Asianet Suvarna News

ಭರ್ಜರಿ ಕ್ಯಾಶ್‌ಬ್ಯಾಕ್‌, 0 ಡೌನ್‌ಪೇಮೆಂಟ್ EMI, ಹೊಸ ಸ್ಯಾಮ್‌ಸಂಗ್ ಗ್ಯಾಲಾಕ್ಸಿ A27 5G ಫೋನ್ ಲಾಂಚ್

Chethan Kumar — Wed, 01 Jul 2026 19:13:57 +0530

ಸ್ಯಾಮ್‌ಸಂಗ್ ಬಜೆಟ್ ಫ್ಲೆಂಡ್ಲಿಯಲ್ಲಿ 50ಎಂಪಿ ಕ್ಯಾಮೆರಾ,5000mAh ಬ್ಯಾಟರಿ ಸೇರಿದಂತೆ ದುಬಾರಿ ಮೊಬೈಲ್‌ನಲ್ಲಿರುವ ಎಲ್ಲಾ ಫೀಚರ್ಸ್ ಈ ಸ್ಯಾಮ್‌ಸಂಗ್ ಗೆಲಾಕ್ಸಿ A27 5G ಫೋನ್‌ನಲ್ಲಿದೆ. ವಿಶೇಷ ಅಂದರೆ ಖರೀದಿಗೆ ಕ್ಯಾಶ್‌ಬ್ಯಾಕ್ ಸೇರಿದಂತೆ ಹಲವು ಆಫರ್ ನೀಡಲಾಗಿದೆ.

ಸ್ಯಾಮ್‌ಸಂಗ್ ಅತ್ಯುತ್ತಮ ಕ್ವಾಲಿಟಿಯ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಿದೆ. ಸ್ಯಾಮ್‌ಸಂಗ್ ಗ್ಯಾಲಕ್ಸಿ A27 5G ಬಿಡುಗಡೆಯಾಗಿದೆ. ಫೋಟೋ ಹಾಗೂ ವಿಡಿಯೋ ರೆಕಾರ್ಡ್‌ ಮಾಡಲು ಉತ್ತಮ ಕ್ವಾಲಿಟಿ ಕ್ಯಾಮೆರಾ ಹಾಗೂ ಎಐ ತಂತ್ರಜ್ಞಾನ, ಸುದೀರ್ಘ ಬಾಳಿಕೆಯ ಬ್ಯಾಟರಿ, ಕೈಗೆಟುವು ಬೆಲೆ ಹಾಗೂ ಕ್ಯಾಶ್‌ಬ್ಯಾಕ್, ಝೀರೋ ಡೌನ್‌ಪೇಮೆಂಟ್ ಸೇರಿದಂತೆ ಹಲವು ಆಫರ್ ಕೂಡ ನೀಡಲಾಗಿದೆ.

ಗೆಲಾಕ್ಸಿ A27 5G, OIS ಮತ್ತು 4K ವೀಡಿಯೋ ರೆಕಾರ್ಡಿಂಗ್, 115° ಫೀಲ್ಡ್ ವ್ಯೂ ಇರುವ 50MP ಮುಖ್ಯ ಕ್ಯಾಮರಾ ನೀಡಲಾಗಿದೆ. 2MP ಮ್ಯಾಕ್ರೊ ಕ್ಯಾಮರಾ ಹೊಂದಿದೆ. 6x4 ಸೈಜ್ ಪ್ರಿಂಟ್ ಮಾಡಲು ಯೋಗ್ಯವಾದ 300dpi ಫೋಟೋಗಳಿಗೆ ಅವಕಾಶ ಕಲ್ಪಿಸುತ್ತದೆ. ಇದರ 12MP HDR ಫ್ರಂಟ್ ಕ್ಯಾಮರಾ, ಸಮನಾಗಿ ಎಕ್ಸ್‌ಫೋಸ್ ಆದ ಪೋರ್ಟ್ರೇಟ್‌ಗಳು ಮತ್ತು ಅತ್ಯುತ್ಕೃಷ್ಟ ಗುಣಮಟ್ಟದ ವೀಡಿಯೋ ನೀಡಲಿದೆ. ಜೊತೆಗೆ ಅಬ್‌ಜೆಕ್ಟ್ ಇರೇಸರ್, ಎಐ ಫೋಟೋ ಎಡಿಟಿಂಗ್ ಸೇರಿದಂತೆ ಹಲವು ಫೀಚರ್ಸ್ ಇದರಲ್ಲಿದೆ.

ಸ್ಯಾಮ್‌ಸಂಗ್ ಗೆಲಾಕ್ಸಿ A27 5G ಫೋನ್ 6GB RAM/128GB ಸ್ಟೋರೇಜ್, 8GB RAM/128GB ಸ್ಟೊರೇಜ್ ಮತ್ತು 8GB RAM/256GB ಸ್ಟೋರೇಜ್‌ಗಳಲ್ಲಿ ಲಭ್ಯವಿದೆ. ಇದರ ಬೆಲೆ ಕ್ರಮವಾಗಿ 28999 ರೂಪಾಯಿ, 31999 ರೂಪಾಯಿ ಹಾಗೂ 37499 ರೂಪಾಯಿ. ವಿಶೇಷ ಅಂದರೆ ಎಲ್ಲಾ ಮಾಡಲ್‍ಗೆ 3000 ರೂಪಾಯಿ ಬ್ಯಾಂಕ್/ಯುಪಿಐ ಕ್ಯಾಶ್‌ಬ್ಯಾಕ್ ಅಥವಾ 15 ತಿಂಗಳುಗಳ ಅವಧಿಯವರೆಗೆ ಆಯ್ದ ನಾನ್-ಬ್ಯಾಂಕಿಂಗ್ ಫೈನಾನ್ಶಿಯಲ್ ಕಂಪನಿಗಳಿಂದ ಶೂನ್ಯ ಡೌನ್ ಪೇಮೆಂಟ್‌ನಲ್ಲಿ ಲಭ್ಯವಿದೆ. ಹೆಚ್ಚುವರಿಯಾಗಿ, ಗೆಲಾಕ್ಸಿ A27 5Gಆಯ್ದ ನಾನ್-ಬ್ಯಾಂಕಿಂಗ್ ಫೈನಾನ್ಶಿಯಲ್ ಕಂಪನಿಗಳಿಂದ 8-ತಿಂಗಳ ಡೌನ್ ಪೇಮೆಂಟ್ ಇರುವ 24-ತಿಂಗಳ ಇಎಮ್‌ಐ ಆಯ್ಕೆ ಲಭ್ಯವಿದೆ

ಸ್ಯಾಮ್‌ಸಂಗ್ ಗೆಲಾಕ್ಸಿ A27 5G ಫೋನ್ ಇಡೀ ದಿನ ಬಳಸಲು ಯೋಗ್ಯವಾದ 5000mAh ಬ್ಯಾಟರಿ ನೀಡಲಾಗಿದೆ. Samsung Knox ಮತ್ತು Knox Vault ಹಾರ್ಡ್‌ವೇರ್ ಬೆಂಬಲ ರಕ್ಷಣೆ ಇರುವ ಗೆಲಾಕ್ಸಿ A27 5G ವೈಯಕ್ತಿಕ ಫೋಟೋಗಳು, ಫೈಲ್ಸ್ ಸಂರಕ್ಷಿಸುವ ಡೇಟಾ ಭದ್ರತೆ ನೀಡಲಿದೆ.Samsung Wallet, ಬಳಕೆದಾರರು ಟ್ಯಾಪ್ ಮಾಡಿ ಪೇ ಮಾಡುವುದಕ್ಕೆ ಅನುವು ಮಾಡಿಕೊಡುತ್ತದೆ.

ಸ್ಯಾಮ್‌ಸಂಗ್ ಗ್ಯಾಲಾಕ್ಸಿ A27 5G ಅದ್ಭುತ ಡಿಸ್‌ಪ್ಲೇ ಹೊಂದಿದೆ. 120Hz 6.7 ಇಂಚಿನ ಸೂಪರ್ AMOLED ಸ್ಕ್ರೀನ್ ಹೊಂದಿದೆ. ಸ್ಮಾರ್ಟ್‌ಫೋನ್‌ನ ವರ್ಧಿತ Infinity-O ಡಿಸ್‌ಪ್ಲೇಯಿಂದ ಯಾವುದೇ ಅಡೆ ತಡೆ ಇಲ್ಲದೆ ತಲ್ಲೀನವಾಗಿ ವೀಕ್ಷಣೆ ಮಾಡಲು ಸಾಧ್ಯವಿದೆ.

Snapdragon® 6 Gen 3 ಮೊಬೈಲ್ UFS 3.1 ಸ್ಟೋರೇಜ್ ಮತ್ತು LPDDRX5 RAM ಹೊಂದಿದೆ. ಹೀಗಾಗಿ ಮಲ್ಟಿ ಟಾಸ್ಕಿಂಗ್, ಗೇಮಿಂಗ್‌ಗೂ ಉತ್ತಮವಾಗಿದೆ. ಸರಾಗವಾಗಿ ಗೇಮಿಂಗ್ ಆಡಲು ಈ ಫೋನ್ ನೆರವಾಗಲಿದೆ. ವೆಬ್‍ ಕಂಟೆಂಟ್ ಬ್ರೌಸ್ ಮಾಡುತ್ತಿರುವಾಗ ವೀಡಿಯೋ ಸ್ಟ್ರೀಮ್, ಆಪ್‌ ಬಳಕೆ, ಎಐ ಅಪ್ಲಿಕೇಶನ್‌ಗಳೊಡನೆ ಕಾರ್ಯನಿರ್ವಹಿಸುವಾಗ ಮತ್ತು ಗೇಮ್ಸ್ ಆಡುವಾಗ ಫೋನ್ ಯಾವುದೇ ಸಮಸ್ಯೆಗೆ ಸಿಲುಕುವುದಿಲ್ಲ.

ನಾಸಾದ ಐತಿಹಾಸಿಕ ಸಾಹಸ: 22 ವರ್ಷ ಹಳೆಯ 'ಸ್ವಿಫ್ಟ್' ದೂರದರ್ಶಕ ಉಳಿಸಲು ರೋಬೋಟ್ ಉಡಾವಣೆ!

Gowthami K — Wed, 01 Jul 2026 19:07:02 +0530

ಅಮೆರಿಕದ ನಾಸಾ (NASA) ಬಾಹ್ಯಾಕಾಶ ವಿಜ್ಞಾನದ ಇತಿಹಾಸದಲ್ಲೇ ಹಿಂದೆಂದೂ ಕೈಗೊಳ್ಳದ ಅತ್ಯಂತ ವಿಶಿಷ್ಟ ಮತ್ತು ಐತಿಹಾಸಿಕ ರಕ್ಷಣಾ ಕಾರ್ಯಾಚರಣೆಗೆ ಮುಂದಾಗಿದೆ. ಕಕ್ಷೆಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ತನ್ನ 22 ವರ್ಷ ಹಳೆಯ ನೀಲ್ ಗೆಹ್ರೆಲ್ಸ್ ಸ್ವಿಫ್ಟ್ (Neil Gehrels Swift) ಬಾಹ್ಯಾಕಾಶ ದೂರದರ್ಶಕವನ್ನು (Space Telescope) ನಾಶವಾಗದಂತೆ ರಕ್ಷಿಸಲು ನಾಸಾ ಮೊದಲ ಬಾರಿಗೆ ರೋಬೋಟಿಕ್ ತಂತ್ರಜ್ಞಾನದ ನೆರವು ಪಡೆಯುತ್ತಿದೆ. ಈ ಮಹತ್ವಾಕಾಂಕ್ಷೆಯ ಕಾರ್ಯಾಚರಣೆಗೆ 'ಸ್ವಿಫ್ಟ್ ಬೂಸ್ಟ್' (Swift Boost) ಎಂದು ಹೆಸರಿಡಲಾಗಿದೆ.

ಈ ಕಾರ್ಯಾಚರಣೆಯು ಯಶಸ್ವಿಯಾದರೆ, ಬಾಹ್ಯಾಕಾಶದಲ್ಲಿರುವ ಹಳೆಯ ಉಪಗ್ರಹಗಳು ಹಾಗೂ ದೂರದರ್ಶಕಗಳನ್ನು ದುರಸ್ತಿ ಮಾಡಿ ಮರುಬಳಕೆ ಮಾಡುವ ಹೊಸ ಯುಗವೊಂದು ಆರಂಭವಾಗಲಿದೆ.

ಏನಿದು ಸ್ವಿಫ್ಟ್ ದೂರದರ್ಶಕ? ಇದರ ಮಹತ್ವವೇನು?

2004 ರಲ್ಲಿ ಉಡಾವಣೆಗೊಂಡ ನಾಸಾದ ಸ್ವಿಫ್ಟ್ ವೀಕ್ಷಣಾಲಯವನ್ನು ಮೂಲತಃ ಕೇವಲ ಎರಡು ವರ್ಷಗಳ ಕಾರ್ಯಾಚರಣೆಗಾಗಿ ವಿನ್ಯಾಸಗೊಳಿಸಲಾಗಿತ್ತು. ಆದರೆ, ವಿಜ್ಞಾನಿಗಳ ನಿರೀಕ್ಷೆಯನ್ನು ಮೀರಿ ಇದು ಎರಡು ದಶಕಗಳಿಗೂ ಹೆಚ್ಚು ಕಾಲ ಅತ್ಯಂತ ಯಶಸ್ವಿಯಾಗಿ ಕಾರ್ಯನಿರ್ವಹಿಸಿದೆ.

ಬ್ರಹ್ಮಾಂಡದ ಅತ್ಯಂತ ನಿಗೂಢ ಹಾಗೂ ಶಕ್ತಿಶಾಲಿ ವಿದ್ಯಮಾನಗಳಾದ:
ಗಾಮಾ-ಕಿರಣ ಸ್ಫೋಟಗಳು (Gamma-Ray Bursts)
ಕಪ್ಪು ಕುಳಿಗಳು (Black Holes)
ನ್ಯೂಟ್ರಾನ್ ನಕ್ಷತ್ರಗಳು (Neutron Stars)
ಸೂಪರ್‌ನೋವಾ ಸ್ಫೋಟಗಳು (Supernova)

ಇವುಗಳ ಕುರಿತು ಸ್ವಿಫ್ಟ್ ದೂರದರ್ಶಕವು ಖಗೋಳ ವಿಜ್ಞಾನಿಗಳಿಗೆ ಅತ್ಯಂತ ಅಮೂಲ್ಯವಾದ ಮತ್ತು ನಿರ್ಣಾಯಕವಾದ ಮಾಹಿತಿಯನ್ನು ಒದಗಿಸುತ್ತಾ ಬಂದಿದೆ. ಪ್ರಸ್ತುತ ಹೊಸ ಉಪಗ್ರಹವನ್ನು ನಿರ್ಮಿಸಿ ಕಳುಹಿಸುವುದಕ್ಕಿಂತ, ಅತಿ ಕಡಿಮೆ ವೆಚ್ಚದಲ್ಲಿ ಸ್ವಿಫ್ಟ್ ಅನ್ನು ಉಳಿಸಿಕೊಳ್ಳುವುದು ವೈಜ್ಞಾನಿಕವಾಗಿ ಮತ್ತು ಆರ್ಥಿಕವಾಗಿ ಹೆಚ್ಚು ಲಾಭದಾಯಕ ಎಂದು ನಾಸಾ ಭಾವಿಸಿದೆ.

ಸ್ವಿಫ್ಟ್ ದೂರದರ್ಶಕಕ್ಕಿರುವ ಅಪಾಯವೇನು?

ಸುದೀರ್ಘ ಕಾಲದಿಂದ ಸೇವೆ ಸಲ್ಲಿಸುತ್ತಿರುವ ಈ ದೂರದರ್ಶಕಕ್ಕೆ ಈಗ ಪ್ರಕೃತಿಯೇ ಸವಾಲಾಗಿದೆ. ಇತ್ತೀಚಿನ ದಿನಗಳಲ್ಲಿ ಸೌರ ಚಟುವಟಿಕೆಗಳು (Solar Activities) ತೀವ್ರಗೊಂಡಿದ್ದು, ಇದರಿಂದಾಗಿ ಭೂಮಿಯ ಮೇಲಿನ ವಾತಾವರಣವು ಬಿಸಿಯಾಗಿ ವಿಸ್ತರಿಸಿದೆ. ಈ ವಾತಾವರಣದ ವಿಸ್ತರಣೆಯು ಬಾಹ್ಯಾಕಾಶದಲ್ಲಿ ಹೆಚ್ಚುವರಿ ಘರ್ಷಣೆ ಅಥವಾ ಎಳೆತವನ್ನು (Atmospheric Drag) ಸೃಷ್ಟಿಸುತ್ತಿದೆ.

ಸ್ವಿಫ್ಟ್ ದೂರದರ್ಶಕದಲ್ಲಿ ಸ್ವತಃ ಕಕ್ಷೆಯನ್ನು ಹೆಚ್ಚಿಸಿಕೊಳ್ಳಲು ಯಾವುದೇ ಎಂಜಿನ್ ವ್ಯವಸ್ಥೆ ಇಲ್ಲದಿರುವುದರಿಂದ, ಅದು ನಿಧಾನವಾಗಿ ಭೂಮಿಯ ಕಡೆಗೆ ವಾಲಿ ಕಕ್ಷೆಯನ್ನು ಕಳೆದುಕೊಳ್ಳುತ್ತಿದೆ. ಒಂದು ವೇಳೆ ಈಗ ಯಾವುದೇ ಕ್ರಮ ಕೈಗೊಳ್ಳದಿದ್ದರೆ, ಈ ವರ್ಷದ ಶರತ್ಕಾಲದ (ಅಕ್ಟೋಬರ್-ನವೆಂಬರ್) ವೇಳೆಗೆ ಅದು ಭೂಮಿಯ ವಾತಾವರಣವನ್ನು ಪ್ರವೇಶಿಸಿ ಸಂಪೂರ್ಣವಾಗಿ ಸುಟ್ಟು ಬೂದಿಯಾಗುವ ಅಪಾಯವಿದೆ.

ರೋಬೋಟ್ ಮೂಲಕ ರಕ್ಷಣೆ: ಕಾರ್ಯಾಚರಣೆ ಹೇಗೆ ನಡೆಯುತ್ತದೆ?

ಈ ಅಪಾಯದಿಂದ ದೂರದರ್ಶಕವನ್ನು ರಕ್ಷಿಸಲು ನಾಸಾ, ಅರಿಜೋನಾ ಮೂಲದ ಖಾಸಗಿ ಬಾಹ್ಯಾಕಾಶ ಸಂಸ್ಥೆಯಾದ 'ಕ್ಯಾಟಲಿಸ್ಟ್ ಸ್ಪೇಸ್ ಟೆಕ್ನಾಲಜೀಸ್' (Catalyst Space Technologies) ಜೊತೆ ಕೈಜೋಡಿಸಿದೆ. ಈ ಸಂಸ್ಥೆಯು 'ಲಿಂಕ್' (LINK) ಎಂಬ ಅತ್ಯಾಧುನಿಕ ರೋಬೋಟಿಕ್ ಬಾಹ್ಯಾಕಾಶ ನೌಕೆಯನ್ನು ಅಭಿವೃದ್ಧಿಪಡಿಸಿದೆ.

ರಕ್ಷಣಾ ಪ್ರಕ್ರಿಯೆಯ ಹಂತಗಳು:

ಮಾರ್ಷಲ್ ದ್ವೀಪಗಳ ಕ್ವಾಜಲೀನ್ ಅಟಾಲ್‌ನಿಂದ 'ನಾರ್ತ್ರೋಪ್ ಗ್ರಮ್ಮನ್' ಸಂಸ್ಥೆಯ ಪೆಗಾಸಸ್ ಎಕ್ಸ್‌ಎಲ್ (Pegasus XL) ರಾಕೆಟ್ ಮೂಲಕ 'LINK' ರೋಬೋಟಿಕ್ ನೌಕೆಯನ್ನು ಬಾಹ್ಯಾಕಾಶಕ್ಕೆ ಉಡಾವಣೆ ಮಾಡಲಾಗುತ್ತದೆ.

ಉಡಾವಣೆಯಾದ ನಂತರ, LINK ನೌಕೆಯು ಕಕ್ಷೆಯಲ್ಲಿ ಸ್ವಿಫ್ಟ್ ದೂರದರ್ಶಕವನ್ನು ತಲುಪಲು ಕೆಲವು ವಾರಗಳ ಕಾಲ ಪ್ರಯಾಣಿಸಲಿದೆ. ನಂತರ ತನ್ನಲ್ಲಿರುವ ಮೂರು ರೋಬೋಟಿಕ್ ತೋಳುಗಳನ್ನು ಬಳಸಿ ಸ್ವಾಯತ್ತವಾಗಿ (Autonomous) ದೂರದರ್ಶಕವನ್ನು ಗಟ್ಟಿಯಾಗಿ ಹಿಡಿದುಕೊಳ್ಳಲಿದೆ.

ಕಕ್ಷೆ ಏರಿಕೆ (Boost): ಒಮ್ಮೆ ಡಾಕಿಂಗ್ ಪ್ರಕ್ರಿಯೆ ಪೂರ್ಣಗೊಂಡ ನಂತರ, LINK ನೌಕೆಯು ತನ್ನಲ್ಲಿರುವ ಅತ್ಯಾಧುನಿಕ ಅಯಾನು ಪ್ರೊಪಲ್ಷನ್ ವ್ಯವಸ್ಥೆಯನ್ನು (Ion Propulsion System) ಬಳಸಿಕೊಂಡು ಮುಂದಿನ ಕೆಲವು ತಿಂಗಳುಗಳಲ್ಲಿ ಸ್ವಿಫ್ಟ್ ದೂರದರ್ಶಕವನ್ನು ಭೂಮಿಯಿಂದ ಸುಮಾರು 600 ಕಿಲೋಮೀಟರ್ ಎತ್ತರದ ಸುರಕ್ಷಿತ ಕಕ್ಷೆಗೆ ತಳ್ಳಲಿದೆ.

ಇದರಿಂದಾಗಿ ಸ್ವಿಫ್ಟ್ ದೂರದರ್ಶಕದ ಜೀವಿತಾವಧಿ ಇನ್ನೂ ಹಲವು ವರ್ಷಗಳ ಕಾಲ ವಿಸ್ತರಣೆಯಾಗಲಿದ್ದು, ಅದು ತನ್ನ ವೈಜ್ಞಾನಿಕ ಅವಲೋಕನಗಳನ್ನು ಮುಂದುವರಿಸಲು ಸಾಧ್ಯವಾಗುತ್ತದೆ.

ಹವಾಮಾನ ವೈಪರೀತ್ಯ ಹಾಗೂ ಪರಿಷ್ಕೃತ ಉಡಾವಣಾ ಸಮಯ

ವಾಸ್ತವವಾಗಿ, ಈ ಮಹತ್ವದ ಕಾರ್ಯಾಚರಣೆಯು ಜೂನ್ 30 ರ ಮಂಗಳವಾರದಂದು (ಭಾರತೀಯ ಕಾಲಮಾನ ಮಧ್ಯಾಹ್ನ 3:47 ಕ್ಕೆ) ಉಡಾವಣೆಗೊಳ್ಳಬೇಕಿತ್ತು. ಆದರೆ, ಉಡಾವಣಾ ಪ್ರದೇಶದಲ್ಲಿ ಹವಾಮಾನ ಪರಿಸ್ಥಿತಿಗಳು ಸೂಕ್ತವಾಗಿರದ ಕಾರಣ ಕೊನೆಯ ಕ್ಷಣದಲ್ಲಿ ಅಧಿಕಾರಿಗಳು ಇದನ್ನು ಮುಂದೂಡಿದ್ದರು.

ಪ್ರಸ್ತುತ ನಾಸಾ ಪ್ರಕಟಿಸಿರುವ ನೂತನ ವೇಳಾಪಟ್ಟಿಯಂತೆ, ಜುಲೈ 1, ಬುಧವಾರದಂದು ಭಾರತೀಯ ಕಾಲಮಾನ ಮಧ್ಯಾಹ್ನ 3:13 ಕ್ಕೆ ಮತ್ತೊಮ್ಮೆ ಉಡಾವಣಾ ಪ್ರಯತ್ನವನ್ನು ಕೈಗೊಳ್ಳಲಾಗುತ್ತಿದೆ ಎಂದು ನಾಸಾ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.

ಭವಿಷ್ಯದ ಬಾಹ್ಯಾಕಾಶ ವಿಜ್ಞಾನಕ್ಕೆ ದಿಕ್ಸೂಚಿ

ಈ 'ಸ್ವಿಫ್ಟ್ ಬೂಸ್ಟ್' ಮಿಷನ್ ಕೇವಲ ಒಂದು ದೂರದರ್ಶಕವನ್ನು ಉಳಿಸುವ ಪ್ರಯತ್ನವಲ್ಲ, ಬದಲಿಗೆ ಇದು ಭವಿಷ್ಯದ ಬಾಹ್ಯಾಕಾಶ ತಂತ್ರಜ್ಞಾನದ ದಿಕ್ಸೂಚಿಯಾಗಿದೆ. ಕಾರ್ಯಾಚರಣೆಯಲ್ಲಿ ಇರುವ ನಾಸಾದ ವಿಜ್ಞಾನ ವೀಕ್ಷಣಾಲಯವೊಂದನ್ನು ಈ ರೀತಿ ರೋಬೋಟಿಕ್ ತಂತ್ರಜ್ಞಾನದ ಮೂಲಕ ರಕ್ಷಿಸುತ್ತಿರುವುದು ಬಾಹ್ಯಾಕಾಶ ಇತಿಹಾಸದಲ್ಲೇ ಇದೇ ಮೊದಲು.

ಭವಿಷ್ಯದ ಪ್ರಯೋಜನಗಳು:

ಹಳೆಯ ಉಪಗ್ರಹಗಳನ್ನು ಕಕ್ಷೆಯಿಂದ ಕೈಬಿಟ್ಟು ಹೊಸದನ್ನು ಉಡಾವಣೆ ಮಾಡುವ ಭಾರಿ ವೆಚ್ಚ ಉಳಿಯುತ್ತದೆ.

ಬಾಹ್ಯಾಕಾಶದಲ್ಲಿ ಹೆಚ್ಚುತ್ತಿರುವ ಕಸ ಅಥವಾ ಶಿಲಾಖಂಡರಾಶಿಗಳನ್ನು (Space Debris) ಗಣನೀಯವಾಗಿ ನಿಯಂತ್ರಿಸಬಹುದು.

ಕಕ್ಷೆಯಲ್ಲಿಯೇ ಉಪಗ್ರಹಗಳಿಗೆ ಇಂಧನ ತುಂಬುವುದು, ದುರಸ್ತಿ ಮಾಡುವುದು ಮತ್ತು ಮರುಸ್ಥಾಪನೆ ಮಾಡುವ ಮೂಲಕ ಬಾಹ್ಯಾಕಾಶ ಕಾರ್ಯಾಚರಣೆಗಳನ್ನು ಹೆಚ್ಚು ಸುಸ್ಥಿರ ಹಾಗೂ ದೀರ್ಘಕಾಲೀನವಾಗಿಸಬಹುದು.

ಸತ್ತ ನಂತ್ರವೂ ಆತ್ಮಗಳಿಗೆ ಕುಟುಂಬಸ್ಥರ ಧ್ವನಿ ಕೇಳಿಸುತ್ತಾ? ಸತ್ಯ ತಿಳಿಯಲು ಧೈರ್ಯ ಬೇಕು

Mahmad Rafik — Wed, 01 Jul 2026 15:40:22 +0530

ಸಾವಿನ ನಂತರ ಆತ್ಮಕ್ಕೆ ತನ್ನವರ ಧ್ವನಿ ಕೇಳಿಸುತ್ತದೆಯೇ ಎಂಬ ಪ್ರಶ್ನೆಗೆ ಗರುಡ ಪುರಾಣ ಮತ್ತು ವಿಜ್ಞಾನ ವಿಭಿನ್ನ ಉತ್ತರಗಳನ್ನು ನೀಡುತ್ತವೆ. ಪುರಾಣಗಳ ಪ್ರಕಾರ ಆತ್ಮವು ತನ್ನವರ ದುಃಖವನ್ನು ಅನುಭವಿಸಿದರೆ, ಮೆದುಳಿನ ಕಾರ್ಯ ಸ್ಥಗಿತಗೊಳ್ಳುವುದರಿಂದ ಇದು ಅಸಾಧ್ಯವೆಂದು ವಿಜ್ಞಾನ ಹೇಳುತ್ತದೆ.

