Asianet Suvarna News

ಕಾಂಗ್ರೆಸ್‌ನಲ್ಲಿ 3ನೇ ಮುಖ್ಯಮಂತ್ರಿ ಚರ್ಚೆ, ಹೊಸ ವರ್ಷಕ್ಕೆ ನ್ಯೂ ಸಿಎಂ: ಶ್ರೀರಾಮುಲು

Kannadaprabha News — Sat, 14 Nov 2026 08:02:19 +0530

ಗದಗ: ರಾಜ್ಯ ಕಾಂಗ್ರೆಸ್ ಸರ್ಕಾರದಲ್ಲಿ ಮೂರನೇ ಮುಖ್ಯಮಂತ್ರಿಯ ಆಯ್ಕೆಯ ಕುರಿತು ತೀವ್ರ ಚರ್ಚೆ ನಡೆಯುತ್ತಿದ್ದು, ಮುಂಬರುವ ಹೊಸ ವರ್ಷಕ್ಕೆ ರಾಜ್ಯಕ್ಕೆ ನೂತನ ಮುಖ್ಯಮಂತ್ರಿ ಬರಲಿದ್ದಾರೆ ಎಂದು ಮಾಜಿ ಸಚಿವ ಬಿ. ಶ್ರೀರಾಮುಲು ಹೇಳಿದ್ದಾರೆ.

ಶಾಸಕರ ಸಹಿ ಸಂಗ್ರಹ

ಗದಗನಲ್ಲಿ ಆಯೋಜಿಸಲಾಗಿದ್ದ ರೈತರೊಂದಿಗೆ ದೀಪಾವಳಿ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದ ಶ್ರೀರಾಮುಲು, ರಾಜ್ಯ ರಾಜಕೀಯ ಬೆಳವಣಿಗೆಗಳ ಕುರಿತು ಪ್ರತಿಕ್ರಿಯಿಸಿದರು. ತಮಗಿರುವ ಮಾಹಿತಿಯ ಪ್ರಕಾರ ಮುಂಬರುವ ಬೆಳಗಾವಿ ಅಧಿವೇಶನದ ವೇಳೆ ಶಾಸಕರ ಸಹಿ ಸಂಗ್ರಹ ನಡೆಯಲಿದೆ.

ಮುಖ್ಯಮಂತ್ರಿಗಳು ಇತ್ತೀಚೆಗೆ ದೆಹಲಿಗೆ ಭೇಟಿ ನೀಡಿ ವಾಪಸಾದ ಬಳಿಕ, ರಾಹುಲ್ ಗಾಂಧಿಯವರು ಕೋಪಗೊಂಡಿದ್ದಾರೆ ಎಂಬ ವಿಚಾರ ತಿಳಿದು ಸಿದ್ದರಾಮಯ್ಯ ಅವರನ್ನು ಭೇಟಿಯಾಗಿದ್ದಾರೆ. ಮತ್ತೊಂದೆಡೆ, ಮುಖ್ಯಮಂತ್ರಿ ಸ್ಥಾನವನ್ನು ಬಿಟ್ಟುಕೊಟ್ಟು ತಪ್ಪು ಮಾಡಿದೆ ಎಂದು ಸಿದ್ದರಾಮಯ್ಯ ಅವರು ತಮ್ಮ ಆಪ್ತರ ಬಳಿ ಅಸಮಾಧಾನ ತೋಡಿಕೊಂಡಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ ಎಂದು ಶ್ರೀರಾಮುಲು ತಿಳಿಸಿದರು.

ಬೆಲೆ ಏರಿಕೆ ವಿರುದ್ಧ ಆಕ್ರೋಶ

ಡಿ.ಕೆ. ಶಿವಕುಮಾರ್ ಅವರನ್ನು ಮುಖ್ಯಮಂತ್ರಿ ಸ್ಥಾನದಿಂದ ಕೆಳಗಿಳಿಸಲು ಶಾಸಕರು ಸಹಿ ಸಂಗ್ರಹಿಸುತ್ತಿದ್ದಾರೆ ಎಂಬ ವಿಚಾರ ತಿಳಿದ ಬಳಿಕ, ಶಾಸಕರಿಗೆ ಅನುದಾನ ನೀಡುವ ಹೊಸ ನಾಟಕವನ್ನು ಶುರುಮಾಡಿದ್ದಾರೆ ಎಂದು ಶ್ರೀರಾಮುಲು ಆರೋಪಿಸಿದರು. ರಾಜ್ಯ ಸರ್ಕಾರ ಅಧಿಕಾರ ಉಳಿಸಿಕೊಳ್ಳಲು ನಾಟಕ ಮಾಡುತ್ತಿದೆ. ಬರಗಾಲ ಘೋಷಣೆಯಾದಾಗ 2,500 ರೂಪಾಯಿ ನೀಡುವುದಾಗಿ ಹೇಳಿ ಕೇವಲ 1,500 ರೂಪಾಯಿ ಮಾತ್ರ ನೀಡಲಾಗಿದೆ. ಈ ಬಗ್ಗೆ ಪ್ರಶ್ನಿಸಿದಾಗ ಇನ್ನುಳಿದ ಒಂದು ಸಾವಿರ ರೂಪಾಯಿ ನೀಡುವುದಾಗಿ ಹೇಳುತ್ತಿದ್ದಾರೆ.

ಹಾಲಿನ ದರ ಹೆಚ್ಚಿಸಿದಾಗ ಸಬ್ಸಿಡಿ ನೀಡುವ ವ್ಯವಸ್ಥೆ ಇದ್ದರೂ, ಸರ್ಕಾರದ ಬಳಿ ಹಣವಿಲ್ಲದ ಕಾರಣ ಜನರ ಗಮನವನ್ನು ಬೇರೆಡೆ ಸೆಳೆಯಲು ಎಥೆನಾಲ್ ವಿಚಾರವನ್ನು ಮುನ್ನೆಲೆಗೆ ತರಲಾಗಿದೆ ಎಂದು ಅವರು ದೂರಿದರು. ಸಿಎಂ ಬದಲಾವಣೆ ವಿಷಯವಾಗಿ ಜನರೇ ಉತ್ತರ ಹೇಳುತ್ತಿದ್ದಾರೆ ಎಂದು ಅವರು ಅಭಿಪ್ರಾಯಪಟ್ಟರು.

ಅಯ್ಯಪ್ಪ ಮಾಲಾಧಾರಿಯಾಗಿ ಭಾಗಿ

ಗದಗನಲ್ಲಿ ನಡೆದ ರೈತರೊಂದಿಗೆ ದೀಪಾವಳಿ ಕಾರ್ಯಕ್ರಮಕ್ಕೆ ಮಾಜಿ ಸಚಿವ ಬಿ. ಶ್ರೀರಾಮುಲು ಅವರು ಅಯ್ಯಪ್ಪ ಸ್ವಾಮಿ ಮಾಲಾಧಾರಿಯಾಗಿ ಆಗಮಿಸಿದ್ದರು. ವ್ರತಾಚರಣೆಯಲ್ಲಿರುವ ಅವರು ಕಪ್ಪು ಬಟ್ಟೆ, ಕಪ್ಪು ಶಾಲು ಧರಿಸಿ, ಕಾಲಿಗೆ ಚಪ್ಪಲಿಯನ್ನೂ ಹಾಕದೆ ಬರಿಗಾಲಿನಲ್ಲಿ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಗಮನ ಸೆಳೆದ

ಇಂದಿರಾ, ಸಂಜಯ್, ರಾಜೀವ್ ನಿಗೂಢ ಸಾವುಗಳು ಹೇಗೆ ಸಂಭವಿಸಿದವು? ಸೋನಿಯಾ ಆತ್ಮಕಥೆ ಬೆನ್ನಲ್ಲೇ ಕಂಗನಾ ಪ್ರಶ್ನೆ ಹೊಸ ವಿವಾದ!

Ravi Janekal — Wed, 11 Nov 2026 13:49:11 +0530

ಕಾಂಗ್ರೆಸ್‌ನ ಹಿರಿಯ ನಾಯಕಿ ಹಾಗೂ ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಅವರ ಪತ್ನಿಯಾಗಿರುವ ಸೋನಿಯಾ ಗಾಂಧಿ(Sonia Gandhi) ಅವರ ಆತ್ಮಕಥೆ 'ಬಿಲಾಂಗಿಂಗ್: ಎ ಜರ್ನಿ ಆಫ್ ಲವ್'(Belonging: A Journey of Love) ಬಿಡುಗಡೆಯಾದ ಬೆನ್ನಲ್ಲೇ ಇದೀಗ ಇಡೀ ದೇಶದ ರಾಜಕೀಯ ವಲಯದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.

ಸೋನಿಯಾ ಆತ್ಮಕಥೆ ಬೆನ್ನಲ್ಲೇ ಕಂಗನಾ ಹೊಸ ವಿವಾದ

ಸೋನಿಯಾ ಗಾಂಧಿಯವರ ಆತ್ಮಕಥೆ ಬಿಲಾಂಗಿಂಗ್: ಎ ಜರ್ನಿ ಆಫ್ ಲವ್ ಬಿಡುಗಡೆಯಾಗಿರುವ ಬೆನ್ನಲ್ಲೇ ಇಂದಿರಾ ಗಾಂಧಿ, ರಾಜೀವ್ ಗಾಂಧಿ, ಸಂಜಯ್ ಗಾಂಧಿ ನಿಗೂಢ ಸಾವಿನ ಸುತ್ತಲಿನ ಸಂದರ್ಭಗಳನ್ನ ಉಲ್ಲೇಖಿಸಿ ಕಂಗನಾ ರಣಾವತ್ ಇನ್‌ಸ್ಟಾಗ್ರಾಂನಲ್ಲಿ ಶೇರ್ ಮಾಡಿರುವ ಸರಣಿ ಪೋಸ್ಟ್‌ಗಳು ಹೊಸ ವಿವಾದವೆಬ್ಬಿಸಿವೆ. ಅಷ್ಟೇ ಅಲ್ಲದೆ ಮೇನಕಾ ಗಾಂಧಿ ಮತ್ತು ಅವರ ಅತ್ತೆ-ಮಾವನ ನಡುವಿನ ಸಮಸ್ಯೆಗಳು, ತೊಂದರೆಗೊಳಗಾದ ಬಗ್ಗೆ ರಣಾವತ್ ಹಂಚಿಕೊಂಡಿದ್ದಾರೆ.

ಕಂಗನಾ ರಣಾವತ್ ಈ ಹಿಂದೆ ತಮ್ಮ 'ಎಮರ್ಜೆನ್ಸಿ' ಚಿತ್ರದಲ್ಲಿ ತುರ್ತು ಪರಿಸ್ಥಿತಿ ಚಿತ್ರೀಕರಣ ಸಂದರ್ಭದಲ್ಲಿ ನಾನು ಗಾಂಧಿ ಕುಟುಂಬದ ರಾಜಕಾರಣ, ಭಾರತದ ರಾಜಕಾರಣ, ತುರ್ತು ಪರಿಸ್ಥಿತಿ ದಿನಗಳ ಬಗ್ಗೆ ಆಳವಾಗಿ ಸಂಶೋಧನೆ ನಡೆಸಿದ್ದೇನೆ ಎಂದು ಕಂಗನಾ ಹೇಳಿಕೊಂಡಿದ್ದಾರೆ. ಪ್ರಸ್ತುತ ವಿಶ್ವದಾದ್ಯಂತ ಸಂಚಲನ ಮೂಡಿಸಿರುವ NVIDIA ಹನಿ-ಟ್ರ್ಯಾಪ್ ವಿವಾದವನ್ನು ಉಲ್ಲೇಖಿಸಿರುವ ಕಂಗನಾ ರಣಾವತ್, ಗಾಂಧಿ ಕುಟುಂಬಕ್ಕೆ ಈ ನಿಗೂಢ ವಿದೇಶಿ ಪ್ರಜೆ ಭಾರತದೊಳಗೆ ಪ್ರವೇಶ ಪಡೆದ ಬಗ್ಗೆಯೂ ಹೋಲಿಕೆ ಮಾಡಿದ್ದಾರೆ. ಅಂದರೆ ಸೋನಿಯಾ ಗಾಂಧಿ ಭಾರತೀಯರಲ್ಲ, ವಿದೇಶಿ ಪ್ರಜೆಯಾಗಿದ್ದು. ಹಿಂದೆ ಅದೇ ರೀತಿ ಹನಿಟ್ರ್ಯಾಪ್ ಮಾಡಿ ರಾಜೀವ್ ಗಾಂಧಿಯನ್ನ ಮದುವೆಯಾಗಿ ಭಾರತಕ್ಕೆ ಬಂದಿರಬಹುದೇ, ಗಾಂಧಿ ಕುಟುಂಬದಲ್ಲಾದ ರಾಜೀವ್, ಸಂಜಯ್, ಇಂದಿರಾ ಗಾಂಧಿ ಸಾವುಗಳ ಬಗ್ಗೆಯೂ ಅನುಮಾನ ವ್ಯಕ್ತಪಡಿಸಿ ಸೋನಿಯಾ ಗಾಂಧಿಯವರ ರಾಜಕೀಯ ಪ್ರಾಮುಖ್ಯತೆಯ ಸುತ್ತ ಹಲವು ಹೋಲಿಕೆಗಳನ್ನು ಮಾಡಿದ್ದಾರೆ.

ಕಂಗನಾ ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಬರೆದುಕೊಂಡಂತೆ, 'ಎಲ್ಲರೂ NVIDIA ಹನಿ ಟ್ರ್ಯಾಪ್ ಬಗ್ಗೆ ಮಾತನಾಡುತ್ತಿದ್ದಾರೆ. ಆದರೆ ಈ ಬಗ್ಗೆ ಯಾರಿಗೂ ಅನುಮಾನ ಬರುತ್ತಿಲ್ಲವೇಕೆ? ಇಂದಿರಾ ಗಾಂಧಿ ಕಾಲದಲ್ಲಾದ ತುರ್ತು ಪರಿಸ್ಥಿತಿ ಬಗ್ಗೆ ಚಿತ್ರ ಮಾಡುವಾಗ ನಾನು ಭಾರತೀಯ ರಾಜಕೀಯ ಮತ್ತು ಗಾಂಧಿ ಕುಟುಂಬದ ಬಗ್ಗೆ ಸಾಕಷ್ಟು ಸಂಶೋಧನೆ ಮಾಡಿದ್ದೇನೆ. ಆದರೆ ನನಗೆ ಇದುವರೆಗೂ ಅರ್ಥವಾಗದ ವಿಷಯವೆಂದರೆ ಒಬ್ಬ ನಿಗೂಢ ವಿದೇಶಿ ಪ್ರಜೆ(ಸೋನಿಯಾ ಗಾಂಧಿ) ಗಾಂಧಿ ಕುಟುಂಬಕ್ಕೆ ಪ್ರವೇಶಿಸುತ್ತಿದ್ದಂತೆ ಇಂದಿರಾ ಗಾಂಧಿ ಕೊಲ್ಲಲ್ಪಟ್ಟರು, ಸಂಜಯ್ ಗಾಂಧಿ ರಾಜೀವ್ ಗಾಂಧಿ ಭಾರತದ ಆಡಳಿತ ಚುಕ್ಕಾಣಿ ಹಿಡಿದ, ಹಿಡಿಯಬೇಕಿದ್ದ ಎಲ್ಲಾ ಸಂಭಾವ್ಯ ಉತ್ತರಾಧಿಕಾರಿಗಳು ನಿಗೂಢವಾಗಿ ಕೊಲ್ಲಲ್ಪಟ್ಟರು. ಈ ಸಾವುಗಳ ಬಗ್ಗೆ ಯಾರಿಗೂ ಅನುಮಾನ ಬರಲಿಲ್ಲ, ಬದಲಿಗೆ ವಿದೇಶಿ ಪ್ರಜೆ, ಗಾಂಧಿ ಕುಟುಂಬದ ಸೊಸೆ ಎಂದು ಸಹಾನುಭೂತಿ ಗಿಟ್ಟಿಸಿಕೊಂಡರು. ಆದರೆ ಆ ವಿದೇಶಿಯೊಬ್ಬಳು ಭಯೋತ್ಪಾದಕರಿಗಾಗಿ ಮೊಸಳೆ ಕಣ್ಣೀರು ಸುರಿಸುತ್ತಿದ್ದಳು. ಆದರೂ ಅವರು 2014 ರವರೆಗೆ ದಶಕಗಳ ಕಾಲ ಸರ್ಕಾರವನ್ನು ಮುನ್ನಡೆಸುವಲ್ಲಿ ಹೇಗೆ ಯಶಸ್ವಿಯಾದರೆಂಬುದು ನನಗೂ ಇಂದಿಗೂ ಕಾಡುವ ಪ್ರಶ್ನೆ ಎಂದಿದ್ದಾರೆ.

ನಟಿ ಕಂಗನಾ ರಣಾವತ್ ತಮ್ಮ ಇನ್ನೊಂದು Instagram ಸ್ಟೋರಿಯಲ್ಲಿ ಸಂಜಯ್ ಗಾಂಧಿಯವರ ಪತ್ನಿ ವಿಧವೆ ಮೇನಕಾ ಗಾಂಧಿ ಮತ್ತು ಅವರು ಗಾಂಧಿ ಮನೆತನದಿಂದ ಹೊರಬಿದ್ದ ಬಗ್ಗೆಯೂ ಮಾತನಾಡಿದ್ದಾರೆ. ಮೇನಕಾ ಗಾಂಧಿ ಅವರನ್ನು ಸಂಜಯ್ ಗಾಂಧಿ ತುಂಬಾ ಪ್ರೀತಿಸಿ ಮದುವೆಯಾದರು. ಮದುವೆ ಬಳಿಕವೂ ಪ್ರೀತಿಯಿಂದ ಇದ್ದರು. ಆದರೆ ಮೇನಕಾ ಗಾಂಧಿ ತುಂಬಾ ಇನ್ನೊಸೆಂಟ್, ದುರ್ಬಲ ಮಹಿಳೆ. ಪತಿ ಸಂಜಯ್ ಗಾಂಧಿ ಮರಣದ ನಂತರ ತನ್ನ ಮಗನೊಂದಿಗೆ ಗಾಂಧಿ ಕುಟುಂಬದಿಂದ ಹೊರಹಾಕಲಾಯ್ತು! ಸಂಜಯ್ ಗಾಂಧಿ ಸಾವಿನ ನಂತರ ವಿಧವೆ ಹೆಣ್ಣುಮಗಳನ್ನು ಹೊರಗೆ ಹಾಕಿದ್ದು ಹೇಗೆ? ಹೇಗೆ ಸಾದ್ಯವಾಯ್ತು? ಯಾವ ಕಾರಣಕ್ಕೆ ಹೊರಹಾಕಲಾಯ್ತು? ಎಂದು ಪ್ರಶ್ನಿಸಿದ್ದಾರೆ.

ಸೋನಿಯಾ ಗಾಂಧಿಯವರ ಹೊಸ ಆತ್ಮಚರಿತ್ರೆ 'ಬಿಲಾಂಗಿಂಗ್: ಎ ಜರ್ನಿ ಆಫ್ ಲವ್' ಮೇನಕಾ ಅವರೊಂದಿಗಿನ ಕುಟುಂಬದ ಸಂಬಂಧ, ಕೆಲವು ಕಹಿ ಪರಿಣಾಮಗಳಿಗೆ ಕಾರಣವಾದ ಘಟನೆಗಳ ಬಗ್ಗೆಯೂ ಬಹಿರಂಗಪಡಿಸಿದ್ದಾರೆ.

ಸೋನಿಯಾ ತಮ್ಮ ಆತ್ಮಚರಿತ್ರೆಯಲ್ಲಿ ಮೇನಕಾ ಗಾಂಧಿ ಬಗ್ಗೆ ಏನು ಬರೆದಿದ್ದಾರೆ?

526 ಪುಟಗಳಿರುವ ಈ ಆತ್ಮಚರಿತ್ರೆಯಲ್ಲಿ ಸೋನಿಯಾ ಗಾಂಧಿ ಅವರು ಮೇನಕಾ ಗಾಂಧಿ ಬಗ್ಗೆಯೂ ಉಲ್ಲೇಕಿಸಿದ್ದಾರೆ. ಸಂಜಯ್ ಗಾಂಧಿ ಜೊತೆಗಿನ ಪ್ರೀತಿ, ಮದುವೆ, ಮನೆಗೆ ಆಗಮನ, ಕುಟುಂಬದೊಳಗೆ ಬೆಳೆಯುತ್ತಿದ್ದ ಭಿನ್ನಾಭಿಪ್ರಾಯಗಳು, ಇಂದಿರಾ ಗಾಂಧಿಯವರೊಂದಿಗಿನ ಸಂಬಂಧಗಳು ಸ್ಮರಿಸಿಕೊಂಡಿದ್ದಾರೆ. ಸೋನಿಯಾ ಅವರು ಹೇಳುವ ಪ್ರಕಾರ, 1973 ರ ಅಂತ್ಯದ ವೇಳೆಗೆ ಸಂಜಯ್ ಗಾಂಧಿ ಮೇನಕಾಗೆ ಪರಿಚಯಿಸಲಾಯಿತು. ಅವರು ಅವಳನ್ನು ಸುಂದರಿ, ಉತ್ಸಾಹಭರಿತ ಯುವತಿಯಾಗಿದ್ದಳು. ಸಂಜಯ್‌ಗಿಂತ ಹತ್ತು ವರ್ಷ ಚಿಕ್ಕವಳು. ಮೊದಲ ಸಲ ಸಂಜಯ್ ಭೇಟಿಯಾದಾಗ ಅವಳಿನ್ನೂ ಅಪ್ರಾಪ್ತಳಾಗಿದ್ದಳು ಎಂದು ವಿವರಿಸಿದ್ದಾರೆ. ಮುಂದೆ ಮೇನಕಾ 18 ವರ್ಷ ತುಂಬಿದಾಗ ಇಬ್ಬರೂ ಸೆಪ್ಟೆಂಬರ್ 1974 ರಲ್ಲಿ ವಿವಾಹವಾದರು ಎಂದು ಬರೆದಿದ್ದಾರೆ.

ಮನೆಯಲ್ಲಿ ಅತ್ತಿಗೆ ಇರೋದಕ್ಕೆ ಖುಷಿಯಾಗ್ತಿತ್ತು. ಆದರೆ ಬರು ಬರುತ್ತಾ…

ಮನೆಯಲ್ಲಿ ಅತ್ತಿಗೆ ಇರೋದಕ್ಕೆ ಆರಂಭದಲ್ಲಿ ಸಂತೋಷ ಪಟ್ಟಿದ್ದೆ ಎಂಬ ಬಗ್ಗೆಯೂ ಆತ್ಮಕಥೆಯಲ್ಲಿ ಸೋನಿಯಾ ಬರೆದಿದ್ದಾರೆ. ಸೊಸೆಯಂದಿರಿಬ್ಬರನ್ನೂ ಕುಟುಂಬದ ಸಮಾನ ಸದಸ್ಯರೆಂದು ಇಂದಿರಾ ಗಾಂಧಿ ನೋಡಿಕೊಳ್ಳುತ್ತಿದ್ದರು. ಆದರೆ ಮೇನಕಾ ಹಿರಿ ಸೊಸೆ, ಕಿರಿ ಸೊಸೆ ಎಂದು ಸಂಬೋಧಿಸುತ್ತಿರುವುದರ ಬಗ್ಗೆ ತಪ್ಪಾಗಿ ಅರ್ಥೈಸಿಕೊಂಡಿದ್ದಳು. ಆದರೆ ಮೇನಕಾ ಉತ್ಸಾಹದಿಂದ ಇದ್ದಳು. ಅತ್ತಿಗೆ ಜೊತೆಗೆ ಇರುವುದು ಒಂದು ಸಂತೋಷವಾಗಿತ್ತು. ಆದರೆ ಮನೆಯ ವಾತಾವರಣ ಕ್ರಮೇಣ ಬದಲಾಯಿತು. ಭಿನ್ನಾಭಿಪ್ರಾಯ ಕಿರಿಕಿರಿಗಳು ಹೆಚ್ಚಾಗತೊಡಗಿದವು. ಅದು ಬರುಬರುತ್ತಾ ಮೇನಕಾ-ಸಂಜಯ್ ಗಾಂಧಿ ನಡುವೆ ಭಿನ್ನಪ್ರಾಯ ಜಗಳಗಳು ಹೆಚ್ಚಾದವು. ಅದು ಕೋಣೆಗೆ ಸೀಮಿತವಾಗಿರಲಿಲ್ಲ. ಅದು ಇಂದಿರಾ ಗಾಂಧಿ ಅವರ ಮುಂದೆಯೂ ಜಗಳವಾಡತೊಡಗಿದರು. ಮೇನಕಾ ಅಶ್ಲೀಲ ಪದಗಳನ್ನು ಬಳಸುತ್ತಿದ್ದರು ಎಂದು ಅವರು ನೆನಪಿಸಿಕೊಳ್ಳುತ್ತಾರೆ.

ಮೇನಕಾ ಸಿಟ್ಟಾದಾಗ, ಅವರು ನನ್ನ ಅತ್ತೆ ಇಂದಿರಾ ಗಾಂಧಿ ಮುಂದೆನೇ ಜಗಳ ಮಾಡುತ್ತಿದ್ದರಲ್ಲದೆ ಅಶ್ಲೀಲ ಪದಗಳನ್ನು ಬಳಸುತ್ತಿದ್ದರು. ಆ ಮಾತುಗಳು ನನ್ನ ಅತ್ತಿಗೆಯನ್ನ ಮುಜುಗರಕ್ಕೀಡು ಮಾಡುತ್ತಿದ್ದವು. ನಮಗೆ ಆಘಾತವನ್ನುಂಟುಮಾಡಿದವು. ಮೇನಕಾ ಸ್ವಭಾವ ಗಾಂಧಿ ಕುಟುಂಬಕ್ಕಿಂತ ಭಿನ್ನವಾಗಿತ್ತು, ಹೊಂದಿಕೊಳ್ಳಲಿಲ್ಲ ಎಂದು ಬರೆದಿದ್ದಾರೆ.

View this post on Instagram

A post shared by Deepak Kumar Deep (@kumardeepakdf)

ಆಕ್ಷನ್‌ಗೆ ರಿಯಾಕ್ಷನ್: ಛಲವಾದಿ ನಿವಾಸಕ್ಕೆ ಚಾಕು ಪಾರ್ಸೆಲ್ ಕಳಿಸಿದ ವಿಚಾರಕ್ಕೆ ಪ್ರಿಯಾಂಕ್ ಖರ್ಗೆ ಹೇಳಿದ್ದೇನು?

Ravi Janekal — Tue, 10 Nov 2026 13:37:33 +0530

ಬೆಂಗಳೂರು (ನ.10): ಛಲವಾದಿ ನಾರಾಯಣಸ್ವಾಮಿ ಅವರ ನಿವಾಸಕ್ಕೆ ಚಾಕು, ಚೂರಿ ಪಾರ್ಸೆಲ್ ಆಗಿದ್ದರೆ ಅದು ಅವರ ಆಕ್ಷನ್‌ಗೆ ರಿಯಾಕ್ಷನ್ ಎಂದು ಗೃಹ ಸಚಿವ ಪ್ರಿಯಾಂಕ್ ಎಂದು ತಿರುಗೇಟು ನೀಡಿದರು.

ಇಂದು ಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರನ್ನು ಭೇಟಿ ಮಾಡಿದರು. ಬಳಿಕ 'ಚಾಕು ಚೂರಿ ಛಲವಾದಿ ನಾರಾಯಣಸ್ವಾಮಿ ಅವರ ಸರ್ಕಾರಿ ನಿವಾಸಕ್ಕೆ ಪಾರ್ಸೆಲ್ ಹಾಕ್ತಿರೋ ವಿಚಾರವಾಗಿ ಮಾಧ್ಯಮಗಳ ಪ್ರಶ್ನೆಗೆ ಪ್ರಕ್ರಿಯಿಸಿದರು.

ಇದು ಅವರ ಆಕ್ಷನ್‌ಗೆ ರಿಯಾಕ್ಷನ್

ನೋಡಿ, ಛಲವಾದಿ ನಾರಾಯಣಸ್ವಾಮಿ ಏನು ಹೇಳಿಕೆ ನೀಡಿದ್ರು? ಕಾಂಗ್ರೆಸ್‌ನವರನ್ನ ತುಂಡು ತುಂಡು ಮಾಡಿ ಅರಬ್ಬೀ ಸಮುದ್ರಕ್ಕೆ ಹಾಕ್ತೀವಿ ಅಂದಿದ್ರು. ಹಾಗಾದ್ರೆ ಕಾಂಗ್ರೆಸ್‌ನವರನ್ನು ತುಂಡು ತುಂಡು ಮಾಡಬೇಕೆಂದರೆ ಏನು ಬೇಕಾಗುತ್ತೆ? ಚಾಕು ಚೂರಿಗಳು ತಾನೇ? ಅದನ್ನ ಪಾಪ ಯಾರೋ ನಮ್ಮ ಯೂತ್ ಕಾಂಗ್ರೆಸ್‌ ಹುಡುಗರು ಕಳಿಸಿಕೊಟ್ಟಿದ್ದಾರೆ. ಹಾಗಂತ ನಾನು ಇದನ್ನ ಸಮರ್ಥನೆ ಮಾಡ್ಕೊಳ್ತಿಲ್ಲ. ಹಾಗೆಲ್ಲ ಕಳಿಸಬಾರದಾಗಿತ್ತು, ಇವರೂ ಹಾಗೆಲ್ಲ ಹೇಳಬಾರದಾಗಿತ್ತು ಎಂದರು.

ನಾರಾಯಣಸ್ವಾಮಿ ಹಾಗೆ ಮಾತನಾಡಿದ್ದು ಸರಿನಾ?

