಳು ಪ್ರಯತ್ನಿಸಿದರು. ಚಂದ್ರನ ಮೇಲೆ ಮುಂದಿನ ದಿನಗಳಲ್ಲಿ ನೆಲೆಸಲು ಈ ಧೂಳಿನ ಅಧ್ಯಯನ ಬಹಳ ಮುಖ್ಯ.

ಸೂರ್ಯಗ್ರಹಣದ ಸಮಯದಲ್ಲಿ ಚಂದ್ರನ ಮೇಲೆ ಮೈಕ್ರೋ-ಮೀಟರಾಯ್ಡ್‌ಗಳು (ಚಿಕ್ಕ ಉಲ್ಕೆಗಳು) ಅಪ್ಪಳಿಸಿದಾಗ ಉಂಟಾಗುವ ಮಿಂಚುಗಳನ್ನು ಗಮನಿಸಲಾಯಿತು. ಗಗನಯಾತ್ರಿಗಳು ಅಂತಹ ಕನಿಷ್ಠ ಐದು ಘಟನೆಗಳನ್ನು ದಾಖಲಿಸಿದ್ದಾರೆ.

View this post on Instagram

A post shared by The White House (@whitehouse)

ಬಾಹ್ಯಾಕಾಶದ ಇತರ ದೃಶ್ಯಗಳು

ಗ್ರಹಣದ ಅವಧಿಯಲ್ಲಿ ಗಗನಯಾತ್ರಿಗಳಿಗೆ ಸೌರವ್ಯೂಹದ ಇತರ ಗ್ರಹಗಳಾದ ಶುಕ್ರ, ಮಂಗಳ, ಶನಿ ಮತ್ತು ಬುಧ ಗ್ರಹಗಳು ಸ್ಪಷ್ಟವಾಗಿ ಗೋಚರಿಸಿದ್ದವು. ಅಲ್ಲದೆ, ಅಂತರ್-ಗ್ರಹಗಳ ಧೂಳಿನಿಂದ ಪ್ರತಿಫಲಿಸುವ 'ರಾಶಿಯ ಬೆಳಕನ್ನು' (Zodiacal light) ಕೂಡ ಅವರು ಸೆರೆಹಿಡಿದಿದ್ದಾರೆ. ಬೇಸರದ ಸಂಗತಿಯೆಂದರೆ, ಈ ಗ್ರಹಣದ ವೇಳೆ ಕಾಣಿಸಿಕೊಳ್ಳುತ್ತದೆ ಎಂದು ನಿರೀಕ್ಷಿಸಲಾಗಿದ್ದ 'C/2026 A1 (MAPS)' ಎಂಬ ಧೂಮಕೇತು, ಏಪ್ರಿಲ್ 4 ರಂದು ಸೂರ್ಯನ ಹತ್ತಿರಕ್ಕೆ ಬಂದಾಗ ನಾಶವಾಗಿದ್ದರಿಂದ ಗಗನಯಾತ್ರಿಗಳಿಗೆ ಅದನ್ನು ನೋಡಲು ಸಾಧ್ಯವಾಗಲಿಲ್ಲ.

ಸುಮಾರು ಒಂದು ಗಂಟೆಯ ಸುದೀರ್ಘ ಅವಧಿಯ ನಂತರ, ಚಂದ್ರನ ಮರೆಯಿಂದ ಸೂರ್ಯನು ಮತ್ತೆ ಹೊರಬರುತ್ತಿದ್ದಂತೆ ಆ ಭವ್ಯ ದೃಶ್ಯಕ್ಕೆ ತೆರೆ ಬಿದ್ದಿತು. ನಾಸಾದ ಆರ್ಟೆಮಿಸ್ II ಮಿಷನ್‌ನಲ್ಲಿರುವ ರೀಡ್ ವೈಸ್‌ಮನ್, ವಿಕ್ಟರ್ ಗ್ಲೋವರ್, ಕ್ರಿಸ್ಟಿನಾ ಕೋಚ್ ಮತ್ತು ಕೆನಡಾದ ಜೆರೆಮಿ ಹ್ಯಾನ್ಸನ್ ಅವರು ನಡೆಸಿದ ಈ ವೈಜ್ಞಾನಿಕ ವೀಕ್ಷಣೆಗಳು, ಚಂದ್ರನ ಅನ್ವೇಷಣೆಯಲ್ಲಿ ಹೊಸ ಮೈಲಿಗಲ್ಲಾಗಿ ಉಳಿಯಲಿವೆ.

Artemis II: ಚಂದ್ರನತ್ತ ಮೂರನೇ ಎರಡರಷ್ಟು ದಾರಿ ಪೂರ್ಣ; ಇತಿಹಾಸ ನಿರ್ಮಿಸಲು ಗಗನಯಾತ್ರಿಗಳ ತಯಾರಿ! (ವಿಡಿಯೋ)

Ravi Janekal — Sun, 05 Apr 2026 12:58:11 +0530

ನಾಸಾದ ಮಹತ್ವಾಕಾಂಕ್ಷೆಯ ಆರ್ಟೆಮಿಸ್ II ನೌಕೆಯು ಚಂದ್ರನತ್ತ ತನ್ನ ಪ್ರಯಾಣದ 'ಮೂರನೇ ಎರಡರಷ್ಟು' ದೂರವನ್ನು ಭಾನುವಾರ ಕ್ರಮಿಸಿದೆ ಎಂದು ನಾಸಾ ತಿಳಿಸಿದೆ. ನಾಲ್ಕನೇ ದಿನದ ಪ್ರಯಾಣದಲ್ಲಿ ಈ ಮೈಲಿಗಲ್ಲು ತಲುಪಲಾಗಿದೆ. ಈ ಬಗ್ಗೆ ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿರುವ ನಾಸಾ, 'ಆರ್ಟೆಮಿಸ್ II ಚಂದ್ರನತ್ತ ತನ್ನ ಪ್ರಯಾಣದ ಮೂರನೇ ಎರಡರಷ್ಟು ದೂರವನ್ನು ತಲುಪಿದೆ. ನಾಲ್ಕನೇ ದಿನದಂದು, ಓರಿಯನ್ ನೌಕೆಯಲ್ಲಿರುವ ಗಗನಯಾತ್ರಿಗಳು ಚಂದ್ರನ ಸಮೀಪ ಹಾರಾಟದ ವೇಳೆ ಅಧ್ಯಯನ ನಡೆಸುವ ಯೋಜನೆಗಳನ್ನು ಪರಿಶೀಲಿಸುತ್ತಿದ್ದಾರೆ. ಸದ್ಯಕ್ಕೆ, ಅವರು ನೌಕೆಯನ್ನು ಮ್ಯಾನುವಲ್ ಆಗಿ ನಿಯಂತ್ರಿಸುವ ಅಭ್ಯಾಸ ಮಾಡುತ್ತಿದ್ದಾರೆ' ಎಂದು ತಿಳಿಸಿದೆ.

Artemis II just hit the "two thirds" mark of the journey to the Moon.During Flight Day 4, the astronauts aboard Orion went over plans to study the Moon during their upcoming lunar flyby and are currently practicing manually controlling the spacecraft. pic.twitter.com/TU0ftZAekT

— NASA Artemis (@NASAArtemis) April 5, 2026

ಆರ್ಟೆಮಿಸ್ II ನೌಕೆಯಲ್ಲಿರುವ ಗಗನಯಾತ್ರಿ ರೀಡ್ ವೈಸ್‌ಮನ್, ಈ ಅದ್ಭುತ ಅನುಭವವನ್ನು ವಿವರಿಸಲು "ಮಾತುಗಳೇ ಇಲ್ಲ," ಎಂದು ಬರೆದುಕೊಂಡಿದ್ದಾರೆ.

There are no words. pic.twitter.com/W7JRAN8JeJ

— Reid Wiseman (@astro_reid) April 5, 2026

ಐತಿಹಾಸಿಕ ಚಂದ್ರನ ಸುತ್ತಾಟ

ಶನಿವಾರ, ಆರ್ಟೆಮಿಸ್ II ಗಗನಯಾತ್ರಿಗಳು ತಮ್ಮ ಐತಿಹಾಸಿಕ ಚಂದ್ರನ ಸುತ್ತಾಟವನ್ನು ಆರಂಭಿಸಿದ್ದಾರೆ. ಈ ಮೂಲಕ ಅಪೊಲೊ ಗಗನಯಾತ್ರಿಗಳಿಗಿಂತಲೂ ಹೆಚ್ಚು ದೂರ ಬಾಹ್ಯಾಕಾಶಕ್ಕೆ ಇವರು ಸಾಗಲಿದ್ದಾರೆ. ಈ ತಂಡದಲ್ಲಿ ಮೂವರು ಅಮೆರಿಕನ್ನರು ಮತ್ತು ಒಬ್ಬ ಕೆನಡಾದ ಗಗನಯಾತ್ರಿ ಇದ್ದಾರೆ. ಸೋಮವಾರದಂದು ಇವರು ತಮ್ಮ ಗುರಿಯನ್ನು ತಲುಪಲಿದ್ದು, ಚಂದ್ರನ ಹಿಂಭಾಗದ ಚಿತ್ರಗಳನ್ನು ಸೆರೆಹಿಡಿಯಲಿದ್ದಾರೆ. 53 ವರ್ಷಗಳ ನಂತರ ಚಂದ್ರನತ್ತ ಹೊರಟ ಮೊದಲ ಮಾನವಸಹಿತ ತಂಡ ಇದಾಗಿದೆ. ನಾಸಾದ ಅಪೊಲೊ ಕಾರ್ಯಕ್ರಮ ನಿಂತಲ್ಲಿಂದ ಈ ಯೋಜನೆ ಮುಂದುವರಿದಿದೆ ಎಂದು ಪೊಲಿಟಿಕೊ ವರದಿ ಮಾಡಿದೆ.

ಭೂಮಿಯಿಂದ 2,52,000 ಮೈಲಿಗಳಿಗಿಂತ ಹೆಚ್ಚು ದೂರ ಪ್ರಯಾಣಿಸುವ ಮೂಲಕ, ಆರ್ಟೆಮಿಸ್ II ಮಾನವಸಹಿತ ಅತಿ ದೂರದ ಪ್ರಯಾಣದ ದಾಖಲೆಯನ್ನು ಮುರಿಯಲು ಸಜ್ಜಾಗಿದೆ. ಚಂದ್ರನ ಹಿಂದೆ ಒಂದು 'ಯು-ಟರ್ನ್' ತೆಗೆದುಕೊಂಡು, ಚಂದ್ರನ ಕಕ್ಷೆಗೆ ಪ್ರವೇಶಿಸದೆ ಅಥವಾ ಅಲ್ಲಿ ಇಳಿಯದೆ ನೇರವಾಗಿ ಭೂಮಿಗೆ ಮರಳಲಿದೆ. ಸದ್ಯ ಈ ದಾಖಲೆ ಅಪೊಲೊ 13 ಮಿಷನ್ ಹೆಸರಿನಲ್ಲಿದೆ.

ಅಂತಾರಾಷ್ಟ್ರೀಯ ಮತ್ತು ವೈವಿಧ್ಯಮಯ ತಂಡ

ಕೆನಡಾದ ಗಗನಯಾತ್ರಿ ಜೆರೆಮಿ ಹ್ಯಾನ್ಸೆನ್ ಚಂದ್ರನತ್ತ ಪ್ರಯಾಣಿಸುತ್ತಿದ್ದಂತೆ, ಕೆನಡಿಯನ್ ಸ್ಪೇಸ್ ಏಜೆನ್ಸಿ ಈ ಸಾಧನೆಯನ್ನು ಕೊಂಡಾಡಿದೆ. ಪೊಲಿಟಿಕೊ ಪ್ರಕಾರ, ಚಂದ್ರನತ್ತ ಹಾರಿದ ಅಮೆರಿಕದವರಲ್ಲದ ಮೊದಲ ವ್ಯಕ್ತಿ ಹ್ಯಾನ್ಸೆನ್.