ಸಾವಿನ ನಂತರವೂ ಸತ್ತವರು ತಮ್ಮ ಸಂಬಂಧಿಕರ ಧ್ವನಿಯನ್ನು ಕೇಳುತ್ತಾರೆ ಎಂಬ ಮಾತಿದೆ. ಈ ಮಾತುಗಳು ಕುರಿತು ಮನೆಯಲ್ಲಿನ ಹಿರಿಯರು ಹಲವು ಕಥೆಗಳನ್ನು ಹೇಳುತ್ತಿರುತ್ತಾರೆ. ಸತ್ತ ನಂತರ ಆತ್ಮ ಹೇಗೆ ದೇಹದಿಂದ ಬೇರೆಯಾಗುತ್ತೆ ಎಂಬುದರ ಬಗ್ಗೆ ಹಿಂದೂ ಪುರಾಣಗಳಲ್ಲಿ ವಿವರಣೆ ಇದೆ. ಗರಡು ಪುರಾಣದಲ್ಲಿಯೂ ಈ ಅಂಶಗಳ ಬಗ್ಗೆ ಉಲ್ಲೇಖವಿದೆ

ಗರುಡ ಪುರಾಣದ ಪ್ರಕಾರ, ಮರಣದ ನಂತ್ರ ದೇಹದಿಂದ ಹೊರಬರುವ ಆತ್ಮ ಸ್ವಲ್ಪ ಸಮಯದವರೆಗೆ ಕುಟುಂಬ ಮತ್ತು ಮನೆ ಸುತ್ತಲೂ ಸುತ್ತಾಡುತ್ತದೆ. ಆತ್ಮ ತನ್ನ ದೇಹದ ಅಂತ್ಯಸಂಸ್ಕಾರದ ವಿಧಾನಗಳನ್ನು ವೀಕ್ಷಣೆ ಮಾಡುತ್ತದೆ. ತನ್ನ ಪ್ರೀತಿಪಾತ್ರರ ಕಣ್ಣೀರು ನೋಡಿ ದುಃಖ ಅನುಭವಿಸುತ್ತದೆ.

ಆದ್ರೆ ಇಂತಹ ಅನುಭವಗಳು ಆತ್ಮದ ಆಧ್ಯಾತ್ಮದ ಮೇಲೆ ನಿರ್ಧರಿತವಾಗತ್ತವೆ ಎಂದು ಗರುಡ ಪುರಾಣ ಹೇಳುತ್ತದೆ. ಮೃತ ದೇಹ ಭೌತಿಕ ಕಿವಿಗಳ ಮೂಲಕ ಧ್ವನಿಯನ್ನ ಅಲ್ಲ ಎಂದು ನಂಬಲಾಗಿದೆ. ಆತ್ಮ ಅಗಾಧ ಶಕ್ತಿಯನ್ನು ಹೊಂದಿರುತ್ತದೆ ಎಂದು ಪುರಾಣಗಳಲ್ಲಿ ಹೇಳಲಾಗುತ್ತದೆ. ದೇಹದಿಂದ ಆತ್ಮ ಬೇರ್ಪಟ್ಟ ನಂತರ ಭೌತಿಕ ದೇಹ ಎಲ್ಲಾ ಪ್ರಜ್ಞೆಯನ್ನು ಕಳೆದುಕೊಳ್ಳುತ್ತದೆ.

ಆಧುನಿಕ ವಿಜ್ಞಾನದ ಪ್ರಕಾರ, ಸತ್ತ ಬಳಿಕ ಮೆದುಳಿಗೆ ಆಮ್ಲಜನಕದ ಪೂರೈಕೆ ಸ್ಥಗಿತಗೊಳ್ಳುತ್ತದೆ. ಹಾಗಾಗಿ ಯಾವುದೇ ಶಬ್ದವನ್ನು ಕೇಳಲು ಸಾಧ್ಯವಿಲ್ಲ. ಹೃದಯ ಬಡಿತ ನಿಂತ ನಂತರವೂ ಮೆದುಳಿನ ಚಟುವಟಿಕೆ ಸ್ವಲ್ಪ ಸಮಯದವರೆಗೆ ಮುಂದುವರಿಯಬಹುದು ಎಂದು ಸಂಶೋಧಕರು ಅಂದಾಜಿಸುತ್ತಾರೆ. ಆದ್ರೆ ಇದು ಬಹಳ ಕಡಿಮೆ ಅವಧಿಯಲ್ಲಿ ಸಂಭವಿಸುತ್ತದೆ, ಕೆಲವೇ ಕ್ಷಣಗಳವರೆ ಮೆದುಳಿನ ಚಟುವಟಿಕೆ ಕಾರ್ಯ ನಿರ್ವಹಿಸುತ್ತದೆ ಎಂದು ವಿಜ್ಞಾನ ಹೇಳುತ್ತದೆ.

ಕಿವಿಗಳು ಧ್ವನಿ ತರಂಗಗಳನ್ನು ಸ್ವೀಕರಿಸಬೇಕು. ನಂತರ ನರಗಳು ಮೆದುಳಿಗೆ ಸಂಕೇತಗಳನ್ನು ರವಾನಿಸಬೇಕು. ಮೆದುಳು ಆ ಸಂಕೇತಗಳನ್ನು ಸಂಸ್ಕರಿಸಿ ಅರ್ಥೈಸಿಕೊಳ್ಳಬೇಕು. ಈ ಇಡೀ ವ್ಯವಸ್ಥೆಯು ಸಾವಿನ ನಂತರ ಕಾರ್ಯನಿರ್ವಹಿಸುವುದನ್ನು ನಿಲ್ಲಿಸುತ್ತದೆ. ಆಮ್ಮಜನಕ ಪೂರೈಕೆ ಸ್ಥಗಿತಗೊಳ್ಳುತ್ತಿದ್ದಂತೆ ಈ ಎಲ್ಲಾ ಪ್ರಕ್ರಿಯೆ ಸಂಪೂರ್ಣವಾಗಿ ಸ್ಥಗಿತಗೊಳ್ಳುತ್ತದೆ.

Whatsapp Web ಬಳಕೆದಾರರಿಗೆ ಸ್ನೇಹಿತರ ಹೆಸರಲ್ಲೇ ಬಲೆ ಬೀಸುತ್ತಿದ್ದಾರೆ ಹ್ಯಾಕರ್ಸ್! ಯಾಮಾರಿದ್ರೆ ಡಾಟಾ ಲೀಕ್

Pavna Das — Wed, 01 Jul 2026 16:07:07 +0530

ಕಂಪ್ಯೂಟರ್ ಅಥವಾ ಲ್ಯಾಪ್‌ಟಾಪ್‌ನಲ್ಲಿ ವಾಟ್ಸಾಪ್ ವೆಬ್ ಬಳಸುತ್ತಿರುವವರೇ ಎಚ್ಚರ

ನೀವು ಕಂಪ್ಯೂಟರ್ ಅಥವಾ ಲ್ಯಾಪ್‌ಟಾಪ್‌ನಲ್ಲಿ ವಾಟ್ಸಾಪ್ ವೆಬ್ ಅಥವಾ ವಾಟ್ಸಾಪ್ ಡೆಸ್ಕ್‌ಟಾಪ್ ಬಳಸುತ್ತಿದ್ದರೆ, ಈ ಸುದ್ದಿ ನಿಮಗಾಗಿ. ಭಾರತದ ರಾಷ್ಟ್ರೀಯ ಸೈಬರ್ ಭದ್ರತಾ ಸಂಸ್ಥೆ, CERT-In,, ಬಹಳ ಗಂಭೀರ ಎಚ್ಚರಿಕೆ ನೀಡಿದೆ. ವಾಟ್ಸಾಪ್ ವೆಬ್ ಮತ್ತು ಡೆಸ್ಕ್‌ಟಾಪ್ ಬಳಕೆದಾರರನ್ನು ನೇರವಾಗಿ ಗುರಿಯಾಗಿಸಿಕೊಂಡು ಅಂತರ್ಜಾಲದಲ್ಲಿ ದೊಡ್ಡ ಅಪಾಯಕಾರಿ ಮಾಲ್‌ವೇರ್ ಅಭಿಯಾನ ನಡೆಯುತ್ತಿದೆ ಎಂದು ಸರ್ಕಾರ ಹೇಳಿದೆ. ಅತ್ಯಂತ ಆಘಾತಕಾರಿ ವಿಷಯವೆಂದರೆ ಈ ವೈರಸ್ ಅಪರಿಚಿತ ಸಂಖ್ಯೆಯಿಂದ ಬರುತ್ತಿಲ್ಲ, ಆದರೆ ನಿಮ್ಮ ಸ್ನೇಹಿತರು, ಕುಟುಂಬ ಅಥವಾ ಸಹೋದ್ಯೋಗಿಗಳ ಖಾತೆಗಳಿಂದ ಬರುತ್ತಿದೆ.

ಸ್ನೇಹಿತರ ಹೆಸರಿನಲ್ಲಿ ವಂಚನೆ

ಹ್ಯಾಕರ್ಸ್ ಏನು ಮಾಡುತ್ತಾರೆ ಅಂದರೆ, ಮೊದಲಿಗೆ ನಿಮಗೆ ವಾಟ್ಸಪ್ ಮೆಸೇಜ್ ಮಾಡುತ್ತಾರೆ. ಈ ಫೈಲ್ ವಿಷುಯಲ್ ಬೇಸಿಕ್ ಸ್ಕ್ರಿಪ್ಟ್ ಸ್ವರೂಪದಲ್ಲಿರುತ್ತದೆ. ಮೆಸೇಜ್ ಅಪರಿಚಿತ ನಂಬರ್ ಗಳಿಂದ ಅಲ್ಲ, ಬದಲಾಗಿ ನಿಮ್ಮ ಆಪ್ತ ಸ್ನೇಹಿತ ಅಥವಾ ಪರಿಚಯಸ್ಥರಿಂದ ಅಥವಾ ನಿಮ್ಮ ಕಾಂಟಾಕ್ಟ್ ಲಿಸ್ಟಲ್ಲಿ ಇರುವವರಿಂದ ಬಂದಿರುವಂತೆ ಕಾಣಿಸುತ್ತದೆ. ಹಾಗಾಗಿ ಜನರು ಅನುಮಾನವಿಲ್ಲದೆ ಫೈಲ್ ಡೌನ್‌ಲೋಡ್ ಮಾಡಿ ಓಪನ್ ಮಾಡುತ್ತಾರೆ. ಆ ಮೂಲಕ ಅವರು ಹ್ಯಾಕರ್‌ಗಳ ಬಲೆಗೆ ಬೀಳುತ್ತಾರೆ. ಸೈಬರ್ ಭದ್ರತಾ ಸಂಸ್ಥೆಗಳಾದ ಕ್ಯಾಸ್ಪರ್ಸ್ಕಿ ಮತ್ತು ಸೆಕ್ಯೂರ್‌ಲಿಸ್ಟ್‌ನ ವರದಿಗಳ ಆಧಾರದ ಮೇಲೆ, ಹ್ಯಾಕರ್‌ಗಳು ಮೊದಲು ಬಳಕೆದಾರರ ವಾಟ್ಸಾಪ್ ಅಕೌಂಟ್ ಹ್ಯಾಕ್ ಮಾಡುತ್ತಾರೆ ಎಂದು CERT-In ವರದಿ ಮಾಡಿದೆ. ನಂತರ ಯಾರನ್ನು ಹ್ಯಾಕ್ ಮಾಡಿದ್ದಾರೋ, ಅವರ ಕಾಂಟಾಕ್ಟ್ ಲಿಸ್ಟ್ ನಲ್ಲಿರುವ ಎಲ್ಲರಿಗೂ, ಅವರ ಕುರಿತು ದುರುದ್ದೇಶ ಹೊಂದಿದ ಮೆಸೇಜ್ ಮಾಡುವ ಸಾಧ್ಯತೆ ಕೂಡ ಇದೆ.

ಈ ವೈರಸ್ ನಿಮ್ಮ ಕಂಪ್ಯೂಟರ್, ಡಾಟಾ ಎಲ್ಲವನ್ನೂ ಹ್ಯಾಕ್ ಮಾಡಬಹುದು

ಯೂಸರ್ಸ್ ಆಕಸ್ಮಿಕವಾಗಿ ಈ ಅನುಮಾನಾಸ್ಪದ ಫೈಲ್ ಅನ್ನು ತಮ್ಮ ಕಂಪ್ಯೂಟರ್‌ನಲ್ಲಿ ಚಲಾಯಿಸಿದರೆ, ಹ್ಯಾಕರ್‌ಗಳು ಆ ಯೂಸರ್ ಗಳ ಸಂಪೂರ್ಣ ಡಿವೈಸ್ ನ ರಿಮೋಟ್ ಆಕ್ಸೆಸ್ ಅಂದರೆ, ಕಂಪ್ಯೂಟರ್ ನ ಸಂಪೂರ್ಣ ಕಂಟ್ರೋಲ್ ಪಡೆಯುತ್ತಾರೆ. ನಂತರ ಸೈಬರ್ ಅಪರಾಧಿಗಳು ನಿಮ್ಮ ಕಂಪ್ಯೂಟರ್‌ನಲ್ಲಿ ಸಂಗ್ರಹವಾಗಿರುವ ಲಾಗಿನ್ ಐಡಿಗಳು, ಪಾಸ್‌ವರ್ಡ್‌ಗಳು ಮತ್ತು ಬ್ಯಾಂಕ್ ವಿವರಗಳಂತಹ ಸೂಕ್ಷ್ಮ ಮಾಹಿತಿಯನ್ನು ಸುಲಭವಾಗಿ ಕದಿಯಬಹುದು. ಇದಲ್ಲದೆ, ಈ ವೈರಸ್ ನಿಮ್ಮ ಸಂಪೂರ್ಣ ಸಿಸ್ಟಮ್ ಹಾನಿಗೊಳಿಸಬಹುದು, ನಿಮ್ಮ ಆಫೀಸ್ ನೆಟ್‌ವರ್ಕ್‌ನಾದ್ಯಂತ ಹರಡಬಹುದು ಮತ್ತು ನಿಮ್ಮ ಕಂಪ್ಯೂಟರ್‌ನಲ್ಲಿ ಇತರ ಅಪಾಯಕಾರಿ ಸಾಫ್ಟ್‌ವೇರ್‌ಗಳನ್ನು ಸಹ ಇನ್’ಸ್ಟಾಲ್ ಮಾಡಬಹುದು, ಇದರಿಂದ ದೊಡ್ಡ ಮಟ್ಟದಲ್ಲಿ ಆರ್ಥಿಕ ನಷ್ಟ ಉಂಟಾಗುತ್ತದೆ.

ಸರ್ಕಾರ ಮುನ್ನೆಚ್ಚರಿಕೆ ಸಲಹೆ ನೀಡಿದೆ

ನಿಮ್ಮ ಕಂಪ್ಯೂಟರ್ ಹ್ಯಾಕ್ ಆಗುವುದನ್ನು ತಪ್ಪಿಸಲು CERT-In ಬಳಕೆದಾರರಿಗೆ ಕೆಲವು ಸಲಹೆಗಳನ್ನು ನೀಡಿದೆ. ಮೊದಲನೆಯದಾಗಿ, ನೀವು WhatsApp ನಲ್ಲಿ ಅನಿರೀಕ್ಷಿತ ಅಟ್ಯಾಚ್ ಮೆಂಟ್ ಅಥವಾ ಫೈಲ್ ಸ್ವೀಕರಿಸಿದರೆ, ಅದು ನಿಮ್ಮ ಆತ್ಮೀಯ ಸ್ನೇಹಿತ ಅಥವಾ ಕುಟುಂಬದ ಸದಸ್ಯರಿಂದ ಬಂದಿದ್ದರೂ ಸಹ ಅದನ್ನು ತೆರೆಯಬೇಡಿ. ಯಾವುದೇ ಫೈಲ್ ವಿಚಿತ್ರ ಅಥವಾ ಅಸಾಮಾನ್ಯವೆಂದು ತೋರುತ್ತಿದ್ದರೆ, ಅದು ನಿಜವಾಗಿಯೂ ನಿಮ್ಮ ಸ್ನೇಹಿತರು ಕಳುಹಿಸುವವರೇ ಎಂದು ಖಚಿತಪಡಿಸಿಕೊಳ್ಳಲು ತಕ್ಷಣವೇ ಆ ಸ್ನೇಹಿತರಿಗೆ ಕರೆ ಮಾಡಿ ಅಥವಾ ಮೆಸೇಜ್ ಮಾಡಿ. ನಿಮಗೆ ಸಂಪೂರ್ಣವಾಗಿ ಖಚಿತವಾಗುವವರೆಗೆ ಯಾವುದೇ ಫೈಲ್ ಕ್ಲಿಕ್ ಮಾಡಬೇಡಿ.

Tech info: ಒಂದು ಸ್ಮಾರ್ಟ್‌ಫೋನ್ ಎಷ್ಟು ವರ್ಷ ಬಳಸಬಹುದು? ಹೊಸ ಮೊಬೈಲ್ ಖರೀದಿಗೂ ಮುನ್ನ ಈ 5 ಲಕ್ಷಣಗಳನ್ನು ಗಮನಿಸಿ!

Sathish Kumar KH — Wed, 01 Jul 2026 16:42:56 +0530

ಇಂದಿನ ಡಿಜಿಟಲ್ ಯುಗದಲ್ಲಿ ಸ್ಮಾರ್ಟ್‌ಫೋನ್ ನಮ್ಮ ಜೀವನದ ಅವಿಭಾಜ್ಯ ಅಂಗವಾಗಿದೆ. ಆದರೆ, ಒಂದು ಸ್ಮಾರ್ಟ್‌ಫೋನ್ ಎಷ್ಟು ವರ್ಷಗಳ ಕಾಲ ಬಾಳಿಕೆ ಬರುತ್ತದೆ ಮತ್ತು ಹೊಸ ಫೋನ್ ಖರೀದಿಸಲು ಸರಿಯಾದ ಸಮಯ ಯಾವುದು ಎಂಬ ಗೊಂದಲ ಅನೇಕರಲ್ಲಿರುತ್ತದೆ. ಈ ಬಗ್ಗೆ ಉಪಯುಕ್ತ ಮಾಹಿತಿ ಇಲ್ಲಿದೆ.

ಸ್ಮಾರ್ಟ್‌ಫೋನ್ ಸರಾಸರಿ ಆಯಸ್ಸು ಎಷ್ಟು?

ಸಾಮಾನ್ಯವಾಗಿ, ಒಂದು ಗುಣಮಟ್ಟದ ಸ್ಮಾರ್ಟ್‌ಫೋನ್ 3 ರಿಂದ 5 ವರ್ಷಗಳವರೆಗೆ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ. ಐಫೋನ್‌ಗಳು (iPhone) ದೀರ್ಘಕಾಲದವರೆಗೆ ಸಾಫ್ಟ್‌ವೇರ್ ಅಪ್‌ಡೇಟ್ ಪಡೆಯುವುದರಿಂದ 5-6 ವರ್ಷ ಬಾಳಿಕೆ ಬಂದರೆ, ಆಂಡ್ರಾಯ್ಡ್ ಫೋನ್‌ಗಳು ಅವುಗಳ ಬೆಲೆ ಮತ್ತು ಕಂಪನಿಗೆ ಅನುಗುಣವಾಗಿ 3 ರಿಂದ 4 ವರ್ಷಗಳವರೆಗೆ ಸುಗಮವಾಗಿ ಕೆಲಸ ಮಾಡುತ್ತವೆ.

ಹೊಸ ಫೋನ್ ಯಾವಾಗ ಖರೀದಿ ಮಾಡಬೇಕು?

ಬ್ಯಾಟರಿ ಸಾಮರ್ಥ್ಯ ಕುಸಿಯುವುದು: ನಿಮ್ಮ ಫೋನ್ ಬ್ಯಾಟರಿ ಬೇಗನೆ ಖಾಲಿಯಾಗುತ್ತಿದ್ದರೆ ಅಥವಾ ದಿನಕ್ಕೆ ಎರಡಕ್ಕೂ ಹೆಚ್ಚು ಬಾರಿ ಚಾರ್ಜ್ ಮಾಡಬೇಕಾದ ಪರಿಸ್ಥಿತಿ ಬಂದಿದ್ದರೆ, ಅದು ಹೊಸ ಫೋನ್ ಖರೀದಿಸುವ ಸಮಯವಾಗಿದೆ. ಬ್ಯಾಟರಿ ಬದಲಾಯಿಸುವುದು ಒಂದು ಆಯ್ಕೆಯಾದರೂ, ಹಳೆಯ ಫೋನ್‌ನ ಇತರ ಭಾಗಗಳು ದಣಿದಿರುತ್ತವೆ.

ವೇಗ ಮತ್ತು ಪರ್ಫಾರ್ಮೆನ್ಸ್ ಇಳಿಕೆ: ಆ್ಯಪ್‌ಗಳು ಓಪನ್ ಆಗಲು ತುಂಬಾ ಸಮಯ ತೆಗೆದುಕೊಳ್ಳುವುದು, ಪದೇ ಪದೇ ಫೋನ್ ಹ್ಯಾಂಗ್ ಆಗುವುದು ಅಥವಾ ಸ್ಕ್ರೀನ್ ಟಚ್ ಸರಿಯಾಗಿ ಸ್ಪಂದಿಸದಿದ್ದರೆ ಹಾರ್ಡ್‌ವೇರ್ ಹಳೆಯದಾಗಿದೆ ಎಂದು ಅರ್ಥ.

ಸಾಫ್ಟ್‌ವೇರ್ ಮತ್ತು ಸೆಕ್ಯೂರಿಟಿ ಅಪ್‌ಡೇಟ್ ನಿಲ್ಲುವುದು: ಕಂಪನಿಗಳು ಹಳೆಯ ಮಾಡೆಲ್‌ಗಳಿಗೆ ಸಾಫ್ಟ್‌ವೇರ್ ಅಪ್‌ಡೇಟ್ ನೀಡುವುದನ್ನು ನಿಲ್ಲಿಸುತ್ತವೆ. ಅಪ್‌ಡೇಟ್ ಇಲ್ಲದ ಫೋನ್‌ಗಳಲ್ಲಿ ಬ್ಯಾಂಕಿಂಗ್ ಆ್ಯಪ್‌ಗಳು ಸುರಕ್ಷಿತವಾಗಿರುವುದಿಲ್ಲ ಮತ್ತು ಹ್ಯಾಕಿಂಗ್ ಅಪಾಯ ಹೆಚ್ಚಿರುತ್ತದೆ.

ಸ್ಟೋರೇಜ್ ಕೊರತೆ: ಇಂದಿನ ಹೊಸ ಆ್ಯಪ್‌ಗಳು ಮತ್ತು ಅಪ್‌ಡೇಟ್‌ಗಳು ಹೆಚ್ಚಿನ ಜಾಗವನ್ನು ತೆಗೆದುಕೊಳ್ಳುತ್ತವೆ. ಪದೇ ಪದೇ 'Storage Full' ಎಂಬ ಸಂದೇಶ ಬರುತ್ತಿದ್ದರೆ ಮತ್ತು ಫೋನ್ ಕ್ಲೀನ್ ಮಾಡಿದರೂ ಜಾಗ ಸಾಕಾಗದಿದ್ದರೆ ಬದಲಾವಣೆ ಅನಿವಾರ್ಯ.

ಕ್ಯಾಮೆರಾ ಮತ್ತು ತಂತ್ರಜ್ಞಾನ: ಈಗಿನ ತಂತ್ರಜ್ಞಾನ ವೇಗವಾಗಿ ಬೆಳೆಯುತ್ತಿದೆ. ನಿಮ್ಮ ಹಳೆಯ ಫೋನ್‌ನ ಕ್ಯಾಮೆರಾ ಕ್ಲಾರಿಟಿ ಕಡಿಮೆಯಿದ್ದರೆ ಅಥವಾ 5G ನೆಟ್‌ವರ್ಕ್ ಬೆಂಬಲಿಸದಿದ್ದರೆ, ಹೊಸ ತಂತ್ರಜ್ಞಾನಕ್ಕೆ ಅಪ್‌ಗ್ರೇಡ್ ಆಗುವುದು ಉತ್ತಮ.

ಕೇವಲ ಫ್ಯಾಷನ್ ಅಥವಾ ಟ್ರೆಂಡ್ ಗಾಗಿ ಪ್ರತಿ ವರ್ಷ ಫೋನ್ ಬದಲಾಯಿಸುವ ಅಗತ್ಯವಿಲ್ಲ. ಆದರೆ ನಿಮ್ಮ ಫೋನ್ ಮೇಲೆ ತಿಳಿಸಿದ ಸಮಸ್ಯೆಗಳನ್ನು ನೀಡುತ್ತಿದ್ದರೆ ಅಥವಾ ರಿಪೇರಿ ವೆಚ್ಚವು ಫೋನ್‌ನ ಅರ್ಧ ಬೆಲೆಯಷ್ಟಾಗುತ್ತಿದ್ದರೆ, ಹೊಸ ಸ್ಮಾರ್ಟ್‌ಫೋನ್ ಖರೀದಿಸುವುದು ಜಾಣತನದ ಕ್ರಮವಾಗಿದೆ. ಹಬ್ಬಗಳ ಸೀಸನ್ ಅಥವಾ ಆನ್‌ಲೈನ್ ಸೇಲ್‌ಗಳ ಸಮಯದಲ್ಲಿ ಖರೀದಿ ಮಾಡಿದರೆ ಹಣವೂ ಉಳಿತಾಯವಾಗುತ್ತದೆ.

ಸೇನೆಯ ಬತ್ತಳಿಕೆಗೆ ಸೇರಲಿದೆ ಎಂದೂ ಖಾಲಿಯಾಗದ ಅನಂತ ಶಸ್ತ್ರ QRSAM Air Defence, ಚೀನಾ-ಪಾಕ್‌ಗೆ ನಡುಕ!

Santosh Naik — Wed, 01 Jul 2026 16:12:49 +0530

ಭಾರತವು ಸಂಪೂರ್ಣ ಸ್ವದೇಶಿ ತಂತ್ರಜ್ಞಾನದ 'ಅನಂತ ಶಸ್ತ್ರ' (QRSAM) ಕ್ಷಿಪಣಿ ವ್ಯವಸ್ಥೆಯನ್ನು ಸೇನೆಗೆ ಸೇರ್ಪಡೆಗೊಳಿಸಲು ಸಜ್ಜಾಗಿದೆ. DRDO ಅಭಿವೃದ್ಧಿಪಡಿಸಿದ ಈ ವ್ಯವಸ್ಥೆಯು, ಹಳೆಯ 'OSA-AK' ಬದಲಿಗೆ ಶತ್ರುಗಳ ಡ್ರೋನ್, ಹೆಲಿಕಾಪ್ಟರ್‌ಗಳನ್ನು ಹೊಡೆದುರುಳಿಸಲಿದೆ.