ನಿಮ್ಮದರಲ್ಲೇ ಲೈವ್ ಬರ್ತಿದೆರಿ ಅವರದು, ಈಗ ನೀವೇ ಹೋಗಿ ನೋಡಿ. ತುಂಡು ತುಂಡು ಮಾಡ್ತಿವಿ ಅನ್ನೋ ಕಲ್ಚರ್ ಸರಿನಾ? ಅಲ್ಲ, ಅವರದು ತಪ್ಪಿದೆ. ಈಗ ಅವರ ಆಕ್ಷನ್‌ಗೆ ರಿಯಾಕ್ಷನ್ ಬಂದಿದೆ. ಈಗ ಚೂರಿ ಕಳಿಸ್ತಿದ್ದಾರೆ ಎಂದರೇ ಹೇಗೆ.. ಅಂಥ ಹೇಳಿಕೆ ನೀಡುವ ಮುನ್ನ ಮುಂದಿನ ಪರಿಣಾಮದ ಬಗ್ಗೆ ಯೋಚಿಸಬೇಕಿತ್ತು ತಾನೇ? ಹೋಗ್ಲಿ ಆ ಹೇಳಿಕೆ ಬಗ್ಗೆ ಕ್ಷಮೆ ಕೇಳಿದ್ರಾ? ಕ್ಷಮೆ ಕೇಳುವ ಬದಲು ಹೇಳಿಕೆ ತಿರುಚಿದ್ದಾರೆ ಅಂತಾ ಹೇಳ್ತಿದ್ದಾರೆ. ಹಾಗಾದ್ರೆ ಲೈವ್ ಮಾಡಿರೋ ನೀವೇ ತಿರುಚಿದ್ದೀರಾ? ಎಂದು ಪ್ರಶ್ನಿಸಿದರು.

ಕಾಂಗ್ರೆಸ್‌ನವರು ಬಹಳ ಜನ ಇದ್ದಾರಲ್ಲಪ್ಪ..

ಕಾಂಗ್ರೆಸ್‌ನವರು ಬಹಳ ಇದ್ದಾರಲ್ಲಪ್ಪ. ಅವರನ್ನೆಲ್ಲ ತುಂಡು ತುಂಡು ಮಾಡೋಕೆ ಬಹಳ ವರ್ಷಗಳೇ ಬೇಕು. 130, 140 ವರ್ಷಗಳ ಇತಿಹಾಸ ಇರೋ ಪಕ್ಷ ನಮ್ದು. ಇಷ್ಟು ದೊಡ್ಡ ಪಕ್ಷನಾ ತುಂಡು ತುಂಡು ಮಾಡೋಕೆ ಸಾಧ್ಯನಾ? ನಮ್ಮ ಹುಡುಗರು ಚಾಕು ಚೂರಿ ಕಳಿಸಿದ್ದು ಸರಿ ಅಂತಾ ನಾನು ಒಪ್ಪಿಕೊಳ್ಳಲ್ಲ. ತುಂಡು ಮಾಡುವ ಬಗ್ಗೆ ಮಾತನಾಡಿದ್ದೇ ಅವರು, ಈಗ ಚಾಕು ಸಂಸ್ಕೃತಿ ನಮ್ಮದು(ಕಾಂಗ್ರೆಸ್‌ನದು) ಅಂಥ ಹೇಗೆ ಹೇಳ್ತಾರೆ. ನಮ್ಮ ಯೂತ್ ಕಾಂಗ್ರೆಸ್ ಹುಡುಗರು ಬಾಯಲ್ಲಿ ಬಂದಿರೋ ಮಾತಾ ಅದು? ಮೊದಲಿಗೆ ಬಂದಿದ್ದೇ ನಾರಾಯಣಸ್ವಾಮಿ ಬಾಯಿಂದ. ತುಂಡು ತುಂಡು ಮಾಡ್ತಿವಿ ಅಂದಿದ್ದಕ್ಕೆ 'ಹೌದಪ್ಪ ಮಾಡು ಮಾಡಿ ತೋರಿಸು ಅಂತಾ ಚಾಕು ಚೂರಿ ಪಾರ್ಸೆಲ್ ಮಾಡಿದ್ದಾರೆ ಎಂದು ಪರೋಕ್ಷವಾಗಿ ಆಕ್ಷನ್‌ಗೆ ರಿಯಾಕ್ಷನ್‌ ಸಮರ್ಥಿಸಿಕೊಂಡರು.

ಭಾರತ ಪೌರತ್ವಕ್ಕೆ ಸೋನಿಯಾ 15 ವರ್ಷ ಕಾದ ರಹಸ್ಯವೇನು? ಸಂಜಯ್ ಗಾಂಧಿ ನಿಧನದ ಬಳಿಕವೇ ಮನಸ್ಸು ಮಾಡಿದ್ಯಾಕೆ

Suchethana D — Thu, 12 Nov 2026 18:31:02 +0530

ದೆಹಲಿ: ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಅವರ "ಬಿಲಾಂಗಿಂಗ್: ಎ ಜರ್ನಿ ಆಫ್ ಲವ್" ಪುಸ್ತಕ (Belonging a journey of love) ಇದೇ 10ರಂದು ಬಿಡುಗಡೆಯಾಗಿದೆ. ಇದರಲ್ಲಿ ಸೋನಿಯಾ ಅವರು ತಮ್ಮ ಜೀವನದ ಹಲವಾರು ಅಂಶಗಳನ್ನು ಬರೆದಿದ್ದಾರೆ. ತಮ್ಮ ಮತ್ತು ರಾಜೀವ್ ಗಾಂಧಿ ಅವರ ಪ್ರೇಮ ಪ್ರಸಂಗದಿಂದ ಹಿಡಿದು, ಇತ್ತೀಚಿನ ಘಟನೆಗಳನ್ನೆಲ್ಲಾ ಈ ಪುಸ್ತಕದಲ್ಲಿ ದಾಖಲಿಸಿದ್ದಾರೆ. ಇದಾಗಲೇ ಕಾಂಗ್ರೆಸ್ನ ಹಲವು ನಾಯಕರು ಈ ಪುಸ್ತಕವನ್ನು ಹಿಡಿದು ಫೋಟೋ ಕ್ಲಿಕ್ಕಿಸಿಕೊಳ್ಳುತ್ತಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ, ಈ ಪುಸ್ತಕದ ಹವಾ ಜೋರಾಗಿದೆ.

ಅದೇ ಇನ್ನೊಂದೆಡೆ, ತಮ್ಮ ತೀಕ್ಷ್ಣ ಮಾತುಗಳಿಂದ ಚುಚ್ಚುವಲ್ಲಿ ಫೇಮಸ್ ಆಗಿರೋ ಬಿಜೆಪಿ ಸಂಸದೆ ಮತ್ತು ನಟಿ ಕಂಗನಾ ರಣಾವತ್ ಸೋನಿಯಾ ಗಾಂಧಿಯವರ ಬಗ್ಗೆ ಹಲವು ಅನುಮಾನಗಳನ್ನು ಈಗ ಹೊರಕ್ಕೆ ಹಾಕಿದ್ದಾರೆ. ಭಾರತದ ಸೊಸೆ ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುತ್ತಿದ್ದ ಸೋನಿಯಾಗೆ, ಭಾರತದ ಪೌರತ್ವಕ್ಕೆ ಅರ್ಜಿ ಹಾಕಲು 15 ವರ್ಷ ಏಕೆ ಬೇಕಾಯ್ತು ಎಂದುಪ್ರಶ್ನಿಸಿದ್ದಾರೆ! ಅದೂ ಸಂಜಯ್ ಗಾಂಧಿ ಅವರ ನಿಧನದ ಬಳಿಕವಷ್ಟೇ ಈ ಮನಸ್ಸು ಮಾಡಿದ್ಯಾಕೆ ಎಂದು ಕಂಗನಾ ಪ್ರಶ್ನಿಸಿದ್ದಾರೆ.

15 ವರ್ಷ ಏಕೆ ಕಾದರು?

ರಾಜೀವ್ ಗಾಂಧಿ ಅವರನ್ನು ವಿವಾಹವಾದ ಸುಮಾರು 15 ವರ್ಷಗಳ ನಂತರ ಸೋನಿಯಾ ಗಾಂಧಿ ಭಾರತೀಯ ಪೌರತ್ವವನ್ನು ಏಕೆ ಪಡೆದರು ಎಂದು ಕೇಳುತ್ತಾ ಕಂಗನಾ ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ. ಅವರ ಹೇಳಿಕೆಯು ರಾಜಕೀಯದಲ್ಲಿ ವಿದೇಶಿ ಮೂಲ ಮತ್ತು ಪೌರತ್ವದ ವಿಷಯವನ್ನು ಮತ್ತೊಮ್ಮೆ ಪ್ರಚೋದಿಸಿದೆ. ಸೋನಿಯಾ ಗಾಂಧಿ ಮತ್ತು ರಾಜೀವ್ ಗಾಂಧಿ ಫೆಬ್ರವರಿ 25, 1968 ರಂದು ವಿವಾಹವಾದರು. ಸೋನಿಯಾ ಗಾಂಧಿಗೆ ಸುಮಾರು 15 ವರ್ಷಗಳ ನಂತರ, ಏಪ್ರಿಲ್ 30, 1983 ರಂದು ಭಾರತೀಯ ಪೌರತ್ವವನ್ನು ನೀಡಲಾಯಿತು. ಕಾನೂನು ದಾಖಲೆಗಳ ಪ್ರಕಾರ, ಅವರು ಏಪ್ರಿಲ್ 2, 1983 ರಂದು ಭಾರತೀಯ ಪೌರತ್ವಕ್ಕಾಗಿ ಅರ್ಜಿ ಸಲ್ಲಿಸಿದರು ಮತ್ತು ಆ ತಿಂಗಳ ಕೊನೆಯಲ್ಲಿ ಪೌರತ್ವವನ್ನು ನೀಡಲಾಯಿತು. ಇದನ್ನೇ ನಟಿ ಪ್ರಶ್ನಿಸಿದ್ದಾರೆ.

ಸರಣಿ ಸಾವುಗಳ ಪ್ರಶ್ನೆ

ಕಂಗನಾ ತಮ್ಮ ಪೋಸ್ಟ್‌ನಲ್ಲಿ ಸಂಜಯ್ ಗಾಂಧಿಯವರ ಸಾವಿನ ಬಗ್ಗೆಯೂ ಉಲ್ಲೇಖಿಸಿದ್ದಾರೆ. ಸಂಜಯ್ ಗಾಂಧಿ 1980 ರ ಜೂನ್‌ನಲ್ಲಿ ವಿಮಾನ ಅಪಘಾತದಲ್ಲಿ ನಿಧನರಾದರು. ಸಂಜಯ್ ಗಾಂಧಿಯವರ ಮರಣದ ಸುಮಾರು ಮೂರು ವರ್ಷಗಳ ನಂತರ, 1983 ರಲ್ಲಿ ಸೋನಿಯಾ ಗಾಂಧಿಯವರು ಭಾರತೀಯ ಪೌರತ್ವವನ್ನು ಪಡೆಯಲು ಏಕೆ ನಿರ್ಧರಿಸಿದರು ಎಂದು ಕಂಗನಾ ರಣಾವತ್ ಪ್ರಶ್ನಿಸಿದ್ದಾರೆ. ಈ ಸಮಯದ ಬಗ್ಗೆ ಅವರು ತಮ್ಮ ಅನುಮಾನಗಳನ್ನು ವ್ಯಕ್ತಪಡಿಸಿದ್ದಾರೆ. ತಮ್ಮ ಸಾಮಾಜಿಕ ಮಾಧ್ಯಮ ಪೋಸ್ಟ್‌ನಲ್ಲಿ, ಕಂಗನಾ ರಣಾವತ್ ಈ ಪ್ರಶ್ನೆಗೆ ಬೆಂಬಲ ನೀಡಲು ಯಾವುದೇ ಸಾಕ್ಷ್ಯಚಿತ್ರ ಪುರಾವೆಗಳನ್ನು ಒದಗಿಸಿಲ್ಲ, ಇದು ಪೌರತ್ವ ಪಡೆಯುವ ಅವರ ನಿರ್ಧಾರ ಮತ್ತು ಸಂಜಯ್ ಗಾಂಧಿಯವರ ಸಾವಿನ ನಡುವಿನ ಯಾವುದೇ ಸಂಬಂಧವನ್ನು ದೃಢಪಡಿಸುತ್ತದೆ.

ಕಂಗನಾ ರಣಾವತ್ ಗಾಂಧಿ ಕುಟುಂಬದ ಬಗ್ಗೆ ತೀಕ್ಷ್ಣವಾದ ಕಾಮೆಂಟ್‌ಗಳನ್ನು ಮಾಡಿರುವುದು ಇದೇ ಮೊದಲಲ್ಲ. ಅವರು ಈ ಹಿಂದೆ ಸೋನಿಯಾ ಗಾಂಧಿ ಮತ್ತು ಅವರ ಕುಟುಂಬವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಿಂದಿನ ಸಮಸ್ಯೆಗಳ ಕುರಿತು ಪ್ರಶ್ನಿಸಿದ್ದಾರೆ. ತಮ್ಮ ಪೋಸ್ಟ್‌ನಲ್ಲಿ, ಕಂಗನಾ ರಣಾವತ್ ಮಾಜಿ ಪ್ರಧಾನಿ ಇಂದಿರಾ ಗಾಂಧಿಯವರ ಪಾತ್ರವನ್ನು ನಿರ್ವಹಿಸಿದ "ತುರ್ತುಸ್ಥಿತಿ" ಚಿತ್ರಕ್ಕಾಗಿ ಅವರು ಮಾಡಿದ ಸಂಶೋಧನೆಯನ್ನು ಸಹ ಉಲ್ಲೇಖಿಸಿದ್ದಾರೆ. ಪ್ರಸ್ತುತ ವಿಶ್ವದಾದ್ಯಂತ ಸಂಚಲನ ಮೂಡಿಸಿರುವ NVIDIA ಹನಿ-ಟ್ರ್ಯಾಪ್ ವಿವಾದವನ್ನು ಉಲ್ಲೇಖಿಸಿರುವ ಕಂಗನಾ ರಣಾವತ್, ಗಾಂಧಿ ಕುಟುಂಬಕ್ಕೆ ಈ ನಿಗೂಢ ವಿದೇಶಿ ಪ್ರಜೆ ಭಾರತದೊಳಗೆ ಪ್ರವೇಶ ಪಡೆದ ಬಗ್ಗೆಯೂ ಹೋಲಿಕೆ ಮಾಡಿದ್ದಾರೆ. ಅಂದರೆ ಸೋನಿಯಾ ಗಾಂಧಿ ಭಾರತೀಯರಲ್ಲ, ವಿದೇಶಿ ಪ್ರಜೆಯಾಗಿದ್ದು. ಹಿಂದೆ ಅದೇ ರೀತಿ ಹನಿಟ್ರ್ಯಾಪ್ ಮಾಡಿ ರಾಜೀವ್ ಗಾಂಧಿಯನ್ನ ಮದುವೆಯಾಗಿ ಭಾರತಕ್ಕೆ ಬಂದಿರಬಹುದೇ, ಗಾಂಧಿ ಕುಟುಂಬದಲ್ಲಾದ ರಾಜೀವ್, ಸಂಜಯ್, ಇಂದಿರಾ ಗಾಂಧಿ ಸಾವುಗಳ ಬಗ್ಗೆಯೂ ಅನುಮಾನ ವ್ಯಕ್ತಪಡಿಸಿ ಸೋನಿಯಾ ಗಾಂಧಿಯವರ ರಾಜಕೀಯ ಪ್ರಾಮುಖ್ಯತೆಯ ಸುತ್ತ ಹಲವು ಹೋಲಿಕೆಗಳನ್ನು ಮಾಡಿದ್ದಾರೆ.

ರಾಹುಲ್ ಗಾಂಧಿ ಆಪ್ತ ಕಾಂಗ್ರೆಸ್‌ಗೆ ಗುಡ್‌ಬೈ ಹೇಳ್ತಾರಾ? ಬಿಜೆಪಿ ಸೇರ್ಪಡೆ ವದಂತಿ ಹಿಂದಿನ ಅಸಲಿ ಕಥೆಯೇನು?

Ganesh Mabla Gowda — Fri, 13 Nov 2026 20:25:19 +0530

ನವದೆಹಲಿ: ರಾಹುಲ್ ಗಾಂಧಿ ಅವರ ಆಪ್ತ, ಕಾಂಗ್ರೆಸ್ ಓವರ್‍‌ಸಿಸ್ ಮುಖ್ಯಸ್ಥ ಸ್ಯಾಮ್ ಪಿತ್ರೋಡಾ ಕಾಂಗ್ರೆಸ್ ತೊರೆದು ಬಿಜೆಪಿ ಸೇರುತ್ತಾರಾ ಎಂಬ ಚರ್ಚೆ ಗುಲ್ಲೆದ್ದಿದೆ. ಅದಕ್ಕೆ ಕಾರಣ, ಅವರ ಇತ್ತೀಚೆಗಿನ ಬೆಳವಣಿಗೆಗಳು. ಹಿರಿಯ ಕಾಂಗ್ರೆಸ್ ನಾಯಕ ಹುಸೇನ್ ದಳವಾಯಿ ನೀಡಿದ ಹೇಳಿಕೆ ಈ ಸಂಚಲನಕ್ಕೆ ಕಾರಣವಾಗಿದೆ.

ಏನಿದು ಸಮಾಚಾರ?

ಸ್ಯಾಮ್ ಪಿತ್ರೋಡಾ ಇತ್ತೀಚೆಗೆ ಪ್ರಧಾನಿ ನರೇಂದ್ರ ಮೋದಿಯನ್ನ ಹೊಗಳಿದ್ದರು. ಇದಕ್ಕೆ ಕುಪಿತಗೊಂಡ ಹುಸೇನ್ ದಳವಾಯಿ.. ಸ್ಯಾಮ್ ಪಿತ್ರೋಡಾ ದೇಶದಲ್ಲಿ ವಾಸಿಸುವುದಿಲ್ಲ. ಅವರು ದೇಶದ ಹೊರಗೆ ವಾಸಿಸುತ್ತಾರೆ. ಇಲ್ಲಿನ ಪರಿಸ್ಥಿತಿ ಬಗ್ಗೆ ಅವರಿಗೆ ಹೆಚ್ಚು ತಿಳಿದಿಲ್ಲ. ಅವರು ದಂಗೆಯ ಬಗ್ಗೆ ಯೋಚಿಸುತ್ತಿರಬೇಕು. ಅವರ ತಲೆಯಲ್ಲಿ ಏನು ಓಡುತ್ತಿದೆ ಎಂದು ನನಗೆ ತಿಳಿದಿಲ್ಲ. ಬಿಜೆಪಿ ಸೇರಿದರೂ ಸೇರಬಹುದು ಎಂಬ ಅರ್ಥದಲ್ಲಿ ಅವರು ಮಾತನ್ನಾಡಿದ್ದರು.

ಬೆನ್ನಲ್ಲೇ ಸ್ಯಾಮ್ ಪಿತ್ರೋಡಾ ಬಿಜೆಪಿ ಸೇರಲಿದ್ದಾರೆ ಎಂಬ ವದಂತಿ ಜೋರಾಗಿತ್ತು. ಇದೀಗ ಅವರು ಕಾಂಗ್ರೆಸ್ ಬಿಟ್ಟು ಬಿಜೆಪಿ ಸೇರುವ ಬಗ್ಗೆ ಮಾತನ್ನಾಡಿದ್ದಾರೆ. ಹುಸೇನ್ ದಲ್ವಾಯಿ ಹುಚ್ಚರಾಗಿದ್ದಾರೆ. ನಾನು ಯಾವತ್ತೂ ಕಾಂಗ್ರೆಸ್ ಬಿಡೋದಿಲ್ಲ. ಕಾಂಗ್ರೆಸ್ ನನಗೆ ಭಾರತದಲ್ಲಿ ಕೆಲಸ ಮಾಡಲು ಅವಕಾಶ ನೀಡಿತು. ಗಾಂಧೀಜಿ ನನಗೆ ಬದುಕಲು ಒಂದು ಉದ್ದೇಶ ನೀಡಿದರು. ನಾನು ಜ್ಯಾತ್ಯಾತಿತತೆ ನಂಬುತ್ತೇನೆ. ನಾನು ಕಾಂಗ್ರೆಸ್ ಸಿದ್ಧಾಂತದೊಂದಿಗೆ ಹುಟ್ಟಿದ್ದೇನೆ. ದಲ್ವಾಯಿ ಏನು ಯೋಚಿಸುತ್ತಿದ್ದಾರೆ ಎಂಬುದು ನನಗೆ ತಿಳಿದಿಲ್ಲ ಎಂದಿದ್ದರು.

ಮೋದಿ ಬಗ್ಗೆ ಪಿತ್ರೋಡಾ ಏನು ಹೇಳಿದ್ದರು?

ಮೋದಿ ನನ್ನ ಗುಜರಾತಿ ಸ್ನೇಹಿತ. ನಾನು ಅವರನ್ನು ಒಬ್ಬ ವ್ಯಕ್ತಿಯಾಗಿ ಗೌರವಿಸುತ್ತೇನೆ. ನಾನು ಮತ್ತು ನನ್ನ ಪತ್ನಿ ಅವರನ್ನು ಭೇಟಿಯಾಗಿದ್ದೇವೆ. ವೈಯಕ್ತಿಕ ಮಟ್ಟದಲ್ಲಿ ತುಂಬಾ ಆತ್ಮೀಯರು. ಅತೀವ ಕಾಳಜಿ ವಹಿಸುವಹಿಸುತ್ತಾರೆ. ಅವರು ಉತ್ತಮ ವಾಗ್ಮಿ ಮತ್ತು ಕಠಿಣ ಪರಿಶ್ರಮಿ. ನಮ್ಮ ನಡುವೆ ವೈಯಕ್ತಿಕವಾಗಿ ಯಾವುದೇ ಭಿನ್ನಾಭಿಪ್ರಾಯಗಳಿಲ್ಲ. ಒಬ್ಬ ಸ್ನೇಹಿತನಾಗಿ ಮತ್ತು ಹಿತೈಷಿಯಾಗಿ ನನಗೆ ಮೋದಿ ಅವರ ವಿರುದ್ಧ ಏನೂ ಇಲ್ಲ. ನಾನು ಗುಜರಾತ್‌ನಲ್ಲಿರುವ ಅವರ ಮನೆಗೆ ಹಲವಾರು ಬಾರಿ ಭೇಟಿ ನೀಡಿದ್ದೇನೆ. ಆದರೆ ಜಗತ್ತನ್ನು ನೋಡುವ ಅವರ ದೃಷ್ಟಿಕೋನ ಮತ್ತು ಅವರ ಸಿದ್ಧಾಂತದ ಬಗ್ಗೆ ನನಗೆ ಭಿನ್ನಾಭಿಪ್ರಾಯಗಳಿರಬಹುದು. ಅದು ವ್ಯಕ್ತಿಯ ವಿರುದ್ಧವಲ್ಲ, ಬದಲಾಗಿ ಸಿದ್ಧಾಂತದ ವಿರುದ್ಧವಾಗಿದೆ. ಇವೆರಡೂ ಪ್ರತ್ಯೇಕ ವಿಷಯಗಳು. ನಾನು ಮೋದಿ ಅವರೊಂದಿಗೆ ಭಿನ್ನಾಭಿಪ್ರಾಯ ಹೊಂದಬಹುದು ಮತ್ತು ಅದೇ ಸಮಯದಲ್ಲಿ ಅವರೊಂದಿಗೆ ಕುಳಿತು ಊಟ ಮಾಡಿ, ನಗಬಲ್ಲೆ ಎಂದಿದ್ದರು.

ಇದಕ್ಕೆ ಪ್ರತಿಯಾಗಿ ಪ್ರಧಾನಿ ಮೋದಿ, ಸ್ಯಾಮ್ ಪಿತ್ರೋಡಾಗೆ ದೀಪಾವಳಿ ಹಬ್ಬದ ಶುಭಾಶಯಗಳನ್ನ ತಿಳಿಸಿದ್ದರು. ಇದು ಕೆಲವು ಕಾಂಗ್ರೆಸ್ ನಾಯಕರ ಕಣ್ಣು ಕೆಂಪಾಗುವಂತೆ ಮಾಡಿತ್ತು.

Happy Diwali and Nutan Varsh Abhinandan to you Sam Bhai and to Anjana Ben.

Praying for a joyful and healthy year ahead.

Jai Jagannath!

@sampitroda

— Narendra Modi (@narendramodi) November 12, 2026

ಒಂದು ಫೋಟೋ, ಸಾವಿರ ಮೆಸೇಜ್; ಮೋದಿ-ಡಿಕೆಶಿ ನಗುವಿನ ಹಿಂದಿದೆ ದೊಡ್ಡ ಪಾಠ

Ganesh Mabla Gowda — Sat, 14 Nov 2026 18:15:20 +0530

ಬೆಂಗಳೂರು: ರಾಜಕೀಯದಲ್ಲಿ ಚುನಾವಣೆ, ವಾದ-ಪ್ರತಿವಾದ-ವಿವಾದ ಮತ್ತು ರಾಜಕೀಯ ಭಿನ್ನಾಭಿಪ್ರಾಯಗಳು ತೀರಾ ಸಹಜ. ಆದರೆ ವಿರೋಧ ಎನ್ನುವುದು ಕೇವಲ ಸಿದ್ಧಾಂತ ಮತ್ತು ಭಾಷಣದ ವೇದಿಕೆಗೆ ಮಾತ್ರ ಸೀಮಿತವಾಗಿರಬೇಕು. ಅದನ್ನು ಹೊರತುಪಡಿಸಿ ವೈಯಕ್ತಿಕ ದ್ವೇಷವಾಗಿ ಬದಲಾಗಬಾರದು! ನಿನ್ನೆ ಬೆಂಗಳೂರಿನಲ್ಲಿ ಪ್ರಧಾನಿ ಮೋದಿ ಹಾಗೂ ಸಿಎಂ ಡಿಕೆ ಶಿವಕುಮಾರ್ ನಡುವೆ ನಡೆದ ಹೃದಯಸ್ಪರ್ಷಿ ದೃಶ್ಯಗಳನ್ನ ನೋಡಿ ಅವರ ಕಾರ್ಯಕರ್ತರು ಹಾಗೂ ಬೆಂಬಲಿಗರು ಕಲಿಯಬೇಕಾಗಿರೋದು ತುಂಬಾ ಇದೆ.

ಪ್ರಧಾನಿ ಮೋದಿ ನಿನ್ನೆ ಬೆಂಗಳೂರು ಹಾಗೂ ಮೈಸೂರಿಗೆ ಭೇಟಿ ನೀಡಿದ್ದರು. ನಮ್ಮ ಮೆಟ್ರೋದ ಬಹುನಿರೀಕ್ಷಿತ ಪಿಂಕ್ ಲೈನ್ (ಕಾಳೇನ ಅಗ್ರಹಾರದಿಂದ ತಾವರೆಕೆರೆ, ಎಸ್.ಜಿ. ಪಾಳ್ಯ ಮಾರ್ಗ) ಸೇರಿದಂತೆ ಹಲವು ಅಭಿವೃದ್ಧಿ ಯೋಜನೆಗಳಿಗೆ ಚಾಲನೆ ನೀಡಿದರು. ಮೋದಿ ಅವರ ಕರ್ನಾಟಕ ಪ್ರವಾಸದಲ್ಲಿ ರಾಜ್ಯದ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಹಾಗೂ ಬೆಂಗಳೂರು ಅಭಿವೃದ್ಧಿ ಸಚಿವ ಕೃಷ್ಣ ಬೈರೇಗೌಡ ಸಾಥ್ ನೀಡಿದ್ದರು.

ಗಮನ ಸೆಳೆದ ನಗು

ರಾಷ್ಟ್ರ ಮತ್ತು ರಾಜ್ಯ ರಾಜಕಾರಣದಲ್ಲಿ ಬಿಜೆಪಿ ಹಾಗೂ ಕಾಂಗ್ರೆಸ್ ಎದುರಾಳಿ ಪಕ್ಷಗಳು. ನಿನ್ನೆಯ ಕಾರ್ಯಕ್ರಮದಲ್ಲಿ ಮೋದಿ, ಡಿ.ಕೆ. ಶಿವಕುಮಾರ್ ಮತ್ತು ಕೃಷ್ಣ ಬೈರೇಗೌಡರ ನಡುವೆ ಕಂಡುಬಂದ ಆತ್ಮೀಯತೆ ಎಲ್ಲರ ಗಮನ ಸೆಳೆಯಿತು. ಮೆಟ್ರೋ ಉದ್ಘಾಟನೆಯ ವೇಳೆ ಸ್ವಲ್ಪ ದೂರದಲ್ಲಿ ನಿಂತಿದ್ದ ಡಿ.ಕೆ.ಶಿವಕುಮಾರ್ ಅವರ ಕೈ ಹಿಡಿದು ಮೋದಿ ತಮ್ಮ ಪಕ್ಕಕ್ಕೆ ಕರೆದುಕೊಂಡು ಜೊತೆಯಾಗಿ ಹಸಿರು ನಿಶಾನೆ ತೋರಿಸಿ ರೈಲಿಗೆ ಚಾಲನೆ ನೀಡಿದರು.

ನಂತರ ತಾವರೆಕೆರೆಯಿಂದ ಐಐಎಂ ಬೆಂಗಳೂರು ನಿಲ್ದಾಣದವರೆಗೆ ಮೆಟ್ರೋದಲ್ಲಿ ಪ್ರಯಾಣಿಸುವಾಗಲೂ ಉಭಯ ನಾಯಕರು ಆತ್ಮೀಯವಾಗಿ ಕಾಣಿಸಿಕೊಂಡರು. ತಾವಿದ್ದ ಅಮೂಲ್ಯ ಸಮಯದಲ್ಲಿ ಮನಸಾರೆ ನಗುತ್ತಾ ಸಮಯ ಕಳೆದರು. ವೇದಿಕೆಯ ಮೇಲೆ ಡಿ.ಕೆ. ಶಿವಕುಮಾರ್ ರಾಜ್ಯದ ಮೆಟ್ರೋ ಅನುದಾನದ ಹಂಚಿಕೆ ಕುರಿತು ತಮ್ಮ ಸರ್ಕಾರದ ನಿಲುವನ್ನು ಸ್ಪಷ್ಟವಾಗಿ ಮಂಡಿಸಿದರೂ ವೈಯಕ್ತಿಕವಾಗಿ ನಾಯಕರ ನಡುವೆ ಯಾವುದೇ ಕಹಿ ಅಥವಾ ದ್ವೇಷ ಕಂಡುಬರಲಿಲ್ಲ.