ಇಂದು ಅವರು ಕೆನಡಾಕ್ಕೆ ಇತಿಹಾಸ ನಿರ್ಮಿಸುತ್ತಿದ್ದಾರೆ' ಎಂದು ಕೆನಡಿಯನ್ ಸ್ಪೇಸ್ ಏಜೆನ್ಸಿಯ ಅಧ್ಯಕ್ಷೆ ಲಿಸಾ ಕ್ಯಾಂಪ್‌ಬೆಲ್ ಹೇಳಿದ್ದಾರೆ. 'ಅವರು ಈ ಧೈರ್ಯದ ಹೆಜ್ಜೆಯನ್ನು ಇಡುತ್ತಿರುವುದನ್ನು ನೋಡುವಾಗ, ಕೆನಡಾದ ಭವಿಷ್ಯವನ್ನು ದೊಡ್ಡ ಕನಸು ಕಾಣುವವರು ಬರೆಯುತ್ತಾರೆ ಎಂಬುದು ನಮಗೆ ನೆನಪಾಗಲಿ' ಎಂದು ಅವರು ಕ್ವಿಬೆಕ್‌ನಿಂದ ಮಾತನಾಡುತ್ತಾ ಹೇಳಿದರು.

1972ರ ಅಪೊಲೊ 17ರ ಮೂವರು ಸದಸ್ಯರ ತಂಡದ ನಂತರ, ಹ್ಯಾನ್ಸೆನ್, ರೀಡ್ ವೈಸ್‌ಮನ್, ವಿಕ್ಟರ್ ಗ್ಲೋವರ್ ಮತ್ತು ಕ್ರಿಸ್ಟಿನಾ ಕೋಕ್ ಚಂದ್ರನತ್ತ ಪ್ರಯಾಣಿಸಿದ ವಿಶ್ವದ ಮೊದಲ ಗಗನಯಾತ್ರಿಗಳಾಗಿದ್ದಾರೆ. ಪೊಲಿಟಿಕೊ ವರದಿ ಪ್ರಕಾರ, ಚಂದ್ರನತ್ತ ಪ್ರಯಾಣಿಸಿದ ಮೊದಲ ಮಹಿಳೆ ಕ್ರಿಸ್ಟಿನಾ ಕೋಕ್ ಮತ್ತು ಮೊದಲ ಕರಿಯ ವ್ಯಕ್ತಿ ವಿಕ್ಟರ್ ಗ್ಲೋವರ್ ಆಗಿದ್ದಾರೆ.

ಆರ್ಟೆಮಿಸ್ ಕಾರ್ಯಕ್ರಮದ ಭವಿಷ್ಯ

ಏಪ್ರಿಲ್ 10 ರಂದು ಪೆಸಿಫಿಕ್ ಸಾಗರದಲ್ಲಿ ಇಳಿಯುವುದರೊಂದಿಗೆ ಈ ಮಿಷನ್ ಕೊನೆಗೊಳ್ಳಲಿದೆ. ಚಂದ್ರನ ಮೇಲೆ ಸುಸ್ಥಿರ ನೆಲೆಯನ್ನು ಸ್ಥಾಪಿಸುವ ನಾಸಾದ ಮಹತ್ವಾಕಾಂಕ್ಷೆಯ ಯೋಜನೆಗಳ ಮೊದಲ ಹೆಜ್ಜೆ ಇದಾಗಿದೆ. 2028ರ ವೇಳೆಗೆ ಚಂದ್ರನ ದಕ್ಷಿಣ ಧ್ರುವದ ಬಳಿ ಇಬ್ಬರು ಗಗನಯಾತ್ರಿಗಳನ್ನು ಇಳಿಸುವ ಗುರಿಯನ್ನು ಈ ಬಾಹ್ಯಾಕಾಶ ಸಂಸ್ಥೆ ಹೊಂದಿದೆ. (ANI)

(ಈ ಸುದ್ದಿಯ ಹೆಡ್‌ಲೈನ್ ಹೊರತುಪಡಿಸಿ, ಉಳಿದ ವಿವರಗಳನ್ನು ಏಷ್ಯಾನೆಟ್ ನ್ಯೂಸಬಲ್ ಇಂಗ್ಲಿಷ್ ಸಿಬ್ಬಂದಿ ಸಂಪಾದಿಸಿಲ್ಲ ಮತ್ತು ಸಿಂಡಿಕೇಟೆಡ್ ಫೀಡ್‌ನಿಂದ ಪ್ರಕಟಿಸಲಾಗಿದೆ.)

ಅಕ್ಕಿಯಿಂದ ಸ್ಮಾರ್ಟ್‌ ಮೆಟಿರಿಯಲ್ ಅಭಿವೃದ್ಧಿಪಡಿಸಿದ ವಿಜ್ಞಾನಿಗಳ ತಂಡ, ದುಪ್ಪಟ್ಟಾಗಲಿದೆ ಬೇಡಿಕೆ

Chethan Kumar — Sun, 05 Apr 2026 18:18:08 +0530

ಅಕ್ಕಿಯಿಂದ ಸ್ಮಾರ್ಟ್‌ ಮೆಟಿರಿಯಲ್ ಅಭಿವೃದ್ಧಿಪಡಿಸಿದ ವಿಜ್ಞಾನಿಗಳ ತಂಡ, ದುಪ್ಪಟ್ಟಾಗಲಿದೆ ಬೇಡಿಕೆ, ಏನಿದು ಸ್ಮಾರ್ಟ್ ಮೆಟಿರಿಯಲ್ ಇದರ ಉಪಯೋಗವೇನು? ಇನ್ನು ಅಕ್ಕಿ ಬೇಡಿಕೆ ದುಪ್ಪಟ್ಟಾಗುವ ಸಾಧ್ಯತೆ ಇದೆ.

ಭಾರತದಲ್ಲಿ ಅಕ್ಕಿ ಬಳಕೆ ಹೆಚ್ಚು. ಅನ್ನ, ಪುಲಾವ್, ಬಿರಿಯಾನಿ ಸೇರಿದಂತೆ ಒಂದು ಒಂದೊಂದು ಬಗೆಯ ಆಹಾರಗಳಿಗೆ ಬಗೆ ಬಗೆಯ ಅಕ್ಕಿ ಬಳಸಲಾಗುತ್ತದೆ. ಅಕ್ಕಿಯಿಂದ ಆಹಾರ ಖಾದ್ಯಗಳ ಬಳಕೆ ಮಾತ್ರ ಮಾಡಲಾಗುತ್ತಿತ್ತು. ಇಷ್ಟದರೂ ಬಾರಿ ಬೇಡಿಕೆ ಇರುವ ಉತ್ಪನ್ನವಾಗಿದೆ. ಇದೀಗ ಈ ಬೇಡಿಕೆ ಡಬಲ್ ಆಗಲಿದೆ. ಕಾರಣ ಇದೇ ಅಕ್ಕಿಯಿಂದ ವಿಜ್ಞಾನಿಗಳ ತಂಡ ಸ್ಮಾರ್ಟ್ ಮೆಟಿರಿಯಲ್ ತಯಾರಿಸಿದೆ. ಸೌತಾಂಪ್ಟನ್ ವಿಶ್ವವಿದ್ಯಾಲಯ ಹಾಗೂ ಯೂನಿವರ್ಸಿಟಿ ಆಫ್ ಎಡಿನ್‌ಬರ್ಗ್ ವಿಜ್ಞಾನಿಗಳು ಸಂಶೋಧನೆಯಲ್ಲಿ ಅಕ್ಕಿಯಲ್ಲಿ ಕೆಲ ಅಂಶಗಳನ್ನು ಬಳಸಿಕೊಂಡು ಭವಿಷ್ಯದಲ್ಲಿ ಅತ್ಯಂತ ಅವಶ್ಯಕವಾಗಿ ಬೇಕಾದ ಸ್ಮಾರ್ಟ್ ಮೆಟಿರಿಯಲ್ ಅಭಿವೃದ್ಧಿಪಡಿಸಿದ್ದಾರೆ.

ಅಕ್ಕಿಯಲ್ಲಿರುವ ಅಮೈಲೋಸ್ (Amylose) ಬಳಸಿಕೊಂಡು ಈ ಸಂಶೋಧನೆ ಮಾಡಿದ್ದಾರೆ. ಇದು ಬದಲಾಗುತ್ತಿರುವ ಜಗತ್ತಿನಲ್ಲಿ ಪರಿಸರ ಸ್ನೇಹಿ ಹಾಗೂ ಅತ್ಯಂತ ಕಡಿಮೆ ಬೆಲೆಯಲ್ಲಿ ತಯಾರಿಸಬಹುದಾದ ಸ್ಮಾರ್ಟ್ ಮೆರಿಯಲ್‌ಗೆ ನಾಂದಿ ಹಾಡಿದೆ. ಈ ಸಂಶೋಧನೆಯಿಂದ ಅಕ್ಕಿಯನ್ನು ಕೇವಲ ಆಹಾರವಾಗಿ ಮಾತ್ರವಲ್ಲದೆ ತಂತ್ರಜ್ಞಾನವಾಗಿ ಬಳಸಲು ಸಾಧ್ಯ ಅನ್ನೋದು ಸಾಬೀತು ಮಾಡಿದೆ.

ಅಕ್ಕಿಯಲ್ಲಿರುವ ಪಿಷ್ಠ (Starch) ಶಾಕ ಹಾಗೂ ತೇವಾಂಶಕ್ಕೆ ವ್ಯತಿರಿಕ್ತವಾಗಿ ವರ್ತಿಸುತ್ತದೆ. ಅಂದರೆ ಅಕ್ಕಿಯನ್ನು ನೆನೆ ಹಾಕಿದಾಗ ಪಿಷ್ಠದಲ್ಲಿರುವ ಅಣುಗಳು ನೀರು ಹೀರಿಕೊಂಡು ಹಿಗ್ಗುತ್ತದೆ. ಒಣಗಿಸಿದಾಗ ಸಂಕುಚಿತಗೊಳ್ಳುತ್ತದೆ. ವಿಜ್ಞಾನಿಗಳು ಪರಿಸರ ಬದಲಾವಣೆಗೆ ತಕ್ಕಂತೆ ನೈಸರ್ಗಿಕವಾಗಿ ಆಕಾರ ಬದಲಾಸಿಕೊಳ್ಳುವ ಈ ಗುಣವನ್ನು ಆಕ್ಚುಯೇಟರ್ (Actuator) ಆಗಿ ಬಳಸಿದ್ದಾರೆ.

ಅಕ್ಕಿಯ ಪಿಷ್ಠದಿಂದ ತೆಗೆದ ಅಂಶಗಳನ್ನು ಬಳಸಿಕೊಂಡು ತೆಳುವಾದ ಪದರಗಳನ್ನು ರಚಿಸಲಾಗಿದೆ. ಈ ಪದರ ತೇವಾಂಸ ಹೆಚ್ಚಾದಾಗ ಹಿಗ್ಗುತ್ತದೆ, ಗಾಳಿಯಲ್ಲಿನ ಹ್ಯೂಮಿಡಿಟಿ ಹೆಚ್ಚಾದಾಗ ಸಂಕುಚಿತಗೊಳ್ಳುತ್ತದೆ ಅಥವಾ ಬಾಗುತ್ತದೆ. ಈ ಅಂಶವನ್ನು ಸೆನ್ಸಾರ್, ಸಣ್ಣ ರೋಬೋಟ್‌ಗಳಲ್ಲಿ ಬಳಕೆ ಮಾಡಲು ಸಾಧ್ಯವಿದೆ ಅನ್ನೋದು ವಿಜ್ಞಾನಿಗಳು ಪತ್ತೆ ಹಚ್ಚಿದ್ದಾರೆ. ಇದರಿಂದ ಆಹಾರಕ್ಕೆ ಮಾತ್ರವಲ್ಲ ಇದೀಗ ಸ್ಮಾರ್ಟ್ ಮೆಟಿರಿಯಲ್ ಮಾಡಲು ಅಕ್ಕಿಯ ಅವಶ್ಯಕತೆ ಇದೆ. ಹೀಗಾಗಿ ಬೇಡಿಕೆ ಬೆಲೆ ಎರಡೂ ಹೆಚ್ಚಾಗಲಿದೆ. ರೈತರಿಗೆ ಪ್ರಯೋಜನವಾಗಲಿದೆ.

