Asianet Suvarna News

Balen Sha: ನೇಪಾಳ್‌ಗೆ ಮಗ್ಗಲು ಮುಳ್ಳಾಯ್ತು ಚೀನಾದ ಮೇಲಿನ ಕುರುಡು ಪ್ರೀತಿ; ಸ್ನೇಹದ ಆಸೆಯಲ್ಲಿ ಬಾಲೆನ್ ಶಾ ತಮ್ಮವರಿಗೇ ಮಾಡಿದ್ರಾ ಅನ್ಯಾಯ?

Bhimasi M Koleppanavar — Fri, 28 Aug 2026 19:02:40 +0530

ಕಠ್ಮಂಡು: ನೇಪಾಳ-ಚೀನಾ ಗಡಿಯ ರಸುವಾಗಧಿ ಪ್ರದೇಶದಲ್ಲಿ ಸಂಭವಿಸಿದ ಭೀಕರ ಹಿಮನದಿ ಪ್ರವಾಹ ದುರಂತವು ದೇಶಾದ್ಯಂತ ತೀವ್ರ ಆಕ್ರೋಶ ಮತ್ತು ಕಳವಳಕ್ಕೆ ಕಾರಣವಾಗಿದೆ. ಈ ಭೀಕರ ವಿಪತ್ತಿನಲ್ಲಿ ಸುಮಾರು 469ಕ್ಕೂ ಹೆಚ್ಚು ಜನರು ಪ್ರಾಣ ಕಳೆದುಕೊಂಡಿದ್ದು, ಸಾವಿರಾರು ಜನರು ಕಾಣೆಯಾಗಿದ್ದಾರೆ. ಈ ದುರಂತದ ಬೆನ್ನಲ್ಲೇ ಚೀನಾದ ಜವಾಬ್ದಾರಿರಹಿತ ನಡವಳಿಕೆ ಹಾಗೂ ಪ್ರಧಾನಿ ಬಾಲೆನ್ ಶಾ ನೇತೃತ್ವದ ನೇಪಾಳ ಸರ್ಕಾರದ ದ್ವಂದ್ವ ನೀತಿಯ ವಿರುದ್ಧ ದೇಶೀಯ ಮಾಧ್ಯಮಗಳು ಮತ್ತು ಸಾರ್ವಜನಿಕ ವಲಯದಿಂದ ತೀವ್ರ ಟೀಕೆಗಳು ವ್ಯಕ್ತವಾಗುತ್ತಿವೆ. ಈ ಕುರಿತು ಕಂಪ್ಲೀಟ್‌ ಸ್ಟೋರಿ ಇಲ್ಲಿದೆ.

ಏನಿದು ದುರಂತ?

ಟಿಬೆಟ್ ಗಡಿಭಾಗದಲ್ಲಿದ್ದ ಹಿಮನದಿಯೊಂದು ಇದ್ದಕ್ಕಿದ್ದಂತೆ ಒಡೆದು, ಪ್ರಚಂಡ ಪ್ರಮಾಣದ ನೀರು ಮತ್ತು ಭಗ್ನಾವಶೇಷಗಳು ಕೆಳಭಾಗದಲ್ಲಿದ್ದ ನೇಪಾಳದ ರಸುವಾಗಧಿ ಪ್ರದೇಶಕ್ಕೆ ನುಗ್ಗಿದವು. ಹಿಮನದಿ ಒಡೆದ ನೀರು ರಸುವಾಗಧಿಗೆ ತಲುಪಲು ಕೇವಲ 1.5 ಗಂಟೆಗಳ ಕಾಲಾವಕಾಶವಿತ್ತು. ಚೀನಾ ಸರ್ಕಾರವು ಸುಧಾರಿತ ಉಪಗ್ರಹ ಮತ್ತು ಕಣ್ಗಾವಲು ವ್ಯವಸ್ಥೆಗಳನ್ನು ಹೊಂದಿದ್ದರೂ, ನೇಪಾಳಕ್ಕೆ ಯಾವುದೇ ಮುಂಚಿನ ಎಚ್ಚರಿಕೆ ನೀಡಲಿಲ್ಲ. ಚೀನಾದಿಂದ ಒಂದು ಸಣ್ಣ ಫೋನ್ ಕರೆ ಅಥವಾ ಎಚ್ಚರಿಕೆಯ ಸಂದೇಶ ಬಾರದೇ ಇದ್ದುದರಿಂದ, ತಗ್ಗು ಪ್ರದೇಶದಲ್ಲಿದ್ದ ಜಲವಿದ್ಯುತ್ ಯೋಜನೆಯ ಕಾರ್ಮಿಕರು, ಸ್ಥಳೀಯ ನಾಗರಿಕರು ಹಾಗೂ ಪೊಲೀಸರಿಗೆ ಸುರಕ್ಷಿತ ಸ್ಥಳಕ್ಕೆ ತೆರಳಲು ಸಾಧ್ಯವಾಗಲಿಲ್ಲ.

ಚೀನಾದ 'ಕುರುಡು ಪ್ರೀತಿ' ಮತ್ತು ಪ್ರಧಾನಿ ಬಾಲೆನ್ ಶಾ ಸರ್ಕಾರದ ವೈಫಲ್ಯ!

ಅಧಿಕಾರಕ್ಕೆ ಬಂದು ಸುಮಾರು 5 ತಿಂಗಳು ಕಳೆಯುತ್ತಿರುವ ಪ್ರಧಾನಿ ಬಾಲೆನ್ ಶಾ, ತಮ್ಮ ರಾಷ್ಟ್ರೀಯತಾವಾದಿ ಇಮೇಜ್‌ನಿಂದ ಗಮನ ಸೆಳೆದಿದ್ದರು. ಆದರೆ ಈ ಪ್ರಕೃತಿ ವಿಕೋಪದ ವೇಳೆ ಅವರ ನೀತಿಗಳು ಪ್ರಮುಖ ಪ್ರಶ್ನೆಗಳನ್ನು ಹುಟ್ಟುಹಾಕಿವೆ. ಮೊದಲಿಗೆ ಟಿಬೆಟ್ ಗಡಿ ಹಾಗೂ ಬ್ರಹ್ಮಪುತ್ರ ನದಿಯ ಮೇಲ್ಭಾಗದಲ್ಲಿ ಚೀನಾ ನಡೆಸುತ್ತಿರುವ ವಿವೇಚನಾರಹಿತ ನಿರ್ಮಾಣ ಕಾರ್ಯಗಳು ಮತ್ತು ಅಣೆಕಟ್ಟುಗಳು ಅಪಾಯಕಾರಿ ಎಂದು ಪರಿಸರ ತಜ್ಞರು ಹಾಗೂ ಮಾಜಿ ಸಿವಿಲ್ ಎಂಜಿನಿಯರ್‌ಗಳ ಗುಂಪು ಎಚ್ಚರಿಸಿತ್ತು. ಆದರೂ ಬಾಲೆನ್ ಶಾ ಇದನ್ನು ಸಂಪೂರ್ಣವಾಗಿ ನಿರ್ಲಕ್ಷಿಸಿದರು. ಇನ್ನು ಎರಡನೇ ವಿಚಾರವೆಂದರೆ, ಸಣ್ಣಪುಟ್ಟ ವಿಷಯಗಳಿಗೂ ಭಾರತದ ವಿರುದ್ಧ ಕಠಿಣ ನಿಲುವು ತಳೆಯುವ ನೇಪಾಳದ ನಾಯಕರು, ಚೀನಾದ ಅಪಾಯಕಾರಿ ನಿರ್ಮಾಣಗಳ ವಿರುದ್ಧ ಧ್ವನಿ ಎತ್ತಲು ಹಿಂದೇಟು ಹಾಕುತ್ತಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.

ರಾಷ್ಟ್ರೀಯತೆಗೆ ಹೆಚ್ಚಿದ ಪ್ರಚಾರ!

ಶಾಲೆಗಳ ಹೆಸರುಗಳನ್ನು ನೇಪಾಳಿ ಭಾಷೆಗೆ ಬದಲಾಯಿಸುವುದು ಹಾಗೂ ರಾಷ್ಟ್ರೀಯತೆಯ ಹೆಸರಿನಲ್ಲಿ ಪ್ರಚಾರ ಪಡೆಯುವುದಕ್ಕಷ್ಟೇ ಸೀಮಿತವಾಗದೆ, ನಾಗರಿಕರ ಜೀವ ರಕ್ಷಣೆಯಂತಹ ಮೂಲಭೂತ ವಿಷಯಕ್ಕೆ ಆದ್ಯತೆ ನೀಡಬೇಕಿತ್ತು ಎಂಬ ಆಕ್ರೋಶವೂ ವ್ಯಕ್ತವಾಗಿದೆ.

ನೇಪಾಳ ಮಾಧ್ಯಮ ಮತ್ತು ತಜ್ಞರ ಆಕ್ರೋಶ!

ಈ ಭೀಕರ ವಿಪತ್ತಿನ ನಂತರ ನೇಪಾಳದ ಪ್ರಮುಖ ದಿನಪತ್ರಿಕೆ 'ನಯಾ ಪತ್ರಿಕಾ'ದ ಹಿರಿಯ ಪತ್ರಕರ್ತರು ಮತ್ತು ಚಿಂತಕರು ಚೀನಾದ ನಡವಳಿಕೆಯನ್ನು ತೀವ್ರವಾಗಿ ಖಂಡಿಸಿದ್ದಾರೆ. ನೇಪಾಳವು ಚೀನಾದ ಎಲ್ಲಾ ಕಾನೂನುಬದ್ಧ ಹಾಗೂ ಕಾನೂನುಬಾಹಿರ ಬೇಡಿಕೆಗಳನ್ನು ಈಡೇರಿಸುತ್ತಾ ಬಂದಿದ್ದರೂ, ಇಂತಹ ತುರ್ತು ಸಂದರ್ಭದಲ್ಲಿ ಚೀನಾ ಮಾಹಿತಿ ನೀಡದೆ ಕೈಕೊಟ್ಟಿರುವುದು ಏಕಪಕ್ಷೀಯ ಪ್ರೀತಿಯ ಬೆಲೆ ಎಂದು ಬಣ್ಣಿಸಲಾಗಿದೆ. ರಾಷ್ಟ್ರೀಯ ಯೋಜನಾ ಆಯೋಗದ ಮಾಜಿ ಉಪಾಧ್ಯಕ್ಷ ಡಾ. ಗೋವಿಂದ್ ರಾಜ್ ಪೋಖರೆಲ್ ಪ್ರಕಾರ, ಬಲವಾದ ಪ್ರವಾಹದ ಮುನ್ಸೂಚನೆ ಇಲ್ಲದ ಕಾರಣ ತಗ್ಗು ಪ್ರದೇಶದಲ್ಲಿದ್ದ ಜನರು ಕ್ಷಣಾರ್ಧದಲ್ಲಿ ಪ್ರವಾಹಕ್ಕೆ ಕೊಚ್ಚಿಹೋಗಿದ್ದಾರೆ ಎನ್ನುವುದು ಕೇಳಿ ಬಂದಿದೆ.

ಚೀನಾದ ಸಮಜಾಯಿಷಿ!

ನೇಪಾಳದಲ್ಲಿ ಆಕ್ರೋಶ ಭುಗಿಲೇಳುತ್ತಿದ್ದಂತೆ ಕಠ್ಮಂಡುವಿನಲ್ಲಿರುವ ಚೀನಾ ರಾಯಭಾರ ಕಚೇರಿಯು ತನ್ನ ಮೇಲಿನ ಎಲ್ಲಾ ಆರೋಪಗಳನ್ನು ನಕಲಿ ಎಂದು ತಳ್ಳಿಹಾಕಿದೆ. ಈ ಘಟನೆಯು ನೇಪಾಳದ ಭಾಗದಲ್ಲೇ ಸಂಭವಿಸಿದ ಹಿಮನದಿ ದುರಂತವಾಗಿದ್ದು, ಇದರಲ್ಲಿ ಚೀನಾದ ನಾಗರಿಕರೂ ಸಾವನ್ನಪ್ಪಿದ್ದಾರೆ ಎಂದು ಹೇಳಿಕೆ ನೀಡಿದೆ. ಅಲ್ಲದೆ ದೂಷಣೆ ಮಾಡುವುದಕ್ಕಿಂತ ಸಹಕಾರ ಮುಖ್ಯ ಎಂದು ಚೀನಾ ಸಲಹೆ ನೀಡಿದೆ. ಆದರೆ, ಕಳೆದ ವರ್ಷದ ಆಗಸ್ಟ್‌ನಲ್ಲೂ ಟಿಬೆಟ್‌ನ ಹಿಮನದಿ ಸರೋವರ ಒಡೆದು ರಸುವಾಗಧಿ ಮತ್ತು ಗೈರಾಂಗ್ ಸಂಪರ್ಕಿಸುವ 'ಫ್ರೆಂಡ್‌ಶಿಪ್ ಸೇತುವೆ' ನಾಶವಾಗಿತ್ತು. ಪದೇ ಪದೇ ಇಂತಹ ಘಟನೆಗಳು ನಡೆಯುತ್ತಿದ್ದರೂ ಚೀನಾ ಎಚ್ಚರಿಕೆ ವ್ಯವಸ್ಥೆ ರೂಪಿಸಿಲ್ಲ.

ಆತ್ಮಾವಲೋಕನದ ಅಗತ್ಯ!

ರಸುವಾಗಧಿ ದುರಂತವು ನೇಪಾಳ ಸರ್ಕಾರಕ್ಕೆ ದೊಡ್ಡ ಪಾಠವಾಗಿದೆ. ಬರಿ ಸಾಮಾಜಿಕ ಮಾಧ್ಯಮದ ಹೇಳಿಕೆಗಳು ಮತ್ತು ಸಿದ್ಧಾಂತಗಳಿಂದ ದೇಶದ ಗಡಿ ಹಾಗೂ ನಾಗರಿಕರನ್ನು ರಕ್ಷಿಸಲು ಸಾಧ್ಯವಿಲ್ಲ. ಚೀನಾ ಸರ್ಕಾರವು ತನ್ನ ವಾಣಿಜ್ಯ ಮತ್ತು ರಾಜತಾಂತ್ರಿಕ ಹಿತಾಸಕ್ತಿಗಳನ್ನಷ್ಟೇ ನೋಡಿಕೊಳ್ಳುತ್ತದೆ ಎಂಬ ಸತ್ಯವನ್ನು ಅರಿತು, ಬಾಲೆನ್ ಶಾ ಸರ್ಕಾರವು ಭಾರತದಂತೆ ಚೀನಾವನ್ನೂ ಗಂಭೀರವಾಗಿ ಪ್ರಶ್ನಿಸುವ ಹಾಗೂ ದೇಶದ ಜನರ ಭದ್ರತೆಗೆ ಮೊದಲ ಆದ್ಯತೆ ನೀಡುವ ತುರ್ತು ಅಗತ್ಯವಿದೆ.

ಬ್ಯಾಂಕ್ ಚೆಕ್‌ಗಳಲ್ಲಿ ಮೊತ್ತ ಬರೆದ ಮೇಲೆ Only ಎಂದು ಏಕೆ ಬರೆಯುತ್ತಾರೆ; ಮಹತ್ವದ ಕಾರಣ ತಿಳಿದುಕೊಳ್ಳಿ

Ganesh Mabla Gowda — Wed, 02 Sep 2026 06:38:27 +0530

ನೀವು ಬ್ಯಾಂಕಿಗೆ ಹೋಗಿ ಹಣ ವಿತ್‌ಡ್ರಾ ಮಾಡುವಾಗ ಅಥವಾ ಚೆಕ್ ಬರೆಯುವಾಗ ಮೊತ್ತವನ್ನು ಅಕ್ಷರಗಳಲ್ಲಿ ಬರೆದ ನಂತರ ಕೊನೆಯಲ್ಲಿ Only (ಮಾತ್ರ) ಎಂದು ಬರೆಯುವುದನ್ನು ಗಮನಿಸಿರಬಹುದು. ಉದಾಹರಣೆಗೆ ಹತ್ತು ಸಾವಿರ ರೂಪಾಯಿಗಳು ಮಾತ್ರ ಅಥವಾ Ten Thousand Rupees Only ಎಂದು ಬರೆಯುತ್ತೇವೆ. ಈ ಒಂದು ಸಣ್ಣ ಪದದ ಹಿಂದೆ ಮಹತ್ವದ ಭದ್ರತಾ ಕಾರಣವಿದೆ.

ಮಹತ್ವದ ಕಾರಣವುಂಟು

ಮೊತ್ತದ ನಂತರ Only ಎಂದು ಬರೆಯುವುದರ ಮುಖ್ಯ ಉದ್ದೇಶ ವಂಚನೆಯನ್ನು ತಡೆಯುವುದು. ಒಂದು ವೇಳೆ ನೀವು ಕೇವಲ ಹತ್ತು ಸಾವಿರ ರೂಪಾಯಿಗಳು (Ten Thousand Rupees) ಎಂದು ಬರೆದು ಬಿಟ್ಟರೆ, ಯಾರಾದರೂ ಅದರ ಮುಂದೆ ಐದು ನೂರು (Five Hundred) ಎಂಬ ಪದವನ್ನು ಸೇರಿಸುವ ಸಾಧ್ಯತೆ ಇರುತ್ತದೆ. ಆಗ ಹತ್ತು ಸಾವಿರದ ಚೆಕ್, ಹತ್ತು ಸಾವಿರದ ಐದು ನೂರು ರೂಪಾಯಿ ಆಗಿ ಬದಲಾಗಬಹುದು. Only ಎಂದು ಬರೆಯುವುದರಿಂದ ಅಲ್ಲಿಗೆ ಆ ವಾಕ್ಯ ಪೂರ್ಣಗೊಂಡಿದೆ ಮತ್ತು ಅದರ ಮುಂದೆ ಬೇರೆ ಯಾವುದೇ ಪದಗಳನ್ನು ಸೇರಿಸಲು ಅವಕಾಶವಿಲ್ಲ ಎಂಬುದು ಸ್ಪಷ್ಟವಾಗುತ್ತದೆ.

ಗಮನಿಸಬೇಕಾದ ಅಂಶವೆಂದರೆ..ಮೊತ್ತದ ಕೊನೆಯಲ್ಲಿ Only ಎಂದು ಬರೆಯದಿದ್ದರೆ ನಿಮ್ಮ ಚೆಕ್ ಅಥವಾ ಫಾರಂ ಅಮಾನ್ಯವಾಗುತ್ತದೆ ಎಂದಲ್ಲ. ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ಇಂತಹ ಯಾವುದೇ ಕಡ್ಡಾಯ ನಿಯಮವನ್ನು ವಿಧಿಸಿಲ್ಲ. ಆದರೆ ನಿಮ್ಮ ಹಣದ ಭದ್ರತೆ ಮತ್ತು ಸುರಕ್ಷತೆಯ ದೃಷ್ಟಿಯಿಂದ ಇದು ದಶಕಗಳಿಂದ ನಡೆದುಬಂದಿರುವ ಒಂದು ಉತ್ತಮ ಆನವಾಯಿತಿ ಮತ್ತು ಮುನ್ನೆಚ್ಚರಿಕೆ ಕ್ರಮವಾಗಿದೆ.

ಅಂಕಿ ಮತ್ತು ಅಕ್ಷರಗಳ ತಾಳೆ: ನೀವು ಅಂಕಿಗಳಲ್ಲಿ ಬರೆದ ಮೊತ್ತ ಮತ್ತು ಅಕ್ಷರಗಳಲ್ಲಿ ಬರೆದ ಮೊತ್ತ ಎರಡೂ ಒಂದೇ ಆಗಿರಬೇಕು. ವ್ಯತ್ಯಾಸವಿದ್ದರೆ ಬ್ಯಾಂಕ್ ಸಿಬ್ಬಂದಿ ಚೆಕ್ ಅನ್ನು ತಿರಸ್ಕರಿಸಬಹುದು.

ಜಾಗ ಬಿಡಬೇಡಿ: ಅಂಕಿಗಳಲ್ಲಿ ಮೊತ್ತ ಬರೆಯುವಾಗಲೂ ಅಷ್ಟೇ, ಕೊನೆಯಲ್ಲಿ "/" ಅಥವಾ "-" ಚಿಹ್ನೆಯನ್ನು ಹಾಕುವುದು ಸೂಕ್ತ. ಇದು ಹೆಚ್ಚಿನ ಅಂಕಿಗಳನ್ನು ಸೇರಿಸದಂತೆ ತಡೆಯುತ್ತದೆ.

ಸ್ಪಷ್ಟತೆ ಇರಲಿ: ಯಾವುದೇ ಅಳಿಸುವಿಕೆ ಅಥವಾ ತಿದ್ದುಪಡಿ ಇಲ್ಲದಂತೆ ಫಾರಂಗಳನ್ನು ಭರ್ತಿ ಮಾಡುವುದು ಉತ್ತಮ.

ಬ್ಯಾಂಕ್ ಸಿಬ್ಬಂದಿ ಕೂಡ ಸುರಕ್ಷತೆಯ ದೃಷ್ಟಿಯಿಂದ "Only" ಎಂದು ಬರೆಯುವಂತೆ ಸೂಚಿಸುತ್ತಾರೆ. ನಿಮ್ಮ ಕಷ್ಟದ ಗಳಿಕೆಯ ಹಣ ಸುರಕ್ಷಿತವಾಗಿರಲಿ ಎಂಬ ಉದ್ದೇಶದಿಂದ ಈ ಸಣ್ಣ ಕೆಲಸವನ್ನು ಮಾಡುವುದು ಯಾವಾಗಲೂ ಒಳ್ಳೆಯದು. ಮುಂದಿನ ಬಾರಿ ಬ್ಯಾಂಕಿಗೆ ಹೋದಾಗ ಈ ವಿಷಯ ನೆನಪಿರಲಿ!

ನಿವೃತ್ತಿ ಜೀವನಕ್ಕೆ 1 ಅಥವಾ 2 ಕೋಟಿ ರೂಪಾಯಿ ಸಾಕೇ? ನಿಮ್ಮ ನಿವೃತ್ತಿ ಸುಲಭ ಪ್ಲಾನ್‌ ಹೇಗಿರಬೇಕು?

Ganesh Mabla Gowda — Fri, 28 Aug 2026 21:47:38 +0530

ಸಾಮಾನ್ಯವಾಗಿ ನಿವೃತ್ತಿ (Retirement) ಜೀವನದ ಬಗ್ಗೆ ಯೋಚಿಸುವಾಗ ಪ್ರಶ್ನೆ ಏನೆಂದರೆ ನಿವೃತ್ತಿ ನಂತರ ಎಷ್ಟು ಹಣ ಬೇಕಾಗಬಹುದು?. ಒಬ್ಬರು 1 ಕೋಟಿ ರೂಪಾಯಿ ಇದ್ದರೆ ಸಾಕು ಎನ್ನಬಹುದು. ಇನ್ನು ಕೆಲವರು ಕನಿಷ್ಠ 2 ಕೋಟಿ ರೂಪಾಯಿ ಬೇಕು ಎನ್ನಬಹುದು. ವಾಸ್ತವದಲ್ಲಿ ಎಲ್ಲರಿಗೂ ಒಂದೇ ರೀತಿಯ ನಿವೃತ್ತಿ ನಿಧಿ (Retirement Corpus) ಸಾಕಾಗುವುದಿಲ್ಲ. ಸ್ವಂತ ಮನೆ ಹೊಂದಿದ್ದು, ಕಡಿಮೆ ಖರ್ಚು ಇರುವವರಿಗೆ 1 ಕೋಟಿ ರೂಪಾಯಿ ಸಾಕಾಗಬಹುದು. ಅದೇ ಸಮಯದಲ್ಲಿ ಬಾಡಿಗೆ ಮನೆಯಲ್ಲಿದ್ದು, ವೈದ್ಯಕೀಯ ವೆಚ್ಚಗಳು ಹಾಗೂ ಕುಟುಂಬದ ಜವಾಬ್ದಾರಿ ಹೊಂದಿರುವವರಿಗೆ 2 ಕೋಟಿ ರೂಪಾಯಿ ಕೂಡ ಸಾಲದೇ ಬರಬಹುದು. ಹಾಗಾಗಿ ನಿವೃತ್ತಿ ನಿಧಿಯನ್ನು ಹೇಗೆ ಯೋಜಿಸಬೇಕು? ಇದನ್ನು ಸರಳವಾಗಿ ಅರ್ಥಮಾಡಿಕೊಳ್ಳಲು ಇಲ್ಲಿದೆ ಕೆಲವು ಪ್ರಮುಖ ಹಂತಗಳು.

ಇಂದಿನ ತಿಂಗಳ ಖರ್ಚಿನಿಂದ ಲೆಕ್ಕ ಆರಂಭಿಸಿ

ನಿವೃತ್ತಿ ಯೋಜನೆ ದೊಡ್ಡ ಮೊತ್ತದಿಂದ ಆರಂಭಿಸುವ ಬದಲು ನಿಮ್ಮ ಇಂದಿನ ತಿಂಗಳ ಖರ್ಚು ಎಷ್ಟಿದೆ ಎಂಬುದರಿಂದ ಲೆಕ್ಕ ಶುರು ಮಾಡಿ
ಅತ್ಯಗತ್ಯ ಖರ್ಚುಗಳು: ದಿನಸಿ, ಕರೆಂಟ್ ಬಿಲ್, ಬಾಡಿಗೆ, ಔಷಧಗಳು
ಇತರ ಖರ್ಚುಗಳು: ಪ್ರವಾಸ, ಹಬ್ಬ-ಹರಿದಿನಗಳು, ಕುಟುಂಬದ ಅಗತ್ಯಗಳು
ಕೆಲಸದಿಂದ ನಿವೃತ್ತರಾದ ಮೇಲೂ ಬಹುತೇಕ ಖರ್ಚುಗಳು ಮುಂದುವರಿಯುತ್ತವೆ ಎಂಬುದನ್ನು ನೆನಪಿನಲ್ಲಿಡಿ

ಹಣದುಬ್ಬರ ಮರೆಯಬೇಡಿ

ಇಂದು ಸಿಗುವ ವಸ್ತುಗಳ ಬೆಲೆ ಮುಂದಿನ ಹತ್ತು ಅಥವಾ ಇಪ್ಪತ್ತು ವರ್ಷಗಳ ನಂತರ ಅಷ್ಟೇ ಇರುವುದಿಲ್ಲ. ಭಾರತದಲ್ಲಿ ಶೇ. 4 ರಷ್ಟು ಹಣದುಬ್ಬರ ದರವನ್ನು (Tolerance band 2% ರಿಂದ 6%) ಅಂದಾಜಿಸಲಾಗಿದೆ. ಇದರರ್ಥ ಇಂದು ತಿಂಗಳಿಗೆ ₹50,000 ಖರ್ಚು ಮಾಡುತ್ತಿರುವ ವ್ಯಕ್ತಿ, ಇನ್ನು 20 ವರ್ಷಗಳ ನಂತರ ಅದೇ ರೀತಿಯ ಜೀವನ ಶೈಲಿ ಮುಂದುವರಿಸಲು ಅದಕ್ಕಿಂತ ಹೆಚ್ಚಿನ ಹಣವನ್ನು ಖರ್ಚು ಮಾಡಬೇಕಾಗುತ್ತದೆ. ಬೆಲೆ ಏರಿಕೆಯನ್ನು ಮನಸ್ಸಿನಲ್ಲಿಟ್ಟುಕೊಂಡು ನಿವೃತ್ತಿ ನಿಧಿಯನ್ನು ಲೆಕ್ಕ ಹಾಕಬೇಕು.