ಬೆಂಬಲಿಗರು ಕಲಿಯಬೇಕಾಗಿದ್ದು ಏನು?

ಈ ದೃಶ್ಯಗಳನ್ನು ನೋಡಿದಾಗ ಸಾಮಾನ್ಯ ಜನರಿಗೆ ಮತ್ತು ರಾಜಕೀಯ ಕಾರ್ಯಕರ್ತರಿಗೆ ಒಂದು ಮುಖ್ಯವಾದ ವಿಚಾರ ಅರ್ಥವಾಗಬೇಕು. ಗಣ್ಯ ನಾಯಕರೆನಿಸಿಕೊಂಡವರು ಸಾರ್ವಜನಿಕವಾಗಿ ಪರಸ್ಪರ ಎಷ್ಟೇ ಟೀಕೆ-ಟಿಪ್ಪಣಿಗಳನ್ನು ಮಾಡಿಕೊಂಡರೂ, ಎದುರು ಬದುರಾದಾಗ ಎಲ್ಲವನ್ನೂ ಬದಿಗಿಟ್ಟು ನಗುತ್ತಾ ಕೈಕುಲುಕುತ್ತಾರೆ. ಅವರು ಯಾವತ್ತೂ ವೈಯಕ್ತಿಕ ದ್ವೇಷವನ್ನು ಸಾಧಿಸುವುದಿಲ್ಲ.

ಆದರೆ.. ತಳಮಟ್ಟದಲ್ಲಿ ಪರಿಸ್ಥಿತಿ ಹೇಗಿದೆ? ‘ನಮ್ಮ ನಾಯಕ, ನಮ್ಮ ಪಕ್ಷ’ ಎಂದು ಹೇಳಿಕೊಂಡು ಸಾಮಾನ್ಯ ಕಾರ್ಯಕರ್ತರು ಮತ್ತು ಅಭಿಮಾನಿಗಳು ಬೀದಿಗೆ ಇಳಿದು ಹೋರಾಟ ಮಾಡುತ್ತಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಪರಸ್ಪರ ಅಸಭ್ಯವಾಗಿ ನಿಂದಿಸಿಕೊಳ್ಳುತ್ತಾರೆ. ಬೀದಿಗಳಲ್ಲಿ ಗಲಾಟೆ ಮಾಡಿಕೊಂಡು ಹೊಡೆದಾಡುತ್ತಾರೆ. ಕೆಲವೊಮ್ಮೆ ಈ ರಾಜಕೀಯ ದ್ವೇಷ ವಿಕೋಪಕ್ಕೆ ತಿರುಗಿ ಪೊಲೀಸ್ ಕೇಸುಗಳು ದಾಖಲಾಗುತ್ತವೆ. ಪರಿಸ್ಥಿತಿ ಮಿತಿ ಮೀರಿ ಹೋದಾಗ ಜೀವಗಳೇ ಹೋದ ಉದಾಹರಣೆಗಳೂ ಇವೆ.

ಗಣ್ಯ ನಾಯಕರು ರಾಜಕೀಯವನ್ನು ತಮ್ಮ ವೃತ್ತಿ ಮತ್ತು ಸಿದ್ಧಾಂತಕ್ಕೆ ಸೀಮಿತವಾಗಿಟ್ಟುಕೊಂಡು, ವೈಯಕ್ತಿಕವಾಗಿ ತುಂಬಾ ಚೆನ್ನಾಗಿರುತ್ತಾರೆ. ಆದರೆ.. ಅವರನ್ನು ಕುರುಡಾಗಿ ಹಿಂಬಾಲಿಸುವ ಕೆಲವು ಕಾರ್ಯಕರ್ತರು ಮಾತ್ರ ತಮ್ಮ ನೆಮ್ಮದಿ, ಸಂಬಂಧ ಮತ್ತು ಭವಿಷ್ಯವನ್ನು ಹಾಳು ಮಾಡಿಕೊಳ್ಳುತ್ತಾರೆ. ರಾಜಕೀಯ ಸಿದ್ಧಾಂತಗಳ ನಡುವೆಯೂ ವೈಯಕ್ತಿಕ ಸೌಹಾರ್ದತೆಯನ್ನು ಕಾಪಾಡಿಕೊಳ್ಳುವುದು ಹೇಗೆ ಎಂಬುದನ್ನು ತಮ್ಮ ನಾಯಕರಿಂದಲೇ ಅವರ ಅಭಿಮಾನಿಗಳು ಕಲಿಯಬೇಕಾದದ್ದು ತುಂಬಾನೇ ಇದೆ. ರಾಜಕೀಯದಲ್ಲಿ ಅಭಿಮಾನ ಮತ್ತು ಬೆಂಬಲ ಇರಲಿ. ಆದರೆ ಅದು ದ್ವೇಷ ಅಥವಾ ಹಿಂಸೆಗೆ ದಾರಿಯಾಗದಿರಲಿ ಎಂಬುದೇ ಮೋದಿ ಮತ್ತು ಡಿಕೆಶಿ ನಡುವಿನ ನಗು ಸಂದೇಶ ನೀಡ್ತಿದೆ.

View this post on Instagram

A post shared by ನವೀನ್ ದೊಡ್ಮನೆ ಹುಡುಗ  (@naveen_kannadiga_)

ಇಂದು ಒಂದೇ ವೇದಿಕೆಯಲ್ಲಿ ಡಿಕೆಶಿ-ಸಿದ್ದರಾಮಯ್ಯ ಮುಖಾಮುಖಿ! ಮೈಸೂರಿನತ್ತ ಇಬ್ಬರು ನಾಯಕರ ಪ್ರತ್ಯೇಕ ಪ್ರಯಾಣ!

Ravi Janekal — Wed, 11 Nov 2026 09:34:24 +0530

ಮೈಸೂರು (ನ.11) ಸ್ಟಿಂಗ್ ಆಪರೇಷನ್ ವಿವಾದ(Sting Opoeration row) ಬಳಿಕ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ(Siddaramaiah) ಹಾಗೂ ಹಾಲಿ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್(DK Shivakumar) ಇಂದು ಮೈಸೂರಿನಲ್ಲಿ ನಡೆಯಲಿರುವ ಕಾರ್ಯಕ್ರಮವೊಂದರಲ್ಲಿ ಒಂದೇ ವೇದಿಕೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರಾ? ಮಾಜಿ-ಹಾಲಿ ಮುಖ್ಯಮಂತ್ರಿಗಳಿಬ್ಬರೂ ಪರಸ್ಪರ ಮುಖಾ ಮುಖಿಯಾಗುತ್ತಾರಾ? ಮಾತುಕತೆಯಾಡುತ್ತಾರಾ? ಇಂದಿನ ಕಾರ್ಯಕ್ರಮದಲ್ಲಿ ಇಬ್ಬರು ಮಹಾನ್ ನಾಯಕರ ನಡೆ ಹೇಗಿರಲಿದೆ? ಭಾಷಣದಲ್ಲೂ ಸ್ಟಿಂಗ್ ಬಗ್ಗೆ ಪ್ರಸ್ತಾಪವಾಗುತ್ತಾ? ಎಂಬ ಬಗ್ಗೆ ರಾಜಕೀಯ ವಲಯದಲ್ಲಿ ತೀವ್ರ ಕುತೂಹಲಕ್ಕೆ ಇಂದು ಮೈಸೂರು ಸಾಕ್ಷಿಯಾಗಲಿದೆ.

ಮೈಸೂರಿನಲ್ಲಿ ಏನು ಕಾರ್ಯಕ್ರಮ? ಇಬ್ಬರು ನಾಯಕರು ಇಂದೇ ಮೈಸೂರಿಗೆ ಹೋಗ್ತಿರೋದ್ಯಾಕೆ?

ಇಂದು (ನವೆಂಬರ್ 11) ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಹಾಗೂ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೈಸೂರು ಜಿಲ್ಲಾ ಪ್ರವಾಸ ಕೈಗೊಂಡಿದ್ದಾರೆ. ಒಂದೇ ದಿನ, ಒಂದೇ, ಸಮಯ, ಒಂದೇ ಕಾರ್ಯಕ್ರಮಕ್ಕೆ ಹೋಗುತ್ತಿದ್ದರೂ ಇಬ್ಬರು ನಾಯಕರು ಪ್ರತ್ಯೇಕ ವಿಮಾನ, ಹೆಲಿಕಾಪ್ಟರ್‌ನಲ್ಲಿ ಪ್ರಯಾಣಿಸಲಿದ್ದಾರೆ. ಏಕೆಂದರೆ ಇಂದು ಮಾಜಿ ಮುಖ್ಯಮಂತ್ರಿ ವೀರಪ್ಪ ಮೊಯ್ಲಿ ಅವರು ಬರೆದಿರುವ 'ವಿಶ್ವಸಂಸ್ಕೃತಿಯ ಮಹಾಯಾನ ಗದ್ಯ ಮಹಾಕಾವ್ಯ' ಕೃತಿ ಲೋಕಾರ್ಪಣೆ ಕಾರ್ಯಕ್ರಮ ಮೈಸೂರಿನ ಊಟಿ ರಸ್ತೆಯಲ್ಲಿರುವ ಜೆಎಸ್ಎಸ್ ಕಾಲೇಜಿನಲ್ಲಿ ಬೆಳಗ್ಗೆ 10.50ಕ್ಕೆ ಕಾರ್ಯಕ್ರಮ ನಡೆಯಲಿದೆ. ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಲು ಸಿಎಂ ಡಿಕೆ ಶಿವಕುಮಾರ, ಸಿದ್ದರಾಮಯ್ಯ ಭಾಗಿಯಾಗಲಿದ್ದಾರೆ.

ಪ್ರತ್ಯೇಕ ವಿಮಾನ, ಹೆಲಿಕಾಪ್ಟರ್‌ನಲ್ಲಿ ಆಗಮನ!

ಕುತೂಹಲಕ್ಕೆ ಇನ್ನಷ್ಟು ಕಾರಣವಾಗಿದ್ದಂದರೆ ಒಂದೇ ಪಕ್ಷದ ನಾಯಕರಾದರೂ ಪ್ರತ್ಯೇಕ ಪ್ರಯಾಣ ಮಾಡುತ್ತಿರುವುದು. ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಬೆಳಗ್ಗೆ 10.45ಕ್ಕೆ ವಿಶೇಷ ವಿಮಾನದ ಮೂಲಕ ಮೈಸೂರಿಗೆ ಪ್ರಯಾಣ ಬೆಳೆಸಿದರೆ, ಇತ್ತ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಬೆಳಗ್ಗೆ 10.40ಕ್ಕೆ ಹೆಲಿಕಾಪ್ಟರ್ ಮೂಲಕ ಮೈಸೂರಿಗೆ ಬರಲಿದ್ದಾರೆ. ಇಬ್ಬರೂ ನಾಯಕರು ಪ್ರತ್ಯೇಕವಾಗಿ ಮೈಸೂರಿಗೆ ಆಗಮಿಸುತ್ತಿದ್ದರೂ, ಒಂದೇ ಕಾರ್ಯಕ್ರಮದಲ್ಲಿ ಭಾಗಿಯಾಗುತ್ತಿರುವುದು ರಾಜಕೀಯ ವಲಯದಲ್ಲಿ ಕುತೂಹಲ ಮೂಡಿಸಿದೆ.

ಸಿದ್ದರಾಮಯ್ಯಗೆ ಮತ್ತೊಂದು ಕಾರ್ಯಕ್ರಮ

ವೀರಪ್ಪ ಮೊಯ್ಲಿ ಕೃತಿ ಲೋಕಾರ್ಪಣೆ ಕಾರ್ಯಕ್ರಮದ ಬಳಿಕ ಸಿದ್ದರಾಮಯ್ಯ ಉತ್ತರನಹಳ್ಳಿ ಬಳಿಯ ಏಳಿಗೆಹುಂಡಿ ಗ್ರಾಮದಲ್ಲಿರುವ ಶ್ರೀ ಕಾರ್ಗಳ್ಳು ಮಹಾಲಕ್ಷ್ಮಿ ದೇವಸ್ಥಾನದ ಜೀರ್ಣೋದ್ಧಾರ ಕಾರ್ಯಕ್ರಮದಲ್ಲಿ ಭಾಗಿಯಾಗಲಿದ್ದಾರೆ. ಬಳಿಕ ಸಂಜೆ 4.30ಕ್ಕೆ ಹೆಲಿಕಾಪ್ಟರ್ ಮೂಲಕ ಬೆಂಗಳೂರಿಗೆ ವಾಪಸ್ಸಾಗಲಿದ್ದಾರೆ.

ಮುಖ್ಯಮಂತ್ರಿ ಡಿಕೆ ಶಿವಕುಮಾರ ಮತ್ತೊಂದು ಕಾರ್ಯಕ್ರಮದಲ್ಲಿ ಭಾಗಿ

ಇತ್ತ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ ಅವರು ಸಂಜೆ 4 ಗಂಟೆಗೆ ಮಾನಸಗಂಗೋತ್ರಿಯ ಸೆನೆಟ್ ಭವನದಲ್ಲಿ ನಡೆಯಲಿರುವ 'ಚಲಿಸುವ ಬಂಡೆ' ಕೃತಿ ಬಿಡುಗಡೆ ಕಾರ್ಯಕ್ರಮದಲ್ಲಿ ಭಾಗಿಯಾಗಲಿದ್ದಾರೆ. ಬಳಿಕ ಸಂಜೆ 5.40ಕ್ಕೆ ವಿಶೇಷ ವಿಮಾನದ ಮೂಲಕ ಬೆಂಗಳೂರಿಗೆ ವಾಪಸ್ಸಾಗಲಿದ್ದಾರೆ.

ಇತ್ತೀಚೆಗೆ ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ, ಅದರ ಬೆನ್ನಲ್ಲೇ ಸ್ಟಿಂಗ್ ಆಪರೇಷನ್ ವಿವಾದ ಬಳಿಕ ಸಿದ್ದರಾಮಯ್ಯ ಡಿಕೆ ಶಿವಕುಮಾರ ನಡುವೆ ಅಂತರ ಹೆಚ್ಚಾಗಿದೆ. ಸಿದ್ದರಾಮಯ್ಯ ಅವರು, ಪಕ್ಷ ನಮ್ಮದಾದರೂ ಸರ್ಕಾರ ನಮ್ಮದಲ್ಲ ಎಂಬಂತೆ ಹಿಂದೆ ಹೇಳಿಕೆ ನೀಡಿದ್ದರು. ಹೆಚ್‌ಡಿ ಕುಮಾರಸ್ವಾಮಿ ಅವರು ಕೂಡ ಸಿದ್ದರಾಮಯ್ಯರ ಬೆಂಬಲಕ್ಕೆ ನಿಂತುಕೊಂಡು ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ವಿರುದ್ಧ ನಿರಂತರ ವಾಗ್ದಾಳಿ ನಡೆಸುತ್ತಲೇ ಇದ್ದಾರೆ. ಇದರ ಬೆನ್ನಲ್ಲೇ ಇಬ್ಬರೂ ನಾಯಕರು ಒಂದೇ ವೇದಿಕೆ ಹಂಚಿಕೊಳ್ಳುತ್ತಿರುವುದು ಗಮನ ಸೆಳೆದಿದೆ. ಕಾರ್ಯಕ್ರಮದಲ್ಲಿ ಇಬ್ಬರ ನಡುವೆ ಮಾತುಕತೆ ನಡೆಯುತ್ತದೆಯೇ? ಪರಸ್ಪರ ಹೇಗೆ ವರ್ತಿಸಲಿದ್ದಾರೆ? ರಾಜಕೀಯ ಬೆಳವಣಿಗೆಗಳ ಬಗ್ಗೆ ಯಾವುದೇ ಚರ್ಚೆ ನಡೆಯುತ್ತದೆಯೇ? ಎಂಬ ಪ್ರಶ್ನೆಗಳು ಇದೀಗ ಕುತೂಹಲ ಮೂಡಿಸಿವೆ.

Rahul Gandhi: 14 ಕೋಟಿ ಜನ ಅನರ್ಹವಾದ್ರೆ 2024ರ ಚುನಾವಣೆ ನ್ಯಾಯವೇ?: ಚುನಾವಣಾ ಆಯೋಗ, ಬಿಜೆಪಿ ವಿರುದ್ಧ ವಾಗ್ದಾಳಿ

Kannadaprabha News — Sun, 15 Nov 2026 05:29:25 +0530

ತೆಲಂಗಾಣ (ನ.15): ಬಿಜೆಪಿ(BJP) ಮತ್ತು ಚುನಾವಣಾ ಆಯೋಗದ(ECI) ವಿರುದ್ಧ ತಮ್ಮ ವಾಗ್ದಾಳಿ ತೀವ್ರಗೊಳಿಸಿರುವ ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ(Congress Leader Rahul Gandhi), ‘ದೇಶದಲ್ಲಿ ಇದೀಗ ಪ್ರಜಾಪ್ರಭುತ್ವವೇ ಇಲ್ಲ, 2014ರಲ್ಲೇ ಭಾರತದಲ್ಲಿ ಪ್ರಜಾಪ್ರಭುತ್ವ ನಾಶವಾಗಿದೆ. ಮತಪಟ್ಟಿ ಪರಿಷ್ಕರಣೆ ಬಳಿಕ 14 ಕೋಟಿ ಮತಗಳು ಅನರ್ಹವಾದರೆ 2024ರ ಚುನಾವಣೆ ಹೇಗೆ ನ್ಯಾಯಯುತವಾಗಿರುತ್ತದೆ?’ ಎಂದು ಪ್ರಶ್ನಿಸಿದ್ದಾರೆ.

14 ಕೋಟಿ ಮತಗಳು ಅನರ್ಹವಾದರೆ 2024ರ ಚುನಾವಣೆ ಹೇಗೆ ನ್ಯಾಯಯುತವಾಗಿರುತ್ತದೆ?

ಇಲ್ಲಿ ಪಕ್ಷದ ವತಿಯಿಂದ ಆಯೋಜಿಸಿದ್ದ ‘ಭಾರತ್‌ ಸಮ್ಮಿಟ್‌’ನಲ್ಲಿ ಮಾತನಾಡಿದ ರಾಹುಲ್‌, ‘2024ರಲ್ಲಿ ಮತ ಚಲಾಯಿಸಿದ 14 ಕೋಟಿ ಮತದಾರರನ್ನು ಚುನಾವಣಾ ಆಯೋಗ ಕೆಲ ತಿಂಗಳ ಹಿಂದೆ ಅಸ್ತಿತ್ವದಲ್ಲಿರದವರು ಮತ್ತು ಮತದಾರದಲ್ಲದವರು ಎಂದು ಘೋಷಿಸಿತ್ತು. ಮತ ಚಲಾಯಿಸಿದವರ ಪೈಕಿ ಶೇ.13 ಮತದಾರರು ಅಕ್ರಮ ಮತದಾರರು ಎಂದು ಘೋಷಿಸಿದ್ದಾರೆ. ಹೀಗಿದ್ದಾಗ ಚುನಾವಣೆ ಹೇಗೆ ಕಾನೂನುಬದ್ಧವಾಗಿರುತ್ತದೆ?’ ಎಂದಿದ್ದಾರೆ.

ಭಾರತವು ಪ್ರಜಾಪ್ರಭುತ್ವವಾಗಿ ಉಳಿಯುವುದು ನಮಗೆ ಮುಖ್ಯ

ಇದೇ ವೇಳೆ ಅವರು, ‘ಭಾರತವು ಪ್ರಜಾಪ್ರಭುತ್ವವಾಗಿ ಉಳಿಯುವುದು ನಮಗೆ ಮುಖ್ಯ. ಆದರೆ ಬಿಜೆಪಿ ಆಡಳಿತದಲ್ಲಿ ಭಾರತವು ವಾಸ್ತವವಾಗಿ ಪ್ರಜಾಪ್ರಭುತ್ವವಾಗಿ ಉಳಿದಿಲ್ಲ’ ಎಂದರು, ಜೊತೆಗೆ ಮುಂದಿನ ಚುನಾವಣೆಯಲ್ಲಿ ನಾವು ಮೋದಿಯನ್ನು ಅಧಿಕಾರದಿಂದ ಕೆಳಗಿಳಿಸಲಿದ್ದೇವೆ. ಈ ವಿಷಯ ಇದೀಗ ಪ್ರಧಾನಿ ಮೋದಿ ಮತ್ತು ಗೃಹ ಸಚಿವ ಅಮಿತ್‌ ಶಾಗೂ ಅರ್ಥವಾಗಿದೆ. ಹೀಗಾಗಿಯೇ ಅವರ ಮುಖದಲ್ಲಿ ಭೀತಿ ಕಾಣಿಸುತ್ತಿದೆ’ ಎಂದು ಹೇಳಿದರು.

ಇದೇ ಸಂದರ್ಭದಲ್ಲಿ ಗಿಗ್‌ ಕಾರ್ಮಿಕರ ಕಲ್ಯಾಣದ ಕುರಿತಾಗಿ ಮಾತನಾಡಿದ ಅವರು, ‘ಕಾಂಗ್ರೆಸ್ ಗಿಗ್ ಕಾರ್ಮಿಕರೊಂದಿಗೆ ಸದಾ ನಿಲ್ಲುತ್ತದೆ. ಅವರನ್ನು ಪ್ರಗತಿಗೆ ಪಾಲುದಾರರೆಂದು ಪರಿಗಣಿಸಲಾಗುತ್ತದೆ’ ಎಂದು ಹೇಳಿದರು.

ನಾನು ಹೆಣ್ಣು ಅಲ್ಲ, ಎಲ್ಲರೂ ತಪ್ಪು ತಿಳಿದಿದ್ದಾರೆ: ತಮ್ಮ ಲಿಂಗತ್ವದ ಸ್ಪಷ್ಟನೆ ಕೊಟ್ಟ ಜಿರಳೆ ನೇಹಾ ಬೋರಾ

Suchethana D — Sat, 14 Nov 2026 17:57:53 +0530

ದೆಹಲಿ: ಕೇಂದ್ರ ಸರ್ಕಾರದ ವಿರುದ್ಧದ ಜಿರಳೆಗಳ ಪ್ರತಿಭಟನೆಯ ಸಮಯದಲ್ಲಿ ಕಳೆದ ಕೆಲವು ತಿಂಗಳುಗಳಿಂದ ಭಾರಿ ಸದ್ದು ಮಾಡುತ್ತಿರುವವರ ಪೈಕಿ ಅಖಿಲ ಭಾರತ ವಿದ್ಯಾರ್ಥಿ ಸಂಘದ (All India Students' Association) ಅಧ್ಯಕ್ಷೆ ನೇಹಾ ಬೋರಾ ಕೂಡ ಒಬ್ಬರು. ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ರಾಜೀನಾಮೆಗೆ ಒತ್ತಾಯಿಸಿ ಬೀದಿಗಿಳಿದ ಅವರು ರಾಜಧಾನಿ ದೆಹಲಿಯ ಹೃದಯಭಾಗದಲ್ಲಿ ಬಿರುಗಾಳಿ ಎಬ್ಬಿಸಿವರ ಪೈಕಿ ಇಬ್ಬರು. ಇದಕ್ಕೂ ಮುನ್ನ ನೀಟ್ ಪೇಪರ್ ಲೀಕ್ ಪ್ರಕರಣದಲ್ಲಿ ಕೇಂದ್ರ ಶಿಕ್ಷಣ ಸಚಿವರು ರಾಜೀನಾಮೆ ನೀಡಬೇಕು ಎಂಬ ಪ್ರತಿಭಟನೆ ನಡೆದ ಸಂದರ್ಭದಲ್ಲಿ ನೇಹಾ ಬೋರಾ ಉಪವಾಸ ಪ್ರತಿಭಟನೆಯಲ್ಲಿ ಭಾಗಿಯಾಗಿ ಎಲ್ಲರ ಗಮನಸೆಳೆದಿದ್ದರು. ಕೆಲ ದಿನಗಳ ಹಿಂದೆ ತಮಗೆ ಬಾಂಗ್ಲಾದೇಶ ಸ್ಫೂರ್ತಿ ಎನ್ನುವ ಮೂಲಕ ಕಿಡಿ ಹೊತ್ತಿಸಿದ್ದರು. ಇದಾದ ಬಳಿಕ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರಿಗೆ ಬಹಳ ಹತ್ತಿರವಾದರು. ಒಂದು ಹಂತದಲ್ಲಿ ನಿನ್ನೆ ಮೊನ್ನೆ ಬಂದ ನೇಹಾ ಅವರಿಗೆ ರಾಹುಲ್ ಗಾಂಧಿಯವರು ಪ್ರಾಧಾನ್ಯ ನೀಡುತ್ತಿರುವುದು ಕಾಂಗ್ರೆಸ್ ಪಕ್ಷದ ಹಳೆಯ ಕಾರ್ಯಕರ್ತರ ನಡುವೆ ಆಕ್ರೋಶಕ್ಕೂ ಕಾರಣವಾಗಿ, ಇದನ್ನು ಬಹಿರಂಗವಾಗಿಯೇ ಹೇಳಿಕೊಂಡಿದ್ದರು.

ಆದರೆ, ಇವೆಲ್ಲವುಗಳ ನಡುವೆಯೇ, ಇದೀಗ ಕುತೂಹಲ ಎನ್ನುವ ವಿಷಯವೊಂದು ಖುದ್ದು ನೇಹಾ ಬೋರಾ (Neha Bora) ಅವರೇ ರಿವೀಲ್ ಮಾಡಿದ್ದಾರೆ. ತಮ್ಮ ಲಿಂಗ ಗುರುತಿನ ಬಗ್ಗೆ ಅವರು ಜನರಿಗೆ ಸ್ಪಷ್ಟನೆ ನೀಡಿದ್ದಾರೆ. ಪೀಕ್ ಟಿವಿಗೆ ನೀಡಿದ ಸಂದರ್ಶನದಲ್ಲಿ ನೇಹಾ ಅವರು, ತಮ್ಮನ್ನು ತಾವು ಮಹಿಳೆ ಎಂದು ಪರಿಗಣಿಸುವುದಿಲ್ಲ ಎಂದು ಹೇಳಿದ್ದಾರೆ. ಜನರು ತಮ್ಮನ್ನು 'ನಾನ್-ಬೈನರಿ' (Non Binary) ವರ್ಗದಲ್ಲಿ ಪರಿಗಣಿಸುತ್ತಾರೆ. ನಾನ್-ಬೈನರಿ ಎಂಬುದು ಸಾಂಪ್ರದಾಯಿಕ ಪುರುಷ-ಮತ್ತು-ಮಹಿಳೆಯ ಲಿಂಗಕ್ಕೆ ಹೊಂದಿಕೆಯಾಗದ ಗುರುತಾಗಿದೆ. ಇದೇ ನನ್ನ ಗುರುತು. ಆದರೆ, ಅನೇಕ ಜನರು ನನ್ನನ್ನು ವಿದ್ಯಾರ್ಥಿ ನಾಯಕಿ, ಅಧ್ಯಕ್ಷೆ, ‘ಅವಳು’ She, Her ಎಂದೆಲ್ಲಾ ಕರೆಯುತ್ತಾರೆ. ಅವರದ್ದೇನೂ ತಪ್ಪಿಲ್ಲ. ಅವರಿಗೆ ನನ್ನ ಲಿಂಗ ಗುರುತಿನ ಬಗ್ಗೆ ತಿಳಿದಿಲ್ಲದ ಕಾರಣ ಅವರನ್ನು ಹಾಗೆ ಸಂಬೋಧಿಸುತ್ತಾರೆ ಎಂದು ರಿವೀಲ್ ಮಾಡಿದ್ದಾರೆ.

ನಾನು “ಅವಳಲ್ಲ”

ಜನರು ಏನೇ ಕರೆದರೂ ತಮ್ಮನ್ನು ಮಹಿಳೆಯರ ವರ್ಗದಲ್ಲಿ ಸೇರಿಸಿಕೊಳ್ಳುವುದಿಲ್ಲ ಎಂದಿದ್ದಾರೆ ನೇಹಾ. ಇಂಗ್ಲಿಷ್‌ನಲ್ಲಿ ನನ್ನ ಹೆಸರು ಬರೆಯುವಾಗಲೆಲ್ಲಾ She, Her ಎಂದೆಲ್ಲಾ ಹೇಳುತ್ತಾರೆ. ಆದರೆ ನಾನು ನಾನ್ ಬೈನರಿ ಎಂದಿದ್ದಾರೆ. ನೇಹಾ ಅವರನ್ನು ವಿದ್ಯಾರ್ಥಿ ನಾಯಕಿ ಅಥವಾ ಅಧ್ಯಕ್ಷೆ ಎಂದು ಕರೆದಾಗ ಅದು ಅವರ ಮನಸ್ಸಿನ ಮೇಲೆ ಯಾವ ಪರಿಣಾಮ ಬೀರುತ್ತದೆ ಎಂದು ಪ್ರಶ್ನೆ ಕೇಳಲಾಯಿತು. ಇದಕ್ಕೆ ಪ್ರತಿಕ್ರಿಯೆಯಾಗಿ, ನೇಹಾ ಹೇಳಿದರು, "ಇದು ನಡೆಯುತ್ತಲೇ ಇದೆ. ನಾನು ಅದನ್ನು ಒಪ್ಪಿಕೊಂಡಿದ್ದೇನೆ. ಕೆಲವೊಮ್ಮೆ ನಾನು ಈ ಬಗ್ಗೆ ಹೇಳಿದಾಗ, ಹಾಗೆ ಕರೆದವರು ತಪ್ಪನ್ನು ಸರಿಪಡಿಸಿಕೊಳ್ಳುತ್ತಾರೆ. ಆದರೆ, ಮಹಿಳೆ ಅಥವಾ ಪುರುಷ ಅಲ್ಲದ ಜನರ ಜೀವನದಲ್ಲಿ ಸರ್ವನಾಮಗಳ ಪ್ರಾಮುಖ್ಯತೆಯನ್ನು ಜನರು ಅರ್ಥಮಾಡಿಕೊಳ್ಳಲು ಸಮಯ ತೆಗೆದುಕೊಳ್ಳುತ್ತದೆ ಎಂದಿದ್ದಾರೆ.