ಪರಿಸರ ಸ್ನೇಹಿ ಅಕ್ಕಿಯಿಂದ ಈ ಸ್ಮಾರ್ಟ್ ಮೆಟಿರಿಯಲ್ ತಯಾರಿಸಬಹುದು. ಇದರಿಂದ ರಾಸಾಯನಿಕ ವಸ್ತುಗಳ ಬಳಕೆ ತಪ್ಪಿಸಬಹುದು. ದುಬಾರಿ ಲೋಹ, ಸೆನ್ಸಾರ್ ಬದಲು ಅಕ್ಕಿಯ ಸ್ಮಾರ್ಟ್ ಮೆಟಿರಿಯಲ್ ಬಳಕೆ ಮಾಡಬಹುದು. ಇಷ್ಟೇ ಅಲ್ಲ ವೈದ್ಯಕೀಯ ಕ್ಷೇತ್ರದಲ್ಲೂ ಬಳಕೆ ಮಾಡಬಹುದು. ಸಂಕುಚಿತ ಮಾಡಿ ದೇಹದೊಳಗೆ ಕಳುಹಿಸಿ ಮತ್ತೆ ಹಿಗ್ಗಿಸುವ, ಶಸ್ತ್ರಚಿಕಿತ್ಸೆಯಲ್ಲಿ ಬಳಕೆ ಮಾಡುವ ಕೆಲ ಸಲಕರಣೆಗಳ ರೀತಿಯಲ್ಲೂ ಇದನ್ನು ಬಳಕೆ ಮಾಡಬಹುದು. ವಿಶೇಷ ಅಂದರೆ ನೈಸರ್ಗಿಕವಾಗಿದೆ. ಮುೃದ ರೋಬೋಟಿಕ್, ತೇವಾಂಶ ಬದಲಾವಣೆಯಿಂದ ಕೆಲಸ ಮಾಡುವ ಸಣ್ಣ ಯಂತ್ರಗಳಲ್ಲೂ ಇದನ್ನು ಬಳಕೆ ಮಾಡಬಹುದು.

ಇದರ ಉಪಯೋಗವೇನು?

ಸೂರ್ಯ ಮುಳುಗೋದನ್ನು ನೋಡಿದ್ದೀರಿ, ಭೂಮಿ ಮುಳುಗೋದನ್ನು ನೋಡಿದ್ದೀರಾ? ಆರ್ಟೆಮಿಸ್‌-2 ಕ್ಯಾಮೆರಾದಲ್ಲಿ ಸೆರೆಯಾದ ಅಪರೂಪದ ಕ್ಷಣ!

Santosh Naik — Wed, 08 Apr 2026 10:56:18 +0530

ನಾಸಾದ ಆರ್ಟಿಮಿಸ್-2 ಗಗನಯಾತ್ರಿಗಳು ಚಂದ್ರನ ಕ್ಷಿತಿಜದ ಹಿಂದೆ ಭೂಮಿ ಅಸ್ತಮಿಸುವುದನ್ನು ವೀಕ್ಷಿಸಿದರು. ಈ ಲೇಖನವು, ಕುಳಿಗಳಿಂದ ಕೂಡಿದ ಚಂದ್ರನ ಮೇಲ್ಮೈಯ ಹಿನ್ನೆಲೆಯಲ್ಲಿ ಅರ್ಧಚಂದ್ರಾಕೃತಿಯ ಭೂಮಿ ಮರೆಯಾಗುವ ಆ ಅದ್ಭುತ ದೃಶ್ಯಗಳನ್ನು ವಿವರಿಸುತ್ತದೆ.

ನಾಸಾ ಆರ್ಟಿಮಿಸ್‌-2 ಗಗನಯಾತ್ರಿಗಳು, ಚಂದ್ರನ ಕ್ಷಿತಿಜದ ಹಿಂದೆ ಮರೆಯಾಗುತ್ತಿರುವ ಅರ್ಧಚಂದ್ರಾಕೃತಿಯ ಭೂಮಿ ಸೆರೆ ಹಿಡಿದ ದೃಶ್ಯ

ಆರ್ಟೆಮಿಸ್ II ಗಗನಯಾತ್ರಿಗಳು ಕಂಡಂತೆ ಚಂದ್ರನ ಹಿಂದೆ ಮರೆಯಾಗುತ್ತಿರುವ ಭೂಮಿ. ಚಿತ್ರದ ಎಡಭಾಗದ ಅರ್ಧಕ್ಕಿಂತ ಹೆಚ್ಚು ಭಾಗವು ಕುಳಿಗಳಿಂದ ಕೂಡಿದ ಚಂದ್ರನ ಬೂದು ಬಣ್ಣದ ಮೇಲ್ಮೈಯಿಂದ ಆವೃತವಾಗಿದೆ.

ಚಂದ್ರನ ಹತ್ತಿರದ ದೃಶ್ಯ. ಕುಳಿಗಳಿರುವ ಚಂದ್ರನ ಬೂದು ಬಣ್ಣದ ಮೇಲ್ಮೈ ಮೇಲೆ ಅಲ್ಲಲ್ಲಿ ಗುಂಡಿಗಳಿದ್ದು, ಚಿತ್ರದ ಎಡಭಾಗದಲ್ಲಿ ಕತ್ತಲೆಯ ಕಡೆಗೆ ಮರೆಯಾಗುತ್ತಿದೆ.

ಚಂದ್ರನ ಅರ್ಧಗೋಳದ ಹಿಂದೆ ಮರೆಯಾಗುತ್ತಿರುವ ಅರ್ಧಚಂದ್ರಾಕೃತಿಯ ಭೂಮಿ ಆರ್ಟೆಮಿಸ್‌-2 ಗಗನಯಾತ್ರಿಗಳ ಕಣ್ಣಿಗೆ ಕಂಡ ರೀತಿ..

ಚಂದ್ರನ ಅಂಚಿನ ಹತ್ತಿರದ ನೋಟ. ಕಡು ಬೂದು ಬಣ್ಣದ ಚಂದ್ರನ ಮೇಲ್ಮೈಯಲ್ಲಿರುವ ಕುಳಿಗಳು ಚಿತ್ರದುದ್ದಕ್ಕೂ ಅರ್ಧವೃತ್ತಾಕಾರದಲ್ಲಿ ಕಾಣುತ್ತಿವೆ.

ಚಂದ್ರನ ಸಮೀಪದ ದೃಶ್ಯ, ಇದು ಫ್ರೇಮ್‌ನ ಹೆಚ್ಚಿನ ಭಾಗವನ್ನು ಆವರಿಸಿದೆ. ಚಿತ್ರದ ಎಡಭಾಗದಲ್ಲಿ 'ಟರ್ಮಿನೇಟರ್' (ಬೆಳಕು ಮತ್ತು ಕತ್ತಲೆಯ ನಡುವಿನ ಗೆರೆ) ಚಂದ್ರನ ಬೆಳಗಿದ ಮತ್ತು ಕತ್ತಲಾದ ಭಾಗಗಳನ್ನು ವಿಭಜಿಸುತ್ತಿದೆ.

ಚಂದ್ರನ ಸನಿಹದ ನೋಟ. ಚಂದ್ರನ ಬೂದು ಬಣ್ಣದ ಮೇಲ್ಮೈಯಲ್ಲಿ ಜಿಗ್-ಜಾಗ್ ಆಕಾರದ ಕುಳಿಗಳು ಹರಡಿಕೊಂಡಿವೆ.

ಆರ್ಟೆಮಿಸ್ II ಗಗನಯಾತ್ರಿಗಳು ಕಂಡಂತೆ ಚಂದ್ರನ ಹಿಂದೆ ಭೂಮಿ ಅಸ್ತಮಿಸುವ ಕ್ಷಣ. ಕುಳಿಗಳಿಂದ ಕೂಡಿದ ಚಂದ್ರನ ಕಡು ಬೂದು ಬಣ್ಣದ ಮೇಲ್ಮೈ ಚಿತ್ರದ ಕೆಳ ಎಡ ಮೂಲೆಯಿಂದ ಮೇಲಿನ ಬಲ ಮೂಲೆಯವರೆಗೆ ಅರ್ಧವೃತ್ತಾಕಾರದಲ್ಲಿ ಕಾಣುತ್ತಿದೆ.

ಕೇವಲ ಒಂದು ರೂ.ಗೆ ಸಿಗ್ತಿದೆ ಸಿಮ್ ಕಾರ್ಡ್, ಉಚಿತ ಕರೆ ಜೊತೆ 2ಜಿಬಿ ಡೇಟಾ ಫ್ರೀ

Roopa Hegde — Tue, 07 Apr 2026 17:54:48 +0530

ಸರ್ಕಾರಿ ಸ್ವಾಮ್ಯದ ಟೆಲಿಕಾಂ ಕಂಪನಿ ಬಿಎಸ್ಎನ್ಎಲ್ (BSNL) ಗ್ರಾಹಕರಿಗೆ ಖುಷಿ ಸುದ್ದಿ ನೀಡಿದೆ. ಇಂದು ಇನ್ಸ್ಟಾಗ್ರಾಮ್ ಪೋಸ್ಟ್ ನಲ್ಲಿ ಬಿಎಸ್ಎನ್ಎಲ್ ಫ್ರೀಡಂ ಪ್ಲಾನ್ ಮತ್ತೆ ವಾಪಸ್ ಆಗಿರುವ ಬಗ್ಗೆ ಮಾಹಿತಿ ನೀಡಿದೆ. ಬಳಕೆದಾರರ ಬೇಡಿಕೆ ಮೇರೆಗೆ ಈ ಪ್ಲಾನ್ ವಾಪಸ್ ತಂದಿರೋದಾಗಿ ಕಂಪನಿ ಹೇಳಿದೆ. ಇದು ಸೀಮಿತ ಅವಧಿಯ ಕೊಡುಗೆಯಾಗಿದ್ದು, ಅಲ್ಪಾವಧಿಗೆ ಬಳಕೆದಾರರು ಇದ್ರ ಲಾಭ ಪಡೆಯಬಹುದು. ಈ ಅತ್ಯಾಕರ್ಷಕ ಆಫರ್ ನಲ್ಲಿ ಕಂಪನಿ ಕೇವಲ ಒಂದು ರೂಪಾಯಿಗೆ ಹೊಸ ಸಿಮ್ ಕಾರ್ಡ್ ನೀಡುತ್ತಿದೆ. ಗ್ರಾಹಕರು ಕಾಲ್, ಡೇಟಾ ಮತ್ತು ಎಸ್ಎಂಎಸ್ ನಂತಹ ಪ್ರಯೋಜನಗಳನ್ನು ಸಹ ಇದ್ರಲ್ಲಿ ಪಡೆಯಲಿದ್ದಾರೆ.