ನಿವೃತ್ತಿ ವಯಸ್ಸು ಮತ್ತು ಜೀವಿತಾವಧಿ ಮುಖ್ಯ

ನೀವು ಯಾವ ವಯಸ್ಸಿನಲ್ಲಿ ನಿವೃತ್ತರಾಗುತ್ತೀರಿ ಎಂಬುದು ನಿವೃತ್ತಿ ನಿಧಿಯ ಗಾತ್ರ ನಿರ್ಧರಿಸುತ್ತದೆ. ನೀವು 55ನೇ ವಯಸ್ಸಿಗೆ ನಿವೃತ್ತರಾದರೆ ಮುಂದಿನ 25-30 ವರ್ಷಗಳ ಜೀವನಕ್ಕಾಗಿ ಹೆಚ್ಚಿನ ಹಣ ಬೇಕಾಗುತ್ತದೆ. ಅದೇ 65ನೇ ವಯಸ್ಸಿಗೆ ನಿವೃತ್ತರಾದರೆ ಬೇಕಾಗುವ ಹಣದ ಪ್ರಮಾಣ ಸ್ವಲ್ಪ ಕಡಿಮೆಯಾಗಬಹುದು. ವಯಸ್ಸಾದಂತೆ ವೈದ್ಯಕೀಯ ವೆಚ್ಚಗಳು ಹೆಚ್ಚಾಗುವುದರಿಂದ ಕೇವಲ 75 ಅಥವಾ 80 ವರ್ಷಕ್ಕೆ ಮಾತ್ರ ಯೋಜನೆ ರೂಪಿಸದೆ, ಅದಕ್ಕಿಂತ ಹೆಚ್ಚು ವರ್ಷಗಳ ಅಗತ್ಯಕ್ಕೆ ತಕ್ಕಂತೆ ಹಣ ಉಳಿಸುವುದು ಸೂಕ್ತ.

ನಿವೃತ್ತಿಯ ನಂತರ ಆದಾಯದ ಮೂಲಗಳು

ನಿವೃತ್ತಿಯ ನಂತರವೂ ನಿಮಗೆ ಪೆನ್ಷನ್, ಇಪಿಎಫ್ (EPF), ಮನೆಯ ಬಾಡಿಗೆ ಅಥವಾ ಇನ್ಯಾವುದೇ ಮಾಸಿಕ ಆದಾಯ ಬರುತ್ತಿದ್ದರೆ ನಿಮ್ಮ ನಿವೃತ್ತಿ ನಿಧಿಯ ಮೇಲಿನ ಹೊರೆ ಕಡಿಮೆಯಾಗುತ್ತದೆ. ಬಾಡಿಗೆ ಮನೆಗಳು ಯಾವಾಗಲೂ ಬಾಡಿಗೆಗೆ ಇರುತ್ತವೆ ಅಥವಾ ಬ್ಯಾಂಕ್ ಬಡ್ಡಿ ದರಗಳು ಯಾವಾಗಲೂ ಒಂದೇ ಸಮನಾಗಿರುತ್ತವೆ ಎಂದು ನಂಬಲು ಸಾಧ್ಯವಿಲ್ಲ. ಆದ್ದರಿಂದ ಇವುಗಳ ಮೇಲಿನ ಅವಲಂಬನೆಯಲ್ಲಿ ಜಾಗರೂಕತೆ ಇರಲಿ.

ಹೂಡಿಕೆಯಲ್ಲಿ ಜಾಣ್ಮೆ

ಕೇವಲ ಹಣ ಉಳಿಸುವುದು ಮುಖ್ಯವಲ್ಲ, ಅದನ್ನು ಎಲ್ಲಿ ಹೂಡಿಕೆ ಮಾಡುತ್ತೀರಿ ಎಂಬುದು ಮುಖ್ಯ. ಎಲ್ಲಾ ಹಣವನ್ನು ಬ್ಯಾಂಕ್ ಉಳಿತಾಯ ಖಾತೆಯಲ್ಲೇ ಇಟ್ಟರೆ, ಹಣದುಬ್ಬರದಿಂದಾಗಿ ಹಣದ ಮೌಲ್ಯ ಕುಸಿಯುತ್ತದೆ. ಹಾಗಂತ ಎಲ್ಲಾ ಹಣವನ್ನು ಶೇರು ಮಾರುಕಟ್ಟೆಯಂತಹ ರಿಸ್ಕ್ ಇರುವ ಕಡೆ ಹೂಡಿದರೆ ಮಾರುಕಟ್ಟೆ ಕುಸಿದಾಗ ನಷ್ಟ ಅನುಭವಿಸಬೇಕಾಗಬಹುದು. ಆದ್ದರಿಂದ ಸುರಕ್ಷಿತ ಯೋಜನೆಗಳು ಮತ್ತು ಉತ್ತಮ ಆದಾಯ ನೀಡುವ ಯೋಜನೆಗಳ ನಡುವೆ ಸಮತೋಲನ ಕಾಯ್ದುಕೊಳ್ಳಿ.

₹2 ಕೋಟಿ ಎಲ್ಲರಿಗೂ ಸಾಕಾಗಲ್ಲ ಯಾಕೆ?

ಇಬ್ಬರು ನಿವೃತ್ತ ವ್ಯಕ್ತಿಗಳ ಬಳಿ ತಲಾ ₹2 ಕೋಟಿ ಹಣ ಇದೆ ಎಂದುಕೊಳ್ಳಿ
ಮೊದಲನೆಯವರಿಗೆ ಸ್ವಂತ ಮನೆ ಇದೆ ಮತ್ತು ತಿಂಗಳ ಖರ್ಚು ₹40,000 ಮಾತ್ರ
ಎರಡನೆಯವರು ಬಾಡಿಗೆ ಮನೆಯಲ್ಲಿದ್ದು, ತಿಂಗಳಿಗೆ ₹1 ಲಕ್ಷ ಖರ್ಚು ಮಾಡುತ್ತಿದ್ದಾರೆ
ಇಲ್ಲಿ ಎರಡನೆಯವರಿಗೆ ₹2 ಕೋಟಿ ಹಣ ಬೇಗನೆ ಖಾಲಿಯಾಗುವ ಸಾಧ್ಯತೆ ಇರುತ್ತದೆ. ಹೀಗಾಗಿ ಕೇವಲ ದೊಡ್ಡ ಮೊತ್ತವನ್ನು ನೋಡಿ ನಿಶ್ಚಿಂತರಾಗಬೇಡಿ.

ಹಣ ಹಿಂಪಡೆಯುವ ಸೂತ್ರ (Withdrawal Strategy)

ಕೇವಲ ಹಣವನ್ನು ಕೂಡಿಡುವುದು ಮುಖ್ಯವಲ್ಲ, ನಿವೃತ್ತಿಯ ನಂತರ ಆ ಹಣವನ್ನು ಹೇಗೆ ನಿಯಮಿತ ಆದಾಯವನ್ನಾಗಿ ಪರಿವರ್ತಿಸಬೇಕು ಎಂಬುದು ಮುಖ್ಯ. ಇದಕ್ಕಾಗಿ ಪಿಎಫ್‌ಆರ್‌ಡಿಎ (PFRDA) ನ್ಯಾಷನಲ್ ಪೆನ್ಷನ್ ಸಿಸ್ಟಮ್ (NPS) ಅಡಿಯಲ್ಲಿ ಹೊಸ ಹಂತ-ಹಂತದ ವಿತ್‌ಡ್ರಾ ಆಯ್ಕೆಗಳನ್ನು ಪರಿಚಯಿಸಿದೆ. ಇದು ನಿವೃತ್ತಿ ನಿಧಿಯನ್ನು ವ್ಯವಸ್ಥಿತವಾಗಿ ಬಳಸಲು ನೆರವಾಗುತ್ತದೆ.

ನಿವೃತ್ತಿ ನಿಧಿ ಸರಳ ಲೆಕ್ಕ

ಬೆಲೆ ಏರಿಕೆ ಲೆಕ್ಕ ಹಿಡಿದು ನಿವೃತ್ತಿ ನಂತರ ನಿಮಗೆ ತಿಂಗಳಿಗೆ ಎಷ್ಟು ಹಣ ಬೇಕಾಗಬಹುದು ಎಂದು ಅಂದಾಜಿಸಿ. ನಿಮಗೆ ಪೆನ್ಷನ್ ಅಥವಾ ಇತರ ಮೂಲಗಳಿಂದ ಬರುವ ನಿಶ್ಚಿತ ಆದಾಯ ಖರ್ಚಿನಿಂದ ಕಳೆಯಿರಿ. ಉಳಿದ ಮೊತ್ತವನ್ನು ನಿಮ್ಮ ನಿವೃತ್ತಿ ನಿಧಿಯ ಹೂಡಿಕೆಯಿಂದ ಪಡೆದುಕೊಳ್ಳಬೇಕಾಗುತ್ತದೆ. ಆ ಮೊತ್ತವನ್ನು ತಲುಪಲು ಈಗಿನಿಂದಲೇ ಸೂಕ್ತವಾಗಿ ಹೂಡಿಕೆ ಮಾಡಲು ಆರಂಭಿಸಿ. ನಿವೃತ್ತಿ ಯೋಜನೆ ಎಂಬುದು ಕೇವಲ ಒಂದು ನಿರ್ದಿಷ್ಟ ಸಂಖ್ಯೆಯನ್ನು ತಲುಪುವುದಲ್ಲ. ಇದು ನಿಮ್ಮ ಅಗತ್ಯಗಳಿಗೆ ತಕ್ಕಂತೆ ಕಾಲಕಾಲಕ್ಕೆ ಬದಲಾಗುವ ನಿರಂತರ ಪ್ರಕ್ರಿಯೆಯಾಗಿದೆ. ಇಂದೇ ಯೋಜಿಸಿ, ನೆಮ್ಮದಿಯ ನಿವೃತ್ತಿ ಜೀವನ ನಿಮ್ಮದಾಗಿಸಿಕೊಳ್ಳಿ.

4 ಲಕ್ಷದಿಂದ 64 ಲಕ್ಷಕ್ಕೆ ಜಂಪ್, ಸರ್ಕಾರಿ ಕಾಲೇಜಿನಲ್ಲಿ ಓದಿದ ಹುಡುಗನ ಸ್ಫೂರ್ತಿದಾಯಕ ಸಾಹಸ

Ganesh Mabla Gowda — Thu, 10 Sep 2026 19:06:42 +0530

ಸಾಮಾನ್ಯವಾಗಿ ಟೈರ್-3 ಎಂಜಿನಿಯರಿಂಗ್ ಕಾಲೇಜು ಎಂದ ಕೂಡಲೇ ಕ್ಯಾಂಪಸ್ ಸೆಲೆಕ್ಷನ್‌ನಲ್ಲಿ 3 ರಿಂದ 4 ಲಕ್ಷ ರೂಪಾಯಿ ಪ್ಯಾಕೇಜ್ ಸಿಕ್ಕರೆ ಹೆಚ್ಚು ಎಂಬ ಭಾವನೆ ವಿದ್ಯಾರ್ಥಿಗಳಲ್ಲಿದೆ. ಪ್ರತಿಭೆ ಜೊತೆಗೆ ಸರಿಯಾದ ಮಾರ್ಗದರ್ಶನ ಮತ್ತು ಕಠಿಣ ಪರಿಶ್ರಮವಿದ್ದರೆ ಕಾಲೇಜು ಅಥವಾ ಕ್ಯಾಂಪಸ್ ಮಿತಿಗಳು ಎಂದಿಗೂ ಅಡ್ಡಿಯಾಗುವುದಿಲ್ಲ ಎಂಬುದನ್ನು ಭಾರತೀಯ ಯುವ ಎಂಜಿನಿಯರ್ ಒಬ್ಬರು ಸಾಬೀತುಪಡಿಸಿದ್ದಾರೆ.

ಕೇವಲ 4 ಲಕ್ಷ ರೂಪಾಯಿ ಸರಾಸರಿ ಪ್ಯಾಕೇಜ್ ನೀಡುತ್ತಿದ್ದ ಸಾಮಾನ್ಯ ಸರ್ಕಾರಿ ಕಾಲೇಜಿನಲ್ಲಿ ಓದಿದ ವಿದ್ಯಾರ್ಥಿಯೊಬ್ಬ, ಇಂದು ಜಾಗತಿಕ ಟೆಕ್ ದೈತ್ಯ ಅಮೆಜಾನ್ (Amazon) ಸಂಸ್ಥೆಯಲ್ಲಿ ಬರೋಬ್ಬರಿ 64 ಲಕ್ಷ ರೂಪಾಯಿ ವಾರ್ಷಿಕ ವೇತನದೊಂದಿಗೆ 'ಸಾಫ್ಟ್‌ವೇರ್ ಡೆವಲಪ್‌ಮೆಂಟ್ ಎಂಜಿನಿಯರ್ 2' ಹುದ್ದೆ ಗಿಟ್ಟಿಸಿಕೊಂಡು ಹುಬ್ಬೇರಿಸಿದ್ದಾರೆ!

ವಿಕಾಸ್ ಅಲ್ವಿಸ್ (Vikas Alwys) ಎಂಬುವವರು 'X' (ಟ್ವಿಟರ್) ಜಾಲತಾಣದಲ್ಲಿ ಹಂಚಿಕೊಂಡಿರುವ ಯಶೋಗಾಥೆಯ ಪ್ರಕಾರ, ಈ ಯುವಕ ತೆಲಂಗಾಣದ ಜವಾಹರಲಾಲ್ ನೆಹರೂ ತಾಂತ್ರಿಕ ವಿಶ್ವವಿದ್ಯಾಲಯದ (JNTU ಜಗಿತ್ಯಾಲ) ಟೈರ್-3 ಸರ್ಕಾರಿ ಕಾಲೇಜಿನಲ್ಲಿ ಕಂಪ್ಯೂಟರ್ ಸೈನ್ಸ್ ವಿಭಾಗದಲ್ಲಿ ಬಿ.ಟೆಕ್ ಮುಗಿಸಿದ್ದರು. ಈ ಕಾಲೇಜಿನಲ್ಲಿ ಸರಾಸರಿ ವೇತನ ಪ್ಯಾಕೇಜ್ ಸುಮಾರು 4 ಲಕ್ಷ ರೂ. ಇತ್ತು. ಹೆಚ್ಚಿನ ವಿದ್ಯಾರ್ಥಿಗಳು ಟಿಸಿಎಸ್, ಕಾಗ್ನಿಜೆಂಟ್, ಕ್ಯಾಪ್‌ಜೆಮಿನಿ, ಅಕ್ಸೆಂಚರ್‌ನಂತಹ ಸಾಫ್ಟ್‌ವೇರ್ ಸರ್ವಿಸ್ ಕಂಪನಿಗಳಿಗೆ ಮಾತ್ರ ಆಯ್ಕೆಯಾಗುತ್ತಿದ್ದರು. ಜೊತೆಗೆ ಕಾಲೇಜಿನಲ್ಲಿ ಕಾಂಪಿಟಿಟಿವ್ ಪ್ರೋಗ್ರಾಮಿಂಗ್ ಅಥವಾ ಹೈ-ಲೆವೆಲ್ ಟೆಕ್ ಇಂಟರ್ವ್ಯೂಗಳಿಗೆ ತರಬೇತಿ ನೀಡುವ ಪೂರಕ ವಾತಾವರಣವೂ ಇರಲಿಲ್ಲ.

ಸ್ನೇಹಿತರ ನೆಟ್‌ವರ್ಕ್

ಕಾಲೇಜಿನ ಮಿತಿಗಳನ್ನೇ ನೆಪ ಮಾಡಿಕೊಳ್ಳದ ಎಂಜಿನಿಯರ್ ತಮಗೆ ತಾವೇ ಒಂದು ಹೊಸ ದಾರಿ ಕಂಡುಕೊಂಡರು. ಐಐಟಿ (IIT) ಮತ್ತು ಎನ್‌ಐಟಿ (NIT) ಕಾಲೇಜುಗಳಲ್ಲಿ ಓದುತ್ತಿದ್ದ ಸ್ನೇಹಿತರೊಂದಿಗೆ ನಿರಂತರ ಸಂಪರ್ಕ ಸಾಧಿಸಿದರು. ಅವರ ಮೂಲಕ ಕಾಂಪಿಟಿಟಿವ್ ಪ್ರೋಗ್ರಾಮಿಂಗ್, ಕೋಡಿಂಗ್ ಚರ್ಚೆಗಳು ಮತ್ತು ಇತ್ತೀಚಿನ ಟೆಕ್ ಟ್ರೆಂಡ್‌ಗಳ ಬಗ್ಗೆ ಮಾಹಿತಿ ಪಡೆದರು. ಕಾಲೇಜು ಪಠ್ಯಕ್ಕೆ ಸೀಮಿತವಾಗದೆ ಆನ್‌ಲೈನ್ ಕೋಡಿಂಗ್ ಸ್ಪರ್ಧೆಗಳಲ್ಲಿ ಭಾಗವಹಿಸಿ ತಮ್ಮ ತಾಂತ್ರಿಕ ಸಾಮರ್ಥ್ಯವನ್ನು ಜಾಗತಿಕ ಮಟ್ಟಕ್ಕೆ ಹೆಚ್ಚಿಸಿಕೊಂಡರು.

ಇನ್ಫೋಸಿಸ್‌ನಿಂದ ಅಮೆಜಾನ್‌ವರೆಗೆ

ಕಠಿಣ ಪರಿಶ್ರಮದ ಫಲವಾಗಿ ಕಾಲೇಜಿನ ಸರಾಸರಿಗಿಂತ ಮೂರು ಪಟ್ಟು ಹೆಚ್ಚು ಅಂದರೆ ವಾರ್ಷಿಕ 11 ಲಕ್ಷ ರೂ. ಪ್ಯಾಕೇಜ್‌ನೊಂದಿಗೆ ಇನ್ಫೋಸಿಸ್‌ನಲ್ಲಿ 'ಸ್ಪೆಷಲಿಸ್ಟ್ ಪ್ರೋಗ್ರಾಮರ್' ಆಗಿ ಮೊದಲ ಉದ್ಯೋಗ ಪಡೆದರು. ಇನ್ಫೋಸಿಸ್‌ಗೆ ಸೇರಿಕೊಂಡ ನಂತರವೂ ಕಲಿಕೆಯನ್ನು ನಿಲ್ಲಿಸದ ಅವರು, ಕೇವಲ 3 ವರ್ಷಗಳ ವೃತ್ತಿಜೀವನದಲ್ಲಿ ನೇರವಾಗಿ ಅಮೆಜಾನ್ ಸಂಸ್ಥೆಯ 'SDE 2' ಹುದ್ದೆಗೆ ಆಯ್ಕೆಯಾಗುವ ಮೂಲಕ ವಾರ್ಷಿಕ 64 ಲಕ್ಷ ರೂ. ವೇತನ ಪಡೆಯುವ ಮಟ್ಟಕ್ಕೆ ಬೆಳೆದು ನಿಂತಿದ್ದಾರೆ.

ನೀವು ಓದುವ ಕಾಲೇಜು ನಿಮ್ಮ ವೃತ್ತಿಜೀವನದ ಭವಿಷ್ಯವನ್ನು ನಿರ್ಧರಿಸಲು ಸಾಧ್ಯವಿಲ್ಲ. ಟೈರ್-3 ಕಾಲೇಜಿನಲ್ಲಿದ್ದರೂ, ಸ್ವಯಂ ಕಲಿಕೆ, ಉನ್ನತ ಕನಸು ಕಾಣುವ ಗೆಳೆಯರ ನೆಟ್‌ವರ್ಕ್ ಮತ್ತು ನೈಜ ತಾಂತ್ರಿಕ ಕೌಶಲಗಳು ನಿಮ್ಮಲ್ಲಿದ್ದರೆ ಗೂಗಲ್, ಅಮೆಜಾನ್‌ನಂತಹ ಜಾಗತಿಕ ದೈತ್ಯ ಸಂಸ್ಥೆಗಳ ಬಾಗಿಲುಗಳು ತಾನಾಗಿಯೇ ತೆರೆದುಕೊಳ್ಳುತ್ತವೆ ಎಂಬುದಕ್ಕೆ ಈ ಯುವಕನ ಪಯಣವೇ ಸಾಕ್ಷಿ!

There is a friend of mine who completed his https://t.co/BC6fLkcQNf CS from JNTU Jagityal, a tier-3 Govt college. To be honest, the college's average package is 4 LPA and most students get placed in TCS, Cognizant, Capgemini, and Accenture.But he is SDE 2 at Amazon earning…

— Vikas Alwys (@VikasAlwys) September 9, 2026

PF ಅಕೌಂಟ್ ಇರುವವರಿಗೆ ಕೇಂದ್ರದ ಗುಡ್‌ನ್ಯೂಸ್; ಈ ಸಿಂಪಲ್ ಕೆಲಸ ಮಾಡಿ, ಖಾತೆಗೆ ಬೀಳುತ್ತೆ 15 ಸಾವಿರ ರೂ.

Sumanth SN — Wed, 09 Sep 2026 13:22:05 +0530

ಇಪಿಎಫ್‌ಓ ಬಿಗ್ ಅಲರ್ಟ್ ನೀಡಿದೆ. ಹೊಸದಾಗಿ ಕೆಲಸಕ್ಕೆ ಸೇರುವವರು ತಪ್ಪದೇ ಮಾಡಬೇಕಾದವರು ಈ ಕೆಲಸಗಳನ್ನು ಪೂರ್ಣಗೊಳಿಸಬೇಕು ಎಂದು ಸೂಚನೆ ನೀಡಿದೆ. ಇಲ್ಲ ಎಂದರೆ ಖಾತೆ ಬೀಳಲಿರುವ 15 ಸಾವಿರ ರೂಪಾಯಿ ಮಿಸ್ ಆಗಲಿದೆ ಎಂದು ತಿಳಿಸಿದೆ. ಬ್ಯಾಂಕ್ ಖಾತೆಗೆ ಡಿಬಿಟಿ ಸೌಲಭ್ಯ ತಪ್ಪದೇ ಇರಬೇಕು, ಎನ್‌ಪಿಸಿಐ ಮ್ಯಾಪಿಂಹ್ ಪೂರ್ತಿಗೊಳಿಸಬೇಕು ಎಂದು ಸ್ಪಷ್ಟಪಡಿಸಿದೆ.

ಇಪಿಎಫ್‌ಓ ಎಚ್ಚರಿಕೆ: ಈ ತಪ್ಪಿನಿಂದ ₹15,000 ನಷ್ಟ!

ಹೊಸದಾಗಿ ಕೆಸಲಕ್ಕೆ ಸೇರುವವರಿಗೆ ಲಾಭಗಳಿಸಲು, ಉದ್ಯೋಗ ಕೊಡುವ ಕಂಪನಿಗಳಿಗೆ ಪ್ರೋತ್ಸಹ ನೀಡಲು ಕೇಂದ್ರ ಸರ್ಕಾರ ಪ್ರಧಾನಮಂತ್ರಿ ವಿಕಸಿತ್ ಭಾರತ್ ರೋಜ್ ಗಾರ್ ಯೋಜನೆಯನ್ನು ಜಾರಿ ಮಾಡಿದೆ. ಈ ಯೋಜನೆಯ ಮೂಲಕ ಹೊಸದಾಗಿ ಕೆಲಸಕ್ಕೆ ಸೇರಿದವರಿಗೆ 15 ಸಾವಿರ ರೂಪಾಯಿ ಆರ್ಥಿಕ ನೆರವು ನೀಡಲಿದೆ. ಒಮ್ಮೆ ಮಾತ್ರ ಈ ಹಣವನ್ನು ಕೇಂದ್ರ ಸರ್ಕಾರ ನೀಡುತ್ತದೆ. ಆದರೆ ಎರಡು ಹಂತಗಳಲ್ಲಿ ಈ ಹಣ ಫಲಾನುಭವಿಯ ಖಾತೆಗೆ ಜಮಾ ಮಾಡಲಿದೆ. ಇನ್ನು, ಕೆಲಸ ನೀಡುವ ಕಂಪನಿಗೂ ಓರ್ವ ಉದ್ಯೋಗಿಗೆ ಮೂರು ಸಾವಿರ ರೂಪಾಯಿಗಳನ್ನು ಕೇಂದ್ರ ಸರ್ಕಾರ ನೀಡುತ್ತದೆ.

ದೇಶದಲ್ಲಿ ಉದ್ಯೋಗ ಸೃಷ್ಟಿ, ಕಂಪನಿಗಳು ಉದ್ಯೋಗ ನೀಡುವುದನ್ನು ಹೆಚ್ಚಿಸಲು ಈ ಯೋಜನೆಯನ್ನು ಜಾರಿ ಮಾಡುತ್ತಿದೆ. ಈ ಯೋಜನೆ ಮೂಲಕ ಲಕ್ಷಾಂತರ ಮಂದಿಗೆ ಉದ್ಯೋಗಗಳು ಲಾಭ ಪಡೆದುಕೊಳ್ಳಲಿದ್ದಾರೆ. ಆದರೆ ಈ ಯೋಜನೆಯ ಕುರಿತು ಈಪಿಎಫ್‌ಓ ಬಿಗ್ ಅಪ್‌ಡೇಟ್ ನೀಡಿ, ಉದ್ಯೋಗಿಗಳಿಗೆ ಅಲರ್ಟ್ ನೀಡಿದೆ.

ಈ ಕೆಲಸ ಮಾಡಿದರೆ ಮಾತ್ರ ಖಾತೆ ಹಣ ಬರುತ್ತದೆ!