ಭಾರತದ ವಾಯು ರಕ್ಷಣಾ ವ್ಯವಸ್ಥೆಯನ್ನು (Air Defence System) ಜಾಗತಿಕ ಮಟ್ಟಕ್ಕೆ ಕೊಂಡೊಯ್ಯುವ ನಿಟ್ಟಿನಲ್ಲಿ ಕೇಂದ್ರ ರಕ್ಷಣಾ ಸಚಿವಾಲಯವು ಅತ್ಯಂತ ಮಹತ್ವದ ಹೆಜ್ಜೆಯನ್ನಿಟ್ಟಿದೆ. ಸಂಪೂರ್ಣ ಸ್ವದೇಶಿ ತಂತ್ರಜ್ಞಾನದಲ್ಲಿ ಮೂಡಿಬಂದಿರುವ ಸುಮಾರು ₹30,000 ಕೋಟಿ ಮೌಲ್ಯದ ‘ಅನಂತ ಶಸ್ತ್ರ’ ಕ್ಷಿಪಣಿ ವ್ಯವಸ್ಥೆಯ ಬೃಹತ್ ಉತ್ಪಾದನೆಗೆ (Production) ಸಚಿವಾಲಯವು ಶೀಘ್ರದಲ್ಲೇ ಅಂತಿಮ ಅನುಮೋದನೆ ನೀಡುವ ಸಾಧ್ಯತೆಯಿದೆ. ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (DRDO) ಅಭಿವೃದ್ಧಿಪಡಿಸಿರುವ ಈ ‘ಅನಂತ ಶಸ್ತ್ರ’ ಅತ್ಯಾಧುನಿಕ ‘ಕ್ವಿಕ್ ರಿಯಾಕ್ಷನ್ ಸರ್ಫೇಸ್-ಟು-ಏರ್ ಮಿಸೈಲ್’ (QRSAM) ವ್ಯವಸ್ಥೆಯಾಗಿದೆ. ಈಗಾಗಲೇ ಎಲ್ಲಾ ಕಠಿಣ ಹಂತದ ಪರೀಕ್ಷೆಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿರುವ ಈ ವ್ಯವಸ್ಥೆಯನ್ನು ಈಗ ಭಾರತೀಯ ಸಶಸ್ತ್ರ ಪಡೆಗಳಿಗೆ ಸೇರ್ಪಡೆಗೊಳಿಸುವ ಅಧಿಕೃತ ಪ್ರಕ್ರಿಯೆ ಆರಂಭವಾಗಿದೆ.

ರಕ್ಷಣಾ ಪಡೆಗಳಲ್ಲಿ ಪ್ರಸ್ತುತ ಬಳಕೆಯಲ್ಲಿರುವ ಹಳೆಯದಾದ ‘OSA-AK’ ವಾಯು ರಕ್ಷಣಾ ವ್ಯವಸ್ಥೆಯ ಸ್ಥಾನವನ್ನು ಈ ಹೊಸ ‘ಅನಂತ ಶಸ್ತ್ರ’ ತುಂಬಲಿದೆ. ಗಡಿಯುದ್ದಕ್ಕೂ ಅತ್ಯಂತ ಕಡಿಮೆ ಎತ್ತರದಲ್ಲಿ ಹಾರಾಟ ನಡೆಸುವ ಶತ್ರು ಪಾಳಯದ ಡ್ರೋನ್‌ಗಳು (Drones), ಹೆಲಿಕಾಪ್ಟರ್‌ಗಳು, ಫೈಟರ್ ಜೆಟ್‌ಗಳು (ಯುದ್ಧ ವಿಮಾನಗಳು) ಮತ್ತು ಕ್ರೂಸ್ ಕ್ಷಿಪಣಿಗಳನ್ನು ಆಕಾಶದಲ್ಲೇ ಗುರುತಿಸಿ, ಕ್ಷಣಾರ್ಧದಲ್ಲಿ ಹೊಡೆದುರುಳಿಸುವ ದಕ್ಷ ಸಾಮರ್ಥ್ಯವನ್ನು ಹೊಂದುವಂತೆ ಈ QRSAM ವ್ಯವಸ್ಥೆಯನ್ನು ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ.

ಈ ಇಡೀ ಕ್ಷಿಪಣಿ ವ್ಯವಸ್ಥೆಯನ್ನು ‘8×8 ಹೈ-ಮೊಬಿಲಿಟಿ’ (High-Mobility) ಅಂದರೆ ಅತ್ಯಂತ ಸುಲಭವಾಗಿ ಮತ್ತು ವೇಗವಾಗಿ ಚಲಿಸಬಲ್ಲ ಬೃಹತ್ ವಾಹನದ ಮೇಲೆ ಅಳವಡಿಸಲಾಗಿದೆ. ಇದು ಯುದ್ಧ ಭೂಮಿಯ ಯಾವುದೇ ಕಠಿಣ ಪರಿಸ್ಥಿತಿಯಲ್ಲೂ ಅತ್ಯಂತ ವೇಗವಾಗಿ ಕಾರ್ಯಾಚರಣೆಗೆ ನಿಯೋಜನೆಗೊಳ್ಳಲು ನೆರವಾಗುತ್ತದೆ. ಈ ವ್ಯವಸ್ಥೆಯು ಅತ್ಯಾಧುನಿಕ ರಡಾರ್‌ಗಳು (Radars), ಫೈರ್ ಕಂಟ್ರೋಲ್ ಸಿಸ್ಟಮ್, ಇಲೆಕ್ಟ್ರೋ-ಆಪ್ಟಿಕಲ್ ಸೆನ್ಸಾರ್‌ಗಳು ಹಾಗೂ ಅತ್ಯುನ್ನತ ‘ಕಮಾಂಡ್ ಆಂಡ್ ಕಂಟ್ರೋಲ್ ಸೆಂಟರ್’ ನಂತಹ ಹೈ-ಟೆಕ್ ತಂತ್ರಜ್ಞಾನಗಳನ್ನು ಒಳಗೊಂಡಿದೆ. ಶತ್ರುಗಳ ವಾಯು ದಾಳಿಯನ್ನು ಮೊದಲೇ ಪತ್ತೆಹಚ್ಚಿ, ನಿಖರ ಸಮಯದಲ್ಲಿ ಅದನ್ನು ನಾಶಪಡಿಸುವುದು ಇದರ ಪ್ರಮುಖ ವೈಶಿಷ್ಟ್ಯವಾಗಿದೆ.

‘ಮೇಕ್ ಇನ್ ಇಂಡಿಯಾ’ ಉಪಕ್ರಮಕ್ಕೆ ಬಲ ತುಂಬುವ ಸಲುವಾಗಿ ಭಾರತದ ಮೂರು ಮುಂಚೂಣಿ ಕಂಪನಿಗಳು ಈ ಯೋಜನೆಯಲ್ಲಿ ಕೈಜೋಡಿಸಿವೆ.

ಭಾರತ್ ಇಲೆಕ್ಟ್ರಾನಿಕ್ಸ್ ಲಿಮಿಟೆಡ್ (BEL): ಈ ಇಡೀ ಯೋಜನೆಯ ಮುಖ್ಯ ಉತ್ಪಾದನಾ ಕಂಪನಿಯಾಗಿ (Lead Integrator) ಕಾರ್ಯನಿರ್ವಹಿಸಲಿದೆ.
ಭಾರತ್ ಡೈನಾಮಿಕ್ಸ್ ಲಿಮಿಟೆಡ್ (BDL): ಈ ವ್ಯವಸ್ಥೆಗೆ ಅಗತ್ಯವಿರುವ ಅತ್ಯಾಧುನಿಕ ಕ್ಷಿಪಣಿಗಳ (Missiles) ತಯಾರಿಕೆಯ ಜವಾಬ್ದಾರಿಯನ್ನು ಹೊತ್ತಿದೆ.
ಲಾರ್ಸೆನ್ ಆಂಡ್ ಟೂಬ್ರೊ (L&T): ಕ್ಷಿಪಣಿ ಉಡಾವಣೆಗೆ ಬಳಸುವ ಮೊಬೈಲ್ ಲಾಂಚರ್ ವಾಹನಗಳನ್ನು (Mobile Launcher Vehicles) ನಿರ್ಮಿಸಿಕೊಡಲಿದೆ.

ವಿಶ್ವಾಸಾರ್ಹ ಮೂಲಗಳ ಮಾಹಿತಿಯ ಪ್ರಕಾರ, ಭಾರತೀಯ ವಾಯುಪಡೆಯು (IAF) ಈ ಶಸ್ತ್ರಾಸ್ತ್ರ ವ್ಯವಸ್ಥೆಯನ್ನು ಪಡೆದುಕೊಳ್ಳಲು ತೀವ್ರ ಆಸಕ್ತಿ ತೋರಿಸಿದೆ. ಭವಿಷ್ಯದಲ್ಲಿ ದೇಶದ ರಾಜಧಾನಿ ಪ್ರದೇಶವಾದ ‘ದೆಹಲಿ-ಎನ್‌ಸಿಆರ್’ (Delhi-NCR) ವ್ಯಾಪ್ತಿಯಲ್ಲಿ ನಿರ್ಮಾಣವಾಗಲಿರುವ ‘ಬಹುಸ್ತರದ ವಾಯು ರಕ್ಷಣಾ ಕವಚ’ (Multilayered Air Defence) ಪ್ರಮುಖ ಭಾಗವಾಗಿ ಈ ಅನಂತ ಶಸ್ತ್ರ ಕಾರ್ಯನಿರ್ವಹಿಸಲಿದೆ. ಈಗಾಗಲೇ ಭಾರತದ ರಕ್ಷಣೆಯಲ್ಲಿರುವ ರಷ್ಯಾದ ಜಗತ್ಪ್ರಸಿದ್ಧ S-400 ಮತ್ತು ಇತರ ವಾಯು ರಕ್ಷಣಾ ಕ್ಷಿಪಣಿಗಳ ಜೊತೆಗೂಡಿ ಈ QRSAM ವ್ಯವಸ್ಥೆಯು ದೇಶದ ವಾಯು ಗಡಿಗೆ ಮತ್ತಷ್ಟು ಭದ್ರವಾದ ಅಭೇದ್ಯ ಕೋಟೆಯನ್ನು ನಿರ್ಮಿಸಲಿದೆ.

ಈ ಅತ್ಯಾಧುನಿಕ ವ್ಯವಸ್ಥೆಯ ಸೇರ್ಪಡೆಯಿಂದಾಗಿ ಭಾರತೀಯ ಸೇನೆಯ ಮುಂಚೂಣಿ ರೆಜಿಮೆಂಟ್‌ಗಳು ಹಾಗೂ ಯುದ್ಧದ ವೇಳೆ ಶತ್ರುಗಳತ್ತ ಮುನ್ನುಗ್ಗುವ ‘ಮೊಬೈಲ್ ಫಾರ್ಮೇಷನ್‌’ಗಳಿಗೆ (ಮಿಲಿಟರಿ ತುಕಡಿಗಳು) ವೈಮಾನಿಕ ದಾಳಿಗಳಿಂದ ಸಂಪೂರ್ಣ ರಕ್ಷಣೆ ಸಿಗಲಿದೆ. ಇದು ನೆರೆರಾಷ್ಟ್ರಗಳಾದ ಪಾಕಿಸ್ತಾನ ಮತ್ತು ಚೀನಾದಿಂದ ಎದುರಾಗಬಹುದಾದ ಯಾವುದೇ ರೀತಿಯ ವೈಮಾನಿಕ ಸವಾಲುಗಳನ್ನು ಸಮರ್ಥವಾಗಿ ಎದುರಿಸುವ ಶಕ್ತಿಯನ್ನು ದೇಶಕ್ಕೆ ನೀಡಲಿದೆ. ಭಾರತವು ಅತ್ಯಂತ ಮಹತ್ವಾಕಾಂಕ್ಷೆಯಿಂದ ಹಮ್ಮಿಕೊಂಡಿರುವ ಬಹುಸ್ತರದ ರಕ್ಷಣಾ ನೀತಿಯಾದ ‘ಮಿಷನ್ ಸುದರ್ಶನ ಚಕ್ರ’ ಯಶಸ್ಸಿಗೆ ಈ ತಂತ್ರಜ್ಞಾನವು ಪ್ರಮುಖ ಕೊಡುಗೆಯಾಗಲಿದೆ.

ಮಾರ್ಕ್ ಜುಕರ್‌ಬರ್ಗ್ ಕನಸು! WhatsApp ಬಳಕೆ ಮಾಡೋರು 79 ರೂಪಾಯಿ ಕೊಡ್ಬೇಕು; ಯಾಕೆ?

Padmashree Bhat — Tue, 30 Jun 2026 12:09:06 +0530

Whatsapp News: ಮೆಟಾ ಕಂಪನಿ ಬಳಕೆದಾರರಿಂದ ಹಣ ವಸೂಲಿ ಮಾಡಲು ಶುರು ಮಾಡಿರೋದರ ಹಿಂದೆ ಒಂದು ದೊಡ್ಡ ಕಾರಣವಿದೆ. ಅದುವೇ ಮಾರ್ಕ್ ಜುಕರ್‌ಬರ್ಗ್ ಅವರ ಬೃಹತ್ ಕೃತಕ ಬುದ್ಧಿಮತ್ತೆ (AI - Artificial Intelligence) ಕನಸು.

1. ಗಗನಕ್ಕೇರುತ್ತಿರುವ AI ಹೂಡಿಕೆಗಳು:

ಮೈಕ್ರೋಸಾಫ್ಟ್, ಗೂಗಲ್‌ನಂತಹ ಕಂಪನಿಗಳಿಗೆ ಸರಿಸಮನಾಗಿ AI ತಂತ್ರಜ್ಞಾನ ಸ್ಪರ್ಧೆಯಲ್ಲಿ ಮುನ್ನಡೆ ಸಾಧಿಸಲು ಮೆಟಾ ತೀವ್ರವಾಗಿ ಪ್ರಯತ್ನಿಸುತ್ತಿದೆ. ಇದಕ್ಕಾಗಿ 'ಸ್ಕೇಲ್ ಎಐ' (Scale AI) ಸಂಸ್ಥೆಯ ಸಂಸ್ಥಾಪಕ ಅಲೆಕ್ಸಾಂಡರ್ ವಾಂಗ್ ಅವರನ್ನು ಸುಮಾರು 14.3 ಬಿಲಿಯನ್ ಡಾಲರ್ ಮೌಲ್ಯದಲ್ಲಿ ಮೆಟಾ ತನ್ನ ಕಂಪನಿಯೊಳಗೆ ತಂದಿದೆ.

2. ಬಜೆಟ್ ಹೆಚ್ಚಳ

2026ರಲ್ಲಿ ಕೇವಲ AI ಮೂಲಸೌಕರ್ಯ ಮತ್ತು ಡೇಟಾ ಸೆಂಟರ್‌ಗಳನ್ನು ಅಭಿವೃದ್ಧಿಪಡಿಸಲು ಮೆಟಾ ತನ್ನ ಬಂಡವಾಳ ವೆಚ್ಚವನ್ನು ಐತಿಹಾಸಿಕವಾಗಿ 125 ಬಿಲಿಯನ್‌ನಿಂದ 145 ಬಿಲಿಯನ್ ಡಾಲರ್‌ಗೆ ಹೆಚ್ಚಿಸಿದೆ. ಭಾರತದ ಜಾಮ್‌ನಗರದಲ್ಲಿ ರಿಲಯನ್ಸ್ ಕಂಪನಿಯೊಂದಿಗೆ ಸೇರಿ ಮೆಟಾ ಒಂದು ದೊಡ್ಡ AI ಡೇಟಾ ಸೆಂಟರ್ ಅನ್ನು ಸ್ಥಾಪಿಸುತ್ತಿದೆ.

3. ಜಾಹೀರಾತು ಆದಾಯವನ್ನೇ ನಂಬಲಾಗದು

ಮೆಟಾ ಕಂಪನಿಯ ಒಟ್ಟು ಆದಾಯದಲ್ಲಿ 97.6% ಜಾಹೀರಾತುಗಳಿಂದಲೇ ಬರುತ್ತದೆ. ಆದರೆ, ಹೊಸ AI ತಂತ್ರಜ್ಞಾನ ಯುಗದಲ್ಲಿ ಈ ಬೃಹತ್ ವೆಚ್ಚಗಳನ್ನು ಸರಿದೂಗಿಸಲು ಜಾಹೀರಾತು ಆದಾಯವೊಂದೇ ಸಾಕಾಗುವುದಿಲ್ಲ. ಹೀಗಾಗಿ, ಬಳಕೆದಾರರಿಂದ ನೇರವಾಗಿ ಸ್ಥಿರ ಆದಾಯ ಪಡೆಯಲು ಮೆಟಾ ಯೋಜಿಸಿದೆ. ಈ ಚಂದಾದಾರಿಕೆ ಯೋಜನೆಗಳ ಮೂಲಕ 2030ರ ವೇಳೆಗೆ ವಾರ್ಷಿಕ 20 ಬಿಲಿಯನ್ ಡಾಲರ್ ಆದಾಯ ಗಳಿಸುವ ಗುರಿಯನ್ನು ಮೆಟಾ ಹೊಂದಿದೆ.

ಭಾರತದಲ್ಲಿ ಪರಿಚಯಿಸಲಾಗಿರುವ ವಾಟ್ಸಾಪ್ ಪ್ಲಸ್ ಚಂದಾದಾರಿಕೆ ಯೋಜನೆಯಡಿ, ಬಳಕೆದಾರರು ತಮ್ಮ ವಾಟ್ಸಾಪ್ ಆ್ಯಪ್ ಅನ್ನು ತಮಗೆ ಇಷ್ಟವಾದಂತೆ ವಿಶೇಷವಾಗಿ ಬದಲಾಯಿಸಿಕೊಳ್ಳಬಹುದು (Personalised Customisation). ಇದರ ಪ್ರಮುಖ ಫೀಚರ್‌ಗಳು ಇಲ್ಲಿವೆ:

ಬಣ್ಣಬಣ್ಣದ ಥೀಮ್‌ಗಳು (Colour Themes)

ವಾಟ್ಸಾಪ್ ಹಿನ್ನೆಲೆಯನ್ನು ಬದಲಾಯಿಸಲು 18 ಹೊಸ ಬಣ್ಣದ ಥೀಮ್‌ಗಳನ್ನು (ಉದಾಹರಣೆಗೆ: ವೈಬ್ರೆಂಟ್ ಬ್ಲೂ, ರಾಯಲ್ ಪರ್ಪಲ್, ಫಾರೆಸ್ಟ್ ಗ್ರೀನ್, ಫ್ಯೂಷಿಯಾ ಪಿಂಕ್) ನೀಡಲಾಗಿದೆ.

ಆ್ಯಪ್ ಐಕಾನ್‌ಗಳು (App Icons)

ವಾಟ್ಸಾಪ್‌ನ ಸಾಮಾನ್ಯ ಹಸಿರು ಬಣ್ಣದ ಲೋಗೋ ಬದಲಿಗೆ 14 ಹೊಸ ವಿನ್ಯಾಸದ ಐಕಾನ್‌ಗಳನ್ನು ಬಳಸಬಹುದು.

ವಿಶೇಷ ರಿಂಗ್‌ಟೋನ್‌ಗಳು (Exclusive Ringtones)

ಫ್ಲಟರ್, ರಿಪಲ್, ಮೆಡೋ, ಕಾರ್ನಿವಲ್‌ನಂತಹ 10 ಹೊಸ ವಿಶೇಷ ರಿಂಗ್‌ಟೋನ್‌ಗಳು ಮತ್ತು ಸ್ಟಿಕ್ಕರ್ ಪ್ಯಾಕ್‌ಗಳು ಲಭ್ಯವಿವೆ.

ಹೆಚ್ಚುವರಿ ಚಾಟ್‌ಗಳನ್ನು ಪಿನ್ ಮಾಡಬಹುದು: ಸಾಮಾನ್ಯ ವಾಟ್ಸಾಪ್‌ನಲ್ಲಿ 3 ಚಾಟ್‌ಗಳನ್ನು ಮಾತ್ರ ಮೇಲೆ ಪಿನ್ (Pin) ಮಾಡಬಹುದು. ಆದರೆ ವಾಟ್ಸಾಪ್ ಪ್ಲಸ್ ಮೂಲಕ 20 ಚಾಟ್‌ಗಳವರೆಗೆ ಪಿನ್ ಮಾಡಿಕೊಳ್ಳುವ ಸೌಲಭ್ಯ ನೀಡಲಾಗಿದೆ.

ಭಾರತದಲ್ಲಿ ವಾಟ್ಸಾಪ್ ಪ್ಲಸ್ ಯೋಜನೆಯ ಸಾಮಾನ್ಯ ಶುಲ್ಕ ತಿಂಗಳಿಗೆ ₹99 ಆಗಿದ್ದರೂ, ಸದ್ಯ 6 ತಿಂಗಳಿಗೆ 50% ರಿಯಾಯಿತಿಯೊಂದಿಗೆ ಕೇವಲ ₹79 ರ ಕೊಡುಗೆ ಬೆಲೆಯಲ್ಲಿ ಲಭ್ಯವಿದೆ. ಜೊತೆಗೆ, ಹೊಸ ಗ್ರಾಹಕರಿಗೆ ಮೊದಲ ಒಂದು ತಿಂಗಳು ಉಚಿತ ಪ್ರಯೋಗ (Free Trial) ನೀಡಲಾಗುತ್ತದೆ.

ಖಂಡಿತ ಇಲ್ಲ! ವಾಟ್ಸಾಪ್ ಪ್ಲಸ್ ಸಂಪೂರ್ಣವಾಗಿ ಒಂದು ಐಚ್ಛಿಕ ಆಯ್ಕೆ (Optional) ಮಾತ್ರ. ಮೆಸೇಜ್ ಕಳುಹಿಸುವುದು, ವಾಯ್ಸ್/ವಿಡಿಯೋ ಕರೆಗಳು, ಸ್ಟೇಟಸ್ ಅಪ್‌ಡೇಟ್‌ಗಳು ಮತ್ತು ಎಂಡ್-ಟು-ಎಂಡ್ ಎನ್‌ಕ್ರಿಪ್ಶನ್ (End-to-End Encryption) ನಂತಹ ವಾಟ್ಸಾಪ್‌ನ ಪ್ರಮುಖ ಸೇವೆಗಳು ಎಂದಿನಂತೆ ಎಲ್ಲರಿಗೂ ಸಂಪೂರ್ಣವಾಗಿ ಉಚಿತವಾಗಿಯೇ ಮುಂದುವರಿಯುತ್ತವೆ.

ಅದೇ ರೀತಿ, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಮ್‌ನ ಪ್ಲಸ್ (Plus) ಯೋಜನೆಗಳನ್ನೂ ಪರಿಚಯಿಸಲಾಗಿದೆ. ಅಲ್ಲದೆ, ಹೆಚ್ಚಿನ ಪ್ರಮಾಣದ AI ಬಳಕೆಗಳನ್ನು ಬಯಸುವ ಪವರ್-ಯೂಸರ್‌ಗಳಿಗಾಗಿ (Power users) 'ಮೆಟಾ ಒನ್ ಪ್ಲಸ್' (ತಿಂಗಳಿಗೆ ₹775) ಮತ್ತು 'ಮೆಟಾ ಒನ್ ಪ್ರೀಮಿಯಂ' (ತಿಂಗಳಿಗೆ ₹1,939) ನಂತಹ ಉನ್ನತ ಮಟ್ಟದ ಪಾವತಿ ಯೋಜನೆಗಳನ್ನು ಮೆಟಾ ಪರೀಕ್ಷಿಸುತ್ತಿದೆ.

ವಾಟ್ಸಾಪ್ ಅನ್ನು ತಮಗೆ ತಕ್ಕಂತೆ ಡಿಸೈನ್ ಮಾಡಿ ಬಳಸಲು ಬಯಸುವ ಬಳಕೆದಾರರಿಗೆ ಮತ್ತು ಇನ್‌ಫ್ಲುಯೆನ್ಸರ್‌ಗಳಿಗೆ ಈ ₹79 ಯೋಜನೆ ಉಪಯುಕ್ತವಾಗಬಹುದು. ಸಾಮಾನ್ಯ ಬಳಕೆಗೆ ಈಗಿರುವ ಉಚಿತ ವಾಟ್ಸಾಪ್ ಆವೃತ್ತಿಯೇ ಸಾಕಾಗುತ್ತದೆ!

1.8 ಮಿಲಿಯನ್ ವರ್ಷಗಳ ಹಿಂದಿನ ಆನೆ ಹಲ್ಲು ಸಮುದ್ರ ತಟದಲ್ಲಿ ಪತ್ತೆ, ಜೀವಿಗಳ ರಹಸ್ಯಕ್ಕೆ ರೋಚಕ ತಿರುವು

Chethan Kumar — Mon, 29 Jun 2026 21:49:17 +0530

ಲಂಡನ್ (ಜೂ.29) ಭೂಮಿಯಲ್ಲಿ ಮೊದಲು ಪರಿಸರದ ಉಗಮ, ಪ್ರಾಣಿಗಳ ಉಗಮ, ಮಂಗನಿಂದ ಮಾನವ ಹೀಗೆ ಜೀವ ಸಂಕುಲ ಬೆಳೆಯುತ್ತಾ ಹೋಗಿದೆ. ಇದೀಗ ಈ ಉಗಮ, ಜೀವಿಗಳ ಇರುವಿಕೆ ಕುರಿತು ಮಹತ್ವದ ದಾಖಲೆಯೊಂದು ಪತ್ತೆಯಾಗಿದೆ. 11ರ ಬಾಲಕ ತಾಯಿ ಜೊತೆ ಸಮುದ್ರ ತೀರದಲ್ಲಿ ಸಾಗುತ್ತಿದ್ದ ವೇಳೆ ಆನೆಯ ಹಲ್ಲೊಂದು ಪತ್ತೆ ಹಚ್ಚಿದ್ದಾನೆ. ಈ ಹಲ್ಲು ಬರೋಬ್ಬರಿ 1.8 ಮಿಲಿಯನ್ ವರ್ಷಗಳ ಹಿಂದಿನ ದೈತ್ಯ ಆನೆಯ ಹಲ್ಲಾಗಿದೆ ಅನ್ನೋದು ಪರೀಕ್ಷೆಯಲ್ಲಿ ಸಾಬೀತಾಗಿದೆ. ಬರೋಬ್ಬರಿ 1.8 ಮಿಲಿಯನ್ ವರ್ಷಗಳ ಹಿಂದಿನ ಪ್ರಾಣಿಗಳ ಇರುವಿಕೆ ಕುರಿತು ಮಹತ್ವದ ಮಾಹಿತಿ ನೀಡಿದೆ.

ಸಮಯ ಕಳೆಯಲು ತೆರಳಿದ ಕುಟುಂಬಕ್ಕೆ ಸಿಕ್ಕಿದ ಅಚ್ಚರಿ

ಭೂಮಿಯಲ್ಲಿ ಪ್ರಾಣಿಗಳ ಇರುವಿಕೆ, ಉಗಮ ನಾವು ಊಹಿಸಿದ ವರ್ಷಗಳಿಗಿಂತಲೂ ಹಿಂದಕ್ಕೆ ಕೊಂಡೊಯ್ಯುತ್ತಿದೆ ಅನ್ನೋದಕ್ಕೆ ಈ ಆನೆಯ ಹಲ್ಲು ಸಾಕ್ಷಿಯಾಗಿದೆ. ಇಂಗ್ಲೆಂಡ್‌ನ ಸಪೋಲ್ಕ್ ಕೌಂಟಿ ಬಳಿ ಇರುವ ಈಸ್ಟ್ ಲೇನ್ ಸಮುದ್ರ ತೀರದಲ್ಲಿ 11ರ ಬಾಲಕ ಚಾರ್ಲಿ ಆರ್ಚರ್ಡ್ ಲಿಸ್ಲೆ ತನ್ನ ತಾಯಿ ಎಲೀನರ್ ಹಾಗೂ ತಂದೆ ಜೇಮಿ ಜೊತೆ ವಿಹರಿಸುತ್ತಿದ್ದ. ಸಮುದ್ರ ತೀರದಲ್ಲಿ ಸಮಯ ಕಳೆಯಲು ಕುಟುಂಬ ತೆರಳಿತ್ತು. ಚಾರ್ಲಿಗೆ ಆನೆಗಳೆಂದರೆ ಇಷ್ಟ. ಹೀಗಾಗಿ ಆನೆಯ ಮ್ಯೂಸಿಯಂ ಸೇರಿದಂತೆ ಹಲವು ಸಂಗ್ರಾಹಲಯಗಳಿಗೆ ತೆರಳಿ ವೀಕ್ಷಿಸಿದ್ದ. ಬೀಚ್‌ನಲ್ಲಿ ತೆರಳುತ್ತಿದ್ದಂತೆ ವಿಶೇಷ ವಸ್ತುವೊಂದು ಬಾಲಕನ ಕಣ್ಣಿಗೆ ಬಿದ್ದಿದೆ. ಕಲ್ಲಿನಂತಿದ್ದ ವಿಶೇಷ ವಸ್ತುವನ್ನು ತೆಗೆದ ಚಾರ್ಲಿಗೆ ಅಚ್ಚರಿಯಾಗಿತ್ತು. ಪೋಷಕರು ಇದು ಯಾವುದೋ ಪ್ರಾಣಿಯ ಹಲ್ಲು ಅನ್ನೋದು ಗೊತ್ತಾಗಿದೆ. ಆರಂಭದಲ್ಲಿ ಡೈನೋಸಾರ್ ಹಲ್ಲುಗಳಾಗಿರಬಹುದಾ ಅನ್ನೋ ಅನುಮಾನವೂ ವ್ಯಕ್ತವಾಗಿತ್ತು.