ಬಿಎಸ್ಎನ್ಎಲ್ ಫ್ರೀಡಂ ಪ್ಲಾನ್ (Freedom Plan)

ಬಿಎಸ್ ಎನ್ ಎಲ್ ಫ್ರೀಡಂ ಪ್ಲಾನ್ ನಲ್ಲಿ ಬಳಕೆದಾರರಿಗೆ ಒಂದು ರೂಪಾಯಿಗೆ ಸಿಮ್ ಸಿಗಲಿದೆ. ಈಗಾಗಲೇ ಬಿಎಸ್ ಎನ್ ಎಲ್ ಸಿಮ್ ಇದ್ದು, ಇನ್ನೊಂದು ಸಿಮ್ ಬೇಕು ಎನ್ನುವವರು ಕೂಡ ಒಂದು ರೂಪಾಯಿಗೆ ಸಿಮ್ ಪಡೆಯಬಹುದು. ನೀವು ಈ ಪ್ಲಾನ್ ಅಡಿ ದೇಶಾದ್ಯಂತ ಯಾವುದೇ ಸಂಖ್ಯೆಗೆ ಅನಿಯಮಿತ ಕರೆ ಮಾಡ್ಬಹುದು. ದಿನಕ್ಕೆ 100 ಎಸ್ಎಂಎಸ್ ಕಳಿಸುವ ಅವಕಾಶ ಸಿಗಲಿದೆ. ಹೊಸ ಸಿಮ್ ಕಾರ್ಡ್ ನೊಂದಿಗೆ 30 ದಿನಗಳವರೆಗೆ 2GB ದೈನಂದಿನ ಡೇಟಾ ನಿಮಗೆ ಸಿಗಲಿದೆ.

ಆಂಡ್ರಾಯ್ಡ್‌ನಲ್ಲಿ ಇನ್ಮುಂದೆ ಐಫೋನ್ ಮಾದರಿಯ 'ಏರ್‌ಡ್ರಾಪ್': ಫೈಲ್ ಶೇರಿಂಗ್ ಇನ್ನು ಸಿಂಪಲ್!

ಫ್ರೀಡಂ ಪ್ಲಾನ್ ಆಫರ್ ಎಷ್ಟು ದಿನ ಮಾನ್ಯ?

ಗ್ರಾಹಕರ ಬೇಡಿಕೆಯಿಂದಾಗಿ ಈ ಯೋಜನೆಯನ್ನು ಮರುಸ್ಥಾಪಿಸಲಾಗಿದೆ ಎಂದು ಬಿಎಸ್ ಎನ್ ಎಲ್ ಹೇಳಿದೆ. ಈ ಕೊಡುಗೆ ಏಪ್ರಿಲ್ 30 ರವರೆಗೆ ಮಾನ್ಯವಾಗಿರಲಿದೆ. ಏಪ್ರಿಲ್ 30 ರ ಮೊದಲು ಸಿಮ್ ಕಾರ್ಡ್ ಖರೀದಿಸಿದ್ರೆ ಮಾತ್ರ ನಿಮಗೆ ಒಂದು ರೂಪಾಯಿಗೆ ಸಿಮ್ ಸಿಗಲಿದೆ. ನಿಮ್ಮ ಹತ್ತಿರದ BSNL CSC ಅಥವಾ ಅಧಿಕೃತ ಅಂಗಡಿಗೆ ಭೇಟಿ ನೀಡಬಹುದು. KYC ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ ನಂತರ, ನಿಮಗೆ ಸಿಮ್ ಕಾರ್ಡ್ ನೀಡಲಾಗುತ್ತದೆ. ಈ ಕೊಡುಗೆ ಆನ್ಲೈನ್ನಲ್ಲಿ ಲಭ್ಯವಿಲ್ಲ. ಸಿಮ್ ಕಾರ್ಡ್ ಆಕ್ವಿವ್ ಆದ ದಿನದಿಂದ 30 ದಿನಗಳವರೆಗೆ ಪ್ಲಾನ್ ಮಾನ್ಯವಾಗಲಿದೆ.

ವಾಟ್ಸಾಪ್ ಹೊಸ ಅಪ್‌ಡೇಟ್: ಚಾಟಿಂಗ್‌ನಲ್ಲೇ AI ಫೋಟೋ ಎಡಿಟಿಂಗ್, ಚಾಟ್ ವರ್ಗಾವಣೆ ಸೇರಿ ಹಲವು ಫೀಚರ್ಸ್ ಲಭ್ಯ!

ಜಿಯೋಗೆ ಟಕ್ಕರ್

ಬಿಎಸ್ ಎನ್ ಎಲ್ ಫ್ರೀಡಂ ಪ್ಲಾನ್ ಕೇವಲ ಒಂದು ರೂಪಾಯಿಗೆ 2ಜಿಬಿ ದೈನಂದಿನ ಡೇಟಾ, ಅನಿಯಮಿತ ಕರೆ ಮತ್ತು ದಿನಕ್ಕೆ 100 SMS ನೀಡುತ್ತದೆ. ಜಿಯೋದಲ್ಲೀ ಈ ಪ್ಲಾನ್ ಲಭ್ಯವಿದೆ. ಆದ್ರೆ ಜಿಯೋ ಬಳಕೆದಾರರು ಈ ಪ್ಲಾನ್ ಗೆ 349 ರೂಪಾಯಿ ಪಾವತಿಸಬೇಕು. ಜಿಯೋದ 349 ಪ್ಲಾನ್ 28 ದಿನಗಳ ಮಾನ್ಯತೆಯೊಂದಿಗೆ ಅನಿಯಮಿತ ಉಚಿತ ಕರೆ, ದಿನಕ್ಕೆ 100 SMS, 2GB ದೈನಂದಿನ ಡೇಟಾ ಮತ್ತು ಅನಿಯಮಿತ 5G ಡೇಟಾವನ್ನು ನೀಡುತ್ತದೆ. ಹೆಚ್ಚುವರಿಯಾಗಿ, ಜಿಯೋ ಗ್ರಾಹಕರಿಗೆ ಗೂಗಲ್ ಜೆಮಿನಿ ಪ್ರೊ ಪ್ಲಾನ್ ಮತ್ತು ಜಿಯೋ ಹಾಟ್ಸ್ಟಾರ್ಗೆ ಉಚಿತವಾಗಿ ನೀಡುತ್ತಿದೆ.

ಐತಿಹಾಸಿಕ ಕ್ಷಣ ಮರುಸೃಷ್ಟಿಸಿದ ಆರ್ಟೆಮಿಸ್ II: ಬಾಹ್ಯಾಕಾಶದಿಂದ ಕಂಡ ಅದ್ಭುತ Earthrise, Earthset

Santosh Naik — Tue, 07 Apr 2026 20:00:07 +0530

ವಾಷಿಂಗ್ಟನ್‌ (ಏ.7): ನಾಸಾದ 'ಆರ್ಟೆಮಿಸ್ II' ಮಿಷನ್‌ನಲ್ಲಿರುವ ನಾಲ್ವರು ಗಗನಯಾತ್ರಿಗಳು ಸೋಮವಾರ ಚಂದ್ರನ ಸುತ್ತ ಸಂಚರಿಸುವಾಗ, ಮಾನವ ಇತಿಹಾಸದಲ್ಲೇ ಹಿಂದೆಂದೂ ಕಾಣದ ದೂರದಿಂದ ನಮ್ಮ ಭೂಮಿಯನ್ನು ವೀಕ್ಷಿಸಿದ್ದಾರೆ. ಈ ವೇಳೆ ಅವರು ಬಾಹ್ಯಾಕಾಶದಲ್ಲಿ ಅತ್ಯಂತ ಸುಂದರವಾದ ಮತ್ತು ಅರ್ಥಪೂರ್ಣವಾದ 'ಅರ್ಥ್‌ರೈಸ್' (Earthrise - ಚಂದ್ರನ ಮೇಲ್ಮೈಯಿಂದ ಭೂಮಿ ಮೇಲೇಳುವುದು) ಮತ್ತು 'ಅರ್ಥ್‌ಸೆಟ್' (Earthset - ಚಂದ್ರನ ಹಿಂದೆ ಭೂಮಿ ಮರೆಯಾಗುವುದು) ದೃಶ್ಯಗಳನ್ನು ಕಣ್ತುಂಬಿಕೊಂಡಿದ್ದಾರೆ.

1968ರ ಡಿಸೆಂಬರ್ 24 ರಂದು 'ಅಪೋಲೋ 8' ಮಿಷನ್‌ನ ಗಗನಯಾತ್ರಿ ವಿಲಿಯಂ ಆಂಡರ್ಸ್ ಅವರು ತೆಗೆದಿದ್ದ ಆ ಐಕಾನಿಕ್ 'ಅರ್ಥ್‌ರೈಸ್' ಫೋಟೋ ಇಡೀ ಜಗತ್ತನ್ನೇ ಬೆರಗುಗೊಳಿಸಿತ್ತು. ಅದೇ ದೃಶ್ಯವನ್ನು ಈಗ ಆರ್ಟೆಮಿಸ್ II ಗಗನಯಾತ್ರಿಗಳು ಮರುಸೃಷ್ಟಿಸಿದ್ದಾರೆ. ಚಂದ್ರನ ಹಿಂಭಾಗದಿಂದ (far side) ಸಂಚರಿಸುವಾಗ ಅವರು ಭೂಮಿಯು ಉದಯಿಸುತ್ತಿರುವ ದೃಶ್ಯವನ್ನು ನೋಡಿದ್ದಾರೆ. ಅದಕ್ಕೂ ಒಂದು ಗಂಟೆ ಮುನ್ನ, ಭೂಮಿಯು ಚಂದ್ರನ ಹಿಂದೆ ಮರೆಯಾಗುತ್ತಿರುವುದನ್ನು (Earthset) ಕೂಡ ಅವರು ಕ್ಯಾಮೆರಾದಲ್ಲಿ ಸೆರೆಹಿಡಿದಿದ್ದಾರೆ.

ಚಂದ್ರನ ಹಿಂಭಾಗದಲ್ಲಿ ಓರಿಯನ್ ನೌಕೆಯು ಸಂಚರಿಸುತ್ತಿದ್ದಾಗ, ಸುಮಾರು 40 ನಿಮಿಷಗಳ ಕಾಲ ಹ್ಯೂಸ್ಟನ್‌ನಲ್ಲಿರುವ ನಾಸಾ ಗ್ರೌಂಡ್ ಕಂಟ್ರೋಲ್‌ನೊಂದಿಗೆ ಸಂಪರ್ಕ ಕಡಿತಗೊಂಡಿತ್ತು. ಸಂಪರ್ಕ ಮರುಸ್ಥಾಪನೆಯಾದ ನಂತರ, ನಾಸಾ ಗಗನಯಾತ್ರಿಗಳಾದ ರೀಡ್ ವೈಸ್‌ಮನ್, ವಿಕ್ಟರ್ ಗ್ಲೋವರ್, ಕ್ರಿಸ್ಟಿನಾ ಕೋಚ್ ಮತ್ತು ಕೆನಡಾದ ಜೆರೆಮಿ ಹ್ಯಾನ್ಸನ್ ಭೂಮಿಗೆ ಸಂದೇಶ ರವಾನಿಸಿದ್ದಾರೆ. "ಏಷ್ಯಾ, ಆಫ್ರಿಕಾ ಮತ್ತು ಓಷಿಯಾನಿಯಾ ಖಂಡದ ಜನರೇ, ನಾವು ನಿಮ್ಮತ್ತ ನೋಡುತ್ತಿದ್ದೇವೆ. ಈಗ ನೀವು ಆಕಾಶದಲ್ಲಿ ಚಂದ್ರನನ್ನು ನೋಡಬಹುದು ಎಂದು ನಮಗೆ ತಿಳಿದಿದೆ. ನಾವೂ ಸಹ ನಿಮ್ಮನ್ನು ನೋಡುತ್ತಿದ್ದೇವೆ," ಎಂದು ಕ್ರಿಸ್ಟಿನಾ ಕೋಚ್ ಭಾವುಕರಾಗಿ ನುಡಿದಿದ್ದಾರೆ.