ಹೊಸದಾಗಿ ಕೆಲಸಕ್ಕೆ ಸೇರುವವರು ಈ ಯೋಜನೆಗೆ ಲಾಭ ಪಡೆದುಕೊಳ್ಳಲು ಪಿಎಫ್ ಖಾತೆ ಹೊಂದಿರಬೇಕು. ಪಿಎಫ್ (PF) ಯೋಜನೆಯ ವ್ಯಾಪ್ತಿಗೆ ಬರುವ ಕಂಪನಿಗೆ ಸೇರಿದರೆ ಮಾತ್ರ ನೀವು ಹಣವನ್ನು ಪಡೆಯುತ್ತೀರಿ. ನಿಮಗೆ ಪಿಎಫ್ ಖಾತೆ ಇದ್ದರೆ ಮಾತ್ರ ಸಾಕಾಗುವುದಿಲ್ಲ. ನಿಮಗೆ ಯಎಎನ್ ನಂಬರ್ ಕೂಡ ಆಕ್ಟೀವ್ ಮಾಡಿಕೊಳ್ಳಬೇಕು ಎಂದು ಈಪಿಎಫ್‌ಓ ಅಲರ್ಟ್ ನೀಡಿದೆ. ಫೇಸ್ ಅಥೆಂಟಿಕೇಷನ್ ಪ್ರಕ್ರಿಯೆ ಮೂಲಕ ಈ ಪ್ರೋಸೆಸ್ ಪೂರ್ತಿ ಮಾಡಬೇಕು. ಇಷ್ಟೇ ಅಲ್ಲದೆ, ಈಪಿಎಫ್‌ಓ ಲಿಂಕ್ ಆಗಿರುವ ಬ್ಯಾಂಕ್ ಖಾತೆಗೆ ಡಿಬಿಟಿ ಸೌಕರ್ಯ ಕೂಡ ಇರ್ಬೇಕು ಅಂತ ಚೆಕ್ ಮಾಡಿಕೊಳ್ಳಬೇಕು. ಡಿಬಿಟಿ ಸೌಕರ್ಯ ಇಲ್ಲ ಎಂದರೆ ನಿಮ್ಮ ಬ್ಯಾಂಕ್ ಖಾತೆಯನ್ನು ಅಪ್‌ಡೇಟ್ ಮಾಡಿಕೊಳ್ಳಿ. ಉದ್ಯೋಗಿಗಳು ಈ ಪ್ರಕ್ರಿಯೆ ಪೂರ್ಣಗೊಳಿಸಿದರೆ 15 ಸಾವಿರ ರೂಪಾಯಿ ಖಾತೆ ಜಮೆ ಆಗಲಿದೆ. ಇಲ್ಲ ಎಂದರೆ ಸಮಸ್ಯೆಗಳು ಎದುರಾಗುತ್ತದೆ. ಈ ವಿಚಾರವನ್ನ ಈಪಿಎಫ್ಓ ತನ್ನ ಎಕ್ಸ್ ಫ್ಲಾಟ್‌ಫಾರ್ಮ್‌ನಲ್ಲಿ ತಿಳಿಸಿದೆ.

ಮೊದಲ ವರ್ಷವೇ ಖಾತೆಗೆ ಬರುತ್ತೆ ಹಣ!

ಬ್ಯಾಂಕ್ ಖಾತೆಗೆ ಎನ್‌ಪಿಸಿಐ ಮ್ಯಾಪಿಂಗ್ ಪೂರ್ಣಗೊಳಿಸಬೇಕು. ಪ್ರಧಾನಮಂತ್ರಿ ವಿಕಸಿತ್ ಭಾರತ್ ಯೋಜನೆಯನ್ನು ಆಗಸ್ಟ್ 15, 2025ರಂದು ಪ್ರಧಾನಿ ಮೋದಿ ಪ್ರಾರಂಭಿಸಿದ್ದರು. ಕೆಲಸಕ್ಕೆ ಸೇರಿದ ಮೊದಲ ವರ್ಷವೇ ಈ ಯೋಜನೆಯ ಲಾಭ ಸಿಗಲಿದೆ. ಒಂದು ಲಕ್ಷ ರೂಪಾಯಿ ಒಳಗೆ ಸಂಬಳ ಇರುವ ಈ ಸೌಲಭ್ಯ ಸಿಗುತ್ತದೆ. ಈ ಯೋಜನೆಗೆ ನೀವು ಯಾವುದೇ ವಿಶೇಷ ಅರ್ಜಿ ಸಲ್ಲಿಕೆ ಮಾಡುವ ಅಗತ್ಯವಿಲ್ಲ. ಪಿಎಫ್ ಅಕೌಂಟ್ ಇದ್ದರೆ ಸತತವಾಗಿ ಆರು ತಿಂಗಳ ಕಾಲ ನಿಮ್ಮ ಖಾತೆಗೆ ಪಿಎಫ್ ಹಣ ಜಮೆಯಾದರೆ, ಎರಡು ಹಂತಗಳಲ್ಲಿ ಉದ್ಯೋಗಿಯ ಬ್ಯಾಂಕ್ ಖಾತೆಗೆ ಜಮೆ ಮಾಡಲಿದೆ. ಮೊದಲ ಹಂತದಲ್ಲಿ 8 ಸಾವಿರ ರೂಪಾಯಿ, ಎರಡನೇ ಹಂತದಲ್ಲಿ 7 ಸಾವಿರ ರೂಪಾಯಿ ನಿಮ್ಮ ಖಾತೆಗೆ ಹಣ ಜಮೆ ಆಗುತ್ತದೆ.

Pradhan Mantri Viksit Bharat Rozgar YojanaEmployees must complete UAN Activation and Authentication through Face Authentication and ensure that their bank account is DBT-enabled to receive the incentive.#PradhanMantriViksitBharatRozgarYojana #EPFO #EPFOWithYou #HumHainNa pic.twitter.com/54rOLdmdiU

— EPFO (@officialepfo) September 8, 2026

Credit Card ಇರೋರು ಸಾಲದಿಂದ ಹೊರ ಬರೋದು ಯಾಕೆ ಕಷ್ಟಕರ? ಈ 7 ಟ್ರಿಕ್ಸ್ ಫಾಲೋ ಮಾಡಿ

Ganesh Mabla Gowda — Mon, 31 Aug 2026 08:58:43 +0530

ಕ್ರೆಡಿಟ್ ಕಾರ್ಡ್ ಬಿಲ್‌ನಲ್ಲಿ ಕೇವಲ ಕನಿಷ್ಠ ಮೊತ್ತ ಪಾವತಿಸುವುದರಿಂದ ಜನರು ಸಾಲದ ಸುಳಿಗೆ ಸಿಲುಕುತ್ತಾರೆ. ಸಾಲವನ್ನು ಇಎಂಐ ಆಗಿ ಬದಲಿಸುವುದು ಮತ್ತು ಖರ್ಚಿನ ಮೇಲೆ ನಿಯಂತ್ರಣ ಹೇರುವ 7 ಸರಳ ಮಾರ್ಗಗಳ ಮೂಲಕ ನೀವು ಬೇಗನೆ ಸಾಲದಿಂದ ಮುಕ್ತರಾಗಬಹುದು.

ಬೆಂಗಳೂರು: ಇಂದಿನ ಕಾಲದಲ್ಲಿ ಕ್ರೆಡಿಟ್ ಕಾರ್ಡ್ ಇಲ್ಲದವರೇ ಇಲ್ಲ. ತುರ್ತು ಸಂದರ್ಭದಲ್ಲಿ ಇದು ನಮಗೆ ಸಹಾಯ ಮಾಡಿದರೂ ಸರಿಯಾಗಿ ಬಳಸದಿದ್ದರೆ ನಮ್ಮನ್ನು ದೊಡ್ಡ ಸಾಲದ ಬಲೆಗೆ ತಳ್ಳಿಬಿಡುತ್ತದೆ. ಅನೇಕರು ಕ್ರೆಡಿಟ್ ಕಾರ್ಡ್ ಬಿಲ್ ಬಂದಾಗ ಕೇವಲ 'ಕನಿಷ್ಠ ಮೊತ್ತ' (Minimum Amount) ಪಾವತಿಸುತ್ತಾರೆ. ಇದೇ ನೀವು ಮಾಡುವ ಅತಿದೊಡ್ಡ ತಪ್ಪು! ಇದರಿಂದ ಸಾಲದ ಬಡ್ಡಿ ಬೆಟ್ಟದಂತೆ ಬೆಳೆಯುತ್ತಾ ಹೋಗುತ್ತದೆ. ಈ ಸಾಲದ ಸುಳಿಯಿಂದ ನೀವು ಹೇಗೆ ಹೊರಬರಬಹುದು? ಇಲ್ಲಿದೆ ನೋಡಿ 7 ಸರಳ ಉಪಾಯಗಳು.

ಬಿಲ್ ಬಂದಾಗ ಬ್ಯಾಂಕ್ ಸೂಚಿಸುವ 'ಕನಿಷ್ಠ ಮೊತ್ತ' (Minimum Due) ಮಾತ್ರ ಕಟ್ಟಬೇಡಿ. ನಿಮ್ಮಲ್ಲಿ ಎಷ್ಟು ಸಾಧ್ಯವೋ ಅಷ್ಟು ಹೆಚ್ಚು ಹಣವನ್ನು ಪಾವತಿಸಿ. ಇದರಿಂದ ಒಟ್ಟು ಸಾಲದ ಮೊತ್ತ ಕಡಿಮೆಯಾಗುತ್ತದೆ ಮತ್ತು ಬಡ್ಡಿಯ ಹೊರೆ ಇಳಿಯುತ್ತದೆ.

ನಿಮ್ಮ ಕಾರ್ಡ್‌ನಲ್ಲಿ ದೊಡ್ಡ ಮೊತ್ತದ ಸಾಲವಿದ್ದರೆ, ಅದನ್ನು ಇಎಂಐ ಆಗಿ ಬದಲಿಸಲು ಬ್ಯಾಂಕ್‌ಗೆ ಮನವಿ ಮಾಡಿ. ಕ್ರೆಡಿಟ್ ಕಾರ್ಡ್ ಬಡ್ಡಿ ದರ ಶೇ. 40ರವರೆಗೂ ಇರುತ್ತದೆ, ಆದರೆ ಇಎಂಐ ಮಾಡಿದರೆ ಬಡ್ಡಿ ದರ ಕಡಿಮೆಯಾಗುತ್ತದೆ. ಅಥವಾ ಕಡಿಮೆ ಬಡ್ಡಿಗೆ ಪರ್ಸನಲ್ ಲೋನ್ ಪಡೆದು ಕ್ರೆಡಿಟ್ ಕಾರ್ಡ್ ಸಾಲವನ್ನು ಒಂದೇ ಬಾರಿಗೆ ತೀರಿಸಿ.

ಬಿಲ್ ಪಾವತಿಸುವ ದಿನಾಂಕವನ್ನು ಮರೆತರೆ ಬ್ಯಾಂಕ್ ಭಾರಿ ದಂಡ (Penalty) ವಿಧಿಸುತ್ತದೆ. ಇದನ್ನು ತಪ್ಪಿಸಲು ನಿಮ್ಮ ಬ್ಯಾಂಕ್ ಖಾತೆಯಿಂದ ಆಟೋಮ್ಯಾಟಿಕ್ ಆಗಿ ಹಣ ಕಟ್ ಆಗುವಂತೆ ಸೆಟ್ ಮಾಡಿ. ಇದರಿಂದ ಲೇಟ್ ಫೀಸ್ ಉಳಿಯುತ್ತದೆ.

ನಿಮ್ಮ ಬಳಿಕ ಒಂದಕ್ಕಿಂತ ಹೆಚ್ಚು ಕಾರ್ಡ್‌ಗಳಿದ್ದರೆ, ಮೊದಲು ಅತೀ ಕಡಿಮೆ ಸಾಲ ಇರುವ ಕಾರ್ಡ್‌ನ ಹಣವನ್ನು ಪೂರ್ತಿಯಾಗಿ ಕಟ್ಟಿ ಮುಗಿಸಿ. ಒಂದು ಸಾಲ ತೀರಿದಾಗ ನಿಮಗೆ ಆತ್ಮವಿಶ್ವಾಸ ಬರುತ್ತದೆ, ನಂತರ ದೊಡ್ಡ ಸಾಲದ ಕಡೆ ಗಮನ ಹರಿಸಿ.

ಯಾವ ಕ್ರೆಡಿಟ್ ಕಾರ್ಡ್‌ನಲ್ಲಿ ಅತೀ ಹೆಚ್ಚು ಬಡ್ಡಿ ದರ ಇದೆಯೋ, ಆ ಕಾರ್ಡ್‌ನ ಸಾಲವನ್ನು ಮೊದಲು ತೀರಿಸಲು ಪ್ರಯತ್ನಿಸಿ. ಇದರಿಂದ ನೀವು ಪ್ರತಿ ತಿಂಗಳು ಬ್ಯಾಂಕ್‌ಗೆ ಕಟ್ಟುವ ಹೆಚ್ಚಿನ ಬಡ್ಡಿ ಹಣ ಉಳಿತಾಯವಾಗುತ್ತದೆ.

ನಮ್ಮ ಕೈಯಲ್ಲಿ ಕಾರ್ಡ್ ಇದೆ ಎಂದ ಮಾತ್ರಕ್ಕೆ ಅನಗತ್ಯವಾಗಿ ಶಾಪಿಂಗ್ ಮಾಡಬೇಡಿ. ಒಂದು ಬಜೆಟ್ ಹಾಕಿಕೊಳ್ಳಿ. ನಿಮ್ಮ ತಿಂಗಳ ಆದಾಯಕ್ಕೆ ತಕ್ಕಂತೆ ಮಾತ್ರ ಖರ್ಚು ಮಾಡಿ.

ಸಾಲದ ಸುಳಿಯಿಂದ ಹೊರಬರುವವರೆಗೂ ಕ್ರೆಡಿಟ್ ಕಾರ್ಡ್ ಬಳಸುವುದನ್ನು ನಿಲ್ಲಿಸಿ. ಬದಲಾಗಿ ನಗದು ಅಥವಾ ಯುಪಿಐ (UPI) ಬಳಸಿ. ಕೈಯಿಂದ ಹಣ ಎಣಿಸಿ ಕೊಡುವಾಗ ನಮಗೆ ಖರ್ಚಿನ ಅರಿವಾಗುತ್ತದೆ, ಇದರಿಂದ ಹಣ ಉಳಿತಾಯವಾಗುತ್ತದೆ.

ನೆನಪಿಡಿ ಕ್ರೆಡಿಟ್ ಕಾರ್ಡ್ ಎನ್ನುವುದು ನಮಗೆ ಸಿಕ್ಕ ಉಚಿತ ಹಣವಲ್ಲ, ಅದು ನಾವು ಮರಳಿಸಬೇಕಾದ ಸಾಲ. ಈ ಮೇಲಿನ 7 ಹಂತಗಳನ್ನು ಅನುಸರಿಸಿದರೆ ನೀವು ಖಂಡಿತವಾಗಿಯೂ ಸಾಲದ ಬಲೆಯಿಂದ ಹೊರಬಂದು ನೆಮ್ಮದಿಯ ಜೀವನ ನಡೆಸಬಹುದು.

TTP Attack; ಪ್ರಾರ್ಥನೆ ವೇಳೆ ಭೀಕರ ಉಗ್ರರ ದಾಳಿ; ಕನಿಷ್ಠ 27 ಸಾವು, ಗಡಿಯಲ್ಲಿ ಹೈ ಅಲರ್ಟ್ ಘೋಷಣೆ!

Bhimasi M Koleppanavar — Fri, 18 Sep 2026 21:11:00 +0530

ಪಾಕಿಸ್ತಾನದ ವಾಯುವ್ಯ ಪ್ರಾಂತ್ಯದಲ್ಲಿ ಮತ್ತೊಮ್ಮೆ ಭಯೋತ್ಪಾದಕರ ಕ್ರೂರ ಮುಖ ಅನಾವರಣಗೊಂಡಿದೆ. ಭದ್ರತಾ ಪಡೆಗಳನ್ನೇ ಗುರಿಯಾಗಿಸಿಕೊಂಡು ಉಗ್ರರು ನಡೆಸಿದ ಭೀಕರ ಆತ್ಮಘಾತಿ ದಾಳಿ ಹಾಗೂ ಗುಂಡಿನ ಚಕಮಕಿಯಲ್ಲಿ ಕನಿಷ್ಠ 27 ಜನರು ದಾರುಣವಾಗಿ ಸಾವನ್ನಪ್ಪಿದ್ದಾರೆ. ಸಾವನ್ನಪ್ಪಿದವರಲ್ಲಿ 15 ಮಂದಿ ಪೊಲೀಸ್ ಅಧಿಕಾರಿಗಳು ಹಾಗೂ 6 ಜನ ನಾಗರಿಕರು ಸೇರಿದ್ದಾರೆ. ಈ ಘಟನೆಯಲ್ಲಿ 78ಕ್ಕೂ ಹೆಚ್ಚು ಜನರು ತೀವ್ರವಾಗಿ ಗಾಯಗೊಂಡಿದ್ದು, ಹಲವರ ಸ್ಥಿತಿ ಚಿಂತಾಜನಕವಾಗಿದೆ.

ಪೋಲಿಸ್ ಹೆಡ್‌ಕ್ವಾರ್ಟರ್ಸ್‌ನಲ್ಲೇ ರಕ್ತಪಾತ!

ಖೈಬರ್ ಪಖ್ತುಂಖ್ವಾ ಪ್ರಾಂತ್ಯದ ಕೊಹಾಟ್‌ನಲ್ಲಿರುವ ಪೊಲೀಸ್ ಪ್ರಧಾನ ಕಚೇರಿಯ (Police Headquarters) ಆವರಣದಲ್ಲಿದ್ದ ಮಸೀದಿಯಲ್ಲಿ ಈ ರಕ್ತಸಿಕ್ತ ನರಮೇಧ ನಡೆದಿದೆ. ಅಫ್ಘಾನಿಸ್ತಾನದ ಗಡಿಗೆ ತೀರಾ ಹತ್ತಿರದಲ್ಲಿರುವ ಈ ಸೂಕ್ಷ್ಮ ಪ್ರದೇಶದಲ್ಲಿ, ಶುಕ್ರವಾರದ ಪವಿತ್ರ ಪ್ರಾರ್ಥನೆಗಾಗಿ (ಶುಕ್ರವಾರದ ನಮಾಜ್) ನೂರಾರು ಸಂಖ್ಯೆಯಲ್ಲಿ ಪೊಲೀಸರು ಮತ್ತು ಸ್ಥಳೀಯ ನಾಗರಿಕರು ಮಸೀದಿಯಲ್ಲಿ ನೆರೆದಿದ್ದರು. ಪ್ರಾರ್ಥನೆ ಮುಗಿಯುತ್ತಿದ್ದಂತೆಯೇ ಇದ್ದಕ್ಕಿದ್ದಂತೆ ಸ್ಫೋಟಕಗಳಿಂದ ತುಂಬಿದ್ದ ಕಾರೊಂದು ಭಾರಿ ವೇಗವಾಗಿ ಮಸೀದಿಯ ಆವರಣಕ್ಕೆ ನುಗ್ಗಿತು.

ಬಾಂಬ್‌ ದಾಳಿ!

ಮುಂದಿನ ಕೆಲವೇ ಕ್ಷಣಗಳಲ್ಲಿ ಕಾರಿನಲ್ಲಿದ್ದ ಆತ್ಮಘಾತಿ ಬಾಂಬರ್ ತನ್ನನ್ನು ತಾನು ಸ್ಫೋಟಿಸಿಕೊಂಡಿದ್ದಾನೆ. ಸ್ಫೋಟದ ಭೀಕರತೆಗೆ ಮಸೀದಿಯ ಕಟ್ಟಡ ಸಂಪೂರ್ಣವಾಗಿ ಧ್ವಂಸಗೊಂಡಿದ್ದು, ಪೊಲೀಸ್ ಪ್ರಧಾನ ಕಚೇರಿಯ ಒಂದು ಭಾಗವೂ ತೀವ್ರವಾಗಿ ಹಾನಿಗೊಳಗಾಗಿದೆ. ಧೂಳು ಮತ್ತು ಹೊಗೆಯ ನಡುವೆ ರಕ್ತದ ಮಡುವಿನಲ್ಲಿ ಬಿದ್ದಿದ್ದ ಜನರ ಕಿರುಚಾಟ, ಅಳಲೆಯಿಂದ ಇಡೀ ಪ್ರದೇಶವೇ ಹಹಾಕಾರದಿಂದ ಮುಳುಗಿಹೋಯಿತು.

ಗುಂಡಿನ ಚಕಮಕಿ ಮತ್ತು ಪ್ರತಿದಾಳಿ!

ಬಾಂಬ್ ಸ್ಫೋಟದ ಬೆನ್ನಲ್ಲೇ, ಸನ್ನದ್ಧರಾಗಿ ಬಂದಿದ್ದ ಇಬ್ಬರು ಶಸ್ತ್ರಸಜ್ಜಿತ ಆತ್ಮಘಾತಿ ಉಗ್ರರು ಪ್ರಧಾನ ಕಚೇರಿಯ ಆವರಣಕ್ಕೆ ನುಗ್ಗಿ ಅಲ್ಲಿದ್ದ ಭದ್ರತಾ ಸಿಬ್ಬಂದಿ ಹಾಗೂ ಸಾರ್ವಜನಿಕರ ಮೇಲೆ ಅಂಧಾ ದರ್ಬಾರ್ ಶೈಲಿಯಲ್ಲಿ ಮನಬಂದಂತೆ ಗುಂಡಿನ ಮಳೆ ಕರೆದರು. ತಕ್ಷಣವೇ ಕಾರ್ಯಪ್ರವೃತ್ತರಾದ ಸ್ಥಳೀಯ ಪೊಲೀಸರು ಉಗ್ರರ ವಿರುದ್ಧ ತೀವ್ರ ಪ್ರತಿದಾಳಿ ನಡೆಸಿದರು. ಎರಡೂ ಕಡೆಯಿಂದ ನಡೆದ ಭೀಕರ ಗುಂಡಿನ ಚಕಮಕಿಯಲ್ಲಿ ಒಬ್ಬ ದಾಳಿಕೋರನನ್ನು ಭದ್ರತಾ ಪಡೆಗಳು ಹೊಡೆದುರುಳಿಸುವಲ್ಲಿ ಯಶಸ್ವಿಯಾಗಿವೆ ಎಂದು ಅಂತಾರಾಷ್ಟ್ರೀಯ ಮಾಧ್ಯಮ ಬಿಬಿಸಿ ವರದಿ ಮಾಡಿದೆ.

ಟಿಟಿಪಿ (TTP) ಉಗ್ರರಿಂದ ದಾಳಿಯ ಹೊಣೆ!

ಈ ಭೀಕರ ದಾಳಿಯ ಸಂಪೂರ್ಣ ಹೊಣೆಯನ್ನು ನಿಷೇಧಿತ ಉಗ್ರ ಸಂಘಟನೆ 'ತೆಹ್ರೀಕ್-ಇ-ತಾಲಿಬಾನ್ ಪಾಕಿಸ್ತಾನ' (TTP) ವಹಿಸಿಕೊಂಡಿದೆ. ಅಫ್ಘಾನ್ ಗಡಿ ಭಾಗದಲ್ಲಿ ಸಕ್ರಿಯವಾಗಿರುವ ಈ ಸಂಘಟನೆಯು ಕಳೆದ ಕೆಲವು ಸಮಯದಿಂದ ಪಾಕಿಸ್ತಾನಿ ಭದ್ರತಾ ಪಡೆಗಳು, ಪೊಲೀಸರು ಮತ್ತು ಸರ್ಕಾರಿ ಆಸ್ತಿಗಳ ಮೇಲೆ ನಿರಂತರವಾಗಿ ದಾಳಿ ನಡೆಸುತ್ತಾ ಬಂದಿದೆ.

ಹೆಚ್ಚಿದ ಸಾವಿನ ಸಂಖ್ಯೆಯ ಆತಂಕ!

ದಾಳಿಯಲ್ಲಿ ಗಾಯಗೊಂಡ ೭೮ಕ್ಕೂ ಹೆಚ್ಚು ಜನರನ್ನು ತಕ್ಷಣವೇ ಕೊಹಾಟ್ ಮತ್ತು ಪೇಶಾವರದ ಪ್ರಮುಖ ಆಸ್ಪತ್ರೆಗಳಿಗೆ ರವಾನಿಸಲಾಗಿದೆ. ಅನೇಕ ಗಾಯಾಳುಗಳಿಗೆ ತೀವ್ರ ನಿಗಾ ಘಟಕದಲ್ಲಿ (ICU) ಚಿಕಿತ್ಸೆ ನೀಡಲಾಗುತ್ತಿದ್ದು, ಹಲವರ ಸ್ಥಿತಿ ಅತ್ಯಂತ ಗಂಭೀರವಾಗಿದೆ. ಹೀಗಾಗಿ ಸಾವಿನ ಸಂಖ್ಯೆ ಇನ್ನಷ್ಟು ಹೆಚ್ಚಾಗುವ ಭೀತಿ ವ್ಯಕ್ತವಾಗಿದೆ. ಘಟನೆಯ ನಂತರ ಖೈಬರ್ ಪಖ್ತುಂಖ್ವಾ ಪ್ರಾಂತ್ಯದಾದ್ಯಂತ ರೆಡ್ ಅಲರ್ಟ್ ಘೋಷಿಸಲಾಗಿದ್ದು, ಗಡಿ ಭಾಗಗಳಲ್ಲಿ ಭದ್ರತೆಯನ್ನು ಮತ್ತಷ್ಟು ಬಿಗಿಗೊಳಿಸಲಾಗಿದೆ.

ಸೋನಿಯಾ ಗಾಂಧಿಗೆ ಸಂಕಷ್ಟ? ಮತದಾರರ ಪಟ್ಟಿಗೆ ಹೆಸರು ಸೇರ್ಪಡೆಯಲ್ಲಿ 'ಫೋರ್ಜರಿ' ಆರೋಪ; ಕೋರ್ಟ್ ಮಹತ್ವದ ಆದೇಶ!

Bhimasi M Koleppanavar — Mon, 21 Sep 2026 19:27:48 +0530

ನವದೆಹಲಿ: ಕಾಂಗ್ರೆಸ್ ಹಿರಿಯ ನಾಯಕಿ ಸೋನಿಯಾ ಗಾಂಧಿ ಅವರು ಭಾರತೀಯ ಪೌರತ್ವ ಪಡೆಯುವ ಮೂರು ವರ್ಷಗಳ ಮುನ್ನವೇ ಅಂದರೆ 1980ರ ಮತದಾರರ ಪಟ್ಟಿಯಲ್ಲಿ ತಮ್ಮ ಹೆಸರನ್ನು ಸೇರಿಸಿಕೊಳ್ಳಲು ನಕಲಿ ಹಾಗೂ ಫೋರ್ಜರಿ ದಾಖಲೆಗಳನ್ನು ಬಳಸಿದ್ದಾರೆ ಎಂಬ ಗಂಭೀರ ಆರೋಪಕ್ಕೆ ಸಂಬಂಧಿಸಿದಂತೆ ಹೊಸ ತಿರುವು ಲಭಿಸಿದೆ. ಈ ಪ್ರಕರಣದಲ್ಲಿ ಅವರ ವಿರುದ್ಧ ಪ್ರಥಮ ಮಾಹಿತಿ ವರದಿ (ಎಫ್‌ಐಆರ್) ದಾಖಲಿಸಲು ಕೋರಿದ್ದ ಅರ್ಜಿಯನ್ನು ವಜಾಗೊಳಿಸಿದ್ದ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯದ ಆದೇಶವನ್ನು ದೆಹಲಿಯ ಸೆಷನ್ಸ್ ನ್ಯಾಯಾಲಯ ರದ್ದುಗೊಳಿಸಿದೆ. ದೆಹಲಿ ದ್ವಾರಕಾ ನ್ಯಾಯಾಲಯದ ಈ ಮಹತ್ವದ ತೀರ್ಪಿನಿಂದಾಗಿ ಸೋನಿಯಾ ಗಾಂಧಿ ಅವರಿಗೆ ಕಾನೂನು ಸಂಕಷ್ಟ ಎದುರಾಗುವ ಸಾಧ್ಯತೆಗಳು ದಟ್ಟವಾಗಿವೆ.

'ಕಾರಣ ನೀಡದೆ ವಜಾ'; ಮ್ಯಾಜಿಸ್ಟ್ರೇಟ್ ಆದೇಶ ರದ್ದು!