ನಾನು ಎಲ್ಲಿಯೇ ಸಂದರ್ಶನ ಕೊಟ್ಟರೂ ಈ ಬಗ್ಗೆ ಸ್ಪಷ್ಟವಾಗಿ ಹೇಳುತ್ತೇನೆ. ಆದ್ದರಿಂದ ವರದಿಯಲ್ಲಿ ಮಹಿಳೆ ಎಂದು ಬರೆಯುವ ಬದಲು, ಅವರು ಎಂದು ಬರೆಯುವಂತೆ ಹೇಳುತ್ತೇನೆ ಎಂದಿರುವ ನೇಹಾ, ಭಾರತದಂತಹ ದೇಶಗಳಲ್ಲಿ ಲಿಂಗ ಗುರುತಿನ ಬಗ್ಗೆ ಅರಿವಿನ ಕೊರತೆಯಿದೆ. ವಿಶ್ವದ ಅಭಿವೃದ್ಧಿ ಹೊಂದಿದ ದೇಶಗಳ ಮಟ್ಟವನ್ನು ತಲುಪಲು ಸಮಯ ತೆಗೆದುಕೊಳ್ಳುತ್ತದೆ ಎಂಬುದು ಸ್ಪಷ್ಟವಾಗಿದೆ ಎಂದಿದ್ದಾರೆ.

ಕರ್ನಾಟಕದಲ್ಲಿ SIR ಬಳಿಕ ಮುಸ್ಲಿಂ ಮತದಾರರ ಸಂಖ್ಯೆ ಭಾರಿ ಇಳಿಕೆ: 13.48 ಲಕ್ಷ ಮತದಾರರು ಕಡಿತ!

Sathish Kumar KH — Tue, 10 Nov 2026 13:52:13 +0530

ಬೆಂಗಳೂರು (ನ.10): ಕರ್ನಾಟಕದಲ್ಲಿ ಇತ್ತೀಚೆಗೆ ನಡೆದ ವಿಶೇಷ ಮತದಾರರ ಪಟ್ಟಿ ಪರಿಷ್ಕರಣೆ (Special Intensive Revision - SIR) ಪ್ರಕ್ರಿಯೆಯ ನಂತರ ರಾಜ್ಯದ ಮತದಾರರ ಸಂಖ್ಯೆಯಲ್ಲಿ ಭಾರಿ ಪ್ರಮಾಣದ ಇಳಿಕೆ ಕಂಡುಬಂದಿದೆ. ಈ ಪರಿಷ್ಕರಣೆಯ ಪರಿಣಾಮವಾಗಿ ರಾಜ್ಯದಲ್ಲಿ ಮುಸ್ಲಿಂ ಮತದಾರರ ಸಂಖ್ಯೆಯಲ್ಲಿ ಬರೋಬ್ಬರಿ 13.48 ಲಕ್ಷ (ಶೇ. 18.84) ಕಡಿತವಾಗಿದ್ದು, ರಾಜಕೀಯ ಪಡಸಾಲೆಯಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ.

ರಾಜ್ಯಾದ್ಯಂತ ಬದಲಾದ ಮತದಾರರ ಲೆಕ್ಕಾಚಾರ

SIR ಪ್ರಕ್ರಿಯೆಗೆ ಮುನ್ನ ಕರ್ನಾಟಕದಲ್ಲಿದ್ದ ಮುಸ್ಲಿಂ ಮತದಾರರ ಸಂಖ್ಯೆ 71.56 ಲಕ್ಷ, ಆದರೆ ಪ್ರಕ್ರಿಯೆ ಪೂರ್ಣಗೊಂಡ ನಂತರ ಇದು 58.08 ಲಕ್ಷಕ್ಕೆ ಇಳಿಕೆಯಾಗಿದೆ.

ಕೇವಲ ಮುಸ್ಲಿಂ ಮತದಾರರು ಮಾತ್ರವಲ್ಲದೆ, ರಾಜ್ಯದ ಮುಸ್ಲಿಮೇತರ ಮತದಾರರ ಸಂಖ್ಯೆಯಲ್ಲೂ ಭಾರಿ ಪ್ರಮಾಣದ ಇಳಿಕೆ ದಾಖಲಾಗಿದೆ.

- ಮುಸ್ಲಿಮೇತರ ಮತದಾರರು: 4.82 ಕೋಟಿಯಿಂದ 3.96 ಕೋಟಿಗೆ ಇಳಿಕೆ (ಸುಮಾರು 86 ಲಕ್ಷ ಕಡಿಮೆ).

- ಒಟ್ಟು ಮತದಾರರ ಪ್ರಮಾಣ: ರಾಜ್ಯದ ಒಟ್ಟು ಮತದಾರರ ಸಂಖ್ಯೆ 5.54 ಕೋಟಿಯಿಂದ 4.55 ಕೋಟಿಗೆ ಕುಸಿದಿದೆ (ಸುಮಾರು 1 ಕೋಟಿಯಷ್ಟು ಮತದಾರರ ಹೆಸರು ಕಡಿತ).

ಬೆಂಗಳೂರಿನಲ್ಲೂ ಮುಸ್ಲಿಂ ಮತದಾರರ ಇಳಿಕೆ

ರಾಜಧಾನಿ ಬೆಂಗಳೂರಿನಲ್ಲೂ ಈ ಎಸ್‌ಐಅರ್ ಪರಿಷ್ಕರಣೆಯ ಪರಿಣಾಮ ಸ್ಪಷ್ಟವಾಗಿ ಗೋಚರಿಸಿದೆ. ನಗರದಲ್ಲಿದ್ದ 13.67 ಲಕ್ಷ ಮುಸ್ಲಿಂ ಮತದಾರರ ಪೈಕಿ ಇದೀಗ 9.6 ಲಕ್ಷ ಮತದಾರರು ಮಾತ್ರ ಪಟ್ಟಿಯಲ್ಲಿ ಉಳಿದುಕೊಂಡಿದ್ದಾರೆ. ಅಂದರೆ ಬೆಂಗಳೂರಿನಲ್ಲೇ ಮುಸ್ಲಿಂ ಮತದಾರರ ಪ್ರಮಾಣದಲ್ಲಿ ಶೇ. 33.72ರಷ್ಟು ಭಾರಿ ಇಳಿಕೆಯಾಗಿದೆ.

10 ಮುಸ್ಲಿಂ ಶಾಸಕರ ಕ್ಷೇತ್ರಗಳ ಮೇಲಾದ ಪರಿಣಾಮ

ರಾಜ್ಯದ ಮುಸ್ಲಿಂ ಶಾಸಕರು ಪ್ರತಿನಿಧಿಸುವ 10 ಪ್ರಮುಖ ಕ್ಷೇತ್ರಗಳಲ್ಲೂ ಮತದಾರರ ಪಟ್ಟಿಯಿಂದ ಹೆಸರುಗಳು ಕಡಿತಗೊಂಡಿವೆ. ಈ 10 ಕ್ಷೇತ್ರಗಳಲ್ಲಿ ಮುಂಚೆ ಇದ್ದ 9.62 ಲಕ್ಷ ಮುಸ್ಲಿಂ ಮತದಾರರ ಸಂಖ್ಯೆ ಇದೀಗ 7.52 ಲಕ್ಷಕ್ಕೆ ಕುಸಿದಿದ್ದು, ಒಟ್ಟು 2.10 ಲಕ್ಷ ಮತದಾರರು ಕಡಿತಗೊಂಡಿದ್ದಾರೆ.

ಪ್ರಭಾವಕ್ಕೊಳಗಾದ 10 ಶಾಸಕರ ಕ್ಷೇತ್ರಗಳು:

1. ರಿಜ್ವಾನ್ ಅರ್ಷದ್ (ಶಿವಾಜಿನಗರ)

2. ಎನ್.ಎ. ಹ್ಯಾರಿಸ್ (ಶಾಂತಿನಗರ)

3. ಬಿ.ಜೆಡ್. ಜಮೀರ್ ಅಹಮದ್ ಖಾನ್ (ಚಾಮರಾಜಪೇಟೆ)

4. ಎಚ್.ಎ. ಇಕ್ಬಾಲ್ ಹುಸೇನ್ (ರಾಮನಗರ)

5. ತನ್ವೀರ್ ಸೇಠ್ (ನರಸಿಂಹರಾಜ)

6. ಯು.ಟಿ. ಖಾದರ್ (ಮಂಗಳೂರು)

7. ಯಾಸಿರ್ ಅಹಮದ್ ಖಾನ್ ಪಠಾಣ್ (ಶಿಗ್ಗಾಂವ್)

8. ಆಸಿಫ್ (ರಾಜು) ಸೇಠ್ (ಬೆಳಗಾವಿ ಉತ್ತರ)

9. ರಹೀಂ ಖಾನ್ (ಬೀದರ್)

10. ಕನೀಜ್ ಫಾತಿಮಾ (ಗುಲ್ಬರ್ಗ ಉತ್ತರ)

ವಿಶೇಷ ಪರಿಷ್ಕರಣೆ (SIR) ನಂತರ ಪ್ರಕಟಗೊಂಡಿರುವ ಈ ಹೊಸ ಮತದಾರರ ಪಟ್ಟಿಯ ಲೆಕ್ಕಾಚಾರ ಮುಂಬರುವ ಚುನಾವಣೆಗಳ ಮೇಲೆ ಹಾಗೂ ವಿವಿಧ ರಾಜಕೀಯ ಪಕ್ಷಗಳ ತಂತ್ರಗಾರಿಕೆಯ ಮೇಲೆ ಭಾರಿ ಪರಿಣಾಮ ಬೀರುವ ಸಾಧ್ಯತೆಯಿದೆ.

ನಿಖಿಲ್‌ಗೆ ದೇಗುಲ ಪ್ರವೇಶ ನಿರಾಕರಣೆ: ಹಿಂದಿನ ಆ ಘಟನೆ ನೆನಪಿಸಿ ಕಾಂಗ್ರೆಸ್ ಗೆ ಕುಮಾರಸ್ವಾಮಿ ಎಚ್ಚರಿಕೆ!

Ravi Janekal — Sat, 14 Nov 2026 14:25:30 +0530

ಇಂದು ಕೇಂದ್ರ ಸಚಿವ ಹೆಚ್‌ಡಿ ಕುಮಾರಸ್ವಾಮಿಯವರು ಹಾಸನದ ಹೊಳೆನರಸೀಪುರ ತಾಲ್ಲೂಕಿನ ಮಾವಿನಕೆರೆ ರಂಗನಾಥ ಸ್ವಾಮಿ ದೇಗುಲದಲ್ಲಿ ವಿಶೇಷ ಪೂಜೆ ಸಲ್ಲಿಸಿದರು. ಬಳಿಕ ಮಕ್ಕಳೊಂದಿಗೆ ಕೆಲವೊತ್ತು ಸಮಯ ಕಳೆದರು. ನಿಖಿಲ್ ಕುಮಾರಸ್ವಾಮಿ ಅವರಿಗೆ ದೇಗುಲ ಪ್ರವೇಶ ನಿರಾಕರಿಸಿದ ಘಟನೆ ಬಗ್ಗೆ ಮಹತ್ವದ ಹೇಳಿಕೆ ನೀಡಿದ್ರು.

ಇಂದು ಕೇಂದ್ರ ಸಚಿವ ಹೆಚ್‌ಡಿ ಕುಮಾರಸ್ವಾಮಿಯವರು ಹಾಸನದ ಹೊಳೆನರಸೀಪುರ ತಾಲ್ಲೂಕಿನ ಮಾವಿನಕೆರೆ ರಂಗನಾಥ ಸ್ವಾಮಿ ದೇಗುಲಕ್ಕೆ ಆಗಮಿಸಿ ದರ್ಶನ ಪಡೆದು, ಕುಟುಂಬದವರ ಹೆಸರಲ್ಲಿ ವಿಶೇಷ ಪೂಜೆ ಸಲ್ಲಿಸಿದರು. ಈ ವೇಳೆ ದೇಗುಲದ ಬಳಿಯೇ ಇದ್ದ ನೂರಾರು ಮಕ್ಕಳನ್ನು ಕಂಡು ದೇವರ ದರ್ಶನ ಬಳಿಕ ಮಕ್ಕಳೊಡನೆ ಕೆಲವೊಮ್ಮೆ ಸಮಯ ಕಳೆದರು.

ಮಕ್ಕಳೊಂದಿಗೆ ಫೋಟೋ ತೆಗೆಸಿಕೊಂಡ ಕುಮಾರಸ್ವಾಮಿ

ಇಂದು ಮಕ್ಕಳ ದಿನಾಚರಣೆ ಹಿನ್ನೆಲೆ ಶಾಲಾ ಮಕ್ಕಳಿಗೆ ಶುಭ ಕೋರಿದ ಕುಮಾರಸ್ವಾಮಿಯವರು, ಕೆಲವೊತ್ತು ಮಕ್ಕಳೊಂದಿಗೆ ಸಮಯ ಕಳೆದರು. ಮಕ್ಕಳೊಂದಿಗೆ ಫೋಟೋ ತೆಗೆಸಿಕೊಂಡರು. ಈ ವೇಳೆ ಕುಮಾರಸ್ವಾಮಿಗೆ ನೂರಾರು ಶಾಲಾ ಮಕ್ಕಳು ಜೈಕಾರ ಹಾಕಿದರು.

ಈ ವೇಳೆ ಡಿಕೆ ಶಿವಕುಮಾರ ವಿಚಾರವಾಗಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಕುಮಾರಸ್ವಾಮಿ ಅವರು, ಈಗ ನಾನು ರಾಜಕೀಯ ಬಗ್ಗೆ ಮಾತನಾಡೋಕೆ ಹೋಗೊಲ್ಲ. ಇನ್ನೂ ಸಮಯ ಕೊಡಬೇಕು ಅಂತ ಕೆಲವರು ಹೇಳಿದ್ದಾರೆ. ಈಗಾಗಲೇ ಮೈಸೂರಿನಲ್ಲೂ ಮುಖ್ಯಮಂತ್ರಿಗಳು ಮಾತನಾಡಿದ್ದಾರೆ. ಹೀಗಾಗಿ ನೋಡೋಣ ಮಾತಿಗೂ ಕೃತಿಗೂ ಅವರ ನಡವಳಿಕೆಗೂ ಹೇಗಿರುತ್ತದೆ ಕಾದು ನೋಡೋಣ ಎಂದರು.

ನಿಖಿಲ್ ಕುಮಾರಸ್ವಾಮಿ ದೇಗುಲ ಪ್ರವೇಶ ನಿರಾಕರಿಸಿದ ವಿಚಾರ ಸಂಬಂಧ ಪ್ರತಿಕ್ರಿಯಿಸಿದ ಕೇಂದ್ರ ಸಚಿವರು, ನೆನ್ನೆ ದಿನ ರಾಮನಗರ ಜಿಲ್ಲೆಯಲ್ಲಿ ಒಂದು ಘಟನೆ ನಡೆದಿದೆ. ನಿಖಿಲ್ ಕುಮಾರಸ್ವಾಮಿ ಅವರಿಗೆ ಒಂದು ದೇವಸ್ಥಾನದ ಉದ್ಘಾಟನೆಗೆ ಆಹ್ವಾನ ಕೊಟ್ಟಿದ್ದರು. ಅವರ ಆಹ್ವಾನದ ಮೇರೆಗೆ ನಿಖಿಲ್ ಕುಮಾರಸ್ವಾಮಿ ಅವರು ಬೇಲೂರು ಪಂಚಾಯ್ತಿ ವ್ಯಾಪ್ತಿಗೆ ಬರುವ ಕುರುಬರದೊಡ್ಡಿ ಗ್ರಾಮಕ್ಕೆ ಹೋಗಿದ್ದರು. ಆ ಗ್ರಾಮ ನನಗೆ ಮೊದಲಿನಿಂದಲೂ ಅತ್ಯಂತ ಬೆಂಬಲ ಕೊಟ್ಟಂತಹ ಗ್ರಾಮ ಮತ್ತು ಕ್ಷೇತ್ರ ಅದು.

ನಾನು ಆ ಭಾಗದಲ್ಲಿ ಹಿಂದೆ ಚಾನಾವಣೆಗೆ ನಿಂತಾಗ ದೊಡ್ಡಮಟ್ಟದಲ್ಲಿ ಬಹುಮತ ಕೊಟ್ಟಿದ್ದರು ಅಷ್ಟೇ ಅಲ್ಲ, ನಿರಂತರವಾಗಿ ಬೆಂಬಲ ನೀಡಿದ್ದರು. ಆದರೆ ಇತ್ತೀಚೆಗೆ ಕಾಂಗ್ರೆಸ್ ಬಂದ ಮೇಲೆ ನಮ್ಮ ಕಾರ್ಯಕರ್ತರ ಮೇಲೆ ದಬ್ಬಾಳಿಕೆ ಮಾಡುತ್ತಿದ್ದಾರೆ. ಯಾರು ಜನತಾದಳದವರು ಇದ್ದಾರೆ ಅವರನ್ನು ಭಯಭೀತಗೊಳಿಸುವ ಪ್ರಯತ್ನ ಮಾಡ್ತಿದ್ದಾರೆ. ಅದರ ಭಾಗವಾಗಿ ನಿನ್ನೆ ಈ ಘಟನೆ ನಡೆದಿರೋದು. ಈ ಘಟನೆ ನೋಡಿದರೆ ಭವಿಷ್ಯ ಕಾಂಗ್ರೆಸ್ ಕಾರ್ಯಕರ್ತರ ನಡೆವಳಿಕೆಯೇ ಒಂದು ದೌರ್ಜನ್ಯವೋ, ರೌಡಿತನವೋ ಇದರ ಬಗ್ಗೆ ನಾನು ಏನು ಹೇಳಲು ಹೋಗೋಲ್ಲ.. ರಾಮನಗರದ ಜನರೇ ಮುಂದೆ ಅವರಿಗೆ ಬುದ್ಧಿ ಕಲಿಸುವ ದಿನಗಳು ದೂರವಿಲ್ಲ ಎಂದರು.

ಹಿಂದೆ ಒಂದು ಬಾರಿ ನಾನಿನ್ನೂ ಶಾಸಕ ಆಗಿರಲಿಲ್ಲ. ಆಗ ಹೊಸೂರು ಅನ್ನೋ ಗ್ರಾಮದಲ್ಲಿ ಇದೇ ರೀತಿ ಕಾಂಗ್ರೆಸ್‌ನವರು ದಬ್ಬಾಳಿಕೆ ಮಾಡಿದ್ರು. ದೇವಸ್ಥಾನಕ್ಕೆ ಬೀಗ ಹಾಕಿ ಹೋಗಿದ್ದರು. ನಂತರ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ ನನ್ನನ್ನು 25000ಕ್ಕೂ ಹೆಚ್ಚಿನ ಬಹುಮತ ನೀಡಿ ಗೆಲ್ಲಿಸಿದ್ದರು. ಆ ಘಟನೆಯಿಂದ ಒಂದು ಬದಲಾವಣೆ ತರಲು ಸಾಧ್ಯವಾಯ್ತು. ಆ ಘಟನೆಯನ್ನ ಈಗಲೂ ನೆನಪಿಸಿಕೊಳ್ಳುತ್ತೇನೆ. ಈಗ ನಿಖಿಲ್ ವಿಷಯದಲ್ಲೂ ಅದೇ ರೀತಿ ನಡೆದಿದೆ. ನಿನ್ನೆ ನಡೆದಿರುವ ಘಟನೆಯೂ ಒಂದು ಬದಲಾವಣೆಯ ಪರ್ವಕ್ಕೆ ಮುನ್ನುಡಿ ಅಷ್ಟೇ. ಇದಕ್ಕೆ ಕಾಂಗ್ರೆಸ್ನವರೇ ನಾಂದಿ ಹಾಡಿದ್ದಾರೆ. ಅದಕ್ಕಿಂತ ಹೆಚ್ಚು ಏನೂ ಹೇಳುವುದಿಲ್ಲ ಎಂದರು.

ಮನಮೋಹನ್ ಸಿಂಗ್ ಬದಲು ನಾನೇ ಪ್ರಧಾನಿ ಆಗಬೇಕೆಂದಿದ್ರಾ ಪ್ರಣಬ್ ಮುಖರ್ಜಿ? ಸೋನಿಯಾ ಗಾಂಧಿ ಪುಸ್ತಕದಲ್ಲಿ ಸ್ಫೋಟಕ ವಿಚಾರ ಬಹಿರಂಗ!

Chandrashekar GS — Tue, 10 Nov 2026 13:17:05 +0530

ಪ್ರಧಾನಿಯಾಗುವ ಆಸೆ ವ್ಯಕ್ತಪಡಿಸಿದ್ದರೇ ಪ್ರಣಬ್ ಮುಖರ್ಜಿ? 2010ರ ರಹಸ್ಯ ಮಾತುಕತೆ ಬಿಚ್ಚಿಟ್ಟ ಸೋನಿಯಾ ಗಾಂಧಿ!

ಭಾರತದ ರಾಜಕೀಯ ಇತಿಹಾಸದಲ್ಲಿ ಯುಪಿಎ ಸರ್ಕಾರದ ಅವಧಿ ಹಲವು ಮಹತ್ವದ ಘಟನೆಗಳಿಗೆ ಸಾಕ್ಷಿಯಾಗಿದೆ. ಅದರಲ್ಲೂ ಪ್ರಧಾನಿ ಮನಮೋಹನ್ ಸಿಂಗ್, ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಮತ್ತು ಹಿರಿಯ ನಾಯಕ ಪ್ರಣಬ್ ಮುಖರ್ಜಿ ನಡುವಿನ ರಾಜಕೀಯ ಸಂಬಂಧಗಳು ಆಗಾಗ ಚರ್ಚೆಯಾಗುತ್ತಿದ್ದವು. ಇದೀಗ ಸೋನಿಯಾ ಗಾಂಧಿ ತಮ್ಮ ಹೊಸ ಆತ್ಮಕಥೆಯಲ್ಲಿ ಪ್ರಣಬ್ ಮುಖರ್ಜಿ ಅವರ ಪ್ರಧಾನಿ ಹುದ್ದೆಯ ಆಸೆಯ ಬಗ್ಗೆ ಮಹತ್ವದ ವಿಚಾರವೊಂದನ್ನು ಬಹಿರಂಗಪಡಿಸಿದ್ದಾರೆ.

2010ರಲ್ಲಿ ಪ್ರಣಬ್ ಮುಖರ್ಜಿ ಹೇಳಿದ್ದೇನು?

ಸೋನಿಯಾ ಗಾಂಧಿ ಬರೆದಿರುವ 'Belonging: A Journey of Love' ಎಂಬ ಆತ್ಮಕಥೆ ನವೆಂಬರ್ 10ರಂದು ಬಿಡುಗಡೆಯಾಗಿದೆ. ಈ ಪುಸ್ತಕದಲ್ಲಿ 2010ರಲ್ಲಿ ಪ್ರಣಬ್ ಮುಖರ್ಜಿ ಅವರೊಂದಿಗೆ ನಡೆದ ಮಾತುಕತೆಯೊಂದನ್ನು ಅವರು ನೆನಪಿಸಿಕೊಂಡಿದ್ದಾರೆ.

ಆ ಸಮಯದಲ್ಲಿ ಪ್ರಣಬ್ ಮುಖರ್ಜಿ ಅವರು ಹಣಕಾಸು ಸಚಿವರಾಗಿದ್ದ ಪಿ. ಚಿದಂಬರಂ ಅವರೊಂದಿಗೆ ಗಂಭೀರ ಭಿನ್ನಾಭಿಪ್ರಾಯ ಹೊಂದಿದ್ದರು. ಈ ವಿಚಾರವಾಗಿ ತಮ್ಮ ಅಸಮಾಧಾನ ವ್ಯಕ್ತಪಡಿಸಿದ ಸಂದರ್ಭದಲ್ಲಿ, 'ಮೇಲಿನ ನಾಯಕತ್ವದಲ್ಲಿ ಬದಲಾವಣೆಯಾಗುವ ಸಮಯ ಬಂದಿದೆ' ಎಂಬ ಅರ್ಥ ಬರುವ ಮಾತನ್ನು ಪ್ರಣಬ್ ಮುಖರ್ಜಿ ಹೇಳಿದ್ದರಂತೆ.

ಈ ಮಾತಿನಿಂದ ಸೋನಿಯಾ ಗಾಂಧಿ ಅಚ್ಚರಿಗೊಂಡಿದ್ದರು. ಪ್ರಣಬ್ ಮುಖರ್ಜಿ ಬಹಳ ಹಿಂದಿನಿಂದಲೂ ಪ್ರಧಾನಿಯಾಗುವ ಆಸೆ ಹೊಂದಿದ್ದರು. ಅವರು ಹೇಳಿದ ಮಾತು ತಮ್ಮ ಪ್ರಧಾನಿ ಹುದ್ದೆಯ ಆಕಾಂಕ್ಷೆಯನ್ನು ಪರೋಕ್ಷವಾಗಿ ವ್ಯಕ್ತಪಡಿಸಿದಂತಿತ್ತು ಎಂದು ಸೋನಿಯಾ ತಮ್ಮ ಪುಸ್ತಕದಲ್ಲಿ ಬರೆದುಕೊಂಡಿದ್ದಾರೆ.

ಆದರೆ ಆ ಸಂದರ್ಭದಲ್ಲಿ ಅವರು ವಿಷಯವನ್ನು ನಯವಾಗಿ ಬದಲಾಯಿಸಿದರು. ಇದರಿಂದ ಪ್ರಣಬ್ ಅವರಿಗೆ ಸ್ವಲ್ಪ ನಿರಾಸೆಯಾಗಿರಬಹುದು. ಆದರೂ ಅವರು ತಮ್ಮ ಮೇಲೆ ಅಸಮಾಧಾನ ತೋರಿಸಲಿಲ್ಲ ಎಂದು ಸೋನಿಯಾ ನೆನಪಿಸಿಕೊಂಡಿದ್ದಾರೆ.

ಮನಮೋಹನ್ ಸಿಂಗ್ ಸರ್ಕಾರ, ಸೋನಿಯಾ ಗಾಂಧಿ ಪಕ್ಷದ ಜವಾಬ್ದಾರಿ!

ತಮ್ಮ ಆತ್ಮಕಥೆಯಲ್ಲಿ ಸೋನಿಯಾ ಗಾಂಧಿ ಯುಪಿಎ ಸರ್ಕಾರದ ಅವಧಿಯ ಅಧಿಕಾರ ಹಂಚಿಕೆಯ ಬಗ್ಗೆಯೂ ಸ್ಪಷ್ಟನೆ ನೀಡಿದ್ದಾರೆ. ಸರ್ಕಾರದ ಆಡಳಿತವನ್ನು ಪ್ರಧಾನಿ ಮನಮೋಹನ್ ಸಿಂಗ್ ನಿರ್ವಹಿಸುತ್ತಿದ್ದರು. ಕಾಂಗ್ರೆಸ್ ಪಕ್ಷದ ಜವಾಬ್ದಾರಿಯನ್ನು ತಾವು ನೋಡಿಕೊಳ್ಳುತ್ತಿದ್ದೆವು ಎಂದು ಹೇಳಿದ್ದಾರೆ.

ಪ್ರಧಾನಿಗೆ ತಮ್ಮ ಅಭಿಪ್ರಾಯ ಮತ್ತು ಸಲಹೆಗಳನ್ನು ನೀಡುತ್ತಿದ್ದರೂ, ಅಂತಿಮವಾಗಿ ಅವರ ಸ್ಥಾನಮಾನಕ್ಕೆ ಗೌರವ ನೀಡುವುದು ತಮ್ಮ ಕರ್ತವ್ಯವಾಗಿತ್ತು ಎಂದಿದ್ದಾರೆ. ಸರ್ಕಾರದ ನಿರ್ಧಾರಗಳಲ್ಲಿ ತಾವು ಹಿಂಬದಿಯಿಂದ ಅಧಿಕಾರ ಚಲಾಯಿಸುತ್ತಿದ್ದರು ಎಂಬ ಆರೋಪಗಳನ್ನೂ ಅವರು ತಳ್ಳಿಹಾಕಿದ್ದಾರೆ.

2012ರಲ್ಲಿ ರಾಷ್ಟ್ರಪತಿಯಾದ ಪ್ರಣಬ್ ಮುಖರ್ಜಿ

2012ರಲ್ಲಿ ಕಾಂಗ್ರೆಸ್ ನೇತೃತ್ವದ ಯುಪಿಎ ಮೈತ್ರಿಕೂಟವು ಪ್ರಣಬ್ ಮುಖರ್ಜಿ ಅವರನ್ನು ರಾಷ್ಟ್ರಪತಿ ಚುನಾವಣೆಗೆ ತನ್ನ ಅಭ್ಯರ್ಥಿಯಾಗಿ ಆಯ್ಕೆ ಮಾಡಿತು. ಬಳಿಕ ಅವರು ಭಾರತದ 13ನೇ ರಾಷ್ಟ್ರಪತಿಯಾಗಿ ಆಯ್ಕೆಯಾದರು. ರಾಜಕೀಯದಲ್ಲಿ ಅಪಾರ ಅನುಭವ ಹೊಂದಿದ್ದ ಪ್ರಣಬ್ ಮುಖರ್ಜಿ 2017ರವರೆಗೆ ರಾಷ್ಟ್ರಪತಿಯಾಗಿ ಸೇವೆ ಸಲ್ಲಿಸಿದರು.

ಒಟ್ಟಿನಲ್ಲಿ, ಸೋನಿಯಾ ಗಾಂಧಿ ಅವರ ಆತ್ಮಕಥೆಯಲ್ಲಿನ ಈ ವಿಚಾರಗಳು ಯುಪಿಎ ಆಡಳಿತದ ಒಳಗಿನ ರಾಜಕೀಯ ಸಂಬಂಧಗಳು ಮತ್ತು ಅಧಿಕಾರದ ಸಮೀಕರಣಗಳ ಬಗ್ಗೆ ಹೊಸ ಚರ್ಚೆಗೆ ಕಾರಣವಾಗಿವೆ.