View this post on Instagram

A post shared by The White House (@whitehouse)

ಭೂಮಿಯ ಕುರಿತು ಅಂದಿನ ಮತ್ತು ಇಂದಿನ ನೋಟ

1968ರಲ್ಲಿ ಆ ಸುಂದರವಾದ ಭೂಮಿಯ ದೃಶ್ಯವನ್ನು ಕಂಡಿದ್ದ ವಿಲಿಯಂ ಆಂಡರ್ಸ್, ಭೂಮಿಯನ್ನು "ಒಡೆಯಬಹುದಾದ ಸುಲಭವಾದ ಕ್ರಿಸ್ಮಸ್ ಟ್ರೀ ಆಭರಣ" (Fragile Christmas tree ornament) ಎಂದು ಕರೆದಿದ್ದರು. "ಈ ಪುಟ್ಟ ಸುಂದರವಾದ ತಾಣದಲ್ಲಿ ನಾವು ಪರಸ್ಪರ ಯುದ್ಧಗಳನ್ನು ಮಾಡುತ್ತಿದ್ದೇವೆ, ಕ್ಷಿಪಣಿಗಳನ್ನು ಹಾರಿಸುತ್ತಿದ್ದೇವೆ. ಮಾನವರ ಪಾಲಿಗೆ ಇಡೀ ವಿಶ್ವದಲ್ಲಿ ಇದೊಂದೇ ಮನೆ, ಆದರೆ ನಾವು ಅದನ್ನು ಅಷ್ಟೊಂದು ಚೆನ್ನಾಗಿ ನೋಡಿಕೊಳ್ಳುತ್ತಿಲ್ಲ ಎಂಬುದು ಬೇಸರದ ವಿಷಯ," ಎಂದು ಅವರು 2023ರ ಸಂದರ್ಶನವೊಂದರಲ್ಲಿ ವ್ಯಕ್ತಪಡಿಸಿದ್ದರು.

ಅಪೋಲೋ 8 ಮತ್ತು ಆರ್ಟೆಮಿಸ್ II ನಡುವಿನ ವ್ಯತ್ಯಾಸ

ಅಪೋಲೋ 8 ಗಗನಯಾತ್ರಿಗಳು ಚಂದ್ರನ ಸುತ್ತ 10 ಬಾರಿ ಪರಿಭ್ರಮಿಸಿದ್ದರು, ಆದರೆ ಆರ್ಟೆಮಿಸ್ II ಮಿಷನ್‌ನ 'ಓರಿಯನ್' ನೌಕೆಯು ಚಂದ್ರನನ್ನು ಸುತ್ತುವುದಿಲ್ಲ. ಬದಲಾಗಿ, ಅದು ಚಂದ್ರನ ಬಳಿ ಹಾದುಹೋಗುವ ಮೂಲಕ ಬಾಹ್ಯಾಕಾಶದಲ್ಲಿ ಹೊಸ ಪ್ರಯೋಗಗಳನ್ನು ನಡೆಸುತ್ತಿದೆ. ಅಪೋಲೋ 8ರ ಆ ಐತಿಹಾಸಿಕ ಫೋಟೋ ಜಾಗತಿಕ ಪರಿಸರ ಚಳವಳಿಗಳಿಗೆ ಸ್ಪೂರ್ತಿಯಾಗಿತ್ತು. ಈಗ ಆರ್ಟೆಮಿಸ್ II ತಂಡ ಸೆರೆಹಿಡಿದಿರುವ ಈ ಹೊಸ ದೃಶ್ಯಗಳು, ಭೂಮಿಯ ಸೌಂದರ್ಯ ಮತ್ತು ಅದರ ಸೂಕ್ಷ್ಮತೆಯನ್ನು ಮತ್ತೊಮ್ಮೆ ಜಗತ್ತಿಗೆ ನೆನಪಿಸಿವೆ.

ಅಪೊಲೋ ನೌಕೆ 1968ರಲ್ಲಿ ತೆಗೆದಿದ್ದ ಅರ್ಥ್‌ರೈಸ್‌ ಚಿತ್ರ

ಭೂಮಿಯ ಗುಹೆಗಳಿಗಿಂತ 100 ಪಟ್ಟು ದೊಡ್ಡದು! ನಾಸಾ ಡೇಟಾದಿಂದ ಸಿಕ್ಕಿತು ಶುಕ್ರ ಗ್ರಹದ ಬೃಹತ್ ಜ್ವಾಲಾಮುಖಿ ಸುರಂಗ

Santosh Naik — Sat, 04 Apr 2026 15:54:34 +0530

ರೋಮ್/ವಾಷಿಂಗ್ಟನ್ (ಏ.4): ನಾಸಾದ ಹಳೆಯ ದತ್ತಾಂಶಗಳನ್ನು ಮರುಪರಿಶೀಲಿಸಿದ ವಿಜ್ಞಾನಿಗಳಿಗೆ ಅಚ್ಚರಿಯ ಸಂಗತಿಯೊಂದು ಲಭ್ಯವಾಗಿದೆ. ಶುಕ್ರ ಗ್ರಹದ ಮೇಲ್ಮೈ ಅಡಿಯಲ್ಲಿ ಬೃಹತ್ ಜ್ವಾಲಾಮುಖಿ ಗುಹೆ (Lava Tube) ಇರುವುದಕ್ಕೆ ಪ್ರಬಲ ಪುರಾವೆಗಳು ಸಿಕ್ಕಿವೆ. ಇಟಲಿಯ ಟ್ರೆಂಟೊ ವಿಶ್ವವಿದ್ಯಾಲಯದ ಸಂಶೋಧಕರು 'ನಿಕ್ಸ್ ಮಾನ್ಸ್' (Nyx Mons) ಎಂಬ ಜ್ವಾಲಾಮುಖಿಯ ಅಡಿಯಲ್ಲಿ ಈ ಬೃಹತ್ ಗುಹೆಯನ್ನು ಗುರುತಿಸಿದ್ದು, ಈ ಸಂಶೋಧನೆಯು 'ನೇಚರ್ ಕಮ್ಯುನಿಕೇಷನ್ಸ್' ನಿಯತಕಾಲಿಕೆಯಲ್ಲಿ ಪ್ರಕಟವಾಗಿದೆ.

ನಿಕ್ಸ್ ಮಾನ್ಸ್ ಅಡಿಯ ರಹಸ್ಯ ಲೋಕ

ಸುಮಾರು 362 ಕಿಲೋಮೀಟರ್ ವಿಸ್ತಾರವಿರುವ 'ನಿಕ್ಸ್ ಮಾನ್ಸ್' ಎಂಬ ಗುರಾಣಿ ಆಕಾರದ ಜ್ವಾಲಾಮುಖಿಯ ಪಶ್ಚಿಮ ಭಾಗದಲ್ಲಿ ಈ ರಚನೆಯಿದೆ. ರಾಡಾರ್ ಚಿತ್ರಗಳಲ್ಲಿ ಇದು ಕಪ್ಪು ಬಣ್ಣದ ಗುಂಡಿಯಂತೆ ಕಾಣುತ್ತಿದ್ದು, ವಿಜ್ಞಾನಿಗಳು ಇದನ್ನು "ಪಿಟ್ ಎ" (Pit A) ಎಂದು ಕರೆದಿದ್ದಾರೆ. ಇದು ಲಾವಾ ಟ್ಯೂಬ್‌ನ ಮೇಲ್ಛಾವಣಿ ಕುಸಿದು ಉಂಟಾದ 'ಸ್ಕೈಲೈಟ್' (Skylight) ಅಥವಾ ನೈಸರ್ಗಿಕ ಕಿಟಕಿ ಎಂದು ನಂಬಲಾಗಿದೆ.

ರಾಡಾರ್ ದತ್ತಾಂಶ ಹೇಳಿದ್ದೇನು?

ಶುಕ್ರ ಗ್ರಹವು ದಟ್ಟವಾದ ಮೋಡಗಳಿಂದ ಆವೃತವಾಗಿರುವುದರಿಂದ ಸಾಮಾನ್ಯ ಕ್ಯಾಮೆರಾಗಳ ಮೂಲಕ ಅದರ ಮೇಲ್ಮೈ ಕಾಣಿಸುವುದಿಲ್ಲ. ಹೀಗಾಗಿ 1990ರ ದಶಕದ ನಾಸಾದ 'ಮೆಗೆಲ್ಲನ್' ಮಿಷನ್ ಬಳಸಿದ್ದ 'ಸಿಂಥೆಟಿಕ್ ಅಪರ್ಚರ್ ರಾಡಾರ್' ದತ್ತಾಂಶಗಳನ್ನು ವಿಜ್ಞಾನಿಗಳು ಬಳಸಿಕೊಂಡಿದ್ದಾರೆ. ರಾಡಾರ್ ಸಂಕೇತಗಳು ಈ ಗುಂಡಿಯ ಒಳಗೆ ಪ್ರವೇಶಿಸಿ, ಅಲ್ಲಿನ ಸುರಂಗದ ಗೋಡೆಗಳಿಗೆ ಬಡಿದು ವಾಪಸ್ ಬಂದಿರುವುದನ್ನು ವಿಜ್ಞಾನಿಗಳು ಗುರುತಿಸಿದ್ದಾರೆ. ಈ ಗುಹೆಯು ಸರಾಸರಿ 1 ಕಿಲೋಮೀಟರ್ ಅಗಲವಿದ್ದು, ಅದರ ಮೇಲ್ಛಾವಣಿ 150 ಮೀಟರ್ ದಪ್ಪವಾಗಿದೆ. ಸುರಂಗದ ಒಳಗಿನ ಖಾಲಿ ಪ್ರದೇಶವು ಕನಿಷ್ಠ 375 ಮೀಟರ್ ಎತ್ತರವಿದೆ ಎಂದು ಅಂದಾಜಿಸಲಾಗಿದೆ. ಇಡೀ ಸುರಂಗ ವ್ಯವಸ್ಥೆಯು ಸುಮಾರು 45 ಕಿಲೋಮೀಟರ್‌ಗಳಷ್ಟು ಉದ್ದವಿರಬಹುದು ಎಂದು ಸಂಶೋಧಕರು ಊಹಿಸಿದ್ದಾರೆ.

ಭೂಮಿಯ ಗುಹೆಗಳಿಗಿಂತಲೂ ದೊಡ್ಡದಾಗಿದೆ

ಭೂಮಿಯ ಮೇಲಿರುವ ಲಾವಾ ಟ್ಯೂಬ್‌ಗಳು (ಉದಾಹರಣೆಗೆ ಲಂಜರೋಟೆಯ ಕ್ಯುವಾ ಡಿ ಲಾಸ್ ವರ್ಡೆಸ್) ಕೇವಲ ಕೆಲವು ಹತ್ತಾರು ಮೀಟರ್ ಅಗಲವಿರುತ್ತವೆ. ಆದರೆ ಶುಕ್ರ ಗ್ರಹದ ಈ ಗುಹೆ ಅವುಗಳಿಗಿಂತ ನೂರಾರು ಪಟ್ಟು ದೊಡ್ಡದಾಗಿದೆ. ಈ ಗುಹೆಗಳು ಗ್ರಹದ ಜ್ವಾಲಾಮುಖಿಗಳು ಹೇಗೆ ಸ್ಫೋಟಗೊಂಡವು ಮತ್ತು ಕಾಲಾನಂತರದಲ್ಲಿ ಹೇಗೆ ತಣ್ಣಗಾದವು ಎಂಬ ದಾಖಲೆಯನ್ನು ಹೊಂದಿರುತ್ತವೆ.

ಶುಕ್ರ ಗ್ರಹವು ಒಂದು ಕಾಲದಲ್ಲಿ ಭೂಮಿಯಂತೆಯೇ ಇತ್ತು ಎಂದು ನಂಬಲಾಗಿದೆ. ಜ್ವಾಲಾಮುಖಿ ಅನಿಲಗಳು ಹೇಗೆ ವಾತಾವರಣಕ್ಕೆ ಸೇರಿದವು ಎಂಬುದು ತಿಳಿದರೆ, ಒಂದು ವಾಸಯೋಗ್ಯ ಗ್ರಹವು ಹೇಗೆ ಆತಂಕಕಾರಿ ತಾಪಮಾನದ (450°C ಗಿಂತ ಹೆಚ್ಚು) ಗ್ರಹವಾಗಿ ಬದಲಾಯಿತು ಎಂಬುದನ್ನು ಅರ್ಥಮಾಡಿಕೊಳ್ಳಬಹುದು. ಚಂದ್ರ ಮತ್ತು ಮಂಗಳ ಗ್ರಹದ ಮೇಲಿರುವ ಇಂತಹ ಗುಹೆಗಳನ್ನು ಭವಿಷ್ಯದ ಗಗನಯಾತ್ರಿಗಳಿಗೆ ವಿಕಿರಣಗಳಿಂದ ರಕ್ಷಣೆ ನೀಡುವ ನೈಸರ್ಗಿಕ ಆಶ್ರಯ ತಾಣಗಳೆಂದು ನೋಡಲಾಗುತ್ತದೆ. ಆದರೆ ಶುಕ್ರ ಗ್ರಹದ ವಿಪರೀತ ತಾಪಮಾನದಿಂದಾಗಿ ಸದ್ಯಕ್ಕೆ ಅಲ್ಲಿಗೆ ಮಾನವರು ಹೋಗುವುದು ಅಸಾಧ್ಯ.