ಪರೀಕ್ಷಿಸಿ ಸ್ಫೋಟಕ ಮಾಹಿತಿ

ಚಾರ್ಲಿ ಪೋಷಕರು ಈ ಹಲ್ಲಿನ ಫೋಟೋ ತೆಗೆದು ಲಂಡನ್‌ನ ಪಳಿಯುಳಿಕೆ ತಜ್ಞ ಪ್ರೊಫೆಸರ್ ಆ್ಯಡ್ರಿಯನ್ ಲಸ್ಟರ್‌ಗೆ ಕಳುಹಿಸಲಾಗಿದೆ. ಈ ಫೋಟೋ ಪರಿಶೀಲಿಸಿದ ವಿಜ್ಞಾನಿಗಳು ಇದು ಆನೆಯ ಹಲ್ಲು ಎಂದು ಹೇಳಿದ್ದಾರೆ. ಬಳಿಕ ಹಲ್ಲನ್ನು ತರುವಂತೆ ಸೂಚಿಸಿದ್ದಾರೆ. ಹೀಗಾಗಿ ಸಮುದ್ರ ತೀರದಲ್ಲಿ ಸಿಕ್ಕ ವಿಶೇಷ ಕಲ್ಲಿನಂತಿದ್ದ ವಸ್ತುವನ್ನ ಚಾರ್ಚಿ ಪೋಷಕರು ಪ್ರೊಫೆಸರ್‌ಗೆ ತಲುಪಿಸಿದ್ದಾರೆ. ಬಳಿಕ ಅಧ್ಯಯನ ಆರಂಭಗೊಂಡಿದೆ. ತಜ್ಞರ ತಂಡ ಆನೆಯ ಹಲ್ಲಿನ ಕುರಿತ ಅಧ್ಯಯನ ಆರಂಭಿಸಿತ್ತು. ಮೊದಲು ಹಲ್ಲನ್ನು ಹಲವು ಪರೀಕ್ಷೆಗೆ ಒಳಪಡಿಸಿದ್ದಾರೆ. ಈ ವೇಳೆ ಅಚ್ಚರಿಯ ಫಲಿತಾಂಶ ಲಭ್ಯವಾಗಿದೆ. ಭೂಮಿಯ ಮೇಲಿದ್ದ ದೈತ್ಯ ಆನೆ ತಳಿಯ ಹಲ್ಲು ಅನ್ನೋದು ಸಾಬೀತಾಗಿದೆ. ಇಷ್ಟೇ ಬರೋಬ್ಬರಿ 1.8 ಮಿಲಿಯನ್ ವರ್ಷಗಳ ಹಿಂದೆ ಜೀವಿಸಿದ್ದ ಆನೆ ಅನ್ನೋದು ಸಾಬೀತಾಗಿದೆ. ಅನಾಂಕಸ್ ಅರ್ವರ್ನೆನ್ಸಿಸ್ ಅನ್ನೋ ದೈತ್ಯ ಆನೆ ತಳಿಯ ಹಲ್ಲು ಎಂದು ಸಂಶೋಧಕರು ಹೇಳಿದ್ದಾರೆ.

ಸಮುದ್ರದಲ್ಲಿನ ಮರಳು ಹಾಗೂ ಮಣ್ಣಿನ ಸವೆತದಿಂದ ನೀರಿನೊಳಗೆ ಹುದುಗಿ ಹೋಗಿದ್ದ ಹಲ್ಲು ಪತ್ತೆಯಾಗಿದೆ. ಅನಾಂಕಸ್ ಅರ್ವರ್ನೆನ್ಸಿಸ್ ದೈತ್ಯ ಆನೆ ತಳಿಗಳು ಇಂದಿನ ಆಫ್ರಿಕನ್ ಆನೆಗಳ ಪೂರ್ವಜ ವಂಶಕ್ಕೆ ಸೇರಿದೆ ಎಂದು ತಜ್ಞರು ಹೇಳಿದ್ದಾರೆ. ಈ ಆನೆಗಳು 8 ಅಡಿಗಿಂತ ಹೆಚ್ಚು ಎತ್ತರ, ಬರೋಬ್ಬರಿ 6 ಟನ್ ತೂಕ ಹೊಂದಿರುತ್ತಿತ್ತು ಎಂದಿದ್ದಾರೆ.

ಇದೀಗ ಅಧ್ಯಯನಕಾರರ ತಂಡ ಬ್ರಿಟನ್ ಕಡಲ ತೀರದಲ್ಲಿ ಬಿಡುಬಿಟ್ಟಿದೆ. ಇಲ್ಲಿನ ಕಾಡು, ಬೆಟ್ಟ ಪ್ರದೇಶಗಳಲ್ಲಿ ಹುಡುಕಾಟ ಶುರು ಮಾಡಿದೆ. ಇಲ್ಲಿ ಸಿಗುವ ಪಳೆಯುಳಿಕೆಗಳು ಜೀವ ಸಂಕುಲದ ಇತಿಹಾಸದಲ್ಲೇ ಹೊಸ ತಿರುವು ನೀಡುವ ಸಾಧ್ಯತೆ ಇದೆ ಎಂಬು ವಿಜ್ಞಾನಿಗಳು ಹೇಳಿದ್ದಾರೆ.

ಬಜೆಟ್ ಫ್ಲೆಂಡ್ಲಿ ಬೆಲೆಯಲ್ಲಿ 8000mAh ಬ್ಯಾಟರಿ, ಹೈಕ್ವಾಲಿಟಿ ಪಿಕ್ಚರ್ ಕ್ಯಾಮೆರಾ ಸೇರಿದಂತೆ ಒನ್‌ಪ್ಲಸ್ N6 ಲಾಂಚ್

Chethan Kumar — Tue, 30 Jun 2026 22:47:52 +0530

ಒನ್‌ಫ್ಲಸ್ ಇದೀಗ ಬಜೆಟ್ ಫ್ಲೆಂಡ್ಲಿ ಬೆಲೆಯಲ್ಲಿ ಅದ್ಭುತ ಫೋನ್ ಲಾಂಚ್ ಮಾಡಿದೆ. ಅತ್ಯುತ್ತಮ ಕ್ವಾಲಿಟಿ ಫೋಟೋ, ವಿಡಿಯೋ ಚಿತ್ರೀಕರಿಸಬಲ್ಲ ಕ್ಯಾಮೆರಾ, ದಿನವಿಡಿ ಬಳಸಿದರೂ ಸಮಸ್ಯೆ ಇಲ್ಲದ ಬ್ಯಾಟರಿ ಸೇರಿ ಹಲವು ವಿಶೇಷತೆಗಳಿವೆ.

ದುಬಾರಿ ಫೋನ್‌ಗಳ ನಡುವೆ ಅದೇ ಫೀಚರ್, ಅಷ್ಟೇ ಕ್ವಾಲಿಟಿ ಫೋಟೋ, ವಿಡಿಯೋ ರೆಕಾರ್ಡಿಂಗ್ ಸಾಮರ್ಥ್ಯದ ಬಜೆಟ್ ಫ್ಲೆಂಡ್ಲಿ ಫೋನ್ ಒನ್‌ಪ್ಲಸ್ ಬಿಡುಗಡೆ ಮಾಡಿದೆ. ಬಹುನಿರೀಕ್ಷಿತ OnePlus N6 ಸ್ಮಾರ್ಟ್‌ಫೋನ್ ಭಾರತದ ಮಾರುಕಟ್ಟೆ ಪ್ರವೇಶಿಸಿದೆ. ಈ ಫೋನ್ ಒನ್‌ಪ್ಲಸ್‌ನ ಪ್ರೀಮಿಯಂ ಫೋನ್‌ಗಳಿಗಿಂತ ಕಡಿಮೆ ದರವನ್ನು ಹೊಂದಿದ್ದರೂ, ಇದರಲ್ಲಿ ಅಳವಡಿಸಲಾಗಿರುವ ಫೀಚರ್ಸ್‌ಗಳು ಮಾತ್ರ ಮಾರುಕಟ್ಟೆಯಲ್ಲಿ ಭಾರಿ ಸಂಚಲನ ಮೂಡಿಸುತ್ತಿವೆ.

ಭಾರತದಲ್ಲಿ OnePlus N6 ಸ್ಮಾರ್ಟ್‌ಫೋನ್‌ನ ಆರಂಭಿಕ ಬೆಲೆಯನ್ನು ಕೇವಲ 22,999 ರೂಪಾಯಿ ಈ ಬೆಲೆಯು 4GB RAM ಮತ್ತು 128GB ಇಂಟರ್ನಲ್ ಸ್ಟೋರೇಜ್ ಮಾದರಿಗೆ ಅನ್ವಯಿಸಲಿದೆ. ಅದೇ ರೀತಿ, ಇದರ ಮತ್ತೊಂದು ಹೈ-ಎಂಡ್ ವೇರಿಯಂಟ್ ಆದ 6GB RAM ಮತ್ತು 128GB ಸ್ಟೋರೇಜ್ ಆವೃತ್ತಿಯ ಬೆಲೆ 24,999 ರೂಪಾಯಿ. ಈ ಸ್ಮಾರ್ಟ್‌ಫೋನ್ ಫ್ರೆಶ್ ಮಿಂಟ್ (Fresh Mint) ಮತ್ತು ಮಿಡ್‌ನೈಟ್ ಗ್ರೀನ್ (Midnight Green) ಎಂಬ ಎರಡು ಆಕರ್ಷಕ ಬಣ್ಣಗಳಲ್ಲಿ ಲಭ್ಯವಿದೆ.

ಗ್ರಾಹಕರು ಈ ಫೋನನ್ನು ಪ್ರಮುಖ ಇ-ಕಾಮರ್ಸ್ ತಾಣವಾದ ಅಮೆಜಾನ್ ಇಂಡಿಯಾ (Amazon India) ಮತ್ತು ಒನ್‌ಪ್ಲಸ್ ಅಧಿಕೃತ ವೆಬ್‌ಸೈಟ್ ಮೂಲಕ ಜುಲೈ 4 ರಿಂದ ಖರೀದಿಸಬಹುದಾಗಿದೆ. ಬಿಡುಗಡೆಯ ಕೊಡುಗೆಯಾಗಿ ಬ್ಯಾಂಕ್ ಕಾರ್ಡ್‌ಗಳ ಮೇಲೆ ನೋ-ಕಾಸ್ಟ್ ಇಎಂಐ ಮತ್ತು ಸ್ಪಾಟಿಫೈ ಪ್ರೀಮಿಯಂನ ಉಚಿತ ಚಂದಾದಾರಿಕೆಯೂ ಲಭ್ಯವಿದೆ.

ಈ ಸ್ಮಾರ್ಟ್‌ಫೋನ್‌ನ ಅತ್ಯಂತ ಪ್ರಮುಖ ಮತ್ತು ಆಕರ್ಷಕ ವೈಶಿಷ್ಟ್ಯವೆಂದರೆ ಇದರ ಬ್ಯಾಟರಿ ಸಾಮರ್ಥ್ಯ. ಒನ್‌ಪ್ಲಸ್ ಈ ಬಜೆಟ್ ಫೋನ್‌ನಲ್ಲಿ ಬರೋಬ್ಬರಿ 8000mAh ಸಾಮರ್ಥ್ಯದ ಬೃಹತ್ ಬ್ಯಾಟರಿಯನ್ನು ಅಳವಡಿಸಿದೆ. ಕಂಪನಿಯ ಪ್ರಕಾರ, ಈ ಬೆಲೆಯ ವಿಭಾಗದಲ್ಲೇ ಇದು ಅತ್ಯಂತ ದೊಡ್ಡ ಬ್ಯಾಟರಿಯಾಗಿದ್ದು, ಒಮ್ಮೆ ಪೂರ್ಣ ಚಾರ್ಜ್ ಮಾಡಿದರೆ ಸತತ 3 ದಿನಗಳವರೆಗೆ ಬ್ಯಾಟರಿ ಬ್ಯಾಕಪ್ ನೀಡುತ್ತದೆ. 7 ವರ್ಷಗಳ ಸುದೀರ್ಘ ಬಾಳಿಕೆ ಸಾಮರ್ಥ್ಯವನ್ನು ಹೊಂದಿದೆ. 45W ಸೂಪರ್‌ವೂಕ್ (SuperVOOC) ವೇಗದ ಚಾರ್ಜಿಂಗ್ ತಂತ್ರಜ್ಞಾನವನ್ನು ನೀಡಲಾಗಿದ್ದು, ಕೇವಲ 47 ನಿಮಿಷಗಳಲ್ಲಿ ಶೇ. 50 ರಷ್ಟು ಬ್ಯಾಟರಿಯನ್ನು ಚಾರ್ಜ್ ಮಾಡಬಹುದಾಗಿದೆ.

ಫೋಟೋ, ವಿಡಿಯೋ ರೆಕಾರ್ಡ್ ಮಾಡಲು 50 ಮೆಗಾಪಿಕ್ಸೆಲ್ ಸಾಮರ್ಥ್ಯದ ಐಎಫ್ (AI) ಪ್ರಮುಖ ಕ್ಯಾಮೆರಾವನ್ನು ನೀಡಲಾಗಿದೆ. ಇದು 60 FPS ನಲ್ಲಿ ವಿಡಿಯೋ ರೆಕಾರ್ಡಿಂಗ್ ಮತ್ತು ಡ್ಯುಯಲ್-ವ್ಯೂ ವಿಡಿಯೋ ವೈಶಿಷ್ಟ್ಯಗಳನ್ನು ಬೆಂಬಲಿಸುತ್ತದೆ. ಸೆಲ್ಫಿ ಹಾಗೂ ವಿಡಿಯೋ ಕರೆಗಳಿಗಾಗಿ ಮುಂಭಾಗದಲ್ಲಿ 8 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಆಕಸ್ಮಿಕವಾಗಿ ಕೈಯಿಂದ ಬಿದ್ದರೂ ಹಾನಿಯಾಗದಂತೆ ಆರ್ಮರ್ ಶೆಲ್ ಪ್ರೊಟೆಕ್ಷನ್ ಇದೆ.

Mobile Tower: ಮೊಬೈಲ್ ಟವರ್‌ನಿಂದ ನಿಮ್ಮ ಫೋನ್‌ಗೆ ಸಿಗ್ನಲ್ ಹೇಗೆ ಬರುತ್ತದೆ? ಪ್ರತಿಯೊಬ್ಬರೂ ತಿಳಿಯಬೇಕಾದ ಮಾಹಿತಿ

Sushma Hegde — Wed, 01 Jul 2026 11:55:32 +0530

ಮೊಬೈಲ್ ಟವರ್‌ಗಳು ರೇಡಿಯೋ ಸಿಗ್ನಲ್‌ಗಳ ಮೂಲಕ ನಿಮ್ಮ ಫೋನ್‌ನ್ನು ನೆಟ್‌ವರ್ಕ್‌ಗೆ ಸಂಪರ್ಕಿಸಿ, ಕರೆ ಮತ್ತು ಇಂಟರ್ನೆಟ್ ಸೇವೆಗಳು ಕ್ಷಣಾರ್ಧದಲ್ಲಿ ಹೇಗೆ ಕಾರ್ಯನಿರ್ವಹಿಸುತ್ತೆ ಗೊತ್ತಾ?

ಇಂದು ಮೊಬೈಲ್ ಇಲ್ಲದೆ ಕಳೆಯುವುದು ಕಷ್ಟ. ಪೋನ್, ವಾಟ್ಸ್ ಅಫ್, ಯೂಟ್ಯೂಬ್, ಯುಪಿಐ ಎಲ್ಲವೂ ಮೊಬೈಲ್ ನೆಟ್‌ವರ್ಕ್‌ನ ಮೇಲೆ ನಿಂತಿದೆ. ಆದರೆ ನಿಮ್ಮ ಮೊಬೈಲ್‌ನಲ್ಲಿರುವ ಸಿಗ್ನಲ್ ಹೇಗೆ ಬರುತ್ತವೆ? ಫೋನ್‌ ಮಾಡಿದರೆ ಅದು ಸಾವಿರಾರು ಕಿಲೋಮೀಟರ್ ದೂರದಲ್ಲಿರುವ ವ್ಯಕ್ತಿಗೆ ಸೆಕೆಂಡ್‌ನಲ್ಲಿ ಹೇಗೆ ತಲುಪುತ್ತದೆ? ಗೊತ್ತಾ.

ಮೊಬೈಲ್ ಟವರ್ ಎಂದರೇನು?

ಮೊಬೈಲ್ ಟವರ್ ಕೇವಲ ಎತ್ತರದ ಕಬ್ಬಿಣದ ಕಂಬವಲ್ಲ. ಅದರ ಮೇಲಿರುವ ಆಂಟೆನಾ ಮತ್ತು ಕೆಳಭಾಗದಲ್ಲಿರುವ ಸಂವಹನ ಸಾಧನಗಳು ನಿಮ್ಮ ಮೊಬೈಲ್‌ನಿಂದ ಬರುವ ರೇಡಿಯೋ ಸಿಗ್ನಲ್‌ಗಳನ್ನು ಸ್ವೀಕರಿಸಿ, ಅವುಗಳನ್ನು ಟೆಲಿಕಾಂ ನೆಟ್‌ವರ್ಕ್‌ಗೆ ರವಾನಿಸುತ್ತವೆ. ಅಲ್ಲಿಂದ ಆ ಮಾಹಿತಿ ಮತ್ತೊಂದು ಟವರ್ ಮೂಲಕ ಎದುರಿನ ವ್ಯಕ್ತಿಯ ಮೊಬೈಲ್‌ಗೆ ತಲುಪುತ್ತದೆ.

ನೀವು ಕರೆ ಮಾಡಿದ ಕ್ಷಣದಲ್ಲೇ ನಿಮ್ಮ ಮೊಬೈಲ್ ರೇಡಿಯೋ ತರಂಗಗಳ (Radio Frequency Signals) ಮೂಲಕ ಹತ್ತಿರದ ಮೊಬೈಲ್ ಟವರ್‌ಗೆ ಸಿಗ್ನಲ್ ಕಳುಹಿಸುತ್ತದೆ. ಆ ಟವರ್ ಅದನ್ನು ಫೈಬರ್ ಆಪ್ಟಿಕ್ ಕೇಬಲ್ ಅಥವಾ ಮೈಕ್ರೋವೇವ್ ಲಿಂಕ್ ಮೂಲಕ ಟೆಲಿಕಾಂ ನೆಟ್‌ವರ್ಕ್‌ಗೆ ರವಾನಿಸುತ್ತದೆ. ಅಲ್ಲಿಂದ ಎದುರಿನ ವ್ಯಕ್ತಿಯ ಹತ್ತಿರದ ಟವರ್‌ಗೆ ಮಾಹಿತಿ ಹೋಗಿ, ಅಂತಿಮವಾಗಿ ಅವರ ಮೊಬೈಲ್‌ಗೆ ಕರೆ ತಲುಪುತ್ತದೆ. ಈ ಸಂಪೂರ್ಣ ಪ್ರಕ್ರಿಯೆ ಮಿಲಿಸೆಕೆಂಡ್‌ಗಳಲ್ಲಿ ನಡೆಯುತ್ತದೆ.

ಟವರ್‌ಗಳನ್ನು 'ಸೆಲ್' ಎಂದು ಯಾಕೆ ಕರೆಯುತ್ತಾರೆ?

ಪ್ರತಿಯೊಂದು ಮೊಬೈಲ್ ಟವರ್ ಒಂದು ನಿರ್ದಿಷ್ಟ ಪ್ರದೇಶಕ್ಕೆ ಮಾತ್ರ ಸೇವೆ ನೀಡುತ್ತದೆ. ಈ ಪ್ರದೇಶವನ್ನು 'ಸೆಲ್' ಎಂದು ಕರೆಯಲಾಗುತ್ತದೆ. ನೀವು ವಾಹನದಲ್ಲಿ ಪ್ರಯಾಣಿಸುವಾಗ ನಿಮ್ಮ ಮೊಬೈಲ್ ಒಂದು ಟವರ್‌ನಿಂದ ಮತ್ತೊಂದು ಟವರ್‌ಗೆ ಸ್ವಯಂಚಾಲಿತವಾಗಿ ಸಂಪರ್ಕ ಬದಲಾಯಿಸುತ್ತದೆ. ಇದನ್ನೇ ಹ್ಯಾಂಡ್ಓವರ್ (Handover) ಎಂದು ಕರೆಯುತ್ತಾರೆ. ಇದರಿಂದ ಕರೆ ಕಡಿತವಾಗದೆ ನಿರಂತರವಾಗಿ ಮುಂದುವರಿಯುತ್ತದೆ.

ಟವರ್‌ನಿಂದ ಹೆಚ್ಚು ದೂರ ಇದ್ದರೆ ಸಿಗ್ನಲ್ ಕಮ್ಮಿಯಾಗುತ್ತೆ. ಎತ್ತರದ ಕಟ್ಟಡಗಳು, ದಪ್ಪ ಗೋಡೆಗಳು, ಬೆಟ್ಟಗಳು ಹಾಗೂ ಕಾಡುಗಳು ಸಿಗ್ನಲ್ ವೇವ್ಸ್ ತಡೆಯಬಹುದು. ಒಂದೇ ಟವರ್‌ಗೆ ಒಂದೇ ಸಮಯದಲ್ಲಿ ಹೆಚ್ಚು ಜನ ಸಂಪರ್ಕಿಸಿದರೆ ನೆಟ್‌ವರ್ಕ್ ನಿಧಾನವಾಗಬಹುದು. ಅಂಡರ್‌ ಗ್ರೌಂಡ್ ಪಾರ್ಕಿಂಗ್, ಲಿಫ್ಟ್ ಅಥವಾ ಬೇಸ್‌ಮೆಂಟ್‌ನಲ್ಲಿ ಸಿಗ್ನಲ್ ಕಡಿಮೆಯಾಗುವುದು ಸಾಮಾನ್ಯ.

ಹೆಚ್ಚು ಟವರ್ ಇದ್ದರೆ ಸಿಗ್ನಲ್ ಉತ್ತಮವೇ?

ಹೌದು. ವಿಶೇಷವಾಗಿ ನಗರ ಪ್ರದೇಶಗಳಲ್ಲಿ ಸಾವಿರಾರು ಜನ ಒಂದೇ ಸಮಯದಲ್ಲಿ ನೆಟ್‌ವರ್ಕ್ ಬಳಸುವುದರಿಂದ ಹೆಚ್ಚು ಟವರ್‌ಗಳನ್ನು ಅಳವಡಿಸಲಾಗುತ್ತದೆ. ಇದರಿಂದ ನೆಟ್‌ವರ್ಕ್ ಮೇಲಿನ ಒತ್ತಡ ಕಡಿಮೆಯಾಗುತ್ತದೆ ಹಾಗೂ ಕರೆ ಮತ್ತು ಇಂಟರ್ನೆಟ್ ಗುಣಮಟ್ಟ ಉತ್ತಮವಾಗುತ್ತದೆ.

ಇದುವರೆಗೆ ನಡೆದ ಅನೇಕ ವೈಜ್ಞಾನಿಕ ಅಧ್ಯಯನಗಳಲ್ಲಿ, ಸರ್ಕಾರ ನಿಗದಿಪಡಿಸಿರುವ ಮಿತಿಯೊಳಗಿನ ಮೊಬೈಲ್ ಟವರ್‌ಗಳ ರೇಡಿಯೋ ಫ್ರೀಕ್ವೆನ್ಸಿ ಸಿಗ್ನಲ್‌ಗಳು ಮಾನವ ಆರೋಗ್ಯಕ್ಕೆ ಹಾನಿ ಮಾಡುತ್ತವೆ ಎಂಬುದಕ್ಕೆ ಸ್ಪಷ್ಟ ಸಾಕ್ಷ್ಯ ಸಿಕ್ಕಿಲ್ಲ ಎಂದು ತಜ್ಞರು ಹೇಳಿದ್ದಾರೆ.

Best Time to Buy Phone: ಕಡಿಮೆ ಬೆಲೆಗೆ ಒಳ್ಳೆ ಫೋನ್ ಸಿಗ್ಬೇಕು ಅಂದ್ರೆ ಕಾಯ್ಬೇಕು, ಆತುರದ ನಿರ್ಧಾರ ಬೇಡ

Roopa Hegde — Wed, 01 Jul 2026 13:54:41 +0530

ಮಾರ್ಕೆಟ್ ಗೆ ಹೊಸ ಫೋನ್ ಲಗ್ಗೆ ಇಟ್ಟಾಗ ಖರೀದಿ ಆಸೆ ಡಬಲ್ ಆಗುತ್ತೆ. ಇರೋಬರೋ ಹಣ ಎಲ್ಲ ಸೇರಿಸಿ ಫೋನ್ ಖರೀದಿ ಮಾಡ್ತೇವೆ. ಅದಾದ ಕೆಲವೇ ದಿನಗಳಲ್ಲಿ ಫೋನ್ ಬೆಲೆ ಇಳಿಯುತ್ತೆ. ಆಗ ಹೊಟ್ಟೆ ಉರಿದುಯುತ್ತೆ. ಸರಿಯಾದ ಟೈಂ ನೋಡಿ ಫೋನ್ ಖರೀದಿ ಮಾಡಿದ್ರೆ ಕಡಿಮೆ ಬೆಲೆಗೆ ಒಳ್ಳೆ ಫೀಚರ್ ಫೋನ್ ಖರೀದಿ ಮಾಡ್ಬಹುದು.

ಸ್ಮಾರ್ಟ್ಫೋನ್ ಕಂಪನಿಗಳು ಸಿರೀಸ್ ನಲ್ಲಿ ಫೋನ್ ಬಿಡುಗಡೆ ಮಾಡುತ್ವೆ. ನೀವು ಹೊಸ ಸಿರೀಸ್ ಬಿಡುಗಡೆ ಆದಾಗ ಹಳೆ ಸಿರೀಸ್ ಫೋನ್ ಖರೀದಿ ಮಾಡಿ. ಸಾಮಾನ್ಯವಾಗಿ ಹೊಸ ಸಿರೀಸ್ ಬಿಟ್ಟ ನಂತ್ರ ಕಂಪನಿ ಹಳೆ ಸಿರೀಸ್ ಫೋನ್ ಬೆಲೆ ಕಡಿಮೆ ಮಾಡುತ್ತೆ. ಇದು ನಿಮಗೆ ಲಾಭದಾಯಕ.

ಭಾರತದಲ್ಲಿ ಹಬ್ಬಗಳು ಸ್ಮಾರ್ಟ್ಫೋನ್ ಖರೀದಿಗೆ ಬೆಸ್ಟ್. ಅಮೆಜಾನ್, ಫ್ಲಿಪ್ಕಾರ್ಟ್ ಸೇರಿದಂತೆ ಅನೇಕ ಆನ್ಲೈನ್ ಶಾಪಿಂಗ್ ವೆಬ್ಸೈಟ್ಗಳು ಹಬ್ಬದ ಟೈಂನಲ್ಲಿ ಅತ್ಯಂತ ಕಡಿಮೆ ಬೆಲೆಗೆ ಫೋನ್ ಮಾರಾಟ ಮಾಡುತ್ವೆ. ಬ್ಯಾಂಕ್ ರಿಯಾಯಿತಿ, ವಿನಿಮಯ ಬೋನಸ್ ಸೇರಿದಂತೆ ಇತರ ಹಲವು ಆಫರ್ ನೀಡುತ್ವೆ. ಈ ಸಮಯದಲ್ಲಿ ಪ್ರೀಮಿಯಂ ಸ್ಮಾರ್ಟ್ಫೋನ್ಗಳನ್ನು ಸಹ ಕಡಿಮೆ ಬೆಲೆಗೆ ಖರೀದಿಸಬಹುದು.