ಪ್ರೊಫೈಲ್ ಡಿಲೀಟ್ ಮಾಡದೇ ಸಿಕ್ಕಿಬಿದ್ರಾ ಜಿರಳೆ ನಾಯಕ ಅಶುತೋಷ್ ರಾಂಕಾ? ಪಾಕ್ ಜೊತೆ ಲಿಂಕ್ ವೈರಲ್

Suchethana D — Tue, 10 Nov 2026 19:08:50 +0530

ದೆಹಲಿ: ಕಾಕ್ರೋಚ್ ಜನತಾ ಪಕ್ಷದ (CJP) ವಿರುದ್ಧ ಮೊದಲಿನಿಂದಲೂ ಬಹುದೊಡ್ಡ ಮಟ್ಟದಲ್ಲಿ ಚರ್ಚೆಗಳು ನಡೆಯುತ್ತಲೇ ಇವೆ. ಅದರಲ್ಲಿಯೂ ಅಮೆರಿಕದಿಂದ ಬೇಕಾದಾಗೆಲ್ಲಾ ಐಷಾರಾಮಿ ಕ್ಲಾಸ್ ವಿಮಾನದಲ್ಲಿ ಲಕ್ಷ ಲಕ್ಷ ಖರ್ಚು ಮಾಡಿ ಭಾರತಕ್ಕೆ ಬಂದು ಪ್ರತಿಭಟಿಸಲು ಹಣ ಎಲ್ಲಿಂದ ಬರುತ್ತದೆ ಎನ್ನುವ ಬಗ್ಗೆ ಇದಾಗಲೇ ವಿವಾದಗಳೂ ಹುಟ್ಟಿಕೊಂಡಿದ್ದು, ನೆರೆಯ ದೇಶಗಳಂತೆ ಭಾರತದಲ್ಲಿಯೂ ಜೆನ್ ಝೀಗಳಿಂದ ಭಾರಿ ಮಟ್ಟದಲ್ಲಿ ಹಿಂಸಾಚಾರ ಕೃತ್ಯ ನಡೆಸುವ ಯೋಜನೆ ರೂಪಿಸಲಾಗುತ್ತಿದೆ. ಇದಕ್ಕೆ ವಿದೇಶಿ ಹಣದ ಹರಿವು ಬರುತ್ತಿದೆ ಎಂದು ಕಾಂಗ್ರೆಸ್ಸೇತರರು ಮೊದಲಿನಿಂದಲೂ ಆರೋಪ ಮಾಡುತ್ತಲೇ ಬಂದಿದ್ದಾರೆ. ಈ ಬಗ್ಗೆ ಜಿರಳೆ ಸಂಸ್ಥಾಪಕ ಅಭಿಜೀತ್ ದೀಪ್ಕೆ ಆಗಾಗ್ಗೆ ವಿಡಿಯೋ ಮಾಡಿ, ವಿದೇಶಿ ಫಂಡ್ ಆರೋಪದ ಬಗ್ಗೆ ಸಮಜಾಯಿಷಿ ಕೊಡುತ್ತಲೇ ಬಂದಿದ್ದಾರೆ.

ಆದರೆ, ಇದೀಗ ಆಘಾತಕಾರಿ ಎನ್ನುವ ಒಂದು ಅಂಶ ಬಯಲುಗೊಂಡಿದೆ. ಕಾಕ್ರೋಚ್ ಜನತಾ ಪಕ್ಷದ (CJP) ವಕ್ತಾರ ಅಶುತೋಷ್ ರಾಂಕಾ ಅವರು ಕೇಂದ್ರ ಸರ್ಕಾರದ ವಿರುದ್ಧದ ಪ್ರತಿಭಟನೆಯಲ್ಲಿ ಪ್ರಮುಖ ಮುಖವಾಗಿ ಹೊರಹೊಮ್ಮಿದ್ದಾರೆ, ನಿಯಮಿತವಾಗಿ ಪ್ರತಿಭಟನೆಗಳು ಮತ್ತು ಸಾರ್ವಜನಿಕ ಅಭಿಯಾನಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಶಿಕ್ಷಣ ಮತ್ತು ಆರೋಗ್ಯದಿಂದ ಆಡಳಿತದವರೆಗಿನ ವಿಷಯಗಳ ಕುರಿತು ಧ್ವನಿಯಾಗಿ ತಮ್ಮನ್ನು ತಾವು ಬಿಂಬಿಸಿಕೊಳ್ಳುತ್ತಾರೆ. ಇವರ ಜಾಡು ಹಿಡಿದು ಹೊರಟವರಿಗೆ ಕೆಲವೊಂದು ವಿಷ್ಯಗಳು ತಿಳಿದಿದೆ ಎನ್ನಲಾಗಿದ್ದು, ಅವುಗಳ ಬಗ್ಗೆ ದೊಡ್ಡ ಮಟ್ಟದಲ್ಲಿ ಚರ್ಚೆಯಾಗುತ್ತಿದೆ.

ಅವರದ್ದೇ ಪ್ರೊಫೈಲ್ನಿಂದ ಬಯಲು?

ಏಕೆಂದರೆ ಅಶುತೋಷ್ ರಾಂಕಾ (CJP Ashutosh Ranka) ಅವರ ವೃತ್ತಿಪರ ಹಿನ್ನೆಲೆಯನ್ನು ಸೂಕ್ಷ್ಮವಾಗಿ ಗಮನಿಸಿದರೆ, ಅಂತರರಾಷ್ಟ್ರೀಯ ಸಾರ್ವಜನಿಕ-ಆರೋಗ್ಯ ಸಂಸ್ಥೆಗಳು, ಜಾಗತಿಕ ಲೋಕೋಪಕಾರಿ ಸಂಸ್ಥೆಗಳ ಮೂಲಕ ಸಾಗುವ ಒಂದು ವಿಶಾಲವಾದ ಜಾಲವನ್ನು ಬಹಿರಂಗಪಡಿಸುತ್ತದೆ ಮತ್ತು ಪಾಕಿಸ್ತಾನದ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಅವರೊಂದಿಗೆ ನಿಕಟವಾಗಿ ಕೆಲಸ ಮಾಡಿದ್ದ ಮಾಜಿ ಪಾಕಿಸ್ತಾನಿ ಸೆನೆಟರ್ ಮತ್ತು ಸಚಿವರ ಜೊತೆ ಲಿಂಕ್ ಇರುವುದು ಕೆಲವೊಂದು ದಾಖಲೆಗಳಿಂದ ಬಹಿರಂಗಗೊಂಡಿದೆ. ಪಾಕಿಸ್ತಾನದ ಜಾಗತಿಕ ಲಸಿಕಾ ಒಕ್ಕೂಟ 'ಗವಿ' ಜೊತೆ ರಾಂಕಾ ಲಿಂಕ್ ಇರುವುದು ತಿಳಿದಿದೆ ಎನ್ನಲಾಗಿದೆ.

ಪಾಕ್ನ 'ಗವಿ' ಜೊತೆ ಲಿಂಕ್

ಅಶುತೋಷ್ ರಾಂಕಾ ಅವರ ವೃತ್ತಿಪರ ಪ್ರೊಫೈಲ್ ಚೆಕ್ ಮಾಡಿರುವವರು, ಅವರು ಮೇ 2021 ರಿಂದ ಜುಲೈ 2022 ರವರೆಗೆ ಗವಿ, ಲಸಿಕೆ ಒಕ್ಕೂಟದೊಂದಿಗೆ ಕೆಲಸ ಮಾಡಿದ್ದಾರೆ ಎಂದು ತೋರಿಸುತ್ತದೆ. ಅವರು ಅಕ್ಟೋಬರ್ 2024 ರಲ್ಲಿ ಸ್ವತಂತ್ರ, ಅರೆಕಾಲಿಕ ಸಲಹೆಗಾರರಾಗಿ ಸಂಸ್ಥೆಯಲ್ಲಿ ಕೆಲಸ ಮಾಡಿದ್ದಾರೆ. ಸೆಪ್ಟೆಂಬರ್ 2025 ರವರೆಗೆ ಅವರು ಈ ಹುದ್ದೆಯನ್ನು ಹೊಂದಿದ್ದರು. ಅಕ್ಟೋಬರ್ 2024 ರ ಹೊತ್ತಿಗೆ, 'ಗವಿ'ಯ ನೇತೃತ್ವ ವಹಿಸಿದ್ದರು, ಅವರು ಮಾರ್ಚ್ 18, 2024 ರಂದು ಸಂಸ್ಥೆಯ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ ಅಧಿಕಾರ ವಹಿಸಿಕೊಂಡಿದ್ದರು. ನಿಶ್ತಾರ್ ಎನ್ನುವವರು ಈ ಹುದ್ದೆಯಲ್ಲಿ ರಾಂಕಾಗೆ ನಿಡಿದ್ದರು. ನಿಶ್ತಾರ್ ಅವರು, ಪಾಕಿಸ್ತಾನಿ ಸೆನೆಟರ್ ಆಗಿದ್ದವರು ಮತ್ತು ದೇಶದ ಫೆಡರಲ್ ಸರ್ಕಾರದಲ್ಲಿ ಸಚಿವ-ಶ್ರೇಣಿಯ ಸ್ಥಾನವನ್ನು ಹೊಂದಿದ್ದವರು.

2018 ರಿಂದ 2022 ರವರೆಗೆ, ಅವರು ಆಗಿನ ಪ್ರಧಾನಿ ಇಮ್ರಾನ್ ಖಾನ್ ಅವರಿಗೆ ಸಾಮಾಜಿಕ ರಕ್ಷಣೆ ಮತ್ತು ಬಡತನ ನಿರ್ಮೂಲನೆ ಕುರಿತು ವಿಶೇಷ ಸಹಾಯಕರಾಗಿ, ಫೆಡರಲ್ ಸಚಿವರ ಸ್ಥಾನಮಾನದೊಂದಿಗೆ ಸೇವೆ ಸಲ್ಲಿಸಿದರು. ಅವರು ಈ ಹಿಂದೆ 2013 ರಲ್ಲಿ ಪಾಕಿಸ್ತಾನದ ಉಸ್ತುವಾರಿ ಸರ್ಕಾರದ ಅವಧಿಯಲ್ಲಿ ಫೆಡರಲ್ ಸಚಿವರಾಗಿ ಸೇವೆ ಸಲ್ಲಿಸಿದ್ದರು. ಹೀಗಾಗಿ, ಅಕ್ಟೋಬರ್ 2024 ರಲ್ಲಿ ರಂಕಾ ಅವರು ಗವಿಗೆ ಅರೆಕಾಲಿಕ ಸಲಹೆಗಾರರಾಗಿ ಮರಳಿದಾಗ, ಪಾಕಿಸ್ತಾನದ ರಾಜಕೀಯ ಸ್ಥಾಪನೆಯ ಮಾಜಿ ಹಿರಿಯ ವ್ಯಕ್ತಿಯೊಬ್ಬರು ಸಂಘಟನೆಯ ನೇತೃತ್ವ ವಹಿಸಿದ್ದರು. ಆ ಅಂಶವು ರಂಕಾ ಮತ್ತು ನಿಶ್ತಾರ್ ನಡುವೆ ನೇರ ಸಂಬಂಧವನ್ನು ಸ್ಥಾಪಿಸುವುದಿಲ್ಲ, ಅಥವಾ ಅವರು ವೈಯಕ್ತಿಕವಾಗಿ ಅವರನ್ನು ನೇಮಿಸಿಕೊಂಡರು ಅಥವಾ ಮೇಲ್ವಿಚಾರಣೆ ಮಾಡಿದರು ಎಂಬುದಕ್ಕೆ ಯಾವುದೇ ಪುರಾವೆಗಳಿಲ್ಲ. ಆದರೆ ರಾಂಕಾ ಕಾರ್ಯನಿರ್ವಹಿಸುತ್ತಿದ್ದ ವೃತ್ತಿಪರ ಜಾಲವನ್ನು ಪರಿಶೀಲಿಸುವಾಗ ಕಾಲಾನುಕ್ರಮವು ಅಂದರೆ ಅಲ್ಲಿ ಉಲ್ಲೇಖವಾಗಿರುವ ಅವಧಿಯು ಮುಖ್ಯವಾಗಿದೆ.

ಸಾನಿಯಾ ನಿಶ್ತಾರ್ ಮತ್ತು ಇಮ್ರಾನ್ ಖಾನ್ ಸರ್ಕಾರ

ಇಮ್ರಾನ್ ಖಾನ್ ಅವರ ಅಡಿಯಲ್ಲಿ ಪಾಕಿಸ್ತಾನದಲ್ಲಿ ನಿಶ್ತಾರ್ ಅವರ ಪಾತ್ರ ಗಣನೀಯವಾಗಿತ್ತು. 2020 ರ ಟೆಲಿಗ್ರಾಫ್ ಪ್ರೊಫೈಲ್ ಅವರನ್ನು ಖಾನ್ ಅವರ ಸಾಮಾಜಿಕ ರಕ್ಷಣೆ ಮತ್ತು ಬಡತನ ನಿರ್ಮೂಲನೆ ಕುರಿತು ವಿಶೇಷ ಸಲಹೆಗಾರ ಎಂದು ವಿವರಿಸಿದೆ ಮತ್ತು ಇಮ್ರಾನ್ ನೇತೃತ್ವದ ಪಿಟಿಐ ಸರ್ಕಾರದ ಪ್ರಮುಖ ಸಾಮಾಜಿಕ ರಕ್ಷಣಾ ಕಾರ್ಯಕ್ರಮವಾದ ಎಹ್ಸಾಸ್ ಅನ್ನು ನಿರ್ಮಿಸುವ ಕಾರ್ಯವನ್ನು ವಹಿಸಿಕೊಂಡ ವ್ಯಕ್ತಿ ಎಂದು ಗುರುತಿಸಿದೆ. ಈ ಕಾರ್ಯಕ್ರಮವು ಇಮ್ರಾನ್ ಖಾನ್ ಅವರ ರಾಜಕೀಯ ದೃಷ್ಟಿಕೋನದೊಂದಿಗೆ ನಿಕಟ ಸಂಬಂಧ ಹೊಂದಿದೆ. 2018 ರ ಚುನಾವಣಾ ಗೆಲುವಿನ ನಂತರ, ಇಮ್ರಾನ್ ಖಾನ್ ಬಡತನ, ಶಿಕ್ಷಣ, ಅಪೌಷ್ಟಿಕತೆ ಮತ್ತು ಸಾಮಾಜಿಕ ರಕ್ಷಣೆಯ ಬಗ್ಗೆ ವ್ಯಾಪಕವಾಗಿ ಮಾತನಾಡಿದ್ದರು, ದುರ್ಬಲ ವರ್ಗಗಳ ಜವಾಬ್ದಾರಿಯನ್ನು ತೆಗೆದುಕೊಳ್ಳುವ ಕಲ್ಯಾಣ ರಾಜ್ಯದ ಕಲ್ಪನೆಯನ್ನು ಪ್ರಸ್ತಾಪಿಸಿದ್ದರು.

ರಾಂಕಾ, 'ಗವಿ'ಗಾಗಿ ಕೆಲಸ ಮಾಡುತ್ತಿದ್ದರು ಮತ್ತು ಭಾರತದಲ್ಲಿ AAP ಪಕ್ಷದೊಂದಿಗೆ ಸಕ್ರಿಯವಾಗಿ ಸಂಬಂಧ ಹೊಂದಿದ್ದರು. ರಾಂಕಾ ಅವರ ರಾಜಕೀಯ ಚಟುವಟಿಕೆಯ ಜೊತೆಗೆ 'ಗವಿ' ಸಂಪರ್ಕವನ್ನು ನೋಡಿದಾಗ ಅದು ಇನ್ನಷ್ಟು ಆಸಕ್ತಿದಾಯಕವಾಗುತ್ತದೆ. ಅವರ ವೃತ್ತಿಪರ ಪ್ರೊಫೈಲ್ ಅಕ್ಟೋಬರ್ 2024 ರಿಂದ ಸೆಪ್ಟೆಂಬರ್ 2025 ರವರೆಗೆ ನಡೆಯುವ ಅರೆಕಾಲಿಕ ಸ್ವತಂತ್ರ ಸಲಹಾ ಸಂಸ್ಥೆಯಾಗಿ ಅವರ ಎರಡನೇ 'ಗವಿ' ಅವಧಿಯನ್ನು ಗುರುತಿಸುತ್ತದೆ. ಇದೇ ಅವಧಿಯಲ್ಲಿ, ಅವರ ಇನ್‌ಸ್ಟಾಗ್ರಾಮ್ ಖಾತೆಯು ಆಮ್ ಆದ್ಮಿ ಪಕ್ಷ ಮತ್ತು ಅದರ ನಾಯಕತ್ವದೊಂದಿಗೆ ಸಕ್ರಿಯ ಸಂಬಂಧವನ್ನು ತೋರಿಸುತ್ತದೆ.

ಫೆಬ್ರವರಿ 20, 2025 ರಂದು ಪ್ರಕಟವಾದ ಪೋಸ್ಟ್‌ನಲ್ಲಿ, ರಾಂಕಾ ಅವರು ಎಎಪಿ ನಾಯಕ ಮತ್ತು ದೆಹಲಿಯ ಮಾಜಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರೊಂದಿಗೆ ಪೋಸ್ ನೀಡುತ್ತಿರುವುದನ್ನು ತೋರಿಸಲಾಗಿದೆ. ಇದರ ಜೊತೆಗಿನ ಶೀರ್ಷಿಕೆಯಲ್ಲಿ, ರಾಂಕಾ ಅವರು ಕೇಜ್ರಿವಾಲ್ ಅವರನ್ನು "ಬೇರೆ ಯಾರಂತೆಯೂ ನನಗೆ ಸ್ಫೂರ್ತಿ ನೀಡಿದ" ವ್ಯಕ್ತಿ ಎಂದು ಬಣ್ಣಿಸಿದ್ದಾರೆ.

ಮೋದಿ ಬೇರೆ ನಾಯಕರಂತೆ ಅಲ್ಲ; ನನ್ನ ಕಣ್ಣಲ್ಲಿ ಕಣ್ಣಿಟ್ಟು ನೋಡುವುದಿಲ್ಲ: ಸೋನಿಯಾ ಗಾಂಧಿ ರಿವೀಲ್ ಮಾಡಿದ್ದೇನು

Suchethana D — Tue, 10 Nov 2026 17:13:14 +0530

ದೆಹಲಿ: ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಅವರ "ಬಿಲಾಂಗಿಂಗ್: ಎ ಜರ್ನಿ ಆಫ್ ಲವ್" ಪುಸ್ತಕ (Belonging a journey of love) ಇಂದು ಬಿಡುಗಡೆಯಾಗಿದೆ. ಇದರಲ್ಲಿ ಸೋನಿಯಾ ಅವರು ತಮ್ಮ ಜೀವನದ ಹಲವಾರು ಅಂಶಗಳನ್ನು ಬರೆದಿದ್ದಾರೆ. ತಮ್ಮ ಮತ್ತು ರಾಜೀವ್ ಗಾಂಧಿ ಅವರ ಪ್ರೇಮ ಪ್ರಸಂಗದಿಂದ ಹಿಡಿದು, ಇತ್ತೀಚಿನ ಘಟನೆಗಳನ್ನೆಲ್ಲಾ ಈ ಪುಸ್ತಕದಲ್ಲಿ ದಾಖಲಿಸಿದ್ದಾರೆ. ಹಾರ್ಪರ್‌ಕಾಲಿನ್ಸ್ ಇಂಡಿಯಾ ಪ್ರಕಟಿಸಿದ ಪುಸ್ತಕವು ಇಂದು ಬಿಡುಗಡೆಗೆ ಬಂದಿದ್ದು, ಅದರಲ್ಲಿ ಸೋನಿಯಾ ಗಾಂಧಿ (Sonia Gandhi) ಅವರು ಪ್ರಧಾನಿ ನರೇಂದ್ರ ಮೋದಿ ಅವರ ಬಗ್ಗೆಯೂ ಬರೆದಿರುವ ಭಾಗ ಇದೀಗ ವೈರಲ್ ಆಗುತ್ತಿದೆ. ಸೋನಿಯಾ ಗಾಂಧಿ ಅವರು, ತಾವು ಮತ್ತು ಪ್ರಧಾನಿ ನರೇಂದ್ರ ಮೋದಿ ಅವರು ಭಾರತದ ಬಗ್ಗೆ ಸಂಪೂರ್ಣವಾಗಿ ವಿಭಿನ್ನ ದೃಷ್ಟಿಕೋನಗಳನ್ನು ಹೊಂದಿದ್ದೇವೆ ಎಂದು ಹೇಳಿದ್ದಾರೆ. ತಾವಿಬ್ಬರೂ ಭೇಟಿಯಾದಾಗ ಮೋದಿ ಅವರು, ತಮ್ಮ ಕಣ್ಣಿನಲ್ಲಿ ಕಣ್ಣಿಟ್ಟು ಮಾತನಾಡುವುದಿಲ್ಲ ಎಂದಿದ್ದಾರೆ.

ನಮ್ಮಿಬ್ಬರ ನಡುವಿನ ವ್ಯತ್ಯಾಸಗಳು ವೈಯಕ್ತಿಕವಲ್ಲ, ಆದರೆ ಸೈದ್ಧಾಂತಿಕ ಎಂದು ಸೋನಿಯಾ ಗಾಂಧಿ ಹೇಳಿದ್ದಾರೆ. ಪ್ರಧಾನಿ ಮೋದಿ ಅವರೊಂದಿಗೆ ಇದುವರೆಗೆ ನಾನು ಯಾವುದೇ ನೇರ ಸಂಪರ್ಕ ಹೊಂದಿಲ್ಲ. ಔಪಚಾರಿಕ ಸಭೆಗಳು ಮತ್ತು ಸಾಂದರ್ಭಿಕ ಸಂಕ್ಷಿಪ್ತ ಸಂಭಾಷಣೆಗಳನ್ನು ಹೊರತುಪಡಿಸಿ, ಹೆಚ್ಚು ಸಂವಹನ ನಡೆಸಿಲ್ಲ ಎಂದಿರುವ ಸೋನಿಯಾ, ತಾವಿಬ್ಬರೂ ಹೆಚ್ಚಾಗಿ ಸಂಸತ್ತಿನ ಪ್ರತಿ ಅಧಿವೇಶನದ ನಂತರ ಸ್ಪೀಕರ್ ಕೊಠಡಿಯಲ್ಲಿ ನಡೆಯುವ ಸಭೆ ಸೇರಿದಂತೆ ಔಪಚಾರಿಕ ಸಂಸದೀಯ ಕಾರ್ಯಕ್ರಮಗಳಲ್ಲಿ ಭೇಟಿಯಾಗುವುದಾಗಿ ತಿಳಿಸಿದ್ದಾರೆ. ಈ ಸಂದರ್ಭದಲ್ಲಿ ಎಲ್ಲಾ ಪ್ರಮುಖ ರಾಜಕೀಯ ಪಕ್ಷಗಳ ನಾಯಕರು ಈ ಸಭೆಯಲ್ಲಿ ಹಾಜರಿರುತ್ತಾರೆ ಎಂದಿರುವ ಅವರು, "ಇದು ಸಾಮಾನ್ಯವಾಗಿ ಅನೇಕ ಜನರು ಇರುವ ಒಂದು ಸಣ್ಣ ಕೋಣೆ. ಪ್ರಧಾನಿ ಮೋದಿ ನನ್ನ ಮುಂದೆ ಬಂದಾಗ, ನಾವು ಔಪಚಾರಿಕವಾಗಿ ನಮಸ್ತೆಯೊಂದಿಗೆ ಪರಸ್ಪರ ಸ್ವಾಗತಿಸುತ್ತೇವೆ. ಹಿಂದೆ, ವಿವಿಧ ರಾಜಕೀಯ ಪಕ್ಷಗಳ ನಾಯಕರು ನನ್ನ ಜೊತೆ ಉತ್ತಮ ಸಂಬಂಧ ಹೊಂದಿದ್ದರು ಮತ್ತು ಸುಲಭವಾಗಿ ಭೇಟಿಯಾಗುತ್ತಿದ್ದರು. ನೇರವಾಗಿ ಕಣ್ಣಿನಲ್ಲಿ ಕಣ್ಣಿಟ್ಟು ಮಾತನಾಡುತ್ತಿದ್ದರು. ಆದರೆ ಮೋದಿ ಅವರು ನನ್ನೊಂದಿಗೆ ಕಣ್ಣಿನ ಸಂಪರ್ಕವನ್ನು ತಪ್ಪಿಸಿ ಮಾತನಾಡುತ್ತಾರೆ" ಎಂದಿದ್ದಾರೆ.

ಆರೋಗ್ಯದ ಬಗ್ಗೆ ಮೋದಿ ವಿಚಾರಣೆ

ಆಸ್ಪತ್ರೆಯಿಂದ ಹಿಂದಿರುಗಿದ ನಂತರ, ಪ್ರಧಾನಿ ಮೋದಿ ಸಾಂದರ್ಭಿಕವಾಗಿ ತಮ್ಮ ಆರೋಗ್ಯದ ಬಗ್ಗೆ ವಿಚಾರಿಸುತ್ತಿದ್ದರು ಎಂದು ಸೋನಿಯಾ ಗಾಂಧಿ ಹೇಳಿದ್ದಾರೆ. ಅವರು ನಡೆಸಿದ ಇತರ ಸಂಭಾಷಣೆಗಳು ಹುಟ್ಟುಹಬ್ಬ ಮತ್ತು ಹೊಸ ವರ್ಷದ ಶುಭಾಶಯಗಳ ಸಮಯದಲ್ಲಿ ಮಾತ್ರ ಎಂಬ ವಿಷ್ಯವನ್ನೂ ರಿವೀಲ್ ಮಾಡಿದ್ದಾರೆ. ಪ್ರಧಾನಿಯಾಗಿ ನರೇಂದ್ರ ಮೋದಿ ಅವರು, 12 ವರ್ಷಗಳಿಗೂ ಹೆಚ್ಚು ಕಾಲ ಭಾರತದ ಪ್ರಧಾನಿಯಾಗಿದ್ದಾರೆ ಮತ್ತು ಮೂರನೇ ಬಾರಿಗೆ ಅಧಿಕಾರದಲ್ಲಿದ್ದಾರೆ. ಇದರ ಹೊರತಾಗಿಯೂ, ತಾವು ಪ್ರಧಾನಿಯೊಂದಿಗೆ ನಿಜವಾದ ಸಂಪರ್ಕವನ್ನು ಹೊಂದಿಲ್ಲ ಎಂದಿದ್ದಾರೆ.

ಸೈದ್ಧಾಂತಿಕ ಭಿನ್ನಾಭಿಪ್ರಾಯ

ಪ್ರಧಾನಿ ಮೋದಿ ಅವರೊಂದಿಗಿನ ತಮ್ಮ ಸೈದ್ಧಾಂತಿಕ ಭಿನ್ನಾಭಿಪ್ರಾಯಗಳನ್ನು ಸೋನಿಯಾ ಗಾಂಧಿ ಕೂಡ ಪ್ರಸ್ತಾಪಿಸಿದರು. ಅವರು ವಿಭಿನ್ನ ಸೈದ್ಧಾಂತಿಕ ಲೋಕಗಳಿಂದ ಬಂದವರು ಮತ್ತು ಪ್ರಧಾನಿ ಮೋದಿ ಅವರ ಭಾರತದ ದೃಷ್ಟಿಕೋನವು ಅವರಿಗಿಂತ ಸಂಪೂರ್ಣವಾಗಿ ಭಿನ್ನವಾಗಿದೆ ಎಂದು ಅವರು ಬರೆದಿದ್ದಾರೆ. "ಭಾರತದ ಬಗ್ಗೆ ನಾನು ಕಲಿತದ್ದು ನನ್ನ ಕುಟುಂಬ ಸದಸ್ಯರು, ಅವರ ಸೇವಾ ಜೀವನ ಮತ್ತು ಅನೇಕ ಜನಾಂಗಗಳು, ಸಂಸ್ಕೃತಿಗಳು, ಭಾಷೆಗಳು ಮತ್ತು ನಂಬಿಕೆಗಳ ಜನರನ್ನು ಒಳಗೊಂಡ ರಾಷ್ಟ್ರದ ಮೇಲಿನ ಅವರ ನಂಬಿಕೆಯಿಂದ ಬಂದಿದೆ. ಇದು ಎಲ್ಲರಿಗೂ ಸ್ವಾತಂತ್ರ್ಯ ಮತ್ತು ಸಮಾನತೆಯ ತತ್ವಗಳನ್ನು ಆಧರಿಸಿದೆ" ಎಂದು ಅವರು ಬರೆದಿದ್ದಾರೆ. ಭಾರತದ ಬಗ್ಗೆ ನರೇಂದ್ರ ಮೋದಿಯವರ ದೃಷ್ಟಿಕೋನವು ಆರ್‌ಎಸ್‌ಎಸ್ ಸಿದ್ಧಾಂತಗಳು ಮತ್ತು ಅವರ ಸ್ವಂತ ಬಾಲ್ಯದ ಅನುಭವಗಳಿಂದ ರೂಪುಗೊಂಡಿದೆ ಎಂದು ಸೋನಿಯಾ ಗಾಂಧಿ ಬರೆದಿದ್ದಾರೆ.

ಬಾಬ್ರಿ ಮಸೀದಿ ಉರುಳಿದಾಗ ಅಲ್ಲ; ಅಬ್ದುಲ್ ಕಲಾಂರ ಆ ಮಾತಿನಿಂದ ಸೋನಿಯಾ ಗಾಂಧಿಗೆ ನಿಜವಾಗಿಯೂ ಕಣ್ಣೀರು ಬಂದಿತ್ತು; ಛಲವಾದಿ ಹೇಳಿಕೆ ಸಂಚಲನ

Ravi Janekal — Wed, 11 Nov 2026 15:03:11 +0530

ಬೆಂಗಳೂರು (ನ.11): ರಾಜ್ಯದಲ್ಲಿ ಗಾಳಿಯೊಂದು ಬಿಟ್ಟರೆ ಎಲ್ಲದರ ಬೆಲೆ ಹೆಚ್ಚಾಗಿದೆ. ಇದರಿಂದ ರಾಜ್ಯಸರ್ಕಾರದ ವಿರುದ್ಧ ಜನಾಕ್ರೋಶ ಹೆಚ್ಚುತ್ತಿದೆ. ಜನರ ಸಂಕಷ್ಟಕ್ಕೆ ಸ್ಪಂದಿಸಿ ನಾವು ಬೆಲೆ ಏರಿಕೆ ವಿರುದ್ಧ ಹೋರಾಟ ಮಾಡುತ್ತಿದ್ದೇವೆ ಎಂದು ವಿಪಕ್ಷ ನಾಯಕ ಛಲವಾದಿ ನಾರಾಯಣಸ್ವಾಮಿ ಹೇಳಿದರು.