ಮುಂದಿನ ಮಿಷನ್‌ಗಳ ಗುರಿ

ಯುರೋಪಿಯನ್ ಬಾಹ್ಯಾಕಾಶ ಸಂಸ್ಥೆಯ 'ಎನ್‌ವಿಷನ್' (EnVision) ಮತ್ತು ನಾಸಾದ 'ವೆರಿಟಾಸ್' (VERITAS) ಮಿಷನ್‌ಗಳು ಮುಂದಿನ ದಿನಗಳಲ್ಲಿ ಶುಕ್ರ ಗ್ರಹಕ್ಕೆ ತೆರಳಲಿವೆ. ಈ ಮಿಷನ್‌ಗಳು ಅತ್ಯಾಧುನಿಕ ರಾಡಾರ್‌ಗಳನ್ನು ಹೊಂದಿದ್ದು, ನಿಕ್ಸ್ ಮಾನ್ಸ್ ಗುಹೆಯ ಬಗ್ಗೆ ಹೆಚ್ಚಿನ ಮಾಹಿತಿ ನೀಡಲಿವೆ.

ಇರಾನ್ ಹೊರತುಪಡಿಸಿ ಬೇರೆ ಯಾವ ದೇಶಗಳು ಅಮೆರಿಕದ ಫೈಟರ್ ಜೆಟ್‌ಗಳನ್ನ ಹೊಡೆದುರುಳಿಸಿವೆ?

Ashwini HR — Mon, 06 Apr 2026 21:54:17 +0530

Iran vs USA conflict: ಇರಾನ್ ಇತ್ತೀಚೆಗೆ ಅಮೆರಿಕದ ಎರಡು ಫೈಟರ್ ಜೆಟ್‌ಗಳನ್ನು ಹೊಡೆದುರುಳಿಸಿರುವುದಾಗಿ ಹೇಳಿಕೊಂಡಿದೆ. ಹಾಗಾದರೆ ಇತಿಹಾಸದಲ್ಲಿ ಅಮೆರಿಕದ ವಿಮಾನಗಳನ್ನು ಗುರಿಯಾಗಿಸಿಕೊಂಡ ಇತರ ದೇಶಗಳು ಯಾವುವು ನೋಡೋಣ..

ಮಧ್ಯಪ್ರಾಚ್ಯದಲ್ಲಿ ಹೆಚ್ಚುತ್ತಿರುವ ಉದ್ವಿಗ್ನತೆಯ ನಡುವೆ, ಅಮೆರಿಕದ ಯುದ್ಧ ವಿಮಾನಗಳನ್ನು ಹೊಡೆದುರುಳಿಸಿರುವುದಾಗಿ ಇರಾನ್ ಇತ್ತೀಚೆಗೆ ಹೇಳಿಕೊಂಡಿರುವುದು ಮತ್ತೊಮ್ಮೆ ಜಾಗತಿಕ ಚರ್ಚೆಗೆ ನಾಂದಿ ಹಾಡಿದೆ. ಇರಾನ್ ಅಮೆರಿಕದ ಎಫ್ -15 ಇ ವಿಮಾನವನ್ನು ಹೊಡೆದುರುಳಿಸಿ, ಮತ್ತೊಂದು ಎ -10 ವಿಮಾನವನ್ನು ಹಾನಿಗೊಳಿಸಿದೆ ಎಂದು ವರದಿಗಳು ಸೂಚಿಸುತ್ತವೆ. ಆದರೆ ಅಮೆರಿಕದ ವಿಮಾನಗಳನ್ನು ಗುರಿಯಾಗಿಸಿಕೊಂಡಿರುವುದು ಇದೇ ಮೊದಲಲ್ಲ.

ವಿಯೆಟ್ನಾಂಆಧುನಿಕ ಇತಿಹಾಸದಲ್ಲಿ ವಿಯೆಟ್ನಾಂ ಯುದ್ಧದ ಸಮಯದಲ್ಲಿ ಉತ್ತರ ವಿಯೆಟ್ನಾಂ ಅಮೆರಿಕಕ್ಕೆ ಅತಿ ದೊಡ್ಡ ನಷ್ಟವನ್ನು ಉಂಟುಮಾಡಿತು. ಸೋವಿಯತ್ ಒಕ್ಕೂಟ ನೀಡಿದ ಮಿಸೈಲ್‌ಗಳು ಮತ್ತು ಫೈಟರ್ ಜೆಟ್‌ಗಳನ್ನು ಬಳಸಿಕೊಂಡು ವಿಯೆಟ್ನಾಂ ಸೇನೆಯು ಅಮೆರಿಕದ ಸಾವಿರಾರು ವಿಮಾನಗಳನ್ನು ಹೊಡೆದುರುಳಿಸಿತ್ತು. ಇದರಲ್ಲಿ ಅತ್ಯಾಧುನಿಕ F-4 ಫ್ಯಾಂಟಮ್‌ ವಿಮಾನಗಳೂ ಸೇರಿದ್ದವು.

1999ರ ಕೊಸೊವೊ ಯುದ್ಧದ ಸಮಯದಲ್ಲಿ ಯುಗೊಸ್ಲಾವಿಯಾ ಅಮೆರಿಕದ F-117 ನೈಟ್‌ಹಾಕ್ ವಿಮಾನವನ್ನು ಹೊಡೆದುರುಳಿಸಿ ಜಗತ್ತನ್ನೇ ಬೆರಗುಗೊಳಿಸಿತು. ವಿಶೇಷವೆಂದರೆ, ಈ ವಿಮಾನವು ರೇಡಾರ್ ಕಣ್ಣಿಗೂ ಸಿಗದ 'ಅದೃಶ್ಯ' (Stealth) ವಿಮಾನ ಎಂದು ನಂಬಲಾಗಿತ್ತು. ಇದರೊಂದಿಗೆ ಒಂದು F-16 ವಿಮಾನವನ್ನೂ ಪತನಗೊಳಿಸಲಾಗಿತ್ತು.

1991ರ ಕೊಲ್ಲಿ ಯುದ್ಧ ಮತ್ತು2003ರ ಆಕ್ರಮಣದ ಸಮಯದಲ್ಲಿ ಇರಾಕ್ ಹಲವು ಅಮೆರಿಕದ ವಿಮಾನಗಳನ್ನು ಹೊಡೆದುರುಳಿಸುವಲ್ಲಿ ಯಶಸ್ವಿಯಾಯಿತು. ಇರಾಕಿನ ವಾಯು ರಕ್ಷಣಾ ವ್ಯವಸ್ಥೆಯು A-10 ಥಂಡರ್ಬೋಲ್ಟ್ ಮತ್ತು F-16 ನಂತಹ ವಿಮಾನಗಳನ್ನು ಗುರಿಯಾಗಿಸಿತ್ತು.

ಶೀತಲ ಸಮರದ (Cold War) ಸಮಯದಲ್ಲಿ ಸೋವಿಯತ್ ಒಕ್ಕೂಟವು ಹಲವಾರು ಅಮೆರಿಕದ ವಿಮಾನಗಳನ್ನು ಹೊಡೆದುರುಳಿಸಿದ ಇತಿಹಾಸ ಹೊಂದಿದೆ.

ಇದಕ್ಕೆ ನೇರ ಉತ್ತರ ಇಲ್ಲ. ಭಾರತವು ಎಂದಿಗೂ ಅಮೆರಿಕದ ಯುದ್ಧ ವಿಮಾನಗಳನ್ನು ನೇರವಾಗಿ ಹೊಡೆದುರುಳಿಸಿಲ್ಲ. ಇದಕ್ಕೆ ಮುಖ್ಯ ಕಾರಣವೆಂದರೆ ಭಾರತ ಮತ್ತು ಅಮೆರಿಕದ ನಡುವೆ ಇದುವರೆಗೆ ಯಾವುದೇ ನೇರ ಯುದ್ಧಗಳು ನಡೆದಿಲ್ಲ.

ಆದರೆ, ಪಾಕಿಸ್ತಾನದ ವಿರುದ್ಧ ನಡೆದ 1965 ಮತ್ತು 1971ರ ಯುದ್ಧಗಳ ಸಮಯದಲ್ಲಿ, ಪಾಕಿಸ್ತಾನವು ಬಳಸುತ್ತಿದ್ದ ಅಮೆರಿಕ ನಿರ್ಮಿತ ಹಲವು ಯುದ್ಧ ವಿಮಾನಗಳನ್ನು ಭಾರತೀಯ ವಾಯುಪಡೆಯು ಯಶಸ್ವಿಯಾಗಿ ಮಣ್ಣು ಮುಕ್ಕಿಸಿದೆ. ಇದರಲ್ಲಿ F-86 ಸೇಬರ್ ಮತ್ತು F-104 ಸ್ಟಾರ್‌ಫೈಟರ್‌ ವಿಮಾನಗಳು ಸೇರಿವೆ. ಭಾರತದ ಮುಖ್ಯ ಗಮನವು ಅಮೆರಿಕದೊಂದಿಗೆ ನೇರ ಸಂಘರ್ಷಕ್ಕಿಂತ ಹೆಚ್ಚಾಗಿ, ಅಮೆರಿಕದ ಶಸ್ತ್ರಾಸ್ತ್ರಗಳನ್ನು ಬಳಸುವ ಪ್ರಾದೇಶಿಕ ವಿರೋಧಿಗಳ (ಪಾಕಿಸ್ತಾನ) ಸವಾಲನ್ನು ಎದುರಿಸುವುದರ ಮೇಲಿದೆ.

Cooler Tips: ನಿಮ್ಮ ಕೂಲರ್ ಅನ್ನು AC ರೀತಿ ತಂಪು ಮಾಡಲು 10 ಸಿಂಪಲ್ ಟ್ರಿಕ್ಸ್!

Naveen Kodase — Tue, 07 Apr 2026 13:50:10 +0530

ನಿಮ್ಮ ಸಾಮಾನ್ಯ ಕೂಲರ್‌ನಿಂದಲೇ ACಯಂತಹ ತಂಪು ಗಾಳಿ ಪಡೆಯಲು 10 ಪರಿಣಾಮಕಾರಿ ವಿಧಾನಗಳನ್ನು ತಿಳಿಯಿರಿ. ಈ ಸುಲಭ ಟ್ರಿಕ್ಸ್ ಬಳಸಿ, AC ಇಲ್ಲದೆಯೇ ನಿಮ್ಮ ಕೋಣೆಯನ್ನು ತಕ್ಷಣವೇ ತಂಪಾಗಿಸಬಹುದು.