ಮ್ಯಾಜಿಸ್ಟ್ರೇರಿಯಲ್ ನ್ಯಾಯಾಲಯವು ಸೆಪ್ಟೆಂಬರ್ 11, 2025 ರಂದು ನೀಡಿದ್ದ ಆದೇಶವನ್ನು ಪರಿಶೀಲಿಸಿದ ದ್ವಾರಕಾ ನ್ಯಾಯಾಲಯದ ವಿಶೇಷ ನ್ಯಾಯಾಧೀಶ ವಿಶಾಲ್ ಗೋಗ್ನೆ ಅವರು, ದೂರನ್ನು ತಿರಸ್ಕರಿಸಲು ಮ್ಯಾಜಿಸ್ಟ್ರೇಟ್‌ ಕೋರ್ಟ್ ಯಾವುದೇ ಸೂಕ್ತ ಹಾಗೂ ಸ್ಪಷ್ಟ ಕಾರಣಗಳನ್ನು ನೀಡಿಲ್ಲ ಎಂದು ಅಭಿಪ್ರಾಯಪಟ್ಟರು. ಈ ಆದೇಶವು ಸಂಪೂರ್ಣ ಕಾರಣರಹಿತವಾಗಿದೆ (non-speaking order) ಎಂದು ತಿಳಿಸಿದ ನ್ಯಾಯಾಧೀಶರು, ಪ್ರಕರಣವನ್ನು ಹೊಸದಾಗಿ ವಿಚಾರಣೆ ನಡೆಸಿ, ಕಾಯ್ದೆಯನ್ವಯ "ಸಮಂಜಸ ಹಾಗೂ ಕಾರಣಸಹಿತ ಆದೇಶ (Reasoned Order) ಹೊರಡಿಸುವಂತೆ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯಕ್ಕೆ ಸ್ಪಷ್ಟ ನಿರ್ದೇಶನ ನೀಡಿದ್ದಾರೆ.

ಏನಿದು 'ಫೋರ್ಜರಿ' ವೋಟರ್ ಐಡಿ ಪ್ರಕರಣ?

ರೌಸ್ ಅವೆನ್ಯೂ ಕೋರ್ಟ್ ಬಾರ್ ಅಸೋಸಿಯೇಷನ್ ಉಪಾಧ್ಯಕ್ಷ ವಿಕಾಸ್ ತ್ರಿಪಾಠಿ ಅವರು ಈ ಅರ್ಜಿಯನ್ನು ಸಲ್ಲಿಸಿದ್ದರು. ಅರ್ಜಿದಾರರ ಆರೋಪದ ಪ್ರಕಾರ, ಸೋನಿಯಾ ಗಾಂಧಿ ಅವರು ಏಪ್ರಿಲ್ 1983ರಲ್ಲಿ ಭಾರತೀಯ ಪೌರತ್ವವನ್ನು ಪಡೆದುಕೊಂಡಿದ್ದಾರೆ. ಆದರೆ, ಅವರು ಭಾರತದ ನಾಗರಿಕಳಾಗುವ ಮೂರು ವರ್ಷಗಳ ಮುನ್ನವೇ, ಅಂದರೆ 1980 ರ ಜನವರಿಯಲ್ಲೇ ನವದೆಹಲಿ ಲೋಕಸಭಾ ಕ್ಷೇತ್ರದ ಮತದಾರರ ಪಟ್ಟಿಯಲ್ಲಿ ಅವರ ಹೆಸರನ್ನು ಅಕ್ರಮವಾಗಿ ನಮೂದಿಸಲಾಗಿತ್ತು. ನಂತರ ಚುನಾವಣಾ ಆಯೋಗವು ಈ ಅಕ್ರಮಗಳನ್ನು ಪತ್ತೆಹಚ್ಚಿ 1982 ರಲ್ಲಿ ಆ ಹೆಸರನ್ನು ಪಟ್ಟಿಯಿಂದ ತೆಗೆದುಹಾಕಿತ್ತು. ಸುಳ್ಳು ಮತ್ತು ನಕಲಿ ದಾಖಲೆಗಳನ್ನು ನೀಡಿ ಹೆಸರು ಸೇರಿಸಿದ್ದರಿಂದಲೇ ಈ ರೀತಿ ಹೆಸರು ಅಳಿಸಿಹಾಕಲಾಗಿತ್ತು ಎಂಬುದು ಅರ್ಜಿದಾರರ ಮುಖ್ಯ ಆರೋಪವಾಗಿದೆ. ಬಳಿಕ ಅವರು ಪೌರತ್ವ ಪಡೆದ ವರ್ಷವಾದ ೧೯೮೩ ರಲ್ಲಿ ಮತ್ತೆ ಅವರ ಹೆಸರನ್ನು ಸೇರ್ಪಡೆ ಮಾಡಲಾಗಿತ್ತು.

ಕಾನೂನು ಪ್ರಕ್ರಿಯೆ ಉಲ್ಲಂಘನೆ ಎತ್ತಿಹಿಡಿದ ಸೆಷನ್ಸ್ ಕೋರ್ಟ್!

ವಿಚಾರಣೆಯ ವೇಳೆ ಸೆಷನ್ಸ್ ನ್ಯಾಯಾಲಯವು ಮ್ಯಾಜಿಸ್ಟ್ರೇಟ್ ನ್ಯಾಯಾಲಯದ ಪ್ರಕ್ರಿಯೆಯಲ್ಲಿದ್ದ ಪ್ರಮುಖ ಲೋಪವನ್ನು ಬೆಟ್ಟು ಮಾಡಿದೆ. ಮ್ಯಾಜಿಸ್ಟ್ರೇಟ್ ಕೋರ್ಟ್ ಈ ಅರ್ಜಿಯನ್ನು ವಜಾ ಮಾಡುವ ಮುನ್ನ ಪೊಲೀಸರಿಂದ ಯಾವುದೇ ಸ್ಥಿತಿಗತಿ ವರದಿ (Status Report) ಕೋರದಿರುವುದು ಮತ್ತು ಭಾರತೀಯ ನಾಗರಿಕ ಸುರಕ್ಷಾ ಸಂಹಿತೆಯ (BNSS) ನಿಬಂಧನೆಗಳನ್ನು ಉಲ್ಲಂಘಿಸಿರುವುದು ಕಂಡುಬಂದಿದೆ ಎಂದು ತಿಳಿಸಿದೆ. ಅಲ್ಲದೆ 1980, 1982 ಮತ್ತು 1983ರ ಅವಧಿಯಲ್ಲಿ ಮತದಾರರ ಪಟ್ಟಿಯಲ್ಲಿ ಹೆಸರು ಸೇರ್ಪಡೆ, ಅಳಿಸುವಿಕೆ ಮತ್ತು ಪುನಃ ಸೇರ್ಪಡೆಯಾದ ಅನುಕ್ರಮ ಮತ್ತು ಅದರ ಗಂಭೀರತೆಯ ಬಗ್ಗೆಯೂ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯ ಗಮನಹರಿಸಿಲ್ಲ ಎಂದು ನ್ಯಾಯಾಧೀಶರು ಆಕ್ಷೇಪಿಸಿದ್ದಾರೆ.

ಸೆಪ್ಟೆಂಬರ್ 29ಕ್ಕೆ ಮುಂದಿನ ವಿಚಾರಣೆ!

ಈ ಹಿನ್ನೆಲೆಯಲ್ಲಿ, ಮ್ಯಾಜಿಸ್ಟ್ರೇಟ್ ಆದೇಶವನ್ನು ಪ್ರಶ್ನಿಸಿ ವಿಕಾಸ್ ತ್ರಿಪಾಠಿ ಸಲ್ಲಿಸಿದ್ದ ಪರಿಷ್ಕರಣಾ ಅರ್ಜಿಯನ್ನು ಮಾನ್ಯ ಮಾಡಿರುವ ಸೆಷನ್ಸ್ ಕೋರ್ಟ್, ಪ್ರಕರಣವನ್ನು ಪುನಃ ಹೆಚ್ಚುವರಿ ಮುಖ್ಯ ನ್ಯಾಯಾಂಗ ಮ್ಯಾಜಿಸ್ಟ್ರೇಟ್ (ACJM) ಪೀಠದ ಮುಂದೆ ಸೆಪ್ಟೆಂಬರ್ 29ಕ್ಕೆ ನಿಗದಿಪಡಿಸಿದೆ.

ಸೋನಿಯಾ ಗಾಂಧಿ ವಾದವೇನು?

ಮತ್ತೊಂದೆಡೆ, ಈ ಪ್ರಕರಣದ ಕುರಿತು ನ್ಯಾಯಾಲಯದಿಂದ ನೋಟಿಸ್ ಪಡೆದಿದ್ದ ಸೋನಿಯಾ ಗಾಂಧಿ ಅವರು ಫೆಬ್ರವರಿ ೬ ರಂದು ತಮ್ಮ ವಾದ ಮಂಡಿಸಿದ್ದರು. ತಮ್ಮ ಮೇಲಿನ ದೂರು "ಸಂಪೂರ್ಣವಾಗಿ ತಪ್ಪು ಕಲ್ಪನೆ, ರಾಜಕೀಯ ಪ್ರೇರಿತ, ಕ್ಷುಲ್ಲಕ ಹಾಗೂ ಕಾನೂನು ಪ್ರಕ್ರಿಯೆಯ ಸ್ಪಷ್ಟ ದುರುಪಯೋಗ" ಎಂದು ಪ್ರತ್ಯುತ್ತರ ನೀಡಿದ್ದರು. ಯಾವುದೇ ಮೂಲಭೂತ ಮತ್ತು ಅಧಿಕೃತ ಆಧಾರಗಳಿಲ್ಲದೆ, ಕೇವಲ ಮಾಧ್ಯಮ ವರದಿಗಳು ಹಾಗೂ ಕಾಲ್ಪನಿಕ ಊಹೆಗಳ ಮೇಲೆ ಈ ದೂರು ದಾಖಲಿಸಲಾಗಿದೆ ಎಂದು ವಾದಿಸಿದ್ದರು. ಆದರೆ, ಈಗ ಸೆಷನ್ಸ್ ನ್ಯಾಯಾಲಯವು ಮ್ಯಾಜಿಸ್ಟ್ರೇಟ್ ಆದೇಶವನ್ನು ರದ್ದುಗೊಳಿಸಿರುವುದರಿಂದ, ಸೋನಿಯಾ ಗಾಂಧಿ ಅವರ ವಿರುದ್ಧ ಎಫ್‌ಐಆರ್ ದಾಖಲಾಗಲಿದೆಯೇ ಅಥವಾ ಕಟ್ಟುನಿಟ್ಟಿನ ತನಿಖೆಗೆ ಆದೇಶ ಸಿಗಲಿದೆಯೇ ಎಂಬುದು ಸೆಪ್ಟೆಂಬರ್ ೨೯ ರ ವಿಚಾರಣೆಯ ನಂತರ ಸ್ಪಷ್ಟವಾಗಲಿದೆ.

Raksha Bandhan : ಮುದ್ದು ತಂಗಿಗೆ, ಪ್ರೀತಿಯ ಅಕ್ಕನಿಗೆ SIP ಉಡುಗೊರೆ ನೀಡಬಹುದು - ರೂಲ್ಸ್ ಹೀಗಿದೆ..

Ganesh Mabla Gowda — Fri, 28 Aug 2026 07:03:21 +0530

ಇವತ್ತು ರಕ್ಷಾಬಂಧನ! ಈ ಬಾರಿ ನಿಮ್ಮ ತಂಗಿ ಅಥವಾ ಅಕ್ಕನಿಗೆ ಬಟ್ಟೆ, ಸಿಹಿ ಅಥವಾ ಒಡವೆ ಕೊಡುವ ಬದಲು ಅವರ ಭವಿಷ್ಯಕ್ಕೆ ನೆರವಾಗುವ 'ಎಸ್‌ಐಪಿ' (SIP-Systematic Investment Plan) ಉಡುಗೊರೆ ನೀಡುವ ಪ್ಲಾನ್ ಮಾಡಬಹುದು. ಇದು ಅವರ ಆರ್ಥಿಕ ಭದ್ರತೆಗೆ ನೀವು ನೀಡುವ ಅತ್ಯುತ್ತಮ ಕೊಡುಗೆಯಾಗಬಲ್ಲದು. ಆದರೆ ಮ್ಯೂಚುಯಲ್ ಫಂಡ್‌ನಲ್ಲಿ ಹಣ ಹೂಡುವಾಗ ಕೆಲವು ನಿಯಮಗಳಿವೆ.

ನೇರವಾಗಿ ಹಣ ಪಾವತಿಸಲು ಸಾಧ್ಯವಿಲ್ಲ

ಮ್ಯೂಚುಯಲ್ ಫಂಡ್ ನಿಯಮಗಳ ಪ್ರಕಾರ.. ಯಾರ ಹೆಸರಿನಲ್ಲಿ ಹೂಡಿಕೆ (Folio) ಇರುತ್ತದೆಯೋ, ಅವರದ್ದೇ ಬ್ಯಾಂಕ್ ಖಾತೆಯಿಂದ ಹಣ ಕಡಿತವಾಗಬೇಕು. ಅಂದರೆ, ನೀವು ನಿಮ್ಮ ಬ್ಯಾಂಕ್ ಖಾತೆಯಿಂದ ನಿಮ್ಮ ಸೋದರಿಯ ಎಸ್‌ಐಪಿ ಖಾತೆಗೆ ನೇರವಾಗಿ ಹಣ ಪಾವತಿಸಲು ಬರುವುದಿಲ್ಲ. ಇದನ್ನು 'ಥರ್ಡ್ ಪಾರ್ಟಿ ಪೇಮೆಂಟ್' ನಿರ್ಬಂಧ ಎನ್ನಲಾಗುತ್ತದೆ.

ಉಡುಗೊರೆ ನೀಡುವುದು ಹೇಗೆ?

ನಿಮ್ಮ ಸೋದರಿಗೆ ಎಸ್‌ಐಪಿ ಉಡುಗೊರೆ ನೀಡಲು ಅತ್ಯಂತ ಸುಲಭವಾದ ದಾರಿ ಇಲ್ಲಿದೆ

ಮೊದಲು ನೀವು ಉಡುಗೊರೆ ನೀಡಲು ಬಯಸುವ ಹಣವನ್ನು ನಿಮ್ಮ ಸೋದರಿಯ ಬ್ಯಾಂಕ್ ಖಾತೆಗೆ ವರ್ಗಾಯಿಸಿ
ನಂತರ ಆ ಹಣವನ್ನು ಬಳಸಿ ಅವರದ್ದೇ ಬ್ಯಾಂಕ್ ಖಾತೆಯ ಮೂಲಕ ಎಸ್‌ಐಪಿ ಆರಂಭಿಸಲು ಅವರಿಗೆ ತಿಳಿಸಿ
ಉದಾಹರಣೆ: ನೀವು ತಿಂಗಳಿಗೆ 5,000 ರೂ. ನೀಡಲು ಬಯಸಿದರೆ ಪ್ರತಿ ತಿಂಗಳು ಅವರ ಖಾತೆಗೆ ಅಷ್ಟು ಹಣ ಹಾಕಿ ಅಥವಾ ವರ್ಷಕ್ಕೆ ಒಮ್ಮೆಯೇ 60,000 ರೂ.ಗಳನ್ನು ಅವರ ಖಾತೆಗೆ ವರ್ಗಾಯಿಸಿ ಎಸ್‌ಐಪಿ ಆರಂಭಿಸಬಹುದು.

ಸೋದರಿ ಮೈನರ್ ಆಗಿದ್ದರೆ ನಿಯಮಗಳೇನು?

ಒಂದು ವೇಳೆ ನಿಮ್ಮ ಸೋದರಿ ಇನ್ನೂ ಅಪ್ರಾಪ್ತರಾಗಿದ್ದರೆ (Minor), ಅವರ ಪರವಾಗಿ ಪೋಷಕರು ಅಥವಾ ಕಾನೂನುಬದ್ಧ ರಕ್ಷಕರು ಖಾತೆ ನಿರ್ವಹಿಸುತ್ತಾರೆ. ಇಲ್ಲಿ ಒಂದು ವಿನಾಯಿತಿ ಇದೆ. ಪೋಷಕರು ಅಥವಾ ಹತ್ತಿರದ ಸಂಬಂಧಿಗಳು ಅಪ್ರಾಪ್ತರ ಖಾತೆಗೆ ಉಡುಗೊರೆಯಾಗಿ ತಿಂಗಳಿಗೆ 50,000 ರೂ.ವರೆಗೂ ನೇರವಾಗಿ ಪಾವತಿಸಲು ಅವಕಾಶವಿದೆ.

ತೆರಿಗೆ ವಿನಾಯಿತಿ ಇದೆಯೇ?

ಭಾರತದ ಆದಾಯ ತೆರಿಗೆ ನಿಯಮದ ಪ್ರಕಾರ, ಅಣ್ಣ-ತಂಗಿ ಅಥವಾ ಅಕ್ಕ-ತಮ್ಮನ ನಡುವಿನ ಹಣದ ವರ್ಗಾವಣೆಗೆ ಯಾವುದೇ ತೆರಿಗೆ ಇರುವುದಿಲ್ಲ. ನೀವು ಎಷ್ಟು ಹಣ ನೀಡಿದರೂ ಅದಕ್ಕೆ ನಿಮ್ಮ ಸೋದರಿ ತೆರಿಗೆ ಕಟ್ಟಬೇಕಿಲ್ಲ. ಎಸ್‌ಐಪಿ ಹೂಡಿಕೆಯಿಂದ ಬರುವ ಲಾಭವನ್ನು (Capital Gains) ಅವರು ಹಿಂಪಡೆದಾಗ (Redeem), ಆ ಲಾಭದ ಮೇಲೆ ಅವರು ತೆರಿಗೆ ಪಾವತಿಸಬೇಕಾಗುತ್ತದೆ.

ಗಿಫ್ಟ್ ಡೀಡ್ (Gift Deed) ಅಗತ್ಯವೇ?

ಚಿಕ್ಕ ಮೊತ್ತದ ಹಣ ವರ್ಗಾವಣೆಗೆ ಯಾವುದೇ ದಾಖಲೆ ಬೇಕಿಲ್ಲ. ಆದರೆ, ನೀವು ದೊಡ್ಡ ಮೊತ್ತದ ಹಣವನ್ನು ಉಡುಗೊರೆಯಾಗಿ ನೀಡುತ್ತಿದ್ದರೆ ಒಂದು 'ಗಿಫ್ಟ್ ಲೆಟರ್' ಅಥವಾ 'ಗಿಫ್ಟ್ ಡೀಡ್' ಬರೆದಿಟ್ಟುಕೊಳ್ಳುವುದು ಒಳ್ಳೆಯದು. ನಾಳೆ ಆದಾಯ ತೆರಿಗೆ ಇಲಾಖೆಯವರು ಪ್ರಶ್ನೆ ಮಾಡಿದರೆ ಇದು ಉಡುಗೊರೆ ಎಂದು ತೋರಿಸಲು ಸಹಕಾರಿಯಾಗುತ್ತದೆ. ಹಣಕ್ಕಿಂತ ಹೆಚ್ಚಾಗಿ ಆರ್ಥಿಕ ಸ್ವಾತಂತ್ರ್ಯವನ್ನು ಉಡುಗೊರೆಯಾಗಿ ನೀಡುವುದು ನಿಜವಾದ ಪ್ರೀತಿ. ಈ ರಕ್ಷಾಬಂಧನದಂದು ನಿಮ್ಮ ಸೋದರಿಯ ಹೆಸರಿನಲ್ಲಿ ಒಂದು ಎಸ್‌ಐಪಿ ಆರಂಭಿಸಿ ಅವರ ಕನಸುಗಳಿಗೆ ನೀರೆರೆಯಿರಿ.

ಚಿನ್ನದ ದರದಲ್ಲಿ ಭಾರಿ ಏರಿಕೆ, ಬೆಳ್ಳಿ ಬೆಲೆಯಲ್ಲೂ ದಿಢೀರ್ ಜಂಪ್.. ಒಂದೇ ದಿನದಲ್ಲಿ ಉಲ್ಟಾ ಹೊಡೆದ ಮಾರುಕಟ್ಟೆ!

Ashwini HR — Thu, 03 Sep 2026 12:07:55 +0530

Gold Rate Today: ಬಂಗಾರ ಪ್ರಿಯರಿಗೆ, ಹೂಡಿಕೆದಾರರಿಗೆ ಮಾರುಕಟ್ಟೆಯಿಂದ ಶಾಕಿಂಗ್ ಸುದ್ದಿ ಬಂದಿದೆ. ಕಳೆದ ಕೆಲವು ದಿನಗಳಿಂದ ಸತತವಾಗಿ ಇಳಿಕೆ ಕಂಡು ಸಮಾಧಾನ ತಂದಿದ್ದ ಚಿನ್ನದ ದರವು, ಇಂದು ದಿಢೀರನೆ ಏರಿಕೆಯ ಹಾದಿ ಹಿಡಿದಿದೆ. ಒಂದೇ ದಿನದಲ್ಲಿ ಬೆಲೆಗಳು ಅದಲುಬದಲಾಗಿದ್ದು, ಭಾರೀ ಚರ್ಚೆಗೆ ಕಾರಣವಾಗಿದೆ.

ಕೆಲವೇ ಗಂಟೆಗಳ ಅವಧಿಯಲ್ಲಿ ಸಾವಿರಾರು ರೂ. ಏರಿಕೆದೇಶೀಯ ಬುಲಿಯನ್ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆಯು ಹೊಸ ದಾಖಲೆ ಬರೆದಿದೆ. ಕಳೆದ ಕೆಲವು ದಿನಗಳಿಂದ ಚಿನ್ನದ ಬೆಲೆ ಇಳಿಕೆಯಾಗುತ್ತಿರುವುದನ್ನು ಕಂಡು ಗ್ರಾಹಕರು ಖರೀದಿಗೆ ಆಸಕ್ತಿ ತೋರುತ್ತಿದ್ದರು. ಆದರೆ, ಇಂದು ಬೆಳಗ್ಗೆಯಿಂದಲೇ ಬೆಲೆಗಳು ಗಗನಕ್ಕೇರಿದ್ದು, ಖರೀದಿ ಮಾಡುವ ಯೋಚನೆಯಲ್ಲಿದ್ದವರಿಗೆ ದೊಡ್ಡ ಆಘಾತ ನೀಡಿದೆ. ಕೆಲವೇ ಗಂಟೆಗಳ ಅವಧಿಯಲ್ಲಿ ಬೆಲೆಗಳು ಸಾವಿರಾರು ರೂಪಾಯಿಗಳಷ್ಟು ಏರಿಕೆಯಾಗಿವೆ.

ಇಂದಿನ ಚಿನ್ನದ ದರಗಳ ಪಟ್ಟಿ (ಸೆಪ್ಟೆಂಬರ್ 3)ಇಂದು ದೇಶೀಯ ಮಾರುಕಟ್ಟೆಯಲ್ಲಿ 10 ಗ್ರಾಂ ತೂಕದ 24 ಕ್ಯಾರೆಟ್ ಅಪರಂಜಿ ಚಿನ್ನದ ಬೆಲೆ ಬರೋಬ್ಬರಿ ₹3,330 ರಷ್ಟು ಏರಿಕೆಯಾಗಿ ₹1,55,350 ಕ್ಕೆ ತಲುಪಿದೆ. ಅದೇ ರೀತಿ, ಆಭರಣ ತಯಾರಿಕೆಗೆ ಬಳಸುವ 22 ಕ್ಯಾರೆಟ್ ಚಿನ್ನದ ಬೆಲೆಯು ₹3,050 ರಷ್ಟು ಹೆಚ್ಚಳ ಕಂಡು ₹1,42,400 ಕ್ಕೆ ತಲುಪಿದೆ. ಈ ದಿಢೀರ್ ಏರಿಕೆಯು ಮಾರುಕಟ್ಟೆಯಲ್ಲಿ ಗೊಂದಲದ ವಾತಾವರಣ ಸೃಷ್ಟಿಸಿದೆ.

ವಿವಿಧ ನಗರಗಳಲ್ಲಿನ ಬೆಲೆ ವ್ಯತ್ಯಾಸಬೆಂಗಳೂರು ಮತ್ತು ಹೈದರಾಬಾದ್: ದಕ್ಷಿಣ ಭಾರತದ ಪ್ರಮುಖ ನಗರಗಳಾದ ಬೆಂಗಳೂರು, ಹೈದರಾಬಾದ್, ವಿಜಯವಾಡ ಹಾಗೂ ವಿಶಾಖಪಟ್ಟಣಂನಲ್ಲಿ ಚಿನ್ನದ ಬೆಲೆ ಏಕರೂಪವಾಗಿದ್ದು, 24 ಕ್ಯಾರೆಟ್ ಚಿನ್ನ ₹1,55,350 ಹಾಗೂ 22 ಕ್ಯಾರೆಟ್ ಚಿನ್ನ ₹1,42,400 ರಷ್ಟಿದೆ.

ದೆಹಲಿ: ದೇಶದ ರಾಜಧಾನಿ ದೆಹಲಿಯಲ್ಲಿ ಬೆಲೆ ಇನ್ನು ತುಸು ಹೆಚ್ಚಾಗಿದ್ದು, 24 ಕ್ಯಾರೆಟ್ ಬೆಲೆ ₹1,55,500 ಹಾಗೂ 22 ಕ್ಯಾರೆಟ್ ಬೆಲೆ ₹1,42,550 ರಷ್ಟಿದೆ.

ಚೆನ್ನೈ: ತಮಿಳುನಾಡಿನ ಚೆನ್ನೈನಲ್ಲಿ 24 ಕ್ಯಾರೆಟ್ ಚಿನ್ನ ₹1,52,010 ಕ್ಕೆ ಮಾರಾಟವಾಗುತ್ತಿದ್ದರೆ, 22 ಕ್ಯಾರೆಟ್ ಚಿನ್ನ ₹1,39,340 ರಷ್ಟಿದೆ.

ಬೆಳ್ಳಿ ಬೆಲೆಯಲ್ಲೂ ದಿಢೀರ್ ಜಂಪ್ಚಿನ್ನದ ಬೆಲೆಯ ಜೊತೆಗೆ ಬೆಳ್ಳಿಯ ದರವೂ ಸಹ ಗ್ರಾಹಕರ ಜೇಬಿಗೆ ಕತ್ತರಿ ಹಾಕುತ್ತಿದೆ. ಬೆಂಗಳೂರು ಮತ್ತು ದೆಹಲಿಯಲ್ಲಿ ಒಂದು ಕೆಜಿ ಬೆಳ್ಳಿಯ ಬೆಲೆ ₹2.50 ಲಕ್ಷಕ್ಕೆ ಏರಿಕೆಯಾಗಿದೆ. ನಿನ್ನೆಗೆ ಹೋಲಿಸಿದರೆ ಇಂದು ಒಂದೇ ದಿನ ಬೆಳ್ಳಿ ಬೆಲೆಯಲ್ಲಿ ₹5,000 ರಷ್ಟು ಏರಿಕೆ ಕಂಡಿರುವುದು ವಿಶೇಷ. ಹೈದರಾಬಾದ್ ಮತ್ತು ಚೆನ್ನೈನಲ್ಲಿ ಕೆಜಿ ಬೆಳ್ಳಿ ಬೆಲೆ ₹2,49,900 ರ ಆಸುಪಾಸಿನಲ್ಲಿದೆ.