ಕೆಲವರು ಹೊಸ ಫೋನ್ ರಿಲೀಸ್ ಆಗೋದನ್ನೇ ಕಾಯ್ತಿರುತ್ತಾರೆ. ಫೋನ್ ಬಿಡುಗಡೆಯಾದ ತಕ್ಷಣ ಖರೀದಿ ಮಾಡ್ತಾರೆ. ಈ ತಪ್ಪನ್ನು ನೀವೂ ಮಾಡ್ಬೇಡಿ. ಆರಂಭದಲ್ಲಿ ಫೋನ್ ಬೆಲೆ ಹೆಚ್ಚಿರುತ್ತದೆ. ಅದೇ ಕೆಲವು ವಾರ ಅಥವಾ ತಿಂಗಳುಗಳ ನಂತರ ಕಂಪನಿಗಳು ಬೆಲೆಯನ್ನು ಕಡಿಮೆ ಮಾಡುವ ಸಾಧ್ಯತೆ ಹೆಚ್ಚಿರುತ್ತೆ. ಜೊತೆಗೆ ಆಕರ್ಷಕ ಆಫರ್ ನೀಡಲು ಶುರು ಮಾಡುತ್ವೆ.

ಫೋನ್ನ ಬ್ಯಾಟರಿ ಬೇಗ ಖಾಲಿಯಾಗ್ತಿದ್ದರೆ ಅಥವಾ ಫೋನ್ ಸರಿಯಾಗಿ ವರ್ಕ್ ಮಾಡ್ತಿಲ್ಲ ಎಂದಾಗ ಮಾತ್ರ ಫೋನ್ ಬದಲಿಸಿ. ಹಳೆ ಫೋನ್ ಉತ್ತಮವಾಗಿದ್ದಾಗ, ಹೊಸ ಮಾಡೆಲ್ ಬಿಡುಗಡೆ ಆದ್ರೆ, ಇದೊಂದೇ ಕಾರಣ ಇಟ್ಕೊಂಡು ಫೋನ್ ಖರೀದಿ ಮಾಡೋದು ಸೂಕ್ತವಲ್ಲ.

ಅನೇಕ ಕಂಪನಿಗಳು ವರ್ಷದ ಆರಂಭದಲ್ಲಿ ಹೊಸ ಸ್ಮಾರ್ಟ್ಫೋನ್ಗಳನ್ನು ಬಿಡುಗಡೆ ಮಾಡುತ್ತವೆ. ಇದರಿಂದ ಹಳೆಯ ಮಾಡೆಲ್ ಬೆಲೆ ಅಗ್ಗವಾಗುತ್ತದೆ. ಇಯರ್ ಆಂಡ್ ನಲ್ಲಿ ಕೂಡ ರಿಯಾಯಿತಿ ಆಫರ್ ಸಿಗುತ್ತದೆ. ಈ ಎರಡೂ ಸಮಯ ಶಾಪಿಂಗ್ಗೆ ಉತ್ತಮ ಸಮಯವೆಂದು ಪರಿಗಣಿಸಲಾಗುತ್ತದೆ. ಅಗತ್ಯತೆ ಮತ್ತು ಬಜೆಟ್ ಆಧರಿಸಿ ಖರೀದಿ ಮಾಡಿ.

ಹೊಸ ಸ್ಮಾರ್ಟ್ಫೋನ್ ಖರೀದಿಸುವಾಗ, ಬೆಲೆ ಮಾತ್ರವಲ್ಲದೆ ಪ್ರೊಸೆಸರ್, ಕ್ಯಾಮೆರಾ, ಬ್ಯಾಟರಿ, ಸಾಫ್ಟ್ವೇರ್ ಅಪ್ಡೇಟ್ ಸೇರಿದಂತೆ ಫೋನ್ ನಲ್ಲಿ ಏನೆಲ್ಲ ಫೀಚರ್ ಸಿಗ್ತಿದೆ ಎಂಬುದನ್ನು ಚೆಕ್ ಮಾಡಿ. ನಿಮ್ಮ ಬಳಿ ಈಗಾಗಲೇ ಇರುವ ಫೋನ್ ನಲ್ಲಿ ಯಾವೆಲ್ಲ ಫೀಚರ್ ಇದೆ, ಬೆಲೆಗೂ- ಫೀಚರ್ ಗೂ ಹೊಂದಿಕೆಯಾಗುತ್ತ ಎಂಬುದನ್ನು ಹೋಲಿಕೆ ಮಾಡಿ.

Gold Colour: ಚಿನ್ನ ಹಳದಿ ಬಣ್ಣದಲ್ಲಿಯೇ ಯಾಕಿರುತ್ತೆ? ಇಲ್ಲಿದೆ ವೈಜ್ಞಾನಿಕ ರಹಸ್ಯ

Mahmad Rafik — Wed, 01 Jul 2026 15:06:25 +0530

ಚಿನ್ನ ಹಳದಿ ಬಣ್ಣದಲ್ಲಿಯೇ ಯಾಕಿರುತ್ತೆ? ಇಲ್ಲಿದೆ ವೈಜ್ಞಾನಿಕ ರಹಸ್ಯ. ಚಿನ್ನದ ಪರಮಾಣುವಿನಲ್ಲಿರುವ ಎಲೆಕ್ಟ್ರಾನ್‌ಗಳು ಅತಿ ವೇಗವಾಗಿ ಚಲಿಸುವುದರಿಂದ, ಐನ್‌ಸ್ಟೈನ್‌ನ ಸಾಪೇಕ್ಷತಾ ಸಿದ್ಧಾಂತದ ಪರಿಣಾಮಗಳು ಇದಕ್ಕೆ ಕಾರಣವಾಗಿವೆ.

ಚಿನ್ನವನ್ನು ಹಳದಿ ಲೋಹ ಎಂಬ ಹೆಸರಿನಿಂದಲೂ ಕರೆಯುತ್ತಾರೆ. ಇನ್ನು ಬೆಳ್ಳಿ ಬೂದುಬಣ್ಣದಲ್ಲಿ ಕಾಣಿಸುವ ಮತ್ತೊಂದು ಲೋಹವಾಗಿದೆ. ಇಂದು ಚಿನ್ನದ ಮೇಲಿನ ಹೂಡಿಕೆ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಲೇ ಇರುತ್ತದೆ. ಬೆಲೆ ಏರಿಕೆಯಾದ್ರೂ ಚಿನ್ನದ ಮೇಲಿನ ವ್ಯಾಮೋಹ ಮಾತ್ರ ಜನತೆಗೆ ಕಡಿಮೆಯಾಗಿಲ್ಲ. ಚಿನ್ನಕ್ಕೆ ಯಾಕೆ ಹಳದಿ ಬಣ್ಣದಲ್ಲಿರುತ್ತೆ ಎಂಬ ವಿಷಯ ಗೊತ್ತಿದೆಯಾ?

ವೈಜ್ಞಾನಿಕವಾಗಿ ಯಾವುದೇ ವಸ್ತುವಿನ ಬಣ್ಣ ಅದು ಪ್ರತಿಫಲಿಸುವ ಬೆಳಕಿನ ತರಂಗಾಂತರವನ್ನು ಅವಲಂಬಿಸಿರುತ್ತದೆ. ಯಾವುದೇ ಬಿಳಿ ವಸ್ತುವಿನ ಮೇಲೆ ಸೂರ್ಯನ ಬೆಳಕು ಬಿದ್ದಾಗ, ಅದು ಕೆಲವು ಬಣ್ಣಗಳನ್ನು ಹೀರಿಕೊಳ್ಳುತ್ತದೆ. ಕೆಲವೊಮ್ಮೆ ಬಣ್ಣಗಳು ಪ್ರತಿಫಲಿಸುತ್ತವೆ. ಪ್ರತಿಫಲಿತ ಬೆಳಕು ನಮ್ಮ ಕಣ್ಣುಗಳು ತಲುಪಿದಾಗ ಮೆದುಳು ಅದು ಯಾವ ಬಣ್ಣ ಎಂದು ಗ್ರಹಿಸುತ್ತದೆ. ಈ ಪ್ರಕ್ರಿಯೆಯಿಂದಾಗಿ ವಸ್ತುವಿನ ಬಣ್ಣ ನಿರ್ಧಾರವಾಗುತ್ತದೆ.

ಬೆಳ್ಳಿ ಮತ್ತು ಅಲ್ಯೂಮಿನಿಯಂನಂತಹ ಹೆಚ್ಚಿನ ಲೋಹಗಳು ಬಹುತೇಕ ಸಂಪೂರ್ಣ ಗೋಚರ ವರ್ಣಪಟಲವನ್ನು ಪ್ರತಿಬಿಂಬಿಸುತ್ತವೆ, ಇದರಿಂದಾಗಿ ಅವು ಬಿಳಿ ಅಥವಾ ಬೆಳ್ಳಿಯಂತೆ ಕಾಣುತ್ತವೆ . ಆದ್ರೆ ಚಿನ್ನ ಇತರೆ ಲೋಹಗಳಿಗಿಂತ ಸಂಪೂರ್ಣ ಭಿನ್ನವಾಗಿ ವರ್ತಿಸುತ್ತದೆ. ಸೂರ್ಯನ ಬೆಳಕಿನಿಂದ ಚಿನ್ನ ಅಧಿಕವಾಗಿ ನೀಲಿ ಅಥವಾ ನೇರಳೆ ತರಂಗಗಳನ್ನು ಹೀರಿಕೊಳ್ಳುತ್ತದೆ. ಈ ಪ್ರತಿಕ್ರಿಯೆ ನಂತರ ಕೆಂಪು, ಕಿತ್ತಳೆ ಮತ್ತು ಹಳದಿ ತರಂಗಾಂತರಗಳನ್ನು ನಮ್ಮ ಕಣ್ಣುಗಳಿಗೆ ಹಿಂತಿರುಗಿಸುತ್ತದೆ. ಈ ಪ್ರತಿಫಲಿತ ಬಣ್ಣಗಳ ಸಂಯೋಜನೆಯು ಚಿನ್ನಕ್ಕೆ ಹಳದಿ ಬಣ್ಣವನ್ನು ನೀಡುತ್ತದೆ.

ಚಿನ್ನದ ಪರಮಾಣು ಸಂಖ್ಯೆ 79 ಆಗಿದ್ದು, ಪ್ರತಿ ಚಿನ್ನದ ಪರಮಾಣುವಿನ ನ್ಯೂಕ್ಲಿಯಸ್ 79 ಪ್ರೋಟಾನ್‌ಗಳನ್ನು ಹೊಂದಿರುತ್ತದೆ. ನ್ಯೂಕ್ಲಿಯಸ್ ತುಂಬಾ ಭಾರವಾಗಿರುವುದರಿಂದ, ಅದಕ್ಕೆ ಹತ್ತಿರವಿರುವ ಎಲೆಕ್ಟ್ರಾನ್‌ಗಳು ಬಲವಾದ ಆಕರ್ಷಕ ಶಕ್ತಿಯನ್ನು ಅನುಭವಿಸುತ್ತವೆ. ಈ ಒಳಗಿನ ಎಲೆಕ್ಟ್ರಾನ್‌ಗಳು ಅತಿ ಹೆಚ್ಚಿನ ವೇಗದಲ್ಲಿ ತಿರುಗುತ್ತವೆ, ಬೆಳಕಿನ ವೇಗದ ಅರ್ಧದಷ್ಟು ತಲುಪುತ್ತವೆ.

ಆಲ್ಬರ್ಟ್ ಐನ್‌ಸ್ಟೈನ್‌ನ ಸಾಪೇಕ್ಷತಾ ಸಿದ್ಧಾಂತದ ಪ್ರಕಾರ, ಅತಿ ಹೆಚ್ಚಿನ ವೇಗದಲ್ಲಿ ಚಲಿಸುವ ಕಣಗಳು ವಾಸ್ತವವಾಗಿ ಅವುಗಳ ದ್ರವ್ಯರಾಶಿ ಹೆಚ್ಚಾದಂತೆ ವರ್ತಿಸುತ್ತವೆ. ಇದು ಚಿನ್ನದ ಪರಮಾಣುವಿನಲ್ಲಿರುವ ಒಳಗಿನ ಎಲೆಕ್ಟ್ರಾನ್ ಕಕ್ಷೆಗಳನ್ನು ಸ್ವಲ್ಪ ಕುಗ್ಗಿಸಲು ಮತ್ತು ನ್ಯೂಕ್ಲಿಯಸ್‌ಗೆ ಹತ್ತಿರ ಚಲಿಸಲು ಕಾರಣವಾಗುತ್ತದೆ. ನಂತರ ಎಲೆಕ್ಟ್ರಾನ್‌ಗಳು ವಿಭಿನ್ನ ಶಕ್ತಿಯ ಮಟ್ಟಗಳ ನಡುವೆ ಚಲಿಸಲು ಅಗತ್ಯವಿರುವ ಶಕ್ತಿಯು ಬದಲಾಗುತ್ತದೆ.

WhatsApp ಬಳಕೆದಾರರಿಗೆ ಗುಡ್‌ನ್ಯೂಸ್! ಇನ್ನು ಫೋನ್ ನಂಬರ್ ಇಲ್ಲದೇ ಚಾಟ್ ಮಾಡಬಹುದು!

Kannadaprabha News — Wed, 01 Jul 2026 07:16:48 +0530

WhatsApp: ಟೆಲಿಗ್ರಾಂ, ಟ್ವೀಟರ್‌ ಸೇರಿ ಹಲವು ಸೋಷಿಯಲ್‌ ಮೀಡಿಯಾಗಳ ಮಾದರಿಯಲ್ಲಿ ವಾಟ್ಸಪ್‌ ಕೂಡ ಬಳಕೆದಾರರ ಖಾಸಗಿತನ ಕಾಪಾಡಲು ಮೊಬೈಲ್‌ ನಂಬರ್‌(mobile number) ಬದಲು ‘ಯೂಸರ್‌ನೇಮ್‌(Username)’ ಮೂಲಕ ಸಂವಹನ ನಡೆಸುವ ಆಯ್ಕೆ ಪರಿಚಯಿಸಿದೆ.

ಇತ್ತೀಚಿನ ದಿನಗಳಲ್ಲಿ ಸೈಬರ್ ಪ್ರಕರಣಗಳು ಹೆಚ್ಚುತ್ತಿವೆ. ವಾಟ್ಸಪ್ ಮೂಲಕ ವೈಯಕ್ತಿಕ ನಂಬರ್ ಸಂಗ್ರಹಿಸಿ ವಂಚಿಸುವ ಜಾಲ ಸಕ್ರಿಯವಾಗಿದೆ. ಹೀಗಾಗಿ ಮೆಟಾ ಇದೀಗ ಒಂದು ಮಹತ್ವದ ಹೆಜ್ಜೆ ಇಟ್ಟಿದೆ. ಇನ್ಮುಂದೆ ಟೆಲಿಗ್ರಾಂ, ಟ್ವೀಟರ್‌ ಸೇರಿ ಹಲವು ಸೋಷಿಯಲ್‌ ಮೀಡಿಯಾಗಳ ಮಾದರಿಯಲ್ಲಿ ವಾಟ್ಸಪ್‌ ಕೂಡ ಬಳಕೆದಾರರ ಖಾಸಗಿತನ ಕಾಪಾಡಲು ಮೊಬೈಲ್‌ ನಂಬರ್‌(mobile number) ಬದಲು ‘ಯೂಸರ್‌ನೇಮ್‌(Username)’ ಮೂಲಕ ಸಂವಹನ ನಡೆಸುವ ಆಯ್ಕೆ ಪರಿಚಯಿಸಿದೆ.

ಈ ಮೂಲಕ ಬಳಕೆದಾರರು ಇನ್ನೊಬ್ಬರ ಜತೆಗೆ ಅವರ ಮೊಬೈಲ್‌ ನಂಬರ್‌ ಬಹಿರಂಗಪಡಿಸದೆ ಕೇವಲ ಬಳಕೆದಾರರ ಹೆಸರಿನಲ್ಲಷ್ಟೇ ಚಾಟ್‌ ಮಾಡಬಹುದಾಗಿದೆ!

ಈ ಹೊಸ ಸೌಲಭ್ಯವು ತನ್ನ 300 ಕೋಟಿ ಬಳಕೆದಾರರಿಗೆ ತಮ್ಮನ್ನು ಯಾರು ಸಂಪರ್ಕ ಮಾಡಬೇಕು, ಯಾರು ಸಂಪರ್ಕಿಸಬಾರದು ಎಂಬುದನ್ನು ನಿರ್ಧರಿಸುವ ಅಧಿಕಾರ ನೀಡುತ್ತದೆ ಎಂದು ವಾಟ್ಸಪ್‌ ಹೇಳಿಕೊಂಡಿದೆ.

ಮೆಟಾ(Meta) ಮಾಲೀಕತ್ವದ ಈ ಸಾಮಾಜಿಕ ತಾಣವು ಬಳಕೆದಾರರಿಗೆ ಈ ವಾರದಿಂದಲೇ ವಿಶೇಷ ಯೂಸರ್‌ ನೇಮ್‌ ಅನ್ನು ಮೀಸಲಿಡುವ ಬುಕ್ಕಿಂಗ್ ಆರಂಭಿಸಿದೆ. ಸೆಟ್ಟಿಂಗ್‌ಗೆ ಹೋಗಿ ಯೂಸರ್‌ ನೇಮ್‌ ದಾಖಲು ಮಾಡಿಕೊಳ್ಳಬಹುದು.

ಈ ಹೊಸ ಸೌಲಭ್ಯದಿಂದಾಗಿ ಹೊಸಬರ ಜತೆಗಿನ ಸಂವಹನದ ವೇಳೆ ಬಳಕೆದಾರರ ಹೆಸರು ಮಾತ್ರ ಕಾಣಿಸಿಕೊಳ್ಳಲಿದ್ದು, ಈಗಿನಂತೆ ಅವರ ಮೊಬೈಲ್‌ ಸಂಖ್ಯೆ ಬಹಿರಂಗವಾಗುವುದಿಲ್ಲ. ಬಳಕೆದಾರರು ಬಯಸಿದರೆ ತಮ್ಮ ಮೊಬೈಲ್‌ ನಂಬರ್‌ ಅನ್ನು ಈಗಿನಂತೆ ಎಲ್ಲರಿಗೂ ಕಾಣಿಸುವ ರೀತಿಯ ಸೌಲಭ್ಯವನ್ನೂ ಆಯ್ಕೆ ಮಾಡಿಕೊಳ್ಳಬಹುದಾಗಿದೆ.

ಎಷ್ಟು ಅಕ್ಷರ ಇರಬೇಕು?:

ಬಳಕೆದಾರರಿಗೆ ಕನಿಷ್ಠ 3 ಅಕ್ಷರಗಳಿಂದ 35 ಅಕ್ಷರಗಳ ವರೆಗೆ ಯೂಸರ್‌ ನೇಮ್‌ ಆಯ್ಕೆಗೆ ಅವಕಾಶ ನೀಡಲಾಗುತ್ತದೆ. ಸೆಲೆಬ್ರಿಟಿಗಳು, ಸಾರ್ವಜನಿಕ ವ್ಯಕ್ತಿಗಳು ಮತ್ತು ಸರ್ಕಾರಿ ಸಂಸ್ಥೆಗಳ ಯೂಸರ್‌ನೇಮ್‌ ಅನ್ನು ಅವರಿಗಷ್ಟೇ ಕಾಪಿಡಲಾಗುತ್ತದೆ.

ಶ್ರೀಮಂತ ಕ್ರಿಕೆಟಿಗ ಕೊಹ್ಲಿ ಕೈಯಲ್ಲಿರುವುದು ಐಫೋನ್ ಪ್ರೋ ಮ್ಯಾಕ್ಸ್, ಪ್ರೋ ಫೋನ್ ಅಲ್ಲ, ಮತ್ಯಾವುದು?

Chethan Kumar — Mon, 29 Jun 2026 19:45:21 +0530

ಲಂಡನ್ (ಜೂ.29) ಟೀಂ ಇಂಡಿಯಾ ಕ್ರಿಕೆಟಿಗ ವಿರಾಟ್ ಕೊಹ್ಲಿ ವಿಶ್ವದ ಶ್ರೀಮಂತ ಕ್ರಿಕೆಟಿಗ. ಹಲವು ಕ್ಷೇತ್ರಗಳಲ್ಲಿ ವಿರಾಟ್ ಕೊಹ್ಲಿ ಹಣ ಹೂಡಿಕೆ ಮಾಡಿದ್ದಾರೆ. ತಮ್ಮದೇ ಬ್ರ್ಯಾಂಡ್‌ನ ಹಲವು ಉತ್ಪನ್ನಗಳನ್ನು ಹೊಂದಿದ್ದಾರೆ. ಕೋಟಿ ಕೋಟಿ ರೂಪಾಯಿ ಆದಾಯಗಳಿಸುತ್ತಿರುವ ವಿರಾಟ್ ಕೊಹ್ಲಿ ಬಳಸುವ ಫೋನ್ ಯಾವುದು? ಅನ್ನೋ ಪ್ರಶ್ನೆಗೆ ಇದೀಗ ಉತ್ತರ ಸಿಕ್ಕಿದೆ. ವಿರಾಟ್ ಕೊಹ್ಲಿ ಬಳಸುತ್ತಿರುವುದು ಐಫೋನ್ ಪ್ರೋ ಮ್ಯಾಕ್ಸ್, ಐಫೋನ್ ಪ್ರೋ ಫೋನ್‌ಗಳಲ್ಲ. ಲಾರ್ಡ್ಸ್ ಮೈದಾನದಲ್ಲಿ ನಡೆದ ಭಾರತ ಮಹಿಳಾ ತಂಡ ಹಾಗೂ ಆಸ್ಟ್ರೇಲಿಯಾ ನಡುವಿನ ಟಿ20 ವಿಶ್ವಕಪ್ ಪಂದ್ಯಕ್ಕೆ ವಿರಾಟ್ ಕೊಹ್ಲಿ ಹಾಜರಾಗಿದ್ದರು. ಈ ವೇಳೆ ಕೊಹ್ಲಿ ತಮ್ಮ ಮೊಬೈಲ್ ಫೋನ್ ಹೊರತೆಗೆದು ಜೊತೆಗಿದ್ದ ಮಾಜಿ ಕೋಚ್ ರವಿ ಶಾಸ್ತ್ರಿ ಹಾಗೂ ಮಾಜಿ ಕ್ರಿಕೆಟಿಗ ಶಿಖರ್ ಧವನ್‌ಗೆ ಸ್ಕ್ರೀನ್ ತೋರಿಸಿ ಕೆಲ ಮಾಹಿತಿ ನೀಡಿದ್ದಾರೆ. ಈ ವೇಳೆ ಕೊಹ್ಲಿ ಫೋನ್ ಯಾವುದು ಅನ್ನೋದು ಬಯಲಾಗಿದೆ.

ವಿರಾಟ್ ಕೊಹ್ಲಿ ಬಳಿ ಇದೆ ಈ ಫೋನ್

ವಿರಾಟ್ ಕೊಹ್ಲಿ ಬಳಸುತ್ತಿರುವ ಫೋನ್ ಐಫೋನ್ ಏರ್. ಆ್ಯಪಲ್ ಫೋನ್‌ಗಳ ಪೈಕಿ ಐಫೋನ್ ಏರ್ ಅತ್ಯಂತ ಸ್ಲಿಮ್ ಹಾಗೂ ಪ್ರಿಮಿಯಂ ಸ್ಮಾರ್ಟ್‌ಫೋನ್. ಈ ಫೋನ್ ಪ್ರಯಾಣ ಮಾಡುವಾಗ ಸೇರಿದಂತೆ ಯಾವುದೇ ಸಂದರ್ಭಗಳಲ್ಲಿ ಬಳಸುವುದು ಅತ್ಯಂತ ಸುಲಭ. ಹಗುರವಾದ, ಸಣ್ಣದಾದ ಐಫೋನ್ ಏರ್ ಬಹುತೇಕ ಸೆಲೆಬ್ರೆಟಿಗಳು ಬಳಸುತ್ತಾರೆ. ತಮ್ಮ ಅನುಕೂಲಕ್ಕಾಗಿ ಹಲವರು ಸ್ಲಿಮ್ ಹಾಗೂ ಲೈಟೆಸ್ಟ್ ಐಫೋನ್ ಏರ್ ಫೋನ್ ಬಳಕೆ ಮಾಡುತ್ತಾರೆ. ಇದೇ ಫೋನ್ ವಿರಾಟ್ ಕೊಹ್ಲಿ ಕೂಡ ಬಳಸುತ್ತಿದ್ದಾರೆ.

ವಿಶೇಷ ಅಂದರೆ ಇತ್ತೀಚೆಗೆ ರೋಹಿತ್ ಶರ್ಮಾ ಕೂಡ ಐಫೋನ್ ಏರ್ ಫೋನ್ ಬಳಕೆ ಮಾಡುತ್ತಿರುವುದು ಪತ್ತೆಯಾಗಿತ್ತು. ಟೀಂ ಇಂಡಿಯಾದ ಹಲವು ಕ್ರಿಕೆಟಿಗರು ಐಫೋನ್ ಏರ್ ಬಳಕೆ ಮಾಡುತ್ತಿದ್ದಾರೆ. ತಮ್ಮ ಅಗತ್ಯ ಹಾಗೂ ಅನುಕೂಲಕ್ಕಾಗಿ ಈ ಫೋನ್ ಬಳಕೆ ಮಾಡುತ್ತಾರೆ.

ಐಫೋನ್ ಏರ್ ಫೀಚರ್ಸ್ ಏನು?

ಐಫೋನ್ ಏರ್ ಹಲವು ವಿಶೇಷತೆಗಳನ್ನು ಹೊಂದಿದೆ. ಐಫೋನ್ ಏರ್ ಫೋನ್ 6.5 ಇಂಚಿನ LTPO ಸೂಪರ್ ರೆಟಿನಾ XDR OLED ಡಿಸ್‌ಪ್ಲೇ ಹೊಂದಿದೆ. ಇದರ ರೀಫ್ರೆಶ್ ರೇಟ್ 120Hz, HDR10. ಡೊಲ್ಬಿ ವರ್ಶನ್ ಬ್ರೈಟ್‌ನೆಸ್, A19 ಪ್ರೋ ಚಿಪ್‌ಸೆಟ್, 12ಜಿಬಿ RAM ಹಾಗೂ 256GB, 512GB ಹಾಗೂ 1TB ಸ್ಟೋರೇಜ್ ಆಯ್ಕೆಯಲ್ಲಿ ಲಭ್ಯವಿದೆ. ಇನ್ನು 48 ಮೆಗಾಪಿಕ್ಸಲ್ ರೇರ್ ಕ್ಯಾಮೆರಾ, ಸೆನ್ಸಾರ್ ಶಿಫ್ಟ್ ಆಪ್ಟಿಕಲ್ ಇಮೇಜ್, ಸೆಲ್ಫಿ ಹಾಗೂ ವಿಡಿಯೋ 18 ಮೆಕಾಪಿಕ್ಸಲ್ ಅಲ್ಟ್ರಾ ವೈಡ್ ಫ್ರಂಟ್ ಕ್ಯಾಮೆರಾ ಹೊಂದಿದೆ. ಇದು 18ಕೆ ಡೊಲ್ಬಿ ವರ್ಶನ್ ವಿಡಿಯೋ ರೆಕಾರ್ಡಿಂಗ್ ಸಾಮರ್ಥ್ಯ ಹೊಂದಿದೆ.

ಕೊಹ್ಲಿ ಬಳಿ ಇರುವ ಫೋನ್ ಬೆಲೆ ಎಷ್ಟು?