ಬೆಲೆ ಏರಿಕೆ ವಿರೋಧಿಸಿ ಬೆಂಗಳೂರು ನಗರದ ಫ್ರೀಡಂ ಪಾರ್ಕ್‌ನಲ್ಲಿ ನಡೆಯುತ್ತಿದೆ. ಇವತ್ತು ರಾಜ್ಯದಲ್ಲಿ ಎಲ್ಲದರ ಬೆಲೆ ಏರಿಕೆಯಾಗಿದೆ, ಯಾವುದನ್ನೂ ಬಿಡದೆ ಎಲ್ಲವನ್ನೂ ಹೆಚ್ಚಿಸಿದ್ದಾರೆ. ಬೆಲೆ ಏರಿಕೆ ಮಾಡಿ ಬಡಜನರ ಮೇಲೆ ಹೊರೆ ಹಾಕಿದ್ದಾರೆ. ಇನ್ನು ಒಂದು ವರ್ಷ ಎಷ್ಟು ಸಾಧ್ಯವೋ ಅಷ್ಟು ಜನರ ಮೇಲೆ ತೆರಿಗೆ ಹೊರೆ ಹಾಕಿ ಕಳೆಯಬೇಕು ಅಂತಾ ಸರ್ಕಾರ ಮುಂದಾಗಿದೆ. ಮೊದಲು 'ಎಲ್ಲಿಗೂ ಹೋದ್ರೂ ಬಸ್ ಫ್ರೀ' ಅಂದ್ರು ಈಗ ಎಲ್ಲದಕ್ಕೂ ಕತ್ತರಿ ಹಾಕ್ತಿದ್ದಾರೆ. ಹತ್ತು ಕೆಜಿ ಅಕ್ಕಿ ಫ್ರೀ ಅಂದ್ರು ಇವತ್ತು ಜನರಿಗೆ ಕೊಡ್ತಿರೋದು ಪ್ರಧಾನಿ ಮೋದಿ ಅವರು ಕೊಟ್ಟಿರುವ 5ಕೆಜಿ ಅಕ್ಕಿ. ಈ ಸರ್ಕಾರ ಮೊದಲು ಹೇಳಿದಂತೆ ಹತ್ತು ಕೆಜಿ ಕೊಡದೆ ಜನರಿಗೆ ಮೋಸ ಮಾಡಿದೆ, ಒಂದು ಬೊಗಸೆ ಅಕ್ಕಿನೂ ಕೊಡ್ತಿಲ್ಲ. ಕೊಡ್ತಿರೋದು ಈಗ ಪ್ರಧಾನಿ ಮೋದಿ ಕೊಟ್ಟಿರುವ ಅಕ್ಕಿ. ಯುವಕರಿಗೆ ಏನೋ ದೊಡ್ಡ ಯೋಜನೆ ತಂದರು ಅನ್ನೋ ರೀತಿ ಚುನಾವಣೆ ಟೈಂನಲ್ಲಿ ಬಿಲ್ಡಪ್ ತಗೊಂಡು ಯುವನಿಧಿ ಯೋಜನೆ ಮಾಡಿದ್ರು. ಅದು ಯಾರಿಗೆ ತಲುಪಿದೆ? ಅದು ಜಾರಿ ಆಯ್ತೋ ಇಲ್ವೋ ಯಾರಿಗೂ ಗೊತ್ತಿಲ್ಲ ಎಂದು ವಾಗ್ದಾಳಿ ನಡೆಸಿದರು.

ಕಾಂಗ್ರೆಸ್ ಅಂದ್ರೆ ಬರಿ ಬುಟ್ಟಿ ಬೇವಿನ ಸೊಪ್ಪು

ಗೃಹಲಕ್ಷ್ಮಿ ಹೆಸರಲ್ಲಿ ನಾಡಿನ ತಾಯಂದಿರನ್ನು ಭಿಕ್ಷುರನ್ನಾಗಿ ಮಾಡಿದ್ರು. ಗೃಹಲಕ್ಷ್ಮಿ ಯೋಜನೆಯಲ್ಲಿ ಮನೆಯೊಡತಿಗೆ ಎರಡು ಸಾವಿರ ಅಂದ್ರು. ಇವತ್ತು ಯಾರಿಗೂ ಹಣ ಸಿಗ್ತಿಲ್ಲ. ಕೇಳಿದ್ರೆ ಸರ್ಕಾರದಲ್ಲಿ ಹಣ ಇಲ್ಲ ಅನ್ನುತ್ತಾರೆ. ಗ್ಯಾರಂಟಿ ಹೆಸರಲ್ಲಿ ಜನರನ್ನು ನಂಬಿಸಿ, ಚುನಾವಣೆಯಲ್ಲಿ ವೋಟು ಹಾಕಿಸಿಕೊಂಡು ಈಗ ಕಾಂಗ್ರೆಸ್ ಜನರಿಗೆ ಮೋಸ ಮಾಡುತ್ತಿದೆ ಅಷ್ಟೇ ಅಲ್ಲದೆ ಎಲ್ಲ ವಸ್ತುಗಳ ದರ ಹೆಚ್ಚಿಸಿ ಬಡಜನರ ಕಿಸೆಗೆ ಕೈಹಾಕಿದೆ ಎಂದು ಕಾಂಗ್ರೆಸ್ ವಿರುದ್ಧ ಹರಿಹಾಯ್ದರು.

ಕಾಂಗ್ರೆಸ್ ಸರ್ಕಾರ, ಬರೀ ವೋಟ್ ಚೋರಿ ಅನ್ನುತ್ತಾರೆ. ಆದ್ರೆ ಇವಾಗ ಮಾಡ್ತಿರೋದೇನು? ಗ್ಯಾರಂಟಿ ಹೆಸರಲ್ಲಿ ಚೋರಿ ಮಾಡುತ್ತಿದ್ದೀರಿ. ಬರೀ ವೋಟ್ ಚೋರಿ ಅನ್ನುತ್ತಿದ್ದೀರಿ ಕಾಂಗ್ರೆಸ್ ಇವಾಗ ಗ್ಯಾರಂಟಿ ಚೋರಿ ಮಾಡುತ್ತಿದ್ದೀರಿ. ಕಾಂಗ್ರೆಸ್ ಅಂದ್ರೆ ಬರೀ ಬುಟ್ಟಿನ ಸೊಪ್ಪು ಇದ್ದಹಾಗೆ. ಮುಂದಿನ ಚುನಾವಣೆಯಲ್ಲಿ ಕಾಂಗ್ರೆಸ್‌ ಜನರ ಬಳಿ ವೋಟ್ ಕೇಳೋಕೆ ಹೋಗ್ಲಿ ಬಹಳ ಕಷ್ಟ ಇದೆ. ಕಾಂಗ್ರೆಸ್ ಸರ್ಕಾರದ ಮೋಸದಾಟಕ್ಕೆ ರಾಜ್ಯದ ಜನರು ರೋಸಿಹೋಗಿದ್ದಾರೆ. ಈ ಸರ್ಕಾರದ ವಿರುದ್ಧ ದಿನೇದಿನೆ ಜನಾಕ್ರೋಶ ಹೆಚ್ಚಾಗುತ್ತಿದೆ. ಇಡೀ ರಾಜ್ಯ ಬರಗಾಲ ಬಂದು ರೈತರು ಸಂಕಷ್ಟಕ್ಕೆ ಸಿಲುಕಿದ್ದರೂ ಪರಿಹಾರ ಕೊಡೋಕೆ ಸರ್ಕಾರಕ್ಕೆ ಆಗುತ್ತಿಲ್ಲ. ಲಕ್ಷಾಂತರ ರೂಪಾಯಿ ಸಾಲ ಮಾಡಿ ರೈತರು ಕೃಷಿ ಮಾಡಿರುತ್ತಾರೆ. ಅಂತ ರೈತರಿಗೆ ಬರಪರಿಹಾರ ಅಂತಾ ಇವರು ಕೊಡೋ 2500 ಭಿಕ್ಷೆ ನೀಡಿದಾಗ, ಈ ಹಣಕ್ಕೆ ತಿಂಗಳಾನುಗಟ್ಟಲೇ ಅಲೆದಾಡಬೇಕಾ? ಕೊಡೋಕೂ ಆಗುತ್ತಿಲ್ಲ. ಅಷ್ಟು ಹಣನೂ ಸರಿಯಾಗಿಲ್ಲ ಹಾಕಿಲ್ಲ. ಒಬ್ಬರಿಗೂ 300, ಇನ್ನೊಬ್ಬರಿಗೆ 400-700-2000 ರೂಪಾಯಿ ಹಾಕ್ತಿರೋ ಈ ಸರ್ಕಾರಕ್ಕೆ ಜನರು ರೈತರು ಮುಂದಿನ ಚುನಾವಣೆಯಲ್ಲಿ ತಕ್ಕ ಪಾಠ ಕಲಿಸುತ್ತಾರೆ ಎಂದರು.

ಪುಲ್ವಾಮದಲ್ಲಿ ಬ್ಲಾಸ್ ಆದಾಗ ಬಾರದ ಕಣ್ಣೀರು ಬಾಬ್ರಿ ಮಸೀದಿ ಕೆಡವಿದಾಗ ಬಂತು!

ಇನ್ನು ಸೋನಿಯಾ ಗಾಂಧಿ ಅವರ ಆತ್ಮಕಥೆ ಬಿಲಾಂಗಿಂಗ್: ಎ ಜರ್ನಿ ಆಫ್ ಲವ್ ನಲ್ಲಿ 'ಬಾಬರಿ ಮಸೀದಿ ಉರುಳಿಸಿದಾಗ ಕಣ್ಣೀರು ಬಂದಿತ್ತು' ಎಂಬ ಸೋನಿಯಾ ಹೇಳಿಕೆಯೊಂದು ಇದೀಗ ರಾಜಕೀಯವಾಗಿ ಬಿರುಗಾಳಿ ಎಬ್ಬಿಸಿದೆ. ಈ ಹೇಳಿಕೆ ಉಲ್ಲೇಖಿಸಿದ ಛಲವಾದಿ ನಾರಾಯಣಸ್ವಾಮಿ ಅವರು, ಪುಲ್ವಾಮಾದಲ್ಲಿ ಭಯೋತ್ಪಾದಕರ ದಾಳಿಯಲ್ಲಿ ಸೈನಿಕರು ಹುತಾತ್ಮಕರಾದಾಗ ಕಣ್ಣೀರು ಹಾಕದ ಸೋನಿಯಾ ಗಾಂಧಿ ಬಾಬರಿ ಮಸೀದಿ ಕೆಡವಿದಾಗ ಕಣ್ಣೀರು ಬಂತಂತೆ. ಜಮ್ಮು ಕಾಶ್ಮೀರದಲ್ಲಿ ಜನರಿಗೆ ಗುಂಡಿಕ್ಕಿ ಕೊಂದಾಗ ಸೋನಿಯಾಗೆ ಕಣ್ಣೀರು ಬರಲಿಲ್ಲ. ಕಾಂಗ್ರೆಸ್ ಸರ್ಕಾರವಿದ್ದಾಗ ಅನೇಕ ದಾಳಿಗಳಾದವು, ನೂರಾರು ಜನ ಭಯೋತ್ಪಾದಕರ ದಾಳಿ ಸತ್ತರು, ಅನೇಕ ಹ ತ್ಯೆಗಳಾದವು ಆಗ ಕಣ್ಣೀರು ಬರಲಿಲ್ಲ. ಆದ್ರೆ ಬಾಬ್ರಿ ಮಸೀದಿ ಬಿದ್ದಾಗ ಕಣ್ಣೀರು ಬಂತು. ಸೋನಿಯಾಗೆ ನಿಜವಾಗಿಯೂ ಕಣ್ಣೀರು ಬಂದಿದ್ದು ಯಾವಾಗ ಅಂದ್ರೆ ಅಬ್ದುಲ್ ಕಲಾಂ ಅವರು ಸೋನಿಯಾ ಗಾಂಧಿ ಪ್ರಧಾನಿ ಆಗಲು ಸಾಧ್ಯವಿಲ್ಲ ಅಂದಾಗ ಅವರಿಗೆ ನಿಜವಾಗಲೂ ಕಣ್ಣೀರು ಬಂದಿದೆ ಎಂದು ತಿರುಗೇಟು ನೀಡಿದರು.

ಈ ದೇಶದಲ್ಲಿ ಕಾಂಗ್ರೆಸ್‌ನವರನ್ನು ಹದ್ದುಬಸ್ತಿನಲ್ಲಿಡಬೇಕು

ಬಿಜೆಪಿ ಈಗ ಮತ್ತಷ್ಟು ಗಟ್ಟಿಯಾಗಿದೆ. ಇಂಡಿಯಾ ಬ್ಲಾಕ್ ಮಾಡಿಕೊಂಡು ಮೋದಿ ಅವರ ಕೈಕಟ್ಟಿಹಾಕಲು ಹೊರಟ್ರೆ ಅದು ಸಾಧ್ಯವಿಲ್ಲದ ಮಾತು. ಮುಂದಿನ ದಿನಗಳಲ್ಲಿ ಕರ್ನಾಟಕದಲ್ಲೂ ಎನ್‌ಡಿಎ ಅಧಿಕಾರಕ್ಕೆ ಬರಲಿದೆ. ಇಡೀ ದೇಶದಲ್ಲಿ ಕಾಂಗ್ರೆಸ್ ಅವರನ್ನು ಹದ್ದುಬಸ್ತಿನಲ್ಲಿಡಬೇಕಿದೆ ಎಂದರು.

ಕಾಂಗ್ರೆಸ್ ಕಾರ್ಯಕರ್ತರಿಗೆ ಬಂಪರ್ ಗಿಫ್ಟ್: ರಾಜ್ಯದ 60 ನಿಗಮ-ಮಂಡಳಿಗಳಿಗೆ 428 ಮಂದಿ ನೇಮಕ; ಇಲ್ಲಿದೆ ಸಂಪೂರ್ಣ ಪಟ್ಟಿ

Sathish Kumar KH — Wed, 11 Nov 2026 22:07:47 +0530

ಬೆಂಗಳೂರು (ನ.11): ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರ ಅಧಿಕಾರಕ್ಕೆ ಬಂದಾಗಿನಿಂದಲೂ ತೀವ್ರ ಕುತೂಹಲ ಕೆರಳಿಸಿದ್ದ ಹಾಗೂ ಕಾರ್ಯಕರ್ತರು ಕಾತರದಿಂದ ಕಾಯುತ್ತಿದ್ದ ನಿಗಮ-ಮಂಡಳಿಗಳ ನೇಮಕಾತಿ ಪ್ರಕ್ರಿಯೆಗೆ ಕೊನೆಗೂ ಅಧಿಕೃತ ಮುದ್ರೆ ಬಿದ್ದಿದೆ. ನಿಷ್ಠಾವಂತ ಪಕ್ಷದ ಮುಖಂಡರು ಮತ್ತು ತಳಮಟ್ಟದ ಕಾರ್ಯಕರ್ತರಿಗೆ ಸರ್ಕಾರ ಸಿಹಿಸುದ್ದಿ ನೀಡಿದ್ದು, ರಾಜ್ಯದ ವಿವಿಧ 60 ಪ್ರಮುಖ ನಿಗಮ, ಮಂಡಳಿ ಮತ್ತು ಪ್ರಾಧಿಕಾರಗಳಿಗೆ ಬರೋಬ್ಬರಿ 428 ಮಂದಿಯನ್ನು ನಿರ್ದೇಶಕರು ಹಾಗೂ ಸದಸ್ಯರನ್ನಾಗಿ ನೇಮಿಸಿ ರಾಜ್ಯ ಸರ್ಕಾರ ಅಧಿಕೃತ ಆದೇಶ ಹೊರಡಿಸಿದೆ.

ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅನುಮೋದನೆಯ ಬಳಿಕ ಈ ಜಂಬೋ ಪಟ್ಟಿ ಬಿಡುಗಡೆಯಾಗಿದೆ. ಇಂಧನ, ಸಾರಿಗೆ, ವಸತಿ, ನೀರಾವರಿ, ಕೃಷಿ, ಕೈಗಾರಿಕೆ, ಹಿಂದುಳಿದ ವರ್ಗಗಳ, ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಹಾಗೂ ವಿವಿಧ ಸಮುದಾಯಗಳ ಅಭಿವೃದ್ಧಿ ನಿಗಮಗಳಲ್ಲಿ ಎಲ್ಲ ಜಿಲ್ಲೆಗಳ ಮುಖಂಡರಿಗೆ ಪ್ರಾತಿನಿಧ್ಯ ಕಲ್ಪಿಸಲಾಗಿದೆ.

ನೇಮಕಗೊಂಡ 60 ನಿಗಮ-ಮಂಡಳಿಗಳು ಮತ್ತು 428 ಸದಸ್ಯರ ಸಂಪೂರ್ಣ ವಿವರ ಇಲ್ಲಿದೆ:

1. ಚಾಮುಂಡೇಶ್ವರಿ ವಿದ್ಯುತ್ ಸರಬರಾಜು ನಿಗಮ (CHESCOM)

ಮಹೇಶ್

ಸಂದೀಪ್

ಎ.ಜೆ. ಬಾಬು

ಕೆ.ಎಂ. ದಿನೇಶ್

2. ಡಾ. ದೇವರಾಜ ಅರಸು ಹಿಂದುಳಿದ ವರ್ಗಗಳ ಅಭಿವೃದ್ಧಿ ನಿಗಮ

ಲೋಕೇಶ್ ಕೆ.

ಎಂ.ಎಸ್. ಮುನಿರಾಜು

ಪಿ.ವೈ. ಶಾರದಾ

ವೆಂಕಟೇಶಯ್ಯ ಆನಂದ್

3. ಡಾ. ಬಿ.ಆರ್. ಅಂಬೇಡ್ಕರ್ ಅಭಿವೃದ್ಧಿ ನಿಗಮ

ಅರಕೇರಿ ನಿಂಗಪ್ಪ ನೇಸರಗಿ

ಲಕ್ಕಿಹಳ್ಳಿ ಮುದ್ದಪ್ಪ

ಮಣಿಯಮ್ಮ

ಎಂ. ವೆಂಕಟೇಶ್ ಕುಮಾರ್

4. ಹುಬ್ಬಳ್ಳಿ-ಧಾರವಾಡ ವಿದ್ಯುತ್ ಸರಬರಾಜು ಕಂಪನಿ (HESCOM)

ಮೋಹನ್ ಬಿ. ರೆಡ್ಡಿ

ಶ್ಯಾಮರಾವ್ ರಾಜಾರಾಮ್ ರೇವಾಡೆ

ಈಶ್ವರ ಶಿವಳ್ಳಿ

ಗೀತಾ ಪೂಜಾರ್

ಸುರೇಶ್ ಸವಣೂರ್ ಇಂಗ್ಲಿ

5. ಹಟ್ಟಿ ಚಿನ್ನದ ಗಣಿ ಕಂಪನಿ

ಸುರೇಶ್ ಗಂಗ್ರೆ

ಶ್ರೀನಿವಾಸ ಟಿ.

ಯಾಸ್ಮಿನ್ ತಾಜ್

ಚಿಕ್ಕಸ್ವಾಮಿ

6. ಕಲ್ಯಾಣ ಕರ್ನಾಟಕ ಪ್ರದೇಶ ಅಭಿವೃದ್ಧಿ ನಿಗಮ (KKRDB)

ಜಾಂಡೇಕರ್

ರಾಮಲಿಂಗಪ್ಪ

ಶ್ರೀನಿವಾಸ್

ಶಮೀಮ್ ಜೋಹರಾ

7. ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮ (KKRTC)

ಹುಂಡೇಕರ್ ಮೊಹಮ್ಮದ್ ಘೌಸ್

ಲಿಂಗರಾಜ್ ಕಣ್ಣಿ

ಚಂದ್ರಕಾಂತ್ ಹಿಪ್ಪಳಗಾಂವ್

ಐ.ಎನ್. ಸಂಗನಬಸಪ್ಪ

8. ಕರ್ನಾಟಕ ಆಹಾರ ಮತ್ತು ನಾಗರಿಕ ಸರಬರಾಜು ನಿಗಮ

ಸೈಯದ್ ಅಬ್ದುಲ್ಲಾ

ಹೆಚ್. ಭರ್ಮಪ್ಪ

ಆಶಾ

ಆನಂದ್ರು ರಾಮೇಗೌಡ

ಕೆ.ಟಿ. ನವೀನ್ ಚಂದ್ರ

9. ಕರ್ನಾಟಕ ಗೃಹ ಮಂಡಳಿ (KHB)

ಶ್ರೀನಿವಾಸಲು

ಎನ್.ಕೆ. ಚಂದ್ರಶೇಖರ್

10. ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮ ನಿಯಮಿತ (KPTCL)

ರಫೀಕ್ ಅಹ್ಮದ್ ಬಂಡೆ ನವಾಜ್

ಬ್ಯಾಟಪ್ಪ

11. ಕರ್ನಾಟಕ ನವೀಕರಿಸಬಹುದಾದ ಇಂಧನ ಅಭಿವೃದ್ಧಿ ನಿಗಮ (KREDL)

ಡಾ. ಕಿರಣ್ ದೇಶಮುಖ್

ಪರಿಸರ ರಾಮಕೃಷ್ಣ

12. ಕರ್ನಾಟಕ ರಸ್ತೆ ಅಭಿವೃದ್ಧಿ ನಿಗಮ (KRDCL)

ಸೈಯದ್ ಎಸ್.ಹೆಚ್.

ಕೆ.ಎಂ. ಶಾಂತಪ್ಪ

ಡಿ. ರಮೇಶ್

ನಟೇಶ್

13. ಕರ್ನಾಟಕ ಗ್ರಾಮೀಣ ಮೂಲಸೌಕರ್ಯ ಅಭಿವೃದ್ಧಿ ನಿಗಮ (KRIDC)

ಶಂಕಪ್ಪ ನೇಗಿಣ

ದಾಸಪ್ಪ ಕರಿಯಾಗಿ

ಜಯರಾಮ ಎಂ.ಎನ್.

ರವೀಂದ್ರ ಗೌಡ ಹೆಚ್.ಬಿ.

14. ಕರ್ನಾಟಕ ರಾಜ್ಯ ಎಲೆಕ್ಟ್ರಾನಿಕ್ಸ್ ಅಭಿವೃದ್ಧಿ ನಿಗಮ (KEONICS)

ಸಿದ್ಧಾರ್ಥ್ ಬಸೇರಗಿಡ್

ಎಸ್. ಶರವಣ

ಸಿದ್ದರಾಮೇಗೌಡ ಸಿ.ಎಂ.

15. ಕರ್ನಾಟಕ ರಾಜ್ಯ ಕೈಗಾರಿಕೆ ಮತ್ತು ಮೂಲಸೌಕರ್ಯ ಅಭಿವೃದ್ಧಿ ನಿಗಮ (KSIIDC)

ಮಲ್ಲೇಶ್ ಗೋಪಾಲ್ ಚೌಗಲೆ

ಹಾಜಿ ರಿಯಾಜ್ ಅಹ್ಮದ್ ಅತ್ತಾರ್

ಪ್ರಕಾಶ್ ಬಿ.ಪಿ.

ಎಲ್. ಜಯರಾಮಯ್ಯ

16. ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ (KSRTC)

ಆರ್.ಎಂ. ಮಾಳವೆ ಗೌಡ

ಹೆಚ್.ಜಿ. ಮೈನುದ್ದೀನ್

ಇಂಧನ್ ಆರ್.

ಟಿ.ಎನ್. ನಾರಾಯಣ ಗೌಡ

ಗೋಪಿನಾಥ್

17. ಕರ್ನಾಟಕ ನಗರ ಮೂಲಸೌಕರ್ಯ ಅಭಿವೃದ್ಧಿ ಮತ್ತು ಹಣಕಾಸು ನಿಗಮ (KUIDFC)

ನಿಲಪ್ಪ ಯಲ್ಲಪ್ಪ ಶಿಡಕಣವರ

ಬಂದೇನವಾಜ್ ಸುಲಿಕೇರಿ

ಹೆಚ್. ಹುಸೇನಪ್ಪ

ಕಾರ್ತಿ ಬಸವರಾಜ್ ಪಾಟೀಲ್

ಅಕ್ಬರ್ ಪಾಷಾ ಎಂ.ಎ.

18. ಕರ್ನಾಟಕ ನಗರ ನೀರು ಸರಬರಾಜು ಮತ್ತು ಒಳಚರಂಡಿ ಮಂಡಳಿ (KUWSDB)

ಟಿ.ಹೆಚ್. ಹಳೇಶಪ್ಪ

ಕೆ.ಎ. ಇಸ್ಮಾಯಿಲ್

19. ಗುಲ್ಬರ್ಗಾ ವಿದ್ಯುತ್ ಸರಬರಾಜು ಕಂಪನಿ (GESCOM)

ರಾಜಮೊಹಿದ್ದೀನ್

ದಶರಥ ಬಾಬು

ಚಂದ್ರಶೇಖರಪ್ಪ

ಶಣ್ಮುಖ

20. ಮಹರ್ಷಿ ವಾಲ್ಮೀಕಿ ಪರಿಶಿಷ್ಟ ಪಂಗಡಗಳ ಅಭಿವೃದ್ಧಿ ನಿಗಮ

ಅನಿಲ್ ಲಕ್ಷ್ಮಣ್ ನಾಯ್ಕರ್

ಇಂದವಾಲು

ಪಾಲಯ್ಯ ಟಿ.ಎಸ್.

21. ಮಂಗಳೂರು ವಿದ್ಯುತ್ ಸರಬರಾಜು ಕಂಪನಿ (MESCOM)

ಮೊಹಮ್ಮದ್ ರಫೀಕ್

ಗುಟ್ಟಯ್ಯಪ್ಪ

ಕೆ.ಸಿ. ವೆಂಕಟೇಶ್ ಹೆಗಡೆ

ಪ್ರಶಾಂತ್ ರಾಜ್

22. ವಾಯುವ್ಯ ಕರ್ನಾಟಕ ರಸ್ತೆ ಸಾರಿಗೆ ನಿಗಮ, ಹುಬ್ಬಳ್ಳಿ (NWKRTC)

ಭಲ್ಲೇಶ ಸಿದ್ದಪ್ಪ ಹರಡಕರ್

ವೆಂಕಟ ರಮಣಮ್ಮ

ಬಸವರಾಜ್ ದೊಡ್ಡ ಬಸಪ್ಪ

ಉಸ್ಮಾನ್ ಸಾಬ್ ಬಾಬರ್ ಶಿ

23. ಕರ್ನಾಟಕ ವಿದ್ಯುತ್ ಕಾರ್ಖಾನೆ ನಿಗಮ (KAVIKA)

ಸಿದ್ದಲಿಂಗಪ್ಪ ನಿಂಗಪ್ಪ ಸಿನರಕೊಪ್ಪ

ವಿನೋದ್ ಕುಮಾರ್ ಅಪ್ಪೇನಿರ್ಮಲ

24. ವೀರಶೈವ-ಲಿಂಗಾಯತ ಅಭಿವೃದ್ಧಿ ನಿಗಮ

ಜಯಣ್ಣ

ಸಿದ್ರಾಯ ಇರಪ್ಪ ಯಳದಗಿ

ಬಸಪ್ಪ ಎ. ಕೋರೆ

ಸಂಗನಗೌಡ ಪಾಟೀಲ್

ರಾಜಶೇಖರ್ ಎಸ್.ಹೆಚ್.

25. ಒಕ್ಕಲಿಗ ಅಭಿವೃದ್ಧಿ ನಿಗಮ

ಎಸ್.ಎಲ್.ಎನ್. ಸ್ವಾಮಿ

ಪ್ರತಾಪ್ ಡಿ.

ಗೋವಿಂದರಾಜು ವೈ.ವಿ.

ಅಶ್ವಥ

ತಿಪ್ಪೇಸ್ವಾಮಿ

26. ಬಯಲುಸೀಮೆ ಪ್ರದೇಶ ಅಭಿವೃದ್ಧಿ ಮಂಡಳಿ, ಚಿತ್ರದುರ್ಗ

ಬಿ.ಆರ್. ರಾಮಲಿಂಗಪ್ಪ

ಎಂ.ಡಿ. ಕೀರ್ತಿ ಕುಮಾರ್

ಲಂಕಪ್ಪ ಸಿ.ಹೆಚ್.

ಡಿ.ಕೆ. ಶಿವಮೂರ್ತಿ

27. ಭದ್ರಾ ಅಚ್ಚುಕಟ್ಟು ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರ (CADA)

ಕೆ.ಹೆಚ್. ಶಣ್ಮುಖಪ್ಪ

ಗಣಪತಿ

ರಾಜಪ್ಪ ಎಂ.ಜಿ.

28. ಕಾವೇರಿ ಜಲಾನಯನ CADA, ಮೈಸೂರು

ಧನಂಜಯ ನಾಯಕ್

ಕೆ.ಎಸ್. ಪ್ರಕಾಶ್

ಶಿವಪ್ರಸಾದ್ ಹೆಚ್.ಟಿ.