ಡಾನ್ಸ್ ಮಾಡುತ್ತಾ ಗಂಡಿಗೆ ಮೊಟ್ಟೆ ವರ್ಗಾಯಿಸೋ ಹೆಂಡ್ತಿ: 2 ಸಾವಿರ ಮಕ್ಕಳ ಹೆರುವ ಏಕಪತ್ನಿ ವೃತಸ್ಥ! Video ನೋಡಿ

Suchethana D — Fri, 10 Apr 2026 23:04:40 +0530

ಗರ್ಭ ಧರಿಸೋಳು, ಮಗುವನ್ನು ಹೆರುವವಳು ಹೆಣ್ಣು ಎನ್ನುವುದು ಎಲ್ಲರಿಗೂ ಗೊತ್ತು. ಇದು ಮನುಷ್ಯರಲ್ಲಿ ಮಾತ್ರವಲ್ಲದೇ, ಈ ಭೂಮಿಯ ಮೇಲಿರುವ ಪ್ರತಿಯೊಂದು ಜೀವಿಗಳಲ್ಲಿಯೂ ಹೆಣ್ಣೇ ಮಗು, ಮರಿಗಳನ್ನು ಹುಟ್ಟಿಸುವುದು ಎಂದುಕೊಂಡಿರಬಹುದು. ಆದರೆ ನಿಮ್ಮ ಊಹೆ ಶುದ್ಧ ತಪ್ಪು. ಇಲ್ಲೊಂದು ಪ್ರಾಣಿ ಇದೆ. ಅದು ಸೀ ಹಾರ್ಸ್ (ಸಮುದ್ರ ಕುದುರೆ). ಈ ಕುದುರೆಗಳಲ್ಲಿ ಗರ್ಭ ಧರಿಸಿ ಮಕ್ಕಳಿಗೆ ಜನ್ಮ ನೀಡೋದು ಗಂಡು ಕುದುರೆ. ವಿಚಿತ್ರ ಎನ್ನಿಸಿದರೂ ಇದು ಸತ್ಯ. ಇದರ ಜೀವನ ಚರಿತ್ರೆಯೇ ರೋಚಕವಾಗಿದೆ.

ಗಂಡಿನ ಚೀಲಕ್ಕೆ ಮೊಟ್ಟೆ ವರ್ಗಾವಣೆ

ಸೀ ಹಾರ್ಡ್ಗಳಲ್ಲಿ ಹೆಣ್ಣು ಸೀ ಹಾರ್ಸ್ ಮೊಟ್ಟೆಗಳನ್ನು ಗಂಡಿನ 'ಬ್ರೂಡ್ ಪೌಚ್' (brood pouch) ಎಂಬ ಚೀಲಕ್ಕೆ ವರ್ಗಾಯಿಸುತ್ತದೆ. ಗಂಡು ಸೀ ಹಾರ್ಸ್ ಈ ಮೊಟ್ಟೆಗಳನ್ನು ಫಲವತ್ತಾಗಿಸಿ, ಸುಮಾರು 25-30 ದಿನಗಳ ಕಾಲ ಹೊತ್ತುಕೊಂಡು, ನಂತರ ನೂರಾರು ಮರಿಗಳಿಗೆ ಜನ್ಮ ನೀಡುತ್ತದೆ. ಪ್ರಾಣಿ ಸಾಮ್ರಾಜ್ಯದಲ್ಲಿ ಗಂಡು ಮರಿಗಳಿಗೆ ಜನ್ಮ ನೀಡುವ ಅಪರೂಪದ ವಿದ್ಯಮಾನ ಇದಾಗಿದೆ. ಗಂಡು ಸೀ ಹಾರ್ಸ್‌ನ ಹೊಟ್ಟೆಯ ಭಾಗದಲ್ಲಿರುವ ವಿಶೇಷ ಚೀಲ, ಇದು ಮರಿಗಳು ಬೆಳೆಯಲು ಪೋಷಕಾಂಶ ಮತ್ತು ಆಮ್ಲಜನಕವನ್ನು ಒದಗಿಸುತ್ತದೆ. ಜೋಡಿಗಳು ಬಾಲಗಳನ್ನು ಹೆಣೆದುಕೊಂಡು ನೃತ್ಯ ಮಾಡುವ ಮೂಲಕ ಪ್ರಣಯ ಪ್ರದರ್ಶಿಸುತ್ತವೆ. 2000ಕ್ಕೂ ಹೆಚ್ಚು ಮರಿಗಳನ್ನು ಒಂದೇ ಬಾರಿಗೆ ಗಂಡು ಸೀ ಹಾರ್ಸ್ ಹೊರಹಾಕಬಲ್ಲದು. ಮರಿಗಳು ಜನಿಸಿದ ತಕ್ಷಣ ಸ್ವತಂತ್ರವಾಗಿ ಈಜುತ್ತವೆ.

ಸಿಂಗನಾತಿಡೆ ಕುಟುಂಬದ ಜೀವಿ

ಸಮುದ್ರ ಕುದುರೆ (Seahorse) ಸಿಂಗನಾತಿಡೆ (Syngnathidae) ಕುಟುಂಬಕ್ಕೆ ಸೇರಿದ ವಿಶಿಷ್ಟ ಕಡಲಜೀವಿ. ಕುದುರೆಯ ತಲೆಯಂತಹ ಆಕಾರ, ಸುರುಳಿಯಾಕಾರದ ಬಾಲ ಮತ್ತು ಎಲುಬಿನ ಫಲಕಗಳ ಚರ್ಮವನ್ನು ಹೊಂದಿರುವ ಇವು, ಗಂಡು ಜೀವಿ ಮರಿಗಳಿಗೆ ಜನ್ಮ ನೀಡುವ ಅದ್ಭುತ ವೈಶಿಷ್ಟ್ಯವನ್ನು ಹೊಂದಿವೆ. ಇವು ನಿಧಾನವಾಗಿ ಈಜುತ್ತವೆ, ಏಕಪತ್ನಿತ್ವವನ್ನು ಪಾಲಿಸುತ್ತವೆ ಮತ್ತು ಸಾಂಪ್ರದಾಯಿಕ ಚೀನೀ ಔಷಧದಲ್ಲಿ ಬಳಕೆಯಾಗುತ್ತವೆ. ಇವುಗಳ ತಲೆ ಕುದುರೆಯನ್ನು ಹೋಲುತ್ತದೆ, ಉದ್ದನೆಯ ಮೂತಿ ಮತ್ತು ಹಲ್ಲುರಹಿತ ಬಾಯಿ ಇರುತ್ತದೆ. ತಮ್ಮ ಪರಿಸರಕ್ಕೆ ತಕ್ಕಂತೆ ಬಣ್ಣ ಬದಲಾಯಿಸುವ ಸಾಮರ್ಥ್ಯ ಹೊಂದಿವೆ. ಗಂಡು ಸಮುದ್ರ ಕುದುರೆಯು ತನ್ನ ಹೊಟ್ಟೆಯ ಮೇಲಿನ ಚೀಲದಲ್ಲಿ (pouch) ಹೆಣ್ಣು ಇಟ್ಟ ಮೊಟ್ಟೆಗಳನ್ನು ಫಲವತ್ತಾಗಿಸಿ, ಮರಿಗಳು ಹೊರಬರುವವರೆಗೆ ಸುಮಾರು 3 ವಾರಗಳ ಕಾಲ ರಕ್ಷಿಸುತ್ತದೆ. ಇವು ಆಳವಿಲ್ಲದ ಕಡಲತೀರಗಳು, ಹವಳದ ಬಂಡೆಗಳು, ಮ್ಯಾಂಗ್ರೋವ್‌ಗಳು ಮತ್ತು ಕಡಲ ಹುಲ್ಲುಗಾವಲುಗಳಲ್ಲಿ (seagrass beds) ಹೆಚ್ಚಾಗಿ ಕಂಡುಬರುತ್ತವೆ.

ಆಹಾರ ಪದ್ಧತಿ:

ಇವು ಮುಖ್ಯವಾಗಿ ಸಣ್ಣ ಸೀಗಡಿಗಳು, ಪ್ಲಾಂಕ್ಟನ್ ಮತ್ತು ಲಾರ್ವಾಗಳನ್ನು ತಮ್ಮ ಉದ್ದನೆಯ ಮೂತಿಯ ಮೂಲಕ ಹೀರಲಿಕ್ಕುತ್ತವೆ. ತಮ್ಮ ಬಾಲವನ್ನು ಸಮುದ್ರದ ಸಸ್ಯಗಳಿಗೆ ಸುತ್ತಿಕೊಂಡು, ಒಂದೇ ಕಡೆ ಅಂಟಿಕೊಂಡಿರುತ್ತವೆ. ಇವು ಅತ್ಯಂತ ನಿಧಾನವಾಗಿ ಈಜುವ ಮೀನುಗಳಾಗಿವೆ. ಅತಿಯಾದ ಮೀನುಗಾರಿಕೆ ಮತ್ತು ಆವಾಸಸ್ಥಾನ ನಾಶದಿಂದಾಗಿ ಇವು ಅಳಿವಿನಂಚಿನಲ್ಲಿವೆ. ಸಾಂಪ್ರದಾಯಿಕ ಚೀನೀ ಔಷಧದಲ್ಲಿ (TCM) ಅಸ್ತಮಾ, ಚರ್ಮದ ಕಾಯಿಲೆಗಳು ಮತ್ತು ಲೈಂಗಿಕ ದೌರ್ಬಲ್ಯಗಳ ಚಿಕಿತ್ಸೆಗಾಗಿ ಇವುಗಳನ್ನು ಹೆಚ್ಚಾಗಿ ಬಳಸಲಾಗುತ್ತದೆ. Australian Geographic ರೋಚಕ ವಿಡಿಯೋ ಇಲ್ಲಿದೆ..

ಯೂಟ್ಯೂಬ್ ನಂತೆ WhatsApp ನಲ್ಲೂ ಸಾವಿರಾರು ರೂ. ಅರ್ನ್ ಮಾಡಲು ಬರ್ತಿದೆ ಹೊಸ ಫೀಚರ್‌

Roopa Hegde — Thu, 09 Apr 2026 13:17:30 +0530

ಯೂಟ್ಯೂಬ್, ಇನ್ಸ್ಟಾಗ್ರಾಮ್ ಸೇರಿದಂತೆ ಕೆಲ ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ, ಫೋಟೋ ಪೋಸ್ಟ್ ಮಾಡಿ ಜನ ಲಕ್ಷಾಂತರ ರೂಪಾಯಿ ಸಂಪಾದನೆ ಮಾಡ್ತಿದ್ದಾರೆ. ನೀವೂ ಯೂಟ್ಯೂಬ್ ಚಾನೆಲ್ ಶುರು ಮಾಡುವ ಆಲೋಚನೆಯಲ್ಲಿದ್ರೆ ನಿಮಗೆ ಇನ್ನೊಂದು ಅವಕಾಶ ಇದೆ. ಯೂಟ್ಯೂಬ್ ನಂತೆಯೇ ವಾಟ್ಸ್ ಅಪ್ ಕೂಡ ಗಳಿಕೆಗೆ ಅವಕಾಶ ನೀಡೋ ಬಗ್ಗೆ ಪ್ಲಾನ್ ಮಾಡ್ತಿದೆ. ಯೂಟ್ಯೂಬ್, ಇನ್ಸ್ಟಾ ಮಾತ್ರವಲ್ಲ ನೀವು ವಾಟ್ಸ್ ಅಪ್ ನಲ್ಲೂ ಇನ್ಮುಂದೆ ಅರ್ನಿಂಗ್ ಶುರು ಮಾಡ್ಬಹುದು.

ವಾಟ್ಸ್ ಅಪ್ ಇನ್ಮುಂದೆ ಕೇವಲ ಚಾಟ್ ಮಾಡೋಕೆ ಮಾತ್ರ ಸೀಮಿತವಾಗೋದಿಲ್ಲ. ವರದಿಗಳ ಪ್ರಕಾರ, ವಾಟ್ಸಪ್ ತನ್ನ ಹೊಸ ಫೀಚರ್ ಶುರು ಮಾಡಿದ್ಮೇಲೆ ಬಳಕೆದಾರರು ತಮ್ಮ WhatsApp ಚಾನಲ್ ಮೂಲಕ ಹಣ ಸಂಪಾದನೆ ಮಾಡ್ಬಹುದು. ವಾಟ್ಸ್ ಅಪ್ ಚಾನೆಲ್ ಬಗ್ಗೆ ನೀವು ಆಲೋಚನೆ ಮಾಡ್ತಿದ್ದರೆ ಇದು ಬೆಸ್ಟ್ ಎನ್ನುತ್ತಾರೆ ತಜ್ಞರು. ಆದ್ರೆ ಕೆಲವೊಂದು ಷರತ್ತುಗಳನ್ನು ವಾಟ್ಸ್ಅಪ್ ಇಡ್ತಿದೆ.