ಗೊಂದಲದಲ್ಲಿ ಗ್ರಾಹಕಈ ಬೆಲೆ ಏರಿಕೆಯಿಂದಾಗಿ ಮಾರುಕಟ್ಟೆಯಲ್ಲಿ ಮತ್ತಷ್ಟು ಏರಿಕೆಯಾಗುತ್ತದೆಯೇ ಅಥವಾ ಮತ್ತೆ ಇಳಿಕೆಯ ಹಾದಿ ಹಿಡಿಯುತ್ತದೆಯೇ ಎಂಬ ಗೊಂದಲದಲ್ಲಿ ಗ್ರಾಹಕರಿದ್ದಾರೆ.

ನಿಮ್ಮ ಪಿತ್ರಾರ್ಜಿತ ಆಸ್ತಿ ಮಾರಾಟ ಮಾಡಬಹುದೇ? ಅದಕ್ಕೆ ಇರುವ ತೆರಿಗೆ ನಿಯಮಗಳು ಏನೇನು..?

Ganesh Mabla Gowda — Fri, 28 Aug 2026 13:04:59 +0530

ಬೆಂಗಳೂರು: ಪೋಷಕರಿಂದ ಅಥವಾ ಹಿರಿಯರಿಂದ ಉಡುಗೊರೆ ಅಥವಾ ವಂಶಪಾರಂಪರ್ಯವಾಗಿ ಫ್ಲಾಟ್, ಚಿನ್ನ ಇನ್ಯಾವುದೇ ಆಸ್ತಿಯನ್ನು ಪಡೆದಾಗ ತಕ್ಷಣವೇ ಯಾವುದೇ ತೆರಿಗೆ ಪಾವತಿಸಬೇಕಾಗಿಲ್ಲ. ಆದರೆ ಮುಂದೆ ಎಂದಾದರೂ ಆ ಆಸ್ತಿಯನ್ನು ನೀವು ಲಾಭಕ್ಕೆ ಮಾರಾಟ ಮಾಡಲು ನಿರ್ಧರಿಸಿದಾಗ ತೆರಿಗೆ ಅನ್ವಯಿಸುತ್ತದೆ. ಈ ಲಾಭದ ಮೇಲಿನ ಬಂಡವಾಳ ಗಳಿಕೆ ತೆರಿಗೆಯನ್ನು (Capital Gains Tax) ಹೇಗೆ ಲೆಕ್ಕಹಾಕಲಾಗುತ್ತದೆ ಎಂಬುದರ ವಿವರ ಇಲ್ಲಿದೆ.

ITR ಫೈಲಿಂಗ್ ನಿಯಮಗಳು

ಎಲ್ಲಾ ರೀತಿಯ ಬಂಡವಾಳ ಗಳಿಕೆಯನ್ನು (Capital Gains) ಆದಾಯ ತೆರಿಗೆ ರಿಟರ್ನ್ಸ್‌ನ (ITR) 'Schedule CG' ಅಡಿಯಲ್ಲಿ ವರದಿ ಮಾಡಬೇಕಾಗುತ್ತದೆ. ನಿಮ್ಮ ಸಂಬಳ, ಪಿಂಚಣಿ ಹಾಗೂ ಬಂಡವಾಳ ಗಳಿಕೆಯಿಂದ ಬರುವ ಆದಾಯವು ಒಂದು ಹಣಕಾಸು ವರ್ಷದಲ್ಲಿ ₹1.25 ಲಕ್ಷಕ್ಕಿಂತ ಹೆಚ್ಚಿದ್ದರೆ ಐಟಿಆರ್-2 (ITR-2) ಅನ್ವಯಿಸುತ್ತದೆ. ಒಂದು ವೇಳೆ ನೀವು ಸ್ವಂತ ವ್ಯವಹಾರ ನಡೆಸುತ್ತಿದ್ದರೆ ಅಥವಾ ವೃತ್ತಿಪರ ಸೇವೆಗಳಿಂದ ಆದಾಯ ಹೊಂದಿದ್ದರೆ ನೀವು ಐಟಿಆರ್-3 (ITR-3) ಅನ್ನು ಸಲ್ಲಿಸಬೇಕಾಗುತ್ತದೆ.

ಬಂಡವಾಳ ಗಳಿಕೆ ಹೇಗೆ ನಿರ್ಧಾರ?

ಅನುವಂಶಿಕವಾಗಿ ಪಡೆದ ಆಸ್ತಿಗೆ, ಉತ್ತರಾಧಿಕಾರಿಯು ಸಾಮಾನ್ಯವಾಗಿ ಹಿಂದಿನ ಮಾಲೀಕರ ಖರೀದಿ ವೆಚ್ಚವನ್ನು (Cost of Acquisition) ಮತ್ತು ಅದಕ್ಕೆ ಸಂಬಂಧಿಸಿದ ಸುಧಾರಣಾ ವೆಚ್ಚಗಳನ್ನು ಪರಿಗಣಿಸಬೇಕಾಗುತ್ತದೆ. ಪ್ರತಿಯೊಬ್ಬ ವಾರಸುದಾರನು ತನ್ನ ಪಾಲಿನ ಮಾರಾಟದ ಮೊತ್ತ, ಖರೀದಿ ವೆಚ್ಚ, ಸುಧಾರಣಾ ವೆಚ್ಚ ಮತ್ತು ವರ್ಗಾವಣೆ ವೆಚ್ಚಗಳ ಆಧಾರದ ಮೇಲೆ ಬಂಡವಾಳ ಗಳಿಕೆ ಲೆಕ್ಕಹಾಕುತ್ತಾನೆ. ಆಸ್ತಿಯನ್ನು ಎಷ್ಟು ಅವಧಿಗೆ ಇಟ್ಟುಕೊಳ್ಳಲಾಗಿದೆ ಎಂಬುದನ್ನು ನಿರ್ಧರಿಸಲು ಹಿಂದಿನ ಮಾಲೀಕರ ಅವಧಿಯನ್ನೂ ಸೇರಿಸಲಾಗುತ್ತದೆ. ಇದು ಗಳಿಕೆಯು ಅಲ್ಪಾವಧಿಯದ್ದೇ (STCG) ಅಥವಾ ದೀರ್ಘಾವಧಿಯದ್ದೇ (LTCG) ಎಂಬುದನ್ನು ನಿರ್ಧರಿಸುತ್ತದೆ.

ಉದಾಹರಣೆಗೆ: ನಿಮ್ಮ ತಂದೆಯಿಂದ ಅನುವಂಶಿಕವಾಗಿ ಬಂದ ಮನೆಯನ್ನು ನೀವು ಮಾರಾಟ ಮಾಡಿದರೆ ಬಂಡವಾಳ ಗಳಿಕೆಯನ್ನು ನಿಮ್ಮ ತಂದೆಯ ಖರೀದಿ ವೆಚ್ಚ, ಸುಧಾರಣಾ ವೆಚ್ಚ ಮತ್ತು ಅವರು ಆಸ್ತಿಯನ್ನು ಹೊಂದಿದ್ದ ಅವಧಿಯನ್ನು ಆಧರಿಸಿ ಲೆಕ್ಕಹಾಕಲಾಗುತ್ತದೆ. ಒಂದು ವೇಳೆ ನಿಮ್ಮ ತಂದೆ 2003 ರಲ್ಲಿ ಮನೆಯನ್ನು ಖರೀದಿಸಿದ್ದರೆ ಏಪ್ರಿಲ್ 1, 2004 ರ ಆ ಫ್ಲಾಟ್‌ನ ನ್ಯಾಯೋಚಿತ ಮಾರುಕಟ್ಟೆ ಮೌಲ್ಯವನ್ನು (Fair Market Value) ನಿಮ್ಮ ಖರೀದಿ ವೆಚ್ಚವೆಂದು ಪರಿಗಣಿಸಬಹುದು.

ಅಲ್ಪಾವಧಿ ಮತ್ತು ದೀರ್ಘಾವಧಿ ತೆರಿಗೆ ನಿಯಮಗಳು

ಅಲ್ಪಾವಧಿ ಬಂಡವಾಳ ಗಳಿಕೆ (STCG): ಆಸ್ತಿಯನ್ನು ಒಟ್ಟು 24 ತಿಂಗಳು ಅಥವಾ ಅದಕ್ಕಿಂತ ಕಡಿಮೆ ಅವಧಿಗೆ ಹೊಂದಿದ್ದರೆ ಇದು ಅನ್ವಯಿಸುತ್ತದೆ. ಈ ಲಾಭವನ್ನು ನಿಮ್ಮ ಒಟ್ಟು ಆದಾಯಕ್ಕೆ ಸೇರಿಸಿ, ನಿಮ್ಮ ಆದಾಯ ತೆರಿಗೆ ಸ್ಲ್ಯಾಬ್ ದರಗಳ ಪ್ರಕಾರ ತೆರಿಗೆ ವಿಧಿಸಲಾಗುತ್ತದೆ.

ದೀರ್ಘಾವಧಿ ಬಂಡವಾಳ ಗಳಿಕೆ (LTCG): ಆಸ್ತಿಯನ್ನು 24 ತಿಂಗಳಿಗಿಂತ ಹೆಚ್ಚು ಅವಧಿಗೆ ಹೊಂದಿದ್ದರೆ ಇದು ಅನ್ವಯಿಸುತ್ತದೆ. ಇಂಡೆಕ್ಸೇಶನ್ (Indexation) ಇಲ್ಲದೆ ಇದಕ್ಕೆ ಶೇಕಡಾ 12.5 ರಷ್ಟು ಫ್ಲಾಟ್ ತೆರಿಗೆ ದರವನ್ನು ವಿಧಿಸಲಾಗುತ್ತದೆ.

ತೆರಿಗೆ ವಿನಾಯಿತಿ ಪಡೆಯಬಹುದೇ?

ಹೌದು, ವಸತಿ ಆಸ್ತಿಯ ಮಾರಾಟದಿಂದ ಬರುವ ದೀರ್ಘಾವಧಿ ಬಂಡವಾಳ ಗಳಿಕೆ ತೆರಿಗೆಯಿಂದ (LTCG) ವಿನಾಯಿತಿ ಪಡೆಯಬಹುದು. ಆ ಮಾರಾಟದ ಹಣವನ್ನು ಮತ್ತೊಂದು ವಸತಿ ಆಸ್ತಿಯಲ್ಲಿ ಮರುಹೂಡಿಕೆ ಮಾಡಬೇಕಾಗುತ್ತದೆ. ಇದು ಅನುವಂಶಿಕ ಆಸ್ತಿ ಇರಲಿ ಅಥವಾ ನಿಮ್ಮ ಸ್ವಂತ ಹಣದಿಂದ ಖರೀದಿಸಿದ ಆಸ್ತಿ ಇರಲಿ, ಎಲ್ಲದಕ್ಕೂ ಅನ್ವಯಿಸುತ್ತದೆ. ಸೆಕ್ಷನ್ 54 ರ ಅಡಿಯಲ್ಲಿ ವಿನಾಯಿತಿ ಇದೆ. ಈ ವಿನಾಯಿತಿಯು ಕೇವಲ ದೀರ್ಘಾವಧಿ ಬಂಡವಾಳ ಗಳಿಕೆಗೆ ಮಾತ್ರ ಲಭ್ಯವಿದ್ದು, ಗರಿಷ್ಠ ವಿನಾಯಿತಿ ಮಿತಿ ₹10 ಕೋಟಿಗೆ ಸೀಮಿತವಾಗಿದೆ. ಒಂದು ವೇಳೆ ಬಂಡವಾಳ ಗಳಿಕೆಯು ₹2 ಕೋಟಿ ಮೀರದಿದ್ದರೆ, ತೆರಿಗೆದಾರರು ತಮ್ಮ ಜೀವಿತಾವಧಿಯಲ್ಲಿ ಒಂದು ಬಾರಿ ಎರಡು ವಸತಿ ಮನೆಗಳಲ್ಲಿ ಹೂಡಿಕೆ ಮಾಡಿ ವಿನಾಯಿತಿ ಪಡೆಯುವ ವಿಶೇಷ ಅವಕಾಶವಿದೆ.

ಇತರ ನಿಯಮಗಳು:

ಮೂಲ ಆಸ್ತಿಯನ್ನು ಮಾರಾಟ ಮಾಡುವ ಒಂದು ವರ್ಷದ ಮೊದಲು ಅಥವಾ ಮಾರಾಟ ಮಾಡಿದ ಎರಡು ವರ್ಷಗಳ ಒಳಗೆ ಹೊಸ ವಸತಿ ಆಸ್ತಿಯನ್ನು ಖರೀದಿಸಬೇಕು. ಅಥವಾ ಆಸ್ತಿ ವರ್ಗಾವಣೆ ಮಾಡಿದ ದಿನಾಂಕದಿಂದ ಮೂರು ವರ್ಷಗಳ ಒಳಗೆ ಹೊಸ ವಸತಿ ಮನೆಯನ್ನು ನಿರ್ಮಿಸಬೇಕು. ಮುಖ್ಯವಾಗಿ ಹೊಸ ವಸತಿ ಆಸ್ತಿಯು ಭಾರತದಲ್ಲಿಯೇ ಇರಬೇಕು ಎಂಬುದು ಕಡ್ಡಾಯ. ಹೊಸ ಮನೆ ಖರೀದಿಸಲು ಅಥವಾ ನಿರ್ಮಿಸಲು ಸಮಯ ಬೇಕಾದರೆ ನೀವು ಆ ಹಣವನ್ನು ತಾತ್ಕಾಲಿಕವಾಗಿ 'ಕ್ಯಾಪಿಟಲ್ ಗೇನ್ಸ್ ಅಕೌಂಟ್ ಸ್ಕೀಮ್' (CGAS) ಖಾತೆಯಲ್ಲಿ ಜಮೆ ಮಾಡಬಹುದು. ಇದು ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 54, 54B, 54F ಅಥವಾ 54EC ಅಡಿಯಲ್ಲಿ ತೆರಿಗೆ ವಿನಾಯಿತಿಗಳನ್ನು ಕ್ಲೈಮ್ ಮಾಡಲು ನೆರವಾಗುವ ಸರ್ಕಾರಿ ಬೆಂಬಲಿತ ಯೋಜನೆಯಾಗಿದೆ.

ಸುಕೇಶ್ ಚಂದ್ರಶೇಖರ್ ಬಳಿ ಎಷ್ಟು ಹಣ ಇದೆ? ಜೈಲಿನ ಗೋಡೆಗಳ ಮಧ್ಯೆ ಇದ್ದರೂ ಕೋಟಿ ಕೋಟಿ ಸಂಪಾದನೆ..

Ganesh Mabla Gowda — Wed, 26 Aug 2026 23:07:42 +0530

ನವದೆಹಲಿ: ಮನಿ ಲಾಂಡರಿಂಗ್ ಮತ್ತು ನೂರಾರು ಕೋಟಿ ರೂಪಾಯಿ ವಂಚನೆ ಪ್ರಕರಣದಲ್ಲಿ ಜೈಲು ಸೇರಿರುವ ಸುಕೇಶ್ ಚಂದ್ರಶೇಖರ್ ಹೆಸರು ಆಗಾಗ ಸುದ್ದಿಯಲ್ಲಿರುತ್ತೆ. ಜೈಲಿನಲ್ಲಿದ್ದರೂ ಈತ ಐಷಾರಾಮಿ ಜೀವನ ನಡೆಸುತ್ತಿದ್ದಾನೆ ಮತ್ತು ದೊಡ್ಡ ದೊಡ್ಡ ಆರ್ಥಿಕ ಆಫರ್‌ಗಳನ್ನು ನೀಡುತ್ತಿದ್ದಾನೆ ಎಂಬ ಸುದ್ದಿ ಎಲ್ಲರ ಬೆರಗುಗೊಳಿಸಿದೆ. ಹಾಗಾದರೆ ಸುಕೇಶ್ ಚಂದ್ರಶೇಖರ್ ಆಸ್ತಿ ಎಷ್ಟಿದೆ? ತನಿಖಾ ಸಂಸ್ಥೆಗಳ ವರದಿಯಲ್ಲಿ ಏನಿದೆ? ಇಲ್ಲಿದೆ ಸಂಪೂರ್ಣ ವಿವರ..

ಒಟ್ಟು ಆಸ್ತಿ ಎಷ್ಟು?

ಸುಕೇಶ್ ಚಂದ್ರಶೇಖರ್ ಬಳಿ ಇರುವ ಒಟ್ಟು ಆಸ್ತಿಯ ಬಗ್ಗೆ ಯಾವುದೇ ನಿಖರ ಅಧಿಕೃತ ಅಂಕಿ-ಅಂಶಗಳಿಲ್ಲ. ಆದರೆ ಜಾರಿ ನಿರ್ದೇಶನಾಲಯ (ED) ನೀಡಿರುವ ವರದಿಗಳ ಪ್ರಕಾರ..ಈತ ದೇಶ-ವಿದೇಶಗಳ ಶ್ರೀಮಂತರಿಗೆ ಬರೋಬ್ಬರಿ 200 ಕೋಟಿ ರೂಪಾಯಿಗಿಂತಲೂ ಹೆಚ್ಚು ಹಣವನ್ನು ವಂಚಿಸಿದ್ದಾನೆ. ವರದಿಗಳ ಪ್ರಕಾರ, ಸುಕೇಶ್‌ನ ಒಟ್ಟು ಆಸ್ತಿ ಮೌಲ್ಯ ಸುಮಾರು 100 ಕೋಟಿ ರೂಪಾಯಿಗೂ ಅಧಿಕ ಎಂದು ಅಂದಾಜಿಸಲಾಗಿದೆ. ಜಾರಿ ನಿರ್ದೇಶನಾಲಯವು ಈಗಾಗಲೇ ಆತನಿಗೆ ಸೇರಿದ ಕೋಟ್ಯಂತರ ರೂಪಾಯಿ ಮೌಲ್ಯದ ಐಷಾರಾಮಿ ಕಾರುಗಳು, ಬೆಂಗಳೂರು ಮತ್ತು ಚೆನ್ನೈನಲ್ಲಿರುವ ಬಂಗಲೆಗಳು ಹಾಗೂ ಸಮುದ್ರದ ಕಡೆಗೆ ಮುಖ ಮಾಡಿರುವ ವಿಲ್ಲಾಗಳನ್ನು ಜಪ್ತಿ ಮಾಡಿದೆ.

ತಿಹಾರ್ ಜೈಲಿನಲ್ಲಿದ್ದರೂ ಸುಕೇಶ್ ತನ್ನ ವಂಚನೆಯ ಜಾಲವನ್ನು ಹೇಗೆ ನಡೆಸುತ್ತಿದ್ದ ಎಂಬುದು ಆಶ್ಚರ್ಯದ ಸಂಗತಿ. ಜೈಲಿನ ಕೆಲವು ಭ್ರಷ್ಟ ಅಧಿಕಾರಿಗಳ ಸಹಾಯದಿಂದ ಆತ ಮೊಬೈಲ್ ಫೋನ್ ಮತ್ತು ಇತರ ಸೌಲಭ್ಯಗಳನ್ನು ಬಳಸುತ್ತಿದ್ದ ಎನ್ನಲಾಗಿದೆ. ತಾಂತ್ರಿಕ ವಿಧಾನಗಳನ್ನು ಬಳಸಿ ತನ್ನ ಮೊಬೈಲ್ ಸಂಖ್ಯೆ ಮತ್ತು ಗುರುತನ್ನು ಮರೆಮಾಚುತ್ತಿದ್ದ ಈತ, ಹೊರಗಿರುವ ಜನರನ್ನು ಸಂಪರ್ಕಿಸುತ್ತಿದ್ದ. ತಾನು ದೊಡ್ಡ ಉದ್ಯಮಿ, ಸರ್ಕಾರಿ ಅಧಿಕಾರಿ ಅಥವಾ ಪ್ರಭಾವಿ ವ್ಯಕ್ತಿ ಎಂದು ನಂಬಿಸಿ ಜನರಿಂದ ಕೋಟ್ಯಂತರ ರೂಪಾಯಿ ಲೂಟಿ ಮಾಡುತ್ತಿದ್ದ.

ಪ್ರಮುಖ ವಂಚನೆ ಪ್ರಕರಣಗಳು

ಸುಕೇಶ್ ಮೇಲಿರುವ ಅತ್ಯಂತ ದೊಡ್ಡ ಆರೋಪವೆಂದರೆ ರಾನ್‌ಬಾಕ್ಸಿ (Ranbaxy) ಮಾಜಿ ಪ್ರವರ್ತಕರ ಪತ್ನಿಯರಿಂದ ಸುಮಾರು 200 ಕೋಟಿ ರೂಪಾಯಿ ಪೀಕಿದ್ದು. ಈ ಹಣವನ್ನು ಆತ ಮನಿ ಲಾಂಡರಿಂಗ್ ಮೂಲಕ ವರ್ಗಾವಣೆ ಮಾಡಿದ್ದ ಎಂಬ ಆರೋಪವಿದೆ. ಸುಕೇಶ್ ಚಂದ್ರಶೇಖರ್ ತನ್ನ ವಿಲಕ್ಷಣ ಆಫರ್‌ಗಳಿಂದಲೇ ಸುದ್ದಿಯಾಗುತ್ತಿರುತ್ತಾನೆ. ಇತ್ತೀಚೆಗೆ ಈತ ಎಲೋನ್ ಮಸ್ಕ್ ಅವರ ಕಂಪನಿ ಮತ್ತು ಓಪನ್ ಎಐ (OpenAI) ಸಿಇಒ ಸ್ಯಾಮ್ ಆಲ್ಟ್‌ಮನ್ ಅವರಿಗೆ ಭಾರಿ ಹೂಡಿಕೆ ಮಾಡುವ ಆಫರ್ ನೀಡಿ ಎಲ್ಲರ ಗಮನ ಸೆಳೆದಿದ್ದನು. ಅಷ್ಟೇ ಅಲ್ಲದೆ, ತನ್ನ ವಿರುದ್ಧ ದೂರು ನೀಡಿದ ವ್ಯಕ್ತಿಗೆ 200 ಕೋಟಿ ಬದಲಿಗೆ 217 ಕೋಟಿ ರೂಪಾಯಿ ಹಿಂದಿರುಗಿಸುವ ಆಫರ್ ಕೂಡ ನೀಡಿದ್ದನು! ಇದನ್ನು ಅಪರಾಧ ಎಂದು ಪರಿಗಣಿಸಬಾರದು ಎಂಬ ಷರತ್ತನ್ನೂ ವಿಧಿಸಿದ್ದನು.

ಸುಕೇಶ್ ಚಂದ್ರಶೇಖರ್ ಮೊದಲ ಬಾರಿಗೆ 2017ರಲ್ಲಿ ಚುನಾವಣಾ ಆಯೋಗಕ್ಕೆ ಲಂಚ ನೀಡಲು ಯತ್ನಿಸಿದ ಪ್ರಕರಣದಲ್ಲಿ ಬಂಧಿತನಾಗಿದ್ದ. ಬಂಧನದ ಸಮಯದಲ್ಲಿ ಆತನ ಬಳಿ 1.3 ಕೋಟಿ ರೂಪಾಯಿ ನಗದು ಪತ್ತೆಯಾಗಿತ್ತು. ಅಂದಿನಿಂದ ಇಂದಿನವರೆಗೆ ಆತ ಒಂದಲ್ಲ ಒಂದು ವಂಚನೆ ಪ್ರಕರಣದಲ್ಲಿ ಸುದ್ದಿಯಲ್ಲಿದ್ದಾನೆ. ಜೈಲಿನ ಗೋಡೆಗಳ ಮಧ್ಯೆ ಇದ್ದರೂ ಈತನ ಆರ್ಥಿಕ ಸಾಮರ್ಥ್ಯ ಮತ್ತು ಸಂಪರ್ಕಗಳು ಇಂದಿಗೂ ತನಿಖಾ ಸಂಸ್ಥೆಗಳಿಗೆ ದೊಡ್ಡ ತಲೆನೋವಾಗಿ ಪರಿಣಮಿಸಿವೆ.

ಆದಾಯದಲ್ಲಿ ನಂಬರ್‌ 1 ಈ ರೈಲು ನಿಲ್ದಾಣ; ವರ್ಷಕ್ಕೆ ₹3,337 ಕೋಟಿ! ನಿಮ್ಮ ಊರಿನ ಸ್ಟೇಷನ್‌ ಯಾವ ಸ್ಥಾನದಲ್ಲಿದೆ?

Naveen Kodase — Wed, 02 Sep 2026 16:02:37 +0530

ಭಾರತದ ಅತಿದೊಡ್ಡ ಸಾರ್ವಜನಿಕ ಸಾರಿಗೆ ವ್ಯವಸ್ಥೆ ಅಂದ್ರೆ ಅದು ರೈಲ್ವೆ. ಪ್ರತಿದಿನ ಲಕ್ಷಾಂತರ ಜನರು ರೈಲುಗಳಲ್ಲಿ ಓಡಾಡುತ್ತಾರೆ. ಹಾಗಿದ್ರೆ, ದೇಶದಲ್ಲಿ ಅತಿ ಹೆಚ್ಚು ಆದಾಯ ಗಳಿಸುವ ರೈಲ್ವೆ ನಿಲ್ದಾಣಗಳು ಯಾವುವು ಅಂತ ನಿಮಗೆ ಗೊತ್ತಾ?

ಭಾರತೀಯ ರೈಲ್ವೆ ದೇಶದ ಆರ್ಥಿಕತೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತೆ. ಪ್ರತಿದಿನ ಕೋಟ್ಯಂತರ ಪ್ರಯಾಣಿಕರನ್ನು ಮಾತ್ರವಲ್ಲದೆ, ಸಾವಿರಾರು ಟನ್ ಸರಕುಗಳನ್ನು ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ಸಾಗಿಸುತ್ತೆ. ರೈಲ್ವೆಗೆ ಪ್ರಯಾಣಿಕರ ಸಾರಿಗೆಯೇ ಪ್ರಮುಖ ಆದಾಯದ ಮೂಲ. ದೇಶದ ಕೆಲವು ಪ್ರಮುಖ ರೈಲ್ವೆ ನಿಲ್ದಾಣಗಳು ಪ್ರಯಾಣಿಕರ ದಟ್ಟಣೆಯ ಜೊತೆಗೆ ಭಾರಿ ಆದಾಯವನ್ನೂ ಗಳಿಸುತ್ತಿವೆ. ರೈಲ್ವೆ ಸಚಿವಾಲಯದ ಡೇಟಾ ಪ್ರಕಾರ, ಅತಿ ಹೆಚ್ಚು ವಾರ್ಷಿಕ ಆದಾಯ ಹೊಂದಿರುವ ರೈಲ್ವೆ ನಿಲ್ದಾಣಗಳು ಯಾವುವು ಎಂದು ತಿಳಿಯೋಣ.