ಫೋನ್ ಕೇವಲ 5.6mm ದಪ್ಪವಿದೆ. ಇದರ ತೂಕ 165 ಗ್ರಾಂ. ಫ್ರಂಟ್ ಹಾಗೂ ರೇರ್ 2 ಪ್ರೊಟೆಕ್ಷನ್ ಸೆರಾಮಿಕ್ ಶೀಲ್ಡ್, 3149 mAh ಬ್ಯಾಟರಿ, iOS 26 ಸಾಫ್ಟ್‌ವೇರ್ ಹೊಂದಿದ್ದು, ಅಪ್‌ಡೇಟ್‌ಗಳಿಗೆ ಬೆಂಬಲ ನೀಡಲಿದೆ. ವಿರಾಟ್ ಕೊಹ್ಲಿ ಬಳಿ ಇರುವ ಐಫೋನ್ ಏರ್ ಫೋನ್ ಬೆಲೆ ಇ ಕಾಮರ್ಸ್‌ನಲ್ಲಿ 96,990 ರೂಪಾಯಿ (ಬೇರೆ ಬೇರೆ ಇ ಕಾಮರ್ಸ್ ಸೈಟ್‌ಗಳಲ್ಲಿ ಬೆಲೆಯಲ್ಲಿ ಕೊಂಚ ವ್ಯತ್ಯಾಸವಾಗುವ ಸಾಧ್ಯತೆ ಇದೆ).

ಸ್ಮಾರ್ಟ್‌ಫೋನ್‌, ಲ್ಯಾಪ್‌ಟಾಪ್‌ ಚಾರ್ಜ್‌ ಮಾಡೋದ್ರಿಂದ ಎಷ್ಟು ಕರೆಂಟ್ ಖರ್ಚಾಗುತ್ತೆ? ಬಹುತೇಕರಿಗೆ ತಿಳಿಯದ ವಿದ್ಯುತ್ ಬಿಲ್‌ನ ಅಸಲಿ ಲೆಕ್ಕಾಚಾರ

Santosh Naik — Tue, 30 Jun 2026 23:02:17 +0530

ಸ್ಮಾರ್ಟ್‌ಫೋನ್, ಲ್ಯಾಪ್‌ಟಾಪ್‌ಗಳಂತಹ ಗ್ಯಾಜೆಟ್‌ಗಳನ್ನು ಚಾರ್ಜ್ ಮಾಡಲು ತಗಲುವ ವಿದ್ಯುತ್ ವೆಚ್ಚವು ವಿಭಿನ್ನವಾಗಿರುತ್ತದೆ. ಸ್ಮಾರ್ಟ್‌ಫೋನ್‌ಗಳು ಅತಿ ಕಡಿಮೆ ವಿದ್ಯುತ್ ಬಳಸಿದರೆ, ಲ್ಯಾಪ್‌ಟಾಪ್‌ಗಳು ಹೆಚ್ಚು ವಿದ್ಯುತ್ ಬಳಸುತ್ತವೆ.

ಇಂದಿನ ಡಿಜಿಟಲ್ ಯುಗದಲ್ಲಿ ಸ್ಮಾರ್ಟ್‌ಫೋನ್, ಲ್ಯಾಪ್‌ಟಾಪ್ ಮತ್ತು ಟ್ಯಾಬ್ಲೆಟ್‌ಗಳು ನಮ್ಮ ದೈನಂದಿನ ಜೀವನದ ಅವಿಭಾಜ್ಯ ಅಂಗಗಳಾಗಿವೆ. ಕಚೇರಿಯ ಕೆಲಸ, ಆನ್‌ಲೈನ್ ಶಿಕ್ಷಣ, ಮನರಂಜನೆ ಅಥವಾ ವೀಡಿಯೊ ಕರೆ ಹೀಗೆ ಪ್ರತಿಯೊಂದಕ್ಕೂ ನಾವು ಪ್ರತಿದಿನ ಈ ಸಾಧನಗಳನ್ನು ಚಾರ್ಜ್ ಮಾಡಬೇಕಾಗುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ, ಈ ಗ್ಯಾಜೆಟ್‌ಗಳನ್ನು ಚಾರ್ಜ್ ಮಾಡಲು ಎಷ್ಟು ವಿದ್ಯುತ್ ಬಳಕೆಯಾಗುತ್ತದೆ ಮತ್ತು ಇದರಿಂದ ಕರೆಂಟ್ ಬಿಲ್ ಎಷ್ಟು ಹೆಚ್ಚಾಗಬಹುದು ಎಂಬ ಪ್ರಶ್ನೆ ಬಹುತೇಕರ ಮನಸ್ಸಿನಲ್ಲಿ ಮೂಡುವುದು ಸಹಜ.

ನಾವು ದಿನವಿಡೀ ಬಳಸುವ ಸ್ಮಾರ್ಟ್‌ಫೋನ್‌ಗಳ ವಿದ್ಯುತ್ ಬಳಕೆ ಅತ್ಯಂತ ಕಡಿಮೆಯಿರುತ್ತದೆ. ಒಂದು ಸಾಮಾನ್ಯ ಸ್ಮಾರ್ಟ್‌ಫೋನ್ ಅನ್ನು ಪ್ರತಿದಿನ ಚಾರ್ಜ್ ಮಾಡಿದರೂ ಸಹ, ಇಡೀ ವರ್ಷಕ್ಕೆ ಕೇವಲ 3 ರಿಂದ 4 ಯುನಿಟ್ ವಿದ್ಯುತ್ ಮಾತ್ರ ಖರ್ಚಾಗುತ್ತದೆ. ಭಾರತದ ವಿವಿಧ ರಾಜ್ಯಗಳಲ್ಲಿ ವಿದ್ಯುತ್ ದರಗಳು ಭಿನ್ನವಾಗಿದ್ದರೂ, ಸರಾಸರಿ ಲೆಕ್ಕಾಚಾರದ ಪ್ರಕಾರ ವರ್ಷ ಪೂರ್ತಿ ಮೊಬೈಲ್ ಚಾರ್ಜ್ ಮಾಡಲು ಕೇವಲ 50 ರಿಂದ 60 ರೂಪಾಯಿಗಳು ಮಾತ್ರ ಖರ್ಚಾಗುತ್ತದೆ. ಅಂದರೆ, ದಿನವೂ ಫೋನ್ ಚಾರ್ಜ್ ಮಾಡುವುದರಿಂದ ನಿಮ್ಮ ಮನೆಯ ವಿದ್ಯುತ್ ಬಿಲ್ ಮೇಲೆ ಯಾವುದೇ ದೊಡ್ಡ ಪರಿಣಾಮ ಬೀರುವುದಿಲ್ಲ.

ಸ್ಮಾರ್ಟ್‌ಫೋನ್‌ಗಳಿಗೆ ಹೋಲಿಸಿದರೆ ಲ್ಯಾಪ್‌ಟಾಪ್‌ಗಳು ಅತ್ಯಂತ ಹೆಚ್ಚಿನ ವಿದ್ಯುತ್ ಅನ್ನು ಬಳಸಿಕೊಳ್ಳುತ್ತವೆ. ದೊಡ್ಡ ಬ್ಯಾಟರಿ ಮತ್ತು ಹೆಚ್ಚಿನ ಪ್ರೊಸೆಸಿಂಗ್ ಪವರ್ ಸಾಮರ್ಥ್ಯದ ಅಗತ್ಯವಿರುವುದರಿಂದ, ಲ್ಯಾಪ್‌ಟಾಪ್ ಅನ್ನು ವರ್ಷಪೂರ್ತಿ ನಿಯಮಿತವಾಗಿ ಚಾರ್ಜ್ ಮಾಡಲು ಸುಮಾರು 130 ರಿಂದ 140 ಯುನಿಟ್‌ಗಳಷ್ಟು ವಿದ್ಯುತ್ ವ್ಯಯವಾಗುತ್ತದೆ. ವಿದ್ಯುತ್ ದರಕ್ಕೆ ಅನುಗುಣವಾಗಿ ಇದರ ವಾರ್ಷಿಕ ವೆಚ್ಚ ಕೆಲವು ನೂರು ರೂಪಾಯಿಗಳಿಂದ ಹಿಡಿದು ₹1500 ಅಥವಾ ಅದಕ್ಕಿಂತಲೂ ಹೆಚ್ಚಾಗಬಹುದು. ಹೀಗಾಗಿ, ಮನೆಯಲ್ಲಿ ಒಂದಕ್ಕಿಂತ ಹೆಚ್ಚು ಲ್ಯಾಪ್‌ಟಾಪ್‌ಗಳಿದ್ದರೆ ವಿದ್ಯುತ್ ಬಳಕೆಯು ಅದೇ ಪ್ರಮಾಣದಲ್ಲಿ ಹೆಚ್ಚಾಗುತ್ತದೆ.

ವಿದ್ಯುತ್ ಬಳಕೆಯ ವಿಷಯದಲ್ಲಿ ಟ್ಯಾಬ್ಲೆಟ್‌ಗಳು ಸ್ಮಾರ್ಟ್‌ಫೋನ್ ಮತ್ತು ಲ್ಯಾಪ್‌ಟಾಪ್‌ಗಳ ಮಧ್ಯದ ಸ್ಥಾನದಲ್ಲಿ ಬರುತ್ತವೆ. ಟ್ಯಾಬ್ಲೆಟ್ ಅನ್ನು ನಿಯಮಿತವಾಗಿ ಚಾರ್ಜ್ ಮಾಡುವುದರಿಂದ ವರ್ಷಕ್ಕೆ ಸರಿಸುಮಾರು 15 ರಿಂದ 20 ಯುನಿಟ್ ವಿದ್ಯುತ್ ಖರ್ಚಾಗುತ್ತದೆ. ಇದರ ಒಟ್ಟು ವೆಚ್ಚವು ತುಂಬಾ ದೊಡ್ಡದಾಗಿರದಿದ್ದರೂ, ನಿರಂತರ ಬಳಕೆಯಿಂದಾಗಿ ವಿದ್ಯುತ್ ಬಿಲ್‌ನಲ್ಲಿ ಇದರ ಪಾಲು ಅಲ್ಪಮಟ್ಟಿಗೆ ಎದ್ದು ಕಾಣುತ್ತದೆ.

ಬಹುತೇಕ ಜನರು ಮಾಡುವ ದೊಡ್ಡ ತಪ್ಪು ಎಂದರೆ ಸಾಧನಗಳನ್ನು (ಫೋನ್/ಲ್ಯಾಪ್‌ಟಾಪ್) ಚಾರ್ಜರ್‌ನಿಂದ ಬೇರ್ಪಡಿಸಿದ ನಂತರವೂ ಸ್ವಿಚ್ ಆಫ್ ಮಾಡದೆ ಚಾರ್ಜರ್ ಅನ್ನು ಪ್ಲಗ್‌ನಲ್ಲೇ ಬಿಡುವುದು. ಈ ಸ್ಥಿತಿಯಲ್ಲಿಯೂ ಸಹ ಚಾರ್ಜರ್ ಸ್ವಲ್ಪ ಪ್ರಮಾಣದ ವಿದ್ಯುತ್ ಅನ್ನು ನಿರಂತರವಾಗಿ ಹೀರುತ್ತಿರುತ್ತದೆ. ತಾಂತ್ರಿಕ ಭಾಷೆಯಲ್ಲಿ ಇದನ್ನು 'ಫ್ಯಾಂಟಮ್ ಪವರ್' (Phantom Power) ಅಥವಾ 'ಸ್ಟ್ಯಾಂಡ್‌ಬೈ ಪವರ್' ಎಂದು ಕರೆಯಲಾಗುತ್ತದೆ. ಮೊದಲ ನೋಟಕ್ಕೆ ಈ ವ್ಯರ್ಥ ಬಳಕೆ ಕಡಿಮೆ ಎನಿಸಿದರೂ, ದೀರ್ಘಾವಧಿಯಲ್ಲಿ ಇದು ಅನಗತ್ಯವಾಗಿ ವಿದ್ಯುತ್ ಮತ್ತು ಹಣ ಎರಡನ್ನೂ ಪೋಲು ಮಾಡುತ್ತದೆ.

ನೀವು ವಿದ್ಯುತ್ ಬಿಲ್ ಉಳಿಸಲು ಮತ್ತು ಗ್ಯಾಜೆಟ್‌ಗಳನ್ನು ಸುರಕ್ಷಿತವಾಗಿಡಲು ಕೆಲವು ಸರಳ ಅಭ್ಯಾಸಗಳನ್ನು ರೂಢಿಸಿಕೊಳ್ಳಬೇಕು. ಯಾವುದೇ ಡಿವೈಸ್ ಶೇಕಡಾ 100 ರಷ್ಟು ಸಂಪೂರ್ಣವಾಗಿ ಚಾರ್ಜ್ ಆದ ತಕ್ಷಣ, ಚಾರ್ಜರ್‌ನ ಸ್ವಿಚ್ ಅನ್ನು ಕಡ್ಡಾಯವಾಗಿ ಆಫ್ ಮಾಡಬೇಕು. ಹಾಗೆಯೇ ಅಗತ್ಯಕ್ಕೆ ತಕ್ಕಂತೆ ಮಾತ್ರ ಚಾರ್ಜಿಂಗ್ ಮಾಡಬೇಕು. ಈ ಸಣ್ಣ ಹವ್ಯಾಸಗಳು ನಿಮ್ಮ ಮನೆಯ ವಿದ್ಯುತ್ ಅನ್ನು ಉಳಿಸುವುದಲ್ಲದೆ, ನಿಮ್ಮ ದುಬಾರಿ ಚಾರ್ಜರ್ ಮತ್ತು ಗ್ಯಾಜೆಟ್‌ಗಳ ಬ್ಯಾಟರಿ ಆಯಸ್ಸನ್ನು (Battery Life) ದೀರ್ಘಕಾಲದವರೆಗೆ ಉತ್ತಮವಾಗಿ ಕಾಯ್ದುಕೊಳ್ಳಲು ಸಹಾಯ ಮಾಡುತ್ತದೆ.

Instagram Reels Vs Posts: ಇನ್‌ಸ್ಟಾಗ್ರಾಂನಲ್ಲಿ ಯಾವುದು ಹೆಚ್ಚು ರೀಚ್, ಎಂಗೇಜ್‌ಮೆಂಟ್ ತಂದುಕೊಡುತ್ತೆ?

Govindaraj S — Mon, 29 Jun 2026 22:40:41 +0530

Instagram Reels Vs Posts: ಇನ್‌ಸ್ಟಾಗ್ರಾಂನಲ್ಲಿ ರೀಲ್ಸ್ ಮತ್ತು ಪೋಸ್ಟ್‌ಗಳ ಪೈಕಿ ಯಾವುದಕ್ಕೆ ಹೆಚ್ಚು ರೀಚ್ ಸಿಗುತ್ತೆ ಗೊತ್ತಾ? 2026ರ ಇನ್‌ಸ್ಟಾಗ್ರಾಂ ಲೇಟೆಸ್ಟ್ ಡೇಟಾ ಪ್ರಕಾರ ಯಾವುದು ಬೆಸ್ಟ್ ಎನ್ನುವ ಸಂಪೂರ್ಣ ವಿವರ ಇಲ್ಲಿದೆ.

2026ರಲ್ಲಿ ಇನ್‌ಸ್ಟಾಗ್ರಾಂ ಕ್ರಿಯೇಟರ್‌ಗಳು, ಬ್ಯುಸಿನೆಸ್ ಅಕೌಂಟ್‌ಗಳು ಮತ್ತು ಇನ್‌ಫ್ಲುಯೆನ್ಸರ್‌ಗಳ ತಲೆಯಲ್ಲಿ ಒಂದೇ ಪ್ರಶ್ನೆ ಓಡುತ್ತಿದೆ. ಇನ್‌ಸ್ಟಾಗ್ರಾಂ ರೀಲ್ಸ್ ಮಾಡಬೇಕಾ? ಅಥವಾ ಸಾಮಾನ್ಯ ಪೋಸ್ಟ್‌ಗಳನ್ನು ಹಾಕಬೇಕಾ? ಯಾವುದಕ್ಕೆ ಹೆಚ್ಚು ರೀಚ್ ಮತ್ತು ಎಂಗೇಜ್‌ಮೆಂಟ್ ಸಿಗುತ್ತದೆ? ಈ ವರ್ಷದ ಪ್ಲಾಟ್‌ಫಾರ್ಮ್ ಅಪ್‌ಡೇಟ್‌ಗಳು, ಕ್ರಿಯೇಟರ್ ವರದಿಗಳು ಮತ್ತು ಇಂಡಸ್ಟ್ರಿ ಅಧ್ಯಯನಗಳ ಪ್ರಕಾರ, ಹೊಸ ಆಡಿಯನ್ಸ್‌ ತಲುಪುವಲ್ಲಿ ರೀಲ್ಸ್‌ಗಳು ಮುಂದಿವೆ.

2026ರಲ್ಲಿ ರೀಲ್ಸ್‌ನ ಅತಿದೊಡ್ಡ ಅನುಕೂಲವೆಂದರೆ ಡಿಸ್ಕವರಿ. ಇನ್‌ಸ್ಟಾಗ್ರಾಂನ ರ್‍ಯಾಂಕಿಂಗ್ ಸಿಸ್ಟಮ್, ಫೀಡ್ ಪೋಸ್ಟ್‌ಗಳಿಗೆ ಹೋಲಿಸಿದರೆ ರೀಲ್ಸ್‌ಗಳನ್ನು ವಿಭಿನ್ನವಾಗಿ ಪರಿಗಣಿಸುತ್ತದೆ. ಸಾಮಾನ್ಯ ಪೋಸ್ಟ್‌ಗಳು ಈಗಾಗಲೇ ನಿಮ್ಮನ್ನು ಫಾಲೋ ಮಾಡುತ್ತಿರುವವರಿಗೆ ಹೆಚ್ಚಾಗಿ ಕಾಣಿಸುತ್ತವೆ. ಆದರೆ ರೀಲ್ಸ್‌ಗಳು ಹಾಗಲ್ಲ, ನಿಮ್ಮನ್ನು ಫಾಲೋ ಮಾಡದವರಿಗೂ ಇನ್‌ಸ್ಟಾಗ್ರಾಂ ಅಲ್ಗಾರಿದಮ್ ಶಿಫಾರಸು ಮಾಡುತ್ತದೆ. ಸಣ್ಣ ಅಕೌಂಟ್‌ಗಳಲ್ಲಿ ಒಂದೇ ಇಮೇಜ್ ಪೋಸ್ಟ್‌ಗಳಿಗಿಂತ ರೀಲ್ಸ್‌ಗಳಿಗೆ 2-3 ಪಟ್ಟು ಹೆಚ್ಚು ರೀಚ್ ಸಿಗುತ್ತಿದೆ ಎಂದು ಇತ್ತೀಚಿನ ಡೇಟಾ ಹೇಳುತ್ತದೆ.

ರೀಲ್ಸ್‌ಗಳಿಗೆ ಹೆಚ್ಚು ರೀಚ್ ಸಿಗುತ್ತಿದೆ ಎಂಬುದು ನಿಜವಾದರೂ, ಫೋಟೋ ಪೋಸ್ಟ್‌ಗಳು ಮತ್ತು ಕರೌಸೆಲ್‌ಗಳ ಕಾಲ ಮುಗಿದಿದೆ ಎಂದು ಭಾವಿಸಿದರೆ ಅದು ತಪ್ಪು. ವಿಶೇಷವಾಗಿ ಕರೌಸೆಲ್‌ಗಳು 2026ರಲ್ಲಿ ಉತ್ತಮ ರೀಚ್ ಪಡೆಯುತ್ತಿವೆ. ರೀಲ್ಸ್‌ಗಳಿಗಿಂತ ಇವುಗಳಿಗೆ ಹೆಚ್ಚು 'ಸೇವ್ಸ್' ಬರುತ್ತಿವೆ. ಶೈಕ್ಷಣಿಕ ವಿಷಯ, ಟ್ಯುಟೋರಿಯಲ್‌ಗಳು, ಮತ್ತು ಹಂತ-ಹಂತದ ಗೈಡ್‌ಗಳಂತಹ ವಿಷಯಗಳಿಗೆ ಕರೌಸೆಲ್‌ಗಳು ಅತ್ಯುತ್ತಮ ಆಯ್ಕೆಯಾಗಿವೆ.

ಕೇವಲ ಒಂದೇ ಫಾರ್ಮ್ಯಾಟ್‌ ಅನ್ನು ನಂಬಿಕೊಳ್ಳುವ ಬದಲು, ಮಿಕ್ಸೆಡ್ ಕಂಟೆಂಟ್ ಸ್ಟ್ರಾಟಜಿಯನ್ನು ಅನುಸರಿಸಲು ತಜ್ಞರು ಸಲಹೆ ನೀಡುತ್ತಾರೆ. ಹೊಸ ಆಡಿಯನ್ಸ್‌ ತಲುಪಲು ರೀಲ್ಸ್ ವೇಗದ ಮಾರ್ಗವಾದರೆ, ನಿಮ್ಮ ಅಕೌಂಟ್‌ನ ಅಥಾರಿಟಿ ಮತ್ತು ಸೇವ್ಸ್ ಹೆಚ್ಚಿಸಲು ಕರೌಸೆಲ್‌ಗಳು ಉಪಯುಕ್ತ. ಗರಿಷ್ಠ ರೀಚ್ ಮತ್ತು ಆಡಿಯನ್ಸ್ ಗ್ರೋತ್ ಬೇಕಾದರೆ ರೀಲ್ಸ್ ವಿನ್ನರ್. ಆದರೆ ರೀಲ್ಸ್ ಜೊತೆಗೆ ಬಲವಾದ ಕರೌಸೆಲ್ ಪೋಸ್ಟ್‌ಗಳನ್ನು ಹಾಕುವವರಿಗೆ ದೀರ್ಘಾವಧಿಯಲ್ಲಿ ಉತ್ತಮ ಫಲಿತಾಂಶ ಸಿಗುತ್ತದೆ.

ವಾಟ್ಸ್ ಅಪ್ ನಲ್ಲಿ ಫೋಟೋ ಕ್ವಾಲಿಟಿ ಹಾಳಾಗ್ಬಾರದು ಅಂದ್ರೆ ಈ ಟ್ರಿಕ್ಸ್ ಬಳಸಿ

Roopa Hegde — Wed, 01 Jul 2026 12:16:28 +0530

Whats up photo clarity : ನಿಮ್ಮ ಫೋನ್ ನಲ್ಲಿ ತೆಗೆದ ಫೋಟೋ ಅದೆಷ್ಟೇ ಸುಂದರವಾಗಿ ಬಂದಿರಲಿ, ವಾಟ್ಸ್ ಅಪ್ ಮೂಲಕ ಸೆಂಡ್ ಮಾಡಿದ್ರೆ ಫೋಟೋ ಕ್ಲಾರಿಟಿ ಕಳೆದುಕೊಳ್ಳುತ್ತೆ. ಹಾಗಾಗ್ಬಾರದು ಅಂದ್ರೆ ಹೀಗೆ ಮಾಡಿ.

ವಾಟ್ಸ್ ಅಪ್ ಕೇವಲ ಚಾಟ್ ಗೆ ಬಳಕೆ ಆಗ್ತಿಲ್ಲ. ಅದ್ರಲ್ಲಿ ಫೋಟೋ, ವಿಡಿಯೋ ಅಂತ ಅನೇಕ ದಾಖಲೆಗಳನ್ನು ಜನರು ವಿನಿಯಮ ಮಾಡ್ಕೊಳ್ತಿದ್ದಾರೆ. ನೀವು ಗುಣಮಟ್ಟದ ಫೋಟೋ ರಿಸಿವ್ ಮಾಡಿದಂತೆ ಇನ್ನೊಬ್ಬರೂ ಅದೇ ಗುಣಮಟ್ಟದ ಫೋಟೋವನ್ನು ನಿಮ್ಮಿಂದ ಬಯಸ್ತಾರೆ. ಇದಕ್ಕೆ ನೀವು ನೇರವಾಗಿ ಗ್ಯಾಲರಿಗೆ ಹೋಗಿ ವಾಟ್ಸ್ ಅಪ್ ಮೂಲಕ ಫೋಟೋ ಸೆಂಡ್ ಮಾಡೋದನ್ನು ತಪ್ಪಿಸಿ.

ಫೋಟೋಗಳನ್ನು ನೀವು ಡಾಕ್ಯೂಮೆಂಟ್ ಮೂಲಕ ಕಳಿಸೋದು ಬೆಸ್ಟ್. ಮೊದಲು, WhatsApp ಓಪನ್ ಮಾಡಿ, ನೀವು ಫೋಟೋ ಕಳುಹಿಸಲು ಬಯಸುವ ವ್ಯಕ್ತಿಯ ಚಾಟ್ ಓಪನ್ ಮಾಡಿ. ಲಗತ್ತಿಸಿ ಅಥವಾ '+' ಐಕಾನ್ ಅನ್ನು ಟ್ಯಾಪ್ ಮಾಡಿ. ನಂತರ ಡಾಕ್ಯುಮೆಂಟ್ ಆಯ್ಕೆಯನ್ನು ಆರಿಸಿ. ನಂತರ, Choose from Gallery ಅಥವಾ Browse ಗೆ ಹೋಗಿ, ನಿಮ್ಮ ಆಯ್ಕೆಯ ಫೋಟೋವನ್ನು ಆಯ್ಕೆ ಮಾಡಿ ಮತ್ತು ಅದನ್ನು ಕಳುಹಿಸಿ. ಈ ರೀತಿಯಾಗಿ, ಕಳುಹಿಸಿದ ಫೋಟೋ ಅದರ ಮೂಲ ಗುಣಮಟ್ಟವನ್ನು ಉಳಿಸಿಕೊಳ್ಳುತ್ತದೆ.

ನೀವು ವಾಟ್ಸ್ ಅಪ್ ನಲ್ಲಿ ನೇರವಾಗಿ ಫೋಟೋ ಕಳುಹಿಸಿದಾಗ, ವಾಟ್ಸ್ ಅಪ್ ಸ್ವಯಂಚಾಲಿತವಾಗಿ ಅದನ್ನು ಕಂಪ್ರೆಸ್ ಮಾಡುತ್ತದೆ. ವೇಗವಾಗಿ ಅಪ್ಲೋಡ್ ಮತ್ತು ಡೌನ್ಲೋಡ್ ಆಗ್ಬೇಕು ಎನ್ನುವ ಕಾರಣಕ್ಕೆ ಹೀಗೆ ಮಾಡಲಾಗುತ್ತದೆ. ಇದಲ್ಲದೆ, ಇದು ಇಂಟರ್ನೆಟ್ ಡೇಟಾ ಬಳಕೆಯನ್ನು ಕಡಿಮೆ ಮಾಡುತ್ತದೆ .

ಪೂರ್ಣ ಗುಣಮಟ್ಟದ ಫೋಟೋ ಅಗತ್ಯವಿಲ್ಲ, ಸಾಮಾನ್ಯ ಗುಣಮಟ್ಟದ ಫೋಟೋ ಬೇಕು ಎನ್ನುವವರು HD ವೈಶಿಷ್ಟ್ಯವನ್ನು ಬಳಸಬಹುದು. ಇದನ್ನು ಮಾಡಲು, ಗ್ಯಾಲರಿಯಿಂದ ಫೋಟೋವನ್ನು ಆಯ್ಕೆ ಮಾಡಿದ ನಂತರ, ಮೇಲ್ಭಾಗದಲ್ಲಿರುವ HD ಐಕಾನ್ ಅನ್ನು ಟ್ಯಾಪ್ ಮಾಡಿ ಮತ್ತು ಫೋಟೋವನ್ನು ಕಳುಹಿಸಲು HD ಗುಣಮಟ್ಟವನ್ನು ಆಯ್ಕೆಮಾಡಿ. ಇದು ಪ್ರಮಾಣಿತ ಫೋಟೋಕ್ಕಿಂತ ಉತ್ತಮ ಗುಣಮಟ್ಟವನ್ನು ಒದಗಿಸುತ್ತದೆ.

ಮೂಲ ಅಥವಾ HD ಗುಣಮಟ್ಟದಲ್ಲಿ ಕಳುಹಿಸಲಾದ ಫೋಟೋಗಳು ದೊಡ್ಡ ಫೈಲ್ ಗಾತ್ರ ಹೊಂದಿರುತ್ತವೆ. ಆದ್ದರಿಂದ, ಫೋನ್ನಲ್ಲಿ ಸಾಕಷ್ಟು ಸ್ಟೋರೇಜ್ ಹೊಂದಿರುವುದು ಮುಖ್ಯ. ನಿಮ್ಮ ಮೊಬೈಲ್ ಡೇಟಾ ಸೀಮಿತವಾಗಿದ್ದರೆ ಫೈಲ್ಗಳನ್ನು ವೈ-ಫೈ ಮೂಲಕ ಡೌನ್ಲೋಡ್ ಮಾಡುವುದು ಉತ್ತಮ.