ಮಕ್ಕಳ ಕೈಗೆ ಬೀಗ ಹಾಕಿದ 'WhatsApp'.. ಇನ್ಮುಂದೆ ಪೋಷಕರ ಕಂಟ್ರೋಲ್‌ನಷ್ಟೇ ಮಕ್ಕಳ ಮೊಬೈಲ್ ಆಟ ಸಾಧ್ಯ!

ವಾಟ್ಸಾಪ್ನಲ್ಲಿ ಹಣ ಗಳಿಸುವ ಹೊಸ ಮಾರ್ಗ

ವರದಿಗಳ ಪ್ರಕಾರ, ಹೊಸ ಫೀಚರ್ ಶುರು ಆದ್ಮೇಲೆ ಬಳಕೆದಾರರು ಉಚಿತವಾಗಿ ಎಲ್ಲ ವಾಟ್ಸ್ ಅಪ್ ಚಾನೆಲ್ ನೋಡಲು ಸಾಧ್ಯವಿಲ್ಲ. ಕೆಲ ಚಾನೆಲ್ ಗಳನ್ನು ಸಬ್ಸ್ಕ್ರೈಬ್ ಮಾಡಲು ಹಣ ನೀಡ್ಬೇಕು. ಹಾಘಂತ ಎಲ್ಲ ಚಾನೆಲ್ ಸಬ್ಸ್ಕ್ರೈಬ್ ಗೆ ಹಣ ಪಾವತಿಸಬೇಕಾಗಿಲ್ಲ. ವಾಟ್ಸ್ ಅಪ್ ಇದಕ್ಕೆ ಆಯ್ಕೆ ನೀಡ್ತಿದೆ. ಪೇಡ್, ಪೇಡ್ ಇಲ್ಲದ ಚಾನೆಲ್ ಎರಡನ್ನೂ ಬೇರೆಯಾಗಿ ಕಾಣ್ಬಹುದು. ಈಗ್ಲೂ ವಾಟ್ಸ್ ಅಪ್ ನಲ್ಲಿ ಜನರು ಚಾನೆಲ್ ಓಪನ್ ಮಾಡ್ಬಹುದು. ಆದ್ರೆ ಬಳಕೆದಾರರು ಯಾವುದೇ ಶುಲ್ಕವಿಲ್ಲದೆ ಚಾನೆಲ್ ಸಬ್ಸ್ಕ್ರೈಬ್ ಮಾಡ್ಬಹುದಿತ್ತು. ಹೊಸ ಫೀಚರ್ ಬರ್ತಿದ್ದಂತೆ ಈ ರೂಲ್ಸ್ ಬದಲಾಗಲಿದೆ. ಬಳಕೆದಾರ ಹಣ ನೀಡಿ ಚಾನೆಲ್ ಸಬ್ಸ್ಕ್ರೈಬ್ ಮಾಡ್ಬೇಕು. ಬಳಕೆದಾರರು ಸಬ್ಸ್ಕ್ರೈಬ್ ಆಗುವ ಮುನ್ನ, ಚಾನೆಲ್ ಬಗ್ಗೆ, ಅಲ್ಲಿನ ಸಬ್ಸ್ಕ್ರೈಬರ್ ಬಗ್ಗೆ ಎಲ್ಲ ಮಾಹಿತಿ ಪಡೆಯುವ ಅಧಿಕಾವಿರುತ್ತದೆ.

ಹಳೆಯ ಸ್ಮಾರ್ಟ್ ಟಿವಿಗಳಲ್ಲಿ ನೆಟ್‌ಫ್ಲಿಕ್ಸ್ ಇನ್ಮುಂದೆ ಬರಲ್ಲ; ಯಾವುದೇ ಮುನ್ಸೂಚನೆ ಇಲ್ಲದೆ ಶಾಕ್ ನೀಡಿದ ಸ್ಟ್ರೀಮಿಂಗ್ ದೈತ್ಯ!

ವಾಟ್ಸ್ ಅಪ್ WhatsApp ಚಾನಲ್ ಶುರು ಮಾಡೋದು ಹೇಗೆ?

ವಾಟ್ಸ್ ಅಪ್ ಚಾನಲ್ ರಚಿಸೋದು ತುಂಬಾ ಸುಲಭ. Android ಮತ್ತು iPhone ಎರಡರಲ್ಲೂ ಮಾಡ್ಬಹುದು. ಮೊದಲು, ಅಪ್ಲಿಕೇಶನ್ ಓಪನ್ ಮಾಡಿ, ಚಾನೆಲ್ ಎಂಟ್ರಿ ಪಡೆದುಕೊಳ್ಳಿ. ಚಾನಲ್ ಲಿಸ್ಟ್ ಕೆಳಗೆ ಕ್ರಿಯೆಟ್ ಚಾನೆಲ್ ಎನ್ನುವ ಆಯ್ಕೆ ಇರುತ್ತದೆ. ಅದನ್ನು ಆಯ್ಕೆ ಮಾಡ್ಕೊಳ್ಳಿ. ವಾಟ್ಸ್ ಅಪ್ ಸಂದೇಶವನ್ನು ಸರಿಯಾಗಿ ಓಡಿ, ಮುಂದೆ ಹೋಗಿ. ಮುಂದಿನ ಪೇಜ್ ನಲ್ಲಿ ಚಾನಲ್ ಹೆಸರು ಮತ್ತು ಉಳಿದ ಮಾಹಿತಿ ಕೇಳಲಾಗುತ್ತದೆ. ನಿಮಗೆ ಇಷ್ಟವಿದ್ರೆ ಚಾನಲ್ ಐಕಾನ್ ಸೇರಿಸ್ಬಹುದು. ಅಗತ್ಯ ಮಾಹಿತಿ ತುಂಬಿದ ಮೇಲೆ ಟ್ಯಾಪ್ ಮಾಡಿ. ನಿಮ್ಮ ಚಾನೆಲ್ ರೆಡಿಯಾಗಿರುತ್ತದೆ.

ವಾಟ್ಸ್ ಅಪ್ ಕಂಟೆಂಟ್ ಕ್ರಿಯೇಟರ್ಸ್ ಗೆ ಹೊಸ ಫೀಚರ್ ಕೂಡ ನೀಡ್ತಿದೆ. ಅದ್ರಲ್ಲಿ ಕ್ರಿಯೇಟರ್ಸ್ ತಮ್ಮ ಕೆಲ ವಿಡಿಯೋಗಳನ್ನು ಲಾಕ್ ಮಾಡಬಹುದು. ಪೇಯ್ಡ್ ಫಾಲೋವರ್ಸ್ ಗೆ ಮಾತ್ರ ಇದು ಲಭ್ಯವಾಗುವಂತೆ ಮಾಡ್ಬಹುದು.

ದಿನವಲ್ಲ, ತಿಂಗಳುಗಟ್ಟಲೆ ಉಪವಾಸವಿದ್ದರೂ ಹಾವು ಸಾಯೋದಿಲ್ಲ! ಹೇಗೆ ಗೊತ್ತಾ?

Sushma Hegde — Sat, 04 Apr 2026 17:29:13 +0530

Snakes Can Survive Without Food for Months? ಹಾವು ಅನ್ನೋದ್ರೇ ಹಲವರಿಗೆ ಭಯ… ಆದರೆ ಈ ಜೀವಿಯ ಬಗ್ಗೆ ಕೆಲವೊಂದು ಅಚ್ಚರಿಯ ಸತ್ಯಗಳು ನಿಮಗೆ ಗೊತ್ತಿಲ್ಲ! ಹಸಿವಾದರೂ ಹಾವು ಎಷ್ಟು ದಿನ ಬದುಕಬಲ್ಲದು ಗೊತ್ತಾದ್ರೆ ನೀವು ಖಂಡಿತಾ ಶಾಕ್ ಆಗ್ತೀರಾ.

ಪ್ರಪಂಚದಾದ್ಯಂತ ಸುಮಾರು 3000ಕ್ಕೂ ಹೆಚ್ಚು ಜಾತಿಯ ಹಾವುಗಳು ಇದ್ದು, ಪ್ರತಿಯೊಂದು ಹಾವು ತನ್ನದೇ ಆದ ಜೀವನಶೈಲಿ ಮತ್ತು ಆಹಾರ ಪದ್ಧತಿಯನ್ನು ಹೊಂದಿದೆ. ಭಾರತದಲ್ಲಿಯೂ ಕೋಬ್ರಾ, ಕ್ರೈಟ್, ವೈಪರ್ ಮುಂತಾದ ವಿಷಕಾರಿ ಹಾವುಗಳು ಹೆಚ್ಚು ಕಂಡುಬರುತ್ತವೆ.

ಸಾಮಾನ್ಯವಾಗಿ ಹೆಚ್ಚಿನ ಹಾವುಗಳು 10 ರಿಂದ 12 ದಿನಗಳವರೆಗೆ ಆಹಾರವಿಲ್ಲದೆ ಬದುಕಬಲ್ಲವು. ಆದರೆ ಅಚ್ಚರಿಯ ವಿಷಯ ಏನೆಂದರೆ, ಕೆಲವು ಹಾವು ಪ್ರಭೇದಗಳು ತಿಂಗಳುಗಳ ಕಾಲ ಆಹಾರವಿಲ್ಲದೇ ಜೀವಿಸಬಲ್ಲವು!

ಹಾವುಗಳ ದೇಹದಲ್ಲಿ ಮೆಟಾಬಾಲಿಸಂ ತುಂಬಾ ನಿಧಾನವಾಗಿರುತ್ತದೆ. ಅಂದರೆ, ಅವು ಶಕ್ತಿ ಕಡಿಮೆ ಬಳಕೆ ಮಾಡುತ್ತವೆ. ಇದರಿಂದಾಗಿ ಕಡಿಮೆ ಆಹಾರದಲ್ಲಿಯೇ ದೀರ್ಘಕಾಲ ಬದುಕುವ ಸಾಮರ್ಥ್ಯ ಅವುಗಳಿಗೆ ಇದೆ.

ನಾಗರಹಾವುಗಳು ಸುಮಾರು 25-30 ವರ್ಷಗಳವರೆಗೆ ಬದುಕಬಹುದು. ಕ್ರೈಟ್ ಹಾವುಗಳು 10-15 ವರ್ಷಗಳವರೆಗೆ ಜೀವಿಸುತ್ತವೆ. ಹಾವುಗಳ ವಯಸ್ಸು ಹೆಚ್ಚಾದಂತೆ ಅವುಗಳ ಬದುಕುವ ಸಾಮರ್ಥ್ಯವೂ ಹೆಚ್ಚಾಗುತ್ತದೆ.

ಹಾವುಗಳು ಆಹಾರಕ್ಕಿಂತಲೂ ವಾತಾವರಣದ ತೇವಾಂಶ, ಅಡಗಿಕೊಳ್ಳುವ ಸ್ಥಳ ಇತ್ಯಾದಿಗಳ ಮೇಲೆ ಹೆಚ್ಚು ಅವಲಂಬಿತವಾಗಿರುತ್ತವೆ. ಈ ಪರಿಸ್ಥಿತಿಗಳು ಸರಿಯಾಗಿದ್ದರೆ, ಅವು ತಿಂಗಳುಗಟ್ಟಲೆ ಏನೂ ತಿನ್ನದೆ ಬದುಕಬಲ್ಲವು. ಹೆಬ್ಬಾವು (Python) ಇದಕ್ಕೆ ಉತ್ತಮ ಉದಾಹರಣೆ.