ದೇಶದ ರಾಜಧಾನಿ ದೆಹಲಿಯಲ್ಲಿರುವ ನವದೆಹಲಿ ರೈಲ್ವೆ ನಿಲ್ದಾಣ, ಅತಿ ಹೆಚ್ಚು ಆದಾಯ ಗಳಿಸುವ ನಿಲ್ದಾಣಗಳ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದೆ. ಈ ಒಂದೇ ನಿಲ್ದಾಣದಿಂದ ರೈಲ್ವೆ ಇಲಾಖೆಗೆ ವಾರ್ಷಿಕವಾಗಿ 3,337 ಕೋಟಿ ರೂಪಾಯಿಗೂ ಹೆಚ್ಚು ಆದಾಯ ಬರುತ್ತೆ. ಪ್ರತಿ ವರ್ಷ ಸುಮಾರು 3.93 ಕೋಟಿ ಪ್ರಯಾಣಿಕರು ಈ ನಿಲ್ದಾಣದ ಮೂಲಕ ಸಂಚರಿಸುತ್ತಾರೆ. ಇದು ಉತ್ತರ ಭಾರತದ ಅನೇಕ ನಗರಗಳಿಗೆ ಮತ್ತು ದೇಶದ ವಿವಿಧ ಭಾಗಗಳಿಗೆ ಹೋಗುವ ದೂರದ ರೈಲುಗಳ ಪ್ರಮುಖ ಕೇಂದ್ರವಾಗಿದೆ. ಈ ನಿಲ್ದಾಣದಲ್ಲಿ 16 ಪ್ಲಾಟ್‌ಫಾರ್ಮ್‌ಗಳಿದ್ದು, ಸದ್ಯ ನಿಲ್ದಾಣವನ್ನು ಇನ್ನಷ್ಟು ಆಧುನೀಕರಿಸುವ ಕೆಲಸ ನಡೆಯುತ್ತಿದೆ.

ಪಶ್ಚಿಮ ಬಂಗಾಳದ ಹೌರಾ ರೈಲ್ವೆ ನಿಲ್ದಾಣ ಆದಾಯದಲ್ಲಿ ದೇಶಕ್ಕೆ ಎರಡನೇ ಸ್ಥಾನದಲ್ಲಿದೆ. ಈ ನಿಲ್ದಾಣವು ವಾರ್ಷಿಕ 1,692 ಕೋಟಿ ರೂಪಾಯಿಗೂ ಹೆಚ್ಚು ಆದಾಯ ಗಳಿಸಿದೆ. ಪ್ರಯಾಣಿಕರ ಸಂಖ್ಯೆಯಲ್ಲಿ ನೋಡಿದರೆ, ಒಂದೇ ವರ್ಷದಲ್ಲಿ 6.13 ಕೋಟಿಗೂ ಹೆಚ್ಚು ಜನರು ಇಲ್ಲಿಂದ ಪ್ರಯಾಣಿಸಿದ್ದಾರೆ. ಅಂದರೆ, ಆದಾಯದಲ್ಲಿ ಎರಡನೇ ಸ್ಥಾನದಲ್ಲಿದ್ದರೂ, ಪ್ರಯಾಣಿಕರ ದಟ್ಟಣೆಯಲ್ಲಿ ಇದು ಟಾಪ್‌ನಲ್ಲಿದೆ. 1854ರಲ್ಲಿಯೇ ಇಲ್ಲಿ ಮೊದಲ ಪ್ರಯಾಣಿಕರ ರೈಲು ಸಂಚರಿಸಿತ್ತು. ಕೋಲ್ಕತ್ತಾ ಮಹಾನಗರಕ್ಕೆ ಇದು ಪ್ರಮುಖ ರೈಲ್ವೆ ಗೇಟ್‌ವೇ ಆಗಿದೆ.

ತಮಿಳುನಾಡು ರಾಜಧಾನಿಯ ಚೆನ್ನೈ ಸೆಂಟ್ರಲ್ ರೈಲ್ವೆ ನಿಲ್ದಾಣ ಆದಾಯದಲ್ಲಿ ಮೂರನೇ ಸ್ಥಾನದಲ್ಲಿದೆ. ಈ ನಿಲ್ದಾಣದಿಂದ ಸುಮಾರು 1,299 ಕೋಟಿ ರೂಪಾಯಿ ವಾರ್ಷಿಕ ಆದಾಯ ಬರುತ್ತಿದೆ. ಇದೇ ಸಮಯದಲ್ಲಿ, 3.06 ಕೋಟಿಗೂ ಹೆಚ್ಚು ಪ್ರಯಾಣಿಕರು ಇಲ್ಲಿಂದ ಸಂಚರಿಸುತ್ತಾರೆ. ದಕ್ಷಿಣ ಭಾರತದ ಅತ್ಯಂತ ಪ್ರಮುಖ ರೈಲ್ವೆ ಟರ್ಮಿನಲ್‌ಗಳಲ್ಲಿ ಚೆನ್ನೈ ಸೆಂಟ್ರಲ್ ಕೂಡ ಒಂದು. 1873ರಲ್ಲಿ ಸ್ಥಾಪನೆಯಾದ ಈ ನಿಲ್ದಾಣಕ್ಕೆ 150 ವರ್ಷಗಳ ಇತಿಹಾಸವಿದೆ.

ತೆಲಂಗಾಣ ರಾಜಧಾನಿ ಹೈದರಾಬಾದ್‌ನಲ್ಲಿರುವ ಸಿಕಂದರಾಬಾದ್ ರೈಲ್ವೆ ನಿಲ್ದಾಣವು ದೇಶದಲ್ಲೇ ಅತಿ ಹೆಚ್ಚು ಆದಾಯ ಗಳಿಸುವ ನಿಲ್ದಾಣಗಳಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ. ಈ ನಿಲ್ದಾಣವು ವಾರ್ಷಿಕ 1,276 ಕೋಟಿ ರೂಪಾಯಿಗೂ ಹೆಚ್ಚು ಆದಾಯ ಗಳಿಸಿದೆ. ಪ್ರತಿ ವರ್ಷ 2.77 ಕೋಟಿಗೂ ಹೆಚ್ಚು ಪ್ರಯಾಣಿಕರು ಇಲ್ಲಿಂದ ಪ್ರಯಾಣಿಸುತ್ತಾರೆ. ನಿಜಾಮರ ಕಾಲದಲ್ಲಿ, 1874ರ ಅಕ್ಟೋಬರ್ 9ರಂದು ಸಿಕಂದರಾಬಾದ್-ವಾಡಿ ರೈಲ್ವೆ ಮಾರ್ಗ ಮತ್ತು ನಿಲ್ದಾಣವನ್ನು ಪ್ರಾರಂಭಿಸಲಾಯಿತು. ಪ್ರಸ್ತುತ, ಸುಮಾರು 720 ಕೋಟಿ ರೂಪಾಯಿ ವೆಚ್ಚದಲ್ಲಿ ನಿಲ್ದಾಣವನ್ನು ಆಧುನಿಕ ಸಾರಿಗೆ ಕೇಂದ್ರವಾಗಿ ಅಭಿವೃದ್ಧಿಪಡಿಸುವ ಕಾಮಗಾರಿ ನಡೆಯುತ್ತಿದೆ.

ದೆಹಲಿಯ ಹಜರತ್ ನಿಜಾಮುದ್ದೀನ್ ರೈಲ್ವೆ ನಿಲ್ದಾಣ ಈ ಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿದೆ. ಈ ನಿಲ್ದಾಣವು ವಾರ್ಷಿಕ 1,227 ಕೋಟಿ ರೂಪಾಯಿಗೂ ಹೆಚ್ಚು ಆದಾಯ ಹೊಂದಿದೆ. ಇಲ್ಲಿಂದ ಪ್ರತಿ ವರ್ಷ ಸುಮಾರು 1.45 ಕೋಟಿ ಪ್ರಯಾಣಿಕರು ಸಂಚರಿಸುತ್ತಾರೆ. ಪ್ರಯಾಣಿಕರ ಸಂಖ್ಯೆ ಇತರ ಟಾಪ್ ನಿಲ್ದಾಣಗಳಿಗಿಂತ ಕಡಿಮೆ ಇದ್ದರೂ, ಆದಾಯ ಮಾತ್ರ 1,200 ಕೋಟಿ ದಾಟಿರುವುದು ಈ ನಿಲ್ದಾಣದ ಪ್ರಾಮುಖ್ಯತೆಯನ್ನು ತೋರಿಸುತ್ತದೆ. ಇನ್ನು ಮುಂಬೈನ ಲೋಕಮಾನ್ಯ ತಿಲಕ್ ಟರ್ಮಿನಸ್ (₹1,036 ಕೋಟಿ) ಆರನೇ ಸ್ಥಾನದಲ್ಲಿದ್ದರೆ, ಅಹಮದಾಬಾದ್ (₹1,010 ಕೋಟಿ) ಏಳನೇ ಸ್ಥಾನದಲ್ಲಿದೆ.

Gold Loan: ಚಿನ್ನಾಭರಣ ಅಡವಿಟ್ಟು ಸಾಲ ಪಡೆದುಕೊಂಡಿದ್ದೀರಾ? ಚಿನ್ನ ಬೆಲೆ ಕಡಿಮೆಯಾದರೆ ಏನಾಗುತ್ತೆ?

Sumanth SN — Sat, 19 Sep 2026 12:57:49 +0530

ಅತ್ಯಂತ ಸಂದಿಗ್ಧ ಸಂದರ್ಭದಲ್ಲಿ ಕೂಡಲೇ ಹಣ ಬೇಕು ಎಂದರೆ ಹಲವರು ತಮ್ಮ ಬಳಿ ಇರುವ ಚಿನ್ನ ಅಡವಿಟ್ಟು ಸಾಲ ಪಡೆದುಕೊಳ್ಳುವುದು ಸುಲಭ ಮಾರ್ಗ. ಮನೆಯಲ್ಲಿರುವ ಆಭರಣ ಅಡವಿಟ್ಟು ಅಗತ್ಯ ಹಣ ಪಡೆದುಕೊಳ್ಳುತ್ತೇವೆ. ಆದರೆ ಸಾಲ ಗಡುವು ಮುಗಿಯುವ ಸಂದರ್ಭದಲ್ಲಿ ಒಂದೇ ಬಾರಿಗೆ ಒಟ್ಟು ಮೊತ್ತವನ್ನು ಕಟ್ಟುವುದು ಕಷ್ಟ ಆದರೆ, ಕೆಲವರು ಲೋನ್ ರೆನ್ಯೂವಲ್ ಮಾಡಿಕೊಳ್ಳುತ್ತಾರೆ. ಇದು ನಮಗೆ ಸುಲಭವಾದ ವಿಧಾನ ಎನಿಸಿದರೂ, ಲೋನ್ ರೆನ್ಯೂವಲ್ ಮಾಡುವ ಸಂದರ್ಭದಲ್ಲಿ ಒಂದು ಅಂಶವನ್ನು ಗಮನಿಸಬೇಕು.

ಚಿನ್ನದ ಸಾಲ ರಿನ್ಯೂವಲ್ ಮಾಡುವಾಗ ಈ ರಹಸ್ಯ ನಿಯಮ ನಿಮಗೆ ಗೊತ್ತೇ?

ಹೌದು, ನೀವು ಸಾಲ ರಿನ್ಯೂವಲ್ ಮಾಡಿಕೊಳ್ಳುವ ಸಂದರ್ಭದಲ್ಲಿ ನಿಮ್ಮ ಚಿನ್ನದ ಇಂದಿನ ಮೌಲ್ಯ ಎಷ್ಟು ಎಂಬ ಅಂಶವನ್ನು ಗಮನಿಸಬೇಕು. ಏಕೆಂದರೆ ಸಾಲಕ್ಕೆ ಭದ್ರತೆ ಇದ್ದರೂ ಚಿನ್ನದ ಬೆಲೆ ಮಾರ್ಕೆಟ್ ಬೆಲೆಗೆ ತಕ್ಕಂತೆ ಮತ್ತೆ ಲೆಕ್ಕ ಮಾಡುವ ಅವಕಾಶ ಇರುತ್ತದೆ. ಚಿನ್ನ ದರದಲ್ಲಿ ಬದಲಾವಣೆ ಆದರೆ ನಿಮ್ಮ ಸಾಲಕ್ಕೆ ಸಂಬಂಧಿಸಿದ Loan to Value ಅಂದರೆ LTV ಕೂಡ ಬದಲಾವಣೆ ಆಗುತ್ತದೆ.

ಚಿನ್ನದ ದರ ಕಡಿಮೆಯಾದರೆ ಏನಾಗುತ್ತೆ?

ನೀವು ಚಿನ್ನ ಮೇಲಿನ ಸಾಲ ತೆಗೆದುಕೊಂಡ ಸಂದರ್ಭದಲ್ಲಿ ಬೆಲೆ ಹೆಚ್ಚು ಇರಬಹುದು. ಆ ಸಮಯದಲ್ಲಿ ಆಭರಣ ಬೆಲೆ ಹೆಚ್ಚಾಗಿರುವ ಕಾರಣ ಬ್ಯಾಂಕ್ ನಿಮಗೆ ಅಗತ್ಯ ಇರುವಷ್ಟು ಹಣದ ಸಾಲವನ್ನು ನೀಡುತ್ತದೆ. ಆದರೆ ಆ ಬಳಿಕ ಚಿನ್ನದ ಬೆಲೆ ಕಡಿಮೆಯಾದರೆ ಚಿನ್ನಾಭರಣದ ಬೆಲೆ ಕೂಡ ಕಡಿಮೆಯಾಗುತ್ತದೆ. ಆದರೆ ನಿಮಗೆ ಕಟ್ಟಬೇಕಾದ ಹಣ ಕಡಿಮೆ ಆಗುವುದಿಲ್ಲ. ಇದರ ಪರಿಣಾಮವಾಗಿ, ಸಾಲದ ಮೌಲ್ಯ ಮತ್ತು ಅಡಮಾನವಿಟ್ಟ ಚಿನ್ನದ ಮೌಲ್ಯದ ನಡುವಿನ ಅನುಪಾತವು ಹೆಚ್ಚಾಗುವ ಸಾಧ್ಯತೆಯಿದೆ.ಇದನ್ನು ಎಲ್‌ಟಿವಿ ಹೆಚ್ಚಾಗುವುದು ಅಂತ ಕರೆಯುತ್ತಾರೆ.

ಆರ್‌ಬಿಐ ನಿಯಮಗ ಅನ್ವಯ, ನಿಗದಿಪಡಿಸಲಾದ ಗರಿಷ್ಠ ಎಲ್‌ಟಿವಿ (LTV) ಮಿತಿಯನ್ನು ಸಾಲದ ಸಂಪೂರ್ಣ ಅವಧಿಯಾದ್ಯಂತ ಕಡ್ಡಾಯವಾಗಿ ಪಾವತಿಸಬೇಕಾಗುತ್ತದೆ. ಇದರಿಂದ ನಿಮ್ಮ ಚಿನ್ನದ ಮೌಲ್ಯ ಗಣನೀಯವಾಗಿ ಕಡಿಮೆಯಾಗಲಿದೆ. ಇಂತಹ ಸಂದರ್ಭದಲ್ಲಿ ಬ್ಯಾಂಕ್ ನವರು ಬಾಕಿ ಮೊತ್ತವನ್ನು ಕಡಿಮೆ ಮಾಡಲು ಅಥವಾ ನಿಯಮಗಳ ಪ್ರಕಾರ ಅರ್ಹ ಭದ್ರತೆಯ ಚಿನ್ನವನ್ನು ಒದಸಿಲು ನಿಮಗೆ ಕೇಳಬಹುದು.

ನಿಮಗೆ ಚಿನ್ನ ಮೌಲ್ಯದ ಆಧಾರವಾಗಿಯೇ ಸಾಲ ನೀಡುವುದರಿಂದ ಚಿನ್ನ ಬೆಲೆ ಬಹಳ ಮುಖ್ಯವಾಗುತ್ತದೆ. ಆರ್ಬಿಐ ನಿಯಮಗಳ ಅನ್ವಯ, ಗ್ರಾಹಕ ಸಾಲಗಳಿಗೆ ಗರಿಷ್ಠ ಎಲ್‌ಟಿವಿ 2.5 ಲಕ್ಷದ ವರೆಗಿನ ಸಾಲಗಳಿಗೆ ಶೇಕಡಾ 85, 2.5 ಲಕ್ಷಕ್ಕಿಂತ ಹೆಚ್ಚು 5 ಲಕ್ಷದ ವರೆಗೂ ನೀಡಿದರೆ ಶೇಕಡಾ 80ರಷ್ಟು ಮತ್ತು 5 ಲಕ್ಷಕ್ಕಿಂತ ಹೆಚ್ಚಿನ ಸಾಲಗಳಿಗೆ ಶೇಕಡಾ 75 ರಷ್ಟು ಮಿತಿಯನ್ನು ವಿಧಿಸಲಾಗಿದೆ.

ಉದಾಹರಣೆಗೆ ನೀವು 8 ಲಕ್ಷ ರೂಪಾಯಿ ಮೌಲ್ಯದ ಚಿನ್ನಾಭರಣ ಅಡವಿಟ್ಟು 5 ಲಕ್ಷ ರೂಪಾಯಿ ಸಾಲ ಪಡೆದುಕೊಂಡಿದ್ದರೆ, ಚಿನ್ನದ ಮೌಲ್ಯ 6.6 ಲಕ್ಷಕ್ಕೆ ಇಳಿದಿದ್ದರೆ, ಆಗ ನೀವು ಪಾವತಿಸಬೇಕಾದ 5 ಲಕ್ಷ ಮೇಲಾಧಾರ ಚಿನ್ನದ ಮೌಲ್ಯದ ಭಾಗವಾಗುತ್ತದೆ. ಆದ್ದರಿಂದ ಸಾಲ ತೆಗೆದುಕೊಳ್ಳುವ ಮುನ್ನ ಲೋನ್ ನವೀರಕಸಿಲಾಗುತ್ತಾ ಅಂತ ಕೂಡ ಗಮನಿಸಬೇಕಾಗುತ್ತದೆ. ನಿಮ್ಮ ಬಾಕಿ ಮೊತ್ತ ಎಷ್ಟು? ಹೊಸ ಎಲ್‌ಟಿವಿ ಅನುಪಾತ ಎಷ್ಟು? ಇಂತಹ ವಿಚಾರಗಳನ್ನು ಗಮನಿಸಬೇಕಾಗುತ್ತದೆ.

ನೀವು ಚಿನ್ನದ ಸಾಲ ನವೀಕರಿಸುವ ಸಂದರ್ಭದಲ್ಲಿ, ಹೊಸ ಅವಧಿ, ಬಡ್ಡಿದರ, ಬಡ್ಡಿ ಪಾವತಿ ವಿಧಾನ, ಇತರ ಶುಲ್ಕಗಳಂತ ಅಂಶಗಳನ್ನು ನಾವು ಗಮನಿಸಬೇಕು. ಸಾಲ ನವೀಕರಿಸುವ ಮುನ್ನ ಸೇವ ಶುಲ್ಕ ಇದೆಯಾ? ಸಾಲದಾತರು ಚಿನ್ನದ ಮರುಮೌಲ್ಯಮಾಪನ ಮಾಡುತ್ತಾರಾ? ಚಿನ್ನ ಬೆಲೆಗಳಲ್ಲಿ ಆದ ಬದಲಾವಣೆಯನ್ನು ತಿಳಿದುಕೊಳ್ಳಬೇಕು. ಚಿನ್ನ ಬೆಲೆ ಕುಸಿತ ಕಂಡ ಸಂದರ್ಭದಲ್ಲಿ ಎಲ್‌ಟಿವಿ ಮಿತಿ ಕಡಿಮೆಯಾದರೆ, ಸಾಲ ಪಡೆದುಕೊಂಡವರಿಗೆ ಸಮಸ್ಯೆಯಾಗುತ್ತದೆ.

90 ಲಕ್ಷ ರೂ ಸಂಬಳದ ಕೆಲಸ ಬಿಟ್ಟು ಕೃಷಿಗೆ ಇಳಿದ ಯುವಕ; 30000 ಹೂಡಿಕೆಯಲ್ಲಿ ಈ ಕೋಟಿಗಳ ಒಡೆಯ

Ganesh Mabla Gowda — Sun, 06 Sep 2026 18:52:11 +0530

ಚಂಡೀಗಢ: ಇಂದಿನ ಕಾಲದಲ್ಲಿ ವರ್ಷಕ್ಕೆ 90 ಲಕ್ಷ ರೂಪಾಯಿ ಸಂಬಳ ಬರುವ ಕಾರ್ಪೊರೇಟ್ ಕೆಲಸ ಎಂದರೆ ಅದು ಅನೇಕರ ಪಾಲಿಗೆ ಕನಸಿನ ಉದ್ಯೋಗ. ಆದರೆ ಚಂಡೀಗಢದ ಮೋಹಿತ್ ನಿಜ್ಹವನ್ ಅವರಿಗೆ ಈ ಸಂಬಳ ಕೇವಲ ಒಂದು ಆರಂಭವಾಗಿತ್ತು. ತಮ್ಮ ಸುಖದಾಯಕ ಕೆಲಸಕ್ಕೆ ರಾಜೀನಾಮೆ ನೀಡಿ, ಕೇವಲ 30 ಸಾವಿರ ರೂಪಾಯಿ ಹೂಡಿಕೆಯೊಂದಿಗೆ ಅವರು ಆರಂಭಿಸಿದ 'ಮೈಕ್ರೋಗ್ರೀನ್ಸ್' ಕೃಷಿ ಇಂದು ಕೋಟಿ ರೂಪಾಯಿಗಳ ವ್ಯವಹಾರವಾಗಿ ಬೆಳೆದಿದೆ.

ಯಾರು ಈ ಮೋಹಿತ್ ನಿಜ್ಹವನ್?

ಕಂಪ್ಯೂಟರ್ ಸೈನ್ಸ್‌ನಲ್ಲಿ ಬಿ.ಟೆಕ್ ಪದವೀಧರರಾಗಿರುವ ಮೋಹಿತ್, 2020ರ ಡಿಸೆಂಬರ್‌ನಲ್ಲಿ ತಮ್ಮ ಕೈತುಂಬಾ ಸಂಬಳ ಬರುತ್ತಿದ್ದ ಕೆಲಸವನ್ನು ತೊರೆದರು. ಏನಾದರೂ ಹೊಸದನ್ನು ಮಾಡಬೇಕೆಂಬ ಹಂಬಲದಿಂದ ಅವರು ಆಯ್ದುಕೊಂಡಿದ್ದು 'ಇಂಡೋರ್ ಫಾರ್ಮಿಂಗ್' ಅಥವಾ ಒಳಾಂಗಣ ಕೃಷಿ. ಅಂತಿಮವಾಗಿ ಅವರು ಮೈಕ್ರೋಗ್ರೀನ್ಸ್ (ಪೋಷಕಾಂಶ ಭರಿತ ಸಣ್ಣ ಸಸ್ಯಗಳು) ಬೆಳೆಯುವತ್ತ ಗಮನ ಹರಿಸಿದರು.

100 ಚದರ ಅಡಿಯಿಂದ ಆರಂಭವಾದ ಪಯಣ

ಯಾವುದೇ ದೊಡ್ಡ ಹೂಡಿಕೆ ಮಾಡದೆ, ಮೋಹಿತ್ ತಮ್ಮ ಮನೆಯ ಎರಡನೇ ಮಹಡಿಯ 100 ಚದರ ಅಡಿ ಜಾಗದಲ್ಲಿ ಕೇವಲ 30,000 ರೂಪಾಯಿಗಳೊಂದಿಗೆ ಈ ಕೆಲಸ ಆರಂಭಿಸಿದರು. ಆರಂಭದಲ್ಲಿ ಕೇವಲ 21 ಜಾತಿಯ ಸಾವಯವ ತರಕಾರಿಗಳನ್ನು ಬೆಳೆಸಲು ಮುಂದಾದರು. ಯಾವುದೇ ಕೀಟನಾಶಕಗಳಿಲ್ಲದೆ, ನೈಸರ್ಗಿಕ ವಿಧಾನದಲ್ಲಿ ಬೆಳೆ ತೆಗೆಯುವುದು ಅವರ ಗುರಿಯಾಗಿತ್ತು. 'ಗ್ರೀನು ಮೈಕ್ರೋಗ್ರೀನ್ಸ್' (Greenu Microgreens) ಎಂಬ ಹೆಸರಿನಲ್ಲಿ ಈ ಉದ್ದಿಮೆ ಪ್ರಾರಂಭವಾಯಿತು.

ತಿಂಗಳಿಗೆ 12 ಲಕ್ಷ ರೂಪಾಯಿ ಆದಾಯ

ಆರಂಭದಲ್ಲಿ ಕೇವಲ 3 ರಾಕ್‌ಗಳಿಂದ ಶುರುವಾದ ಕೃಷಿ, ಇಂದು 500 ಚದರ ಅಡಿಯ ಫೆಸಿಲಿಟಿಗೆ ವಿಸ್ತರಿಸಿದೆ. ಪ್ರಸ್ತುತ ಮೋಹಿತ್ ಬಳಿ 60 ರಾಕ್‌ಗಳಿದ್ದು, ಪ್ರತಿ ತಿಂಗಳು 12,000 ಟ್ರೇಗಳಲ್ಲಿ ಮೈಕ್ರೋಗ್ರೀನ್ಸ್ ಬೆಳೆಯುವ ಸಾಮರ್ಥ್ಯ ಹೊಂದಿದ್ದಾರೆ. ವರದಿಗಳ ಪ್ರಕಾರ, ಅವರ ಈ ಉದ್ಯಮವು ತಿಂಗಳಿಗೆ ಸುಮಾರು 12 ಲಕ್ಷ ರೂಪಾಯಿ ಆದಾಯ ಗಳಿಸುತ್ತಿದ್ದು, ವಾರ್ಷಿಕವಾಗಿ 1.44 ಕೋಟಿ ರೂಪಾಯಿ ವಹಿವಾಟು ನಡೆಸುತ್ತಿದೆ.

ಕೇವಲ ತಾವೊಬ್ಬರೇ ಬೆಳೆಯುವುದಲ್ಲದೆ ಮೋಹಿತ್ ಇತರ ರೈತರಿಗೆ ಮತ್ತು ಉದ್ಯಮಿಗಳಿಗೆ ಮೈಕ್ರೋಗ್ರೀನ್ಸ್ ಕೃಷಿಯ ಬಗ್ಗೆ ತರಬೇತಿ ನೀಡುತ್ತಿದ್ದಾರೆ. ಕೃಷಿ ತಂತ್ರಜ್ಞಾನ ಮತ್ತು ವಾಣಿಜ್ಯ ಎರಡನ್ನೂ ಅವರು ಜನರಿಗೆ ಕಲಿಸಿಕೊಡುತ್ತಿದ್ದಾರೆ. ಅವರ ಈ ಅಸಾಧಾರಣ ಸಾಧನೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಪ್ರಶಂಸೆ ವ್ಯಕ್ತವಾಗುತ್ತಿದೆ.

DMart Shopping: ಸಾವಿರ ರೂ. ಶಾಪಿಂಗ್‌ಗೆ ಹೋಗಿ 3,000 ಬಿಲ್ ಕೊಟ್ಟುವುದು ಏಕೆ? ಶಾಪಿಂಗ್ ಮಾರ್ಟ್‌ಗಳ ಸೀಕ್ರೆಟ್ ರಿವೀಲ್!