ಚಂದ್ರನ ಮೇಲೆ ಸೈಕಲ್ ಓಡಿಸಬಹುದು, ಆದ್ರೆ ಪೆಟ್ರೋಲ್-ಡಿಸೇಲ್ ವೆಹಿಕಲ್ಸ್ ಆಗಲ್ಲ ಯಾಕೆ?

Mahmad Rafik — Wed, 01 Jul 2026 14:08:18 +0530

ಚಂದ್ರನ ಮೇಲೆ ಪೆಟ್ರೋಲ್ ಆಧಾರಿತ ವಾಹನಗಳನ್ನು ಓಡಿಸುವುದು ಅಸಾಧ್ಯ, ಆಮ್ಲಜನಕದ ಕೊರತೆ ಮತ್ತು ತೀವ್ರ ತಾಪಮಾನವಿದೆ. ಗುರುತ್ವಾಕರ್ಷಣೆಯಿಂದಾಗಿ ಸಮತೋಲನ ಮತ್ತು ಬ್ರೇಕಿಂಗ್ ಮಾಡುವುದು ಒಂದು ದೊಡ್ಡ ಸವಾಲಾಗಿದೆ.

ಚಂದ್ರನ ಮೇಲೆ ಸೈಕಲ್ ಅಥವಾ ಬೈಕ್ ಚಲಾಯಿಸಬಹುದೇ ಎಂಬ ಪ್ರಶ್ನೆಯೊಂದು ಮುನ್ನಲೆಗೆ ಬಂದಿದೆ. ಚಂದ್ರ ಕಡಿಮೆ ಗುರುತ್ವಾಕರ್ಷಣೆಯನ್ನು ಹೊಂದಿರುವ ಕಾರಣ ಸೈಕಲ್ ಚಲಾಯಿಸಬಹುದು ಎಂದು ಅನ್ನಿಸಿದ್ರೂ ಆದ್ರೆ ಅಲ್ಲಿಯ ವಾತಾವರಣ ಸಂಪೂರ್ಣವಾಗಿ ಭಿನ್ನವಾಗಿರುತ್ತದೆ.

ವೈಜ್ಞಾನಿಕ ವರದಿಗಳ ಪ್ರಕಾರ, ಪೆಟ್ರೋಲ್ ಅಥವಾ ಡೀಸೆಲ್ ಆಧಾರಿತ ಮೋಟಾರ್‌ಸೈಕಲ್‌ಗಳನ್ನು ಓಡಿಸೋದು ಅಸಾಧ್ಯ ಎಂದು ಸಾಬೀತಾಗಿದೆ. ಆದ್ರೆ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಸೈಕಲ್‌ಗಳು ಮತ್ತು ವಿದ್ಯುತ್ ಆಧಾರಿತ ವಾಹನಗಳನ್ನನು ಚಂದ್ರನ ಮೇಲೆ ಓಡಿಸಬಹುದು.

ಇಂಧನ ಆಧಾರಿತ ವಾಹನಗಳನ್ನು ಓಡಿಸಲು ಆಮ್ಲಜನಕದ ಅಗತ್ಯವಿರುತ್ತದೆ. ಇಂಜಿನ್‌ಗಳಿಗೆ ಇಂಧನ ಉರಿಸಲು ಮತ್ತು ವಿದ್ಯುತ್ ಉತ್ಪಾದನೆ ಬೇಕಾಗುವ ಆಮ್ಲಜನಕ ಚಂದ್ರನ ವಾತಾವರಣದಲ್ಲಿ ಲಭ್ಯವಿರಲ್ಲ. ಆಮ್ಲಜನಕದ ಕೊರತೆಯಿಂದಾಗಿ ಪೆಟ್ರೋಲ್/ಡೀಸೆಲ್ ಆಧಾರಿತ ವಾಹನ ಚಲಾಯಿಸಲು ಸಾಧ್ಯವಿಲ್ಲ.

ಮತ್ತೊಂದು ಸಮಸ್ಯೆಯಂದ್ರೆ ಚಂದ್ರನ ಉಷ್ಣತೆ ಅಧಿಕವಾಗಿರುತ್ತದೆ. ಚಂದ್ರನ ಮೇಲೆ ಹಗಲು 121 ಡಿಗ್ರಿ ಸೆಲ್ಸಿಯಸ್ ಮತ್ತು ರಾತ್ರಿ -133 ಡಿಗ್ರಿ ಸೆಲ್ಸಿಯಸ್‌ಗಿಂತ ಕಡಿಮೆಯಾಗಬಹುದು. ಈ ವಾತಾವರಣದಲ್ಲಿ ಆಯಿಲ್ ಸಿಸ್ಟಮ್, ಲೂಬ್ರಿಕಂಟ್‌ಗಳು, ಎಂಜಿನ್ ಘಟಕ ಸೇರಿದಂತೆ ವಿವಿಧ ಯಂತ್ರೋಪಕರಣಗಳು ಭೂಮಿಯ ಮೇಲೆಯಂತೆ ಕಾರ್ಯನಿರ್ವಹಿಸಲು ಸಾಧ್ಯವಾಗಲ್ಲ.

ಎಲೆಕ್ಟ್ರಿಕ್ ಬೈಕ್ ಚಲಾಯಿಸಲು ಆಮ್ಲಜನಕದ ಅಗತ್ಯವಿಲ್ಲ. ವಿಶ್ವಾಸಾರ್ಹ ಬ್ಯಾಟರಿ ವ್ಯವಸ್ಥೆ ಹೊಂದಿರುವ ಎಲೆಕ್ಟ್ರಿಕ್ ವಾಹನಗಳನ್ನು ಓಡಿಸಬಹುದು ವಿಜ್ಞಾನ ಹೇಳುತ್ತದೆ. ಭೌತಶಾಸ್ತ್ರದ ದೃಷ್ಟಿಕೋನದಿಂದ, ಚಂದ್ರನ ಮೇಲೆ ಸೈಕ್ಲಿಂಗ್ ಮಾಡಬಹುದು. ಚಂದ್ರನ ಮೇಲೆ ಗಾಳಿಯ ಪ್ರತಿರೋಧವಿರಲ್ಲ. ಈ ಕಾರಣದಿಂದ ಸೈಕ್ಲಿಸ್ಟ್ ಗಾಳಿಯ ಒತ್ತಡವನ್ನು ಎದುರಿಸಬೇಕಾಗಿಲ್ಲ ಮತ್ತು ಕಡಿಮೆ ಶ್ರಮದಿಂದ ವೇಗವನ್ನು ಕಾಯ್ದುಕೊಳ್ಳಬಹುದು.

ಚಂದ್ರನ ಗುರುತ್ವಾಕರ್ಷಣೆಯು ಭೂಮಿಯ ಗುರುತ್ವಾಕರ್ಷಣೆಯ ಆರನೇ ಒಂದು ಭಾಗ ಮಾತ್ರ, ಇದು ಸವಾರನಿಗೆ ಗಮನಾರ್ಹವಾಗಿ ಕಡಿಮೆ ಭಾರವನ್ನು ಅನುಭವಿಸುವಂತೆ ಮಾಡುತ್ತದೆ. ಇದು ಪೆಡಲಿಂಗ್ ಅನ್ನು ಸುಲಭಗೊಳಿಸುತ್ತದೆ ಮತ್ತು ಸೈಕಲ್ ಅನ್ನು ಮುಂದಕ್ಕೆ ಚಲಿಸಲು ಕಡಿಮೆ ಬಲದ ಅಗತ್ಯವಿದೆ. ಚಂದ್ರ ಕಡಿಮೆ ಗುರುತ್ವಾಕರ್ಷಣೆ ಹೊಂದಿರುವ ಕಾರಣ ಸಮತೋಲನದ ಮಾಡೋದು ಕಷ್ಟವಾಗುತ್ತದೆ. ಬ್ರೇಕ್ ಹಾಕುವ ಸಂದರ್ಭದಲ್ಲಿ ಚಂದ್ರನ ಮೇಲಿನ ಧೂಳಿನ ಮೇಲೆ ಸೈಕಲ್ ಸ್ವಲ್ಪ ದೂರದವರೆಗೆ ಹೋಗಿ ಜಾರಿಕೊಳ್ಳಬಹುದು.

ಇದನ್ನೂ ಓದಿ: ಭೂಮಿಗೆ ಬೀಳ್ತಿರೋ ದೂರದರ್ಶಕ ರಕ್ಷಣೆಗೆ ನಾಸಾ ₹283 ಕೋಟಿ ಖರ್ಚು! ಸ್ಪೋಟಗೊಳ್ಳುವ ಆತಂಕ

ಬಡವರಿಗಾಗಿ ಬಂತು ಹೊಸ ಒನ್‌ಪ್ಲಸ್ ಎನ್-6 ದೈತ್ಯ ಬ್ಯಾಟರಿ ಮೊಬೈಲ್; ಕಡಿಮೆ ಬೆಲೆಗೆ ಹೈ ಫೀಚರ್ಸ್ ಫೋನ್ ಇಲ್ಲಿದೆ ನೋಡಿ!

Sathish Kumar KH — Wed, 01 Jul 2026 10:43:10 +0530

ಒನ್‌ಪ್ಲಸ್ ತನ್ನ ಹೊಚ್ಚಹೊಸ ಎಂಟ್ರಿ-ಲೆವೆಲ್ ಸ್ಮಾರ್ಟ್‌ಫೋನ್ 'ಒನ್‌ಪ್ಲಸ್ N6' ಅನ್ನು ಭಾರತದಲ್ಲಿ ಪರಿಚಯಿಸಿದೆ. ಈ ಫೋನ್ 8,000mAh ಸಾಮರ್ಥ್ಯದ ಬೃಹತ್ ಬ್ಯಾಟರಿ, ಮೀಡಿಯಾಟೆಕ್ ಡೈಮೆನ್ಸಿಟಿ 6360 ಅಪೆಕ್ಸ್ ಚಿಪ್‌ಸೆಟ್ ಮತ್ತು 50MP ಕ್ಯಾಮೆರಾ ಹೊಂದಿದ್ದು, ಜುಲೈ 4 ರಿಂದ ಮಾರಾಟಕ್ಕೆ ಲಭ್ಯವಾಗಲಿದೆ.

ಚೀನಾದ ಪ್ರಸಿದ್ಧ ಸ್ಮಾರ್ಟ್‌ಫೋನ್ ಕಂಪನಿ ಒನ್‌ಪ್ಲಸ್, ಭಾರತದ ಮಾರುಕಟ್ಟೆಗೆ ತನ್ನ ಹೊಚ್ಚಹೊಸ ಎಂಟ್ರಿ-ಲೆವೆಲ್ ಸ್ಮಾರ್ಟ್‌ಫೋನ್ 'ಒನ್‌ಪ್ಲಸ್ N6' ಅನ್ನು ಪರಿಚಯಿಸಿದೆ. ಕಂಪನಿಯ ಹೊಸ 'N' ಸರಣಿಯ ಮೊದಲ ಫೋನ್ ಇದಾಗಿದ್ದು, ದೊಡ್ಡ ಬ್ಯಾಟರಿ ಮತ್ತು ಹೊಸ ಮೀಡಿಯಾಟೆಕ್ ಪ್ರೊಸೆಸರ್‌ನೊಂದಿಗೆ ಗ್ರಾಹಕರ ಗಮನ ಸೆಳೆಯುತ್ತಿದೆ. 8,000mAh ಸಾಮರ್ಥ್ಯದ ಬ್ಯಾಟರಿ, 45W ಫಾಸ್ಟ್ ಚಾರ್ಜಿಂಗ್ ಸೌಲಭ್ಯ ಹಾಗೂ ಮೀಡಿಯಾಟೆಕ್ ಡೈಮೆನ್ಸಿಟಿ 6360 ಅಪೆಕ್ಸ್ ಚಿಪ್‌ಸೆಟ್ ಈ ಫೋನಿನ ಪ್ರಮುಖ ಹೈಲೈಟ್ಸ್.

ಈ ಫೋನ್ ಎರಡು ವೇರಿಯೆಂಟ್‌ಗಳಲ್ಲಿ ಲಭ್ಯವಿದೆ. 4GB RAM ಮತ್ತು 128GB ಸ್ಟೋರೇಜ್ ಮಾದರಿಗೆ ₹22,999 ಹಾಗೂ 6GB RAM ಮತ್ತು 128GB ಸ್ಟೋರೇಜ್ ಮಾದರಿಗೆ ₹24,999 ಬೆಲೆ ನಿಗದಿಪಡಿಸಲಾಗಿದೆ. ಪ್ರೈಮ್ ಡೇ ಆಫರ್‌ನ ಭಾಗವಾಗಿ ಕಂಪನಿ ₹1,000 ವಿಶೇಷ ರಿಯಾಯಿತಿ ನೀಡುತ್ತಿದೆ.

ಇದರ ಜೊತೆಗೆ, ಆಕ್ಸಿಸ್ ಬ್ಯಾಂಕ್ ಮತ್ತು ಎಸ್‌ಬಿಐ ಕ್ರೆಡಿಟ್ ಕಾರ್ಡ್ ಬಳಸುವ ಗ್ರಾಹಕರಿಗೆ ₹2,000 ತ್ವರಿತ ಡಿಸ್ಕೌಂಟ್ ಸಿಗಲಿದೆ. ಆರು ತಿಂಗಳವರೆಗೆ ನೋ-ಕಾಸ್ಟ್ ಇಎಂಐ ಆಯ್ಕೆಯೂ ಇದೆ. ಜುಲೈ 4 ರಿಂದ ಅಮೆಜಾನ್‌ನಲ್ಲಿ ಈ ಫೋನಿನ ಮಾರಾಟ ಶುರುವಾಗಲಿದೆ. ಫ್ರೆಶ್ ಮಿಂಟ್ ಮತ್ತು ಮಿಡ್‌ನೈಟ್ ಗ್ರೀನ್ ಎಂಬ ಎರಡು ಬಣ್ಣಗಳಲ್ಲಿ ಫೋನ್ ಗ್ರಾಹಕರಿಗೆ ಸಿಗಲಿದೆ.

ಈ ಫೋನ್ ಆಂಡ್ರಾಯ್ಡ್ 16 ಆಧಾರಿತ ಆಕ್ಸಿಜನ್‌ಓಎಸ್ 16 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಎರಡು ಪ್ರಮುಖ ಆಂಡ್ರಾಯ್ಡ್ ಅಪ್‌ಡೇಟ್‌ಗಳು ಮತ್ತು ಮೂರು ವರ್ಷಗಳ ಕಾಲ ಸೆಕ್ಯುರಿಟಿ ಅಪ್‌ಡೇಟ್‌ಗಳನ್ನು ನೀಡುವುದಾಗಿ ಕಂಪನಿ ಭರವಸೆ ನೀಡಿದೆ.

ಫೋನ್ 6.75-ಇಂಚಿನ ಎಚ್‌ಡಿ ಎಲ್‌ಸಿಡಿ ಡಿಸ್‌ಪ್ಲೇ ಹೊಂದಿದ್ದು, 120Hz ರಿಫ್ರೆಶ್ ರೇಟ್ ಮತ್ತು ಗರಿಷ್ಠ 1,200 ನಿಟ್ಸ್ ಬ್ರೈಟ್‌ನೆಸ್ ನೀಡುತ್ತದೆ. ಧೂಳು ಮತ್ತು ನೀರಿನಿಂದ ರಕ್ಷಣೆಗಾಗಿ IP65 ರೇಟಿಂಗ್ ಹಾಗೂ ಹೆಚ್ಚಿನ ಬಾಳಿಕೆಗಾಗಿ MIL-STD-810H ಮಿಲಿಟರಿ ಗ್ರೇಡ್ ಪ್ರಮಾಣೀಕರಣವನ್ನೂ ಈ ಫೋನ್ ಪಡೆದಿದೆ.

ಈ ಸ್ಮಾರ್ಟ್‌ಫೋನ್‌ಗೆ ಮೀಡಿಯಾಟೆಕ್ ಡೈಮೆನ್ಸಿಟಿ 6360 ಅಪೆಕ್ಸ್ ಆಕ್ಟಾ-ಕೋರ್ ಪ್ರೊಸೆಸರ್ ಶಕ್ತಿ ತುಂಬಲಿದೆ. AnTuTu ಬೆಂಚ್‌ಮಾರ್ಕ್‌ನಲ್ಲಿ ಈ ಫೋನ್ 6.15 ಲಕ್ಷಕ್ಕೂ ಹೆಚ್ಚು ಅಂಕಗಳನ್ನು ಗಳಿಸಿದೆ ಎಂದು ಒನ್‌ಪ್ಲಸ್ ಹೇಳಿಕೊಂಡಿದೆ. ಫೋನ್ ಹೆಚ್ಚು ಬಿಸಿಯಾಗುವುದನ್ನು ತಡೆಯಲು, ಕಂಪನಿಯು 5,300 ಚದರ ಮಿಲಿಮೀಟರ್ ವಿಸ್ತೀರ್ಣದ ವೇಪರ್ ಚೇಂಬರ್ ಕೂಲಿಂಗ್ ವ್ಯವಸ್ಥೆಯನ್ನು ಇದರಲ್ಲಿ ನೀಡಿದೆ.

ಕ್ಯಾಮೆರಾ ವಿಚಾರಕ್ಕೆ ಬಂದರೆ, f/1.8 ಅಪರ್ಚರ್ ಹೊಂದಿರುವ 50 ಮೆಗಾಪಿಕ್ಸೆಲ್ ಸಿಂಗಲ್ ರಿಯರ್ ಕ್ಯಾಮೆರಾ ಮತ್ತು 8 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾ ಇದೆ. ಇದರಲ್ಲಿ 1080p ರೆಸಲ್ಯೂಶನ್‌ನಲ್ಲಿ ಪ್ರತಿ ಸೆಕೆಂಡಿಗೆ 60 ಫ್ರೇಮ್‌ಗಳವರೆಗೆ ವಿಡಿಯೋ ರೆಕಾರ್ಡ್ ಮಾಡಬಹುದು.

ಡ್ಯುಯಲ್-ವ್ಯೂ ವಿಡಿಯೋ ಮೋಡ್ ಕೂಡ ಇದರಲ್ಲಿದೆ. 8,000mAh ಬ್ಯಾಟರಿ ಹೊಂದಿರುವ ಈ ಫೋನ್, 45W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಮತ್ತು 6.5W ರಿವರ್ಸ್ ವೈರ್ಡ್ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಒಂದೇ ಚಾರ್ಜ್‌ನಲ್ಲಿ ಮೂರು ದಿನಗಳವರೆಗೆ ಫೋನ್ ಬಳಸಬಹುದು ಮತ್ತು 1,600 ಚಾರ್ಜಿಂಗ್ ಸೈಕಲ್‌ಗಳ ನಂತರವೂ ಬ್ಯಾಟರಿಯು ತನ್ನ 80% ಸಾಮರ್ಥ್ಯವನ್ನು ಉಳಿಸಿಕೊಳ್ಳುತ್ತದೆ ಎಂದು ಕಂಪನಿ ಹೇಳಿದೆ.

ವಾಟ್ಸಾಪ್‌ನಲ್ಲಿ ಇತಿಹಾಸದಲ್ಲೇ ಅತಿ ದೊಡ್ಡ ಬದಲಾವಣೆ: ಇನ್ಮುಂದೆ ಫೋನ್ ನಂಬರ್ ಇಲ್ಲದೆಯೂ ಚಾಟ್! ಸೆಟ್ಟಿಂಗ್ ಬದಲಾಯಿಸಿ!

Gowthami K — Tue, 30 Jun 2026 10:49:47 +0530

ಕ್ಯಾಲಿಫೋರ್ನಿಯಾ (ಯುಎಸ್ಎ): ಮೆಟಾ ಮಾಲೀಕತ್ವದ ಜಗತ್ತಿನ ನಂ.1 ಮೆಸೇಜಿಂಗ್ ಆ್ಯಪ್ 'ವಾಟ್ಸಾಪ್' (WhatsApp) ತನ್ನ ಬಳಕೆದಾರರಿಗಾಗಿ ಇತಿಹಾಸದಲ್ಲೇ ಅತ್ಯಂತ ಮಹತ್ವದ ಹಾಗೂ ಬಹುನಿರೀಕ್ಷಿತ ಸುರಕ್ಷತಾ ವೈಶಿಷ್ಟ್ಯವನ್ನು ಅಧಿಕೃತವಾಗಿ ಘೋಷಿಸಿದೆ. ಇನ್ಮುಂದೆ ವಾಟ್ಸಾಪ್ ಬಳಸಲು ಅಥವಾ ಇತರರೊಂದಿಗೆ ಚಾಟ್ ಮಾಡಲು ಬಳಕೆದಾರರು ತಮ್ಮ ವೈಯಕ್ತಿಕ ಫೋನ್ ಸಂಖ್ಯೆಯನ್ನು ಹಂಚಿಕೊಳ್ಳುವ ಅಗತ್ಯವಿರುವುದಿಲ್ಲ. ಬದಲಿಗೆ, ಪ್ರತಿಯೊಬ್ಬರೂ ತಮಗಾಗಿ ಒಂದು ವಿಶಿಷ್ಟ 'ಬಳಕೆದಾರ ಹೆಸರು' (Unique Username) ಆಯ್ಕೆ ಮಾಡಿಕೊಳ್ಳುವ ಹೊಸ ವ್ಯವಸ್ಥೆಯನ್ನು ಕಂಪನಿ ಪರಿಚಯಿಸುತ್ತಿದೆ.

ಇದರ ಜೊತೆಗೆ, ಭಾರತೀಯ ತಂತ್ರಜ್ಞಾನ ಲೋಕ ಹೆಮ್ಮೆ ಪಡುವಂತಹ ಮತ್ತೊಂದು ಪ್ರಮುಖ ಬೆಳವಣಿಗೆಯೂ ನಡೆದಿದ್ದು, ಪ್ರಸಿದ್ಧ ಬೆಂಗಳೂರು ಮೂಲದ ಫಿನ್‌ಟೆಕ್ ಸಂಸ್ಥೆ 'CRED' ಸ್ಥಾಪಕ ಕುನಾಲ್ ಶಾ ಅವರನ್ನು ವಾಟ್ಸಾಪ್‌ನ ಹೊಸ ಜಾಗತಿಕ ಮುಖ್ಯಸ್ಥರನ್ನಾಗಿ (Global Head) ಮೆಟಾ ನೇಮಕ ಮಾಡಿದೆ. ಇದರ ಬೆನ್ನಲ್ಲೇ ಈ ಹೊಸ ಫೀಚರ್ ಪರಿಚಯಿಸುತ್ತಿದೆ.

ಫೋನ್ ನಂಬರ್ ಪ್ರೈವೆಸಿಗೆ ಸಿಗಲಿದೆ ಫುಲ್ ಪ್ರೊಟೆಕ್ಷನ್

ನಿಮ್ಮ ಫೋನ್ ಸಂಖ್ಯೆ ಸಂಪೂರ್ಣವಾಗಿ ನಿಮ್ಮ ವೈಯಕ್ತಿಕ ವಿಷಯವಾಗಿದೆ. ಕೆಲವೊಮ್ಮೆ ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಇತರರಿಗೆ ನೀಡದೆಯೇ ಅವರೊಂದಿಗೆ ಸಂಪರ್ಕ ಸಾಧಿಸಲು ನೀವು ಬಯಸುತ್ತೀರಿ. ಬಳಕೆದಾರರ ಈ ಆಶಯವನ್ನು ಗೌರವಿಸಿ ನಾವು ವಾಟ್ಸಾಪ್‌ಗಾಗಿ 'ಯೂಸರ್ ನೇಮ್ಸ್' (Usernames) ಪರಿಚಯಿಸುತ್ತಿದ್ದೇವೆ ಎಂದು ವಾಟ್ಸಾಪ್ ತನ್ನ ಅಧಿಕೃತ ಪ್ರಕಟಣೆಯಲ್ಲಿ ತಿಳಿಸಿದೆ.

ನಿಮ್ಮ ಯೂಸರ್ ನೇಮ್ ಕಾಯ್ದಿರಿಸುವುದು ಹೇಗೆ?

ಈ ವರ್ಷದ ಕೊನೆಯಲ್ಲಿ ಈ ಹೊಸ ಫೀಚರ್ ಜಾಗತಿಕವಾಗಿ ಸಂಪೂರ್ಣವಾಗಿ ಲಭ್ಯವಾಗಲಿದೆ. ಆದರೆ, ಈ ವಾರದಿಂದಲೇ ಬಳಕೆದಾರರು ತಮಗೆ ಇಷ್ಟವಾದ ಯೂಸರ್ ನೇಮ್ ಅನ್ನು ಮುಂಗಡವಾಗಿ ಕಾಯ್ದಿರಿಸಲು (Reserve) ಅವಕಾಶ ಕಲ್ಪಿಸಲಾಗಿದೆ.

ಇದಕ್ಕೆ ಕೇವಲ ಕೆಲವೇ ಸೆಕೆಂಡುಗಳು ಸಾಕು. ಬಳಕೆದಾರರು ತಮ್ಮ ವಾಟ್ಸಾಪ್ ಅನ್ನು ಇತ್ತೀಚಿನ ಆವೃತ್ತಿಗೆ (Latest Version) ಅಪ್‌ಡೇಟ್ ಮಾಡಿಕೊಳ್ಳಬೇಕು. ನಂತರ ಸೆಟ್ಟಿಂಗ್‌ಗಳು (Settings) > ಖಾತೆ (Account) > ಬಳಕೆದಾರಹೆಸರು (Username) ಗೆ ಹೋಗಿ ತಮ್ಮ ಹೆಸರನ್ನು ನೋಂದಾಯಿಸಿಕೊಳ್ಳಬಹುದು.

ಗ್ರೂಪ್ ಚಾಟ್‌ಗಳಲ್ಲಿ ನಂಬರ್ ಹೈಡ್‌!

ಸಾಮಾನ್ಯವಾಗಿ ದೊಡ್ಡ ವಾಟ್ಸಾಪ್ ಗ್ರೂಪ್‌ಗಳಿಗೆ ಸೇರಿದಾಗ ನಮ್ಮ ಫೋನ್ ನಂಬರ್ ಅಪರಿಚಿತರಿಗೆ ತಿಳಿಯುವ ಭಯವಿರುತ್ತದೆ. ಆದರೆ, ಇನ್ಮುಂದೆ ದೊಡ್ಡ ಗ್ರೂಪ್ ಚಾಟ್‌ಗಳಿಗೆ ಸೇರಿದಾಗ ಅಥವಾ ಮೊದಲ ಬಾರಿಗೆ ಯಾವುದೇ ವ್ಯಕ್ತಿ ಅಥವಾ ವ್ಯವಹಾರ ಸಂಸ್ಥೆಗೆ (Business) ಸಂದೇಶ ಕಳುಹಿಸುವಾಗ ಫೋನ್ ಸಂಖ್ಯೆಗಳು ಸ್ವಯಂಚಾಲಿತವಾಗಿ ಹಂಚಿಕೆಯಾಗದಂತೆ ವಾಟ್ಸಾಪ್ ನಿರ್ಬಂಧ ಹೇರಲಿದೆ.