29. ಕೃಷ್ಣಾ ಮೇಲ್ದಂಡೆ ಯೋಜನೆ CADA

ಮಯೂರಿ ಯಶವಂತ ಚೌಹಾಣ್

ಧರ್ಮರಾಜ ವಾಲಿಕಾರ್

ಮಹಾದೇವಿ ಸೈಜಾನ್ ಫರತಾಬಾದ್

ಶಿವಮಂಥಪ್ಪ ಸಾಹು

30. ಮಲಪ್ರಭಾ ಮತ್ತು ಘಟಪ್ರಭಾ CADA

ಅಡವೇಪ್ಪ

ಗಂಗಾಧರ ದೊಡ್ಡಮನಿ

ಮುದಿಯಪ್ಪ ಬಚ್ಚೂರ್

ಶಾಂತವ್ವ ಗುಜ್ಜಳ್

31. ಜಂಗಲ್ ಲಾಡ್ಜಸ್ & ರೆಸಾರ್ಟ್ಸ್

ಅಬ್ದುಲ್ ಹಮೀದ್

ವಸಂತ ರೆಡ್ಡಿ

ಕೃಷ್ಣ

ಪದ್ಮನಾಭ ಜೈನ್

ಮುನಿಹುಚ್ಚೆ ಗೌಡ

32. ಕರ್ನಾಟಕ ಆದಿ ಜಾಂಬವ ಅಭಿವೃದ್ಧಿ ನಿಗಮ

ತಾಯಪ್ಪ

ದುರ್ಗೇಶ್ ಗೊನೆಮ್ಮನವರ

ಸಿದ್ದೇಶ್

ಅಣ್ಣಪ್ಪ ಎನ್.

33. ಕರ್ನಾಟಕ ಭೋವಿ ಅಭಿವೃದ್ಧಿ ನಿಗಮ

ಉಮಾ ಎಲ್ಲಪ್ಪ ವಡ್ಡರ

ಸರವಣನ್ ಎಲ್.

ವಿನಾಯಕ ಬಿ.ಎನ್.

ಶ್ರೀಧರ್ ಸಿ.ವಿ.

ಕೆ. ಮಲ್ಲೇಶಯ್ಯ

34. ಕರ್ನಾಟಕ ಜೀವ ವೈವಿಧ್ಯ ಮಂಡಳಿ

ರವೀಂದ್ರ ಶಂಕರ್ ಮಿರ್ಜಿ

ರಾಮಪ್ಪ ಸತ್ಯಪ್ಪ ಗುಳ್ಳಿ

ಕೆ. ಸುಭಾಚಂದ್ರ ಶೆಟ್ಟಿ

ಜಿ. ಶಿವಮೂರ್ತಿ

35. ಕರ್ನಾಟಕ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರ

ಪ್ರಸನ್ನ ಶ್ರೀಕಾಂತ್ ಶೆಟ್ಟಿ

ಚಿದಾನಂದ ಫಕೀರ ನಾಯಕ್

ಡಾ. ರಾಜಾ ರಾಮ್

ಸುಧಾಕರ್ ಶೆಟ್ಟಿ ಮೈರ್ಮಡಿ

ನಾಸಿರ್ ವಲಿ ಖಾನ್

36. ಕರ್ನಾಟಕ ಮೀನುಗಾರಿಕೆ ಅಭಿವೃದ್ಧಿ ನಿಗಮ

ಉಮೇಶ್ ಅಡವಪ್ಪ ಮಲ್ಲನವರ್

ಲಕ್ಷ್ಮೀ ನಾರಾಯಣ್

ಪಿ.ಟಿ. ಸೆಬಾಸ್ಟಿಯನ್

37. ಕರ್ನಾಟಕ ಅರಣ್ಯ ಅಭಿವೃದ್ಧಿ ನಿಗಮ (KFDC)

ಜಿ. ಮಾರಣ್ಣ

ಸುಶೀಲ್ ಕುಮಾರ್ ಬಲಬಂತ ಪನಾರ್

ರಂಗಯ್ಯ

ಬಸವರಾಜಪ್ಪ

38. ಕರ್ನಾಟಕ ದ್ರಾಕ್ಷಿ ಮತ್ತು ವೈನ್ ಮಂಡಳಿ

ಮಲ್ಲಿಕಾರ್ಜುನ್

ಜನೌಟೆ ಸಣ್ಣಬಸವರಾಜು

ಕೆ. ಹನುಮಂತಯ್ಯ

ಎಸ್.ಎ. ಪ್ರಸಾದ್

ಕೆ.ಎಲ್. ಸುರೇಶ್

39. ಕರ್ನಾಟಕ ಕೈಮಗ್ಗ ಅಭಿವೃದ್ಧಿ ಮಂಡಳಿ, ಹುಬ್ಬಳ್ಳಿ (KHDC)

ಅನಿಲ್ ವಿಠಲ್ ಪಾಟೀಲ್

ಫಹೀಮ್ ಇಕ್ಬಾಲ್ ಅಹ್ಮದ್

ರೇಣುಕುಮಾರ್

ಎನ್. ವೇಣು

ಶಿವಶಂಕರ್

40. ಕರ್ನಾಟಕ ಸರೋವರ ಸಂರಕ್ಷಣಾ ಮತ್ತು ಅಭಿವೃದ್ಧಿ ಪ್ರಾಧಿಕಾರ

ಅಮರನಾಥ್ ರೆಡ್ಡಿ

ಕುಪೇಂದ್ರ ಎಂ.ಪಿ.

ಚಿನ್ನಪ್ಪ ಎಸ್.ಎನ್.

ಎಸ್.ವೈ. ಗೌಡ್

41. ಕರ್ನಾಟಕ ಕಡಲ ಮಂಡಳಿ (Maritime Board)

ಶಂಕರ್ ಎ. ಕುಂದರ್

ಎಂ.ಎ. ಹಸನಬ್ಬ

42. ಕರ್ನಾಟಕ ಸಫಾಯಿ ಕರ್ಮಚಾರಿ ಅಭಿವೃದ್ಧಿ ನಿಗಮ

ಸೌಂದರ್ಯ

ವೆಂಕಟೇಶ್ ಹೆಗಡೆ

ಪದ್ಮ ಸಿ.ಜಿ.

ಎಂ. ಸುಧಾ

43. ಕರ್ನಾಟಕ ರೇಷ್ಮೆ ಕೈಗಾರಿಕೆಗಳ ನಿಗಮ (KSIC)

ಲೋಕೇಶ್ ಅಲಗೌಡ್ ಪಾಟೀಲ್

ರಾಮಚಂದ್ರಯ್ಯ ಟಿ.

ಲೀಲಾಧರ್ ಠಾಕೂರ್

ಜಿ. ವೆಂಕಟಾಚಲಪತಿ

44. ಕರ್ನಾಟಕ ಕೌಶಲ್ಯ ಅಭಿವೃದ್ಧಿ ನಿಗಮ (KSDC)

ಶಹನಾಜ್ ಗುಲಾಬ್ ಗಡೇಕಾಯಿ

ಗಜಾನನ ನಾಯಕ್

ಎಂ.ಆರ್. ನಾರಾಯಣ ಸ್ವಾಮಿ

45. ಕರ್ನಾಟಕ ಸಣ್ಣ ಕೈಗಾರಿಕೆಗಳ ಅಭಿವೃದ್ಧಿ ನಿಗಮ (KSSIDC)

ವಿಠ್ಠಲಪ್ಪ ಮಲ್ಲಪ್ಪ

ಕಮಣ್ಣ ಸಿ. ಉಕ್ಕಳಿ

ಜಯಪ್ರಕಾಶ್ ಬಿ.ಎಸ್.

ಚಂದ್ರಶೇಖರ್

ಹೆಚ್. ಶೇಖರ್ ಮಡಿವಾಳ

46. ಕರ್ನಾಟಕ ಸಾಬೂನು ಮತ್ತು ಮಾರ್ಜಕ ನಿಯಮಿತ (KSDL - ಮೈಸೂರು ಸ್ಯಾಂಡಲ್)

ಪರಶುರಾಮ ಕಾಂಬ್ಳೆ

ಅನಿಲ್ ಕುಮಾರ್ ಬೆಲ್ದಾರ್

ಪಿ. ರಮೇಶ್

ವಿಶ್ವನಾಥ್

ಪಿ.ಟಿ. ಚಿಕ್ಕಣ್ಣ

ಷಡಕ್ಷರದೇವ ಬಿ.

47. ಕರ್ನಾಟಕ ರಾಜ್ಯ ಕೃಷಿ ಉತ್ಪನ್ನ ಸಂಸ್ಕರಣೆ ಮತ್ತು ರಫ್ತು ನಿಗಮ (KAPPEC)

ತಿಮ್ಮಪ್ಪ ನಾಯಕ

ಕವಿತಾ ಚಂದ್ರಶೇಖರ್

ಹೆಚ್.ಎಸ್. ನರೇಂದ್ರ

ರಾಜಶೇಖರ್

48. ಕರ್ನಾಟಕ ರಾಜ್ಯ ಬ್ರಾಹ್ಮಣ ಅಭಿವೃದ್ಧಿ ಮಂಡಳಿ

ನಾರಾಯಣ ಕೃಷ್ಣ ಭಟ್

ಸುಬ್ಬರಾಮಯ್ಯ

ಕೆ.ಎಸ್. ಶ್ರೀವಲ್ಲಭ

49. ಕರ್ನಾಟಕ ರಾಜ್ಯ ಮಹಿಳಾ ಆಯೋಗ

ಅನ್ನಪೂರ್ಣ ಲಕ್ಷ್ಮಿ

ಟಿ. ಪದ್ಮ

ರೇವತಿ

ಶುಭಾ ವೇಣುಗೋಪಾಲ್

50. ಕರ್ನಾಟಕ ರಾಜ್ಯ ಜವಳಿ ಮೂಲಸೌಲಭ್ಯ ಅಭಿವೃದ್ಧಿ ನಿಗಮ

ಶಿವಕುಮಾರಸ್ವಾಮಿ

ವರುಣ್ ಬೆಣ್ಣೆಹಳ್ಳಿ

ಜಯದೇವ್ ಪ್ರಕಾಶ್

ರವಿಕುಮಾರ್

51. ಕರ್ನಾಟಕ ರಾಜ್ಯ ತೊಗರಿ ಅಭಿವೃದ್ಧಿ ಮಂಡಳಿ, ಕಲಬುರಗಿ

ಮೊಹಮ್ಮದ್ ವಾಹೆದ್ ಅಲಿ ಫತೇಖ್ವಾನಿ

ಶ್ರೀ ನಿರುಪಾದಿ

ಒಬಳಪ್ಪ ಕುಲಕರ್ಣಿ

ಸಿ. ಮಲ್ಲಿಕಾರ್ಜುನ್

ಜಯಪ್ರಕಾಶ್ ಸರಟಿ

52. ಕರ್ನಾಟಕ ತಾಂಡಾ / ಲಂಬಾಣಿ ಅಭಿವೃದ್ಧಿ ನಿಗಮ

ವಿಜಯಕುಮಾರ್ ರಾಥೋಡ್

ಬಸವಂತ್ ನಾಯಕ್

ಗೀತಾ

ಸಾಂತ ಮಲ್ಲೇಶ್ ನಾಯಕ್

ನೀಲಕಂಠ ರಾಥೋಡ್

53. ಕರ್ನಾಟಕ ಮೃಗಾಲಯ ಪ್ರಾಧಿಕಾರ (Zoo Authority)

ಕೆ. ನರಸಿಂಲು ಸವಾರಿ

ಜಿ.ಡಿ. ಪ್ರಭುದೇವ

ಸಿದ್ದಪ್ಪ

54. ಮರಾಠ ಅಭಿವೃದ್ಧಿ ನಿಗಮ

ರಾಜು ಮರುತಿ ಕಡೂಲ್ಕರ್

ಶಿವಪೂಜಿ ವೀರಯ್ಯ

ಧನಾಜಿ ಆನಂದ್ ಚವಾಣ್

ಸುಭಾಷ್ ಬಾಬು ಕಸರಕರ್

55. ಮೈಸೂರು ಮಿನರಲ್ಸ್ ನಿಗಮ (MML)

ಹನುಮಂತಪ್ಪ

ಗಂಗಾಧರ್ ಸ್ವಾಮಿ

ಗಾಯತ್ರಿ ಪಟ್ಟಾರ್

ಹೆಚ್. ಬಸಪ್ಪ

56. ಸಂಗೊಳ್ಳಿ ರಾಯಣ್ಣ ಅಭಿವೃದ್ಧಿ ಪ್ರಾಧಿಕಾರ

ಎರಮ್ಮ

ಹೊಸೂರಪ್ಪ ಬಾದಾಮನ್ನವರ್

ನಾಗರಾಜು

ಕೆ.ವಿ. ನಾಗರಾಜ್

ರವೀಂದ್ರ ಬಾಬು ಕೆ.ಆರ್.

ಬಿ.ಎಲ್. ಧರ್ಮೇಗೌಡ

ಎನ್. ನಂಜೇಗೌಡ

57. ಮೈಸೂರು ಪೇಂಟ್ಸ್ & ವಾರ್ನಿಷ್ ಲಿಮಿಟೆಡ್ (MYLAC)

ವೇಣುಗೋಪಾಲ್

ಸೋಮಶೇಖರ ಎನ್.

ಸೆಲ್ವಶ್ರೀ

ಸುಲೋಚನ ಸುರೇಶ್

ಅರ್ಜುನ್

58. ಮೈಸೂರು ಸೇಲ್ಸ್ ಇಂಟರ್‌ನ್ಯಾಷನಲ್ ಲಿಮಿಟೆಡ್ (MSIL)

ಟಿ.ವೈ. ಯೂನುಸ್ ಸಲೀಂ

ಎಂ. ಲಖಣ್ಣ

ಜಗದೀಶ್ ಟಿ.ಎಸ್.

ಹೆಚ್.ಟಿ. ತೀರ್ಥಕುಮಾರಿ

ಕುಡ್ಲು ರಾಮಕೃಷ್ಣ

59. ಶ್ರೀ ಚಾಮುಂಡೇಶ್ವರಿ ದೇವಸ್ಥಾನ ಅಭಿವೃದ್ಧಿ ಪ್ರಾಧಿಕಾರ, ಮೈಸೂರು

ಜಿ.ಎಸ್. ಅಂಜನ ಶ್ರೀಕಾಂತ್

ನರಸಿಂಹ ರಾಜು

ಎಂ.ಎನ್. ಮಹದೇವ್

ಎಂ.ಡಿ. ಬಸವರಾಜು

60. ಕರ್ನಾಟಕ ರಾಜ್ಯ ನಿಂಬೆ ಅಭಿವೃದ್ಧಿ ಮಂಡಳಿ

ಹನುಮಂತ್ ಕಖಂಡಕಿ

ಜ್ಯೋತಿಷ್

ಮಟಿಲ್ಡಾ ಡಿಸೋಜಾ

ಮಂಜುನಾಥ್ ಕೆ.

ಎಸ್.ಎಂ. ಮುನಿಸ್ವಾಮಿ ಗೌಡ

ಕಾರ್ಯಕರ್ತರಲ್ಲಿ ಸಂಭ್ರಮ:

ದೀರ್ಘಕಾಲದಿಂದ ಪಕ್ಷಕ್ಕಾಗಿ ದುಡಿದ ನಿಷ್ಠಾವಂತ ಕಾರ್ಯಕರ್ತರು ಹಾಗೂ ನಾಯಕರಿಗೆ ನಿಗಮ ಮಂಡಳಿಗಳಲ್ಲಿ ಸ್ಥಾನ ಕಲ್ಪಿಸಿರುವುದು ಕಾಂಗ್ರೆಸ್ ವಲಯದಲ್ಲಿ ಹೊಸ ಉತ್ಸಾಹ ಮೂಡಿಸಿದೆ. ಮುಂಬರುವ ಸ್ಥಳೀಯ ಸಂಸ್ಥೆಗಳ ಚುನಾವಣೆಗಳ ದೃಷ್ಟಿಯಿಂದ ಈ ನೇಮಕಾತಿ ಅತ್ಯಂತ ಮಹತ್ವದ್ದಾಗಿದೆ ಎಂದು ರಾಜಕೀಯ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.

Mandya: ಟಿಪ್ಪು ಜಯಂತಿ ನಿಲ್ಲಿಸಲು ಸಾಧ್ಯವಿಲ್ಲ, ಗಲ್ಲಿ ಗಲ್ಲಿಯಲ್ಲಿ ಆಚರಣೆ; ಸಚಿವ ಜಮೀರ್

Kannadaprabha News — Thu, 12 Nov 2026 13:12:44 +0530

ಶ್ರೀರಂಗಪಟ್ಟಣ: ಟಿಪ್ಪು ಜಯಂತಿಯನ್ನು ಬಿಜೆಪಿ ಸರ್ಕಾರ ನಿಲ್ಲಿಸಿದ್ದರೂ ಇಂದು ದೇಶದ ಗಲ್ಲಿಗಲ್ಲಿಯೂ ನಮ್ಮ ಜನರೇ ಟಿಪ್ಪು ಜಯಂತಿ ಆಚರಿಸುತ್ತಿದ್ದಾರೆ ಎಂದು ವಸತಿ ಸಚಿವ ಬಿ.ಝಡ್. ಜಮೀರ್ ಅಹಮ್ಮದ್ ಖಾನ್ ಹೇಳಿದರು.

ಟಿಪ್ಪು ಜಯಂತಿ ಹಿನ್ನೆಲೆ ಪಟ್ಟಣ ಸಮೀಪದ ಗಂಜಾಂನ ಗುಂಬಸ್‌ಗೆ ಬುಧವಾರ ಕ್ಷೇತ್ರದ ಶಾಸಕರೂ ಆದ ಸೆಸ್ಕ್ ಅಧ್ಯಕ್ಷ ರಮೇಶ್‌ ಬಂಡಿಸಿದ್ದೇಗೌಡ ಜೊತೆಗೆ ಬೆಂಬಲಿಗರೊಂದಿಗೆ ಭೇಟಿ ನೀಡಿ, ಹಜರತ್ ಟಿಪ್ಪುಸುಲ್ತಾನ್ ಅವರ ಸಮಾಧಿಗೆ ವಿಶೇಷ ಹೂವುಗಳ ಚಾದರ ಹೊದಿಸಿ ಪುಷ್ಪಾರ್ಚನೆ ಮತ್ತು ಶ್ರೀಗಂಧಾರ್ಪಣೆಯೊಂದಿಗೆ ಮುಸ್ಲಿಂ ಧಾರ್ಮಿಕ ಗುರುಗಳೊಂದಿಗೆ ಪ್ರಾರ್ಥನೆ ಸಲ್ಲಿಸಿ ಬಳಿಕ ಮಾತನಾಡಿದರು.

ಟಿಪ್ಪು ಜಯಂತಿಯನ್ನು 2013ರಿಂದ 2018ರವರೆಗೂ ಸರ್ಕಾರದ ವತಿಯಿಂದ ಬೆಂಗಳೂರಿನ ಬ್ಲಾಂಕೆಟ್ ಹಾಲ್‌ನಲ್ಲಿ ಆಚರಿಸಲಾಗ್ತಿತ್ತು. ಆದರೆ, ಬಳಿಕ ಅಧಿಕಾರಕ್ಕೆ ಬಂದ ಬಿಜೆಪಿ ಸರ್ಕಾರ ಜಯಂತಿ ನಿಲ್ಲಿಸಿದೆ. ಟಿಪ್ಪು ಜಯಂತಿ ಆಚರಣೆ ನಮ್ಮ ಹಕ್ಕು ಇದನ್ನು ಯಾರು ನಿಲ್ಲಿಸಲು ಸಾಧ್ಯವಿಲ್ಲ. ಮುಂದಿನ ದಿನಗಳಲ್ಲಿ ರಾಜ್ಯದಲ್ಲಿ ಟಿಪ್ಪು ವಿವಿ ಆರಂಭಿಸುವ ಚಿಂತನೆ ಇದ್ದು, ಈ ಸಂಬಂಧ ರಾಜ್ಯ ಸರ್ಕಾರದೊಂದಿಗೆ ಮಾತುಕತೆ ನಡೆಸುವುದಾಗಿ ಹೇಳಿದರು.

ಇದಕ್ಕೂ ಮುನ್ನ ಗುಂಬಸ್‌ಗೆ ಆಗಮಿಸಿದ ಸಚಿವ ಜಮೀರ್ ಅಹಮದ್ ಅವರಿಗೆ ಶಾಸಕ ರಮೇಶ್‌ ಬಂಡಿಸಿದ್ದೇಗೌಡ ಸೇರಿದಂತೆ ಕಾಂಗ್ರೆಸ್ ಮುಖಂಡರು ಹಾಗು ಕಾರ್ಯಕರ್ತರು ಟೋಪಿ ತೊಡಿಸಿ ಹೂವಿನ ಹಾರಗಳೊಂದಿಗೆ ಪಟಾಕಿ ಸಿಡಿಸಿ ಅದ್ದೂರಿ ಜಯಘೋಷ ಮೊಳಗಿಸಿ ಸ್ವಾಗತ ಕೋರಿ ಸಿಹಿ ಹಂಚಿದರು.

ಈ ವೇಳೆ ಅಲ್ಪಸಂಖ್ಯಾತ ಸಮಿತಿ ರಾಜ್ಯಾಧ್ಯಕ್ಷ ಬಿ.ಕೆ.ಅಲ್ತಾಫ್, ಜಿಲ್ಲಾ ಸಹಕಾರ ಸಂಘಗಳ ಒಕ್ಕೂಟ ಜಿಲ್ಲಾಧ್ಯಕ್ಷ ಎಂ.ನಂದೀಶ್, ಸರ್ಕಾರದ ಪಂಚಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಸಮಿತಿ ತಾಲೂಕು ಅಧ್ಯಕ್ಷ ಎಂ.ಎಲ್.ದಿನೇಶ್, ಟಿಎಪಿಸಿಎಂಎಸ್ ನಿರ್ದೇಶಕ ಎಲ್.ನಾಗರಾಜು, ಮುಖ್ಯಾಧಿಕಾರಿ ಎಂ.ರಾಜಣ್ಣ, ಮುಖಂಡರಾದ ಸನಾಉಲ್ಲಾ ಷರೀಫ್, ಇಮ್ರಾನ್, ಮುಜೀಬ್ ಶಾಲಿಮಾರ್, ಸೈಯದ್ ಝಲ್ಫೀಕರ್, ಸೈಯದ್ ಇಫ್ತಿಕರ್, ಅಕ್ರಮ್, ಕಾಬೂಲ್ ಇತರರು ಈ ವೇಳೆ ಉಪಸ್ಥಿತರಿದ್ದರು.

ಟಿಪ್ಪು ವಿವಿ ಸ್ಥಾಪನೆ ಬಗ್ಗೆ ಶೀಘ್ರ ಚರ್ಚೆ: ಜಮೀರ್‌

ರಾಜ್ಯದಲ್ಲಿ ಟಿಪ್ಪು ವಿಶ್ವ ವಿದ್ಯಾಲಯ ತೆರೆಯುವ ಉದ್ದೇಶವಿದ್ದು, ರಾಜ್ಯ ಸರ್ಕಾರದೊಂದಿಗೆ ಶೀಘ್ರವಾಗಿ ಚರ್ಚಿಸಲಾಗುವುದು ಎಂದು ಸಚಿವ ಬಿ.ಜೆಡ್‌. ಜಮೀರ್‌ ಅಹ್ಮದ್‌ ಖಾನ್‌ ಹೇಳಿದರು. ಬುಧವಾರ ಮಂಡ್ಯ ಜಿಲ್ಲೆಯ ಶ್ರೀರಂಗಪಟ್ಟಣದಲ್ಲಿರುವ ಗಂಜಾಂ ಗುಂಬಜ್‌ಗೆ ಭೇಟಿ ನೀಡಿ ಟಿಪ್ಪು ಸುಲ್ತಾನ್‌ ಸಮಾಧಿಗೆ ವಿಶೇಷ ಹೂವುಗಳ ಚಾದರ ಹೊದಿಸಿ ಪುಷ್ಪಾರ್ಚನೆ ಮಾಡಿ ಗೌರವ ಸಲ್ಲಿಸಿ ಮಾತನಾಡಿದರು. ಟಿಪ್ಪು ಜಯಂತಿಯನ್ನು 2013ರಿಂದ 2018ರವರೆಗೂ ಸರ್ಕಾರದ ವತಿಯಿಂದ ಬೆಂಗಳೂರಿನ ಬ್ಲಾಂಕೆಟ್ ಹಾಲ್‌ನಲ್ಲಿ ಆಚರಿಸಲಾಗುತ್ತಿತ್ತು. ಆದರೆ, ಬಳಿಕ ಅಧಿಕಾರಕ್ಕೆ ಬಂದ ಬಿಜೆಪಿ ಸರ್ಕಾರ ಜಯಂತಿ ನಿಲ್ಲಿಸಿದೆ. ಟಿಪ್ಪು ಜಯಂತಿ ಆಚರಣೆ ನಮ್ಮ ಹಕ್ಕು ಇದನ್ನು ಯಾರು ನಿಲ್ಲಿಸಲು ಸಾಧ್ಯವಿಲ್ಲ ಹೇಳಿದರು.

ಸಚಿವ ಯು.ಟಿ.ಖಾದರ್ , ಶಾಸಕ ತನ್ವೀರ್ ಸೇಠ್ ಭೇಟಿ

ಶ್ರೀರಂಗಪಟ್ಟಣ ಸಮೀಪದ ಗಂಜಾಂನ ಗುಂಬಸ್‌ಗೆ ಟಿಪ್ಪು ಜಯಂತಿ ಪ್ರಯುಕ್ತ ಆರೋಗ್ಯ ಹಾಗೂ ರಾಜ್ಯ ಅಲ್ಪಸಂಖ್ಯಾತ ಖಾತೆ ಸಚಿವ ಯು.ಟಿ.ಖಾದರ್ ಹಾಗೂ ಮೈಸೂರಿನ ಶಾಸಕ ತನ್ವೀರ್ ಸೇಠ್ ಬೆಂಬಲಿಗರೊಂದಿಗೆ ಭೇಟಿ ನೀಡಿ ಹಜರತ್ ಟಿಪ್ಪು ಸುಲ್ತಾನ್ ಅವರ ಸಮಾಧಿಗೆ ಹೂವಿನ ಚಾದರ ಹೊದಿಸಿ ವಿಶೇಷ ಪ್ರಾರ್ಥನೆ ಸಲ್ಲಿಸಿದರು.

ಶ್ರೀರಂಗಪಟ್ಟಣದ ಗಂಜಾಂನಲ್ಲಿರುವ ಐತಿಹಾಸಿಕ ಶೇರ್-ಎ-ಹಿಂದ್ ಹಜರತ್ ಟಿಪ್ಪು ಸುಲ್ತಾನ್ (ರಹ.) ದರ್ಗಾಕ್ಕೆ ಇಂದು ಭೇಟಿ ನೀಡಿ, ರಾಜ್ಯದ ಶಾಂತಿ-ಸಮೃದ್ಧಿಗಾಗಿ ಪ್ರಾರ್ಥನೆ

ಸಲ್ಲಿಸಿ ಬಡವರಿಗೆ ಅನ್ನದಾನ ನೆರವೇರಿಸಿದೆ. ಶಾಸಕರಾದ ಶ್ರೀ ರಮೇಶ್ ಬಂಡಿಸಿದ್ದೇಗೌಡ, ಕೆಎಂಡಿಸಿ ಅಧ್ಯಕ್ಷರಾದ ಶ್ರೀ ಅಲ್ತಾಫ್ ಖಾನ್ ಹಾಗೂ ಮುಖಂಡರು ಉಪಸ್ಥಿತರಿದ್ದರು.

Visited the historic Sher-e-Hind Hazrat Tipu Sultan (R.A.) Dargah at Ganjam, Srirangapatna today to offer special prayers for peace and prosperity across Karnataka, followed by distributing meals to the needy.

MLA Shri Ramesh Bandisiddegowda, KMDC Chairman Shri BK Altaf Khan, and leaders were present.

— B Z Zameer Ahmed Khan (@BZZameerAhmedK) November 11, 2026

ನಿಗಮ-ಮಂಡಳಿ ನೇಮಕ: ಡ್ರಗ್ಸ್ ಆರೋಪಿ, ಆರ್‌ಎಸ್‌ಎಸ್ ನಂಟು ಇರುವ ಇಬ್ಬರಿಗೆ ಸ್ಥಾನ, ಕಾಂಗ್ರೆಸ್ ಕಾರ್ಯಕರ್ತರು ಅಸಮಾಧಾನ

Kannadaprabha News — Fri, 13 Nov 2026 06:17:50 +0530

ಬೆಂಗಳೂರು (ನ.13): ರಾಜ್ಯ ಸರ್ಕಾರದ ವಿವಿಧ ಇಲಾಖೆಗಳ ವ್ಯಾಪ್ತಿಗೆ ಬರುವ ನಿಗಮ-ಮಂಡಳಿಗಳು ಹಾಗೂ ಅಭಿವೃದ್ಧಿ ಪ್ರಾಧಿಕಾರಗಳಿಗೆ ನಿರ್ದೇಶಕರು ಮತ್ತು ಸದಸ್ಯರನ್ನು ನೇಮಕ ಮಾಡಿ ಬುಧವಾರ ಹೊರಡಿಸಲಾಗಿರುವ ಆದೇಶದಲ್ಲಿ ಡ್ರಗ್ಸ್‌ ಕೇಸ್‌ನ ಓರ್ವ ಆರೋಪಿ ಹಾಗೂ ಆರೆಸ್ಸೆಸ್‌ ಜತೆ ನಂಟು ಹೊಂದಿದ್ದ ಮತ್ತು ಈಗಲೂ ಹೊಂದಿರುವ ಇಬ್ಬರಿಗೆ ಸ್ಥಾನ ದೊರಕಿರುವುದು ವಿವಾದಕ್ಕೆ ಕಾರಣವಾಗಿದೆ. ಇದು ಕಾಂಗ್ರೆಸ್‌ ನ ನಿಷ್ಠಾವಂತ ಕಾರ್ಯಕರ್ತರಲ್ಲಿ ಅಸಮಾಧಾನ ಹುಟ್ಟುಹಾಕಿದೆ.