Sumanth SN — Tue, 06 Oct 2026 17:27:35 +0530

ನೀವು ಡಿಮಾರ್ಟ್‌ನಂತಹ ದೊಡ್ಡ ದೊಡ್ಡ ಶಾಪಿಂಗ್ ಸ್ಥಳಗಳಿಗೆ ಹೋದ ಸಂದರ್ಭದಲ್ಲಿ ನಿಮಗೆ ಅರಿವಿಗೆ ಬಾರದೆ ನಿಮ್ಮ ಬಿಲ್ ಮೊತ್ತ ಹೆಚ್ಚಾಗುತ್ತಾ? ರಿಸ್ಕೋಂಟ್ ಹೆಸರಿನಲ್ಲಿ ಹಣ ಉಳಿಸುವ ಜಾಲಕ್ಕೆ ಬೀಳದೆ ಶಾಪಿಂಗ್ ಮಾಡುವ ಸೂಪರ್ ಐಡಿಯಾಗಳು ಮತ್ತು ಸಲಹೆಗಳು ಇಲ್ಲಿದೆ ನೋಡಿ.

ಬಿಲ್ ಮೊತ್ತ ಹೆಚ್ಚಾಗುವುದು ಏಕೆ?

ನಿಮ್ಮ ತಿಂಗಳ ಬಂದ ಕೂಡಲೇ ನೀವು ಮನೆಗೆ ಬೇಕಾಗಿರುವ ವಸ್ತುಗಳನ್ನು ಪಟ್ಟಿಕೊಂಡು ಶಾಪಿಂಗ್‌ಗೆ ಹೋಗುತ್ತೀರಿ. ನಿಮಗೆ ಬೇಕಾದ ವಸ್ತುಗಳನ್ನು ಮಾತ್ರ ಖರೀದಿ ಮಾಡಿ. ಆಗ ಒಂದು ಸಾವಿರದ ಒಳಗೆ ಮುಗಿಸುತ್ತೀರಿ ಎಂದುಕೊಳ್ಳುತ್ತೀರಿ. ಆದರೆ ನೀವು, ಶಾಪಿಂಗ್ ಮುಗಿಸುವ ಅಂತ್ಯದ ವೇಳೆಗೆ 2 ರಿಂದ 3 ಸಾವಿರ ರೂಪಾಯಿ ಆಗುತ್ತದೆ.

ಅನೇಕ ಕುಟುಂಬಗಳು ಇದೇ ರೀತಿಯ ಸಂದರ್ಭವನ್ನು ಎದುರಿಸುತ್ತಾರೆ. ಇದಕ್ಕೆ ನೀವು ಡಿಮಾರ್ಟ್‌ಯಿಂದ ಮಾತ್ರ ಆಗ್ತಿದೆ ಎಂದು ಹೇಳುವುದು ಸರಿಯಲ್ಲ. ಏಕೆಂದರೆ ದೊಡ್ಡ ದೊಡ್ಡ ಸೂಪರ್ ಮಾರ್ಕೆಟ್‌ಗಳಲ್ಲಿ ಬೆಲೆ, ಉತ್ಪನಗಳನ್ನು ಜೋಡಿಸುವುದು, ರಿಯಾಯಿತಿ ಪ್ರದರ್ಶನ ಮತ್ತು ನಮ್ಮದೇ ಆದ ಶಾಪಿಂಗ್ ಅಭ್ಯಾಸಗಳನ್ನು ಬಳಸಿಕೊಂಡು ನಮಗೆ ಅಗತ್ಯಕ್ಕಿಂತ ಹೆಚ್ಚಿನದನ್ನು ಖರೀದಿಸುವಂತೆ ಮಾಡುತ್ತವೆ.

ಸೂಪರ್ ಮಾರ್ಕೆಟ್‌ಗಳು ಅನುಸರಿಸುವ ತಂತ್ರಗಳೇನು?

ಡಿಮಾರ್ಟ್ ಸೇರಿದಂತೆ ಹಲವು ಸೂಪರ್ ಮಾರ್ಕೆಟ್‌ಗಳು ಎವ್ರಿಡೇ ಲೋ ಪ್ರೈಸ್ ಎಂಬ ತಂತ್ರವನ್ನು ಅನುಸರಿಸುತ್ತವೆ. ಈ ಕಂಪನಿಗಳು ಸ್ಪರ್ಧಾತ್ಮಕ ಬೆಲೆಗಳಲ್ಲಿ ಉತ್ಪನ್ನಗಳನ್ನು ಮಾರಾಟ ಮಾಡುತ್ತವೆ. ಶಾಪಿಂಕ್ ಮಾರ್ಟ್‌ಗಳಲ್ಲಿ ಹೊಸ ಆಫರ್, ರಿಯಾಯಿತಿ ನೀಡುವುದನ್ನ ಕಂಡ ಕೂಡಲೇ ಆ ವಸ್ತು ಸದ್ಯಕ್ಕೆ ಬೇಡ ಅಂದರೂ ಖರೀದಿ ಮಾಡುತ್ತೀರಿ. ಉದಾಹರಣೆ ನಿಮ್ಮ ಮನೆಯಲ್ಲಿ ಈಗಾಗಲೇ ಎರಡು ಸೋಪ್‌ಗಳು ಇದ್ದರೂ ಬೆಲೆ ಕಡಿಮೆ ಆಗಿದೆ ಅಂತ ಅಗತ್ಯವಿಲ್ಲ ಎಂದರೂ ಮತ್ತೆರಡು ಸೋಪ್ ಖರೀದಿ ಮಾಡುವುದು. ಈ ರೀತಿ ಮಾಡುವುದರಿಂದ ನಿಮ್ಮ ಬಿಲ್ ಮೊತ್ತ ಹೆಚ್ಚಾಗುತ್ತದೆ.

ಏಕೆಂದರೆ ನೀವು ಸೋಪ್ ಖರೀದಿ ಮಾಡುವ ವೇಳೆ 10 ರೂಪಾಯಿ ಉಳಿಸುವ ಭರದಲ್ಲಿ ಅನಗತ್ಯವಾಗಿ 100 ರೂಪಾಯಿ ಖರ್ಚು ಮಾಡುತ್ತೀರಿ. ಅಕ್ಕಿ, ಬೇಳೆ, ಎಣ್ಣೆ ಸೇರಿದಂತೆ ನಿತ್ಯದ ವಸ್ತುಗಳನ್ನು ಖರೀದಿಸಲು ಹೋಗುತ್ತೀರಿ. ಆದರೆ ಜೊತೆಗೆ ಬಿಸ್ಕತ್, ಚಾಕೋಲೆಟ್, ಶಾಂಪು ಅಥವಾ ಬಟ್ಟೆ ಸೇರಿದಂತೆ ಗೃಹೋಪಯೋಗಿ ವಸ್ತುಗಳನ್ನು ಒಂದೇ ಸ್ಥಳದಲ್ಲಿ ನೋಡುತ್ತೀರಿ. ಇಷ್ಟು ವಸ್ತುಗಳನ್ನು ನೋಡಿದಾಗ ನಿಮಗೆ ಅಗತ್ಯವಿಲ್ಲ ಎಂದರೂ, ಹೆಚ್ಚುವರಿಯಾಗಿ ಒಂದು ವಸ್ತುವನ್ನು ಆದರೂ ಖರೀದಿ ಮಾಡುತ್ತೀರಿ. ಆದ ಬಿಲ್ ಹೆಚ್ಚಾಗುತ್ತದೆ.

ಶಾಪಿಂಗ್ ಮಾಡುವ ಮುನ್ನ ಪ್ಲ್ಯಾನ್ ಮಾಡಿ?

ನಿಮ್ಮ ಕೈಯಿಂದ ಹೆಚ್ಚು ವಸ್ತುಗಳನ್ನು ಖರೀದಿಸಿಲು ಸೂಪರ್ ಮಾರ್ಕೆಟ್ ಗಳು ಕೂಡ ಅದೇ ರೀತಿ ಜೋಡಿಸುತ್ತವೆ. ಏಕೆಂದರೆ ಅಂಗತಿ ವಿನ್ಯಾಸ ಹಾಗೂ ಪ್ರದರ್ಶನ ಗ್ರಾಹಕಾರ ಮೇಲೆ ನೇರವಾಗಿ ಬೀಳುತ್ತದೆ. ನೀವು ಆಫರ್, ಹೊಸ ವಸ್ತು ಮತ್ತು ರಿಯಾಯಿತಿಗಳನ್ನು ನೋಡಿದ ತಕ್ಷಣ ಖರೀದಿ ಮಾಡುತ್ತೀರಿ. ಇದನ್ನು ತಜ್ಞರು ಇಂಪಲ್ಸ್ ಬೈಯಿಂಗ್ ಎಂದು ಕರೆಯುತ್ತಾರೆ.

ಇದಕ್ಕೆ ಪರಿಹಾರ ಎಂದರೆ, ನೀವು ಮಾರ್ಟ್‌ಗೆ ಹೋಗುವ ಮುನ್ನ ನಿಮ್ಮ ಮೊಬೈಲ್‌ನಲ್ಲಿ ಪಟ್ಟಿಯನ್ನು ಸಿದ್ಧಪಡಿಸಿಕೊಳ್ಳಬೇಕು. ತೀರ ಅನಿವಾರ್ಯ ಸಂದರ್ಭದಲ್ಲಿ ಮಾತ್ರ ಪಟ್ಟಿಯಲ್ಲಿ ಇಲ್ಲದ ವಸ್ತುಗಳನ್ನು ಖರೀದಿ ಮಾಡಬೇಕು. ರಿಯಾಯಿತಿ ಇದೇ ಎಂಬ ಕಾರಣಕ್ಕೆ ಏನನ್ನು ಖರೀದಿಸಬೇಡಿ. ನಿಮ್ಮ ಮನೆಯಲ್ಲಿ ಮುಂದಿನ 30 ದಿನಗಳಲ್ಲಿ ಬಳಕೆ ಮಾಡದ ವಸ್ತುಗಳನ್ನು ಬಳಕೆ ಮಾಡದ ವಸ್ತುಗಳನ್ನು ಖರೀದಿ ಮಾಡಬೇಡಿ. ಅದರಲ್ಲೂ ಆಟಿಕೆ ಮತ್ತು ತಿಂಡಿಗಳನ್ನು, ವಿಶೇಷವಾಗಿ ಮಕ್ಕಳೊಂದಿಗೆ ಹೋದಾಗ ಖರೀದಿ ಮಾಡುವ ಮುನ್ನ ಯೋಚಿಸಿ.

ಹಣ ಉಳಿಸುವುದು ಎಂದರೆ, ಅಗತ್ಯ ವಸ್ತುಗಳನ್ನು ಮಾತ್ರ ಖರೀದಿಸುವುದು

ಮಾರ್ಟ್‌ಗಳಲ್ಲಿ ಖರೀದಿ ಮಾಡುವ ಸಂದರ್ಭದಲ್ಲಿ, ಡಿ ಮಾರ್ಟ್‌ನಲ್ಲಿ ನಿಜವಾದ ಉಳಿತಾಯ ಮಾಡಬೇಕು ಎಂದರೆ ಅಗತ್ಯ ವಸ್ತುಗಳನ್ನು ಮಾತ್ರ ಖರೀದಿ ಮಾಡಿ. ಅನಗತ್ಯ ವಸ್ತುಗಳನ್ನು ಖರೀದಿ ಮಾಡುವುದನ್ನು ಬಿಟ್ಟು, ಕಡಿಮೆ ಬೆಲೆಗೆ ಸಿಗುತ್ತೆ ಅಂತ ಹೆಚ್ಚು ವಸ್ತುಗಳನ್ನು ಖರೀದಿಸಿ ಖರ್ಚು ಮಾಡಿ ಮಾಡಬೇಡಿ.

ಮಾರ್ಟ್‌ಗಳಿಗೆ ಹೋಗಿ ಖರೀದಿಸುವ ಮುನ್ನ ನಿಮ್ಮ ಸ್ಥಳೀಯ ಅಂಗಡಿ, ಆನ್ ಲೈನ್‌ನಲ್ಲಿ ನಿಜವಾದ ಬೆಲೆಯನ್ನು ತಿಳಿದು ಖರೀದಿ ಮಾಡಿ. 100 ರೂಪಾಯಿ ಖರ್ಚು ಮಾಡಿ 500 ರೂಪಾಯಿ ಹೆಚ್ಚುವರಿಯಗಿ ಖರ್ಚು ಮಾಡಿದರೆ ನೀವು ಏನು ಉಳಿತಾಯ ಮಾಡಲು ಸಾಧ್ಯವಿಲ್ಲ. ಮಾಸಿಕ ಬಜೆಟ್ ಮೀರದಂತೆ ಅಗತ್ಯ ವಸ್ತುಗಳನ್ನು ಖರೀದಿ ಮಾಡುವುದು ಬಡ ಹಾಗೂ ಮಧ್ಯಮ ವರ್ಗದ ಕುಟುಂಬಗಳಿಗೆ ಅನೇಕ ಲಾಭವನ್ನು ನೀಡುತ್ತದೆ.

UIDAI: ಆಧಾರ್ ಕೊಟ್ಟಿದ್ದೀರಾ? ಎಲ್ಲೆಲ್ಲಿ ಬಳಕೆಯಾಗಿದೆ ಗೊತ್ತಾ? ಈಗಲೇ ಚೆಕ್ ಮಾಡಿ!

Bhimasi M Koleppanavar — Fri, 04 Sep 2026 20:33:22 +0530

ಆಧಾರ್ ನಮ್ಮ ಪ್ರಮುಖ ಗುರುತಿನ ಚೀಟಿಯಾಗಿದ್ದು, ಅದರ ದುರುಪಯೋಗದ ಅಪಾಯವೂ ಹೆಚ್ಚುತ್ತಿದೆ. ನಿಮ್ಮ ಆಧಾರ್ ಅನ್ನು ಕಳೆದ 6 ತಿಂಗಳುಗಳಲ್ಲಿ ಎಲ್ಲೆಲ್ಲಿ ಬಳಸಲಾಗಿದೆ ಎಂಬುದನ್ನು ಪರಿಶೀಲಿಸುವುದು ಹೇಗೆ ಮತ್ತು ದುರ್ಬಳಕೆ ಕಂಡುಬಂದಲ್ಲಿ ತಕ್ಷಣವೇ ಕೈಗೊಳ್ಳಬೇಕಾದ ಕ್ರಮಗಳ ಬಗ್ಗೆ ಈ ಸ್ಟೋರಿಯಲ್ಲಿ ವಿವರಿಸಲಾಗಿದೆ.

ಡಿಜಿಟಲ್ ಯುಗದಲ್ಲಿ ಆಧಾರ್ ಕಾರ್ಡ್ ನಮ್ಮ ಪ್ರತಿಯೊಬ್ಬ ಭಾರತೀಯನ ಜೀವನದ ಅತ್ಯಂತ ಪ್ರಮುಖ ಗುರುತಿನ ಚೀಟಿಯಾಗಿದೆ. ಬ್ಯಾಂಕ್ ಖಾತೆ ತೆರೆಯುವುದರಿಂದ ಹಿಡಿದು, ಹೊಸ ಸಿಮ್ ಕಾರ್ಡ್ ಪಡೆಯುವುದು, ಸರ್ಕಾರಿ ಯೋಜನೆಗಳ ಲಾಭ ಪಡೆಯುವುದು ಹಾಗೂ ಪ್ರಯಾಣದ ಸಂದರ್ಭಗಳಲ್ಲಿ ಆಧಾರ್ ಅತ್ಯಗತ್ಯ. ಆಧಾರ್ ನಮ್ಮ ದೈನಂದಿನ ಕೆಲಸಗಳನ್ನು ಸುಲಭಗೊಳಿಸಿದಷ್ಟೇ ವೇಗವಾಗಿ, ಅದರ ದುರುಪಯೋಗ ಮತ್ತು ಡೇಟಾ ಕಳ್ಳತನದ (Data Theft) ಅಪಾಯಗಳೂ ಕೂಡ ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗುತ್ತಿವೆ.

ಅನೇಕ ಜನರು ಯಾವುದೇ ರೀತಿಯ ಮುನ್ನೆಚ್ಚರಿಕೆ ವಹಿಸದೆ ಸಿಕ್ಕ ಸಿಕ್ಕ ಫೋಟೋಕಾಪಿ (Xerox) ಅಂಗಡಿಗಳಲ್ಲಿ ತಮ್ಮ ಆಧಾರ್ ಕಾರ್ಡ್‌ಗಳ ಪ್ರತಿಗಳನ್ನು ನೀಡುತ್ತಾರೆ. ಇನ್ನು ಕೆಲವರು ಅನಧಿಕೃತ ಅಥವಾ ನಕಲಿ ಡಿಜಿಟಲ್ ವೇದಿಕೆಗಳಲ್ಲಿ ತಮ್ಮ ಬೆರಳಚ್ಚು (Biometric) ದೃಢೀಕರಣವನ್ನು ಮಾಡಿ ಹಣಕಾಸಿನ ವಂಚನೆಗೆ ಬಲಿಯಾಗುತ್ತಿದ್ದಾರೆ. ನಿಮ್ಮ ಆಧಾರ್ ಮಾಹಿತಿಯನ್ನು ನಿಮ್ಮ ಅರಿವಿಲ್ಲದೇ ಯಾರಾದರೂ ದುರುಪಯೋಗಪಡಿಸಿಕೊಳ್ಳುತ್ತಿದ್ದಾರೆಯೇ ಎಂಬ ಭಯ ನಿಮಗಿದ್ದರೆ, ಅದನ್ನು ನೀವೇ ಸ್ವತಃ ಸುಲಭವಾಗಿ ಟ್ರ್ಯಾಕ್ ಮಾಡಬಹುದು.

ನೀವು ಯಾವುದೇ ಸೇವೆಗಾಗಿ OTP, ಫಿಂಗರ್‌ಪ್ರಿಂಟ್ ಅಥವಾ ಐರಿಸ್ (ಕಣ್ಣಿನ ಸ್ಕ್ಯಾನ್) ಮೂಲಕ ಆಧಾರ್ ದೃಢೀಕರಣ ಮಾಡಿದಾಗಲೆಲ್ಲಾ, ಅದರ ಡಿಜಿಟಲ್ ದಾಖಲೆಯು ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರದ (UIDAI) ವ್ಯವಸ್ಥೆಯಲ್ಲಿ ತಕ್ಷಣವೇ ನಮೂದಾಗುತ್ತದೆ. ಈ ಸೌಲಭ್ಯದ ಮೂಲಕ ಕಳೆದ 6 ತಿಂಗಳುಗಳಲ್ಲಿ ನಿಮ್ಮ ಆಧಾರ್ ಅನ್ನು ಎ ಎಲ್ಲೆಲ್ಲಿ ಮತ್ತು ಯಾವ ಸಮಯದಲ್ಲಿ ಬಳಸಲಾಗಿದೆ ಎಂಬುದರ ಸಂಪೂರ್ಣ ಪಟ್ಟಿಯನ್ನು ನೀವು ಪರಿಶೀಲಿಸಬಹುದು. ಇದರಿಂದ ನಿಮ್ಮ ಗಮನಕ್ಕೆ ಬಾರದೇ ನಿಮ್ಮ ಆಧಾರ್ ದುರುಪಯೋಗವಾಗಿದ್ದರೆ ತಕ್ಷಣವೇ ಪತ್ತೆ ಹಚ್ಚಬಹುದು.

1. ಮೊದಲಿಗೆ ನಿಮ್ಮ ಮೊಬೈಲ್‌ನಲ್ಲಿ Google Play Store ಅಥವಾ Apple App Store ನಿಂದ ಅಧಿಕೃತ mAadhaar ಅಪ್ಲಿಕೇಶನ್ ಡೌನ್‌ಲೋಡ್ ಮಾಡಿ.

2. ನಿಮ್ಮ ಆಧಾರ್ ಸಂಖ್ಯೆಯನ್ನು ನಮೂದಿಸಿ, ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಬರುವ OTP ಮೂಲಕ ಲಾಗಿನ್ ಪೂರ್ಣಗೊಳಿಸಿ.

3. ಆ್ಯಪ್‌ನ ಸುರಕ್ಷತೆಗಾಗಿ 4-ಅಂಕಿಯ ರಹಸ್ಯ ಪಿನ್ (PIN) ಒಂದನ್ನು ರಚಿಸಿ.

4. ಆ್ಯಪ್‌ನಲ್ಲಿ 'My Aadhaar' ಆಯ್ಕೆಯನ್ನು ಕ್ಲಿಕ್ ಮಾಡಿ, ನಿಮ್ಮ ಪಿನ್ ನಮೂದಿಸಿ.

5. 'Security' ಟ್ಯಾಬ್ ಅಡಿಯಲ್ಲಿರುವ 'Aadhaar Authentication History' ಆಯ್ಕೆಯನ್ನು ಆಯ್ಕೆಮಾಡಿ.

6. ನೀವು ಪರಿಶೀಲಿಸಲು ಬಯಸುವ ನಿರ್ದಿಷ್ಟ ದಿನಾಂಕ ಅಥವಾ ಸಮಯದ ಅವಧಿಯನ್ನು ನಮೂದಿಸಿದರೆ, ನಿಮ್ಮ ಆಧಾರ್ ಬಳಕೆಯ ಸಂಪೂರ್ಣ ವಿವರ ಪರದೆಯ ಮೇಲೆ ಕಾಣಿಸುತ್ತದೆ.

ನಿಮ್ಮ ದೃಢೀಕರಣ ಇತಿಹಾಸದಲ್ಲಿ ನೀವು ಮಾಡದಿರುವ ಯಾವುದೇ ವಹಿವಾಟು ಅಥವಾ ಪರಿಶೀಲನೆ ಕಂಡುಬಂದರೆ, ತಕ್ಷಣವೇ ಈ ಕೆಳಗಿನ ಕ್ರಮಗಳನ್ನು ಕೈಗೊಳ್ಳಿ!

1947 ಗೆ ಕರೆ ಮಾಡಿ; ತಕ್ಷಣವೇ UIDAI ನ ಉಚಿತ ಸಹಾಯವಾಣಿ ಸಂಖ್ಯೆ 1947ಕ್ಕೆ ಕರೆ ಮಾಡಿ ದೂರು ನೋಂದಾಯಿಸಿ.

ಬಯೋಮೆಟ್ರಿಕ್ ಲಾಕ್ ಮಾಡಿ; mAadhaar ಆ್ಯಪ್‌ನಲ್ಲಿರುವ 'Biometrics Lock' ವೈಶಿಷ್ಟ್ಯವನ್ನು ಬಳಸಿ ನಿಮ್ಮ ಫಿಂಗರ್‌ಪ್ರಿಂಟ್ ಮತ್ತು ಐರಿಸ್ ಡೇಟಾವನ್ನು ಲಾಕ್ ಮಾಡಿ. ಇದರಿಂದ ನಿಮ್ಮ ಅನುಮತಿಯಿಲ್ಲದೆ ಯಾರೂ ಬಯೋಮೆಟ್ರಿಕ್ ಬಳಸಲಾಗುವುದಿಲ್ಲ.

ನಿಯಮಿತ ತಪಾಸಣ; ನಿಮ್ಮ ಆಧಾರ್ ದೃಢೀಕರಣ ಇತಿಹಾಸವನ್ನು ತಿಂಗಳಿಗೆ ಒಮ್ಮೆಯಾದರೂ ಪರಿಶೀಲಿಸುವ ಅಭ್ಯಾಸ ಮಾಡಿಕೊಳ್ಳಿ.

ಯಾವುದೇ ಸಂಸ್ಥೆ ಅಥವಾ ವ್ಯಕ್ತಿಗೆ ಆಧಾರ್ ಪ್ರತಿ ನೀಡುವಾಗ 'Masked Aadhaar'(ಇದರಲ್ಲಿ ಮೊದಲ 8 ಅಂಕೆಗಳು ಮರೆಯಾಗಿರುತ್ತವೆ) ಬಳಸುವುದು ಅತ್ಯಂತ ಸುರಕ್ಷಿತ. ಅಗತ್ಯವಿಲ್ಲದ ಸಮಯದಲ್ಲಿ ನಿಮ್ಮ ಬಯೋಮೆಟ್ರಿಕ್ ಮಾಹಿತಿಯನ್ನು ಯಾವಾಗಲೂ ಲಾಕ್ ಮಾಡಿಡಿ. ಅಗತ್ಯ ಬಿದ್ದಾಗ ಆ್ಯಪ್ ಮೂಲಕವೇ ಕೆಲವೇ ಸೆಕೆಂಡುಗಳಲ್ಲಿ ಅನ್‌ಲಾಕ್ ಮಾಡಿಕೊಳ್ಳಬಹುದು. ಜಾಗರೂಕರಾಗಿರಿ, ನಿಮ್ಮ ಡಿಜಿಟಲ್ ಗುರುತನ್ನು ಸುರಕ್ಷಿತವಾಗಿರಿಸಿಕೊಳ್ಳಿ.

ಲೋನ್ ಸೆಟಲ್‌ಮೆಂಟ್‌ ಅಂದರೇನು? ಬ್ಯಾಂಕ್‌ಗಳು ದೊಡ್ಡ ಮೊತ್ತದ ಸಾಲಕ್ಕೆ ಸಣ್ಣ ಮೊತ್ತ ಪಡೆದು ಕೈತೊಳೆಯಲು ಒಪ್ಪುವುದೇಕೆ?

Ganesh Mabla Gowda — Sun, 30 Aug 2026 08:12:19 +0530

ಇತ್ತೀಚೆಗೆ ಎಸ್ಸೆಲ್ ಗ್ರೂಪ್‌ ಅಧ್ಯಕ್ಷ ಸುಭಾಷ್ ಚಂದ್ರ ಅವರ ವೈಯಕ್ತಿಕ ದಿವಾಳಿತನ ಪ್ರಕರಣದಲ್ಲಿ ಅವರು ಕೇವಲ 6.5 ಕೋಟಿ ರೂ. ಪಾವತಿಸಬೇಕಾಗಿ ಬಂದಿದೆ. ಬ್ಯಾಂಕ್‌ಗಳು ಹಾಗೂ ಇತರ ಹಣಕಾಸು ಸಂಸ್ಥೆಗಳು ಹೂಡಿದ್ದ ಒಟ್ಟು ಸಾಲ ವಸೂಲಾತಿ ಕ್ಲೈಮ್ ಬರೋಬ್ಬರಿ 22,006.57 ಕೋಟಿ ರೂ. ಆಗಿತ್ತು! ಇನ್‌ಸಾಲ್ವೆನ್ಸಿ ಆಂಡ್ ಬ್ಯಾಂಕ್ರಪ್ಟ್ಸಿ ಕೋಡ್ (IBC) ಅಡಿಯಲ್ಲಿ ಸಾಲಗಾರರ ರೀಪೇಮೆಂಟ್ ಪ್ಲಾನ್‌ಗೆ ಸಿಕ್ಕಿರುವ ಈ ಒಪ್ಪಿಗೆ ದೊಡ್ಡ ಚರ್ಚೆಗೆ ಕಾರಣವಾಗಿದೆ.