ಇದಲ್ಲದೆ, ಇನ್‌ಸ್ಟಾಗ್ರಾಮ್ ಅಥವಾ ಎಕ್ಸ್ (ಟ್ವಿಟರ್) ಮಾದರಿಯಲ್ಲಿ ವಾಟ್ಸಾಪ್‌ನಲ್ಲಿ ಯಾರದ್ದೇ ಯೂಸರ್ ನೇಮ್ ಹುಡುಕಲು ಯಾವುದೇ ಸಾರ್ವಜನಿಕ ಡೈರೆಕ್ಟರಿ ಅಥವಾ ಸಲಹೆಗಳು (Suggestions) ಇರುವುದಿಲ್ಲ. ಹಾಗಾಗಿ, ಜನರು ನಿಮ್ಮನ್ನು ಸಂಪರ್ಕಿಸಬೇಕಾದರೆ ಅವರಿಗೆ ನಿಮ್ಮ ನಿಖರವಾದ ಬಳಕೆದಾರ ಹೆಸರು (Exact Username) ತಿಳಿದಿರುವುದು ಕಡ್ಡಾಯವಾಗಿದೆ. ಈ ವೈಶಿಷ್ಟ್ಯವನ್ನು ಮುಂಬರುವ ತಿಂಗಳುಗಳಲ್ಲಿ ಜಗತ್ತಿನಾದ್ಯಂತ ಹಂತ ಹಂತವಾಗಿ ಬಿಡುಗಡೆ ಮಾಡಲಾಗುವುದು ಎಂದು ಮೆಟಾ ಸ್ಪಷ್ಟಪಡಿಸಿದೆ.

ವಾಟ್ಸಾಪ್ ಗದ್ದುಗೆಗೆ ಕನ್ನಡಿಗ ಕುನಾಲ್ ಶಾ ನೇಮಕ: ಮಾರ್ಕ್ ಜುಕರ್‌ಬರ್ಗ್ ಶ್ಲಾಘನೆ

ವಿಶ್ವದ ತಂತ್ರಜ್ಞಾನ ವಲಯದಲ್ಲಿ ಭಾರತೀಯ ಉದ್ಯಮಿಯೊಬ್ಬರ ಅತಿ ದೊಡ್ಡ ನೇಮಕಾತಿ ಇದಾಗಿದೆ. CRED ಸಂಸ್ಥೆಯ ಮೂಲಕ ಭಾರತದ ಫಿನ್‌ಟೆಕ್ ರಂಗದಲ್ಲಿ ಕ್ರಾಂತಿ ಸೃಷ್ಟಿಸಿರುವ ಬೆಂಗಳೂರು ಮೂಲದ ಉದ್ಯಮಿ ಕುನಾಲ್ ಶಾ (ಮೂಲ ಗುಜರಾತ್) ಅವರನ್ನು ವಾಟ್ಸಾಪ್‌ನ ಜಾಗತಿಕ ನಾಯಕರನ್ನಾಗಿ ನೇಮಕ ಮಾಡಿರುವುದಾಗಿ ಮೆಟಾ ಸಿಇಒ ಮಾರ್ಕ್ ಜುಕರ್‌ಬರ್ಗ್ ಫೇಸ್‌ಬುಕ್ ಪೋಸ್ಟ್ ಮೂಲಕ ಹೆಮ್ಮೆ ವ್ಯಕ್ತಪಡಿಸಿ ಬರೆದುಕೊಂಡಿದ್ದಾರೆ.

ಕುನಾಲ್ ಶಾ ಅವರ ಬಿಲ್ಡರ್ ಮನಸ್ಥಿತಿ ಮತ್ತು ಕಾರ್ಯಕ್ಷಮತೆಯನ್ನು ಮುಕ್ತಕಂಠದಿಂದ ಶ್ಲಾಘಿಸಿರುವ ಜುಕರ್‌ಬರ್ಗ್, ಕುನಾಲ್ ಶಾ ಅವರು ವಾಟ್ಸಾಪ್‌ನ ಮುಂದಿನ ನಾಯಕರಾಗಿ ಮೆಟಾ ಸಂಸ್ಥೆಯನ್ನು ಸೇರುತ್ತಿದ್ದಾರೆ. ಕುನಾಲ್ ಅವರು CRED ಅನ್ನು ಭಾರತದ ಅತ್ಯಾಧುನಿಕ ಹಾಗೂ ಪ್ರಮುಖ ತಂತ್ರಜ್ಞಾನ ಕಂಪನಿಗಳಲ್ಲಿ ಒಂದಾಗಿ ಯಶಸ್ವಿಯಾಗಿ ನಿರ್ಮಿಸಿದ್ದಾರೆ. ಶತಕೋಟಿ ಜನರಿಗೆ ಹಾಗೂ ಲಕ್ಷಾಂತರ ಉದ್ಯಮಗಳಿಗೆ ವಾಟ್ಸಾಪ್ ಅನ್ನು ಮತ್ತಷ್ಟು ಅತ್ಯುತ್ತಮ ಸೇವೆಯನ್ನಾಗಿ ರೂಪಿಸಲು ಕುನಾಲ್ ಅವರ ಜಾಗತಿಕ ದೂರದೃಷ್ಟಿ ಮತ್ತು ಬಿಲ್ಡರ್ ಮನಸ್ಥಿತಿ ನಮಗೆ ಉತ್ತಮವಾಗಿ ನೆರವಾಗಲಿದೆ. ಅವರೊಂದಿಗೆ ಕೆಲಸ ಮಾಡಲು ನಾನು ಉತ್ಸುಕನಾಗಿದ್ದೇನೆ ಎಂದು ಬರೆದುಕೊಂಡಿದ್ದಾರೆ. ಒಟ್ಟಾರೆಯಾಗಿ, ಬಳಕೆದಾರರ ಖಾಸಗಿತನಕ್ಕೆ ಹೆಚ್ಚಿನ ಆದ್ಯತೆ ನೀಡುವ ಹೊಸ ತಂತ್ರಜ್ಞಾನ ಮತ್ತು ಭಾರತೀಯ ಮೂಲದ ಸಮರ್ಥ ನಾಯಕತ್ವದೊಂದಿಗೆ ವಾಟ್ಸಾಪ್ ಈಗ ಹೊಸ ಯುಗಕ್ಕೆ ಹೆಜ್ಜೆ ಇಟ್ಟಿದೆ.

Reels Vs Post: ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌, ರೀಲ್ಸ್‌ ಹಾಕ್ತೀರಾ? ಈ ಸೀಕ್ರೆಟ್ ಗೊತ್ತಿಲ್ಲದಿದ್ರೆ ನಿಮಗೆ ವ್ಯೂಸ್‌ ಬರಲ್ಲ!

Sushma Hegde — Tue, 30 Jun 2026 15:39:33 +0530

ಇನ್‌ಸ್ಟಾಗ್ರಾಂನಲ್ಲಿ ಲಕ್ಷಾಂತರ ಜನರು ಪ್ರತಿದಿನ ಫೋಟೋ, ವಿಡಿಯೋ ಮತ್ತು ರೀಲ್ಸ್ ಹಂಚಿಕೊಳ್ಳುತ್ತಿದ್ದಾರೆ. ಆದರೆ ಎಲ್ಲರಿಗೂ ಒಂದೇ ರೀತಿಯ ರೀಚ್ ಸಿಗುವುದಿಲ್ಲ. ಕೆಲವರ ರೀಲ್ಸ್ ಲಕ್ಷಾಂತರ ವೀಕ್ಷಣೆ ಪಡೆಯುತ್ತಿದ್ದರೆ, ಕೆಲವರ ಪೋಸ್ಟ್‌ಗಳಿಗೆ ಸಾವಿರ ಲೈಕ್ಸ್ ಕೂಡ ಸಿಗುವುದಿಲ್ಲ.

ರೀಲ್ಸ್‌ಗೆ ಏಕೆ ಹೆಚ್ಚು ರೀಚ್ ಸಿಗುತ್ತಿದೆ?

2026ರಲ್ಲೂ ಇನ್‌ಸ್ಟಾಗ್ರಾಂ ಶಾರ್ಟ್ ವಿಡಿಯೋ ಕಂಟೆಂಟ್‌ಗೆ ಹೆಚ್ಚಿನ ಆದ್ಯತೆ ನೀಡುತ್ತಿದೆ. 15 ರಿಂದ 60 ಸೆಕೆಂಡುಗಳ ರೀಲ್ಸ್ ಹೆಚ್ಚು ಜನರಿಗೆ ತಲುಪುತ್ತವೆ. ಹೊಸ ಫಾಲೋವರ್‌ಗಳನ್ನು ಸೆಳೆಯಲು ರೀಲ್ಸ್ ಅತ್ಯುತ್ತಮ ಆಯ್ಕೆಯಾಗಿದೆ. ಉತ್ತಮ ಮ್ಯೂಸಿಕ್, ಟ್ರೆಂಡಿಂಗ್ ಆಡಿಯೋ ಮತ್ತು ಆಕರ್ಷಕ ಆರಂಭ ಇದ್ದರೆ ರೀಲ್ಸ್ ವೇಗವಾಗಿ ವೈರಲ್ ಆಗುವ ಸಾಧ್ಯತೆ ಹೆಚ್ಚಿರುತ್ತದೆ.

ಹಾಗಾದರೆ ಪೋಸ್ಟ್‌ಗಳಿಗೆ ಮೌಲ್ಯ ಇಲ್ಲವೇ?

ಇದೆ. ಫೋಟೋ ಪೋಸ್ಟ್‌ಗಳು ಮತ್ತು ಕ್ಯಾರೋಸೆಲ್ ಪೋಸ್ಟ್‌ಗಳು ಈಗಲೂ ಎಂಗೇಜ್‌ಮೆಂಟ್ ಹೆಚ್ಚಿಸಲು ಪ್ರಮುಖ ಪಾತ್ರವಹಿಸುತ್ತವೆ. ವಿಶೇಷವಾಗಿ ಶಿಕ್ಷಣ, ಮಾಹಿತಿ, ಉತ್ಪನ್ನ ಪ್ರಚಾರ ಮತ್ತು ಬ್ರ್ಯಾಂಡ್ ನಿರ್ಮಾಣಕ್ಕೆ ಪೋಸ್ಟ್‌ಗಳು ಹೆಚ್ಚು ಪರಿಣಾಮಕಾರಿ. ಫಾಲೋವರ್‌ಗಳು ನಿಮ್ಮ ಪುಟದಲ್ಲಿ ಹೆಚ್ಚು ಸಮಯ ಕಳೆಯುವಂತೆ ಮಾಡುವಲ್ಲಿ ಕ್ಯಾರೋಸೆಲ್ ಪೋಸ್ಟ್‌ಗಳು ಉತ್ತಮ ಫಲಿತಾಂಶ ನೀಡುತ್ತವೆ.

ತಜ್ಞರ ಪ್ರಕಾರ, ಕೇವಲ ರೀಲ್ಸ್ ಅಥವಾ ಕೇವಲ ಪೋಸ್ಟ್‌ಗಳ ಮೇಲೆ ಅವಲಂಬಿಸಬಾರದು. ವಾರದಲ್ಲಿ 3–5 ರೀಲ್ಸ್, 2–3 ಕ್ಯಾರೋಸೆಲ್ ಪೋಸ್ಟ್‌ಗಳು ಮತ್ತು ಪ್ರತಿದಿನ ಸ್ಟೋರಿಗಳನ್ನು ಬಳಸುವ ಖಾತೆಗಳು ಹೆಚ್ಚು ವೇಗವಾಗಿ ಬೆಳೆಯುತ್ತಿವೆ. ಜೊತೆಗೆ ಟ್ರೆಂಡಿಂಗ್ ಹ್ಯಾಶ್‌ಟ್ಯಾಗ್‌, ಸರಿಯಾದ ಕ್ಯಾಪ್ಷನ್ ಮತ್ತು ಫಾಲೋವರ್‌ಗಳೊಂದಿಗೆ ನಿರಂತರ ಸಂವಹನ ಕೂಡ ಮುಖ್ಯ.

ಒಂದೇ ರೀತಿಯ ಕಂಟೆಂಟ್ ಅನ್ನು ಮತ್ತೆ ಮತ್ತೆ ಪೋಸ್ಟ್ ಮಾಡುವುದು.

ಕಡಿಮೆ ಗುಣಮಟ್ಟದ ವಿಡಿಯೋ ಅಪ್‌ಲೋಡ್ ಮಾಡುವುದು.

ಟ್ರೆಂಡಿಂಗ್ ಆಡಿಯೋ ಬಳಸದೇ ಇರುವುದು.

ನಿಯಮಿತವಾಗಿ ಪೋಸ್ಟ್ ಮಾಡದೇ ಇರುವುದು.

ಕಾಮೆಂಟ್‌ಗಳಿಗೆ ಪ್ರತಿಕ್ರಿಯೆ ನೀಡದೇ ಇರುವುದು.

ಹೊಸ ಪ್ರೇಕ್ಷಕರನ್ನು ತಲುಪಲು ರೀಲ್ಸ್ ಅತ್ಯುತ್ತಮ ಆಯ್ಕೆ. ಆದರೆ ಬ್ರ್ಯಾಂಡ್ ವಿಶ್ವಾಸ, ಎಂಗೇಜ್‌ಮೆಂಟ್ ಮತ್ತು ಮಾಹಿತಿ ಹಂಚಿಕೊಳ್ಳಲು ಪೋಸ್ಟ್‌ಗಳು ಕೂಡ ಅಷ್ಟೇ ಮುಖ್ಯ. 2026ರಲ್ಲಿ ಇನ್‌ಸ್ಟಾಗ್ರಾಂನಲ್ಲಿ ಯಶಸ್ಸು ಪಡೆಯಲು ರೀಲ್ಸ್, ಪೋಸ್ಟ್ ಮತ್ತು ಸ್ಟೋರಿಗಳ ಸಮತೋಲನವೇ ನಿಜವಾದ ಡಿಜಿಟಲ್ ಸೀಕ್ರೆಟ್.

ಒನ್‌ಲೈನ್ ಸಮರಿ:

2026ರಲ್ಲಿ ಇನ್‌ಸ್ಟಾಗ್ರಾಂನಲ್ಲಿ ವೇಗವಾಗಿ ಬೆಳೆಯಲು ರೀಲ್ಸ್ ಹೆಚ್ಚು ರೀಚ್ ನೀಡಿದರೂ, ಪೋಸ್ಟ್ ಮತ್ತು ಸ್ಟೋರಿಗಳನ್ನು ಸಮತೋಲನವಾಗಿ ಬಳಸಿದರೆ ಮಾತ್ರ ಉತ್ತಮ ಎಂಗೇಜ್‌ಮೆಂಟ್ ಮತ್ತು ದೀರ್ಘಕಾಲದ ಗ್ರೋತ್ ಸಿಗುತ್ತದೆ.

ಐಫೋನ್ ಪ್ರಿಯರಿಗೆ ಬಿಗ್ ಶಾಕ್!; ಭಾರತದಲ್ಲಿ ಆಪಲ್ iPhone 17 ಬೆಲೆ 35 ಸಾವಿರದವರೆಗೆ ಭಾರಿ ಏರಿಕೆ ಸಾಧ್ಯತೆ

Santosh Naik — Wed, 01 Jul 2026 15:47:28 +0530

ಹೊಸ ವರದಿಯ ಪ್ರಕಾರ, ಆಪಲ್‌ನ ಮುಂಬರುವ ಐಫೋನ್ 17 ಸರಣಿಯು ಭಾರತದಲ್ಲಿ ಗಣನೀಯವಾಗಿ ದುಬಾರಿಯಾಗುವ ಸಾಧ್ಯತೆಯಿದೆ. ಪ್ರೊ ಮಾಡೆಲ್‌ಗಳ ಬೆಲೆ ₹35,000 ದವರೆಗೆ ಹೆಚ್ಚಾಗಬಹುದೆಂದು ಅಂದಾಜಿಸಲಾಗಿದ್ದು, ಈ ಬೆಲೆ ಏರಿಕೆಯ ನಡುವೆಯೂ ಫ್ಲಿಪ್‌ಕಾರ್ಟ್ ಸೇಲ್‌ನಲ್ಲಿ ರಿಯಾಯಿತಿ ಸಿಗುವ ನಿರೀಕ್ಷೆಯಿದೆ.

ಜಾಗತಿಕ ತಂತ್ರಜ್ಞಾನ ದೈತ್ಯ ಆಪಲ್ (Apple) ಸಂಸ್ಥೆಯ 'ಐಫೋನ್ 17' (iPhone 17) ಸರಣಿಯ ಸ್ಮಾರ್ಟ್‌ಫೋನ್‌ಗಳು ಭಾರತೀಯ ಮಾರುಕಟ್ಟೆಯಲ್ಲಿ ಗಣನೀಯವಾಗಿ ದುಬಾರಿಯಾಗಲಿವೆ ಎಂಬ ಆತಂಕಕಾರಿ ವರದಿಯೊಂದು ಹೊರಬಿದ್ದಿದೆ. ಪ್ರಖ್ಯಾತ ಟಿಪ್‌ಸ್ಟರ್ ಸಂಜು ಚೌಧರಿ ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿರುವ ಹೊಸ ಲೀಕ್ (Leak) ಮಾಹಿತಿಯ ಪ್ರಕಾರ, ಕಂಪನಿಯು ಐಫೋನ್ 17, ಐಫೋನ್ 17ಇ (iPhone 17e), ಐಫೋನ್ ಏರ್ (iPhone Air), ಐಫೋನ್ 17 ಪ್ರೊ (iPhone 17 Pro) ಮತ್ತು ಐಫೋನ್ 17 ಪ್ರೊ ಮ್ಯಾಕ್ಸ್ (iPhone 17 Pro Max) ಮಾಡೆಲ್‌ಗಳ ಬೆಲೆಯನ್ನು ಪರಿಷ್ಕರಿಸಲು ಮುಂದಾಗಿದೆ. ಇದರಲ್ಲಿ ಹೈ-ಎಂಡ್ ಮಾಡೆಲ್‌ಗಳ ಬೆಲೆ ಬರೋಬ್ಬರಿ ₹35,000 ದವರೆಗೆ ಹೆಚ್ಚಾಗುವ ಸಾಧ್ಯತೆಯಿದೆ. ಆಪಲ್ ಈ ಬಗ್ಗೆ ಅಧಿಕೃತ ಘೋಷಣೆ ಮಾಡದಿದ್ದರೂ, ಮಾರುಕಟ್ಟೆಯಲ್ಲಿ ಈ ದರ ಪಟ್ಟಿ ಭಾರಿ ಸಂಚಲನ ಮೂಡಿಸಿದೆ.

ಸೋರಿಕೆಯಾಗಿರುವ ದರ ಪಟ್ಟಿಯ ಪ್ರಕಾರ, ಭಾರತದಲ್ಲಿ ಆಪಲ್‌ನ ಸಾಮಾನ್ಯ ಗ್ರಾಹಕರನ್ನು ಸೆಳೆಯುವ ಬೇಸ್ ಮತ್ತು ಮಧ್ಯಮ ಶ್ರೇಣಿಯ ಮಾಡೆಲ್‌ಗಳ ಬೆಲೆಯೂ ಸಹ ಗಣನೀಯವಾಗಿ ಹೆಚ್ಚಾಗಲಿದೆ.

ಐಫೋನ್ 17 (iPhone 17): ಇದರ ಸದ್ಯದ ಅಂದಾಜು ಆರಂಭಿಕ ಬೆಲೆ ₹82,990 ರಿಂದ ನೇರವಾಗಿ ₹94,900 ಕ್ಕೆ ಜಂಪ್ ಆಗುವ ಸಾಧ್ಯತೆಯಿದೆ.
ಐಫೋನ್ 17ಇ (iPhone 17e): ಈ ಬಜೆಟ್ ಮಾದರಿಯ ಬೆಲೆ ₹64,900 ರಿಂದ ₹74,900 ಕ್ಕೆ ಏರಿಕೆಯಾಗಲಿದೆ ಎಂದು ಅಂದಾಜಿಸಲಾಗಿದೆ.
ಐಫೋನ್ ಏರ್ (iPhone Air): ಈ ಸ್ಲಿಮ್ ಮಾಡೆಲ್‌ನ ಬೆಲೆ ಪ್ರಸ್ತುತ ನಿರೀಕ್ಷಿತ ₹1,19,900 ರ ಬದಲಾಗಿ ಬರೋಬ್ಬರಿ ₹1,34,900 ಕ್ಕೆ ಮಾರಾಟವಾಗುವ ಸಾಧ್ಯತೆಯಿದೆ.

ಈ ಸರಣಿಯ ಅತ್ಯಂತ ದುಬಾರಿ ಮತ್ತು ಪ್ರೀಮಿಯಂ ಮಾದರಿಗಳಾದ 'ಪ್ರೊ' ಸರಣಿಗೆ ಆಪಲ್ ಅತಿ ದೊಡ್ಡ ಮೊತ್ತದ ಬೆಲೆ ಏರಿಕೆಯ ಬರೆ ಎಳೆಯಲು ಸಜ್ಜಾಗಿದೆ.

ಐಫೋನ್ 17 ಪ್ರೊ (iPhone 17 Pro): ಪ್ರಸ್ತುತ ಮಾರುಕಟ್ಟೆಯ ಲೆಕ್ಕಾಚಾರದಲ್ಲಿ ₹1,34,900 ಇರಬೇಕಾಗಿದ್ದ ಈ ಮಾಡೆಲ್, ಬೆಲೆ ಏರಿಕೆಯ ನಂತರ ₹1,54,900 ರಿಂದ ₹1,69,900 ರ ಆಸುಪಾಸಿನಲ್ಲಿ ಮಾರುಕಟ್ಟೆಗೆ ಬರಲಿದೆ.
ಐಫೋನ್ 17 ಪ್ರೊ ಮ್ಯಾಕ್ಸ್ (iPhone 17 Pro Max): ಆಪಲ್‌ನ ಅತ್ಯಂತ ದುಬಾರಿ ಫೋನ್ ಇದಾಗಲಿದ್ದು, ಇದರ ಪ್ರಸ್ತುತ ಮೂಲ ಬೆಲೆ ₹1,49,900 ಕ್ಕಿಂತ ಸರಿಸುಮಾರು ₹35,000 ದವರೆಗೆ ಹೆಚ್ಚಳವಾಗಿ, ₹1,84,900 ರಿಂದ ಬರೋಬ್ಬರಿ ₹1,99,900 ರ ಭಾರಿ ಮೊತ್ತಕ್ಕೆ ತಲುಪಲಿದೆ ಎಂದು ವರದಿ ಹೇಳಿದೆ.

ಜಾಗತಿಕವಾಗಿ ಸ್ಮಾರ್ಟ್‌ಫೋನ್ ಮೆಮೊರಿ (Memory Supply) ಬಿಡಿಭಾಗಗಳ ಕೊರತೆ ಮತ್ತು ಪೂರೈಕೆಯಲ್ಲಿನ ಏರುಪೇರಿನ ನಡುವೆಯೂ ಆಪಲ್ ಈ ಹಿಂದೆ ಸ್ಮಾರ್ಟ್‌ಫೋನ್‌ಗಳ ಬೆಲೆ ಹೆಚ್ಚಿಸದಂತೆ ಮ್ಯಾನೇಜ್ ಮಾಡಿತ್ತು. ಆದರೆ, ಇತ್ತೀಚೆಗೆ ಭಾರತದಲ್ಲಿ ತನ್ನ ಮ್ಯಾಕ್‌ಬುಕ್ (MacBooks), ಐಪ್ಯಾಡ್ (iPads) ಮತ್ತು ಹೋಮ್‌ಪಾಡ್ (HomePod) ಸಾಧನಗಳ ಬೆಲೆಯನ್ನು ಆಪಲ್ ಹೆಚ್ಚಿಸಿತ್ತು. ಇದು ಕಂಪನಿಯು ಭಾರತದಲ್ಲಿ ತನ್ನ ಒಟ್ಟಾರೆ ಆದಾಯದ ತಂತ್ರಜ್ಞಾನ ನೀತಿಯನ್ನು ಬದಲಾಯಿಸುತ್ತಿರುವುದರ ಮುನ್ಸೂಚನೆಯಾಗಿದೆ. ಇದಷ್ಟೇ ಅಲ್ಲದೆ, ಮುಂದಿನ ದಿನಗಳಲ್ಲಿ ಬರಲಿರುವ 'ಐಫೋನ್ 18' ಸರಣಿಯ ಮೇಲೂ ಈ ದೀರ್ಘಕಾಲೀನ ಬೆಲೆ ಏರಿಕೆ ನೀತಿ ಮುಂದುವರಿಯಲಿದೆ ಎಂದು ಆಂತರಿಕ ಮೂಲಗಳು ತಿಳಿಸಿವೆ.

ಐಫೋನ್ 17 ಸಿರೀಸ್‌ ಖರೀದಿಸಲು ಯೋಜಿಸುತ್ತಿರುವ ಗ್ರಾಹಕರಿಗೆ ಮುಂಬರುವ 'ಫ್ಲಿಪ್‌ಕಾರ್ಟ್ ಗೋಟ್ ಸೇಲ್' (Flipkart GOAT Sale) ಒಂದು ಸುವರ್ಣ ಅವಕಾಶವನ್ನು ನೀಡಲಿದೆ. ಬೆಲೆ ಏರಿಕೆಯ ಆತಂಕದ ನಡುವೆಯೂ, ಫ್ಲಿಪ್‌ಕಾರ್ಟ್ ಆಯ್ದ ಬ್ಯಾಂಕ್ ಕಾರ್ಡ್‌ಗಳ ಆಧಾರದ ಮೇಲೆ ಸೀಮಿತ ಅವಧಿಗೆ ಈ ಸರಣಿಯ ಮೇಲೆ ಭಾರಿ ಡಿಸ್ಕೌಂಟ್ ನೀಡುವುದಾಗಿ ಟೀಸರ್ ಬಿಡುಗಡೆ ಮಾಡಿದೆ.

ಫ್ಲಿಪ್‌ಕಾರ್ಟ್ ಆಫರ್ ಬೆಲೆಗಳು: ಸೇಲ್‌ನಲ್ಲಿ ಐಫೋನ್ 17 ಅನ್ನು ₹70,990 ಕ್ಕೆ, ಐಫೋನ್ 17 ಪ್ರೊ ಅನ್ನು ₹1,12,900 ಕ್ಕೆ ಮತ್ತು ಐಫೋನ್ 17 ಪ್ರೊ ಮ್ಯಾಕ್ಸ್ ಅನ್ನು ₹1,27,900 ರ ಆಕರ್ಷಕ ಆರಂಭಿಕ ದರದಲ್ಲಿ ಪಡೆಯಬಹುದು ಎಂದು ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್ ಸೂಚಿಸಿದೆ. ಹಾಗೆಯೇ ಐಫೋನ್ ಏರ್ ₹95,900 ಕ್ಕೆ ಹಾಗೂ ಐಫೋನ್ 17ಇ ₹60,900 ಕ್ಕೆ ಲಭ್ಯವಾಗುವ ನಿರೀಕ್ಷೆಯಿದೆ.

ಈ ಭಾರಿ ಸೇಲ್‌ನಲ್ಲಿ ಕೇವಲ ಐಫೋನ್ 17 ಸಿರೀಸ್‌ ಮಾತ್ರವಲ್ಲದೆ, ಹಳೆಯ ಮಾಡೆಲ್‌ಗಳಾದ ಐಫೋನ್ 16 ಸಿರೀಸ್‌ ಮತ್ತು ಐಫೋನ್ 15 ಫೋನ್‌ಗಳ ಮೇಲೆಯೂ ಭಾರಿ ರಿಯಾಯಿತಿ ಸಿಗಲಿದೆ. ಆದರೆ, ಈ ಒಟ್ಟಾರೆ ಬೆಲೆ ಏರಿಕೆ ಹಾಗೂ ರಿಯಾಯಿತಿಗಳ ಕುರಿತು ಆಪಲ್ ಇಂಡಿಯಾ ಸಂಸ್ಥೆಯು ಇದುವರೆಗೆ ಯಾವುದೇ ಅಧಿಕೃತ ಪ್ರತಿಕ್ರಿಯೆ ನೀಡಿಲ್ಲ. ಕಂಪನಿಯು ಹೊಸ ಸಿರೀಸ್‌ಅನ್ನು ಅಧಿಕೃತವಾಗಿ ಮಾರುಕಟ್ಟೆಗೆ ಬಿಡುಗಡೆ ಮಾಡುವವರೆಗೂ ಈ ಎಲ್ಲಾ ದರಗಳನ್ನು ಕೇವಲ 'ಊಹಾಪೋಹ' (Speculation) ಎಂದಷ್ಟೇ ಪರಿಗಣಿಸಬೇಕು ಎಂದು ಮಾರುಕಟ್ಟೆ ತಜ್ಞರು ಗ್ರಾಹಕರಿಗೆ ಸಲಹೆ ನೀಡಿದ್ದಾರೆ.