ಕೆಕೆಆರ್‌ಟಿಸಿ (ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮ) ನಿರ್ದೇಶಕರ ಮಂಡಳಿಯಲ್ಲಿ ಲಿಂಗರಾಜ್‌ ಕಣ್ಣಿಗೆ ಸ್ಥಾನ ನೀಡಲಾಗಿದೆ. ಇವರು ಡ್ರಗ್ಸ್‌ ಸಾಗಾಟ ಪ್ರಕರಣದಲ್ಲಿ 2025ರಲ್ಲಿ ಮುಂಬೈನಲ್ಲಿ ಬಂಧನಕ್ಕೊಳಗಾಗಿದ್ದರು. ಜೊತೆಗೆ, ಕರ್ನಾಟಕ ರಾಜ್ಯ ಅರಣ್ಯ ಅಭಿವೃದ್ಧಿ ನಿಗಮ ಮಂಡಳಿಯ ನಿರ್ದೇಶಕ ಸ್ಥಾನಕ್ಕೆ ನೇಮಕಗೊಂಡಿರುವ ಸುಶೀಲ ಕುಮಾರ ಪತ್ತಾರ ಹಾಗೂ ಕರ್ನಾಟಕ ಸಿಲ್ಕ್ ಬೋರ್ಡ್‌ಗೆ ಸದಸ್ಯರಾಗಿ ನೇಮಕಗೊಂಡಿರುವ ಲೀಲಾಧರ ಠಾಕೂರ್ ಅವರು ಆರ್‌ಎಸ್‌ಎಸ್‌ನ ಕಾರ್ಯಕರ್ತರು.

ಕಾಂಗ್ರೆಸ್‌ನಿಂದ ಉಚ್ಚಾಟಿತರಾಗಿದ್ದ ಕಣ್ಣಿ:

ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮದ ನಿರ್ದೇಶಕರಾಗಿ ಲಿಂಗರಾಜ್ ಕಣ್ಣಿ ನೇಮಕವಾಗಿರೋದು ‘ಕೈ’ ಪಾಳೆಯದಲ್ಲಿಯೇ ತೀವ್ರ ಚರ್ಚೆಗೆ ಗ್ರಾಸವಾಗಿದೆ. ಲಿಂಗರಾಜ ಕಣ್ಣಿ ಅವರ ವಿರುದ್ಧ ಡ್ರಗ್ಸ್‌ ಪೂರೈಕೆ ಮಾಡಿದ ಆರೋಪವಿದೆ. 27 ಸಾವಿರ ರೂ. ಮೌಲ್ಯದ ನಿಷೇಧಿತ 120 ಬಾಟಲ್‌ ಕೋಡಿನ್ ಫಾಸ್ಫೇಟ್ ಸಿರಪ್ ನ್ನು ಅಕ್ರಮವಾಗಿ ಸಾಗಿಸುತ್ತಿದ್ದ ಆರೋಪದಲ್ಲಿ ಲಿಂಗರಾಜ್ ಕಣ್ಣಿಯವರು 2025ರ ಜೂನ್‌ 22 ರಂದು ಮುಂಬೈ ಪೊಲೀಸರಿಂದ ಬಂಧನಕ್ಕೊಳಗಾಗಿದ್ದರು. ಅವರ ವಿರುದ್ಧ ಎನ್‌ಡಿಪಿಎಸ್‌ ಕಾಯ್ದೆ ಮತ್ತು ಕಾಸ್ಮೆಟಿಕ್‌ ಕಾಯಿದೆ ಅಡಿಯಲ್ಲಿ ಪ್ರಕರಣ ದಾಖಲಾಗಿತ್ತು.

ಈ ಬೆಳವಣಿಗೆ ಕಳೆದ ವರ್ಷ ಕಲಬುರಗಿಯಲ್ಲಿ ತೀವ್ರ ರಾಜಕೀಯ ಸಂಚಲನ ಹುಟ್ಟುಹಾಕಿತ್ತು. ಬಳಿಕ, ಲಿಂಗರಾಜ ಕಣ್ಣಿ ಅವರನ್ನು ಕಾಂಗ್ರೆಸ್ ಪಕ್ಷದಿಂದ ಉಚ್ಚಾಟಿಸಲಾಗಿತ್ತು. ಇದೀಗ ಅವರಿಗೆ ಕೆಕೆಆರ್‌ಟಿಸಿ ನಿರ್ದೇಶಕ ಹುದ್ದೆ ನೀಡಲಾಗಿದೆ.

2 ಆರ್‌ಎಸ್‌ಎಸ್‌ ಕಾರ್ಯಕರ್ತರಿಗೆ ಮಣೆ:

ಇದೇ ವೇಳೆ, ಇಬ್ಬರು ಆರ್‌ಎಸ್‌ಎಸ್‌ ಕಾರ್ಯಕರ್ತ(RSS Workers)ರಿಗೂ ನಿಗಮ-ಮಂಡಳಿಗಳಲ್ಲಿ ಹುದ್ದೆ ದೊರೆತಿದ್ದು, ಕೈ ಕಾರ್ಯಕರ್ತರ ಅಸಮಾಧಾನಕ್ಕೆ ಕಾರಣವಾಗಿದೆ. ಸಹಕಾರ ಸಚಿವ ಲಕ್ಷ್ಮಣ ಸವದಿಯವರ ಆಪ್ತ, ಬೆಳಗಾವಿ ಜಿಲ್ಲೆ ಅಥಣಿ ಮೂಲದ ವಕೀಲ, ಸುಶೀಲ ಕುಮಾರ ಪತ್ತಾರ(Sushil kumar pattar) ಅವರನ್ನು ಕರ್ನಾಟಕ ರಾಜ್ಯ ಅರಣ್ಯ ಅಭಿವೃದ್ಧಿ ನಿಗಮ ಮಂಡಳಿಯ ನಿರ್ದೇಶಕರನ್ನಾಗಿ ನೇಮಕ ಮಾಡಲಾಗಿದೆ. ಇವರು ಮೂಲತಃ ಆರ್‌ಎಸ್‌ಎಸ್‌ ಕಾರ್ಯಕರ್ತರಾಗಿದ್ದು, ಬಿಜೆಪಿಯಲ್ಲಿದ್ದರು. ಸವದಿ ಜೊತೆ ಕಾಂಗ್ರೆಸ್‌ಗೆ ಸೇರ್ಪಡೆಗೊಂಡಿದ್ದರು.

ಈ ಮಧ್ಯೆ, ಆರ್‌ಎಸ್‌ಎಸ್‌ನ ಸಕ್ರಿಯ ಕಾರ್ಯಕರ್ತ ಹಾಗೂ ಹಿಂದೊಮ್ಮೆ ಬಿಜೆಪಿಯಲ್ಲಿ ಗುರುತಿಸಿಕೊಂಡಿದ್ದ ಚಿತ್ರದುರ್ಗ ಮೂಲದ ನ್ಯಾಯವಾದಿ, ಲೀಲಾಧರ ಠಾಕೂರ್ ಅವರನ್ನು ಕರ್ನಾಟಕ ಸಿಲ್ಕ್ ಬೋರ್ಡ್‌ಗೆ ಸದಸ್ಯರನ್ನಾಗಿ ನೇಮಕ ಮಾಡಲಾಗಿದೆ. ಕಳೆದ ವಿಧಾನಸಭಾ ಚುನಾವಣೆ ವೇಳೆ ಚಿತ್ರದುರ್ಗ ಶಾಸಕ ವೀರೇಂದ್ರ ಪಪ್ಪಿ ಅವರ ಮಾವ, ಚಿತ್ರನಟ ದೊಡ್ಡಣ್ಣ ಅವರಿಗೆ ಹತ್ತಿರವಾಗಿದ್ದ ಲೀಲಾಧರ ಠಾಕೂರ್, ಕಾಂಗ್ರೆಸ್ ಬೆಂಬಲಿಸಿದ್ದರು. ಪಪ್ಪಿ ಗೆದ್ದ ನಂತರ ಅವರ ಆಪ್ತ ವಲಯದಲ್ಲಿ ಓರ್ವರಾಗಿ ಗುರುತಿಸಿಕೊಂಡಿದ್ದರು. ಇಷ್ಟಾದರೂ ಲೀಲಾಧರ ಠಾಕೂರ್ ಅವರು ಆರ್‌ಎಸ್‌ಎಸ್ ಸಂಪರ್ಕ ಕಡಿದುಕೊಂಡಿರಲಿಲ್ಲ.

ಈ ಬಗ್ಗೆ ತೀವ್ರ ಅಸಮಾಧಾನ ವ್ಯಕ್ತಪಡಿಸಿರುವ ಕಾಂಗ್ರೆಸ್ ಪದವೀಧರ ವಿಭಾಗದ ಜಿಲ್ಲಾಧ್ಯಕ್ಷ ಪ್ರಕಾಶ್ ರಾಮಾನಾಯ್ಕ್, ಪಕ್ಷದಲ್ಲಿ ದುಡಿದವರಿಗೆ ಸ್ಥಾನಮಾನ ನೀಡಿಲ್ಲ. ಆರ್‌ಎಸ್‌ಎಸ್‌ನಲ್ಲಿ ಕೆಲಸ ಮಾಡಿದವರಿಗೆ ಹುದ್ದೆ ನೀಡಿದ್ದು, ನಿಷ್ಠಾವಂತ ಕಾರ್ಯಕರ್ತರನ್ನು ಕಡೆಗಣಿಸಲಾಗಿದೆ. ಕೂಡಲೇ ಆದೇಶ ರದ್ದು ಮಾಡಿ ಎಂದು ಆಗ್ರಹಿಸಿದ್ದಾರೆ.

ಸೋನಿಯಾ ಗಾಂಧಿ ಜೀವನ ಚರಿತ್ರೆ ಈಗ ಟಾಲಿವುಡ್ ಸಿನಿಮಾ? ಹಣ ನೀಡಲು ಮನವಿ- ನಾಯಕ, ನಾಯಕಿ ಯಾರು

Suchethana D — Sat, 14 Nov 2026 16:53:30 +0530

ದೆಹಲಿ: ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಅವರ ಜೀವನ ಮತ್ತು ರಾಜಕೀಯ ಪ್ರಯಾಣವನ್ನು ಅವರ ಆತ್ಮಚರಿತ್ರೆ 'ಬಿಲಾಂಗಿಂಗ್: ಎ ಜರ್ನಿ ಆಫ್ ಲವ್' ಆಧರಿತ ತೆಲುಗು ಚಲನಚಿತ್ರವಾಗಿ ದೊಡ್ಡ ಪರದೆಗೆ ಅಳವಡಿಸಿಕೊಳ್ಳಲು ಸಿದ್ಧತೆ ನಡೆದಿದೆ. ತೆಲಂಗಾಣ ಪ್ರದೇಶ ಕಾಂಗ್ರೆಸ್ ಸಮಿತಿಯ ಕಾರ್ಯಾಧ್ಯಕ್ಷೆ ಜಗ್ಗಾ ರೆಡ್ಡಿ, ಸಂಗರೆಡ್ಡಿಯಲ್ಲಿ ನಡೆದ ಕಾಂಗ್ರೆಸ್ ಕಾರ್ಯಕರ್ತರ ಸಭೆಯಲ್ಲಿ ಈ ಯೋಜನೆಯನ್ನು ಘೋಷಿಸಿರುವುದಾಗಿ ANI ವರದಿ ಮಾಡಿದೆ. ಅವರು ಪಕ್ಷದ ಕಾರ್ಯಕರ್ತರಿಂದ ಆರ್ಥಿಕ ನೆರವು ಕೋರಿದ್ದಾರೆ. ನಿರ್ಮಾಣ ಕಾರ್ಯವನ್ನು ಪ್ರಾರಂಭಿಸಲು ಸಮಿತಿಯನ್ನು ಕೇಳಿಕೊಂಡಿದ್ದಾರೆ ಮತ್ತು ಚಿತ್ರವು ಏನೆಲ್ಲವನ್ನೂ ಒಳಗೊಂಡಿರುತ್ತದೆ ಎಂದು ಸೋನಿಯಾ ಗಾಂಧಿಯವರ ವೈಯಕ್ತಿಕ ಮತ್ತು ರಾಜಕೀಯ ಜೀವನದ ಹಂತಗಳನ್ನು ವಿವರಿಸಿದ್ದಾರೆ.

ಜಗ್ಗಾ ರೆಡ್ಡಿ ಸಂಗರೆಡ್ಡಿ ಕ್ಷೇತ್ರದ ಕಾಂಗ್ರೆಸ್ ನಾಯಕರು ಮತ್ತು ಕಾರ್ಯಕರ್ತರಿಗೆ ಚಿತ್ರದ ನಿರ್ಮಾಣಕ್ಕೆ ಕೊಡುಗೆ ನೀಡುವಂತೆ ಮನವಿ ಮಾಡಿದರು. ಕ್ಷೇತ್ರದ ಕಾಂಗ್ರೆಸ್ ಸಂಚಾಲಕಿ ಜೂಲಕಾಂತಿ ಆಂಜನೇಯುಲು ಈ ಯೋಜನೆಗೆ 2 ಕೋಟಿ ರೂ.ಗಳನ್ನು ನೀಡುವುದಾಗಿ ಭರವಸೆ ನೀಡಿದರು. ಆರಂಭಿಕ ನಿರ್ಮಾಣ ಕಾರ್ಯವನ್ನು ಮೇಲ್ವಿಚಾರಣೆ ಮಾಡಲು ರೆಡ್ಡಿ 50 ಸದಸ್ಯರ ಸಮಿತಿಯನ್ನು ರಚಿಸುವ ಪ್ರಸ್ತಾಪವನ್ನು ಮುಂದಿಟ್ಟರು. ಗಾಂಧಿ ಭವನದ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಹರಿಪ್ರಸಾದ್ ಸಮಿತಿಯ ಚಟುವಟಿಕೆಗಳನ್ನು ಮೇಲ್ವಿಚಾರಣೆ ಮಾಡುತ್ತಾರೆ.

ಬಜೆಟ್ ಮೀಸಲಿಗೆ ಮನವಿ

ಪಕ್ಷದ ಕಾರ್ಯಕರ್ತರು ತಮ್ಮ ಸಂಪನ್ಮೂಲಗಳನ್ನು ಒಟ್ಟುಗೂಡಿಸಲು ಮತ್ತು ಸೂಕ್ತವಾದ ಬಜೆಟ್ ಅನ್ನು ಪಡೆದುಕೊಳ್ಳಲು ಒತ್ತಾಯಿಸುತ್ತಾ, ರೆಡ್ಡಿ ಅವರು, : “ನೀವು ಚುನಾವಣೆಗಳಿಗೆ ಖರ್ಚು ಮಾಡುತ್ತೀರಿ ಅಲ್ಲವೇ, ಇದನ್ನು ಇದೇ ರೀತಿಯ ವೆಚ್ಚವೆಂದು ಇದನ್ನೂ ಪರಿಗಣಿಸಿ. ಬಜೆಟ್ ಅನ್ನು ಸಜ್ಜುಗೊಳಿಸಿ ಉತ್ತಮ ನಿರ್ದೇಶಕರನ್ನು ಆಯ್ಕೆ ಮಾಡೋಣ” ಎಂದಿದ್ದಾರೆ. ಅಗತ್ಯ ಸಿದ್ಧತೆಗಳು ಪೂರ್ಣಗೊಂಡ ನಂತರ ಚಿತ್ರೀಕರಣವನ್ನು ಔಪಚಾರಿಕವಾಗಿ ಪ್ರಾರಂಭಿಸಲು ಮುಖ್ಯಮಂತ್ರಿ ರೇವಂತ್ ರೆಡ್ಡಿ ಮತ್ತು ಟಿಪಿಸಿಸಿ ಅಧ್ಯಕ್ಷ ಮಹೇಶ್ ಕುಮಾರ್ ಗೌಡ್ ಅವರನ್ನು ಆಹ್ವಾನಿಸಲಾಗುವುದು ಎಂದು ಅವರು ಹೇಳಿದರು.

ಸೋನಿಯಾ ಗಾಂಧಿ ಅವರ ಆತ್ಮಚರಿತ್ರೆಯ ಪ್ರತಿಗಳನ್ನು ಸಹ ಆದೇಶಿಸಿ ಕಾಂಗ್ರೆಸ್ ಕಾರ್ಯಕರ್ತರಲ್ಲಿ ವಿತರಿಸಲಾಗುವುದು. ಇದು ಅವರ ವೈಯಕ್ತಿಕ ಅನುಭವಗಳು ಮತ್ತು ರಾಜಕೀಯ ಪ್ರಯಾಣವನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತದೆ ಎಂದು ರೆಡ್ಡಿ ಹೇಳಿದರು. ಈ ಪ್ರಸ್ತಾವಿತ ಚಿತ್ರವು ಸೋನಿಯಾ ಗಾಂಧಿಯವರ ಜೀವನದ ವಿವಿಧ ಹಂತಗಳನ್ನು ಅನ್ವೇಷಿಸುತ್ತದೆ ಎಂದು ರೆಡ್ಡಿ ಹೇಳಿದರು, ಗಾಂಧಿ ಕುಟುಂಬದೊಂದಿಗಿನ ಅವರ ಸಂಬಂಧದಿಂದ ಹಿಡಿದು ಭಾರತದಲ್ಲಿ ಪ್ರಮುಖ ರಾಜಕೀಯ ನಾಯಕಿಯಾಗಿ ಹೊರಹೊಮ್ಮುವವರೆಗೆ ಸಿನಿಮಾ ಒಳಗೊಳ್ಳಲಿದೆ ಎಂದಿದ್ದಾರೆ.

ಇಂದಿರಾ ಗಾಂಧಿಯವರ ಸೊಸೆ, ರಾಜೀವ್ ಗಾಂಧಿಯವರ ಪತ್ನಿ ಮತ್ತು ರಾಹುಲ್ ಗಾಂಧಿ ಮತ್ತು ಪ್ರಿಯಾಂಕಾ ಗಾಂಧಿಯವರ ತಾಯಿಯಾಗಿ ಅವರ ಜೀವನವನ್ನು ಚಿತ್ರಿಸುವ ನಿರೀಕ್ಷೆಯಿದೆ. ಇಂದಿರಾ ಗಾಂಧಿ ಮತ್ತು ರಾಜೀವ್ ಗಾಂಧಿಯವರ ಹತ್ಯೆಗಳ ನಂತರದ ಕಷ್ಟಕರ ವರ್ಷಗಳು, ನಂತರ ಸೋನಿಯಾ ಗಾಂಧಿ ಎದುರಿಸಿದ ಸವಾಲುಗಳು ಮತ್ತು ಅವರು ತಮ್ಮ ಮಕ್ಕಳನ್ನು ತಮ್ಮ ರಾಜಕೀಯ ಜವಾಬ್ದಾರಿಗಳನ್ನು ನಿರ್ವಹಿಸುವಾಗ ಹೇಗೆ ಬೆಳೆಸಿದರು ಎಂಬುದನ್ನು ಸಹ ಈ ಚಿತ್ರವು ಒಳಗೊಳ್ಳುತ್ತದೆ ಎಂದು ವರದಿಯಾಗಿದೆ. ಹಾಗಿದ್ದರೆ ಸೋನಿಯಾ ಗಾಂಧಿ ಹಾಗೂ ರಾಜೀವ್ ಗಾಂಧಿಯಾಗಿ ಯಾವ ನಟ-ನಟಿ ಆಯ್ಕೆ ಮಾಡಬೇಕು ಎನ್ನುವ ಬಗ್ಗೆ ದೊಡ್ಡ ಮಟ್ಟದಲ್ಲಿ ಚರ್ಚೆ ನಡೆಯುತ್ತಿದೆ.

ಮಹಿಳೆ, SC-STಗಳಿಗೆ ಕೇಂದ್ರದಿಂದ ಗುಡ್ನ್ಯೂಸ್: 2.5 ಲಕ್ಷ ಉದ್ಯಮ ಆರಂಭಕ್ಕೆ 4,111 ಕೋಟಿ ರೂ ಮೀಸಲು

Suchethana D — Wed, 11 Nov 2026 20:19:29 +0530

ದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ಇಂದು ನಡೆದ ಸಂಪುಟ ಸಭೆಯಲ್ಲಿ ಹಲವು ಮಹತ್ವದ ನಿರ್ಧಾರಗಳನ್ನು ತೆಗೆದುಕೊಳ್ಳಲಾಗಿದೆ. ಅವುಗಳಲ್ಲಿ ಒಂದು 'ಸ್ಟ್ಯಾಂಡ್-ಅಪ್ ಇಂಡಿಯಾ' ಯೋಜನೆ. ಈ ಯೋಜನೆ ಅಡಿಯಲ್ಲಿ, ಪರಿಶಿಷ್ಟ ಜಾತಿ’ ಪರಿಶಿಷ್ಟ ಪಂಗಡ ಮತ್ತು ಮಹಿಳಾ ಉದ್ಯಮಿಗಳಿಗಾಗಿ 4,111 ಕೋಟಿ ರೂಪಾಯಿಗಳ ಸಾಲ ಖಾತರಿ ನಿಧಿಗೆ ಅನುಮೋದನೆ ನೀಡಲಾಗಿದೆ. 'ಸ್ಟ್ಯಾಂಡ್-ಅಪ್ ಇಂಡಿಯಾ' (Stand-Up India) ಯೋಜನೆಯನ್ನು ಮಾರ್ಚ್ 31, 2031 ರವರೆಗೆ, ಅಂದರೆ ಇನ್ನೂ ಐದು ವರ್ಷಗಳ ಕಾಲ ಮುಂದುವರಿಸಲು ಸಂಪುಟ ಅನುಮೋದನೆ ನೀಡಿದೆ. ಈ ವಿಸ್ತರಿತ ಯೋಜನೆಯು ಮಹಿಳೆಯರು, ಪರಿಶಿಷ್ಟ ಜಾತಿಗಳು (SC) ಮತ್ತು ಪರಿಶಿಷ್ಟ ಪಂಗಡಗಳ (ST) ಸಮುದಾಯಗಳಿಗೆ ಸೇರಿದ ಹೆಚ್ಚುವರಿ 2.5 ಲಕ್ಷ ಉದ್ಯಮಿಗಳಿಗೆ ಆರ್ಥಿಕ ನೆರವು ಒದಗಿಸುವ ಗುರಿಯನ್ನು ಹೊಂದಿದೆ. ಇದು ಉದ್ಯಮಶೀಲತೆಯನ್ನು ಬಲಪಡಿಸುವುದರ ಜೊತೆಗೆ ಎಲ್ಲರನ್ನೂ ಒಳಗೊಂಡ ಆರ್ಥಿಕ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ.

ಈ ಯೋಜನೆಯ ಸಾಲ ನೀಡುವ ಚೌಕಟ್ಟನ್ನು ಬೆಂಬಲಿಸಲು ಮತ್ತು ಅರ್ಹ ಸಾಲಗಾರರಿಗೆ ಸಾಂಸ್ಥಿಕ ಹಣಕಾಸು ಸೌಲಭ್ಯಗಳನ್ನು ಸುಲಭವಾಗಿ ಒದಗಿಸಲು, ಸಚಿವ ಸಂಪುಟವು ₹4,111 ಕೋಟಿ ಮೊತ್ತದ 'ಸಾಲ ಖಾತರಿ ನಿಧಿ'ಯನ್ನು (Credit Guarantee Corpus) ಸ್ಥಾಪಿಸಲು ಅನುಮೋದನೆ ನೀಡಿದೆ. ಏಪ್ರಿಲ್ 2016 ರಲ್ಲಿ ಪ್ರಾರಂಭವಾದ 'ಸ್ಟ್ಯಾಂಡ್-ಅಪ್ ಇಂಡಿಯಾ' ಯೋಜನೆಯು, ಇಲ್ಲಿಯವರೆಗೆ ಮಹಿಳೆಯರು, ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡದ 2.75 ಲಕ್ಷಕ್ಕೂ ಹೆಚ್ಚು ಉದ್ಯಮಿಗಳಿಗೆ ಸಾಲ ಪಡೆಯಲು ನೆರವಾಗಿದೆ. ಈ ಯೋಜನೆಯನ್ನು ಮುಂದುವರಿಸುವ ಮೂಲಕ, ಈ ಸಮುದಾಯಗಳ ಹೆಚ್ಚಿನ ವ್ಯಕ್ತಿಗಳಿಗೆ ಹೊಸ ಉದ್ಯಮಗಳನ್ನು ಸ್ಥಾಪಿಸಲು ಮತ್ತು ತಮ್ಮ ವ್ಯವಹಾರಗಳನ್ನು ವಿಸ್ತರಿಸಲು ಅವಕಾಶ ಕಲ್ಪಿಸಿಕೊಡಲಾಗುವುದು.

ಉದ್ಯಮ ಸ್ಥಾಪನೆಗೆ ಸಾಲ

ಈ ಯೋಜನೆಯ ಅಡಿಯಲ್ಲಿ, ಅರ್ಹ ಮಹಿಳೆಯರು, ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡದ ಉದ್ಯಮಿಗಳು ಹೊಸ ಉದ್ಯಮಗಳನ್ನು (greenfield enterprises) ಸ್ಥಾಪಿಸಲು ಸಾಲವನ್ನು ಪಡೆಯಬಹುದು. ಉತ್ಪಾದನಾ ವಲಯ, ಸೇವಾ ವಲಯ, ವ್ಯಾಪಾರ ವಲಯ ಹಾಗೂ ಕೃಷಿ ಸಂಬಂಧಿತ ಚಟುವಟಿಕೆಗಳಲ್ಲಿ ತೊಡಗಿರುವ ಉದ್ಯಮಗಳಿಗೆ ಈ ಆರ್ಥಿಕ ನೆರವು ಲಭ್ಯವಿರುತ್ತದೆ. ಸಾಲವನ್ನು 'ಕಾರ್ಯನಿರತ ಬಂಡವಾಳ' (working capital) ಮತ್ತು 'ಅವಧಿ ಸಾಲ' (term loan) ಎರಡನ್ನೂ ಒಳಗೊಂಡ ಸಂಯೋಜಿತ ಸೌಲಭ್ಯವಾಗಿ ಅಥವಾ ಕೇವಲ ಅವಧಿ ಸಾಲವಾಗಿ ಪಡೆಯಬಹುದು. ಸಾಲದ ಮೊತ್ತವು ₹10 ಲಕ್ಷಕ್ಕಿಂತ ಹೆಚ್ಚಿದ್ದು, ₹1 ಕೋಟಿಯವರೆಗೆ ಇರಬಹುದು ಮತ್ತು ಇದು ಯೋಜನೆಯ ಒಟ್ಟು ವೆಚ್ಚದ ಶೇಕಡಾ 85 ರಷ್ಟನ್ನು ಒಳಗೊಳ್ಳಬಹುದು.

ಸಾಲದ ಹರಿವು ಸುಗಮ

ಸಾಲ ನೀಡುವ ಸಂಸ್ಥೆಗಳ ವಿಶ್ವಾಸವನ್ನು ಹೆಚ್ಚಿಸಲು ಮತ್ತು ಸಾಲದ ಹರಿವನ್ನು ಸುಗಮಗೊಳಿಸಲು, ಈ ಯೋಜನೆಯು ಸಾಲದ ಮೊತ್ತದ ಶೇಕಡಾ 85 ರಷ್ಟು 'ಸಾಲ ಖಾತರಿ'ಯನ್ನು (credit guarantee) ಒದಗಿಸುತ್ತದೆ. ಇದಕ್ಕಾಗಿ ಶೇಕಡಾ 0.50 ರಷ್ಟು ಪ್ರಮಾಣಿತ ಖಾತರಿ ಶುಲ್ಕವನ್ನು (guarantee fee) ವಿಧಿಸಲಾಗುತ್ತದೆ. ಈ ಯೋಜನೆಯ ಮುಂದುವರಿಕೆಯು, ಹಣಕಾಸು ಪಡೆಯುವಲ್ಲಿ ಅಡೆತಡೆಗಳನ್ನು ಎದುರಿಸುತ್ತಿರುವ ಉದ್ಯಮಿಗಳಿಗೆ ಸಾಂಸ್ಥಿಕ ಸಾಲ ಸೌಲಭ್ಯವನ್ನು ಸುಲಭವಾಗಿ ಪಡೆಯಲು ಸಹಾಯ ಮಾಡುತ್ತದೆ. ಹೊಸ ಉದ್ಯಮಗಳ ಸೃಷ್ಟಿಯನ್ನು ಬೆಂಬಲಿಸುವ ಮೂಲಕ, ಇದು ಸ್ವಯಂ ಉದ್ಯೋಗವನ್ನು ಪ್ರೋತ್ಸಾಹಿಸಲು, ವ್ಯಾಪಾರ ಅವಕಾಶಗಳನ್ನು ವಿಸ್ತರಿಸಲು ಹಾಗೂ ಭಾರತದ ಉದ್ಯಮಶೀಲತಾ ಪರಿಸರ ವ್ಯವಸ್ಥೆಯಲ್ಲಿ ಮಹಿಳೆಯರು ಮತ್ತು ಪರಿಶಿಷ್ಟ ಜಾತಿ ಹಾಗೂ ಪರಿಶಿಷ್ಟ ಪಂಗಡದ ಸಮುದಾಯಗಳ ಪಾಲ್ಗೊಳ್ಳುವಿಕೆಯನ್ನು ಬಲಪಡಿಸಲು ಉದ್ದೇಶಿಸಿದೆ.

ಮುಂದಿನ ಐದು ವರ್ಷಗಳಲ್ಲಿ ಕನಿಷ್ಠ 2.5 ಲಕ್ಷ ಹೆಚ್ಚುವರಿ ಫಲಾನುಭವಿಗಳನ್ನು ತಲುಪುವ ಗುರಿಯನ್ನು ಹೊಂದಿರುವ ಈ ವಿಸ್ತರಿತ 'ಸ್ಟ್ಯಾಂಡ್-ಅಪ್ ಇಂಡಿಯಾ' ಯೋಜನೆಯು, ಆರ್ಥಿಕ ಒಳಗೊಳ್ಳುವಿಕೆಯನ್ನು (financial inclusion) ಆಳಗೊಳಿಸಲು ಮತ್ತು ಸರ್ವವ್ಯಾಪಿ ಆರ್ಥಿಕ ಅಭಿವೃದ್ಧಿಗೆ ಕೊಡುಗೆ ನೀಡಲು ಶ್ರಮಿಸುತ್ತದೆ