ಅಷ್ಟಕ್ಕೂ ಕಾನೂನುಬದ್ಧವಾಗಿ ಸಾವಿರಾರು ಕೋಟಿ ರೂ. ಬಾಕಿ ಇರುವಾಗ ಬ್ಯಾಂಕ್‌ಗಳು ಕೇವಲ ಇಷ್ಟು ಸಣ್ಣ ಮೊತ್ತ ಪಡೆದು ಸೆಟಲ್‌ಮೆಂಟ್‌ ಒಪ್ಪಿಕೊಳ್ಳುವುದೇಕೆ? ಇದರ ಹಿಂದಿನ ಬ್ಯಾಂಕಿಂಗ್ ರಹಸ್ಯ ಇಲ್ಲಿದೆ.

ಏನಿದು ಲೋನ್ ಸೆಟಲ್‌ಮೆಂಟ್‌?

ಸಾಲಗಾರನು ಪಡೆದ ಒಟ್ಟು ಸಾಲದ ಮೊತ್ತಕ್ಕಿಂತ ಕಡಿಮೆ ಮೊತ್ತವನ್ನು ಪಡೆದು ಸಾಲದ ಖಾತೆಯನ್ನು ಮುಚ್ಚಲು ಬ್ಯಾಂಕ್ ಅಥವಾ ಹಣಕಾಸು ಸಂಸ್ಥೆಯು ಒಪ್ಪಿಕೊಳ್ಳುವ ಒಪ್ಪಂದಕ್ಕೆ 'ಲೋನ್ ಸೆಟಲ್‌ಮೆಂಟ್‌' ಎನ್ನಲಾಗುತ್ತದೆ. ಇದನ್ನು ಸಾಮಾನ್ಯವಾಗಿ 'ಒನ್-ಟೈಮ್ ಸೆಟಲ್‌ಮೆಂಟ್‌' (One-Time Settlement) ಎಂದೂ ಕರೆಯಲಾಗುತ್ತದೆ. ಸಾಲಗಾರನು ತೀವ್ರ ಆರ್ಥಿಕ ಸಂಕಷ್ಟದಲ್ಲಿದ್ದು ಸಂಪೂರ್ಣ ಸಾಲ ಮರುಪಾವತಿಸಲು ಸಾಧ್ಯವಾಗದಿದ್ದಾಗ ಬ್ಯಾಂಕ್ ಅಸಲು ಅಥವಾ ಬಡ್ಡಿಯ ಒಂದಿಷ್ಟು ಭಾಗವನ್ನು ಮನ್ನಾ ಮಾಡಲು ಒಪ್ಪಿಕೊಳ್ಳುತ್ತದೆ.

ಕಡಿಮೆ ಮೊತ್ತಕ್ಕೆ ಒಪ್ಪಿಕೊಳ್ಳುವುದೇಕೆ?

ಮೇಲ್ನೋಟಕ್ಕೆ ಸಾಲದ ಸಣ್ಣ ಭಾಗವನ್ನು ಮಾತ್ರ ಒಪ್ಪಿಕೊಳ್ಳುವುದು ಬ್ಯಾಂಕ್‌ಗೆ ನೇರ ನಷ್ಟದಂತೆ ಕಾಣಿಸಬಹುದು. ಆದರೆ ಪ್ರಾಯೋಗಿಕವಾಗಿ ಬ್ಯಾಂಕ್‌ಗಳು ಈ ಕೆಳಗಿನ ಕಾರಣಗಳಿಗಾಗಿ ಒಪ್ಪಿಕೊಳ್ಳುತ್ತವೆ.

ಎನ್‌ಪಿಎ (NPA) ಅಪಾಯ: ಸಾಲಗಾರನು ಸತತ 90 ದಿನಗಳ ಕಾಲ ಸಾಲದ ಕಂತನ್ನು ಪಾವತಿಸದಿದ್ದರೆ ಅಂತಹ ಸಾಲವನ್ನು ಬ್ಯಾಂಕಿಂಗ್ ನಿಯಮಗಳ ಪ್ರಕಾರ 'ನಾನ್-ಪರ್ಫಾರ್ಮಿಂಗ್ ಅಸೆಟ್' (NPA) ಅಥವಾ ವಸೂಲಾಗದ ಸಾಲ ಎಂದು ವರ್ಗೀಕರಿಸಲಾಗುತ್ತದೆ. ವರ್ಷಗಟ್ಟಲೆ ಈ ನಷ್ಟದ ಸಾಲದ ಹಿಂದೆ ಬೀಳುವ ಬದಲು ಸಿಕ್ಕಷ್ಟು ಹಣ ಪಡೆದು ಸಾಲ ಮುಚ್ಚುವುದು ಉತ್ತಮ ಎಂದು ಬ್ಯಾಂಕ್‌ಗಳು ಯೋಚಿಸುತ್ತವೆ.
ಕಾನೂನು ವೆಚ್ಚ ಮತ್ತು ಸುದೀರ್ಘ ಪ್ರಕ್ರಿಯೆ: ಸಾಲ ವಸೂಲಾತಿ ಪ್ರಕ್ರಿಯೆಯಲ್ಲಿ ವಕೀಲರ ಶುಲ್ಕ, ಕೋರ್ಟ್ ಕೇಸ್, ನೋಟಿಸ್ ಮತ್ತು ವಸೂಲಾತಿ ಏಜೆನ್ಸಿಗಳಿಗಾಗಿ ಸಾಕಷ್ಟು ಹಣ ವ್ಯಯವಾಗುತ್ತದೆ. ಇದಕ್ಕೆ ವರ್ಷಗಟ್ಟಲೆ ಸಮಯ ಬೇಕಾಗುತ್ತದೆ. ಸೆಟಲ್‌ಮೆಂಟ್‌ ಮೂಲಕ ಹಣಕಾಸು ಸಂಸ್ಥೆಗಳು ತ್ವರಿತವಾಗಿ ಮತ್ತು ಖಚಿತವಾಗಿ ಒಂದಿಷ್ಟು ಹಣ ವಾಪಸ್ ಪಡೆಯಬಹುದು ಹಾಗೂ ಹೆಚ್ಚುವರಿ ಕಾನೂನು ವೆಚ್ಚಗಳನ್ನು ಉಳಿಸಬಹುದು.
ಬ್ಯಾಡ್ ಲೋನ್ ಕಡಿಮೆ ಮಾಡುವ ಒತ್ತಡ: ಬ್ಯಾಂಕ್‌ಗಳು ತಮ್ಮ ಸಾಲದ ಗುಣಮಟ್ಟವನ್ನು ಉತ್ತಮವಾಗಿಟ್ಟುಕೊಳ್ಳಬೇಕಾಗುತ್ತದೆ. ವಸೂಲಾಗದ ಸಾಲಗಳ ಹೊರೆಯನ್ನು ಕಡಿಮೆ ಮಾಡಲು ಮತ್ತು ದೀರ್ಘಕಾಲದಿಂದ ಬಾಕಿ ಉಳಿದಿರುವ ಪ್ರಕರಣಗಳನ್ನು ಇತ್ಯರ್ಥಗೊಳಿಸಲು ಬ್ಯಾಂಕ್‌ಗಳಿಗೆ ಆರ್‌ಬಿಐ ಅಥವಾ ಆಡಳಿತ ಮಂಡಳಿಯಿಂದ ಒತ್ತಡವಿರುತ್ತದೆ.
ಸಾಲಗಾರನ ನೈಜ ಆರ್ಥಿಕ ಸಂಕಷ್ಟ: ಉದ್ಯೋಗ ನಷ್ಟ, ವ್ಯಾಪಾರದಲ್ಲಿ ತೀವ್ರ ನಷ್ಟ ಅಥವಾ ಇತರ ಗಂಭೀರ ಆರ್ಥಿಕ ತೊಂದರೆಗಳಿಂದಾಗಿ ಸಾಲಗಾರನಿಗೆ ಪೂರ್ಣ ಹಣ ಪಾವತಿಸಲು ಸಾಧ್ಯವಾಗದೇ ಇರಬಹುದು. ಇಂತಹ ಸಂದರ್ಭದಲ್ಲಿ ಬ್ಯಾಂಕ್‌ಗಳು ಸ್ವಲ್ಪ ಹಣವನ್ನಾದರೂ ವಸೂಲಿ ಮಾಡಲು ಸೆಟಲ್‌ಮೆಂಟ್‌ ಅನ್ನು ಒಂದು ಪ್ರಾಯೋಗಿಕ ಮಾರ್ಗವೆಂದು ಪರಿಗಣಿಸುತ್ತವೆ.

ಸೆಟಲ್‌ಮೆಂಟ್‌ ನಂತರ ಸಾಲಗಾರನಿಗೆ ಏನಾಗುತ್ತದೆ?

ಲೋನ್ ಸೆಟಲ್‌ಮೆಂಟ್‌ ಸಾಲಗಾರನಿಗೆ ಸಾಲದ ಹೊರೆಯಿಂದ ತಕ್ಷಣದ ಮುಕ್ತಿ ನೀಡಬಹುದಾದರೂ ಭವಿಷ್ಯದ ಸಾಲದ ಹಾದಿಯ ಮೇಲೆ ಇದು ಗಂಭೀರ ಮತ್ತು ದೀರ್ಘಕಾಲದ ನೆಗೆಟಿವ್ ಪರಿಣಾಮ ಬೀರುತ್ತದೆ.

ಕ್ರೆಡಿಟ್ ಸ್ಕೋರ್ (CIBIL Score) ಕುಸಿತ: ಸೆಟಲ್‌ಮೆಂಟ್‌ ಮಾಡಿಕೊಂಡ ಸಾಲಗಾರನ ಕ್ರೆಡಿಟ್ ಪ್ರೊಫೈಲ್ ತೀವ್ರವಾಗಿ ಹಾಳಾಗುತ್ತದೆ

ವರದಿಯಲ್ಲಿ 'Settled' ಸ್ಟೇಟಸ್: ಕ್ರೆಡಿಟ್ ವರದಿಯಲ್ಲಿ ಸಾಲವನ್ನು 'ಪೂರ್ಣ ಪಾವತಿಸಲಾಗಿದೆ' (Closed/Paid-off) ಎಂದು ತೋರಿಸುವ ಬದಲು 'ಸೆಟಲ್ ಮಾಡಲಾಗಿದೆ' (Settled) ಎಂದು ನಮೂದಿಸಲಾಗುತ್ತದೆ. ಭವಿಷ್ಯದಲ್ಲಿ ಹೊಸ ಸಾಲ ನೀಡುವ ಬ್ಯಾಂಕ್‌ಗಳು ಇದನ್ನು ನೆಗೆಟಿವ್ ಆಗಿ ನೋಡುತ್ತವೆ.

ಹೊಸ ಸಾಲ ಪಡೆಯಲು ತೊಂದರೆ: ಮನೆ, ವಾಹನ ಅಥವಾ ವೈಯಕ್ತಿಕ ಸಾಲಕ್ಕಾಗಿ ಅರ್ಜಿ ಸಲ್ಲಿಸುವಾಗ ಬ್ಯಾಂಕ್‌ಗಳು ಇಂತಹ ಸಾಲಗಾರರನ್ನು ಹೆಚ್ಚಿನ ಅಪಾಯಕಾರಿ (High Risk) ಎಂದು ಪರಿಗಣಿಸಿ ಸಾಲ ನೀಡಲು ನಿರಾಕರಿಸುತ್ತವೆ.

ಹೆಚ್ಚಿನ ಬಡ್ಡಿ ದರ: ಒಂದು ವೇಳೆ ಭವಿಷ್ಯದಲ್ಲಿ ಸಾಲ ಸಿಕ್ಕಿದರೂ, ಅವರಿಗೆ ಅತ್ಯಂತ ಕಠಿಣ ಷರತ್ತುಗಳು ಮತ್ತು ಹೆಚ್ಚಿನ ಬಡ್ಡಿ ದರವನ್ನು ವಿಧಿಸಲಾಗುತ್ತದೆ.

ಕ್ರೆಡಿಟ್ ಕಾರ್ಡ್ ನಿರ್ಬಂಧಗಳು: ಹೊಸ ಕ್ರೆಡಿಟ್ ಕಾರ್ಡ್ ಪಡೆಯುವುದು ಅಥವಾ ಹಾಲಿ ಕ್ರೆಡಿಟ್ ಲಿಮಿಟ್ ಹೆಚ್ಚಿಸಿಕೊಳ್ಳುವುದು ಅತ್ಯಂತ ಕಷ್ಟವಾಗುತ್ತದೆ.

ಕೋ-ಬಾರೋವರ್ ಮತ್ತು ಗ್ಯಾರಂಟರ್ ಮೇಲೆ ಪ್ರಭಾವ: ಜಂಟಿ ಸಾಲಗಾರರು ಅಥವಾ ಸಾಲಕ್ಕೆ ಗ್ಯಾರಂಟಿ ನೀಡಿದವರ ಮೇಲೂ ಈ ಸೆಟಲ್‌ಮೆಂಟ್‌ ನೆಗೆಟಿವ್ ಪರಿಣಾಮ ಬೀರುತ್ತದೆ. ಅವರ ಸಿಬಿಲ್ ಸ್ಕೋರ್ ಕೂಡ ಕುಸಿಯುತ್ತದೆ.

ಲೋನ್ ಸೆಟಲ್‌ಮೆಂಟ್‌ ಕೇವಲ ತೀವ್ರ ಆರ್ಥಿಕ ಬಿಕ್ಕಟ್ಟಿನ ಸಮಯದಲ್ಲಿ ಬಳಸಬೇಕಾದ ಕೊನೆಯ ಅಸ್ತ್ರವೇ ಹೊರತು ಸಾಲದಿಂದ ತಪ್ಪಿಸಿಕೊಳ್ಳುವ ಸುಲಭ ಮಾರ್ಗವಲ್ಲ.

ನಾರಾಯಣ ಮೂರ್ತಿ ಕುಟುಂಬದಿಂದ ಹೊಸ ಶೇರು ಖರೀದಿ.. 5 ವರ್ಷದಲ್ಲಿ ಭಾರೀ ಲಾಭ, ಯಾವ ಕಂಪನಿ ಗೊತ್ತಾ?

Ganesh Mabla Gowda — Sun, 30 Aug 2026 20:14:46 +0530

ಬೆಂಗಳೂರು: ಷೇರು ಮಾರುಕಟ್ಟೆಯಲ್ಲಿ ದಿಗ್ಗಜ ಹೂಡಿಕೆದಾರರು ಯಾವ ಕಂಪನಿಯ ಮೇಲೆ ಹಣ ಹಾಕುತ್ತಾರೆ ಎಂಬುದು ಸದಾ ಕುತೂಹಲದ ವಿಷಯ. ಹಿರಿಯ ಉದ್ಯಮಿ ನಾರಾಯಣ ಮೂರ್ತಿ ಅವರ ಕುಟುಂಬದ ಒಡೆತನದ 'ಕ್ಯಾಟಮರನ್ ವೆಂಚರ್ಸ್' (ಭ) ಸೇರಿದಂತೆ ದೇಶಿ ಮತ್ತು ವಿದೇಶಿ ಹಣಕಾಸು ಸಂಸ್ಥೆಗಳು 'ಫೋಸೆಕೊ ಇಂಡಿಯಾ' (Foseco India) ಎಂಬ ಕೆಮಿಕಲ್ ಕಂಪನಿಯ ಷೇರುಗಳನ್ನು ಭಾರಿ ಪ್ರಮಾಣದಲ್ಲಿ ಖರೀದಿಸಿವೆ.

ಯಾರು ಎಷ್ಟು ಖರೀದಿ ಮಾಡಿದರು?

ಗುರುವಾರ ನಡೆದ 'ಬ್ಲಾಕ್ ಡೀಲ್' (Block Deal) ಮೂಲಕ ಈ ಖರೀದಿ ನಡೆದಿದೆ. ನಾರಾಯಣ ಮೂರ್ತಿ ಕುಟುಂಬ (Catamaran Ventures)ಸುಮಾರು 55,978 ಷೇರುಗಳನ್ನು ಖರೀದಿಸಿದೆ. ಒಂದು ಷೇರಿಗೆ ಸರಾಸರಿ ₹5,897 ಬೆಲೆ ನೀಡಲಾಗಿದೆ. ಎಲ್ಐಸಿ (LIC Mutual Fund), ಮೋರ್ಗನ್ ಸ್ಟಾನ್ಲಿ (Morgan Stanley), ಸಿಟಿ ಗ್ರೂಪ್ ಮತ್ತು ಮಿರೆ ಅಸೆಟ್‌ನಂತಹ ದೊಡ್ಡ ಸಂಸ್ಥೆಗಳೂ ಈ ಕಂಪನಿಯ ಷೇರುಗಳನ್ನು ತಮ್ಮ ಬುಟ್ಟಿಗೆ ಹಾಕಿಕೊಂಡಿವೆ.

ಯಾರು ಮಾರಾಟ ಮಾಡಿದರು?

ಒಂದೆಡೆ ಇವರೆಲ್ಲರೂ ಷೇರು ಖರೀದಿಸುತ್ತಿದ್ದರೆ, 'ಮೋರ್ಗನ್ ಟೆರಾಸೆನ್' ಎಂಬ ಸಂಸ್ಥೆಯು ಈ ಕಂಪನಿಯಿಂದ ಸಂಪೂರ್ಣವಾಗಿ ಹೊರಬಂದಿದೆ. ಸುಮಾರು ₹678.6 ಕೋಟಿ ಮೌಲ್ಯದ ಷೇರುಗಳನ್ನು ಈ ಸಂಸ್ಥೆ ಮಾರಾಟ ಮಾಡಿದೆ.

ಫೋಸೆಕೊ ಇಂಡಿಯಾ ಲಾಭ ಹೇಗಿದೆ?

ದೊಡ್ಡ ಹೂಡಿಕೆದಾರರು ಈ ಕಂಪನಿಯ ಮೇಲೆ ಯಾಕೆ ಹಣ ಹಾಕುತ್ತಿದ್ದಾರೆ ಎನ್ನುವುದಕ್ಕೆ ಅದರ ಇತ್ತೀಚಿನ ಲಾಭದ ವರದಿಯೇ ಉತ್ತರ. ಕಳೆದ ವರ್ಷ ₹42 ಕೋಟಿ ಇದ್ದ ಆದಾಯ, ಈ ಬಾರಿ ₹48 ಕೋಟಿಗೆ ಏರಿದೆ. ಕಂಪನಿಯ ನಿವ್ವಳ ಲಾಭ ಶೇ. 78ರಷ್ಟು ಹೆಚ್ಚಾಗಿದ್ದು, ₹10 ಕೋಟಿಗೆ ತಲುಪಿದೆ. ಅಂದರೆ ಕಂಪನಿಯು ಬಹಳ ವೇಗವಾಗಿ ಬೆಳೆಯುತ್ತಿದೆ. ಈ ಕೆಮಿಕಲ್ ಸ್ಟಾಕ್ ಕಳೆದ ಒಂದು ವಾರದಲ್ಲಿ ಶೇ. 18ರಷ್ಟು ಮತ್ತು ಒಂದು ತಿಂಗಳಲ್ಲಿ ಶೇ. 27ರಷ್ಟು ಏರಿಕೆ ಕಂಡಿದೆ. ಇನ್ನು ದೀರ್ಘಕಾಲದ ಹೂಡಿಕೆದಾರರ ಬಗ್ಗೆ ಹೇಳುವುದಾದರೆ, ಕಳೆದ 5 ವರ್ಷಗಳಲ್ಲಿ ಈ ಷೇರು ಶೇ. 324 ರಷ್ಟು ಲಾಭ ನೀಡಿದೆ. ಅಂದರೆ 5 ವರ್ಷದ ಹಿಂದೆ ಹೂಡಿಕೆ ಮಾಡಿದ ಹಣ ಈಗ ಮೂರು ಪಟ್ಟಿಗೂ ಅಧಿಕವಾಗಿದೆ!

ನಾಳೆಯಿಂದ ಬದಲಾಗಲಿವೆ ಐದು ನಿಯಮಗಳು.. ಜೇಬಿಗೆ ಕತ್ತರಿ ಗ್ಯಾರಂಟಿ.. ಇಂದೇ ಈ ಕೆಲಸ ಮುಗಿಸಿ!

Ganesh Mabla Gowda — Mon, 31 Aug 2026 07:54:26 +0530

ಪ್ರತಿ ತಿಂಗಳ ಆರಂಭದಲ್ಲಿ ಕೆಲವು ಹೊಸ ನಿಯಮಗಳು ಜಾರಿಗೆ ಬರುತ್ತವೆ. ಹಾಗೆಯೇ ಸೆಪ್ಟೆಂಬರ್ 1ರಿಂದ ಕೂಡ ನಿಮ್ಮ ಹಣಕಾಸು ವ್ಯವಹಾರ, ಗ್ಯಾಸ್ ಸಿಲಿಂಡರ್ ಬೆಲೆ ಮತ್ತು ಬ್ಯಾಂಕಿಂಗ್ ನಿಯಮಗಳಲ್ಲಿ ಮಹತ್ವದ ಬದಲಾವಣೆಗಳಾಗಲಿವೆ. ನೀವು ಹಣ ಕಳೆದುಕೊಳ್ಳಬಾರದು ಎಂದರೆ ಇಂದೇ (ಆಗಸ್ಟ್ 31) ಈ ಕೆಲಸಗಳನ್ನು ಮುಗಿಸಿಕೊಳ್ಳುವುದು ಒಳ್ಳೆಯದು.

1. ಆದಾಯ ತೆರಿಗೆ ಸಲ್ಲಿಕೆಗೆ (ITR) ಕೊನೆಯ ಅವಕಾಶ

ನೀವು ಉದ್ಯಮಿಯಾಗಿದ್ದು, ನಿಮ್ಮ ಲೆಕ್ಕಪರಿಶೋಧನೆ (Audit) ಅಗತ್ಯವಿಲ್ಲದಿದ್ದರೆ, ಇನ್ಕಮ್ ಟ್ಯಾಕ್ಸ್ ರಿಟರ್ನ್ ಸಲ್ಲಿಸಲು ಆಗಸ್ಟ್ 31 ಕೊನೆಯ ದಿನ. ಒಂದು ವೇಳೆ ನೀವು ಇಂದೇ ಇದನ್ನು ಸಲ್ಲಿಸದಿದ್ದರೆ, ಸೆಪ್ಟೆಂಬರ್ 1ರಿಂದ ನೀವು ದಂಡ ತೆರಬೇಕಾಗುತ್ತದೆ. 5 ಲಕ್ಷಕ್ಕಿಂತ ಕಡಿಮೆ ಆದಾಯವಿದ್ದರೆ ₹1,000 ಮತ್ತು ಅದಕ್ಕಿಂತ ಹೆಚ್ಚಿದ್ದರೆ ₹5,000 ವರೆಗೆ ದಂಡ ಬೀಳಬಹುದು.

2. ಗ್ಯಾಸ್ ಸಿಲಿಂಡರ್ ಕೆವೈಸಿ (e-KYC) ಮರೆಯಬೇಡಿ

ಗ್ಯಾಸ್ ಸಿಲಿಂಡರ್ ಗ್ರಾಹಕರು ಆಧಾರ್ ಮೂಲಕ ಬಯೋಮೆಟ್ರಿಕ್ ಕೆವೈಸಿ ಮಾಡಿಸಲು ಆಗಸ್ಟ್ 31 ಕೊನೆಯ ದಿನವಾಗಿದೆ. ನೀವು ಇದನ್ನು ಮಾಡದಿದ್ದರೆ ಭವಿಷ್ಯದಲ್ಲಿ ಗ್ಯಾಸ್ ಸಿಲಿಂಡರ್ ಪಡೆಯಲು ಅಥವಾ ಸಬ್ಸಿಡಿ ಪಡೆಯಲು ತೊಂದರೆಯಾಗಬಹುದು. ಕೂಡಲೇ ನಿಮ್ಮ ಗ್ಯಾಸ್ ಏಜೆನ್ಸಿಗೆ ಭೇಟಿ ನೀಡಿ ಈ ಕೆಲಸ ಮುಗಿಸಿ.

3. ಸಿಲಿಂಡರ್ ಬೆಲೆ ಬದಲಾವಣೆ

ಪ್ರತಿ ತಿಂಗಳ 1ನೇ ತಾರೀಖಿನಂದು ತೈಲ ಕಂಪನಿಗಳು ಗ್ಯಾಸ್ ಸಿಲಿಂಡರ್ ಬೆಲೆಯನ್ನು ಪರಿಷ್ಕರಿಸುತ್ತವೆ. ಸೆಪ್ಟೆಂಬರ್ 1ರಂದು ಕೂಡ ಬೆಲೆ ಏರಿಕೆಯಾಗುತ್ತದೆಯೇ ಅಥವಾ ಇಳಿಕೆಯಾಗುತ್ತದೆಯೇ ಎಂಬುದು ತಿಳಿಯಲಿದೆ. ಇದರ ಜೊತೆಗೆ ವಿಮಾನ ಇಂಧನ (ATF) ಬೆಲೆಯೂ ಬದಲಾಗಲಿದ್ದು, ಇದರಿಂದ ವಿಮಾನ ಟಿಕೆಟ್ ದರಗಳ ಮೇಲೆ ಪರಿಣಾಮ ಬೀರಬಹುದು.

4. ಬ್ಯಾಂಕಿಂಗ್ ಮತ್ತು ಎಟಿಎಂ ಶುಲ್ಕ

ಸೆಪ್ಟೆಂಬರ್ 1ರಿಂದ ಕೆಲವು ಬ್ಯಾಂಕುಗಳು ತಮ್ಮ ಸರ್ವಿಸ್ ಚಾರ್ಜ್ ಅಥವಾ ಎಟಿಎಂನಿಂದ ಹಣ ತೆಗೆಯುವ ಶುಲ್ಕಗಳನ್ನು ಬದಲಿಸಬಹುದು. ಹೀಗಾಗಿ ನಿಮ್ಮ ಬ್ಯಾಂಕ್ ಯಾವುದೇ ಹೊಸ ನಿಯಮ ಜಾರಿಗೆ ತಂದಿದೆಯೇ ಎಂಬುದನ್ನು ಪರಿಶೀಲಿಸಿಕೊಳ್ಳಿ.

5. ಎಫ್‌ಡಿ (FD) ನಿಯಮಗಳಲ್ಲಿ ಬದಲಾವಣೆ

ಬ್ಯಾಂಕ್‌ಗಳಲ್ಲಿ ಫಿಕ್ಸೆಡ್ ಡೆಪಾಸಿಟ್ ಇಡುವವರಿಗೆ ಒಂದು ಸಣ್ಣ ಮಾಹಿತಿ. ಆರ್‌ಬಿಐ (RBI) ಹೊಸ ನಿಯಮದ ಪ್ರಕಾರ ಅಕ್ಟೋಬರ್ 1ರಿಂದ 3 ಕೋಟಿಗಿಂತ ಹೆಚ್ಚಿನ ಡೆಪಾಸಿಟ್‌ಗಳಿಗೆ ಹೊಸ ಬಡ್ಡಿ ದರ ಜಾರಿಯಾಗಲಿದೆ. ಆದರೆ ಇದು ಕೇವಲ ದೊಡ್ಡ ಹೂಡಿಕೆದಾರರಿಗೆ ಮಾತ್ರ ಅನ್ವಯ, ಸಾಮಾನ್ಯ ಜನರಿಗೆ ಇದರಿಂದ ಯಾವುದೇ ತೊಂದರೆಯಿಲ್ಲ.